سلام الله على الحلوين الطيبين.. والأشرار اللي مثل بنت خالتي لا وألف لا..بنت خالتي هذي شريرة..
فقعت مرارتي.. وضرب عندي الطبلون والأمبير والعداد كلها ضربت التوب
أنا صار لي زمان أتابع القصة منزلة على الجوال.. أختي تنزلها لي وهي ما تعرف من اللي كاتب القصة جعل ربي ما يخليني من اللي كتب القصة ولو أنها ما تستاهل
انشغلت واااااااايد.. ومشكورين كل اللي سألوا ويسألون عني خجلتوني وأنا وحدة استحي <<<< كثري من ذا الهياط
والله كل بارت كنت أقراه كان ودي أرد.. مرة ودي أحب خشم أنفاسوه ومرة ودي احوس أم كشتها..
يعني بصراحة على اللي هي سوت في فارس قلبي عشان شينة الحلايا العنود الغثيثة كان المفروض تبي لها تهزيئة محترمة
والا على الاجرام اللي هي تسويه في المساكين راكان وموضي.. قال اصحاب قال.. كثري منها زين
يعني أيام كثيرة أبي أرد بس يلدني شي
لكن عاد تجي تبي تذبح أبومحمد.. لا وألف ولا... وصل السيل الزبا على قولت عربان أول
نفوسة يابنت الخالة يخلي سوسو وأبو سوسو وتشوفين سوسو عريس وعين أبوه ما تشوف غير أمه.. وخري عن مشعل بن محمد واللي يرحم الشيبان
يعني خليتي العالم كلهم وجيتي عند ذا الرجال اللي عنده اربع بزارين تبين تذبحينه
ولا حتى يسوي حادث وينصاب.. ما نبي يصير له شيء.. رديه سالم للطوف.. ولو أني زعلانة من لطوف على اللي هي سوت في مشعل
بس تدرين نفوسه.. كنت دايم أسأل نفسي أشلون تبين تبررين لنا برودها الغير طبيعي.. دارت برأسي المصدي أفكار وش كثر.. بس ما خطر لي هالتبرير العميق والبسيط في نفس الوقت.. ضربة معلم يابنت الخالة
وعقب ما مدحنا وانتي ما تستاهلين نرجع لموضوع حوارنا الأساسي<<< وخر عن فيصل القاسم
علمن ياصلج ويتعداج لو سويتي في أبومحمد شيء.. أي شيء حتى لو كان بسيط.. يا ويلج ويا سواد ليلج.. أفكار اجرامية وايد تهاد في رأسي
فأنتي خطي ثوبج بين سنونج وافركي لها.. وجيبي لنا أبومحمد البارت الجاي سالم غانم..
والحين عقب ما بردت خاطري قدام العالم... تراني جايتكم.. استعدي للحوسة اونلاين... والفلاش ذا المرة مطلعته مطلعته.. إن شاء الله أجيب معي كلب بوليسي.. بيطلع بيطلع
ماشاء الله تبارك الله ولا حول ولاقوة إلا بالله
بنت الخالة المزيونة الموت الحمر+ المغبرة اللي زمان ما شفتوها
10-10-09, 08:16 AM
جديد مواضيع قسم القصص المكتمله من وحي قلم الاعضاء
العرض العادي
