السلام عليكم ورحمة الله وبركاته ..

تركي ..
والله انك ذيب واسم على مسمى .. يوم عن يوم تثبت انك ونعم الاخ لامل والعزوة والسند .. الي يخاف عليها ولا يرتجي منها مصلحة .. صدق الله خلق وفرق بينك وبين الحميرالي بدون اذان اخوانها .. الي مثلك وصلته بامل وانه اخواها من الرضاع كان ما سوى الي تسويه ولا اهتم فيها وفي حلالها ويخاف عليها اكثر من نفسه .. وهذا الشي رحمة الله لامل .. وجودكم انتم اخوانها من الرضاع كان تعويض لها والذرى الي تحتمي فيه وقت الشدة .. والله يقدرك وتقدر تخلص امل من ظلم اخوانها .



غااانم .. وسالم .
منو الي سالم يتكلم عنها ويبغي غانم يتزوجها ..؟؟؟ وبنفس الوقت خايفين من تركي انه يعرف بالموضوع .. هل معقول انها امل واذا كانت امل ليش ما يبغون يخبرون تركي وهم يعرفون صلته بامل وانه مستحيل يعارض زواجها من غانم وخصوصا هم ربع وكل واحد فيهم يحب الثاني ..
هل ممكن انه غانم يسوي الي طلبه سالم ويتزوج الي خبره عنها .. ويكون بنفس الوقت انه يرضي امه الي متشفقه على زواجه ..؟؟؟؟



شيما ..
والله انج حرمة عن عشر ريايل .. فيج الخير وتخافين الله .. وما تبين يكون مصدر عيش عيالج من الحرام ومال اليتيم عكس الحمار سعيد الي ياكل حلال اخته الوحيدة وبدون اي تانيب للضمير او احساس بالذنب اتجاها وهي اخته الي المفروض يعطيها ما ياخذ منها .. الله يقدرج يا ام علي وتكونين السبب في هداية سعيد وصحوت ضميره الميت ..



روضة ..
سبحان الله الشجرة الخبيثة تنبت ثمر طيب .. خوفج من الله وحرصج على انه حياتكم وحياة ابوج ما تستمر باكل المال الحرام .. ومحاولتج انج تنبهينه عن الي قاعد يسويه والظلم الي يظلمه لنفسه ولكم قبل امل .. كل هذا يدل على ان الصفات الطيبه والخوف من الله .. بسبب تربية امج لكم وانها زرعت فيكم الخير والرحمة ومراعاة الله .. ولا ما كان هذي طباعج ولا كان هذا تفكيرج وابوج سعيد .



عيال اخوان امل ..
الله يخليكم لها .. فعلا انتم احسن من الحمير ابهاتكم الي همهم الدنيا وقذارتها ونسوا الاخرة وعذابها ..وان الله يمهل لا يهمل وعمره المال الحرام ما دام ..خوفكم على امل وهمكم وتفكيركم فيها .. وما تبون لها الظلم يدل على انها لها مكانة عندكم وانها فعلا تستحق انكم تحبونها وتحمونها .. ولو وجودكم في حياتها كان الله اعلم بحالها ومصيرها .



موضي ..
كفو والله انج كفو يا بنت عبدالله .. اجديتي ويسلم بطن الي شالتج .. بالي سويتيه باليحشريات موزة وحصة .. اعجبتيني واايد بردج عليهم وعلى كلامهم الوقح والجذب بحق امل .. فعلا قدرتي تسكتينهم وتعلمينهم قدرهم الحقيقي .. خصوصا لما ذكرتي ان لامل اخوان من الرضاع .. وعن الي يقذف المحصنات .. عشان ما يتجرؤن مرة ثانية ويتكلمون بعرض امل وبشرفها ..
وتركي ومزحج عن انه من نصيبج .. ممكن يصير حقيقي بدل ما هو مزح .. وتكونين من نصيب تركي .. وتغيرين الصورة الي راسمها لج في خياله الي عكس الواقع ..



فهد ..
حمدالله على السلامه .. يا ابو ناصر تو ما نورت قطر .. شخصية يديدة ظهرت في القصة .. ويبدو ان علاقتها بامل قوية .. ويحمل معزة وغلا لها مثل تركي اذا ما كان ازود واكيد ما راح يسكت عن الظلم الي هي فيه .. وبنشوف له دور في الاحداث الياية ..



عوجان ..
احمار وحمار بدون اذان وما راح اغير رايي فيك يا حمار لانك كل يوم عن الثاني تثبت لي انك تتحيمر زيادة عن الي بعده وتستحق لقب حمار ههههههههههه .. ما الوم تركي فيك صدق هو الي يعرفلك ويأدبك يالدياية .. ولا ما تبي الاجانب يعرفون عن سواد ويهك يالحرامي .. بس بيي يوم لك وتندم على الي تسويه في امل .. وان شاء الله يكون قريب وعلى يدين تركي ..


امل ..


نـاس مـن كـثـر الـمـخـادع مـا تـتـوبـي ونـاسٍ بيـضـان وصـداقـتـها نديه
و نـاس أغـلـتـنـي وناس أغلت جيوبي ونـاسٍ اطـالـع ولا كـأنـهـا عـمـيه


كــل هـــذا والـــجـــروح تـزيـد صـوبـي و الـمـجـامـل والـتـملق والخطيه
مـا يـغـيـر ضـحـكـة الـوجـه الـرحـوبــي مـد يـمـنـاه دون ماهي موسميه

ودي إنـي أعـطــي الـمــحــتـاج ثـوبـي وآعـطـي و لا أنـتـظـر رد الـعـطيه
مـا أجـمـع الـعـالـم ولا قول اسمعوا بي نفـسي من أطراء خلق الله غنيه


فـي بـعـض الأشـيـاء أتـقـدم و أنـوبــي عـن بـنـي آدم جـمـيـع وعن بنيه
ســجـدةٍ تـغـــفـر بـهــا كـل الــذنــوبـي خـيـر مـن عـيـش الحياة القاحليه

يـا مـسـولـف بي على الطرق الكذوبي عاقـب الله مـن ظـلـم نـفـسٍ بريه
يا صـحـيـب الـخـيـر يـا مـثـبـت طـنـوبـي الـنـصـيـحـه روح الإيـمـان الـقـويه


الـصـحـيــح من العيـوب اللي تـشـوبي قـولـهـا في الـوجـه والـنـية مطيه
بارك اللـه فـي مـن أهـدانـي عـيـوبــي و أشكره جدا ً عل هذي الهـديـه


الوم الزمن في ظلمج ولا الوم البشر ..؟؟؟ ولا الاثنين مع بعض .. الزمن ما رحمج وظلمج والبشر بعد ولا فكروا انج انتي الضحية .. والي فاقدة السعادة وانج تعيشين حالج حال غيرج من البشر وكأن انتي المخطئة ولازم تتحملين ..وتصبرين على ظلم اقرب الناس لج وكلام وقذف الناس الغريبة عنج والي ما سلمتي منهم بسبب انج تحملين لقب مطلقة وكانه جرم ارتكبتيه .. وما حصل الا في عيب فيج ..وحالة الاستسلام الي فيج والناس الي تتعدى عليج وتظلمج وبالمقابل سكوتج عنهم وصمتج الي يخليهم ييسؤن لج ولاخلاقج هل هذا ضعف منج ولا انه ايمان بأن عمر كلام الناس ما يوقف وظلمهم ما ينتهي .. ولكن احب فيج قوة ايمانج بالله سبحانه .. وتمسكج بالامل وعدم اليأس ..
هل راح يستمر حالج على ما هو عليه ولا بيي اليوم الي يكون فرج لج وسعادة تعوضج ايام الظلم والعذاب ..؟؟؟





امــــ مجروح ــل .. ابدعتي يالغاليه في هذا الجزء الرائع .. من اوله لانهايته وهو الشخص المجهول ومنو يكون بالنسبه لامل ..؟؟؟ كل ورقة بعد الثانية اروع من الي قبلها .. بالاسلوب السلس والواقعي .. والجانب الديني وونواهيه واحكامه .. ونظرة المجتمع السلبية للمطلقة .. وحياة بعض المدرسات في المدارس وعلاقتهن ببعض والي منها تجمع بعضهن بالاحترام والاخوة والبعض بالحقد والغيرة والنميمة الي جزء من الواقع الي نعيشه ..
وفي هالورقة شي تطرقتي له وهو نظرة الشاب الخليجي ونظرته والصورة الي يرسمها في خياله من هو صغير للبنت الي تربطه فيها صلة قرابه .. وتكون هالصورة هي مقياس الحكم عليها ان كانت جميلة او لا .. وهذا الشي غلط وخطأ .. لان الشكل اكيد بيتغير مع مراحل العمروملامح بتختلف عن وهي صغيرة ..
سلمت ايدينج يالغلا على الورقة المشوقة .. ونحن بانتظار الورقة القادمة بنفس الموعد باذن الله ..

السلام عليكم أمل مجروح

الصراحة قصة رووووووووعة

ماني عارفة وش أقول

ماشاء الله عليهم البنات ماقصروا

لكن أقووول سجليني من جمهورك

وجمهور الوريقات وبقووووووووووة

دمتي لنا قلما نابضا بالأمل

روح الود

وعليكم السلام ورحمة الله وبركاته

الله لا يجيب الزعل ...
اهم شي انس مريتي وريقاتي وما نسيتيها

دمتي بخير
وسلمتي من كل شر



فروحه

هلا والله وغلا زين انس شرفتي وريقاتي يالزعلانه
ابيات راااااااائعه

ما احلى تعليقس ..<< وكنتي تبين تحرميني منه ...

دمتي بخير
وسلمتي من كل شر


غزيه

وعليكم السلام ورحمة الله وبركاته

مرحبا بس بين وريقاتي

بالتوفيق ياعيوني