كاتب الموضوع :
دانة الحمادي
المنتدى :
الارشيف
[CENTER]الجزء الخامس والعشرون[/CENTER]12:30 اليل
في الفندق ..غرفة جراح..
البحرين
كنت اصرخ واصرخ وانا قريبه منه.. حسيت الدنيا تلف فيني.. غمضت عيوني بين يده.. فتحتها وانا بغرفة نوم وحولي خوله.. قمت خايفه
ليال بخوف: بنتي
خوله: ما فيها شي.. البنت بخير
ليال تقوم: وينها وين بنتي
خوله: برا مع جويل
ليال تتذكر العرس: ولينا ياخوله
خوله تبتسم: كل شي بخير.. وما حست بغيابك
ليال: وينها الحين
خوله تبتسم: زفينها والحين مع زوجها.. ارتاحي كل شي بخير
انتبهت اني ماني بجناحي.. حطيت يدي على راسي.. جلست على السرير مره ثانيه.. اطلعت خوله من خوفها وقالت صلاح تعال.. كنت بألم راسي.. وبالاسم الي نادت عليه.. كنت ابي افتح عيوني بس ماكنت قادره الصراخ الي صارخته اثر علي
صلاح بخوف: ليال شوفيني انتي بخير
ليال مغمضه عيونها: ها!!!
صلاح: حبيبتي افتحي عينك
ليال: راسي يألمني
فيصل: عشان تحرمين تستهبلين مره ثانيه.. ماحد يسوي الي سويتيه
ليال مغمضه: من انت؟
فيصل: انا فيصل
ليال: وين عزيز
عبدالرزاق: ما جا
حاولت افتح عيني بقوه.. سمعت فيه صوت كان يكلمني قال لي "انتي بخير حبيبتي" ما ميزت من هالصوت.. فتحت عيني بصعوبه.. لقيت شبحه قدام عيني.. معقول يكون هو!!.. من يومين وصورته قدام عيني.. الان اشوفه؟ فتحت ايدي له وجا عندي حضنته بقوتي.. وحشني كثير.. حسيت بدموعه.. ما عمري كنت بحضنه.. غير وهو شايلني عند البحر يوم ما طحت على رجولي.. ماعمري حسيت بدموعه.. اليوم غير.. كل شي فيه غير.. حتى هيئته.. انسان ثاني.. شخص ثاني.. غير عن الي عرفته من زمان
صلاح: بغطيها واحملها يا سلطان لجناحها
ليال: ابي اشوف بنتي
صلاح: بنتك بخير قومي حبيبتي..يلا يا سلطان
رميت راسي على صدر سلطان.. احس بألم كبير.. غطاني صلاح وغمضت عيوني.. ما ابي عيوني تلتقي بعيون جراح ابد ابد.. ما ابي اشوفه مره ثانيه.. اذكر اني كنت بحضنه.. اذكر انه حملني وانا حامله بنتي.. بس الاحراج الي داخلي كبير.. ايش بيقول عني الان.. الحريم اذا عرفو بالي صار لي ايش بيقولو عني.. صلاح وسلطان ايش الي بيقولوه لي الان
صلاح في غرفتها: سمعيني زين
ليال افتحت عينها له: اسمعك
صلاح: الهبال الي سويتيه صار مع جراح
ليال تشوفه بخوف: غصب علي ما كنت حاسه بروحي.. خايفه على بنتي.. بنتي حرارتها مرتفعه.. انت ما شفتها يا صلاح
صلاح بشده: فيه الف طريقه.. احتمال الان تكوني مفضوحه قدام جراح
ليال بخوف: وبناتي؟
صلاح بصراخ: لا الاه الا الله.. يا بنت ليه ما تبين تفهمي.. البنات بخير وما عليهم شر
ليال تبكي: صلاح ما تحس بقلبي اذا شفت الخطر حولهم.. بموت اذا صار لبناتي شي
سلطان توجع قلبه: العيال بخير يا قلبي.. لاتخافي.. كل شي بخير
ليال تحضنه: وجراح.. ياخوفي يفضحني
صلاح: الله يستر وما تصير حركه مو محسوبه
راسي يلف والتفكير تعبني بزياده.. ودي انام.. احس براحه وانا بحضن سلطان.. ما ابي افكر بشي.. ابي الهدوء بس.. ابي ارتاح.. اهم شي تطمنت على البنات ولينا.. من حقي ارتاح الان.. استسلمت للنوم من جديد بس وانا بحضن سلطان
&&&&&&&&&&&&&&&&&&&
1:20 الصباح
فيلا سهام ..الحديقه..
البحرين
عبدالعزيز بحده: انتي تبين تجننيني صح
سهام بهدوء: وليش تنجن.. انا قلت اني بسوي الي اتفقنا عليه يعني بسويه
عبدالعزيز: ليش ما تبين تفهمين.. قلت لج مسألة الفلوس انا حليتها
سهام بعناد: تكذب
عبدالعزيز: ما اكذب.. حلفت
سهام: ماني قادره اصدق.. اكيد الغيت المشروع من راسك
عبدالعزيز: ابد.. انا مساهم رئيسي بالشغل
سهام: اشلون مساهم وانت ما معك فلوس
عبدالعزيز بحده: تشوفين هذي وقته اشرح لك اشلون تدبرت اموري.. بكلمك تلفون وبقول لك ايش صار معاي.. بس اياكي اياكي تنفذي شي من الي اتفقنا عليه مفهوم
سهام بعناد: لا
عبدالعزيز بحده: اللهم طولك ياروح.. سهام ماني حمل مصايب.. شوفي اذا عاندتي بغير رقمي وماراح تسمعي صوتي ابد انتي فاهمه
سهام بخوف: الله يخليك لا.. انا من لي غيرك يا عبدالعزيز
عبدالعزيز يمشي: لك الله
سهام: عبدالعزيز الله يخليك لا تتركني
عبدالعزبز يمشي: عنادك بيخسرك وبيخسرني معاكي
سهام: ابوك السبب.. ضيعني وضيعك معاي.. ودي انتقم منه وارميه
عبدالعزيز: ابليس يلعب في راسك يا سهام.. وبعدين ابوي ما ضربك على يدك حتى توافقين على الزواج.. كنتي تبين تعالجين امك لا تنسين هالشي
سهام تشوفه بقهر: يعني انا الغلطانه!!!
عبدالعزيز: انا ماقلت هالشي
سهام بحده: قلت.. قلت يا عبدالعزيز.. انا الغلطانه الي ادور مصلحتك
عبدالعزيز: لا تقوليني شي ماقلته.. انا طلبت منك مساعده وانتي وافقتي عليها.. رجعت بكلامي بس انتي معانده ليش ماني عارف.. انا الي مصلحتي ضايعه.. وانتي جالسه تخربين بيتي وبيتك.. سهام انا مالي مستقبل.. افهمي هالشي.. الشغل المعروض علي فرصه.. دام المشاكل محلوله بالنسبه لي.. لا تضيعيني بعنادك.. انا ماقلت انك السبب.. هذا النصيب
سهام بقهر: روح يا عبدالعزيز روح
عبدالعزيز: بمشي.. لا تزعلين مني.. انتي عارفه انج غاليه عندي
سهام: اشم ريحة حرمه يا عبدالعزيز.. بحياتك حرمه
عبدالعزيز يبتسم: في هذي صدقتي.. مين الي بيزوج بنته لواحد مثلي.. اسمه في مراكز شرطه.. مطرود من شغله.. عايش على وجه الكريم
سهام: ماهو شرط زواج.. يكفي الحب
عبدالعزيز: اقدر ارد عليكي برد يخرسك.. بس انا رجال عيبه في حقي اقول لك هالكلام
سهام بحده: ما ابيك تتصل بي.. ما ابيك تتصل بي ابد.. انساني يا عبدالعزيز.. انساني
عبدالعزيز: تعوذي من ابليس.. احنا مثل الاخوان كل واحد فينا يشيل الثاني
سهام: بالنسبه لك.. اما بالنسبه لي لا.. تسمع لا
عبدالعزيز: لا تعيشين نفسك في وهم.. لا الشرع والاعراف مسموح فيها الي انتي تبينه.. تعوذي من ابليس.. انا حياتي طريقي مافيهم شي حرام
سهام تمشي عنه: طريق السلامه يا عبدالعزيز
عبدالعزيز: خلي بالك على نفسك
&&&&&&&&&&&&
3:00 الفجر
فيلا خالد ..الصاله الارضيه..
البحرين
راكان يضحك: الحفله كانت ولا اروع
خالد: احمد الوحيد الي انبسط.. اشوفه قعد مع الحريم بالقاعه ونسانا برا
حنان بحده: وان شا الله كنت تبي تقعد معاه في القاعه
خالد يشوف لبنى: ومن يكره.. احد يكره يشوف الحريم.. ولا ايش تقول يا راكان
راكان: اذا علي انا ابي اشوف وحده فيهم وبس
سمر: هذا الكلام السنع.. راكان راضي بوحده وانت تبي تشوف الكل
خالد يمسكها ويدغدغها: تبين تخربين بيتي انتي
سمر ميته ضحك: خالي بس عاد بس ماني قادره اتنفس
خالد يزيد: ما بتركك لين اشبع او لبنى تقول لي اتركها
سمر وماهي قادره: خالتي قولي له يتركني بموت ماني قادره
لبنى بقرف: اتركها ياخالد
خالد يتركها: من عيون خالد يا قلبي خالد
سمر تركض مبتعده: عيون خالد وقلب خالد.. كله كلام فاضي لا تصدقينه خالتي.. من شوي يبي يقعد مع الحريم
خالد يركض وراها: جذي يا سمور.. انا اوريكي
حنان: والله طفل.. اش صاير لك الليله
خالد يركض ورا سمر: مبسوط وفرحان حرام يعني
حنان: لا مو حرام.. الحرام الي تسويه في بنتي
سمر تركض: راكان الحقني
راكان: خالي استريح يا خالي.. ترا الي تسويه ما بيخلي خالتي ترضى عليك
لبنى تضحك غصب عنها: ههههههههه
خالد يشوفها: والله!!.. ضحكتك جملته
لبنى تلف وجهها: ما تعبتو
خالد: عني انا لا
سمر ماهي قادره تتنقس من الركض: خلاص اقعد انا.. وانت اركض ولف براحك احنا تعابا ونبي ننام
خالد يمسك لبنى: روحو انتو واتركو لي زوجتي
لبنى بحده: خالد اتركني
خالد: يلا يا حنان.. خذي عيالج وروحو نامو
لبنى: حنان.. حنان اخذيني معاكي.. حنااااااااان
خالد بهمس: ماهو قدام العيال عاد.. مبين انك خايفه مني
لبنى بقرف: من هذي الي تخاف
خالد يسحبها: تعالي معاي
لبنى: لا ماني جايه اترك يدي
خالد يبتسم: بحملك اذا ما مشيتي يلا
لبنى تعاند: قلت لا.. اترك يدي لا تسحبني جذي
خالد يحملها: احبك.. جمالك ما ينوضف الليله
لبنى تهدى: اتركني
خالد: دلعك ودلالك بهدلوني.. من كنت صغير بعمر راكان ودلالك يبهدلني
لبنى تضيع بعيونه: مابي اروح معاك اتركني
خالد يفتح باب الحديقه: روحي فيكي.. احبك
لبنى: قلت لك نزلني ما ابي اكون معاك
خالد: تكذبي على نفسك ولا علي
لبنى تنزل عيونها: .........................
خالد يبوس جبينها: احبك
لبنى: .......................
خالد يجلسها على الكرسي: خلينا نتكلم بس
لبنى: مافي كلام بيننا
خالد: باقي كلام كثير ما قلناه
لبنى: كل الي عندك قلته.. وانا سمعته
خالد يقترب منها: عن القسوه عاد.. عارف انك تحبيني
لبنى بحده: انا الي قاسيه!!.. شوف حالك وتصرفاتك.. لا تلومني وانت مبهدلني من اول ما اخذتني
خالد يحضنها: احلف انها غيره وحب ماني قادر اسيطر على عواطفي.. احبك يا لبنى
لبنى تشوفه بحده: افترض انه في احد يناديني الان.. ويقولك انه نواف
خالد يبتسم: بذمتك لو كنتي مكاني ايش يصير فيكي.. تخيلي انه وحده تشوفني وتسلم علي قدامك وانا ما اعرفها ايش يصير فيكي
لبنى تنزل عيونها: ولا شي
خالد: تكذبين.. تكذبين يا لبنى.. وقت الي ابوي قال انه بيخطب لي.. تبدلت الوانك وصرتي تبكين.. شفت النار بقلبك يا لبنى.. لا تلومي قلبي اذا حبك.. انا ما حبيت غيرك بحياتي كلها.. فكري انك صرتي بحضن غيري.. فكري انه يشوفك وانا لا.. فكري انه يمسكك وانا لا.. نار يالبنى.. نار
لبنى: وانت جالس تطفيها بانتقامك مني صح!!
خالد مستغرب: منين جايبه هالكلام
لبنى: تصرفاتك وقسوتك معاي
خالد: غيره وحب
لبنى تقوم: اجلس قول غيره وحب لحد ما تذبحني بغيرتك وحبك
خالد بحنيه: ماهو عسل على قلبك اذا قتلتك غيره وحب
لبنى: لا ماهو عسل يا خالد ما هو عسل.. انا ابي............
خالد يلعب في شعرها: اش تبين
لبنى تنزل عيونها: ...............
خالد يرفع خصل شعرها: اش تبين يا روح خالد وعقله
لبنى: تبتعد عني
خالد يقترب منها: جذي؟
لبنى بحده: قلت تبتعد
خالد يقترب اكثر: جذي يعني
لبنى تبتعد عنه: لا
خالد يجرها لحضنه: وين.. وين رايحه
لبنى: بعيد عنك
خالد: ليش ياقلبي
لبنى والدموع بعيونها: عشان ما انضرب او انهان.. شبعت الم يا خالد شبعت
خالد يبوسها: بكسر ايدي اذا انمدت عليكي بيوم
لبنى تشوف عيونه: ......................
خالد يبتسم: وبحرق روحي اذا آذتك في يوم
لبنى تذوب بابتسامته: بردانه
خالد يلبسها جاكيته: ندخل داخل
لبنى: لا
خالد يبتسم: دفيتي شوي
لبنى: أي
خالد: قولي الي بخاطرك
لبنى تندفع: انا تزوجت بدر عشان.............
خالد ينتبه: عشان شنو
لبنى: ....................
خالد يحضنها: خايفه وانتي بحضن خالد
لبنى بانكسار: عودتني اخاف من حضنك
خالد: اشلون اعطيك الامان
لبنى تهز براسها: ما ادري
خالد: فيه كلام مهم عن بدر؟
لبنى: أي
خالد: يتعلق بنا؟
لبنى: أي
خالد: ايش هو
لبنى تتهرب: انا تعبانه
خالد: وانا بعد تعبان.. ردي علي
لبنى: ابي شي
خالد: اطلبي ياروحي
لبنى تشوف عيونه: ابي...........
راكان يقطع جلستهم: خالي انا اسف
خالد يبتعد عنها: خير اش في
راكان: عمي عبدالعزيز متصل فيك يبيك ضروري
خالد يقوم: برجع لك بسرعه بشوف اش فيه وراجع لك
كنت ابي اقوله ابي اغمض عيوني وانا بحضنه.. حرام يعني.. ليش دايم يصير شي يخرب الجو الي انا فيه.. قلبي يألمني.. اول مره احس بحنيته.. اليوم خالد غير.. خالد حبيبي الي ما ابي ابتعد عنه.. ياليته يظل جذي على طول.. كنت بحضنه وكنت بقول له عن بدر.. بس اكتشفت انه ماعندي دليل على الي بقوله.. اسكت احسن.. طيب ليه ما اقوله عن الحروق الي بجسمي.. هذا اكبر دليل على الي مريت فيه.. ما اظن انه يصدقني.. ما اظن.. لازم ابتدي القصه من بدايتها.. حتى لو حاولت اني احمي وامي من الموضوع.. القى نفسي قدام اسأله اجوبتها تتعلق بأمي.. اسكت واعيش بتعاسه احسن
خالد يرجع: حبيبتي تأخرت عليكي
لبنى بحزن: لا
خالد: تعالي بحضني
لبنى تبتعد: بروح انام.. تعبت اليوم كثير محتاجه انام
خالد يفتح يده: نامي بحضني
ياليتني اقدر.. ودي ياخالد.. متى مانمت بحضنك بتشوف حروقي.. وبنجبر اني اجيب سيرة امي يا خالد.. ليش مافكرت بهالشي من قبل.. كنت افكر كيف اتزوجك وبس.. الحين انا في اكبر مشكله تمنعني اني ارتاح في حضنك يا خالد
&&&&&&&&&&&&&&&&&&
6:30 الصباح
في الفندق ..جناح جراح..
البحرين
مزيان: ودي ارجع للشقه.. اكره جلسة الفنادق
جراح بتعب: قولي لجويل تجهز البنت ويلا
مزيان تنتبه: مالك حزين كذا
جراح: تعب بس.. لا تقلقي انا بخير
مزيان: بتخبي علي.. قول مالك
جراح: بكره بنرجع للندن
مزيان بخوف: ونور بتتركها!!
جراح: عندها الي يغنيها عني
مزيان: صار شي مضايقك صح
جراح يتهرب: لا ابد
مزيان: طيب قول لي ايش صار لك اول ما شفتها
جراح يبتسم: ميزتها من صوتها.. اول ما فتح باب المصعد فتحت عيني على وحده تاخذ العقل من جمالها.. من سمعت صوتها عرفتها على طول.. حسيتها تهذي وماهي بعقلها و..................
مزيان: وبعديها صرت الشهم الي حمل الاميره النائمه وحطها بفراشه
جراح: اياكي احد يعرف بالي صار
مزيان: لا توصي اختك رجال
جراح يبتسم: والنعم بها وبرجولتها
مزيان تضربه على كتفه: لا تصدق نفسك عاد.. تراني انثى
جراح: احلى انثى
مزيان: بهذي ماراح اصدقك.. عشان ناس اخذو عقلك خلاص
جراح: تذكري قصة البنت الي انقذتني من لافي
مزيان: زوجة ولده.. الي هربت منهم؟
جراح: هي بعينها
مزيان بخوف: لا تقول انهم لقوها
جراح: لا ما لقوها.. انا لقيتها
مزيان: اجل لا تتركها.. روح لها وزي ما ساعدتك ساعدها.. اكيد حالتها حاله الان
جراح: صدقتي.. الجماعه الي قالو لي عنها.. قالو انه حالتها حاله.. الخوف الي هي فيه بيذبحها
مزيان: وكيف بتوصل لها..لا تنسى عيون لافي الي تتابعك.. اكيد بعرفو مكانها منك
جراح بخوف: هذا الي افكر فيه.. من قررتي نجي على البحرين وانا حذر من رجال لافي.. عشان كذا جينا بطياره عامه.. الافضل اني اتابعها من بعيد.. اضمن لسلامتها.. بتكون عيني عليها وقلبي معاها
مزيان: قلبك؟ ايش دخل قلبك الان بها.. الي اعرف انه قلبك مع نور
جراح يناظر عيونها: ...............................
مزيان تنتبه: نور هي ليال؟!!!!!!!!!!!
&&&&&&&&&&&&&&
7:00 الصباح
فيلا خالد ..الصاله العلويه..
البحرين
خالد على التلفون: صاحي؟
عبدالعزيز: صاحي جفاني النوم
خالد: وانا بعد
عبدالعزيز: ماعرفت ترضيها؟
خالد: مخبيه شي كبير داخلها.. بيني وبينك اخاف اعرفه
عبدالعزيز: ليش.. لازم تعرفه عشان ترتاح
خالد: اخاف الي بعرفه يفرق بيني وبينها
عبدالعزيز: عاجبتك حالتك ذي
خالد: لا والله ماهي عاجبتني
عبدالعزيز: تعرف عندك مشكله لوكانت عندي كنت حليتها بسهوله.. وعندي مشكله لو كانت عندك كنت حليتها بسهوله.. تظن ليش الله عرفنا على بعض
خالد: عشان تحط همك على همي ونقعد نصيح
عبدالعزيز: هههههههههههههههههههههههههه الله يقطع شرك
خالد: اش اسوي ياخوي.. ودي ارتاح مع زوجتي.. ودي اعيش عاد.. تعبت.. حرمتي وماني قادر ارتاح معاها.. ودي اعرف الي بخاطرها بس خايف من الي بعرفه انه يفرقنا.. اليوم قالت لي اسم بدر.. سألتها اذا الموضوع متعلق فينا قالت أي
عبدالعزيز: خلاص مسكت اول الخيط.. الموضوع متعلق ببدر.. ليش تفترق عنها
خالد: خايف ياخوي من نفسي عليها.. خايف من تهوري.. هي بعد خايفه من ضربي واهاناتي لها
عبدالعزيز: ضروري انك تضبط اعصابك ياخوي.. منين تحب هالحرمه ومنين تقسى عليها
خالد: بموت.. روحي بتطلع.. ودي ارتاح
عبدالعزيز: قوم نطلع نتمشى
خالد: ياريت والله.. احس بالضيق بيذبحني
&&&&&&&&&&&&&&
8:45 الصباح
شقة ليال ..الصاله..
البحرين
سلطان نفض يده من الفطور: الحمدلله
ليال: مافطرت يا خوي
سلطان: كل هالي اكلته وما فطرت.. يا شيخه ارحميني
ليال تمسكه: عشان خاطري انا ما شبعت.. اجلس اكل معاي
سلطان يضحك: يا بنت انا الي اكل من الصبح وانتي تشوفيني.. يا بنت بطني بينفجر
ليال تمسكه: عشاني اجلس
صلاح بقهر: اجلس يا حبيبي اجلس وخلصنا
نوف بقهر: خلصنا واجلس.. خلصنا واكل لا تخاف انا اكلم بطنك عشان ما ينفجر
سلطان: هي هي هي يا خفيفه
ليال تضحك: يا حلوك على قلبي
نوف: طيب وانا الي جايه لك ملهوفه على جلستك.. تاركتني وجالسه معاه
ليال انحرجت: انا جالسه معاكم
صلاح: جالسه معانا واهتمامك فيه.. ياربي وين القاها امه هناك تدلع فيه وهنا اخته.. وين اروح
سلطان: عندك حرمتك خذها واضربو راسكم بالحيط
ليال تضحك: بعيد الشر عنهم يا خوي
سلطان: ناشبين بحلقي.. خلوني انبسط شوي.. بكره بتشبع من دلعها اتركها لي هاليومين
نوف: انت ناوي تجلس هنا يومين
سلطان: لا حنا ماشيين باليل
نوف: اجل أي يومين الي تقصدهم
سلطان يبتسم: ولا شي
ليال: كرستين جيبي العصير بالبلكون
كرستين: اوكي ماما
ليال: حياكم
سلطان: مرتاحه بجلستك هنا
ليال: الحمدلله.. الي حولي ناس مافي منهم
سلطان: وكلهم ساكنين معاكي
ليال: لا بس اهل قطر.. واهل الكويت.. وعزيز
سلطان بأهتمام: ومن عزيز ذا.. ما شفناه
ليال: رجال مافي منه.. الطيبه والرجوله.. البارح ابوه تعب وراح يركض عليه
سلطان: وكيف تاركه وعايش هنا
ليال: والله ما ادري يا خوي.. ما اتدخل في الي ما يعنيني
سلطان: تعجبيني.. البنات بأي غرفه
ليال تأشر: هذيك الغرفه
سلطان يكلم ليال: انا رايح اجلس مع الحلا والغلا شوي.. يعني عشر دقايق.. دلعيه عشر دقايق لحد ما ارجع
صلاح: خذ راحتك.. عزيز وغالي
سلطان: لا عزيز راح يزور ابوه وغالي ما اعرفه
نوف تتريق: هي هي هي هي خفيف
سلطان: ماني اخف منك
صلاح: يوووووووووه ابتدينا عاد.. روح ياعمي اجلس مع البنات واشبع منهم
سلطان: وانتي ما تبين تجلسي معاهم تراكي عمتهم
نوف: وانت ايش عليك اجلس ولا لا.. انا البارح قضيته معاهم.. روح انت تراك خالهم
ليال تضحك: الله يقطع شركم
صلاح: كلميني ايش اخبارك
ليال باحراج: الحمدلله..
صلاح بجديه: يجتاج نعيد الي قلناه البارح
ليال باحراج: لا طبعا.. بس انت تعرف انه غصب عني
صلاح بصرامه: اضبطي اعصابك يا ليال.. محنا حولك.. مفهوم
ليال تبتسم: ان شا الله
صلاح يبتسم: ايش اخبار الشغل
ليال: بنبتدي شغل بعد اسبوع.. وانت معانا طبعا
صلاح: أي عارف دزيت نصيبي لاحمد من زمان
ليال: تمام.. كل شي تقريبا جاهز
صلاح: توكلنا على الله.. الله يكتب لنا الخير
ليال بحنيه: وانتي كيفك
نوف: مرتاحه الحمدلله
ليال: ما تعبتي
نوف تشوف صلاح بحب: ضروري التعب بس الحمدلله صلاح الله معوضني فيه الخير
ليال: تتابعي طبيب
نوف: اكيد
ليال: وايش قال لك
نوف: الحمدلله شي مطمن.. بس قالي ما استعجل بالحمال الان حتى ما اتعب اكثر
ليال: معلش استحملي هالكم شهر.. وصدقيني الله بيعوضك الخير
نوف: الله يسمع منك
ليال: ودي اسأل كيف حصل وسقطتي
صلاح: ابد.. كنا رايحين نتسوق.. ووقعت
ليال بحده: تكذبون علي.. ماهو ذا الي امي قالت عليه
صلاح يتذكر: وامي ايش قالت
ليال بحده: لا تلعب علي.. ماهو ذا الي صار.. نوف كيف سقطت
صلاح: رجعنا للصراخ والاستهبال.. اجلسي وكلميني زي ما اكلمك
ليال: ريحني وقول لي ايش الي صار
صلاح بحده: ليال ماني طفل بحضنك تربينه.. قولي امي ايش قالت لك
ليال باستسلام: قالت انها نازله على الدرج ووقعت
صلاح بحده: لو انك تنتظري على رزقك شوي كنت كملت كلامي.. امي ما تعرف عن وقعتها في السوق.. هالشي صار في نفس اليوم.. نوف وقعت الظهر بالسوق.. وجاتك باليل على الدرج.. ارتحتي الان
ليال بشك: في شي وانتو مخبينه علي
سلطان في الغرفه يناديها: ليال الحقيني وحده منهم صحت ماني عارف اسكتها
ليال تروح له: جايتك حبيبي
نوف: خوفتني.. ما عرفت اتكلم
صلاح: نسيت اني متفق مع امي واخواتي على هالكلام.. بس زين الي تدراكت هالشي
نوف: الحمدلله جات سليمه
صلاح: الله ستر.. ما ابي تعرف بشي.. كفايه قلقها ولهفتها على البنات هالدور علينا بعد.. والله انها تموت
&&&&&&&&&&&&&&&&&
يتبع
|
23-03-09, 11:26 PM
جديد مواضيع قسم الارشيف
العرض العادي
