مشعل ما سمع كلامها ودش وحصل اخته عيونها مورمه من الصياح ووجها منتفخ وضغط على ايده بقو : اراويك يا خالد كل دمعه نزلتها من عين اختي بخلي اختك روضه تبكي بدالها دم صبرك علي بس اراويك وراح صوبها
مشعل وهو يحضنها : ميثوه غناتي كافي دموع انتي تستاهلين واحد احسن من خالد
ميثا بضيج : شو اسوي يا مشعل بس انا مابا احد غير خالد .. اول ما فتحت عيوني جان اول شاب اشوفه هو خالد .. والله حبيته غصبا علي مش بكيفي والحين خسرته حاسه نفسي بموت
مشعل : ان شاءالله يومه قبل يومج .. لا تقولين جذا انتي انسانه قويه وما تعودت اشوفج ضعيفه شدي حيلج عاد
ميثا وهي ترتمي فحضنه : مشعل انته لازم تساعدني لازم
مشعل يقاطعها : اذا تبيني انتقم منه انا جاهز من الحين والله لاوريه النجوم في عز الظهر
ميثا بتوتر لا مشعل انا ما قصدي جذا .. انا اباك تخلا خالد يرجعلي ويحبني
مشعل بتوتر : انتي من صدقج عقب كل اللي سواه فيج وانه يشوفج وحده ما تسوين وفوق هذا تبيه يرجعلج
ميثا بضيج وهي منهاره : افهمني يا مشعل قتلك غصبا علي .. والله احبه احبه احبه وتمت تكفخ نفسها
مشعل وهو يمسك ايدينها : ميثا بس كافي .. لا تسوين بنفسج جذا .. حالد ما يستاهل كل هذا
ميثا وهي تيلس ع الارض:بالنسبه لي انا يستاهل.. خالد كل شي حلو فحياتي صعب اعيش من غيره وايد صعب افهمني
مشعل بعصبيه : ميثا انتي ليش مرخصه بكرامتج هالكثر .. المثل يقول اللي باعك بيعه .. انتي لازم تنسيه
ميثا بعصبيه:و تتحرى نسيانه شي سهل .. انته لو جربت الحب كنت بتفهم مشاعري ولا بتلومني وتحملني فوق طاقتي
مشعل يقاطعها وبعصبيه : اي حب هذا اللي يخليج تركضين وراء واحد ما يباج .. شغلي مخج وانسي عواطفج
ميثا بضيج وهي اتصارخ : مشعل اطلع برع مابا اشوف احد خلوني في حالي اطلع برع
مشعل صكها بكف خلها تطيح ع الارض : سمعي يا ميثا اذا ما نسيتي خالد بالطيب انا بنسيج بالغصب ..
ميثا بعصبيه : خوز عني انته مالك شغل .. هذي حياتي وهذي عواطفي .. وعاد انا بكيفي احب بكيفي وانسى بكيفي
مشعل وهو يشدها من شعرها : شوفي ميثاء انا ما احب اعيد كلامي واللي قلته يمشي على طول ويتنفذ بعد على طول
ميثا وهي تحاول تبطل ايده : انته هذا اللي فالح فيه تفرض قوتك بس ع الحريم
مشعل وهو يشدها ويحط وجها فوجهه : اشو قصدج من هالرمسه
ميثا بخوف : ما قصدي شي .. خلني برووووووووووووووحي .. وبدت اتصارخ وتزقر امها
ام مشعل بخوف : اشو اللي مستوي هنيه مشعل بلاك شاد شعر اختك بهالشكل .. خاف الله مو على ساس طالع تواسيها
مشعل وهو يطنش امه : اذا تقصدين سالفة الدم اللي جان ع الباب .. انا للحين ما عرفت من وراه ولي عرفته ساعتها
ميثا بخوف وهي اتصكر اذونها بايدينها : مابا اسمع شي .. مشعل انته صاير وايد تخوف مش مشعل اللي جان يحبني ويدلعني ولا عمره عصب علي .. الحين كل شي صار عادي بالنسبه لك .. وطول الوقت تضربني
مشعل وهو يقرب شفايفه على اذونها وبصوت واطئ: زين عرفتي هالشي .. المره الثاينه ثمني كلامج .. ولا تقولين كلام انتي مش قده اوكي يا حلوه .. بعدج ما عرفتيني عدل مشعل الاولي مات خلاص وشاف امه وطلع عنهم برع
ميثا على طول سارت وحضنت امها : امايه الله يخليج لا تخليني بروحي معاه..مشعل صار يخوف .. اخاف فيوم يذبحني
ام مشعل وهي تبوس راسها وتفكر بمشعل :فعلا تصرفات مشعل هالايام تخوف..خصوصا سالفة الدم اللي جان ع الباب