[ الفصـــــل الثــامـن عشــر ]




{ ~×:

اح’ـيـَــانْ اشوف الخفوقّ يح’ـب مــايكّره ..

[ وَ ]

اح’ـيـَــانْ اشوف الجفَـا يطْغىَ عـ/ـلى صبّـره ..

:×~ }




دخل وهو للحين يغني ..

وسمع وحده شهقت ..
وَ التفت لها ..
فهد وهو يمد عليها :"إنتــي .."
هنادي إللي تلخبطت وتحاول تتظاهر بـ شكل عادي :" لا اختك .."
فهد يسوي نفسه يضحك ويحط إيده على بطنه :"ههههــآي دمك خفيف ( قال بمرح ويثقل صوته ) ويـن القهوه يا بنت الأجـاويد .؟"
هنـادي :" وأنـا وش يدريني يابن الأجواد .."
فهد:"ههه تستهبلين إنتـي ووجهك ، اقوول وين الخدامه إللي احسن منك عشـان تعطيني القهوه ..؟"
انقهرت منه ، وماردت عليه وراحت ..
فهد:"صدق مجنونه ( عـلّى صوته ) يــا ناني ويــن القهــوه ..؟"












دخلـت الفله وهي منقهره من فهـد إللي يعتبرها اخته الصغيـره ..
ولآهو حـاس بـاللي تحس فيه اتجاهه ..
دآيـم تنكر هـالشي ،، بـس في الحقيقه هي " تحس " إنها حبته أو بـالأصح تعشقه ..
بـس وين يكتمل حبهـا دامهـا تشوف اسلوبه معاها كـأنه يتكلم مع اخته مو بنت عمـه ..
أنـا غبيه وبظـل غبيه إلـى آخر يوم في عمري .. هو مـا عاملني كـذا إلا لأنه شاف هالمعامله مني ..
:"هنــاادي وش فيــك .؟"
هنـادي نـاظرت في رحيل إللي تناظرهـا بخوف :" هاه ،، لا مــا فيني شي .. ليه ؟ "
رحيل وهي تناظرها بشك وتحس إن فيها شي :" لابس حسيـت إن فيك شـي ."
هنادي:" وين البنـات .؟"
رحيل :"بـالصـاله .."
هنادي:"وهذولا متى يحسون ويخلونـا نتمشى بالمزرعه .؟"
رحيل:"هههههههههه إذا تبينـا نطـلع نتمشى ، على امرك نتطلع ، كم هنوده عندنـا ..؟"
هنادي بتكبر مصطنـع وهي ترفع راسها على فوق :" وحـده .."
:"وحده والله يعينـا عليهـا .."
لفت هنادي وشـافت كيـان:"يمه ، وش جـابك ..؟"
كيـان ببـراءه واضحه وهي تنـاظر رجلينها:"رجولــــي .."
هنادي بجديه مصطنعه :" بـاالله .."
كيان :"والله ."
هنادي وهي تناظر رحيل:" مصدقه عمرها ههههههههههههه .."
رحيل:"هههههههههههههه "
ناظرتهم كيـان وهي تتوعد فيهـم .. ولفت ..
رحيل:"كيـان ."
كيان لفت عليها :"هـلا ."
رحيل:"وين بتروحين .؟ ، ترى بنطـلع نتمشـى في المزرعه .."
كيـان بعد ثواني نطت فرحانه :"صـــدق !"
استغربوا فرحتها ..
رحيل:"إيه .."
لفت:"أجل بروح انـادي البنــات .."












» // عند الحــريم ..


كـانوا يسولفـون الحريم وهي جـالسه وتناظر فيهم ويتكلمون عن ملكـة متعب إللـي قربت ...
ونـاظرت بـ أم طـلال يوم قالت :" الا إنتـي يـا أم رائد مانويتي تخطبين لـ رائد ؟ ، سمعت إنك بتخطبين له ."
ام رائد:" إلا نويت ، وقريب إنشـاء الله بتسمعون عن خطبته .."
ام خالد:" ومن هي سعيدة الحظ إللي بتخطبينها له ..؟"
ام رائد وهي تنـاظرهم بتكبر كـ عادتها:"قريب بتعرفونهــا .."
وبعد جملتهـا نـاظرت أم رائد بتحدي في اسيل إللي انقهرت من امهـا وشكلهـا تبي تنفذ إللي بـراسهـا ..
وقفـت اسيـل وطلعت من الصـاله إللي جـالسين فيهـا الحريم ..
وتوهـا بتطلع فـوق ..
إلا وتشوف رحيل بوجهها إللي قالت بـأبتسامتها المشرقه :" اسيـل وين رايحه .؟"
اسيل وهي عاقده حواجبهـا:" بروح ارتـاح ،، تعبـانه شووي .."
رحيل:" يعني مو طـالعه معنــا نتمشى بالمزرعه ..؟"
اسيل:"لا الحين مـا أقدر ، بروح ارتـاح ، ومتى ما حسيت إني ارتحت جيت لكم .."
رحيل :" اوكي على راحتـك .."
ولفت رحيل وراحت من جهه ،، ولفت آسيل وراحت من جهه ثــانيه ..















يمشـى بين الأشجـار ،، وهو حـاس بشي هو مـا اعترف فيه ..
ومـا يدري متى يعترف بـهالشي ..
نـاظر بـالمزرعه الكبيره ،، وكبيره حيــل ..
ابتسم وهو يرفع راسه للسمــاء السمـاويه ، المنتشره فيهـا اجـزاء من الغيوم الكثيفه ..
تنهـد .. ونزل راسه ..
والتفت طـلال للـجهه الثــانيه ،، وشــاف الشبـاب إللي كـانوا واقفين بعييد شوي ..
عند ارض خضـراء منـاسبه لـ اللعبه اللي يلعبونها ..
كـانوا يلعبون كوره ،، وكـان هو عندهم بس انسحب ..
يحب يجلـس مع نفسه بعض الأوقـات ..
صـار يمشـي و صـار يفكر..
وأفكـاره ما كـانت على شي معيـن لآ .
كـانت على اشيـاء كثير يحس إن التفكير فيها مالها داعي ..
بس هو كذا ..
تفكيره مشتتّ ،،
وصـل لعندهم ووقف وهو ينـاظر بـ عبدالله إللي لعبه كله غش في غش ..
ابتسم على اخوه إللي ما يعرف يعيش بدون غش ..
مـاكان هذا طبع في عبدالله .. لا ..
كان يحب يسوي كذا بس عشـان يسوي هوشه بينهم ,, وهذا كله يسويه عبدالله من بـاب المزح فقــط .
طـلال بصوت عالي حتى يسمعه عبدالله:" يــــاا عبدالله .."
نـاظره عبدالله وقـال:" يـــــالبيه ..!"
طـلال ابتسم :"بسك غش .."
عبدالله طلع عيونه ونـاظر حوله يشوف فيه احد يشوفهم ورجع نظره لـ أخوه :" طلوول تلايط لاحد يسمعك .."
طلال ضحك وهز راسه ..
ونـاظر بـالشبـاب البـاقين شـاف رائد إللي ينـاظره وابتسم وهو يرفع حاجب دليل على إنه سمع الكلام إللي من شوي ..
وضحك طـلال بصوت عـالي ..
نـاظر رائد في عبدالله وصـار يركض إلى ما اخذ الكوره إللي كـان عبدالله نـاوي يسجل هدف على فريق رائد ..
وصـار يركـض رائد إلى ان وصل لـ قول عبدالله وَ هيف وَ فهد وَ طلال .
وشـات الكوره بقوه ودخلت بشبك القول ..
وصرخوا الشباب إللي في فريق رائد إللي هم سلطان وَ خالد وَ متعب إللي كـان لعبه مو لذاك الزود ..ولاعب معاهم بس عشان خالد إللي نشب له ..
خالد وهو يعلي صوته :" 3 - 1 ههههههههههه "
فهد وهو يناظرهم بقهر :" هين بدال هالواحد إللي مستصغرينه بيجي بداله عشر .."
















البنـات كـانوا يمشون يبون مكـان عشـان يجلسون فيه ..
ليان:"يعني لازم نجلس ..؟ موب لازم خلونا نتمشى بالمزرعه .."
هند:"اي والله ،، طيب وين نروح .."
كيـان قالت وهي تنـاظر بـ رحيل وَ هنادي :"وش رايكم نروح لـ الحمام السباحه .."
رحيل:" لا اخاف الشبـاب هناك .."
كيان:" يا غبيه ، الشبـاب ( وهي تمد على المكـان البعيد إللي الشباب فيه ) هناك يلعبون كوره ، يعني مـاراح يجون .."
هنادي:"اي والله ، خلاص مشينـا . "
مشـوا البنـات وكيـان بتطير من الفرحه ..
رحيل وهي توقف وتمسك رجولها :"اففف تعبت .."
وقفت كيان ونـاظرتها :" الله يقطع تعبك ، خلاص هذاك الحمام ، صرنا قريبين .."
مشت رحيل وهي تنفث من التعب ..
نـاظرت كيـان بالشمس إللي تعلن غروبها ، وطـالع شكلها خيـال مع الغيوم إللي تحول لونها برتقـالي من تأثير نور الشمس ..
وصلـوا لـ حمام السبـاحه ..
وفتـحوا النـور ..
هند :" هاا وهذا احنا جينا وش نسوي ، نسبح مثـلاً ..؟"
كيان :" ياليت .."
ليان :" لا ، من جد تتكلمين إنتـي .؟ يعني لو احد من الشباب جـا لـهنا وش بيكون موقفنا ؟"
هند :" لا والمشكله إن احنا ما جبنا مـلابس معنا ،،، ولو جايبين كـان صح سبحنا .."
هنـادي وهي تتجه لـ البركه ( الحمام السباحه ) إللي مليـانه مويه :" طيب وحده منكم تروح وتجيب لنـا .."
رحيل:" لا تعب ، وبعدين ما نبي نسبح .."
هنادي وهي تناظر بالمويه وتدخل اطراف اصابيعها :" ههههههه رحيل بالله تعالي شوفي شلون المويه بارده .."
مشت رحيل ومسكت إيد هنـادي ونزلت نعالها ( عزكم الله ) ودخلت اطراف رجليها :" انتبهي لا نطيح داخل المسبح ، وش اللي عاد بيطلعنا هههههههههه عاد انا فاشله ما اعرف اسبح ( صرخت بصوت واطي ) يااااي يا برد المويه "
نـاظرت كيان في ليان وَ هند وابتسمت بخبث وهي ترفع حاجب ..
فهموها هند وَ ليان وهزوا روسهم بـ " إيـه " ..
وهم حاطين إيدينهم على فمهم عشان ما يضحكون على منظر هنادي وَ رحيل إللي على نياتهم وشلون يسولفون ومو دارين عن خطة كيان ..
مشـت كيـان على اطراف اصابيع رجلينها ووقفت قريب منهم ..
هنادي:"رحيل لو احذفك بالمويه البارده هذي وش بتسوين فيني ..؟"
قبل لا تتكلم رحيل دزتهم كيان بخفه ، وطـاحوا بالمويه وهم يصـارخون وانقطع صراخهم يوم دخلوا بالمويه ..
كيان:"ههههههههههههه تستــاهلوون ، أنــا فيني حره من اليوم ههههههههه وبردتها .."
التفتت على ليان وَ هند إللي يضحكون ..
كيان :" تبون تجربون إللي جربوه ..؟"
ليان وَ هند :" لاااااااااا !! "
ركضوا وهم يشوفون كيان اللي قربت منهم .. وطلعوا ..
التفتت كيان على هنادي وَ رحيل إللي طلعوا روسهم وهم يشـاهقون وما فهمت منهم شي ..
هنادي :"هين يا كيــان اروووويك !"
طلعت كيـان وهي تركض وهي عارفه هنادي زين ..
قالت رحيل :" يمممممه ،، هنادي طلعيني اماانه ما اعرف اسبح .."
هنادي وهي تتقدم عشان تطلع :" أول شي اطلع انا ، بعدين اطلعك .."
طلعت هنادي من المسبح .. وباقي رحيل اللي نص راسها طالع ..
هنادي :"هههههههه شكلك يضحك يا رحوول .."
رحيل وهي ترفع راسها وتحاول تطلعه ،، وتاخذ نفس :"هنـادي طلعيني بموووت ."
هنادي وهي تعتدل بوقفتها :"انا بنت ابووي ."
كـانت رحيل بعيده ، وتلفتت هنادي يمين شـمال و شافت عصـايتين لونهم زرقـاء كـانت في الزاويه حاطينها منظر ..
ركضت لها واخذتها بسرعه وراحت عند رحيل :" رحيييييل امسكيها وانا بسحبك .."
مسكتها رحيل بسرعه ، وسحبتها هنادي بخفه لأنها بالمويه وصـارت خفيفه..
وطلعت السلم ووصلت لفوق ، وجلست بتعب ..
ومـلابسهم كانت مبلوله ..
رحيل:"الحين شلون نطلع بـ ملابسنا المبلله هذي .."
هنادي وهي تلف :" انا بطلع واروي كيانووه شغلها .."
رحيل وهي تعلي صوتها :" هنااااادي وين تروحين ، يا هنــادي ، هنااادي ( علّت صوتها اكثر وهي تشوف هنادي تطلع ) هنـادي امــانه تعالي انا خااايفه ، هنــــــــادي !"
سكتت وهي حـاسه إن العبره بتخنقها من القهر وَ الخوف ، لأن الليل وقته دنى ..
وصـارت المزرعه بعضها مظلم ،، وَ بعضهــا منور ..
نزلت دموعهـا بخوف وهي ترجف من البرد إللي لعب في عضامها ..
ووقفت ، تبي تطلع بـس برى ظـلام .. وهي خـايفه .
وتبي تجلس تخـاف لآ أحد يجي من الشبــاب وقتهــا وش بيكون موقفهـا ..؟
مشت ووصلت لـ الباب وشـافت الظـلام غـالب على الجو الهاديء المخوف ..
نـاظرت حولها ما كـان فيه احد حولها ..
ونـاظرت لـ بعيد وشـافت نور الفله ســاطع ..
مسحت دموعهـا بيد ترجف من البرد أو بـالأصح من الخـوف ..
قوّت روحهــا .. وركضــت ..
وهي تحـاول إنهـا ما تتلفت أو تفكر في تفكير يخوفها ..
ركضت ، وفضتّ طاقتها كلها بـالركض ..
لكـنها صدمت بجسم خلاها تشهق ..
شهقة عبرتها وَ شهقة خوفهــا منْ صـاحب الجسم هذا ..
لكنها ضمته لمـا استنشقت ريحة عطـره ..
















بعد مـا طلعت من حمـام السبـاحه وصـارت تركض ..
إلـى ان وصلت للفله ..
ودخلت وهي ثايره من العصبيه ..
دخلت الصـاله وشـافت الحريم .. إللـي التفتوا لها وينـاظرونها ..
هنادي وهي تنقل نظرها بين الحريم:" وين كيــان الحيوانه ..؟"
التفت كيان بسرعه لـ هنادي اللي معاها عصـا [ خيزرانه ] وشهقت ..
فزت كيان من مكـانها تقولون مقروصه ، وركضت و جلست ورا ام طلال وقالت:" زبنتــك ياخالتي ، اكفيني شر بنتك .."
ركضت هنادي لها وهي تقول :"انا اليوم مرويتك شغلك يعني مرويتك شغلك .."
ام طلال وهي تمد يدها لبنتها عشان ما تقرب :" ليه وش مسويه هي ..؟"
هنادي وهي تمد على ملابسها :" وملابسي هذي ما تشوفونها متبلله ( كملت وهي تهز الخيزرانه ) انا اليوم بمردغك هنا إلين تقولين للعنز يا خاله .."
كيان وهي شوي وتبكي :" خلاص هنادي سامحيني والله إني امزح معكم .."
هنادي وهي تهز راسها :" لا لا لا .."
ام طلال:" هناادي ووجع خلاص البنت تبيك تسامحينها .."
هنادي :" ماراح اسامحها إلا وانا ما خذه حرتي .."
ام سلطان :" هنادي ، خلاص سامحيها عشاني .."
هنادي انحرجت :" خلاص مسامحتها عشانك بس .."
بعد كلامها تحس انها مقهوره وتبي تبرد حرتها بكيان ،، بس انحرجت من ام سلطان ،،

جلسـوا بعد اللعب إللي العبـوه ،، حـاسيـن بتعب ، إللــي متمدد و إللـي جـالس ومـاد رجلينه .
نـاظر في خـالد وتذكر شنطته ، قـال :" خالد .."
نـاظره :" هـلا "
رائد:"وين الشنطـه إللي عطيتك إياها ..؟"
خالد وهو يعقد حـواجبه وكـأنه يتذكر :" اظـن بالحمـام السبـاحه .."
رائد:" وتظن بعد ..؟"
خالد:" هههههههههه لا لا متـأكد .."
رائد وهو يوقف :" يـا ويلك إن رحت ومـا أحصلهـا .."
ابتسم خـالد وهو يشـوف إن رائد إللي متغير و مـا يدري وش فيه بدا يرجـع تقريبـاً مثـل أول ..
راح رائد ، وهو ينـاظر بالمزرعه المظلمه ، ومـا كان فيه نور إلا نور الفله وَ مجـالس الرجـال ..
بمـا إن مكـان الشبـاب كـان تقريبـاً قريب من الحمـام السبـاحه ..
قرب من الحمـام .. ومـاحس إلا بـاللي صدم بجسمه وسمع شهقته ..
لايكون هذي اسيـل .. بس وش فيها اسيـل ....؟!
كـانت الصدمه قويه وَ قويه حيـل ممـا خلاه يرجع لـورا شوي ..
ضمته ..
عرف إنها اسيل ..
كـانت ترجف حيل .. حس بالماي إللي مبلل ثيابها ، بللت ثيابه هو بعد ..
ضمهـا لصدره بس مـا أمداه يضمهـا أكثر مثل ما عود اسيل كيف يضمها ..
لأنه سمعهـا تقول :" خ .. خـ ــالد "
غمض عيونه بقووه ..
لأنه عرف صاحبة الصوت ..
الصـوت إللي يعشقه ..
وبيتم يعشقه لأخر يوم في عمره ..
همس :" رحيــل .."
سمعهـا تقول :" خـالد ، وصلني للفله ، أنــا خايفه لا اروح بروحي "
حـاس إن هاللي تتكلم طفله ، مو حرمه متزوجه ..
وقتهـا حس رائد وده يضمها ولا يتركها لأحد ..
ولا عليه من سعود ولآ من غيره ..
حسد سعود ،، وكره سعود أكثر من قبــل ..
حسده على هالملاك إللي ملكت قلبه ..
وكرهه لأنه أخذ منه إللي ملكت قلبه ..
تنهد :" أنــا مو خالد .."
هنــا رحيل حست إن الدنيـا تدور فيهاا .. حست بشي ما عرفت تفسره ..
هذا إللي كـانت خايفه منه إن واحد من عيـال عمها يشوفها ..
والمشكله إنه رائد وهذا ثـاني موقف يصير بينهم ..
وأكيد يظـن إنهـا تتعمد هالحركه ..
بعدت منه بسرعه ونـاظرته بوجه خايف مغطيه شعرها المبلل ..
ومرت من جنبه وهي تركـض ..
غمض رائد عيونه..
حـاس إنه يحلم ..
لا اكيد إنه يحلم ..
لمس ثوبه .. شـافه متبلل من رحيل يوم ضمته ..
ماهو مصدق ..
إن رحيل ضمته وهي على بالها إنه خالد ..
وهو ضمها على باله إنها اسيـل إللي كـان طولها مثل طول رحيل ..
تنهد تنهـاده طـالعه من اعمـااق قلبه ..
نـاظر بـالسمـاء المنتشره فيها النجوم المتلألأه بضوء معطيهـا منظر روعــه ..
نزل راسه وراح لحمـام السبـاحه ..
وانتبه لـ الجزمه البيـضاء ( عزكم الله ) ..
حس إنهــا لـ رحيل ..
اتجه لها ، وجلس لمستواها ..
ومسكها وشالها عن الأرض وابتسم ..
ووقف ..
وراح للغرفه الصغيره إللي بـ زاوية المسبح وشـاف شنطته إللي كـانت فوق كرسي ..
فتح الجيب إللي عَ الجنب .. وحط الجزمتيـن فيها ..
مـايدري ليه سوا كذا ..
اهم شي هو بـياخذها وبس ..
سكر الشنطه واخذها ..
وطلـع من الحمـام السبـاحه وهو يتذكر إللي صـار له من شوي ..
وكـل مـا بدا ينسى رحيل ..
تطلع له رحيل من جــديد ..
ليه يا رحيل تسوين فيني كذا .. ليه تعذبيني ؟!
وش سويت لك عشـان تعذبيني ..؟
















دخلت الفله وهي تركض .. ومـا أحد انتبه لهـا .. وطلعت لفـوق ..
ودخلت الجنـاح و على طول دخلت الغرفه إللي فيها ثلاث سراير ..
وهـ الغرفه كـانت لـ رحيل وَ هنادي وَ اسيــل .
فتحت الباب وللحين دموعهـا تنزل على خدودهـا ..
وسكرته ..
ودخلت الحمـام ( عزكم الله ) ..
اما اسيـل إللي كـانت متمدده عَ السرير ، جلست وهي عاقده حواجبها من منظر رحيل المتبلل وشعرها المتبلل ..
وش فيهـا رحيل ..؟!
وليش تبكي ...؟
رفعت كتوفها لفوق بـ معنى إنهـا ماتدري ..
رجعت تمددت ، ورفعت نظرها لـ السقف وهي للحين تفكر في رحيل ..
اما رحيل إللي فتحت الدش الدافيء ووقفت تحته وللحين دموعها تسـابق قطرات المـاء على خدهـا ..
يا فشلتك يا رحيل ..
وش تتوقعين ولد عمك الحين يفكر فيه ..؟
أكيد بيقول إنك متعمده هالحركه .. اكيد ..
مو هذي ثاني مره يصير موقف بينك وبينه ..
المره الأولى مسكت إيده على اساس إنه خالد ..
وَ المره الثـانيه ضميته ،،،، ضميته على اساس بعد إنه اخوي خالد ..
والمشكله انا ما ضميته إلا لأن ريحة عطره مثل ريحة عطر خالد ..
بس انا غبيه ، غبيه ، غبيه !
سكرت المويه ..
ولبست الروب .. ونشفت شعرها ..
وطلعت وشـافت اسيل إللي جلست لمـا شافت رحيل ..
نـاظرتها رحيل ونزلت عيونهـا ..
اكيد رائد كلمها وقال لها إللي صـار .. ويمكن الحين حاقد علي .. وعلى حركاتي .. اللي اكيد هو يظن إنها تعمْد ..
اسيل :" رحـيل وش فيـك ..؟"
ناظرتها :" ما فيني شي .."
اسيل:" يعني تخبين علي ..؟"
رحيل:" لا ، بس أنـا ما فيني شي ."
مشت رحيل وراحت عند المرايه وجلست تمشط شعرهـا ..
اسيل:" بس ليه تبكين يوم دخلتي .؟"
سكتت رحيل ..
كملت اسيل :" يعني لو فيني شي يا رحيل كان قلت لك بدون ما اخبي عليك .."
التفتت عليها رحيل ..
وبعد صمت قالت رحيل :" بقول لك بس ما تقولين لأحد .."
اسيل ابتسمت :" تطمني ما راح اقول لأحد .."















وصـل لـ سيارته وفتح البـاب إللي ورا .. وحط شنطته داخل نـاظرها شوي وثم ابتسم ..
سكر الباب ولف وسند جسمه عليه ..
اختفت بسمته وهو يفكر ..
وش اسوي .. أكلم اسيل وأقول لها عن اللي صـار ..
ولا اسكت واتكتف وانتظر اسيل هي اللي تتكلم ..
بنتظر شوي احسن بعدين اشوف وش اسوي ..
طلع له حبة سيـجاره .. وصـار ينفث الدخـان بهــدوء وهو يتذكر إللي صار له ..
للحيـن ما استوعب إللي صـار له ..
رمى السيجـاره عَ الآرض ..
وتـأكد إن سيارته مقفوله وثم راح رائد عند الشبـاب إللي ينتظرونه ..














شـافت هنادي جالسه وتسولف عند البنـات .. ابتسمت بمرح .. وراحت لها وارتمت بجمبها ..
قالت وهي تضرب رجلين هنادي :" زعلانه .؟"
ناظرتها هنادي وهي ترفع حاجب :" إنطمي بس .."
رفعت كيان حواجبها وكـأنها متعجبه :" أنـا انطم .."
سفهتها هنادي وناظرت في البنات ..
كيان وهي تمد البوز :" امانه لا تزعلين علي ، أنــا كنت امزح معك إنتي و رحيل لـ....."
قاطعتها هنادي وهي تفز وتشهق :" رحيـــــل نسيتها بالحمام .."
فزت معها كيان:" حسبي الله على بليسك ، تلاقينها الحين صاير شعرها ابيض من الخـووف ."
ركضوا البنـات ، وطلعوا برا الفله وهم للحين يركضـون ..
كيان وهي تلهث وللحين تركض :" يالله يا هنـادي تعبت .."
هنادي وللحين تركض :" يووه إنتــي فاضيه والبنت الحين مدري وش صار لها "
ركضـوا وَ ركضوا .... وبعدهـا وصلـوا بعد الركض إللي اتعبهم كثيــر ..
وصـلوا لحمـام السبـاحه ..
دخلوا وهم يلهثوون ..
شهقت هنادي :" وين راحت ...؟!!"
كيان :" حسبي الله عليك يا هنادي ليه تركتيها ورحتي .؟"
هنادي:" يووه مادري ( ناظرتها ) إلا هي ما جـات للفله ..؟"
كيان عقدت حواجبها :" لا ما شفتها اصـلاً ، وعلى بالي إنهـا جـات معك "
هنادي والعبره بدت تخنقها :" ياااااربي ، يعني وين بتروح ؟"
:" وش إللي جايبكم هناا .؟!"
فزوا البنات والتفتوا وراهم إلا وهم هيف وَ فهد ، وشهقوا البنـات ..
كـانوا الشباب صـادين عنهم لأن البنـات مو متغطين .
هنادي :" آآ ... جايين عشـان رحيـ .." سكتت وبدت تبكي ..
فهد :" وشو .؟!! وش قاعده تقولين إنتـي .؟"
كيان إللي بدت تخاف :" حنا جايين عشان رحيل كانت هنا وما حصلناها .."
فهد بخرعه :" وشوو ! ليه وش إللي جايبها هنا ..؟"
كيان :" تركتها هنادي هنـا ولما تذكرتها جينا هنا ندور عليها وما حصلناها في ذا ."
فهد :" وإنتوا يوم تذكرتوها جيتوا تدورنها ، الله يقلعكم من بنات .."
هيف كـان ساكت ويسمع فهد إللي بدا يعصب وهنادي إللي يسمع شهقاتها إللي تحاول تكتمها ..
حزن من هنادي إللي أول مره تبكي ، رفع عيونه وشاف هنادي اللي مغطيه وجهها ومتخبيه بعيد وتشاهق ..
صد ما يبي يستقل فرصة غفلتها ..
وناظر بـ فهد إللي طلع جواله ويدق على رحيل إللي طلع له [ مغلـق ] !
نفث فهد بتوتر ..
قال هيف :" خلني ادق على اسيل اشوف ."
طلع جواله هيف ودق على اسيل ..


















وقفت :" وهذي هي كل السالفه وما بيها تطلع لأحد .."
للحين اسيـل مو مستوعبه السالفه ، وش وضع رائد الحين ؟ ، وش وضعك يالغالي ؟ ، الله يعينك يا خوي على حظك ،،، الله يعينـــك ،،
اسيل وهي تبلع ريقها :" لا ما راح يطلع لأحد .."
رحيل :" أنــا اللي خايفه منه ، وش ظن اخوك فيني ، بيقول اكيد إنهـا متعمده ، أنـا ضميته يا اسيل ووالله على بالي إنه أخوي خالد ( عقدت حواجبه ) ريحة عطره تشـابه عطر اخوي بالضبط ، والله حسبته اخووي والله .."
اسيـل :" رحيـل ،، لا تظنين إن اخوي رائد بيظن فيك ظن مهو زيـن ، لا .. أخوي رائد اعرفه زين رجال متفهم وما عنده هالتفكير إللي تظنين يا رحيل إنه يظنه .. "
تنهدت رحيل وهزت راسها ، ودخلت الغرفه ثانيه تبع غرفتهم عشان تلبس ..
رن جوال اسيـل .. [ الهيــف .. يتصل بك ] ابتسمت وردت :" هلا والله .."
هيف :" هلا فيك ،، أقول اسيل رحيل ما شفتيها ..؟"
عقدت حواجبها :" إلا عندي .."
هيف :" هههههههههههههههه صدق والله ،، هي عندك وإحنا مسوين فلم هندي هناا ندورها .."
اسيل:"ههههههههه لا لا هي الحين عندي .."
هيف :" طيب .. فمـان الله "
















التفت عليه :" سمعت .."
فهد تنهد وطخ شوي :" إيه .."
هيف وهو يعلي صوته شوي:" خلاااص يا بنات ارجعـوا رحيل الحين عند اسيل ،، وإنتوا ما دريتوا عنها ( التفت على فهـد ) يـلا مشينـا .."
لفـوا الشبـاب وراحوا ..
كيان :" يلا هنادي بسك بكي ، خلاص رحيل لقيناها ."
هنادي ارتاحت شوي بس إللي قهرها فهد إللي كـان يتكلم وكـأنه يوجه كلامه لـ هنادي ..
مشت هنادي بهدوء ،، ومشـت وراها كيـان ..















» // 12:00 الليــل ..



دخل البيت والتعب هاد حيله .. دخل الصـاله وماشاف فيها احد .. ورقـى الدرج .
شـاف الريم إللي تنزل الدرج ، قالت :" هلا سعود ."
سعود إللي ماكان يشوف من التعب :" هـلا فيك ."
الريم وهي تقرب منه :" شكلك تعبـان .؟"
سعود :" اي والله .."
الريم:" امممم تبي عشـا ..؟"
سعود:" لا بس مشكوره ."
مشى سعود ..
وكملت الريم طريقها وهي تقول :"العفوو ( تذكرت ) إلا اقـول سعود .."
سعود التفت:" وش .؟"
الريم:"رحيل وينهـا ما راح تجي اليوم ؟؟"
سعود:" لا بتنام عند اهلها .."
راح سعود وهو يسمع الريم تقـول :" يا حراااام ! "
دخل الجنـاح بطفش ،، كـاره حياته ، ماهو عارف شلـوون يتصرف ..
يعطي رحيل قلبه ..؟ وينصدم فيهـا بعدين ..!
ولآ وش سـواه ..؟
توجه للكنـب ورمى شماغه عليه ، ودخـل الغرفه وارتمى على السرير بتعب ..
طلع جواله ..
وصـار يضغط عَ الحروف ..

















كـانت بسـيارة اخوهـا خالد وسـاكته ، وهدوءها مثل ما هو ما تغير ..
شـافت نور جوالها يشع ، لأنه كان صـامت ،، رفعته ..
وفتحت الرسـاله ..
[ لآ تجين اليوم البيت ، إذا تبين تنـــامين عند أهلك ]
قرت الرساله اكثر من مره إللي كانت من سعود ..
وسـألهـا أخوها فجـأه :" تبين اوصلك لبيتك ..؟"
رحيل :" لا لا اليوم بنام عندكم .."
ابتسم خالد :" ابركها من ساعه وابركه من يوم إللي بتنامين عندنا "
رحيل:" تسلم يالغالي ."
سكتت رحيل وهي تتنهد ..
أكيد مايبيني اجي البيت ، لأنه يكرهني ، ولأنه كـاره شوفتي ..
احسن بعد ، ولأني ابي ارتاح شوي واريح افكـاري المتشتته ..
وصـلوا البيت ..
ودخلوا ..
خالد :" تو مانور البيت .."
رحيل:" منور بـأهله .. إلا هلي ماوصلوا قبلنا غريبه ..؟"
خالد:" و إنتي ما تعرفين فهد يسوق على مهله بس عشان يعلق على اهلي .."
رحيل:" ههههههههههههه يالبى قلبه بس ، لو تشوفه اليوم كيف متخرع .."
خالد وهو يجلس :" ليه ..؟"
رحيل جلست مقابله وهي تفسخ عبايتها وقالت له السالفه وتحاول ما تتذكر الموقف إللي صار لها مع رائد ..
خالد:" ههههههههههه عاد فهد لمـا يتخرع خلاااص يفقد عقله .."
انفتح باب البيت ودخلوا ..
:" السـلام عليكم .."
:" وعليكم السلام .."
ابو خالد :" رحوول عندنا ، وانا اشوف النور اليوم زايد ."
فهد :" زايد ولا زيـاد ههههههـآي "
ناظره ابو خالد بنظره يعرفها فهد ..
فهد باس راس ابوه :" امزح معك يا بابا "
ابو خالد وهو يروح عشان يجلس:" بابا هااه ، الخلا بس ."
:" ههههههههههههههههههههههههههههه "
جلس ابو خالد ، ونـاظر في خالد وبجديه :" اقـول خالد .."
خالد ناظر ابوه :" سـم .."
ابو خالد:" سم الله عدووك ، مـاودك نكلم عمك ..؟"
خالد وهو يحس قلبه بيطلع من الفرحه :" بـإيش نكلمه ..؟"
ابو خالد ناظر ام خالد وثم ناظر بـ خالد وَ ابتسم :" نخطب لك هند .."
ضحك خالد وهو ماصدق إنه سمعها من ابوه :" لو تبي نكلمه الحين ماعندي مشكله "
فهد:" اما الحين ( ناظر ابوه ) يبه وش رايك تخطب لي وثم بين قوسين تخطب له ؟"
خالد اللي وده يقتل فهد :" أقول إنت تلايط لا يتراجع ابووي والله لا اروح فيها .."
ابو خالد وقف :" لا تروح فيها ولا شي ، بكره إنشاء الله نكلم عمك وبيتم كل شي على خير والله يوفقك ياولدي ( ناظر في رحيل ) وانا والله ودي اجلس معك يابنتي ، بس تدرين تعبان وَ ........"
رحيل قاطعته :" لا تقول كذا يا يُبه إنت روح ارتاح وإنشاء الله بكره اجلس معك .."
ابو خالد:" إنشاء الله ، يـلا تصبحون على خير .."
:" و إنت من اهله "
رحيل:" وإنتي يا يمه روحي ارتاحي وانشاء الله بكره اجلس معاكم .."
ام خالد :" والله إني تعبت اليوم تدرين من الصبــاح وانا صاحيه ( وقفت بتعب ) يـلا تصبحوون على خيـر"
:" و إنتي من اهله .."
بعد ما راحت ام خالد ..
فز خالد من مكاانه:" باااركوا لي ،، واخيراً ابوي تنازل وتكلم .. "
رحيل :" مبروك انشـاء الله .."
فهد :" كلللللللللووش "
خالد:" ههههههههههههه الله يقطعك بس ،، وش قاعد تسوي ..؟"
فهد وهو يحك راسه ببلاهه :" مدري ، بس اسوي زيّ الحريم ."
:"ههههههههههههههههههههههههه"
رحيل :" إلا بسـألك يا فهوود ، يوم قلت لك روح لحمام السباحه عشـان نعالي عزك الله .. ماحصلتهـا .؟"
فهد:" إيه صح نسيت ،، ما حصلتها ، إنتي متـأكده إنك نسيتيها ..؟"
رحيل وهي تتذكر ،، وعاقده حواجبها وتحاول تتذكر اكثر :" اي متـأكده ."
فهد:" تلاقين الحين هالمجنونه هنادي مخبيتها .."
رحيل:" هههههههه انا ما همني ، بس اللي قاهرني اني نسيتها ومتـأكده بعد ، وإنت ما حصلتها "
رفع كتوفه فهد بمعنى " مـا أدري "







يتبع الجزء ..

* تكمله ..







جلست بجنبه وقـالت :" بغيت شي .؟"
ناظرها :" إذا فاضيه "
اسيل :" اي فاضيه "
رائد :" رحيل وش وضعها اليوم ، يعني شلون صـاير ..؟"
عرفت اسيل رائد وش يبي يوصل له :" قالت لي كل شي ، وامنتني ما أقول شي ، بس إنت وش تبي مني .؟"
رائد :" طيب هي كانت تبكي ..؟"
اسيل وهي تناظر قدام وهي تتذكر:" دخلت علي وهي تبكي ، سألتها وقالت لي بعد طلعة الروح وش سبب دموعهــا ( ناظرته ) تقـول إنها ضمتك على اساس إنك خـالد لأن ريحة عطرك نفس ريحة عطره ،، وحست انك اخوها ، وهي من الخوف ما عرفت تركز "
ابتسم :" اي صح نفس العطر ، على العموم ما حصل الا الخير ، بس هي وش فيها طالعه من الحمام ومتبلله .؟"
اسيل:" تقول كيان دزتها هي وهنادي ، وبعدها هربوا وتركوها ، وهي من الخوف صارت تبكي وطلعت وهي مو منتبهه للي قدامها ( ابتسمت ) و اللي خايفه منه إنك تظن فيها إنها ضمتك تعمد . "
ابتسم رائد بحزن على تفكير رحيل :" لا ما فكرت كذا لأني سمعتها تنطق اسم خالد "
اسيل:" اي انا قلت لها إن اخوي رائد ما راح يفكر هالتفكير ( وقفت ) على العموم ما نطول السالفه وما اطول عليك لأن باين عليك التعب ، وتصبح على خير .."
رائد:" وانتي من اهله .."
طلعت اسيل ..
وهو تمدد عَ الكنبه ..
يفكر بالي صار له اليوم بالثانيه وَ الدقيقه وَ السـاعه ..

















×،، اليـــوم الثـاني / 8:00 صباحـاً ،،×




صحت رحيل وهي للحين متمدده ..
نــاظرت بسـقف غرفتهـا ،، البـارح ما بغت تنـام .. لأنهـا مشتاقه لغرفتها و إللي فيها من ذكريات وهدايا من صديقاتها إللي ماتظن هل بتشوفهم مره ثانيه ولا لا ..
اشتـاقت لكل شي فيهـا ..
السرير والشبـاك وَ التسريحه وكل شي ..
نزلت من سريرها وتحممت وصلت ،، ونزلت تحت ..
وشـافت اهلهـا صـاحين وعندهم أخوهـا خالد وجالسين يفطرون..
رحيل :" صبـاح الخير على الحلويــن .."
:" صبـاح النور ."
ابو خالد:" هـلا والله بالغاليه ، هـلا والله ببنتي .."
راحت رحيل وباست راسه :" هـلآ فيك .."
راحت وباست امها ، وشـافت خالد إللي يناظرها متعوده على إنهـا ما تصحى إلا وتسلم عليه ، راحت وباسته ..
رحـيل :" كيـفك يبه .."
ابو خالد :" بخير يابنتي ( ناظر بالمكـان إللي بجنبه ) تعالي اجلسي هنا .."
جلست رحيل بالمكان اللي اشر عليه ..
وقال ابو خالد:" وشلونك يابنتي عسى نمتي زين ..؟"
رحيل ابتسمت:" والله احلى نومه نمتها البـارح .."
دخل عليهم بـ البرموده البيج و تيشيرت اخضر ، وشعره المحيوس وباين عليه إنه مانام عدل :" صباح الخير .."
:"صبـاح النوور .."
باس اهله .. وشـاف خالد إللي معطيه خده عشان يبووسه ..
وسفهه فهد وجلس قدام رحيل ..
ناظره خالد بقهر يوم شافهم يضحكون ..
خالد:" مالت عليك ، هذا وجهي إن عطيتك خدي تبوسه مره ثـانيه .."
فهـد يرشف من الحليب إللي مدته رحيل :" من زين خدك ابوسه .."
ابو خالد :" المفروض تبوس اخوك وتبارك له مو اليوم بيخطب الرجـال .."
فهد بسخريه :" وش دعوه هي بتوافق "
خالد اللي نزل كوب الحليب :" كح كح .. الله يقطعك وش مصحيك كان نمت احســن .."
ضحكوا اهله بستثـناء فهد ..
ام خالد:" اقول فهد ،، وش فيك ؟ تعبان .؟"
فهد:" لا والله يالغاليه ،، بس مانمت عدل .."
رحيل :"طيب روح نـام .. يعني حـاول .."
فهد:" وين احاول الله يهداك ، انا فيني نوم بس مانمت .."
خالد:" ههههههههههههه حلوووه فيك نوم بس مانمت وين تجتمع هذي ..؟"
فهد ناظره خالد وباين عليه إن خالد رفع ضغطه :" وش عليك اليوم بتخطب اكيد نمت زيـن .."
خالد ناظر ابوه :" يبه قول له يقول ما شاء الله .."
ابو خالد وهو للحين مبتسم :" قـول ماشاء الله يا فـهد "
فهد وهو يوقف:" ماشاء الله .. ما شاء الله .."
ام خالد :" وين رايح يمه .؟"
فهد :" بروح انـام ،، اقصــد احـاول .."















طـلع سعود من الغرفه وهو يحـس إنه ما نام ، ونومه كله احـلام في احـلام ..
احـلام مزعجه طبعـاً ..!
جلس عَ الكنب .. وطلع جواله يشوف من إللـي اتصـل عليه ومن إللي ما اتصل عليه ..
رجع الـجوال بجيبه وسند إيدينه على الكنب عشان يوقف ،، لكن قبل لا يوقف .. لمس شي ..
ونـاظر بـ الشي الغريب ..
ضيق عيونه يبي يعرف وش هذا ..
رفعه ..
همس :" جـوال ؟! لمين .؟"
شـاف فيه 8 مكـالمات لم يرد عليها وكلهـا من [.. حـــياتي ..]..
وَ 4 رسـائل مو مفتوحه ..
عقد حواجبه ..
فتح الرسـاله الأولى ..
( 1 )[ أحبـــك يا رحيل ]
( 2 )[ إذا صـار زوجك الكريه مو عندك ، دقي .. "أحبــك" ]
( 3 )[ لك حق تبعد عن عيوني مسافات..
ولي حق احفظ صورتك وسط ذاتي ..]
( 4 )
[رسالة حبرها دمي

رسالة تصرخ بهمي

رسالة لحبيب قلبي

أحبك يابعد عمري " أحبــك يـا رحيل " ..]
بلع ريقه سعـود ، وفتح الرسايل الباقيه ..
[ ادري إنك تحبيني وأنـا أحبك بس هو إللي يحاول يفرق بينـا وتزوجك ، بس لا.. لو يصير اللي يصير يا رحيل ما يقدر يفرقنا ]
[ هذا احلى خبر في حيـاتي سمعته إن زوجك مو موجود وذلف لـ الشرقيه ، عشـان اقدر اخذ راحتي ، واليوم ابي اشوفك ، وقولي لهم إنك بتروحين بيت اهلك ]
صار يـاخذ نفسه بعصبيه مو قادر يتحمل اكثر من اللي قراه ..
ثاني مره ..
مره ثـانيه [ خيانه ]
أنــا ليش حظي كذا ..
مسويه فيها إنهـا عاقله وخجوله ..
تستـاهل الظن اللي ظنيته فيهـا ..
وأنـا قلتها من البدايه الحريم كلهم خايــنين ..
واولهم رغد إللي خانتني عيني عينك ..
و رحيل الثانيه إللي نست الجوال وما عرفت إنه طـاح بإيدني ..
هيــن يا رحيل أنــا ارويك ..
حط الجـوال بجيبه .. واخذ غترته بعصبيه ..
وطلع من الجنـاح ، وشـاف بوجهه الدانه اللي قالت :"صبـاح الخير سعود .."
سفهها سعود ونزل من الدرج ..
استغربت الدانه منه ..
نزل سعود وشاف اهله ..
طلع بسرعه وهو يمشي بسرعه .. سمع صوت امه اللي تناديه .. ومارد عليها ..
وركب سيارته ..
















متمدده على سريرها ابتسمت بفرح بعد ما دزت الرسـايل زيـاده على الرسـايل اللي قبلها ..
وبعد ما اتصلت اكثر من مره .. بس حتى تتسجل مكالمتها ..
دقت عَ الرقم ..
وجاها الرد :" الووو ... رد يـا ×××× بـ.......... "
سكرت الخط بسرعه :" هذا سعود ( ابتسمت ) الله ونـاسه أكيد شـاف كل الرسـايل وَ المكالمات ( تنهدت براحه ) يا ويلك يا رحيل من إللي جـايك ،، خلصت خطتي وعقبال ما اسمع طـلاق رحيل من سعود !"
طلعت رقم الدانه ودقت عليها ..
لمى :" هلا الدانه ، أخبــارك .؟"
الدانه :" تمام ، إنتــي اخبارك ."
لمى:" تمــام التمام ."
الدانه :"بـاين عليك مروقه .؟"
لمى:" وبقوه ."
سكتت الدانه ..
لمى وهي تحـاول تسحّب الدانه بالكلام :" اقـول الدانه رحيل رجعت من اهلها البـارح ..؟"
الدانه :" لا نامت عندهم ،، ( بـأستغراب ) ليه تسـألين .؟"
لمى وهي تتظـاهر بـ اللامبالاه :" لا بس مستغربه إنها نامت عند اهلها .."
ماردت الدانه ..
لمى :" الدانه ،، وش فيك اليوم منتي على بعضك .؟"
الدانه :" لاا بس سعود من شوي طالع من جناحه وبـاين عليه إنه معصب ، كلمته وما رد علي .."
لمى وهي بتطير من الفرح ( أكيد رايح يرويها شغلها بنت ابوها ) ، قالت :" يمكن معصب عشان الشغل ولا شي .."
الدانه وهي مو مغتنعه :" ما أدري .."
لمى:"طيب ما أطول عليك ، باي .."
سكرت الخط وهي تحس إنها بتموت من الفرحه ..
يالله ماني مصدقه إن خطتي نجحت .. أو اقدر اقول شبه ناجحه ..
رن جوالها ..
ردت :" هـلا والله بحمودي .."
حمد :" هـلآ بك يا قلبي ، اخبــارك .؟"
لمى:" بمووت من الفرحه .."
حمد :" اسم الله عليـك من الموت ، بس ليه وش المنـاسبه ..؟"
لمى:" بس كذا فرحـانه .."
حمد بدون اهتمام:" اهـا ،، عسى دوم ، اقول لمو .."
لمى :" عيونهـا .."
حمد :" يالبى عيونك ،، آآ .. احم "
لمى :" حمد قـول .."
حمد :" لمو قلبي ، إنتي وعدتيني بـعد الرمضـان إنك تطلعين معي ، والحين خلص الرمضـان ...."
لمى:" خلاص عرفت وش تقصد ،، اممممممم وش رايك اشوفك اليوم ..؟"
حمد بفرحه :" صـــدق ..؟"
لمى:" هههههه إي صدق .. بس قولي وين ، وأنا جايتك .."
















دخل مكتب ابوه طق الباب ودخل :" السـلام عليكم .."
رفع راسه ونزل القلم من إيده :" وعليكم السـلام ،، تفضـل يا ولدي .."
جلس :" هـا يبه قالوا لي إنك طـالبني .."
ابتسم ابو رائد :" اي طلبتك .."
سكت رائد ..
ابو رائد :" ابيك بعد شوي نروح انا وياك لبيتـك عشان تشوفه .."
رائد بـإستغراب :" بيتــي .؟! اي بيت .."
ابتسم ابو رائد :" قصدك فلتك ،، أنا بنيته لك وجهزته بدون ما تدري ، وابيك لا تزوجت يكون هذا بيتك جاهز وخالـص ، اثثته لك وماباقي غير جنـاحك إنت من يأثثه .."
ما عرف رائد وش يقول ، ابوه حطه بموقف محرج :" والله يبه ماني عارف وش اقـ......"
ابو رائد قاطعه :" لا تقـول شي ، انا ما اشتغل واتعب إلا عشانكم .."
رائد:" بس يبه أنـا الحين ما أفكر بالزواج .."
ابو رائد:" مصيرك بتفكر ، و إذا فكرت بيكون بيتك جاهز .."
رائد بحرج واضح :" والله ماني عارف كيف اشكرك يا يبه .."
ابو رائد:" ههههههههه لا تشكرني وولا شي ( وقف ) والحين خلنا نروح نشوفه .."


















ركبت معَ السايق وهي بكــامل اناقتها ، وريحة عطرهــا الفايحه ..
وقـالت لـ السايق العنوان إللــي تبيه ..
ومشـى السـايق على العنوان إللي قالته له ..
وهي تحس بتوتر ، دقيقه ،، دقيقتين ،، ربع ساعه ،، نص ساعه ،، بعد سـاعه !
وصلـت للمكـان ، وقالت للسايق :" اسمع إنت انتظر هنـا ،، ولا تروح مكـان ،، وانا دقيقه وراجعه .."
هز راسه ،، ونزلت ..
ودورت على رقم حمد ، وحطته عند اذنها:"هلا حمد ..... يلا أنا وصلـت .........طيب .....باي "
فتحت هالباب اللي قدامها ودخلت ، وشـافت حمد إللي ضحك وقال:"هلا والله ، هلا والله بقلبي ،، تو مانورت الأستراحه .."
لمى:"منوره بوجودك .."
قبل لا تكمل ، قرب منها ، وسحب الغطوه من وجهها ، وقال بـ ابتسامة خبث:"يالبى قلبك ،، وش هالزين وش هالجمـال ، أنا عمري بحياتي ما شفت مثلك .."
لمى وهي مسويه مستحيه :"تسـلم .."
سحبها وباس خدودها بقووة ، وهي غمضت عيونها من الخوف ومن النفاسه الحـاره إللي اربكتها .!
لمى:"حمد ، خلنا ندخل لا احد يشوفنا .."
حمد وهو يبعد عنها :" لا ما فيه احد الا احنا .."
وسحبها ،، ودخلـوا داخل ..!


















دخـل السيـاره داخل حوش كبيــر وتوسطها فله شبه كبيــره ..
ناظرها بـأنبهار ، وقف السيـاره ..
ونزل هو وَ ابوة ..
ومشوا إلى إن وقفـوا امـام بـاب بني فخـم ..
ابو رائد :" إنت أول من يفتح بـاب بيتك .."
ابتسم رائد ، وفتح البـاب :" و إنت أول من يدخــله .."
ابتسم له ابو رائد ، ودخــل ..
دخـل بعده رائد وهو ينـاظر بالبيــت إللي كلمه فخم ما توفي له حقه ..
نـاظر بالصـاله اللي على يمينه وإللي كان لونها بين الزيتي وَ البيج ..
التفت لـ الصاله إللي عَ يساره إللي كان لونها بين البني وَ الذهبـي ..
ابو رائد:" عسى عجبتك بس ..؟"
رائد:" يكفي إنك إنت إللي مـأثثه .."
ابو رائد:" هههههههههههه تسلم ، يـلا خلني ارويك باقي البيت .."
مشى مع ابوه ورواه باقي البيت ..
ودخلـوا المطبخ و كـان كبيــر وعجب رائد كثيـر ..
وراحوا للـدور الثـاني وكـان فيه صاله صغيره وحلـوه ودخـلوا أول جنـاح إللي كـان فيها غرفتين أول غرفه ورديه وَ الثـانيه سماويه..
وطلعـوا من الجنـاح ودخلـوا جنـاح ثـاني إللي كـان خـالي من الأثـاث ..
ابو رائد :" هالجناح جناحك و إنت إللي بتـأثثه .."
هز راسه رائـد ..
والجنـاح كـان يتوسطه صـاله كبيره وفيهـا ثلاثه غرف ..
أول غرفه كبير مـره ، وَ الثـانيه وَ الثالثه وسط ..
طلعـوا من الجنـاح وهو يقـول رائد :" والله ماني عارف وش اقـولك يا يبه ،، احرجتني .."
ابو رائد:" لا تقـول شي ، ولا اقولك شي ، المهم عسى عجبك البيت .."
رائد:" اكيد عجبني ، ولو اتكلم عنه إلين باكر ما راح اوفي له حقه .."

















كـانت جالسه في الصـاله .. وقفت تبي تروح فـوق ..
بس وقفت يوم شافت الخدامه جـات لها ..
الخدامه :" مـاما ،، زوج مـآل إنتي في مجلس "
رحيل استغربت ،، وهزت راسها :" طيب .."
راحت رحيل وعدلت شكلها .. وراحت للمجلس ..
دخلت :" السـلام عليكم ."
رفع راسه ، ونـاظرها بـأستحقـار وجميع النظرات السلبيه كلها بنظره واحده من سعود موجهه لها ..
عقدت حواجبهـا ، ما عرفت سعود وش فيه ..
مشت ، ووقفت قدامه مسكت إيده :" سعود ،، وش فيك ، احد صـاير له شي ؟"
شافته ساكت ،، ويناظرها بنظرات ابد ما تبشر بالخير ..
رحيل بخوف :" سعود تكلم ليش ساكت ؟"
مسك إيدهـا إللي على إيده وبعدها بعنف :" اسـألي نفسك .."
رحيل خافت ما عرفت سعود وش يتكلم عنه ، قالت :" سعود ، وش تقصد ..؟ اسـأل نفسي بإيش ؟"
سعود ابتسم بسخريه وَ قهر ، قال :" لا تسوين نفسك ما تدرين يـا .............. الخـاينه "
طلعت منه الكلمه مثـل السهام اللي دخل بصدر رحيل وطلع ودخل مره ثـانيه !
نزلت دمعه منهـا ، و همست :" خــاينه ..!"
فكرت باللي صار لها البارح بالمزرعه ،،، لكن سرعان ما طردت هالفكر وهي تشوفه
يدخل إيده بجيبه وطلع الجوال ورماه عَ الأرض :" لا تحسبين يوم تخبينه مني إني ما راح اكشفك يا رحيل ، لا .. اللعبيها على غيري ، وانكشف امرك يابنت ابوك .."
ناظرت بالجوال المرمي عَ الأرض ، ونزلت لمستواه ، واخذته ، قالت :" وش هذا ..؟!"
سعود :" لا تسوين نفسك مانتي عارفه وش هالجــوال ، إنتي عارفته زين وعارفه وين مخبيته "
ناظرته رحيل بإستغراب مو فاهمه شي من كلامـه .. فتشت الجوال وشافت رسـايل مصدرها من [.. حـــياتي ..]
رسـايل خلت لسـانها ينشل ولا ينطق ولا كلمه ، وكـانت دموعهـا تنزل بغزاره ، قالت بصعوبه :" س.سـ ـعود .. واللـ ـه م..مـاني عارفه ( شهقت ، ونزلت دموعها من جديد ) مانـ ـي عارفه وش هالرسـايل .."
سحب منهـا الجـوال بعنف ، وناظرها بأسف وَ قهر :" والله وتعرفين تمثلين يا رحيل ، واهنيك على تمثيلك إللي قدرتي تخليني اصدقك غصبـاً علي وتخلين اهلي يصدقونك .."
رحيل وصـارت تبكي :" سعـ ـود !"
غمض عيونه :" رحيل ..."
رفعت نظرها بخوف ..
كمل سعود :" إنتـــي طالق ،، طالق ،، طالق .."

















طلعت هي ويّاه وضحكها يرن بكل مكان بالأستراحه ، وفرحتها مو ساعيتها ..
حمد :" والله ماني مصدق إني شفتك اليــوم ،، وآحلى يوم مر علي وَ آحلـى عيد ."
لمى :" هههههههه وانا بعد اليوم فرحـانه لأني شفتك يا قلبي ."
حمد وهو يسوي نفسه زعلان :" يعني الحين بتروحين ."
لمى عقدت حواجبها :" وش اسوي صار لي ساعه ونص وانا عندك ، وانا قلت لأمي إني بروح لصديقتي وبرجع ."
حمد ابتسم ع الخفيف :" طيب ، بس ابيك تعيدينها ."
لمى :" إن شاء الله ."
مشوا ..
بس وقفـوا لمـا شافوا باب الأستراحه انفتح ودخل واحد منزل راسه ..
ورفع راسه لما حس فيهــم ..
شهقت لمى ،، وطلعت الكلمه منها غصب من الخرعه :" محمـــد ! "
عقد حواجبه وثم استوعب ووسع عيونه :" لمْــى ! "








*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*

آنتهى الفصــل الثــامن عشــــر..~
انتظر ردودكم بكل شوق ،،




مع تحياتي ،،
&... اهـواك ...&
أو
&... صــاحبي يــا حبني لـك ....&
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*

حرااااااااااااااااام عليج
كله ولا سعود ورحيل الله ينتقم من لمى أتمنى كل هذا حلم
بليز لا يطلقوا
مشكووره