|
حارة العزوبية( السكن متوافر للبنات والشباب)
اهلا بالحبايب
احب اعلن من هنا ومن مكاني هذا في قهوة ليلاس عن انشاء حارة العزوبية لكل اللي مش عايز يتجوز, سكن ببلاش وراحة بال وروقان اخر حاجة ايه دة البت اتجننت ازاي عاملة موضوع في المرسى عشان اجوزكوا وهنا عملت موضوع للي مش عايز يتجوز؟؟ معلش بعيد عنكم بداية انفصام في الشخصية بس ماتقلقوش الحالة مش خطيرة شوية جد: قبل مانبتدي الدش والرغي بتاعنا, وقبل مانتكلم عن مميزات حارتنا وخطط مقاومة محاولات هدمها تعالوا نتكلم عن حاجة مهمة: كلمات بنسمعها وبنقولها وياريت نبطلها: عانس, فاتها القطر, مادخلش دنيا الكلمات دي بتوجع اللي بتتقالهم جدا, لو كل واحد فكر انه ممكن الكلمة دي تنقاله او تتقال لحد قريب منه اكيد هيبطلها, وكمان في حاجة ليه فاكرين ان المشكلة دي مشكلة البنات وبس مع انها مشكلة الشباب كمان الاسباب كتير والكل عارفها لكنها مش موضوعنا هنا, او يمكن تكون موضوعنا حسب التساهيل بقى رجاء تعالوا نحاول نبطل نقول الكلام دة سواء على البنت او الشاب, ومهما هزرنا هنا او اتكلمنا عن الموضوع دة بلاش نقول الكلمات دي اتفقنا؟ ملحوظة الموضوع كنت هسميه حارة العوانس لكن نظرا لرفضي التام للكلمة اترددت كتير وفي الاخر رجعت عنه واهلا وسهلا بيكم في حارتنا: اتفضلوا معانا شروط السكن في الحارة: شوفوا ياحلوين, اول شرط للسكن في حارتنا هو عدم الزواج, بمعنى انك تكون او تكوني من رافضي الزواج, مش عايزين بقى حد يجي يهد حارتنا ويفرق تجمعنا اللطيف دة ولا يجي ويملى دماغ العزابية بكلام بقى انه لازم يتجوز وانها تدخل بيت العدل والكلام دة(قال بيت العدل قال ) تاني شرط السن:ممكن من سن 17 ولحد التسعين معندناش مانع برضه ياجدو تيجي تنورنا تالت شرط:...... ولا اقولكم كفاية كدة مش عايزين نطفش الزباين دة سكن مش كراسة شروط مميزات الحارة بتاعتنا عن باقي الحواري التانية: هنفضفض ونتكلم ونبعبر براحتنا عن كل اللي عايزين نقوله, بجد او بهزار زي ماحنا عايزين,ونتبادل النصايح ازاي نحافظ على افكارنا ونحمي عقولنا من الافكار الشريرة الداعية الى توفيق راسين (ايه راسين دي) وتوعية الجيل الحالي بخطورة وعواقب ذلك المشروع القاتل المسمى بقفص الزوجية ( ايه الكلام المجعلص دة؟) في انتظار تشريفكم لينا, والبيوت تنور بيكم http://www.liillas.com/up2//uploads/...0caf77cde4.jpg مش عايزة اتجوز: ياترى ليه بنقول الكلمة دي؟ اناهتكلم بصفتي واحدة من البنات الغلابة وهقولكم ليه احنا البنات احيانا بنقول مش عايزين نتجوز: تلاقي البنت ياعيني زي الوردة المفتحة, وشها منور كدة ومقبلة على الحياة وتروح شغلها او كليتها وتسمع هناك حكاوي عن المتجوزين ومشاكلهم وحاجات تعقد, اللي ماسمعت واحدة بتشكر ف جوزها او بتقول انه طلع كويس او انه ماتغيرش بعد الجواز,ابدا كل اللي سمعته من الناس انهم بيحكوا عن مشاكل وبس وكلهم بيقولوا خليكي كدة احسن بلاش وجع قلب يابنتي مع ان زمان كانوا بيقولوا ان الحياة يوم حلو ويوم مر, لكن كل اللي بيحكولي بيحكولي ان كله مر وبس كمان احيانا بيكون السبب ان البهوات اللي بيتقدموا للبنت الغلبانة المسكينة بيكون فيهم احيانا صفات البنت مش بتقدر تتحملها, لكل واحد فينا صفات ف شريك حياته ,وكل واحد بيقدر يتحمل عيوب معينة وفي عيوب ماتنطاقش اصلا وساعتها البنت بتبقى على نغمة واحدة ماخدوش يابابا ماخدوش يابابا ماخدوش هرجع بعدين اكمل ليه احنا بنقول مش عاوزين نتجوز منتظراكم |
ممكن اكون اول ساكن بالحاره ؟؟
بس يا ريت الاجار ما يكنش غالي لانني عاطله عن الزواج وعازبه عن العمل وامكانياتي محدوده |
انا برضوو معاكم بسكن <<<الاخت من المناهضين للعزوبيه
^________________^ |
وانا كمان ياريت تفضولي غرفة بكره الرجال هههههه |
انا حجيب شنطتي و اجي هههههههههههه
لك في احلى من العزوبية زي ما بنقول عندنا خبزك مخبوز و زيتك في الكوز .لا مسؤولية و لا تعب و لا اي شئ خالص،بتدلل و الكل عم يحققلي طلباتي ، من شان شو راح روح اتجوز يعني هههههههههههههههههه من شان اخد حدا يعكنن علي و يزهقني في الرايحة و الجاية،اصلا هو الواحد متعكنن رباني حيروح يدور على حد يعكنن عليه و يكرهو في عيشتو ههههههههههههههههه لا بس عن جد شغلة الزواج هي ما عادت نافعة بنوب انا عندي 4 صديقات طلقو ازواجهم من السنة الاولى زواج و الباقي حاسديني على النعمة اللي انا فيها ههههههههههه لو بحكيلكم شو صاير معهم راح تستغربو ههههههههههههههه و طبعا اهم شئ انو ما عاد في شباب صالحين للزاوج كل واحد فيهم عندو لستة عيوب مستحيل تخلي واحدة تفكر تتزوجو ههههههههههههههههههههه |
| الساعة الآن 08:55 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية