كاتب الموضوع :
dr_e
المنتدى :
الارشيف
اقتباس :-
المشاركة الأصلية كتبت بواسطة فتاة الجليد الأحمر  |
اسراء وستارات والجميع
ردا على كلامك يا قمر ياستارت ^___^
فكرك الناجحين والسعداء الي هما قلة
لما اتزوجو اخدو الموضوع على اساس انو قسمة ونصيب
وفكرو باايجابية وحاولو يتأقلمو مع الوضع
لحتى اتقبلوه وارتاحو فيه واتعود عليه
بدون وجود حب واكتفو باللفة والمحبة
والجزء التاني الي في المشاكل والمحاكم هدول
ماقدرو يتقبلو الموضوع
وبدهم الحياة بمثالية زيادة
واشترطو وجود الحب لهبك ماقدرو يستمرو بزواجتهم
والورق هاي متسرعين يا انضحك عليهم
يا خافو انو الراجل دا يطير وحبوه بجد
وقرروا يحاربو الدنيا عشانو
والباقين في بيوتهم
تتوقعي مرتاحين
وهما شايفين احلام اللي حواليهم
شايفين الامومة ومش حاسين بيها
شايفين الحنان والرومانسية ونفسهم يعيشوها
فكرك مش نادمين على قرارات اتخدوها زمان
لما كانو بيدرسو وما رضيوش يتجوزو
ولا لساعهم مساكين بيستنو الحب والزواج مع بعض مايجي التاني دون الاخر
؟؟؟
مين فيهم صح؟
لو قلنا الفئة الاولى عشانها ايجابية وعقلانية
تفتكري انو يضيع العمر بدون سعادة
وبتفكير في الماضي دا شيء جميل ؟
الفئة الاولى - منها وحدة اعرفها مرتاحة اوي ما شاء الله
بس بااحس انهم بيفتقدو معاني اجمل بكتير
الشغف -الوله - العشق
حاجات كدا مفاجئات تكسر الروتين في حياتهم
الفئة التاني اعرف وحدة كمان بتعشقو وتعبانه معاه
فكرك احيانا الاختيار الخاطيء + (يكون مع شخص بنحبو ) الحب = مشكلة كبيرة اوي وعويصة
الفئة بتاعت الورق = غالبا بااحس انهم بيتعبو اوي
بيحرمو اهلهم فرحتهم بيهم
وحاجات كتيرة اوي غير انهم بيحرمو نفسهم من الفستان الابيض ولمة الاهل حواليهم
لكن بيخرجو من التجربة بصمود
بس مش هيقدرو يحبو بعد كدا
ح تستهلك كل المشاعر عندهم
الفئة الاخيرة دي
مش هيسلمو من كلام الناس
دا واحد بس
اتنين هيتعبو كل مايشوفو اتنين متهنين
مش شرط يحسدوهم بالعكس دول ممكن تكون انفسهم خيرة ويدعو لاي حد مبسوط وايا زوجه وحبيبه
لكن هيحسو بنقص
في حاجة نقصاهم
ممك بيحسو انو مافيش حاجة جديدة فحياتهم
مافيش سعادة
مافيش زوج ولاعيال صغننين يلعبو معاهم او يشيلوهم في كبرهم
وعلى رأي المثل ظل راجل ولا ظل حيطة
دا اللي ماضي دلوقتي بين البنات (الا من رحم ربي)
والا ماكنتش اخترعو موضوع التزبيط ==== والي بعدي شوية هااتكلم عنو
: )
هههههه
كدا انا اكتفيت وليا رجعة
الكلام موجه للكل : )
|
لين
كلامك واسئلتك مهمة
واسمحيلي اناقشك:
عارفة ليه الناجحين قلة؟؟
عشان الاغلب اتسرعوا
قالوا زي مالبعض بيقول ضل راجل ولا ضل حيطة
قالوا اهي جوازة والسلام ومافكروش سواء هو او هي انه ربنا قال عن الزواج ميثاق غليظ, وان قدسيته تحتم ان كل واحد فيهم يفهمه صح ويحاول يحافظ عليه
دلوقت لو بصيتي حواليكي هتلاقي حالات الطلاق في اول سنة جواز كتير اوي نتيجة لانهم محاولوش حتى يحلوا مشاكلهم ودوروا على اسهل الحلول
اللي اتمتعوا بالسعادة ف حياتهم منهم زي مابتقولي حياتهم روتينية لكنهم بايدهم يخلوها حلوة وممتعة
ماداموا اتفقوا انهم يستمروا وحبوا بعضهم اكيد هيقدروا , تعرفي مش دايما الحب بيجي قبل الجواز, بالعكس اوقات كتير بيجي بعده وبيكون قوي جدا وعنيف كمان
عارفة انا مؤمنة تماما ان الجواز عمره ماهيكون كله ايام حلوة ولا هيكون كله ايام مرة
بالعكس
الحياة فيها وفيها
والاذكياء هم اللي يعرفوا يتغلبوا على المرار بالتفاهم والود
انا ضد فكرة ان يااما الحب والجواز مع بعض يااما لا, لان احيانا الجواز التقليدي بيولد حب ويستمر العمر كله,واحتمال ان الاتنين يجوا مع بعض قليل اوي يكاد يكون نادر
عارفة بالنسبة لموضوع الجواز والدراسة هتكلم عن تجربة:
واحدة من قريباتي اتجوزت اثناء دراستها ومعرفتش تكمل, انشغلت بالبيت والزوج, وواحدة تانية ماشاء الله كملت من غير رسوب
يعني المسألة نسبية
عن نفسي زي ماقلت ف موضوعك شايفة ان لو الشخص مناسب يبقى ارتباط مبدأي لغاية ماتنتهي الدراسة
تعرفي كل اللي بيقول مش هتجوز في المطلق بيقول كدة وهو مش مقتنع, ومن جواه بيكون عايز يتجوز النهاردة قبل بكرة
لكن هتكلم عن نفسي: على اد ماجوايا احلام بالحب والامومة وانسان اطمنله واحبه ويحبني واشيل همه ويشيل همي الا اني خايفة تعرفي ليه؟ عشان معدش في حد كويس, تنكري ان دلوقت الاستهتار واللامبالاة والتفاهة سمة لشباب كتير؟ تنكري ان كتير انانيين و عقولهم فارغة ومعندهمش احساس ولا فهم لمعنى الزواج والمسئولية والحب؟
مش بعمم كلامي لكن كتير كدة على الاقل اغلب اللي اتقدمولي او شفتهم حواليا سواء في دراستي او شغلي كانوا كدة
ومش معنى كلامي ان البنات ملايكة, لا في بنات كتير برضه فيهم العيوب دي واكتر
عارفة اكتر حاجة مخوفاني اني عارفة نافسي يوم ماهتعلق بحد او احب حد هحب بجنون, ولو انجرحت هتعب جدا
لين صحيح يعني ايه تظبيط؟؟
|
27-02-09, 07:23 PM
جديد مواضيع قسم الارشيف
العرض العادي
