كاتب الموضوع :
أمـ مجروح ـل
المنتدى :
الارشيف
~~ نفس الليله غرفة موضي ~~
مسنده راسها على راس السرير وماسكه ألبوم صور...
الصوره الأولى ..وعمرها ...6 شهور..في حضن أبوها وأمها جنبه ...
واخوها سعد واقف بينهم..وحاط ايدينه على كتوفهم وماد وجهه ..تضحك والدمعه
حايره في عينها ..تلف الصفحه .....هي وسعد في بركة سباحه من البلاستك
المنفوخ في حوش البيت واللي جنبها صورتهم وهم في ملاهي علاء الدين في
قطار الموت ..وصوره لها وهي بلبنان تلعب بالثلج مع سعد ..تضم الالبوم .وهي
تبكي الله يرحمك يا اخوي ...خليتني وحيده ...وهي ضامه الألبوم تطيح صوره
لـ زواج أمها وأبوها ...تحب [ تبوس ] الصوره ..الله يرحمس يمه ما تحملتي موت
سعد وتبعتيه ...
آآآه الله يخلي لي أبوي ولا يحرمني منه ...ويرحمكم ويجمعنا بكم في جنات النعيم ..
وتوصل لصوره لها بعمر الـ 5 سنين وهي على كتف تركي وماسك ايدينها وكأنها بطير .....وتضحك ...وتتذكر
تركي وقتها عمره تقريباً 13 سنه ...دخل حوش بيتهم [ بيت خاله عبدالله ] ولقاها
قاعده على حافة حوض الزرع .. تبكي ....واطالع النخله ...
تركي : موضي ..مويضي ..يا الكوره ..
موضي : تنتبه له لما ناداها بالكوره ..وتمد براطمها ...ودموعها أربع أربع والخشم
يسيل وتمسحه بظهر كفها ..: انت الكوره ..وببراءة الطفوله ...: تركي جيب طيارتي
...الله يخليك ...انت كبير [ وتشر بيدها يعني انك طويل ] ينزل لها تركي ..ويمسح
دموعها : وبس عشان الطياره تبكين ...وش رايس اشيلس وانتي تجيبينها ...
تضحك وتنط هيه ...وتتعلق في رقبته ...وتحب خده بقوه ..: أحبك وااااااااااااااااااااااااااااااااااااااااااجد ...ويشيلها على كتفه و يدور فيها ..وما انتبهوا الا
بفلاش كميرا أم موضي ... تضحك موضي وتبكي ... تلف الصفحه ....صوره لـ تركي
وسعد وفهد ..قاعدين على عتبة باب الصاله و يأكلون ايسكريم توت......تضحك وهي
تمسح على صورة تركي وكيف كان في طفولتها يحبها ويدلعها مثل أمل ويدافع عنها
بس بعد ما يخلي التحرش واللعانه ....ضحكت وهي تتذكر كيف اول مالبسوها عباه
وهي بعمر 12 سنه ..ودخلت بيت عمتها ...وقعد يتطنز عليها .....تضحك وهي تتذكر
ههههههه كيف ..حذفته بكعبها اللي ضرب في جبهته وجرح حاجبه على جنب ولولا
ستر الله كان راحت عينه ....
تضم موضي الألبوم ...وهي بين ابتسامه ودمعه ... تستاهل ياناطحة السحاب ..
لازم تكون علامة الجوده في وجهك وتذكرك فيني ولا تنساني ... تعدل وضع مخدتها
وتنام عليها بعد ماحطت الألبوم على الكومدينو ...وتبند الأبجوره ...تغمض عينها
والدمعه متعلقه برمشها رغم ابتسامتها لمجرد مرور طيف ذكرى لـ تركي ...
~~ الفجر ~~
~~ حوش بيت محمد بن عايض ...~~
~~ ابــو[ سالم + عايض ] ~~
سالم نزل ام طلال عند مدخل البيت ..وهي شايله طلول اللي نايم عقب ليله
عصيبه مع الحراره ...
وقف السياره في الطبيله وانتبه ان انوار المجلس مفتوحه ...
نزل وهو شايل كيسة أدوية طلال
~~ المجلس ~~
عايض قاعد على الأرض ومسند ظهره على المسند وماد رجلينه اليمين على
اليسار ..ورافع يدينه المعقوده على راسه والهم كاسي وجهه ...
ترتعد تحت السرير ..يقفل الباب ويدخل الحمام ...يطلع ..مالقاها تحت السرير ...
ضحك ..وين بتروحين دام الباب مقفول ...نثر شوية بودره بأهتمام على طاولة التسريحه
..ورتبها 3 خطوط ..خذا اعواد المصاص [ شلمون ] مقصصها بـطول السبابه ..وسحب
نفس بالخط الأول .. وااااو ...والثاني ...الثالث ...وآآآآه الله شوي ويضبط المزاج
..... وينك ياعروستي ههههه تبين نلعب لعبة ليلى والذيب هههههه انا الذيب باكلكم
ههههههههه وين امس ادافع عنس ياليلى ههههه ويقط نفسها على السرير ههههههه
ماتتعبين من ذا اللعبه ...
اسمعي وين ماكنتي متخبيه اليوم خلاااااااااااااص يا ذابح يامذبوح ....
~ أمل ~
ورى قطعة الكنبه والستاره مغطيه عليها ترجف خوف ولا هي بداريه وش تسوي ...
كان عندها أمل أن تركي يوصل الليله من سفرته بس تيلفونه للحين مغلق ...وهي
ضاغطه إعادة أتصال ...يسحبها ...عايض ...ويطيح من يدها التيلفون ..
عايض : وش تسوين ههههههههه ....
أمل وهي تبكي وميته من الخوف : وخر عني ...مااااااااااااااا أبيك ..وتبكي ....تكفى ...خلني ...بحالي ...عالج نفسك ...ليه تضيع نفسك بالأدمان ...
هذا وانت اللي تطارد تجاره ....وتبكي حرااااااام عليك ..
عايض وهو جار شعرها ...ويسحبها للسرير ويحاول يفك ازرة بجامتها ...: ماعليس مني
مدمن ولا غيره ...يازين المزاج ..
امل بحرقة قلب ..: يامدمن خلني وتعض يده واطق منه صوب باب الغرفه ...يسحبها
بضيقه ...: أعلمس اللحين وش الأدمان والمزاج العالي .... انتي مايفيد معس الطيب ...
:
:
يصحا من تفكيره على صوت سالم ..
:
~~ عند باب المجلس ~~
دخل المجلس ..تفاجأ أن عايض سهران للحين
ووجهه مايبشر بخير
سالم واقف عند الباب وهو تعباااااان : عسى ماشر ليه سهران للحين ؟!!!
ينتبه عايض وكانه توه قايم من النوم : هــلا ... مرحبا ...متى جيت ؟ ...
وش بلاكم تأخرتوا ؟
يقعد سالم على طرف المسند اللي عند الباب ...: توني جاي ...وتأخرنا عشان
الشيخ طلال قايم عليه صدره وحراره ..وخبرك بالبزارين ...وسخاينهم ...
[ يفرك سالم راسه من الوجع ] ... المهم ....وش بلاك ...سهران ؟
عايض ياخذ نفس ...ويقوم ..وهو يسحب غترته من المتكئ : سلامتك مابه شر ...
بقوم اتوضى ..مابقى شي على أذان الفجر ...يوقف سالم ويمسك كتف عايض
اللي مر جنبه يبي يطلع من المجلس ..: عايض وش بلاك ياخوك ..؟؟
عايض يزم شفايفه ...: بلاي ياخوي الدانه الي ضيعتها ...وظلمتها ...
سالم يحاول يخفف عن اخوه : ياخوك اللي صار صار وهي مسامحتك ..ولو ماسامحتك
...كان ماساعدك تركي ...
يتنهد عايض ويلتفت لسالم : داري ياخوك بس انا اللي ماسامحت نفسي
سالم وهو تعبان وزاد تعبه ضيق اخوه : ياخوك اللي صار غصبٍ عنك ...تعوذ من الشيطان ...
عايض يبي ينهي الكلام : أعوذ بالله من الشيطان .....يا الله ياخوك بتوضاء وبروح المسجد
وأنت لا تطوفك صلاة الفجر ..ويطلع متجه للمسجد القريب من البيت ..
سالم قعد على عتبة باب المجلس ...وكيس الأدويه بحضنه ...
يفكر في حال أخوه ...ترجع به الذكرى ...
سهران في المجلس يشوف فلم أجنبي ...وهو مندمج ...جواله يرن بأسم [ تروك ]...: أرررحــــــــب ..........أنا بالمجلس ..أشوف فلم من اللي قلبك يحبه هههههه .........
يستعدل في قعدته متروع من أسلوب تركي ....... تركي وش فيك!!!!!!!؟
ووووويـــــــــش ....؟
تركي : أقول لك ألحق على امل شف اخوك وش سوى بها ...انا جايك في الطريق
تكفى ياخوك ...
سالم يحذف التيلفون ويركض داخل البيت يركب الدرج عتبتين من عجلته
~~ غرفة عايض ~~
أمل وعايض محكر لها في زاوية الحجره ورابط ذراعها بأستيك وفي يده الثانيه أبره ...
امل وهي اترجاه : عايض تكفى فكني خلاااااص بسوي لك اللي تبيه
وتبكي ... دموعها مثل النهر على وجها ....عايض والله والله ما أعلم لا تركي ولا غيره ....
تبكي ...آآآآه
عايض يضحك من تأثير المخدر اللي هو ماخذه ومن ضيقه عليها إلي أعماه عن عواقف
اللي هو يسويه : لا لا ....هه تعرفين انس ماتستاهلين الغلا ..معطيس على كـيفـس
اطــقـيـن مني ولاتعطيني حقي وذا اللحين اتهدديني وتبين تكلمين تريكي ...وتعايريني بالمدمن ...ههههههه وبخبث ولعانه ... بـ خليس مثلي وعقبها ماعاد لس عذر كلنا مدمنين
...واهل مزااااااااااااج...
أمل : لااااااااااا تكفى وتنزل عند رجله تكفى ..والله ما اهددك بأحد مره ثانيه بس إلا
إبرة الخنيز ذا حرااااااااام عليك ...حرام عليك نفسك وحرام عليك تظلمني معك ...
~~ عند باب غرفة عايض ~~
سالم يلهث وهو عند باب حجرة عايض ...يسمع ونات أمل وترجيها ..يدق الباب بقوه ..
لكن عايض مسفه له ..فكر يكسر الباب بس مايدري وش بيكون حال مرة اخوه طلع
في باله كذبه : عايض الحق علي ياخوك البيت يحترق ...وامي مختنقه تحت افزع
لي ياخوك ......لكن مابه مجيب ..كسر الباب ..بحكم جسمه الرياضي وقوة عضلاته
أمل تخبت وراء جسم عايض من نظر سالم ...اللي فك يدها والتفت لأخوه بغضب ... ت
زحف أمل وتدخل وراء الستاره وهي الاقرب لها عشان تغطي نفسها .......
ينتبه من هوجاسه [ سرحانه ] على صوت الأذان ..يتعوذ من الشيطان ويقوم يتوضاء
~~ أحد أيام الأسبوع ~~
~~ مدرسة أمل ~~
روحيه [ مدرسة مصريه كبيره عمرها بالخمسين ] تصحح كراسات الإنشاء...وأمل واقفة
عند طاولة التموين ..صافين [ مرتبين ] عليها علب الشاي والسكر وعلب حليب ......تنتظر
الماي يسخن في الكتل [ سخان الماي ] تلتفت على اللي في الغرفه ...
شافت سلطانه وروحيه ..
أمل : ياحبايب حد منكم يبي أسوي له معي حليب أونسكافيه
سطانه ترفع راسها من كتاب الشريعه : لا فديتش ماراح يمديني أشربه عندي حصه
والجرس قده بيدق
روحيه : أه والنبي يا أمل أعملي لي معاكِ شاي بلبن ..
أمل تبتسم لـ روحيه ..: أبشري يا أبله ..بس ياحجه روحيه
[ وتكلمها بالمصري ]... أحنا أولنا أيه ..عن الحلف بغير الله ...
روحيه ترد لها الأبتسامه ..: يابنتي أعمل أيه والنبي وحياتك ... ههههه والله يابنتي
باحاول لكن أعمل أيه متعوده عليها وكل اللي حوليه بيقولوها
أمل تكمل بالمصري : حتى ولو يا أبله حاولي أكتر ونبهي كل إلي حواليكِ..
ورد في الحديث الصحيح عن الرسول عليه الصلاة والسلام :
[ من حلف بغير الله فقد كفر أو أشرك وفي الحديث: لا تحلفوا بآبائكم من كان حالفًا
فليحلف بالله أو ليصمت ]
روحيه تهز لها راسها علامة الموافقه ...
أمل وهي تمد لها كوب الحليب : أتفضلي...مشروب الهنا ...
روحيه وهي ترشف من كوبها : عقبال ماشرب شربات فرحك يا أمل يابنت ...
وتلتفت لـ أمل هو أمك أسمها أيه ...
أمل وهي تسحب كرسيها : اسمها نوره
وترجع روحيه تدعي لها ..
روحيه تشرب حليبها ..وتطالع أمل اللي طاولتها مقابله لها ... وتقول في خاطرها ...
أأقول لها ولا لاء ...شافت الغرفة فاضيه مافيها غيرهم
نادتها : أمل والنبي تعالي في ريحي شوي
أمل رفعت راسها من الكتاب اللي تقراه ونزلت نظارة القراءة : آمري يا أبله
روحيه : مابينفعش الكلام وانتي قاعـده بعيد تعالي جنبي ولا أقوم أجي جنبك
تقوم أمل احتراماً لكبر سنها تسحب كرسي سلطانه اللي طاولتها جنب روحيه
: آمري يا حجه روحيه
روحيه وهي تشوف أمل بنظرات حنيه : اسمعي يابنتي والله دانا بحبك
زي بناتي سمسم ومشمش
أمل وهي تبتسم لها: الله يحبك يا قلبي ..والله العالم بغلاس يا ماما روحيه
روحيه وهي تمسك يد أمل ... وتميل بجسمها ناحيتها وبصوت واطي :
طب يا أمل عوزه أكلمك في حاجه كده يمكن تنبهك
أمل تهز لها رأسها تجاريها عشان أتكمل : تفضلي يا أبله لا تستحين تبين مني شي
روحيه : لا لا ماتفهمنيش غلط اسمعي ..أنتي ماشاء الله عليكِ جميله ومؤدبه
وأصل وفصل ..مش غريب أنه محدش خطبك بعد أنفصالك
أمل بـ رضا : يا أبله هذا رزق وما أحد يمنعه غير الرزاق
روحيه بمحاوله منها توصلها اللي تفكر فيه : يابنتي بس ماتنسيش أن فيه
حجات ممكن تتعمل
أمل بروعه تحاول تخبيها : أبله روحيه أيش تقصدين ؟
روحيه وفهمت أن أمل فهمتها غلط : اسمعيني للآخر ...
هزت رأسها أمل بمعنى طيب
روحيه : حقولك قصة وحده من معرفنا في مصر ..مكنش بيقيلها عرسان فخدت
خالتها حاجه من ريحتها [ تقصد شي خاص لها ] لشيخ دين
وقال لهم انوا معمول لها عمل ..وقرالها على خاتم وقال لها تلبسه وهي
شهرين بالتمام واتجوزت
امل وهي مهوب عاجبها الموضوع : طيب يا أبله وأن وش دخلني بسالفتها
روحيه : جينا على أولتكم لمربط الفرس ..أنا بقول يعني ..لو تديني حاجه من
ريحتك حبعتها لحد من قرايبي في مصر يخودها عند شيخ نعرف منه أزا معمول لك عمل
..وأهو نحاول نسعى نفك العقده المعموله ليكِ من الجواز
أمل وهي ماسكه أعصابها عشان كبر سنها : مشكورة يا قلبي يا أبله روحيه ..
الله لا يحرمني من حنانس
بس يا أبله هذا مايسمونه شيخ دين هذا يسمونه دجال أو ساحر
روحيه تقاطعها وتحاول تفهمها : لا لا لا يبنتي ده شيخ دين حتى مابيخودش فلوس ..
إلا إللي تدي هوله ..وانتي مابتعمليش حاجه لحد ومش حدوري حد بيه ..
ده علاج زي أي علاج ...
أمل متفهمه لمعتقدات كبار السن وتحاول تنبهها : يا أبله أي شخص
يدّعي معرفة الغيب هو دجال ولا كان ما أحتاج لشي من ريحتي
واسحبت من طاولة سلطانه كتاب رياض الصالحين وافتحت على باب
النهي عن إتيان الكهان والمنجمين ... اسمعي يا أبله رسولنا الكريم أيش قال عنهم .....
قال عليه الصلاة والسلام :
[ من أتى عرافاً فسألهُ عن شيءٍ , فصدقهُ , لم تقبل لهُ صلاةٌ أربعين يوماً ]
وقال عليه الصلاة والسلام:
[ من اقتبس علماً من النجوم , اقتبس شُعبةً من السحرِ زَادَ ما زَاد ]
انحرجت روحيه من أمل كيف على صغرها ألا أنها أكثر نباهه منها
أمل ترفع رأسها من الكتاب بعد ما سكرته : يا حجه روحيه أنا الحمد لله الأذكار أقراها يومياً
وراضيه بالمقسوم ..ولو لي نصيب أتزوج بتزوج
روحيه تحاول تغير تفكير أمل عنها وعن اهلها : والله يابنتي أنا ماروحتش لا شيخ ولا دجال
ودي بس وحده من معارفنا قالت لي عن بنت أختها ..
أمل تحاول تخفف من حرج روحيه : عارفه يا أبله انتي عارفه ربنا عدل وما اعتقد انك
تروحين لمثل هالدجالين وتخربين حجتك وصلاتك وكل أعمالك الطيبه
قامت وحبت خدها ..لكن روحيه سحبتها تحضنها وهي تدعي لها
: ربنا يوفقك يا أمل ويزقك بـ ابن الحلا اللي يستتك
أمل تضحك : آآآآآآآآمين
ترجع أمل لـ طاولتها تكمل شغلها ...
وفي لحظه وبسبب ..موضوع روحيه عن الزواج وقصيدة الولد في بنات عمه
اللي سمعتها ليلة العشاء
تخيلت لها ولد عم ومواصفاته مثل أخوها الذيب [ تركي ] وتضحك ليتك منتب
أخوي كان خطبتك لنفسي ههههههههه
لو تدري موضي باللي أفكر فيه كان أخنقتني ههههههه
نزلت صفحة الدرس [Minimize] و أفتحت ملف أمـ مجروح ـل...
وكتبت ..وهي تتخيل ولد العم الخيالي ..
إلى ابن عمي ...
[ لا أعلم من تكون ولكن.. أتمنى أن يكون لك وجود في واقعي كما أراك في خيالي ]
وبدت تكتب قصيده لـ ابن العم
:
:
:
:
يرن الجرس ..تسكر الاب توب وتأخذ أغراضها وتطلع لمعمل العلوم
~ بوابة المدرسه من الداخل ~
~ نهاية دوام ~
موضي واقفه تنتظر ...ومضّايقه ..تسكر التيلفون بضيقه
أمل تشوفها من بعيد وهي متوجهه لناحية البوابه
أمل : موضي وش فيس مارحتي ؟ سيارتس ماجات ؟
موضي : إلا جات بس العله دعم [ سوى حادث ] وحنا طالعين ..والسياره عيت تشتغل
أمل : خلاص خليه وأمشي معي
موضي ماتبي تثقل على أمل : لا يختي بيتكم في الغرب وأنا في الشرق
أمل : بلا خرابيط أمشي أصلاً أنا رايحه صوب بيتكم قصدي الشارع اللي فيه بيتكم
موضي بعدم فهم : ليه ؟
أمل : بتغدى عند امي جوزه وبقعد مع فهد ماسولفت معه
يا الله امشي تأخرت عليه ويدي عورتني من شنطة الاب
موضي تسحب يدها : تعالي من اللي جاي ياخذس الدرويل ؟!!
أمل : يوه لا اعتقد تركي
موضي وهي ادز يد امل وتروح تقعد على الكرسي اللي جنب الباب داخل حوش
المدرسه ...وتكتف أيدينها : عجل روحي الله يحفظس بكلم أبوي يجي ياخذني والمخنز اخوس مانيب رايحه معه وترفع تيلفونها تبي تتصل بـ أبوها
~~ قبل هالوقت بـ ربع ساعه سيارة تركي ~~
يشوف اتصال لــ عايض : مرحبا بأبو محمد ..
: المرحب باقي ..اقول يا ابو ناصر اربك منتب مشغول ..؟
تركي وهو ينزل من تحت جسر بو عبود لاف صوب الكورنيش :
لا والله طالع اليوم بدري من الدوام ...
عايض : عسى ماشر ؟
لاعندي شغيل بسيط [ مايبي يقول له انه بيمر ياخذ أمل من مدرستها ]
..وعقبه بروح للبيت
عايض : الله لا يهينك ان كان ماعليك كلافه تمر المطار سالم بيوصل عقب 10 دقايق
...وانا ما قدرة اطلع من الدوام ...وانت تدري به مايداني التكاسي ...ومنها نشوفك
على الغداء ...تدري ام طلال مسويه الغداء عشان ابو العيال ..ومتوصيه فيه
يضحك تركي... فرح بالفرصه اللي جاته من الله عشان يستفرد بسالم اللي يتهرب منه : ابشر يا ابومحمد ...بس لا تعلم سالم خلها له مفاجأه ههههههه يا الله بامان الله ..
ويوقف عند الاشاره ويلف راجع للمطار ..وهو يتصل لـ فالح ..
~~ نفس الوقت عند بوابة المدرسه ~~
امل تضحك وتنتبه ان هيا راجعه من سيارتها :
هيا :برنسيسه أمل ليه ماتردين علي امشي فالح بياخذس معي بنّزلس بيت أبوي ناصر
ضحكت أمل : ليه وين تركي ..وهي تطالع موضي اللي جات صوب هيا ...تشوف وش فيها
هيا وأمل اقنعوها تركب معهم ولا اقتنعت لين كلمت أبوها اللي طلع في الصناعيه ويبي
له وقت لين يعود
اطلعوا يركبون السياره شافوا فالح يكلم درويل موضي ويفهمه وش يسوي ..
أمل تفتح الباب وينط نصور يحظنها ...
ناصر : عموه أحــــــــــــــــــــــــــــــــبث ...واااااااااادد ..
تضحك امل وتحب خدوده ...وتقعده في حظنها ...: وأنا امووووووت فيك ..
موضي وهي تعدل عباتها عشان مايبين منها شي لادخل فالح وتقرص خد نصور..:
وانا ينويصر ماتحبني ..
يلتفت ناصرعليها ... يحرك يده : اثمي ناثر ماتعلفين اتدولين ناثر
موضي وهي تجره من حضن امل وتحبه بقوه : مـــطول لسانك يانويصر مثل عمك المخنز
ناصر وهو يدزها : وحلي عني ... ويمسح خده مكان حبتها [ بوستها] اعلف ..وهو يهز راسه
.... ادولين عن عمي تكي ..مخنذ ويطالعها بنظرة خبث ...والله ادوله ...يالـــــ كــــوله ..
موضي منصدمه ...وهيا وامل يهاوشون ناصر ..: نصور عيب ليش تقول لخاله موضي كوره ...
يهز كتوفه وهو يحاول يفتح شنطة أمل ...: ما أدلي عمي تكي يقول هي كوله ..وهي
تقول هو مخنذ ويفكر ..واااااااا هذيك وث اثمها يلتفت على امل ...الــــطويله ..
ايه ايه..ادول تكي ...ناتحة ثحاب ..
موضي اللي انتفخت من الضيقه وودها تركي قدامها عشان تبرد حرتها .......
تمنت تحذف نويصر اللي يذكرها بالمخنز ... لكن تنتبه لصوت فالح اللي توه راكب السياره
فالح : السلام عليكم
شلونكم يابنات ؟ خطاس الشر يابنت الخال
أمل وهي ماسكه ضحكتها من شكل موضي المستحيه : وعليك السلام
شلونك ياخوي ؟ السموحه ثقلنا عليك
بخير جعلس في خير ..ولا به ثقل ..ابرك الساعات اللي تخاوينا فيها يابنت علي ..
انتي وبنت عبدالله….
هيا وهي تعدل راسي قعدتها عقب ماكانت لافه على البنات ورا ..
وتكلم فالح بدلع : أبو ناصر وش رايك ناخذ عليهم كروه [ أجرة توصيلتهم ] التفت لها ...
غمزة له يعني مش معي ...ضحك
فالح : افا يا هيا تاخذين على رفيقاتس ومنهم عمة ولدس كروه ...
هيا : ياحبيبي الدنيا اللحين اخدمني واخدمك ...انتبهت لصوت مسج ما اهتمت له ..
وتكمل ..كلامها ..اقول يابنات وش رايكم ...موضي تاخذ عبود وامل تاخذ نصور ...واروح
أنا وبعلي نتغداء غداء رومنسي .. وتمط الكلمه الأخيره ....
آآآآآآآآآآآآآه ...[ موضي قرصة خاصرتها ]
فالح : وش فيس تتوجعين ..؟
هيا وهي تفرك مكان القرصه : آآآه يا ابوناصر فيه كوره لنصور على الكرسي وضربت
بخاصرتي ...يقطع كلامها صوت المسج ..
فالح : وش عندس اليوم تيلفونس ماوقف مسجات ... ويمد يده لها جيبيه ...
هيا : لا لا أنا بقراها يمكن سوالف نسوان ...
هيا تقرا المسجات ..وميته ضحك ... على سب موضي لها مسج1 [ آآآه منس يالماديه
تموتين في الفلوس ياشحيفان ]..
مسج2 [ خخخخخ ياشين رومنسيتس يا البدويه انتي وابو كرش أخو المخنز.. اللي جنبس ]...
امل لاهيه مع نصور وسوالفه عن غنم جده والدجاج اللي في العزبه..
ومشواره مع أبوه اليوم ...: عموه عندث فلوث ..
امل وهي تحبه [ تبوسه ] : ايه الحمدلله ياقلبي ليه تبي فلوس ...
يأشر لها براسها لا : عموه اليوم بابا وداني ,,,هذا المتان حد المساتين اممممم
ما اعلف اثمه ..وينقز يطل على ابوه بين الكرسيين ..بابا وث اثمه اللي لحنى له عثان
انثاعد البذران المساتين ...
يضحك فالح على كلام ولده اللي يحس انه مسوي بطوله بمساعدته ..:
جمعية عيد الخيريه ....
ويلف على أمل ...عمو تعلفين البذران ... ويعفس وجهه بحزن ....مثاتين ماعندهم
ويعد على اصابعه ..اتل ولا ثوب ..ولا دواء ....والسريرين يضربونهم ...انا سفت دمهم ..
تكلمه موضي بصوت واطي ..وانت يابطل كم عطيتهم ..؟...
يلف وجهه عنها ..: لا تلميني انتي وعععه ..
يكلمه فالح اللي انتبه لصوته : ناصر عيب ليه تقول لـ عمتك موضي كذا ...
قولها اسف ولاعاد تعيدها ..
يلف وهو زعلان لـ أبوه : بابا هي تقول ..عمي تـ ...تحط امل يدها على اثمه
واجره تقعده في حضنها ...
فالح ما اهتم للحركه يدري بلسان ولده اللي مدلعه تركي : يا الله ياناصر
اعتذر لعمه موضي ..
نصور والدمعه حايره بعينه وماد براطمه : اثف ...حب خدها من فوق النقاب ..
وقعد بين امل وموضي وهو مكتف أيدينه وما يكلم أحد ...وامل اتفداه : فديت الذعلانين
.....بس ماتبي تكسر كلام أبوه وتراضيه ..بتأجل الرضوه عقب ما تنّزله معها ..
..وموضي اتحلطم ..على تركي وطوالة ألسان نصور .....يقطعه اتصال أبوها
ترد بصوت واااااطي : لبيه يبه ...لا فديتك قدني قريب من البيت ....
لامع فالح جعل ربي يعطيه العافيه ...هذا انا نازله ...
تنزل وهي تشكر فالح بصوت واطي : الله يجزاك خير ..السموحه يا ابوناصر عطلناكم
فالح : الساعه المباركه اللي نخدمس فيها يابنت الخال ...
هيا تنزل دريشتها : اقول يا موضي .........لفت موضي لها بضيقه : سمي ..
هيا وهي ترفع دريشتها:...لا عاد اتعودينها ولا لازم تدفعين كروه ...
تضحك هيا لانها تدري ان موضي ماتقدر ترد وفالح جنبها ...تطلع سيارة فالح
من حوش بيت عبدالله وبعده ببيتين يدخل حوش بيت ناصر بن فالح
~~ في نفس الوقت ~~
~~ حجرة أم خالد ~~
جمله عند امها من صبح وتسولف معها على بال ماتجيها سيارتها اللي رايحه
تجيب عيالها من المدرسه
ام خالد وهي تهوجس ومنسدحه على جنبها على الارض ومتوسده سجادتها :
يا بنتي وش الحيلة مع اخوس ؟
جمله : والله يمه اخاف تخطبين له انتي وجدتي ثم ينكبكم عند العرب واتفشلون
أم خالد وهي تستقعد : ماضنيته يسوي فينا كذا لكن يابنتي اخاف نخطب له
حدٍ مايبيه وهو معيي يقول رايه بأحد من اللي نذكرهم له
جمله وهي تلبس عباتها : آآآآآه يمه ليتس وافقتي على اللي بغاها
أم خالد بروعه وهي تنفض شيلتها : اسم الله على ولد لا ان شاء الله
إلا الحمدلله الي الله فرق بينا وبينهم
جمله اللي ودها تعرف ليه وخصوصا ان الثنتين امها وجدتها متفقين على
رفضهم لذا البنت ...تقعد جنب امها وهي تلف شيلتها على راسها :
يمه خاطري اعرف ليه وش فيها والله انها مزيونه وعقل ورزانه وأصل وفصل
ام خالد بحرقة قلب : تبين تعرفين ليه بقول لس لكن العلم خليه بينا عشان
تنتبهين لا قدس تخطبين لعيالس ولا حتى تزوجين بناتس
تقعد مقابله امها وبأهتمام : اسلمي يمه ..
ام خالد وترجع بها الذكرى ... لـ عشر سنين وراء
:
:
:
في يوم كنت أنا وجدتس أم راشد ....
:
:
:
:
:
إذا كان الأمس ضاع فبين يديك اليوم
وإذا كان اليوم سوف يجمع أوراقه ويرحل فلديك الغد لا تحزن على الأمس فهو لن يعود
ولا تأسف على اليوم فهو راحل
واحلم بشمس مضيئة في غد جميل
انتهت الــورقه
قــــــــــراءة  ممتعه
التعديل الأخير تم بواسطة أمـ مجروح ـل ; 01-01-09 الساعة 12:56 PM
|
01-01-09, 10:45 AM
جديد مواضيع قسم الارشيف
العرض العادي
