لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-12-08, 03:38 PM   المشاركة رقم: 16
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,167
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

الجزء الثانــي عشر


(كان اخر سؤال قاله يوسف..ريم تتزوجيني ؟!)
ريم: !!!!!!!!!
يوسف: لو انك قريتي الكرت كان عرفتي سبب وجودي..
ريم: مو عذر !!
يوسف:..........
يوسف: ريم والله عارف مو عذر..بس هو السبب اللي خلاني اجي..يمكن كنت ابي اشوفك ! اشوف ردة فعلك لو قريتي الكرت ! او يمكن ما كنت متوقع انك تجين عشان كذا رحت عشان اثبت هالشي..
ريم: تثبت ايش !
يوسف: اثبت اني اعرفك..واعرف انك ما فكرتي تجين..عقلي كان يقولي انك ولا حتى فيه امل تجين..بس قلبي يعطيني امل بالعكس..
ريم:...........
يوسف: ريم ما رديتي علي ؟؟
ريم:؟؟
يوسف: تتزوجيني !؟
ريم:...........
يوسف: ريم لا تسكتين..
ريم:........
يوسف: ريم عشان خاطري لو كان لي عندك خاطر..هالمرة ردي علي..تعبت من سكوتك..كل مرة احاول اقرب لك فيها انتي تبعدين بسكوتك..
يوسف: واجهيني بكل شي..باي شي في خاطرك..حتى لو كنتي رافضتني..المهم كلميني ولا تسكتين..
ريم: وانت تظن سؤالك بهالسهولة ينرد عليه !!
ريم: اصلا انت فكرت في السؤال قبل لا تقوله ؟
يوسف: يعني متوقعة اني بسال هالسؤال وانا قصدي العب ؟؟
ريم: لا !
ريم: انت تبيني اتكلم وارد عليك صح ؟!
يوسف:صح..
ريم: اجل اتركني اتكلم واسمعني للاخر..
يوسف:...........
ريم:يوسف انا ما قصدت بكلامي انك تلعب..انا كل اللي ابي اقولك اياه انه المفروض ما تستعجل وتقول اشياء انت مو قدها..او تندم بعدين لانك قلتها..
ريم: بعدين بالله عليك تسالني انا هالسؤال وتبيني اجاوبك الحين..اذا بنات اكبر مني بسنين ويقعدون ايام يفكرون باجابة..
ريم: وافرض اني بجاوب الحين..فيه شي راح يمنعني يا يوسف..هو تصرفك اللي سويته..وغير كل شي..
يوسف:.......
ريم: مو انت اللي تسوي هالشي..انا طول معرفتي فيك ما شفت الا الاحترام..واخلاقك العالية..عمرك ما احرجتني او حتى جرحتني بكلمة..تعتذر مني حتى لو ما كنت غلطان..تخاف ربك بكل شي تسويه وتقوله..افكارك ومبادئك تعجبني..احس عندك استعداد تتغير عشان شخص تحبه وتعزه..بس كل هذا تغير..
يوسف: ريم..
يوسف: تشوفين كل هذا فيني !!
ريم: ايه والله يا يوسف واكثر من هذا بس كله صار ماضي..
يوسف: لا يا ريم مو ماضي..اذا كان الله يغفر ذنوب الانسان مهما كانت كبيرة..وانا مو قصدي اقارن بس مو معقولة غلطة مني تخرب كل شي حلو بيننا..
ريم:...........
يوسف: ريم مو عيب اني اغلط بس العيب اني ما اعترف بهالغلط واستمر فيه..
يوسف: انا اعترف بغلطتي واعتذر منك..والله يا ريم اسف..
ريم: يوسف اللي سويته مو سهل..
يوسف: انا معاك ان اللي سويته كبير..بس يا ريم فيه فرق بين اللي يسوي هالشي لغرض في نفسه..وطبعا ما اقدر افصل بهالموضوع انتي عارفة الشباب وافكارهم..وبين اللي في نيته غرض واحد وامنية وحدة..
يوسف: هالامنية انتي عارفتها..واذا تحققت فانا بكون اسعد انسان في الدنيا..واذا ربي ما كتب لي احققها فانا اتمنى من كل قلبي ان ربي يوفقك مع الانسان اللي تحبينه ويحبك وترضين تكملين معاه باقي حياتك..
ريم: يوسف كلامك ما استاهله..
يوسف: ريم بس هذي الحقيقة..انا هذا شعوري اتجاهك..يمكن تعديت حدودي بس صدقيني ما كذبت عليك بكلمة..
يوسف: ريم صدقيني انتي ما تتخيلين شلون غيرتيني..انتي خليتي من يوسف شي ثاني..غيرتيه وغيرتي حياته..اعطيتيه امل بالحياة وفهمتيه انه في الحياة لا يمكن الواحد يكون خسران دايم..
ريم:يوسف يمكن اكون غيرتك ولو بشي بسيط..لكن انت كنت مستعد لهالتغيير..
يوسف: لا ياريم..انا اللي كنت مستعد له هو اني اكمل باقي حياتي حزين على وفاة امي..لكن مع طريقة كلامك معاي واهتمامك فيني خلاني احس فيه اشياء حلوة بهالدنيا انا ما ادري عنها..حبيتك من كل قلبي يا ريم..
ريم:..........
يوسف: ريم..والله اسف على اللي سويته معاك..
يوسف: ريم ابيك تسامحيني وتعطيني فرصة ثانية..ووالله العظيم لو غلطت عليك بعدها باي شي انا من نفسي راح انسحب..
ريم:...........
(ريم كانت ناوية تقطع صلتها بيوسف..وتنهي كل شي بينهم..لكن كلامه لها وبعد اللي صار بينهم..غيرت رايها..وحبت انها تعطيه هالفرصة اللي طلبها..وخاصة انها رفضته اكثر من مرة..)
ريم: انا راح اعطيك يا يوسف هالفرصة اللي طلبتها..وان شاء الله ما يصير شي مرة ثانية..
يوسف: شكرا يا ريم..ان شاء الله بحافظ على وعدي لك..
ريم:............
يوسف: ريم ابيك تسمعين هالاغنية..اهديك كلماتها من كل قلبي..
ريم:تسلم..
يوسفurl]http://songs.6arab.com/rashid..allah-la-ygeeb-eza3aal.ram[/url]
ريم: تسلم يوسف الاغنية مرة حلوة..
يوسف: الله يسلمك..
ريم: اوكي يوسف اشوفك على خير..انا لازم اطلع الحين ارتاح شوي..
يوسف: اوكي ريم..نسيت اقولك مبروك النجاح..
ريم: لوول الله يبارك فيك..يله باااي..
يوسف: باااي..
(اول ما سكرت ريم من يوسف..راحت على طول تبي تدق على الجوهرة..)
الجوهرة: الو..
ريم: هلا جوجو..
الجوهرة: ريم !! هلا والله هااه بشري وش صار..طلع هو والا لا..ارسلتي له ايميل ؟؟ هزئتيه ؟؟
ريم: بسم الله علي..شوي شوي..والله بقولك كل شي..
الجوهرة: طيب..ارسلتي له ايميل !؟
ريم: لا..شفته اون لاين..
الجوهرة: اها طيب وش قلتي له !
ريم:لا ما ينفع اقولك كذا..تعالي عندي..
الجوهرة: لا..لا انتي تعالي..امي طلعت مع اخواني والسواق معاهم..
ريم:اوكي الحين اقول لامي واجيك..
الجوهرة: اوكي انتظرك..باااي
ريم:بااااي
(وفي بيت الجوهرة..قالت ريم للجوهرة كل اللي صار بالتفصيل..)
الجوهرة:طيب !! يعني الحين من جدك راح تسامحينه..
ريم: ما سامحته بس عطيته فرصة ثانية..في انه يغير الفكرة اللي كونتها عنه بعد الموقف..
الجوهرة: ريم يعني بالعربي سامحتيه..
ريم:..........
الجوهرة:اممم تحبيه صح ؟!
ريم:لا ما احبه..
الجوهرة: الا تحبينه..والله تحبينه..
ريم: ايــــــــــــه احبه.. خلاااااص احبه ارتحتي !!
الجوهرة: !!!!!!!!
(الجوهرة كانت عارفة الاجابة..بس ما تقبلتها من ريم بالذات..)
(يسكتون شوي وكل وحدة تبي تبدا بالكلام..)
الجوهرة: طيب الحين انتي موافقة على سؤاله ؟!
ريم:لا..انا ما قلت اني موافقة ولا قلت اني رافضة..بس يالجوهرة وش اللي يمنعني دام هالشي مو غلط..
الجوهرة: اللي يمنع ان بداية هالشي غلط واذا البداية غلط الباقي كله غلط..
ريم: انا اعترف ان البداية غلط..لكن مو معناته اني عرفته من الشات..او من اي مكان ثاني يخليه انسان ناقص..انا عرفته زين..وهو عرفني..
الجوهرة: امممم ريم والله مدري..
ريم:.........
الجوهرة:ريم انا طول ما كنتي تتكلمين عن يوسف ما كنت اشوف انه ينخاف عليك منه..يعني كل كلامك عنه كان يدل على اخلاقه..بس بعد اللي سواه شكيت بالموضوع..
ريم: والله انا مثلك يا الجوهرة..بس هو فهمني قصده واعتذر من غلطه واعترف انه غلطان..
الجوهرة:اممم اوكي اجل لا تعطينه الفرصة وتتساهلين على طول..خليك قوية معاه..لو هو يحبك من جد راح يوفي بوعده..ولو مثل غيره من الاولاد راح يسوي تصرف مثل الاول..
ريم: ان شاء الله يا الجوهرة..
(تبتسم ريم للجوهرة..ويكملون سواليفهم عادي..)
(وتبدا اجازة بين الترمين..وتمر بسرعة..ريم ويوسف كانت سواليفهم مع بعض تقريبا شبه يومية..كلامهم مع بعض كان عادي..سواليف ووناسة وبحدود..هالسواليف ما تمنع حركات يوسف..بس ريم كانت متقبلة هالحركات..لان الاحترام كان اهم شي بينهم..)
(ويوم من الايام ولاول مرة اعترفت ريم بحبها ليوسف..كان يوسف قاعد على الكمبيوتر..ولا لقى ريم..قعد يدور على اغنية يرسلها لها..فكر وتذكر انه ريم تحب اغنية لراشد الماجد..مرررة تحبها..>>>> يســــألوني..)

 
 

 

عرض البوم صور dali2000   رد مع اقتباس
قديم 27-12-08, 03:39 PM   المشاركة رقم: 17
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,167
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

ارسل لها الاغنية على الايميل..وبعد فترة دخلت ريم..قعدوا يسولفون..نسى يوسف يقول لريم عن الايميل..تحمس يوسف بالسواليف وكان يسولف لريم عن طلعته اليوم مع لمى..وعن المواقف اللي صارت..كانت ريم تسمع سواليف يوسف..وشافت منه ايميل..فتحت الايميل..شافت الاغنية واللينك:
http://www.r3odi.com/cards/create.php?card_id=98نست يوسف وسالفته وقعدت تسمع الاغنية..يوسف كان متحمس ولا انتبه لسكوت ريم..ريم تقاطع سكوت يوسف..)
ريم: يوسف..
يوسف: هلا !!!!
ريم:احبـــــــــك..
يوسف:...........
يوسف: وش قلتي !!
ريم: لوول والله مدري شلون قلتها !! بس ما راح اعيدها..
يوسف: انتي اكيييييد ريم !
ريم: اممم والله اشك..
يوسف: ريم والله مو مصدق..انتي تحبيني انا ؟!
ريم: ايه انت..
يوسف: ريم لحظة لحظة ابي استوعب..
ريم: لووول
ريم: خلاص يوسف لا تحرجني..كمل السالفة..
يوسف:سالفة !! اي سالفة هذي اللي بقولها بعد كلامك..ريم كلامك ما بعده شي..
ريم:.........
يوسف: هههه طيب خلاص بكمل السالفة..بس اهم شي عرفت شعورك تجاهي..
ريم:.......
يوسف: اممم والله مدري وش كنت اقول..نسيتيني نفسي..
ريم:كنت تتكلم عن روحتك مع لمى..
يوسف: ههه لا هذي السالفة قديمة بس انتي مو مركزة..
ريم: لووول كنت اقرا الايميل..مرة حلوة الاغنية شكرا..
يوسف: العفو عيوني..وحافظ احلى مقطع تحبينه..
يوسف: يسالوني وانتي اكبر من سوالفهم جميع وانتي اجمل ما خلق ربي بهالكون الوسيع..
ريم: واني اتلاشى بدون عيونك الخجلى..اضيع..اضيع..
يوسف: ياهووووه على اضيع..
ريم: لووووول
يوسف:........
ريم:..........
يوسف: ريم عندي سؤال محيرني من زمان..يعني من ذيك السالفة اللي صارت.بس ما تجرات اسالك بس الحين كلمتك لي خلتني ما اخاف من اي شي..
ريم: تفضل..اسال..
يوسف: ريم..انتي كيف عرفتيني بمحل الهدايا...
يوسف: يعني ما فيه اي تصرف سويفه يوضح على اني يوسف..
ريم: لووول..يوسف بقولك السالفة بس اخاف ما تصدقني..
يوسف:الا بصدق اي شي تقولينه..
ريم: امممم اوكي بقولك السالفة..
ريم:شفتك بلندن..
يوسف: لندن !! كيف ومتى ؟؟
(قالت له ريم على السالفة كلها..)
يوسف: ياليتني عرفتك وشفتك..
ريم: ليه !
يوسف: بس كان يهمني اعرف انك واقفة جنبي..
ريم:امم اهم شي انه صديقتي قاعدة تعلق على شكلك..انا ضايق صدري عليك..مرة شكلك كان يحزن..وهذي تعلق لووول
يوسف:هههه اكيد شفتوا واحد يبكي قاعدين تعلقون وتضحكون..
ريم: لووول لا والله حرام عليك..ما ضحكنا..بس هي قاعدة تناظرك وتقول مملووووووووووووح..
يوسف: انا !!
ريم: ايه انت..
يوسف: الله يسلمها..وانتي ايش رايك ؟!
ريم:رايي بايش ؟؟
يوسف: ريم لا تستهبلين..
ريم: لووووول اممم مملوح..
يوسف: شكلها مو طالعة من قلبك..
ريم: لووول انت عارف انك مملوح ما يحتاج احد يقولك..
يوسف: الا انتي اهم الناس عندي..يهمني رايك اكثر من الكل..
ريم: تسلم والله يوسف..
يوسف:الله يسلمك..ما قلت الا الصراحة..
يوسف: وانتي ما تبيني اقولك رايي فيك ؟!
ريم:............
يوسف: ردي علي !!
ريم: وانت عرفت انا مين !
يوسف: هههه ايه من صراخ صديقتك وهي تناديك..
ريم: لوووول والله اني دارية انها بتفضحني بكل مكان..
يوسف:هههههه
ريم: ياحبيلها هالبنت..
يوسف:لا تضيعين السالفة..تبين رايي ؟
ريم:امممم طيب بس لا تتطنز علي ترى ما اسمح لك..
يوسف: افا..انا اتطنز عليك..انا اذبح اللي يفكر يتكلم عليك بكلمة..شلون تبيني اتطنز عليك..
ريم:............
يوسف: ريم تبين الصراحة ؟؟ وبدون مجاملة !
ريم:ايه !!
يوسف:انا ما كنت متوقع شكلك كذا..
ريم: ما فهمت قصدك ؟
يوسف: يعني يا ريم انا عرفتك وحبيتك قبل لا اشوفك..حبيت فيك طريقة تفكيرك وعقلك..توقعت انه هالتفكير والعقل راح يكون جمالك..بس يوم شفتك..كاملة والكامل وجهه
ريم:..........
ريم:يوسف مو لهالدرجة لا تبالغ..
يوسف: يمكن لاني احبك شفتك احلى شي بعيوني..بس والله صدقيني انتي حلللللوة..
ريم:تسلم..مدري وش اقول..
يوسف:الله يسلمك..لا تقولين شي انا ما انتظر منك رد..
(خلصت الاجازة على هالحالة..انشغلت ريم بدراستها وما صارت تدخل الا نهاية الاسبوع وكان يوسف يدخل بنفس الوقت اللي هي تدخل فيه..مرت الاسابيع الاولى من الدراسة..كاي بنت بثالث ثانوي يشغلها شغلتين..نسبتها اخر السنة..وهي الاهم..وحفلة تخرجها..)
(ويوم من الايام كانت ريم داخلة الانترنت وسط الاسبوع..مو من عادتها تدخل هالوقت..بس كان عندها بحث للمدرسة..وفي هالوقت شافت لمى اون لاين..)
لمى: اهليييييييييين بالمغبرة..
ريم: لوووووول هلا والله وغلا..
لمى: ملاحظة دايم ما اشوفك الا و تكونين مغبرة..هههههه
ريم: لووول ايه والله..
لمى: كيفك ؟! وينك من زمان عنك..؟
ريم: والله تمااام انتي كيفك ؟! بشريني عنك..
لمى: الحمدلله بخير..
ريم: والله اني مشغولة بدراستي يعني تعرفين الوضع..
لمى:اها..ايه والله..الله يعينك
ريم: وانتي شلونك والجامعة ؟!
لمى: والله بخير وتراني نفس حالتك ما ادخل كثير بس اليوم صدفة شفتك فيها..
ريم: واحلى صدفة والله..
(قعدوا يسولفون..)
لمى: الا ريم انتي ما قلتي لي ناوية تسوية حفلة تخرج والا لا ؟!
ريم: الا والله ناوين نسوي ان شاء الله..تقريبا كل بنات الدفعة بيشتركون..
لمى: اها لاني اسمع عن حفلتكم يقولون بتصير حلوة..اعرف وحدة بنت خالتها معاكم..
ريم:اها ومنهي ؟!
لمى:امممم مدري اسمها نورة بس مدري وش عائلتها..
ريم: لووول كثير اسم نورة..
لمى:ههههه خلاص بعدين اعرف لك اسمها..
ريم: اوكي..
ريم: لمى تراك معزومة على حفلة تخرجي..
لمى: ان شاء الله..بس هي متى ؟!
ريم: تقريبا باقي عليها اسبوعين..
لمى:الله يعينكم ان شاء الله تصير حلوة..
ريم: امييين والله..
لمى: يله ريم ما اعطلك عن اشغالك..وانا بعد بطلع الحين..
ريم: اوكي اشوفك على خير..
لمى:واذا تبين اي مساعدة ارسلي لي ايميل وقولي لي متى تدخلين وان شاء الله تلقيني..
ريم: اوكي تسلمين والله..
(طلعت لمى..استوعبت ريم انها عزمتها..يعني اكيد بتشوفها..وتشوف شكلها وتعرف اسمها !!)
ام ريم: يله يا ريم الغدا..
ريم: ان شاء الله يمه الحين جاية..
ام ريم:يله غسلي وتعالي كلي..
ريم: طيب..
ام ريم: ريم اليوم نطلع السوق عشان ندور لك على لبس..
ريم: ايه والله يمه الله يعيني على هالحفلة..
ام ريم: انتي ركزي بدراستك ولا تشغلين بالك عليها كثير وان شاء الله يصير خير..
ريم: ان شاء الله..
(ريم طلعت مع امها السوق والحمدلله لقت فستان عجبها..)
ريم: الو الجوهرة.
الجوهرة: هلا والله..
ريم: كييفك ؟!
الجوهرة: بخير انتي كيفك ؟!
ريم: تماااام لقيت فستان واخيرااااا
الجوهرة: احلفي ؟! انا توني ما قررت وش البس ..
ريم: ههههه يالباردة ومتى ناوية تقررين..
الجوهرة: والله مدري..
الجوهرة: اقول..
ريم: هلا ؟!
الجوهرة: وش رايك نروح نشوف الكروت الظاهر خلصت اليوم..عشان نقول البنات على شكلها..وبعدين نروح انا وانتي ادور لي على فستان..
ريم: اوكي بس خليني اسال امي واقولك..
الجوهرة: اوكي بسرعة وردي لي خبر..
ريم: اوكي بااااااي
الجوهرة: باااااااي
(راحت ريم والجوهرة..شافوا الكروت وعجبتهم..تذكرت ريم لمى..وانها لازم تحط لها كرت بمكان عشان تاخذه..)
ريم: الجوهرة..تراني عزمت لمى..
الجوهرة: ومين لمى !!
ريم: بنت اخو يوسف..
الجوهرة: اهااااا..وليه وش الطاري ؟!
ريم: والله كانت تسولف وتسالني عن الحفلة..سمعت عنها..واستحيت منها وعزمتها..
الجوهرة: اها الله يحييها والله..بس وين تعطينها الكرت؟؟
ريم: وش رايك نخليه هنا..وهي تجي تاخذه..
الجوهرة: اوكي يله عطيني الكرت وانا اتفاهم مع الرجال..
ريم: اوكي..
(واتفقت الجوهرة على انها تترك الكرت باسم لمى..رجعوا لبيوتهم..دخلت ريم الانترنت عشان ترسل للمى ايميل وتقولها على مكان الكرت وانها لازم تاخذه اليوم..)
(دخلت لمى الانترنت وقرت الايميل..)
لمى: يووه انا عندي امتحان شلون اروح اجيب الكرت..احسن شي اخلي يوسف يروح ياخذه..
لمى: الو..يوسف..
يوسف: هلا والله لمى..
لمى: هلا..كيفك ؟!
يوسف: بخير الحمدلله انتي كيفك ؟!
لمى:تمااام
يوسف: وش عندك..شكل وراك شي ؟!
لمى:ههههه بسم الله تعرف كل شي..
يوسف:هههههه
لمى :يوسف مشغول !! والا فاضي ؟
يوسف: لا قاعد ما عندي شي..ليه ؟!
لمى: ابيك تروح لمحل............
يوسف: ليه وش تبين من هناك ؟!
لمى: ابيك تقولهم يعطونك كرت باسم لمى..
يوسف: ياهووه كرت وشو اللي باسمك ؟!
لمى: هههه ما عليك الحين انت روح جيبه وبعدين اقولك..
يوسف: لا ياشيخة..اول شي علميني بعدين اروح اجيب لك اياه..
لمى:يوووه اوكي..هذا كرت لحفلة تخرج ريم..
يوسف: ريم !! ريم حقتي ؟!
لمى: هههههههه حقتك لا احلف !!
يوسف:هههه لالا يعني اقصد ريم ما غيرها ؟!
لمى: ايه ما غيرها..
يوسف: وليه تعزمك وانا لا ؟!
لمى :والله اسفة بس ممنوع اصطحاب الاطفال..ههههه
يوسف: لا والله !! اجل منيب رايح اجيب شي يالكبيرة..
لمى:ههه لا عاد الله يخليك..انا بكرة وراي امتحان ولازم اخذ الكرت اليوم وابوي موب مخليني اطلع..
يوسف: طيب طيب بجيب لك الكرت واجي عندك تكملين لي السالفة..
لمى: اوكي لا تتاخر..
(راح يوسف للمحل واخذ الكرت وراح للمى..)
يوسف: السلاام عليكم..
عبدالرحمن: هلا والله وعليكم السلام والرحمة..
يوسف: هلاااا والله كيف الحال ؟؟
عبدالرحمن: بخير الحمدلله على العافية..انت شلونك؟؟
يوسف: تمام والله بخير..
يوسف: معليش عبدالرحمن بس مستعجل شوي بروح عندي شغلة مع لمى..
عبدالرحمن: ههه يا كثرك انت واياها..طيب شفها فوق..
يوسف: ههههه طيب..انا شوي وجايك..
يوسف:لمىىىىى
لمى: بسم الله روعتني..
يوسف: ههههه ما شاء الله قاعدة تدرسين..
لمى: ايه والله صعب الامتحان..
يوسف: الله يعينك..
يوسف: يله خذي هذا هو الكرت اللي تبينه حلو مثل صاحبة الحفلة..
لمى: يعني انا..
يوسف: هههه لا وش انتي يعني ريم..
لمى: ههههه بدينا..
يوسف: المهم وش السالفة ؟!
لمى: ما فيه سالفة..انا واياها قاعدين نسولف..وبعدين تكلمنا عن حفلة التخرج وبعدين عزمتني..فيها شي !
يوسف: اهااا طيب بتروحين ؟!
لمى: ههههه ايه يعني وش رايك ؟؟ ليه خليتك تجيب لي الكرت..
يوسف:هههه ايه والله صح..بس شلون بتعرفينها ؟!
لمى: ايه والله ما فكرت فيها..
يوسف: ترى هي تعرف شكلك..
لمى: شلون تعرف شكلي !!
يوسف:شافتك

 
 

 

عرض البوم صور dali2000   رد مع اقتباس
قديم 27-12-08, 03:40 PM   المشاركة رقم: 18
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,167
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

لمى: شلون تعرف شكلي !!
يوسف:شافتك بلندن..
(قالها سالفة لندن..)
لمى:ههه ياحليلك يا ريم..
لمى: ايه وايش قالت لك عني ؟؟
يوسف: قالت انك تروعين..ههههه
لمى:من زينك الحين..
يوسف: لا والله امزح ما قالت شي ما علقت..
لمى:اها..طيب الحين من جد شلون بعرفها..؟؟
يوسف: دخليني معاك وانا اعلمك وينها..
لمى: ليه بعد لا يكون انت شايفها ؟!
يوسف:ايه..
لمى: متى !!
يوسف:امممم مرة شريت لها هدية وتركت لها بمحل وجت وانا هناك..
لمى:اففف والله مالك دااااعي..
يوسف: ايه والله لا تذكريني بغت تحط لي بلوك على هالسالفة..
لمى: والله ما الومها..انا لو منها حطيت لك بلوك بدون ما افكر..
يوسف: اشوا انها ريم موب انتي هههه
لمى:اممم والله شكلها تحبك..
يوسف: ايه المهم وانتي وش بتلبسين ؟!
لمى: هههههه لا تضيع..شكلها تحبك..وانت خلاص عارفين انك تحبها..
يوسف:لمى بلاش احراج..
لمى: لا والله ما اقصد شي بس ودي اسالك وش اخرتها ؟؟
يوسف: شلون يعني ؟!
لمى: يعني تحبها وهي تحبك..وبعدين !!
يوسف: والله مدري يا لمى..كل ما فتحت معاها موضوع كبير..تقولي انا صغيرة وانا صغيرة..
لمى: هههههههه والله هالبنت تعجبني..
لمى: يوسف اسمعني..وش رايك يوم حفلة التخرج اشوفها زين..واعرفها واخذ رقمها..وبعدين بعد امتحاناتها تخطبها..
يوسف:لمى يا حبييييييييييلك..والله انك عسل وش هالافكار..وارثة الذكاء من عمك..
لمى:هههههه لا والله هذا طبعي مو وراثة..
لمى: موب عشانك بس لاني مشتهية عرس..
يوسف:هههه وانا بحقق امنيتك..بس انتي اقنعيها وساعديني..
لمى: لا الحين ما راح اكلمها ولا افتح معاها الموضوع..بعد اختباراتها ما يكون عندها حجة..ولا تقدر تقولك صغيرة..
يوسف: ههههه نحجر عليها..
لمى: هههه وجع ترى اعلمها على كلامك..
يوسف: لالا خلاص..بس انتي روحي الحفلة وبس..
لمى: طيب..ولا يهمك..
(وجا موعد حفلة التخرج وقبلها اتفقت ريم ولمى على انه لمى تعرف ريم من اسمها وقت التكريم..لانه ما فيه غيرها بقسم العلمي..)
حـــفــــلــــة التـــــخــــرج..
(ريم حااااايسة بنفسها وبالحفلة..هي وصديقاتها رايحين القاعة من بدري..يحوسون ويرتبون..وعلى الساعة 10 كانوا تقريبا جاهزات..الحفلة كانت مرتبة والبنات حلوااااات((اكيد حلوات لانهم بنات الرياض..))..)
(جا وقت التكريم..وكانت لمى جاية ومعاها صديقتها اللي لها بنت خالة بالمدرسة..كانت تنتظر اسم ريم..واخيرا جا اسم ريم..وراحت لمى تسلم عليها..)
لمى:انتي ريم !!
ريم: ايــــــــــــــه..هلا والله انتي لمى صح ؟!
لمى: ههه ايه..هلا والله فيك..
لمى:اخيرااااا شفتك..
ريم: هههه ايه والله وانا اخيرا شفتك للمرة الثانية..
لمى: ههههه ايه عارفة السالفة قالي يوسف..
ريم: ههههه
لمى:وش هالحلاوة يا ريم..والله شكلك مررررة حلو..
ريم: ياعمري تسلمين عيونك الحلوة..
لمى:لا والله من جد ما توقعتك كذا..
ريم: تسلمين والله وانتي احلى..
ريم: اوكي لمى يله تعالي اوريك صديقاتي..
لمى:اوكي..
(ريم عرفت لمى بصديقاتها واهمهم الجوهرة..)
لمى: ريم اجل وين امك؟؟
ريم: قاعدة هناك يا عمري..مع اخواتي هههه
لمى:يطفشونها صح..
ريم: هههه ايه والله مسكينة..
لمى: وريني اياها..ودي اشوفها..
ريم: ان شاااء الله..تعالي اوريك اياها..
(وقعدوا ريم والجوهرة ولمى يسولفون..ريم والجوهرة خلصوا كل الفقرات الخاصة بالحفلة..سولفوا ورقصوا وانبسطوا..وبعد ما تاخر الوقت كلم يوسف..)
لمى: يله ريم انا استأذن الف الف مبروك لكم يا بنات وعقبال الشهادة ان شاء الله..
ريم: الله يبارك فيك والله..
الجوهرة: الله يبارك فيك..
ريم: والله بدري..تونا يا لمى وين رايحة ؟!
لمى:والله يا عيوني ودي اقعد..بس عاد يوسف دق علي ويقول انه بيمرني الحين والا لو ما جيت بينام ويخليني..
ريم:ههههه لا كلميه وقولي انا اوصلك..
لمى:هههه تبينه يذبحني..هو بيمرني عشان اقوله وش صااار بالتفصييييييل..
ريم:هههه اقهريه ولا تقولين له شي..
لمى:ههه والله يوقف بالشارع وينزلني..
لمى: يله والله شكلي تاخرت عليه..اشوفكم على خير..
ريم: على خير ان شاء الله..بوصلك



--------------------------------------------

يتبع


 
 

 

عرض البوم صور dali2000   رد مع اقتباس
قديم 27-12-08, 03:42 PM   المشاركة رقم: 19
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,167
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

الجزء الاخيــــر


( طلبت لمى من ريم رقمها وبدون تردد عطتها الرقم..واخذت ريم رقم لمى..)
يوسف: لمى وينك ساعة انتظرك..
لمى: عاد وش اسوي قعدت انا وريم نسولف عند الباب..
يوسف: وينها ؟! ليه ما جت تسلم علي
لمى:ههههه احلف..تخيل عاد..
يوسف: المهم يله ابي التفاصيل المهمة عن ريم وعن سواليفكم..
لمى:ههههه يا كثرك..بس بقولك اهم شي اني حبيت ريم..والله عسل واخلاق وحلوة..وكل شي..
يوسف: بسم الله عليها قولي ما شاء الله لا تاكلينها تراني ابيها..
لمى:هههه طيب..ما شاء الله
لمى: معاي رقمهااااااا..
يوسف: احلفي !!
لمى: والله..بس لو تطير اعطيك اياه..اذا خطبتها ووافقت ذيك الساعة يصير خير..
يوسف: هههههه ايه والله مالي خلق اغلط عليها..والله تذبحني..
(وقبل الامتحانات باسبوع تقريبا ..كان يوسف عند لمى.. اقترح عليها انها تدق على ريم تسال عنها.. في البدايه لمى رفضت الفكره وحست انه مالها داعي بس مع اقناع يوسف لها وافقت..)
لمى: الو..اهلين ريم..
ريم: هلا والله بلمى..
لمى: هلا فيك..كيفك؟؟
ريم:تمام الحمدلله..باقي اسبوعين على الامتحانات وانتي عارفه النفسيه شلون تصير..
لمى: ههه من جد تذكرت الشعور..الله يعينك ..
ريم: هههه امين يارب..متى بس تخلص هالامتحانات ونرتاح..
لمى: خلاص هانت..كلها كم اسبوع وترتاحين..
ريم: ايه الله يعين..
لمى: ايوه ريم..بشري عنك؟!!وكيف المذاكره؟!!
ريم: والله ماشي حالها..هذانا نكرف وان شاء الله نطلع بنتيجه..
لمى:لا ان شاء الله تطلعين بنتيجه حلوه..
ريم: الله يسمع منك يا رب..
لمى:اوكي ريم..انا بس حبيت اسال عنك..مابي اعطلك الحين واشغلك عن دراستك ..
ريم: لا والله وش دعوة..
لمى: اقول ريم..عندي واحد مزعجني يقول لي سلمي لي عليها..
ريم:!!!!
ريم: الله يسلمك ويسلمه..
(لمى احرجت ريم مرره بكلمتها وريم ما تدري وش ترد..)
لمى: اوكي ريم..نشوفك على خير ان شاء الله وشدي حيلك..يلا باااي
ريم:ان شاء الله .. هلا والله بااي..
(سكرت لمى من ريم وبدت الاسئله تنزل عليها من يوسف..وش قالت وش ما قالت....الخ..)
(طبعا بدت الامتحانات وبدا وجع الراس..كل الناس تنتظر متى تعدي هالايام على خير..وجا اخر يوم بالامتحانات..)
(وبعد ما رجعت ريم من طلعتها مع صديقاتها..)
ريم:يـــــــــــــــــــــمــــــــه..خللللللللللل لللللصت خلااااص..
ام ريم:مبروووووك يمه ..اخييييييرا..
ريم:والله هالامتحانات هدت حيلي..لا نوم ..لا راحه..اعوذ بالله..بس الحمدلله اهم شي اننا خلصنا..
ام ريم:الله لا يضيع لك تعب يا يمه قولي امين..
ريم:امين يا رب..الله لا يحرمني منك يا احلى ام...
(قعدت ريم مع امها..بعدين طلعت لغرفتها..ما صدقت تنسدح وترتاح .. وهي النووووومه..)
(اول ما قامت..نزلت لاهلها تسلم على ابوها ..تقهر اخاوتها..تسولف مع امها..وطبعا اخر يوم بالدراسه.يعني لازم طلعه من البيت و ونااااااااسه..)
(طلعت ريم مع امها واخواتها وكانت متفقه مع الجوهره انهم يتقابلون هناك..)
(بعد ما تمشوا وانبسطوا..رجعوا على بيوتهم..)
(ريم بالغرفه..قاعده ترتب اغراضها اللي شرتها..انشغلت مع اهلها بالسواليف..بس نست تبشر شخص كان منتظرها ومتحمس انه يكلمها اكثر من كل الناس..)
(وفجاه..تذكرت ريم يوسف.. وتذكرت انه كان قايل لها اول ما تخلص تبشره او ترسل له ايميل..المهم ..على طول قامت فتحت الكمبيوتر وصارت اون لاين..وبعد فتره..صار يوسف اون لاين..)
يوسف:اهليييييييييييييين..
ريم: هلااااا والله وغلااااا.. واخيييييييرااااااا دخلت..
يوسف:عاش من شافك والله ..من جد اشتقت لك وفقدتك مره..
ريم: اممم..ترى ماعرف وش اقول..
يوسف:قولي وانا بعد اشتقت لك..
ريم:ايه المهم ..كيفك؟!!وكيف الشغل؟!!
يوسف:ههههه..طيب..انا بشوفتك صرت بخير..المهم انتي الحين..انا انتظر هاليوم من زمان..عشان ما تتهربين مني ومن السالفه اللي بيننا وتقولين لي توك صغيره..
(كملت ريم سواليفها مع يوسف..طبعا هي ما عارضته باي شي لانه الفكره صارت براسها وخشت مزاجها..)
(وبعد اسبوعين من الاجازه..دقت لمى على ريم..)
لمى: الو..اهلين ريم..
ريم:هلا والله وغلا
لمى:كيفك؟!!
ريم:كيفي؟!!اكيد بكون تماااااااااااااااااام ..لمى خلاص خلللللللصت .
لمى:هههههههه..ايه داريه اجل ليش داقه..
ريم:ههههه..قلت يمكن الدكاتره ما يعرفون..يا دكتورة انتي
لمى:هههه..لا وين دكتورة بدري علي المشوار طويل..
لمى: المهم بشريني عنك وعن نتايجك..
ريم:الحمدلله..كل شي حلووووو..
لمى:الله يوفقك يارب..
ريم:امين ..تسلمين لمى ما تقصرين..
لمى:الله يسلمك..وش دعوه..
(يسكتون شوي وتبدا لمى بالكلام..)
لمى:ريم..
ريم:هلا!!
لمى:كان ودي اخذ رايك بموضوع..
ريم:.....
لمى:انتي عارفه انك خلصتي دراسه..وما صار وراكي شي يشغلك..صح والا لا؟!!
ريم:!!!!!!!!
ريم:ايه صح..بس وش السالفه؟!!
لمى:وش السالفه..انا اقول لك..انتي عارفه ياريم اللي بقلب يوسف.. وعارفه زين غرضه اللي في باله..فاهمه انا وش قصدي صح؟!!
ريم:اها!!!!!!
لمى:...
لمى:انا حبيت اخذ رايك قبل الكل وقبل لا يصير اي شي رسمي ..
ريم:...
لمى:هاه ريم وش قلتي؟!!
ريم:...
(ريم بموقف لا تحسد عليه..السؤال هالمره غير كل الاسئله اللي كانت تجيها ايام الامتحانات..هالسؤال يتكلم عن مستقبلها وحياتهامع الانسان اللي تحبه ويحبها..ريم تفكر ..ولمى تنتظر منها الاجابه ولو مبدئية..)
ريم:لمى..
لمى:هلا!!
ريم:يوسف عارف هو ايش بالنسبه لي..واكيد هو راح يعرف ردي على سؤالك..
لمى:يعني؟!! نقول مبروووك؟!!
ريم: امم الله يبارك فيك ..بس تونا بدري..
لمى:المهم الموافقه وصلت..
لمى:من جد مادري وش اقول ..خلاص راح اخلي امي تكلم امك بكره ونشوف لنا يوم نقدر نجي فيه انا وياها..
(اخذت لمى من ريم كل اللي تبيه..سالتها عن كل شي.. وانتهت المكالمه اللي كانت طوييييييله بالنسبه لريم..)
(نزلت ريم لامها على طول..)
ريم:اقول ماما..
ام ريم:هلا يمه..
ريم:ماما تذكرين لمى اللي سلمت عليكي يوم حفله التخرج؟!!
ام ريم:لمى؟!! اي لمى!!
ريم:الا يا ماما ..هذيك اللي قلت لك ثاني سنه طب..
ام ريم:ايه عرفتها..ايه وش فيها؟!!
ريم:لا مافيها شي بس كلمتني اليوم..
ام ريم:ايوه؟!!
ريم:تقول بكره امها تبي تدق عليك و تبيك بموضوع..
ام ريم:موضوع ؟!!موضوع ايش؟!!
ريم:ماادري ..بس شي يخصني انا..
ام ريم:ههههه..اها فهمت..والله وكبرتي يا ريم..
(اليوم الثاني دقت ام لمى على ام ريم..فتحت لها الموضوع..واتفقوا على يوم مناسب يقدرون يجون لهم فيه..)
(في هاليوم..)
ام لمى:والله يا ام ريم لمى دايم تمدحلي ريم وتقول لي انها اخلاق وذوق وجمال ..وزي ما قلت لك انا اخو زوجي في سن زواج فحبيت اني اشوفها من بعد ما قالت لي لمى عنها..وان الله كتب فريم بتصير من نصيبه..
ام ريم:الله يسلمك..حنا والله ماراح نلاقي احسن منكم.. بس انتي تعرفين رايها وراي ابوها .. يعني الموافقه مو بيدي انا ..
ام لمى:ايه ..خذوا راحتكم..خذوا رايها وانتم اسالوا عنه وان شاء الله ما يصير الا الخير..
(قعدوا يسولفون شوي ..دخلت ريم عليهم ..سلمت وقعدت شوي معهم وبعدين تركتهم..ومن الواضح انه ريم عجبت ام لمى..)
(وبعد الموافقه المبدئيه..)
لمى:الووووو.. مبرووووووووك يا عريــــــــــــس..
يوسف:مبروك!!! يعني وافقو؟!!
لمى:ايه اكيد بيوافقون ..اذا انا ورا هالسالفه اكيد راح يوافقون..
يوسف:.....
يوسف:لمى... قسم بالله احبـــك..
لمى:هههههه..تراني موب ريم..
(راح يوسف مع عبدالرحمن لابوريم عشان يخطبونها رسمي..طبعا حدد مع يوسف موعد عشان يجي يشوف ريم..)
(في هاليوم ..كان يوسف اكثر من متحمس..)
يوسف:الو..لمى..
لمى:بسم الله.. وش فيك.. الو لمى!!!!
يوسف:لمى..تخيلي..خلاص راح اشوفها اليوم وبعدين بنتزوج..
لمى:ههههه..قل ان شاء الله..
يوسف:ايه ايه ان شاء الله..
لمى:طيب يلا رح تكشخ الحين..
يوسف:طيب بروح ..يلا باي..
لمى:ههه اوكي باي..
لمى:يوسف..
يوسف:هلا!!
لمى:نسيت اقول لك مبروووك..
يوسف:ههه الله يبارك فيك وعقبالك يارب..
لمى:اميييييييييييييين يارب..متى بس يجي هالـ..
يوسف:خلاص ترى موب فاضي لك ..يلا باي..
لمى:اففف طيب..خلاص يلا باااي..
يوسف:ههه باي..
(وفي بيت ريم..)
الجوهره:اللـــــــه..شكلك خطييير..يلا عقبالي يارب..آه بس والله مافي امل احد يناظر ذا الخشه..
ريم:ههههههه..لا تقولين كذا..بكره يجيك واحد ما كنتي تتمنينه..
الجوهره:متى بس ياربي..
ريم:يوم زواجي ان شاء الله بيجونك نمل نمل يدورون عليك وقولي ريم ما قالت..
الجوهره:ياااا الله يارب تسمع منها..
الجوهره:يله يله امك تناديك..قولي بسم الله..
ريم:ياويلي مره خايفه..ادعيلي الجوهره الله يخليك..
الجوهره:الله يوفقك ويديكي على أد نيّتك يا ريم يا بنت ام ريم..
ريم:ههههههه..فاضيه انتي ماعندك الا الاستهبال ..يلا شوي واطلع لك..
(نزلت ريم..دخلت على ابوها ويوسف..سلمت وجلست شوي..طبعا هي مو قادره ترفع عينها عن الارض.. ويوسف قاعد يتكلم ويسالها عنها وعن النتيجه..الخ..)
(مر اليوم على خير..وصار كل شي مثل ما كان مخطط له الجميع..)
(مرت الاجازه بسرعه..صارت الملكه بآخر الاجازه..انشغلت ريم بسالفه الزواج اللي طلعت لها ونستها قلق الجامعه..)
(المكالمات بين ريم و يوسف صارت يوميه..فيها تعرفوا على بعض اكثر..وتعلقوا ببعض اكثر واكثر..)
(خلصت الاجازه..طبعا ريم الحين اول سنه لها بالجامعه.. تخصصت بالقسم اللي تبيه لانه نسبتها ساعدتها..)
(بدت الدراسه وبدا القلق..بس اللي كان محمس ريم على كل شي هو يوسف.. كان معها وين ما كانت..يساعدها في كل شي..ويساندها في كل وقت..)
(ومر الترم الاول على خير..ريم الحين مستعده لاهم يوم في حياتها..يوم زواجها من الانسان اللي كانت تتمناه..من الشخص اللي حبته من كل قلبها..اللي كان مستعد انه يهدي لها عيونه عشان رضاها وسعادتها..)
(يوم الاربعاء :19/1..)
مها:ريم..
ريم:هلا حبيبتي..
مها:خلاث انتي بتتذوذين بكره وتتركينا؟؟
ريم:ههه ايه بتزوج بس مين قال اني بترككم؟!!
مها:ماعرف..بث اكيد بتروحين مع يوثف وتخليني انا وماما وبابا وعبير..
ريم:لا يا عمري ماراح اترككم..
مها:...
مها:طيب ريم..وث بتذيبين لي من الثفر؟!! ترى ابي ثي حلوو..
عبير:اقول يلا بس ..طراره وتتشرط..
ريم:ههههههه...ياختي اتركيها تقول اللي تبيه..
عبير:يا سلام!! اجل انا بعد ابي شي حلو..
ريم:ههههههه.. يلا قولوا اللي تبون ..انا كم مها وعبير عندي..
(جا يوم الخميس..)
(انزفت ريم ..انبسطوا البنات .. رقص و وناااااااسه..الى ما دخل يوسف..)
(بعد ما دخل وقعدوا مع بعض ..كان يوسف محضر لريم مفاجأه..كان تاريخ زواجهم يصادف 20/1 وكان يوسف مجهز لريم اغنية..http://www.kuwaityes.com/ram/salt-al7ob.ram )
(لمى كانت تناظر عليهم وتقول..)
لمى:وينك يا يمه ساره..ليتك تشوفين ولدك يوسف..تزوج البنت اللي يبيها..واللي راح تسعده ان شاء الله ..
لمى:الله يرحمك يا يمه..


(وبعد ثلاث سنين من الزواج..)
(في بيت ريم ويوسف..)
ريم:ســــــــــــــــــاره..ياماما خلاص اتركي الكمبيوتر لا يخرب الحين ..
يوسف:ههههه...اتركيها تلعب ..ان شاء الله ما راح يصير الا الخير..
ريم:براحتك..بالاخير انت الخسران ..الحين اذا خرب بتقعد تهاوش
يوسف:هههههه..ايه بكيفه..
يوسف:اقول ريم..
ريم:هلا..
يوسف: تتوقعين ساره تكون قاعده على الشات الحين ؟؟
(قعدوا يضحكون..وعاشوا مع بعض باقي حياتهم مبسوطين وكملوا مع بعض العمر كله..)


الـــــنـــــــهـــــــــــــــــــــــــــــــايـــــــــــ ــــــــــــة


 
 

 

عرض البوم صور dali2000   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لو يسألوني قصة سعودية, قصه سعوديه .ريم .يوسف
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:11 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية