المنتدى :
القصص المكتمله من وحي قلم الاعضاء
((روايه)) مذكرات مراهقات
مذكرات مراهقات.
بسم الله الرحمن الرحيم..
هذه ثاني روايه أكتبها وكانت أول روايه كتبتها بعنوان (كلنا ضحايا في هذا الزمن)
وأجوا أن تكون أعجبتك والىن هذه ثاني روايه أكتبها وهي تحمل عنوان
(مذكرات مراهقات))
وهذه الرواية تعبر عن أحداث خيالية وبينما هناك شخصيات وأشخاص
لا يزالون في المجتمع وهناك ما سيحزنكم ويبكيكم ويحطمكم ويفرحكم..
لابد من أن كل مشهد من الرواية إن كان حزيناً ستحزنون وإن كان مفرحاً
فستفرحون..
والآن أترككم مع الرواية..
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــ
الجزء الأول..
لجين:صباح الخير بابا..
أبو لجين:صباح النور حبيبتي..
لجين:بابا عطني الخبز..
أبو لجين:إن شاء الله..
((دق جوال أبو لجين ))
أبو لجين:إيه آلووووو..
أبو سعود:تعال الشركه بسرعه الرجال اللي كنت تنتظره جا..
أبو لجين:طيب طيب دقايق بس..
أبو سعود:طيب يالله مع السلامه ..
أبو لجين:مع السلامه..
((قام أبو لجين وراح يلبس علشان يروح الشركه..))
لجين:أووف نفسي مره يقعد معي نص ساعه كامله ..
الخدامه المصريه:يالقين هو إنتي هنا تعالي ياحبيبتي أنا عيزاك بحاقه..
((يالجين إنتي هنا تعالي ياحبيبتي أنا أبيك بشي ))
لجين:إيش هو..؟؟
الخدامة المصرية: عوزاك تيجي معايا المخزن علشن الخدم البائي عوزين يرتبو الحاقات اللي هناك ((أبيك تيجين معاي المخزن علشان الخدم الباقي يبون يرتبون
الأشياء اللي هناك))
..
لجين:يوهووه وأنا إيش أسوي لكم..؟؟
الخدمه المصرية:لالالاياحبيبتي لازم تيقي في حاقات لممتك وباباكي وحقات ليكي..
((لالالا ياحبيبتي لازم تيجين في أشياء لأمك وأبوك وأشياء لك..))
لجين:أوف طيب..
أبو لجين:يالله لولو باااي..
لجين:مع السلامه..
((دخلوا المخزن..))
لجين:كل هذا موجود حشى مو مخزن ..
الخدامه المصريه ((مديحه)):مهو كان مئفول من 19 سنه..
((هو كان مقفل من 19 سنه))
لجين:الله الله أجل إنتي من متى هنا..؟؟
((مديحه)):أنا ياحبيبتي هنا من 30سنه و4 شهور تئريبا..
لجين:يعني كنتي هنا لما ماما ماتت..؟؟!!
مديحه:أيوه وووصتني عليكي ..
لجين:ليتها معي ..
مديحه:إيوه والله طيب أنا حروح الحمام وحاقي كملي مع الخدم البائي ..
لجين:أوكي..
((راحت الخدامه مديحه ودخلت لجين عند كتب أمها وأغراضها ولقت كتاب وخذته
وكان مكتوب من بره مذكرات مراهقات..راحت غرفتها لأنها تبي تقراه ..فتحت الكتاب..))
نبذه عن لجين .ووالدها
لجين فتاة لاتزال في فتره المراهقه ولاكنها تحترم هذا السن وخاصتا أ ن هذا السن هو سن أخطاء أكثر من فتاه وهي بالصف الثالث متوسط وحسب علمها أن أمها توفيت قبل أن تراها وكانت لجين فتاه جذابه وجميله جدا
أبو لجين رجل أعمال له منصبه الخاص يحب لجين ويحاول قدر المستطاع أن يسعدها وأن يكون بقربها مع أنه لايقضي معها يوم كامل وهو إسمه محمد
}هآآآآآآآي أنا غدووز هذا الدفتر في مذكراتي في كل يوم مر علي شين أو زين
((كملت تقرا الكتاب بحماس شديد..))
نبأ بجريات المدرسه..
الحين يوم كسرنا خزان الماي اللي في المدرسه ههههههههههه..
نبدأ المغامره..
هربنا من الوحده أنا ومي ولينا ورحنا الحمام ورقينا فوق الخزان وطاح
وتملت المدرسه كلها مآي قمنا هربنا بسرررعه ورجعنا الوحده ولا كأن أحد سوى شي..
قامت تقول مي :أوص أوص لاتعلمون أحد..
شوي إلا المديره تصرخ وتقول:سكرو بيبان الوحدات المدرسه تغرق..
وأنا ومي ولينا فاقعين ضحك ..وباقي أفراد الشله ماكانو معنا اللي هم
سجى وساره ..عاد سجى هي وضحكتها الفله ماتت ماتت من الضحك..
هي ولينا طبعا لينا ستانست لأنها تحب الجريات بس أنا كنت شوي خايفه ..
والمهم عدا هذا اليوم على خير ..{
مديحه:يالقين هونتي فين ..؟؟
لجين:أنا بالغرفه
مديحه:تعالي ياحبيبت يإحنا ماخلصنا المخزن اللي تحت
لجين:مديحه
مديحه:أيوه ياحبيبتي
لجين:مديحه هذا دفتر مين..؟؟
مديحه:هاتي أبوص
لجين:وشفي
مديحه:مابعرف مش مكتوب إسمها ..؟؟
لجين:إلا مكتوب بس أسماء ناس ماأعرفهم لينا ومي غدوز ومدري يعني أسماء غريبيه..
مديحه:مابعرفش
لجين:طييب إنزلي مابي أجي الحين خلوا أغراضي أنا وماما على جمب
مديحه:طيب ياحبيبتي
((كملت الدفتر ))
} أهم شي إني محتفظه بالأوراق اللي نتراسلها بالفصل عاد أو شي حطيته لما كنا نسولف عن خالد ومحمد ههههه يضكوني ذول الاثنين مصدقين إنو إحنا ميتين عليهم
((اللي مكتوب بالأوراق اللي يتراسلونها))
لينا:تعالي بالذمه مومحمد أحلى من خالد
غاده:لالا سلامتك حبيبتي والله خلودي أحلى وأهطف بعد نقص عليه بسرعه الغبي
لينا:لا طيب نسأل مي وساره وسجى
غاده:طيب
((رسلت لينا لمي وساره وسجي وكاتبه ))
لينا:مي لينا سجى وساره بلذمه مين أحلى خالد ولا محمد
مي:خالد أحلى
ساره:خالد صح
سجى:لالا محمد أحلى
((هذا كله بالأوراق..))
الابله:لينا غاده ساره سجى مي إيش اللي معاكم..؟؟
لينا:لالا أبله ولا شي
الابله:ساره هاتي الاوراق
ساره:إن شاء الله أبله
((قرت الابله الكلام))
الابله:إيش هذي قلة الادب يالله روحو عند أبله هيا ((هيا المرشده الطلابيه))
((رحنا للمرشده وعطتنا محاضره بس كانت فله السوالف ))
الحين لما رحنا الراشد كتبت إيش صار مع هذاك اللي إسمه فهد لما طيحناه
والله حزنت عليه بس لينا الكلبه إستانست هههههه الصراحه إستانست بس فشله
يعني تخيلت نفسي مكانه {
)) إستمرت لجين في قرآءه هذا الدفتر المجهول اللذي قرأه لتعرف هذا لمن
هل من الضروره أن تقرأه من بدايته نعم من الضروره لأنها ستعرف أكثر عن هذه الشخصيات الغامضه الغريبه اللي لم تسمع عنها في هذا القصر الكبير هذه بالنسبه للجين شخصيات مجهولة الهويه ))
لجين:نور
نور:نعم
لجين:أمس بالبيت قريت دفتر غريب في شخصيات ماقدرت أفهمها
نور:إيش مكتوب فيه...؟؟
لجين:الدفترعباره عن شخصيات حقيقيه يعني ممكن يكون بعض الشخصيات موجوده والغريب إني لقيته ببيتنا
نور:لجين طيب يمكن لأمك
لجين:تهقين ..لالا الاسماء مختلفه
نور:والله مادري طيب إقريه للنهايه وبتعرفين لأي مجهول الدفتر
لجين:معك حق
نور:وأنا أقول إيش اللي شاغلك ..
لجين:والله ماخذ كل تفكيري وكل وقت فراغي
نور:آهآآ يوهوه رن جرس نهاية الفسحه
لجين:إيش علينا لحين..؟؟
نور:أتوقع نصوص..
لجين:يوهوه آوووف
نور:ياله بس قبل ماتاكلنا
لجين:هههه يالله
نبذه عن نور صديقه لجين
نور أقرب الصديقات للجين وأكثر وحده تأمنها على أسرارها وهي بالصف الثالث متوسط مع لجين نور من نفس طبقة لجين من حيث المال ولاكن نور أقل جمال من لجين
ــــــــــــــــــــــــــــــــــــــــــــــــــــــــــــ ــــــــــــــــــــــــد
الجزء الثاني
أصبحت لجين لاتفارق الدفتر المجهول الذي تتمنى معرفة شخصياته وأصبحت تقضي كل وقتها في قرآئته
} اليوم هربت من المدرسه بمساعدة ساره راحت ساره وطقت جرس الانذار وصارت حووسه بالمدرسه وأنا هربت وكانت لينا غايبه فجت وخذتني وطلعنا رحنا الظهران هذي كانت فكرت الغبيه لينا ووقتها قابلنا محمد وخالد وأول ماراحوا كملنا فراتنا في المجمع وكان أكثره شباب في الجماعه لأنهم طالعين من الجامعه في البريك بس إستانسنا ولما خلص موعد المدرسه رجعتني لينا البيت ولما كلمت ساره قلت لها إيش صار قالت لي بس سألوا عنك بعض الابلات وقلت لهم إنك تعبتي وإستأذنتي ومت السالفه وماسألوا لا الاداره ولا شي..
فحسيت وقتها إني ذكيه..بس مو أذكى من لينا وبعد مارجعت البت نمت وصحيت على هوا ماما وبابا ووقتها بابا كان يطق ماما حتى وهي تعبانه وكان نايف يطالع هذا المنر ويصيح حرام يعني توه ماعدا الثمن سنوات ويطالع هذي الاشياء كان كل إهمالي وعدم مبالات في الدراسه سببها اخوي قمت طلعت الصاله لقيت نايف ونوره ومنيره وسلطان يصيحون أنا وقتها حسيت بضيق كله اطفال ولا واحد فيهم عدى العشر سنوات ويناظرون هذي الأشياءصرخت بوجه بابا وقلت له ماتشوف هذول لاطفال كيف تسوي قدامهم كذا وماما كانت تهديني لأنها تعرف إنوا بيظربني وفعلا كان يضربني بلا رحمه وإستمرينا على هذا الحال أب يطلع الصبح ومايرجع إلا لو كان وده يطق ويكفخ وهذا حالتنا مع بابا عمري ماحسيت أنه أب حتى لما أحد في البيت يمرض ماتنهز منه شعره حتى لما ماتت لين مازعل ليها ولاكنها من لحمه ودمه
ليش هذي القسوه عمري ماتخيلت إنوا في أب كذا لما كنت أسمع صديقاتي يسولفون عن آبآئهم بابا و وجابلي وصاح لما مرض لفلان وبابا وبابا وبابا كنت أصيح ومحد يعرف السبب إلا لينا اللي أبوها مات وأمها بين الحياء والموت بس الحمد الله عندها أخ كبير يشتغل أما أنا أكبر وحده في البيت وأنا اللي اتحمل الكل اللي يصير بماما وإخواني وكنت أدعي بكل صلاة إنوا الله يهدي بابا وكان يشرب قدام الصغار
(( حست لجين بعظمة الاب وأصرت أكثر على معرفه هذي الشخصيه المجهوله ومرت شهوور وهي تقرا تقريبا هرين أو أكثر وهي تقرا ياأشياء تحمس غاده أو أشياء تحزنها ..وكانت تسولف لنور وبعدين قالت لها نور تعالي البيت عندي وجيبي الكتاب معك قلت لها طيب ))
نور:إيوه لجين وينك..؟
لجين:إفتحيلي الباب
نور:أوكي
لجين:وحشتيني
نور:ههه ماكنك أمس شايفتي بالمدرسه
لجين:أمس مو اليوم
نور:طيب إمشي معي الغرفه
لجين:وين أمك وأبوك وأحمد..؟؟
نور:ماما بالغرفه وبابا بالغل وأحمد طالع
لجين:آهآآ..صح جبت الدفتر علشان نقرااه والله لو تقرينه تحسينه ينكتب من قلب
والله بعض الاشياء بكتني وحسيت إنوا لازم أتمسك بمعرفه الشخصيات اللي فيها
نور:حمستيني قوليلي إيش صار..؟؟
لجين:تخيلي أبوها يشرب ((قالت لجين لنور قصة هذه الفتاة المجهوله بينما أم نور تتسمع لهذه القصه التي رغم معرفتها ولاكن بكت حتى سمعوا نور ولجين صوت بكائها وفتحت نور الباب وجدت أمها تحمل صينية العصير وتبكي))
نور:ماما ليش تصيحين..؟؟
أم نور:لأني سمعت هذي القصه من قبل وأعرفها بس حزنت عليها
لجين:خاله تعرفين مين هذي الشخصيه ..؟؟
أم نور:إيه بس ما أقدر أقولها
لجين :خاله بليز قوليلي أنا اللي موفاهمته إني لقيتها في بيتنا
أم نور ((شهقت وإسغربت )):ببيتك..؟؟؟!!!!!!!!!!!!!!!!!!
لجين:إيه ليش..؟؟
أم نور:تدرين إنو أنا مكتوب عني بالقصه بس اله هداني وصرت كذا
نور:ماما إنتي بالقصه..؟؟
أم نور:إيه أنا لينا ..
لجين:يعني أكيد تعرفين مين هذي اللي بالدفتر
أم نور:هذي مو أسمائنا الحقيقيه كانت أسماء مستعاره علشان محد يعرف مين إحنا وأن الحين أمو وأعرف وين راحت أو إيش صار برنيم..
نور:مين رنيم..؟؟
أم نور:اللي خصيتها بالدفتر غاده
لجين:يعني غاده هي ماما
أم نور:أمك رنيم..!!
لجين:إيه ماما طيب وينها ..؟؟
أم نور:أا اعرف كيف بتعرفين وين أمك
لجين:كيف..؟؟
أم نور:لازم تقرين الكتاب بالحرف الواحد وكذا بتوصليني لأمك..
لجين:خاله والله مره شكرا على الاقل تطمنت وعرفت مين هذي الخصيه بس ياخاله ماما ماتت
أم نور:لا ماماتت صار بينها وبين أبوك شي وإنفصلوا وأبوك إدعى إنها ماتت بس لاتجيبين لأبوك سيرتها
لجين:إن شاء الله
((صارت لجين تقرا الكتاب بحماس أكثر خصوصا لما عرفت إنوا أمها غاده ))
|
24-12-08, 02:08 PM
جديد مواضيع قسم القصص المكتمله من وحي قلم الاعضاء
العرض الشجري
