كاتب الموضوع :
دانة الحمادي
المنتدى :
الارشيف
علمتني قسوته ان اكون
الجزء الثامن
صحيت من نومي ولقيتني في حضنه.. لقيته لاف ذراعه حولي وهو يبكي.. كان منزل راسه وماحس علي اني صحيت.. رجع الحزن لقلبي نسيت زعلي عليه من شفته.. نسيت اني قلت ماني مسامحته.. نسيت كل الي قلت بعمله اول ما اشوفه من جديد.. قلت بضربه قلت بتركه وبمشي عنه.. قلت بقول له كلام جارح قلت بطرده قلت اشيا كثيره اني بعملها بس من شفته نسيت ذا كله.. حبيبي يا صلاح حضنك طول عمره غير.. الراحه الي انا فيها غير.. صحيح ان بكاه قطع قلبي بس كنت سعيده اني بحضنه.. خله يبكي خله يحسسني انه غلط في حقي.. عمرها علاقتي فيه ماتعطيه الحق انه يشك فيني ويتخلى عني من غير لا يسمعني.. غمضت عيوني من جديد كنت ابي ارتاح اطول فتره ممكنه معاه.. عارفه اني بعاني بحياتي من دونه من دونهم كلهم.. الله يشيلك يا لافي حرمتني الراحه حرمتني اهلي حرمتني من اشيا كثيره اهمها اني حرمه وحامل ومحتاجه الي يكون جنبي بهالوقت.
رجعت نمت وماحسيت على روحي اني نمت.. ماكنت ابي اصحى لاني عارفه انه بيتركني وبيرجع السعوديه.. كنت ابيه جنبي.. صحيح خوله ماتركتني بس لسا خايفه وابي احس بوجود رجال جنبي يحسسني بالامان.. صلاح وينك ياخوي عني.. ليه تركتني ليه اهملتني ماكنت وصلت للي انا فيه.. فتحت عيني ولقيته لساته صاحي.. مانام طول وقت نومي.. صار يمسح دموعي.. ويبتسم لي
صلاح: طول عمري احس انك بنتي الي ماجبتها.. طول عمرك وانتي دلوعتي.. كيف طاوعني قلبي اقسى عليكي
ليال: محتاجه لك
صلاح: انا جنبك
ليال: كيف الي عندك
صلاح: ابونا بخير.. العلاج الطبيعي الي يتبعه جايب نتايج مرضيه.. امي بخير وتسأل سوسن عنك كل يوم ومنال تايهه بين بيتها وبين امي وابوي.. وسلطان تغير كثير ويتمنى بس يشوفك.. وسوسن اخبارها عندك
ليال: بقى صلاح
صلاح بحزن: بخير تزوج وكان يتمناكي جنبه
حسيت من كلامه بنبرة حزن كبيره سألته ايش فيه لف وجهه وقال مافي شي.. صار يتكلم عن الشغل واخر تطوراته وصار يقول لي عن اخر صفقاته الي ابتدى فيها والي لسا بيبتدي فيها.. صار يقولي عن رحلته لقطر وانه راح على الكويت اول شي وجلس فيها اربع ساعات.. وبعدين جا على قطر.. على قولت عبدالرزاق احتياط امني.. صرت اضحك على كلامه وهو يضحك معاي بس نظرة الحزن بعيونه ماتبدلت.. سألته من جديد وبعد تهرب ولف ودار وبعد رجعت سألته وتهرب من جديد.. فضولي زاد وقتها امره صار لي مكشوف وعاندت معاه لحد ما قال لي عن نوف.. وعن الي عمله لافي فيها وهي ماتدري.. الله اكبر لافي يعمل كذا!!!.. الخوف الي بقلبي ناحيته طلع صح.. خوفي الي ماكنت عارفه له تفسير طلع حقيقي.. الله اكبر كنت فاتحه عيوني على الاخر ايش هالانسان ذا.. أي انسان الا حيوان.. بنته؟ بنته؟ الله اكبر.. وهي المسكينه ماتعرف ماتذكر.. نوف من اول ماعرفتها وانا اوقول انها طيبه زياده عن اللزوم.. بس لهالدرجه ممكن ينلعب فيها!!.. الله اكبر.. قمت من حضنه وفرشت سجادتي وسجدت سجودي.. شكر لله الي نجاني من حيوان كان ممكن يكون مصيري مصير نوف المسكينه.. حزن قلبي عليها وعلى حالها.. انوجع قلبي على اخوي وهو مكسور النفس حزين على حبيبته.. صعب التصرف الان صعب أي خطوه ممكن نخطيها الان.. خصوصا وانا حامل والخوف على عيالي من لافي كبير الحل الاسلم دامها ماتعرف اننا نسكت ونكتم على الخبر.. الله اكبر الله اكبر.. صلاح جلس معاي يومين من اجمل ايامي من احلى ايامي.. كنت مرتاحه فيهم لآخر درجه.. وهو سعيد بحملي وكل شوي يسألني يعني اثنين جد!! اضحك من قلبي على خباله.. من حقه يستغرب ما صارت عندنا من قبل.. كان يفكر معاي بيطلعو متشابهين زي مانشوف بالتلفزيون.. بيكونو روح وحده.. من جد صرت اضحك على خباله.. ماني عارفه ليه قلت له اني اتمناهم بنات.. صار يستغرب.. الاحساس الي داخلي يقول انهم بنات.. مثل ماكان الاحساس الي قبلهم كانو اولاد.. الان الشعور الي يملكني انهم بنات
خلصو هاليومين.. وصلاح رجع للسعوديه ووعدني انه بين كل اسبوعين يرجع لي.. جاتني خوله تركض تسألني عن حالي.. يا حبيبة قلبي ياخوله هي الي حاسه فيني وبتعبي هي الي خططت لكل ذا.. اجلسو مع صلاح وخبروه بالي صار وكيف صرت عندهم وكيف اني بعيونهم وبيحافظو علي.. خوله تقول انه صلاح كتب شيك لعبدالرزاق وقال له "انا عارف انه الرجوله مايندفع لها فلوس بس رجيتك انك تقبل هالشيك هدية المولود الجديد".. تلوموني اذا حبيت هالرجال.. رجال بكل تصرفاته.. بطيبته وحنيته.. حتى قسوته.. ماهو غريبه اذا الوحده حبت اخوها بيكون هو يحبها ومغليها اكيد.. شعور الاخوه حلو كثير.. ما الوم خوله اذا تعلقت فيني محرومه من هالشعور.. صحيح انه عبدالرزاق يوفي ويكفي.. بس ولو وجود الاخوان له معنى ثاني.
رحت على الكمبيوتر وصرت اخلص شغلي.. فتحت الرسايل الي جاتني هاليومين وصرت ارد على المتصلين لي.. خلصت شغلي وكنت بسكر جهازي.. وصلتني رساله غريبه
السلام عليكم ورحمة الله وبركاته
الاخ/ الاخت المحترم
اود ان اطرح على حضراتكم هذا المشروع الذي اتمنى ان تدرسوه وان تعطوني موافقتكم الساميه عليه.. فلي كبير الشرف في التعامل معكم.. لما لمست فيكم من جديه في العمل وتفاني في تنفيذه فقد راسلتكم اكثر من مره وبأسماء مختلفه ومواضيع مختلفه للتأكد ان اختياري لحضرتكم سليم.. فلي كبير الشرف في التواصل معكم.. والمشروع عباره عن.....................
رحت اقرا باهتمام.. وكنت كلما جمعت او طرحت صار الناتج مضبوط والارقام سليمه والدراسه الي هو عاملها ولا اروع ولا اضبط.. صرت افكر كيف بعملها وكيف بنفذها.. المشروع حلو بس محتاج للتواصل سكرت جهازي ورحت افكر.. فكرت في احمد بس قلت ماراح يكون متفرغ لي وبعدين هو بالكويت والشغل الي بيده اكيد اهم.. حتى عبدالرزاق هاليومين مايجلس بالبيت واكيد عنده شغل رحت لخوله
ليال: خوله
خوله: يا عيونها
ليال: دازين لي مشروع يهبل
خوله: دامك قلتي يهبل.. اكيد انك بتنفذيه
ليال: ودي انفذه بس مستحيل
خوله: ليش؟!!
ليال: النوعيه هذي من المشاريع تبي الاجتماعات المتواصله.. مستحيل تمشي الامور عن طريق النت.. بيكون فيه تلاعب.. حتى لو الطرفين جادين بالمشروع بيظل هناك في خوف وعدم امان من كلا الطريفين
خوله: تبين تديرينه بنفسك
ليال: لا.. بيكون خطر علي اذا تصرفت هالتصرف
خوله: ماتقولين احمد زوج لينا محامي
ليال: فكرت فيه.. بس اتوقع انه عنده شغل اهم بالكويت.. هذا تارك لينا 6 شهور عشان شغله.. تتوقعي انه يهتم بشغلي
خوله: اسألي ماتخسرين شي.. دامك من طرف لينا اكيد بيتهم
ليال: بس احمد ما هو من النوع الي بيهتم بي كعميل.. بيهتم لاني من طرف لينا
خوله: انا ملاحظه انج فاهمته كثير.. هذا وانتي ماقعدتي معاه
ليال: لا تنسي بعد اني ماتكلمت معاه.. بس الي عرفته من كلامه الشي الكثير.. المهم عندي انه هو الشخص الي اقدر اعتمد عليه في خططي الجايه
خوله: يعني احمد يقدر يصد عنك لافي
ليال: احمد يقدر يدفن سري معاه من غير ما يعلم احد عليه.. ما تتخيلي كيف هو حريص على شغله
خوله: اشوفك منبهره فيه
ليال: بحياتي ماشفت واحد زيه
خوله: ليش ماقلتي هالكلام للينا
ليال: حاولت ابين لها هالشي.. واتمنى انها فهمت
خوله: ما اتوقع امس كلمتها.. وحالتها زايده حزن
ليال: لانها ماتبي تفهم هذا شي.. والشي الثاني ماهي راضيه تعترف له بالي بقلبها.. ماهي راضيه تصدقني انها بترتاح لما تقول له على الي بقلبها
خوله: الله يعينها.. عجزت وانا اقول لها راسك يابس زي الصخر
ليال: هي لو ترق له شوي والله ترتاح
خوله: ليال خلي ببالك انها تغير على احمد.. يعني اذا فكرتي تشتغلي معاه.. لينا بتكون عقبه كبيره في وجه هالشغل.. بتصير تبي تعرف كل الي يدور بينك وبين احمد
ليال: اتركيها علي لينا انا اعرف كيف اخليها تهدي بس المهم احمد يرجع من الكويت
&&&&&&&&&&&&&&&&&&&&&
4:00 العصر
في شقة لمى ..الصالة..
الكويت
احمد: انا تارك اهلي وجماعتي حتى تقولي لي هالكلام!!!!
لمى: من قهري احمد من قهري.. ماني لاقيه الي احتمي فيه
احمد: بس انا وعدتج انه امورج راح تتعدل والي تبينه بيصير
لمى: احمد انا حاسه انك تخليت عني.. انا ضايعه بروحي
احمد: اش هالكلام لا تخلين اليأس يلعب بعقلج.. امسك الاوراق بيدي بعدين تقدرين تتحركين مكان ماتبين.. لمى انا جاي الكويت عشانج.. ماني جاي العب
لمى: ابي هالشي يخلص بسرعه
احمد: استعجالج هذا بيخرب كل الي قاعدين نسويه.. اهدي وطولي البال.. كل الي ابيه منج تهدين ومثل ماقلت لج أي شي تبينه دزي مسج به لا تتصلين واضح
لمى: واضح
احمد: تامرين بشى
لمى بحزن: محتاجه احد يقعد معاي خايفه بروحي.. احس انه بأي وقت بيدخل علي
احمد: اليوم بجيب لج شغاله تقعد معاج تامرين بشي ثاني
لمى: سلامتك
احمد: المطبخ مليان؟
لمى: عبداللطيف مايقصر.. كل يومين يمر ويجيب اغراض بيده
احمد: يعني امشي وانا متطمن
لمى: أي خلاص
&&&&&&&&&&&&&&&&&&
4:45 العصر
في بيت ام لينا ..غرفة لينا..
البحرين
ديما: هههههههههههههههههه تصدقين المدرسه اطردتها من الصف
ريما: تستاهل هذي جايه المدرسه تستهبل
لينا: وانتي ليه تروحين المدرسه
ريما: لوجودي وكياني.. الي يبي يستهبل يروح الاماكن الترفيهيه.. ولا السيرك
ديما: صح المدرسه ماهو مكان لهالمشاكل.. العقل بيستوعب المعلومات ولا بيركز في مشاكل البنات التافهه
لينا: بس احنا نعرف انه أي فعل هو عبارة عن ردة فعل لموضوع معين.. يعني لازم يكون فيه موقف سابق حصل حتى ينتج منه ردة فعل الي تشوفونها على البنات
ديما: بس هالشي يصير بصوره متكرره وسخيفه.. المفروض انه الواحد يتعلم من تجارب الي حوله.. بس البنات قاعدين يكررون الحوادث من غير اي اهتمام للغلط.
ريما: مثل ماتقولين للفت الانتباه
ديما: او لا ستعراض العضلات
لينا: والمدرسات اش موقفهم
ديما: سلبي.. العقاب مثل ماهو ما يتبدل.. والبنات صايرين كأنهم اولاد في عنفهم وهمجيتهم كأنهم ملكو المدرسه بالي فيها.. تخيلي انهم يبون يصيطرون علي الي فيها من مدرسات واداره بالقوه
لينا: معقول الاداره المدرسيه ماتتخذ أي اجراء بهالشي
ريما: ولا شي.. الي كنا امس فيه صرنا اليوم فيه بعد.. مايتغير شي
ام لينا تدخل عليهم: خلصتو واجباتكم يما
ريما: أي يما بغيتي اساعدج بشي
ام لينا: أي حبيبتي ام احمد بتجي الحين ابيكم انتي وديما تجهزو اشيا حلوه من يدكم الحلوه
ديما تقوم: من عيوني.. احلى موالح من ايدي
ريما تقوم معاها: وانا احلى حلويات لعيون احمد
لينا: ههههههههههههههههههههه
ام لينا: يلا عن طول اللسان
لينا: الله يحفظهم
ام لينا: علمتيهم على السنع يا يما
لينا: تعلمته منج يالغاليه
ام لينا: تكلمين احمد؟
لينا: كلمته امس
ام لينا: وليش ماكلمتيه اليوم؟
لينا: متفقه معاه اذا كمل هو يتصل فيني
ام لينا: مبسوطه؟
لينا: الحمدلله
ام لينا: تبين الصراحه ماتوقعت انه يطلع بهالطيبه.. الحمدلله الي الله سخره لج انتي تستاهلين الخير
لينا: اشوفج راضيه عليه
ام لينا: أي والله كل الرضى الله يخليه لج ولنا كلنا.. دامي اشوف هالابتسامه في عيونج بدعي له من قلبي..وبعدين حتى عمج تغيرت معاملته معاي.. الحمدلله.. اش ابي اكثر من جذي
لينا: هذي ليلى متصله
ام لينا: بروح اشوف البنات وانتي سلمي عليها
لينا: الو
ليال: هلا بالحلو الي ماسمعت صوته من امس
لينا: هلا بعمري والله
خوله: انا اموت واعرف هاليلى اش عامله للكل.. الكل يحبها ويموت فيها
لينا: ههههههههههههههههههههه شنو حاطيني سبيكر
ليال: ايوا.. ايش اخبار الحلوين
لينا: والله الحمدلله
خوله: يعني امس تكلميني بيذبحج الهم واليوم من سمعتي صوت ليلوه صرتي بخير وما في احسن منج
لينا: هههههههههههههههههه وانتي تكرهين لي الخير
ليال: سيبك منها هذي غياره المهم انك تكوني بخير
لينا بعناد: الحمدلله من سمعت صوت حبيبة قلبي ليلى وانا بالف خير
خوله: واااااااااااي قلبي.. يما لحقي علي هذي الي بجيها البحرين بابوسها وبرجع قطر على القهر الي بقلبي
ليال: ههههههههههههههههههه
لينا: والله ياريت.. والي يخليج يا خوله تعالو لي ودي اشوفكم من جد وحشتوني
ليال: لسا من اسبوع عندك.. عن الطمع
لينا: أي انتي وساره بس خوله ماشفتها
خوله: والله فكره.. خلاص بكلم عبدالرزاق وبجي
ليال: اجلسي مكانج.. ظهري ماهو لج ولا لها.. لاتنسون حمالي
خوله: يووووووووه هذي نسيناها.. معلش يا قلبي.. تولد بس وكل اسبوع عندج
ليال: لينا ايش اخبار احمد معاك
لينا: زين
خوله: زين بس
لينا: أي زين
ليال: مافي شي مضايقك
لينا: عادي الضيق صار صاحبي تعودت عليه
ليال: طيب فيه موضوع ابيكي تساعديني فيه
لينا: من عيوني
ليال: معروض علي مشروع وابي احمد يتولى الناحيه القانونيه فيه
لينا: تبين تكلمينه؟
ليال: لا حبيبتي انتي كلميه زوجك عصبي.. وانا اخاف منه.. اذا انتي كلمتيه وقلتي له عني.. اتوقع انه مايردني
خوله: لينا ترانا انا وليلى معزمين على هالمشروع وقلنا بنشوف محامي بس انا فكرت في زوجك وقلت يفيدنا ويستفيد
لينا: اكلمه من عيوني.. كم خوله وليلى انا عندي
خوله: اشوه قالت خوله اول شي وبعدين قالت ليلى
ليال: ههههههههههههههههه لا تحسسيني انك خبله
خوله: خبله بعينك
لينا: ههههههههههههههههههههه
&&&&&&&&&&&&&&&&&&&
يتبع
|
19-01-09, 12:12 AM
جديد مواضيع قسم الارشيف
العرض العادي
