كاتب الموضوع :
dr_e
المنتدى :
الارشيف
عدنا بعد الفاصل
وشوية جد
ايه دة تاني جد؟
معلش بقى استحملوني بس مش عايزين نضحك ونهرج وبس لازم يكون في هدف
وياترى ايه الهدف من موضوعي؟
اننا نحاول نعرف اسباب رفضنا للزواج وتأخيرنا ليه, وكمان نحاول نحلل الاسباب دي ونعرف ازاي نتغلب عليها, وكمان حاجات تانية كتير هنقولها سوا
بس خلصوا الشوية
وبعد ماحصلت انقلابات وتحريضات علنية
تعالوا بقى نكمل ليه البنات بتقول مش عايزة اتجوز:
زي ماقلنا قبل مانفصل ان اول سبب بيخلي البنت تخاف من الجواز هو الحكايات اللي بتسمعها من اللي حواليها
وتاني حاجة ان أحيانا بيكون في صفات معينة هي بتكون رافضاها رفضا مطلقا (حلوة مطلقا دي)
واكتر حاجة تعقد بقى لما تلاقي نفس الصفات بتتكرر في كل حد بيتقدملها هتكره عيشتها وتكره حد يجيب سيرة الجواز قدامها
في سبب تاني مهم اوي: لو كانت الفتاة في اسرة تكثر فيها المشاكل بين الاب والام اكيد هتشب على فكرة ان الجواز كله مشكلات والم وبالذات لو كانت المشكلات بتوصل لمرحلة التعدي بالضرب والاهانة
فدي طبعا بتعقدها وتخليها بتقول بالفم المليان مش عاوزة اتجوز
طبعا غالبا زي ماقلنا بتقول الكلمة دي وهي بتقصد: مش عاوزة اتجوز اي حد والسلام
ومش عاوزة اتجوز دلوقت
ومش عاوزة اتجوز لمجرد انهم عايزين يجوزوني
أحيانا بتكون في بعض الاسباب التانية اللي بتخلي البنت تأجل جوازها:
بعض البنات بيأجلوا فكرة الجواز لغاية مايخلصوا دراستهم, والبعض بيكون عندهم بعض الطموحات في شغلهم او دراستهم عايزين يحققوها الاول وبعدين يفكروا في فكرة الجواز لانهم بيكونوا خايفين ان الجواز يعطلهم عن احلامهم دي
وأحيانا ببساطة, لأنها مالقيتش حد مناسب
ياترى ايه رأيكم في الاسباب السابق ذكرها؟
عايزة كل واحدة فيكم تقول ليه مش عاوزة تتجوز دلوقت
ومازال باب السكن في الحارة مفتوح
|
12-02-09, 02:19 AM
جديد مواضيع قسم الارشيف
العرض العادي
