علمتني قسوته ان اكون - الصفحة 11

02-01-09, 08:30 AM

المشاركة رقم: 51

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

صوفيا: يس سير
عبدالرزاق: داخل بالفندق ما ابي احد ينتبه انك تعرفيني.. اذا تبين أي شي انتي بعد اتصلي تلفون.. اياكي احد يعرف انك تعرفيني
صوفيا: اوكي سير.
عبالرزاق: يلا انزلي.. على طول اوقفي معها.. وما تتركيها
صوفيا: اوكي سير
خان: سلام عليكم
عبدالرزاق: عليكم السلام خان.. كل شي تمام
خان: تمام سير.. ماما ليال مبسوط كتير
عبدالرزاق: ممتاز.. اسمع متى ما دقيت عليك تلفون.. تكون عندي بلمح البصر.. خذ هالفلوس.. وتدخل معاي الان حتى تحجز لمدام ليال باسم خوله ولك انت بعد.. ما ابي احد يعرف انك تبعي.. اذا بغيت شي دق علي
خان: يس سير
عبدالرزاق: لا تنسى تحجز باسم مدام خوله

&&&&&&&&&&&&&&&

01:15 الصباح
المستشفى .. غرفة سوسن..
السعوديه
عبدالله: وانتي مصدقه يعني
سوسن: لاني ابي اصدق
عبدالله: بس الكلام الي قاله صلاح ماهو منطقي
سوسن: وايش الي ماهو منطقي
عبدالله: يعني عشان ابوكي حلم ضروري يتحقق
سوسن: حنا نتكلم عن احساس ابوي بليال
عبدالله: احساس اب يبي بنته ترد
سوسن بخوف: يعني منت موافق اروح بكره لهم
عبدالله: من قال بالعكس.. بوديكي وان شا الله يطلع كلام عمي صح
سوسن: ان شا الله
عبدالله: لسا تطالعي بالتلفون
سوسن: لسا.. الرساله لسا ماتسلمت
عبدالله: اكيد خايفه احد يعرف مكانها.. متى ماحست انها تبي تكلم احد بتفتحه.. وبعديها بتستلم الرساله
سوسن: اتمنى هالشي
عبدالله: سوسن حبيبتي.. ما ابيكي تعيشي نفسك بوهم.. ابيكي تعيشي الحاضر.. ليال من الصالح لها انها تكون بعيده الان
سوسن بحده: لا تقول كذا يا عبدالله.. امانها معانا
عبدالله: سوسن حبيبتي.. فكري فيها شوي.. لافي انتي تعرفيه محد يقدر يوقف بوجهه.. اذا عرف انها هنا بيذبح الكل عشان يوصل لها.. انا ما اقول كذا خوف على نفسي.. لا والله انا افديها بروحي.. بس لافي لازم نعد له عده كبيره حتى نقدر نحمي البنت منه.. وحتى لو عملنا كذا بيوصل لها.. والله اعمل ايش بيعمل فيها بعد ما يلاقيها.. ليال صح بالي تعمله.. صح بتفكيرها.. بس الي موجع قلبي ماني عارفه هي كيف عايشه.. على ذا كله بعد متأكد انها راح تدبر نفسها
سوسن: قلبي موجوع من الي قلته
عبدالله: هو الصح تمني انك تتطمني عليها.. بس لا تتمني انها ترجع
سوسن: يارب مالي غيرك ارتجيه.. احفظ اختي يارب احفظها يارب

&&&&&&&&&&&&&&&&&

1:30 الصباح
في الفندق .. بغرفة ليال..
السعوديه
ليال على التلفون: وصلت ياقلبي.. ومرتاحه على الفراش
خوله: ايوا ياقلبي ابيكي ترتاحي على طول.. ياربي تثبت هالطفل الي بحشاكي.. ومايجرا عليه شي
ليال: لا تخوفيني عاد
خوله: شوفي اذا ماشربتي الحليب وسمعتي الكلام.. وعملتي الواجب زين تراه بيتأذى
ليال: هههههههههههههههههههههه بعيد الشر عنه
خوله: تعرفي انه بكره موعدك مع الدكتوره
ليال: ايوا عارفه بس ابوي اهم
خوله: معلش تتطمني عليه.. وانا بدق على العياده اخذ لك موعد ثاني
صوفيا: مام خان يقول ايش تبين عشا
ليال: أي شي خفيف.. ابي انام يا صوفيا
صوفيا: اوكي مام
خوله: هذا وانا قاعده اوصيكي.. تقولي اكل خفيف يا حبيبتي الي ببطنك ماله ذنب بالي يصير حوله.. اهتمي بأكله يا ليال
ليال: انا باكل يا خوله.. بس ماني حمل شي ثقيل احس اني برجع
خوله: معلش يا قلبي.. كلها شهر او اثنين وفترة الوحم تنتهي
ليال: تبين الصدق ماني حاسه فيها.. الهم الي انا فيه نساني تعب الحمل
خوله: اذكري الله.. وكل شي بيعدي على خير.. يلا اخليكي ترتاحي وادق على عبدالرزاق
ليال: أي والله واشكريه
خوله: طيب ياقلبي تصبحي على خير
ليال: وانتي من اهل الخير ياقلبي
قمت من السرير ووقفت عند الشباك.. وجودك هو الي نساني الهم الي انا فيه يا خوله.. آآآآآآآآآآه ياخوله لو تعرفي الرعب الي احس فيه.. لو تعرفي خوفي وانا هنا بالسعوديه.. ديرتي الي بحياتي ماكنت عارفه انه بيجي يوم بحس بكل هالخوف وانا فيها.. وينك يا صلاح.. وينك يمكن لو قلت لهم انك جايني ماكنت وصلت للي انا فيه.. يمكن خافو من جيتك واعملو لك حساب.. محتاجه حضنك يا صلاح
ناصر: ليال
ليال بخوف: ناصر!!!!!!!
ناصر: حبيبتي مالك واقفه عند الشباك كذا
ليال بخوف: خايفه يا ناصر خايفه..اياك تقترب مني
ناصر يقترب منها: خايفه وانا موجود
ليال: منت موجود يا ناصر منت موجود..ابتعد لا تقترب
ناصر يقترب منها: موجود بس انتي منتي حاسه فيني
ليال: لانك بعيد عني صار لك فتره
ناصر: واذا قلت لك هذا حضني يناديكي
ليال باستسلام: وينه وحشني من زمان.. ودي ارتاح يا ناصر ودي ارتاح.. ودي اصحى من الي انا فيه.. ودي ارتاح
ناصر يضمها لصدره: احبك
ليال: عمري ماحبيت غيرك.. عمري ماحسيت بالامان غير معاك.. ابوك هدم حياتي واماني واستقراري
ناصر: ما كان يقدر يعمل لك حاجه وانتي جنبي.. هذا كله صار لانك بعيده عني
ليال تبتعد عنه: انت الي بعدت.. عمري مابعدت عن حضنك لانه اماني.. عمري ما ارتحت الا معاك لانك حبي
ناصر: يا قلبي عليكي ليه ترتجفي كذا
ليال ترتجف: احس ببروده في كل جسمي يا ناصر
ناصر: تعالي بحضني
غمضت عيوني ودموعي تنزل بقوه.. كان ودي ارتاح.. وينك عني وينك.. ليه عملت بي كذا.. انا احبك وعمري ما حبيت غيرك.. كان ودي تفهم شعوري اني فقدت عيالي.. تعاملت معاي كأنه شي عادي صار وخلاص.. دوم كنت تقول لي بيتعوض.. وكأنه التعب الي اشوفه مايسوى في عينك شي.
صوفيا: مام
ليال تنتبه: ها!!! .. ايش في
صوفيا: العشا مام
ليال: اه.. وانتي وين عشاكي
صوفيا: هنا مام
ليال: وخان تعشى بعد؟
صوفيا: يس مام
انقذتني صوفيا بصوتها.. صحتني من غفلتي اني بحضنه.. ناصر بعد الي عمله معي .. لسا احبه!!

&&&&&&&&&&&&&&&&&&

7:30 الصباح اليوم التالي
الفندق .. غرفة عبدالرزاق..
السعوديه
عبدالرزاق: الو صباح الخير
ليال: اهلين صباح النور
عبدالرزاق: لسا نايمه
ليال: ها .. اه ايوا
عبدالرزاق: معلش انا عارف انك مانمتي بس قلت نكسب وقت.. نكمل شغلك وبعدين نروح المستشفى ونرجع قطر على الظهر ان شا الله
ليال: كم الساعه عندك
عبدالرزاق: 7:30 الصباح
ليال: وبنلحق نخلص كل شي اليوم؟
عبدالرزاق: اختي كل شي جاهز لك محتاج توقيعك بس.. نخلص البنك.. وشركة الاتصالات.. وامورك الخاصه.. ونروح المستشفى نشوف الوالد.. اسرعي حتى مايسبقنا لافي
ليال: حاضر حاضر.. 10دقايق واكون جاهزه
عبدالرزاق: تلاقي فطورك جاهز بالصاله عندك.. اسرعي اختي

&&&&&&&&&&&&&&&&&&&

8:00 الصباح
فيلا لافي ..على طاولة الطعام..
لندن
العنود تبوسه على راسه: صباح الخير بابا
لافي: صباح الخير يا بابا
العنود: كلمته!!
لافي: مين ذا
العنود: ناصر
لافي: لا اتركيه هاليومين
العنود: طيب تسمح لي ازور عبير الان بعد الفطور.. المسكينه ماحد سأل عنها من امس
لافي: انا رايح لها الان.. اخذك معي
العنود بفرح: يابختي الي بروح معك
لافي يناظرها بحده: انتي تحبيني يالعنود
العنود تقوم: ايش هالسؤال.. اموت فيك بعد.. خلني اشوف نوف اذا ودها تجي معنا
لافي يمسكها بقوه من ذراعها: تحبيني من جد ولا خايفه مني
العنود بخوف: ماحد يقدر يجبرني على حبك اذا ما بغيت
لافي: يعني ماتجامليني اذا قلتي انك تحبيني
العنود مستغربه: وليه اجاملك انت حبيبي من جد
لافي يتركها: روحي نادي نوف
ام ناصر: صباح الخير
لافي بحده: انجنيتي باين
ام ناصر بخوف: خير ايش صار
لافي بحده: من شوي مصبحه علي نسيتي؟!!!
ام ناصر بحزن: مابقى بي عقل.. ولدك ما خذ تفكيري
لافي: انتي الي زاعجه روحك.. قلت لك اتركيه يومين وهو من نفسه يطلع من عزلته
ام ناصر: تبيه يحس اني مهملته.. ماهو كفايه زوجته اهملته وخانته
لافي بقهر: هالكلبه.. انا الي بتصرف معها بس الاقيها
نوف: صباح الخير بابا
لافي: صباح الخير ياروح بابا
نوف: ناصر فتح الباب؟
ام ناصر: لا لسا
العنود: بابا انا جاهزه
لافي: ونوف منتي رايحه معانا
نوف: لا بابا كفايه العنود.. يمكن ناصر يفتح لي
لافي يقوم: براحتك يلا يالعنود

&&&&&&&&&&&&&&&&&

9:15 الصباح
في فيلا الجده ..الصاله..
السعوديه
الجده على التلفون: هلا سوسن.. كيف حالك يما اليوم
سوسن: الله يسلمك يما.. انا بخير حبيبتي.. لا تقلقي علي
الجده: حبيبتي انتي وين الان
سوسن: انا عند الوالد بالمستشفى
الجده: الان؟ الساعه الان 9:15 الصباح يما
سوسن: ايوا يما ايش الغريب
الجده تحس بليال: ماهو وقت زياره يما.. انتو!!!!
سوسن: احتمال يما.. احتمال وانا جايه عند ابو حتى اتأكد
الجده: ودي اجي
سوسن:تعالي يمكن الله يكتب الخير
الجده: اقول للسايق واخلي فتحيه تجهز معاي
سوسن: تشرفي يالغاليه
الجده: مع السلامه يما
فتحيه: مين تكلمي يما
الجده: هذي سوسن.. احتمال ليال تكون هنا
فتحيه بفرح: والله؟ كلمتهم
الجده: لسا ما اعرف عن شي.. اجهزي خلينا نروح لهم
فتحيه: جاهزه بلبس عباتي بس

&&&&&&&&&&&&&&&&&&

10:40 الظهر
في سيارة عبدالرزاق
السعوديه
ليال: وخان!!!!
عبدالرزاق: انهى مهمته ورجع قطر
ليال: من متى
عبدالرزاق: بعد ماطلعنا من الفندق.. ليه انتي كنتي تبين منه شي
ليال: بصراحه ايوا.. بس دامه رجع لازم افكر بشي ثاني
عبدالرزاق: انا اسف ماسألتك اذا تبين منه شي قبل لا يمشي
ليال: عادي لا تهتم اساسا انا داعيه الله اذا هالشغله فيها خير ييسرها.. وهذا خان وراح يعني ابتعد عن الي في بالي احسن
عبدالرزاق: انا فتحت لك حساب بنكي بقطر.. الان بسهوله الفلوس راح تتحول.. متى مابغيتي

يتبع

02-01-09, 08:32 AM

المشاركة رقم: 52

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

ليال بخوف: يما.. حساب باسمي لا غلط اكبرغلط
عبدالرزاق: ههههههههههههههههه لا طبعا باسمي.. ماني غبي اختي.. لا تخافي وان شا الله لافي مايقدر يتبع الفلوس وين راحت
ليال: الحمدلله ريحتني
عبدالرزاق: بايش تفكري
ليال: الان ابي ادق على ناصر واقوله اني سقطت.. وبقوله اني بالسعوديه.. مع اني واثقه انه لافي صار عنده خبر اني بالسعوديه الان.. بس ان شا الله خطتك تنجح
عبدالرزاق: ان شا الله.. لا تقلقي اختي حنا بحما الله
ليال: اكيد ماراح يتخلى عني.. هو عارف انا كيف عشت
عبدالرزاق: هذا الي ابيه.. قوي قلبك.. وما ابيكي تخافي حتى لو صار شي وانكشفنا مثل ماقلت لك في خطه ثانيه غيرها وبنعدي ان شا الله من غير مشاكل
ليال: ان اشا الله
عبدالرزاق: انتي ليش اخذتي كذا شريحه من شركة الاتصالات
ليال: ما ادري.. اكيد بحتاجهم اذا ما هو اليوم بكره اكيد.. انا اخذت كذا شريحه من لندن بعد
عبدالرزاق: تبين الصدق ماني عارف ليش.. بس اذا احساسك يدلك على هالشي.. فأكيد بتحتاجينها بعدين.. ماقلتي لي ايش هالكيس الي بيدك
ليال: هذي هديه لجدتي.. كنت ماخذتها لها في لندن..وما صار نصيب اني اعطيها لها.. بتركها هناك.. حتى يعرفو اني بالسعوديه
عبدالرزاق: ممتاز.. فكره حلوه بعد

&&&&&&&&&&&&&&&

11:00 الظهر
المستشفى ..غرفة عبير..
لندن
عبير بتعب: احس بوجع كبير
العنود: بابا اقدر اقعد معاها هنا
لافي: اقعدي وبدز لكم الشغاله تقعد معاكم بعد
عبير: يعني ماما ماراح تجي تقعد معاي
العنود: قلت لك انه ناصر تعبان كثير.. صعب تتركه
عبير: الان صدقتو يوم قلت لكم انها ماهي شريف.. كنتو تضربو فيني لجل سواد عيونها
لافي: انتي ايش شفتي عليها
عبير: كنت اشوفها تمسك التلفون وما تتركه غير لما ناصر بيجي
العنود: تكلم اهلها كلنا نعرف هالشي
لافي بشك: وليه امك ما انتبهت لها.. ليه انتي بس الي انتبهتي
عبير: هي كانت منتبهه على امي لما تدخل عليها تسكر على طول
لافي: وانتي كيف انتبهتي لها.. انتي بغرفتك على طول.. او برا مع شلة الدمار الي متعرفه عليها
عبير: هو انا قلت لك اشوفها كل يوم.. شفتها كذا مره.. ومبين عليها انها ترتبك اذا احد يدخل عليها.. عاد الغبي يفهم
لافي: ولا صوت معي تلفون.. الو
......: مرحبا عمي لافي
لافي: اهلا ايش بغيت
......: انا من طرف سعود عمي داق عليك اقولك انه الاسم الي عطيتوني ياه طلع من قطر وهي الان بالسعوديه
لافي يبتسم: ومن كان معاها وقت الي اطلعت
......: سايق يا عمي.. وبجيب لك معلوماته بكره ان شالله
لافي: انتظرك.. مع السلامه
العنود: هذي ليال يبا؟
لافي: هذي الحقيره.. ايش هالعقل ذا.. ايش هالتفكير ذا.. متى لحقت تعمل كل ذا
عبير باهتمام: ايش عملت بابا؟

&&&&&&&&&&&&&&&&&

11:25 الظهر
المستشفى ..غرفة يوسف النشمي..
السعوديه
بوسلطان بقلق: ها صلاح ما دق عليك؟
صلاح: لا يبا.. بس اكيد بالدرب الان
بوسلطان: أي درب هذا هو قال الصبح.. وحنا صرنا الظهر
منال: طول بالك يبا.. اكيد جاي
ام سلطان: يعني انت تشوفها قدامك
بوسلطان بحنين: اشوفها يا ام سلطان اشوفها.. بتجي عشان تشوفني.. هذي بنتي حبيبتي.. بتجي لجل عيوني.. انا متأكد
سوسن: مستغربه منك يبا.. والله اني ماني فاهمتك ابد
الجده تدخل: السلام عليكم
ام سلطان: هلا وغلا بوجه الخير
الجده: بالمهلي يابنتي
بوسلطان: جيتك عزيزه على قلبي يا ام فهد
الجده: انت عزيز وغالي ياولدي.. الا ايش الاخبار
سوسن: ننتظر يما.. لسا ما صار شي
الجده تهمس لسوسن: ايش الي صار
بوسلطان: صلاح الله لا يهينك دق عليه.. قول له انك بتمشي خله يعجل بالجيه
منال: يا يبا.. ماهي عدله يقول للرجال كذا
بوسلطان باستسلام: أي صح
صلاح: طول بالك انت بس.. ومايصير الا الخير
بوسلطان: سلطان وين؟
صلاح: قلت له اذا ليال بتجي ماراح تدخل اذا شافته اكيد ما خذه موقف منه بعد الي قاله لها.. فقلت له يوقف برا يحرس الطريق اذا احد من رجال لافي هنا
بوسلطان: خير ما عملت
سوسن: صلاح الباب يدقونه
بوسلطان بفرح: بنتي.. بنتي وصلت
منال تمسكه: اهدى يبا لا تخلي احد يحس علينا او يسمعنا
صلاح: ابتدعو يا حريم.. مين؟
عبدالرزاق: انا عبدالرزاق ياخوي
صلاح يفتح: حياك حياك ياخوي
عبدالرزاق يدخل: السلام عليكم ورحمة الله وبركاته
صلاح: وعليكم السلام..هلا بعبد الرزاق انا صلاح
عبدالرزاق: هلا بالغالي
بوسلطان: وعليكم السلام ورحمة الله وبركاته
عبدالرزاق يبوس راسه: سلامات سلامات.. ان شا الله اجر وعافيه.. وماعليك شر ان شا الله
بوسلطان: تسلم يبا.. الا من الرجال
عبدالرزاق: اسمي عبدالرزاق تاجر من قطر
بوسلطان: حيا الله الرجال.. الساعه المباركه يبا الي تشرفنا بجيتك
عبدالرزاق: والله يا عمي سمعة صلاح الله يحفظه بالسوق تساوي وزنها ذهب.. عاد قلت فرصه دامي بالسعوديه امر واتعرف عليه.. وان شا الله نتعاون مع بعض
صلاح: والله يسعدني هالشي.. معرفتك تاج على الراس يا خوي
عبدالرزاق: اعذروني اني تأخرت عليكم والله تراني جايب ام العيال معاي عندها موعد مع دكتور الماني جاي زياره للسعوديه.. عاد انتهزتها فرصه اجي اشوفكم
بوسلطان بلهفه: وام العيال ايش معاها
عبدالرزاق: بعيد الشر عنك وعن السامع.. تعرضت لحادث مع اهلها.. عاد رحمة الله عليهم الي معاها ماتو بالسياره مانجا غيرها وغير اخوها الصغير.. وهي المسكينه.. ماعاد انطقت
الجده: ماعليها شر يما
عبدالرزاق: الشر لا جاك يما
الجده: اجل تاركها لحالها تقول
عبدالرزاق بقلق: أي والله تاركها لحالها عاد ارخصو لي جيتي لكم سريعه.. وبمشي بسرعه بعد.. ماني حاب اخليها لحالها
الجده: عيب يما تجينا لاقهوه ولا ضيافه.. جيب ام عيالك يما خلنا نتعرف عليها ترانا اهلها بعد.. تشربو القهوه.. وناخذو ضايفتكم وانتو ماشين
عبدالرزاق بقلق: الله يديمك يما.. بس من جد مستعجل.. خلوها مره ثانيه.. ان شا الله اجيكم جيت بيت.. اخذ ضيافتي بالبيت على سلامة عمي
الجده بحده: تبي تكسر كلامي يعني
عبدالرزاق: لا والله ماهو...................
الجده: اجل خلاص هي كلها نص ساعه.. ارتاح من الدرب وبعدين توكل على الله
صلاح: ياخوي لا تتعب نفسك.. هذي امي وانا عارفها مافي احد يعند معها.. جيب الحرمه وخلها بين الحريم شوي.. وخذ ضايفتك وبعدين متى مابغيت تمشي براحتك
عبدالرزاق: امري لله.. يا يما هذا بس عشان عيونك.. ولا صدقيني تراني تارك العيال لحالهم بالديره مع الشغالات.. ولو ماهو غلاة صلاح كنت رجعت قطر من بدري
صلاح: اعز واغلى ياخوي
الجده: معلش يما لا تزعل مني.. ضيافتك واجبه.. وانت قاطع درب طويل.. حتى تجي تسلم وتمشي من غير ضايفه.. لا يما عيبه بحقنا
عبدالرزاق يفتح الباب ويطلع: ولا تزعلي بجيبها وجي
منال: لو هي ليال كانت ادخلت وراه هذا متردد انه يجيبها عادي
بوسلطان: لا ماهو عادي هو باين عليه الخوف
الجده: شافنا متجمعين.. اكيد هالشي خوفه اكثر
ام سلطان: بس من هو ذا.. وايش علاقتها به
الجده بحده: ولا كلمه ثانيه اسمعها منك.. ايش!!!! بتشككي ببنتك من جديد.. يكون الي يكون.. المهم انها بخير ونتطمن عليها
سوسن: يما انتي قلبك ماهو واجعك عليها وعلى حالها.. تظني انها بتعرف أي احد وتجي معاه من غير مايكون انسان عدل وزين
منال: انتو تتكلمو على ان الي جايه هي ليال.. واذا ماهي هي
صلاح: لا تستعجلو.. منال معاها حق انتو مقتنعين انها ليال.. اصبرو شوي
بوسلطان: هي يبا هي.. هذا هي وصلت
عبدالرزاق يدخل: السلام عليكم
بوسلطان بلهفه: حياك يبا.. حياك
الجده: وينها يما ليه ماجبتها معاك
عبدالرزاق: خوله مالك تعالي.. هذول ناس طيبين
منال باستغراب: هلا خوله حياكي حبيبتي انا منال
ليال تأشر بيدها: ....................
منال تناظر عبدالرزاق: يعني ايش مافهمت
عبدالرزاق: تقول تشرفت بكم
سوسن تحضنها بقوه وبهمس: الحمدلله الي تطمنت عليكي لو على الناس كلها ماهو علي يا ليال
منال: شوي شوي ياسوسن على البنت معلش اعذرينا ياخوله.. اختنا مقطوعه عننا اخبارها.. وهي شافتك مكانها
ليال تأشر بيدها: ....................
سوسن بلهفه: ايش تقول ياخوي
عبدالرزاق: تقول هي بعد فاقده اهلها
الجد تحضنها: حنا هلك يما حنا هلك وعزوتك.. ما يجور عليكي الزمان وراسي يشم الهوا
ام سلطان: حياكي الله يا خوله الا هي ام مين
عبدالرزاق: ام سالم
ام سلطان تتلمس بطنها: ام سالم؟!! وفيه غيره ولا بس سالم
عبدالرزاق: عندي ساره وهاجر بعد
ام سلطان حاضنتها: الله يخليهم لها.. ويبارك لها بالي جاي.. ويفرحني بشوفت بنتي.. زي ما شفتك يما وفرحت بحضنك
بوسلطان يمسح دموعه: وانا يبا ماتبين تسلمي علي
ليال تأشر بيدها: ....................
بوسلطان: يعني ايش
عبدالرزاق: تتشكر لك بالسلامه ياعمي
بوسلطان زاد بكاه: السلامه لكي انتي بعد الحمد الي الله ظهرك من الشر.. يا ليتني اقدر اخذك بحضني.. واشم فيكي ريحة ليال.. آآآآآآآآآه يا وجع قلبي على ليال
على اني كنت متغطيه وغطاي ثقيل.. بس اعرفوني.. دنيت من ابوي وانا قلبي موجوع اكثر منه.. ابي احضنه ابي ارتاح بحضنه.. ابي اقوله اني بخير.. انا بخير يانور حياتي.. انا بخير يالي انحرمت من حضنك وانا جنبك.. تبكي علي ياروحي.. تبكي على نور حياتك وانتو عارفين اني بجي.. كلكم هنا تستنوني.. كلكم هنا جالسين تنتظروني.. ياوجع قلبي عليكم.. قبل لا يدي تلمس يد ابوي دخل سلطان وصرخ بكل قوته.. سحبني عبدالرزاق وصرت وراه..
سلطان: الحقو واحد من رجال لافي جاي وراي
صلاح: خلكم طبيعين.. واذا قدرتو اضحكو.. يبا عشان ليال قوي قلبك لا تخليهم ينتبهو علينا
بوسلطان بحده: مايقدرو يلمسوها لو على موتي
وقف عبالرزاق قدامي.. ووقف صلاح جنبه.. وصرت متخبيه وراهم هم الاثنين.. وعشان اجسامهم اضخم واعرض مني.. صرت ماني واضحه للي بيدخل الغرفه.. دخل واحد
.....: السلام عليكم
صلاح: وعليكم السلام
.....: انا من تبع عمي لافي
صلاح: يا هلا ومرحبا
.....: عمي يقول لكم ابشرو ليال هنا بالسعوديه.. ويقول لكم انه اكيد بتجيكم
صلاح متصنع الفرح: والله؟ بشرك الله بالخير يا وجه الخير
سلطان: البشاره عندي خذ والله انك تستاهل
صلاح: تستاهل وان شا الله عقب مانقتلها بيدنا.. لك البشاره الثانيه
سلطان: الا اكبر منها.. بلغ عمك وقول له حنا نستنى
.....: ماقصرتو والله.. ما قصرتو.. بدق عليه الان وبقول له
صلاح: وهو ليه ما دق علينا
.....: بصراحه انا من اهل مسعود السايق الخاص لعمي لافي.. هو قال لي اجي عشان اقول لكم
سلطان: يعني لافي مادرى عن ليال؟
.....: الا درى بس قال لمسعود تصرف وبلغ الاهل.. عشان هو عنده موعد مهم اليوم
صلاح: اجل سلم عليه.. وقول له ابشر
ظلينا كذا واقفين وساكتين.. حسيت سلطان يبي يجي يحضني.. شفت بعيونه الدموع الي بحياتي ماشفتها بعينه.. كان كسير ذليل.. حسيته يبي يكفر عن غلطته.. بس ماني عارفه ليه هو بالذات ما ابي اسامحه.. ماهو هو بس حتى صلاح.. حموني من موقف كان بيجيب اخري اكيد.. بس الحمدلله.. كانو واعيين للي يصير حولهم.. سحبني عبدالرزاق وبسرعه فتح الباب يبي يطلع.. وقفه صلاح
صلاح: خلي بالك عليها.. صحيح اني ماني عارف انت مين.. بس باين عليك انك رجال والنعم بك.. سألتك بالله الذي لا الاه الا هو تخلي بالك عليها.. رقبتي وما املك تحت امرك
عبدالرزاق بقلق: انت اكيد فاهم غلط.. اتركني الان لازم امشي
بوسلطان يبكي بحرقه: مع السلامه ياقطعه من روحي.. يحفظك الرحمن الي امنتك ياه.. مع السلامه وماني عارف اذا رجعتي بتلاقيني فوق التراب او تحته.. سامحيني يبا.. سامحيني
طلعت وانا منهاره.. عبدالرزاق كان يجرني مثل النعجه.. يوجهني يمين وشمال.. كسرني حزن ابوي المكسور.. كسرني ضعفه.. كسرتني كل رجفه في عينه.. وهو يبي يحضني.. وقفت عبدالرزاق
ليال: لازم ارجع
عبدالرزاق بخوف: ليال ماهو وقته.. لافي عرف انك هنا
ليال: لازم ارجع.. ما ادري اذا برجع مره ثانيه واشوفه حي او ميت.. يصير الي يصير.. لازم احضن ابوي لازم
رجعت للغرفة الي كنا فيها وقفت عند الباب شويه.. وسمعت بكاه وصراخه.. سمعت بكا الكل.. بس هو بزياده.. محروق على الي صار لي.. متندم على تسرعه وظنه بي.. من غير لا احس فتحت الباب ودخل عبدالرزاق وراي وسكره بسرعه.. رحت رميت نفسي عليه صرت ابوسه بكل شوق.. وحشني كثير كنت فاقده حنانه وحضنه.. هدني التعب والهم.. بعيد عن حضنك يبا انا تبهدلت.. بعيد عنك يبا انا غريبه بهالدنيا.. صرت احضنه بقوتي.. نسيت ضعفه.. ونسيت صحته المتدهوره.. بس كنت متأكده انه قربي راح يقويه
مشيت من غير لا انطق بكلمه.. مشيت وانا كلي قوه.. قرب ابوي قوى من روحي وعزيمتي.. كنت بمنع نفسي وبحرمها من حضن ابوي .. صدقتي ياخوله.. وماقصرتي

&&&&&&&&&&&&&&&&&

يتبع

02-01-09, 08:33 AM

المشاركة رقم: 53

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

12:20 الظهر
في ملحق ناصر
لندن
نوف عند باب الملحق: ناصر حبيبي.. حبيب قلبي انت.. افتح لي الباب
ام ناصر: يما حبيبي.. هذي كلبه.. نلاقيها ونعرف كيف نرد شرفك يما
نوف بحده: يما ايش الي تقوليه ذا.. ناصر ياقلبي.. امي ماتقصد افتح ياعيوني انت ما اكلت شي من يومين ياناصر
ام ناصر: ناصر يما.. طيب اكل أي شي وبعدين ارجع احبس حالك.. خلني اشوفك بعيوني يا يما.. لا تقطع قلبي عليك
نوف: يا ناصر ارحم امي معاك تراها ما اكلت شي من يومين هي بعد.. لا تجني عليها وعلى نفسك حبيب قلبي انت افتح ياروحي
حبيب قلبي انت.. حبيب قلبي انت هذي كلمة ليال لا تقوليها يانوف.. لا تقوليها ابي انساها ما ابي افكر فيها.. ليه ماني قادر انساكي ياليال ليه.. ليه النسيان صعب حبيبتي.. لسا اقول عنك حبيبتي.. حتى بعد الي عملتيه فيني
ليال: ناصر
ناصر يفز: ياروح ناصر وعقله انتي
ليال: مالك حبيبي ليه زعلان كذا.. مين زعل حبيبي
ناصر بحزن: انتي الي زعلتيني
ليال بدلع: انا ازعل حبيبي.. انت حبيب قلبي.. غبيه اذا اقدر ازعلك
ناصر: تكذبي ياليال.. منين كنت حبيبك وانتي مع غيري
ليال بدلع: عيب عليك انا ما اعملها
ناصر: ادري انك ماتعمليها ادري.. بس انا شفته طالع من مكاننا يدور عليكي يناديكي ياليال
ليال بدلع: وانت تصدق هالشي عاد.. عيب عليك انا حبيبة ناصر
ناصر: حبيبته وعمره وكله.. وكل حاجه بدنيته.. وينك ياروحي
ليال: جنبك ياقلبي
ناصر: منتي جنبي
ليال: خايفه يا ناصر
ناصر: من ايش ياروح ناصر
ليال: خايفه من كل شي حولي.. للدنيا الي تركتني فيها وحيده
ناصر: وغلاتك عندي اذا رجعتي لي برجع لك حياتنا القديمه.. بنسيكي الخوف كله.. بهتم بك اكثير.. عارف اني اهملتك.. ياما قلتي لي هالشي.. بس ماتوقعت انك تعاقبيني على اهمالي كذا.. حبيبتي انتي وين.. ليال.. ليال.. انتي وين ياروح ناصر.. رجعتي اختفيتي!! كيف تسيبيني كذا وحيد من غيرك.. ليال.. ليال

&&&&&&&&&&&&&&&&&&

12:45
في سيارة عبدالرزاق
السعوديه
عبدالرزاق: صوفيا.. اعطي ليال شوية مويه
صوفيا: يس سير
ليال بحزن شديد: ماني محتاجه للمويه
عبدالرزاق: ماهو زين للطفل اختي
صوفيا: ايوا ماما شويه بس
ليال: انا بخير لا تقلق علي
عبدالرزاق: شربتي؟
ليال: ايوا الحمدلله
عبدالرزاق: قلتي بتتصلين على ناصر.. ها.. غيرتي رايك
ليال: لا ما غيرت.. ابي اكلمه
عبدالرزاق: تبين اوقف السياره وانزل حتى تكلميه براحتك
ليال: لا عادي مافي شي استحي منه حتى اخبيه.. الي بيننا انتهى خلاص.. وبعدين هو لازم يعرف اني بالسعوديه
عبدالرزاق: يلا توكلي على الله وكلميه
ليال تدق: توكلت على الله
عبدالرزاق: كل ذا يدق
ليال: ايوا مايرد.. مصيبه اذا ما رد
عبدالرزاق: لا مصيبه ولاشي.. نستنى ماله داعي العجله.. الخطر والحمدلله زال
ليال: هذا هو رد اسكت شوي
ناصر بتعب: نعم
ليال: .......................
ناصر: الو
ليال: ........................
ناصر بتعب: اعرفك من انفاسك.. اعرفك اكثر من ورحي.. اعرفك حتى اذا كنتي سعيده او حزينه
ليال بحزن: وانت ايش شايف الان
ناصر بحزن: شايف انك كسرتي رجولتي وهديتي كياني.. وذبحتيني وطعنتيني بسكين جرحها ماله علاج.
ليال بحزن: كسرتني با همالك وهديت من قوتي وخليتني ذليله عند ابوك.. طعنتني بسكين في وجهي وشوهتني.. الجرح غزير مره.. صرت اخوف العيال ياناصر
ناصر يتذكر الي صار: انا !!!! اااااااااااه ماحسيت بنفسي من الي شفته منك.. تخونيني يا ليال!! انا
ليال بحده: الله يشهد علي انه هالي تقوله ما صار.. اول مره اسمعه منك الان ماهو انا الي يكون ردها عليك كذا.. حبيب قلبي انت.. اقصد كنت.. كنت مستحيل ترجع بعد الي صار منك ومن ابوك
ناصر: بس انا شفته طالع...................
ليال بحده: اخرس ولا كلمه.. ماهي ليال الي تبيع نفسها.. نفسي اغلى عندي منك ومن وجودك.. وربي قدام عيني في كل وقت وثانيه.. لا تتوقع اني ارمي نفسي بجهنم عشان عيونك يا ناصر.. انت غلطان.. الي سويته لي انت وابوك ماينسى والي قلته الان شب النار بقلبي اكثر.. كنت بقولك انه ولدي الي ترجيته منك راح.. روحته با همالك لي وله.. ولدي الي بهدلتني على شي انا ما عملته مات ذبحته بقسوتك وعنفك معاي.. ولدي الي رجيتك انك تهتم فيه وتحافظ عليه ورجيتك انك تأمن له الدنيا حتى افرح بشوفته راح.. راح وراحت معاه كل مشاعر ممكن املكها لك او اسامحك عليها.. سبتني جسد من غير روح.. سبتني وحده منتهيه ماتقدر تعيش من غير حبيبها الي راح وعيالها الي راحو معاه.. سبتها لذا كله.. والان جاي تتبلى عليها يا ناصر.. سبت لك دليل على كلامي معاك عن ابوك.. اسأل نوف عليه.. وقتها بتعرف اني على حق.. وانا واثقه انه ابوك ورا خراب بيتي.. الي ياما قلت لك انه بيخترب من ورا ابوك.
عبدالرزاق: لاحول ولا قوة الا بالله.. لا تزعلي العيبه اذا جات من اهل العيب.. ماتصير عيب
ليال بقهر: ماهو مهم عندي.. المهم انه ولدي بخير
عبدالرزاق: صح هذا هو الاهم

&&&&&&&&&&&&&&&&&

1:00 الظهر
المستشفى ..غرفة يوسف النشمي..
السعوديه
الجده تمسح دموعها: الحمدلله.. الحمدلله
صلاح: ابيكم تنسو الي صار الان ولا احد يجيبه بباله ابد.. ليال ماشفناها ومانعرف هي وين
سلطان: ولا راح نشوفها ولا نسمع عنها بعد
بوسلطان يمسح دموعه: وقدام هالكلب ابيكم تكونو ضدها
صلاح: هالشي اكيد.. اذا عرف اننا في صفها.. اكيد بيعرف هيا وين.. هذا لافي
الجده: الحمدلله.. الحمدلله
منال: مالك يما
ام سلطان: ولا شي يما ولا شي
منال: وانتي بعد ساكته مالك مبلمه كذا
سوسن: ولا شي انا بخير.. بدق على عبدالله يجي ابي اروح البيت ارتاح
بوسلطان بخوف: صلاح شوف اختك ونادي الدكتور اذا احتاجت
سوسن: لا يبا انا بخيرتعبانه شوي
الجده: دقي على عبدالله.. خلينا نروح البيت.. فتحيه من ارجعت معاه مادقت علي
سلطان يحضنها: لا تدقي عليه انا اوديكي
سوسن بحده: ابتعد عني اياك تعملها مره ثانيه.. اياك
صلاح: ماصار شي يا سلطان.. اتركها انت عارف هذي تعبانه
سلطان: لا عادي.. الغلط مني انا اهملتهم
بوسلطان يمسح دموعه: غلطنا كلنا
سوسن بحده شديده: ويالتكم تقدرو تصلحوه.. فات الوقت على تصليح هالغلط

&&&&&&&&&&&&&&&&&

1:15 الظهر
في فيلا لافي.. الصاله..
لندن
ناصر بحده: نوف.. نوف.. نووووووووووف
نوف تطلع له: يا قلب نوف انت
ناصر يمسكها من يدها: ليال ايش ما عطتك لي
نوف: بقول لك بس ما ابي امي تسمع
ام ناصر تطلع من المطبخ: يما ولدي.. حبيبي انت بخير يما
ناصر: بخير يما.. ابي اكل
ام ناصر: الان يما الان.
ناصر: من ايدك يما
ام ناصر تروح مسرعه: من ايدي وعيوني
نوف: تعال نروح الملحق.. ما ابيها تسمع الي بقولك عليه
ناصر: قولي ايش قالت لك.. امك بالمطبخ الان
نوف: اقول لك وحنا نمشي
ناصر: يلا
نوف تمشي معاه: تقول انه فيه مكالمه مسجله على تلفونك تبيك تسمعها وبعدين قالت في غيرها واخطر منها.. واقول لك تدور علي الثانيه تراهي ماهي ببعيده عنك.. واذا عجزت تعرف هي وين.. تقول لك تراها بجوا روحها
ناصر يتذكر: روحها؟!!!!
نوف: ايش تقصد
ناصر: تلفونها.. بس تلفونها اكيد معاها
نوف: هي هربت وما اخذت شي معاها اكيد تلفونها هنا
ناصر: بس هي لسا مكلمتني
نوف بهمس: من جد تقول!!! اسكت طيب وتعال ما ابي احد يسمع او يعرف

&&&&&&&&&&&&&&&&&&&&&

1:25 الظهر
في سيارة عبدالرزاق
الحدود السعوديه القطريه
ليال على التلفون: خوله وصلنا
خوله: قريتي عليهم
ليال: قريت وربي يستجيب
خوله: الله يعمي عيونهم عنكم.. الله يحفظكم ويردكم لي سالمين
عبدالرزاق: قفلي ياليال منها الان
ليال: يلا يا خوله.. عبدالرزاق يبيني اسكر
خوله: تخلصي وتتصلي علي فاهمه
ليال: حاضر
خوله: لا الاه الا الله
ليال بخوف: محمد رسول الله
عبدالرزاق: مستعده؟
ليال برعب: توكلنا على الله.. وينك يا خان
عبدالرزاق: ههههههههههههههه وانا ما انفع يعني
ليال تنتبه لحالها: انت الخير والبركه يا خوي سامحني ماقصدت
عبدالرزاق: عادي ماصار شي.. انتي بخير؟
ليال متورتره: الحمدلله.. بس شوية خوف
عبدالرزاق: قلت لك لا تخافي.. يلا قربنا
صوفيا: مام تبين مويه
ليال: ايوا حبيبتي
عبدالرزاق: السلام عليكم
موظف الجوازات: وعليكم السلام
عبدالرزاق: تفضل الجوازات
موظف الجوازات: عبدالرزاق سالم
عبدالرزاق: أي نعم
موظف الجوازات: صوف.. صوفي
عبدالرزاق: صوفيا يا خوي
موظف الجوازات: وينها
عبدالرزاق: كلمي يا صوفيا
صوفيا: يس سير
موظف الجوازات: ايوا ايوا.. خوله محمد
ليال: نعم
موظف الجوازات: اعذريني اختي اكشفي الغطا
عبدالرزاق يحاول يماطل: ياخوي مافي حريم هنا
موظف الجوازات: لا ياخوي وبعدين هذا أمن وتأكد من المسافر ماهو اكثر من كذا
مساعد: جمال
جمال: اهلين.. مساعد
مساعد: ايش المشكله
جمال: الاخ معارض انه حرمته تكشف
مساعد: اتركهم لي.. روح ارتاح انت شوي.. وانا اتفاهم مع الاخ
جمال: ماشي بتأخر نص ساعه
مساعد: خذ راحتك.. عبدالرزاق بن سالم
عبدالرزاق: نعم ياخوي
مساعد: انا ختمت الجوازات طريق السلامه ان شا الله
عبدالرزاق: من الرجال؟
مساعد: من طرف بو صبا
عبدالرزاق يبتسم: تسلم لي يالغالي
مساعد يبتسم له: طريق السلامه يا خوي
ليال بعد ما مشو: نشف دمي.. قلت اتمسكنا خلاص
عبدالرزاق: قلت لك توكلي على الله
ليال ببرائه: والله اني متوكله عليه هو انا سكت.. من دخلت السياره وانا ادعي
عبدالرزاق: هههههههههههههههههههههه

&&&&&&&&&&&&&&&&&

1:40 الظهر
في الملحق مع ناصر
لندن
ناصر: ماني مصدق.. مستحيل.. مستحيل
نوف: كان ودي اقولك على الي انتبهت عليه.. بس كنت اتردد ماعندي شي استند عليه.. وبعدين هذا ابوي.. كيف اظن فيه هالشي.. بس نظراته لها حبه لها.. سؤاله عنها.. لهفته عليها.. اشيا كثيره ياخوي ملفته للنظر.. بس ما اقدر اتكلم الي مانعني ماهو خوف.. بس ماهو تصديق.. عيني ماهي راضه تصدق مع انه عقلي يقولي تصرفي بس ماعندي اسلوب اقوله لك.. وبعدين ماصار شي كبير حتى اجي واقول لك عليه كلها ملاحظات
ناصر بصدمه: ابوي يحب زوجتي!!!!
نوف: البنت مانقدر نعيب عليها.. والله ياخوي انها تموت على التراب الي تمشي عليه.
ناصر: والرجال الي طلع من هنا.. تتوقعي انه ابوي دازه
نوف: كل شي ممكن بس ماعندنا دليل على هالشي.. يمكن أي ويمكن لا.. ولا تستعجل بظنك حتى ماتظلمه زي ليال
ناصر بحسره: ااااااااااااه ياليال
نوف: ايش تعمل
ناصر: الحق على الي باقي من زوجتي
نوف: ماراح تقدر تعالج جراحها الان يا خوي خلها تهدى.. يمكن بعد فتره ترضى تسمعك
ناصر يدق: .. الو
ليال بجفاف: خير
ناصر: سمعت التسجيل
ليال: بدري يا ناصر.. بدري

يتبع

02-01-09, 08:37 AM

المشاركة رقم: 54

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

ناصر: لو بعتذر عمري كله.. لو...............
ليال تقطعه: ناصر ناصر.. خلاص انا تعبت ابي اعيش مرتاحه.. مابقا عندي شي اخسره.. بقت روحي بس.. اخذت كل شي مني.. قوتي وعقلي وقلبي حتى ولدي.. ياريت تتركني ناصر
ناصر بخوف: يعني ايش؟!!!
ليال: ابي اتطلق.. ابي ابتعد عنك.. بحياتي ماراح اكون لك من جديد بحياتي
ناصر: ليال المره هذي انا بوقف في وجهه.. المره هذي بعرف احميكي منه
ليال: فات الوقت يا ناصر.. خلاص كل شي منتهي
ناصر يبكي: حبيبتي العيال نقدر نعوضهم.. وبوفر الامان الي تبينه بالطريقه الي تبينها بنرجع السعوديه ونعيش فيها انا وانتي لحالنا حبيبتي.. بنعيش في بيت لحالنا وانا وانتي وعيالنا ياليال.. ليال لا تتركيني انا من غيرك اموت اموت
ليال: معاك وبدونك انا ميته يا ناصر.. ذبحتني بيدك والان جاي تبي تعوضني؟!! الي يروح مايتعوض يا ناصر.. اتمنى انك تعمل لي قدر وخاطر عندك وتتركني لاني ببعدك بكون مرتاحه
ناصر: انتي الان معصبه حبيبتي اهدي شوي وانا جاي السعوديه ياقلبي بنتفاهم
ليال: اذا تحسب اني عند اهلي او اني برجع اعيش معاهم تكون غلطان.. انا بختفي من الدنيا كلها حتى هلي مايدرو اني هنا بالسعوديه.. المره هذي بأمن حياتي من ابوك من غيرك ومن غير عيالي.. انا بروحي يا ناصر
ناصر يبكي: حبيبتي.. قلبي انتي.. ما اقدر اخليكي لحالك ناصر معاكي على طول.. نسيتي حضن ناصر.. وراحتك فيه.. نسيتي ضحكنا وافراحنا.. نسيتي راحتنا
ليال: مانسيت وعمري مابنسى.. اني ارجع لك احلم بهالشي.. اني آمن على روحي معاك انسى.. اني اثق فيك او في ابوك.. انسى.. ما ابي أي شي يربطني فيك.. حتى اني اكون على ذمتك.. اذا زي ماتقول ليال غاليه عندك.. طلقني.. راحتي ماهي معاك
ناصر يبكي بحرقه: راحتك معاي وبحضني.. طلاق ماراح اطلق.. ما حد يقتل روحه بيده
ليال: انت قتلتني ولا نسيت السكين الي بوجهي.. اذا نسيت انا مقدر انسى.. مقدر انسى.. الجرح الي بوجهي عميق.. وجرح قلبي اعمق
ناصر يبكي: ليال اعذريني ياليال سامحيني حبيبتي.. والله انا من غيرك اموت
ليال: اذا قدرت تسامحني لو اني فعلا خنتك زي ماقلت.. بقدر اسامحك على الي سويته فيني ياناصر
ناصر بحرقه: مستحيل.. انا كنت معمي ياليال.. غلطان.. غلطااااااااااااان انلعب علي.. انلعب على حبيبك ياليال سامحيني حبيبتي
ليال: الا انك تشك فيني.. الا هالشي مايغتفر
ناصر: ليال.. ليال.. لياااااااااااااال ردي علي ليال
نوف: خلاص يا خوي سكرت
ناصر يبكي: سكرت سكرت.. تبي تتطلق.. تقول ماراح ترجع لي يانوف.. خلاص اخوكي انتهي.. زواجي الاول امك قضت عليه.. وابوكي انهي زواجي الثاني.. حياتي متحطمه.. بسبب امك وابوك.. وين اروح ياربي.. راحت ليال.. راحت يا نوف
نوف: هي عند اهلها ياخوي وين بتروح يعني.. تهدى شوي وكل شي ينحل بكلم صلاح لاتقلق اهدى انت حتى تعرف كيف تراضيها
ناصر بحرقه: ماراح ترجع لهم.. ماراح تعيش معاهم.. خايفه من ابوكي.. حبيبة قلبي خايفه وانا الي المفروض اكون حما لها بعيد عنها ومادريت عنها.. حبيبة قلبي خايفه من الناس كلها حتى انا.. ذبحتها بيدي ذبحتها قبل لاسمعها واسمع دفاعها.. حبيبة قلبي ياليال.. لياااااااااااااااااال
نوف بخوف: بسم الله الرحمن الرحيم.. ناصر ناصر

&&&&&&&&&&&&&&&&

6:30 المغرب
فيلا عبدالرزاق ..الملحق..
قطر
خوله: صح النوم.. اذن المغرب ياحلو
ليال: صاحيه والحمدلله صليت
خوله: هههههههههههههه ومالك مبلمه جذي.. عشانك كلمتيه
ليال: يبكي.. عرف الحقيقه ويبكي
خوله بحنيه: حنيتي له؟.. عادي هذا حلالك ياقلبي.. ماهو عيب الحرمه تحب زوجها
ليال: تبين تصلحي بيينا صح؟
خوله: تبين ازيد الجفا يعني.. مبين عليك انك تحبيه ياليال وماراح تنسيه
ليال: اتمنى اني اقدر انساه.. مستحيل ارجع مستحيل.. ولدي بيكون بخطر طول منا معاه
خوله: الله يقر عينك بشوفته
ليال: آمين.. تظني حرام علي اذا خبيت على ناصر انه ولده موجود
خوله: تبين الصراحه ما ادري بس دام فيه مانع قوي انا اشوف انه............
ليال: انه ايش
خوله: لا لا ما ابي افتي اسألي احد الشيوخ
ليال: لا.. دام فيه مانع قوي يهدد حياتي وحياة ولدي فمن حقي اني اخبي عليه.. وبعدين هو كذا او كذا بيعرف انه له ولد.. بس بعد مايكبر ويقدر يحمي نفسه.. انا بكتبه بأسمه.. اكيد اني ماراح اعمل شي منافي للشرع.. بس انا مجبوره اني اخبي عليه
خوله: والله ما ادري.. ابي اقولك اني موافقتك بس اخاف
ليال: من غير لا تخافي انا قررت خلاص
خوله: عبدالرزاق يقول امك تحسست بطنك
ليال: ايوا.. اكيد عارفه اني حامل
خوله: الله يرحمك يما.. كانت هي بعد تعرف من هالشي.. لما تحسس على بطني.. لما صرت افقد العيال صرت اخبي عليهم اني حامل.. وهي الله يرحمها كانت تحسس على بطني وتعرف اني حامل وتسكت
ليال: الله يرحمها.. تخيلي انه الكل عارف اني بجي.. كلهم عارفيني.. مجتمعين ينتظروني.. ما ادري هو احساس مين بالضبط.. امي ولا ابوي
خوله: الله يخليهم لك.. المهم انك ارتحتي بحضنهم شوي
ليال: أي والله ماتتخيلي راحتي.. زي ماقلتي كنت بحرم روحي من هالراحه.. الله يخليكي لي يا خوله
خوله: ويخليكي لي يارب.. ماتتخيلي فرحتي برجعتك.. كنت بموت لو رحتي عشتي هناك وسبتيني
ليال: الغريب اننا تعلقنا ببعض كثير.. تخيلي اننا نعرف بعض من يومين بس
خوله: ههههههههههههههه الله يألف القلوب باقلبي
ليال: الحمدلله.. الله اكرمني بك يا خوله
خوله: بس عاد تراني اغتر بعمري.. عارفه انه مافي زيي.. حلوه واموره وطيبه والواحد يعشق قعدتي من اول مايشوفني.. بس اش اسوي بحالي الله خلقني حلوه
ليال: هههههههههههههههه عدااااااااااال يالحلوه.. الله يحبب خلقه فيك واولهم ام زوجك
خوله: ول سديتي نفسي.. اسكتي بس اذكري شي عدل يفرح.. الله يخليك
صوفيا: مام.. ماما كبيره هنا
خوله بحده: كنتي طريتي الجنه ياشيخه
ليال: ههههههههههههههههه ارسمي البسمه ياحلوه.. ارسميها
خوله: قمنا وبنرسم البسمه.. الله يعيننا على هاليوم
ساره: السلام عليكم
خوله: هلا والله ام سالم وحشتيني والله اشلونج شخبارج
ساره: الله يسلمج يا ام سالم.. انتي الي وحشتيني.. تصدقين امس من قفلت معاج التلفون قلت لعبدالرحيم تراني رايحه لخوله اليوم.. وباخذ خالتي معاي.. يا اختي اتلفت عليها مالقيتها الشغاله تقولي اخذت السايق وجاتك
خوله: جاتني يا اختي ليتك اتصلتي علي ودزيت لك سايقنا وكنتي حضرتي حلقة الاستجواب
ساره: تصبري الله يعينج عليها
خوله: الله كريم.. عساج جايه بروحج
ساره: لا يا قلبي هذا هي جايه وراي
خوله بحده: ماقلت لك كنتي طريتي الجنه.. هذا هي جات
ليال: ههههههههههههه
ساره: هههههههههههههههه اعذرينا يا حبيبتي عاد هذي حالتنا مع ام ازواجنا الله لا يبليكي
خوله: هذي ساره يا ليلى
ليال: هلا ساره.. خوله كلمتني عنك كثير
ساره: ويه هذي سعوديه!!
خوله: أي واش فيها
ساره: لا بس التقرير الي وصلني ماذكر فيه انها من السعوديه
خوله: حسبي الله ونعم الوكيل.. لحقت قدمت تقرير
ساره: ووووووووووويه تقرير وافي بعد
ليال: اسكتو بس تراها وصلت
ساره: اقول تراها بتجيب سيرة عبدالرحمن.. حاسبي على نفسك ياعمري
ليال: مين عبدالرحمن!!!!
خوله: ماعليكي انتي انا بتصرف
ام عبدالرحيم تدخل: السلام عليكم
ليال: هلا وغلا هلا بخالتي
ام عبدالرحيم: هلا بنيتي.. خوولوه اشلونج
خوله تعض على لسانها: زينه
ساره: وين رايحه
خوله: بشوف الشغاله
ساره: خذي راحتج حبيبتي
ام عبدالرحيم: شخبارج مع خولوه يما
ليال: خولوه عاد يما.. والله عيبه.. انتي اهل السنع
ام عبدالرحيم تنتبه لحالها: أي وي ادلعها يما.. وبعدين هي بنتي وانا متعوده عليها جذي
ليال: ولو خالتي انا غريبه بينكم.. مايصح تناديها خولوه قدامي
ام عبدالرحيم: الا يما انتي بدويه؟
خوله ترجع بسرعه: أي نعم خالتي بدويه
ام عبدالرحيم: يعني قطريه
خوله: أي خالتي.. بدويه قطريه
ام عبدالرحيم: يا يما احس كلامها غير عنا
خوله: عشان مولوده برا خالتي وتوها راجعه قطر
ام عبدالرحيم: أي.. وانتي من عيلة من يما
ساره بهمس: الله يعينك ياليلى
خوله بهمس: اقول تراني بحط العشا من الان بخليها تاكل عشان تروح بسرعه
ليال: هههههههههههههههه

&&&&&&&&&&&&&&&&&&&

7:15 اليل
المستشفى ..غرفة يوسف النشمي..
السعوديه
بوسلطان بهمس: من صدقك؟
ام سلطان بهمس: ايوا من صدقي
بوسلطان بهمس: ماقلت لكم حلمي صدق.. كانت تطالع بين رجولها.. الان عرفت تراها تطالع بطنها.. كانت تقول لي انها حامل
ام سلطان بهمس: وكيف الان.. كيف بنتطمن عليها.. كيف بنعرف عنها
بوسلطان بهمس: اكيد بتلاقي طريقه.. تتصل فيها علينا حتى تطمنا.. زي مالقت طريقه وجات اليوم
ام سلطان بهمس: تعرف اني خفت عليك انها تطلع وماتسلم عليك
بوسلطان بهمس: تفداها روحي.. ماقدرت تشوف حالتي كذا من غير لا تحضني
ام سلطان بهمس: الغريب انها ماتكلمت
بوسلطان بهمس: لا تخافي.. في الحلم ماكان بها شي.. هي ادري ايش جالسه تعمل
منال: وانتو مطولين بهمسكم ذا الي ماني قادره اسمع منه شي
صلاح بقهر: احاول اسمع حرف.. بس حرف ماني قادر
منال: ياربي هذول كيف يسمعو بعض.. والله ما اعرف اعملها مع خالد.. احاول والاقي الكل بيسمعني
سلطان: ههههههههههههههه تعلمي منهم
ام سلطان بحده: انتو بتذكرو الله الان ولااعلمكم شغلكم
صلاح: لا الاه الا الله
منال: ما شا الله
سلطان: الله اكبر ماقلنا شي.. حنا مانحسد حنا نتعلم بس
بوسلطان: وانت متى بتريحني وبتشوف لك بنت حلال
سلطان: انا لقيت وقلت لا
ام سلطان: والله قول وبتشوفنا ندور لك
سلطان: لا ماهو الان
منال: وليه بعيد الشر
سلطان: بقدم استقالتي من شركة لافي بس الاول بشوف مكان ثاني
بوسلطان: احسن بعد.. ما ابي أي شي يربطنا فيه
صلاح: فيه نوف يبا
بوسلطان: اسمعها مني.. اذا لقيت فرصه انك تنفصل عنها.. انفصل وانا ابوك.. هذا ماراح يخليك تتهنا لحظه بحياتك.. شوف ايش عمل بحياتنا.. قلبها يايبا
صلاح: نوف مالها ذنب يبا
بوسلطان: انا ماعبت عليها.. والنعم فيها.. انا اتكلم عن المشاكل مع لافي.. واذا انت تشوف غير هالشي وودك تستمر فيه الله يوفقك يبا
صلاح: انا بروح بكره وان شا الله خير.
منال: الله يكتب لك الخير ياخوي
بوسلطان: اسمع.. تقول له ابوي يقول ليال تتطلق.. ماترجع الا وناصر مطلق ليال.. ما ابي أي شي يربط بينها وبين لافي
صلاح: تبي الصدق هذا الي مقرر اني اعمله.. ابيها تطلع من الي هي فيه.. وابيها بعد تشوف حياتها بعيد عنهم.. والله يكتب لها الخير
ام سلطان: لا تستعجلو بهالشي.. يمكن هي لها قرار ثاني.. انا ايش كنت اقول لك يا بوسلطان من شوي.. لازم تفكر بالي جاي
بوسلطان: مفكر.. بس بنتي ماترجع للافي
سوسن تدخل: سلام عليكم
ام سلطان: هلا يما
سوسن بهمس: ليال دازه رساله لي.. تقول كلمت ناصر.. طالبه الطلاق.. تبينا نتابع الموضوع
بوسلطان بفرح: توكل على الله يبا
صلاح: توكلت على الله

&&&&&&&&&&&&&&&&&&

8:20 الليل
فيلا عبدالرزاق .. بالمطبخ..
قطر
ليال: ياخوله.. ماهو كذا عاد.. انتي شوي وتقولي لها اطلعي برا
خوله: احس اليوم اني ماني طايقتها.. ومن جد ابيها تطلع برا
ليال: ايش صار لك انتي.. ماهو كذا عاد
خوله: نرفزتني.. سألت عن كل شي كل شي.. ناقص بس تعرف وزنك
ليال: ههههههههههههههه ايش قلتي لها اسم عيلتي
خوله: ههههههههههه الهلاهيلي
ليال: ههههههههههههههههههههههههه ماني عارفه كيف مسكت نفسي عن الضحك.. وساره المسكينه اشوف جسمها يضحك من غير صوت
خوله: الهلاهيلي.. وايش فيه الاسم يعني
ليال: ههههههههههههههههه يعني في عيله اسمها كذا.. هذي اذا سألتني مره ثانيه ما اعرف اقولها لها
خوله: ماله داعي حبيبتي تقولي.. انا بجي بقول لها هو انا بتركك
ليال: هههههههههههههههههه اياكي تسيبيني تراني بفضح حالي
عبدالرحمن يدخل المطبخ: اكيد الموضوع امي وانتو من تجتمعون صرتو تعيدو وتزيدو على امي
ليال تداري وجهها: انا رايحه
خوله: استني انتظريني جايه معاكي.. وانت شايف امك عاتقه احد من سوالفها
عبدالرحمن يناظر ليال: والله عجزت وانا اكلمها .. واقول لها خوله مافي منها مافي منها حتى سألي ساره
خوله: يعني ماني عارفه؟.. عارفه ياخوي بس المشكله ياعبدالرحمن انه الواحد طاقه.. واذا انتهت الطاقه ماني عارفه ايش بيصير بعدين
عبدالرحمن يناظر ليال: يتذبحينها يعني؟
خوله: ويه بعيد الشر.. وانت مالك تناظر جذي
عبدالرحمن: هذي ماهي ساره صح
خوله: هذي صاحبتي ليلى
عبدالرحمن: أي أي امي قالت عنها.. نورتي المكان اختي
ليال ماعطيته ظهرها: اهلا
عبدالرحمن: كأني مضايق صاحبتك يا خوله
خوله: وانت تبي الصراحه مفكر روحك واقف مع خواتك.. قول الي تبيه واخلص.. خلنا نمشي
عبدالرحمن: ابدا قلت بجي اشوفج واسلم عليج.. لقيتج واقفه مع ضيفتج
ام عبدالرحيم بصراخ: وانتو يالي ماتستحون يالي ما تربيتو واقفين جذي لاحيا.. ولا حشيمه لاحد.. وانتي يالساحره.. وافقه تسحرين لولدي حتى ياخذ صاحبتج هالمشوهه.. بعيد عن عينج والله.. انا قلت لا يعني لا.. زواج من هالحرمه لا يا عبدالرحمن.. وانتي ياخولوه بشوف مين يفكج من يدي .. يا قليلة الحيا يالي ماتربيتي.. ناقص تدليهم على غرفة النوم.. يا وسخه

&&&&&&&&&&&&&&&

- ايش هالحرمه هذي
- ايش مصير ليال مع عبدالرحمن
- ايش جرا لخوله من تحت هالعجوز
- خبر منتظر ليال.. ايش هو!!!!!!

احداث جديده ومثيره
تابعوني

انتظر ردودكم ياعسل

اختكم.. دانة الحمادي

02-01-09, 08:39 AM

المشاركة رقم: 55

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

اتمنى من جد ان تكون البارتات اعجبتكم

ردودكم تدفعني لنشر المزيد

احلى تحيه للمتابعين الجدد