كاتب الموضوع :
صاحبي يا حبني لك
المنتدى :
الارشيف
* تكمله :
كـانوا يمشون على شـاطي البحر .. والهواء اللي صار يلعب بأمــوآج البحر ..
رآيــح .. جــآي ..
والجــو صـآير خيــآل ..ومنــظر الآموآج .. إللــي كل موجه اسرع من موجه ..
وكــل موجــه آهدى من مــــــوجه ..
[ أمــوآج متنـآقضه ] ..
فـواز إللي مـآسك إيد خالته:"شكــلك تعبتــي ..؟"
رغد:"لا ما تعبت .."
فواز:"طيــب .. وش رايك (كمل وهو يمد ) نروح لـ ذآك الكفتيــريا .."
رغد:"اوكي .. يلآ .."
مشــوا لنـآحية المكــان إللي أشر عليه فــوآز ..
وصــار يسولف عليهــا ..
واليوم تحس رغــد بأنه أحسن يوم مر عليهــا ..
تحس بأن فــواز نعمه ارسلها الله عليهــا ..
ولو ماكـان في حياتها .. يـآتــرى كيـف بتكـون حياتهــا ..؟
وصلـوا للكفتيريــا .. إللي كان شكلها شكل شبه كروي ..
ووقفت رغـد بعيد تنفيذاً لطلب فـواز ..
وهو رااح يشتري شوية مشروبـات وماأكولآت ..
لفت للبحر إللي وراهاا .. وسرحت فيه ..
سرحت مع الأموآج الهـائجه ..
بس إللي صحــاها من سرحانهــا ..
الصــوت إللي من زمان ما سمعته ..
الصوت اللــي تعشقه بجنون .. وتعشق نبرته ..
حست بأن الصوت إللي سمعته .. يمكن يكون خيـآل من كثر ما فكرت فيه ..
بس لآ ..
هذا مــو خيــآل ..
هذا حقيقــــــــه ! ..
وإللي أكد لها ضحكته إللي ما نستها وولآ عمرها رآح تنساها ..
:" ههههههههههههههه .. الله يقطع بليسك يا مسااعد .. الحين وشهو له تفتح البيبسي الثاير على وجه الفلبيني .."
:"هههههههههههههههه يااخي وانا وش يدريني إنه بينفجر عليه .. ههههههههههههه ..فدوةٍ لي ههههههههه.."
:"ههههههههههههههه .. اقول يلا مشينا مشينا .. "
وقفت منصدمه حوآلي دقيقتين ما استوعبت اللي سمعته ..
وَ التفتت للمصدر الصـوت بس شافت قفى أثنيــن يمشون لناحية سياره إللــي معطيتها قفاها ..ومشت السياره ..
هذا هو ..
الصوت صوته ..
وَ الضحكه ضحكته ..
ســـــعود ..
هذا سعود ..
وابصم للعشر إن هذا سعود إللي من شــوي..
يعني كان قريب منــي ..
بس وش جابه من الريــاض للـشرقيه ..
اي صح .. اذكر انه بين فتــره وَ فتره يجي الشرقيه لشــغل ..
قطع عليهــا افكـارها صوت فــواز:"رغــد .. وش فيــك .؟ تعبــانه .؟"
رغد:" فــواز .. شفته ... شفت سعود .. من شوي كان يضحك مع واحد اسمه ( وتحاول تتذكر )اسمه ايه ايه اسمه مســااعد سمعته يناديه... ايه صح هذا مساعد ولد عمه اذكره ..فواز ، سعود كان هنا موجود بس مشى بسياره لونها فضيه .."
فواز وهو مو عاجبه وضع رغد ، حس من كلآمها بأنها انجنت ..
يمكن من كثر التفكير فيه ، صارت تتخيل بإنها شافته ..
فواز:"رغد .. سعــود انسيه .. وما ابيك تفكرين فيه مره ثــانيه .. وإن فكرتي فيه مره ثانيه آنسي إن عندك ولد اخت اسمــه فواز .......... يلا مشينا .."
مسحت دموعهــا من ورا شيلتها .. ومشت مع فواز ..
كل شي ولا فــواز ..
بتنسى الدنيــا وما فيها بس عشان عيون فــواز ..
وتنسى سعود .. وتنسى العيشه اللي قضتها معاه ..
مع إنها مانـست ..
بس تحاول تنساها أو تتنآسـاها ..!
كانوا بالسيــاره ..وواقفين عند الأشـاره..
وللحين يضــحكون..
مساعد:"الا متى بتمشي يا ســعود .؟"
سعود:"والله ما أدري .. بس احاول اخلص اشغــالي .. ما تعرف وش كثر مشتااق للريــاض .."
مساعد:"الله يا الدنيــا صرنا نشتاق للرياض .. اقــول سعود انت مشتاق للرياض ولا اللي فيهــا .. ولا لشخص معيـّن ..؟"
سعود تنهد:"مشتاق للرياض واللي في الرياض (وضحك) ولشخص معيـّـن .."
مساعد:"هههههههههههههه ايه انا عارف انك مشتاق لشخص واحد ،مو للرياض .."
ســعود:" اقول لآ يكثر وانتبه لطريقـــك .."
ضحك مســاعد ..
وسـرح سعود..
طول هالمده إللي راحت .. وهو حاس إنه مشتـاق لرحيل ..
بس هو كــان اقوى من قلبه .. وصار يركز في شغله ..
وإذا حس إنه يمكن ما فكر فيها .. دقت رحيل عليه وتذكرها .. ورجعت الحــاله الأوليه عليه ..
وحس إنه مشتــاق .. ومشـتااق كثييير ..
ودايماً قلبه يغلبه ..
بس هو يحــاول إنه ما يشتاق لها و ما يحبهــا ، وولآ يسلم قلبه لأحد ..
» // الســــاعه 10:00 مســاءً ..
دخــل البيــت .. وروتينه اليومي إلى الآن مثل ما هو ..
وهو يحــاول بإنه يغيره ..
وحياته بكبرها بعيونه ممــــله ..
دخل الصاله شـاف امه وَ ابوة وَ احلام وَ اسيــل ..
رائد:"الســـلام عليكم .."
:"وعليكــم الســلام .."
سلم على اخته احــلام:"هلا والله بـ احلام ، الله حيّها تو مانور البيــت .."
احلام:"الله يحييك ويبقيك منور بوجودكم ، شخبارك ياخوي علومك .."
رائد:"بخير الله يسلمك ، إنتــي اخبارك .."
احلام:"تمام الحمد لله .."
رائد:"كيف حال فارس وَ نواف وَ نوف .."
احلام:"الحمد لله كلهــم بخير .."
رائد:"الا ويـــن نوف ترى من زمــان ما شفتها .."
اسيل وهي توقف :"هذي هي ماتشوفها .."
ابو رائد:"وهي تنشاف عشان يشوفها .."
رائد اللي جلس عشان نوف ما يعرف يمسكها وهو واقف يخاف تطيح من إيده :"ههههههههههه صدقت يبه .. هذي ما تتعدى 2 سم .."
ضحكوا ..
احلام:"لا والله صرتوا تضحكون على بنتي،، هين ارويك يا رائد إذا كبرت بنتي تجيني تبي تزوجها واحد من عيالك .."
ضحك رائد بسخريه على تفكير اخته .. وهو ياخذ نوف من آسيــل ..
هو ويــن وَ الــزواج وين ..
باس خدودها الصغيره ..
كان خايف لا يصير فيهــا شي لما يبوسها كانت مع كل بوسه منه تغمض عيونها بقوه ..
وهو يضحك على برائتها .. وصغر حجمهــا ..
كان يتمنى لو يكون ابو .. بس عياله يكونون من رحيل ..
بس رحيل طارت من إيده ..
ولآ يتخيل عليه اولآد الا و رحيل امهــم ..
ام رائد وهي تحـاول تفتح الموضوع إللي من زمـان تبي تفتحه:"انشاء الله بتتزوج و بتجيب زوجتك عيال لك .. واحفاد لنا .. متى بس تحقق امنيتي يا رائد .."
غمض رائد عيوونه وهو عارف قصد امه من هالكــلام ..
وابو رائد عارف ولده زيــن وإنه ما يفكر بـ الزواج .. وولا يبي زوجته تفاتحه بالموضوع ..
ناظر رائد في اسيل .. وجات له وشالت نوف ..
ووقف :"يمه انتي عارفه رايي حاليــاً بالموضوع ، يعني لا تفاتحيني فيه الا ليـن افتحه انــا .. لأني انا اللي بتزوج ، وانا ما ابي اتزوج واظلم بنت النــاس معي .."
ام رائد:" يعني متى يليــن راسك وتفكر تتزوج ..؟ "
ابو رائد:"يا ام رائد افهمــي ، الولد قال لك ما يفكر بالزواج وشهو له تفتحين هالموضوع مره ثانيه .."
وقفت ام رائد وناظرت في رائد:"أجـــل انسى ان لك ام ، وامش ورا السراب اللي تنتظره .."
وطلعت من الصاله ..
ورائد حاس الدنيا ضاقت فيه ..
والأكسجين ما صار يتنفسه ..
ناظر في ابوة وَ احلام وَ اسيل ..
وكأنه يدور الحــل عندهـم ..
وطلع من البيت معصب وركب سيارته الـ [ لكزس] ..
وصار يهدي نفسه .. ومايبي يقود السيــاره وهو معصب ومنقهر من كــلام امه ..
هذا اللي كان خايف منه إن امه تقول له هالكــلام ..
وهذي هي قالته ..
ماكان يشوف قدامه غير خالد ولد عمه إللي اقرب واحد له ..
واقرب عمر له ، وأقرب تفكير له ..
» // في بيت أبــو متعب ..
قالت هند اللي كانت جالسه بجنب اخوها طـلال :"الا يمه ما حددتوا ملكــة متعب ..؟"
ام طـلال:"والله اهم حددوا بعد العيد بيوميــن ، بس للحين ما اكدوا .."
وقفت ام طــلال وراحت ..
و قالت هند:"والله بعد العيد حلــو .. وإنت يا طــلال متى نااوي تتزوج ، ولآ مطول ..؟"
طلآل اللي ماسك جواله ويشغل اغاني ومسبب ازعاج لهنادي اللي التابع التلفزيون:"والله انتظر حظرتك تتزوجين وثم اتزوج بعدك ، احترامٍٍ لك .."
هند عورها قلبها من هالطــاري :"تنتظرني ..؟ ليش بالله شايفني اكبر منك ولا وش ..؟"
طـلال:"سلامتك ، بس من حبي لك .."
هند وهي تقرص خدوده:"حبتك العااافيه يا قلبوو .."
طلال وهو يمسك إيد هند بقوه لأنها عورته:"هييه .. لاتصدقين ، بس مالقيت اللي تناسبني .."
هند:"اممم دامك ما لقيت ، اطّلع لك ، اممم مين يا هند مين مين ( وصرخت ) لقيتهاااااااا !! "
طلال فز :" يقطــع بليسك مسرع لقيتيها ، بس مــين ..؟!"
هند:"وش رايك تتزوج ليــان عشان يكونون اخوان متزوجين خوات .."
طلال ارتبك ، وقال يستهبل :" لا ليان توأم كيان ، اخاف اتلخبط بينها وبيــن اختها .."
هند:" يا غبــــــي ! يعني ما تفرق بين ملامح زوجتك وملامح زوجة اخوك ، وبعديــن اهم ما يشبهون بعض كثيير .."
طلال بأستهبال:"صدق والله .."
هند بأستهبال مثله:" والله .."
هنادي اللي كانت جالسه وتناظر فيهم وفي سوالفهم اللي كلها استهبال فـي استهبـال ..
ماعرفت وش ترميهم به .. شافت الخداديه اللي ما سكتها وصارت تضغط عليها من القهر..
ورمتها بقــوة وتبيها تضرب بـ هند اللي قهرتها ..
ولـكن للأسف ما صادت هند ..
صادت اللي فتح باب البيت ودخل ..
وكــان اللي داخل ..
عبــد الله ..!
طلعت هنـادي عيونها بخرعه ..
لأنها عارفه عبدالله ما يمشي هالحركـات على خــير ..
عبد الله اللي يتضرس:"وش اسوي فيك ،، قولي لي وش اســــــوووووي ..؟"
فزت هنادي وركضت لـ طلال وجلست وراه :"طلبتك يا طــلال .. طلبتك لا تخليه يطقني .."
عبد الله وهو يمشي بســرعه لناحية هنادي :" انا طاقك طاقك .. بكره ، بعده ، بعد سنه .."
طلال وهو يمد إيده لناحيه عبدالله اللي صار واقف قدامه :"ترا هي طلبتني ، يعني لا تطقها الحين ، طقها لا صرت مو موجود هههههههههه .."
عبد الله:" ههه تستهبل انت وخشتك ، انا اليوم بطقها فينــــي حره ، فيه واحد رافعٍ ضغطي خلني ابرد حرتي فيها.."
هنادي:"ليه وش شايفني حيواانه ما احس .."
عبد الله صرخ:"والعـــــن من الحيواااااانه .. هدني عليهـاااا .."
سمعوا الصوت اللــي خلاهم يوقفـون :"عبــــــــــد الله ..!"
خمس ثــواني .. ماكانوا يسمعون غير صوت التلفزيون ..
ابو متعب:"وش فيك على هنـــادي ..؟"
عبدالله:"يبه .. كنت امزح معاها لا اكثر ولا اقل ........."
ابو متعب:"اقـول لا يكثر هرجك .. ولا عاد اشوف حركات البزرآن ذي .."
عبد الله:"ابشــــر .."
ابو متعب وهو يروح منهم:"هذا انت ، ابشر وَ ابشر ، وأنت مو قد الكلمه .."
وبعد ما اختفى عن عيونهم ..
هنادي:"خخخخخخخ يا فشلتك .."
عبدالله :"هنادي .. ترى للحين ما سك اعصابي ، وتراك للحين ما عرفتيني إذا عصبت .."
وراح عبد الله وتركهــم ..
هنادي:" مسوي فيها عصبي .."
طلال:" لا جد ترى ما تعرفين عبدالله إذا عصب .."
هنادي:"وانا وش سويت ، ما كنت اقصد ارميه بالخداديه .."
طلال:"طيب روحي تسامحي منه."
هنادي:" لا والله .. لو تنطبق السما ع الأرض ما اتسامح منه .."
وقف سيارته قدام بيت عمه .. واخذ نفس ونزل ..
دخل الحديقه كــان عارف إن خالد الحين موجود بالبيت ..
وعشان كذا دخل الحديقه بدون ما يكلم خالد ويقول له ..
لأنه تعود على إنه يزور خالد بدون ما يدري ..
وهالــشي تعود عليه من يوم تزوجت رحيــل .. يعني الحين البيت ما فيه غير خالته ام خالد وعمه..
و خالد و فهد ..
ومافيه احد ..
شاف خالد إللي كان يكلم وابتسم يوم شاف رائد .. واستأذن من اللي متصل عليه وسكر ..
خالد:" يــا هلا والله بـ رائد .. الله حيــّه.."
رائد:" الله يحييك .."
سلموا على بعض ..
خالد:"كيف حالك .."
رائد تنهد :"زفت .."
خالد لآحظ إن رائد شكله متضايق:" افـاا ! ، وش فيــــك ..؟"
رائد:"متضـــايق شوي .."
خالد :"دامك متضايق ، انتظــــرني شوي .."
ومشى خالد لداخل..
رائد:"وين رايح ..؟"
خالد وهو يدخل :"جااايك جاايك ....."
واختفى صوت خالد تدريجياً ..
جلس رائد على الكراسي ..
وانتبه على السواره الذهبيــه اللي على الطاوله ..
مايدري ليش مد إيده لهــا واخذها .. وتمْ يتأملها ..
اكيد هالســواره لـ رحيل..
بس وش جاب السواره هنــا ..؟
وقف ومشى لـ حمـام السباحه ..
ومسك السواره بقوه .. ودخل السواره بجيبه ..
المــاي هاديء ..
وَ رآكد ..
وَ ثـآبتْ..
يحس الماي يشابهه بهدوءه وركادته وثـبوته ..
سمع صوت بعيد مو واضح له :"خـــــالد .."
عقد حواجبه ..
صوت انوثي ..
ميـن هذي .. ؟؟
رحيــــــــل .!
ايه هذا صوت رحيل .. والله مانسيته هو صوتها .. هـــو ..!
سمع الصوت اللي صار واضح له وقريب:"خــــالد .. وش فيك ما ترد ..؟"
سكت وش يقول ..
حـــاس بهاللحظه نســى الدنيــا ..
نسى كل شي..
رحيل الحين واقفه وراه ..
يعني يلف لفه وحده بيشوفها ..
لــكن هو مو حاس بشي ولآهو يقدر يلف ويشوفها عشان يموت لما يشوف قلبه بين عيونه بس حرام عليه ..
حاس جسمه خدر لما سمع صوتها ولآ هو قادر يتحرك ..
انصدم يوم مسكت إيده وجات قدامه:"خــالـ..................." شهقت..
ناظر فيها ..
شافها منصدمه وقالت:".......... راااااائد .!"
عوره قلبه لمّـا نطقت اسمه .. اول مره يدري إن اسمه حلــو ..
و أول مره يسمع اسمه من فمهـــا ..
ناظر فيها كانت قريبه منه ..
تمنى انها زوجته ..
تمنى بهاللحظه مليــــــوون مره بإنها زوجة ..
يمكن لأنه اول مره يحب ..
وأول مره وحده تملك قلبه ..
وما قـدر ينساها ..
رائد :"ادخلي قبل لا يجي خالد .."
شهقت يوم تذكرت خالد، وتركت إيده اللي من الخوف ما قدرت تشيلها ، ومرت من جنبه ..
وراحت ركـض .. وهو حاس بالدموع اللي تجمعت في عيونه لكن كابتها ..
ولآ راح يرضى للدمعه تهزمه وتنزل من عيونه ..
لف يبي يشوف رحيل دخلت ..
ما شافها .. وعرف إنها دخلت..
ما يبي احد يجرحها ..
ولو احد شافهم بيظن فيهم ظن غلــط ..
ابتسم بحزن ..
وشاف خالد اللي طلع من الفله ويبتسم له ..
تنهد رائد براحه ..
وجاه خالد:"مشينــــــا .."
رائد:"ويـــــن ..؟"
خالد:"إنــت امش وانت ساكت .."
دخلت المطبخ وهي تلهث ..
حاسه إنها سوت مصيبه .. واكبر من المصيبه ..
الحين وش بيقول عني ولد عمي..
يافشلتي مسكت إيده على اساس إنه اخوي خــالد..
وانا وش يدريني إنه رائد ، شكله من ورا كأنه اخوي خالد ..
نزلت دموعها من الفشله ..
وتفكر يمكـن رائد يفكر بإنها متعمده إنهــا تسـوي هالحركه ..
» // فـــي بيت أبــو سلطــان ..
كــانوا جالسيـن مع بعض ويسولفون ويضحكون ..
وكل وحده تعلق على الثانــيه ..
ويعلقون على مها وعلى بطنهــا إللي مو كبير حيـل ..
مهـا:" ااااه متى تتزوجيـن يا كيوون بس عشان تجربين التعاليق إللــي جربتهـا .."
كيان:"مهوو .. اسكتي قبل لا يجيك شي ما جــاك .."
ليان:"مهـا .. تخيلي شكل كيان وهي حـامل ههههههههههه ما يليق .."
وقفت كيان :"يووة إنتــوا بتسكتون ولا لا ..؟"
مها وَ ليان :" لااا .."
راحت كيــان منهم وهي تسمع ضحكهم ..
مها:"هههههههههه يا حليلها كياان .. أول مره اشوفها تستحي كـذا.."
ليان:"وأخيراً قدرنا عليها .."
انفتح بــاب البيت ودخل :"الســلام عليكم .."
:"وعليكم الســلام .."
جلس سلطـان بجنب مهـا :"وين الوالـده ..؟"
ليان:"عند الجــيران .."
هز راسه والتفت لـ مهــا ونـاظر فيها من قريب وناظر ببطنهــا وحط إيده على بطنها:"شخبــار الحلــو .."
استحت مها ، وكم مره حذرت سلطان إنه ما يحرجها قدام خالتها وَ خواته ..
بس هو مو راضي يترك حركاته ..
مها بهمس:"تمام .."
ليان:"احم .. وأخيراً لقينا من يحرجك يا مهو ، وين كيــان تجي وتبرد حرتها فيك .."
مها طلعت عيونها على ليان تبيهــا تسكت ..
التفت سلطان لـ ليان :"ليه وش مسويه مها ..؟"
ليان:"لا ما أقدر اقــول سواليف بنـــات .."
سلطان:"اهاا .. سواليف بنـات .."
دخلت غرفتها وتمددت على سريرهــا ..
خبروهـا اليــوم بأن ملكتها بــعد العيد ..
وخــايفه .. كل ما قرب الوقت .. كل ما زاد خوفهـا ..
فتحت الـدفتر اللي تكتب فيه كيــان اي شي مهم فيه وَ بعض خوآطرها القصيره..
وكتبت ..
قربت اللحظه التي تحدد مصيري معَ ذلك الرجل ..
[ الغــامض ]
بالنسبه لي ..
وَ للغيــر ..
ولآ اعلم هل اختيــاري وَ راحتــي لأختياري ..
عــلآمه لحيـاةٍ جميله مع الرجــل [ الغامــض ] ..
أم .. لآ ..؟ ~
طلعت من غرفتها ..
وشـافت غرفة اخوها عبد الله بابه مسكر ..
انا ليه ما اروح واتسامح منه .. والله إنــي طفشاانه .. ع الأقــل اجلس واسولف معااه ..
مشت وطقت الباب بهــدوء ولأول مره ..
هنادي:"هههههههههه .. اول مره اطق كذا ، وع والله إن الطق الدفش هو إللـي آحـلى من الهـآدي .."
سمعت صوته:"ادخــل .."
فتحت الباب بقوه وكـأنها ما صدقت .. ودخلت وسكرت الباب :"وشراايك بالمفاجأه .؟"
عبد الله اللي كان متمدد وقف وطلع عيونه ،وقال بعصبيه:"يقطعها من مفـاجأه يالشينه ، وش اللي جايبك يالخروف ، وبعدين وش هالطق الجديد ، اصـلآ مو من عوايدك تطقين الباب ، إنتـي تدخلين بدون استأذان .. لا يكون جايبه هند تطق الباب بدالك ..؟"
هنادي :"لا يابو العبد ، لا تزعلني منك ، ولا تنرفزني منك ، انا جايه ابي اتسامح منك "
عبد الله:"ههههههههههههههههههههههههههه بالله هذي قصيده ولا وش ..؟"
هنادي :" هههههههههه دمك خفيف تصدق .. الموهم،أنـا جايه ( راحت وباست خدوده ) ابيك تسامحني .."
عبد الله وهو يناظرها بنص عين ويرفع حاجب:"مع إنك رافعه ضغطي بس مساامحك .."
هنادي صرخت:"يالبـــــــى قلبووو ،، اي هذا عبود ابو الشباب اللي اعرفه .."
عبد الله:"لا والله متى عرفتيني ..؟"
هنادي:"البارح.."
عبدالله :"صدق !"
هنادي:"والله ههههههههههه ,, اقوول .."
عبد الله:" لا تقولين .."
هنادي:"اقووول "
عبدالله:" لا تقولين .."
هنادي:"اقوووووووول .."
عبدالله:"لا تقولين.."
هنادي طلعت عيونها:"اقووووووووووووول "
عبد الله:"قوولي فضيتي اذني.."
هنادي:"ههههههههههه وش راايك نطلب طلب ، ترى جوعااانه ، وابي سحور من برى .."
عبدالله:"اقول برى برى .."
هنادي:"ليييييييه ؟!! "
عبدالله:"يعني إنتــي جايتني ومسامحتني لمصلحه ..؟"
هنادي وهي ترفع سبابتها لفوق:"قسم قسماات مو جاايتك عشان كذا ،، بس والله جوعااااانه .."
عبد الله:"طيــب .. مشينا تحت .."
هنادي بفرحه:"يـلا .."
؛؛؛
مرت أيـام الرمضــان كـ أي رمضان يمر على المسلميــن ..
مـْرّت وبــاقي على العيد [ يومين أو ثــــــلآثه أيــام ] على حسب ..
إذا كـان الشهر كامل أو لا ..؟
..
الســاعه 3:34 فجــــراً .!
دخلت جنــاحها وهي حاسه بطفش فضيـــــــع ..
وتفكر بـ ســعود إللي إلى الآن مشغول وما كـان بينها وبيـنه أي إتصــال ..
آهـ .. يــاسعود وش إللــي تبي تسويه فينــي ..
والله تعــبت .. والله ..
تعبت ..
متى تتكلم ، متى تقول بـاللي فيـك .. متى تقــولي وش سبب بعدك عني وتهربك منـي ..
ولـكن الرد هــو ..
[ ؟؟؟ ] !
تفكر وَ تفـكر .. وهي عارفه النتيجه وش ..
عارفه إنها تتكلم وتسـأل الجدرآن الجـامده الهـامده ..
مشـت وتوجهت لـ مكتبه إللي من يوم مشى لـ الشــرقيه مـا جاته أو فتحته ..
شيكت عليه .. بـــــس مقفــول ..
مشت بطفش وجلست ع الكنــب ..
حـاسه بطفــش فضيـــــــع ..
انفتح بــاب الجنــاح ..
وحست بـأحد دخل ..
ونــاظرت بـ البــاب ..وشوي وعيونها بتطلــع من مكــانها من الصـدمه ..
هي بحلم ولآ بعلم ..؟!
وقفت رحيل وقـالت بصدمه :"ســعود !! "
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
انتهى الفصـل السآدس عشـر..~
انتظر ردودكم بكل شوق ،،
مع تحياتي ،،
&...آهــــوآگ...&
أو
&... صــاح’ـبي يــا ح’ــبني لــگ ....&
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
|
14-11-09, 01:05 PM
جديد مواضيع قسم الارشيف
العرض العادي
