علمتني قسوته ان اكون - الصفحة 18

19-01-09, 12:38 AM

المشاركة رقم: 86

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

لافي: بس انا كنت عارف عقلها وعارف ايش يدور فيه.. كيف غفلت عنها كيف
ام ناصر: من موضوع جراح حسبي الله على هالجراح جيته خربت بيتنا
لافي: خربت بيتنا وخربت احلى صفقه كان ممكن اني اكسره بها
ام ناصر: انا بأيش اتكلم وانت بأيش تتكلم
لافي: وين رايحه
ام ناصر: افتح الشباك احس بكتمه ذابحتني
لافي: انا بعد
ام ناصر: وين رايح
لافي: بنزل المكتب شوي.. ما ابيكي تطلعي من الغرفه واضح
ام ناصر بضيق: اطلع وين اروح
لافي وهو يسكر باب غرفته: جعل روحك تروح وافتك منك.. وجودك مثل عدمه.. ماغير الحنه والازعاج.. اروح اشوف الي ذابحني جمالها.. حبيبتي.. حبيبتي
عبير تصحى من نومها: بابا !!!!!!!!
لافي يجلس جنبها: نايمه ياقلبي
عبير بخوف: ايوا نايمه
لافي يلمس رجولها: اصحي ابيكي شوي

&&&&&&&&&&&&&&&&&&&

3:00 الصباح
فيلا الجده ..الصاله..
السعوديه
فتحيه: بشر ايش فيه
عبدالله: الدكتور يقول انهيار عصبي
الجده: ياربي تحفظه
فتحيه: وهو بخير الان
عبدالله: الدكتور عطاه مهدئ.. واشوفه نام
الجده: ماهو محتاج ننقله للمستشفى
عبدالله: الدكتور يقول هالمره الانهيار بسيط.. بس اذا استمر معاه هالحال احتمال يتعرض لانهيار صعب
فتحيه بخوف: صعب كيف مافهمت
عبدالله: لا تقلقو انتو الان ان شا الله نقدر نطلعه من الي هو فيه
الجده: كيف وليال ماهي هنا
عبدالله: ليال ماهي هنا خلاص.. ولاراح ترجع له ابد.. انسو هالشي
فتحيه: وانت منين تعرف هالشي
عبدالله: لو لها نيه يا خالتي كنتي شفتيها الان بيننا
الجده: الله يلطف بها وبنا.. الله يلطف بها وبنا
فتحيه: وهالمرمي ذا ماراح نقول لامه وابوه
الجده بحده: امه وابوه؟ كانو خافو عليه من زمان وارحمو حاله.. خوفهم عليه الان ماراح يرجع له الي فقده
عبدالله: يعني ماتبين تقولي لهم
الجده: لا.. دامه بحضني انا براعيه
عبدالله: انا بنام هنا الليله
الجده: احسن بعد.. الساعه 3 الفجر وين ترجع البيت بهالوقت
فتحيه: دق على سوسن طمنها
عبدالله: حاضر
ام عبدالله بخوف: السلام عليكم
عبدالله مستغرب: وعليكم السلام وش جابك الان يما
ام عبدالله: ماقدرت اصبر يما قلبي محروق على ناصر
الجده: الله يلطف به وبنا.. الله يلطف به وبنا
فتحيه: وانتي مع مين جايه بهالساعه
ام عبدالله: مع بوعبدالله.. ماقدرت اصبر قال لي قومي اوديكي
فتحيه: جعلك ماتربح يالافي يابن فهد
ام عبدالله: آمين
فتحيه: فرق عياله وشتت قلوبنا عليهم.. جعل تتشتت افكاره
ام عبدالله: آمين
فتحيه: جعلك المرض الي يهد حيلك.. قبل لا يهد حيل ولدك
ام عبدالله: آمين
فتحيه: جعل قلبك مابنبض غير وجع.. ياربي تقبل مني
ام عبدالله: آمين

&&&&&&&&&&&&&&&&&

3:10 الصباح
فيلا لافي ..غرفة عبير..
لندن
عبير: بسم الله عليك بابا مالك
لافي: وجع جاني بقلبي
عبير: اجيب لك مويه
لافي: لا اقعدي كملي
عبير: ايش اكمل هذا الي صار
لافي: يعني هذا الي قالته العنود.. نوف هربتها وبس
عبير: ايوا بابا
لافي يتوجع: اه
عبير بخوف: بابا
لافي: معلش لا نوف بيدي ولا الكلبه الي اسمها ليال.. معلش
عبير: طيب ريح في سريري شوي
لافي يمسكها من يدها: وين حبيبتي
عبير: اجيب لك مويه
لافي: ابي اكلمك بموضوع يخصنا
عبير مستغربه: يخصنا؟
ام ناصر تفتح الباب بخوف: مالكم
عبير: بسم الله الرحمن الرحيم انتي الي مالك
ام ناصر بحده: ايش صاير تكلمي
عبير: ابد بابا يسألني عن ليال.. وتعب شويه قلت اريحه على سريري
ام ناصر تسحبه من الفراش: انت بخير
لافي: من شفتك رجع لي الالم
ام ناصر تطلع معاه من الغرفه: ايش كنت تعمل مع عبير
لافي: ايش كنت اعمل يعني
ام ناصر: انت قول لي
لافي: صاحيه انتي !!!
ام ناصر بحده: الساعه الان 3 الفجر تسألها عن ليال؟!! من الصاحي فينا
لافي يمسكها من ايدها: لا تنسي نفسك
ام ناصر: أي حركه غلط منك هالمره مابسكت يا لافي ما بسكت

&&&&&&&&&&&&&&&&&&

6:45 الصباح
في بيت ام لينا ..غرفة لينا..
البحرين
احمد: صحيتي
لينا: ها.. انا وين
احمد: بغرفتك ونايمه بحضني
لينا: آآآآه راسي
احمد: عندك باندول؟
لينا: أي بالدرج هناك
احمد: خليني اجيب لك حبه.. الصراخ الي صارختيه البارح اثر عليج
لينا: أي صراخ!!!!
احمد: ههههههههههههه
لينا بحده: ماهو وقت ضحك
احمد: طيب خذي هالحبه
لينا: شنو ذي اكل؟
احمد: أي البنات البارح عاملينه.. قلت لهم جاي من السفر ميت جوع.. وماقصرو
لينا: وما اكلت!!
احمد: وين اكل وانتي تعبانه.. خليته بالثلاجه الي جنبك
لينا: واش دخلك بتعبي.. كنت اكلت
احمد: وانتي منتي جوعانه؟
لينا بحيا: أي
احمد: ماتعشيتي البارح
لينا: لا
احمد: ليش
لينا: ماكنت مشتهيه
احمد: ماكنتي مشتهيه ولا زعلانه لاني ما اتصلت
لينا بعناد: لا طبعا ماكنت مشتهيه.. متغديه متأخر وما اشتهيت اتعشى
احمد يجرها لحضنه وبحده: ليمتى بتعاندي لينا
لينا بخوف: انا ما اعاند
احمد: واش تسمين الي احنا فيه
لينا: اش الي احنا فيه
احمد يتركها: ولا شي
لينا تبتعد عنه: صح ولا شي
احمد: انا ماشي
لينا بلهفه: لا
احمد يبتسم: تبيني
لينا: اقصد الاول تفطر
احمد: مابي فطور مشتهي هالعشى.. سخنيه
لينا من غير لا تحس بنفسها: من عيوني
احمد يبتسم: ياريت من قلبك لو سمحتي
لينا: انا كنت اقصد بسرعه بسخنه
احمد يبتسم: أي أي عارف انج تكرهيني.. روحي سخنيه وكرهيني مثل ماتبين عادي.. لاني بعد اكرهج بالضبط مثل ماتكرهيني
لينا تناظره وتبتسم: أي اكرهك
احمد: وانا اموووووووووووووووت
لينا تلتفت له محسبه انه بيقول لها احبك: ها
احمد: اقصد اكرهك موت
لينا بحده: انا بالمطبخ.. تبي تاكل هنا ولا هناك
احمد: هههههههههههههههههههههههههه نازل معاج مافيني صبر جوعان

&&&&&&&&&&&&&&&&

11:00 الظهر
في الطياره
لبحرين - قطر
ريما: شوفيها اشلون فرحانه
ديما: اشوفها
ريما: كنت ميته خوف من قعدت من النوم قلت بتذبحني اكيد.. دخلت المطبخ ولقيتهم يا كلو العشا الي عملناه.. سلمت وانا منزله راسي.
ديما: ههههههههههههههههه كان خاطري اشوفج
ريما: سكتي كنت مرعوبه
ديما: وبعدين
ريما: كانت تشوفني وعينها تطلع منها شرار قلت شوي وبتهجم علي.. بس الحمد لله احمد حماني
ديما باهتمام: كيف كيف
ريما: اول ما جات علي مسكها من ايدها وسحبها
ديما: ايوه وبعدين
ريما بهمس شديد: وباسها
ديما بفضول: وين وين
ريما: على يدها
ديما: يوووووووه بس على ايدها
ريما: وانتي بعد تبينه يبوسها قدامي
ديما: حسافه فاتني
ام لينا: ماقلتو لي اش صاير الاميره هاديه
ديما: انا اقول لج
ريما: لا انا اقول لها
ام لينا: بشويش لا تسمعنا.. نبتدي بديما لانها فتحت له الباب
احمد: هههههههههههههههههههههه خواتج يجننون
لينا: حبيتهم؟
احمد: أي والله حبيتهم.. ما اقدر استغني عنهم
لينا: اكيد دامهم تآمرو علي معاك بتموت بترابهم بعد
احمد: وانتي غيرانه ليش!! هم يحبوني
لينا: هو بقا احد ما حبك
احمد: تخيلي عاد كل الناس الا الي احبها
لينا بغيره: وليش.. عطني اسمها وانا اروح لحدها واقول لها عليك
احمد: وانتي ليش غيرانه جذي
لينا: ولا غيرانه ولاشي.. قلت ارحم حالك وارحم قلبك التعبان
احمد: تخافين على قلبي يعني
لينا: اكيد اخاف عليه امي تقول اذا الحرمه ما حافظت على قلب زوجها مابتحسسه بالرجوله
احمد: ههههههههههههههههههههههههههههه
لينا: امي تقول اذا الوحده اكرهت زوجها عادي اذا اهتمت فيه
احمد: ههههههههههههههههههههههههههه
لينا: امي تقول.. الحرمه الي تكره زوجها عادي تعيش معاه وتكلم غيره قدامه عااااااااااادي
احمد: هههههههههههههههههههههه بس الاخيره هذي انا ماسمعتها تقولها
لينا: يعني سمعتها بالجمل الاوليه
احمد: اكيد قبل لا تقولج كانت قايله لي.. عمتي تحبني وتموت فيني بعد
لينا بقهر: أي الله يهنيك
احمد: ويهنيج
لينا: الحمدلله متهنيه
احمد: تعرفين بعد فيه جمله امك قالتها لج ونسيتي تقولينها لي
لينا: واش هي ان شا الله
احمد: اذا تحبين زوجك من قلبج قولي له.. لا تتركين الغيره تاكل فيج وانتي مخبيه عنه حبج له

يتبع

19-01-09, 12:42 AM

المشاركة رقم: 87

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

لينا: هذا اذا حبيته
احمد: ليه انتي ماتحبينه
لينا: لا
احمد: ليش
لينا: لانه مايحبني
احمد: واشلون عرفتي
لينا: اشيا كثيره
احمد: مثل
لينا: الحريم الي بحياته
احمد: كلهم شغل
لينا: لين اجي بيتهم كان دايم يقول لي كلام يغث
احمد: وانتي بعد تسمعينه كلام يجرح رجولته
لينا: لانه يهينني
احمد: لانك لاغيه وجوده
لينا: بحياتي ما سويت جذي
احمد: اش تفسرين.. اذا جا يسلم عليج تقولين له ما اسلم
لينا: انا ما اصافح رجال احمد
احمد باهتمام: حلفي
لينا: انا بحياتي مالمست رجال غريب علي
احمد: تصدقين ما انتبهت
لينا: انتبه المره الجايه
احمد: وليش لما كنت اقول لكم بعزمكم على العشا برا تقولين حق ابوي ابي ارجع البيت
لينا: عشان ما اشوفك مع حريم او اسمعك تكلمهم
احمد: وليش اذا ابي اوصلج للبيت ترفضين ودايما تبين ابوي هو الي يوصلج
لينا: انا سلام ما اسلم.. تبيني اركب معاك السياره
احمد: انا ولد عمج!!
لينا: بس غريب علي
احمد: اقولج ولد عمج تقولين لي غريب
لينا: اقصد انك ماتحل على
احمد: لينا يمكن لان ماعندي خوات.. عشان جذي ماني فاهم ليش تتصرفين بهالطريقه
لينا: احمد هذي اسمه سنع.. امي ربتني على جذي
احمد: وانا اشهد انها احسن تربيه
لينا: الحمدلله.. حلو اني اكبر في عينك
احمد: طول عمرج كبيره
ريما: لين
لينا بحده: كم مره قلت لج لا تناديني بهالاسم
ريما: احمد شوفها
لينا بحده: انا اكلمج قلتي احمد
احمد: اهدي شوي البنت ماقالت شي
لينا: عن الدلع محنا في البيت سامعه
احمد: لينا ليش عصبتي عليها جذي
لينا: عشان الي اقوله لازم تنفذه ماني صغيره عندها
ريما تبكي: كنت بقولج امي تبيج
احمد: والله حرام عليج ماتستاهل البنت الي سويتيه
لينا: خلها تتعلم.. الدلع ماهو على طول.. اعذرني بشوف امي
احمد يمسكها: لين
لينا داخت: ها
احمد يبتسم: حلو الاسم اذا ناديتج فيه؟
لينا بحيا: لا مو حلو
احمد بهمس: لين شوفي امج ولا تتأخرين علي بتوحشيني

&&&&&&&&&&&&&&

5:00 العصر
فيلا عبدالرزاق .. المجلس..
قطر
عبدالرزاق: متأكده منه يا ليال؟
ليال: متوكله على الله في اختياري ياخوي
عبدالرزاق: بس احنا ماسألنا عنه
ليال: انا سألت الله عنه
خوله: دامها مرتاحه خليها تتوكل على الله.. بس شرطي انها ماتطلع من قطر
ليال: هههههههههههههههههههههه وهذا المهم عندك
خوله: طبعا هذي المهم
عبدالرزاق بجديه: خوله عن الدلع
خوله: ماهو دلع يا عبدالرزاق اذا ليال بتروح البحرين بروح معاها انا اقول لك من الحين
عبدالرزاق: وبذمتج هذي ماهو دلع
خوله بزعل: لا
ليال: ههههههههههههههه لا تخافي.. ماعاش الي يزعلك.. اذا بنوي بقول لك
خوله: ومن غير لا تنوين.. انتي مكانك معاي.. ولا تفكرين تتركيني
ليال: يا حبيبتي يا قلبي مين قال اني بتركك.. ابي استثمر فلوسي.. عندي حمل كبير يا خوله مايصير اجلس في البيت من غير لا افكر في مدخول.. وبعدين انا مادرست وذبحت عمري عشان اجلس في البيت يا خوله.. الي في راسي شي كبير
خوله تتدلع على عبدالرزاق: انا بعد ابي اشتغل معاها
عبدالرزاق: هههههههههههههههههههههه
خوله: الله يخليك.. الله يخليك
عبدالرزاق: واش تبين تشتغلين
خوله: ما ادري ابي اكون شريكتها بس المهم عندي ما تتركني
ليال: ههههههههههههههههههههه
عبدالرزاق: ههههههههههههه الله يخليكم لبعض ولا يفرقكم
خوله: امييييييييييييين ياربي
ليال: امين
صوفيا: سير.. سير احمد برا
عبدالرزاق: وصلو خلوني استقبل الرجال
خوله: صوفيا دخلي الحريم
صوفيا: بس واحده مام
ليال: هذي لينا بس
خوله: روحي دخليها.. حسافه الي امها ما جات معاها
ليال: اكيد راحت تتطمن على اختها لينا تقول انه صحتها تعبانه
خوله: ضروري نروح بكره نزور خالة لينا
لينا: السلام عليكم
ليال تحضنها بقوه: يا هلا وغلا يا بقلبي
لينا بفرح: اشتقت لكم والله
خوله تحضنها: هلا يا قلبي انا الي وحشتيني كثير.. شخبارج ان شا الله طيبه
ليال: طمنيني ان شا الله كل شي بخير
لينا بفرح: بخييييييييير بس ليلحين ما قال لي احبج
خوله بقهر: انتي حماره يا بنت.. ليش تبين تذبحيني قهر
ليال: ههههههههههههههههههه عيب انتي بعد
خوله: والله العضيم قاهرتني.. الا يقول لها احبج عشان تنبسط بحياتها
ليال: اتركيها بكيفها خليها تتدلع عليه زي ماتحب
خوله: محد مكبر راسها غيرج.. خليها كل يوم بمزاج وكل يوم بحاله.. هي تعانده وهو يعاندها
ليال: والمصيبه انهم عارفين انهم يحبو بعض
خوله: والمصيبه انهم يعاندو بعض.. وكل واحد يبي الثاني هو الي يعترف
لينا ببرود: خلصتي حبيبتي
خوله: ياربي على البرود
ليال: لا تحرقي اعصابك معاها.. لينا مابترتاح الا اذا خذت الي هي تبيه
خوله: على جذي بتعنس
لينا ببرود: بعنس وانا بحضن زوجي؟!!!
خوله: لااااااااااااااااا من متى
ليال: اعترفي متى صار ذا كله
لينا: وانتو اش عليكم كيفي
خوله: ياربي بذبحها على هالبرود
ليال: الاهم اعترفتو ولا لسا
لينا: لا لسا
خوله: ياااااااااااااااااااااربي الصبر.. يا حبيبتي كتني نطقتي يا حبيبتي كنتي رحمتي حالي على الاقل
لينا: ههههههههههههههههههههه لا ابيه هو الي يقول
عبدالرزاق: يا حريم
خوله: حياك يا بوسالم
احمد: السلام عليكم
ليال: وعليكم السلام
خوله: يا هلا ومرحبا نورت قطر
احمد: منوره با اهلها
عبدالرزاق: يقول ضيعو البيت
خوله: هههههههههههههه الحمدلله انهم وصلو اخيرا
لينا: طلعتنا من الساعه 3:30
خوله: كنتو اتصلتو والسايق يجيكم
احمد: تقول تبي تسويها مفاجأه لكم
ليال: مفجأه وحنا عارفين انكم بتجون من اسبوع
لينا: ههههههههههههههههههه
احمد: وعارفين انج بتجينهم بعد!!!
لينا: ما اقدر ما اقول لهم
عبدالرزاق: هههههههههههههههههه هذي الحريم يا خوي
احمد: بتقول لي عنهم
خوله: يا حلوكم والله وانتو قاعدين وسطنا وتتكلمون عنا جذي
عبدالرزاق: ههههههههههههههههههههه
احمد: اعذروني معاي تلفون .. الو
ليال بهمس: ماقلتي لي.. ماتكلمتو عني
لينا بهمس: ابد طول ماهو معاي كلامه عني وبس
ليال: اسمعي مني ولاتزعلي.. احمد ذا مافي منه.. وقت الشغل كلامه عن الشغل وبس.. وقت مايكون مع حبيبته.. روحه متعقله لها وبها.. زوجك مافي منه.. الله يخليكي لا تقسي على حالك وتقسي عليه.. انتي عارفه ان الرجال يحبك
لينا: ليال ودي هو الي يقولها.. والله ماتعرفين حاجتي لهالشي.
خوله بهمس: ليال معاها حق.. المهم انتي مبسوطه معاه
لينا بهمس: مبسوطه فوق ماتتخيلو
تركت لينا وخوله يتكلمو مع بعض.. وصرت اتابع احمد من بعيد وعيني على حركة شفايفه.. كان يتكلم عن شركه وشريك.. وعن واحد اسمه عوض.. انه جاي حتى يفتح موضوع الشركه هذي مع عبدالرزاق او معاي.. كنت مهتمه اني اعرف اكثر.. انتبهت انه عبدالرزاق يتابعني بعيونه.. كنت ابي اقول له لا تظن فيني الشين
ليال بهمس: خوله
خوله: خير
ليال: ابي اخذ عبدالرزاق واكلمه بعيد شوي
خوله: أي اكيد عادي
اخذته ووقفت معاه بعيد شويه.. كان موقفه مني جاف شوي.. كنت واثقه انه ظن فيني الشين خصوصا انه نظراتي لاحمد كانت غريبه شويه.. كنت ابي اعترف له.. انا عارفه عبدالرزاق زين.. بيكون ستر وغطا علي
ليال: من غير لا تظن الشين فيني.. انا اقرا حركة الشفايف
عبدالرزاق مستغرب: يعني شنو
ليال: يعني انا عارفه احمد عن ايش يتكلم
عبدالرزاق: ليه احس انك تخبي علي شي
ليال: لا والله.. هذا الصدق.. انا عارفه احمد عن ايش يتكلم.. وفي ايش بيتكلم معانا
عبدالرزاق: ماني مصدق
ليال: انت مستغرب اني اقرا حركة الشفايف؟
عبدالرزاق: انا ماني مستغرب.. انا ماني مصدق.. نظرتك له يا ليال ماهي نظره وحده تقرا ايش يقول
ليال: عموما.. هو كان يتكلم عن شركه يبيني او يبيك نشتري جزء من حصصها.. يقول انه الشركه ممتازه.. وانه صاحبها واحد اسمه عوض
عبدالرزاق: وبعدين
ليال: وبعدين ماتركتني اكمل هو ايش يقول.. شفت نظراتك بتذبحني قلت اقول لك احسن مايصير شي نختلف عليه قدامهم
عبدالرزاق: نقعد معاه ونشوف
ليال: عبدالرزاق.. ماني وسخه.. انا ليال النشمي خلي هالشي ببالك
رجعنا وجلسنا معاهم واحمد بعد خلص مكالمته.. كان يشوفني وهو مبتسم.. يكون كشفني؟ او يكون تعمد يعمل هالحركه حتى يتأكد من ردة فعلي.. قطع تفكيري كلامه
احمد: ها اخوي عبدالرزاق ايش قلت
عبدالرزاق مستغرب: في وشو
احمد: في الي قالته لك اختي ليال
لينا: ليال من؟!!!!!
خوله: اصبري بتعرفين كل شي بعد شويه
عبدالرزاق: وايش الي قالته لي ليال
احمد: عن عوض والشركه
ليال تبتسم: غلبتني احمد.. غلبتني
احمد: من قلتي لي اني اقرأ القرآن وانا افكر اشلون عرفتي.. قلبت الموضوع يمين وشمال.. ومالقيت غير انك تقرين حركة الشفايف
ليال: زيك تمام
احمد: ههههههههههههههههههه أي نعم زيي تمام
ليال: الغريب انك تعترف قدام ناس ماتعرفهم وهذي مخاطره كبيره
احمد: عرفتكم وسألت عنكم كلكم.. عشان جذي انا مرتاح من وجودي وكلامي معاكم
عبدالرزاق: ادخل في الموضوع

&&&&&&&&&&&&

- من عوض؟ وايش موضوع الشركه
- كيف بتكون ردة فعل لينا لما بتعرف حقيقه ليال
- وياترا بتعرف حقيقة الحريم الي بحياة احمد بعد
- وايش موقع الحريم الي بحياة احمد من الاعراب؟!!!

احداث جديده ومثيره
تابعوني

انتظر ردودكم ياعسل

اختكم.. دانة الحمادي

20-01-09, 07:55 AM

المشاركة رقم: 88

المعلومات
الكاتب:	مع تحياتي
اللقب:

البيانات
التسجيل:	Nov 2008
العضوية:	105129
المشاركات:	6
الجنس	ذكر
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

سلمت يمناك على القصه
الصراحه اعجبتني بطرحها بالسلوبها بلونها
ابدعتي خيتو ولكن نريدك ان تبدعي اكثر
وان تنزلي الاجزاء الثانيه بسرعه
لك خالص حبي وامتناني

25-01-09, 02:30 AM

المشاركة رقم: 89

المعلومات
الكاتب:	بوسي
اللقب:	ليلاس متألق

البيانات
التسجيل:	Mar 2007
العضوية:	26216
المشاركات:	965
الجنس	أنثى
معدل التقييم:
نقاط التقييم:	60

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

الف شكر...دانه العزيزه ...علي البارت الرائع ...
تسلم أيديكي يا قمر .....
كل بارت به مفاجأت جديده ,,,,,
أحمد وظهور قوي .....ويبدو أنه سيكون سند ل قوي لليال ...
ناصر ....وأنهياره ....الذي يدل علي عنف صدمته في أحبائه
وأولهم أبوه......فهل ستعود له ليال وتسعده ..؟؟؟؟؟
لا أعتقد
فما كسر من الصعب جدا أصلاحهه....
لافي .....وقذاره الي أبعد الحدود......بان علي حقيقته ....
ووصلت الأمور به الي التحرش ببناته ......
أين الأبوه والرحمه والحنان.,,,أين الأب ...الأمان والسند لأبنائه
أم ناصر .,,,,,,ودخولها المفاجئي عليه هو وعبير ,,,,
لا يدل الا علي أنها تعلم جيدا حقيقته ......ولكنها تتجاهل الأمر
أما خوفا علي نفسها ....أو غباء ,,,وحبا فيه....
هل هناك مثل هذه الأم؟؟؟؟
ربنا يجعلهم في نار جهنم ...هي وهو .....أمين
شكرا علي البارتات الجنان ,,,وانتظر القادم منذ الأن بشوق شديد
فلا تتأخري ....
تسم أيديكي يا قمر

01-02-09, 06:44 AM

المشاركة رقم: 90

المعلومات
الكاتب:	Emomsa
اللقب:	ناقد مبدع

البيانات
التسجيل:	Aug 2007
العضوية:	38720
المشاركات:	2,993
الجنس	أنثى
معدل التقييم:
نقاط التقييم:	1554

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

السلام عليكم ورحمة الله وبركاته

لكل محبي ومتابعي ( علمتني قسوته ان اكون ) راح انقل لكم الرواية الى حين عودة الكاتبة المتميزة دانة الحمادي ..........

وادعو لها بالشفاء العاجل ....... حتى لا ننحرم من وجودها المتميز في المنتدى .........

وانتظروا البارت 9 اليوم ان شاء الله ...........