|
الحظوظ العاثرة بقلمي / ضمني بين الاهداب
.
. . بسم الله الرحمن الرحيم... . . . https://d.top4top.net/p_444q1ytu0.jpg روابط العثرات العثرة الأولى بنفس الصفحة العثرة الثانية العثرة الثالثة العثرة الرابعه العثرة الخامسه العثرة السادسة العثرتين السابعة و الثامنة العثرة التاسعة العثرة العاشرة العثرة الحادية عشر العثرة الثانية عشر العثرة الثالثة عشر العثرة الرابعة عشر العثرة الخامسة عشر العثرة السادسة عشر العثرة السابعة عشر العثرة الثامنة عشر العثرة التاسعة عشر العثرة العشرون . . عثرة اولى . . . مدخل . . . لااتظلم الحظ وتسمية الردي لصار مثل المال في كف البخيل مابك ثمر حتى لو أن عودك ندي وش فايدة لينه وغصنه مايميل اشتاقلك وشوق ماهو في بيدي واكذب عليك ان قلت لك ماني عليل ولاتحسبني عقب فرقاك غدي انا جريحن للجفا ماني قتيل ماحد يموت من المفراق يابعدي شفني على قيد الحياه اكبر دليل حفظ الكرامه مثل حفظي لولدي والله هداني عنك الحسن السبيل وجرحك جميل صان وجه المهتدي والله يقدرني على رد الجميل . . . بداية . . . كَ مومياء مصرية..محنطة منذو الالاف السنين مكسوة بذهب الخالص سليلة اسرة فرعونية ملكية قديمة جداً قدم الاهرام ثرية جداً..كَ نسبها الملكي..! نقب عنها عالم اثار اجنبي..وجدني بين اكوام التراب في قبراً عليه كتابات الكهنة..وطقوسهم الفرعونية ان من يفتح قبري عليه اللعنات تتوالى..! وها انا اليوم اقف بجمالي الاخاذ في متحف عتيق وهم يتهامسون عن تاريخي الازلي وعن أسرتي الفرعونية الغابرة.! أهلا بكم في الحظوظ العاثرة.. أهلاً بكم في صراع الاخوه...صراع الدم..! أهلاً بكم في ال بندر...! . . . لاتلهيكم الرواية عن الصلاة في وقتها . . . نفود..\بس انا سامحه لك تتزوج..لو مو سامحة لك كان يحق لك تتكلم ذا الكلام..انا ماجبـت الا غتار..وابي لغتار اخوان وعزوة..المرض الي فـيني يابندر ماهو مطول بي اناعارفه..! بندر بشفقه \تكفين يانفود لاتقولين ذا الكلام..انتي عندي بـدنيا ذي كلها..يكفي اني جبت منك ها الولد..الولد هذا عن عيال الدنيا..يكفي انه منك انتي ..! نفود بـأصرار..\ابي لغتار عزوة..! . . . ..\ماتت يمه ماتت...وش تسوا ذي الدنيا في عينـي عقبها ...لـيت الموت قبل ياخذها خذاني انا كيف نزلتها في القبر...كيف قويت..كيف....! ..\ياوليدي لاتقول ذا الحكي..ذا مكاتيب ربك..ولدك الحين ضمه مع حرمتك والسنين تنسيك نفود..! ...\يمه الي ينسى نفود ماله خاتمه..ليتني الي مت انا وهـي الي بقت حيه..! . . . . . . سنين تمـضي...! همس بحرقة..\انت تعرف من قبل اني ابيها وأحبها...ومع كذا انت رحت وخذتها... بندر بقلة صبر...\ أنا مارحت لها...عمي الي جاني وقال خذها واخوك ماراح ازوجه لو يطلع النخل براسه...مرجوج ولاهو بصاحي وانا اتصدد منه لين حشرني في مجلس مليان رياجيل ماهي بسيطه قال انا عطيت بنتي العنود لبو غتار..وكلهم قالو كفو تبيني اكسح عمي قدام الرياجيل الي لهم ثقل في المجالس ... بغضب كاسح\انت متزوج مرتين وحدة فطست وحدة هذي هي كأنها تريله وعليك منها عيال...وجاي تحط العنود الثالثه ..استكثرت علي العنود ...انت ماتحبها...ولاهي في راسك ليش خذتها مني والله مانساها لك يابندر...والاخوه الي بينا بقطعها من اليوم...انسى ان لك اخو اسمه عقاب...! بندر بغضب\تفرقنا مره ياعقاب انت صاحي...! عقاب...\انت الي فرقتنا ....وانت عارف انها قطعه من قلبي ماهو بس حي الله مره..!. . . . بعد سنه ونصف..! بندر..\عارف مالك ذنب بـس يا العنود ماقدر اكمل معك عقب القطيعه الي جات بيني وبين اخوي..امي مثل ماتشوفين قلبها انحرق على عقاب وعناده وعلى ذي القطيعه الي بينا .. العنود..\حرام عليك يابندر..تطلـقني عشان اخوك الداج الي ماتصفطه لأحد..يابندر خاف ربك فـيني والله اني احبك وانت داري..انت ليه تبي تطلقنـي يعني انا الي جبرتك علي يوم تشوف نفسك الحين عليك ذنب! ...\انتي يا العنود مافـيك شي يكره الرجال ..لكن عمي يوم جبرني عليك طعته وخـليت اخوي الي نفسه فيك لـيتني من ذيك الخطوه قصرت ولاهمتني سلوم ولاعوايد ولامجالس فيها رياجيل بينقدون ويستنقصوني لو وفرتك..! من ثم اردف بـ اشفاق..\يا العنود خوذي الي تبينه بس انا وانتي مانعيش تحت سقف بيت واحد..سنه ونص وانا على جمر اتقلب ..! العنود..\وش لي بكل شي دام انت منت في ذا الشي..انت تحسب الفلوس والا أي شي بيغنيني عنك انت راس مالي يا بندر..وماشوف الدنيا الا في عيونك..وانت تحسب عقاب لاطلقتني بيرجع علاقته فيك كلنا نعرف عقاب مافي راسه الا العناد ... من ثم اردفت بـبكاء..\لاتطلقنـي خلني على ذمتك راجع عمرك..! بندر..\لاتصعبينها علينا ..انتي تعرفين اني مابي اظلمك اكثر من كذا..وانا عارف اني محقوق منك وكل كلمة بتقولينها في حقـي استاهلها.. العنود بحسرة..\وش اقول فيك يابندر..انت حظ من هي عندك..وانا عارفة اني قليلة حظ من يومي ..يوم تفرقت انت واخوك عشاني.. همس بوجع \المُهر معك حتى لو تاخذين عقبي رجال والله العظيم ماحرمك منها ولااخذها منك..ولو انتي في ظل عشرين رجال يا العنود الي تحتاجينه يجـيك ولو ابيع هدومـي عشانه...! . . . أخوي كواني في الحشا كيتين بضو... وانا لاجيت اكويه ماناشته ضوي...! . . . أنت متأكد من ذا المشروع الي بتدخله...طيب ماتشوف انها مغامره مافي يدنا الا راس ذا المال الي بتدخله ياعقاب...! عقاب \لاماعليك انا حاسبها مضبوط ناخذها بربع السعر ترا كلها مكسب...بس شوي مغامره مايضر..., رياش\وشلون مايضر مافي حيلتنا الا ذا الفلوس...وش رايك تاخذ سلف من اخوك بندر ماشاء الله فاتح ربي عليه خير من يوم خذا مرته الاوله نفود ... وكأن ماس كهربائي شطره لـنصفين...\لو أشحذ ..لو تلقاني بجوامع فاتح لناس يدي وأقول عطوني مامديتها لـبندر الخسيس...! هز رياش رأسه بـ أسى...\ الله يقطع النسوان ان كان لاجاء لهم يد في شي يخربونه دايم...! عقاب بحسرة...\والله لاخليهم يعرفون عقاب المرجوج الي مايحسبون له حساب كيف بتجـي سنين يعمي لهم فيها عيونهم..!! . . . أخوي كواني في الحشا كيتين بضو... وانا لاجيت اكويه ماناشته ضوي...! . . . قبل سنتين من اليوم...! ببكاء عميق وهويهمس في اذنه..\يالله ياغتار..وش ذي السرعه الـي ماخلت فيك عظم سالم..كيف هنت عليك تخلـيني اشوفك بذا الشكل..! ..\ليتك تشوف أبوك بندر الي يهز له اشناب اذا وقف كيف يبكـي هنا كأنه بزر..كسور..كسور..ونايم كذا لك شهور ..ماتبـي تقوم تشوف وش الدنيا صاير فيها.. ..\انت ماتحس في ابوك..تحرك قوم..انت يوم طحت تحرك لك سرية كاملة انت قايدها..والحين كذا ياالله لاتوجع قلبي فيه اكثر..! . . . ...\هذاني اطلع راتبك كلها صدقه..الحق ذا..واسدد ايجار ذا..واعطي الايتام...واتبع العمال الي مايلقون حق عشاهم..بنفسي..ماخليت احد يسويه..يمكن ربي يرحمني لاشافنـي كذا بذي الحاله... ...\خذيت لك اعفاء ياغتار..انا عارف انك بترجع انا قلبي يقول ربي ماهو مخيبـني ابد..حتى لو كل الدكاتره الي فوق راسي يقولون العكس...انا مسلم..وانااعبد لي من وسعت رحمته كل شي...! . . . بندر بـ ابتسامه..\بخلـيكم مع خويكم اجل..عندي ناس في الجناح الثاني بزورهم... زملائه..\اي يا ابو غتار خذ راحتك ...! خرج بندر... ليهمس سيف...\الله أكبر ماكأنه في يوم وقف وقام بكل بجاحة الدنيا شايف عمره علينا..ومفصل الضعوف الي يغيبون واجد..ولامشى على ارض ربه كأنه مالكها.!. سعد بـنفور...\سيف..انت جاي تعود لك مريض والا تشمت فيه... اقترب منه بعدم تصديق..\شف على كثر فلوس ابوه ماقدر يحرك فيه عظمه هذا هو نايم من شهور ..بس ماشاء الله على ابوه محلقه ومهتم بشكله ووجه يلمع مأكن له شهور كأنه ميت...! سعد..\اعوذ باالله منك..انا وين جبتك وانا عارف انك والي وراك يكرهون ذا الولد..عشانه نظامي ويحب شغله صار فرعون عليكم..! سيف..\وشايف عمره علينا بـ اسم ابوه واسمه..ماكأن في ذا البلد الا ذا الولد لاكلم احد كأنه يعد الكلام عد ..وكله غرور وشوفة نفس..وشوف ربك وش سوا فيه..ربك مايحب الي شايفين عمارهم بعد! سعد بغضب.\ مع ان قصة شوفة نفسه صحيحه لكن والله خسرنا الشخص المثالي في المكان المثالي...شخصية ماتتكرر كثير لكن خلنا نمشي..انت كلامك مثل السم ولاانت جاي تعود انت جاي تشمت..! سيف بـ أبتسامه لـيشعل سعد..\فتناك بعافيه يا قايدنا..! سعد بغضب..\استغفر الله...جلعنـي اشوفه يمشي مافيه الا العافيه ويزودك غيض انت والي وراك..! سيف..\ذا فيه عشرين الف كسر مدقوقة عظامه دق ونايم من شهور ماجد فيه جديد...قول الله يريحه.! . . . . . . ايام طويلة اخرى تمضي تباعاً..! . . . ...\لااله الا الله...انا كنت متأكد متأكد من فرج ربـي..ياالله لك الحمد.. ..\كيف قام يبه...كيف فتح عيونه كذا فجأه... ..\والله ياولدي مثل دايم اقر القران عند راسه وفتح عيونه فجأه وقعد يطالع السقف ساكت..ناديت الممرضين والدكاتره وجوني ..وشافوه فاق فحصوه قالو الحمدلله يعاني بس من فقدان ذاكره بسيط عشان الوقت الي هو فيه غيبوبه..بس يحتاج لـعلاج برا عشان الاصابه الي فيه ورجله...وعشان يمشي طبيعي وبمشي انا وهو بكره ان شاء الله..! . . . أخوي كواني في الحشا كيتين بضو... وانا لاجيت اكويه ماناشته ضوي...! . . . . في وقتنا الحاضر..! . . الحب للشجعان الجبناء تزوجهم أمهاتهم...! هكذا تكلم بكل حزم في وجه والداه...الذي يعلم بعلاقة الحب التي تربطه منذو سنين مضت بـ فتاة ..! فتاة يعلم بـل متأكد بإن علاقة حبهم العذري الذي لم يتعدا ذاك تنافي جملة وتفصيلا ماتربى عليه...ماغرسه والداه الصارم به... تنفي كل قيمه ومبادئه...هو نفسه...لايقبل به...لكنه قبل ياعجب التصاريف...! أتكىء بكامل هيبته بصوته المعجون بـ الف حكايه وحكايه عن الرجولة الخالصه / أنا ماربيتك وكبرتك وحطيتك مثل النجوم أنت وأخوانك على كتفي فتعيد وتزيد في سالفة حتى المراهقين مايسونها...! أبتسم بسخرية/ بس انت عارف ماني بمراهق ولا ولد أمس...! / وهذا البلا انك منت مراهق ولانت بولد امس انت ولد الثلاثين وولد الثلاثين باخس شوي من الدنيا فاهم وراكز..ماهوب يجيب علوم الصياعه والصرمحه...! هو أمال رأسه قليلا ثم زفر وجلس بمقعد امام الهامة البندريه التي أمامه...! أعاد في صدره مقولة[ أذا كبر ولدك خاويه] ليلتهم في صدره الف رغبة في ان يصفع ذاك العنيد الف صفعه ليفيق ويترك هذا الموضوع الذي يفقده أعصابه كل ما أستدار في دائرة حوارهم / أنت تبي تتزوجها...؟وتزوجتها...بتامن فيها على بيتك وعلى عرضك من خانت أهلها وطعنتهم في ظهروهم..منت بعاز عليها ولوبعد سنين..! همس بهدوء/ أنت عارف أني من يوم تعرفت عليها وانا باخذها وأنا اول شخص في حياتها اساساً أنا اعرفها زين وباخسها..وعلاقتي معها ماتعدت لـمايغضب الله وانت عارف..! ...\أنت أذا هان عليك نفسك لذي الدرجه انك تكلم بنت وتبي تتزوجها...هان عليك أبوك يجي بكامل قدره وهيبته يجي يخطب لك وحدة مثل هذي !! قفز ليستقر عند أقدام والده القابع على مقعده المخملي ليهمس/ يبه أنا لها وهي لي لاتجيبها من أبواب مسكره عارف ذا الحكي ماهوب لي ولا انا له ولاهو ثوبي ولاهي علومنا ولاسلومنا...لكني ابيها..! غضب بشده ليكزه بغضب بطرف اصابعه..\قم انقلع مني لابارك الله فيك ..! على الجانب الاخر حرك عكازه الانيق...وهو يتكـئ عليه بكفه..من ثم فتح باب خزانته...شد شماغه من التعليق...والقى نظرة على بدلته الانيقه..وصف تلك النجوم الامعة.. رابضة هنا منذو سنتين..منذو ذاك الحادث الكارثي بكل مقايسيه.. الذي قلب كل شيء في حياتي...! اغلق خزانته..وتحرك نحو المرأة. هكذا اصبح... خرجت من الموت... ومع رحلة العلاج...عدت كما كنت...! ومع ان الذي رأني بعد الحادث مباشرة لايصدق انـي اقف الان..! ولايصدق بإنـي حي..! نعم أقف..! قد يكون نصف وقوف...! لكن على اية حالة نصف الوقوف هذا جعل من يقفون على اقدامهم يتساقطون تباعا.... فكيف لو أنه أقف بينهم بوقوف كامل..! حرك عكازه الانيق مع خطواته المائلة قليلاً... فقد خرج من تلك الاصابات ورحلة العلاج..بـ عرج خفيف.. ورفيق جديد بعد الرتب والنجوم ..عكازي..! لكن لاضير...! عندما توسط الصالة الكبيرة...كان والده بندر يـتكلم بهاتفه وقد بدا معالم الغضب متضحه... من ثم أغلق هاتفه..! غتار بـستغراب..\عسى ماشر..! بندر بـغضب...\ها الكلاب الي طالعين لـي من كل حدب وصوب يحسـبون انهم لاتفقو علـي خلاص برضخ لكلامهم وبقول سمو وحطو الي تبونه...! أبتسامه ساخره..\نويصر وربعه..لاخلهم علـي هذولـي انا مرتب لهم عشوه فاخره... بندر \وش مسوي..؟ غتار بخبث..\ بفتح لي محل ضخم للاثاث المستورد لكن بسعر يكسر تجار السوق ويركعهم تركيع..بخليه بسعر التراب والجوده بنحط نص الجوده اضمن لربح لكن ماهي جوده سيئه ابد بتكون منافس مرعب للي مسوين لنا شوشرة ثم اردف..\ وراح تكون المحلات ذي اسعارها في متناول الشعب والي رواتبهم على قدهم والشركة الكبيرة راح تكون لعلية القوم الجوده الممتازه والناس الكاش ..فاهم علي..يعني دخل ضخم جديد لشركه الام...ثم عاد يومين ويجيك نويصر وربعه يتبكبون عشان يبون تحت جناحك من جديد..بس خلهم ينشلطون شوي..! بندر يقف \زين ماتسوي اجل...! أبتسم وهو يودعه بيده...وخرج من المكان...تحت نظرات بندر...! رحلة به الذكريات عندما قرر ان يدخل معه في الكار الذي يعمل به الاثاث والسلسلة الضخمه التي اديرها وابنائي لايرغبون بـ أدارة اموالهم فـ أنا لست باقي لهم.. فكل احد فيهم في مجال اخر تماماً.. ويأتي حادث غتار ضار نافع.. ليقبل على التجارة اقبال الفطن الذكي المتخابث والذي وجد غايته في الابتعاد كلياً عن عمله الماضي وزملائه السابقين ويدخل مجال ضخم جديد... فجعل اعدائي يدورون على انفـسهم...! أعتقدو ان الذئب هرم...ليفاجئهم أبنه فيضع نقاطهم التاهة على حروفهم..! ثم أطلق تنهيدة موجعة في صدره...تكبر تلك التنهيدة كل يوم...! أحياناً تكون شرارة...وأحياناً تصبح متأججه كـ البركان...! يحترق عندما يراه عازف عن الرغبه في الزواج..عازفاً تماماً يريد أن يرا له حفيد منه بذات...! يراقصه في أحضانه...يغني له...وتضيع مفاتيح سيارته من بعد لعبة منه شقيه...! لكنه ورث مني الصمت المُرعب...و...الحضور المُرعب...! أبن نفود..! ياالله يانفود ليتك ترينه الان...! ليتك تطلين على الحياة تخبرينه أني وصلت لمرحلة الاشفاق على نفسي شوقاً كـي يتزوج...وأرى أبنائه...! أقسم باالله ثلاث لو أعلم أن له حبيبه...لأرمي كل عاداتي وتقاليدي خلف ظهري وأتبعه لها ...! أخطبها له...لو طلبو أسرتها مثقال كل شخص بهم ذهب...لفعلت...! نفود...! أخبريه في منامته ...وغفواته...بكل تفاصيل حكاياتي الصغيره التي في صدري كل ليله أحكيها لك...! وأخبريه...! افديه بـ العمر ...بسنين...بكل جبروت بندر وقوته لاتساوي شي أذا أقبل علي أبن نفود...! . . . . . . . . . أخوي كواني في الحشا كيتين بضو... وانا لاجيت اكويه ماناشته ضوي...! . . . السنين التي تمضي هي لاتورث الرماد بعد النار دائماً.. بعض النيران هي براكين تخمد أحياناً...وتثور أحياناً... أنت فقط عليك المراقبة والانتظار...! كان يقف كـ شاب في الاربعين...محافظ على صحته... وله برنامجه الرياضـي الكامل الذي يسير عليه دائماً... تلك السنين التي مضت أنضجته... والسنوات التي عبرت كأنها لم تعـبر على وجه ولاجسده... بعض الرجال..شبابهم لاينضب مع تقدم في السن بل يزداد وسامة ورجوله وفخامة...! أبتسامته المرسومة على نصف فمه...مقيته ...ومستفزه... همس بثقه\ هذي ارباح المشروع الي ماعجبك يا رياش..قايل لك أي شي احط يدي فيه اقلب ترابه ذهب..! رياش يعدل نظارته العريضه جداً السوداء...ومسبحته الصفراء بيده الاخرى... حرك أحدى قدميه ليـضع قدم على قدم لـكن كرشه اعاق خطته ليهمس بضجر..\ذا المفطحات والـكبسات خربت جسمي...! غرق في الضحك...\رياش والله اني من سنين عارفك وانت تقول رجيم وماشوف الاضرب الخمس...حن عمرك من الامراض..., بـغير مبالة\اجل أحرم عمري مثلك وماأكل الامثل الطير...العمر فاني فاني...وان سويت رجيم ومت في حادث...ها وش يفيدني يومني اخاف على عمري من امراض .. أشار بكفه المفتوحه واصبعه الصغير يـزينه خاتم من حجر ثمين بـفخامه لـيتحدث بهدوء ...\وأنت ماعندك الا ذا الحكـي...أقل شي نفسك ..وتكون خفيف..وشكلك يكون زين...وبعدين ماتعلمني بـذا الشكل الي من عرفتك وانت فيه...نظارتك تلبسها ليل ونهار وشمس وغيم...وذي السبحه من سنة امي يومها حيه...واللحية حنى ..يارجال ياصبر حرمتك عليك...! أشار بيده بـ أصابعه الثلاث\تقصد حريمي...لو تشوفهم كل وحدة بتذبح عمرها علـي...كأنهم خيول تطارد عشاني...ماقالو ابونظارة ولا ابو كرش مثلك... أبتسم بثقل\أيه نسيت ان الاخيره في نص العشرين ياصبرها عليك غير ماحدها عليك الظاهر الا دراهمك والا انت من يطل في وجهك... قهقه وغرق بها... \ الدراهم تزين كل شي ماعليك...وتخليك أزين رجال في عيونهم...! صمت موحش من جهته...! أبتسم رياش وهو يلتقط بذكائه ومكره ذاك الصمت لـينقله لموضوع أخر...\بنيتك متوظفة فـي أي مستشفى...؟ رمقه بنظره غائمة\ مستشفى النقاء...معروف وكبير... غمزه بمكر\دزيتها بواسطتك ومعارفك..! ...\لا...هـي شاطره ماهي محتاجه واسطتـي...وبعدين ولدك هو مدير المستشفى يعني ماقالك يارياش..؟ وضع أصبعه على لحيته البرتقالية اللون و بـتفكير \أيه أيه...الاقال لـي..بس تعرفنـي احب انشد وزودن نساي..! بهمهمه..\تنسى الي تبي وتذكر الي تبـي..! تجاهله رياش لـيردف\أنت وش بلاك ماتعرس على حرمتك وتغير حياتك ..ماغـير ذا الثنين فارس و وفخر...والمره الوحده تجيب الهم وتقصر في العمر..!, حرك حاجبه وأبتسم\تبـي فخر تذبحـني...وبعدين زين اني خذيت أمها عشانـي أبـي احد يشل أسمي ...والا العرس سامحة خواطرنا منه من سنين يارياش والانسيت..! . . . . . . أخوي كواني في الحشا كيتين بضو... وانا لاجيت اكويه ماناشته ضوي...! . . . بعد اربع ساعات.., . . بقامته المتوسطة الطول وبدلته الانيقة تلك النجوم الامعة التي تزين كتفه...الاسم العريق الذي يزين صدره... واقف تحت حرارة الشمس الاهبه.. حاجبيه المعقدوتان.. ونظارته الشمسية وشفتيه المزمومة بـمزاج سيء جداَ...! كان ملفت بـ أبسط تفصيل وشرح...! فـ...هو ملفت ...والاسم العريق يجعل رقابهم وأعين الفضولين تُراقبه...! ماهي الادقائق...والسيارة الفخمة تتوسط المكان ليتحرك بـسرعه ويفتح الباب لـوالده... فـينزل بندر بـعكازه ويقبل غـيّام أنف والده وكفه بعد معركتهم الصباحية.. بندر بغير أهتمام\يالله عجل تأخرنا على الرجال الي بنزوره انت تعرف وينه فيه بضبط..؟ غيـّام \أيه يبه...تفضل طال عمرك ... كان السائق يسابق بندر لـيفتح الباب ويخرج العبائة البنـيه ويناوله لها\تفضل طال عمرك...! ليتناولها بندر ويضعها على ذراعه ويسير بمحاذة ولده...! وبتذكر..\اليوم عند اختك المهر موعد ذكرني فيه لاطلعت .. بحاجبي معقوده..\ابشر ابشر المصادفة الغير مرتبة كانت في تلك التي تسترق النظرات لـغيام وهو لايشعر...! كان ذاك الشخص الذي ملئ المكان بـحضوره كفيل ان يلفت انتباه الجميع بما ضمنهم هـي... لتأتيها المصادفة الجميلة...كان هو..حب حياتها ومراهقتها..! يقف بمزاج سيء وأنيق جداً حتى في غضبه...! ثم مالبث أن شاهدت ولداه يحضر لتعض شفتيها بـتخاذل وهـي تشاهده... ليأتيها صوت والداتها...\هذا تاكسي امشي نوقفه... قبضت على كـيس الادوية الخاصة بوالدتها...\طيب يمه...! ثم أمسكت هاتفها النقال لتبعث برسالة صغيره...\شفتك اليوم...صباحي حلو مع انك كنت معصب...كنت جنبك بضبط...ثم بعثت بفيس يبتسم...! كان هو بمقابل في الاصنصير...ليأتيه مسج ظن انه من مكان عمله... رفعه فـ أبتسم بهدوء وهو يرى أسمها العالق في منتصف قلبه... ليأتيه صوت والده المقرع...\خل الجوال في يدك لانفتح الاصنصير الحين والرياجيل قدامنا أمنعني من الجوال همس بجديه \أبشر طال عمرك... وضعه في جيبه...لـيغرق في التفكير بها...! لم يكن أبداً صاحب طريق منحرف...ولم يكن يعاكس الفتيات أبدا..كانت مصادفة بحته...كانت فترة مراهقه بعيدة احب يجرب كما جرب أصدقائه ويعبث بإي رقم فوقع بـرقم كانت هي...! كـانت صديقته القديمة فقد تتدرجت معه من المراهقه لشباب...من صفوف الدراسه الثانوية لـ الكلية العسكرية لفرحة التخرج لـ أول نجمة لـ أول فرحة...لـجميع اوقاته العصيبة والسعيدة كانت هي حاضرة فيها...! لم يراها...ولم يطالبها في يوم بصورة لها او خروج كـ غيره...كان مختلف تماماً ...! على الجانب الاخر... خلف زجاج النافذه المتسخ..تعيد شريط ذكرياتها معه... أحبته بشده ف هو عالق في منتصف قلبها منذو مراهقتها مراراً حاولت أن تقطع تلك العلاقة بينهم لكنها تفشل فشل ذريع... فـ هو لم يكن يطالبها بصوره ولابخروج..كانت علاقتهم أكثر عمق كانت صديقته وهو صديقها الحقيقي...! تذكر جيداً كيف يساعدها في أشد الظروف قسوة ... كيف توسط لها لتعمل في مكان فخم لم تكن تحلم به ولا في أكبر أحلامها...! كيف أخرج أخيها عندما كان مراهق عابث تعارك مع أخر وكيف تعذرت لـ أهلها بإنه شقيق صديقتها ليأتيها اخيه بفرحه غريبه ويسألها كيف وقعت على اسم عائلتها تلك الصديقه العريقه...! هو كان داعم أساسي لها...وهي كانت صديقة خفية أيضاً له...! لكنها تعلم جيداً بإن طريق هذه العلاقة مسدود بإحكام...! . . . أخوي كواني في الحشا كيتين بضو... وانا لاجيت اكويه ماناشته ضوي...! . . . على الجانب الاخر... فخر تخطو الخطوات الحثيثه للاحق بـ المصعد لـتدخل على عجالة وهـي تهمس بتسمية..., وضعت هاتفها بـجيب البالطو الابيض..ورفعت عينيها لـتجده واقف أمامها... ياالله ذاك المقيت نـفسه...! هو الاخر دحرج عينيه للجهة الاخرى بـتأفف واضح وهو يتذكر تلك الطبيبه الـمقيته... من سائقها أصتدم بسيارته الاسبوع الماضـي...! ومن أبتلعت أحد الزملاء بـكلامها الذي وقع على زميلة المسكين كـ السم وهـي تقرعه بـعد كلمة ناعمة منه كانت فيه رسالة مبطنه بمغازلتها...! كادت أن تقذف ذاك الزميل بكوبها الساخن وهـي تلتقط مغازلته المبطنه لتأتيه مصارحه وبشكـل مباشر...أنت تحاول مغازلتـي...! الا تخجل منك نفـسك ومن الكلية التـي تخرجت منها ام خرجت لها ثوراً ينتمي لقبيلة الثيران ...! لأتحاشه وأتركه وحيداً وقد أصبح بـطول أحد الاقزام السبعه من كلماتها الـتي وجهتها بشكل مباشر له... وأسمعت بـمقابل زملائه الواقفون لينحصرون كلهم بـرتباك..! أمال عينيه بلامبالة لـبطاقتها الطبية... فضول منه ليعرف أي القبائل المشئومة أنجبت تلك الزومبي...! بتأكيد أنها حين ولادتها حصل شي ما في قبيلتها وفاة او مجاعة جماعية قتلت نصفهم..! كان الله في عون تلك القبيلة...! توقفت عينه عند بطاقتها الطبية والاسم الرنان الذي يزينها لـينصعق وينشطر لنصفين وهو يتمعن فـي الاسم..! فخر بنت عقاب البندر....!!!!! وكأن أكسجين المكان سُحب منه دفعة واحده...وهو يقف مشدوهاً...ويخلو المكان فجأه منها عندما توقف الاصنصير وخرجت... ليمتلئ في ثانيه من مراجعـين لمستشفى ...! وهو كـشجرة زرعت فـي المكان...! . . . أخوي كواني في الحشا كيتين بضو... وانا لاجيت اكويه ماناشته ضوي...! . . . من ذاكرته ...! كان صوتها الملول ...\فارس معلـيش انا بقولك الشي الي بخاطري منك...انت ماودك تسوي عملية تكميم او أي شي يخليك تنحف..بصراحه ومن غير زعل يوم شافوك صديقاتـي بملكتنا صارو يعلقون علـي ويضحكون ويقولون وش تبين بهذا الدب...ماهو مهتم الا ببطنه ...! كان كلامها شطره لـنصفين...ليهمس بضيق\بس انتي وش تبين بمظهر وش يهمك كلامهم فيه...! بـغضب\وشلون وش يهمني فيه...أكيد يهمني وابكي منه بعد..أنت راضي بشكلك كذا...كيف ..! من ثم اردفت..\ماتشوف عيال خالنا خالد وزياد والباقين كيف محافظين على شكلهم ومتناسقه اجسامهم سبحان الله كيف منت مثلهم مع انك خويهم الي .. قذفت بكلامها الموجع غير مبالية..هو يعلم بأنها أنسانه غير مباليه صاحبة افكار ونظريات تافهه.. لكن لم يطعه قلبه... وعندما وافقت عليه شعر بـ أن النجوم أجتمعت في يده همـس بغضب\أنتي تجرحيني بكلامك وتقللين من قدري...! تأففت\انا صريحة...بس ان شاء الله لاسافرت معك اكمل دراستـي بخليك تسوي تكميم والاتشوف صرفه لك...! بصراحه شعر بأنها تقتله عندما خرجت منه\ عهد..صارحيـني أنتي أرتبطتي فيني عشان تكونين متحرره من قوانين ابوك وتسافرين معي تكملين دراستـك دام اني مسافر عشان شغـلي الي ممكن يكون بـرا...؟ بتردد\ممم...شوف فارس انت تعرف ابوي مستحيل يخلـيني اسافر اكمل دراستي برا..وانت بتحقق لي ذا الشي...انا مابيك تزعل منـي بس الصدق ايه عشان كذا..., من ثم على استحياء\وعلى قولة ابوي يكفـي انك ولد عقاب...وعقاب ماهوب بشوي..عز واسم ومركز...! قذفت به...! أبتلع ريقه بـخيبة أمل عظيمة... من ثم أستأذن منها بتهذيبه المعتاد...وأغلق الجوال..! قذف بهاتفه وهو يـشعر بأن شي ما فـي صدره قد انفجر...! يـشعر بروحه الرقيقه تتمزق..تتحول لـرماد...لـشيء ما يولمه..! وقف بترنح...ونظر فـي المرأءه الضخمه الـتي تزين غرفته الواسعه...! هو طويل جداً...ولم يشفع له طوله... فـسمنته أضاعت بكل شي...وحتـى ملامحه...تفحصها...مختفيه خلف اطنان تلك السمنه...! يـشعر برغبة عميقه با الاستفراغ...! من حلم طويلاً با الاقتران بها..أبنة خالته الجميلة... هاهي تندب حظها لأنها أرتبطت به..! لم تراعي أي شيء وهي تخبرني بـ أن سبب أقتناعها هي رغبتها في السفر معه لأكمال دراستها...! لكن هو...لأ أعتقد كانت تريدني في يوماً زوجاً...! ياسذاجتي... فكتلة الدهون هذه...من يرضى بها..! لم يعلم كم مضى من الوقت ساعات وساعات...وهو يدفن رأسه تحت الوسادة...! لايعلم كم أغرق تلك الوسادة بخيبات الامل العميقة..! والاحلام الكثيرة التي خطط لوضعها تحت اقدام تلك المدللة..! وهاهي تخبرني صراحة...بحقيقة مهلكة... قشور هي مجرد قشور...! سمع الباب يطرق...من ثم يستدار وصوتها العميق يأتيه...! فارس ...بسم الله عليك...وش ذا النوم كله...والغرفه ليش ظلام كذا ...! كبـست النور...! لتجدني قد استويت من السرير..وشعر مشعث... همست بستغراب...\سلامات...عساك مو تعبان...! خطواتها تتقدم وتمسك بجبينه بستغراب...لتجده فعلاً ساخن... فخر...\يو انت حار...لايكون حايشك برد..؟ فارس بـصوت متعب...\لا...بس..! بتر جملته...وتكورة روحه..! التقطت فخر تلك البتره...لتستوي بجلوس بجانبه \وش الي بس...فيك شي...! أدار الدبلة الفضية بـوجع...من ثم همس \لامافي شي...بس شكله سخونة الي فيني..! زفرة بضيق\شوف انتي بتقول لي والا كيف...يعني ناسي ان حنا مثل التوم ونحس في بعض كثير..! كان وجها الدائري الفاتن يجعله يبتسم بـرغم منه وهو يراها تغمز له .. ليزفر...\شكلي معلق امال كبيرة عهد..وهـي وحده سطحية بزياده...او يمكن دلوعة مادري..! عقدة حاجبيها وزفرة\ اها ..الموضوع في عهد...وش فيها ست الدلال...وش مضايقتك فيه بعد...! فارس...\متضايقه من شكلي...تقول انحف..والحقيقة تقول ماخذيتك الا عشان تدرس برا..! بغضب\ وشو...عشتو بنت وضحى تبي تدرس برا كأن العلم مقطعها وهي ماتنجح عندنا الا دبل السنه سنتين ولاهي بحقة دراسه ولا علم... ياما قلت لك ان عهد ماهي الا وحده سطحية مالها هم الا مكياجها وشكلها قدام الناس..ماهي حقت بيت ولاحياة زوجيه ولاحب ولابطيخ بس انت لاعب فيك قلبك... وليتها تستاهل ذا الحب الي انت شايله لها...! فارس حك طرف حاجبه...\يـعنـي ماشافت فيني الا سمنتي هذي...ماشافت اشياء ايجابيه فيني...صدمتـني يافخر...انا ماني مستوعب الي سمعته منها...! فخر\والله ماودي اكون شرارة تزيد النار لكن انت خذيت أسوء وحده في خواتها...وماجاك من الجمل الا أذنيه...أنت تبـي تأسس حياة زوجيه متكامله مع وحده فارغه.. صمت موجع من جهته... هو لم يكن يوماً كره جسده كـما اليوم... عندما قذفت بكلماتها السطحية في وجهه.. من ثم كالت عليه الوجع... بأن قالت ان اسم والدك هو الذي دعم موافقتي عليك...! أي زوجة اتخذت..وأي حب وقعت به..! . . . أخوي كواني في الحشا كيتين بضو... وانا لاجيت اكويه ماناشته ضوي...! . . يوم جديد.., كان يتبادل اطراف الحديث مع الضابط الـذي تعرف عليه لتـو من صديق مشترك بهاتف... حضر بنفسه للقسم...لم يوكل أحد... أحب ان يخرجه بنفـسه...! كان قد أستأذن من عمله عندما أتاه أتصالها الباكي...ليخرج من عمله... بدلته الانيقه وشعارها الانيق والاسم الرنان الذي يزين صدره...يتفحصه بعينه الفضولية...القوات الجوية السعودية الملكيه وتلك النجوم التي تزينه برتبت نقيب... هذا كفيل بإن يجعل هذا الضابط يستميت من اجل التعرف عليه أكثر ومساعدته فكل شيء في هذه الحياة تبادل مصالح... همس الضابط\اصلاً قضيته بسيطه... أبتسم غيّام\عارف الله يعافيك...لكن انا مابيه ينام في القسم...تعرف مراهق وأصغر شي يإثر فيه...! الضابط \صحيح صحيح...الحين اظهر لك على خشمي واخليك تشوفه وتطمن عليه ويطلع بيدك... غـيّام\عليه الشحم...لكن ماهو بلازم يشوفني ويدري اني بطلعه من كل مشكله...أقول ازين يطلع ومايلاقني ولايدري اني الي طلعته أصلاً الضابط \أبشر... وقف غيّام بعد ان تبادل الارقام مع الضابط...وخرج ليتناول هاتفه..وترد هي على الفور...\ها ..خلصنا يا سمو الاميرة وهج...أوامر ثانيه...! وهج بصوته الباكي..\صدق غيام انا مدري وش اقول لك غير اني دايم متعبتك معي ومشغله راسك فيني بـمشاكلي... أبتسم وهو يركب سيارته...\مابينا ذا الحكـي...أبد ماننسى لك فزعات ياوهاج...! غرقت بضحك وهي تتذكر موقف قديم كان سبب هذه التسمية...لتهمس \باقي متذكر وهاج..خلاص أنسى يا ذاكرة البعير... غيّام يدير مقود سيارته...\وبعير بعد...طيب...! بصوت رتيب هادئ\انت أثمن شي في حياتي ...يارب اقدر ارد لك شوي من انت قدمته لي...غيام لاتحسب اني غافلة اني احرجك بإني ادخلك في مشاكلي وابوك شخص معروف واي فضولي بيقول وش جاب ذا لذا...! همـس بجدية\وانتي تحسبين الناس اول همـي انا لو الناس همـي كان امور بحياتي كثيرة وقفت...وبعدين ياوهج تدرين مستأذن من داومي وبراس الخدمه جاي عشان خاطر عيونك...واخر شي تقولين مشاكلي...ليت كل مشاكلي انتي... همست بصدق...\ايه..عشان يشيب راسك بدري...وتقول شيبتي براسي ...!وبقولك شي بيـخليك تدخل دوامك ونفسك مفتوحه...! غـيّام\ايه قولي..عاد وجيه الي قدامي تسد النفس... وهج\شفت صديقك راجح الي قلت انه متزوج الثانيه مسيار...تعرفت على الاولى بدوامي عرفتها من اسمها عشانها بنت عمه ولماسألتها قالت ايه زوجي قلت انا كنت ادرس مع اخته..وتبادلنا الارقام وش رايك افضحه عند حرمته.. غرق بضحك\والله انك سوسه وبتسوينها...فكينا من شرها تراها شر بتذبحه وتصلخه.... غرقا في حديث بحت...تسرد تفاصيل يومها..ويسرد تفاصيل يومه....وبـقية الايام لها كلمتها عليهما...! . . . . . . كان لـتو عائداً من عمله...فقد كان الوقت متأخراً نوعاً ما ... وكان يتحدث في طريقه معها... أوقف سيارته أمام باب بيته ..وفتح شباكه..وظل يحادثها بـخفوت صوته المعتاد..وبـ أسم وهاج الذي أعتاده...من ثم ودعها بعد دقائق...! زفر بهدوء وهو يضع هاتفه بـجيبه...ومن ثم غرق بصمت المكان ... كانت أنارات الحاره قد خفتت والسكون يعم المكان حتى كأنه مهجور... ماهي الا ثواني... حـتى سمع صوت صراخ ملى المكان...! قفز من باب سيارته وعينيه تتوجه لـمكان الصوت... فلة جاره.. نعم متأكد الصوت أنطلق منه..! والصوت النسائي واضح جداً...وهو نداء أستغاثه...! ركـض بكل قوته لـمكان الملاصق لـفلة والداه... فلة جاره أبوسلمان...! نداء الاستغاثه كان يجعل كل شعرة في رأسه تقف وهو يحاول ركل البوابه الضخمه بكل قوته...فلم يفلح.. تراجع ... نظر بنظره متفحصه لـمكان ما بـسور...أتكىء عليه بـحركة رشيقه...من ثم على طرف مولد الكهرب الضخم ليقفز على جدار السور... لحظات وكان غيام قد أستوى على السور ليقفز برشاقه بداخل السور ماأن أستوى في السور البيت... حتى أرتفعت عينيه لتلك التي تستغيث من الشباك الـعملاق ...! وكانت كـ المجنونة تحاول رمـي نفـسها من الشباك...! غيام بـصرامه وهو يشاهد فتاة تهم بقفز...\لاااالأااااا.... غيام بخوف\ لا لا تنطين ...! هـي برعب وكلمات متقطعه...\ بتذبحـني بتذبحـني...معها ساطور...أنجنت...!!! صرخ بأعلى صوت...\من...لا..تحذفين عمرك...! كانت تتلفت بـخوف...من ثم تعاود الصراخ المرتعب...! غيام بـصرامه...\من الي بيذبحك...يابنت انتي صاحيه والا ممسوسه...! من ثم صرخ بـصوت عالي...\ماااافيه أحد في ذا البيت...! هـي بـصوت مرتعب...\ااالشغاااله معها اا ساطور...اا...نا...برمـي نفـسي... هو ما أن سمع جملتها حـتى تملكه الرعب من فكرة ان هناك خادمة خلفها وتريد قتلها وهو من هذه المسافه لايستطيع ان يفعل لها شيء والمسأله تريد لها وقت والوقت ليس في صالحه لكن...وجدها قد وقفت وأغمضت عينيها ... غيام بصوت صارم..\انتي بتموتين كذا..., هي رأت طرف الـمكيف واردات ان تقفز عليه...ولكن المسافه تجعلها تزادد خوف..! تشبثت بـطرف الشباك وهي تحاول الوصول لـمسافه الفاصله... برتباك وتوتر وبكاء ..قفزت لطرف المكيف وتمسكت بـه.. وظلت عالقة فوقه...امام عينـي غيام الذي وصل الجنون عنده لأقصاه وهو يرى شخص يتنرح من تلك المسافه الفاصله...وسوف يسقط لامحالة... غيام بـتوتر..\شوفي فيه جنبك الحين حاجه تمسكي فيها لاتطيحين ..انتي الحين مكانك كويس لاترمين نفـسك تسمعيني...! هي في الحقيقة لم تكن تسمعه فقد كانت تبكي بصوت عالي...!! رفعت رأسه لتطل على المسافه الفاصله الان..اقتربت من الارض ...لكن اقتراب مرعب..فسقوط سوف يجعله بكسور لامحاله...! غيام بصوت عالي وهو يدرس مكانها بـسرعة برق..\تقدرين تمسكين في الديكور الخارجي الي انتم حاطين تحت المكيف الان الي تحتك في شباك فيه ديكور حاولي تنزلين عليه ..بتكونين قريبه اكثر الحين تقدرين والا خليك في مكانك...! هـي حاولت...وكل محاولاتها بصراخ يجعله يتوتر اكثر...وهي تتراجع قليلاً من ثم تحاول... وفي الاخير نجحت نصف نجاح...! لتصبح متعلقه وتحاول تشد نفـسها ولكن لم تفلح...واخذت تصرخ..\بطيييح بيييييطيح...!!! ومن ثم علم بأنها سوف ترتطم بـ الارض لامحاله...! كان يركض لها بخطوات مدروسه وسريعه...! المكان الذي هي فيها الان لـيس عالـي جداً...لكن الوقوع منه غير محسوب...! لكن الارتطام به...قد يكون غير كارثي لها كما الارتطام بـ الارض...! تلقاها...وبرغم من قوة بنـيته...الا ..ان الارتطام جاء قوياً جداً...وأختل توازنه..! ...! كانت تنظر لـمسافة الفاصله...كانت نوعاً ما قريبه..لكن بنسبه لها مخيفة جداً...والشخص الواقف الذي ينظر اليها ولاتعلم ماذا سوف يصنع...! لم يمهلها الخوف ان تفكر جيداً بعد تلك القفزات وهاهي الان عالقة الان تريد ان تموت على الارض أفضل دفعة واحدة من الموت بساطورة تلك وعشرات القصص التي قرأتها عنهم قد جائتها...! كان هو الذي تلقاها...! من السماء..! هكذا...! دفعة واحدة...! الارتطام كان قوياً .... برغم من ذراعية القوية الا أنه فقد توازنه...! بعد لحظات شعر أن صدره تفتت..وهو يعيد توازنه... وتلك التي تكورت بين يديه كـ نيزك سقط من السماء...! . . . أخوي كواني في الحشا كيتين بضو... وانا لاجيت اكويه ماناشته ضوي...! . . . من ذاكرته قبل سنتين ..! أستيقظ اليوم على رسائلها... شعر بدوار في رأسه وهو تستفزه وتنشد اعصابه..وهي بكل صفاقة الدنيا في تلك الرسالة.. شوف يا فارس ابيك تختار بيني وبين انك تسوي عملية تكميم قبل زواجنا ماني مستعده انزف معك ويعلقون صديقاتي على اشكالنا انا نحيفة وانت العكس اذا تحبني صدق سوا الي ابيه..! كان يغلي...وهي بلغت معه اقصى درجات الحلم... ارسل رسالة قصيرة... [ بننفصل...وش تبين بواحد دب يخرب عليك برستيجك عند صديقاتك.....] أقفل هاتفه من ثم نهض من سريره..وهو يشعر بروحه الرقيقه تتفتت من ذاك القرار المميت بنسبه له... دخل دورة مياه واخذ يدخل راسه كله تحت صنوبر الماء... يشعر بإن روحه استنفزت..ولم تجد من الحب الا كل الكلمات الغير مباليه والقاتله بنسبه له..! هي لم تحبه يوماً... لم تحبه..! فلطلما لم يعجبها شكله..وتنقده بـ أستمرار من ثم مصارحتها ان تريد الدراسه في الخارج.. ولم ترتبط به لو لم يكن ابن عقاب البندر..! هي قشورية وسطحية يالله كيف تعلق قلبي بها..! خرج واخذ الفوطه الصغيره المرتبه بجانب المغسله من ثم اخذ يمسح وجه وجلس على الاريكه بـتفكير عميق..! أستغرق تفكيره ثلاث ساعات..لم ينتبه الا مع الاذان الذي نبهه لوقت... ليزفر بعد ان اتخذ قرار خطير..!. سوف يبداً حياة جديدة تماماً...سيخضع لدايت صارم جداً..ويبداً مشروع صغير يغرق نفـسه به بعيداً تماما عن توجه والداه التجاري...وسوف يطوي صفحة تلك المدللة للابد...وسيتحداها با القادم..نعم با القادم... ساسافر وحدي وانفصل عنها...! قبل سنة من اليوم.. ام فارس..\حرام عليك ياامك ذي بزر صغيره وتفكيرها تفكير بنات اليوم تحسب الطلاق شي بسيط لاتقول كذا الله يرضى عليك فارس\يمه ماني طايق اسمع سيرتها..ماني طايق حتى اسمها مابي اظلمها واستمر معها ام فارس\ويهون عليك خالتك ويهون عليك يتيمها اليوم يإمك بنت خالتك ماهي مثل يوم سافرت موت ابوها وظلم عمانها كبروها وانضجوها...عقاب ماتشوف ولدك..! عقاب بتدخل..\فارس انت راجع لنا اليوم بشكل ثاني وعقل ثاني اذا انت بتظلمها انفصل عنها من الحين البنت يتيمة اليوم وانا مابيك تظلم لك يتيم انت لك سنه برا ومافي شي ظل على حاله.., ام فارس بغضب\وش طلاقه بعد تبون تزيدون هم اختي اسمع يافريس ماهو باانت الي نطيت في حلقي انا وخالتك لين وافقو عليك ماهو بكيفك الحين تخلي بنت اختي مطلقه وتجرح اختي وتقطع المحبة الي بينا بذا الشي..فاهم..! عينه الحادة أبتلعت رماح الكلمات وصمت ..! . . . أخوي كواني في الحشا كيتين بضو... وانا لاجيت اكويه ماناشته ضوي...! . . . وفي الحاضر...! ومثل ماعودتكم كل يوم هذا نظامي الصحي وهذا نظام أكلي ومثل تعرفون انا حاط صورتي قبل وبعد في كل سلسلة النوادي الرياضية الي فتحتها والمقصد منها حافز لكم وهذا شي مايخجلني بعكس اشوف انه انجاز لي اني قدرت اسوي هذا الشي بدون تكميم وبنيت عضل بعد كومة شحوم.. أنتم اليوم أبيكم كلكم أفضل مني..! كان يرسم ابتسامة ساحرة قبل تنتهي سنابته... عهد بـمحاولة تصبر .. كيف أخبره أني نضجت بعد وفاة أبي وتلك الهموم التي تراكمت علينا كيف أخبره بإني تغيرت ماعدت انا السطحية التافهه..! ماعادت نظرتي للاشياء كـ تلك..! اكاد أقتلع ذاكرتي وانا اتذكر حديث ورسائلي له..! وأموت اليوم الف ميته.. وانا اراه ...وقد وضع في الروح رمح..! . . . انتهى . . . همسة محبة..\استجاب الله لشيطان دعوته وابقاه ليوم يبعثون فكيف بك وانت تركع وتسجد له . . . نلتقي ان شاء الله |
رد: الحظوظ العاثرة
صباح الخير للجميع
الله ضمني بين الاهداب هنا من زمان نستنى الروايه دخلت ارحب بك طيرااان لقرائتها |
رد: الحظوظ العاثرة
ياهلا وغلا.... منوره ام اليـزيد.....
واخيراً اقتنعني ونزلتي الروايه هنـا سعيده جداً بعودتك ...ويارب تكون هالروايه مثل ثرثره ارواح متوجعه وافضل ... |
رد: الحظوظ العاثرة
يااا هلا وغلا ام اليزيد
ابدااع يااعساه ما ينقطع ولا يتعثر لي عوده بعد القراءه بأذن الله |
رد: الحظوظ العاثرة
وش هالصباح المبارك! والله عيوني ماصدقت "( سعييدين بعودتكِ جدًا جددًا وفي شوق كبيير لرواية جديدة منّكِ إن شاء الله تستمرين فيها وتكملينها على خير يارب وسعييدين فيك مرة ثانية *قلوب* |
رد: الحظوظ العاثرة
أهلا أهلا أم اليزيد أسفرت وانورت حي الله نورتي المكان اخيرا أنزلت الرواية متحمسة لها حيل وخصوصا قريت جميع رواياتك ولا حصل اني أعلق عليها الحين جت هالرواية وجت الفرصة معها الاسم مميز والأسماء عجيبة
لي تعليق بعد القراءة 💖💃 |
رد: الحظوظ العاثرة
الـسـلام عـليكـم ورحمة الله وبركاته, يا هلا والله اسفرت وانورت بعودتك أم اليزيد بداية رائعة وكلي شوق للآتي .. تقبلي مروري مع خالص ودي بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
رد: الحظوظ العاثرة بقلمي / ضمني بين الاهداب
ياهلا والله بضمضم نورتي ليلاس لي عوده
|
رد: الحظوظ العاثرة بقلمي / ضمني بين الاهداب
هلا هلا
ياحي الله هالجمال والابداع ماصصصدقنا والله لي عوده بعد القراءه بإذن الله |
رد: الحظوظ العاثرة بقلمي / ضمني بين الاهداب
السلام عليكم
ياهلا مليووون ولا يسدون هلا بالحامل والمحمول هلا بالصديقه الغاليه ام اليزيد نورتي مكانك يالغلا واضح اننا راح نعيش جوووو وحماس مع ابطالك جو غيررررررر لي عوده برد مفصل لكن ذا الترحيب وبس |
رد: الحظوظ العاثرة بقلمي / ضمني بين الاهداب
عدنا 😘🍃💦
. . ( بندر ) ظلم أم المّهر معه ما شفت رجع عقاب من بعد طلاقه لها. ( عقاب ) صنعت نفسك بنفسك أكبر ثابت لغيرك قبل ما يكون لنفسك انك قادر تغير نفسك للأفضل لكن هالقطيعة لمتى؟! وخصوصا بعد م شاف غيار اسم فجر عقاب البندر اتوقع راح يستفسر من أبوه ومدري عاد يعرف أنه له عم غيّام. *- غتار ..حادث قوي .. وإرادة الله فوق كل شي وربما ضره نافعة .. والحين في مجال التجارة وند قوي جدا .. شخصية غامضة. - غيّام .. عجيب علاقتة في وهج وهو اللي كلم أبوة يبي يخطبها وابوة قال له كيف تثق فيها وهي خاينه أهلها .. بس مدري بعد موقف بيت ابو سلمان مدري ايش راح يصير اقول الله يستر كل شيء جاء على بالي .. أتمنى يأخذ وهج مناسبين لبعض .* - فارس .. العزيمة تصنع المعجزات تخلص من السمنه وارتاح وفوقها فتح له انديه رياضيه وشغل خاص فيه برافوا عليه بس غريب قبل ما يسافر قال ابي أطلقها وسافر هو على الحال م تغير وبعدها بعد سنه بعد نفس الحكاية واتوقع السبب رفض أمه أولا وأخيرا للطلاق وأما لأن ما ادري نفذ كلام أمه أو طلق عهد بس جد عهد كانت سطحية لبعد درجة وفوقها تجرح ولا تراعي شعور والمصيبة كان هدفها شي ثاني والله يجبر بخاطر فارس - فجر .. شخصية قويه ولحد ما اتضح شي كثير إلا أنها جميلة - رياش .. والله ما يحبونك إلا عشان فلوسك أهم شي ثقته هههههههههه إبداع أبداع إبداع ضمضم استمتعت في القراءة وأسلوب وسرد قلم مخملي 😘 تسلمين وتسلم أناملك على الإبداع وانتظر الباقي على خير 💦💃❤ * |
رد: الحظوظ العاثرة بقلمي / ضمني بين الاهداب
بِسْم الله الرحمن الرحيم
اول تعليق للحظوظ أولاً شكثثثثر انتظرناها وشكثر كنّا ننتظر المقتطفات السنابيه إلى وصلنا هاليوم اللي فاجئتيينا فيه بنزولها 💜😭 واضح من البدايات انه بإذن الله بتكون روايه عميقه مختلفه ✨ تونا بادين نرسم الخطوط العريضه للشخصيات أولاً بندر قصة القطاعه بين الاخوان وهاذي تحصل والله وأحيان لاسباب تافهه بعد غير عن هالسبب ! لكن الله يصلح الحال، الأن عرفنا ان بندر عنده ولدين وبنت اللي هم غتار وغيام والمهر ! بس ش السر ورا غتار واضح ان الشخصيه غامضه من البدايات وش سر عزوفه عن الزواج وممكن انه فعلاً بندر يزوج غتار لوحده غير عن معتقداته والعادات وتصير العداوه بين الاخوان مره ثانيه؟؟🤔 خاصه ان معاملة بندر لولده غتار توضح لنا انه فيه تميييز بسبب انه ولد نفود ! اما قصة غيام ف هي القصه الغريبه عاده هالعلاقات ماتستمر لانها مبنيه على عدم الثقه ! ومخالفه للدين والعادات والتقاليد بس ممكن نشوف شي غير مع اني وبصراحه ماايد لاكن هي ماتطلع عن كونها فيها نسبه من الخيال 🙄! عقاب وبنته فخر ممكن تكون هي سر غتار اللي ساكت عنه طول هالسننين🤔>بدت التحليلات الشاطحه😹 فارس وعهد ودي أحط عنوان ' بعد مايفوت الفوت ماينفع الصوت' فارس مثال للشاب اللي عنده أصرّار وقوه اللي خلته يكمل مسيرته ويسوي رجيم ويترك عهد وسطحيتها بس ليه اخر الطلاق لذا الوقت ! المفروض طلقها وسافر ولانلتمس انه علاقتهم راح ترجع بعد ماتأدبت عهد ب ظروف الحياة اللي مرت عليها ! زوجة بندر اللي كانت سبب القطيعه مع اخوها ماعرفنا وشصار لها بعد هالسنين ! غيام وبنت الجيران شسالفة تكون فيها مشكله نفسيه وتتوهم؟ او فعلاً الشغاله بتذبحها الله يكفينا شرهم وشر بلاويهم من كثر مانسمع بهالمصايب ماعاد نستغرب. ! سلمت يدينك ومنتظرينك ام اليزيد 💕 |
رد: الحظوظ العاثرة بقلمي / ضمني بين الاهداب
يامرحبا ترحيبة البدو للسيل. وكل عبارات الترحيب. ماتوفيك ضمضم
طلتك الْيَوْمَ اعتبرها هديه جت في وقت مايعلم فيه الا ربي من الظروف الا انا فيها وحالة الاكتئاب الحمدالله. نورتي أم اليزيد ولا نسميك نجد وربوعها تتحدث قلوب تنبض لك ولكل. قراء ليلاس |
رد: الحظوظ العاثرة بقلمي / ضمني بين الاهداب
هلاااااااا وملييوووووون هلااا وسهلاااا.. ضمضم يااقلبي مااااني مصدددقه ،، هرررمنا الى هذا اللحظة اخيررا وش هالجماااال وش هالجماال << فيس يييبكي ويصاارخ من الفرحة مو مصدق 😂 وربي موو مصدددقه لمن شفت اسمك منووور.. كنت متوقعه تنزل ع المدى البعييد.. بس بما انها نزلت من اللحين اقولك تراني ببلط هنااا الله يعينك عااد 😂😂 سقى الله صباح السبت ترا ماكان شي يحمسني واستناه ويفتح نفسي يوم السبت الا روايتك هههههه عشان كذا خلي البارت بدل السبت الاحد 😂😂❤ ترا لسى ماقريت البارت بخليه الليله نروق عليه 😩❤ هتوونه سلاااامة رأسك وقلبك .. وفعلا ضمضم ملكة نجد وربوعها 😍❤ |
رد: الحظوظ العاثرة بقلمي / ضمني بين الاهداب
السلام علييكم ورحمة الله وبركاته الف مبروك الرواية الجديدة الحمدلله الي كتب اني ابدأ معكم من اول بارت بارت جميل جدا وبداية ملهمه لتوقعات والشطحات شفنا اول جزء صراع الاخوة باقي نشوف صراع الدم ((( فيما لو فرضنا انه فيه قتل وذبح وقصاص وثأر ))) او يكون صراع الدم بين غتار والي تسبب له بالحادث للان ما عرفنا سببه وظروفه احس للحادث وظروفه واثاره دور عظيم في الاحداث وفقدان الذاكرة الي بسبب الغيبوبة تدل على شئ جاء ببالي توقع انه الي حفز صحوة غتار من الغيبوبة الدكتورة فجر (^_^) فيه شئ يتعلق فيها حفزة من النوم الاختياري غتار دخوله للسوق والذكى الي فيه راح يصير نقطة صدام مع عمه عقاب وراح يرجع صراع الاخوة من جديد وضع رياش مو مطمن احسه يرسم على فجر له او لولده ولغتار له دور بانقاذها (^_^) فارس وعهد بداية قصتهم كنت اتمنى يطلقها ويعمل رجيم ويقهرها على اسلوبها بس بعد تغير ظروفها وتلطيش الدنيا لها رحمتها وكسرت خاطري بس كبف تقدر تمحي اثر الي قالته له والجرح لو انها تعاملت معه بلطف كان يستجاب لها بس هي ما حبته صدق اول شئ وبعد ظروفها تشوف فيه منقذها يعني للان ما شفنا اذا تحبه لشخصه او الظروف حدتها عليه او ان النضوج اجبرها تخضع وتشوف الحياة بعيدا عن الشكليات غيام ووهج للان ما تعمقنا في قصتهم ((( شرعا عارفين كلنا انه هالشئ حرام وباطل حتى لو ما وصلت انه يشوفها او يطلب صورتها ))) لما غيام تكلم مع ابوه وعن حبه لها وانه عفيف ومافيه شئ خطأ استغربت ردة فعل بندر على غيام توقعت ان حبه عفيف وانها تكون بنت من معارفهم او صديقه لاخته دري عن وجودها واعجب فيها بس انصدمت بانه فيه علاقة بينهم رسايل واتصالات اقدر اقول انه غيام ما حب وهج حب صادق حب الرجل الي يبي الانثى زوجه له هو حب فيها الاذن الي تسمعه وتهتم فيه ويلقاها كل ما احتاجها وهو يدفع لها ثمن اهتماماتها بانه يعاونها وينقذها لو حبها صدق كان عفها من خطأها وصان سيرتها وسمعتها يعني هو مو صغير ليش استنى للثلاثين حتى يطلب الزواج منها ليش بلغ ابوه بالي بينهم حتى لو انه صريح او واثق من نفسه وما يهمه الناس لازم يهمه صورتها ووضعها هي قدام ابوه واهله وايش اعتقادهم فيها الي يحب يخاف على حبيبه من نسمة الهواء مو يخليه في مواجهة مجتمع مايرحم بعذر انه ما يهتم لرأي الناس واعتقداتهم وتقاليدهم البنت الي في بيت ابو سليمان حطيت لها اكثر من احتمال *اول شئ صدق انه فيه شغاله ودها تذبحها واضطرت لهذا الشئ * ثاني شئ انها مسويتها حركة عشان تلفت انتباه غيام (((لازم ارضي عقلي واكتب الي يخطر له من توقعات ))) ومافيه شغاله ولا شئ والي ترتب على ال صار انه راح يرتبط مصيرها ومصير غيام لو ظهر احد من اهلها فجئة ويلاقوها في حضن غيام واضلع مكسره اول احتمال يزيدوه تكسير مع البنت وبعد ما يعرفوا الحقيقة يصير عشاء صلح وشكر لغيام وابوها يعطيها له مدام شافها وشالها في حضنه وهنا يبدأ الاكشن لهنا وقف دماغي عن التحليل اذا استجد شئ لي عودة باذن الله ((كالعادة )) دمتي بخير |
رد: الحظوظ العاثرة بقلمي / ضمني بين الاهداب
يا صباح ومساء الحرف الأنيق على ام اليزيد ومتابعاتها
احترت منين ابدا من القصيده الي تحمل في طياتها دلالات على مضمون الرواية كما عودتنا ام اليزيد من ايام رواية غرورك تستفح الرواية بقصيدة او من جزئية المومياء العتيقه ذات الاسرار المرعبه الباقية على مر العصور.. نبدا بسم لله أخوي كواني في الحشا كيتين بضو... وانا لاجيت اكويه ماناشته ضوي...! البيت هذا بلحاله رواااية عسى من قالته والا من كتبته ماينشل لسانهاولا يدها حقيقة لخص الرواية عيال ال بندر عقاب وبندر والصراع والقطيعة الي صارت بينهم الي بذرتها مقارنات لكن الي فجر العداوه امرأه بدون قصد من الكل ماهو ذنب بندر ان عمه الح عليه ياخذ بنته ولا بيد عقاب انه حب بنت عمه ولا ذنب العنود انها رافضه عقاب ولا ذنب العم انه اختار لبنته الافضل خصوص ان عقاب مشهور عنه زي ما يقولون مطيور وابو العنود رجال كبير ويبي ظهر لبنته مافكر في وضع عيال اخوه ولا توقع الصراع الي بيكون بينهم والسبب بنته او ان عقاب بيوصل للي وصل له صعب نرغم غيرنا بوجهت نظرنا او الي نشوفه صح غيرنا يشوفه غلط ابو العنود وخصوص بالفتره الي فيها الاحداث بالفعل البنت الي مالها اخوان اوعزوه تعتزي فيهم غير عيال عمها الاثنين مثل وضع العنود تعيش مكسورة اذا تزوجت رجال ما يستحقها حسب عادات وتقاليد ما انزل الله بها من سلطان الحمدلله في وقتنا الحاضر كل شي تغير البنت لها كيانها المستقل الدولة تكفل حقها ووظيفتها تضمن لها بعد الله مستقبل طيب.. ورب ضاره نافعه ياعقاب هذا انت صرت عقاب اسم على مسمى شخصيات آل بندر كلها شخصيات سمعنا عنها او مرو علينا با اسماء اخرى في مجتمعنا.. بدايه واقعية ورااائعه ومشوقه ام اليزيد وبأذن الله لي عوده مع باقي الشخصيات بردود مفصله ننتظر منك الأجمل يا مبدعه .. |
رد: الحظوظ العاثرة بقلمي / ضمني بين الاهداب
يالله ياضمضم. من وين ابتدئ. جمال جمال لا يوصف من الام نفود. وجمال اسمها فوق زين الاسم زين الطبع والتضحيه. تجيب عزوة لولدها جعل أميمتي للفردوس.
ولا من الاخوان الا فرقتهم مرة انا مع طيف. وتحليلها والعم مايطري على باله القطيعة بتصير لان الاولين لو يخالط الحب العظم مايبينون الغلا ولا من فارس ومخروشتة عهود. الواحد يقط الهرج. مايحسب له حساب ولا يدري وش عواقبه كسرت خاطري تدرون عاد هالموقف صار لولد اختي خاطب بنت اخوي ماتقل خرشة من عهود قالت كلمة عفوية في مجلس وطيري يالهرجة للولد قال مير لو مايبقى من بنات حواء الا هي ماطقيت لها باب. أم غيام رغم من علاقتة شي من المستحيل في الواقع وخصوصا نظرة الرجل الشرقي لكن والله أني مطيت الكشرة عندهم حسّيت بشي من شطح الخيال. (والله من الخبال الا مالي راسي ) ياخوفي المقرودة الا لحقتها الشغالة وأنقذها ان يحلف ابوها انه يتزوجها رد للمعروف فخر الا سم لحاله حكايه. معقولة تكون متربعه بقلب غتار وصمته هو سبب القطيعة قلوب تنبض للضمضم. وقراء الحظوظ دودي تسلمين يالحب لك وحشة. وبارك الله بضمضم الا اجمعتنا |
رد: الحظوظ العاثرة بقلمي / ضمني بين الاهداب
عودا حميدا كاتبة مبدعة ولكن لي تعليق على غيام هذا ليس حبا وبالطبع حرام حتى لو كان بما وصف
|
رد: الحظوظ العاثرة بقلمي / ضمني بين الاهداب
يامساا النوور و السرور .. ياااهلااا وغلااا.. والله يام اليزيد نوورتي عالم الروايات بكبره ماهو بس المنتدى .. ترا يوم بديت اقرا ماقدرت اركز من الفرحه هههه الله وكيلك يالله عااااد تماالكت نفسي وركزت 😂😂💔 طبعا هالجمال اسم الله عليك ينقرا اكثر من مرا .. المهم عااد جهزي شنطة اليزيد حقت النجوم نبدا نجمع << فيسي الواااثق .. بس اتوقع اليزيد كبر عليها نخليها لأخته 😂 قلمك ماشاء الله جمييل ومن يومك ملكه الحرف ماشاء الله .. الروايه متخمه بالفخااامه هي شخصيات هي سرد هي حوارات .. ماشاء الله تبارك الله لا يحرمنا هالإبداع 😍 نبدا من المدخل .. ترا دايما مداخلك تعجبني وصادقه طيف تكون فعلا كل كلمة فيها تعبر عن الرواية كله.. ال بندر .. عايلة الحسب والنسب .. والطبقة المخملية والصراع اللي بينهم هل وصل لصراع الدام فعلا..والفرقى اللي صارت .. ببدا من بندر لانه قهرني .. تصدقيني ضمني بندر بعد وفاة نفود حسّيت في تخبط بقراراته وان نفود كانت مآثره عليه تأثير قوي وهو كان يحبها بشكل كبير والغلا اضغاااف مضاعفه لغتار لانه ولد النفود.. يعني حتى زواجه ع حياتها ماكان رغبه منه ماجا الا باصرار منها ولا من خاطر منه وحتى وفاتها يكفى الحزن اهلكه وبعد هالسنين كلها مانساها .. ومن بعد رحيلها وهو في تخبط... بدايتها من زواجه من العنود.. هو مايبيها ولا في باله بس عااارف ان اخوه ميت عليها.. كان اعتذر من عمه في وقت ثاني وانه مايقدر ياخذها وأخوه خاطره فيها .. عقاب انجرح من اخوه .. صحيح انه موجوع وعمه ماهو مزوجه وبيزوجها غيره بس صعب انه اخوه هو اللي يتمم الموضوع .. ترا المساله ماهي مسأله مره كثر ماهي مسأله انه كيف اخوه هان عليه .. وعقاب مصيره يرضى طال الزمن ولا قصر لان الدم عمره مايصير ماي بس الظاهر هو لسى في حررقه بقلبه وبيطلعها ثمن يهجد .. انا اللي قهرررني كيف يترك العنود بعد مااخذها خلاص قدر الله وكتب وأخذتها كيف تتركها لعب عيال هو .. وعقاب ماهو راضي حتى لو تركتها.. الاولى انه تركها من قبل مايملك عليها ماهو توه بعد سنه .. توه يندم يعني توه يحس بعواقب الموضوع .. ليه ماصار قد الفعل وتحمل عواقبه .. تراه والله ظلمها و ظلمها ظلما شيين كيف حدد مصيرها عشانه هو و اخوه .. وحتى بنته المهر طالها هالظلم .. عوورني قلبي عليها وهي تترجاه مايطلق ..وش الفايده انه عمه شاد الظهر فيه ومزوجة بنته وآخر شي يتركها هنا نقدر نقول وش فرقه عن عقاب !! ياترى هل بندر حس بتأنيب ضميره من ناحيه العنود ؟ زي ماحسه لعقاب؟؟ ثاني شي .. رفض يزوج غنام بغض النظر ع انه متعرف عليها .. هل يترى لو جاه غتار بنفس الطريقة بيرفض؟ الاكيد لا ماهو رافض لان قال مستعد يرمي كل العادات والتقالييد ويخطبها .. هينا يبان ان مبدأه ماهوو واحد وعند غتار تهوون كل المبادئ .. عشان كذا المفروض يزوج غنام لان بندر ماهو صاحب مبدأ لان لو صاحب مبدأ كان قلت معه حق يرفض الزواج .. نشوف يابندر وش بتسوي لعقاب عشان يرضى بولدك لابنته كأن الزمن يدور بينهم.. وهل فعلا بتنذل لعقاب وترمي هيبتك وقدرك عشان خاطر غتار ؟ عقاب باين انه حاقد ع بندر ومن قلبه .. وماهو مفوت فرصة يذله ويوجعه فيها.. الظاهر اشتغل ع نفسه وحصله خيرر وكأنه إثبات لهم انه المرجوج ماعاد ع خبرهم.. واذا غتار يبي بنته جاته فرصة من ذهب انه يذلهم ويرد اللي بقلبه .. رياش صديقه كرريه لا يكون يلمح انه يبي فخر لولده اقتباس:
الله يقطعك انت .. وع هالثقه اللي مااليتك والله حريمك مايبون الا دراهم ،، وشكلك حتى الرجال فطن فيه... وجعل حرريمك ذولي يقصرون عمرك ويجيبون لك ضعف الهم اضغاف .. الا هالرجال الي أمخاخهم توقف عند المره .. وصغر عقولهم وفي النهايه ووشوو تفرقهم مرره .. ع قوله حامد زيد لا بارك الله في رفيقٍ تزعله كلمة عتاب ولاجمع الله الرجال اللي تفرقهم مره*! غتار .. جذبني الاسم والشخصييه .. شخصيه تعبق بالفخااامه ..الغموض يلفها والكبر والعنهجية بدمه .. الظاهر مورثات عمه عقاب .. واللي الظاهر منصبه العسكري زايد هالشي عنده وصاير مكروه من اللي حوله.. الحادث سررعه زايده ولا مدبر من شخص كاره ولا من عمه.. وبعد العسكرية والمناصب صار يشتغل مع ابووه والله شي ماهو سهل يتخلى عن شغله بشي غصبنا عنه .. عشان كذا الظاهر كل طاقته وخبثه مفرغها بهالتجار ياجعله دايم حييلهم بينهم اذا الشعب هو المستفيد ..غتار وش عنده متررهبن عن الزواج ؟! الاكيد وراه شي وماقد شفت رجال معيي الا وراه بلى .. وهو في الغيبوبه ماادري ليش أحسه سمعهم وهم يتكلمون عنه سعد صاحبه هو اللي يبكي عند أذنه .. شكل العلاقه حييل قويه بينهم .. سيف اعوذ بالله منه .. تدرين ضمضم ذكرني بمين خاصة هالمقطع مت ضحك عليه 😂😂💔 اقتباس:
فخرر .. باين اننا موعدين بشخصية جذابة .. يكون هذا اول لقاء بينها وبين غتار.. والظريف اللي يتميلح مزديتن به يوم تغسل شرراعه شكل بيحرم يتميلح بعد هالتفشيله.. متحمسه لهالشخصييه جداا😍 غيام.. باين ان قلبه حييل طيب .. قصته مع وهج بدايتها مراهقة .. ولأنه هو نقي ولا له سوابق حبها.. فتح عيونه ع حبها بس .. العلاقات اللي زي كذا حاليا الوضع تغير ولا هي زي قبل الناس مستنكرتها اشوف في كثير انتهت بزواج .. اعرف واحد زي كذا اخو صديقتي تعرف ع وحده وحبها وتزوجها كان يقول ماابي اتزوج زواج تقليدي ابي أحب وحده واتزوجها .. ماادري هو تفكير الشباب تغيير وصاار اكثر انفتاحيه .. نقدر نقول تعتمد ع المجتمع والبيئة اذا كانت اكثر انفتاحيه هالشي بيصير فيها .. بس المجتمع النجدي مااتوقع وصل هالدرجه من الانفتاحيه وتقبل للفكرة اصلا .. انا شخصيا ضده هالشي.. لان له أبواب كثير أولها انه حرام وأنها خانت ثقه اَهلها وثالثها نظرة الازدراء اللي بتلاحقها من اَهله لو أخذته وعندنا الناس ماتنسى ابدا بيجلسوا يدقونها بالماضي دق .. وهي عاارفه ان هالطريق مسدود وشهوله تكمل فيه،، اقتباس:
غيام هل هو نقى لدرجة انه ماكذب ع ابوه و قاله انها اخت صديقه ولا لف الموضوع وجايها بطريقه ثاانيه.. تصدقين احس كرهت وهج ،، لان في العلاقات اللي كذا البنت هي الملاامه الوحيدة وكيف ماقدر تخفظ نفسها وثقة اَهلها حتى لو الموضوع مايتعدا مكالمات البنت سمعتها زي القزاز اي شي يخدشها.. يمكن انها طاارت بغيام ولد اصلا وفصل وسمعه زي الذهب .. وبالنسبة لها بصير لئطة ! .. والصراحه اني مستخسره غيام فيها ماتستاهله .. هالتاافهه فوقها بعد تبي تفتن ع زوجة صديقه .. انا اللي ودي افتن عند ابوك ولا اخوك يضفك يالي ماتستحيني😤 بنت الجيران .. يممه انا احس قلبي وقف معها بِسْم الله والله هالشغالات صاروا يروعوون.. يلاا هاللي طاحت في في حضنه .. يمكن ابوه ولا ابوها يزوجها له .. هههه ثمن يتحسف غيام انه صار المنقذ غتار و غيام .. شخصياتهم متضادة الاول يلفه الغموض .. شوفة النفس .. الغرور .. والثاني النقاء .. والوضوح .. طيبة القلب .. التواضع .. باقي المهر .. ماشفنا شخصيتها بس اذكر من المقتطفات فيها يباست راس شكلها طالعه لغتار 😅 فارس وعهد .. الملام الوحييد فارس هو يوم يخطبها كان عارف شخصيتها قد اش تافها المفروض هالشي يخليه يتوقع منها اي شي وحتى اخته منبهته وقايلتله..غريب فارس يعني كان داري بشخصها ويوم صار الموقف صار يقول ماادري وشلون ارتبط فيها ؟؟ المفروض مايستغرب منها شي ..هذا وهو توه مملك عليها مابعد عاش معها.. هي جرحته بس هو لو يحبها صحيح بيلقى لها الف عذر ويعذرها ويدمح الزله ..صغييره .. مطفووقه .. وانها طاايره بالعجة مع هالصديقات.. هو كان رافع سقف طموحاته فيها والاكيد بعد حركاتها دمرته .. لو يحبها بيرحم يتمها والظروف اللي تخبطت فيها ..شكل اللي مرت فيه ماهو سهل اللي يخليها تدرك قد اش كانت غلطانه في حقه .. مو بعد ما مانضجت و تغيرت شخصيتها يترركها .. مزديتن فيه امه الدنيا ماهو ع كيفه .. شكله لسى ماطلق واللحين صاحب نوادي ويتميلح بهالسناب بنشوف المعجبات كيف يتحاذفون عليه.. ادري استرسلت واااجد .. بس عاد لسى في خاطري هرج لي رجعه ان شاء الله 😂❤ تسلم الايادي ياام اليزيد .. ويسعد قلبك اللي يسعدنا بهالجمال والابداع .. باين ان الروايه تهببل واكيد ماتقل جمال عن سابقاتها هذا اذا ماتفوقت عليها .. الله لايحرمنا من هالإبداع .. بانتظارك بكل شوق يالحب 💕😍 |
رد: الحظوظ العاثرة بقلمي / ضمني بين الاهداب
اقتباس:
أبد بنجيب فصفص وشاهي .. ونفصفص هالشخصياات ونتكي هنا بدل المجلس😂 |
رد: الحظوظ العاثرة بقلمي / ضمني بين الاهداب
صباح ومساء الحرف الأنيق والمتابعات الراائعااات
عوده للحظوظ العاثرة وآل بندر الكرام لي تعليق بسيط على الغوالي الي يحطون اللوم على ابو العنود اولاً الانسان ماايعلم الغيب علشان يختار لنفسه الافضل ابو العنود رجل كبير في السن وقاس الموضوع من منظور بشري كان قدامه خيارين اما انه يزوج بندر العاقل ويأمن على مستقبل بنته او انه يزوجها عقاب الي شايف انه ماهو قد المسؤلية ومتوقع انه بيضيع بنته وفوق هذا كله لااننسى ان العنود نفسها ماهي مياله لعقاب " الأذن تعشق قبل العين احياناااا انا اشوف ان العداوة الي تفجرت بين الاخوان كانت العنود سبب من ضمن اسباب وضغوطات على عقاب منها ان عمه مارفض عقاب والسلام ما برر الرفض انه لعيب بشخصية عقاب ومسك ولد اخوه وقال سنع عمرك وبنت عمك لك .. هو شاف ان بندر هو الافضل و بندر مثال لرجل المسؤل الي درجة انه غامر وكانت بنته الزوجة الثالثة ماشفع لعقاب انه استمات على الزواج من العنود ولاعاب بندر الي حاول يتملص من ها الزواج لكنه جبره على بنته .. نرجع لأبطالنا بندر والعنود والزواج الي تكلل بالفشل والي تسبب بالقطيعه بين الاخوان بحيث ان بندر لاهو الي قدر يتقبل العنود ولاهو الي قدر يسترجع اخوه او يسترضيه من غير موقف ام بندر من عيالها مستحيل بندر ماايكون طول سنوات القطااعه ماحاول يوصل لحل مع اخوه ويبرر له لكن طبع عقاب الحاد والعنيد مااعطى مجال او فرصة للوصل مره اخرى .. فارس وعهد فارس كان يناظر لعهد بمراية الحب العمياء حتى كسرتها عهد وجرحته فيها علشان صحى على نفسه واشتغل على نفسه وصار فارس آخر فارس الآن بين خيارين ام طلاق عهد والانتقام لكرامته وهذا الارجح او انه بيتمم الزواج لكن بها الحاله بتكون عهد الزوجه الثانية ارضاء لأمه، ننتظر ونشوف مع ضمضم وين بتوصلنا.. وهج وغيااام وماا ادراك ماوهج وغيام علاقة تحت استار الظلام لأكثر من سبع الي عشر سنوات علاااقة فاااشلة في اغلب الحالات مابني على باطل فهو باطل والايام يوم يسحب يوم وسنه ورى سنه بدون مايحسون غااارقين بالورد ماا ابي اقول بالعسل الورد تناظره فقط منظر جميل ورائحه عطره وهذا الي حاصل مع وهج وغيام ومعروف الخاسر الاول والاخير البنت بغض النظر عن وضع وهج وغيام الرجل حتى لو كان صااادق المجتمع لايغفر وما اتوقع انه بيوقف حياته على ها الحبيبة اذا ماتزوجها بيلقى زوجة غيرها وبتمشي حياتة لكن وهج وضعها بيكون على عدة اوجه اما ان غياام يتحدى الكل ويتزوجها وبيحط بينه وبين اهله حواجز خصوص ابوه والوضع بيكون لغيام بين نارين نار عصيان اهله ونار حبه لوهج او ان الزواج ماايتم ووهج بيكون راااح من عمرها سنين واستنزاااف لمشاعرها الي تشكلت وانصبت لا اتجااه واحد اما غيام والا فلا وتتحمل مايجيها من مجتمعها من لوم ونظره دونيه لها خصوص اذا انتشر موضوعها مع غيام المجتمع مايلوم رجل تزوج من مطلقه ولو تطلقت عدة مرات بيشوف انه من حقها وهو فعلاً حقها المشروع لكن ردة الفعل بتكون جاارحه لو تزوج وحده كانت تحب واحد قبل الي تزوجته حب عذري بريئ ماكان له هدف ها الحب الا الزواج شي ماااشوف له تفسير لكن واقع وحاصل في مجتمعاتنا تناقضات كثير بالمجتمع فعلاً مالها تفسير وايضا منها بندر نفسه غيام وغتار راااضي على نفسه انه يزوج غتار اي بنت يأشر عليها لكن بنفس الوقت راافضها لغيام هل هو انه فقد الامل ان غتار يطلب الزواج او الحادث الي صار لغتار على رأي المقوله القديمه عندما سئل اعرابي "اي ابنائك احب اليك صمت الاعرابي قليلا ثم قال الصغير حتى يكبر والمريض حتى يشفى والغائب حتى يعود " او انها الثقه في غتار انه ماااراح يتزوج بها الطريقة حادث غتار اتوقع قضااء وقدر لكن هل ها الحادث على مرور احداث الرواية بيكون له تأثير او لا بننتظر ونشوف مع ام اليزيد فخر وبنت الجيران في حياة ابناء بندر بيكونون عبور الكرام او بيكون لهم بصمة الله أعلم 😘 مبدعه ام اليزيد كما عودتينا وفي انتظااار القادم الي بأذن الله بيكون اجمل |
رد: الحظوظ العاثرة بقلمي / ضمني بين الاهداب
مبدعة كما عهدناك يا ضمضم بانتظارك
|
رد: الحظوظ العاثرة بقلمي / ضمني بين الاهداب
طيف الاحباب يا ريت تفرحينا برواية رائعة كأم اليزيد ضمضم فجميعكم مبدعات
|
رد: الحظوظ العاثرة بقلمي / ضمني بين الاهداب
هلا ي هلا ارحبي ثم ارحبي عودا حميدا يا راعية الروايات الفخمه:AaZ04485: يقولون من طول الغيبات جاب الغنايم أنتي بكبرك غنيمه:e106: سبحان الله و بحمده سبحان الله العظيم |
رد: الحظوظ العاثرة بقلمي / ضمني بين الاهداب
اقتباس:
ام الوليد .. انا ماالوم ابو العنود ع قولك يبي ظهر وسند لبنته .. اللوم ع بندر اللي ماحسم الموضوع من بدري لا هو اللي قبل بها واستمر معها بعد كل اللي صار واللي حصل .. ولا اللي تركها من قبل مايملك عليها .. لان العنود هي اللي ضاعت بينهم وانظلمت ظلما شييين هي وبنتها عشان تأنيب ضمير بندر و زعل عقاب .. فعلاا في نقطه بعد لفتت نظري امهم الظاهر ماتت ع حالهم ع هالقطاعه اللي بينه .. دايما الام هي اللي تجمع العيال واذا راحت وحالهم كذا صعب يتعدل .. اصعب قطاعه .. قطاعه الاخوان .. عقاب الظاهر كان متحامل ع بندر وااجد والأكيد بسبب المقارنات اللي بينهم والعنود كأنها القشه آللي قسمت ظهر البعير .. وعشان كذا يمكن بندر تفاجأ برد فعل عقاب ماتوقع توصل الموااصيل لهالحد .. اقتباس:
وقولي انك مااتدرين هههههه اتوقع الروايه كلها عندك لمحيلناا عااد 😂❤ |
رد: الحظوظ العاثرة بقلمي / ضمني بين الاهداب
ياهلا ومسهلا اسفرت وانورت واستهلت وامطرت
أم اليزيد يالله حيه وحي زوله وحيه في درب النشاما لازم العرضة والدحة والخبيتي والخطوه وكل العروض الشعبية تقام بليلاس لمدة شهر بقدومك الحظوظ العاثرة يالله ان تزين حظوظهم رغم العثرات الي صارت والي بتصير وتلم شملهم ولا تفرقهم ال بندر صراعتهم بتكون قوية بقوة شخصياتهم وفخامة اسمهم وعنجهيتهم وتوارثها جميع الأبناء فخر وغتار وغيام وفارس كانت أول الحظوظ العاثرة عقاب الي تزوجت محبوبته من اخوه وثانيها العنود وطلاقها مين من الأبناء حظوظهم عاثره وبخيلي العثره تأثر عليه وتوقف بطريقة ويقفي عن أهله ومين بيتجاوزها او يحارب عثرة الأيام ويصارع نفوذ مازالت حاضرة في قلب بندر رغم زواجه وانجابه و السنين الي مرت باقيه حسره في نفسه وفقدها متجدد في نفسه ولاقدر يتجاوزه وهذا الي خلاه ما يظلم بنت عمه العنود رغم محاولته انه يتقبلها وبعد ماجب منها المُهر لكن ضحى بكل شي عشان اخوه ولكن قابله عقاب بالصد والهجر الكل كان متوقع منه الاستهتار والعناد والطيش ومحد احترم هذا الحب وقدره ومع احترامي العم غلط المفروض جنب عيال اخوه المشاكل وزوج بنته لواحد من القبيلة دام انه ماهو صافطها لعقاب بس الكل ما توقع ردت فعل عقاب الي ابي اعرفه الحين عيالهم يدرون عن عمهم وعن القطاعه الي بينهم والسبب والا مايدرون ان لهم عم غتار مر بحادث خرج منه بعرج وترك عمله ودخل عالم التجارة ذيب ولد ذيب ماينخاف عليه لكن وش سر الحادث وسببه هل قضاء وقدر او فيه ان في الموضوع ومع كذا المشروع الجديد بخرب العلاقة بين الاخوان أكثر من ماهي خربانه احساسي يقول ان غتار هو الي بيكسر بندر عندي شطحه قويه عاد ترانيم وماتشطح مايصير ان الي قابل فخر بالمصعد غتار وانصدم وهو قد في نفسه مقهور من لسانها مع صاحبه وبتكثر المواقف بينهما و من باب انه يسكت ابوه ويشرط شرط تعجيزي وهو ما يبي الزواج فيقول لابوه ابي فخر بنت عمي عقاب ولا ما ابي اتزوج لانه يعرف بالقطاعه بينهم بس يفاجائه ابوه ويتنازل يخطبها له وينكسر جدار القطاعه والهجر بس بيكون الثمن غالي وعقاب حقود بيطلب شي غير متوقع او ممكن يكون الي قابلها شخصية جديدة من عيال بدر او يكون ولد رياش مع ان العقل يقول ابو الحريم غيام الفارس الضرغام ويحكي اخوانه الي اتوقع ان في جعبة ام اليزيد العزوه لغتار وماهو معقول بس غيام ننتظر ظهورهم لكن في نفسي شي يقول ان الماضي بيعيد نفسه بين غتار وغيام وبنت العم فخر غيام مابعلق على صداقته لوهج الي احنا نرفضها وديننا يرفضها وبعقلنا نقول علاقة خيالية لكن اشوف اليوم متواجده علاقات من هذا النوع اليوم لو قبل عشر سنين قلنا مستحيل تحدث علاقة صداقة لكن مع برامج التواصل واندماج الثقافات تحرر الكثير وانكسرت بعض العادات والمبادئ وضعف الوازع الديني عند البعض ومنها أن يتابع احد الجنسين الاخر في برامج التواصل ويتجاوز ذلك صوت وصورة بعد ان تدرج في الكتابه اسهبت في هذا الموضوع الي فعلاً احسه اخذ من مجتمعنا وأبنائنا وحياتهم الكثير ومتهاونين فيه وان علقتي عن التجاوزات قولو وش ذا الرجعيه والتخلف !!! نرجع لغيام و وهج انا اشوف ان علاقتهم مابتدوم بسبب النيزك الي نزل على صدره وبتلخبط حساباته وتشغل تفكيره وتنطوي صفحة وهج من حياته وبنت ابو سليمان ربي حماها من شر وكيد الجزاره جعلها الماحي مابفتح سيرتهم الله يعطينا خيرهم ويكفينا شرهم ونستودع الله ابنائنا وانفسنا أم اليزيد الله يزيدك قدر ويرفع شانك ويفرح قلبك بما يسرك على هالحضور الباذخ |
رد: الحظوظ العاثرة بقلمي / ضمني بين الاهداب
رجعتني المومياء والي اكتشفها صاحب المصعد تهقون فخر هي المعنيه بالمقدمه تليق بها المقدمة دام ان لسانها طويل وحتى ابوها يحسب لها الف حساب ولزعلها
واكتشفها صاحبنا بالمصعد بيرجعها الي سلالة ال بندر بس كيف ومتى |
رد: الحظوظ العاثرة بقلمي / ضمني بين الاهداب
صباح الخير..
عودًا حميدًا أم اليزيد.. بداية ممتعة و مشوقة.. علاقة أخوة انقطعت.. و السنين الماضية وش صار عليهم فيها..؟ بندر يعرف اخبار أخوه والا..؟ و أولاده يعرفون عن عمهم والا..؟ المهر ايش مرضها..؟ اللي فهمته انو عندها موعد و فهمت انو للمستشفى والا انا افاول عليها🤔.. غيام و وهج.. ما اظن تستمر علاقتهم بسبب النيزك اللي دقدق ضلوع غيام😂.. ويمكن تكون علاقتهم اعمق و تستمر..! غتار.. ولد الحبيبة.. ليه رافض الزواج..؟ له حبيبة مثل ما يفكر أبوه أو اسبابه ثانية..؟ ، عهد .. سطحيتها مستفزة.. بس استفدنا منها انو كانت دافع لفارس عشان ينحف.. بس هل فارس رح يرجع لها من حبه لها و أمل انها تغيرت والا عايفها بالمرة..؟ ممكن أمه تجبره ما يطلقها..! ، فخر.. ممكن الدكتور اللي يكرهها يكون ولد بندر.. والا ليش ينصدم😅 كمان بندر قال انو اولاده كل واحد طريقه مختلف عن الطريق اللي هو يبيه.. ، تقبلي مروري💜 .. |
رد: الحظوظ العاثرة بقلمي / ضمني بين الاهداب
السلام عليكم ورحمة الله وبركاته أولا ياهلا وألف مرحب بعودتك اللي طال إنتظارنا لها وترحيب بك أقبلي مني هذا الإهداااااااااااااء مرحبـا والشـوق في غيابك ذبحنا يــاقلمهــا قلنـا وشــــهـو الجـديــد لـيتنـا نـروى بعــد طول عطشـــنا بالحـروف اللـي لهـا معنـى فريــد مـوهبـه ربـي عطاهــا وأمتعتنـــا وأصبحت تمشي في دمها والوريد والـروايــــة ننطرب لامن لمحنــا في طرفهــا مـن طرف أم اليزيــد وسلامتكم ثانيا : بندر أعجبني في كل شيء إلا في زواجه من العنود وطلاقها تصرف تصرف أحمق أولا زواجه منها وهو ماله رغبه فيها وغم معرفته برغبة عقاب فيالزواج بها وتمسكه الشديد بها ثانيا زواج وتزوجت ماهو ذنب العنود حتى تطلقها مع إنه معروف للغبي إن طلاقها ماراح يفيد في رجوع علاقته بأخيه هذا سبب يحاول يقنع العنود وغيرها به لكن السبب الحقيقي هو إنه ماحبها وماجازت له والا كان ما أستغنى عنها العنود المفروض ماتذل نفسها له ومثل ماباعها تبيعه بتراب من ما شافني خير ماشفته غنيمه غتار واضح إن شخصيته قويه بدليل عدم استسلامه لإعاقته وقدر ينجح في مجال آخر هذا غير إن فيه خبث وذكاء غيام بيندم كثير على عناده لو تزوج اللي يحبها وكلام ابوه له صحيح فارس وعهد أعتقد بيرضخ فارس لكلام أمه لكن حياته مع عهد ماراح تكون سهله لا له ولا لها لأن مثل مايقولون الضرب يروح والكلام يعقب جروح فخر لها من أسمها نصيب واظن بيلتقي طرقها مع غتار الإثنين قويين شخصيه وأتوقع تصادم بينهم فمن سيكون المنتصر كلاهما عنيد وقوي لكن غتار خبيث ويعرف من أين تؤكل الكتف رياش مالت عليه مالقى من ينتف ريشه ويربيه الظاهر كل اللي تزوجهن ضعيفات يمكن نسيت البعض ماشاء الله كثيرين وصعب حفظهم من البدايه لكن ماشاء الله ام اليزيد بدايه رااائعه وتشد الإنتباه تسلم يمينك ولا خلا ولا عدم منك يارب والمعذره على تأخر الرد تعرفين اجازه مناسبات وضيوف |
رد: الحظوظ العاثرة بقلمي / ضمني بين الاهداب
اولا ياهلا ومرحبا بالحظوظ وقراء الحظوظ
حبايبي اللي اعرفهم ويعرفوني والجدد بعد انقطاع سنين رجعتنا الغاليه ام اليزيد والله يجعله فاتحة خير على الجميع ويبعد عنا وعنكم عثرات الحظوظ وكدرها نبداء بالكلام المفيد بدايه مشوقه وصراع بنكهه جديده البدايه نفود وبندر والحياه وآلامها وسرقتها من الانسان اغلى مايملك لكن الحياه لازالت مستمره ودائما فيه جانب مشرق من كل شي وجانب نفود انها تركت لبندر قطعه منها كان بلسم يطيب جراحه وفقده لها غتار لكن استمرت لعبة الزمن وانه يحط الانسان على المحك والدنيا ابتلاء ولكل مميز حساد وناقمين ونحمد الله ان غتار طلع منها باقل الخساير وعاد للحياه وللتميز بس بشكل اخر ويبدو لي انه هو اللي بيكون العظمه اللي في حلق عمه عقاب ويمكن تصير سوالف وحقوق ما يحلها الا انهم يزوجون غتار بنت عقاب لكن كيف بينحل الحقد القديم هنا السؤال المهر بنت العنود وبندر هل معقول بيتركها عقاب والا ممكن تتطور الاحداث وبيزوجها لولده اللي ماجاء طاريه الا مرورا بهذا البارت (المهم اني زوجت كل الابطال من البارت الاول فديتني بقلب خطابه ) ****** غياام للاسف انتشر هالفكره عند بعض الشباب هاليومين والمشكله بالشخص نفسه لاهو اللي مقتنع بها 100%ولاهو اللي رافضها 100% فالناتج منها زواج ثم شك ثم مشاكل ثم تففك اسر وطلاق والمصيبه الكبرى ضياع الاطفال بينهم يعني معليش لكل مجتمع خصوصيته ومهما تمدننا وتغيرنا. الا ان الرجل الشرقي سيضل من وجهه نظري شرقي وبيوقف عند المبادئي ولو غامر غيام ومشى ورا عناده و تزوجها بتظل فيه حلقه مفقوده وهي القناعات اللي هو تربي عليها والعنصر اللطيف اللي طلع من فوق الدريشه وحاول ينط هنا بيبان دوره في الحكايه ........ استنتجت من حوار رياش والمجهوله ابو فارس وفجر انه عقاب ولا زال القلب شايل هموم ومشاكل ومعقول كل هالسنين وفجر اللي باين انه متعلق به مازال للعنود مكان بقلبه وبعد من الوصف صراحه يام اليزيد الواحد يحس ان عقاب ما ينرفض وباين ناجح بشتى المجالات وهل في امل لبرده خاطره على اخوه والا بيكون ثمن الصلح غالي وهو انه يسمع خبر بندر اخوه ولحظتها اذا فات الفوت ما ينفع الصوت (همسه في اذن محبات بندر الشيبه خطرو الكلمتين اللي فوق اخاف تذبحوني ) ..... فارس صدمتي منه انه ولد عقاب اللي مهتم بشكله بالطول والعرض وهو مهمل نفسه ودب اوك خطيبته سطحيه ومافيها رومانسيه عينها على فلوسه لكن بعد هو غلطان اللي مهمل نفسه لازم يدور له حل ويخليها تعض اصابع الندم عليه همسه فروس فويرس لا تشيل هم المهر بتنسيك ياها وبتنسيك طوايفها وبعد ما تدري يمكن ربي ييسر لابوك ويعرس على امها عاد لو البدر عاش والا الله يرحمه 🤓 تبون الصدق واضح الشخصيه ذي رغم ان ظهرها الشر بس حبيتها الحب من الله يا قوووووم ****** رغم اني بالاخير تعاطفت مع عهد لكن اترك قراري الاخير مع من بوقف للبارات الجايه ننتظر القادم بشوق يامبدعه |
رد: الحظوظ العاثرة بقلمي / ضمني بين الاهداب
مساء الخير ..
شكرًا ضمني على رجوعك وعلى الروايه الجميلة .. اشتاق لك واشتقنا للردود المميزة .. ايام ثرثرة ارواح كنت استمتع جدا بالردود .. قرأت خبر بالسناب ان العنود متزوجه 😬 |
رد: الحظوظ العاثرة بقلمي / ضمني بين الاهداب
السلام عليكم ورحمه الله
مراحب الكل منا متوقع الورد مدري الجوري اللي كان المفروض اسمها نيزك بتكون زوجه لغيام بعد حركه ابوها اللطيفه 😒ونشبها في حلق غيام رغم اني طبعا ضد زواجه من وهج لكن محد توقع انه بيسحب ع الموضوع وبيمشي رايه على ابوه واهله وبيتوهق فيها غتار وبيتزوجها وبتتشكل قصه غير عن توقعاتنا ضمضم عادي اعطيك اقكاري العبقريه وغيري احداث روايتك 🤓 بس تكفين الا ابو فارس لا وصيك عليه (قلووووب من هنا للسبت ) |
رد: الحظوظ العاثرة بقلمي / ضمني بين الاهداب
اقتباس:
ياهلا ياهلا 😳😳وش هالتوقع ابد ماطرى علينا !! تتوقعين ضم ضم تسويها؟ لا لا غتار نبيه ل فخر من البدايه مشبكتهم مع بعض 😹>على كيفها |
السلام عليكم
ويسعد صباحكم بكل ماهو خير وحي الله ام اليزيد ربي يزين حظوظ الجميع أخوي كواني في الحشا كيتين بضو... وانا لاجيت اكويه ماناشته ضوي...! صراع اخوه وقطيعة سنين والسبب عناد عّم وتفضيله بين الاخوان صحيح عقاب طايش وعنيد بس يحب بنتك ولاهو متزوج قبلها ثنتين هذه نقطه مفروض فكر فيها بس هو اختار الأفضل في وجهة نظره لبنته وهو عارف ان بندر ما يبيها والنتيجه رجعت لبيت ابوها مطلقه وقطيعه بين الاخوان الأبناء غتار وفخر ياترى هم اللي بيرجعون العلاقه بين الاخوان فيه صفات مشتركه مع بعض وعندي احساس ان بيكون بينهم قصة حب حلوه وكلها مكابر تذكرنا بقايد والجموح غيام و وهج انا ضد العلاقات هذا حتى لو انتهت بالزواج بيبقى الشك يحوم على حياتهم ويخربها فارس وعهد سطحيتها هي اللي شجعتك توصل للي وصلت لها صحيح انها تافه وماتفكر الا بس قدام عينها وفِي نفسها بس مايمنع انك تعطيها فرصه ثانيه يشفع لها حبك رياش فاكهة الروايه يمكن يكون بس هو ليش سأل عن فخر يبيها لولده والا لنفسه الشخصيه الجديده اللي بتطل علينا في البارتات الجايه سميتها روز عاد انت بكيفك عجزنا نعرف اسمها ياترى هي بنت ابو سليمان اللي بتدخل حياة غيام وتنسيه وهج أتمنى ذلك في انتظار القادم الاجمل سلمت الأنامل ام اليزيد |
رد: الحظوظ العاثرة بقلمي / ضمني بين الاهداب
صباحكم سعاده ال ليلاس ا
اخبار الجميع إن شاء الكل بخير اشتقنا لتجمع هنا اليوم بس قدرت ادخل المنتدى لي كم يوم مو راضي يسجل دخولي ياترى مأخذ على خاطره من القطيعه تعقيب بسيط على رد نوف حرام وش ذنب غتار يتزوج ورد وهي طاحت على اخوه يمكن غيام يحب البنت ويمكن بعد يشوفهم ابوها او اخوها ويكون أقشر ويخليه يتزوجها غصب اهم شئ تطلع وهج من حياته |
رد: الحظوظ العاثرة بقلمي / ضمني بين الاهداب
اقتباس:
وعليكم السلام ورحمة الله وبركاته نوف كيف خطر على بالك هذا التوقع لا لا مرفوض غتار ماتليق له إلا فخر وخلي النيزك اللي كسرت ضلوع غيام لغيام تعالج كسوره إذا تحبي ضمضم تعتمد السيناريو اللي بتكتبينه خلي فخر لغتار أنا خلاص ربطهم مع بعض هههههه نوف كأني أشوف ضمضم تناظر لنا بنص عين وتقول بررررررررررررا |
رد: الحظوظ العاثرة بقلمي / ضمني بين الاهداب
هلا والله وغلا بالحامل والمحمول ... هلا بضمضم هلا* بالحب هلا والله باللي له الخافق يهلي.. عدنا لعهد الروايات الجميله والعود احمد .
الرواية باين انها راح تتعبنا في التوقعات بس جد جمال جمال فوق الوصف. نبدا اولا ببندر البندر : شخصية فريدة وغريبه ..استثنائي في حبه لنغود وولدها ومتسرع في طلاقه للعنود خصوصا انه اله بنوته منها ..... فكرت اول شي انو ممكن بنته مهر تكون حاقدة عليه !! لانه طلق امها بدون سبب.بس غيرت رايي لانه شخصية زي شخصيه بندر مهما كانت ما بتظلم وما بتنكره. حبيت علاقة بندر وولده غتار بس رحمت غيام خخخخ المسكن بيتحنن ابوه له سنين وهذاك لو طلبها باردة مبردة جته >>>تعليقي على غيام قادم..صبركوا بس 😆. *عقاب : اول ما قريت عنه قررت اني راح اكره! واول ما سمعت عن مشروعه اتوقعت يكون غش ونصب واحتيال .. بس صدمني للاحسن صراحه .. ومن هذا المنبر وامام الملأ اعلن وبكامل قواي العقليه اني في صف ابو فارس للاسباب التاليه >> احم احم واحد اولا يا سادة يا كرام : صحيح انه عقاب انظلم من جانب عمه لما حكم انه مستهتر ومش نافع* ..العم نسي انه سن عقاب كان صغير والانسان بهالسن ما بينحكم عليه ... الا انه اثبت الهم العكس تمام* .اشتغل وكافح وكان انسان عصامي بنى نفسه بنفسه والشايب الحلو للحين مهتم فنفسه مش زي رياش ابو كروشة . ثانيا يا باشوات: على الرغم من انه قاطع اخوه قطيعه كامله . الا انه ما اذاه زي ما بنشوف في الروايات ..المقصد الحقد على بندر مهمن كان" حقد اخوي" اذا صح التعبير ..يعني بكل بساطت عقاب لما زعل من اخوه سحب حاله من اطار حياته..ابتعد واشتغل واثبت نفسه بنفسه ..وما اذى اخوه .. ثالثا واخيرا: عقاب لو انه اتجوز عنود وما وقف له عمه يمكن ظل الشخص الانكالي المستهتر ال"صايع" وما كان له دافع انه يتقدم . الا انه حور غضبه ووجهه لاتجاه بنظري صحيح بحيث انه صار انسان ناجح والكل بينحسب له حساب وجاب فويرس الدبدوب وفخر للحلوة الي الهم معلقات بس صبركوا علي شويه. وهيذي هي التسباب اللي خلتني في صف عقاب "حاليا" ..لكن اني ف صف عقاب لايعني اني ضد بندر حبيب الشعب. غتار: زملائه في العمل دنيئين من الدرجه الاولى .. بس حابه اقولهم لا تتشمت في بلوة اخيك فيشفيه الله ويبتليك ممم شخصية غتار مازالت غامضه وملامحها مبهمه ! ايش افكاره ايش بيصير معه كله غامض. ليش حتى سعد اللي يعد نسبيا مش جاي يتشمت قال عنه مغرور...هل هو فعلا مغرور ولا مجرد احساس بالنقص من قبل وملائه اللي خلاهم يحسوا بكذا ؟ .والسؤال الاهم الاهم... من هي اميرته؟؟؟! هل هي فخر !!!! احتمال لو انه مش احتمال كبير.. لانه المستر تاع المصعد اكيد ما راح يمر مرور الكرام..خصوصا انه انصعق من الاسم* .ف اكيد انه هو واحد من اولاد بندر. غيام :🎶🎶 ي حب ي حب 🎵🎵🎶 هههه انة ومن هذا المنبر اعلن دعمي الكامل لغيام سواء في علاقته في وهج او في علاقته مع النيزك الساقط من السماء. اولا علاقته مع وهج: صحيح انها خاطئه الا انه الزلمه ناوي يتجوز وبالفعل ماشي ف مشروع الجيزة مع اني متاكده مليون فالميه انه مار اح يتم بسبب النيزك ... النيزك : هههه يا دافع البلا ساطووورة مرة وحده ..ههه ايش الخدامه المتوحشه هيذي ههه حرام عليكي كسرتي صدر الزلمه خخخخخ بس حلو الموقف يهبل ... الحين مو نافص غير يفوت ابوها ويقول ..أوئف عندك يا بيه..انتا لازم تستر على عرضي وابصر ايش.. الشي اللي حسب رااي الشخصي ماراح يصير ..وانها طاحت فحظته مش سبب كافي انه يتجوزهي لانه بكل بساطه الموقف مش مناسب الواحد يفكر ويفكر ..البنت اجت تموت انقذها الزلمه والسلام... تبعات الامر ممكن تكون انه : واحد : الينت تتعلق بالفارس الشجاع المنقذ* وتصير تغني 🎶🎶اهواك بلا امل🎶🎶 اثنين :ابو سليمان يكافئه بانه يخليه نسيبه ويحرجه ثلاثه: بندر يجاكر ابنه ويحرجه* برضك ويخطبهي له قدام خلق الله . فويرس الدب : يا عيني عالدب الحساس ههههه بتعرف انه* مافي حل انك تنحف او تظلن دب.اذا بتكون سمين بيقولوا عنك دب واذا بتنحف بيقولوا اللي كان دب* خخخخ يعني وراك وراك.فكل وعيش مبسوط ....نفوت فالجد شوي: عهد بنت خالتو صحيح انها انسانه سطيحه وجرحت فويرس اللي كان دبدوبي بس البنت تغيرت والمسكنه كانت مظاهر بس الحين نضجت وانا بانتظار المواجه بينهم... اللي بيقول انه عقاب ممكن يخطب مهى لفارس ..انا مش معاكم فهالنقطه لانه بكل بساطه في قطاااعه بين الاخوان حاليا وحتى لو رجعت النسب ماراح يكون عن طريق فاريس اللي كان دب..لالالا ىاح يكون عن طريق فخر والدكتور او غتار . ثانيا ..عقاب اعقل من انه يجدد جرحه بانه يجبب بنت حبيبته واخوه عنده بالبيت وتذكره بخيبته كل يوم.... عهد :صحيح انها تغيرت ...بس هات اللي يحنن قلب فارس عليها.. معروف انه الاشخاص الحساسين والدببه (او في هذه الحاله اللي كانوا دببه😂) اذا انجرحوا صعب ينسوا فما بالك اذا كان هالجرح من احب الاشخاص للدب ..مشان هيك انا باقولك الله يعنكي ع فويرس الدب الحقود ... *ملاحظه :فاريس ..راح تظل فعيوني دب الى الابد نيههههههااااي 😈 خلص تخيلتك دب صعبه تتطلع الفكرة من راسي .. وهج : كلمتين، لن يتزوجكي😒 فخر :راح اكتفي بالقول انها راح تكون السبب في رجوع العلاقه بين الاخوان. بطريقه او باخرى... ضمضم ..يا مية اهلا وسهلا كمان مرة ...اشتقنااا لابدااعتك وبانتظار القادم على جمر ... بس سؤالين اخيرين... متى موعد الفصول؛ كل اسبوع مرة واة مرتين😆 ثانيا ايش السناب تبعكي😇 ودمت بكل حب😍 |
رد: الحظوظ العاثرة بقلمي / ضمني بين الاهداب
السلام عليكم اهلا بكاتبتنا ام اليزيد كالعادة بداية رائعة تفتح لنا باب كبير للتخمينات والتى من ضمنها مثلا ان يكون من التقت به فخر هو الابن الثالث لبندر لاهو غتارالذى كان ضابط ثم تحول لتاجر بعد اصابته ولا غيام الضابط لانه عرفها على اساس زميلة شغل وصار موقف مع احد زملائه الاطباء اذن هو طبيب ارجح انه الابن الثالث لبندر خصوصا ان سبب زواج بندر الثانى هو ان يكون لغتار عزوة من الاولاد الذكور فمن غير المعقول ان يكتفى له باخ واحد واحتمال ضعيف ان يكون من التقت به فخر هو ابن رياش لانه احد موظفى المستشفى ممكن ان يكون فى ادارة المستشفى وليس طبيب ومن التقت به طبيب ،علاقة بندر واخيه وما يشوبها من جفاء وقطيعة كان نصيب الاسد فيها لبندر كان من الاجدر به ان يرفض الزواج من العنود حتى وان احرجه عمه الذى كان انانى جدا وفضل مصلحته هو وابنته التى تتمثل فى الزواج من يندر العاقل والمتزن وصاحب المال غير عابئ بما يسببه هذا الزواج من شرخ فى علاقة بين الاخوان خصوصا وهو يعلم ان عقاب يحبها وخطبها منه ورفض كان اجدر به ان زوجها لاحد غريب ولا زوجها لبندر الذى كان عليه ان يرفض بقوة هذا الزواج فعلاقته باخيه اسمى واثمن من ان يضحى بها ،غيام ووهج احسها كما وصفتيها علاقة تندرج تحت مسمى الصداقة او اقرب الى ان تكون وهج صديقة وليست حبيبة فهو لم يكن لديه علاقات مع بنات وهى اول بنت تعرف عليها ووجد فيها مستمع جيد ليومياته ومشاكله وتعود عليها وتعودت عليه وهى وجدت قيه سند لها فى ازماتها ولنكون واقعببن قليس من المعقول علاقة امتدت لسنوات طويلة من دون ولو لمرة واحدة ان رأى وجهها او حتى شابه الفضول لرؤيته لا ارى علاقتهم عاطفية اتوقع ان ابنة جيرانهم هى من سيرتبط بها
|
رد: الحظوظ العاثرة بقلمي / ضمني بين الاهداب
اقتباس:
العنوود زيين ماااسوت.. وش تجلس تسوي تبكي ع اطلال بندر ولا ع هباله هو واخووه .. ان شاء الله عاد اللي اخذته واحد سننع يعوضها و ينسيها بندر وطوايف بندر واهله بعد 🙂 نوف لاا لاا وش غتاار ع شووفة النفس والغرور ..عز الله ان النيزك مااتت من القهرر .. الشخصية مغرورة ماينفع معها الا نفس مستوى الغرور ولا ارفع .. واذا كانت اقل مووتها قهرر.. اقتباس:
صاادقه نسووم .. باقي حاكم يمكن هو اللي شااف فخر 🤔.. اتوقع انه من عيال بندر اذا ماخانتني الذاكرة من المقتطفات.. |
رد: الحظوظ العاثرة بقلمي / ضمني بين الاهداب
السلام عليكم ورحمة الله وبركاته
عودا حميد أم اليزيد .. أكيدين بنشوف رائعة جديدة من روائعك ان شاء الله . . ما قرأت تعليقات البنات بس اكيد ما خلو شي الا وكتبوه فباخذ جنب أنا لفترة من الزمن (مدري من انا يعني بس الحلوات يكفون ويوفون) . . بعلق بس ع المدخل والفاصل اللي بالنص لمسوني صدق خصوصا هذا الجزء من المدخل (ماحد يموت من المفراق يابعدي شفني على قيد الحياه اكبر دليل . وجرحك جميل صان وجه المهتدي والله يقدرني على رد الجميل) مع اني ما بقدر ارد الجميل والبيت الثاني من الفاصل السبب هههه ... ..... لا تطولين علينا .. وسؤال (هل الفصل له موعد محدد ؟ ) |
رد: الحظوظ العاثرة بقلمي / ضمني بين الاهداب
بسم الله الرحمن الرحيم
. . . عثرة 2 . . . مدخل . . . أنكسر قلبي من العلم والوجد احتدم والله ان يبطي وهي عسرةٍ جبايرة وجهك أبيض يا الوفي لاخلا ولاعدم ماتقصر..جارك الله من اية بايرة أستطعت الحفر لكن عجزت من الردم وان ردمت الحب تبقى عروقه غايرة حبك الي زراعه فا الحشا منذو القِدم عرقة أقوى من عناد الرياح السايره لاتقول ان صاحبك انفجع ولاإنصدم دامني غيمٍ وحظ السعادة طايرة والله إن محبتك عن سواد إمغايره مثل حبي ماتلاقي ولاشك أنعدم والرحا يانور عيني علينا دايره ماشكيتك في المحبة..ولاأشعر بالندم ماني على الجاني عتب والرصاصة حايرة دام خططت المفارق..وحثّيت القدم الله يسمح دروبك وفرصه جايره..! بداية.. صباح الخير يا أهل الخير في مقدمة الحظوظ قلنا صراع الدم..والمعنى فيه مو القتل لا...معناه الرابط الي بينهم هو الدم هم أخوه... نجمة مشتركة لـعذراً واشتاق اليك في توقعهم بـ الي سقطت مثل النيزك..ولدودي في غيام بتشوفه اليوم.. نجمة كبيرة لـ أشتاق اليك في توقع بنشوفه لها بعد بارتين ان شاء الله..وكذلك لنوف بنت نايف في توقع من توقعاتها.. وفيه نجمة ثانية بنشيلها لدودي لوقتها.. ان شاء الله مانسيت احد لأني والله مارجعت ادقق ماجاء لي وقت... و من ناحية ايام التنزيل على الاغلب راح تكون مثل ماتعودنا يا سبت يا اثنين...ان شاء الله لو بعتذر من بارت اكيد أني بقول لكم من قبلها بوقت مثل ماعودتكم ان شاء الله.. والسناب انا متواصلة معكم فيه لو طرا شي جديد... والـي ماعندها سنابـي هذا هو...omalyzad وهذا سناب نوف بنت نايف فيه نقاش حلو عن الرواية واي رواية تعجبها ومتحلقين البنات في سنابها بتجمع حلو n-umnawaf5555 . . . لاتليهكم الرواية عن الصلاة في وقتها.., . . . كان هو الذي تلقاها...! من السماء..! هكذا...! دفعة واحدة...! الارتطام كان قوياً .... برغم من ذراعية القوية الا أنه فقد توازنه...! بعد لحظات شعر أن صدره تفتت..وهو يعيد توازنه... وتلك التي تكورت بين يديه كـ نيزك سقط من السماء...! ماأن أعاد توازنه ليرى ما قد أصابها من ارتطامها به... حتى تلك التي تكورت بين ذراعيه وكأن ماس كهربائي قد سرا فيها فجأة وقفزة منه بشكل لاإرادي ومنطلقة برعب للخارج...! كان هو في أقل من ثانية قد أعاد توازنه من ثم قفز لـيركض خلف تلك التي تركته ولا يعلم هل بها مس من جنون...اما ..ماتقول حقيقة...! كان قد أحكم قبضته بـها... وبصرامة...\أنتي مجنونه...أنتي وش بلاك يابنت...! هـي بشعر متشعث وأنفاس متلاحقة وعيني مرتعبة وممتلئة بـ الدموع...\أنحااااش..هذي معاااها ساطورها بتذبحنا والا تذبح نفـسها بطلع بشارع...مراح اقعد دقيقه هنا...! أدار عينيه بها بـصدمه ومن ثم بغضب\أنتي ماعليك الابجامتك وين تطلعين بشارع...بتفضحين عمرك واهلك ...أصبري... كان قد أدار عينه في أقل من ثانيه لـمجالس الخارجيه التي هم الان بمحاذتها... من ثم أردف بصرامة../في احد فوق من اهلك..؟ بارتجاف..\لاااا غيام\قفلـي على نفسك هنا وانا هنا ببلغ الشرطة ياخذونها...دقايق وهم عندنا...أهدي...! كانت هـي أمامه بـ أنفاس ثائرة وارتجاف كبير.. برعب...\وشو...لاوالله اجلس أنت...!! كانت هـي تحت تأثير الصدمة.. فلا تدري ماتهذي به... همت بـ أن تركـض للخارج حتـى شدها بصرامة وقذف بها فـي مجلـسهم الخارجـي المفتوح وبعصبية صارمة..\أنثبري هنا...سلاحـي معـي ...ماهو بصاير لك شي...! بدأ تأثير الصدمة يتبدد وهـي ترى شخص ملئ الباب ببدلته العسكرية الأنيقة ومسدسه المربوط بشكل أنيق على فخذه...! وكأنه بدأت الرؤيا الضبابية تتبدد..شيء فـ شيء... وتشعر بأنها بدأت تنظر للأشكال على حقيقتها...! قفزت بـرعب وهـي تنتبه بأنها بلا أدنـى غطاء... وبهمس مرعب..\تكفى أستر علي الله يستر عليك ولا تناظرني...المجنونة داخل..دق على إخواني على اهلك أي احد أي احد إنا بطلع بموت بجلطه لو اجلس هنا من الخوف ..! هو تجاهلها وأغلق الباب من دون أن يتكلم بكلمه... وجه الصارم وفكه المشدود بـشده... شدا هاتفه لـثوانـي وسمعت أنه يتصل بالشرطة...! ومن ثم مكالمة أخرى لم تتبين من من...؟ قفزت تطل من النافذة الزجاجية بعد إن أحكمت أقفال الباب بقفلين... نعم قفلين فـ لو تعارك معها لن يصيبها شي فبينها وبينهم هذا الباب الضخم...! لتمر دقائق...وتجد جارها بندر البندر يتوسط المكان ومعه أبنه غتار...! ياالله... يالفضائح....تلك المجنونة...! بندر البندر...! ياالله...بندر...بهذا القرب المرعب الفاصل بينهم فاصل زجاجي ضخم... بندر البندر...هذه هو أمامي.. مالئ المجالس ثقل وشاغل الناس ذكر..! ياالله.. لما أنا بهذا الموقف مع هولاء الأشخاص بذات... لو أني قفزت وهربت من دون صراخ لبيت جارتـي هديل... ياالله..!!! عينيها الـخائفة تطل كل ثانية من النافذة الزجاجية من ثم تتراجع للخلف.. من ثم بعد لحظات وجدت أن سورهم قد أمتلئ بـ أخوتها الذين أحضرو معهم دورية لشرطه...! . . . بعد ساعتين ونصف الساعة... فـي مجلـس إل سلمان ...! بندر وهو يتناول فنجال القهوة الثاني وحديثهم كان عن الخادمات وفواجعهم ويحمدون الله إن الأمور انتهت على هكذا... و المجلس كان مكتظ من العائلتين...! أبو سلمان...\أسمع يا أبو غتار... بندر باهتمام ..\أسلم...! أبو سلمان ...\فعل غـيام يحفظونه إل سلمان لـ ولد الولد..إلي أرسله ربـي لنا وفكنا من جريمة بتاخذ وحدة من أغلى بناتي... بندر..\غيام ماله معروف عليكم يا ال سلمان..هو ولدك وا.. قاطعه أبو سلمان..\هرجك في محله يابو غتار..وما أقاطعه..لكن غيام جاته بنتـي إلي هو فكها اليوم من الموت...! عم الهدوء المكان...! ابتسامة من غتار خبيثة...ولون أخر تلبس غيام... الأعين توجهت للهامة البندرية... حاجبـي أبو سلمان المعقودة...وجه الصارم... أزواج أعين جادة..! وتجاعيد الزمن الماضي يرسم لوحته الثمينة في وجه كبار العائلة...! الصمت قد كان سيد الموقف...ليكسر بعد ثواني..! بثقل بندري ...\ تم...يابو سلمان...ماعقب نسبك نسب..ولأترد عطيتك ابد...! شعر بـ أن الأصوات اختلطت في عقله...! والدوار الرهيب الذي شل تفكيره...! كـيف...! يتداولون موضوعاً منتهياً...! أنا أتزوج بغير وهج..! ومن من..! من التي سقطت علي من السماء..! . . . أرهيت أنا لزمها والسبق في يديا... وأثره سبقني عليها واحداً ثاني... . . . كانت تنظر لوجها في المراءة..مربوط بشاش أبيض وجها ورقبتها... فقط عينيها وفتحت فمها من كانت متروكة... كانت مجموعة جراحات تجميلية دقيقة متتابعة ... في خلال تلك الرحلة.. كانت نفسيتها تتأرجح.. وترفض النظر لتطورات الجراحة... ترفض..وبقوة..! بكاد تلامس وجها بـ أناملها بعد عملياتهم التجميلة.. كانت الحروق تملئ وجها وعنقها وجزء من يديها فيما مضى.. الحادث الذي التهم شقيقها ووالداتها ترك لها تذكار تناوبت عليه مقاصات الجراحين ومشارطهم الفترة الماضية... أنبوبة الغاز تلك التي قضت على والداتي فوراً وشقيقي بعدها بأسبوعين... وكأنه يصارع أنفاسه كي يقول وصيته فيني لذاك الشخص..! همست للممرضة السعودية..\دكتور حاكم ماجاء إلى ألان..؟ الممرضة...\لا ياقلبي هو أعتذر يقول عنده ظرف اليوم..! أرخت عينيها لـمكان ما...حيث كفيها التـي أصبحت جميلة ألان واختفت مع العلميات التجميلة اثار الحروق التي إصابتها في الحادث لآتدري ماأصبح عليه وجها...! وغير متحمسة..! فقد حاولو أني أرى تقدمهم في العمليات لكني كنت أرفض .. وكانو يراعون حالتي النفسية ولا يجبروني على شي..! كان الكادر الطبي لطيف متعاون ويشعروني بـ أنهم أهلي ايضاً.. قد يكون بسبب قصتي...؟ قد يكون بسبب أن أخي كان زميلاً سابق لأغلبهم...؟ وقد يكون لأنهم أصدقاء لحاكم وتربطه معرفة في بعضهم البعض..؟ . . . أرهيت أنا لزمها والسبق في يديا... وأثره سبقني عليها واحداً ثاني... . . . بعد ثلاث ساعات... فـي بيت البندر... غتار بـصوت غاضب وصارم وهو يشير بيده بتهديد..\أدوس بوجهك الأرض لو فكرت تزوج الكلبه إلي تكلمها أنت لاتحسـبني بسكت عنك لو بتحطنا قدام الأمر الواقع مثل متقول...! غـيام بفوران دم...\ صدقني ياغتار ...لوغيرك قال ذا الكلام...اا قاطعه بـجبروت غتار المعتاد..\نعم غيري..تبـي تحط فضيحتنا على كل لسان..ولد بندر البندر يبي ياخذ له وحده كان يكلمها...ليه...قلو بنات الحمايل العفيفات في بيوتهم يوم تبـي تدخل على اهلك وحدة رمه مثل ذي..! غيام بقلة صبر وبصوت عالي..\اسكت ياغتار...تراني ماعاد ابلع عليكم عقب إلي صار اليوم بوجه الرجال..! رفع حاجبه باستهزاء..\لاوالله..بنت الحمايل العفيفة بنت الرجال تعيفها وتبـي ذا الخمه أنت بعقلك...إذا طار عقلك وراك الي بيعقلك ويفهمك و بشتك ماهوب ساترها ذا الخمه الي تكلمك وبتكلم عشرين غيرك...! لم يكمل غتار كلمته...حـتى قفز غيام من غير ارادته منه... لـيردعه حاكم بتقريع ...! على دخول بندر الغاضب... المشتعل ... الذي تحول لـبركان ثائر وصوته يجعل غيام يتراجع من دفع حاكم له...! بندر بغضب\ تذابحو قدامي...إلا تذابحو خلو عرق عمكم عقاب يلحقكم خلو المره تفرقكم بعد....!!!!! غيام المشتعل...\تعطي كلمة في وجيه الرياجيل اني باخذ بنتهم...ليه هو انا بنت مالي راي ولا شور...انت تحسبني باخذها...! بندر بـهدوء ومكر ...\ليه هو انت ناوي تفـشل أبوك عقب ماقال تم لهم..! شد نفس عميق من ثم زفر...\ابوي لو انه يدور خاطري كان عرف انا من خاطري فيه.! غتار بتدخل ماكر \ايه بـس انت الي سويته لـرياجيل ذولا ماهو بشوي ولوهم دارين بـخبالك ذا ماعطوك بنتهم..! حاكم يشير لـغتار بصمت ليتجاهله غتار تحت نظرات غيام المشتعلة لـيهمس غيام...\خذها انت...انت الكامل الي مابك عيوب..! غتار رفع كتفيه بعدم مبالة..\والله عاد انا ماني سوبر مان الي انقذها العرب شايفينك واحد ماحصلش مايدرون انه محرق كبد ابوي على وحده ماتسوا مواطي رجلين بنت الرجال ذي...! يشعر بأن رأسه سوف ينفجر من غتار الـمقيت...! والكلام مع غتار كـ الكلام مع شخص بغير لغتك..! لايفهم حـتى بـ كسر الأضلع...! وقع على الكرسي ووضع يديه على رأسه... يشعر بإلم يشطر هذا الرأس..! يشعر بشي يتفتت...! يشعر برأسه يتحول لكتلة لهب...! العالم كلهم ضده...الكل ضده...! رأسه سوف ينفجر لامحاله...! شعر بـشيء ساخن يخرج من أنفه...ليسقط على طرف ملابسه وتتلون به...! تدارك أنفه بطرف يده...! بندر برعب وهو يرى الدم الخارج من غيام...\أأأبو غيام...! استند غتار على عكازه و شد له مناديل كانت بجانبه...ليرفع ذقن غيام ويضع المناديل على انفه ...\رجع راسك على الكرسي...! حاكم بغضب وهو يتدخل...\بينفجر راسك من ذا الضغط ...صحتك يا الخبل ماهيب متعوضة لو تروح...! همس بصوت مبحوح..\أن شاء الله يفجر ذا الراس وافتك منكم...! نفض يد غتار بقوه وهو يتجاهل ندائتهم ويترك المكان جلـس بندر على الكرسي وبزفره..\عسى مايسود وجهي ذا الولد عند الرياجيل ...! حرك رأسه بـتأسف.. غتار بنصف أبتسامة\لاماعليك مايسويها .. رفع رأسه لـغتار...\وش يضمني..؟ غتار بهدوء...\غيام ماهوب مفشلك انا اعرفه كله والا أنت ..وبعدين انت تحسـبني بخلي ذي البنت تاخذه..تطمن بس انا ضمانك...! من ثم تناول هاتفه الذي لم يصمت وخرج ليرد على مكالمة تخص اعماله.., حاكم بعد ان خلا المكان جلس بجوار والداه وبهمس...\يبه شفت اليوم عندنا دكتوره با القسم.. رفع عينيه بندر بستغراب وحرك مسبحته بين أصابعه.. حاكم..\دكتورة ستيرة وماشيه بين الدكاترة زي الرمح..ماشفت عليها شي أنقده من ناحية الستر بس انها طويلة لسان شوي..! بندر حك ذقنه بهدوء من ثم تناول المسبحة من جديد بين اصابعه..\انت تبي تخطبها على نوره..يوم خذيتها ودقيت الصدر ذاك اليوم قدرت موقفك وقلت قول وفعل بس ماهقيت ان امك كلامها وزنها يأثر فيك لذي الدرجة..نورة يتيمة وكأنها مقطوعة من شجره لاتقهرها بشي مالها طاقة فيه ياابوك..مالها الا الله ثم انت وعمها الي بالش ببناته وحرمته القشرا..! قاطع استرساله حاكم ..\يبه الله يهديك وين راح بالك نوره مالها دخل بسالفتنا وهي على الحشمة والتقدير دامها تبيني ومعي.. من ثم اردف..\الدكتوره يبه يوم قريت بطاقتها الطبية طلعت بنت عمي عقاب...فخر...! يا عقاب...! يضعك الله في دربـي كا العقوبة لي..! ها هي ابنتك تكبر وتصبح شابة وأبن عمها لايعرفها الا من بطاقتها الطبية أي دماء بندرية تجري في عروقك..! أي خصومة فجرة بها...! ماذا لو كان دم الذي بيننا اذاً ماكنت فاعل بي..! سَ تقتص مني لن تعفو عني حتى لو بساحة القصاص... وفخر..! كيف هو شكلها..كيف أصبحت..؟ هل أخذت من ملامحك شي..! من جبروتك شي...من عنادك شي..! أم لم ترث منك شي..؟ يا الهـي... أعطيتني شقيق ليس للغفران باب عنده..! همس بهدوء..\الله يستر عليها ويخليها لعين عقاب..! حاكم بتأفف..\اعوذ باالله من ذا العم قطع عرقنا مرة وحدة... أبتسم بهدوء..\عقاب كذا..يفجر دايم بخصومته وعناده ما أنسى عزا أمي الله يرحمها حطني مسخرة قدام الناس حاط عزا عنده بعدما يطلعون الرجال الي يعزوني ويرحون له بعد..وفوق حماقته ناشر خباله بجرايد ان مكان التعزية في بيته.. من ثم أردف...\ماتت أمي عقب زعلنا بكم سنه وهي تدعي ربي يهدي نفوسنا ..والى الان نفوسنا على ماهي عليه..., حاكم..\تهقى عقب ذي السنين بيرجع عمي عقاب ..! ...\ذي علومك دايم ياحاكم تقلب في علوم قديمة ماهي مغنية الي يسمع ولاسادة جوع الي يتكلم..! ارتفعت عيني بندر لـ أبنه البكر..! واقف بيده عكازة وكأنه صقراً على وكرة..عينيه تلمع بجدية مطلقة..! حاكم تحلق بصمت...صوت مسبحة بندر تدفعهم لـ شاطئ صمت اخر..! . . . أرهيت أنا لزمها والسبق في يديا... وأثره سبقني عليها واحداً ثاني... . . . يوم جديد . . . في احد نواديه المنتشرة... كان يتدرب فقد كان يفضل فرع ناديه هذا القريب من منزله وأعتبره مقره الرئيسي خصوصاً بإنه كان اولى اماكن السلسلة.. كان يعتلي ويهبط في سرعة ورشاقه وأنفاسه الاهثه تكشف كمية المثابرة.. كان هذا التدريب هو أخر برنامجه الصباحي..لذا تناوله قنينة الماء وارتشف نصفها الأخير.. رأسه يؤلمه منذو البارحة وأمه لآتكلمه..ولم تتناول العشاء معهم.. ومتصومعة في جناحها..! وهو لايحتمل رؤية والداته بتلك الحالة ابداً.. ليس من الابناء الذين يغضبون والدايهم با الأصل.. لطالما كان ودود بار معها دائماً... لكن تلك التافهة لم يمنعني من طلاقها الى الان الا تشبث امي بها... وخالتي أيضاً.. وهذا القرب وصلة الرحم تسبب صداع نصفي له.. فما عاد يحمل في قلبه شيء لها..! وماعادت تعنيه شيءٍ... أبتسامة أرتسمت وهو يرى احد نجوم السناب يدخل فقد اتفق معهم اليوم ودفع له مقابل أعلان له هنا.. وفكرته لم تكن ربحية أكثر من انها توعية بـ أهمية تلك الرياضه... ..\وحياكم الله اليوم في تغطيتنا لـ واحد من اهم النوادي اليوم الرياضية في الرياض ولـ الرياضي اليوم فارس...! ..فارس بثقه..\هلا فيكم وحياكم الله واتتمنى انكم تستفديون اليوم بجولتك انت ومتابعينك في صالتنا الرياضية الي ان شاء الله راح تكون من ضمن روتينهم اليومي من بعد اليوم..! النجم يمسك عضلات فارس وبممازحه\والله ماصدق يااستاذ فارس انك الي في هذي الصورة الي بواجهة النادي ..! أبتسم فارس وهو ينظر لتلك الصورة..\وانا فخور بهذا الشي ومثل ماقدرت انتم تقدرون ان شاء الله وليش لا..! النجم..\ماشاء الله وش كان دافعك لهذا التغير الجذري والنقله اشوف انك كسبت صحتك وكسبت بزنس..! أبتسم..\ايه الحمدلله اليوم قدرت اكسب من شغلي صافي وعوضت خسارتي في بدايته في المعدات وراس المال وخصوصاً لما انشهرت في السناب والاستقرام حسيت الناس بعد أقبلو زياده على الصالات الرياضيه الي امتلكها . من ثم اردف..\ومن ناحية وش الي غيرني..عادي مثل أي احد تضايق من كلام ناس كانو يهمونه وتغير وحط كلام الناس ورا ظهره مع رحلتة الماضية..! . . . أرهيت أنا لزمها والسبق في يديا... وأثره سبقني عليها واحداً ثاني... . . . حاكم بستغراب..\غيام دايم يحب يجلس على الفطور..! ام حاكم\ماداوم حتى اليوم تكفى يابوي شف وش فيه انا دارية انه مايبي ورد بنت سلمان بس والله انها بنت صالحة اعرفها واعرف خواتها واهلها جيرانا والي تعرفه خير من الي ماتعرفه...تهقى هو يبي احد والا في راسه احد...! توتر حاكم ومن ثم باابتسامه\لايمه مافي راسه احد تعرفين غيام مايحب احد يفرض عليه شي..بدخل أطلعه لك الحين على الفطور... ام حاكم بفرحه\اي يمك الله يجعلك راضي مرضي .. ابتسم وهو يقبل يدها المتعلقة بيده..ويتركها لـيذهب لجناح غيام... لحظات وطرق الباب..لكن لامجيب... يعلم بإنه مستقيظ هو من النوع الذي يكره نوم المتأخر... أدار مقبض الباب ليجد الجناح قابع في الظلام.. الا ركن بعيد بجانب الشباك يقف عنده ويتضح من ضوء الشمس الساقط على الستائر الذي طرفها مفتوح ويطل هو معها.. حاكم بـصوت مرح..\صباح الخير اليوم اشوف لادوام ولا قومة مثل الناس..عسى ماهو الصداع الى الان معك..! تنحنح..من ثم جلس با الاريكه..وهو يتجاهله.. تقدم حاكم وبحنو..\غيام..أمي والله متشفقة على الفطور معك اليوم يعني كل يوم تفطر معها وفاقدتك اليوم..لاتضيق صدرها على شي مايسوا... من ثم اردف وهو يجده صامت \خلاص الموضوع تم وانتهى منت مفشل ابوي ولامفشل عمرك في وجيه الرياجيل..وبعدين الزواج قسمة ونصيب انت ماتدري وش ربي كاتب لك.., رفع انظاره له ليهمس بحرقه..\انا قاهرني غتار ياحاكم..يومه يتمم مع ابوي في وجيه الرياجيل..غتار احسه يكرهنـي ..ماراح اسامحه على ذي الحركة الخبيثه الي منه..! ابتسم وهو يجلس بجواره ويربت على كتفه..\غتار تعرفه موته وكسر عظامه من البنات الي يكلمون شباب مستحيل واحد مثل غتار يتقبل ذا الشي ! اشار بيده لجرح القطعي الذي تسبب به غتار في وجه غيام عند ما وقع عليه وكشف قصته... تقوقع غيام من جديد وبحرقه..\انا وش الي رجعنـي ذاك الوقت الا قرادة حظي..!! ابتسم حاكم\والا يمكن زين حظك..أبوي ماهوب راضي عنك في سالفتك مع البنت الي تكلمها دور رضا ابوي ياغيام على نفسك يوفقك ربي..! من ثم اردف..\قم نفطر مع امي..ترا حنا مسيرين ماحنا مخيرين...قم وتعوذ من ابليس..! . . . أرهيت أنا لزمها والسبق في يديا... وأثره سبقني عليها واحداً ثاني... . . . في مكان أخر..., . . . كان يتناول أفطاره كـ كل مره.. في حديقته كأس عصير برتقال..وسلطة فواكه..قطعتين توست أسمر..وجبنه بيضاء...زيتون..عسل..! فطور صحـي..يعتمد عليه أغلب الصباحات.. يقرأ له جريدة... برغم من قفزة العجلة في وسائل المرئية والمقروئة الا انه مازال محتفظ بـ صباحات الجرائد والمنشتات.. الرياض...الوطن..الجزيرة..الشرق الاوسط..عكاظ.. مازالت صباحياً على طاولة افطاره.. يتصفحها بهدوء ثم ينطلق الى عمله...! كانت هـي بجانب الأخر تتناول افطارها معه..لأجله فقط..تحب مايحب..وتتابع مايتابع...! هو الدنيا بإسرها في عينيها..., همست بحب..\ عقاب يا عيني تبـي اصب لك شاهي عقب عصيرك ماشربته..! بهدوء..\لا..واشوفك مافطرتي.., انتهى من جملته وهو ينظر الى صحنها الذي لم يتحرك منه شيء.. همست \مادري مالـي نفس..., عقد حاجبيه..\سلامات..تشكين شي..! ...\ضايق صدري من فارس وبنت خالته ابيه ياخذها.., عقاب بضجر..\المكتوب بيصير ..أفطري وعيني من الله خير..واذا مايبيها الدعوة ماهي غصيبه بعد.. من ثم صمت وعاد لقراءة الجريده.. وقعت عينيه على خبـر يخـص ..شخص ما..! يعرفه جيداً...!! المتذاكـي الصغير الذي تأتيه أخباره اول بإول..!! هكذا..منذو سنين..واخبارهم تأتيه اول بإول..! يسمع من أصدقائه الذين في السوق انه الأخطبوط القادم بعد والده..ومن يترأس الان كل شي تقريبا..! لم يأخذ من ملامح والده شي... يشعر بأنه مختلف.. لا يدري.لايشبه بندر...يشبه شخص ما..! أبتسم ...! يتذكر جيداً..! قصة قبل سنتين مضت كان على فراش لايتحرك فيه شيء... وكأنه جثة هامدة..! عندما أطل عليه في فضول عابث منه.. كان بندر قد خرج منه لـصلاة العشاء..وكنت انا في زيارة لصديق لي.. دفعني الفضول لأجعل احد مرافقيني يسأل عن جناحه من ثم ها انا اقف فوق رأسه الان... وأنظر..! كان شبه نائم... لآ انكر اني اقتربت من وجهه كثيراً... لكني لم أقبله..!!!! بقيت انظر الى البندري النائم من تسري فيه عروق دماء البندر... من رأس انفي همست..\أمك نفود أجوديه واطيب من شارب ابوك وكنت أعزها علشان كذا جيت اشوفك ..! صوت نبض هادئ منتظم... عينيه تنتقل لـ اسلاك الموصلة به أنحنى يتفحص ملامحه من ثم بهمس في اذنه...\ولد نفود مدري تسمعني او لا بس البندر لو ينفصل لحمهم عن عظمهم يوقفون على العظم المكسور .. كتف يديه من دون مبالاة..\وانت من البندر..! من ثم فتح ذراعيه من جديد وعبث بـ اجهزة بقربه ينظر لها..\ لايغلبك الحديد...لاتصير مثل ابوك..اطلع على امك ابرك لك...والا علي...! من ثم أقترب منه أكثر..! تلك الملامح النائمة... الفم المطبق.. صف الرموش كانت متقاتلة شرسة وهي اليوم في حالة هدنة ما او أستسلام تام.. أنفه البندري الخالص... شعره المرتب وكأنه لتو أنتهى منه حلاقته وترتيبه.. وقد يكون بندر مهتم بإدق تفاصيلة على مايبدو... يشبه شخص ما...! يشعر بهذا الشبه عندما يراه ومن هذا القرب الشديد..! لآمس يده في غفلة من كل شيء..! رياش وهو يدخل الجناح ويلقي نظره..\الولد رايح ياالله العوض..كنه شكل ولد عمي يوم مات الله يرحمه..شف شف وجه وجه المودع خلاص..قاضي...يالله حسن الخاتمة..! من ثم اردف...\يامال فرقا العين..شبابه ماكلاه دنيا دنيا ماتفرق بين صغير وكبير...! عقد حاجبية وهو يلتفت لـ رياش..وكزه على صدره...\خلنا نطلع قبل يجـي ابوه..! طوى الجرائد وحلق في الصمت ما وهو يعود للحاضر... لم يوقظه من الصمت الا قبلة على رأسه..\صباح الخير... أرتفعت عينيه لـ فارس الذي متضح من ملابسه الرياضية عودته من تمارينه الصباحي.. همس..\جيت أبكر من دايم...! فارس..\ايه كان عندي موعد صغير مع واحد بسناب عشان شغلي والحين عندي موعد ثاني بس لازم ابدل ملابسي واطلع له ... شد الخطوات لوالدته وقبلها بعد ان القى السلام عليها ولم ترد..! أشار بعينيه عقاب لـفارس ليجلس... جلس فارس.. عقاب..\الحين من يورث ذا الخير غيرك يافارس اذا مامسكت حلالي وجيت ورحت معي وشلون تمسكه بعدين انت يوم تشوفني ساكت عنك ابي الي في راسك يطيح سكر ذا الخبال وتعال معي في كاري..! أبتسم فارس بـهدوء..\الله يطولنا بعمرك بس مثل مابنيت اسمك لحالك انا بعد ابي ابني اسمي لحالي ولايقولون لي ولد عقاب جاء ولد عقاب راح...! عقاب بغضب..\وذا شيً شين ناس يتمنون انهم في محلك وانهم عيالي وانت ماتبي..! تجاهل حديث والده وارتشف العصير من ثم أستأذن بتهذيبه المعتاد...! عقاب وهو يراه يدخل الفله اشار بيده..\قطع وجه بنت اختك قلبت حال ولدي فوق تحت الله من دخلات بعض النسوان..! عمشاء بسخرية...\ والله الفرس من خيالها لو انه خذاها ورباها ماصار في الدنيا شي...! عقاب بحس ساخر..\فرس امحق وعيد بنت اختك واجد عليها غرنوق وتضحك بولدي بعد من زين الوجه..! أبتسمت بـحس فكاهي..\الله عاد انت وغرنوقك يحصل لكم نسبنا مرة ثانية..! وضعت يدها على يده..شدتها لها..وضعت على شفتيها وقبلتها..يده كـ دأبها تفوح منها دهن العود الذي يحرص عليه دائماً... أبتسم..وصمت..., . . . أرهيت أنا لزمها والسبق في يديا... وأثره سبقني عليها واحداً ثاني... . . . في المساء . . . أدار مقبض الباب...خطواته الهادئه صمت هاتفه وهو يضعه في جيب البالطو الابيض... وضع يده على حاجز السرير الابيض وهو يراقب اجهزة طبية قريبة منها... أبتسم..\الحمدلله على سلامتك اليوم طليت عليك مبكر حصلتك نايمه وماحبيت اصحيك.. كانت تجلـس..\الله يسلمك.. بثقه..\ها جاهزه..الحين بيدخل دكتورك الخاص وبنفك الشاش وان شاء الله كل شي يكون احسن من مايكون..؟ ..\عادي..إيه.. جلـس بجوارها وهو ينزل حاجز السرير .. أشارة بكفها الاخر ..\الابره نافخة يدي مره مااتحملها خلاص.. أطل على كفها المنتفخ قليلاً..حررها من ابرة المغذي واغلق الاصق الطبي وشد الكف ليدعكها بحركة هادئة..\ماتشوفين شر..خلاص راح الكثير وبقى القليل ان شاء الله... ...\ماني قادره انام مثل الناس ياحاكم ماني قادره...! همس..\بتنامين ان شاء الله زين بتزين الدنيا في عينك الصبر زين..وانا معك.! \وين تزين ياحاكم وين تزين وانا كل ماغمضت عيني شفتهم قدامي ينحرقون .. تضع في صدرة الزجاج المفتت وهو يتذكر عبدالرحمن في اخر ايامه...كيف كان همس بـحزن..\الانسان ماله في ها الدنيا الا يومه الموعود... همست بضيق.\عمي سعود اليوم يكلمنـي ويتعذر مايقدر يجيني أبتسم \الله يسلمه. لاعاد تخلينه يتعنى دايم يجيك هو باخر الرياض صعب عليه.. هدوء جديد.. وضعت يدها المرتجفة على كفة المطمئن ..\حنا وصلنا تقريباً لأخر المشوار العملية هذي تقريباً اخر شي بعد سلسلة العمليات الي راحت وانا ابي اتطلق منك ياحاكم..!!! حاجبية المعقودة صفحة وجه المتكهربه..\وشو..!! ...\تطلقني ايه.. اردفت \ماقصرت وقفت معي وقفت رجال..تحملت عشاني مصاريف لها اول ومالها تالي وضحيت بإشياء واجد ماكنت مجبور فيها واولها انك خذتني شبه مشوه..وتزوجتنـي و اهلك كانو معارضين بس اقنعتهم عشاني بس الحين الحمدلله وضعي صار طبيعي و.. قاطعها بصرامة..\ ماهو بوقته..!!! عم الهدوء من جديد..ليأتيها صوته المتسائل... بهدوء..\وين وصلـتي بسلسلة أميرة البحر..؟ بزفرة ثم تسايره..\القرصان شافها وعرف باا لكنوز الي مخبيتها في السفينة الي غرقت من سنين والي هو جالـس يدور عليها.. حاكم..\انتي ترا تلعبين بخيال الطفل عطيه فرصه اكبر للخيال..خلي فيه مجموعة قراصنه عندهم قوى خارقه يقدرون يتنفسون تحت المحيط وعندهم اسماك صديقه لهم وطلعي كذا اسم من الاسماك . نوره\انت ماقريت جزء القلعة الي بـ المحيط حطتها قلعة المرايا والي يطل فيها يشوف نفسه اذا كان شرير او شخصية طيبة اذا كان شرير يتحول لصورة بشعه واذا كان طيب بيتحول لصورة جميلة جداً..وهذي القلعة هي الي بتكشف القرصان وبتحوله لعنة الحورية لـ سجين على شكل صورة وحش وتموت الحورية ويعلق هو في هذي اللعنة..الى الاجزاء الثانيه الي بمشي عليها..! . قاطعهم طرقات فيصل وجون... فيصل..\السلام عليكم ها كيف اختنا نوره اليوم... نورة..\الحمدلله.. فيصل وهو يضع يده على كتف حاكم وبا ابتسامة..\ان شاء الله كل شي على احسن مايكون.. أبتسم حاكم..\ان شاء الله.. جون الذي اقترب منها وبكلمات تحفزية كان يهمس بها لها وهو يبعد الشاش عن وجها... ليكشف عنه..! . . . أسبوعين مضت...! كانا لتو قد دخلو بهو بيتهم ...لتطلق الزغاريد ام حاكم بفرحه حقيقه... أبتسم حاكم وهو يضم كتفها..\مبروك يمه الف مبروك..ان شاء الله تشوفين عياله وعيال عياله... أبتسمت بدموع\الله كريم الله يفرحنـي فيه وفي كل حبيب.. فتح جيبه العلوي ليهمس..\تمسو على خير..أنا فيني نوم ووراي قومه الصبح.. بندر بـا ابتسامه وهو يستريح على الكرسي..\اجلـس ياغيام وين بتروح اجلس معي شوي... لم تمهله والداته بل شدته ليستوي بجلوس بجانبها... ام حاكم\ماشاء الله عليهم حافونا حوف...الله يجمع بينهم بكل خير... حاكم أستأذن وودعهم فقد كان عنده شفت ليلي... المهر بـ أبتسامه وهي تدخل لتو...\الف مبروك ياغيام...ماشاء الله عرفت تختار بصراحه وش ها الزين والملح والقبلة..! تجاهلها وانزل الكبك الذي بيده ونفذ اكمامه ووضع الكبك بجيبه... جلـست هي بجانبهم .. لتهمس ام حاكم\ليتك دخلت ياغيام على العرب والله انهم متجهزين تدخل وتشبك البنت تفشلنا منهم..! ابتسمت المهر\هو انا رقعتها بـس والله ماترقع...اجل فيه عريس يستحي يشبكها...! غيام بـصوت هازئ\ كان قلتو الصدق ماهوب من عادتنا نشبك..يعني جيرانا من سنين ومايعرفونا ولانعرفهم..! التقطها بندر ليهمس بغضب..\هو لو انك تبسمت في وجه العرب شوي..والا الشبكه منت بلها ولاهي لك واجد عليك ياغيام ذا النسابه..! غضب وهو يقف مشتعل...\ماشاء الله ذا النسابه الي ماغير يعرضون بناتهم واحد شاف له وحدة بتذبحها شغالتها وفكها منها قامو نطو بحلقه الا تاخذها...قطعهم وقطع عطايهم..!. لم ينتبه لوقوف بندر الغاضب من ثم لطمه بطرف يده ليترنح غيام من قوة الطمه...ويقف مذهولاً..! بندر بصرامه قاتله...وهو يشير بيده..\انا ولد البندر تعير جاري الي ابرك من ذا الوجه بمدة يمينه جعله ماتقطع..منت بكفو ياغييم الرياجيل ونسبهم لكن حطني على بالك زين والله يابنت الرجال لو تشكي منك بكبر اصبعي ذا ان تشوف ماشافه العدو من بندر...! قفزت المهر وامسكت بوالدها لتحاول تهدئته...وام حاكم عندما شاهدت الموقف دخلت ببكاء عميق ولحقت بغيام الذي انسحب من المكان بـشتعال... المهر بغضب..\يبه رجال طولك تضربه...يبه وش فيك الله يهديك..! بندر بغضب..\اسكتـي يا المهر دامك ماتعرفين البير وغطاه...! جلس بغضب وصدره يرتفع وينخفض ويشعر بفوران الدم في جسده كله... هـي عندما شاهدت حدة والداه الرهيبه زفرت...من ثم همست..\عمري ماشفتك تضرب واحد من اخواني تقوم تضرب الحين واحد طولك..مالي دخل في البير وغطاه ولا ابي اعرف وش الي بينكم بضبط وليه غيام فاير دمه وما يبي البنت لن موقفه بعد غريب ولاهو مضبوط..بس يبه الشي الي سويته كسرت فيه غيام..! نظر لها...لاينقصه الان الا المهر...! ليأتيه صوت اخر ...\اضربي ابوي احسن....!!!!! كان هو يتوسط المكان ونظراته الحاده تخترق المهر.. همس المهر بعدم تصديق..\ضرب غيام...! امال شفتيه..\وحتى لو كسر عظامه..انتي ارحم فيه من ابوه مثلاً..!. من ثم اردف..\اشوفك ابطـيتي على امك..ويمكنها الحين تنتظرك...ماودك تسرين...! المـهر بغضب...\احسن اروح..لاني لوجلست اظن ابوي ماراح يسره كلامـي..! ثم اردفت...\وبعدين انت طال عمرك خلك محضر خير دايم ..! ابتسم بستهزاء..\حسب الموقف...! لبست نقابها على عجالة وخرجت...ليتتبعها بعينيه... . . . نقف هنا... . . . همسة محبة..\أكثرو من الاستغفار ذنوبنا تعلق اجابة دعواتنا . . . اللقاء السبت ان شاء الله . . . . |
رد: الحظوظ العاثرة بقلمي / ضمني بين الاهداب
اوووه .. اشتعالات فصل اليوم
ما شاء الله تونا بالبداية ومولعة الاحداث على كل الجبهاات 😻😻 المدخل مع النيزك اللي نزلت على غيام فجأة وضيعت أمله باللي يباها ياا عيني 🙀🙀 اصلا غيام ما شاء الله محتل الجزئين 😹 هو يعني انا احاول اتفهم موقفه وانه مضغوط عليه من ابوه ومن غتار وهم ما شاء الله قوة لا يستهان بها لكن مش قادرة الوم ذا الاثنين على كلامهم ولا اعتقاداتهم لان الحرام مهما صغر يتم حرام 🙀🙀 بس لو ورد دائما مجنونة نفس ما هي باللقاء الاول ربما واقول ربما تقدر تطرد ذكريات وهج 😺😺 بس الحين الوم على بندر صراحة ببعض الاشياء يعني مستعد تروح تخطب لغتار اللي يباها ان كان يبا وتضرب بكل شي عرض الحائط والمسكين الثاني لا تقاليدنا وعاداتنا ومكانتنا وكمان يوم جا يتكلم من حرقته ضربته قدام الكل ؟ كبيرة .. كبيرة والله ينضرب قدام امه واخته وزين ان غتار ما كان موجود ولا صدق كانو قطعو ببعضهم مع متلازمة الاخ الاكبر المتفشية عند ذا الغتار . . غتار من الاول ذكرني انا بعد بشخص اعرفه .. واضح انها فعلا متلازمة الاخ الاكبر اللي يكون من دون لا يحس الاب (او الام لو بنت) لاخوانه لكن بدون الحنان والتغاضي المعتاد من الام والاب اوامر تضييق وخنااقاات صلابة .. يحسسهم انه ما يطيقهم وهم يبدون يكرهونه بس لا انشك واحد منهم يشب حريق جواه من المحاتاه وبعد ما يروح الجرح يجلس يغايظ اخوه الصغير زود كنه ينتقم ليش خلى ضعفه يبان 😹😹 بس المشكلة ان الظاهر غيام رغم كبر سنه ورجاحة عقله كما يبدو باقي احيانا يتناسى اعراض المتلازمة اللي عند اخوه ويفكر غتار كارهه عقله انت يا دكتور حاكم اصل المشرحة مش ناقصة جثث 😸 الواحد كان يتمنى اخ اكبر يتخانق معاه صدق 😿😿 كني اشوف غتار بذا الحالة اللي فوق مرتين .. لما ارتفع ضغط غيام لين ادمى خشمه ولما سمع من المهر ان ابوه ضرب المسيكين الثاني .. والله يا ذا الوهج شكلها مآكله عقله لدرجه يرتفع ضغطه لذا الدرجة بس صراحة البنت معها حق بتفكيرها .. لا عقلي ولا قلبي ولا نصفي الطيب ولا نصفي الشرير موافق على الاقتناع انهم بيجتمعون 😑 . . بما اننا بغتار وكذا .. الحين صوت عمه مثلا وكلامه اللي مش مستفز خالص كان سبب لقومته ؟ وعقلي مصر ان الشخص اللي عقاب يشبه غتار به هو العنود 😺😺 لا اعلم لماسا بس عادي يعني بنت عمهم ونفس الجينات شايلينها فمش بعيد يطلع ششبهها صدق 😹 بسس عندي فضول اعرف نفود كيف كانت اللي يحبها بندر بذا الشكل وبنفس الوقت العنوودي عقاب يحترمها ويكبرها بعد اما عقاب .. متهور ومندفع كذا ومعندوش استعداد يعترف انه اخطا او يتنازل ويرجع لاخوه .. عجبني من زماااااان .. بس صراحة ضحكني بموقفين ما اظن كان الضحك المفروض رد فعلي فيهم بس عادي يعني على قولة امي (انتي اصلا هيحطولك كتب لوحدك تدرسك انتي بسس يا شيماء يا بنتي 😹😹 ) الاول كان بالفصل اللي فات وقت الخناقة لما هو يقول لبندر متزوج مرتين واحدة فطست والثانية نفس التريلة .. والله قااعدة اضحك الحين بعد وانا اكتبها .. يا ربي ع التشبيه 😹😹 الثاني وهو عند غتار وقال يعني جابه الفضول ويقوله لا تخلي الحديد يهزمك .. لا تكون نفس ابوك .. تقصد ايه يعني ياا سي عقااااب 😹😹 وبالمناسبة .. رياش هذا يذكرنيربشخصية في رواية متاكدة اني قراتها ع الاقل عشر مرات قبل وعاجزة اتذكر اسمها او اسم الشخصية مع اني اتذكر كل التفاصيل الباقية مستفزز وكوميدي بغباء والله 😹😹 ايش اللي جمعه بعقاب بسس ابفهم 😹 اممم كل ما افكر بعقاب اندهش اكثر ليش دخل دلبي تسذا من الاول والله حتى معاملته لحرمته ما اعجبتني .. انه باقي عايش بظلال العنود مع ان هو بعد ما شااف منها وجه زين وما حاول حتى ينسى ويعيش بشكل افضل مع عمشاء اللي واضح تعشقه (صراحة حتى كلام العنود عنه يوم بغى يطلقها بندر وهي تقول اخوك اللي ما تصفطه لاحد مستفز مستفز مستفز لو انا مكانه انتهت بيني وبينها بعد ذا الكلمة خصوصا ان بندر الاخ الاكبر ويعاني من نفس المتلازمة اللي يعاني منها ابنه 😹 .. يا ربااااه .. استفزتناااااااااااااااااي 😾😾😾 ) المهم .. نرجع لعقاب .. حتى كلامه مع رياش وهو يقول انه تزوجها مجرد جاب منها الولدين وما بياخذ عليها عشان فخر 😾😾 يا اخي وين التقدير .. وين حق العشرة 😾😾 يا من يجيبك عندي بعطيك طراق على ذا الراس الياااابسسس 😾😾 وبعد شي ثاني هو انا من الاول ما تخيلت فارس غير طويل القامة عريض المنكبين ممشوق القوام حتى لما كان دبدوب بالاول بس استغربت بعد كيف عقاب اللي واضح من سنين مهتم باكله وبصحته وجسمه ترك ولده لين وصل لذا الحالة اصلا ؟؟ ليه ليه لييييه لييييه وليه بعد يباه يترك شغله اللي انشأه بمجهوده وتعبه الخاص ويجي يشتعل معاه ؟ هذي متلازمة الاباء 😹 تقريبا على ارض الواقع وبالروايات امي وابوي الوحيدين اللي تمنو صدق عيالهم يكونون بوظايف غير 😹😹 اتركه لشغله وابداعه يا اخي وان كان على تجارتك سهلة يجيك النسيب الشيخ غتار بن بندر ال بندر ياخذ فخر ويشوف الشغل 😺😺😺 >> وبدون ليش ولا كيف ، لقد زوجت هذه الملسونة طويلة اللسان من ذاك اللي رافع خشمه وينطق الكلمة بفلوس .. يبالنا شوية اكشنات هنا ياا جماعة 😺 كنت اريد فارس للمهر بس كون عهد تغيرت فنصفي الطيب يقول احتمال تقرر ام اليزيد تعطيها فرصة 🙀🙀 . . امممم .. مين اللي باقي ما تكلمت عنه >> ما كانك طولتي اخت شيماء 😒 حاكم لزيز هاسا الولد 😺😺 وزميل المهنة بعد 😻😻 قول انك طبيب مخ او طواريء وبخطبك داايركت من عمو بندر 😻😻 عندي فضول اعرف العلاقة اللي كانت تربطه بعبدالرحمن الله يرحمه .. واضح ان فيه معرفة عائلة كمان خلت ابوه راضي بزواجه من نورة ونورة الحين اضربها ولا اشفق عليها 😒😒 طلاق مين يا ام طلاق انتي الثانية 😒😒 تعوذي من ابليس يا ماما وبلاش خبال البنيات والكرامة الحين عشان مش ناقصين احنا والله .. مش ناقصين خالص 😒😒 ولو سمحتي هاتيلي القصة حقت الاطفال اقراها >> كائن مش مخبي كومة قصص ومجلات وكتب اطفال وكل شوي يقراهم ابدا ابدا ابداا 😹😹 . . المهر اظن ان لها مكانة كبيرة بقلب ابوها .. البنت الوحيدة وكذا انه يتخلى عنها لامها اكيد مش شي سهل لكن الجانب النفسي وتانيب الضمير اكيد له دور بالموضوع ايا كان مش السهل انه ياخذ بنت عمه فترة سنتين او اقل ثم يطلقها مهما كان السبب اللي دفعه ياخذها اول يطلقها .. يمكن تانيب الضمير بذا الحالة هو السبب اللي منعه يخلي البنت عنده او حتى ياخذها لما تزوجت امها {حطيتها تزوجت وخلصنا} .. يمكن ترجع لبيت ابوها قريب يمكن .. احساسي كذا يقول 😃 . . تقريبا انا كذا بوقف لان لو تركت لنفسي الحرية وكتبت كل اللي افكر فيه وكل المعارك والتحليلات اللي براسي ما بنخلص اليوم مرة ثانية سعيدة جدا جدا اني اتيح لي اتابعك من البداية بروايةة ما واعلق كمان بوسط الحلوات اللي هنا .. اسمحيلي ابدي اعجابي بالمداخل اللي تختارينها تقريبا الكاتبة الوحيدة اللي اقرالها المدخل قبل الفصل مش العكس بنتظر السبت او الاثنين بشوق وعذرا على الاطالة 😃 |
رد: الحظوظ العاثرة بقلمي / ضمني بين الاهداب
رواية في بدايتها وننتظر تسلسل الاحداث لنفهم الرواية
عندي سؤال ليش تختارون اسماء صعبة وغير متداولة بكثرة فاسم غتار وغيام ورياش صراحة صعبة وتحدث لخبطة لنا خصوصا اسم غتار وغيام كل مرة اعيد البارت اكثر من مرة عشان افرق بينهم فيا ليت لو فيه مجال تغيرين واحد من الاسماء او انك تعطينه كنية او لقب نفرق به والسموحة منك رواية حلوه في بدايتها بس مشكلتها اسماء بعض الشخصيات تقبلي مروري . |
رد: الحظوظ العاثرة بقلمي / ضمني بين الاهداب
غاليتنا ضمضم اسأل العظيم رب العرش الكريم
انه يحفظك ويحفظ لك عائلتك ويحقق كل احلامك ياارب ويرحم جدتك ويغفرلها ولأمي واموات المسلمين .. مابعد قريت البارت بشكله النهائي فقط على المسوده علشان انزل تعليقي لكن دخلت اسجل اعجابي وتقديري لشخصك الكريم وبا التزامك مع القارئات والمتابعات لرواية الي مايعرفونه البنات ان اليوم اقسم بالله العظيم ثااني عزا لجدتك انا نفسي مصدومة تبارك الله من عدم اعتذارك عن البارت وخصوص ان ماافي فرصة من زحمة المعزين الله يجبر عزاكم توقعت البارت بينزل بعد ماترجعين لبيتك اتعبتي من بعدك ياام اليزيد .. |
رد: الحظوظ العاثرة بقلمي / ضمني بين الاهداب
بصراحة يا ضمضم اول مره اتابع رواية من اول بارت
بس ابداعاتك خلت المارد يطلع ويكتب تعليق خاصةً لما شاف النجوم تتوزع ع.الحبايب وهو عنده نفس التوقع (سوبرمان ح.يزوجوه من النيزك) (وزميل المهنه ولد البندر يشوف بنت عمه الملسونه) 😞😣😢 [[وبالمناسبة .. رياش هذا يذكرنيربشخصية في رواية متاكدة اني قراتها ع الاقل عشر مرات قبل وعاجزة اتذكر اسمها او اسم الشخصية مع اني اتذكر كل التفاصيل الباقية مستفزز وكوميدي بغباء والله 😹]] هذا الشخص موجود مع مقرن العاجي وكان حفيده عبدالعزيز ما يستصيغه بالمره ومستغرب كيف جده صاحب الشخصية العاجية يخااااوي ناس مثله (اعتقد الرواية لضمضم) ****************** نبدأ بالمهم ،،،، أتوقع 1/ فخر تشرف على حالة نورة وتتعرف على ولد العم 2/ حاكم يتكلم عنها مع امه او اخته ويسمعهم غتار ويحطها في راسه 💣💣💣💣 3/ السوبرمان ويكشف ورقه للنيزك ويبين لها انها على هامش حياته وهي تقلب حياته رأساً على عقب زي مارمت نفسها من الشباك عليه 😍 😍 ******** هيدا يلي طلع معي وأنا لسه في سكرة البارت 💝💝 يسلمووووا ام اليزيد على هالإبداع |
رد: الحظوظ العاثرة بقلمي / ضمني بين الاهداب
عظم الله أجركم وغفر لفقيدتكم وجمعكم بها في مستقر رحمته
((( ما شفت الخبر الا بعد ما اعتمدت المشاركة ))) |
رد: الحظوظ العاثرة بقلمي / ضمني بين الاهداب
انا بعد للتو شفت مشاركة طيف
عظم الله أجركم أم اليزيد والهمكم الصبر على مصابكم الله يغفر لها ويرحمها ويجمعكم بها في جنات النعيم مع النبيين والصديقين والشهداء والصالحين |
رد: الحظوظ العاثرة بقلمي / ضمني بين الاهداب
الـسـلام عـليكـم ورحمة الله وبركاته, أحسن الله عزاءكم أم اليزيد وغفر لجدتك وتغمدها برحمته سلمت يداك وممنونين لإلتزامك يا الغلا.. تقبلي مروري مع خالص ودي بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
رد: الحظوظ العاثرة بقلمي / ضمني بين الاهداب
السلام عليكم
مرحبا ملايين ولايسدن بام اليزيد ياهلا وسهلا نورتي بيتك ومطرحك تو مانور ليلاس وعظم الله اجركم في جدتك الله يرحمها ويغفرلها ولجميع موتى المسلمين.. توني عرفت بالخبر من رد طيف الله يحفظها بالنسبه للحظوظ باين من بدايتها انها روووعه واكشن وماتقل عن سابقاتها يكفي انها من ام اليزيد .. بس تراني متشرهه عليتس الحين جبتي حاكم للحظوظ وين عنادي ليييه ماجبتيه وجبرتي خاطري بشوفته😍💔 ههههههع غتار اتوقع بيكون الند لعمه ويمكن يدخل قلب عمه لما يشوف شغله وقوته والاكيد بيقول ليته ولدي.. عاد هنا بيحط عقاب غتار براسه وبيزوجه ببنته علشان يضمن انه يكون تحت جناحه ومايكسره بالسوق..🤔فيس يكتب القصه بمزاجه هههههه حاكم ونوره.. احسهم لايقين على بعض . غتار.. بالله عطوني العجرا هذا وين عقله ماعنده دين ولاعادات ولاتقاليد مايستحي مايختشي ماينتخي ما ما ما ما ..علق الشريط ههعععععهههه.. من جد كيف يفكر بوحده تكلم شباب يالله لاتخزنا وتستر علينا وعلى بنات المسلمين انا ادري ان البنت ماتجاوزت الحدود ويمكن ماكلمت الا غتار بس تجاوزها لحدود عاداتنا وديننا تكفي والا كيف تهون عليها نفسها وكرامتها واهلها وتكلم شاب لسنوااات.. ماعليش ياغتار ماحزرت المفروض تكبر عقلك والرسول يقول اظفر بذات الدين تربت يداك.. قل امين الله يصلحك ويفتح على بصاير قلبك وتشوف الورد على زينه.. موب وهج يسطع في عيونك ومايخليك تشوف.. هههههه ضمضم.. تسلم يمينك يابعدي ولاعدمنا هالحضور.. |
رد: الحظوظ العاثرة بقلمي / ضمني بين الاهداب
اقتباس:
بس ترا غيام هو اللي يكلم وهج مش غتار 😂😂 بس بتضبطه لنا ام اليزيد ان شاء الله |
رد: الحظوظ العاثرة بقلمي / ضمني بين الاهداب
يالله تحيي ضمضم وماجت به عظم. الله اجرك.
ممنونين لك ياضمضم والالتزامك رغم الظروف. مانيب مصدقه اخيراً أخذت نجمه. جعلهن يكثرون لكن والله ياضمضم ياجاتس سب مني وانتي ماتستاهلين. بغيتي تفجرين راس الرجال من القهر إنتي. وراتس صحبتي غيام مايستاهل رهيف. وقلبه خضر تعكرين. الصفو ليه عزي لضعيفه وهاج. وهو ماهوب خبل. بيكلم وحده وهي تكلم عشرة. خفي يالنوري عليه. تسبينه وهو رجال ياقف على شنبه الطير مادري وش بتسوي وهج اذا درة يالله أني اعوذك من كسرة القلب وضمضم ماقصرت قرشته وزجته النيزك رغم أني أتوقع انها بتكون اخير من وهج بس كاسرة خاطري غتار غتار والله أني كرهتك رغم انك على حق. بس تفرق بين المحبين ليه الله يسلط على رأسك العوبا فخر تأخذ حق الضعيف غيام. أتوقع غتار صحى من غيبوبته عقب كلام عمه عقاب لانه طبعا. الا في غيبوبه يحس بالا حوله حاكم حسيته ماهوب اجودي الا بعده من. موقفه مع نورة وكلامه مع غيام ايه الرومنسيه زي ياست عمشاء. تسبدي عليك والقلب. ماهوب يمك قلوب تنبض. ضمضم ولقراء الحظوظ |
رد: الحظوظ العاثرة بقلمي / ضمني بين الاهداب
رجعت. ماش
ضمضم باكبر شرهتي. في هالبارت كبر طويق. قلبي موجعني. على غيام وش يصبرنا للسبت |
رد: الحظوظ العاثرة بقلمي / ضمني بين الاهداب
اقتباس:
تصدقي تو انتبه للموضوع لما شبيهة القمر جابت سيرة عناد 😂 مشكلة اللي يقرا عشرتاش روايةة بالاسبوع .. كل شي يتداخل مع بعضه 🙀🙀 بس لحظة هنا عندي اعتراض حاكم ما ياخذ فخر لو سمحتي خليها لغتار 😹😹 نريد اكشن 😹 |
السلام عليكم ورحمة الله
ومسيتوا بالخير جميعاً عظم الله أجرك ام اليزيد في جدتك وأسكنها ربي فسيح جناته وغفر لها ولوالدتي وجدتي وجميع موتى المسلمين • وقفة شكر وتقدير لكِ وارفع لكِ القبعه رغم ظروفك التزمتي بتنزيل البارت في موعده • بتكلم في اخر مشهد غيام تحت تأثير الصدمه من كل ماصار معه مايفكر الا قدام عينه وفِي نفسه مافكر هو مين ولد مين وعياله بكره اذا جابهم من وهج وشلون بتعاملون معهم اهلك الولد لخاله وماشاء الله اخوها كل يوم مطلعه من قضيه صح ما احب طريقة زواج العطايا وقدام الرجال بس هذه عاده عن معظم القبائل متضايق من اخوك ليش ما وقف معك هذا الطبيعي مابعد كلمة ابوك كلام راح تتعب معك ورد زودن على غصيبتك بالزواج منها أخذت من ابوك كف بسببها بس في الاخير بتعرف ان كل اللي صار معك في صالحك • من اللي تكلم في اخر البارت غتار والا اخو جديد مابعد نتعرف عليه لي عوده برد مفصل عن باقي الشخصيات • دمتي بود |
رد: الحظوظ العاثرة بقلمي / ضمني بين الاهداب
صباح الخيرات .. وصباح الاقلام العريقة ... ياهلا بضمضم وبقلمها .. مع اني عاتبة على حالي اني ماشفت النور الي طالع من القسم بوجود ذرة بقلمك المميز .. من زمان عن متابعة الروايات منقطعة بشكل كبير .. لكن شغفي بكتاباتك وحبي لكمية الافكار الي تطرحيها بيخليني اخصص وقت لمتابعة عثراتك وواثقة انها رواية من العيار الثقيل وتحمل الكثير .. عظم الله اجرك غاليتي الله يرحمها ويجعل مثواها الجنة واخر الاحزان يارب ندخل على الشخصيات والاحداث .. مازلنا بالبداية ولسى ماتعمقنا اكثر بالشخصيات .. للان مااقدر احكم على الشخصيات لاننا ماعرفنا الا اليسير منها لكن بحاول اعلق من خلال البارتين الي نزلتيهم بندر وعقاب والعنود ثلاث شخصيات يربطهم دم واحد .. لكن الثلاثة جرحو بعض جرح كبير مااقدر الوم اي احد فيهم .. لان الي صار ماكان محسوب له ولا مخطط له .. بندر وعقاب القطاعة مستحيل يكون سببها العنود بس .. لان واضح من شخصية عقاب انه موشخص سطحي او ماعنده قدرات يفخر فيها اي اب زوج لبنته .. بس واضح ان من البداية الكل كان نظره على بندر ويقارن بين الاخوان والاهتمام لبندر والتهميش لعقاب .. وواضح ان النفود من الناس الي عرفت عقاب الحقيقي والا المعزة من عقاب ماجات من شئ عابر .. اعتقد بين الرجاجيل وبالمجالس مايشوفو الا بندر وعقاب كان مهمش .. كثرة المقارنات وعدم الاحتواء وواضح التباعد بين الاخوان مابينهم احتواء هو سبب القطاعة .. لان لو الحب بينهم عميق مستحيل اي حرمة تفرق بين الاخوان لو الروح معلقة فيها بيكون في تضحية مثل مانشوف بين الاخوان المتقاربين .. العم ظلم بنته واختار الشخص الي بنظره افضل وسيرته بين الرجاجيل فخر وصيت عالي .. بس لو انه فكر اكثر او عرف عقاب على حقيقته وعنده بعد نظر يمكن اعطاه بدون تردد العنود ماعرفناها الا من خلال مشهد واحد ولا عرفنا لو هي عايفة عقاب اساسا او عادي تتزوجه لو ابوها اختاره .. على الاقل بتضمن القلب يكون لها عكس بندر الي ماوحدة ملكت قلبه غير النفوذ بس لكن ماحبيت طلاق بندر وظلمه للعنود لانه كان قادر من الاول يتصرف وينهي الموضوع بدل مايطلق بنت عمه ويشتت بنته بكل برود اكيد عقاب عرف بالطلاق لانه يتابع كل اخبار اخوه ..لكن الشرخ بينهم كبير وله اسباب اعتقد بتتوضح مع الايام الجاية .. ولابد من ذكريات للماضي بين الاخين تعرفنا اسرار ماعرفناها غتار لكل شخصية من اسمها نصيب .. اكثر ولد مقرب لقلب بندر .. واعتقد انه اكثر ولد يعرف اوجاع ابوه لذلك يهمه ان سمعة ابوه مايخالطها اي غبار من اي شخص .. للان شخصيته ماظهر منها الا القشور .. لكن متأكدة انه بيغير الكثير بذكائه وغموضه وقوة شخصيته وبيفاجئ الكثير .. وواضح ان عقاب يحمل له مشاعر خاصة بس للان ماظهر منها اي شئ واضح من اهتمامه بتتبع اخباره بس هو يكابر هالفترة والايام الجاية بيكون فيها الكثير غيام وورد ووهج غيام مااعتقد الي بينه وبين وهج حب لانه الحب مايجي من مكالمات بس هو حتى مع العشرة مو بالضرورة يجي لكن انا مع اهله برفض وهج لان البنت الي تختار الطريق الغلط هي الي تجني على حالها وياليت البنات يفهموها .. رب العباد ماحرم شئ الا لحكمة .. هي مستسهلة سالفة المكالمات ورفع الكلفة بينها وبين واجد مابينهم رابط سنين وهي تعصي ربها مافكرت بسمعتها ولا بالعواقب ولا بردة فعل عائلة لها صيتها مثل البندر ؟ وغيام مهما كانت ثقته بس هل هو متأكد انه يحبها مو مجرد تعود ويمكن لانها احتوته او اعطته شئ هو فاقده ببيته ولا ليه شاب بيتجه لهالطريق وهو ببيت فيه الاحترام والاهتمام بالدين والقيم وعنده ام كتلة حنان لاهي سطحية ولا غرتها المظاهر مثل البعض الي من الطبقات المخملية .. لكن التباعد بين الاخوان واضح ولانه اصغرهم واضح انه ماحد كان فاهمه نفس حالة عمه عقاب .. وحتى تصرفاته يمكن لانه يبي اهتمام ابوه اكثر او انه يثبت شئ لاهله .. وهج واضح انها مستغلة طيبته وماعندها خجل انها كل شوي مدخلته بمشاكل اخوها .. ياليت مايحكم على ورد الي جاته بالحلال ورضى اهله وواضح من كلام امه انها متربية صح وبيتهم محتويها غير البنت الي الفراغ خلاها تستسهل الحرام وتدور العاطفة برة لكن هالصدفة الي جمعت ورد وغيام وان كان مومتقبلها الان لكن بيشكر ربه عليها بعدين ووهج لو تترك هالطريق رترجع لعقلها بيجيها نصيب يسعدها بس ننتظر القادم لانه اكيد في اشياء ماظهرت حاكم ونورة الطريقة الي جمعت الاثنين متقاربة مع الزيجات الثانية وان كانت كل زراجة لها ظروفها من زواج بندر بالعنود لزواج اولاده حكم وغيام .. ويمكن للبقية نفس النصيب مااعتقد حكم طلق نورة ولا بيطلقها بعد مافكت الشاش اكيد حصل الكثير وغير المتوقع .. الا اذا النصيب له كلام ثاني بحياة حكم .. فخر اعتقد هالبنت لها من اسمها الكثير والكثير .. مابتكون فخر عقاب بس لكنها فخر البندر كلهم شخصيتها جميلة فيها من القوة والحنان ورجاحة العقل الكثير .. تقاربها مع فارس غير عن تقارب عيال بندر .. فخر مع فارس بينهم رابط عميق واضح ان كل واحد يفهم الثاني من غير مايتكلم .. ياترى مين سعيد الحظ الي بيتزوجها هل غتار مثل توقع الاغلبية او شخصية مازالت في حقيبة ضمضم .. ويليق بالفخر المهر هالبنت ماتوضحت من شخصيتها الكثير .. ولا مشاعرها وقربها من اخوانها او حتى من ابوها .. وكيف عيشتها وتربيتها وهل لها اخوان من امها .. بس اعتقد المهر لها شخصية ماتختلف عن اخوانها لانها تحمل دم البندر من الام والاب .. ياترى هل بيكون لها دور في حل خلافات الماضي لانها بنت العنود لان مااعتقد كون امها العنود بيكون عبث او شئ عابر وخصوصا لو ملامحها تحمل ملامح العنود ....... فارس ووعد الجرح الي بقلبه غير الكثير من تفكيره .. لكن طالما ماطلق بنت خالته يعني بينهم نصيب وحياة مختلفة عن السطحية الي كانت عليها واكيد الصفعات الغير متوقعة دائما توعي الانسان الغافل وتخليه يعيد حساباته .. يمكن قرار فارس بالانفصال وسفره وموت ابوها وتصرفات عمها خلتها تفهم تفاهة تفكيرها لو موضوع فارس انتهى مع بنت خالته وكلا مشى بطريقه بحط انو بنت العنود بيحطها عقاب براسه طالما هو مااخذ البنت بياخذ البنت لولده بس مااعتقد المشاعر الي بقلب فارس ماتت والا كان طلق ومااهتم بزعل امه لانه بتنسى لو كل واحد راح بنصيبه .. بس حياتهم بتكون غائمة وفيها ردات فعل كثيرة بس هذا تعليقي الحالي لاننا لسى بالبداية .. ننتظر القادم الي بيحمل الكثير وظهور باقي الشخصيات حتى وان كانت فرعية لكن لها دور ولو بسيط في الاحداث يعطيك الف عافية |
رد: الحظوظ العاثرة بقلمي / ضمني بين الاهداب
السلام عليكم ورحمة الله وبركاته عظم الله اجركم ام اليزيد في جدتك والله يغفر لها ويرحمها ويلهمكم الصبر ومشكوره على التزامك وتنزيل البارت رغم ظروفك وهذا ماهو غريب عليك ام اليزيد وتسلم يمينك بارت راااائع ربي يسعدك بندر قسى كثير على غيام المثل يقول لاكبر ولدك خاويه وهو ماحاول يتفاهم معه بالطيب والإقناع لا خذوه فغلوه وزاد عليها ظربه له وهو رجال طوله رغم العقل اللي يقولون عنه انا اشوف بندر احينا يتصرف تصرفات مافيها عقل مثل زواجه من العنود وطلاقه لها ومعالجته لموضوع غيام غيام إذا كان كاره الزواج من ورد مره فبعد اللي صار من ابوه بيكرها زياده والله يعين ورد على غيام وعصبيته غتار هذا اللي للآن ماعرفت له لكن أعتقد بعد سماعه لكلام حاكم بيروح للمستشفى وبيشوف فخر وبيسأل عنها أو يمكن يتقابل معها في ظرف مثل تعب أبوه وأظن أنه بيحطها في راسه والإثنين لايقين على بعض وأعتقد بنشوف أكشن من إجتماع هالإثنين حاكم هو الوحيد بين اخوانه اللي شخصيته متزنه أتمنى إنه مايطلق نوره حتى لو طلبت الطلاق لأنها طلبت الطلاق وهي حاسه إنها إنفرضت عليه ماهي خياره وإن شاء الله عمليات التجميل تجيب نتيجه مع نوره رغم إن لابد يضل في نفس نوره أثر منها عقاب حلو تعامله مع فارس وإنه مافرض عليه رأيه فارس عسى إن تكرهو شيئا وهو خير لكم كلام بنت خالته رغم زعله منه لكن الحمد لله كان له دور في تغير فارس ونجاحه وأتوقع يتمم زواجه لكن بيمر زواجه بأزمه قبل نجاحه لأنه صعب يصدقها بعد كلامها اللي أعترفت به له خاصه بعد نجاحه وتزوله فأكيد بيقول طمعانه فيه منتظرين بقية الأحداث أم اليزيد لاخلا ولا عدم منك يارب |
رد: الحظوظ العاثرة بقلمي / ضمني بين الاهداب
صباح الخير
بدايةً عظم الله أجرك ام اليزيد ورحم فقيدتكم وغفرلها بعد القراءه لنا تعليق 🙄✋🏻 |
رد: الحظوظ العاثرة بقلمي / ضمني بين الاهداب
]بِسْم الله
صبحكم الله بالخير ودوام خفيف وممتع للمداومين ونوم هانئ للعاطلين 🍂❤ يالله استلموتعليقنا المتواضع عثره 2 وأثره سبقني عليها واحداً ثاني... > نقول الفاصل يصف حال عقاب ولا غيام والنيزك اللي نزل عليه ولقى نفسه متورط فيه واللي اغلب البنات توقعو انه بتم الزواج الا انا بمخي الشاطح اقول يمكن مختله عقلياً😹! >يجعلك ماعاد توقعين! ورد شخصيه احسها فكاهيه وقويه قويه وبنشوف كيف بتقابل غيام وحبه ل ووهج هذا اذا ماجينا عند ورد وعرفنا وش ردة فعلها من زواجها من غيام يمكن تكون ماخذه موقف الرفض وهذا المتوقع ! وهج وغيام كلنا بطبيعة مجتمعنا المحافظ ولله الحمد ماتقبلنا هالعلاقه ولااستسغناها ابد وكان المتوقع لها انها ماتكمل مِن بداية الروايه بس معقول انتهى دور وهج هنا ولابيكون لها تأثير كبير بحياة غيام اتوقع وهج شخصيه عابره وانتهت 🤔 نوره شخصيه هاديه ضعيفه ممكن بسبب الظروف اللي مرت فيها وماهي سهله في وفاة اَهلها وأخوها اللي على حسب مافهمت هو صديق للدكتور حاكم اللي وصاه عليها وزوجها له ،حاكم شخص هادي متحكم باعصابه وفاهم وعاقل على عكس شخصية اخوانه غتار وغيام سريعة الاشتعال اوالغضب 😝! غتار البطططططل الجوهري عندنا ومنتظرين قصته اللي الأن مابددت مع *فخر عقاب البندر* شخصصصصيه استفزازية من الدرجه الأولى بل ممكن نقول ابوه مخربه بالدلال الزايد لدرجة صاير يتحكم بحياة اخوانه 🙁! ومالوم غيام من قهره عليه تحسونه يابنات مثل الشبح اللي ينط لكم بنص الحوار ماتدرين من وين جا😩 ولا يعطيهم كلمتين بالعظم مثل ماسوا بالمهر بنت العنود ! بس لاخفيكم سراً اني احس هالقوه والجبروت بنكتشف داخلها قلب طيب ورومنسيه قتاله🙄؟ فارسس هذا تحسونه الشخصيه المسالمه بس ياويل اللي يدوس لها على طرف شكل أمك عمشاء مب هينه ولا ساكته عنك الين ماترجع بنت اختها بنشوف من بيربح بينكم 🙅🏼! ولابتسحب على هالعهد ونشوفك مع المهر بنت العنود ويكون هذا سبب يخلي ابوك يرضى لانها بنت العنود عشان الشايب عقاب يكحل عينه ببنتها عنده فالبيت 😉 والله ياعقاب تخطيطاته تحوم حول غتار واضح من زيارة المستشفى العم وولد اخوه كل واحد أقوى من الثاني وبنشوف وشلون يرضى يزوج بنته لولد بندر 🙂! رياش اعوذ بالله من فالك ولدنا قام بقدرة ربي اعوذ بالله من هالناس اللي على شكله عادي تقوم تحذف كلام سم عند أهل المريض ولا الميت طيب ماتعرفون شي اسمه مواساه للناس اللي بمصيبه طيب اسكتو على الاقل الصمت نعمه 😾! يإن العم عقاب جايب راس عمتنا عمشاء 😩 اخيراً القفله يالله ياقوها ضربة بندر ل غيام وياشينها كسرة النفس اللحين بيكرها زود وبعد قدام اخته مسكين هالغيام تجمعت عليه من كل جهه بس عارفين له ابوه وغتار واضح انهم عارفين مهما زعل الا انه بيطيع شورهم سلمت يمينك و منتظرينك ام اليزيد💕💕 |
رد: الحظوظ العاثرة بقلمي / ضمني بين الاهداب
صباح الخير..
أولًا.. عظم الله أجرك ورحم الله فقيدتك.. ثانيًا.. إيه البارت ده..! نبدأ بغيام.. اللي لاحظته فيه انه يبي يتمرد.. يعني يبي يكسر قوانين أبوه وغتار الصارمة.. يبي يطلع من المعتاد.. و ممكن علاقته بوهج نفس الشيء.. تمرد وبس لأن هالشيء مارح يعجب أبوه و غتار فمشى فيه.. غيام يذكرني بريان و عناده لعناد.. صراحة يستاهل الكف.. مع إني ضد الضرب بس خير يا ابني تقلل أدبك على عمك المستقبلي و زوجتك ورد اللي زي الوردة😅.. اقولك شيء.. ما أدري ليش.. بس ما استسغت ورد.. حسيتها زي الشوكة ببلعومي.. مع انها للحين ما ظهرت بقوة بس سبحان الله الأرواح جنود مجندة😈.. يمكن عشان غيام مغصوب عليها..! ترا حتى غيام ما عجبني بس الشكوى لله😂.. انتظر انفجار الخبر بوجه وهج إلا إذا سوى فيها غيام الحنيّن .. عاد لو استمر بعلاقته بوهج بعد الزواج أنا هنا بفك عليه الرشاش-> ماهو مسدس حتى🌚.. ورد.. أبي أتخيل و ارسم لها شخصية ببالي.. بس كل ما جيت أرسم لها شخصية تطلع بين عيوني صورة وردة.. احسها رقيقة و قوية ماهو القوة العربجية لا القوة اللي تكون من الثقة.. عندي احساس انها رافضة قرار أبوها و تزويجها من غيام بس ما اعترضت لأنو أبوها اللي خطبهم أو انها اعترضت بس عطوها طاف😂 تنتظرنا أيام داحس و الغبراء والله أعلم🌚 ، غتار.. حبيته عشان أمه النفود يعني زي عقاب يحبه عشان أمه النفود.. أما بندر ما حبيته من يوم أخذ العنود و بعدها يطلقها وهو داري انه ينفخ بقربة مشقوقة مدري مفقوعة🤔.. بس عاد حركة عقاب بعزا أمه خطيرة😂😂 أجل حاط عزا ثاني ههههههههه الدعوة عناد و الا إيش..! المهم.. غتار ليش معطي غيام فكرة انو يكرهه..! الأكيد انو ما يكرهه بس ممكن اسلوبه و فرضه لرأيه يستفز غيام و يعطيه هالفكرة.. مع انو عندي احساس ان غتار يبعد الناس عنه متعمد.. يمكن فيه جرب😝 ، المُهر.. دخول قوي.. تذكرني بهذيك عمة ياسر في بعض العيون-> زهايمر🤢 نسيت اسمها.. المهم.. اللي كلمها نهاية البارت أظن انه غتار و الا..؟ يعني نفس الإسلوب المستفز.. أظن المهر شخصيتها قوية من مواجهتها لأبوها.. بس والله يا إن الكف برد لي قلبي😂😂😂.. ، حاكم و نورة.. أذكر من المقتطف اللي زمان انه بارد معها.. خير يا ابوي وش عندك ..! ليش كذا بارد..؟ و الا عشانها مو من اختيارك يعني🌚.. نورة.. ياقلبي انتِ أول شيء تعافي بعدها فكري بالطلاق.. أنا بصير الدكتورة النفسية تبع نورة تمام👩🏻⚕.. ، فارس.. ما أدري ليش أربطه دايم مع المهر.. احسهم لايقين على بعض..! و عهد ووهج يصفون جنب بعض و يصيرون صديقات😂 ، فارس.. ايوا يا المعضل.. أجل ماعاد بقلبك لعهد شيء.. هذا أحسن شيء.. عشان لما تتزوج المهر يكون قلبك خااااالي😅🚶🏻♀.. ، عقاب و عمشة-> ان شاء الله ماني غلطانة بالإسم.. عقاب يختي رزة.. مع انه يستفزني أوقات بس الصدق إنه أطلق من بندر.. و عمشمش أجل يحصله يناسبكم مرة ثانية ها🌚.. هو أنا رح أحب عمشمش إذا فكتنا من زعلها على فارس.. يعني بنت اختها غلطانة و لسى واقفة بصفها🌚.. و اذا عهد تغيرت إيش يعني..! ما يمنع هالشيء انو تفاهتها و سطحيتها جرحت فارس و قفلت قلبه عنها.. ايش كان رح يضرها لو شجعته ينحف بدال ماهي طايحة بس تجريح.. يمكن فارس كان تشجع لو أوهمته بحبها و قال خلوني أنحف عشان أصير أزين واحد بعينها.. ما أقول إلا مالت بس😒 ، فخر.. شخصية مستقلة مثل أبوها.. يقولون كل فتاة بأبيها معجبة.. و أظن فخر على هالمثل.. ، و بس.. طلعت طاقتي السلبية بالتعليق.. اعتذر😂🌚.. ، دمتِ بود💜 |
رد: الحظوظ العاثرة بقلمي / ضمني بين الاهداب
طعون 😳😳 هو ليش وانا اقرا اول كم سطر من تعليقك حاسة اني قريته قبل 😳😳
مش حاسة الا متاكدة كنت اتوقع الكلمات كمان 😳😳😳 . . بس صحيح ليش الكل يهاجم غتار ؟؟ << فيس مش قادر يقتنع ان تصرفاته مش طبيعية 😹😹 |
رد: الحظوظ العاثرة بقلمي / ضمني بين الاهداب
اقتباس:
بسم الله🌚 .. اذا عرفتي ليش حاسة انك قرأتيه قبل مدري متأكدة خبريني.. أما غتار تصرفاته مستفزة عشان كذا الكل يهاجمه.. .. |
رد: الحظوظ العاثرة بقلمي / ضمني بين الاهداب
اقتباس:
. . بس كل الاخوان او الاخوات الكبار اللي اعرفهم تصرفاتهم كذا 😸😸 خصوصا اذا عناديين واقوياء الشخصية كمان من البداية عادي يعني تصرفاته مش بعيدة عن الاخوان بس مدري ما اظن بيترك غيام كذا بعد الكف >> الواحد حاسس ان هو الي خذا الكف مش مستر تمرد |
رد: الحظوظ العاثرة بقلمي / ضمني بين الاهداب
صباح ومساء الحرف الأنيق على ضمضم وجماهير
الحظوظ الحمدلله مع البارت الثاني من فضل صرنا جماهير 😊 انا ماودي اقول عاثره ها المره لكن متعثرة بما انها تقوم وتطيح حظوظ ابطالنا ناس يقوم حظها وناس يطيح قبل ادخل بالتعليق اذا على حسب علمي مشت ام اليزيد على المسودة الي انا شفتها بيصير زواج عجيب غريب بطريقه مااا ادري وش اقول عنها لكن من جد كل ماتذكرته قلبي يدق مليون استغفر الله واضحك بالحالي واتوقع الي الآن البنات مااجابوه بحسب ماشفت من بعض الردود اول شي حبيت اناقش موضوع علاقة غتار وبندر وماااادري والله هل انا على صواب او خطأ مرات احنا كآباء وامهات يكون احد الابناء مقرب الي قلوبناء اكثر من اخوانه وهم عسى الله لايبين غلاهم كلهم لكن الابن المقرب هذا نبلع له بعض الاشياء ربما لو كانت من اخوانه الاخرين تزعجنا انا واحد من اولادي مع الولاده كان معاه صمام في القلب<<قامت تسترجع طيوف ذكرياتها 😩 يعني عانيت فتره معاه معاناه اخذت مني نصف عمري من الخوف وتعلقت في ها الولد الله يحفظه لي تعلق لاحول ولاقوة الابالله والحين كبر والله الي فتره قريبه الكل ينتقدني على خوفي عليه حتى اولادي الثانين الي اكبر منه واصغر منه مااعاد يناقشوني في موضوع يخص ولدي هذي مهما كان يقولون امي عند عبادي تنقلب كل الامور غتار عاش مع والده الولد الوحيد فتره من الزمن وبعدها يتيم الأم وكان ولد الزوجه المحبوبه لبندر وعلاقة بندر في ام غتار اكبر من انها فقط زوجة او يمكن يشوف بغتار مو بس الولد ربما الأخ الي فقده وهو حي، العضيد الي ارتكى عليه خصوصا بعد اتجه لتجاره والحادث له اثر كبير وهو خوف الفقد وغيام الي خرب عليه سالفتة مع وهج سوت بين بندر وغيام صِدام ومعاند ربما انه اوجد قناعه عند بندر ان غيام دااايم اختيارته خطأ وغتارلايمكن يحط نفسه بها المواقف خصوصاً انه شارف على الاربعين وما سوى شي يفتح مجال لأنتقاده .. شخصيات واحداث استثنااائيه ام اليزيد لي عوده بأذن الله |
رد: الحظوظ العاثرة بقلمي / ضمني بين الاهداب
. السلام عليكم ورحمة الله وبركاته ياهلا وغلا بـ أم اليزيد حياك الله وبياك ^^ >> يازين التهور بعض الأحيان :) طبعا جاية آخر الناس بحكم هالإجازة قضيتها بالجو مابين جدة والدمام ههه بس يالله يقولون أن تأتي متأخرا خير من أن لا تأتي أبدا ^_^ >> طبعا أنا مش من رواد هالقسم وتوني انضميت مؤخرا برواية الكريستال.. ,, يلا سجليني عندك وأول مرة أقرأ لك ^^ >> جيت أرحب فيك ولي عودة بإذن الله. وحياك الله ألف حبيبتي .. |
السلام عليكم ورحمة الله
ويسعد مساكم جميعا تسلم الايادي ام اليزيد في البارت بدينا نتعرف على العائله البندريه بالكامل حاكم / نوره إنسان هادي وعاقل عكس اخوانه شهامته خلته يتزوج اخت صديقه بوصيه منه قبل وفاته نوره شايفه انها حمل ثقيل على حاكم وعائلته وتبي يرتاح من ذا الحمل بس لو ماهو قده ما شاله ام حاكم موب راضيه عن الزواج ولا هي متقبله البنت بس ام حاكم مو ام الزوج المسيطره والقاسيه راح تتقبلها شوي شوي غتار بعد حديث حاكم مع ابوه عن فخر ارتفعت نظرات بندر بغتار فيها إيحاء انه وده تكون بنت عمه له بس شخصياتهم متضاده ذا الاثنين كيف يلتقون كلام ام الوليد عن قرب وتفضيل ابن عن اخر صحيح مكانة غتار عن ابوه غير هو ابن نفود حب عمره وشخصيته نفس شخصية ابوه ومطيع له وهذا مو معناه انه مايحب غيام بس غيام عنيد وحكاية وهج مأثره على علاقته بابوه عقاب (حبيب النوف ) تابع اخبار اخوك من بعيد وش معناه هذا انت نادم على القطيعه وتحن له والا مجرد متابعة اخبار التجاره شكلك معجب في غتار وراح يكون لك لقاء معه في امر تجاري ويمكن هذا اللي يهد السور اللي بنيته بينكم فارس عايف بنت خالته بالمره ولا يبيها وحتى لو اخذها بعد إلحاح امه ماراح يحبها مثل قبل غيام تلك التي سقطت علي من السماء هذا انت قلتها من السماء يعني ربي ارسلها لك عشان تنسيك وهج اللي ابد مو مناسبه لك ولأهلك اخوك قال لابوك كلمه وبعدين انت تحسـبني بخلي ذي البنت تاخذه..تطمن بس انا ضمانك...! يعني غتار ناوي لها نيه اذا خطيت خطوه للزواج منها ورد شكلها هي اللي بتهبل فيك مو العكس ان كيدهن عظيم انت ناوي على شئ في بالك لها بس بنقلب السحر على الساحر في انتظار القادم الاجمل دمتي بود |
رد: الحظوظ العاثرة بقلمي / ضمني بين الاهداب
مساء النور والسرور .. عظم الله أجرك ..والله يغفرلها ويرحمها ويسكنها الفردوس الأعلى و موتانا وموتى المسلمين يارب .. والله أخجلتينا ياضمني يوم نزلتي البارت.. الله يرفع قدرك و يعلي شأنك..ماتقصرين ابدا.. اول شي بخمم نجماتي وبدسهم في الشنطة << في بعض الناااس حطين عينهم عليهاا😂 .. اللهم حووالينا ولااا عليناا باارت جمميل والله كل شي يجي منك ياام اليزيد جمييل.. وتراني انصدمت انه 63 والله ع بالي اقصر مسررع خلص😩 .. تسلم يدينك قلتلك مهما تطوولين بنشوفه قصير😅 هذا والله من الجمال والابداع .. تدرين ضمني والله الواحد لمن يفكر بهالقطاعه تعوور القلب .. يعني بندر ترك العنود وكمل حياته .. والعنود شافت نصيبها وأعرست .. وعقاب بعد أعرس وكمل حياته.. يعني كلهم مشت فيهم الدنيا ولا وقفت ع احد ليش القطاعه السبب وانتهى ومرت عليه السنين .. معقوله السنين ماقدرت تجبر عقاب..؟ بندر هو اللي ماحافظ ع حبال الوصل بينه وبين عقاب.. وعارف العووامه اللي فييه وعارف انها في خاطره كيف قدر ياخذها وليت يوم اخذها حافظ عليها وحقق المطلوب من هالزيج .. في خاطري سوْال لبندر لو يرجع فييه الزمن بيوافق ع طلب عمه ولا لا ؟؟ عقاب بما انه يتبع الأخبار اول بأول ماادري لييه احسه حن للماضي لغتار ولنفود ويمكن بندر من ورا قلبه.. غتار يمكن يذكر عمه زيين زمان ويمكن له مواقف معه.. واخوانه يمكن كانوا صغار لان هالقطاعه بعمر المهر صارت .. والظاهر نفوود كانت مقدرته ولها فضل عليه .. عشان كذا يغليها والغلا وصل لغتار .. غتار يشبه عمه بس عقاب ماهو راضي يعترف بالشبه .. واتوقع انه سمعه لمن زاره ويمكن بعد زيارته قام .. واكييد بعد ماقام غتار جاب برنت كامل عن عمه وعياله.. مو بعيد يكون هو اللي دز فخر بواسطة للمستشفى اللي فيه اخوه بدون ذكر اسمه لغرض في نفسه .. ولد رياش ماعرف ان حااكم ولد عمها بتشابه الاسم ؟ وماقال لأبوه ؟ عقاب ماقد جا في باله يشوف بنت العنود .. يعني ماقد حس في فضول نااحيتها.. او فكر ان ولده ياخذها مثلا.. فاارس احسه كذااب ماانسى وعد .. يكذب ع نفسه .. اللي حبها كل هالحب بيستحمل الجرح منها ماهو عند اول جرح اختار الفراق .. حبيت علااقه عقاب وعمشاء وكيف انه خلا مركب الحياة يمشي ولا يتوقف ع هالحب اللي بقلبه .. والله وصار جنتل ع هالشخصية والكاريزما اللي عنده.. الله يجازي عنيد بالجنة اللي خلته يوصل لهالحال<< فيس يطالع النوفي بنص عين ،، حتى علاقته مع فارس في موضوع زواجه كان مخليه ع راحته عكس بندر مع غيام .. الحدث القنبلة ملكة غيام .. قبل كان قلنا ممكن يرتبط مع وهج .. بعد هالملكة الله يعين قلبك ياغيام اقطع حبال الوصل مع وهج ماعاد في أمل .. تدرين مشكلة غياام انه جااي ع وجهه وماهنا فطانه ولا يدري شي.. و وهج ماصدقت ولقطه .. لو ان اَهله مزوجينه وقتها كان صارت طااقه الحب اللي عنده لمررته.. ولا هو وش يدرريه الضعييف.. اجل مطلع اخوها من السجن ليت غتار يدري والله لينجلط ههههه و موظفها في مكان سنع.. زي العلقه هالوهج مافي اهل يضفونها شكل ابوها ميت وإخوانها صغاار.. غيام لاازم يستوعب انه مااعاد فيه نصيب وماهي نهايه العالم قبله عمه عقاب.. ويمكن اذا شااف عمه جلسوا يتشكون مع بعض ويحشون في بندر هادم الحب واللذات <<فيس شطح بخياله مسكيين والله غيام كل شي ضده ..واذا درى عن ابوه انه مستعد يزوج غتار اي وحده بينجلد ..الله يرحمه 😔 اللي مستغربته ان الابو والاخوان بس هم اللي يعرفون .. الظاهر انه بـ ليله غبره قال لأبوه وانه يبيه يخطبها له ..وطب عليهم غتار وتمشكل معه وبعدها جا حاكم وفكهم .. الظاهر هذي شغلته حاكم يفكفك بينهم .. غتار صار زي الخاافش فجأءه يطلع << بسم الله عليناا ورد << اسمها سهل فييس متحسف😔 ياااعزززتي لك ياالورد ماخذتاً واحد قلبه طااير.. بس متامله انك تجيبين رأسه وبما انك شخصيه استثنائية تبعديني هالوهج عنه ومعك دعم قووووي من ال بندر خصوصا غتارر علييك الأمان .. تصدقي لو لسى غيام يكلم وهيج ..و ورد اكتشفت .. اتوقع انها بتفضح وهيج عند اَهلها بدون مايدري غيام 🤔 عند راس كبير بعايلتها عمها ولا خالها < بما اني موت ابوها 😆 وهييج ليت تستحي وتتركه بعد ماتدري انه تملك خلااص ماعاد في نصيب .. انا عااد دم ضروسي اللي تكلم واحد متزوج وغياام خلاص تزوج .. يعني قبل وهو اعزب كان قلنا هه يمكن ياخذها بس الرجال تزوج ليت تضف نفسها وتبعد وتجلس تتحسف ع سنينها اللي ضاعت.. النووفي توقعها روعني انه ياخذها ثانيه وعااد انا مااتوقع غيام ياخذ وهج زوجة ثانيه قلبه مايشيله ع ابوه ويسويها .. ماسواها وهو اعزب عشان يسويها هو متزوج .. يعني حتى لو ناوي يتمرد غتار خبببيث ماهو تاارك ماهو بعيده يهددها باخوها ولا يفصلها من شغلها ولا يدبسها باي مصيبه عشان تبعد من نفسها .. وقتها غيام لو يبي سلاامتها يبعد عنها .. تسلم يمين ابوغتار اللي صفقته يستااهل والله .. اجل هذا كلام ينقال .. الرجال عاازك و رازك ومعطيك أغلى بناته وآخر شي تقول عنه كذا.. هذا ولسى البنت ماصارت عندك وهذي علوومك وشلون لو جاتك ..الا مزدّن فيك ماانت كفوو الطيب والله .. النسابه هذي اخير وابرك لك من النسايه اللي كنت ناوي عليها اللي مافيها احد يضف بنتهم ويسنعها.. غتار انا مستنية اليوم اللي اشوف وحده تجيبه ع وجهه ويشهق باسمها.. ظهوره هالمره شرس جدا مع آخوانه مع كميه استفزاز ..مااحد فررعنه على آخوانه الا بندر ..ع هاللسان اللي يكنس ويررش .. غيام نط بحلق عشانه يكلمه .. بس خيير المهر وش فيه عليها يبيها تتوكل << ماخلنا نتهنا بها 😆 لا صدق ليش هو كذا شرار ع طوول.. شفتي يوم اقولك قرارت هالبندر في تخبط بعد نفود .. ولا شلون يخلي بنته تعيش عند زوج امها حتى لو انه مكرمها وحاطها في عيوونه.. معليش يعني البنت مالها الا بيت ابوها .. تروح لامها شهر شهرين بس تكون مستقره في بيته ماهو كذا .. كله عشان وعده للعنود ع باله كذا كفر من ذنبه.. ياطووول ليلك يابندر .. حاكم الظاهر هو لغة التفاهم بين اخوانه.. والله حااكم باين انه عاقل يكفي اللي سواه مع صديقه رغم رفض اَهله .. وكيف وقف مع نورة اللي ماعاد لها احد .. والله حزنتني مرا ليت حاكم يداري نفسيتها .. وش عندها ام حاكم تزن عليه بدل ماتوقف مع هالبنيه الضعيفه اللي فقدت اَهلها .. همها نفسها ولدها بس اعوذ بالله .. تدرين ضمني تذكر مقوله المرأة عدوة المرأة فعلاا .. ولا هذا بندر راحمها وحانها .. اممم اتوقع عاد حاكم بيروح لفخر ويعرفها ع نفسه ويمكن يرمي كلمتين ع ابوها وتولع ..او يقولها عاد حاولي بابوك ع هالقطاعه.. تسلم يدك ياام اليزيد ويسعد قلبك .. ونسحب كلامنا عن طول البارت كل شي يجي منك جمييل وراضين فييه😅 .. وبعدين ترا انتي السبب انتي اللي خرربتينا ليش تكتبن روايه حلوووه كذا <<فيس قلب عليك😆 امززززح والله<< فيس ماعاد يضمن ضمضم الشريرة🤐 الله لايخلينا منك ولا من هالابداع ❤️ |
رد: الحظوظ العاثرة بقلمي / ضمني بين الاهداب
اقتباس:
ههههههههه والله ضحكتيني كأن احد قطع عليك انسجامك .. لا تشررهين ولا تشطحين واجدد تراه ماهوب مسلسل تركي << الا قوليلي للحين تتابعين تركي عندي لك مسلسل إنما اييه😩❤ وخل عنك وهيج وتمني الحب والتوفيق للورد بس 😉 اقتباس:
ياااهلاااا وغلااا .. حياا الله زيزفون .. نوورتي الحته والله .. احب حضوورك واحب ردوودك 😍😍❤ والله انك ببالي كنت متوقعه انك بترجع اصلا لو مارجعتي كان رسلتلك تنورينا.. باقي نجوول ماادري اذا تدري الروايه نزلت ولا لا .. ولا كان جاتنا |
رد: الحظوظ العاثرة بقلمي / ضمني بين الاهداب
مرحبا مليون ولا تسد زيزفونه منوره منوره. يازين ماشاء الله. في ردود من جمالها. انبهر
مميزات بالردود كثر. مثل زيزفونه واموله. فيتو. وطيف. وكثير بنات ماشاء الله ماابي أنسى احد ودودي. بعد. ههههههههههه بس لو ما نشرتي الغسيل تعالي خاص قولي لي هو ادري انه وضع وهج غلط ثم غلط. لكن نبي قليل من شطح الخيال. فيس عيونه قلوب بس في شي قالوه البنات ياخوفي انها متسغلة طيبة غيام. عاد هنا انا الا محد يردني اتوطاء بطنها ناقصنا خريش.نجول وزارا والله قلوب تنبض للجميع |
رد: الحظوظ العاثرة بقلمي / ضمني بين الاهداب
ياامرحبااااااااااااااااا ملاااااايين الملااااين بضمضم..منوورتنا يااعسل.. والف شكر لانتس نزلتي الروايه هنا.. خبري بالصبايا بالمقلط يقولون انتس رافضه تنزلينها بالمنتدى لكن عاد عساها حصريه.. ترى علي وعد ان كانها حصريه لليلاس اقراها وافصفص ام أمها..ههههههه
منورتنا ام اليزيد.. ولي عوده اذا الله أحيانا بالرد |
رد: الحظوظ العاثرة بقلمي / ضمني بين الاهداب
اقتباس:
اييه ماشاء الله الواحد صاار لازم يجي بدري يحجز له مكان ..قريب جمب البارت هههههههههههه طيوووف خلاااص انكشفتتتي لا عاد تلعبين عليناا😂❤️.. والله جلست اهووجس وش هالزواج العجييب الغرريب اللي بصير افتر مخي ربط العالم كلها مع بعض بس مااش ماطلعت شي😂 ولا اقولك اذا مررا مرررا مصررره قوليلي وش هالزواج اتجهز له واضبط دقات قلبي << نشوف وش نهايه هالزواج🙂 اقتباس:
انتي مطبقة مقوله .. سئلت الأم .. من تحبين من أولادك ؟ قالت : مريضهم حتى يشفى ، وغائبهم حتى يعود ، وصغيرهم حتى يكبر الله يحفظه ويخليه لك .. كل الأمهات كذا.. اييه وخل اقولك تلقين اخوانه مستغلينه .. اي موضوع يمرورنه من خلاله عشان انتي تمشينه له 😅 |
رد: الحظوظ العاثرة بقلمي / ضمني بين الاهداب
اقتباس:
هههههههههههه هااااو وش غسيييله مااحد غرريب << فيس قلب عجييز اييه بنط لك خااص اصبري علي .. والله مسكين غياام جااي ع وجهه .. وماشاء الله مامداك تطرين الزوري الا وراك ع طول ...ههههه لو انك طااريه مليوون .<< فيس بيتصفق اقتباس:
حيااا الله الززوري ..ياااهلاا والله مليووون هلا لاا ابشررك الروايه ماهيب حصرريه .. عااد انا مااحب شغل الحصري خلي العااالم تقررأ وتشووف وتووسع صدررها وصددقيني من جمااالها بتفصفصينها تفصيص .. وابشرك غتاار وغياام وفاارس وعقااب ع راسهم بذات كلهم تصاادروه هههههه شوفي عااد من بقى .. |
رد: الحظوظ العاثرة بقلمي / ضمني بين الاهداب
عظم الله اجزك ام اليزيد والله يتغمدها بواسع رحمته ويغفر لها
غيام مادري وش يحس فيه متى يترك هباله وخباله انا حامت كبدي منه كيف أهله يحمد ربه بندر صابر عليه كل ذا السنين والظاهر ما بيطخ الي في راسه الا يوم يجيب جلطة لبندر والا يفضحه بين الناس والا فيه واحد ربي ساتر عليه ويتبجح يقول لابوه عن سواد وجهه انا عجزت استوعب تصرفه هو العناد والا الخبال والا جينات عقاب غيام احس ماهو خالي وفي راسه شر وبيسوي تكتيك عسكري ويقلبها على ابوه وغتار يمكن يملك على وهج ويروح لابو سليمان ويقوله انه ملك على وحده غير بنته يتيمه و فزع لهم لكن بنتك ابيها وابشر انا رجال ومقتدر اقدر افتح بيتين عاد وترجع لابو سليمان وبنته وقتها يتممون او ينسحبون ليلة العرس وتطلع لناس وهيج وياخذ غتار ورد <<كيف وأنا استهبل عاد بتقولون وفخر فخر جايز لي اعطيها حاكم لا مايصير وزوجته وش ذنبها بس اتوقع شفنا الجانب البندري في المصعد فقط حاكم ما فيه ذره من جينات ال بندر حنون وذرب ومسالم ماتوقع نرفزه إلا فخر وخلتنا نشوف جانب من شخصية حاكم بس اتوقع المواجهات قادمه بينهم يمكن يستعين بغتار في القضاء على الكائن المتمرد الملسونه غتار والله انه شيخ ولد شيخ الحال المايل ماهو عنده وبعدين الي ماهو معجبهم ابو الغناتر تشوفونها سهله عليه يعيش يتيم الام مهما وفر الاب من حب وحنان الام مالها بديل وثانياً الحياة العسكرية وبعدها الحادث والي صدمه وصار بهذا الجمود فترة الغيبوبة وكلام اصدقائة وعمه عقاب الي حن عليه لانه ولد نفود واكيد شاف كسرة اخوه بدر على غتار واتوقع الي صحاه صدق فخر اذا ابوها مر اكيد جاها فضول بعد مادرت عن زيارة ابوها<<احس اني استهلكت طاقتي العقلية وانا البس قناع كونان وان ما خاب ضني الشبة الي مضيعه عقاب فيه هو اخوه بندر في شبابه او عمه ابو العنود او العنود الشارد جاني خبال جديد يقول ان نفود اخت العنود <<وش رايكم فيني وانا كونان صدق ويزيد الغلا والمحبة لغتار الي من ريحة الحبايب ههههه وممكن يكون النسخه الرجاليه من شبه بنته فخر بندر والله انه يسو قبيلة والا فيه احد يطلق مرته وبنت عمه عشان رضى اخوه صحيح ماهو معجبنا تصرفه بس في النهاية ضحى بكل شي عشانه عقاب العاق ناكر الجميل حتى في امه ماخاف الله وشمت فيهم الناس اجل عزاء في بيته وبيت اخوه عقاب يحسب انه مستغني عن بندر وانه بشطارته وصل للي وصله كله من خير بندر وسمعته وهو الي مسهل له الامور ويخليه ياخذ الصفقات وغاض الطرف عنه بس متى يعرف الحقيقة قبل جلطة بندر ولا بعد موته من غيام الغثيث بس عندي احساس انه بيجدد الحب وياخذ العنود الي ما اتوقع انها تزوجت بعد بندر راحت عليك ياعمشه هذا وانت تدرين انه مقاطع اخوه عشان مره وش شعورها لادرت عن افكاري والا ينشب لاخوه ويكسره والمقابل المهر زوجه لولده فارس ام اليزيد شكراً لشخصك قبل حرفك شكراً بحجم بحجم السماء |
رد: الحظوظ العاثرة بقلمي / ضمني بين الاهداب
اقتباس:
|
رد: الحظوظ العاثرة بقلمي / ضمني بين الاهداب
اقتباس:
ياا اناااا ببط كبوود نااااس الحين بس ماايهم لان حبااايب قلبي ابطالي الجميييييلين يعرفون وش الدلال اللي بيلقونه عند الزوووري وعليه هم بيطالبون اني اضاادرهم قبل أي احد..هع |
رد: الحظوظ العاثرة بقلمي / ضمني بين الاهداب
اقتباس:
بس هاه خليك بعيد عن غتار لان متأكده نص البنات صادروه😹✌🏻 قراءه ممتعه وصدقيني ماراح تندمين ام اليزيد مِن الكاتبات المبدعات والملتزمات👏🏻 |
رد: الحظوظ العاثرة بقلمي / ضمني بين الاهداب
السلام عليكم ام اليزيد..البارت رائع كما عودتينا دايما...
نبدا اولا بغيام: خخخخخخ والله عرفت الا هذا اللي يصير فيه من الاول ... ابو سليمان مش راح يتركه ف حاله* وجوزه ورد عاد هالورد شكلها فكاهيه من الدرجه الاولى وحتطلع عين جده لغيام غتار: اوف اوف علامك ع اخوك هدي التورم شوي ... لهالدرجه حاقد يا عدو الرومانسيه😬..بعدين ايش اسلوبك بالحكي مع المهر ...😑 مش عاجباتني تصرفاته مع اخوانخ صراحه 😩 شكل دم عقاب مأثر فيه..خلص عقابك بنت عقاب تطلع عين عينك .. بندر: تظرررب ولدك وهو طولك.... صح ولدك اهبل بس حتى ولو احترم شنبه ..وانت متاكد انه ماراح يخيبك قدام الزلام. مهر: شخصية لن تمر مرور الكرام والها تاثير كبير فالروايه. حاكم: للان هو شخصيتي المفضله ... حبييت😍 نوره: عندي احساس قوي انها راح تكون مع حاتم للنهايه ومش راح يطلقها بانتظار القادم على جمر ودمتي بحب. |
رد: الحظوظ العاثرة بقلمي / ضمني بين الاهداب
هلاااااا بالرائعه ضمضم😎✋
نورتي حبيبتي ..قالوا لي نزلت رواية جديدة لضمضم ..ورحت بسرررعه اشوفهي..💃💃.. حبيت انك تحطيني من متابعينك..وان شاء الله لي عودة بعد القراءه..😍😍.. يللا خلص رايحه///فيس يناظركم من طرف عينه...😑 |
رد: الحظوظ العاثرة بقلمي / ضمني بين الاهداب
قريت البارت الاول والثاني..وتمنيت لو الروايه مكتملة😢😢..
ما في صبر استنى😢😡...ايش هذا يا ضمضم..كنت متوقعه الرواية حلوة بس يختي هيذي مش حلوه هيذي دماااار شاااامل.. نبدأ بغتار:حبيييت شخصيته جدا/احب الشخصيات المغرورة فالروايات ما بعرف ليش...اتوقع راح يجي احد من الجنس اللطيف يكسر الغرور اللي ذابح الناس فيه غتار لدرجه انه وهو مريض يقولون عنه مغرور...😅 واتوقع انها فخر تصرفاته مع اخوانه عنيفه وخيير بكلم اخوانه كذي.. بندر:حبيت شخصيته ايضا ..اتزوج العنود البنت اللي يحبها اخوه عقاب..والحين بعد سنين بيتخلى عنها ..اتوقع انه ممكن فيوم ترجع العنود لعقاب..ليش يضرب غيام..فوق ما غصبوه يتزوج الصاروخ اللي طاح عليه😂😂..بندر يخاف على عياله ويخاف يتفرقوا عشان مره ..فيه شويه مكر وخبث حبيبيته..وراح يجي يوم بتمسخر على غيام عحبه للبنت اللي الحين مو عاجبه زواجه منها..😉 غيااام:حب بنت وبيخطبها ..ومستعد يسوي اي شي عشانها..والحين جت هيذي اللي طاحت عليه من السما..اتزوجها ووالله لتجننه وتطلع عيونه وتنسيه ابو وام وهج😅😅..رحمته لما ابوه ضربه..حبيت شخصيته مظلوم نوعا ما..😳... فارس:رحمته دبدوبنا...وعهد التافهه اتوقع بعد ما ينحف راح تتمنى عهد يرتبط فيها..وهو يا اما بيرتبط فيها وبيععاقبها عسطحيتها ..يا اما بتجي بنت ثانيه تطير عقل دبدوبنا سابقت😂😂😍... فخر:بيكون لها دووووور كبييير بالرواية..❤. المهر:شخصيه قويه من كلامها مع ابوها..اتوقع ما تسكت عن الحق..وراح تكون من المجابهين لغرور وقوه غتار هي اتوقع نسخه غتار بس بنت..😤😤 حاكم ونورة:راح يعاني جدا معها لانها راح تظل تتخيل اهلها كيف انحرقوا قدامها..وحاكم اتوقع راح يعالجها شوي شوي وراح يكون بينهم قصه حب كبييييرة ❤😍.. عقاب ورياش:حبيتهم رغم عند عقاب وراسه اللي مثل الحجر هجر اخوه وعيلته عشان مره..اتطمن اتوقع انه اللقاء فيها قريب ..رياش ابو كرش😂😂وابو نسوان..مت ضحك عكلامه مع عقاب وهو صادق خليه ياكل لو سوى حادث بيقعد يتندم انه ما اكل..لاااا هذا اكيل وحبيب للاكل رسميا..😂😂😂.. بانتظاااارك ضمضم حبيبتي ابدعتي❤😍..👌.عشت جو اقرا بارت واعلق عشان ما احس اني فوت على نفسي تعليقات البارتات... وارحمينا يا ضمضم...😉😉😑.. في انتظااااارك ..😎✋ |
رد: الحظوظ العاثرة بقلمي / ضمني بين الاهداب
صباح الخير صبايا وكاتبتنا الرائعه عجبني قلمك كثير وحبيت اقرأ روايتك الاولى بليز الي اطلبو تقولو لي شو اسم الرواية الاولى للكاتبة وكمان شندي اسم باحدى التعليقات مقرن العاجي احس اني قاريه هل الرواية وهل الاسم اجى في بالي بليز صبايا اذا تقدرو شو اسم الرواية ذكروني فيها وعلى فكرة شيماء علي وطعون وفي بعض من الصبايا تعليقاتكن ابداع وضحكتني كثير .
وشيماء انا معك حبيبت كثير شخصيه غتار ومنتظره الاكشن تبعو وشخصيه حاكم الرزين الهادئ والمهر بتجنن وشخصيتها عجبتني كتيرررررررررررررررررر اما غيام ورد فاتوقع بتصير مصايب معهم شكرا مره ثانيه كاتبتنا العزيزة والبقية في حياتك انا لله وانا اليه راجعون . |
رد: الحظوظ العاثرة بقلمي / ضمني بين الاهداب
مسااء وصباح الحرف الأنيق لضمضم وجماهير الحظوظ
ابدااع ام اليزيد وتطور خطير في الأحداث مااشاء الله تبارك الله واحنا تونا في البارت الثاني وهج وغيام والعلاقة الي كانت تحت استار الظلام والنهاية كانت مظلمة مثل البدايه <<هذا اذا ماكان للكاتبة رأي آخر من جد اوجعني قلبي من كلام غتار عن وهج وللأسف هذي النظرة الحقيقيه للأطراف الأخرى لمثل ها العلاقات البنت مهما كان هدفها او سلوكها الحقيقي هذي النظرة الموحده عند الكل، ربما تبي الستر او ان الرجل هو من اعترض لها وبعد محاولات اقنعها بحبه لها والمقصد الزواج وهو صادق فيها لكن هذي الحقيقه علاقة من غير رابط شرعي مصيرها الفشل وسد لباب الشر وعجب العجاب اشعار الغزل وقصص العشق عبر التاريخ مااغيرت شي متعارف عليه . أم غيام ياااشيب عيني بس اجل مستغربة وتسألين حاكم عن غيام هو يبي أحد والا في راسه احد والله مدري شقول بس له حق عقاب يوم يسميك التريله الولد غاارق لشوشته وانتي واااتسبدي مدري شقول وااعزتي لك ياغيام انت و وهج مخبي حبك لها حتى عن امك ومع هذا يوم انكشف امرك فقط قدام ابوك واخوانك يعني بعيد عن ثرثرة النساء شف كيف لقيت حواجز تحول بينك وبينها الي ما لانهايه عقاب الحين انت مااتدري من يشبه غتار ناظر في المرايه وتعرف غتار من عليه طالع نااار مشتبه ياادافع البلا وتقول دفعك الفضول لا والله مو الفضول الا الدم الي يجري بعروقك يحن عليك بس عنادك ساااد اذانك عنه والا الي يكره من قلب يصد ماايلتفت وراه وش صار ولو توفى ابوغتار يمكن تموت انت من الغبن عليه لكن ماابعد تبين غلاه صدق الله لايبين غلا غالي .. من ثم فتح ذراعيه من جديد وعبث بـ اجهزة بقربه ينظر لها..\ لايغلبك الحديد...لاتصير مثل ابوك..اطلع على امك ابرك لك...والا علي...! انا لي رأي بكلام عقاب ماا ادري احد يوافقني او لا ومقصده من ها الكلام لايغلبك الحديد لاتصير مثل ابوك يقصدفيها الحاح ابوالعنود عليه ورضخ له في الاخير وتزوج العنود الزواج الي انتهى بالفشل اطلع على امك والا علي اتوقع يقصد الحاح نفود لزواج بندر ونظرتها المستقبليه تبغى ظهر وسند لغتار وكيف عقاب نفسه حفر بالصخر لحد مااكون له امبراطورية خااصه فيه استند على الله ثم جهده والكسره الي انكسرها من ابوه وعمه يوم رفضوه صاار له داافع قوي يرسم طريقه بعيد عن البندر رياش والله انت الي يااامال فرقا العين من جد بعض انسان لسانه متبري منه ودك ترسله لعدوك وهو على فراش المرض وهو يتكفل بالباقي الملافظ سعد يا ابو الريش فارس الأبن الحنون المجروح بين نارين كرامته وبره في والدته رب ضارة ناافعة عهد صارت سبب انك كسبت عافيتك وأطنان الشحوم الي انت شايلها مخبيه حتى ملامح وجهك قدرت تستعيد نفسك وتتغلب على ها الداء داء السمنة وتغير حياتك الي الأفضل اتمنى انك تضيفها لكون عهد بنت خالتك اولاً وامنيتك القديمة ورضوه لأمك الي ماتستاهل انك تقهرها في اختها وهي تشوف الظروف تكالبت على اختها والوضع الي هي فيه بعد وفاة زوجها وربما تلقى بعدين امور في عهد تحمد ربك انك ماافرطت فيها.. ابداااع ام اليزيد لي عوده بأذن الله |
رد: الحظوظ العاثرة بقلمي / ضمني بين الاهداب
السلام عليكم ورحمة الله وبركاته احسن الله عزاكم وغفر الله لجدتك اسال الله ان يتغمد روحها برحمته ويدخلها الفردوس الاعلى من غير حساب ولا سابق عذاب وان يصبركم ويربط على قلوبكم مشكورة على النجمات يارب يزيدني من فضله ويزيد نجماتك يا ام الكرم والجود (^.^) نيجي للتحليل والتوقعات غتار غتار شخص يملك صفة القيادة وتحمل المسؤولية وحياه العسكرية ربت عنده حس المسؤولية وخلت ردات فعله حاده وقاطعه يعني لما يكون فيه مشكله يحلها بقتلاع جذورها لا يقبل بانصاف الحلول وغيام لما قال عن غتار انه خبيث وانه بدا يكره ما كان يقصد كلامه حرفيا كل الامر انه رد فعل وقتي للي صار والا رابط الاخوه بينهم عميق لانه قال لو انه غير غتار الي تكلم كان له رد فعل عنيف واكبر غتار بسبب حس المسؤولية الي عنده وكمان دخوله للسوق فاتوقع عارف عن اهله جميعهم كل شئ من الالف للياء وهنا اقصد كمان عيلة عمه عقاب وما استغرب اذا ماكان له دور مع ولد عمه فارس وشكله كان يخطط لامر عشان يفصل بين وهج وغيام بس جته سالفة ورد على الكيف وقدر يبعد غيام والحين باقي عليه يبعد وهج وهنا قلبت دماغي لاتوقع ايش يحتمل ان يفعل واحد مثل غتار استحاله انه يتزوجها وكمان استحاله انه يتسبب لها بفضحه او يسلط عليها واحد يكلمها عشان يقنع غيام بخرابها لانه انسان مستقيم وما يعجبه الحال المايل فلكذا راح يدبر لها زيجه واتوقع مثل ما عقاب يتابع اخبارهم فا غتار يتابع اخبار عمه ولكن بشكل اعمق لانه كان بالسلك العسكري فعنده قدره تجسس اقوى وحنه اعظم راح يجمع بين فجر وغتار قصة فاذا حصل ما اتوقع ان عقاب راح يبارك ببساطه هالارتباط لانه استحاله راح يقبل براحة بال جزء من بندر وهو يعرف غلاة غتار عند بندر لما بندر قال انه على استعداد انه يمشي معه ويزوجه الي يبها حتى لو تعدى على العادات والتقاليد فهو كان واثق انه غتار استحاله يتجراء ويعمل خطأ ويتعدى على كل عرف ودين بالنسبة لابتسامته الخبيثة احتمال المقصود فيها ابتسامة الواثق الي عارف مئال الامورليس الخبث الي قاصد الشر والي يكهر الشخص المقابل لانه شفنا ردت فعله الفورية لما نزل الدم من انف غيام حتى برغم انه يستخدم العكاز على طول فز وفزع له بالفاين وسوا اسعاف اولي ورافع الراسه فهذا يدل على المحبة العميقة الي يحملها لاخوه غيام الحين انكشف قبال السبب الي خلاك تخبر ابوك واخوانك لانه على الحب الي انت تجاهر فيه ومتأزم عليه استغربت كيف تتكلم عن وحده حبيتها عند اهلك فلكذا اذا عرف السبب بطل العجب يعني واقع عليك غتار وانت تكلمها والله وحده يعلم ايش كنتم تقولوا الي يخلي غتار يوسم وجهك بقطع لما عرف ابوك بهوشتكم اصر يعرف السبب ولما عرف صرت انت تبرر له عن حبك بس ارجع واقول لو حبيتها صدق استحاله كنت تخليها تكمل معك بنفس الطريق وما اظن انه وهج كانت تتأمل زواج بنهاية هالقصة لانها عارفه النهايات المعتاده لكذا ما توقع راح تكون الصدمه عليها عظيمه لانه شئ متوقع وانت شب في الثلاثين يعني سن الزواج المثالي واظن انك مبلغها عن الي صار بينك وبين غتار ومعرفته بالامر فلكذا هي فاقده الامل فيك بس مستمرة لتشوف ايش راح يصير لانه حبتك صدق وكنت انت امانها وملجأها بس الطريق الي جمعتكم غلط وماراح ترتاحوا اذا كملتوا فيه واذا تزوجتوا راح يضل الطرفين يشك بالطرف الثاني راح يبقى فيه شئ في الاساس مشوه وراح يشوفه باقي مشواركم حاكم و نورة قصتهم اتوقع تكون القصة الهادئة الي نركن لها حتى نرتاح من التصادمات من قصص البقية باين ان حاكم انسان صبرو وطويل البال ماله بالجدالات يعطي الي قباله الي يحب يسمعه ويعطيه وقته حتى يقتنع بالخيار الصائب مثل ما سواء مع نورة لما طلبت الطلاق ما جلس يناقشها وياخذ ويعطي معها عشان ما تتعصب لرأيها اعطها واعطى نفسه وقت لما ماحدد وقت للطلاق عشان لما ياخذوا أي قرار يكون على ارض ثابته والموقف الثاني موقف غيام لما كان الابو والاخ الاكبر يشدوا عليه كان له هو الطرف اللين الي يفررغ له ضغطه منهم ومن الموقف ككل وحتى وهو يهديه كان ثابت في اعتقداته وافكاره ما غلط اخوه لانه انتهى وقت تحديد الاخطاء ووقع القضاء يجب الرضى فيه ام حاكم ام تقليدية تبي بالزين لولدها بعد ما تشوف اثر العمليات اظن راح تتقبلها بينهم اتوقع المشكله الوحيدة ان نورة مو قادرة تتخطى فكرة ان اخوها حطها امانه برقبة حاكم بس مع الايام راح يبان لها خطأ اعتقادها فارس يعني قصتك مع عهد اخذت معك وقت اكثر من الازم يعني حققت انتقامك وبينت لها ايش خسرت ايش الباقي عشان ما تطلق لا تقول عشان امي وخالتي وانها يتيمه وما ادري ايش كلها اعذار واهيه لو كنت صدق عشان امك وخالتك كان تمم هالزواج وما خليتها معلق لاهي مطلقه ولا متزوجه يعني وضع مزري ما ترضاه لاختك والله اشوف الطلاق ارحم منه حتى لو تواجهه عمامها فارس انت باقي تحبها ولها في قلبك مشاعر وللان تنتظر انها تقدم اعتذار بحجم الجرح الي انت عشته معها يمكن لو ظروفها افضل ومكانت محتاجيتك ورجعت واعتذرت كنت تقبلت الاعتذار ومشت اموركم بس بسبب هالظروف تحس رجوعها لك مصلحه لاغير لكذا تتخبط لا انت مطلق ولا انت متمم هالزواج وهج ما اعرف أيش اقول عنك وضعك مزري اخطيتي على حق ربك واجرمتي بحق نفسك وارخصتي نفسك لابعد الحدود وراح تحصدي ما زرعتيه انتي وغيام لوحدك حتى لو هو تعذب بسبب الحب مرده يكبر وينضج ويرى الموضوع من زاوية ابوه ويفهم اني كان ماشي فيه غلط بس انتي وين من هذا كله سكبتي له مشاعرك وفتحيتي له قلبك واستبحتي عرض ابوك واهلك وخليتيه يجراء عليهم اقسم بالله لك ما راح يرضى هالفعل من اخت المهر وراح يقتلها حيه لا تقولي حب شريف شفتي كيف مارضوا يدخلوا يشبكوا وهم عاقدين وفيه عقد شرعي بينهم بس انتم بعدكم بسكرة الشيطان بس تجيكم الفكرة راح تستحقروا انفسكم واظن ان غتار مخطط لك تخطيط اظن انه راح يحطك في طريق رياش (((( اظن انه الزواج الي تقول عنه طيف الاحبة (^_*) اذا صدق توقعي لازم تهديني طيف الاحبة رواية جديدة مثل نوح الحمام)))) عقاب وبندر الوضع مزري بينكم عقاب ماقدر يصفح عن بندر لانه يتوقع ان بندر حاس فيه وفي حبه للعنود لانه جرب هالشئ مع النفود وراح يعذر مشاعر الحب فيه ومايقهر قلبه وحبه لها ولكن لما قهر هالمشاعر اصبح الغفران شئ صعب المنال نفسي اعرف ايش وضعك قبل الي يخلي عمك يحط بنته برقبة بندر وعارف انك تحبها فليش ينزل بنته ضرة وهي تقدر تكون الاولى والاخيرة ليسى باقي ما كونت عنك صوره بندر للحين مو لاقيه لك عذر عشان تسوي باخوك كذا حتى لو عمك احرجك بين الناس يعني تقدر في وقتها ترد انه اخوك يبها وكنتم تبوا تطلبوها منه وكنت تقدر تاخذ عهد من اخوك يكون على قدر العهد مع عمك وبنته وتضلك تحاول بعمك وبنته واخوك لان هانت مو راغب بالزواج من بعد النفود وعندك زوجة وكوم بزران بس فيه شئ ناقص بالصورة المهر خطر لي الحين طاري هل من الممكن ان عقاب يزوج فارس للمهر يعني من ريحة الحبيبة وشكل المهر غالية ابوها لانه ما فيه بنت ثانية طلعت بالصورة لو فيه كان طلعت اثناء ملكة غيام وشكل لها مكانه خاصة الي تقدر تعاتب ابوها وتناقشه وشكل شخصيتها قوية وقيادية لانها تعتبر نفسها ند لغتار وترادده فلكذا احس ان المهر محبوبة جميع العائلة الاب والاخوان ولها مكانه خاصة عند كل واحد منهم شكلهم ساكنين قريب هي وامها او في ملحق او أي جزء من البيت لانه ما حد عرض عليها يوديها عند امها فيه قصة للسكن قريب منهم دمتي بخير في انتظار السبت القادم بفارغ الصبر |
رد: الحظوظ العاثرة بقلمي / ضمني بين الاهداب
السلام عليكم ورحمه الله
بالبدايه كل الشكر لام اليزيد على هالابداع اللي كل بارت يفرض نفسه اكثر من اللي قبله ثانيا يا سلام ولقينا نجمه من اول بارت هنا عاد حماس وبتحفكم ببربرتي عل وعسى يطلع لي نجيمه منا مناك يعني ونبداء بسم الله توقعي الاول غتار يرسم خطه ذكيه منه لعوده الصلح بين ابوه بندر وعمه عقاب المهر اعتقد انها اكبر عمرا من فارس لان فترة زواج بندر وانجابه للمهر لم يتزوج عقاب من عمشاء يعني الغينا فكرة المهر لفارس فارس اتوقع يتمم عرسه على عهود وممكن تكسبه بعد اكشن طوييييل لكن السؤال هنا بعد ما عقلت عهود كيف بتقنع فارس بانها تغيرت وكيف بترجع حبه وحنانه مثل قبل الحب عقاب حديثه مع بندر لفتني لشي هو شخص عنيد وواضح انه عاش من صغره مطلوب منه يلحق بندر المتميز عند اهله وجماعته (طالعه من ورا قلبي بس عاد تعرفوني حقانيه )المهم بحديثهم لاحظت ان عقاب ما يسامح ابد وعنده حب انتقام وذا الشي ما بيبرد حرته الا ينتقم من بندر واظن انتقامه بيكون احرج غتار وتزويجه من بنته الدكتوره فخر اللي احساسي. في عرف غتار الدكتاتوري ان طويله اللسان ما تنفعه بحكم انها تحتك برجاجيل وهنا بيزعل بندر اللي يبي لولد نفود الشي اللي يبيه اليوم بالسناب تكلمتي عن صفه في عقاب بتظهر في الجايات اعتقد انها الغيره والتملك خصوصا لزوجته عمشاء المشمش احس انها ما تعرف سبب الزعل بين عقاب واخوه ويوم تعرف يمكن هي وفخر يقطعونه (بسم الله عليه ) ومن كلامه مع غتار وهو في غيبوبه يبين انه كان يكن لنفود معزه خاصه ويمكن يعتبرها اخته لفتني شي يوم يشوف غتار يقول يشبه احد ما يدري منهو اتوقع يوم يطالع بالمرايه قبل 25سنه بيعرف مين 😘 وذا ممكن يحببه فيه اكثر ويحبب فخر فيه بعد العرس طبعا (مزوجتهم مزوجتهم الله لا يعوق بشر ...... بالنسبه لغيام ووهج انا اللي اعرف ان هالتصرف منكر في مجتمعنا وغالبا نهايته انفصال ياقبل يا بعد الزواج وش هالجراءه اللي عند غيام ان يجاهر بذا الشي لدرجه انه ابوه يعرف صراحه اعتبره انسان هدفه العناد اكثر من الحب والتعلق وباقي عند ظني انه بيتزوج ورد وبيتزوج وهج عليها هنا اتوقع مع الايام بيظهر لنا وهج انتهازيه واسمه وفلوسه هدفها من العرس حتى لو كانت ثانيه وبيبداء غيام يقارن بين ذي وذي ......... حديث عقاب مع المشمش يبين قد ايش هي عاشقه له (وللامانه مالومها يعني هو يستاهل )لكن يا مشمشتنا الحلو الرشيقه المميزه من وجهه نظري خليك ذكيه شويتين وخلي عقاب بشخصيته الرجوليه المليانه تناقضات يدور عليك بالعربي )لوعيه ادلعي عليه خليه يحس انه بيفقدك عشان يركض وراك باين من شخصيته انه شخص ما يحب السهل لاتكونين في متناول يده وماغير تصبصبين له من ذا الشاهي اشغلي عقله قبل قلبه اوك شوشو المشمش ....، رياش جعل ما به رياش ذا العله وفوق ثقل دمه غراب البين بدل لا يواسي عقاب يوم يزورون غتار تفاول ع الولد يودع الحمد لله عقاب ما عطاه وجه ...... حاكم ونوره وقصه نخوه ووفاء واضح اخوها عبد الرحمن كان دكتور بالمستشفى وراح يكون لهم قصه بدايتها عطف ووفاء ومنتصفها حب وتعلق ويارب نها يتها سعاده نوره غير التجميل الخارجي للحروق يبي لها تجميل داخلي لتبعات الحريق اولها المها النفسي وشوقتها لاهلهايحترقون قدامهاوشعورها بالذنب اللي ما قدرت تساعدهم ونها يتها ثقتها بنفسها وبانوثتها وهل ممكن تكون كافيه لحاكم وتملى عينه احس تخورت بتوقعاتي لهم لكن عندي احساس ان حاكم بيقضي كم بارت يقنع فيه نوره انه حبهاومو مشفق عليها فقط ...... المهر ودخلتها القويه هنا واضح وضوح الشمس مدا ميانتها على ابوها بندر واحترامه لكلامها وغتار مع احترامي لشخصيته واشوف فيه قائد العائله بعد بندر ولا ننسى انه شبيه عمه بالشكل ولكن قد يشبه اباه اكثر بالدكتاتوريه ولي نقد عليه بيت ابوك البندري يا غتار يضل بيت للمهر وطريقتك بالكلام معها حتى لو انت اخوها الكبير غلط غلط همسه لغيام الكلام اللي قلته ما يقوله رجال راعي نخوه ورغم كل شي صار او بيصير ورد زوجتك وانتظر المصلحجيه وهج توافق على فكرتك المجنونه انك تجمع بينهم لو تحبك بترفض لان العاشقه صعب تقبل تشارك احد بحبيبها خصوصا ولها الخيار هنا ورد فقط زوجه بالاسم لكن لو وافقت تتزوجك هنا متاكده ان خبها فقط لاسم وفلوسك همسه لضمضم ومتابعاتهاانااتعمد ما اقراء الردود الابعد ما اكتب ردي الا النوري ريحه الماضي جذبتني وجيت اسلم ♥ يارب ما يكون احد منكم غلط على ابو فارس 😍😍😍 |
اقتباس:
يااشين الرد من الجوال لكن مااقدرت الا ارد اول شي وليدي والله قبل شوي ينااقشني الشيخ ويرسم خطه كيف اخلي ابوه يغير سيارات اخوانة وهو حضرته يضمنهم عندي اذا اقنعت ابوه وختمها انه يبي سياره مزعجني فيها من فتره 😷 الزوااج ننتظر كلنا ونشوف مع ضمضم وين تودينا 😉 اهم شي بس لاتبعدون عن السناب وعن الحظوظ هنا بالمنتدى ياااربي رحمتك الروايه صارت شغلي الشاااغل والعرب يحسبوني حاابسه عمري عن الناس من البرد ماادرو اني سردادي مردادي على الحظوظ بكل منتدى ادورهم 🙃 مااغير اتخيل البندر بكل مكان ..، |
رد: الحظوظ العاثرة بقلمي / ضمني بين الاهداب
خاطرطرالي بعد ما نزلت الرد بفتره
لا يكون ثمن الصلح اللي بينك يا عقاب انت وبندر موت اخوك وعلى فراش الموت تصالحه تكفى قول لا الله لا يفجعنا في احبابنا |
اقتباس:
ياالبيه بس يااغتار قلوب تحوم فوق راسي من بيتي لبيت ضمضم لا بيت ضمضم قريب قصدي لبيت هتونه لبيوتكم كلها بدون استثناء لحد ماااتوصل شيوم بمصر ام الدنيا كله عشان غتار ❤❤❤ العجيب بغتار اول مااسمعت اسمه توقعت شخصيته غير اسم شايب جيران بيت اهلي واسم طفل جيران ضمضم وكل واحد من ديره وقبيله ماااحبيت ابدااا الاسم في البداية لكن بعد مارسمت شخصيته ام اليزيد اعجبني مررره خصوص انه عند ابوه يوقف كل شي ويدق الصدر ويضمن حتى لو مايقدر والدليل ضمانته لغيام انه يتزوج النيزك يعني بندر اولاً وبعدين يجي كل شي احب ها النوعيه من الشخصيات عسى الله لايخلينا من اشباهها عقاب ما اتوقع ان بندر ساعده بندر يعرف شخصية عقاب زييين اتوقع خلاه يقوم ويطيح لحاله لو مد يده له عقاب ماااعنده كاني ماني بيفسرها انه ضعف منه وبندر القوي وعقاب بيسوي شوشره اكثر من الي صار هذا حتى العزا الحركه الي سواها قويه مره اتوقع بندر قد ماايقدر يتجنب الصدام مع عقاب وعدم الاحتكاااك فيه 🤔 انااا معك بكل الي قلتيه عن بندرفعلاً رجل نادر بنته ابعدها عنه عسى عقاب يرضى ولارضى . عاد انا والله اكره سوالف توالي الليول لو مع اهلي بس وش اسوي البندر يجبروني اسولف غصب عني 😊 |
اقتباس:
ضمضم نايمه وحنا ماغير نحوم ببيوت البندر لاتكفين عاااد الا الصلح بعد الموت مااا ادنيه وش عقبه الله لايفجعنا بغالي |
اقتباس:
يسعد لي قلبك ام الوليد لموت مانبيه لكن اذا لابد منه عادي الشايب بندر المهم ابو فارس لحد يقرب منه وكني لامحه بالردود وحده تقول عمها عقاب من متى زين الشباب صار عمك معليش يمكن براسه شعرتين بيض بس مااسمح لاحد يسميه عمي الا اللي عاد مركزين مع فويرس ولده وقتها ممكن ممكن اتغاضى عن الالقاب واسمح لهم بس لازم يقولون عمي شيخ الشباب عقاب |
رد: الحظوظ العاثرة بقلمي / ضمني بين الاهداب
. والحمدلله قرينا الرواية^^ وش هالفخامة وش هالفخامة! الاسماء لحالها شيء ثاني <<فيس معجب فيها :) ,, نجي لبندر ووفاة زوجته وزواجه من العنود بصراحة مو بيده هالزواج لأن صعب يرفض طلب عمه ومن جهة ثانية صعب يكسر نفس أخوه! >> وجات ع الثانية وصارت القطيعة :( عقاب شخصية بنت نفسها بنفسها يعني صح كسر بنفسه زواج أخوه من اللي يحبها بس أبد ماوقف ولا قال خلاص الدنيا تسكرت بوجهي! بالعكس >>طبعاً أكيد ماسوى كذا غير يبي يرد لأخوه اللي سواه فيه >< غتّار شخصية الأخ الأكبر اللي كلامه لازم يسمعه اللي أصغر منه! يعني كذا بمكانة الأب غصب عن الكل هههه غيّام من قرادة الحظ الحين يقول ليت ماسويت فيها سوبرمان وانقذت البنت هههه بس يالله طاحت براسك والله يستر من الجاي! >>أخاف يلحق عمه بالقطيعة ويقاطع أخوه! فارس كويس قدر يتغلب على السمنة ويصنع منها مشروع ناجح خصوصا إن السمنة انتشرت كثير في المجتمع! عهد مو لـ هالدرجة السطحية! صح الوحدة تحلم بشاب على الأقل يهتم بوزنه وجسمه بس مو تجين وتتكلمين معاه كذا >< غلط والله غلط وخليك من هبالة المراهقات :( فخر طالعة لأبوها في لسانها السليط:lol: حاكم وزواجه من نورة بسبب الحادث والتشوهات اللي جاتها! هل هو زواج رحمة وعطف ولا فعلا محبة! حتى لو كانت محبة, نورة من جهتها راح تظل طول العمر تحس بإحساس الشفقة من حاكم! المهر >>أبد لاتتكلمين مع أبوك وتقنعينه حتى لو كلامك صح ماراح يهتم! لا وبعد جاي غتّار أنسي حتى تكملي ههههه <<كويس حملت نفسها وراحت لأن الكلام هنا ضايع :) ومين كمان؟! <<فيس صدع فجأة :( ,, الله يعطيك العافية أم اليزيد وننتظر إبداع قلمك :) <<فيسي المؤدب ^^ .. |
اقتباس:
عقاب مو شعرتين بيض في راسه لا ثلاث اثنين بصوابره والثالثه بحاجبه من كثر مااهو يدافع البلا نااار من جد بنات عمشاء ام فارس انا مستعجله جداا كيف بتكون شخصيتها الفاهيه والا الزوجه الحكيمه والا المطنشه عقاب فعلاً من الرياجيل الي يتعب بالتعاامل معاه ماتدري وش ترضيه فيه وتخاف من زعله اذا زعل مااارضى |
رد: الحظوظ العاثرة بقلمي / ضمني بين الاهداب
بناات ش خباركم بعد الإعلان 🤓 الصدق اني مااحب الإعلانات اخاف تحرق شي .. بس ماشاء الله ضمضم تووصة فيه 👽 يابنات جاا في بالي انها بزر هالسميه وان غتار جالس ينكت ويخفف دمه مع أبوه .. يقال انه يختبره 😀 جايب له علوم ماهي علومه.. لاني مااتوقع في حررمه .. وبنتها شحطه قدامها بتقوله هذا بنتي الشحطة سميتها ع اسم أمك .. بيكون باين انها تتميلح وتبيه ياخذها .. يمكن هالحررمة كانت تشتغل عند نفود.. او انها كانت محتاجه ونفود ساعدتها.. عشان كذا سمت بنتها عليها .. اييه ويمكن هالحررمه تعرف غتار يوم انه صغير ع حياة امه. وبعدين غتار رافض الزواج رفضاً قاطعاً .. ش عنده عند اسم امه تغير كل شي.. وان كان يبي اسم امه كان رح تزوج وخلف له بنت وسماها ع امه .. ان شاء الله عاد تصير شطحتي صح 🤓 ولا انه يتزوج.. اناا ابي وحده تكسر راس غتار .. وحاليا مافي في ساحه الا فخر .. ابي اشووف هالشخصييه شلون تحب شلون تكون مسالمه بالحب ☺ صدق مااتخيل حياته مع وحده ضعيفه .. بيمووتها قهر .. |
اقتباس:
اخباري زينه دام الحب ما جاه شي للان. بقولك عندي فكره اطلق موجوده هالسميه ولاهي بزر مع ان فكره البزر جازت لي لكن احس عقاب بيشم ريحه هالخطبه وبيحرج غتار وابوه وبيعطيهم فخر عطيه دام هم ما يبون الا سميه نفود طبعا توقعي انه السميه ذي عند عقاب خبرها اول وتالي دام كان لنفود بنت عمه معزه خاصه عنده وبكذا الشيخ عقاب يبرد حرته وهنا انا متاكده ان عقاب يراقب اهله ويعرفهم من بعيد لبعيد. ووقت الشده بيكون سندهم |
رد: الحظوظ العاثرة بقلمي / ضمني بين الاهداب
اقتباس:
وش دعوه عقاب بينط لهم اذا شم خطبه وهو تاركهم كم سنه .. بس الاكيد هو يتبع اخباارهم وبعدين مررا مااتوقع انه يحرجهم ويعطيهم بنته .. هو يحبها ويغليها ماهو راميها هالرميه عشان بس يرد حركه بندر .. مااش مااتوقع .. |
اقتباس:
وبتقولون نوف قالت اي يمكن كان ذا حلم سالفه السميه مثلا بندر يحلم 🙄 مو معقول طبعا بينط لهم لكن يمكن تكون الجلسه بمجلس محايد والا بندر بيكون موسط احد بينهم عشان يصالحهم وعقاب بيوهقهم وبيشوف وحتى لو بنته غاليه عليه ماهو بسافط لها مثلل غتار |
رد: الحظوظ العاثرة بقلمي / ضمني بين الاهداب
هههههه دودي ونوف ربي يسعدكن شوفن أي شيء توقعن إلا أنه يتزوج غير فخر عاد أنا مابقطع الأمل من زواج غتار بفخر إلا لماتنتهي الحظوظ العاثره حتى لو تزوج قبلها 3 يالله وين حزب غتار لفخر (( غتار لفخر مهما صار ، لانتعب نفكر ولا نحتار )) ترى ضمضم تلعب بأعصابنا والا فخر فيه أحد يليق بها غير غتار |
رد: الحظوظ العاثرة بقلمي / ضمني بين الاهداب
اقتباس:
أول ما شفتهم من أول فصل قلت لبعض حتى لو حاكم اللي قابلها الأول أكششن ذا الاثنين بيسوون لنا جو تمام :lol: انا للاسف ما شفت الاعلان (كائن مسح السناب من فترة ولا يتذكر اليوزر والباسوورد اصلا اهيء) لو فيه حساب انستا بقدر تابع بس غيره الشكوى لله .. ننتظر هنا مع المنتظرين |
رد: الحظوظ العاثرة بقلمي / ضمني بين الاهداب
اقتباس:
اممم يمكن ع قولك بندر يحلم .. ولا هذي احلاام غتار يووم انه بغيبوبه🤔.. ياارب تكون اي شي ولاتكون هالنفود شخص قابل للزواج .. لاا فكره انه يرمي بنته مستبعدتها نهائي..شخصيه مثل غتار لو اخذها بهالطرييقه ماهي فارقه معه بياخذ عليها ثانيه يعني عقاب وهق بنته ولا اختار لها الزين ..يعني حتى لو بيسفط لها غتار ماهو بهالطرييقه.. انا ودي بندر وغتار يحفووون حفي عشان عقاب يرضي يزوجه.. ماهو بالسهوله ياخذها.. وخلي السنين تعيد نفسها بين بندر و عقاب 🙄 اممم تصدقين نوف انا فكرت بالعكس .. ليه ما بندر يوهق عقاب بمجلس ويخطب بنته لغتار .. وقتها وش بتكون ردة عقاب🤔 .. يمكن مايتمم له يعني قدرت ارفض وانت قبل هالسنيين تتعذر انك ماتقدر ترفض<<<< او يمكن عاد رياش ينط ويقول انها مخطوبه لولده بيصرفهم لخاطر عقاب وبعدها ينط غتارر و يحجر عليها ويقول بنت عمي لي انا أولى بها من الغريب<< ههههههه باين اني شطحت واجد بس يمكن ليش لا😂😂💔 اقتباس:
بس ماحبيت عاد يتزوج كم وحده .. يعني هو كان رافض نهائي وفجاءة بِسْم الله عليه ياخذ 3 والرابعه بنت عمه بعد🤕 الشعار 😂😂💔 أبد جالسين نفكر وين نصرف هالنفود ونبعدها .. |
اقتباس:
|
رد: الحظوظ العاثرة بقلمي / ضمني بين الاهداب
. الدنيا هنا قلبت أحزاب هههههه أنا عكسكم تماما وماأشوف غتّار يناسب فخر أبد أبد :) >> فيس متربع لوحده عكس اتجاه السرب ههههه .. |
اقتباس:
لكن البلا ها النفود الي مدري منين طلعت لنا ادعي بس نفود يطلع لها ولد ينشب لهم اذا مااطلع شكل فخر مااالها الا رياش والا احد من طرفه 🤔 |
رد: الحظوظ العاثرة بقلمي / ضمني بين الاهداب
اقتباس:
يعني عقاب بيعطي بنته اللي من غلاها ما يفكر ياخذ على امها لرياش اللي زود عن صفاته الكوميدية العجيبة من سن ابوها واصلا متزوج ؟؟ بس رجع مخي اللي مدري كيف يفكر اقترح انه يمكن يمكن مثلا يبا يستفز غتار عشان ياخذها :فيس مصمم يزوجها لغتار :lol: : فبيوصل له بطريقة ما ان فخر بياخذهاا رياش وموعد الملكة وكدزا على خلفية احداث مدري كيف بتصير اصلا ويجي غتار الفارس المغوار يوقف الملكة ويقول ان بنت عمه له .. المشكلة اذا ما جا ذا العنادي :فيس رسم السيناريو وعاش جوه: . . رد مجنون نوعا ما بس ما قدرت اقاوم كتابته |
رد: الحظوظ العاثرة بقلمي / ضمني بين الاهداب
اقتباس:
هلا وغلا فيدو ماخذه وضع خالف تعرف 😁 بعيد عن ابطال الروايه حقيقه بالحياة نشوفها كثير خصوص الاقارب فلانه احتمال يخطبها فلان يناسبها مره مانتخيل احد ثاني يتزوجهابذات اذا كانوا عيال عم او خال واذا ماكتب ربي نصيب بينهم كثير من الحالات نستغرب كيف فكرنا انهم لبعض بعد مايتزوجون وكل واحد يروح بطريقه جد والله نستغرب من محدودية تفكيرنا يعني فخر وغتاريمكن مامكتوب لهم يتزوجون وغتار يتزوج سمية امه وفخر ضمضم تزوجها بكيفها😉 |
رد: الحظوظ العاثرة بقلمي / ضمني بين الاهداب
ما شاء الله وشذا الجو والحوار من وراي ويك اند وطلعه وهياته وانتم تفكرون في غتار وفخر
عاد بعد مافكرت وروقت ومع الجو الحلو اليوم فكرت فكره جديده فخر بيحاول ياخذها ولد رياش المديربالمستشفى ويمكن هي راح تميل له وبكلمه منا منابينقل حاكم لاهله ذا الوضع فغتار بعد ما يكون فكر بذي السميه بيرجع يخطب فخر من عمه عقاب وطبعا عقاب لان انفود معزه خاصه عنده احتمال يوافق ويشجع ذا الارتباط وممكن يسوي خطه مع غتار يقنعون فيها فخر بالعرس |
رد: الحظوظ العاثرة بقلمي / ضمني بين الاهداب
اقتباس:
اتوقع نفس التوقع انه بزر او غتار يكذب |
رد: الحظوظ العاثرة بقلمي / ضمني بين الاهداب
ياحلوات بعد مانمت وروقت أعتقد كلام غتار لأبوه عن سمية أمه وخطبتها إما إنه حلم عاد من اللي يتحلم غتار والا أبوه ماهو مشكله اما إن هذا الكلام سار ومن جد لكن ذكريات من الماضي ومن اللي يتذكر مافي غير بندر او غتار لكن هذه الخطبه او الزواج ماتمت لأي سبب من الأسباب أو تمت وبعدها ماتت السميه وبعدها اضرب غتار عن الزواج هي شطحه لكن حنا للآن ماعرفنا شيء من حياة غتار غير شغله وإصابته |
رد: الحظوظ العاثرة بقلمي / ضمني بين الاهداب
اتوقع ان المهر والفخر يتقابلون بالمستشفي مع بندر وهو رايح مع بنته المهر ومن هنا تبدا علاقتهم ترجع بذات ان الفخر غاليه عند ابوها
|
رد: الحظوظ العاثرة بقلمي / ضمني بين الاهداب
بسم الله الرحمن الرحيم..., . . . عثرة ثالثة... . . . مدخل . . . من سطوة الجرح ما رديت لك أجابه يوم كبر في عيوني لذت بإسكاتي خرسا المشاعر من الحسرة ومرتابة ما تنسمع صرخة يبست على شفاهي وش عاد أبا قول كل الدرب متشابه في عتمة الدرب ما ميزت خطواتي الوقت وجهه بوجهي كشر أنيابه تعكس تعابير وجه الوقت مأساتي كذابة احلامنا يا بنت كذابة نعم..وهم كل هقواتك وهقواتي الجرح عاري ما عاد تستر ثيابه ايه افترضنا وضاعت كل حيلاتي حاولت اقاوم بوجه الريح و اجابه وكثرت على دربي المجنون كبواتي حظي خذلني وانا كنت اتعزوا به واصبح مثار الجدل سر انكساراتي احد عذرني واحد ملحقني عتابه وانتي سالتي وانا اغرق في معاناتي جدالنا صعب ..صعب الي انفتح بابه ماهو مجرد كلام ولجة اصواتي لاتسالي عن ظروف الجرح واسبابه ماعاد به شي مغري باعترافاتي التزمي الصمت مثلي ماهي طلابه تعبت اصرح واسولف لك بنظراتي يوم انتي اخر طريق العمر ما اهابه واليوم ما تفيد روحاتي وجياتي وقفت..لا حل ..لا كلمة ..ولا اجابه قلت الحق اللي بقى والوذ بسكاتي بداية اوقاتكم حب..و..سلام... الدلوعات البارت طويل أي وحده تقول غير هذا الحكي راح تتعاقب =) ومشوارنا طويل اذا كل بارت بتقولون قصير ف أحب ابشركم انكم تقرون الحين الجاهزة ...الي أكتبها فيما بعد بتكون قصار =) وأحب أكد لكم أن الفخم رياش باقي ومكمل وأي وحده عندها أعتراض أقول لها مقولته الشهيرة [كل النسوان تحبنـي]..., وثلاث قفلات تنتظركم في بارت اليوم... سنابـي...omalyzad سناب نوف بنت نايف لمشاورات =) n-umnawaf5555 . . . لاتليهكم الرواية عن الصلاة في وقتها . . . قبل ملكة غيام بأسبوعين... الدكتور فيصل..\ها كيفك الحين يا أخت نورة..؟ نورة..\الحمدلله.. فيصل وهو يضع يده على كتف حاكم وبا ابتسامة..\ان شاء الله كل شي على احسن مايكون.. أبتسم حاكم..\ان شاء الله.. جون الذي اقترب منها وبكلمات تحفزية كان يهمس بها لها وهو يبعد الشاش عن وجها... ليكشف عنه..! حاكم الذي كتف يديه بتوتر.. كان يعلم ان سلسلة العمليات التجميلية كانت جميعها ناجحة..لكن كان قلق لأجلها فقط.. كان يثق بعد الله في الكادر الطبي الذي يشرف على حالتها.. لكن أراد أن تكون النتائج فوق الممتازة..لأجل عبد الرحمن الذي وعده أن أخته لن تحزن ولن تضام..! وهاهو الستار الأبيض من الشاش يزاح عنها... رويداً رويداً.. الابتسامة الكبيرة كانت عالقة على وجه فيصل وجون... جون تفحص وجهها..وأقترب كذلك فيصل..! بقى حاكم عالقاً في مكانه.. وجها متورم قليلاً لكن النتيجة كانت ناجحة تماماً... نورة بتوتر..\كل شي تمام..؟ فيصل وهو يحاول أيقافها أمام مراءة ضخمة ذو عجلات كان جون يقف بجوارها فيصل..\وفوق التمام يانوره..شوفي...بس ترا الانتفاخ بيروح ها اليومين..! حركت قدميها بخطوات مرتبكة...تشعر بأنها غائرة في بطن الأرض.. وقفت أمام المراءة... وكان الثلاثة خلفها...! ليس حاكم وجون وفيصل فقط..! بل الوفاة والحريق والتشوه..! كانت في المراءة صفحة وجه أمرأة أخرى...لم تتعرف كثيراً عليها..! بقت تتفحص الشكل الجديد.. بقت عالقة هنا...! من تلك..؟ من هذه المرأة...؟ من صاحبة هذا الوجه...! تشعر أن قدميها لاتحملها..! أنها أضعف بكثير من أن تقف..! وقعت على ركبتيها بضعف وهي تبكـي بصوت مرتفع...\من هذي هذي مو أنا...أنا ويني ...!!! تفاجئ فيصل وجون...وتلقفها حاكم بين ذراعيه وهو يهمس لها بـ أن تهدئ...! أستأذن فيصل وجون وخرجا ليتركا حاكم يحكم الموقف..! حاكم ...\أستهدي باالله.!. من ثم أردف ...\وش فيك نوره النتيجة ممتازة..يمكن بس متفاجئة من الشكل الجديد لكن أنتي أحلى الحين..وهذا بفضل الله من ثم الجراحين الي أهتمو فيك ليش فاجئتيهم برد فعلك هذا..! نوره..\أبي شكلي القديم..مابي هذي..حاكم قول لهم يرجعوني مثل ماكنت...أبي وجهي ابي اشوف شي من الماضي مابي ذي الحياة الجديدة..!! حاكم يضع وجها بين يديه ويجعلها تنظر لعينيه مباشرة.. وبـصرامة..\خلاص الماضي راح بكل مافيه..راحت امك وراح عبدالرحمن وراح بعد وجهك القديم..وحياتك القديمة.. من ثم اردف بصرامة..\أنتي اليوم شخص ثاني وحياة ثانية..تقبلي ذا الشي قبل تنتهين وتنهين نفسك تماماً...! ابعدت يديه من وجها..\كيف أتقبل...ماأبي حاكم بغضب..\لازم تتقبلين. لآزم تتقبلين شكلك الجديد ولآزم تتحملين حياتك الجديده معـي..لأنه خلاص انا حياتك الجديده..!!! نوره برفض..\أبي أكلم عمي..! حاكم..\وش تبين فيه..لايكون تبين تعيدين عليه سالفة انفصالنا..! أردف بجدية..\نوره ليش تبين تحكمين على علاقتنا با الفشل قبل تبدأ..انا ماكان ودي أقولك ان عمك وصاني عليك وحرصني عليك ماتخيلين كيف يحبك لكن أمره ماهو بيده رجال عليه كومة لحم وحرمته مخيرته بينها وبينك ..قال لي ياحاكم لاتتخلى عن نوره لوماعلي ها العيال ماخليتها تلوي ذراعي وتخيريني بينهم وبين نوره..! من ثم أردف..\ومن غير حكي عمك يانوره..جربيني وشوفي ..جزت لك نكمل حياتنا خير وبركه ماجزت لك مني الي يأمن مستقبلك بعد الله وأطلق صراحك عقبها.. كانت تبكي بحرقة... حاكم بمحاولة هدوء..\نورة انتي مجبورة تتقبلين الوضع الي أنحطيتي فيه هذا قدرك قولي يعني وش تبينا نسوي قاعدة تطلبين المستحيل قولي الحمدلله وأرضي تصيحين تقولين صرت مسخ وين المسخ أشوف بنت جميلة اليوم..!؟ نوره بضعف..\انا مسخ ومافيه ملامح من الماضي وها الوجه مأعرفه ياحاكم ماأعرفه..! تبكـي من جديد... حاكم..\تعوذي من الشيطان يابنت الحلال وأحمدي الله الي هيألك سبب للعلاج تجاوزي الصدمة وخليك قويةعبدالرحمن لو كان بينا ماسوا الا الي سويته..انا طالع وبنادي ممرضه تساعدك تلبسين اليوم ان شاء الله خروجك..وترى الشاش مفروض امس بس انا رفضت ابيك تستعدين نفسياً والخروج براحتك اذا ماتبين اليوم أجله مو مشكلة..! حركت رأسها بموافقه..وصمتت بعد ان كففت دموعها...! . . . منذو مايقارب الساعة من خروجهم من المستشفى هاهما في فلة بندر البندر ... لم يتحدثا في السيارة كانا صامتين.. كلاهما يشعر بإن الأخر فرض عليه...كلاهما يستثقل نفسه على الأخر...! كانت المهر في استقبالها وهو ذهب ليحضر حقيبة تخصها صغيره.. كانت ترتدي بنطال أخضر وقميصاً ناعم بيجي اللون..تركت شعرها القصير ينتثر بهدوء على أسفل عنقها ..بدأ شعرها أكثر لمعان وصحة..وبدأت وكأنها تضيء..! المهر ...\حياك الله يانوره ..الف الحمدلله على سلامتك.. نوره باأبتسامه ..\الله يحيك يا المهر ويسلمك.. أمسكت المهر بيدها وهي تدخلها جناحها الخاص الذي قاما بتعديل عليه لأجلها... المهر بهدوء...\أنا مجهزه لك اشياء على ذوقي ان شاء الله تعجبك..ومقاس ملابسك خذته من حاكم كل شي تحتاجينه بتلقينه موجود ان شاء الله والحمدلله رزقني ربي بأخت ناعمة مثلك ما أبيك تحطين بيني وبينك حواجز ابد..! أبتسمت..\الله يجزاك خير وماقصرتي..! أردفت مهر بصراحة..\انا معرفتي فيك با الظروف الي صارت لك والي باين منك انك ذكيه ومسالمة وأمي عبير تراها عسل وقلبها يوسع أهل الأرض والا ماكان استحملتني انا وغتار الي كل واحد من حرمة... من ثم تغمز المهر بعينيه..\وغير كذا تراك مابعد عرفتي مزاجيتنا وذا دقت بروسنا الشياطين وش نسوي غير كذا هي ضغوط من اهلها عشان حاكم اخوي وبناتهم والرجال الطيب ينشرى نسبة با الذهب حاولي تتقربين منها وتتغاضين عن بعض الاشياء..يالله عاد اتركك في جناحك براحتك ورقمي معك اذا احتجتي شي.. غادرت المهر بعد ان ودعتها وأغلقت الجناح..! بقت واقفة لربع ساعة... وكأنها زرعت هنا ونسيت...لم تتحرك...أو خشيت أن تتحرك فتحدث أزعاج او ماشابه...! كل شيء تراه بارداً جداً..! وهي تعلم أن درجة حرارة الغرفة معتدل لكنه بارد في قلبها وروحها..! تعلم أن المهر مهذبة ومجبرة على صف كلمات الترحيب بي.. تعرف شخصية المهر من حكايات حاكم في أوقات الفراغ الكثيرة...بندرية أبنت أبيها..! وتعرف جميع أخوته... تعرف غتار وقصتة..القوة ثم الحادث وغيبوبة شبه الاستسلام من ثم الجبروت البندري المرعب ...! وتعرف قصة غيام ومخالفتة لهم حبه السقيم ورفض الموضوع جملة وتفصيل من الجميع..لكنه غيام المختلف..! تعرف قصة بندر وعقاب..وتذوب في كل تفاصيلها التي يسردها حاكم لها من حكايات والده له... تعرف نفود الراحلة..تعرف عبير الحاضرة..تعرف العنود الماضيه..! هي كانت تعرف قصصهم وتعيش معهم في حكاياتهم قبل أن تصبح فرداً اليوم هنا.. فقد كانت التسلية الوحيدة التي يسردها علي حاكم في ممرات المستشفى واروقة الوجع والعمليات المتتالية.. جاء صوته الخافت من بعيد...والأخر أعتقدت لوالدته.. أتضح النقاش رويداً رويداً..بدا واضح الأن..! حاكم بمحاولة كبح غضب..\طيب يايمه هدي أعصابك الله يرضى عليك ترى كلنا مانسوى دمعه من عيونك..وأبشري باالي يرضيك على ذا الخشم..! الصوت النسائي أختفى..! الخطوات أقتربت...وفتح الباب..! تفاجئ بوقوفها ...من ثم القى السلام...ردت بخفوت تام...! أغلق الباب.. بقيا وحدهما...!! خطواته الثابته..أنفاسه الهادئة... العطر الذي أنتشر وكأن قارورته كسرة بدخوله وأنتشر..! أقترب منها ... وضع يده على رأسها..\اللهم أني أسألك خيرها وخير ماجبلت عليه وأعوذ بك من شرها وشر ماجبلت عليه..ظروفنا ماخلتني اقولها قبل وااا سمع صوت بكائها وأنتفاضت كتفيها..من ثم بهمس مبحوح..\ادري اني شر عليكم..أدري والله..ويمكن اجي مثل العنود يجي بينكم قطع ارحام..! حاكم بغضب وأنتفاضة..\لااله الا الله يابنت الحلال وش فيك حساسة نوره..\حاكم..اا حاكم يقطاعها..\ادري وش بتقولين سمعتي نقاشنا الي برا انا وأمي..يابنت الحلال اسمعي وطنشي ماهو كل ماتسمعينه تصدقينه أحيانا الواحد ينجبر يمشي بعض الامور امي ترا هينه لينه لسانها رطب بذكر الله وتخافه من ثم اردف بعد ان زفر بضيق..\بس انها بشر وبتتأثر باالي حولها حاولي انتي بلي تقدرين عليه تتقربين منها..! صامته..مرتعشه...بدأت له وحيدة أكثر من المستشفى..! بدأ له..أن وجه عبدالرحمن يقف خلفها الان غاضب..! وأن صعوبة الظروف التي بينهم يجعل كل شي سهل بسيط معقداً تماماً..! بهدوء يتدارك ..\المهم خلي امي عبير بحالها الحين..وقولي لي وش رايك بذوق المهر ترى بيتنا قحط مافيه الجنس اللطيف وماعندنا الا المهر وتمنن علينا مرات بشوفتها بعد... رفعت رأسها من جديد له...وعينيها تبحث عن كل شي الا عن اثاث او اشياء جديدة..! أشار بيده بهدوء..\هذا جناحنا..في مكتب لك صغير مقسوم مع غرفة جلوس صغيره ودورة مياه تابعه لغرفة هذي..الغرفه على ذوقي ان شاء الله تعجبك ولما نستقر وتتحسنين ان شاء الله باخذك تختارين اثاث بيتك على ذوقك... حركت رأسها بهدوء..\انا ماابي أفرض نفسي على امك ..بس انا فيني رعب بعد الحادث من اجلس لوحدي انت تعرف هذا الشي والا كان رضيت با اقتراحك نسكن لوحدنا.. حاكم مبتسم...\ماعليه...كل شي بوقته بيجي..عادي وش ورانا.. أشار بيده..\الاريكة هذي لي...والسرير لك..خلي أوضاعنا مثل ماهي لين نستقر وتستقرين.! حركة بهدوء رأسها... . . . أتلمس بين الأضلاع منزاله وأثره في ذرى القلب ماهمّ . . . يوم جديد...! نوره بهدوء..\الله يبقيك ياعمي..., بندر بمحبة تامة..\تو مانور بيتي فيك يانوره ابيك تحسبيني بحسبة ابو..وحموانك اخوان لك وان ذا البيت بيتك..وان لهم العتبة وانتي لك البيت.. من ثم أردف بحنو\ تراني احب البنات واحس البيت الي فيه بنات بيت مبروك...مافيه احن من البنت على اهلها..! نوره بخجل ..\جعلك تسلم لي ياعمي ..اكيد هذا بيتي وانتم بحسبة اهلي... بندر..\انا بقوم اخلص اشغالي أجل..ولو تبين شي تراني حاضر وبخدمة..وترا كلمة عمي بدليها في ابوي احسن وش رايك.. ختم كلامه وهو مبتسم بحنان لها.. وقفت نورة لتقبل رأسه..\الا ابوي ومافيا أحسن من ذي الكلمة جعل عمرك طويل... احتضنها بدفئ من ثم انسحب بهدوء على دخول حاكم قبل حاكم رأس والده وخرج بندر مبتسم بعد جملة سرية في أذن حاكم لم تسمع منها شيء... علقت عينيه في تلك الواقفة بخجل عميق..كانت تضيء ببساطة..! لم تضع زينة .. فقط أرتدت فستان أصفراً وكأن لونه شروق الشمس ..! فقط تركت شعرها ينتثر على عنقها وأول ظهرها..! فقط وقفت بخجل نساء العالمين..! بتوتر..\صحيت مالقيتك نايم على الاريكة يمكن عورة ظهرك..؟ ..\لا..انا اساساً اشوف احسن نومة الي على الاريكة هذي...انتي نمتي زين البارح.. نورة..\ايه الحمدلله.. حاكم..\طيب انا ها اليومين مشغول لراسي يمكن بعض الاوقات مارجع اساساً لبيت ...عندي كذا مؤتمر وكذا سفريه وانتي خوذي راحتك وامي مثل ماقلت لك مسألة وقت...لاتشلين همها... من ثم اردف..\وأستغلي ها الوقت في الغرفة الجانبية اغراض الكتابة وادوات الرسم حاولي تنجزين السلسلة وتتفقين مع قناة تنتج لك العمل الكرتوني الخيالي على شكل فلم أبتسمت..صمتت..خرج بعد ان ودعها..! تنفست من جديد... عائلة من جديد..! ورجل صديق وأكثر.. عبرت عينيها المراءة..عاد لها رونقها..عادت الحياة تدب من الجديد وكأنها لم تتوقف في يوم..سأغرق نفسي في سلسلة الاطفال الخياليه وأنجز مافاتني..لن أحتك بـ أم حاكم حتى تتقبل وجودي هنا..! . . . أتلمس بين الأضلاع منزاله وأثره في ذرى القلب ماهمّ . . . وبعد ملكة غيام... ماشاء الله يا الكياته والزين...تقوطرين ذرابة اليوم..! ابتسمت بخجل..\تراني انحرج صدق..خلاص..! أروى..\والله انك بطله بكره بنط مع السطح ماهوب البلكونه عسى يجيني غيامي يارب... سلمى \اضمن لك بتكسرين والابتموتين الحظوظ ماهيب مثل بعض..ول جابت ولدهم الطيار على وجه..! ورد بـفزع\اذكرو الله وش بلاكم انتم يمه منكم..! كانا اخواتها يتضاحكن وهي تبتسم على دبلة انيقة تلمع في يدها..كانت موضوعة في طقم الشبكه الفخم.., اروى\بالله ماتذكرين شكله صدق...يعنـي توقعين قليبه رهيف وماعاد امسى عقب ذاك الليل..! ورد بضحك..\وانا وش دراني..تدرون ماذكر من ذاك الموقف الا يوم دفنـي في مجالس الرجال ووقف وملى الباب واستوعبت عقبها..وبعدين مابيه يتذكر شي بجامه والشعر كشه وخرشته بصياحي اخذت نفس عميق وبا ابتسامه حالمة\ياكثر ملحه بس..ملح يذر..! غرقتا الاختين بضحك..من ثم تقافزتا بدفتر انيق يكتبون متطلباتهم العاجله لتجهيز العروس الذي زواجها سوف يكون قريب بإمر من والداها وبندر.., . . . أتلمس بين الأضلاع منزاله وأثره في ذرى القلب ماهمّ . . . في مكتبه..., كان ينظر لـساعه الرملية الموضوعة على مكتبه بـتركيز شديد لمتحدث الذي امامه... فهاد..\ياعقاب يااخوي..ناصر الرباح ذا علي منه جمايل طامرتنـي طمر..وجاني وكلمـني في موضوع يخص ولد اخوك بندر..غتار... صمت في المكتب مهيب.. الا من قرمشة رياش في شيء ما من الضيافة أمامه..! اردف ..\ياعقاب..ولد اخوك ناسي أصول التجارة وصاير طوفان مايرده شي ولاهو ملتزم بقوانين ولاشي..اذا قصده بيغرق السوق بـشي فهو مايضر التجار وبس بيضر نفسه بنفسه...وبندر اخوك واقف متفرج وكأنه عاجبه الي يسويه ولده..ياعقاب هذا مثل الي حرق السفن وقطع الجسر بعد..! من ثم \وانا ابيك مع خويي اليوم ان كان لي معزة عندك مابي بيته ينخرب هو واخوانه.. زم شفتيه بـعدم مبالة\بس انا وش دخلـني فيهم..ان شاء الله مايصفى منهم احد..مجال تجارتي غير مجالهم..وانت عارف ان علاقتـي مقطوعة مع بندر وعياله ولو اشوفهم عياله ماعرفتهم...! فهاد..\عقاب انا بكون واضح معك لو الكلام الي سمعته من ناس يعزون علي وصلوه لي من ولد اخوك فـ ناصر خويي تقريباً بينتهي... رياش بمقاطعة وهو ينزل قطعة شوكلا\يابعد سبدي يافهاد وش لوه نوقف معه في شي مانعرفه ونجهله..وش لوه ..تبي نخسر اسمنا ومحلنا في مناقر ديوك بينهم ابداً ابداً..مالك لوا ..! صمت لـوقت ليس بقصير ..من ثم بمصارحه تكلم.. عقاب \اكيد انهم مسوين شي له من تحت الطاوله دامه متقصدهم بذات هو وربعه.. زفر فهاد..\خلافات بينهم بس انها ماتخليه يتجبر لذي الدرجة ...هذا خراب بيوت ياعقاب..وغتار قاعد يبني له عدوات كبيره ماهوب قدها في مجاله..أنت تحسب انه بيخسر التجار وهو ماهو بخاسر مستحيل ذا الشي...يضرب ضربة الي بايع...عناد على الفاضي...! صمت عقاب... لـيتدخل رياش من جديد..\ مالك لوا...ابدن..وبعدين وش تبون بـ [الداب وشجرته..] ابعدو عنه تسلمون<الافعى وشجرتها.. عقاب بتدخل وهو يشير لرياش ان يصمت..\بشرط..! فهاد بتقطيب..\اشرط...وعلى ذا الخشم..! تراجع ظهر عقاب لـكرسيه الفخم...أشار بيدة والخاتم البندري الصغير يلمع في أصبعه الصغير\ ماتضربونه من تحت الحزام وانا مادريت وماتاكلون حقه ولاتخطون عليه لاتدزون عليه احد ولاتعايرونه أني كسرة عوده..! حاجبـي صارمة..\واذا دريت انكم اذيتوه ومتحامين فيني دقيت عظم المتحامي والمخطي..! فهاد..\وش ذا الحكي ياعقاب.. أبتسامة واثقة..\كلهم ثعالة والله مافيهم الذيب تعلمني فيهم..مكارين كذابين وياويل الي يدخل في السوق ينتفون لحمه ويكسرون عظمة... من ثم يرتشف شاي أعشاب..\كل واحد حاط له شليلة من الثعالة ومكوش وقدام ذا الناس انا النظيف الي مايلحقنـي منقود..! فهاد..\ابد تحت شورك بس دبر لهم صرفه..! عقاب بخبث..\فهاد خلني على بالك زين ترا غتار لحمي ودمي بينا نتصافى..بس مايدخل ثعل من ثعالتك علمهم وكفوا يدكم منه انا الي بقرص اذنه وأدبه.. أبتسم فهاد..وهو يعلم حجم العداوة التي يكنها عقاب بينه وبين شقيقه وتأكد بأنه يضرب على الوتر الصحيح..وقف..وأستأذن رياش بغضب..\تبينا ندخل مجال ماهوب مجالنا عشان يدق عظمنا ولد اخوك دق ..وبعدين خلهم ترا مافي الفيران طاهر ...! ابتسم عقاب..\ذبحتنا با أمثالك مرة ديوك ومرة دواب ومرة فيران الله لايكرم عدوك ..وبعدين من قال انا بدخل مجاله..؟!! وبثقه أردف..\هو الي بسحبه لمجالي..وامسح فيه الارض هو و ابوه مسح...واذكر ابوه ان فيه له اخو..طعنه..وطعنات القفا...مَ تبرا..! من ثم اردف..\وفهاد اخو مرتي ام فارس..وخاطره اعز علي من خاطر بنيدر...الي كل خيره من مره..! تراجع رياش وهو يفتح قطعة شوكلا أخرى..\طعنات الظهر وطعنات الظهر وش انت باقي على عنيد بنت عمك الخبلة الي ماتبيك والله لو انك مثلي ادور شريهان في كل حريمي ومالقيتها...! نصف نظره من عقاب ...\بالله عليك يارياش شريهان ذي وش تبي فيك...قول الصدق ؟ رياش بثقه تامه..\شف ياعقاب انا الحريم يحبوني من الله والله مقسم الارزاق ماهو على شكل مع اني الحمدلله مزيون لكن لساني ودراهمي مزينتني بعيونهم..!! كان يغمز له بخبث جعل عقاب ينتفض ويصمت بغضب..!! . . . أتلمس بين الأضلاع منزاله وأثره في ذرى القلب ماهمّ . . . بعد أسبوع... كانت الورقه الأعلانيـة الـتي وضعت على أحد مساحات سيارته كفيلة بـ أن تجلب أهتمامه التام..! أرض عقاريه بـهذه المساحة وهذه الامتيازات..!! كان ينظر لها بـشي من التفكـير.. ومجال العقار المربح كان يداعبه منذو فترة بعيدة... لكنه كان يحجم عنه لعدم تفرغه التام له.. وأيضاً لرفض والداه التام ان يدخل هذا المجال..! ركب سيارته وهو يـنظر بتمعن الى هذا الاعلان ..!!! تفحص الاعلان جيداً... وتناول الرقم المدون...!! فـ مخطط كـهذه كفـيل بإن يجعله اولى مغامراته العقاريه حـتى ولو والده يرفض دخول هذا المجال لسبب ليس مقتنع به..فـسيدخله بماله الخاص... على الجانب الأخر... كان عقاب يـجلس ويتناقش مع سكرتيره في موضوع عقاري بحت... ورياش الذي يعبث بمسبحته ويقوم بشرب الشاهـي بطريقته الخاصه في أصدار الصوت.. ليهمس عقاب بتملل\رياش..بركز في الموضوع الي مع الرجال وانت كإنك تشفط من ارتواز..! رياش ينزل الشاهي..\شفت من كثر ماتناظرني انسدت نفسي ماعاد ابي شاهيك..! قاطعهم رقم مميز يظهر على شاشة هاتف السكرتير.. ليهمس السكرتير..\هذا غتار طال عمرك..انا بحثت عن رقمه وسجلته عندي عشان لو دق اعرفه على طول..! ابتسم عقاب بخبث واشار له ان يجلس بقربه لـكي يستمع جيداً للحديث الدائر... جلـس السكرتير...وفتح الجوال على المكبر...! من ثم جاءه صوته.. كان مخملـياً مملؤئ بـ الرجولة المستقاة من عائلتهم البندرية...! بعد مقدمة سلاماً قصيرة دخل غتار في موضوع المخطط رأسياً.. من ثم طلب منه ان يأتيه الى مكتبه او يتواعدنا بمكان المخطط..فـ أتفقا..كي يأخذ تفاصيل الموضوع.. اغلق السكرتير الخط وهو ينظر بـ أبتسامة لـ عقاب..فخطتهما قد نجحت في أصتطياد غتار... حك ذقنه رياش ...\وش مخططه ذا بعد..تراك ماعاد علمتـني وش بتسوي..! عقاب بخبث..\مخطط ممتاز ظاهرياً..لكن الحقيقه انه على مجرى سيل وخطير وبعد مايشتريه ويخلص نسوي تبليغ عليه وان ذا الشي بيهدد أي اعمار سكاني فيه وبيقعد في كبده والمبلغ الي بياكله المخطط بيكون جامد عليه.. رياش بسخرية\ماينخاف عليك..لابغيت تنكب احد مايعوقك خصوصاً ان ولد اخوك عليمي في العقار ولاهو منتبه..! ابتسم بـهدوء من ثم عاد الى سكرتيره..! . . . أتلمس بين الأضلاع منزاله وأثره في ذرى القلب ماهمّ . . . تمضـي الايام والاسابيع ايضاً تباعاً...! . . . فـي احد القصور الفخمة كان الاحتفال فخماً يليق بـهم... وكان الجميع مرتدي لـ [البشت ] وروائح العود والدهن العود تفوح بـ الاجواء... كان غـيام متوسط المكان..بـ أبتسامة باهته..لايلمحها الا والداه.. زملائه بجانبه...يمازحونه...ويهنئونه.. همـس ابو سلمان فـي اذن بندر بـ أن العروس تنتظرهم .. همس لغيام من ثم سارا بـ اتجاه المكان المخصص لممر العرسان ... وماهي الا لحظات لـيصبح بين زغاريد وامام كاميرات لعدة فلبينيات يتقافزن امامهم يمنة ويسرة وهذا ماكان ينقصه...! قبل رأس والداته...من ثم رأس والدة زوجته الواقفه بجانب والداته... أبتسامة ..وجمل مرتبة...هـي بجانبة...يرى بياض الفستان منسدل بجانب بشتة الرمادي..! أبتسامة لوالدته...وتقبيل لأخته..! من ثم خلا المكان تماماً...! الا من مصورة سعودية ومساعداتها... تطلب منه حركات مدروسة..وهو يشعر باالمكان كله ينام على صدرهـ...! أين حلمه..! أين صديقة السنين..؟ أين التي أرادها زوجة..! أين وهج..! ليس هذا ماخطط له..وبحماقة منه أنقذت النيزك الساقط علي وتورطت بها.. همس بـ هدوء في اذنها..\مطولين...! لم ترد عليه من ارتباكها... فقربه الشديد هكذا منها يجعل مسألة التنفس صعبة جداً... من ثم أنتظر اجابتها فلم تخرج ... ليـتوجه بشكل مباشر وقطـعي..\خلاص اكتفينا تصوير...ورانا طياره...!!! المصوره بـستغراب\بس ياعريس هذي بتبقى لكم ذكرئ في حياتكم وماخذينا صور كثيره لكم... همـس بشكل أمر..\الحياة ماهي شوية صور كبرو عقولكم شوي... من ثم همس في أذنها..\أنتظرك في السياره البـسي عبايتك...و..حاولـي تنزلين فستانك لأنه بنكون في المطار مباشرة..! من ثم خرج...!!!! وهـي تشعر أن انفاسها خرجت معه...والتوتر يزداد... المصوره تحاول تهدئتها.\عادي تلقينه متوتر مثلك ومايعرف وش يقول المسكين...هدي نفسك..وخلينا نحاول نفك لك الفستان..فيه شنطه لك هنا قالت اختك خوذيها معك..بطلع لك شي مريح تلبسينه وش رايك... عينيها احتقنت بدموع..\ماتوقعت مايجلـس معي ويشوف فستانـي علي زين...ماطالع فـيني صح..صح..! المصوره بـ ارتباك وكذب..\لابعكس كلاك بعيونه...خلينا نختصر الوقت ازين..! . . . بعد ساعة... كانا صامتين فـي سيارتهم..وهـي تكاد تتجمد...فـهذا الرجل لايعلم بـ ان نحن في فصل الشتاء ...فمكيف سيارته بارداً جداً..ورائحة عطـره الثقيله تصيبيني في مقتل...! كان صامتاً...ولم يتكلم بـكلمة واحدة..! وهـي كانت متلهفة على حديث معه..على جملة..او..كلمة..! من ثم همـس بعد دهر..\تـركيا...دولة اسلامية والحجاب فيها ماهو مضايقك لبس العبايه فيها...اخترت الشي الي بيرحنا..! أؤمت برأسها..وعاد الصمت من جديد... من ثم همـس وهي تشعر انه دخل له في حارة...\نـسيت شنطـتي..بس احسن ببدل في بيتنا ونمشـي..وانتي لو تبين تبدلين او.. همست بصوت منخفض..\لا مبدله في القصر..! ماهـي الالحظات وتوقف عند بيته...نزل على عجالة وبهمـس..\انزلي ماراح اخليك بسياره.. فتحت الباب ونزلت معه...سارت بمحاذاته وفتح الباب ودخلا سوياً... استأذن منها وسارع الخطوات لغرفة جانبيه...! بقت واقفه تقلب عـينيها فـي المكان بتوتر عظيم... ماهي الا لحظات معدوده لتجده يتوسط المكان بقربها لتقف هـي بتوتر عظيم فيصادف انه يكونا متقابلين بـشكل مرعب لها.. كان يطـل عليها..بطوله الفارع ووجه الغارق في وسامة غـير منتهـية.. عطره الكثيف يعبث بـتوترها اكثر واكثر...وانفاسها تتسارع... كان هو بمقابل لأول مره يطل في وجها...فـ هو لايتذكر حتى انه رأها بشكل واضح فـي قضية الانقاض ... كان وجها بـريئ ...طفولي..! تصل لما تحت كـتفـي...! نحيفة...! عكس قوة الارتطام الذي شعرت به عندما وقعت... لم اتوقعها بتلك النحافة التي اراها الان ..! همس وهو يقطع استرساله...\خلينا نمشي...! . . . أتلمس بين الأضلاع منزاله وأثره في ذرى القلب ماهمّ . . . على الجانب الاخر... منذو دقائق دخلت جناحها...كانت كا النحلة في زواج غيام ...أرادت ان تجلب انتباه ام حاكم ولو قليلاً... لم ترد لفت انتباه ام زوج...أرادت فقط لفت انتباه ام.. هي بلا أم..واي أمرأة في سن والدتها..تشعر بـرائحة الامومة تفوح منها..! هي لم تحضر ملكة غيام وتفهم حاكم السبب ولكن حضرة الزواج وعوضت انعزالها الماضي.. أم حاكم في الفترة الماضية ليست سليطة لسان كما عاشرتها ..ولآعديمة اخلاق..! تتمع بإخلاق عالية..ولكنها لاتريد الاحتكاك معي ابداً.. أو تريد لكن أخواتها يضغطون عليها بقوة.. كانت كلماتنا بسيطة ..ورد لها.. وأخبرني حاكم في مرحلة ما من علاجـي...أنها اشترطت عليه تزويجه ووافق...وثبت هذا الشي عندما أستمعت لحوارهم في اول يوم من وصولي..! لآ ضير...! أحتاج فقط عائلة...! وبندر تجذرت علاقتـي معه في خلال هذا الاسابيع..أحببته جداً.. شخصية تستحق الحب..بل آسره..! وحاكم لم يتواجد في البيت بشكل مستمر..قد سافر لحضور ندوة لأسبوع وضعني فيه عند عمي التي كادت زوجته ان تمزق شعرها ما أن رأتني لكن أستحملتني عندما رأت ماجلبتها يداي لها.. وبعد الاسبوع أمسى يغيب طويلاً في المستشفى... او يأتي ولايشعرني بوجوده...فأنه يأتي متأخر..أو يذهب مع اصدقائه وقد يبات في ليالي كثيرة عندهم ..! لآيريد مضايقتي أعلم..أو..قد يكون لآيريد رؤيتي..فـ لولا وصية أخي لما تورط بـي..! أحتاج لـجرعات صبر..أحتاج للوقوف معتدلة..! دعكت عنقها العاري المحمر من الطقم الثقيل الذي ترتديه... سمعت صوت خفيف بـ الصالة العلوية... هي تعلم بإن أخوان حاكم لايصعدون مطلقاً لطابق الذي فيه فقد بقو في الملاحق وتركو الطابق الثاني لي انا وأم حاكم.. خرجت بخطوات متوترة لتجد ام حاكم جالسة على احد الكراسي الصالة وتدعك أقدامها بـ ألم... نوره...\يمه عبير فيك شي..؟ رفعت رأسها ..\لآ..روحـي نامي أنتي تعبتي الليلة..! نورة..\ تعبكم راحه..وعندي كريم ممتاز بدهن فيه رجولك انتي عورتك الوقفه اليوم بزواج..دقيقه بس.. غابت لثواني وعادت لها جلست على ركبتيها... وشدت قدمي ام حاكم واخذت تدعكها بكريم وتضع مساج عليها... أم حاكم..\يانوره ماهو بلازم لآتجلسين كذا عند رجولي..؟ نوره با ابتسامة..\عادي انتي مثل امي..واحب اخدمك ..جعلني فدوة ها الرجول..!! كانت تدعك قدمي ام حاكم تحت عينيها..! لم يخفى على ام حاكم رؤيتها كفراشة جميلة تطير في اجواء الزواج والجميع يتسأل من هي..! من ثم مايلبثون ان يعرفونها ويتلصصون بكلام كـ العلقم.. أوه التي خضعت لعمليات تجميل كثيرة كي تصبح بهذا القدر من الجمال..! قد تكون قبيحة اصلاً قبل حادثها ..! مشارط حاكم وأصدقائها غيروها للأجمل..., يقال بإنها شبه مقطوعة من شجرها..! ترك بنات خالته وتزوج منها هي جميلة لكن جميعها عمليات تجميل ..! شفقة من ثم يتركها..! يقال أن شقيقها المتوفي أوصى بها..! حاكم رجل وفي..! ارخت ثوبها وبهدوء..\تمسي على خير يانوره الله لايهينك..! تركتها وهي تسير ببطئ لجناحها..نهضت نوره بـهدوء وظلت واقفه تنظر لها حتى دخلت.. شدت مناديل بجانبها ومسحت بقايا الكريم من كفيها .. لم تنتبه للواقف منذو بدايات حديثهم البسيط ورؤيتها تدعك قدمي والداته لم تنتبه لعينيه التي التهمت تفاصيلها..! لم تنبته له..! لأول مرة الليلة تضع قناع الحزن والبؤس قليلاً وترتدي فستان جميل ومكياج مناسبات ... لوهلة..لم يتعرف عليها.! في ذات اللحظة..كانت تنظر لمراءة موضوعة في الممر تنظر..وترا نفسها ..! لاتريد التعرف علىى نفسها..! بدت لها غريبة عن نفسها..! بدا لها وكأن صاحبة الوجه الماضي دفنت مع أهلها وبقى هذا المسخ يعيش وحيداً هنا...! هذا المسخ رغم جماله الصناعي الظاهري الا أنه مازال محروق في داخله.. فكلما أطليت في مراءة طوال الليلة الماضية كلما شعرت بأني أود البصق عليه..! جميل نعم..وجداً..لكنه مسخ..! كان فستانها الملتف كـ غصن شجرة ورد يلتهم جسدها النحيل الذي مقسم بتقسيمات فاتنة برغم من نحافته الجميلة... الاقراط الثقيلة عبثت بإذنيها فـ وضعت توقيعها بـ أحمرارها..! أحمر الشفاة التي وضعته على شفتين فاتنة اليوم..! الكحل الفرنسي الذي جعل عينها فاتنة أكثر.. البشرة الجميلة الناعمه اليوم..! الشعر القصير الذي رتبته المصففه بطريقة جميلة جداً.. أنتبهت لـطرف ثوبه في المراءة...التفتت بـعجالة..وبتوتر..\انت هنا..! بتوتر وخجل ايضاً..\من شوي بس..وباخذ لي حاجة من الجناح وبطلع مابي ازعجك..! حركت يديها بتوتر وسبقته للجناح..هو ايضاً بخطوات هادئه لحق بها..! عندما دخل جناحه وجد الجناح يعبق بـشموع منتثره.. وبرائحة عطرية فاخرة..مزيج من دهن العود والورد..! ...بتوتر..\كنت أحضر لي جو عشان اكتب..ماكنت تعبانه بعد الزواج كان باقي فيني طاقه وقلت اكتب احسن..! أبتسم..\ماقصرتي مهر مدحت وقفتك معهم الله لايهينك..! بنفس الوتيرة..\انتم راعين الاوله..! كان يأخذ أوراق تخصه همست بضيق..\حاكم انا مضايقتك والا ليش ماتتواجد في بيتك وبين اهلك بشكل يومي وطبيعي...؟ وضع الاوراق بـتوتر..\لآ..بس ابيك تاخذين راحتك ومااضايقك وأقيدك.. نوره بهدوء..\من قال اني اتضايق منك.. رفع عينيه لها.. كانت هادئة تنظر اليه بمحاولة هدوء.. خيط التوتر العالق بينهم طويل..! والامور العالقة أطول ومسألة الهروب التي أوقع نفسه بها في الفترة الماضية لاتنفع كثيراً... أبتسم..! نوره ..\انت تعرف اني ماانام الليل..! بخطوات هادئه ..\أيه أعرف.. الخطوتين الفاصلة قطعتها هـي.. لم يفتها نظرته المتفحصه..وهو ينظر لهذا التمثال الشمعي..! همست بهدوء..\انت قلت جربـيني لاتحكمين علي.. حاكم..\صح..! همست بضيق..\اقل شي خلك قبالي لو بليل..النهار انا مع امي عبير بكون وبنام فيه بعد..! وضع أصبعه على أنفه..! أبتسمت..! تناول بطانية خفيفه توجه لاريكته..هي ذهبت لمكتبها الطفولي الصغير.!. ! . . . أتلمس بين الأضلاع منزاله وأثره في ذرى القلب ماهمّ . . . تجلس وهي تضم فخذيها الى صدرها ومركزة في حديث امها الذي كان يتحدث عن استبداد احد اعمامها الدائم.. لمى\وش الجديد يمه..ذولا شايفينا مكسورات جناح وكل شوي طالعين لنا بـشغله وهادين علينا من يوم مات ابوي ماشفنا عقبه يوماً زين... زفرت عهد وتناولت ريموت التلفزيون وحركته لأي قناة لتستقر عند وجه الذي ملئ الشاشة..! شعرت بـ أن أصوات نقاشهم اختفت بقى صوته الواثق في المكان .. وهو في مقابلة في برنامج ويتحدث عن اهم انجازته وعن تدريبات خاصة به ينصح بها متابعينه والناس بشكل عام وعن جدول صحي يومياً كان لبق جداً ولماح ..وصاحب حضور لآفت..! لم أكن أرى تلك المميزات من قبل بسبب تحلق صديقات سطحيات حولي..! رأيت كتلة شحوم فقط..! والان صديقاتي الاتي لمنني فيه هاهم يتسابقون على أخذ سنابه واستقرامه..! بكت بحرقه فجأه...شعرت ان الضغوط اثقل منها..بكت غير أبهة بمن حولها من عائلتها... والداتها بجدية..\مسحـي دموعك...فارس ماهو متعديك الكل يخطي ليه هو الملاك الي مايخطـي ولاهو بكيفه يعلقنا ذي السنين ويتمطط بعد..! تناولت هاتفها وضغطت على رقمه..! . . . أتلمس بين الأضلاع منزاله وأثره في ذرى القلب ماهمّ . . . لتـو دخلا جناحهما فـي الفندق.. الجو بارداً جداً ..لكن ما ان وطئ جناحهما الا شعرا بـ الدفـئ... زفر بهدوء وجـلس على احد الكـراسي ليهمس..\ارتاحي ..ولو تبين تبدلين وتحممين وتنامـين براحتك..انا تعبت من البارح واقفين على رجل وحده وبنام الحين.. ورد بـ ارتباك تـركته وبحـثت عن غرفتها الريئسيه... تناولت احد حقائبها...واخرجت لها بنطال وبلوزة صوفيه...أحتضنتها بتوتر وجلـست على طرف السرير..\يالله احس اني متوتره مره.. رفعت كفها لتجد اصابعها ترتجف..نفضت يدها بمحاولة تهدئه على جسدها يكف عن الارتعاش..من ثم همست مراراً بـ التسمية... تركت ملابـسها على السرير..وتناولت روبها..تريد ان تأخذ دش دافـئ... على الجانب الاخر.. يشعر بـ أن رأسه يريد ان ينفجـر...له مايقارب الاسبوعين عندما أخبرها...! لتقوم بلفظ كلمات موجعه فـي أذنه..وبكاء مرير.. وروحه تكاد تتمزق وهو عبث يحاول لها الشرح..! لم يكن يريد من هذه الدنيا كلها الا ان يرتبط بها.. لتقف كل هذه الدنيا فـي وجهه...! وصلته البارح رسالة منها..كانت موجعه..اراد الاتصال ولكنه وجد هاتفها مقفل.. للحظه اراد ان يزرع أمام منزلها...! كانت رسالتها...[أكبر غلط أني كذبت قلبي دايم وقلت بتعاند ظروفنا وبكون لك وبتكون لـي...اليوم انت لـغيري..ان شاء الله تذوق اليوم الي انا فيه لغيرك..!] لم يشعر الا بقطرات الدم تتساقط عليه بـشكل كثيف من انفه.. قفز وهو يتناول المناديل الموجوده امامه ويتوجه لـ الحمام الاخر... بمقابل هـي انتهت من دشها الدافئ السريع..ارتدت بنطالها وقميصها الصوفـي تركت شعرها ينسدل على رقبتها ..اغرقت نفسها فـي عطرها... تناولت نفساً عمـيقاً...من ترددت لكن في الاخير خرجت له ... لكن المكان كان خالـياً...الا من قطرات دم فـي مناديل على الطاولة الزجاجيه.. عقدت حاجبيها بـخوف من كثافة المناديل..لتسمع صوته ب الحمام ..وكأنه غاضب..! همست برتباك وهـي تخطو الخطوات الخائفه وتراه عند المغسله يمسح وجه والمغسله ممتلئه دم... لتهمـس\غيام...وش صاير فيك...! كان منحنـي على حنفية الماء..وبكلمات مقتضبه يشير بيده..\مافي شي مهم..ارجـعي.. كان يرد الباب بيده حتـى يغلقه...ليتفاجـئ بها تمنع اغلاقه وبـستغراب..\ماراح اطلع وانت بشكل ذا..أصبر..! كانت تـشد المناديل المعلقه التـي امامه وتضع كمية منه على أنفه...وبحزم\لاتتحرك..خل وضعيتك كذا...! كانت تضع يدها البارده على ذقنه وتحرك بطريقة مدروسة...تحت عينيه المتفاجئه من ردة فعلها الصارمه بإتجاه..! توقع عندما اراد اغلاق الباب بينها وبينه حتى لاترا هذا المنظر بأنها سوف تنهار باكـيه من رؤية الدم او تخجل وتهرب من أمامه.. حرك عينيه بــ أتجاها.. ليجد عينـين عسليتين..وشعر قصير يصل لمنتصف رقبتها..انف صغير يخترق صفحة وجها الطفولي...! همس بـهدوء وهو يبتعد منها..\خلاص..شكراَ..! كان يبتعد بهدوء...وكانت هـي في المقابل قد اصابها ارتعاش من ذاك القرب..! تشعر بـ أنه متوتراً اكثر منها..! فـهو لايتكلم...وبطائرة نام...وهنا توتر من اقترابها منه لتتطلع على ماهو فيه من مشكلة... كانت تتوسط الصالة وتنظر اليه بـستغراب وهو قد جلس وشد له من الثلاجه قاروة ماء بارد جداً من ثم وضعها على انفه.. عندما ادرك انها واقفه تنظر له..همس ..\عادي..الرعاف فيني من يومني صغير..ترا مافي مشكلة ..! همست بخجل..\سلامتك... من ثم جلـست بهدوء على الاريكه البعيدة نسبياً عنه.. شعر ان الوقت يمضي ببطئ..وليس هناك حديث يدار... وان النعاس قد غلبه...بل انه لم يعد يشعر بشي من شدة الارهاق..وغرق به...! هـي امضت ساعة ونصف تنظر لـ أظافرها المرتبه...لجزمتها الناعمه...لأكسسوراتها الانيقه ..من ثم قررت ان ترفع عينيها له مادام ان الصمت لن ينكسر تريد ان تراه...قلبها يخفق بشدة لذلك الرجل..! حدقت بـمفاجئة فيه...وهي تراه غارق في نوم هادئ ويبدو انه قد اصبح عميق الان..! وهي لساعة مزروعة في مكانها تعتقد انه كان يحدق بها ويتشرب تفاصيلها... وقفت بـستغراب ممزوجة بغضب...! لم يتفوه بكلمة واحده لليلتهم الاولى..! لم يتكلم عن شكلها عن خططهم الاولى...كما قالو لها اخواتها ان الرجال ثرثارون في ليلتهم الاولى..! خيبة امل عظيمة..! هل لم أعجبه..! ياالله..! وضعت كفيها بـرتباك وهي تمسح وجها من ثم قررت الدخول وتركه... لكنها عندما شاهدت لها بطانية خفيفه قررت العوده وتركها بجانبه... لكنها أنبتهت لهاتفه الذي اضائتها تعلن عن اتصال... والاسم يترأس الشاشه...[كل الغلا..]..! يتوقف..من ثم يعاود..يتوقف من ثم يعود قررت ان توقضه..قد تكون امه وتريد الاطمئنان عليه..لكن الاتصال توقف.. هي قررت العوده ادراجها لـيعاود الاتصال من جديد.. امسكت هاتفه..وكادت ان توقضه..لكنه وجه المتضح عليه التعب جعلتها تتراجع ادراجها.. وتنسحب بهاتف لغرفتها لترد على والداته وتطمئنها..! فتحت الهاتف ودخلت الغرفه..لتفاجئ بصوت بكاء مرير فتكتم انفاسها بـصدمة من صوت الفتاة الباكـية على الخط الاخر..! ..\ماقدرت والله العظيم اصبر بعد ماشفت مكالمتك اليوم لـي..كذا ياغيام سنين حبنا خلاص انتهت راحت..ليش ..كم مره وعدتنـي..وقلت أصبري...واخر شي تتزوج بذا السرعه وكذا..!!! شهقاتها جعلت أذانها تصم..وذاك الحديث المسترسل جعل قلبها يكاد يتوقف... وهج بمرارة..\ليش ماترد..والا ماعندك شي تبرر فيه هذا صوتي يوم تقول ابي اسمع بس صوتك..يالله رد..والاماعندك شي تقوله..! همست بصوت منخفض..\تعبنا نقول لكم ماراح يتزوج الرجال الذكي وحده كان يكلمها..بس بعض الخبلات مايفهمون..!!! الصوت الاخر تسربل بصمت فجأه...من ثم...\من انتي..؟ بصوت متعثر لكن حاولت جاهداً ان يكون وتيرته واثقه..\انا هـي..الي انتي تبكـين الحين منها..!!! وهج بـ أرتباك وهي تشد نفسها بستغراب وتوتر...\ يعني صارحك الحين وفوقه تردين على تليفونه...! محاولة سخريه..\لاوالله تبين الصدق هو ماقال لي شي..بس ترا اناشخصية متعبه مره..ونشبة ..يعني لاتحسبين انك بتاخذينه مني وبقوم ابكي واصدع براسه الحين..! المفاجئة ملجمة لـوهج..همست بستغراب..\انتي شخصية غريبه صدق..! ورد وهي تبتلع كمية الارتجاف بحنجرتها..\وليش ان شاء الله.. وهج بمحاولة تماسك\ماتشوفين انها صدمة لك ان عريسك عنده وحده تربطهم علاقة...؟ ورد بـقهر جذبته لايظهر..\وليش انصدم من كثر مانسمع ونشوف صار الموضوع عادي ..من الي زوجها الحين مايكلم ولاعنده تفاهات ماضي..وانتي من تفاهات الماضي الحين فليش ابكي وانكد على عمري وانا عروس وفي تركيا انا وهو الحين تخيلي...! من ثم اردفت بحزم ساخر..\خليك انتي ذكيه ..وحاولي تصلين تهجد وتصدقين كود ربي يرسل لك رجال يسترك غير غيام عشان غيام خلاص باي باي بح جيت وطرت فيه...! أغلقت في وجها الهاتف..وهي تلعن حظها العاثر في السقوط بـ شخصية كشخصية زوج اختها العابث المغازلجي الكبير...!! وهي قد تلبست نفس الدور عندما تبكي شقيقتها وتجعلها تكلم من يكلمهم زوجها وتأخذ تفاصيل غراميته منهم.. همست بقهر..\والله لاخليك تندم ياغييم على خبالك تحسبني خبلة مثل غيري ...هين والله انك طحت في شر اعمالك! بدلت الرقم بـرقمها ..اقفلت الهاتف واعادته مكانه.. كانت ترغب في قذفه على راسه لكنها استعاذت بالله من الشيطان ثلاث حتى لايأتي خبر في وسائل السوشل ميديا سعوديه قتلت زوجها في تركيا...! تكورت في فراشها وتكاد تبـكـي من شدة الخيبة.. فـجميع ماعقدته عليه تلاشئ وهاهو كـ غيره..! . . . أتلمس بين الأضلاع منزاله وأثره في ذرى القلب ماهمّ . . . يوم جديد..., . . . كيف كاد ان يبتلع طـعم كهذا...! لو اني لم اشك في صاحب الارض واتصالاته الحثيثه لي كـي اتمم الصفقه لبتلعت الطعم كاملاً.. لآ ضير ... سأعلم الان من خلف صاحب هذه الارض..؟ فعندما بحث هو وسكرتيره الخاص اخبـروهم بإن الارض ممنوعه من الاعمار السكاني لأنها على مجرى سيل..! أذاً... سوف تجلـس هكذا بخسارة موجعـة للمشتري..! لكن صاحب الارض الاصلـي...! رجل لااعرفه ولم يمر علي اسمه.. والقضية كلها طعم انا متأكد وجازم..ولابد من ان هناك شخص يريد تأديبي بهذه الـصفقة لو ابتلعتها من ثم يظهر لي..! من..؟ من..؟ دخل عليه السكرتير وبهمس..\عرفنا من كان مدبر لنا ذي الشغله..بس مادري لي سنين عندكم وماكنت اعرف عنه شي ..؟ غتار يشد انتباه وبستغراب..\من..اكيد واحد من تجار الي بيني وبينهم عداوه ..؟ السكرتير..\الارض كان ثمنها ربع المبلغ الي كنا بندفعه فـيها..وكان صاحب الارض عارف انها على مجرى سيل واشتراها قاصد..وسجلها بـ أسم الي حاول يبيعها علينا..طبعاً حنا عشان تونا جديدنا بذا السوق ماعرفنا ان الارض على مجرى سيل ..وكنا بس نفكر بمخطط كيف نخليه جاذب لـسكانه..وأستعجلنا با العربون غتار بعدم صبر..\علمـني من هو الي سوا ذي الشغله فيني قاصد..! السكرتير\..اسمه...عقاب البندر..من اسمه واضح انه عمك شف أسم ابوه وجده في الاوراق..! وقف ..بردة فعل غير ارادية...وعدم تصديق...! ليردف بعدم تصديق...\متأكد من الاسم...!!!! اكد السكرتير..\مية باالميه...المعلومات كلها في ها الاوراق ..! شعر بـ ضخامة الامر وغرابته..! بعد تلك السنوات العديدة.. يظهر الان .! وبتلك الطريقة...؟ جلـس على كرسيه وهو يتصنع الهدوء.. ليشد الاوراق منه ويتأكد بنفسه... نعم هو..! عقاب عمـي...الهارب الحاضر في قصص والدي..! من نسج أبـي حوله الف قصة سمجة..! يحاول دائماً جعله رجل وهو نصف رجل..! فكيف يترك ساحة المواجهة من أجل أمرأه..! فـ لو أني مكانه وأحببت أمرأه لأختطفتها لو بليلة عرسها..! لآ ان اقبل با الأمر الواقع وأهرب متخذ قطع الرحم حجة لـي وأرتدي ثوب الضحية التي غدرو به..! وأبي المسكين من جعله عذاب الضمير يطلق تلك المرأه التي أصبحت أم لأبنته.. وذاك الشقيق لايرضى بنصف حل ولا بنصف منطق من ثم يظهر الان على الساحة..! ماذا يريد..؟ أجزم بإنه يريد فقط ان ينتقم ..وانه لم ينسى شيء ومازال في جعبته الكثير..! لآضير...! س أرى ماقصتك هذه وأجعلك تبتلع سم حقدك الدفين...! . . . أتلمس بين الأضلاع منزاله وأثره في ذرى القلب ماهمّ . . . قومي صار الظهر وماقمتي قووومي..! دعكت عينيها بـهدوء..\يمه وش فيه...وش ها الزعاق صاير شي..؟ والداتها وهي تفتح الستائر..\ايه قومي..كلمني قبل شوي ولد خالتك فارس ويقول حدد عرسكم خلاص..! قفزت هـي بعد استيعاب\وش هو...كيف ...وليش بشكل هذا سريع.. بغضب..\وش سريع كم لكم متملكين..وبعدين العرس انا قلت له ابيه سكاتي مابي عمانك يجيبون لنا مشاكل خلصي امورك الضروريه والباقي برسلها لك انا واختك عهد بتعجب وهي تحاول استدراك انفاسها..\يمه خليني استوعب شوي شوي علي..وش الي كذا ..شفيه هذا صحى من النوم وتذكرني والا وش بلاه.! والداتها..\لاصحى ولاشي مكالمتي له امس نفضته فيها..وخلاص تحدد وخلصنا.. . . . أتلمس بين الأضلاع منزاله وأثره في ذرى القلب ماهمّ . . . كان لتو قد انتهى من ملابـسه وقد طلب الافطار وها هو الافطار جاهز.. وضع الجاكيت على طرف الاريكه...واكتفـى بـ بقميصه الصوف ... ليلة البارحه نام وكأنه في كهف..لم يشعر بإي شي... ولم يطل حتى على التي لاذنب لها الا انها اقترنت بشخص يحب أخرى...! شعر بتأنيب في ضميره...فلاهو كـعريس..ولاهـي كـعروس..! لقد تركها وظل صامتاً..وحتى لم يلقي عليها كلمة جميلة تهدئ من توترها..! فلا ذنب لها الا ان حظها العاثر جمعها بـي..! تناول هاتفه كعادته الصباحيه.. زفر وهو يتذكر بإن تلك العادة لأسبوعين منقطعه... فهاتفها مقفل..! لكنه يريد ان يجرب..قد تكون فتحته... قد يكون الشوق غلبها.. او عاتبها.. قد تجد لي عذر..! وجد أسمها...من ثم أتصل... خفق قلبه بـشدة وهو يجد ان الخط مفتوح..! وماهـي الاثوانـي... الا صوتها يإتيه ...\هلاا..! صوتها...! لآ..! صمت لثواني وهو يعيد عينيه لشاشة ليتأكد...ليجده أسمها..[كل الغلا..] قفز من مكانه...!! ..\من..! ...صوت مقتطب..\ورد..من يعنـي..!!!!! . . . نقف هنا... . . همسة محبة..\يقول صالح المغامسي من يعاني من تعثر في امور حياته ويخشي من شي .. يقول [اللهم ياولي نعمتي وياملاذي عند كربتي اجعل ما اخافه واحذره برداً وسلاماً علي..كما جعلت النار برداً وسلاماً على ابراهيم..] . . . اللقاء القادم ان شاء الله يوم السبت . . |
رد: الحظوظ العاثرة بقلمي / ضمني بين الاهداب
السلاام عليكم..
تـــــــــــــوني الحين خلصت الاجزااااء الثلااااثه كلها مع بعض.. اوووه يااربي جمال ماله وصف ام اليزيد تهبببل تهبببل الاحداااث اللي قريتيها. . أيــه قبل كل شي احب اقوووول ان غتااار لي...:e106: وغياام وبااقي الشله لكم... بس غتاار حقي مقي. . وياا اناا عندي له مستقبل مشرررق..ياازينه ويااازين علوومه.. اشوف وحده موطوطه وتقول انا صاادرته اوريها الويل اذا حضرت الزعيمه خلااص كل شي يكون بمكانه الصحيح.:real_madrid3:.هخهخهخه عقااااب واخوه بندر .. الصراحه عقاب معجبني مررره صح هوو خبل بس بعد يعجبني مدري ليش بس هذي من الهفاّات اللي تجيني واحب الناااس الغلط..هخهخهخه وغتاااار وعقاااب بيجتمعون مع بعض بس موو كشركاااء لااا كعم وولد اخوه ورجل بنته..لاني متوقعه ان غتار بيتزوج فخر بنت عقاب.. فخر لسانها طويل واتوقع ان غتار بيذوق طولة لسانها او انه بيحظر لها موقف وهي تهاوش مع رجال نفس ماشافها حاكم .. واذا تزوجها غتار بيحكم عليها تترك الشغل.. ايه اما بالنسبه للشخص اللي يذكره فيه بس ماقدر يعرف من. ؟؟ يمكن انه بنته فجر..ههههههه او انه يشبه له شخصيااا يعني يشبه عقاب؟؟ وودي اعرف غتار وش اللي خلاه يفوق من غيبوبته بعد هالسنتين؟؟؟ هل لفخر علاقه؟؟؟ مدري ليه جاني توقع ان فخر كانت تسولف على غتار وهو بغيبوته..؟ بس هي كاتمه هالشي وماكانت تقول لاحد عنه وهي عارفه انه ولد عمها بس لانها تعرف كره ابوها لهم ماجابت له سيره؟؟؟ ريااااش .صراحه انه ابو دم خفيف بهالقصه.. هههههههههه .. معجب بنفسه جدااا ومع هذا عارف لروحه وان الحريم يبونه لفلوسه.. ويعجبني فيه انه مايهتم بعقاب وكل شووي مذكره بالعنود وانها سبب الفرقه بينه وبين اخوه..بس العنود وينها الحين؟؟؟ اتوقع تزوجت من شخص ثاني واتوقع ان عقاب نفسه ماعاد خطبها..لكن حقده مثل ماهوو.. اقتباس:
وعد وفارس.. الصراحه ماتستاهلينه ياوعد حتى لو تغيرتي بعد ماتستاهلينه .. كنتي وقوود ايجابي له لكن بدون ماتدرين. وما ادري شلون فارس راح يعيش معتس.. ؟؟ واتوقع ان فاارس ماراح ينسى ان انتي جرحتيه في يوم حتى لو ان جرحتس له جا بفايده غير مقصوده منتس .. يمكن يتزوجتس بس اتوقع انه بيتزوج عليتس... ؟ ورد وغيّام : ورد انتي كذا.>>. فيس الاوكي.. هذا حق من حقوقتس واعجبتيني مرره مرره مو عشان شكلتس كيوت ونعومه خلاص حقتس يروح وتجلسين يوم كشفتي الحقيقه تصيحين وتولولين... لأ افضل دفاع هو الهجووم هاااجمي يااروحي والقلب داعي لتس.. وغيام هذا بكره بيغني لتس الحب الحئيئي .. لكن صرااحه ياا انتي خرشتي قلب قلبه بهالحركه..ههههههههههههه الحين هو عارف ان انتي كشفتي سالفته وخصووصاا عقب تغير الرقم لكن اتمنى انه مايكون حافظ الرقم براسه.. والاسم ماراح يغيره بيجلس الرقم رقمتس والاسم كل الغلاا لان انتي بتكونين كل الغلا..اما بالنسبه لوهج والله انه لايحبها ولاشي لو كان يحبها صدق ماجلس سنوات وهو يكلمها وهالشي مستحيل يرضاه على اخته..فحب غيام لوهج حب خربوطي ماعليتس منه.. وهج : مدري انا ارحمتس والا اقول تستاهلين؟؟ يعني لما كلمتيه وانتي مراهقه نقول مراهقه لكن ان هالمكالمات تستمر سنوات هذا الغلط بعينه وعلمه.. يعني شفتي اهله مايبغونتس ولا انتي من مستواهم كان رحتي بهدوء وحفظتي كرامتس..واصلا انتي يمكن ماجذبتس له الا اسمه ومكانته .. وتبين الفايده منه لتس ولاخوتس ..يعني بعد انتي ماحبيتيه الحب الحئيئي . عموما ورد ماراح تخليه لتس وعليه عندي توووقع كنت اقول انتس ممكن تلفين على غتار.. لكن غتار مااراح ياخذ وحده كان مانع اخوه عنها وهي كان لها مكالمات لسنوات بينها وبين اخوه.الا لو انتي خدعتي غتار ..او ان غتار تزوجتس مسيار؟؟؟؟ لكن اكثر شي .اتوووقع الحين انتس بتتزوجين من عمه عقاب .. وانتي حرمه بتنتقمين فبتشوفين انتس تاخذين عمه اللي مايطيقونه اللي بينهم وبينه قطاعه هو افضل انتقام.. او بتتزوجين رياش وتكونين الرابعه وشريهان بالنسبه له..هههههههه ام غيام.. من الشخصيااات الضعيفه اللي تدبل الكبد وتخلي الناس يتحكمون فيها ويأُرون على حياتهم الخاصه .مدري شلون ابو غتار ماله تاثير عليها .. لكن يمكن تطلع هالشخصيه يوم يشوفها بتنكد على نوره وحياتها مع حاكم.. حاكم شخصيته تجننن مرره وخصووصا مع نوره وكيف انه صديق لها .. لكن مستغربه انه كااشف لها كل شي عن عايلته يعني هم كتاب مفتوح قدام نوره..واتوقع انه ماوصل لهالمرحله مع نوره الا لانه فعلا حبها وارتااح لها.. اما وقفات نوره قدام المرايه وصلني شعوورها بقووه يوم ماتعرف نفسها وتحسها شخص ثاني ياحليلها ما الله عطاها مثل هالناس اللي تقلب سحنتها فوووق تحت وتقول رتوش.. لكِـ الله يا النور.. ام اليزيد تسلم الاياااادي وبانتظار البارت الجاي بقوووه باذن الله.. ياليت عاد غتووري يدخل الاجواااء الرومانسيه ونهيص سوا..هخهخهخه |
رد: الحظوظ العاثرة بقلمي / ضمني بين الاهداب
هلا هلا ب ضمضم
وبصباححححات السبت الجميييله❤❤❤ باررررت طويل ودسم ولو انا مانمل ولانشبع من هالزززين لي عوده ان شاءالله بتعليق وافي وكافي😝❤ |
رد: الحظوظ العاثرة بقلمي / ضمني بين الاهداب
ام اليزيد تحمليني يااقلبي خبرتس توني مخلصه الأجزاء الثالثه كلها مع بعض وبعض المقااطع شدتني اكثر من غيرها ..مثل هالمقطع اللي يكلم فيه بندر نفسه ويقول.
اقتباس:
وفكرت الحين هل اللي بيخطبها غتار هل بتكون وهج؟؟؟؟؟؟؟؟؟ أتمنى لأ.. وانها تكون فخر يرووح يخطبها من اخووه عقاب ويطلب من بندر وزن بنته ذهب؟؟؟؟ تراني مابعد نمت فاعذروني لو شفتوني اهلوووس بالردود..ههههههه؟ |
رد: الحظوظ العاثرة بقلمي / ضمني بين الاهداب
اقتباس:
|
رد: الحظوظ العاثرة بقلمي / ضمني بين الاهداب
اقتباس:
هذا مقتطف تشويقي منزلته ام اليزيد بالسناب مابعد جا بالبارتات |
رد: الحظوظ العاثرة بقلمي / ضمني بين الاهداب
هلا بالإبداع مِن ام اليزيد
عاد وش هالبارت الدسممم ابو قفلات وش يصصصصبرنا ☹💔 اول شي نوره وحاكم رحمتها كيف ب حادثه تنقلب حياتك وتفقد اهلك وتفقد أشياء كثيره حتى وجهك وشكلك تكتشف انك ب عالم ثاني مجبور تتعايش معه مع شخص غريب ! انجبر عليك مب رغبته حاكم شخصيه لطيفه وصبوره ❤ حتى مايبي يضايقها وصاير يطّلع ويترك المكان ! وصار الوضع عكسي كذا ياحاكم حسسستها انك ماتبيها وثقيله عليك ☹ ألطف شخصييتين بالروايه لطيفين وقصتهم بتصير ألطف قصه فالرواية ❤ بس عبير ام حاكم الله يستر منها شكلها حبيبه بس من اللي يسمع لكلام الناس كثير واضح من شرطها على حاكم بس نوره تحاول تكسبها باسلوبها الجميل . ****** أردف..\هو الي بسحبه لمجالي..وامسح فيه الارض هو و ابوه مسح...واذكر ابوه ان فيه له اخو..طعنه..وطعنات القفا...مَ تبرا..! من ثم اردف..\وفهاد اخو مرتي ام فارس..وخاطره اعز علي من خاطر بنيدر...الي كل خيره من مره..! ****** هنا هالمقطع لاحظو يابنات كلام عمي عقاب > شخبارك ام نواف😝 المهم شكل عمشاءء ماهب هينه يابنات ولها خاطر وماهب اي خاطر خاطر كبير عند العم عقاب ❤ غتار وعقاب الولد وعمه كل واحد يقول الزود عندي من الذكاء والنباهه كشفه قبل مايلعب عليه ويورطه !! اتوقع البارتات الجايه بتشهد صراع الجبابره بين غتار وعمه بس ولدنا غتار هو المنتصر يمكن عقاب يحاول يستدرجه ونهايتهم مصممه ان غتار ل فخر وفخر ل غتار مافيه تفاهم عندي! يمكن سمية أمه النفود بتكون الثانيه بعد مايزوجه عمه ل فخر يقوم يحط ذي فوق فخر عناد ؟ 🤔 والله انك حستي مخنا ام اليزيد والتوقعات عندتسس صعبه صعبه 😩 ورد و غيامممم كفو كفو والله انك كفو يابنت عرفت كيف تسنعهم وبردت خاطري ب وهج وهي صادقه ياحبيبتي منهو ذَا اللي بيأخذ وحده تكلمه ولو هو رضى مارضو أهله غيام شخصيه ضعيفه شوي او انه صغير سن يمكن ! ولا ماكان رضى ب واقع الحب السامج ذَا اللي ماتربطه علاقه شرعيه ! اما حركة البنت ورد خططططيره حطت رقمها بدل رقم وهج معناه ان الحرب بدت وان مب انا اللي استسلم من اول جوله ؟ عاد صدمتني بردة فعله انا توقعت تصاااارخ وتبكي وتسوي له ليله مالها اول من اخر ! بس واضح البنت متأثرة من تجربه كانت قدامها وعايشتها وشافت من هالتجارب ! عجبني قوة شخصيتها وتماسكها 💜 غيام وش هالهبال اللي وصلت له انك تنام وتسسسحب على البنت وهي ياعيني تحسب انه جالس يطالعها 😩💔 عهد مسسسكينه ذي نتيجة افعالها يمكن صغر سنها خلاها تسمع كلام صاحباتها اللي هم اول من خذلها وصار يطارد ورا الشخص اللي كان سيّء بنظرهم بس لانه سمين و وزنه زايد ! كل شي ممكن يتعدل ويتصلح اذا كان جوهره جميل وفارس واضح شخصيه جميله فرطت فيها عهد بتصرف طفولي ! بس وش اللي خلى فارس يرضىىىى ويحدد موعد الزواج وش ممكن خالته قالت له لما كلمته !! ممكن استفزعت فيه من اللي يسووونه عمانهم فيهم وقالت مالنا الا انت تاخذ حقنا وماراح يكون له صفه الا لما يتممم زواجه بببنتهم 🙅🏼! سلمت يمينك ام اليزيد ❤ بانتظار سبت جميل يبدأ بك ❤ |
رد: الحظوظ العاثرة بقلمي / ضمني بين الاهداب
السلام عليكم ورحمة الله وبركاته يسلموا دياتك على هالبارت الجميل نورة عجبتني قوة شخصيتك الي خلتك ظاهريا تتقلبي العيش في بيت البندر ومحاولتك الحثيثة حتى تتخذي لك مكانه عندهم وتحاولي جعل بندر وعبير مكان امك وابوك والحين تحاولي بجعل حاكم مكان عبدالرحمن اخوك جالسة تكوني عائلة بديلة لك بس نسيتي اهم شئ هو ايجلد مكان نورة الاصلي وشخصية نورة وروح نورة انتي نسيتي ان اهم شئ بالانسان روحه والا الشكل يتغير مع مرور السنين ماهو شئ جوهري بس انتي ماخذه حجة المسخ حتى تكون شماعة تعلقي عليها سبب تباعدك عن حاكم انتي تبي حاكم بمنزلة عبدالرحمن وماودك يتخطى هلامنزلة لمنزلة الزوج لازم تتصالحي مع شكلك عشان تقدري تكملي حياتك فيه سؤال محييرني وراح يبان مع الوقت هل خضعتي لعلاج نفسي بعد اصابتك والمصيبة الي نزلت بك بفراق اخوك وامك الي اعرف لازم المصاب ياخذ كورسات اثناء العلاج وبعده عشان يقدر يتاقلم مع وضعه ويتقبل شكله الجديد حتى لو شخصيتك قوية حتى لو كنتي واثقه من نفسك تحتاجي اذن تصغي لك وتسمعك بدون ما يكون عندك خوف من حكم حد عليك ما اظن وجدتي هالشخص بالعايلة للان حتى لو علاقتك اتحسنت بالمهر وابوها وحتى حيادية ام حاكم معك بس باقي ودك حد يسمعك وتسمعيه بدون خوف من الحكم المسبق لكذا طلبتي من حاكم يبقى معك حتى لو احتجتي للكلام تلاقيه موجود اتوقع ان حاكم يتابع مع طبيب نفسي حالتك بدون ما يبلغك وخطواته معك متأنية وصحيحه جدا اول شئ كان صديق لك وجعلك صديقة وباح لك بكل حكاياتهم واسرارهم الي حتى امه ما تعرفها (قصة غيام ) وبعده لما ما اجبرك على البقاء معه حتى خلاك تشوفي ايش نهاية العمليات وانك رجعتي مثل قبل واحسن يعني شكلك مقبول وبعدها لما جعلك تحسي انه مافيه شئ ناقص بشكلك الخارج وانه حتى لو طلقك ماعندك مشكله بشكلك بس وضح لك خياراتك الباقيه يا انك تحطمي حياة عمك او تبني حياتك المحطمة العاقل راح يفكر بالبناء وما راح يفكر باهدم وفي بيت اهله بين مكانتك عندهم وحفظ لك كرامتك وبعدها تركك تواجهي لوحدك لما اعطاك مفتاح كل شخص بالبيت حتى تبعدي عنك الاتكاليه عليه وانك تستمدي قوتك منه لازم تستقلي بحياتك واعطاك مساحة بوح عشان تطلعي كل الاضطرابات الي تصير داخلك لما جهز لك مكان للابداع بموهبتك من كتابة ورسم اتوقع اذا فيه صدق خطه علاجية نفسية لك يكون بعد فترة لما تتجاوزي عدم ثقتك بنفسك ووالدونية الي تشعري فيها راح تقابلي طبيب نفسي حتى يتم اقفال كل الملفات المفتوحة داخلك وتتجاوزي كل شئ بحرية التعبير عنه وتكلم اخيرا بكل شئ جواك فيه جزئية اتذكرتها اليوم من البارت السابق في قصتك عن المرأة الي تبين صورة الشخص الحقيقية يعني روحه لما يقف قبال المراية الي في اعماق البحر لازم تستفيدي من هالجزئية لازم تغوصي باعماقك وتوقفي اما مرائتك الخاصة وتشوفي كل شخص بحقيقته ما هي صفات تعمميه اول شئ حاكم انه ملزم بالزواج منك وانك حمل ثقيل وام حاكم انك سلبتي فرحتها باول ولد لها لا عمل زواج ولا هي سعت باختيارزوجته بنفسها وانها ماراح تتقبلك نهائي لازم ترفعي من مستوى ثقتك بنفسك وانك تستحقي الافضل وتقاتلي لنيل فرصتك بهالحياة ورد قسم بالله انك جدعه على قولة اخوانا المصريين انك بعشرة رجالة سجليني من مشجعينك ومحبيك عجبتني وقفتك وعدم سقوطك عند معرفتك ان لزوجك علاقات يمكن يرجع هذا لاطلاعك على حياة اخواتك يعني تخطيتي الصدمة لانه عشتي هذا الموقف من قبل ومطلعه على اسبابه وطرق حله يعني عندك قاعده تنطلقي منها اول شئ تجنبتي المواجهه المباشره وثاني شئ وجهتي رساله مباشره بس في الصميم انك تعرفي وانك ترفعي بوجهه التحدي لما غيرتي رقمها برقمك اتوقع انك تبي توصلي راسلة مباشرة لغيام لو كان فطين راح يفهمها لما يعرف انه رقمك موجود باسم حبيبته السابقة انك تعرفي ومستعده للحرب ويكشف مقدار قوتك وانه ما يستهين فيك وثاني شئ انه مثل ما هتك عرض غيره راح يجي حد ينتهك عرضه حتى لو بسماع الصوت (دقه بدقه لو زدت لزاد السقى) وثالث شئ يعتبر تصريح منك انك راح تغتصبي مكانتها وتحتلي غلاه كله مثل ما حتليتي جواله كنت اقول يمكن غرضه شريف من وهج وانه يحترمها ولها مكانه خاصة بحياته بس حتى ادنى درجات الاحترام ما يكنها لها بس طلع يحب نفسه اكثر واناني لابعد حد كيف قدر يخدع زوجته الي على اسمه وتابع بعلاقة معروف نهايتها وكيف قدر يستمر مع وهج وهو يكمل حياته وتكون هي مثل المنديل الي نمسح فيه دموعنا وانوفنا وبعده نرميه بالزبالة بكل بساطه لو صدق يحبها لما جلس يتذكرها كان البسها باي صفة حبيه كانت مجرد صديقة ومثل ما فهمنا ان غيام يشتغل طيار يعني يهوى الصعاب ويحب كل شئ يثير فيه التحدي يمكن كل تمسكه بوهج هو قدرته على تحدي اهله واثبات سيطرة والحين جته ورد وراح ترقصه على اصابعها الي مستنيته الحين المواجهه ما اظن ورد راح تقول عرفت بوجود وهج ولا انا غيرت الرقم راح تستنى منه يهاوش ويعاتب على مسكها جواله يعني اعتراف مباشر منه بس اتوقع بعد ما نام وهدي رجعت له قدرته على التحكم باعصابه مثل ما يتحكم بطيارة ما راح يواجهها ويهاوشها راح يسكت يتعامل مع الامر بهدوء لانه عرف أي نوع هي يعني راح نعيش حرب ايرادات وحرب باردة تلعب بالاعصاب بس الرسائل واضحه ووهج خلاص ما اتوقع بعد ما وقفت اما مرأة الحقيقة وشافت هي ايش صدق وخطئها بحق ربها وبحق نفسها واهلها كيف خلت الناس تتجراء عليها يتهموها بشرفها واخلاقياتها ما اظن حبها لغيام راح يغفر له الي عايشته من المواجهه مع زوجته ماراح تظهر بحياة غيام من جديد عقاب وغتار ما اظن ان عقاب كان ناوي يغدر بغتا راو يقرص اذنه او يطعنه بظهره باي شكل من الاشكال لو صدق عقاب كان ناوي على هالشئ او بالاصح قادر على هالشئ كان من زمان طعن بندر بظهره بس هو سواها حماية لغتار لما اخذ من كبار التجار عهد من انهم ما يتعرضوا لغتار واوهمهم انه له بالمرصاد وانه حاول يعلمه درس بس غتار قوي وماحد يقدر يوقف بوجهه يعني اعطاه هالة القوة وماحد له قدره عليه الي خلاني اقول كذا عقاب يعرف كيف يقدر يدير صفقة رابحه ماهو ولد اليوم بالسوق يعني معروف الي يبي يبيع شئ بمواصفات خيالية ووده سعر كويس يثقل ويبان انه يدور فرص اكثر ما يلح على المشترى حتى يحسسه انه منقذه الوحيد واظن ان كثر الحاح عقاب رساله واضحه لغتار انه انتبه فيه شئ غلط بالبيعه وكمان يختبر ذكاء غتار شكل عقاب يخطط لشئ كبير وهو يشوف بغتار نسخه منه وولي لعهده من بعده انا الفكرة هذه من البار تالي قبل وهي في راسي لما عرض على ولده انه يتعلم شغله عشان يكون خليفه له ولما رفض فارس ما اصر ولا حاول يجبره او يغريه بكذا الا اذا كان عنده بديل اذا جد جديد راح ارجع دمتي لنا بخير |
رد: الحظوظ العاثرة بقلمي / ضمني بين الاهداب
لا لا لا ضمضم الشريرة. ماهذا أبد أبد ماتوقعت موقف ورد يمة يمة قلبي طبقت المثل. ان لم تكن ذئبا أكلتك الذئاب
ردة فعل حكيمة عاقله تجارب من حولنا تعطينا دروس. بس أبد أبد ماهو مثل درس ورد غيام زغرطي ياانشراح الجاي أحسن من الاراح جتك الست ورد تعلمك أصول أصول الحب. وتعدل ماعجز. البندر عن عدله وهج ادري انك غلط. وغلطين. وحرام وزرام على قولة جداتي الله يرحمهم. بس مازلتي كاسره خاطري الجزء يمة يمة قلبي كمية محاسيس مشاعر والله ياه التصحر بيربع ربيع طيب كل مقطع ارجع اقرأه اكثر من مره حاكم قلوب تنبض تنبض. ياهو جنتل ذوق. متفهم مافي نسخه منه نوزعها وهالنوره. تستاهل. بين ان ساسها الطيب عورني قلبي على ردة فعلها وهي تشوف شكلها غتار وعقاب مبروم على مبروم مايرولش كلكم من البندر غتار وهو يحاور نفسه كمية رومنسيه ومشاعر. اجل لو يقابل مريوشة العين وش بيسوي فينا😭 رياش ههههههههه هذا بروحه حفله من غير معازيم. أظن ماخفف عن عقاب فراق العنود الا ظرافته هههههه والله ياهالعمشاء شكلها غاسله حب العنود دام انه حط قدر ل اخوها ولو كان ماوافقه الا لحاجه في نفس يعقوب. قلوب تنبض لضمضم ومتابعينها. الله يسعدك أم اليزيد ويدخل الفرح والسرور على قلبك وقلوب متابعينك مثل ماتغمر الفرحه قلوبنا وحنا نقراءحروفك |
رد: الحظوظ العاثرة بقلمي / ضمني بين الاهداب
اقتباس:
اثر رمش العين ما ياوي لاحد هي تمون العين والا ما تـمـون لـى خـذت قـلـبي وقـفـت ياسـعـد هذا حال غتار عقب مايشوف مريوشة العين |
رد: الحظوظ العاثرة بقلمي / ضمني بين الاهداب
يا صباح النور و السرور ..
ابدأ بالقفلة .. يا إني ضحكت وانا اتخيل وجه غيام و ورد تقوله كذا .. الحين انا اتخيل الموقف اللي بيصير .. يعني يمكن يتهمها انو فتشت جواله .. او يعرف انو وهج متصلة و ورد كشفته و هو يكمل الباقي و يخرط السبحة عندها .. أو انو ينكسف عشان ورد كشفته مع اني استبعد هالشيء .. يعني ما اظن شخصية غيام كذا .. المهم .. اظن رح يعصب عليها او يعاملها ببرود ما دام انكشف .. اللي منرفزني هي وهج .. بالله وين عقلها وهي تتصل عليه بليلة زواجه و بوقت متأخر .. على فني الغيرة ذبحتها😏 .. عاد صراحة ما توقعتها من ورد تسوي كذا .. بس احسن يستاهل .. فيني ضحكة على غيام واللهِ😂😂 .. ودي اقول لورد كفك ✋🏼 .. بكل ثقة مخلية اسمها بجواله كل الغلا😂😂 بس جدًا تحزن .. كل أحلامها انهارت و شقلبت مع الريح😐 ، نورة.. ما عندها إلا تجاري ظروفها و تتأقلم مع حياتها الجديدة .. الشيء المستفز بالموضوع هو أخوات عبير .. الحين هو ولدها و الا ولدكم ..؟ بالله ايش دخلهم بحاكم ..! تمام خالاته بس برضوا مالهم دخل🙂🚶🏻♀ ، غتار .. يختي ما بلعته للحين 🌚 .. شخصيته مستفزة .. تمام هو ماقد سوا شيء بس ما بلعته .. مثله مثل غيام😐 .. ، عقاب .. شخصية متناقضة .. الحين يحب غتار و يقول لأبو كرش انه بيخسره مبلغ و قدره .. ايش هالحب المعوق بس😅 .. بس غتار ماهو هين و اظن هالشيء ما يخفى على عقاب .. الشيء اللي أبي اعرفه .. هو عقاب كيف عرف انو غتار يبي يدخل مجال العقارات و بندر رافض هالشيء ..؟ والا مجرد تخمينات بس..! غتار .. اظن رح يطلب إنه يقابل عقاب أو يرد له الخدعة بخدعة ثانية..! يقولون الذيب ما يهرول عبث ..! ، أم عهد .. ايش قالت لفارس عشان يغير رايه و يحدد موعد الزواج و هو اللي ماكان بإذنه ماي و بس يبي يطلقها ..؟ ، دمتِ بود💜 |
رد: الحظوظ العاثرة بقلمي / ضمني بين الاهداب
شكررررررررررررررررررررررررررررررررررررررررررررر موفقه
|
رد: الحظوظ العاثرة بقلمي / ضمني بين الاهداب
اقتباس:
اهاااااا في السناااااااااااااااااااااااااب.اجل.. وانا يااقلبي رحت احوووس البارت اللي قبل ادوور هالغبرا النفود وين جا طاريها فيه..هههههههههههه لااعاااد تحطون مواقف بالسناب جيبوها هنا .. ام اليزيد فضلا وليس امراااا خلووو الدنيا كلها تحووووس وتفصص وتخيل وتروح شمال ووترووح يمين بالتوقعات.. ونصيب وتخييب ونهيييص هنااا بالمنتدى بالسناااب الصراحه مافيه وقت له .. |
رد: الحظوظ العاثرة بقلمي / ضمني بين الاهداب
اقتباس:
وبالنسبه لريااااش يجننننننن صراحه انا معجبني مررره مدري ليش بعض البنات حاقدات عليه.. وقسم بالله انه ملح الروايه ليت بعد مواقفه تزيد... ياا انا مت عليه ضحك يوم جالس يقرمش من اللي على طاوله المكتب..هههههههه وعمشاااء لا تبتسونها .. والله انها ماليه يدها من عقاب ومن حبه.. والا يختي وش اللي يخليه للحين ماتزوج عليها ؟؟ لو حتى قلنا مثل قوله لرياش يوم يساله ليش ماتزوج ثانيه وان فخر مهيب مخليته... طيب هذا يوم فخر كبرت .. وينك عن الزواج يوم انها صغيره؟؟؟ عمشااااء لها قيمه كبييييره عند عقاب وما استبعد انها ساعدته ووقفت جنبه لين صار لاسمه شنه ورنه.. اقتباس:
|
رد: الحظوظ العاثرة بقلمي / ضمني بين الاهداب
الصراحة بارت جميييل عجبتني ورد
|
رد: الحظوظ العاثرة بقلمي / ضمني بين الاهداب
بنات بالنسه لطعم عقاب لغتار أتوقع انه اختبار من عقاب لغتار عشان يشوف كيف قدرته بهالمجال.. وعندي ثقه ان عقاب يعرف كل صغيره وكبيره عن غتار وهو مسوي هالطعم عشان يشوف لوين وصل بهالمجال .. ووولوو اني اعرف عقاب صح بهو متأكد ان غتار بيكشف الملعوب هذا وبيعرف يتصرف..>>شفتوا بس كيف ثقتي بعقاااب يجنن هو وولد اخوه..
|
رد: الحظوظ العاثرة بقلمي / ضمني بين الاهداب
السلام عليكم ،،، ازيكوووو انا داخلة أوجه تلات رسايل لتلات أشخاص خَص نص ويبقى الأجر على ربنا ،،اولا الكازانوڤا المتشدق ذَا اللي اسمه رياش خُف علينا يا روميو زمانك يا معشوق النساء ،،،😒😒😒😒 والله لمن تقول كذا ما يطري على بالي الا الضفدع اللي في فيلم أوديت اللي يقول ما زالت الفتيات يفقدن وعيهن عندما يرينني 😒😒😒😒😒 يا كبرك عند نفسك بس ،، بس بصراحة عليك ردود تضحكني بس ده ما يمنعش ان انا حاسميك ابو الريش تيمنا بسليمان ابو الريش وآمل ان يلحقك حظه وعقبال ما نغنيلك ،، خرج ،، 🎷🎸🎤🎻🎺خرج ،🎷🎸🎤🎤، ولم يعد 🎸🎸🎤🎤،، ولم يعد🎷🎸🎤🎤 ،، ولم يععععدددد🎸🎸🎸🎤🎤 ولم يعدددد🎷🎸🎸🎤🎤 😈😈😈😈😈😂😂😂😂😂 نمرة اتنين مسيو عقاب الحاقد الغضبان انا بحذرك اهو يا خوفي يكون رد غتار عليك عنيف وقاتل لدرجة توصل فيك المواصيل انك بنفسك تروح عنده وتعرض بنتك اللي هي فخرك عليه ،، والله يستر ،، لا مش من آخرتها ،، انما من الفشنك 😂😂😂😂😈😈😈
ثالثا ،، غيام الهبل المتوهّج ،، اص ولا كلمة انا حاااااقدة عليك من يوم ما قلت انا بنت عشان انغصب!!! 😡😡😡😡 وليه ان شاء الله البنت الدين حرم إجبارها على شيء تروح تغصبها انت والسواد الأعظم من شاكلتك في المجتمع ،، حسبي الله بس ،، بس جزااااك وأقل من جزااااك اللي سوته فيك ورد البراري ،، جعلك تموت بترابها اللي تمشي عليه 😈😈😈😈 وبعدين كلام اخوك عن وهج مردود عليك وعليه ،، انت غلطت نفس غلطها وأكثر منها كمان ،، فما ينفع يقع اللوم عليها لوحدها لانك خنت دينك واهلك زيها بالزبط هذا غير انك راعي الاوله الله يهدينا ويهديكم ،، بس كالعادة في المجتمع الا من رحم ربي يتغافلوا عن غلط الولد ويلبسوا التهمة كلها للبنت حتى لو كانت مظلومة ،،، وصرااااحة خسارة ورد فيك ،، بس المغزى في بطن ضمضم ولا كان لا يمكن اقبل ابدا بحاجة زي دي تحصل ،، يا حبيبتي ياورد الهي يجبر كسرك ويلم عظمك ويداوي ألمك ويذهب خيبتك ويقويك لاحتمال ما هو آااات 😈😈😈😈 وانا معاك في اعادة تأهيله وتأديبه بإذن الله 😈😈😈 نياه ها ها 😂😂😂😂😂 |
رد: الحظوظ العاثرة بقلمي / ضمني بين الاهداب
صباحكم سعاده وامطار ال الحظوظ الكرام
اكييد من حزب غتار ومعه الحين والي نهاية الروايه 😉 عقاب بحركة الارض انا اتوقع ياابنات سواها كذا مجامله لنسيبه يعني السعر الي اخذ فيه الارض ماتوقع بيزلزل شي من ميزانيته هذا اولا ثانيا بماا ان غتار سمعته ضااربه خصوصا عمره التجاري قصير وبدأو التجار يلتفتون له ويتشكون منه بقوه يمكن عقاب حب يلفت نظر غتار بطريقه غير مباشره يتحرص من القادم اكثر واحياناً نضرب اولادنا ننبهم لشي حتى لو الضربه قويه لكن ماتوجعهم زي ضربة الغريب عقاب ماهو ولد اليوم متمرس بالسوق وداري من كلام التجار عن غتار انه ع قولتهم مثل الاخطبوط اذرعه تمتد لكل شي قدامها تبيه ويمكن قاس ردت فعله عليه لو شاف اعلان الارض الاعلان منشور بكل مكان ومنها وصل لسيارة غتار والا كيف عرف أعلان زي اي اعلان نشوفه.. صادق يااعقاب طعنات القفى مااتبرا لأن يدك ماتلحق ظهرك تداويه من عنادك الي ياااخوفي يوصلك لشي اكبر من قطيعتك لبندر .. وضع ورد صعب جدااا من جميع النواحي اولا غيام زوج مواصفات فتى احلام كثير من البنات ضابط طيار ومن أسره عريقه وشكله مقبول وجيران لهم وماوصل لهم شي سيئ عن اخلاقيات غيام صعبه انها تفرط فيه والخافي الله اعلم فيه 😶 ثانيا هي ماار عليها الوضع هذا مع زوج اختها ويمكن بيكون عندها رصيد جبااار من الحلول مع غيام كانت مجمعتها من تجارب خواتها قبل فوضع تعايش فيه ناس من حولك جربوه لما يصير لك اتوقع انك مااتنصدم فيه زي ماهو اول مره يمرك واتوقع انها مجهزه نفسها لصدمات وتحاااول تقاتل بشراسه لكسب المعركه وهج الخااسر الاكبر في ها الموضوع سنين عمرها راحت تطرد ورى سراب ورد عطتها الحل الحقيقي. مهما كان اهل غيام ماراح يرضون فيها يعني تغسل يدها منه .. لي عوده بأذن الله |
اقتباس:
اويمكن عقاب يبي يدق بندر مو شرط بس غتار بيقهره بولده انا الشخصيات العنيده الي زي عقاب بصراحه اتوقع منها كل شي 😏 |
اقتباس:
بندبر لها دبره تزيحها عن طريق غتار البلا لو عقاب ركب راسه مايبي يزوج غتار وغتار يبيها تدرين لو غتار خطبها ماا استبعد ابداااعقاب من عناده يملك لا حد من عيال رياش عشان يقطع الطريق على غتار اذا ماهو لرياش نفسه واذا جا يخطب يقول تاخرت ياولد بندر راحت بنصيبها😁 |
رد: الحظوظ العاثرة بقلمي / ضمني بين الاهداب
اقتباس:
هههههههههه تدرين طييف جا في بالي هالتوقع.. من الخبال اللي في عقاب يسويها .. بس نقول ان شاء الله عااد غتار يمديه حبهاا عشان يخطفها 😂.. ولاا عاد بيذبح اللي ملك عليها 🤔 |
رد: الحظوظ العاثرة بقلمي / ضمني بين الاهداب
صباح الخيرات على ضمضم ومتابعاتها الحلوات ... بارت انيق ودسم ماشاء الله .. تسلم يمناك يالغلا ..
حاكم ونورة نورة تحتاج لطبيبة نفسية لان مش الخارج فقط الي تأثر بالحريق حتى الداخل وماتنلام لان الي مرت فيه مو هين وهي اعترفت انها ماتقدر تنام بالليل من خوفها بس اصرارها انها مسخ فيه سخط على نعمة ربي عليها غيرها يتمنى ان له علاج ومايعيش بتشوه طول حياته ونظرات الناس الي ماترحم تخليهم يعانون فوق معاناتهم .. تحمد ربها على جميل عطاياه .. وربي بيعوضها خير بعايلة البندر ان شاء الله حاكم المفروض مايبتعد عنها اذا يبغيها تتعرف عليه اكثر البعد ماراح يقربهم لايكون هو وامه عليها نورة هالفترة محتاجة الي يحتويها ويعوضها عن اهلها ومافي اقرب من الزوج لزوجته وخصوصا في مثل حالة نورة الي مالها احد بعد الله غيره هو اتمنى يحاول يحتويها ويتقرب لها كود امه لما تشوف سعادة ولدها تهجد عن خبالها عبير وبندر وين بندر عن تصرفات زوجته غريبة ماناقشها وتصرف بصرامة مثل موضوع غيام .. مثل ماتقبلت ورد لازم تتقبل نورة .. يعني لهالدرجة بنات خواتها بايرات وطايحين بكبد اهلهم حتى يدللو عليهم غصيبة هو الزواج ؟ ممكن يصير زعل لو حاكم قال يبي من بناتهم لكن واضح ان هم الي متلصقين والزواج كتبة ونصيب ماحد يدري انه لو تزوج من بناتهم ماتصير مشاكل وطلاق وتصير قطاعة صدق كنت احب ام حاكم واشوفها طيبة لكن الي تعطي اذنها للغير ماتعجبني اتمنى بندر يكون له موقف ويعطيها من الاخر انه مابيظلم يتيمة علشان عقول فارغة ياليت تحكم عقلها ومثل مارضت بورد ترضى بنورة موشايفة فرق بينهم ولا لانها يتيمة مكسورة الجناح خلاص العمليات الي يتكلمون عنها ماسوتها برضاها ولا تغيير في خلقة ربها هالشئ ابتلاء ولا لازم وحدة من بنات اخواتها تتشوه وتشرب من نفس الكاس حتى يصحو من افكارهم السخيفة جد ناس ماتحمد ربها على النعمة ربي عطاها زوجة ولد تتمنى قربها ياليت تنظر لراحة بيتها وتترك خواتها الفارغات يولون والي مايحب لها الخير لاتبيه لابتضيع من دونهم ولا بتتشرد في الشوارع غتار وعقاب هههه والله ياعقاب بيجيك الي غصب بيخليك تتمنى قرب بندر ونسبه .. اجل توقف مع الغريب علشان ماضي وحرمة ربي عوضك بالي احسن منها صحيح بني ادم اذا ربي عطاه مايقدر الي عنده يمكن هالعنود لو اخذها ماوصل للي هو فيه على قولته .. واذا فلوس بندر من حرمة فهو عادى اهله وقطع الرحم علشان حرمة بس خاطري اعرف حرمته تدري عن ماضيه لو لا ؟ غتار كنت واثقة انه مابيشرب النصبة الي نصبها عمه .. غتار ذكي وعقاب استهان فيه .. لو عرف مين هو غتار مافكر بهالخطة والحين بيكون وعي غتار اكبر بعد ماعرف انه عداوة عمه مااستثنته بعد هالسنين جاي يلاعب غتار انتظر رد غتار على عقاب وموقف الثاني من الي بيصير راح تحمى بين الاثنين وتقربهم من بعض لان عقاب بيعجب بشخصية غتار وبيشوف فيه كثير من الي فيه لان ولده فارس بعيد كل البعد عن عالمه غتار اثبت انه بأي مجال مايدخل عبث وننتظر تقارب هالاثنين ومواجهاتهم لان عندي احساس مو بس عقاب الي بيعجبه غتار لا حتى غتار بيحب شخصية عقاب والله تشوقنا اكثر لهالاثنين اما رياش المتريش خليه على الاكل والحريم ابرك له مع انه موهين وتعجبني دقاته لعقاب ومحلي العثرات بوجوده على الاقل وقت الاحتدام في الاحداث وجوده يخف علينا التوتر الي جاي المهر حبيتها في هالبارت مع انه للان ظهورها قصير بس اكيد راح نتعرف عليها وعلى مواجعها هي بعد والي معكر حياتها لان مستحيل هي مستثناه عن اخوانها لها همومها وخفاياها وتبعات طلاق امها وابوها ورد وغيام ووهج غيام طاح من عيني بعد ماتملك وخلاص تزوج مازال يلاحق وحدة مايربطه فيها شي ؟ يااخي ترضاها لمهر وتتقبل يكون لها علاقة نفس علاقتك بوهج طبعا مستحيل ولو ورد نفس وهج هل بتحترمها وتعذرها ؟ الاول قلنا فاضي وفراغ عاطفي الان ايش العذر ؟ مافي خوف من الله لو حان الاجل وانت وهي تكلمون وغزل ورفع كلفة وضحك ومسخرة هل بينفعك حبك الكاذب ؟ ولا الاخت وهج خير متصلة ومصرة تعيد وتزيد بالاتصال ليلة الزواج وهي عارفة ان في بنت ناس بالحلال معه واولى منه فيه خير لهدرجة مافي خوف وانعدم الحياء ؟ كنت بحسن الظن فيها شوي لو احترمت نفسها وخلاص ابتعدت وعرفت انها مونصيبة لكن اصرارها على الاتصال وكأن لها حق عليه يعني المطلوب من هالتبكبك والكلام يطلق حرمته ولا كيف ؟ هي لو خافت ربها واحترمت حالها وصانت نفسها وسمعة اهلها كان يمكن ربي كتب بينهم نصيب لكن هي مشت بطريق معصية وتستاهل الي جاها من ورد ماتسوى عليها والي ماحشم حاله مستحيل بيلاقي حشيمة من الناس اما غيام جته الي بتعلمه درس اهله ماعلموه اياه .. ورد صح قوية بس من الخارج رحمتها من موقف التصوير وكسرته لها وهو ماطل بوجهها ولا فكر حتى يجامل بس علشان سحيلة حقته الي يمكن وجهها مايتطلع وحتى سفهته لها ماكلف حاله حتى يسألها اذا تبي تاكل لو تشرب كسر فرحة البنت مهما كان ليلة العمر من اجمل الليالي على العروس وهو خلى لها ذكرى ماتنسى واكيد انتقامها بيكون مو بسيط وبتواجهه بقوة وبذكاء وان كانت من كسرتها وقهرها الي مابتظهره له نشوف ردة فعله بعد ماعرف ان الغلا كله صارت نيزكه الي ربي نزله عليه حتى يصحيه من غفلته والله ان ورد بتخليه يركض يدور رضاها ومايلاقيه الا بعد ماتطلع علاقة هالسنين من عيونه فارس وعهد صحيح ام عهد مقهورة من تعليق بنتها بس بتصرفها وهي عارفة ان فارس شايل بقلبه على بنتها رمتها للنار بسهولة لان فارس ماراح يهني عهد بحياتها والله يستر ياخذها ويحط عليها ثانية لابتقدر تمنعه ولا تجبره دم البندر غالب عليه والعناد فيهم اعوذ بالله وخصوصا ان ابوه عقاب ياجبل مايتزحزح ي انتظارك بكل شوق وشغف |
رد: الحظوظ العاثرة بقلمي / ضمني بين الاهداب
مرحبا باختي ضمضم وبمتابعات روايتها عندي طلب يا ليت ما تزعلون منه انا ما افضل التطرق لمناقشة المتابعات مع ضمضم في السناب شات لانه حصل عندنا لخبطة في سير احداث الرواية ليس الجميع لديه حساب في السناب أو متابع لحساب اختي ام اليزيد ، على سبيل المثال مناقشة الاخوات لشخصية النفوذ واحتمالية زواج غتار منها لم يتم ذكرها في البارت والاخوات يناقشن الحدث على خليفة متابعتهن للسناب . واذا كان ضروري السناب فالافضل يكون بعد نزول البارت ، لانا نكون قد انتهينا من قراءة البارت وبالتالي نفهم الحوار والمناقشة بين ضمضم ومتابعاتها . وشكرا ::rdd12zp1:
|
رد: الحظوظ العاثرة بقلمي / ضمني بين الاهداب
مسا النور والسرور .. تسلم الايادي ياضمضم والله الباارت جميييييييل وطووويل .. وأحب اقول لدلوعات بطلوا دلع الباارت جد طوويل والله.. بكرا لا صاار البارتات قصيرر وقلنا انها قصيره ماعاد مصدقتنا ضمضم🤕 بعديين تراني مبسووطة😍.. ان الروايه بتكمل لبعد رمضان اذا الله احيانا وكتب لنا عمر .. شوفوا قد اش بنكون مع بعض 🙂 القفلات صحيح تجلط بس عااد امرنا لله مانا قايلين شي.. احب اقول الله يبارك بفهاد هاللي جااي يطلب الفزعه ولا نقول الله يبارك في نويصر اللي كان يتحرش فيهم 😂 ولا مااكان شفناا هالحمااس.. واللقاء الجاي هو اللي بيكون بينهم غتار وعقاب الا لو نط بندر معهم 🙂 عقاب وراه شي اكبر من سالفه الارض .. ترا غتار مشت علييه في البدايه ودفع العربون.. بس يوم شك وبحث عرف انها لعبه .. هو يبي يجيب غتار برجلينه قدام وجهه .. ويعطيه احساس اللي انه يبي يورطه ..وقتها ممكن يقوله زي ماانت تضرب العالم في احد يقدر يضربك ويخلص عليك..في إعجاب خفي من عقاب لغتار عشان كذا مستمتع بلعب.. وباين انه يلعب عليه لان عقاب مااتوقع يسويها للاخر ويبلغ علييه...لان اكيد فكر انه ممكن يأثر ع سمعته في السوق.. يعني مو الكل يدري بالخلاف وفي النهايه يربطهم نفس الاسم بيقولون اذا ولد اخوه كذا عمه ماهو رايح بعيد عنه .. يكون هو سوا هالحركة عشان فعلا يجرر غتار لسوقه .. يعني بعد مايعرف غتار انه كان بينلعب عليه .. ممكن يدخل العقار كتحدي لعقاب ..وعشان كذا يمكن ابوه أبعده عشان مايحتكون بعقاب لان ردات فعل عقاب لك عليها شوي🤓 اقتباس:
لسان حال بندر لعقاب فيك قلبٍ مايعرف إسم الحنين.. وفيني قلب لاحكوا بك إنكسر.. عااد سوات يدينك يابندر تحمل .. عندك اخو فنان بالهجر ماحسبت حسابه .. اتوقع في ذكريات مااضيه بين غتار وعقاب.. ومااتوقع جوهم بيكون مشحون وااجد لان عقاب خلافه مع بندر ماهو غتار .. وأحب اقوول لغتار يحترم عمه بلا قله حيّا .. ويزود عليه انه ابوو مرته المستقبليه🙂 اييييه وزين ان فخر دكتورة عظام للأطفال .. عشان بكرا الشيخ غتار لمن ياخذها مايجلس يصرعنا ع تخصصها😉 وانا اطمنت ان رياش ماهو ماخذ فخر لان لو فكر ياخذها بيجي غتار مسفح ويخطفها👻 ريااش .. الله من البثاره في هالرجال .. الظاهر انه يقاابل عقاب اكثر من مرته.. صدق والله ملاحظه في كل مكان يطّلع.. حتى يوم يقابل غتار طلع كأنه غراب هو وفاله وبعد ياضمضم لااعاد تربطين رياش بفخر انا عاارفه انك جاالسه تمزحيين وطقطقين عليننا<< فيسي الواثق .. حتى بالمزح لاااعت كبدي .. اللحين فخر الحلوووة المززيونه تبينها تاخذ رياش الشايب اللي كبرر ابوها.. اللي لسانه متبرري منه 😐 المفروض يستحي ع وجهه ويقول مثل بنتي.. لو انخبل عقاب ووافق .. لو ولده بلعناها بس رياااش ابووو الحرريم اللي حتى شكله يااالله العاافيه.. وعععع احس بطني مغصني وانا اتخيل ولا يجلس يذب لها كم كلمه من هاللسان .. والله ماايلبق فخر وريااش ..يتوكل يتوووكل بس .. حتى ولدده هوونت عنه اخااف يكوون ماهو بعييد عن ابوه ابو الحرييم👀 فارس والله خالته شكلها زرته في المكالمه يستاهل ..الوضع اللي هم فيها اكبر من مشكلته مع عهد .. وترا صعبه يصير الطلاق بعد ظروفهم ومن ولد خالتها خصوصا..الناس وقتها الا ماتهرج فيها .. يمكن عشان كذا حدد العرس .. شكل الموال اللي براسه يتجاهل هالعهد ويعااملها ببرود ويقولها انه بياخذ عليها .. عهد لازم تحط تحدي بينها وبين نفسها كيف تقدر تكسبه من جديد وتغير نظرته.. فارس لسى يحبها بس حساس ومجروح ويكاابر .. وهو حبها بتفاهتها يعني ماهو حابها يوم عقلت .. يبغاله وقت بس .. ياالله أوجعنني قلبي ع نوورة .. احساس الالم وصلني اول ماشافت شكلها.. كيف الواحده ممكن شكلها يتغير ولا عاد تعرفه وتكره كل ماطالعت المرايه..تفقد فيه كل أشباه الماضي وملامح اَهلها فيه..ويبان لها الفقد اللي صار .. تلقاها من مين ولا مين ... ترا حاكم صحيح طيب بس النزعه البندريه الا تكون فييه.. صريح جددا مع نورة.. صراحه واضحه .. ممكن قاسيه تكون بس بدون تجريح.. كيف انها لازم تبدا تتقبل الحياة معه .. لانها مجبوره عليه ولا عندها حل ثاني ..وفوقها قالها انه بيتزوج عليها عشان امه.. عمها ياحيفا بس .. انا ماني قادره اصدق كيف أمره ماهوب بيده .. كيف عطى مرته فرصه انها تخيره بين هاليتيمه اللي طالعه من ازمه ولا بين عياله.. وهو عارف انها ماعاد لها احد..وعارف ان حاكم مآخذها الا مجبور .. وشلون مايجي ويجبر بخاطرها ويحسسها ان لها اهل وعزوه.. ماكسرت خاطره بنت اخوه حتى لو انه شايب يتحامل ع نفسه ويجي..والله عبدالرحمن شكله عارف هالحال المايل ولا غلط يوم زوجها حاكم فكها من الشحططه بين العم ومرته.. ام حاكم وش هالقلب اللي عندها.. المشاعر الإنسانيه عندها معدومه..لو انها بظروف ثاانيه كان قلت ممكن تزعل.. بنت يتيمه فقدت اَهلها بحرريق والتشوهات اللي طالتها النفسيه والجسدية تجي تزيدها عليها.. وعمليات التجميليه ماهو من البطرا اللي فيها .. اتوقع لو ام حاكم عندها بنت من بطنها كان حست في نوره.. ولا كانت لعبه بين خواتها هاللي ناشبين فيها..كان مافي رجاجيل ع هالكوكب الا عيالها ..الله يخلي بندر اللي ضم هاليتيمة تحت جناحه .. المهر ظهورها لطييف حاولت ترقع الموضع .. بس مااش مايترقع ورد والله ذكي ابوها ماقالها موضوع العطية نهائي .. الله ياخذ وهيج هاللي نسفت فرحتها نسف.. وفوقها غيام بعد العاشق الولهان.. حركة الأرقام ماتوقعتها ..بس تصدقين ليتها ماكشفته .. لان اللحين بيصير اللعب ع المكشوف .. ماهو بيعيده انه يقولها انك عطيه وإني احب وهيج وكنت بتزوجها .. وغيام بيخليه عذر لتصرفاته مع ورد .. يعني بدل ماكان يداري خاطرها .. بيدلي يطنشها.. هذا اذا ماسوا فيها معصب انها فتشت جواله ..ان شاء الله تقدر تأدب غيام وقبله وهيج .. هالحقييره صدق قهررتني تكلمها كأنها ضررتها.. والظاهر ماعندها مانع ياخذها لسى .. مااعاد به عرس يلا ضفي نفسك بس.. ماادري ليه جاني احساس ان غيام لمن راح بيتهم كان بيكلم وهيج عشان كذا راح لغرفة جانبيه.. ليش مارح جناحهم المفروض ملابسه تكون فيه او ملاحقهم مو هم كانوا عايشين فيه بعد ماجات نوره << فيس متعب نفسه بالتفكير🤓 اقتباس:
روحي الله لايرردك احنا مستنين هاليوم متى نفتك منك بس ،، وبعدين خير غيام وراه رهيف كلمتين منها سوت فيه كذا .. مايسطلب ويترك عنه الدراما.. اقتباس:
وهيج ماينفع معها الا انها تفضحها عند اَهلها ويلمون بنتهم.. اممم برجع ع نفوود تراها شاغلتني.. ماهو داخل مخي ان الشيخ غتاار فجأءة نوى يتزوجها .. وشلون وشلووون هو كان معيي يعرس😟 عندي احساس قوي انه جالس يطقطق ويحسب انها خفة دم منه .. ماني مصدقه انه بيعرس عشان اسم امه نفوود.. وحتى لو طلعت شخصية نفود انا ماني مصدقة الا لين يكتب كتابه عليها ويعيش معها بعد هنا اقول تزوجها😞 ياااويلك ياضمضم تصير هي القفله 😩 حرام عليك بنكمل وقتها 3 أسابيع وهالنفود زي الشبح ماينعرفه لها راس 🤕 الله يعطيك العاافيه والله يسعد قلبك ياام اليزيد اضعاف ماتسعدينا بهالجمال والابداع .. بانتظارك بكل شووق يالحب 💕 |
رد: الحظوظ العاثرة بقلمي / ضمني بين الاهداب
اقتباس:
تصدقين زيزفون مااحس فارس يشبه عقاب .. فارس لو يشبهه كان من لحظتها رمى عليها الطلاق وقال الله لايرردك .. ولا كان سكتها ورمى عليها كم كلمه .. كان عااند الكل حتى امه عشان يسوي اللي براسه ويطلقها.. مو يجلس منزوي حزين ومكسور خاطره يوم قالت كلمتها .. عقاب زعله شيين يوم زعل عااند الكل وسوا اللي برأسه.. حتى امه ماعطاها اعتبار من الحمق اللي فييه.. وهي كانت تترجاهم يصلحون.. اممم ان كان في شبهة في انهم ماينسون ابدا والغفران عندهم صعب.. بس في النهايه زعل فارس مايتقارن بزعل عقاب ابد .. |
اقتباس:
انا مع زيزفون مستحيل فارس يفوتها لعهد حتى الطلاق اتوقع فارس ماطلق لعدة اسباب اولها يبي يثبت لها ارادته بتنزيل وزنه ترى يابنات السمنه مرض الله لايبلاكم فيه يعني فارس اكيد عاانى كثير علشان يكافح ها المرض صحيح عهد مالها دخل بالوضع الي كان فيه فارس لكنها وافقت عليه وهي عارفه شكله وزنه ولا تصرفت بحكمه على طول انتقااد لشكل فارس وزنه مااحطت ابداا حساب لمشاعره وانها طعنته برجولته انا تزوجتك لهدف اخر ماهو لشخصك والا كان تقبلت فارس بكل عيوبه لو فعلاً كانت تحبه ثانيا عهد بنت خالة فارس يعني اكيد ان امه وخواله لهم خاطر عنده لذلك تردد بالطلاق اويمكن أجل الفكره لبعد ماينزل وزنه ويوريها ان الرجوله مااهي بالشكل والا الفلوس وبعدها وفاة ابوها ما اعتقد فارس نذل الي ها الدرجه يصدم خالته صدمتين وفاة زوجها وطلاق بنتها، |
رد: الحظوظ العاثرة بقلمي / ضمني بين الاهداب
اقتباس:
بغض النظر عن اللي قالته له خالته ودفعه لتحديد موعد للزفاف بس جا ببالي سبب مختلف تماما عن تأخر طلاق فارس لعهد فارس مختلف عن أبوه وهذا شي أكيد ودودي معها حق لو هو يشبه لعقاب كان رمى الطلاق من اللحظة الأولى لكن هو أصلا خطبها عن حب .. مستحيل هذا الحب بيروح بربع ثانية كذا أول ما يصطدم بسطحيتها حتى لو كلام فخر زود قهره من انتقاد عهود اللاذع واللي ماله قيمة .. رايي ان فارس علشان ينسى صدمته من كلام عهود اختار يشغل نفسه كليا بانتقادها وكيف يقضي على سببه من الجذور وعلشان الحب اللي اكيد باقي في داخله لانسانة ثانية بشخصية غير اللي لقاها، رمى كل اللي صار في مكان مدفون من ذاكرته وركز بس على فقدان الوزن أولا ثم شغله ثانيا بعد ما رد من برا لين جت عهد غصب لحياته على لسان أمه وخالته كمان هو وقتها كان ابو عهد باقي عايش اظن فما في سبب يدفعه وقتها يشفق عليها ولا يطلق يمكن كلام خالته وأمه كان صداه جواه ان اي باخذها وبأدبها واخذ حقي منها على كلامها قبل .. بتشوف هذا اللي تمسخرت عليه كيف صار وما تطوله ابد لكن شيء ما جواي مصر على انه باقي يحبها ويحاول ينكر او يتجاهل بسبب جرحه اظن عقاب يدري بشخصية ولده ولذلك ما كان فيه اي نوع من الضغط عليه عشان يطلق طول السنين اللي فاتت |
رد: الحظوظ العاثرة بقلمي / ضمني بين الاهداب
السلام عليكم
نوره وحاكم نوره بداءت رحله الالف ميل للتاقلم بكل شي ام جديده بيت جديد زوج في جلباب اخ حياه جديده اراه متعبه جدا لها حبيت ان لها موهبه تفرغ فيها طاقتها السلبيه همسه صغيره في اذنك نوره رضى الناس غايه لاتدرك انت تعرفين نفسك جيدا قبل وبعد العمليه التجميليه ونوره الفنانه ليست بحاجه لاثبات اي شي لمجموعه من الفضوليات لاهم لهم الا تمضيت الوقت بالحديث ام حاكم تشبه كثيرا الشخصيات من حولنا اهتمامهم بنظرة العالم لهم اهم من راحتهم الشخصيه ويكونون بمثل هذه الافكار لاذاقو بلح الشام ولا عنب اليمن عقاب ونظرته لبندر بندر خيره من مره يعني نفود نفوذ ماكانت بنت عمه كيف كانت غنيه وهم لا اكيد ورا هذه المعلومه قصه لازلت اعتقد ان لنفود علاقه غير مباشره بعقاب فكيف ستكون ابنه مخفيه او فقط بنت مسكينه عطف عليها والا يمكن بنت لرياش ولان غتار عدو في السوق يحاول يكسبه غتار وتعليقه على عقاب من متى العين تعلو على الحاجب يا ولد عمك للاسف يبدو لي ان غتار وعمه عقاب وجهان لعمله واحده لكن عقاب مالقى اللي يطبطب عليه ويمشي اموره مثل بندر لغتار غيام وورد قلت رئي في سناب لكن ارجع واقول ورد راح تصدمنا بالكثير الغير متوقع لكن يا خوفي تكون طريقه انتقامها غبيه وتقنع غيام انها مثله وكان او سيكون لها علاقه هاتفيه باحدهم تاثير المقتطف 😫 عهد وفارس هل يمكن ان نستطيع اصلاح ذالك الشرخ الكبير في علاقتهم فارس بدل ما يكون مظلوم في هذه العلاقه اراه ظالم كلمه واهانه لفظيه جعلته يغلط على عهد ويهينها فعليا دام ما تتقبل وجوده تسريح باحسان ام التعليق انا حرام عليك وغيري لايمكنه الوصول اليك ميزان مغلول يافارس للاسف رياش شريهان لا مو معقوله حالة هذا الشخصيه صعبه وتحتاج الىاعادة تشكيل للمخ ذا ياناس مصدق عمره لكن ماكبر روس اللي على شاكلته الا النساء الماديات انا اشوف انسب وحده له العنود منها يزعل عقاب منه ويفكنا قرقشته وشفطه في الشاهي وبعد رفع ضغط عقاب بعلومه الشينه اذن عقاب بانت لمحه منه محترم للان الصفه اللي قلتي عنها مشغلتني وش منكن تكون يمكن لها علاقه بكبريائه وقلبه اللي ما يسامح قلب جمل 😋 سر رفض بندر يدخل غتار في العقار حتى يمنع اي تصادم مع عقاب بندر اشوفه يبي يكفر عن ذنبه في حق اخيه لكن هيهات عقاب ما يبرد حرته الا النتقااااام سلمتي ضمضم على التفاصيل الجميله القفلات اشوفها ملح الروايه وهل نستطيع تناول طعامنا بلا ملح 😜 اقتباس |
رد: الحظوظ العاثرة بقلمي / ضمني بين الاهداب
حيا الله ضمضم
و حيا الله نوف بنت نايف و الزوري و طيف و كل البنات حي الله ليلاس اللي جمعنا بنوتات ماراثون تو خلصت الثلاث عثرات وش عثراته كل بطل عنده عثره كسرت رجله الفال لكسر رقبة بعض الناس الزوري .. غتار لي ..حجزته و الباقين كلهم لش .. الحين مستمتعه فوق الوصف اني بلحق اتابع يوم السبت اي .. و بفتح دكان توقعاتي بعد ضمضم .. التوقع الصح له هديه و لا شلون ؟؟ انتي كريمه و حنا نستاهل قبل لا اروح .. كفو عليش يا روده ..ههههههههههههههه اجل سعوديه تقتل زوجها في تركيا هههههههههههههه حسبي الله على ابليسش.. نتتنا اكشناتها اي و قرات توقعات البنات يبون يربطون وهج بغتار . ممكن و جائز و ممكن .. بس لا اباه لبنت عمه ( فيس الخطابه ) اي و رياش الخقاق خف علينا يا شهريار .. قبلات من عندي لييييييييييييييين عندش ضمضم |
رد: الحظوظ العاثرة بقلمي / ضمني بين الاهداب
اقتباس:
وترااني ما ابي وهج لغتااار ابيه لفخر بنت عقااااب .. ياازين عقاااب والله لووولا الحيا كان صااادرته هو بعد..ههههههههههههههه ونوورتي يااعسل... |
رد: الحظوظ العاثرة بقلمي / ضمني بين الاهداب
هو الفصل اي يوم ياصبايا
|
رد: الحظوظ العاثرة بقلمي / ضمني بين الاهداب
اقتباس:
اظن انه السبت ذا المرة اذا الله راد |
اقتباس:
|
رد: الحظوظ العاثرة بقلمي / ضمني بين الاهداب
اقتباس:
اييه مارح يفوتها في البدايه بيجلس يدق فيها بالعظم.. الين مايطخ اللي براسه .. كل اللي قلتي يمكن من الأسباب اللي خلته مايطلق .. وفوقها لانه لسى يحبها .. وزي ماقالت شيما لو يبي يطلق كان طلق وأبوها عايش .. فارس عارف انها تافهة وسطحية مع كذا كان مصر عليها..وحبها بتفاهتها ترا ماهو سهل الشخص يحب شخصيه تافهه كذا.. هذا يعني انه تغاضى عن كل شي منها .. يمشي على هالبيت عيون الحـب لايمكـن تناظـر عيوب الخل لو هو عيـب كلـه ماكان يسمع لاحد عن تفاهتها مع ان اخته معلمته وحذرته .. صار له كم سنه يحبها لو من الطفولة .. يعني عاش عمره وأحلامه كلها عنها.. مستحييل من موقف كل هذا يروح .. بعد كل هذا انا اشوف انه مايحق له يطلقها .. مايحق له ينسحب من اول مشكله واجهته معها.. وخالته وامه معهم حق يزعلون .. صرعهم عشان ياخذها وهو عاارفه ماهو على كيفه اللحين ماعاد يبيها.. وفي النهايه هي قالت كلمه جرحته فيها لانها برز وتافه قالت كلمتها بوجهه كذا..بس والله ماجابت له الطامه ولا مصيبه ماتغتفر.. هو لاازم يعطيها فرصه اولا عشانه هو ع هالحب اللي في قلبه له.. وعشانها هي بعد تغيييرت وظروفها تغييرت مو معقوله يوم عقلت ماعاد يبيها ..وبما انه حاول ولا قدر ينحف .. المفروض يشكرها بقلبه لان مااحد خلاه ينحف كذا الا هي.. |
رد: الحظوظ العاثرة بقلمي / ضمني بين الاهداب
بسم الله الرحمن الرحيم
. . . العثرة الرابعة . . . مدخل . . . واقف على حدود الظما بلل شفاهي دمع.. ليلٍ حرير.. والستاير مظلمه ! قلبك يحب.. من علمه ؟ يكتب على صدر السما أعذب قصيده حب ! من باغت أحلام الشفق واشعل شعاع الشمس وغرتنا بـ سنا ! هذي الشوارع مظلمه أبحر في جفن الليل وشراعي ورق.. حبر وأرق ! أنفض غبار الوقت وأنثر لك عطر، برد وسحاب.. من علم الحب الغياب ! ومن صافح جروحي بـ صبر، ما ينكسر.. لو تنكدر نجمه، وتضيع بهالسما ! من علم الدمعه تفر من محجر عيون اللقا ! ومن علم السكه تضيق خطوه تمر بلا طريق وتنجرح، دمع وحصا ! تتساقط أوراق العمر وتمر بي كل الفصول تذبل مسافات الوله من علم الورد الذبول ! من علم الشوك، يتناثر دم.. في كف الوداع ! وان الضياع أصبح وطن واني أحبك واحتضن كل الحزن اللي فـ عيونك، وانثره فـ عيني مزن ! من قال إني لك أحن !؟ لو غابت عيونك نهار أو أدفع أنفاسي ثمن لجل انتشي قربك، وأذوب.. من علم الحب الذنوب ! ومن علم احساسي يتوب، وما يفكر يخدعك ! صدرك نهر ضيعت به مجداف واحساسي شراع ! والمواني غارقه بـ الخوف، وتغريب الضياع.. من علم ايدينك وداع..؟ ومن علم اللهفة تسابق خطوتي لجل التقيك، رغم إني أدري لو أجيك تفتل من ايديني جدايل خوف.. وتسرقني.. وأغيب ! من قال لك.. إني على بابك وقفت أنطر دهر.. وما فتحتِ الباب ! وما لمحت إلا العطش أطرد همومي والسراب أنزف أنين.. وفـ داخلي يصرخ حنين ! مسكين، واقف أنتظر.. ويمر بي كل العمر أهز جذع الهم.. وأتساقط قهر..!.. بداية.. صباح الخير ياوجيه الخير سنابي للمناقشة الدائمة في البارتات والاحداث وكل جديد عن العثرات omalyzad . . . لاتليهكم الرواية عن الصلاة في وقتها . . . شعر بماس كهربائي يشطره لنصفين...وهو يقفز بـ أقل من ثانيه للغرفة الرئيسية ويفتح الباب بقوة... ليجدها جالسة على طرف السرير... ماأن رأته...حتى وضعت الهاتف جانباً...ونظرت له بهدوء قاتم..! بعدم أستيعاب وهو يعاود النظر للهاتف من ثم لها..\أنتـي متعبثة بجوالـي ...! صمت متوتر... من ثم..! رفعت كتـفيها بهدوء..\جوالك البارح كان بينفجر من كثر مادق..وكنت نايم وواضح تعبان ماكنت ابي اصحيك..بس لما شفت انك مسجل الرقم بكل الغلا قلت اكيد هذي امك وقلقانه عليك...ورديت عليها...!! كادت عينيه تخرج وبعدم تصديق ..\رديتي على رقم من جوالي..! همست\والله رديت على كل الغلا احسبها امك مادريت ان عندك غلاوي واجد..! صمت من هول صدمته..! لـيجيب بعد ثواني وبعدم تصديق..\انتي ماتستحين على دمك..مالنا الاكم ساعه مع بعض كلمتين على بعض ماقلناها لبعض..تقومين تنطين وتردين على جوالي...! ..\انا الي مااستحـي...الجوال الي كان مقلق الدنيا قلت امك متقطع قلبها عليك...ماجاء في بالي واحد باالمية انك مخربها وراعـي بنات وخبال..!! قطع المسافة الفاصلة بينهم..ورفع تلك الفتاة بيد واحده له.. وبنفجار...\ راعي بنات وخبال بعد..دقـي على اهلك وقوليلهم الحين عن عريسك يا الملقوفة...! همست بغضب..\فك ذراعـي لاتكسره...بعد تبيني أقول لهلـي عن خبالك من زين العلوم..! قذفها من بين يديه فقد يدق عنقها في أي لحظه..! اردف بعصبية..\ وش قلـتي لها...وش قالت لك..؟ هـي بصوت غاضب..\مالك شغل في وش قلت لها..والا وش قالت لـي...شغلك الحين انك ياتبدا صفحة جديدة وتترك الشي الي مايرضي الله ولاهو بحقك وحق اهلك زين..او... غيام با ابتسامة ساخرة..\ماشاء الله او ايش ياسيدة ورد..! بنفس سخريته...\او تبدا من جديد بعد مالك خيار ثاني على فكرة ياغيام باشا...! ومن ثم اردفت\يعنـي وش تبيني اقول طلقنـي واقعد اتبكبك لا والله انتم الظاهر نفس الطراز..كلكم مغازلجين وراعين بنات وخبال بعد اطيح في واحد مثلك..لااقضب مقرودي ازين..! هو لم يصدق.. تلك الصغيرة وأيضاً صاحبة لسان الطويل وايضاً لم يشكل لها ان تكتشفه فـي يومهم الاول بإنه على علاقة اخرى أي مشكلة..! يالله..! أي نيزك وقع على رأسي ..! وقف مشدوهاً لثوانـي يتفحص المصيبة التـي وقعت على رأسه.. من ثم خرجت منه زفره محرقه وتركها قبل ان يقتلها فلا يتحمل فتاة بطول لسانها فكيف بزوجة..! هـي بمقابل...اغلقت الباب خلفه..وكل جبروت القوة التي ادعته انهار حالاً ودخلت في بكاء عميق ..تندب حظها العاثر معه... لـيتها لم تتزوجه.. ليت تلك الخادمة قتلـتني وانتهى.. هذا رجل غارق في النساء.. وحالي لن يكون افضل من حال شقيقتـي..! أبي..أي كارثة وثقة به وأعطتني اياه ..! هو لايزيد عن أشباه الرجال الذين عند اخواتي..! مضت ثلاث ساعات...! هـو كان ينظر لنافذة المطلة..بقي واقفاً هنا كـتمثال منحوت.. لم يتحرك.. غارقاً في التفكير... لم ينتبه الا على طرقات الباب..من ثم ذهب ليفتح..ليجد الشخص الذي اتفق ان يكون مرشدهم السياحـي.. ..\اهلين وسهلين..نورتو تركيا.. ..\هلا فـيك..معلـيش نسيت تماماً انك بتجي ها الوقت..انتظرني بـس عشر دقايق.. ..\ياليت تستعجل..الطريق بيكون طويل وجبـلي..بدنا نوصل قبل المساء.. ..هز رأسه... من ثم شد الخطوات لها... طرق الباب عدة طرقات...من ثم خشخشة صوت ..واستدار قفل الباب ليجدها في أبهى زينة...! وكأنهم قبل وقت لم يتعاركا..! ترتدي فستان أحمر لنصف ساقيها..وبوت لربع الساق بيجي اللون.. تركت شعرها بعد وضعته بتموجات خفيفة.. ومكياج خفيف ولون أحمر شفاه جريئ.! توقع أن يجد وجها منتفخ من البكاء..! توقع ان يرن هاتفه من أحد أشقائها..! توقع كل شي الا ان تقابلة وكأنها عارضة أزياء ..! همس من دون أهتمام وبرأسه أنفه..\بنطلـع يومـين لـمكان مضبطه لنا المرشد السياحـي...خوذي معك شي دافـي..واستعجلـي.. من ثم عاد بعد اولاها ظهره..\وغيري ذا لاشوف سيقانك بعد شوي في الشارع تطلع من الهوا..! كتفت يديها..\ماشاء الله هذا انت تعرف الصح من الغلط بسم الله على نظرك... عقد حاجبيه وهو يقترب منها..\نعم..! بذات العينين الهادئة المتماسكة..\انت مناسب بيت ال سلمان وبناته معروفات بسترهم وحشمتهم ياغيام باشا..طبيعي بغير لبسي لاطلعت والا تحسبني مثل الي مخاويهم..! قاطعهم صوت المرشد المتململ...\أستاذ غيام...أستعجل شوي..! صر غيام على اسنانه وهو ينسحب بـصمت ويبتلع عصبيته أبتلاعاً..! . . . أروح لك عايفك من تقصيرك وظلمك وأجيك مشتاق لك رغماً على أنفي... . . . في مطبخ بيت ال بندر نوره بحماس..\شوفي هذي الحافظه لبوي بندر وأمي عبير بعدين هذا لغتار اخوي ولحاكم..مو تلخطبين لن ابوي بندر وأمي عبيرماحطيت لهم فلفل في قرصانهم فهمتي.. ..\يس مدام .. صوتها الغاضب..\انتي وش تسوين هنا..!!! فزعت نوره من الصوت الغاضب الاتيها على غفلة..من ثم هدأت بعد رأت صاحبة الصوت وبهدوء وهي تتقدم لها وتقبل رأسها...\مسوية أكلكم يمه...! أبتلعت غضبها وهي تراها تتدخل في المطبخ وهو خصوصية بحته..! تعلم انها في الفترة الماضية تتودد لها..وأنها في عرس غيام لم تجلس أبداً وانها يتيمة وتستحق العطف..لآنفور.! وأيضاً بندر أقسم باالله ثلاثاً..ان لو يعلم انها نامة تلك اليتيمة حزينة ان يجعل كل من في البيت يحزنون..! وأني عندما قلت اذاً تسكن بعيدة عني يابندر.!.! أخبرني بندر انه يريدها معه..فـ..هو لم ينعم بحب فتاة..!!! وأني سوف أحبها..! لكني لن أغضب أخواتي وأجعل مابينا قطيعة كما بينه وبين اخيه...ابداً..! همست وهي تحاول ابتلاع غضبها وتصنع الهدوء...\من الي علمك عليها ...! أبتسمت عندما رأتها تنظر لـأطباق الموزعه.. نوره باارتباك..\مسوية لك أكله يقول حاكم لي دايم انك تحبينها... أم حاكم مستغربة من اتقانها..\من علمك تسوين الخبز بذاالشكل حتى انا ماعرف له كذا ..! نوره تبتسم بسعادة..\علمتني عليها أمي الله يرحمها..وياليته يعجبك يمه عبير.. نبرة هادئه متراجعة..\الله يجزاك خير ولاتعبين نفسك الخدم هنا وش كثرهم.. نورة بحماس ايضاً..\يمه أكل يدك غير اكل الخدم اكيد وانا من اليوم لو تسمحين لي بتاكلين من يدي انتي وابوي بندر..! ...\لاتعبين نفسك..بندر مايقعد كثير في البيت وانا قليل شهيتي..! بحب...\انا وانتي بنوكل بعض..أنا ابي اسمن شوي يمه تعرفين شي يسمن..! كانت تريد جذبها لها.. لتهمس ام حاكم بـفضول..\ايه اعرف...! من ثم اردفت بااشفاق.\ اذا تبين نطلع العصر ندور الحاجات بس التزمي عليها..! غمزت نوره لها...\وهو كذلك وبعد ابي لي غرض بشتريه اذا ماعندك شي..والبيت ناقصه مقاضي تو الشغاله تعلمني.. هزت رأسها ..\اجل تجهزي العصر..! . . . أروح لك عايفك من تقصيرك وظلمك وأجيك مشتاق لك رغماً على أنفي... . . . في المساء.. كان يركـز في وضع اتزان الشماغ..وضعها بحركتين سريعتين خفيفين بترتيب معين ..وضع عطره الكثيف واغلق ساعته...أمال عصاة قليلاً بيده وهو يرى هيئته..! مكتمل الوسامة واثق من نفسه..! والعصا لم تزده الا وسامة والعرج القليل لم ينقصه شي بل زادة هيبة..! وملامحه البندرية تزداد كل يوم رجولة منتقاة يعلم..! نظر لـنفسه مرة أخيرة..! من ثم خرج من جناحه بكل غرور..! وجد والداه جالـساً على الاريكه في الصالة العلوية... غتار \ جهزت يبه..كأن حنا تأخرنا على العرب..! رفع رأسه بندر بـهدوء..\غتار.. غتار ..\لبيه.. بندر..\طلعت مني الصبح مافي راسك عرس ورجعت لي تقول لقيت حرمتي يبه انت شايفني وانا ابوك كبرت وخرفت..؟ غتار بهدوء..\جعل عمرك طويل انت ماكنت تزن على راسي تبيني اعرس..هذاني اقولك لقيت حرمتي..! بندر بستغراب..\وعشان اسمها على اسم أمك وأمها صديقة أمك قلت ابيها..انت ماتقول لي الحكي زين مالها راس ولارجلين ذي القصه..! رفع كتفيه بخبث..\مثل ماقلت لك دخلت لي حفل خيري كانو حاطين فيه ناس يبيعون شعبي قلت أخذ لي وعرفتني الحرمة الكبيرة وعرفتني على نفسها وقالت ذي سمية امك نفود مسميتها عليها.. زفر بضيق..\ياولدي ذا حكي..ذي ماهي علومك..؟ أبتسم بخبث..\ليه ماهي علومي الاذي علومي اطق الباب على طول قلت لها بنجيك اليوم نخطب سمية امي..! همس بندر بستغراب..\طيب مانشدت عن العرب مانشدت وين ابو البنت الي تبـي تخطبها..؟ غتار بهدوء...\مدري عنه يمكن نلقاه قدامنا..! بندر بغضب ..\لابالله ماحنا لاقينه وانت تدري من علمتني فيهم مايحتاج اتعب من نفسي واسأل اول واحد كلمته جاب علوم اهلها اقصاهم ..انت تدري ان ابوها مسجون في قضية ترويج..! أمال شفتيه غتار بصمت..! أردف بندر بغضب..\...اكيد انك داري بذا الشي وتبي تجيبني لهم على وجهـي..مافكرت عيالك بكره وش بيكون جدهم يعيرون به..والا خوال عيالك ترا الاولين ياولدي قالو ثلثين الرجال لخاله ! غتار بمكر\وش علي من الابو..وش ذنب البنت..يعني كل بنت ابوها في حفرة يسحبها معه..ياما بنت ردي جابت عيال اجاويد وياما بنت رجال يهزون المجالس جابت زلايب يبه هذا ماهو قياس! بندر بصرامه\ مالك لوا..منت ماخذها...ولاني مخليك تسوقني لها عشان شي مايصدق..اللهم انها سمية لأمك..اعرس ولاجاء عليك بنت سمها على امك ولاتدهورنا بعرسة مثل ذي..لوانك شافيها وداخلة مزاجك قلت هواه وش اسوي لكن كذا معصي والا عشاني متشفق على عرسك تبي تسوقني سوق..! همس بهدوء غريب..\إيه...على هواك يابو غتار..!! شد الخطوات بعكازه لخارج المكان ليستوقفه بندر الصارم..\كأنك زعلت..! غتار...\الزعل لعيالك الي من أمي عبير وامي العنود انا مازعل انا اخذ حقـي بيدي وانا ولد نفود..! يعلم بعناده..ويعلم ان لاطاقة له به همس بترضي لين..\ ياابوك اختار الي تبـي عقبها عهد علـي ماقولك لاو اكسر بخاطرك لكن وحدة كذا ابوها لا..! ارتسمت على شفتيه ابتسامه خبيثه ماكره وهو يلتفت له..\تقول عهد يابو غتار...! بندر بستغراب \عهد يا ابوك..! من ثم أنسحب غتار بهدوء صامت سريع....!!!! هكذا ببساطة..! يشعر بإنه بنسحابه الحارق من المكان كـ انسحاب روح.. لم يعلق...لم يلقي بكلمات حارقه كـ غيام.. فقط أكد لـي بـ أنه عهد...ماذا يقصد...! ياالله..! غتار..ينفذ ما فـي رأسه لايلقي الكلمات الجزاف..! ولايعلم مابرأسه الان..! كان بوده لو وافق على تلك الفتاة لأجله هو.. فقد كان يتحرق شوقاً لـ أجل ان يراه عريس لكن ليس كهذه اختيار..! وغتار أبني أعرفه...! هو ليس صاحب قرار سريع..يراها في الصباح ويخطب في المساء.. مكره ثعلبي..! ماورائك يا غتار..؟ قلبي ليس مطمئن من جهتك..! أم تراه فعلاً لا شبهة في موقفه وأنه اراد فقط الزواج بسمية والداته..! قد يكون لأنه يتيم الام وتعلق بـ أسمها..! عندما هم غتار با الخروج كانت نوره و ام حاكم قد دخلتا.. غتار با أبتسامة \ماشفت امي عبير اليوم...الله وش ذا كله..! كان السائق يدخل الاكياس أمامه.. ام حاكم..\والله ياوليدي اغراض ناقصتنا تقوله نوره وجبت معي بعد كم شغلة على ذوقها لصالة تقول مافيها اشجار في بيتكم من داخل وجابت ذي الي حقات البيوت مدري وش اسمها أبتسم غتار لـ الواقفه بأحتشام من رأسها لأخمص قدميها عبائه ساترة لازخرفة ولا الوان..! همس بمحبة خالصة..\يامرحبا والله يااختي نوره يشهد الله انك مثل اختي المهر..نور بيتنا فيك وجاته البركه ... نوره بخجل..\الله يحيك ومنور فيكم الله يطول في اعماركم.. غتار بدعابة..\يمه عبير جت الي ذقت قرصان ازين من قرصانك اعترفي يمه انها غلبتك بذي الشغله.. نوره بهدوء تقاطع ممازحته..\العين ماتعلى على الحاجب وأمي عبير ماهو با انا الي انافسها في طبخها الله يخليها لنا.. غرق غتار بضحكه صافية وودع ام حاكم بقبلة... . . . أروح لك عايفك من تقصيرك وظلمك وأجيك مشتاق لك رغماً على أنفي... . . . وصلا...المنطقه ريفية...والبيوت الريفية منتشره ولكن البعض منها صمم ليكون بيت ريفـي لـسياح..! وضع حقـيبته وودع المرشد الذي اخبرهم بأنه سوف يمكث الليلة هنا ان احتاجو شي ما فـهو عند اشخاص يعرفهم..! ودعه واغلق الباب... نزعت عبائتها ووضعتها بجانبها.. سمع صوت استنشاقها للاوكسيجن..وزفره بهدوء..! يشعر بغيض انها تمشي ليس على الارض بل على رموش عينيه من ثقالة حضورها على قلبه خصوصاً بعد كلماتها الاخيره وخبثها..! بحدة...\بنطلون ...لآبسسسه بنطلون...انا ماقلت لك البسي ساتر تستهبلين...! ورد بتصنع..\بسم الله الرحمن الرحيم..خوفـتني وش فيك..! غيام غاضب..\وش فيني ..ها..! نظرتها لملابسها..\حمدلله..عباتي مسكره ومحتشمة ولو لبست فستان او تنوره كان طلعت سيقاني وانا امشي بسرعه في هذا المكان معك..! غيام بـغضب...\كان لبستي بنطلون خفيف داخلي وفوقه لبسك العادي او شراب اسود ..يامدورة الستر..! حركة شعرها بعدم اهتمام..\ماشاء الله عليك..عسى عيني عليك بارده..حريص على اهل بيتك..! وجد تلك الكلمة كـ لكمة على وجه..! همس من بين أسنانه..\وش تقصدين.! تراجع حذر من ورد..\مااقصد شي..يمه منك لاتقولني شي ماقلته..! عينيه الحانقة أبعدها عن تلك النيزك وهو يحاول الابتعاد قد الامكان منها حتى لايكسر رقبتها... توجه لمطبخ بخطوات نارية والذي كان مطل على جلستهم وفتح باب الثلاجه كان مملؤة.. اخرج له عدة اشياء منها ..وشد له عصير بباب..أغلق باب الثلاجة بقوة..! وضع الكاس بعد ان أرتشفه دفعة واحدة بقوة على الطاولة الجانبية..واحدث صوت مزعج..! همست بصوت خافت لايسمعه الا هي..\جاه بلااا.. هو شد الخطوات لها ووضع علبة العصير على الطاولة امامها..من ثم بـغضب..\حاولي تاكلين شي..اليوم كله ماذقتـي شي..!!! وضعت خصلاتها خلف اذنها وهي تدعـي القوه وبهمس..\مو مشتهيه..! غيام بعصبية..\كولي شي لاتطيحين علي...شايفه المكان ريفـي ومافي مستوصف حتى..! شدة بخوف منه العصير بعصبية وفتحته..ارتشفت منه عدة رشفات ومن ثم اكلت لها من الكروسنات الـتي وضعها امامها نصف واحدة.. هو بمقابل اكل معها..فـ هو ايضاً لم يتناول شي..ويشعر بدوار يتملكه الان من العصبية والجوع الشديد ..! كان الجو ماطر في الخارج...والواجه الزجاجيه التي بجانبهم تكشف المكان بشي من الرومنسية.. كانت عينيه تنظر لتلك الواجهة الزجاجية وروحه المتألمة تتمزق على تصاريف النصيب ..! فـ ماهو الضير لو انه الان مع وهج..! بدل من هذه التـي ظلم لها هكذا زوج وحياة باردة وصب جام غضبه عليها المسكينة..! يالله..أنك تصبرني..احلامي الوردية معه طارت..وكل شي كنت متوقعته الا انه راعي بنات..يالله تربية ابو غتار صارمه كيف طلع ها الخبل منهم..! ..\غرفة النوم اشوفها على يدي اليسار لو فيك نوم وتعبانه من المشوار.. همست بمقاطعة..\لامافيني نوم..تقدر تنام انت فيها لو تبي .\لامافـيني نوم بعد..! ..ورد..\لو قعدنا في الفندق احسن..! رفع رأسه لها ليراها تنزل الجاكيت التي كانت ترتديه ويظهر له التيشيرت الخفيف الذي تحته.. شده الكدمة العريضه التي على ذراعها.. بستغراب..\وهذي من ويش بعد..! هـي لم تنتبه لما جعله هكذا واستغربت لمكان المشار لـه.. لتنظر له وتجد كدمة عريضة على ذراعها..هي كانت تتألم لكن لم تنظر للمكان طوال اليوم..لتفاجئ ايضاً.. همست..\من ولا شي..! غيام بصدمة\كيف من ولاشي..وش انتـي ضاربه ومانتبهتي ..! أبتسمت بسخرية..\انت طال عمرك بغيت تكسر ذراعي لو أني ضاربه جدار ماكان بذا الشكل وهذا الوجع ..! نظر لمكان الكدمة..صمت من ثم نهض فجأه ليدخل لـداخل تارك لها المكان...! نهـضت هي بمقابل وهي تشاهد جلـبة في الخارج اتضح لها انه عرس.... قررت الخروج فـ المكان في الخارج اضائته خافته ولن يلاحظ احد ...ابتسمت..\والله ياحظها امحق من حظي عرس ومطر..الكشه بتطير والمكياج بيروح ..! شدت الخطوات لتستقر في الخارج وهي تضع جاكيتها على كتفيها .. اخذت تراقب زغاريدهم وهم يركبونها السياره..من ثم رحلت تحت هذا المطر... لحظات تنظر للمكان..كانت البيوت الريفية بـ اضائتها تنتشر فـي المكان.. رائحة المطر وصوت تجلب السعادة لأي شخص.. لكن هي الان ليست سعيدة بعد تلك الخيبة من ثم فجأه..! أصبح الظلام غارقة به..! قررت العودة ادراجها من الخوف ليختل توازنها وتلتوي قدمها وتسقط بـصرخة موجعه..! في الجانب الاخر.. أنتبه لأنطفاء الكهرب من ثم وقف ليطل عليها كي لاتخاف ليفاجئ وهو يتفحص الصالة بـ اضاءة هاتفه انها خاليه..من ثم صرختها وهي في الخارج ليركض لها بـرعب..! فتح الباب المردود بقوه وبصرخه..\ورد..ورد..! هي كانت بجانب الباب من الخارج من الجهة الاخرى لتهمس بإلم..\هنا..طحت ورجلي تعورني..! بعصبية..\وش مطلعك..تستهبلين..! من ثم اردف بعد ان رأها شبه متكوره..\وانتي ماغير تطيحين امك يوم جابتك شكلها ماسمت عليك...خليني اسمي عليك الحين كود ربي يريحك من ذي المشكلة...! كانت اضائة هاتفه مسلطه على وجها من ثم انخفض لها ليحاول بها النهوض على كتفه.. وقفت وهي تتألم وكاتمة لغيضها منه..\رجـلي غيام ..رجلي ماقدر ادوس عليها اخاف انكسرت... نظر لها بتفحص..من ثم حملها بخفـه ..وهي شعرت بـ ان ماس كهربائي اصاب جسدها كله.. وهي تجد نفـسه فجأه بين ذراعيه مرة أخرى..وبهذا القرب الشديد جداً...وهـي ك من لاوزن لها... وضعها على الاريكه وبحزم..\شوي واجيك...بدور لي شي يشغل لنا هذي الشموع الي صافينها لنا... ورد برعب..\الكهرب طافـي طاااافي صح...! غيام بعصبية..\طبيعي منطقه ريفية..شوي وراجع لك! ماهي الا لحظات حتى وجد مايشعلها به..ليمر عليها ويشعلها ..وتصبح اضائات المكان واضحه... عاد اليها ..وجلـس على ركبتيه..وبحزم ..\اي وحدة.. ورد وهي تقاوم الـوجع..\هذي بس لاتمسكها تكفى..أحس..! لم تكمل كلامها حتـى حركها بطريقة مدروسه لتشعر بـ ان الوجع تفرقع في ثانيه وتصرخ..! بعد ان ابتلعت وجع القدم ..همست بسخرية..\ماشاء الله شكلك بتاع كله.. بغير اهتمام..\لازم اكون بتاع كله عشان لو اطيح بمنطقة نائية اصرف نفسي..! من ثم اردف \وبعدين حاولي تعدلين كلامك عشان ماكسر سنونك في لحظة ماتوقعينها..! لوا قدمها بطريقة مؤلمة متعمد..من ثم صرخة بوجع.. همس \تقدرين تمشين الحين...! تركها وهـي تحبس حديث نفس خاطف تنعته به بـ أشد انوع الوصوف... اخذت تدلك قدمها ..وهي ترا انسحابه للجانب الاخر.. وتكوره على احد الكراسي التي تقابلها.. ضوء الشموع الخافت .. اصوات تساقط المطر.. وهو ينظر لأحد الشموع..بشكله الـذي حقيقة يجعل قلبها يخفق بقوة..! لآتعلم..لما القدر ساقه لها. .ولما نفس القدر صفعها هكذا من دون رحمة.. لما لم يكن كامل..ماضير ان يكون مستقيماً... لما حظي وحظ اخواتي قليل في الرجال.. شقيقتي الكبرى تساير نزواته من اجل فقط اطفالها الان.. وشقيقـتي الاخرى قطعت عليه الطريق ولكنها تكتشف انه يتخذ طريق اخر وكل يوم تأتي باكيه بإنه يتحدث مع الفتيات ولاتدري ماقد وراء تلك الاحاديث..! تتذكر كمية المكائد التي يرسمناها لجعلهم ينفرون منه..ساعة ينجحون وساعات يخسرون خسارة عظيمة..! همست بـضيق..\غيام انت عادي احد يكلم المهر...! جاءه سؤالها ليوقظه من حبل افكاره المهزومة..وهو يعلم ماترمي اليه..وبقتضاب\لآ..! ورد..\طيب ليش طاق باب عرض الناس..! صمت لـثواني معدودة من ثم..\بعض القصص مالها فايدة شرحها..! صمت اخر ...من ثم بتردد..\كم وحدة..؟ بملل ..\عشر...! من ثم اردف..\بعدين ترا فيك عرق لقافه عجـيب..! ورد بهدوء.\مو لقافه بس بشوف حظي العاثر فيه فايده يوقف والا لا..!طيب مالك نية تفتح صفحة جديدة معي وتترك العشر..؟ زفر بهدوء..\وانتي ليش تفتحين موضوع يغثك ويكون اول موضوع بينا...! همس بصدق..\وش الي المواضيع الي افتحها معك غير هذا الموضوع ..؟ صمت..! همس بمحاولة جذب اطراف حديث..\وش تخصصك الجامعـي..! مسايرة هادئه نوعاً ما..\حاسب..! من ثم اردفت بخبث..\وشاطرة مره في كل الاجهزة الذكية..! التقط تخابثها الذي يعيدهما لنفس النقطه..\بكسر يدك فـ انتبهي من شطارتك ياشاطرة..! ورد ..\ماشاء الله بتكسر سنوني وبتكسر يدي شكلك بترجعني لأهلي وأنا من اصحاب الاحتياجات الخاصه..! رمقها بنظره صامته.. صمت من جديد..! من ثم همست ..\بنام هنا وانت نام هنا.. كانت تشير للاريكة الاخرى...وأردفت\ انا ماداني الظلام...! بهدوء غير مهتم..\على راحتك..بجيب لك شي من داخل تدفين فيه. ماهي الا لحظات وهو يجلـب لها غطاء وضعه عند اقدامها.. ومن ثم توجه للاريكة الاخرى ووضع غطائه.. همست بهدوء..\وش رايك تصحى ساعتين وانام انا..من ثم انا اصحى وتنام انت..الصباح ماهو بعيد..! بـهدوء..\ماشاء الله شفتات دوام ..خلاص نامي انا مافيني نوم اصلاً... وضعت الغطاء عليها وحاولت النوم..وهي تسب تلك المصادفة التي جعلت الشباك الضخم فـي وجهها تماماً.. فبرغم من انعكاس صورة غيام الجالس على الاريكه الاخرى بـتلك الشموع الضخمه..ومنظره الاسر في عينيها الا ان هناك تخيلات اخرى كاسبريه تظهر امامها ..! اغمضت عينيها.. عل النوم يأتي وينقذها...! ماهي الا ربع ساعه...الا وقفزت وهي تسمع صوت مرعب..! من ثم جائها صوته الذي خيل لها انه اصبحت وتيرته مبحوحه..\نامي كلب..! وضعت راسها من جديد على الوسادة ووجهـة وجها له وهـي تترك تلك النافذه لظهرها.. فتجده كما تركته..غارق في شيء ما..! بتأكيد في العشر التي أمسكت أحداهن.! لتهمس..\مره قريت في كتاب ان الاكواخ القديمة في الارياف تسكنها الارواح الشريره الي تكون ماتت من عائلة مالكي الكوخ... ..\ماشاء الله تلقينه يتفتل الحين بينا..! استوت جالسه ... صوت خافت ساخر ..\هم كفار يكتبون هذي الخرابيط لكن حنا مسلمين وعارفين ان الاموات في البرزخ ماهو عندك هنا..نامي بس.. اعادت راسها للوسادة..\عاد تعرف وسوسة ابليس يقردني في ذا الكوخ ابتسم.. يا الله ..! العشر صبر الله قلوبكن.. هو لـي ولآ أتركه لكم ابداً..! لتردف بحيرة..\صدق غيام انت تكرهني يوم جايبني في هذي المنطقه المقطوعه تركيا وش كبرها مالقيت الا الي يطفى الكهرب عندهم..؟ غرق في ضحكه صافية التقطتها روحها ... من ثم اردف..\بكره الصبح بتشوفين المكان حلو..انتي مشكلتك قاريه اشياء مرعبه الظاهر او شايفه افلام رعب كثيره.. من ثم اردف..\بحاول انام..بكره الصبح لازم نطلع لـمكان الي خطط له المرشد..حاولي تنامين..! تركها ببساطه وتمدد على الاريكه ووضع اللحاف عليه وأعطاها ظهره..!! يارب مثل مافكتني من ساطور الشغاله تطلعنـي من ها الكوخ بخير وسلامه... انا وين عقلي يوم وافقت عليه لا وفرحانه بذا العرسه كش على وجهـي.! ياربي ... اشنق روحـي..والا يعني وش اسوي مع ها الرجال...! رقد ولا همه..! لو يهجم علي ذيب والا جني وش اسوي..! لا ياورد وش يخوفك..! الذيابه والجن ماتجتمع...! بس اعرف حظي العاثر خوفي يجتمعون..! وبعدين تخلينه للعشر..بربك الخشه هذي تخليك من اول جولة تنسحبين..! والله مانسحب ولايهموني غيامي لي وبس..! مضت ساعه أخرى...وعينيها تحدق في السقف...من ثم فجأه شاهدت السقف بشكل واضح..! الحمدلله عادت الكهرباء...!! اقدر انام الحين..! رفعت رأسها قبل ان تهم بنوم..وجدته على الجانب الاخر موليها وجه... شعرت قلبها يدق بعنف...أبتسمت...من ثم وضعت رأسها على الوسادة . . . أروح لك عايفك من تقصيرك وظلمك وأجيك مشتاق لك رغماً على أنفي... . . . نظرة لساعتها...الوقت تأخر..قد لايأتي كعادته نظرت لنفسها .. أرتدت قميصاً وجدت المهر قد وضعته مع مجموعة اقمصة وبجايم حريريه.. كان القميص بلـون السماء..طويل ذو فتحة جانبية..جعلت شعرها يتساقط على رقبتها ..أبتلعت الكثير والكثير من الانفاس..! قررت أخيراً أن ترتديه...هو لايريد الطلاق..وكذلك هو له حق.. هي لا يجهلها تقلبه على الاريكة..لآيجهلها نظرة خاطفة منه..ولآيجهلها ايضاً أنه رجل..! والرجل في حضرة تمثال شمعـي ..! تراجعت عن فكرتها الغبية وشدة روبها لتضعه على كتفيها وتشد خيطه على خاصرتها... تريد ان تذهب لتبدله...لكن مقبض الباب كان أسرع...! دخل بخطوات عجولة وهو يبحث عن شيء ما... حاكم .\نوره شفتي الاوراق الي حطيتها اليوم هنا... صوت مرتجف..\الا...حطيتها لك هنا... كان يبحث عنها بكومدينة..اخرجت هي الاوراق من جانبه الاخر... شعر بملمس الحرير..وبراحئة المكان..انتبه للاضائة..انتبها لها أخرجت الدوسية له..وأستدارت له بكامل جسدها... عينيه التي هربت ما أن وقعت عليها..! أنفاسهما المتعثرة الخجولة..! نورة تمد الدوسية له..\تفضل... شد الدوسية...! نورة بتوتر..\تصبح على خير...! أمسك ذراعها بعد لملمة ارتباكه..\لحظه..! الارتجاف الذي سكن اطرافها نقلته لاطراف أصابعه الباردة... بمحاولة اولى...\وش ها الزين كله..! حركت اصابعها لترفع غرة سقطة..وضع الاوراق بيده الاخرى على الكومدينة..! نظر لتقاسيم وجها الجديده..ولـ جسدها النحيل المرتجف.! ضعفها وأرتجافها دائم يحرك مشاعر في اعماقه..! لآيدري بضبط هل هي طبيعة حالة الطبيب..! هل لأنها ضعيفة وحيدة ليس لها غيره يشعر دائماً بـ أنها تخصه أكثر من أي قرابة دم له..! وان تفاصيل رحلتهم معاً في الحزن على عبدالرحمن زرعت فيه..! بأرتباك حرر الخيط الملتصق على خصرها..لآمس خدها بـ أطراف اصابعه.. عينيها التي تنظر اليه بشيء من أسئلة معلقة..واجابات هاربه.. الابهام الذي يعبر خدها بهدوء..صوت نبضات قلب خائف..وأخر مرتبك..! قبل خدها... الارتجاف العميق الذي في روحها... نقلتها بعروقها ودمائها لـمواقع تقبيل شفتيه في عنقها..! شعر بها..! ضمها قليلاً بين ذراعيه..عل كلاهما يهدئ..! همس بهدوء..\انا مو مستعجل.! أبعد أنفاسه المتعثرة عنها...همست باارتباك وهي تقاطع ابتعاده بقبلة على كتفه.....قبلتين..ثلاث مرتجفة..! صمت ... علق يديها بهدوء على رقبته بعد ان قبل كفها المرتجف.. شعر بضعفها...خيل له...! لا..حقيقة..وهي تسقط بين يديه... همس بخوف..\نورة..نوررره..!!! حملها بخـفه ...وهو يراها تغيب عن الوعـي...وضعها على الاريكة القريبة.. تأكد بأن ضغطها قد انخفض...أنتظر قليلاً وعادت لوعيها بـضعف.. كان يدعك اصابعها بين يديه الدافئة..انفاسها المضطربة تعلو وتنخفض بصدرها..! الحياء الخالص الذي عبث بها ليس غامض بين عينيه..! أبتسم بهدوء...قبل جبينها فتحت عينيها لتجده بهذا القرب.. همس والابتسامة تعلو وجه بخجل..\أنتي تسوين كذا عشان تحسسيني اني مسوي جميل فيك..مستحيل يانوره نخطي خطوة وانتي كذا اول بدايات تجربتك فيني..! . . . أروح لك عايفك من تقصيرك وظلمك وأجيك مشتاق لك رغماً على أنفي... . . . على الجانب الاخر كان النقاش على أشدة...! عمشاء بصرامة...\كلمتك خالتك وقلت لها الاسبوع الجاي العرس وش له الحين قايم شيطانك..! فارس غاضب..\قايم شيطاني لأنها احرجتني بأتصالها وبكلامها حدتني على بنتها حد..وانا قايل لكم اني بطلقها..! عمشاء.\تعقب وتخسي يا الردي ماتطلق بنت اختي يوم زان شكلك شفت عمرك الحين عليها...! فارس بغضب..\ليه وانا حرمة يهمها شكلها الرياجيل مخابر يايمه ماهي مناظر وهذا الي ماتفهمه بنت اختك السطحـيه... عمشاء\وانا قلت لك عهد امس ماهي عهد اليوم ..والانسان يغلط ويعدل غلطه ماهو بملاك.. فارس عقد اصابعه بغضب..\والمطلوب يعني..! عمشاء بأمر\المطلوب مثل ماقالت لك خالتك الاسبوع الجاي عشا بسيط وخذ حرمتك بينهم مشاكل مع اعمامهم والبنت من حياة ابوها انت متملكها مالهم شي عندنا..يعني مرتك بشرع الله والقانون.. فارس بتهرب \عندي شغل الاسبوع الجاي..وبسافر لـ المانيا اجيب اجهزة رياضية و عمشاء غاضبة جداً\كل شي أجله والسفره خلها شغل وشهر عسل ..ورضاي وغضبي عليك لو ماتتمت ذي القصه.. في الجانب الاخر الملاصق..! كان عقاب ينظر بزهو في المراءة.. مازال وسيم ومحتفظ بوسامته..! ينظر لشكله وقد تفنن في التشبب أكثر وأكثر..! لكنه التشبب المهيب لاالصبياني..! تأتيه عبارات الاعجاب من الجنس اللطيف في مصادفات بحته..! و هويعلم بأنه مطمع لبعضهم..! وعندما أزور فخر بين وقت وأخر في مستشفى أسمع كلمات زميلاتها لي بمصادفة أيضاً والخبيثه لاتخبرني بشي..! بل أرى التعليقات الكثيرة المحملة با الاعجاب في الاستقرام على صورتي بجوار فارس بين وقت وأخر عندما ينشرها ذاك العملاق ..! أبدو أوسم منه أعلم... عيني فارس ليست بـ أتساع عيني... وأرى فيه تواضعاً مقيت يـجعلنـي أود صفعه في أموراً التواضع فيها يعتبره الاخرون ضعف...! زفر بـ تأفف وشد الخطوات للذي أخترق أذانه صوتهم وعكر مزاج وقوفه البندري..! عقاب بضجر..\بعير انت بعير..! تفاجئ فارس من دخول والداه الغاضب..! عمشاء ..\البعير أشوا منه ياعقاب..ماصارت كلمة وانقالت..! عقاب..\ابد الكلام الي تامرين عليه بيمشي ماهو على فويرس وبس...الا على طويلين الاشناب بعد..! عمشاء تبتسم..\ويلومنـي فيك جـعل ذا الزول ماأفقده..والله انها تسكر بوجهـي دايم والقاك اول من يعنز لي يا عسى عيني ماترقد على حزنك..! تكتف فارس بضجر.. عقاب المبتسم لـعمشاء وبسخرية...\ترا ذا ماعنده الا شل حديد ونزل حديد بس لاجاء الصدق أستفزع بي..!! ليس له مزاج لضحك لطرفة والده التي لاتضحك أساساً.. تجاهله عقاب وجلـس في الصالة..عمشاء التي كانت تحمل صينية القهوه وضعتها بعصبية على الطاولة وجلست بغضب لتسكب لعقاب القهوه.. عقاب بتهكم..\ولايزعل الرمح..غرنوقكم بناخذه اليوم والا بكره..ترا الخبل ذا يحبها ماعليك من حكيه نصاب..! عمشاء..\حب عدوك..! غرق بضحكة وتناول فنجال القهوة.. فارس ترك المكان بخطوات ناريه تكاد تشعل المكان بطوله وعرضه..! عمشاء بـحزن..\عقاب..! عقاب..\لبيه... عمشاء..\تهقى ولدك ذا بيجيبها لبر والابيفضحني في اختي واهلي.., عقاب بجزم..\يهبااا..ماعليك منه انا وراه..وبياخذ عهد يعني بياخذها ان شاء الله.. أبتسمت ..\الله يطولي بعمرك.. هو صمت من ثم تراجع لكرسي وهو يبتعد بتفكير..! هل أبتلع الطعم ذاك الاحمق..! أم أنتبه..! لآ أثق في أحد..فـ كل مكان به عين تراقب ..! والسكرتير مهما بلغ اخلاصه معي الا ان عيني مفتوحة دائمة على الجميع.. ورياش لديه لسان يجعلنا في مصائب فـ أحجم عن الذي لااريد ان يظهر..! ارسلت له رسالة مبطنة.! هل فهم الاحمق ..ام هو أحمق كـ أبيه..! لآ..ضير ان سقط وقرص..المهم أن عثرته تلك يتعلم منها..! وانا لـست كـ أبيه..أطعن في الظهر وأظهر بدور النادم..! أنا أطعن في الصدر وانظر في عيني المطعون..! أذا أنتبه فـ هو بندري خالص..! وأذا أبتلعه فـ لآضير..درس لاينساه..! وأيضاً في الحقيقة انا اريد ان أخبره بأني هنا في هذا المجال فلايقترب حتى لا أجعله هباء تذره الريح.. أنتبه لمنادة عمشاء... ..عقاب..\لبيه.. عمشاء..\والله منت معي أقول وين رحت اسولف على عمري قبل شوي..! عقاب وهو يتناول يدها بحنو..\الا معك...مع من اذا ماني بمعك.؟ عمشاء بحب..\مدري عنك..مالك الا الرمح في الشباب والمشيب..والا يمكن ماعاد صرنا بعيونك حلوين مثل اول..! غرق في ضحكة ثقيلة..وهو يقف ويقبل رأسها..\لاوالله ماهو المقصد بس راسي ذا اليومين مليان شغل.. عمشاء تمسك بكفه..\وين ..باقي عند خبر بقوله لك.. من ثم اردفت..\فخر دقت علينا ام راجح جارتنا تبيها لراجح ولدها... اشار بيده..\مابعد شبعت من بنتي ولابي ازوجها الحين..! أبتسمت عمشاء..\هووو...عقااااب...وش الي مابعد شبعت من بنتك.. أبتسم وهو ويودعها بيده متجاهل الموضوع جملة وتفصيلاً..! . . . أروح لك عايفك من تقصيرك وظلمك وأجيك مشتاق لك رغماً على أنفي... . . . صباح جديد ...\يالله ذي كيف نايمة بالله..! كان ينظر لها ولنومها الكارثـي..! كانت احدا ساقيها مرتخـي من الاريكه مع ذراعها...واللحاف قد وقع فـي الارض راسها مائل وقد تسقط في أي لحظه...شعرها مبعثر على وجها.. وكاد ان يقفز بعدما سمع همهمت صوتها الغاضب..\بيشتغل الكهرب بيشتغل...!!! أبتسم من خوفها من الظلام وحديثها عن الارواح.. اقترب بخطواتها لها وهز كتفها..مره..اثنتين...ثلاث..!!!! ..ياسلام...نومها ثقيل بعد..! هزها بعنف ... لتفتح نصف عينيها..وبخفوت وهي ترا الكوخ قد امتلئ بضوء الصباح..\اخيراً جاء الصبح..! غيام الذي كان قد جلس على ركبتيه حتى يوقضها..\قومي والبسي بنطلع نفطر ونتمشي هنا..! جلـست..اعادت شعرها لخلف اذنيها...وصداع اصاب رأسها..همست بـقلق..\يارب الحمد لك اول مره اعرف نعمة الصباح ..! نظر لها بـشي من الغموض من ثم عاد ادراجه وفتح الثلاجه واخرج له عصير كي يشربه.. هي في المقابل نهضت وتوجهت لـحمام الداخلي اغتسلت من ثم غابت عنه... كان ينظر لـنقطة ما...استغرق بها... اخرج هاتفه من جيبه ..فتح الاسم الذي عبثت به وغيره لـ...[ورد..] ووهج اعاد لها الاسم..! رفع رأسه لخشخشة الصوت ليجدها قد وقفت امامه وتغلق عبائها ..\خلصت..نطلع..! . . . أروح لك عايفك من تقصيرك وظلمك وأجيك مشتاق لك رغماً على أنفي... . . . ...هلا يمه... شد مقبض السيارة ...\وش فيك ليش تبكـين..أبوي فيه شي..فخر فيها شي..وش صاير..! عمشاء \واحد من اعمام بنات خالتك جاينهم في البيت وتفتزع فينا خالتك..تعال اخذني اشوفهم .. فارس بغضب..\وش اخذك انا اصلاً قريب من بيتهم...بمر اشوفهم..! أغلق الهاتف وهو يزفر بضيق..كان قريب من الشارع الذي في حيهم... دخل الحـي... عهد بعصبية..\ريال واحد ماتاخذ منا..والبيت ذا انتم وقصتكم الي جاينا فيها من متى كان لكم فلوس عند ابوي وين اثباتتكم وين اوراقكم ياوسع ذمتكم سعيد..\أسكـتي انتي وذا اللسان الله يقطعه .. ام عهد ببكاء..\ياسعيد والله مايرضي احد تبون تفضحونا ونجيب الشرطه على اخر عشان تمنعنا منكم...ياخوي استرو عماركم واسترونا قدام الجيران من عرفت عمري مالكم حقوق عند ابو عهد...والورث بنعطيكم حقكم والوجه من الوجه ابيض سعيد..\البيت ذا لنا ورث فيه من المرحوم..والاستراحات الي في عرقه والدرعية لنا فيها اكثر من مالكم..ولاتحسبوني بخلي ريال واحد لي عندكم..! عهد بغضب..\والحين وش تبي وش جاي ترفع ضغط امي خلاص الي لك بتاخذ ولاعاد نشوف وجهيكم.. سعيد بحدة..\انتي ماعلمك ابوك تحترميني ها..! كان يشدها من ذراعها بقوه..\بس اني بعلمك..من يوم دخلت ولسانك علي يطول اذانيك وعمانك يشتكون منك.. عهد وهي تحاول فك ذراعها..\مالك يد علي...وانتبه تسوي لي شي والله اا... كان قد شدها من شعرها من ثم دفعها للحائط بقوه...من ثم ركلها بقدمه عدة ركلات قبل أن يشعر ان الارض تدور به وفجأه يرتطم هو با الارض ايضاً..! كان الارتطام موجع له..وهو يحاول لملمة شماغه وعقاله الساقط با الارض ويرفع رأسه لمن باغته.. فارس يشير بيده بغضب اسود...\عم على ايش انت..ها عم على ايش..تستقوي على بنات اخوك وامهم بعد عين ابوهم...! سعيد المتفاجئ...\وانت وش تبي ..ادبهم مالك شغل...وقد ذي الحركة الي انت سويتها.. كان يقف ويحاول الهجوم عليه..بحركة سريعة منه..لف ذراعه حتى تألم..وبصوت أمر...\ورثكم بتاخذونه في المحاكم..وخالتي وبناتها مالكم شغل فيهم.. سعيد بغضب..\انا ولي امرهم بنات اخوي وانا ولي امرهم..! فارس يضغط يده بقوه\ وهذا والله من ردات الحظ انك عمهم وولي امرهم..لكن منت بولي امر الي انت ضاربها قبل شوي..! سعيد بحدة..\ياسلام انا عمها..! فارس يضغط حتى تألم بقوه وصرخ...\خلني على بالك زين..حرمتي باخذها الحين وخالتي وبنتها والله ان دريت انك عدت هذي الحركة ان اكسر ضلوعك وبشتكي عليك وبفضحك حتى بجوالات..وبخلي الي مايعرفك والي يعرفك يدفل في وجهك ياسويد الوجه..! كان قد شده بخطوات سريعه..من ثم فتح الباب الرئيسي ودفعه بقوه...! سعيد بصراخ وهو يمسك ذراعه...\والله ان اكسر ضلوع عهد ان عاد شفتها مثل ماكسرت يدي..انت تحسب انك بتسلم مني..تعقب..وهي ذابحها ذابحها! فارس..\مايعقب الا وجهك...والله ماتلوم الانفسك يا الخسيس ان عدتها..! اغلق الباب بغضب ...ويديه قابضة بشدة وعروق الغضب قد اتضحت والاحمرار يزحف ببطئ الى وجه..! عهد الباكية التي لاتستطيع حتى الوقوف من شدة الركلات..وامها تبكي فوق رأسها..وهذه شقيقتها قد خرجت بعبائتها ترى الاوضاع وتبكي ايضاً.. أم عهد...\فارس وش السواة يا خالتك ذولا مايخافون الله مساعير..! فارس..صمت.. من ثم اردف..\عمها متحلف فيها ..واتوقع انه ماهو بصاحي ولاهو بوعية..انا باخذها معـي..الاسبوع الجاي اخو اليوم مافيه فرق .. عهد تشبث بوالدتها من قوة الضرب الذي تشعر بألم وتبكـي بحرقة..\يمه بموت بموت..! فارس لشقيقتها...\جيبـي عبايتها ... ام عهد تنزل عبائتها..\الا تاخذ عبايتي..البنت بتموت بيدي..! قامت والداتها بتغطيتها... أقترب فارس..وكان الاقتراب له أشبه بفتح جراح عظيمة..! كانت رائحة عطرها فقط تضع معدته في رغبة بـ الاستفراغ كانت والداتها تحاول ايقافها ف تفشل... لم يرد لمسها...لمسها ك لغم لـروحه..! أمسك ذراعها لتصرخ بوجع... همس بصرامة..\خاله اتركيها.. حملها بـ أقل من ثانية...وعندما حملها شعر بـشي ناري تفجر بصدره... ..\خالة بروح فيها المستشفى...شكل الضربات الي جاتها اثرت في شي فيها هذي هي غايبه عن الوعي. ام عهد..\بروح معك..! لمى..\بروح معك..! فارس بعصبية..\انتم جهزو اغراضكم الضرورية وسواق امي بيجيكم الحين..ماراح اروح امسككم كلكم في المستشفى... ام عهد..\بس ياولدي..! فارس بجدية..\خالة هذي حرمتـي من الليلة خلاص ماراح نحط مواعيد ونلعب على انفسنا وضعكم مايستحمل حتى عشا صغير ملموم..!. خرج بها...شعرت والداتها بمدى الضعف بعد رحيل والد عهد..! كارثي الوضع اليوم بين عشية وضحاها..! . . . أروح لك عايفك من تقصيرك وظلمك وأجيك مشتاق لك رغماً على أنفي... . . . كان في القريه مطعم ريفـي صغيره تمتلكه عجوز يقدم افطار ريفياً تركهما المرشد السياحـي ليتناول افطاره على طاولة اخرى.. كانت هي جائعة جداً..فقررت ان تتناول افطارها من دون ان تكترث له...فـ الجوع كافر..والامر قد يطول وهي لن تحتمل الجوع المتواصل..! كان يراها تفطـر بصمت..وتتناول الشاي الساخن من ثم تعاود الافطار بـشهية جيده عكـس يوم امس.. تناول هو الشاي الذي وجده كما يريده واخذ ينظر في وجوه الريفين البسيطه..وقطعة الجنة التي يعيشون بها.. نظرة له بنصف نظرة ..وعاودت الاكل بعدما تأكدت ان عينيه على الطبيعة لا الجوال ..!! همست تريد تحريك الجمود الذي أمامها..\ليش ماتاكل..؟ ...\مو مشتهي..! ورد..\أوكي انت الحين مسوي فيها الزعلان والي الغلط راكبنـي..! غيام ينظر لعينها وأهدابها المتقوسة..\وذي ان شاء الله تركيب..! ورد بخبث وهي تعلم انه يرواغ..\الحمدلله كل شي فيني طبيعي..في شي اسمه مسكره هي الي تخليها متقوسه لا اركب رموش ولا أحبها..! أمال شفتيه بعدم أهتمام.. ورد وهي تتخابث..\يووو برد مره..ليتني لبست أثقل..! رأته يتحرك..وكأن أحد الجبال تحركت من ثقالة دمه وثقالة نفسيته..! كان قد نزع البالطو الاسود الذي كان يرتديه من ثم وضعه على اكتافها بصمت .. بقى هو بسترتة الصوفية..ونظر بغير اهتمام لـ المطعم الريفي وكأن يقرأ له تقرير ما..! قلبها المتخابث دق بقوه...كل مافيه يجذبها بكل تفاصيلة حتى لو كانت معركتها شبه مستحيلة...تحب ان تجرب..! أكلها الندم فوراً على خبثها ... نزعت منه بالطوه وتركته ليبرد.! كتمت ضحكتها وهي ترا حاجبيه المعقودة.. من ثم همست بعد ان اكلها قلبها عليه..\نمشي..أنا خلصت..! ..\طيب ..أدفع الحساب ونقوم..! . . . أروح لك عايفك من تقصيرك وظلمك وأجيك مشتاق لك رغماً على أنفي... . . . كان يراقب المغذي المعلق وقطراته تتساقط وقد قاربت على الانتهاء.. مازالت لم تفيق بشكل كامل..! مازالت كما هـي..! تلك العينين..تلك الشفتين..تدويرة الوجه..وحتى شعرها مازال كما هو.. داكن كـ الليل..ينتثر بكثافة خلفها وقد وقعت الرباط الحريري الذي كان يمسك به وهاهو بيده يقلبه..! تلك الاصابع الناعمة الصغيرة التي كأنها قطن أبيض..أو..حلوى..! موضوعة على بطنها وكأنها تشعر بنفسها..كأنها تشعر انها نائمة لكن بأناقة..! لحضات وفتحت عينيها.. و أنين خافت... من ثم همس ضعيف...\يمه ...يمـ هـ...! وقف بجوارها..طوله الفارع..التيشيرت الصيفي الذي يرتديه وهو في شتاء قارس..عينيه الغاضبة..وجه العابس..! بفزع وأرتباك..\فـ ااا رس..وين أمي..ليش انت هنا..! فارس بصوت خافت ..\انا هنا عشان انا الي جبتك لمستشفى من ضرب عمك.. كانت تحاول التحرك لكن كأنت تتألم ليهمس..\خليك على وضعك..الحمدلله مافي كسور..كلها رضوض وكدمات..! عهد بتوتر..\وين امي..! فارس..\امك واختك طلعو لـخالي فهاد.. عهد برتباك..\وانا ..ليش خلونا هنا مـ ع ك.. أبتسامة ساخرة..\خلوك معي لأنه خلاص بدال الاسبوع الجاي وعشا ملموم قلت لخالتـي خير البر عاجلة..وباخذها منكم من الليلة..! عينيها التي تفاجأت وشفتيها التي فتحتها بصدمة.. فارس بخبث\وش فيك...؟ عهد وعينيها تمتلئ بدمع..\مو معقولة تسوي فيني كذا فارس..انت حاقد علي بشكل اكبر من الي انا سويت لك..! فارس با ابتسامة..\حاقد...اووو كلمة كبيرة..انتي ياعهد منتي من اولويات تفكيري عشان تحطين لنفسك ها المكان في مخي ..قولي انا احب القشور..ومن ضمن القشور ابي فستان وابي عرس اقهر صديقاتي فيه وابيك بشكلك هذا تنزف معي عشان يقولون واو خذت واحد مز..! نزعت المغذي منها وهمت بجلوس بألم..وبغضب\مستحيل اجتمع مع حقدك تحت سقف واحد..! كانت ذراعيه قد تناولتها بسرعه قبل ان تنزل..ليهمس بغضب..\قلت لك انتي زوجتـي وأنتهينا..أمك باركة ها الخطوه وعمامك متحلفين فيك..! عضت ذراعه بـقوة ليفلتها بـغضب..\فلوووة خير ان شاء الله...تستهبلين..!!!! شعرت بماس كهربائي يضرب رأسها..\تستاهل واسمي عهد..ماهو فلوة ..!! فارس بخبث خالص..\لاوالله...ماعرف الا أسمك الي انا عاقد عليك فيه...غيره ماعرفه... من ثم اردف فارس وهو يراها تشتعل..\الحين بيدخل شرطي ويحقق قولليه الي حصل بضبط عشان اسحب عمك على وجه في قضية عنف..وبعدين بنمشي..! نظرت له بغضب من ثم صدت.. تناول الجاكيت الموضوع على الكرسي ارتداه من ثم نادى الشرطي وبعد ساعه ونصف بعد ان انهى اجرائات خروجها هاهو يدفعها بعربية ويقف عند باب سيارته فتح لها الباب وهم بمساعدتها الا انها ابعدت يدها عنه بعنف..أمسك يدها بعنف وأجبرها على مساعدته وبهمس..\لاتمثلين انك ماكنتي تبين ها اللحظه ..كم واحد من يوم طلعت من غرفتك صور مع زوجـ ك..! كان يصر على الكلمة الاخيره وتشعر بلفح انفاسه الحاقده تخرج من شفتيه وترتطم بها ركبت في كرسيها وهي تحاول جاهدة ان تمسك دموعها تناول هاتفه الذي لم يصمت من الرنين بعد ان ركب جوارها وتحرك بسيارته.. ورد على الهاتف.. اغلق الهاتف بعد مكالمة قصيرة مع والداته وصمت...وظلت يديه مشدودة على المقود... صمتت وهي تبعد عينيها لـ شباك السيارة..وترمي حظها العاثر باأبشع الكلمات الساخطة.. . . . أروح لك عايفك من تقصيرك وظلمك وأجيك مشتاق لك رغماً على أنفي... . . . كيف كاد ان يبتلع طـعم كهذا...! لو اني لم اشك في صاحب الارض واتصالاته الحثيثه لي كـي اتمم الصفقه لبتلعت الطعم كاملاً.. لآ ضير ... سأعلم الان من خلف صاحب هذه الارض..؟ فعندما بحث هو وسكرتيره الخاص اخبـروهم بإن الارض ممنوعه من الاعمار السكاني لأنها على مجرى سيل..! أذاً... سوف تجلـس هكذا بخسارة موجعـة للمشتري..! لكن صاحب الارض الاصلـي...! رجل لااعرفه ولم يمر علي اسمه.. والقضية كلها طعم انا متأكد..ولابد من ان هناك شخص يريد تأديبي بهذه الـصفقة لو ابتلعتها ..! من..؟ من..؟ دخل عليه السكرتير وبهمس..\عرفنا من كان مدبر لنا ذي الشغله..بس مادري لي سنين عندكم وماكنت اعرف عنه شي ..؟ غتار يشد انتباه وبستغراب..\من...واحد من تجار الي بيني وبينهم عداوه والاكيف..؟ السكرتير..\الارض كان ثمنها ربع المبلغ الي كنا بندفعه فـيها..وكان صاحب الارض عارف انها على مجرى سيل واشتراها قاصد..وسجلها بـ أسم الي حاول يبيعها علينا..طبعاً حنا عشانا تونا جديدنا بذا السوق ماعرفنا ان الارض على مجرى سيل ..وكنا بس نفكر بمخطط كيف نخليه جاذب لـسكانه.. غتار بعدم صبر..\علمـني من هو الي سوا ذي الشغله فيني قاصد..! السكرتيتر\..اسمه...عقاب البندر..من اسمه واضح انه عمك..! وقف ..بردة فعل غير ارادية...وعدم تصديق...! ليردف بعدم تصديق...\متأكد من الاسم...!!!! اكد السكرتير..\مية باالميه...المعلومات كلها ..! شعر بـ ضخامة الامر وغرابته..! بعد تلك السنوات العديدة.. يظهر الان .! جلـس على كرسيه وهو يتصنع الهدوء.. . . . أروح لك عايفك من تقصيرك وظلمك وأجيك مشتاق لك رغماً على أنفي... . . . في منزل عقاب... عمشاء التي خرجت من الجناح الذي يخص الضيوف وقد وضعت فيه عهد شدت الخطوات الغاضبة له وجدته يجلس على الاريكه غير مبالي وينظر لهاتفه..! الذي فعلته هي ان وكزته بقوه في ذراعه..\وش ذي الحركة الي انت سويتها انت ماتستحي مافي وجهك حياء جايب ها البنت بعبايتها كأنها مسوية جريمة وتقول مافي عرس ليه هو انت حاقرنا ياولد عقاب..! همس بهدوء..\وش حقرانه..زوجتي وجبتها انتي ماكنتي تقولين حدد العرس هذاني جبتها لك بعبايتها.. عمشاء تشتعل..\انت تبي تفشلني في الناس..لااشوفك قارب جناحها لين اسوي لها عشاء خاص بينا يا اهلها اقل شي.. فارس بتهكم..\ابد ضميها على صدرك لين تسمحين..انا ماهو مستعجل عليها...ولولا خالتي ماعاد اجتمعت انا وهي ابد عمشاء بغضب..\اي بضمها على صدري وبحطها برمش عيني..وأنتبه من زعلي يافارس ترا منت بقاويه..والحين انقلع من وجهي مابي اشوفك..! . . . يوم جديد . . . نوره بـضحك..\يمه انا مضبطه اللصق زين على اصابعك تساوت خلاص والحنا مضبوط الحين انتي نظارتك مو عليك ماتشوفينها زين.. ام حاكم بتشكيك..\بروح للحريم يانوره لايضحكون على حناي..! نوره..\افا عليك يمه ماعاش من ضحك على حناك أقبضي زين بس..! من ثم وقفت..\شعري الحنا فيه نشف بروح أتسبح يمه خلي الشغالة تجيني في جناحي ابي تكوي لي كذا لبسه.. ام حاكم..\تسبحـي وعودي علي بوريك خواتم مرامية شريتها وعلميني وش البس من ثيابي..! أبتسمت نوره ..\ابشري... ذهبت لغرفتها وهـي سعيدة جداً بتطور السريع في علاقتهم..تحب ام حاكم تحبها جداً...وتريد ان تذوب في تفاصيل تفاصيلها..! دخلت دورة المياه..تحممت...وشعرت ان رأسها يكاد ان ينفصل من عنقها دعكتها كثيراً لكن والدة حاكم أصرت على وضع كمية كبيرة منه على شعرها أمضت نصف ساعه تدعك به.. والوقت يذهب هباء منثوراً... سمعت صوت الباب وأعتقدت بأنه الخادمة..\ديالا...ديالا تعالي ساعديني بسرعة.!. ..\وش فيك...دايخه..! صوته الـمرتعب..وهو يقترب بخطواته من دورة المياة جعلت صوتها يأتيه بـنفي..\حاااكم..لآمافيني شي لاتدخل بليز..! وقف عند باب دورة المياة مباشرة وبـستغراب..\طيب علميني وش فيك..؟ بقتضاب..\مافيني شي...! حاكم..\الا فيك...بتقولين والا بدخل مالي شغل..! صوتها المرتبك..\يمه حاكم امك حطت على شعري حنا ولي اكثر من نص ساعه ادعكه بمويه عيا يطلع وش اسوي..! عندما وصله كلامها..لم يكتم ضحكته...غرق في ضحكه صاخبة..! نوره..\رقبتي تعورني...وش اسوي لاتضحك... حاكم..\بدخل اساعدك...وش بتسوين بتنشبين .. نوره..\بلبس روبي شوي بس..! لحظات وفتحت الباب...هو لم يتمالك نفسه من الضحك... وجها المحمر وعينيها المحمرة من اثر الشامبو..الماء يبلل كل شي..وهي لم تزد على كونها سوف تبكي فوراً.. نفذ أكمامه..\بلبس قفازات يازين يدي ملونها الحناء بين زملائي..! نوره بضجر..\تنكت..! لبس قفازات موجودة بجانب مغسلة الايدي...ساعدها في دعك شعرها.. وأثار حنقها بكمية الشامبو التي وضعها على راسها..همست بغضب..\حاكم بلا عبط...! حاكم غارق بضحك..\اصبري هذي عملية جراحية ..لازم اركز..! نوره..\حاكم صدق دخل بعيوني الصابون ...اااي..! رفع وجها وسكب الماء على وجها.. نوره بصوت مكتوم..\عيوني..خلاص..اا لاتكب موية حتى دخل بخشمي وفمي..! كانت تسمع صوت ضحكاته الخبيثه..فتحت عينيها بصعوبة وشدة الماء الذي بقربها وحاولت أغراقه..هو قفز ولم يبتل..وبضحك\كملي لحالك...! ماهي الادقائق وهي تخرج من دورة المياة تدعك شعرها بمنشفة عينيها حمراوين من الصابون..والغيض يتملكها.. وهو كان ينشف يديه ..\حنا ها لاعاد اشوفه على شعرك...كولي فتامين له ويتغذا..! تجاهلته فهي حانقة على ضحكه المتواصل..دخلت غرفت التبديل تناولت أي قطعه تقع على يدها وجدت قميص صيفي خفيف يصل الى منتصف ساقيها وبلا اكمام..أرتدته على عجالة وخرجت... لم تنتبه ان على طرف السرير كان هو متمدد... أستلقت على طرف السرير بقربه وهي تدس وجها على الوسادة وتدعك بيدها رقبتها التي تؤلمها بعد محاولة غسيل شعرها وممازحته..! شعرت بيده تلامس يدها..وهو يدعك بخفة رقبتها.. أستدارت له... لتجده بقربها...! همس بخفوت..\ولابسه صيفي بعد تبين تمرضين...؟ بضيق..\رقبتي تشنجت خلاص..الله لايعوده من عناية..! غرق في ضحك..وكفه تدعك رقبتها..وبـدون توقع من كليهما.. شدها من رقبتها قليلاً..دس انفه في شعرها وبهمس..\تراني اموت بريحة الحنا..! عندما ابعد انفه من شعرها..شهد الاحمرار الذي يزحف.. وضعه يده على خدها...وجيهما قريبن جداً..لأول مرة يجمعهم هكذا قرب..! الارتعاش الواضح يؤلمه..! ...\مني تخافين..؟ قاومت الخوف قليلاً وهي ترفع سبابتها وتضعها على عارضيه..\أنت أماني اصلاً..كيف تقول كذا..! أردفت وهي ترا عينيه الهادئة بكلمات عفوية مطلقة...\أنت أمي وابوي اخوي وبقية أهلي..أنا أشوفك كل شي...كل شي اليوم..! ...\طيب ترجفين..أنتي متوقعه اني باخذ شي انتي ماتبين تعطيني هو..؟ نوره تنظر له.! بهذا القرب الشديد ..ونبرة الصوت الرخيمة الهادئة.. يؤلمها قصة ان جمالها الشمعي يشده الان بهذا الشكل.. كان حنوناً في المستشفى...ولم تكن نظراته كـ اليوم..! يؤلمها مسألة القشور..! يؤلمها ان المسخ الموجود اليوم يجذبه كـ رجل.!. بجدية مطلقة..\نورة..لاتناظريني كذا..! همست بصوت خافت..\عادي نظراتي كيف تبيني اناظرك..! حاكم..\مدري..احس فيه شي تبين تقولينه..قولي الي بخاطرك..! أبتسامة مترددة..\مافي خاطري شي.. صمت قليلاً.. بوده لو تخـبره...مابها...لما بعد العملية أصبحت منطوية أكثر..! تبتعد عنه اكثر..! ترسم الحدود أكثر وأكثر...! وأقصد با الحدود..الروحـية..! الجسدية..لم تكن في يوم ذات اهمية بنسبة لي.!. الحاجات الجسدية..وضعها كـ تحصيل حاصل...! يريد لكليهما الاستقرار.. لآيريد ان يراها بهذا النفور والارتباك والخوف.!. ويؤلمه ان رحلتهم لتو بدأت...!! نهض فجأه...! نوره برتباك..\وش فيك..؟ حاكم بهدوء...\قومـيني بعد ثلاث ساعات عندي شغل..لو سمحتي..! نوره بـ أبتسامة وهي تمسك كتفه..\طيب نام هنا انا عندي شغل مع امي عبير تحت... . . . أروح لك عايفك من تقصيرك وظلمك وأجيك مشتاق لك رغماً على أنفي... . . . كان عقاب لتو خارج من عمله بصحبة رياش..ركبا سيارتهما.. وعندما كان يريد اغلاق الباب كان هناك من اوقف الباب بيده..! رفع نظره له...! وعلى الفور تعرف عليه...!!!! بسخرية لاذعه..\العربون حلال عليك ياعم خلها كفارة قطيعة ارحامنا كل ها السنين..! . . . نقف هنا . . . همسة محبة...\قال الرسول صلى الله عليه وسلم [من صلى الضحى اربعا وقبل الاولى اربعا بني له بيت في الجنة..] ومعنى قبل الاولى اربعا أي قبل صلاة الظهر.. . . . اللقاء يتجدد ان شاء الله يوم السبت القادم... . . . |
رد: الحظوظ العاثرة بقلمي / ضمني بين الاهداب
يااصبااح السعااده.. اقرأ ولي عوده.. اهم شي بس لقاء العم وولد اخوه جا والا للحين؟؟
************************************************************ * السلام عليكم.. مرحبااااااااااااااااااا ملااااااييين وحي الله الحااامل والمحمووول والمحمووول اليه.. هلا وغلااااا بام اليزيد.. اول شي تعالي ام اليزيد وين نجمتي على توقعي ان عقاااب مسوي الارض طعم لغتار لانه بيختبره بيكتشف انه ذكي والا بيمر عليه الموقف ويطيح بالطعم ؟؟ >>يااصباااح التشرره..هههههههههههههه هذا وانا مدري احد توقعه قبلي والا لا؟؟هخهخه عاد نجي للابداااع ام اليزيييد .. والله العظييم قريت الباارت بمنتهى الاندمااج واوول ماشفت نهاية البارت بالهمسه وانااا اشهق من الصدمه واضرب على اللاب بقوه ..اللي هو اصلاا مهوب صاحي وتوني مسويه له عمليه بالمستشفى وشاشه جديده وحروف ترقل بغيت ادمره نهائي والله..بسم الله عليه حبيبي الله يشفيه.. وش بقول وش بخلي.. اوول شي احب اعبر عن اعجابــي الشديد بووورد كفوو والله عليها.. كذا تؤخذ الدنيا غلابا.. مالها الا تسوووي كذا .. والا بتصف مع خواتها بجلسة التشكي والتحسر تنتظر دورها يجي بعد مايخلصن شكاويهن .. والله اعجبتني جدااا جداااا يوم تقول العشر الله يعين قلوبهن ..هههههههه مالها الا كذا تحارب بقوووه.. واتووقع ان ورد مابعد ورتنا شي من قوتها.. وهالقوه هذي هي اللي بتجيب راااس غيام وبيلاحظ انه بعد فتره ماطرت وهج على باله.. لانه بيصير بعد فتره يسوولف مع ورد بالاول ممكن سوالفهم طنازه ومسخره على بعض لكن بعد فتره بيلقى ان كلامهم وسالفهم خذته من وهج والتفكير بوهح .. وبدأ ينجذب لورد واسلوبها وكلامها.. بس النقطه الاساااسيه الحين صح وهج تكلمه وتتصل فيه بس هي يمكن من النوووع اللي لو ان غيام قطع علاقته فيها بتوقف اتصالات لاني اتمنى من كل قلبي انه يكون باقي لها احترام لنفسها وماعاد تتصل بغيام لو قطع العلاقه فيها وطلب منها ماتتصل ثانيه فيه.. فالكوره الحين بملعب غيام .. هو شخص متزوج ومحصن الحين وش يبي بالمكالمات وقلة الحيا هذي.. فلازم هو اللي يقطع العلاقه ويبطل يرد على اتصالات وهج واصلا المفروض يسوي حظر على رقمها.. الا لوو سوته ورد بنفسها .. مو هي تعرف للاجهزه الذكيه.. ؟؟ اذا هي اللي تسوي هالشي بنفسها.. بس تبون الصراحه ماودي هي تسوي كذا ابي غيام هو اللي يسوي كذا من نفسه .. وعشان ربي يوفقه بحياته مع ورد.. اعجبتني ورد لما باغته بسؤال اذا هو يرضى ان المهره تكلم.؟؟.. يعني سددت له رميه بمقتل .. انت تكلم بنات الناس شلون ماترضى ان عيال الناس يسوون مثل ماتسوي لبنات الناس؟؟ ورد الصراحه اني متطمنه عليها مرره مرره وعارفه انها قد الامور الصعبه وبتحلها يكفي بس تفكر بوضع خواتها مع رجاجيلهم وبتشتغل عندها الافكار الجهنميه.. واتوووقع ان موضووع خوفها من الظلام وخصووصا الكهرباء المقطوعه ماراح يكون اول واخر موقف أتوقع بيكون لها مع غيام موقف مع الكهرباء والظلام ويمكن بعد من البرق والرعد.. البلشه الحين نوووره ووضعها مع حاكم.. مرتااحين لبعض بس بنفس الوقت مستحيين من بعض او متوووترين من بعضهم.. واللي اشووفه ان نووره ذكيه بموقفها مع ام غيام كسبت حب امه وحب ابوه وحب اخته واحترام اخوانه.. والأكيد هي تبي هالشي عشان تبي تعيش بين افراد عايله تحبهم ويحبونها يعني تبني لها عايله ثانيه بعد عايلتها.. طيب تعدل علاقتها بحاكم وبيصير لها عايله خاصه فيها بس ومحد يشاركها فيها.. ليش بعلاقتها بحاكم تصير كذا؟؟؟ يعني مادري شلون تفكر ؟؟ طيب ياا النوري هذا وجهتس وخلاص ماراح يتغير وش الشي اللي تبينه من حاكم؟؟ عاشق وجهتس !! وعادي خليه يعشقه تراه ماعشق الا حلاله ..جالسه تسووين مسااائل صعبه والواقع ابسط من كذا.. هو ماكان يعرفتس قبل عشان تقولين ماحب الا وجهي الشمعي هذا؟؟ وين يعرفتس من اووول اصلا عشان يحبتس والا حتى يشوف وجهتس الاصلي؟؟؟ ويوم جيتي عنده بالبيت مهوب مثل يوم انتي بالمستشفى كم ساعه زياره وخلاص كلن يروح بحاله.. انتم الحين بمكان واحد وبغرفه وحده لابد وضعكم يتغير ويصير اكثر حميميه ..لاتصعبين الامور وتجلسين تفكرين بهالتفاهات وتخربين على روحتس اجمل ايام عمرتس بافكار مالها سنع>> والله ان كلامي لها احسن من كلام الف دكتور نفسي وعليه ابشررركم تراني انا الدكتوره النفسيه اللي بتعالج نوووره.. لاعاد احد يطري لها دكتور نفسي ..هخهخهخهخه بس انا حاسده النوري على شي واحد.يوم غتاااري يسولف عليها ويرحب فيها .. يااحظها..هخهخه غتاااار :: ابعـــــدي يالذيب والله وكشفت الملعوووب وفكك الله من الفضيحه.. بس يااعمك هذا داااهيه ياازينه زيناااه.. وترااه رااسم عليك يبيك لبنته وانت بعد اقص يدي اليمين والحقها بالشمال ان ماكنت راسم علي بنته وبنفس الوقت راسم عليه هو الثاني.. وماسالفه النفود سمية امك الا ملعووب منك على ابوك.. يااويلي منكم يا هالعايله كل شغلكم ملاعيب بملاعيب عسى الله يتمم ملعووبك ويصير الوضع كله بملعبك ..هع انت قلت لابوك عن سمية امك هذي وانت واااثق ان ابوك بيرفض واصلاا اصلااا انت بنفسك ماتبيها بس عارف ان ابوووك بيرفض وثم يعطيك العهد اللي تبيه..واتوقع ان ك ابوك بيعطيك العهد لموقف سابق صار بينكم وكنت عارف انه بيعطيك وعليه الخطوبه الجايه بتكون من عمك عقاب لفخر بنته..بس مدري ليه الحين ارجح كلام البنات ان فخر بتعرض عليك بمجلس فيه رجال وقدام ابووك.. ويمكن يبي يحرج ابوك ويشوف وش بيقول وهو متوقع الرفض منه.. لكن ابوك ماراح يقدر يقول الا تم.. وهنا عاد اللي بينفجر من الموقف فخر بتشوف ان ابوها نزل من قدرها يوم يعرضها بمجلس قدام الرجال وبتعتبر هذا اهانه لها.. وعمك بيشوف انه انتقم من ابوك يوم انه ياخذ العنود من بين يديك..بس ما اعتقد ان عقاب بيسوي ببنته هالشي وهو أصلا عارف انها ما ترضى بهالشي .. والعهد اللي اخذه من ابوه يخليني اقووول انه بيخطبها بمجلس فيه رجال وابوه معه وماراح ابوه يتكلم بسبب العهد وعمه بيوافق لانه اصلاا حاط العين عليه ويبيه لبنته .. فعقاب المااكر رااسم خطه وبينفذها غتاااار وهو يحسب انه من نفسه مسوي كذا ومايدري انه للحين بملعب عمه يلعب فيه مثل مايبي. عقاااااااب : ياااااااااااااااويلي منك ومن زينك.. ابو فااارس الله يحفظك وش هالزين وش هالحلااوه وش هالوساامه .؟؟ . اممممم تدري يوم شفتك تناظر بنفسك ومنغر بشكلك شكيت انك متزوج بس مسيااار؟؟؟؟ بس عقب قلت ما اتوقع بتزعل عمشا اللي باين ان لها قدر كبييير بقلبك .. ويمكن هي عارفه انك تتزوج مسيار بس ماهمها .. اوله لانه حلال وثااني شي لانه بالسر ومحد يدري يعني اهم شي انه مافيه شي متغير عليها بحياتها بما ان معزتك واحترامك لها ماتغير.. وبعـــدين تعال ياا شيخ تعييب على فارس وتسميه البعير باعتبار انه حاقد على وعد..ههههه هذا الشبل من ذاك الاسد من وين يعني بيجيب البعرنه وانت ابوه .. لم بااع طووويل في الحقد ياا المزيووون.. والا نسيييت وضعك مع اخوووك وزعلك منه اللي له سنوااات؟؟ وجاي تعيب على ولدك وناسي نفسك. بس يا اخي انت مملوح وكل شي يجي منك يهبل مثلك.. امممم انت يبين انك حاقد على بندر لكن الصدق يمكن هالشي تغيير الحين وخف الحقد والقهر بمروور السنين الصراحه جالسه افكر كيف صبرت هالعمر كله وان بعيد عن اخووك وعزوتك واهلك؟؟؟ يمكن انت حنيت للدفئ العائلي عشان كذا بتعيد ترتيب حياتك بمشاركه اخوك.. يعني صعبه صراحه يكون وضعك كله مع اهل زوجتك.. ويمكن بعد هالشي اللي ماخلاك تتزوج عليها خوفك انك تخسر ود اهلها.. فاارس ووعد: اجل اسمتس فلووووه..هههههه عاد الحين بتحسين ان اسمتس الحقيقي عياره كل ماناداتس فيه فارس وهذا اللي انا واثقه منه اسمتس بلسان فارس بيكون فلوه مو وعد.. بس بعدين بتصيرين تحبين الاسم منه ويمكن تزعلين لو ناداتس بوعد..ويمكن يكون فيه مشااركه من ابوه المزيووون يعني عقاااب بيك بيناديتس فلوه بعد ..هخهخهخه بس طبعاااا وضعكم كارثي الحين لكن عقب ماتكونين قدامه بالبيت ويشوف التغير اللي صرتي فيه بيقتنع في انتس تكونين زوجه له حق وحقيق.. بس بعد مااايقهرتس بكلامه عن نظرته فيتس بانتس انساانه سطحيه ومالتس هدف بالحياة..واتوقع اتوووقع انه بيكون لتس يد بالانديه الرياضيه حقته.. يعني ممكن يسوي نادي نسااائي وتكونين انتي مديره له؟؟ والله يعينتس على عمانتس اعووذ بالله منهم .. ام اليزيد عاد تدرين من انا فاااقده اليوووم؟؟ فاقده ريـــاااش وتعليقااته اللي تجنن.. ههههههههه وينه يااشيخه ؟؟ لاعاد تخلين الاجزاء بدونه.. والله من ذكره عقاب وانه كان خايف منه ومخبي عليه لان له لسان يفضحهم اني مت ضحك هذا وهو بس من فكره اجل وشلون لو انه حاضر شخصيا.؟؟؟ .لاعاااد تخلينه مخفي خليه يعلن حضوره.. ويوسع صدورنا بتواجده فضلا لا امرا.. وتسلم الاياااادي يااعسل وبانتظار البارت الجاي بكل شووق ان الله احيانا فلا تتتركين انتظارنا يطووول..وخصووصا ان القفله بلقااااء القوى العظمى والحين عاد يبدأ اللعب صح..عاااشوووو حبايبي الاثنين ..بشجعهم كلهم .. وهــ بس دمتي بود.. |
رد: الحظوظ العاثرة بقلمي / ضمني بين الاهداب
احداث قويه ورد اعلنت انه لاخيار لغيام سيبقى زوجها وستحارب المئه وليس العشر رعم انها واحده وهذا الاصعب فواحده معناته انها متربعه بقلبه وفكره ولكن ورد عم تثبت بطريقه تعاملها معه وثقتها بنفسها انها لن تستسلم وبفضل خبرتها بازواج اخواتها فهي عندها خبره وخبرتها ستساعدها بمعركتها ضد قلب غيام وحبيبته وهج واعتقد انها اذا بقت متمسكه به وتحارب تعلقه بوهج ستستطيع ان تتغلغل وتدخل لاعماقه وتزيح اي دخيل لقلبه فشخصيه ورد وثقتها بنفسها واعتزازها بعائلتها والاهم محافظتها على نفسها وعلى امانه اهلها كل هل الاشياء ستجعل كفتها تنتصر ولكنها ستجد مقاومه شرسه من غيام لانه اجبر عليها ويعتبرها سبب ابتعاده عن حبيبته \\\\\فارس كان رافض فلوه او عهد ولكن موقف تعدي عمها عليهم جعله يجلبها بعبايتها الى بيته فارس بدا انتقامه ورد لكرامته التي بعثرتها عهد التافهه التي كانت لاتهتم الا بالمظاهر والشكل وبكلام اصدقائها فلم تنتبه انها اذت روح صافيه كروح فارس الذي احب ابنه خالته واستحمل اهاناتها واعتقد انه مازال يحبها ولكن جرحه عميق وخلف شكل فارس وعضلاته مازال هناك فارس السمين الذي تفننت عهد بجرحه وجاء الوقت لرد جرحها عسى ولعل تشفى روحه ويرجع لنقاوته فعهد عرفت غلطتها ولكن بعد فوات الاوان فموت والدها كسرها واوجعها وجعلها ترى الحياه بمنظار اخر عمشه تدعمها وقررت ان تعمل لها حفله فهي لن ترضى بكسره ابنه اختها ونسيت انها نفسها من سرت ابنها وعقاب يؤيدها لانه عارف ان قلب فارس لم ينبض الا لعهد \\\\غتار ما قصده باللعبه التي لعبها على بندر بخطبه سميه امها اعتقد انها اراد العهد من والده فغتار خدع بندر بهذه الخطبه فهو اكيد لن يخطب لمجرد اسم ولكن كل هذه اللفه لان من يريدها لن يذهب والده لخطبتها ففخر عقاب سيرفضها بندر بسبب الماضي واحقاده ولكن الان بعد العهد لن يستطيع وعقاب اعتقد انه يفكر بغتار لفخر فرده على العريس انه لم يشبع من ابنته لانه في راسه عريس عارف انه الوحيد من يليق بفخره ولعبه الرض هي نوع من لفت النظر اذا وقع غتار فيها سيبحث عن من جره لها وان لم يقع سيبحث عن من اراد الايقاع به وبكلا الحالتين سيصل لعقاب وهذا مايريده وهاهو يظهر له ويحدث او احتكاك وبنفس الوقت يثبت غتار ذكائه وعدم وقوعه بفخ الارض ولكنه وقع بفخ عقاب فغتار هدف عقاب وكان يريد الطعم الذي سيجلبه له \\\\نوره وعقدتها من شكلها الجديد هي ترفض ان يكون اهتمام حاكم لشكلها رغم ان حاكم ليس كاي رجل هو انسان بتفكير عميق لايهتم بالقشور اعتقد ان نوره جذبته من ايام المستشفى بشخصيتها وبتفكيرها وبحبها لاخوها الذي يريطهم هم الاثنين والدليل انه كان يخبرها عن امور عائلته الخاصه والعامه هو يرتاح للحديث معها وهي للاسف لن تفهم عليه تلتهي بجذب امه وابيه لانها تفتقد الاسره وبالفعل باسلوبها اللطيف وتفانيها بعمل كل الاشياء التي تحبها عبير استطاعت جذبها لها وبعد ماكانت رافضه وجودها صارت تعتمد عليها باشياء كثيره وبالمستقبل سيكون اعتمادها اكبر بس ياترى هل عبير بالقوة لتعلن لاهلها ان نوره زوجه حاكم ولايمكن ان يتزوج غيرها وان ياخذ من بنات عائله امه هل ستستطيع ان تقف مع اليتيمه وتنصرها ام ستختار عائلتها ونوره لمتى ستتهرب من حاكم انا اعتقد انها يجب ان تتقرب منه اكثر فحاكم يحب نوره ولكن نوره تعتبر زواجها من حاكم تنفيذ وصيه اخوها بارت روعه والحطوظ العثره بدات بالظهور ولكن عندي امل انها ستتحسن وتصير حظوظ سعيده باذن الله
|
رد: الحظوظ العاثرة بقلمي / ضمني بين الاهداب
هلا هلا صصصصصباح الززززييييين كله
لي عوده بتعليق❤❤ |
رد: الحظوظ العاثرة بقلمي / ضمني بين الاهداب
والله ماااهو نوم ورد الكارثي
الا البارت هو الكارثي الله يسامحك على ها الصبح وش سويتي فينا ماااغير اقراا وقلبي يدق مليون وماا ابي احد من اهل بيتي لااايشوفني ولا يقطع انسجااامي يااارباه البارت مدري شقول غير الله يسعد قلبك لي عوده بأذن الله بتعليق |
رد: الحظوظ العاثرة بقلمي / ضمني بين الاهداب
بِسْم الله الرحمن الرحيم 💕
السلام عليكم هلا والله ب ضم ضم والابداع اما الباررررررت خططططير اخيراً أرتحنا وعرفنا سالفة نفود اللي لنا كم اسبوع وحالتنا حاله نشيل ونحط بهالنفود 😹 طلع هالغتار يحب يلعب من تحت ل تحت وشغله كله باللعب وواضح ان كل هالسالفه عشان يأخذ هالكلمه والعهد من ابوه ثمممم الوجهه فخر فخر بنت عقاب ويعرف شلون يعلم عمه عقاب عقب قطاعة السنين ويمكن غتار هو حاس من نفسه شلون ابوه منقهر من هالقطاعه اللي بسسبب عقاب قال خل اضرب عصفورين ب حجر نصلح هالعلاقه بين العائلتين ويرتاح قلب ابوه بندر وبعد يقدر يلوي يد عمه ببنته فخر ويصير اللعب بينهم على المكشوف 🙅🏼 نجي للعم عقاب المتشبب المزيون 😝 بيرضى ب غتار هو من البدايه من زيارة بالمستشفى والعلاقه مريبه كأنه يشوف نفسه ب غتار وماراح يرفضه بيقول مب عشانك يابندر عشان غتار اثبت له انه رجال ماينلعب عليه وكفو ويستاهل 🤔 نوره وأم حاكم صراع اظن بتغلبها نوره بطيبتها ام حاكم طيبه بس مشكلتها من الحريم اللي تسسمع لكلام الناس او خواتها بالأصح ، نوره مسكينه تكسر خاطري تحاول تعوض العائله اللي فقدتها بعائلة حاكم ☹ ** وأيضاً بندر أقسم باالله ثلاثاً..ان لو يعلم انها نامة تلك اليتيمة حزينة ان يجعل كل من في البيت يحزنون..! وأني عندما قلت اذاً تسكن بعيدة عني يابندر.!.! أخبرني بندر انه يريدها معه..فـ..هو لم ينعم بحب فتاة..!!! وأني سوف أحبها..! لكني لن أغضب أخواتي وأجعل مابينا قطيعة كما بينه وبين اخيه...ابداً..! *** طيبة قلب بندر لهالحوار بس لاحظت شي كلام بندر انه لم ينعم بحب فتاة !!!! والمهر بنته وين راحت ؟؟؟ وهي اصلاً مو عايشه معهم في البيت للأن شخصية مهر مانكشفت لنا وفيها بعض الغموض !! وأمها العنود شالحال بها تزوجت المهر ساكنه معهم ولا مع أمها !! **^ غتار بدعابة..\يمه عبير جت الي ذقت قرصان ازين من قرصانك اعترفي يمه انها غلبتك بذي الشغله.. نوره بهدوء تقاطع ممازحته..\العين ماتعلى على الحاجب وأمي عبير ماهو با انا الي انافسها في طبخها الله يخليها لنا.. غرق غتار بضحكه صافية وودع ام حاكم بقبلة... غتار تصصصدقون ماتوقعت انه عنده روح المزح مادري ليه رسمت له في خيالي شخصيه حديديه 😩 غامض وقوي ولاينطق الا كلمتين باليوم 😹 ورد غيام هالبنت بطله واعلنت أعجابي بها من البارت السابق واجزم أن مو أي بنت تسوي اللي سوته ووتتحمل تعيش مع انسان قلبه مع غيرها !! ورد تجمع ألقوه والرقه اللي بنشوفه بالبارتات الجايه مع تطور الأحداث بس غيام صعب و للأن متعلق ب وهج والدليل رجع ورجع اسمها ورقمها والمصيبه أن كان ناوي يكمل علاقه معها حتى بعد زواجه !! هنا نجي لسوء وقلة مرجله بشخصيته وهذا اللي ماتوقعه ! *** يشعر بغيض انها تمشي ليس على الارض بل على رموش عينيه من ثقالة حضورها على قلبه خصوصاً بعد كلماتها الاخيره وخبثها..! ** اعوذ بالله يالتشبيه اعوذ بالله 😹😹 هين ياغيام ان ماجئ اليوم اللي ودك تحطها فيه بعيونك مب تحس كذا 😹 وهي عاد هالبنت مقروده معنى القراده بكل مكان تطيح ! حاكم ونوره مشكلة نوره الحساسيه الزايده ودائماً تتحسس من جمالها وانه مب طبيعي لو تماسكت شوي وعرفت ان هذا قضاء الله وقدره على عكس غيرها ! اللي يتفنن بعملية التجميل ولاتلقينها بكل بجاحه مستانسسسه😩💔! اما الحناء اللي نشب بشعرها مسسسسكينه تجامل ام حاكم وتورطت 😹 مثل ماقلت قبل ألطف شخصيتين بالروايه ❤ وموعودين بلطافه اكثر ******* لتسكب لعقاب القهوه.. عقاب بتهكم..\ولايزعل الرمح..غرنوقكم بناخذه اليوم والا بكره..ترا الخبل ذا يحبها ماعليك من حكيه نصاب..! عمشاء..\حب عدوك..! غرق بضحكة وتناول فنجال القهوة.. ****** كشفنا فويرس يحب عهيد بس ننتظر عليك شوي بس والله سحبته لها كذا بدون زواج قويه قويه وكسرة نفس لها !! بس تسنعك عمشاءء عند بنت اختها😹 اما القفففففففله قويه لقاء الجبابره عقاب وغتار اتوقع بيقول له العربون لك والأرض لك والمقابل أخذ بنتك وترد لي كرامتي 💃🏼💃🏼💃🏼 الله ويصير عندنا عرسسسس بالحظوظ وماهوب اي عرس غتار وفخر 💑 سلمت يمينك ام اليزيد ولاحرمنا الله من هالجمال ❤ وبانتظارك |
رد: الحظوظ العاثرة بقلمي / ضمني بين الاهداب
.........................♪♪♪ يسعد مسسآكم كلكم .. أخييييييييييراً .. وبعد تعذيب نفسي من سناب ضمضم ونوفي وصلت لكم .. متحمسة أبدأ بالرواية من أول يوم لبدايتها ‘ بس فجأه سبحاااان الله انهالت علي المشاغل بالعناد -_- !! والله يا ان شوفة توقعات البنات وتعليقاتهم بالسناب تشلع القلب ههههههههههه .. تعبت نفسياً أشوفكم تعلقون وضمضم ترد عليكم وتتناقشون وأنا مو فاهمة شيئ ! لين قررت أسوي سكيب لكل شيئ .. وغالباً ماكنت أقدر أتخطى السنابات من حماسي وأبي ألقط أي شيئ عن الرواية :lol: .. وعن خاطري شاركت معكم بتوقع اسم النيزك الفضيع ‘ اللي طلع اسمها بالأخير " ورد " !! أول شيئ سؤال مهم جداً أسعفوني باجابته لو تكرمتوا .. من هذا " رياش " ؟!! مادري هو أنا فوتت التعريف فيه ولا ايش !! عجزت استوعب من يكون !؟ هو أخ لـ عقاب وبندر !؟ ولا ايش بالضبط ! غيام ووهج ‘ رحمتهم والله .. وأكثر شيئ غبني ‘ طريقة أنو تقرر مصير غيام قدامه وماكان له حق يتكلم ويختار ! في علاقته مع وهج ماني معه ولا ضده ‘ القلوب تحكم أحياناً .. الأهم عندي أنه يكون له رأي بقصة ارتباطه بـ ورد .. وكرهت ورد لأنه انجبر عليها بس !! أما غتار !! وش هالاعجاب العظيم !! على ايش بالله معجبين فيه ! للحين مابلعته .. ماشفنا منه الا خبث وافكار مو واضحة ، وأسلوب مستفز .. مرة ماحبيت أسلوبه لا بالتعامل مع غيام ومشكلته ولا بالتعامل مع أخته المهر !! هذا أتوقع أنه بيكون على رأس البلاك ليست حقتي بالرواية !! ما أتوقع اني بهضمه !! شفت توقع وحدة من المتابعات لما قالت انه ممكن يتزوج وهج علشان يبعدها عن أخوه .. لا تكفين ضمضم بعديه عن هالشيئ :ydJ05010: ! وأصلاً حسيت من نهاية البارت الأخير أنك بتربطينه بفخر ‘ لأني متوقعة أحداثه الجاية كلها مع عقاب !! واذا تبين الجد !! حتى فخر المسكينة ما تستاهل واحد جامد وقاسي ومستفز مثله !! بيسوي لي فيها أبو العريف وشيخ القبيلة ويقول : ماعندنا بنات طبيبات يشتغلن مع رجال !!!!!!!! ويلا عاد فكك ولا تفكك مابين عقاب الفخور ببنته ‘ وبين غتار المتسلط -_- .. حاكم ياحاكم ! فديت الذرابة والاحساس بالمسؤولية اللي عنده .. وهـ بس ‘ حسيته يستاهل نورة وهي تستاهله ‘ لابقين لبعض >> الفيس الهايم .. الله يستر بس من قصة أنو امه حاطة خاطر لخواتها وتبي تزوجه من بناتهم ! متمنية بس أن عبير تلين من ناحيتها أكثر ‘ وتنتهي قصة الزواجة الثانية .. امممم آحسني تشفيت في عهد واللي جاها من عمها .. استغفر الله الشماته مو زينة هههههههههههههه .. بس برد قلبي شوي من كلامها الللي جرحت فيه فارس ‘ جد سطحيتها كانت تنرفز .. متحمسة أشوف كيف تغيرت من جد بعد اللي صار معها .. عقاب وبندر ‘ وصراع الجبابرة مدري العمالقة :confused: .. أبو العنود كان معه حق 100% لما زوجها لـ بندر ‘ طبيعي كان يبي رجال كويس لبنته .. وهالشيئ كان دفعة ايجابية لـ عقاب ‘ في أنه يتغير ويثبت لنفسه ولهم أنه يستاهل .. وهذا هو وصل للي يبيه ماشاء الله .. بس شكله على هالاعجاب الزايد في نفسه ‘ ناوي يتزوج على عمشاء :lol: .. / مادري والله مريت على كل الشخصيات والا لا !! بس حلطمة سريعه عالشخصيات والأحداث .. القهر يوم حسيت اني اندمجت ودخلت بجو الرواية والشخصيات استوعبت اني خلصت العثرة الرابعه .. تمنيت انكم واصلين اكثر من كذا ‘ علشان أقرأ أكثر ههههههههه .. أم يزيد ياقلبي ‘ مثل ماعودتينا دائماً .. على جو رواياتك الفخم والمميز بشخصيات ثرية جداً .. تسلسل رائع جداً بالأحداث .. حتى لما تسترجعين أحداث من الماضي أحس بتسلسل ومافي تشتت ماشاء الله تبارك الله .. وحبيت انتقائك للأسماء ‘ أعشششق الأسماء وأقدسها جداً أنا .. الله يعطيك العافية .. منتظرين العثرة الجاية على نــــــــــآآآر =) .. ♪♪♪......................... |
رد: الحظوظ العاثرة بقلمي / ضمني بين الاهداب
اقتباس:
موعد ثابت .. |
رد: الحظوظ العاثرة بقلمي / ضمني بين الاهداب
و خلص البارت
يا زيينه زيناااااااااااااااااااااااااااااااااااااااااااااه .. لبي بس خل نبدامن ورد .. كفوووووووووو يالذيبه ..كفوووووووووووووو حبيت خيارات غيام .. غياااااااااام .. لا تحدني اقلب عليك بوجيه عمشه ..تعدل قبل لا تعدلك ورد .. نوره .. حبابه ذي البنيه .. دبلوماسيه دبلوماسيه .تعلمون منها يالبنيات يا ما ل العافيه و نرد لهلتركيا .. الحين يا غيام اسمعني زين ورد تمشي على رموش عينيك تمشي على شعر راسك وش زييييييييييييييييييينها خفيفووووووووووووووووووووووونه ..ريشه و مالك غيرها و لو كانت بثقل الحوت .. اهجد و اقضب ارضك و احذف رقم وهج هههههههههههههههههههههه ... ربي يسعدش ورد ..اجل تسوين النوم شفتات ؟؟ هههههههههههههههههههههههههههه نروح لبيت عقاب .. عمتي عمشاء عاد وش اقول لش .. الصراحه ولدش ما شاف عمره على بنت اختش الا بنت اختش اللي بزر ..ما اقول الا نتتنا و نشوف كود اللي صار عقلها .. اممما عاد و انا اللي كنت اقول ان رياش خقاق ؟؟ لا بالله ما جابه من برا اثر ابيه العود الشايب .. اهو بعد خقاق عاد الله يكون في عون الزوجه الثانيه لعقاب .. كني اشوفها قدامي من الحين تهقون تكون وهج ؟؟ هههههههه ادري شطحت نرد\ للي يناظر روحه في المنظره ناظرتك الجنانوه يالبعيد ..هذا و انا قلت ما بسب احد و ل بدعي عليه ذي الروايه بلفيت ابا اجلس عاقله .. راجح ؟؟ منهو رويجح ذا ؟؟ لا يا ضمضم .. سوري اسفين ما عندنا بنات للعرس الحين ..خل يدور نصيبه عند غيرنا عم فلوة .. جعلك السحق و الدحق جعلك الماحق و الفشق المتلاحق جعل بعير يرفسكو يكسر عظامك يالبعيد جعل يمين فارس للجنه انه كسر يدك .. خساره ما كسر رقبتك بعد مالت ثم مالت ثم مالت بس نرد لهل تركيا كفوووووو يا ورد .. خلش كذا و يه رديتون من تركيا و علومه علوم الخير يه قرينا في السوشيل ميد\يا .. اختفاء زوجين سعوديين في ظروف غامضه في تركيا هههههههههههههههههههههههه القفله .. وش زييييييييييييييينها .. قفلة غتار مع عمه ..وه بس .. خل نرد نص بارت لفوق من ذي سمية امه اللي يبيها ؟؟ وراه علمن مهوب ذا و الذيب ما يهرول عبث و اهو خذا العهد قصد .. في الانتظار ضمضم .. و على طاري بارت السبت يقولون باكر السبت .. |
رد: الحظوظ العاثرة بقلمي / ضمني بين الاهداب
اقتباس:
هلااا وغلاااا .. توو مانورت الحتته .. ريااش ياحببيتش ده يصير صاحب عقاب من الماضي وعارف الحكاايه كلوها.. من التأتأ لسلمو عليكم.. نعممم نعممم ياختيش .. اييه الكلام اللي بتئوليه ده ياحنيييين ده كلااام ختيرر خااالص .. ماتزعلنااش منك بئه.. الشيخ غتار ده شيخ الرجاله .. ده حلااااوه الروايه وجمالها واللهي.. اصحك بئه تغلطي علييه ونئلب عليييك وئتها .. ده جنتل وافكاره شوي ئسيه بس يهتم بالمصلحة العامه.. وحتى لسانه صعب شويا بس ئلبو طييب خااالص😂😂 لااا ياحببيتش اطمني وهج مش من مستوى الشيخ غتار .. ولاااا يمكن انه يبصي عليها.. قليله الترباايه ده مستواه فخر لانها فخمه زييه.. وانا عاايزه لفخر عشان تكسر رأسه ع الغرور.. صحيح اني معجبه فييه بس ماايمنعش تجي ست تكسر رأسه المغرور.. وبعدين مين اللي ائلك ان مش حيرضى بالدكتورة.. يمكن يكون متفتح ومافيش مشكله عنده وغصبا علييه يرضى لان فخر مش حتسمحلو بالكلام الفاضي ده .. <<< خلااص تعبت من المصري 😂😂 وش فييك ع عهد لااا حررام علييك .. صح جرحته بس اللوم الاكبر ع فارس ماهو علييها.. اللي مطمني ع عهد ان وراها ظهر قوي هالرمح ماهو سامح لفويرس يلعب من ورآها 🤓<< بس الله يستر من اللي محضرته ضمضم |
اقتباس:
تستاهلين نجوم وتااج بعد يا الزوري 😉 انا جا في بالي توقع والله يستر من ضمضم وعلومها لاترسل بندر لأهل نفود ويخطبها لغتار يسترضيه في ذا الخطبه ويحاول يسوي لغتار الي عجز يسويه لعقاب يوم عمه اصر يزوجه ولا يزوج عقاب وافق عمه وازعل اخوه ..، |
اقتباس:
والله اتمنى البنات ينسخون ردودهم بسناب للمنتدى جدااا المناقشات رائعه بسناب ام نواف وام اليزيد الي ما اضافهن فقد نص متعة الرواية رياش الي تسألين عنه اتوقع ان له تجاره مشارك فيها الشيخ عقاب لذلك غالبية وقته معاه او هم الاثنين بنفس المجال شغلهم الا اذا عند الكاتبة تفسير اخر لرياش |
رد: الحظوظ العاثرة بقلمي / ضمني بين الاهداب
بنات الحين ما كأن ضمضم بأول فصل أوضحت علاقة رياش بعقاب ؟
رياش كان يجادله بشأن مشروع ما لما تشاجر مع بندر ويقوله انهم كذا حطو راس مالهم كله بالمشروع .. فهم شركاء عمل اكيد ما اظن رياش كان صديق او شريك لعقاب قبل ما القطيعة لانه طلبه ولو مزاحا في نفس الموقف اللي فوق يتسلف من بندر فلو هو يعرفه قبل ما اظن يقول شط نفس كذا يعني الرجال مستفز بس مش لذا الدرجة 😹😹 وكمات رد عقاب عليه ما كان مهاجم او معاتب لذا الدرجة وقتها |
رد: الحظوظ العاثرة بقلمي / ضمني بين الاهداب
الا صح بعد شريك وصديق .. اصلا لو ماهو صديقة ماكان استحمله عقاب ع ثقلة الدم و24 ساعه في وجهه🙂 وهو يعرف بالقصه لان قد دقه كم مرا .. وتمسخر ع طعنات القفا و ان عنيد راحت عليه .. |
رد: الحظوظ العاثرة بقلمي / ضمني بين الاهداب
اقتباس:
.........................♪♪♪ هههههههههههههههههههههههههه يختي انعوج لساني معك بالمصري .. بديت أكتب تعليق عليك بكلمة " يختشي " ههههههههههه .. عاد اللهجة المصرية عشق ‘ مانستغني عن الحبايب .. ايوووة المهم كنت بعلق عليك .. انا مثلك اتمنى مايعود لوهج وجود بحياة شخصياتنا .. ممكن تضل شويتين بحياة غيام بس لين يتأقلم على فكرة انها مو له .. الأهم مابيها تدخل حياة أي بطل ثاني لا غتار ولاغيره .. علشان مايتكرر سيناريو العنود -_- .. عهد مافيني عليها شيئ ههههههههه .. بالعكس مكسور خاطري على وضعها كيف تغير فجأه ‘ ومقهورة من أعمامها .. بس ماحب الشخصيات اللي ترمي بكلامها بدون ماتحاسب ‘ ايش ماكان الكلام .. واذا رمت بكلام مثل السم او جرحت ‘ عليها تتحمل نتيجة كلامها تماماً .. وشيخ الشباب غتاروه هذا ‘ شيخ على نفسه بس ههههههههههههههههههههه .. >> ناوية على نفسي .. أتمنى يتغير رأيي عنه في العثرات الجاية =) .. ♪♪♪......................... اقتباس:
.........................♪♪♪ ياعمري الله يحييك أم الوليد ة_ة .. ايووة أتفق معك وجداً بعد في قصة التعليقات اللي بسناب .. في تعليقات مرة أعجبتني شفتها أمس ‘ من ضمنها " عبق الرياحين " .. وحششششتيني عبوقة ‘ تعالي طلي علينا هنا .. التعليقات والله مفروض تضل هنا وماتروح ‘ بالسناب ماراح تضل .. وبصراحة كانت متعة لي أقرا تعليقاتكم بعد كل بارت ‘ حبيت أخذ فكرة عن التوقعات والأراء والأحزاب :lol: .. ♪♪♪......................... اقتباس:
.........................♪♪♪ أتفق معك >> فيس المليون أوكي .. ♪♪♪......................... |
رد: الحظوظ العاثرة بقلمي / ضمني بين الاهداب
😭😭😭😭😭😭😭😭😭😭😭😭😭😭😭😭😭😭😭😭😭😭😭😭
كتبت رد وش طوله و طااااااااار المهم مالكم بالطويله اهم شي ان غتار بيخطب فخر وبيذكر ابوه بالعهد الي خذه عليه هذا المفيد >>فيس ضاق صدره على رده ههههههههه |
رد: الحظوظ العاثرة بقلمي / ضمني بين الاهداب
السلام عليكم ورحمه الله وبركاته .
مجموعة من الأخوات يتوقعن أن البدر بيعارض غتار في حال طلب الزواج من الفخر وأنا اخالف الرأي هذا بالعكس بيفرح لأنه سعى لإرضاء أخوه عقاب بطلاقة للعنود ولكن الأمر تم على ما هو عليه ، رفضه بيكون في حال تأكد أن زواج غتار بالفخر هدفه الانتقام من عمه في بنته وهي الغالية على قلب أبوها، عندها بيعارض هذا الزواج ولكن ما بيقدر لانه وعده بتزويجه بمن يريد . ورد شخصية عجيبة نادرة في هالزمن عندها قدرة تحمل رهيبة وحسن تصرف وبروود تجعل من غيام في حالة صدمة من تعاملها معاه ومع الوقت بتجذبه قوة شخصيتها وبيعرف أن وهج اعجاب مراهقة وليس بحب (( مشاكل أخوات ورد ومحاولتها مساعدتهن كان لها فائدة تعلمت منها حسن التصرف في أول مشكلة في حياتها الزوجية )) . وشكراً |
رد: الحظوظ العاثرة بقلمي / ضمني بين الاهداب
.
وأخييييييرا قريت البارتين بصراحة اندمجت مرة معاهم ومالقيت نفسي غير بالقفلة:( .. ورد ياشيخة كفوووو يابنت حبيتك بالمرة وأبد خذي راحتك وجنني هالغيام<<فيس مستانس عليه ههههه فارس ياخي خلااااااص هي غلطت بس أنت زودتها! ياهوه الماضي راح والناس تغيرت خلاص! بعدين احمد ربك إن عهد كانت هي الدافع لك بالتغيير ولا كان ضليت دب على حالك! غتار ماتوقعت بصراحة إنه بيطيح كذا! بس كويس لحق ولا خسر الخسارة الكبيرة! يلا نشوف شو راح يسوي بعمه! والقفلة الأليمة بينهم بآخر البارت. بعدين تعال ي غتار الحين من جده ذا يتكلم؟! أجل يبي يتزوج سمية أمه ولقاها بسوق تبيع مع أمها وفجأة من الباب للطاقة تبيها! ياهوووووه ارحمنا بأه والله بديت تخربط ياخي!هههههه نوره وحاكم ودي يندمجون أكثر وخلاص يكسروا كل الحواجز اللي بينهم! نورة ذكية ذكية وقدرت تجذب عمتها عبير لها بتعاملها ولطافتها حبيتها من قلب من كمان! العقل عندي افتر هههه .. أم اليزيد الله يعطيك العافية وبإنتظارك السبت الجاي بكل شوق :) |
رد: الحظوظ العاثرة بقلمي / ضمني بين الاهداب
ايه صح نسيت ارحب بحنوووو
اسفرت وانورت واستهلت وامطرت الله يحييك فرحت بشوفتك والله والله يجزاء ام اليزيد خير الي جمعتنا بحبايبنا.. ❤❤❤❤❤ |
رد: الحظوظ العاثرة بقلمي / ضمني بين الاهداب
البندر يعارض غتار ؟؟
ابد الساعه المباركه لا جا غتار و قال لابيه ابا بنت عمي خصوصا انه للحين ضلعه مكسور بسبة عقيبان بس ضمضم الله يهداها ما تبا فخر لغتار يا وييل قلبي ويلااااه كانها صدق بتخلي رياش الخقاق ابو كرش ياخذ التوته الكتكوته فخر يختي ما بلعته ..ما جرعته ما جاز لي ابد ذا الرياش خل يولي اهو و خقته مالت ثم مالت الفقره حقت السناب اذا صدق هذا غتار لبي قلبه و عيونه .. معناها بيروح المستشفى يزور احد و يلمح بنية عمه اقول ضمضم .. الحين غتار ما يقدر يحير على رياش ؟؟ و لا عقيبان اهو بيكون راس البلا و سوسته من الحين احاتي قفلة السبت كانها بتكون ردة غتار في خطبته لفخر |
رد: الحظوظ العاثرة بقلمي / ضمني بين الاهداب
يسعد صباحكـم جميع (:
وأخيرا خلصت البارتات الاربعه ووصلت لكـم ، وأنا أقرأهـا حسيت بشـوق لثرثره بشكـل والله على أيام الثرثره ان شالله تنعاد بالحظوظ :P ونقول بسم الله نفتتح تحليل الشخصيات : ... واولهـم غتار تصدقيـن ذكرني بحاتم " :lol: " جد والله حيــل يشبه لـه بس الفرق غتار غامض حيـل ومايندرى وش يخبي لنـا مع الايام وعلى الطاري للحيـن قلبي مو متطمن لهالحادث أحس لـه تأثيـر باحداث الروايه ، والله العالم فيـه سر بحياة غتار من قبل الحادث ،قريت انه فقـد الذاكره ،طيب شلون تذكر هلـه!! معقوله رجعت له الذاكره بشكل كلي ولا باقي فيه اشياء ناسيها !! ولو اني مااتوقع انه فاقد الذاكره للحين.... بس ينخاف منـه هالغتار غموضه ينرفزني احاول امسك عليه شي بس مو قادره حتى بسالفة الخطبه الغريبـه واللي اتوقع انها وهميـه منـه عشان ياخذ الوعد من ابوه مايرفض اذا طلب منه يروح معاه يخطب فخـر ... عاد شلون بيأخذ فخـر !! اكيـد عمـه لما يقابله بيندهش من ذكائه وخبثه وبيحاول يستدرجه لصفـه واول شي يخطر بباله يزوجه بنته عشان يكون قدام عينـه ويظن انه كذا يكسر اخـوه، وبالنسبـه لعقاب وبندر .. محـد كاسر خاطري كثر العنود اللي ظلمها بندر بطلاقه لها بعد سنه ونص مدري شلون اتخذ قرار مثل هذا وش ذنبها يعني مافكر ببنته ، واللي للحيـن ماوضحت لنـا شخصيتها وانا كتحليل بسيط اتوقـع بتكون فرفوشـه عكس فخـر وللحيـن هالثنتيـن ماتعمقنا فيهم ننتظرك ام اليزيـد حيلــك فيهـم " :lol: " ولو اني اتوقع بالجاي ظهور شخصيـه رجاليـه مخصوص للمهر بنيتنا واي بعد انتظـر ظهور العنـود كاسره خاطري حيــل بعد سواة بندر نجـي لغـيام ...من الحيـن اقولك مستحيل غيام ينسى وهج والاكيد وهج مستحيل تتنازل عنه لورد وبتقوم حرب داحس والغبرا بينهم وبين ورد واللي بالنهايه بتنتصر هي بذكائها وصبرها واحساسي يقول غتار بيوقف مع ورد وبيسنعون هالاثنين ..."وحنا معاها قلباً وقالباً:dancingmonkeyff8: ريااااش .... حبـيتـه صراحـه وحبيـت ظهوره المرح بس ياليــت مايخيب ظنوني فيـه ويقلـب على حقيقتـه بالنهايه وبيني وبينك عتبانه عليه حبتين بدال مايصلح بين الاخوان اشوفـه يحرض عقاب ويذكره دوم بسبب القطاعه وهذا شي يخوفني واللهـي :confused: تذكرت ولد ابو رياش مو مدير فخـر بالمستشفى !! ياخوفي يكون اقشر ويحط عينـه عليها ، ويطب عليهم غتار بالمستشفى ويشوفها معاه ويفهم غلط .... اقتباس:
حبيـت الاسم عشان كذا وقفت عنده وكذا تمنيت لو تكون فعلا لها ظهور وتكون الساعد الايمن لورد بحربها مع وهج او تخيلوا تكون النيزك الثاني لغتار " امزح لحد يركز :peace:" اخيراً تسلـم هالانامـل والله يعطيك العافيه ... بأنتظارك دوم |
رد: الحظوظ العاثرة بقلمي / ضمني بين الاهداب
يا مسا النور و السرور .. بارت يجنن يجنن ياضمضم والله كل بارت يقول الزود عندي اسم الله عليك💕 بس ياااربي ع القفله جالسه افكر لو نفوود ولا هاللقاء اهوون<< فييس الطمع .. ليتنا ع نفوود كنّا سالمين🙊 بس يلا هالأسبوع انكشفت سالفه نفوود والله يعجل بالسبت اللي مطول علينا ونشوف هاللقاء.. عاد ضمضم معليش بنبدأ لك بطنّه جديده .. ماودي أضيق صدرك واقولك من اللحين اني شلة هم البارتات القصيره😔 بعددين يابنات ماهو مااخذها مااااهو مااخذها مااااهو ماخذها رياش ان شاء الله يعني.. من جدكم رياش هالشاايب ياخذ الزين كله.. خلاص قفلوا هالسالفه الله لايعيدها🤐 ورد رهيييبه والله ..كمييه استفزاز لغيام هبلت به😂 .. والله خفت قلت بس بيصفقها .جابتها ع بلاااطه راعي خبال وبنات😂 والله لو انهم عشره اهون وقتها نعرف انه لعاب وقلبه ماهو يم احد ..البلى بهالوحده اللي قلبه طااير فيهاا.. غيام هذي مشكله من دق باب الناس بيندق بابه.. عشان كذا حييله حاطه بهالورد مشدد عليها بِسْم الله عليه. ووهيج عادي اللي تسويه حلال.. بس ذبت ورد 😂😂😂 ماخلتها بنفسها .. ماادري اذا بتقدر تصبر لنهايه لان هالشي مرهق نفسياً..خاصه لو مالقت اي استجابه منه وع مواله القديم.. يااا انها ثقييله ع غيام اجل تمشي ع رموشه😂وهي ولا همها.. يقهر غيام يعني رجع الاسم بالاخير مااش لسى ماتأدب*🙄 بعددين خيير ياغيام اذا هي ماتستحي انت والسحليه اللي تكلمها وش تصييرون.. اقتباس:
يعني خايف ع مشاعرها وهالضعييفه بغيت تكسر يدها.. ورد صار عندها خير بالعطية كنت احسبها ماتدري..زين ماسوت سالفه عليها .. غتار في علاامه استفهام كبيره عنده.. هل هو فعلا محتاج سالفه نفود عشان يضغط ع ابوه بشي ثاني..انا اشوف بندر ضعيف قدام حبه لغتار.. لو غتار بيضغط عليه حبتين بيوافق ع اللي يبيه من غير سالفه هالنفود.. لان حتى سالفه نفود ممكن يمشيها له لو انه شافها ومهتويها..وحس انها فعلا رغبته .. الظاهر غتار يخطط ع شي اكبر بكثيير عشان يساومه بنفود..السالفه فيها غموض.. لو قلنا عشان ياخذ فخر..بندر اتوقع بيرحب في الفكره اصلا انه يبي بنت عمه بغض النظر عن اللي بينهم ويمكن يحس ان هالزواج بداية الصلح..بس بيشيل هم اخوه كيف يقتنع..بس هل غتار عارف انه عقاب مارح يوافق وبيطلب شي كبير من بندر..وقتها بندر ممكن مايوافق عشان كذا اخذ عليه العهد..🤔 او غتار ناوي يسوي لفه لعقاب وياخذ فخر ويخلي ابوه يسكت ومايعترض ع طريقته.. بندر مارح يعترض ع الزواج يمكن يعترض ع الطريقه اذا غتار جاابها بطريقه ملتوية..بس عقاب هو اللي بيلعب بغتار مارح يسمحه.. اقتباس:
غتار بهالبارت حسّيت انه طيب بس لا احد يدعس له ع طرف..عجبني وهو يتعزو بأمه..عاش مع امه الين كم يعني يذكرها..يذكر تفاصيلها؟ سالفه نفود صاارت طقطقه عشان تصير كررت ضد ابوه اصلا ماكنت مصدقه سالفه الاسم ع طول وافق عليها.. بس النفود شخصييه حقيقه موجوده يعني..لان بندر بحث عنها...بس معقوله بهالبساطه تقابل معها ع طول ..! اييه ياعقاب حط بنتك ع قلبك الين مايجيها الشيخ غتار..وهو شكله يبيها لغتار بس عاد مايدري وشلون.. المهم انه يذلهم شوي ويطلع حرته من بندر..لانه مارح يرتاح ويسامحه الين مايرد له حركته.. شوفي ضمضم احنا علينا انهم يتزوجون عااد انتي عليك الطريقه الغير متوقعه😂مانحب نتوقع كل شي نعطيك فرصه اللامتوقع🤓 الرمح نجمه هالبارت والله😋..يازينها بررد قلبي بفويرس ..مافي الا قووة جلد..اجل يوم زان شكلك😂فويرس وش عنده ماينسى...عاد والله عجبتني نكتت ابوه شل حديد ضحكت عليها : ) والله صاير خبيث وش جاب ع باله فلوه ..هي اكيد ماغيرت اسمها الا انها كارهته.. حتى استفزازه لها اللحين بيصير ع شكله وكيف صار له كومة معجبات .. وحركة انه ياخذها كذا هذي اكبر مذله لها خلصنا عاد ماتسوى عليها هالكلمة اللي قالتها.. ويستاهل العضه عساها بس اخترقت هالعضلاات..بس احسه كذا مبسوط من جوا قلبه انه جابها عنده بس طبعا مايبي يبين🤓 عهد شخصيتها قويه بالرغم اللي صار له..البلشه بهالاعمام اللي يفشلوون عمى بعينهم .. اهم شي لااا تضعف لفارس ولاتبين لها انه متفصل عليها وجابها..ورآها ظهر بيسنع فويرس عقاب اللي يتأمل نفسه...ابدا نفس تأملات غتار ماهي بعيده عنه .. ياربي ع الغزل اللطيف وسط هالمعمعه..والله عقاب جنتل ع هالرزه والثقل.. و أشوا ان رياش فارقنا هالبارت ولا كان ماشفنا هالرومنسيه..ليت يتعلم من عقاب .. حتى عمشا تجنن زي ان عقاب مااخذ العنود ولا مااكان شفنا هالرمح😉 صدق تجنن وأوسع صدر من ام حاكم هاللي تجيب الغلقه.. عشان كذا بنيدر دايما نفسيته ضاايقه وبيته بعد يجيب الضيق😂..عكس عقاب رايق ويتغزل بمرته وجلستهم وش حلوها.. بس العنود للحين بقلبه ولا طوتها عمشا..يوم عارف ان فارس نصاب وللحين يحبها يكون هو بعد😔 وبعدين عقاب لو سمحت غتار عااد ماهو احمق..ان كان فيه حماقه فهي منك .. ولا هو ابعد مايكون عن ابوه.. اقتباس:
بندر ظالم و مايشوف نفسه الا مظلوم.. جا في بالي لو النفود عايشه وقتها..يمكن وقفت في وجهه ولا رضت انه يتزوج العنود عشان اخوه عقاب.. لانها بتدري انه بتصير القطاعه..ولاني احس قرارته كلها ماهي مضبوطة بعد النفود انا من اول قااهرني ع بنته كيف تاركها تعيش مع زوج امها..وبنته يمكن علاقتها ماهي مرا معه حاسه انه مرخص فيها.. وفي امها يوم طلقها ..يلا استلم هذي تبعات ظلمك لهم .. لاتجي وتقول جملتك السامجه حتى لو انه عازها ومكرمها وماهو مقصر عليها من الناحيه المادي..بس كون انها تصير كفارة ذنبه للعنود هذا اللي يقهر.. المهر قلتي ياضمضم قصتها غير متوقعه..جا بالي يمكن العنود تكون زوجة ثانيه او متزوجه واحد عنده عيال .. والمهر تكون قصتها مع واحد منهم ..بس ترا يقهر اكثر لو زوج امها عنده عيال شباب وعايشة عندهم وقته بندر يكون استخف رسمي.. اذا بندر رضى عياله وشلون رضوا.. اقتباس:
ام حاكم اللي تسويه لها نورة بيثمر معها ولا للحين متعنفقه.. بس هنا وش قصدها بتتم اللي يبونه خواتها عشان مااتزعلهم يعني ؟ حتى بعد حلوف بندر نورة يبغالها علاج نفسي عشان تتقبل شكلها وحياتهم مع حاكم.. صايره معلقه امالها ع امه بس.. بعدين شكلها هل فعلا فرق عن قبل ،، الله الله اخر مقطع اخير صار اللقاء 😍😍 أهم شي خلي رياش يتووووكل ع الله مو اللحين يينااط لنا هو وهاللسان🌚 تسلم الايادي ياضمضم والله يسعد قلبك زي ماتسعدينا بهالجمال .. الله لايحرمنا منك ولا من هالجمال ..❤ |
رد: الحظوظ العاثرة بقلمي / ضمني بين الاهداب
صباحكم سعادة جميلات ليلاس
دودي وبس ياااصبااح الردود الجميله انا ماني معك ان بندر بيوافق على طول لو عرض عليه غتار فكرة الخطبه عقاب محد عاارفه زي بندر والدليل ان بندر تجنب عقاب وكل طريق يوصل لعقاب انه عارف ردت فعله وان عناد عقاب مثل الي يناطح جبل وغتار مكار امكر من عمهم اخذ العهد من ابوه انه بيوافق على اي وحده غير نفود اكييد لها ابعاد غير سالفة انه حاط براسه فخر او شخصيه جديده غيرها مابعد طلعت معانا😉 عهد فارس كره فيها السطحيه وماخذ فكره انها مااراح تتغير والدليل اسمها ماااتبي طاري له هي غيرت وانتم مجبورين تتقبلون التغير وفارس اتوقع بيجرحها كثير بها السالفه انا عندك زي اسم يوم ماعجبك غيرتيه ما خذتي با الاعتبار انه اسم جدتك اهم شي نفسك وضعك بين صديقاتك |
رد: الحظوظ العاثرة بقلمي / ضمني بين الاهداب
اقتباس:
يسعد مساءك ام الوليد .. انا اشوف لو بندر عنده نيه صلح حقيقية.. مارح يعارض الزواج حتى لو عارف انه عقاب مارح يرضى .. مارح يقطع خيط ممكن يرجعهم لبعض.. يحاول ليش يقول لا ويرفض ..اذا هو حاول السنين كلها معه يمكن هالزواج يرجعهم .. وبعدين الى متى هالحال .. جيل كامل من عيالهم طلع وهم بهالقاطعة.. بندر لازم يستوعب انه قهره .. وقهره قهراً شييين.. كأنها سكين .. وبندر هو اللي سل هالسكين سل ع رقبة عقاب .. لا يجي يتعذر ان عقاب صعب ولا انه يتجنبه ويتركه.. اذا هو عارف طبع اخوه .. كان ماتمم الزواج من الأساس .. وش الفايده ان كلمته قدام الناس تمت وهو خسر اخوه .. لمن افكر بتفاصيل ليله الزواج .. وشلون مرت ع عقاب وشلون احترق قلبه وقتها.. وبندر وشلون قدر يطالع بالعنود وهي في نفس اخوه .. انا اتوقع الجرح اللي وصله من بندر اكبر من انه يبلعه..خلاه ينسحب ويتركه.. ولا يجلس يناطحه بالعنود ..لان المساله ماصارت مسأله العنود.. صارت كيف انه بندر هو اللي حرق قلبه وهو عاارف.. لو انه ماكان عارف اللي بقلبه كان له العذر.. بس بندر ماله اي عذر.. يمكن اللي بقلبه للعنود برد و حرته من بندر هي اللي غطت عليها.. وبعدين اذا مجنون يحكي عاقل يسمع .. زي ماقدر بندر يسوي سواته.. يستحمل جنون اخوه ويحاول فيه الين مايرضى عليه.. غتار نسخه محدثه عن عمه.. ابدا مااحد بيفهمه الا عقاب .. شخصيه جديدة لاااا تكفين 😟 ماناا ناقصين كفاايه علينا هالنفوود🤕.. عااد يارب تعرس بسررعه ولا يلحق عليها غتار 😂 فارس ماني قاادره اتعاطف معه لو عهد ماتغيرت كان قلت ممكن معه حق .. بس البنت تغيرت .. بيجلس يجرح فيها بطالعه والنازله اخذ حقه بزياااده.. بعدين مو عشانها مارجعت اسمها يعني انها ماتغيرت ..وهو كان متقبل اسم عهد هالنصاااب.. بس عشانه زعلان قلب.. اعوذ بالله من هالرجال ماينسوون ابدا واذا زعلوا جابوا الأولي والتالي😑 |
رد: الحظوظ العاثرة بقلمي / ضمني بين الاهداب
بسم الله الرحمن الرحيم
. . . عثرة خامسة . . . مدخل . . . ما هو صحيح القلب للقلب شاهد لو هو صحيح أصبحت مفتون فيني بيني وبينك حب من قلب واحد ليته يجيك من الهوى ما يجيني وليتك تعرف الشوق لي صار واجد وليتك تعرف أوجاع كثر الحنينِ ما قد شكيت الحر والجو بارد ولا سهرت بليل طول السنينِ ولا مشيت العمر والحظ قاعد ولا تحديت الألم والونينِ أضحك وأنا لجروح الأحباب جاحد أداري المكنون عن كل عينِ ما ودي أفرّح على القلب حاسد وإلا عذابي في عيوني يبينِ شيٍ يهون وشي بالحيل كايد يا كود تجريح الخفوق الحزينِ من عانده وقته وقلبه يعاند مالت به الدنيا يسار ويمينِ غرّتني أمثال العرب بالشواهد يبيك قلبي وأحسب إنك تبيني بداية.. صبحهم وربحهم يارب ... الاحداث في العثرات ان حنا نلقي الضوء على بطلين او اربع ابطال في العثرة الواحدة عشان مساحة تكون مشبعة وجميلة.. ونتسلسل في كل عثرة...فـ مو تقولون ضمضم البطل الفلاني اليوم مو في البارت وينه..., سنابيomalyzad سناب نوف بنت نايف لنقاش n-umuawaf5555 . . . لاتليهكم الرواية عن الصلاة في وقتها... . . . نظر له بتفحص من ثم ارتسمت على شفتيه ابتسامة هازئة...\لا ذيب ما خليت الذيابه تآكلك.! بـذات السخرية..\ تربية اخوك..! باستهزاء..\الي خيـره كله من مره..! غتار بـخبث..\بس يظل احسن من الي ترك اخوه عشان مره..! ومباشرة من دون لف او دوران همس بثقه عالية..\وش المطلوب ذلحين ..يعني تبي تقول لي انا بكل ثقلي الحين بـطرف الثانـي..! عقاب بـخبث خالص..\ غتار..انت واجد نافخ عمرك انت ربع ثقلـي ينهيك انت وابوك بعد..! أبتسم بخبث...\ياعمي الغالي حنا اثنين مثل ماا تقول وانت واحد والناس دايم يستضعفون الوحيد..! صرح مباشرة..\اتـرك ناصر الرماح ..! بعدم مبالة..\افا ياعمي مستكثر علي اشكره بنفسي...! عقاب ساخر..\عشان امك نفود بقولك نصيحة وانا معروف عني ما نصح احد حط لك عيون في الظهر من اليوم احسن لك...! ..\ما شاء الله ورنـي خشتك...رجالن زين ذا ولد بندر اجل..! من ثم اردف بحماس \رجال مزيون ولد اخوك ياعقاب وش رايك نزوجه بنتي مليحة ونطيب الخواطر صح ياعقاب..! القى غتار نظره لشخص الجالس بجوار عمه...تفحص نظارته الغليظة وسبحته الملونة وذاك الكرش الممتد امامه.. كان شفتيه مائلة بسخرية..\ذا خويك..طبيعي الي يخلي اخوه يكون خوياه بذا الشكل..! رياش بخبث..\ماعليك خويه يبديه على عمره ماهوب يبدي عليه مره ..اقولك تغدا معنا هنيا مطعم عراقي زين كود تصلح لبنتي وانا ابوك ويغدي سمننا في دقيقنا..!!! غرق بضحكه ساخرة خبيثة..\ انا والله رجال مولع بزين واتبع الزين لو هو بقندهار وبنتك ماظنتي وانت ابوها كانها مثل خشتك يجيب الله مطر وانا اذا بغيت العرس ماني مبعد حولك وحواليك باخذ بنت عمي عقاب عرفت انها دكتوره..!! شعر عقاب بـ سهم اخترق قلبه من قوسه الخبيث.. تدخل رياش بسرعة..\أأأيه هقواتك بعيدة خشيف الريم ما أنت بحولها لوتصب شوارع الرياض بدال الزفلت ذهب يامسيكين..! كان بمقابل غتار يبتسم بخبث وهو يغلق باب عمه ويضع اصبعيه على نصف جبينه وهو يشير له بـ التوديع ..!! التفت عقاب لـرياش بصدمة...! ليهمس رياش..\ وش عرفه ببنتك..ذا ثعلب انتبه منه ماهوب على عمره..! حك ذقنه عقاب وهو يعاود التماسك فا الامور في حضور حبيبته فخر تتبعثر..! شده هاتفه لـيبحث عن رقم فخر.. همس رياش بحزم...\وش بتكلم بنتك وش بتقول...اسكت ذا يهوش ووصل للي يبي اقلق مخك على بنتك في دقيقة... نظر لرحيل غتار ومشيته التي تمتلئ فخامة لا ضعف ظلت عينيه عالقة به وهو يتوارى بعد ركوب سيارته .. رياش بتعجب..\ياسبحان الله ياعقاب والله ها الولد ماخلى شي منك اول مره اشوفه وجه لوجه عقاب ببرود..\غتار ماشوفه يشبهني..يمكن ماخذ الماح جده ابو نفود..! رياش..\سبحان من يحيي العظام وهي رميم والله ماهقيت ذاك الوجه الي شفناه با المستشفى عودة له الحياة مع الحيين ثم اردف رياش..\الحين ام غتار لكم قرابة فيها.. عقاب..\اي نفود تقرب لنا كلنا تصير بنت خال امي الله يرحمهم ويبيحهم كلهم ماعليهم الاهي وعليه خير وحلال جاء من حظ بنيدر ونفود جعلها با الجنة اعرس عليها بندر وانا وقتها صغير وحالنا ماهو بذاك الزود مثل اغلب الناس من ثم اردف..\ وقتها نفود مااقولك تعاملني كني اخوها والله كني ولدها وان بندر وامي يقسون علي جعل امي في الجنه وام غتار تزعل من زعلي وتقول عقاب مامثله والايام بتثبت لكم ان يطلع رجال علمه يهز المجالس من ثم عقاب برهافة..\ونفود من يوم حملت بغتار وهي مريضه بندر وجهاً اقشر عليها مدري وش جاها عين والا مرض ماانعرف له علاج وقتها لين توفت وغتار توه صغير وابوها وقتها عنده تجاره وفاتح ربي عليه ومبارك بماله زي ماتقول ماكل السوق اكل وتوفى وهو حاج مع ام نفود عقب عرسهم ماقولك انه وجه اقشر عليهم ومن عقبه مسك حلالها بنيدر وماكان لهم قرابة الا امي..., رياش..\ماكل السوق بعد الله يرحمه اجل كدينا خير والله انت وولد اخوك على خالك مدري عمك عقاب ومن زين الحظ سميه بعد ياعزتي لتجار تضربونهم اشوا اني خويك ومشاركك والا نتفت ريشي.. ابتسم عقاب وبهدوء..\انت خوي روح .. رياش بخبث ..\دامني خوي روح مثل ماتقول ماتزوجني الحب الشريهاني ياخوك اذكرها وهي صغيره فيها لمحات من شريهان...! عقاب بضحك..\وانت أي وحدة فيها مواري زين قلت تشبه شريهان...بنـيتي بعيدة عن شواربك ياابو ممدوح..! رياش ضحك من ثم بتفكير..\طيب الحين القرد ذا وش بتسوي معه والله ماتصك باب الا يطلع لك من باب اعرف القرود الي مثله.. نظر له بنصف نظرة..وعدل ساعته الانيقة..\انا من فترة بسيطة داز لي واحد ذكي عندهم ويجيب لي اخبار شغلهم وكنت حاطه بس عشان اذا طرى لي اقرصهم . من ثم اردف وهو ينسف شماغه لجهة الاخرى..\وقال لي انهم مستوردين اثاث وبيكون موضة جديدة في المملكه عملي جداً وقيمته حلوه بنسبة لجودته..وبيصير الهبه الجديده لـلي توهم متزوجين او العائلة الصغيره..لاملوى مخازنهم فيه وسكرو باب مخزنهم فيش كهرب التمس وقضاء وقدر ..! رياش يضحك بقوه\ماعليه قل كسور ترفق فيه ياخويي...!! من ثم اردف بلوم..\ويومك تخطط لحالك وتدبر من راسك ذا الكله متى دزيت ها الرجال ومتى جاك حكيهم انا ماهو خويك الي روحك وروحه وحده..!! عقاب يبتسم..\طبوعك الشينة يارياش واجده وسوالفك واجده خوفي تزحلقك بكلمة تنكبني فيها فا اخش عنك الي مابيه يطلع واعرفك منت بزعول ...! رياش يضرب كتف عقاب..\ايه والله هذا عيبي قلبي شاش ولاني بزعول..! . . . قبلها بثلاث ساعات...! حاكم في مكتبه بــستغراب من تواجد غتار... غتار..\يعني وش ماتبي تشوفنـي..! حاكم بستغراب..\لا بس استغربت..وبعدين نظرك سته على سته تقول ابي تشطيب...تستهبل..! غتار بـ أبتسامه...\زين احسبها نقصت صار يروا لي شي شككني في عيوني.. جلـس بمقابله وبستفهام..\ وش ..مافهمت عليك..! غتار بمكر..\لاماعليك لاتدقق..اقول حاكم..! حاكم ..\سم..! غتار بخبث خالص..\بقسم جراحة الاطفال لقيت وحده اسمها فخر.لاتكون بنت عمنا الي سولفت لابوي عنها ذاك اليوم..! حاكم التقط غاية ماجعل غتار يأتي لأجلها ليردف بـتهرب..\مدري...الكادر الطبي وش كثرهم وش يعرفنـي هي فخر بنت عمي او لا؟؟ غتار با ابتسامه..\الله أكبر اكيد انها هي يعني في خبل مثل عمك شايف عمره بيسمي فخر بنته مافيه الاهو..! حاكم بقتضاب..\مدري..! غتار بخبث\يعني انا ادري وانت يا الي تداوم يومياً ماتدري.. حاكم بحزم ..\بس مابي ادري..! غتار بـمكر..\يعني تدري وتبي توهني...! من ثم اردف..\ماشاء الله بنت عمنا دكتوره أد الدنيا...!!! حاكم ..\ماشاء الله واصلني حتى لمكان شغلي ياغتار بـمعارفك وعيونك..! ابتسم بمكر.\وش اسوي عارف ان اخوي ماهو فطين..! حاكم بحزم..\وش تبي بشي مالنا دخل فيه ومدفون من سنين..! غتار يتناول كوب الشاي..\لاننبشه ماعليك لاتخاف..! حاكم بعقلانيه..\انت عارف انها سالفة ماتسوى ابوي كان له وجهت نظر فيها وعمي سواها قضية عمره..وحنا ياليت نكون كافين خيرنا وشرنا...والبنت مالك شغل فيها تفهم..! ابتسم بخبث..\صادق صادق...ياالله أستأذن اجل..! حاكم وقف مع غتار...ليهمس بجدية..\غتار..البنت مالك دخل فيها..وش تبي بعمـي تركنا من سنين ومانعرف عنه شي كافي خيره وشره عنا..! ابتسم وهو يريد الخروج..\انا ماقلت لك انك منت فطين عمك ذا الي كافي خيره وشره على قولتك بـغى ينكـبني بمشروع داسه لـي عشانه فازع مع واحد من الي انا بيني وبينهم عدواه وتقول افكه...! حاكم..\ وش مشروعه..! غتار يودعه..\خلك بعمليات العيون انت مشكلة لو تدخل مشاريع تجاريه تجيب فيها العيد..خله علي لاتشغل مخك..! انا نكبة عمره الحين...! ودعه قبل ان يكمل كلامه ليعض طرف شفتيه وهو يتخيل حجم مصائب غتار..فـ هو لايحشر انفه في شيء الا يجعله كارثياً...! كان يشد الخطوات لنائب مدير المستشفى ..وابتسامة ترتسم على شفتيه..., جاء لـشيء معين..واضح...وصريح...!! بعد نص ساعة...! كانت هـي تطرق الباب..وتدخل لـمكتب بـ أستغراب... القت السلام...ليأتيها الرد..! راشد..\تفضلي دكتوره فخر... فخر بـتقطيب..\خير دكتور راشد..مستدعيني..! راشد كـان يشير لـكرسي الذي امام مكتبه والذي كان في مقابله شخص جالـس ايضاً... جلـست بهدوء واستغراب.. راشد بهدوء..\الاستاذ غتار يصير خال واحد من الاطفال الي كنتـي مشرفه على حالته قبل فتره ومعه اوراق تثبت انك سمـحتي لـه يطلع قبل وقته وسبب له هذا الشي مشكلة .المفترض يجلس ثلاث اسابيع وانتي جلستيه بـس اسبوع.. كانت هـي تتناول الاوراق التي تثبت كلامه وحالة الصغير الذي نُقل لأستشاري كبير في الرياض وفصل حالته بتفصيل.. همست بقتضاب..\صحيح..هذا الكلام قبل شهرين وكان خطأ غير مقـصود من القسم كان فيه لخبطه بينه وبين طفل ثاني سمحنا لهذا يطلع بداله..بسبب تشابه اسمائهم..! راشد\الغلط غلطك انتـي..انتي الي وقعتي على خروجه والغلط راكبك انتي والاستاذ غتار ناوي يقدم شكوى فيك وفي المستشفى..! فخر..\بس هذا ماكان غلطـي هذا كان غلط الممرضه الي راجعت بيانات الطفل وطلعته وجاها فصل تأديبي لـسبوعين وبعدين ابوه تواجد هنا بعد القصة وتقبل اعتذارنا منه ..ليش الحين بعد شهرين جاي الاستاذ وناوي يشتكـي المستشفى..؟ راشد\ دكتوره فخر..المستشفى في غنى تام عن أي شوشرة بتـجي وانتي تعرفين وسائل الاتصال المسموعه والمقروئه كيف تبهر وتزيد وتعيد..والاوراق لو مشى فيها الاستاذ راح يكون الغلط راكبك ميه باالميه.. من ثم اردف..\بس هو لأنه رجال سمح ومتفهم تقبل انه يتقبل اعتذار المستشفى عن هذا الغلط الي ماهومقصود بس اشترط انه يقابلك شخصياً وتعتذرين ..! فخر بغضب مكبوت..\انا مستغربه كلامك دكتور راشد..هذا شي مو طبيعي سالفة لها شهرين وانا قابلة ابو الطفل بوقتها واعتذرت له وتقبل اعتذاري يجـي خاله الحين ويقول اعتذري بعد على سالفة ماتسوا هذي الشكاوي والتضخيم لأنها تصير في ارقى المستشفيات وأجودها ..! تدخل بـنبرته الواثقه..\بعد شايفه ارواح الناس ماتسوا ماراح استغرب المجازر اليوميه من اغلاطكم الطبيه اذا في اطباء من نوعيتك..! وقف...\راح امشي قضائياً يادكتوره في سالفتك ذي الي ماتسوا واعلامياً راح نشوف هي تسوا او ماتسوا..! عينيها المشدوه في الشخص الذي يتكلم بـنبرة تهديد واثقه... ليقف راشد بـمحاولة تهدئه..\استاذ غتار الله يهديك تونا اتفقنا والاعتذار راح تعتذر الدكتوره واكيد الارواح ماهي برخيصه عند احد.. من ثم اردف بـنبرة جديه..\دكتوره فخر ياليت تعتذري لـ الاستاذ عن الغلط الطبي الواضح افضل من ان تجري نفسك واسم المستشفى لـشي حنا فـي غنى عنه..! وقفت فخر بغضب..\الاعتذار حصله أبو الطفل..واما الخال الي طالع لنا فجأه واتوقع والله اعلم انه مايبي اعتذار يبي يتكسب مادياً من ورا قضية بيرفعها واعلامياً يبي يسلط عليه الضوء..لو لك حق مد يدك قضائياً ولاتقصر..بس اعتذاري راح لصاحب الشأن..وأعتقد يادكتور راشد ان لعبتك مكشوفه انت والارجواز الي جايبه معك يكمل لعبه بايخه...! راشد بـتوتر وهو يعاود الجلوس...\لعبة ويش يا دكتوره...اا... فخر بغضب..\اسمعنـي زين وخلـني على بالك يوم فشلت محاولة ترصدك لـي وكلامك الغزلي والهابط قلت خلـني اجيب لها مشكلة جامده وأكسر الحب الي في راسها وتجـي مثل فلانه وعلانه لـي...تخـسي انت وامثالك تفهم ! وأشارت بيدها بتهديد..\شيلنـي من راسك افضل لك عشان مايوجعك راسك ماهو أي طير ينوكل لحمه وعلى فكرة انا بتصل الحين با المدير الدكتور ممدوح بن رياش ويتفاهم معك افضل خلها تصير رسمية بين المدير مو نائبه وبين المشتكي اول مايرجع من اجازته راح يطلع على هذي الشكوى..! غتار الذي كان يشتعل في مكانه وهو يقف \..تقولين يترصدك ويرمي عليك حكي..! كان صوته الغاضب أستغربته لتهمس ببرود..\ بتسوي روحك ماانت متفق معه ياارجواز..! فجأه ومن دون مقدمات... كان غتار يستدير بخفه للذي خلف المكتب وبحركة مباغته سريعة ومدروسة منه اوقعه من كرسيه من ثم ثبته بقدمه السليمة ولكمة بقوة على أنفه بـعصاة....! الرجل المصدوم لم تظهر منه أي ردة فعل سوا النظرات المتفاجئه التي شلت حركته تماماً والتأوهات من ضربت العصى... فخر بصوت مصدوم..\انت وش تسوي يامجنون وش تسوي تبي تفضحنـي...! غتار المشتعل الذي تحول لوحش مرعب و بـحرقه وهو يعاود لكمة بعصاه.. راشد المتألم \تكذب...أنت صدقتها..أأأأ فخر برعب..\فك الدكتور تبي تجيب على راسك مصيبه انت... لاتجيب فضيحه لي بين زملائي في المستشفى..! أبتعد عنه بعد أن بصق عليه... راشد وهو يلملم نفسه بتوتر...ويخرج من المكتب تاركه...! فخر بغضب...\خير ان شاء الله...وش تبي تسوي انت...وانت من انت عشان تسوي ذا الشي كله...متفق انت وياه وصدقني المسرحية ذي ماخشت مزاجي...ولو ابي اربيه خليت الي اقوى منك يربيه بس مابي اعتمد على احد فاهم..! غتار بـنفس لاهث..وهو يشير لها بـصمت..\اص ولاكلمه..وهذا الكلب صدقيني اخر مره تشوفينه هنا في ذا القسم بسعى انه ينمسح سجله الطبي ماهو بس ينفصل ..! فخر بـغضب وهي تهم بترك له المكان..\اوه ماشاء الله عليك واصل..مالك شغل فيني تفهم وقضيتك التافهه اذا هي صدق امش فيها وبينا المحاكم يا استاذ غتار..وخلك لبق في الحوار ماحنا عبيد عندك ! وضع عصاه على الباب وهو يمنعها من الخروج وبجديه تامه\فيه غيره هنا احد قد عاكسك علميني..! امسكت بعصاه من النصف وبصوت صارم ومندهش..\انت من فاكر نفسك لايكون من بقية اهلي بـس ومسوي نفسك حريص علي ..لعلمك عملي هذا اختلاط ومن عينة هذا بشوف كثير..بس انا اعرف اوقف كل عند حده واولهم انت...أبعد..! شدت عصاه من يده بحركه مباغته منها لتسقطها عند قديمه...! تركت له المكان وهو من شدة الغيض يشعر بإنه يشتعل ...بل أشتعل وتحول لبركان ذو حمم التقط عصاه ... من ثم تناول هاتفه من جيبه...يريد شيء واحد الان ذاك القذر ينُسف نسفاً....! . . . من خوفتي لا أحترق جنّبت هربت من شمسك لظلك . . . في بيت عقاب..! في غرفة الضيوف التي عهد كانت بها...كانت تأخذ لها دش دافئ الليلة الماضية قضتها بكاء مرير...! برغم من الترحيب الحار من خالتها..الا انها تشعر بـ أنه اعظم وجع بعد فقدان والداها هي زواجها من فارس.. خالتها كانت قد ذهبت صباحاً واحضرت لي ملابسي وأشترت لي ايضاً أخرى جديدة..! لاتدري ما الله فاعل بها هنا...! فارس الحاقد والذي قلبه صخر.. فخر التي لاتطيقني.. وانا هنا عالقة الان و هاربة من عمي الذي يتوعدني... رأت الكدمات تملئ ذراعيها وتشعر بوجعها وهي ترتدي روبها..لفت شعرها بمنشفة... خرجت وأغلقت باب دورة المياه نشفت شعرها ولم تنتبه للواقف منذو نصف ساعه ينتظرها..! ابعدت المنشفه من شعره وتركت شعرها الطويل ينتثر بفتنة على ظهرها كي يجف بنفسه.. رفعت رأسها تريد ان تردي أي شي وتخرج لخالتها كي توصلها الى خالها لاتريد الجلوس دقيقة واحدة هنا..هكذا قررت..! عندما رفعت رأسها صرخت برعب... فارس ببرود..\بسم الله عليك منظري لذي الدرجة يروع...أحسب اني أمنية كل بنت من جيل اليومين..! عقدت حاجبيها بغضب..\انت وش مدخلك الغرفه هذي... فارس يرفع كتفيه من غير اهتمام\زوجك..طبيعي تشوفيني بغرفتك..بس الي ماهو طبيعي هو البارح جيت افتح الباب حصلته مقفلته..ماهو طبيعي كل واحد منا في غرفه ليدي فلوة..! من ثم نظر لها من ساقيها الى شعرها المنتثر بفتنة ويصل الى اسفل ظهرها وجسدها ذو التقاسيم الانثوية الفاتنه..وبشفتين منزوية..\وبعدين ليش انتي سامنه كذا..وليش شعرك مطولته لذا الطول كله ماهو لايق عليك ابد وش ذا ..! حركت يدها بشعرها الذي وكأن نعومتة أصيبت في مقتل وانتفضت بـغرور لتنتقم... تركته وتوجهت لـ الدرج لتخرج لها ماترديه... أخرجت لها فستان شتوي ذو اكمام بلون الرمادي ويصل لمنتصف ساقيها.. أدعت انها غير مهتمة..وهي تريد ان يخرج فوراً..ولو أتضح عليها الارتباك سيستغله ويجلس..! همست من بين شفتيها بمحاولة هدوء. .\ممكن تطلع بغير ملابسي..! هتف بسخرية..\عادي زوجك..غيريها قدامي..! ابتلعت غضبها وهي تغلق باب الدولاب وتغمض عينيها بـقهر..! شعرت به... شعرت برائحتة تخترقها... شعرت انه قريباً جداً ..! يديه التي احتضنت خاصرتها وهمسه الخافت المتهكم..\خليني انا اغير ملابـسك..!! وكزته بقوه على بطنه وابعدت وبغضب عميق..\اطلع برا والا والله العظيم يصير شي ماتتوقعه..! وضع يده بمغاته على فمها ودفعها لدولاب وعينيه تنظر لعينيها التي أمتلئة دموع في ثانية..! كانت عينيه ليست بعيني فارس القديم..! اللطيف..! كانت عينيه ممتلئة سواد قاتم..! حاقد...! همس ...\باخذ حقـي...انتي زوجتي وكل ذرة فيك لي..ليش مسوية ها الصياح..امك موافقة..وابوك على حياته خذيتك..وانتي ازعجتي امك عشان تكلم امي وتحدد الزواج من يوم رجعت من السفر والحين تقولين مابيك...لعب هو..! من ثم اردف...\عمك لو يشوفك كسر رقبتك..وخالي فهاد انتي خير العارفين فيه رجال نشبة ومتشدد على بناته واهله...وان رحتي له كرهتي عمرك...انتي في بيت زوجك...أحد يخلي بيت زوجه ويروح لبيوت الناس ضيف..! كان يبتسم بخبث.. وهي كانت عينيها المفتوحة على اتساعها..وانفاسها المتعبة...أبعد يده ينتظر جوابها..! لم ينتظر جواب ...كانت قبلاته تطبع على عنقها وشعرها وتشعل في النار... كان فارساً أسود كـ الليل روحه..! لم يراعي ضعفها وحاجتها اليه..! لم يراعي شيء..كان فقط ينتقم..! وهي كرهت نفسها..! وهو لم يعد يهمه أي شي..! أنزلقت من بين يديه كـ الماء...وسقطت عند ساقيه .. كانت ترتجف...! وهي تضم ساقيه بوجع..\في وجه خالتي عمشاء ماتتجرأ اكثر من كذا..! شعر بماس كهربائي يبتلعه..وهو يبعدها عن قدمية بـحقد ويجر خطواته المشتعلة للخارج ويتركها تبكي . . . من خوفتي لا أحترق جنّبت هربت من شمسك لظلك . . يوم جديد...! . . . ...\ذا وش قصته..مسوي حزين ومتيم وهو كذوب..واني انا الوفي الي ماراح اقرب النسوان عقبك...اقول ياكذبك بس عطني وقت بس لاخليك ترقص على رموشك يابو رموش طويلة..! كانت تعدل بيجامتها الحريريه وهي تسير أمامه ثم جلـست على الاريكة بجانبه وهو يرتشف الشاي وينظر في المنظر الخلاب الذي امامه فقد كانا في منطقة ريفية وكأنها قطعة من الجنة..! وكأنها غير موجوده أبداً... حركت رموشها بخبث وهي تسبلها له عندما القى لها نظرة من تحركاتها الكثيرة.. غيام بستغراب..\فيك شي..ترا هذا اسمه اعاقه مو تميلح..! غرقت في ضحكه هادئه....\البارح وش حلمت فيه صدق..! غيام بستغراب..\ماحلمت بشي الحمدلله..! ورد..\الا..معقولة ماتذكر..! غيام استوا بجلوسه وهو مستغرب..\لآ..! ورد تحرك يدها بهواء..\تصارخ واسمي عليك وتصارخ اول شي احسبك تستهبل وتبي تخوفني بس طلع صدق واسمي عليك واقرا عليك ونمت عقبها على يدي...صدق مو متذكر..؟ غيام بصدمة..\لاوالله مو متذكر بسم الله وش الكابوس الي م روعني كذا غريبة..! ورد..\رحمتك صدق ياقلـبي عليك..كنت بكمل نومتي جنبك بس قلت بتسوي لي شي اذا نمت وانت ماتدري ..! بخبث خالص..\صدق قولي ماراح اضحك عليك قولي وش كابوسك..! عقد حاجبية بتفكير..\والله مو متذكر تبين الصدق بس غريبه اول مره يصير معي ذا الشي... همست..\يمكن من ذا الكوخ الي ماغير كهرباء يطفى كل شوي.. صمت بتفكير يبحث عن هذا الكابوس في خياله فلايفلح بتذكر شي..! غريب همست..\بس لاتقعد تصارخ علي عشان اجي انومك بحضني واقرا عليك يدي البارح اوجعتني..تحصن ونم على وضوء! أنا أقسم... أن اجعلك تتمنى النوم بأحضاني.. وأستنشاق عبير شعري..! ولآتجد نساء العالمين بعدي الى قلبك طريق..! ولن تقف بنت رجل أمامي..! . . . من خوفتي لا أحترق جنّبت هربت من شمسك لظلك . . . أبتسمت عمشاء بهدوء واشارت لها بترحيب..\هلا ياعهد تعال ياخالتك عندي.. عهد...\السلام عليكم... من ثم قبلة رأسها وجلست جوارها.. عمشاء..\ها وشلونك الحين... عهد بصوت مكتوم.\خالة ابي اروح لبيت خالي فهاد..وأبي اتطلق من ولدك ماقدر اعيش معه ماقدر خلاص..صح اني اخطيت بس الحين تغيرت ماكان عندي عقل مثل عقلي الحين..وفارس بس يبي ينتقم مني وبس..! زفرة عمشاء بهدوء..\شوفي ياعهد...حنا ياامك با الدنيا ماحنا با الجنة عشان كل شي على كيفنا..ترا يوم خذاني عمك عقاب ماكان متقبلني مره..ابد... عهد بصدمة..\خالتي على زينك ذا كله مايتقبلك مفروض يسجد كل يوم سجود شكر..! عمشاء تبتسم ..\والله هذا الي اقولك..كان في ديرة وانا في ديرة خذاني بس يوم قالو له انها مزيونة واسمها الرمح من زينها ويسمع سوالف تروح وتجي يوصوفون زين الحريم ولايستحون بعض الرياجيل ونط براسه وخذاني.. عهد بستغراب ..\وكيف تعرف عليكم.. عمشاء تعدل خواتمها في اصابعها...\اخوي وهو كان بينهم خوي عرفهم على بعض..وذا الخوي كان يبيني وانا مابيه و مدحني عنده وقال ماهي بقابلة فيني وانا باخذ وحدة من جماعتي اصفطها لك ياعقاب قام تعرف على اخوي زين عقبها وخطبني.. عهد..\وبعدها ياخالتي وش صار..؟ عمشاء..\بعدها ياخالتك الرجال ماهوب صوبي..شكله كان بس يبي عيال يشيلون اسمه..عقب عرفت بطريقتي يوم اسحبه في الكلام انه متهاوش مع اخوه عشان بنت عم لهم خذاها اخوه وقطع في اخوه عقبها... من ثم اردفت..\وعقاب طبعه شين ومايتعاشر من عناده بس انه رجال وبتلقينه دايم معك.. عهد با ابستامة خبيثة..\تحبينه ياخالة..! عمشاء بصدق..\أحبه..الكلمة ذي شوي على ابو فارس...وهو يحبـني ويحب الارض الي امشي عليها الحين بس انه عنيد ومايبين كل شوي ذا الشي... من ثم اردفت..\طيب لو اني يوم شفت الرجال صاد مني شليت قشي وطرت لأهلي ماكنت الحين بذي السعادة الي فيها معه..وانتي غلطتي على فارس وانتي كنتي تسوين عيونه..تحملي ذا الشي واكيد بترجعين تسوين عيونه.. سمعت اصوات في الدور الارضي جعلت عهد تستغرب وتنظر لخالتها.. عمشاء تقف ..\الله يستر هذا صوتي اخوي فهاد...صح..! عهود وهي تقف مع خالتها..\اي صوت خالي..! في الدور الارضي..! فهاد غاضباً جداً..\لاياعقاب...ماهو انت الي يجهلك السلوم والعوايد...ولاهي بلك انت وولدك ذا الشي الي سويتوه..! فارس بغضب..\وش تبينا نسوي يعني ..نحط عرس ويطبون علينا عمانها الي يبون الشر..مرتي وخذتها وبرضى امها..ماسرقت ولانهبت! فهاد غاضباً جداً..\خذتها كأنها مسوية شي وتسترون عليها...وش تبي الناس تقول عقب الي سويته هااا..! فارس بحدة.\ماهمني احد..الناس تقول الي تقوله..أهم شي انا وش شايف مرتي..! عقاب بمقاطعة..\مالك الا الي يرضيك يافهاد...وأعذرنا ياأخوي انت وعمهم بغى الدم يوصل لركب هذاني جايبك وكافلك عقب ماضربت عمها لين اشتكاك وتلوم عمشاء وولدها يوم اختبص راسهم وخذو البنت عندهم... فهاد..\ولو...كان نزلها في بيتي...وياخذها عقب مانحط له عشاء .. عقاب يشير لأنفه..\على ذا... عمشاء وهي تنزل الدرج وبأعتذار..\فهاد لاتلومني ياختك مابغيت كذا يصير لكن شي اهون من شي عمامهم مستشرين عليهم يختك فهاد يرى عهد وبغضب..\جيـبي عبايتك يابنت...ولو يبيك ولد عقاب الليلة عشاك في بيتي ويسري فيك مايبيك يكتب ورقة طلاقك وننتهي من ملكة طالة.. كانت كلمات فهاد الصارمة ارعبت عمشاء وهي تعتذر له وتحاول به.. عهد التي ذهبت لتحضر عبائتها من دون ان تنظر لشخص الصامت المشتعل..! والذي كان عقاب سوف يقتله لو تكلم وهو يشير له ان يبتلع غضبه..! تدخل عقاب وهو يرى عهد ترتدي عبائتها في ثواني وتحتضن كف خالها.. عقاب يقبل رأس عهد ..\ونجيك لبيتك يابنت الكاوي والله ثم والله لو ظروفكم ماهي بكذا ان احط لكم عرس يتكلم فيه الناس اقصاهم وادناهم لكن مالكم الا يرضيكم وحنا المحقوقين ماهم انتم..والليله بيجيك وياخذك من بيت خالك...! فهاد الغاضب شد عهد وترك اعتذارت عمشاء خلفه وهو يتجاهلها تماماً... عمشاء بقهر...\ياعقاب فهاد زعل علي وزعل فهاد شين..! عقاب بثقه..\برضيه ماعليك...والليلة تجهزو بنروح لهم ونتعشى وناخذ عهد ...وعقبه لاهدت اوضاعهم سويت عرس لرجال وعزمت الي يعز علي.. التفت يبحث عن فارس...وجده قد ترك المكان وصعد لغرفته.. . . . من خوفتي لا أحترق جنّبت هربت من شمسك لظلك . . . حاكمـ بستغراب متهكم...\ماشاء الله عليك مداوم عندنا ها اليومين ماتلاحظ..؟ تناول ورقه طبيه يعبث بها...\عندي ناس اعرفهم أزورهم وبتشوفني يمكن كثير...! حاكم تناول الورقه الطبيه منه..\اترك عنك اوراقي وقم شف شغلك ... أبتسم غتار بخبث..\تطردنـي شكلك..! حاكم وهو يقف ويرتدي بالطوه..\تقدر تقول طرده..خصوصاً بشوف وش قصة نايب مديرنا يقولون قلعوه..! غتار يقف بهدوء..\...ليه قلعوه..؟ حاكم بستغراب..\مدري يقولون ذمته وسيعه وبالع لـه صفقه بإسم المستشفى...وشكله اكلها صح..! حركه عكازه ليتكـئ عليه فـ البارحه بطولها لم ينم من ألم أصابه فقد أتكئ عليها بكل قوته وهو يثبت ذاك القذر..\ايه يمكنه يستاهل..! حاكم بـ أبتسامه..\انا بخليك الحين رح شف الي تقول من معارفك..! همس غتار..\اقول حاكم ..انت تشوف بنت عمنا كثير..! حاكم بغضب..\اتركها في حالها ومالك دخل فيها لاتكون ذي الي انت تجي ذي اليومين عشانها انت ناوي لك على بلا شكلك...! غتار بـ أبتسامه..\لاتاكلني بقشوري...لا بس بغيتك تنتبه لها يعنـي بنت ووسط رياجيل اذا رجعنا فيها..! حاكم بعدم مبالاة..\لاماعليك من ذي الناحية قول قطوه ماحد يقربها..تاكل كلن بقشوره...سبحان الله دمكم واحد صدق عيال عم..! غتار يغرق في ضحكه \الله يسامحك خليت اخوك قطو الحين..! اشار بيده مودعاً من دون يرد وهو يبتسم..! جلـس قليلاً ليستريح فـ قدم تؤلمه من ثم شد الخطوات للخارج فـ الموضوع الذي اراد ان يأتي ليتأكد بنفسه ان الرجل الذي وعده نفذ وعده هاهو قد حصل...قد تم طرد هذا القذر.. خرج وهو يشد الخطوات للخارج لـيجدها...وكأن الله يضعها في وجها اليوم... أبتسم بخبث...وهو يراها تودع لها طفلاً صغير مع والديه.. همست بصوت هادئ..\عادي يا ام عبدالرحمن الاصابات هذي تجـيهم وانا كاتبه له خروج وهو بخير وعافيه ورقمي معك أي وقت تقدرين تتصلين علي واطمنك.. ام عبدالرحمن وهي تودعها..\الله يكثر من امثالك واخلاقك العاليه ان شاء الله جلستنا هنا بتكون بداية تعارف لنا وتزورينا ونزورك ومايكون علاقتنا بس بمستشفى ابتسمت.\ان شاء الله الله معكم..! كان تحمل بوكيه ورد من الصغير عبدالرحمن وهو يودعها بـ ابتسامة طفوليه... أغلق الاصنصير وهي واقفه ..لتسمع صوتاً غاضب يبدو لها مألوفاً...\يووو مالحقت عليه والباقـي فل من ها العالم..! التفت له لـتجد مصدر الصوت الشخص ذاته المقيت..لتحاول تجنبه..وكأنها لم تره..! همس..\متأكده انه طالع بوقته اخاف تطلع ها البزر وتوهقين بقضية ثانيه..! عينيها الغاضبه وهي تحرك بطاقتها الطبيه امام عينه والاسم الذي يجمعهما يتراقص امام عينيه وبتهكم مقصود...\ماشاء الله عليك عندك واسطه قويه لدرجة اربعه وعشرين ساعه كافيه تطيـر الدكتور راشد من مكانه..!. همس بذات النبره..\والـي اقراه الحين من بطاقتك الطبيه ان اسم ابوك كافي يطير اثنين مثل راشد من مكانه...ليش ماقصرتي العنوه علي..! هي بذات البرود..\عنوه..! على فكره ترا ماطلبت منك أي مساعده ومثل ماقلت ابوي يطير اثنين من امثاله بس انا ماحب احد يتدخل بمشاكلـي ولابشغلـي..وياليت انت بعد ..!. قاطعها بـستغراب...\يعنـي ذوقياً العالم يقولون شكراً وانتي دكتوره وفاهمه ومثقفه..أقله كلمة شكر..! فخر ..\انت في مخك شي..انا طلبت منك شي..انت ليش حاشر نفـسك كذا بيني وبينك مشكله تقول خلاص روح أشتكـني وخل الموضوع يكـون رسمي وبيد القضاء...بس انك تنط لي كذ كل شوي ماهو منطقـي ..! أتكـئ على عكازه بـيده الاخرى وبتهكم..\صادقه ماهو منطقي انك توقفين بيني وبين الاصنصير وابي اطلع وانتي مانعتني..! انتبهت فخر لأنها حقيقة تقف بينه وبين الاصنصير فتوتره وهي تبتعد بزفرة...! أبتسامه مقيته وهو يستدير لها بعد ان ضغط على الاصنصير لينفتح له... وبصوت ساخر\وقريت اسمك الطبـي الي ترزينه لك ساعه قدامي وعرفت ابوك..وعشان ابوك ماراح اشتكيك بينا معرفه قديمه شوي....ابيك بس تسلمين علـيه..قولليه غتار واتوقع الاسم راح يعرفه...! فخر تشعر بـفوهة بركان فوق رأسها وهي تراه يدخل المصعد تركته...ليبتسم وهو يراها تغادر المكان...وحاكم يظهر فـي اخر الممر ويغلق الاصنصنير تحت نظرات حاكم الغاضبه..! . . . في المساء في بيت ال فهاد.. كان عقاب يتحدث مع فهاد بودية بعد ان استرضاه وأصبح حديثهم ودياً... همس فهاد..\وش سويت مع ولد اخوك..! عقاب ببرود وهو يتجاهله..\لاتشيل هم.. فهاد همس بعد فترة وهو ينظر لرسالة أتته على هاتفه..\ياالله ياعقاب انت وولدك تاخذون مرتكم.. نهض فارس بهدوء ونهض والده...وشدو الخطوات بعد ان تركو المجلس الذي كان به اقربائهم من الدرجة الاولى... دخلا البيت وكانت عمشاء وفخر تستقبلهم بـ المدخن والزغاريد والترحيب... وعقاب المبتسم قبل رأس عمشاء وشدة هي يده..ليقبل راسها ايضا فارس ويدخل لداخل... عقاب الذي لم يدخل لـصالة المفتوحة... همس فهاد..\ادخل مع ولدك... عقاب..\لاخل امها تاخذ راحتها ماهي بعد تغطى مني..! عمشاء التي بقت معه وعينيها تلحق فارس..همس..\يالله روحي انتظرك .. أبتسمت وشدة الخطوات بجانب ابنها....بينما فخر بعد ان انتبهت لوقوف والدها وحيداً تمايلت له برقص ناعم ..! عقاب الذي أنتبه ل أميرته رفع [عقاله..] لها وأشار بحركات رجولية أنيقة.. كان يراقص...حبيبته فخر...! أميرة قلبه وروحه.. هي لاتمشي على الارض... هي تمشي بداخل عينيه وقلبه..! أبتسم وهي تقبل ذراعه ليضع عقاله على رأسها.. همست بحب..\جعل عقالي مايميل يابو فارس...! قبل جبينها وانسحب لـرجال وهو يبتسم لها..! كانت عهد تقف بفستان سهرة ناعم جداً بيجي اللون..أعتقد للحظة انها سترتدي عبائتها..لايدري.. كان شعرها ملفوف بطريقة انيقة ومكياج ناعم.. الهدوء الذي عم بعد الزغاريد والتبريكات... قبلة على جبينها منه... ودت لو أنها صفعته..! صفعت فارس لاتريد قبلته..! انفاسها المتوترة..وارتجافها من قربه اصبح مرئيا جداً هي تخافه...بل مرعوبة منه وحقده الاسود عليها..! عمشاء تبتسم..\ياالله قطعو كيكتم وأسرو دام مافيه تصوير..! فارس بسخرية..\وليه مافيه تصوير ...مالحقتو تحجزون... ايه صح..! عهد التي سرقت له نظرة قاتلة...وجدته يبتسم بخبث..ومن ثم تناول هاتفه وحضتنها بخفة والتقط صورة سريعه وبتهكم..\خلاص قضينا وهذي صورة لذكرى..! كان حركته أسرع من الثانية وضع يده على خاصرتها وضمها بشكل سريع والتقط صورة بشكل اسرع لم تستوعب الا بعد ان حررها ..! شعرت بدوار منه ومن خباثته وسواد قلبه... ام عهد يقبلها فارس وهي توصيه بها خيراً وهو يشير بعينيه بـ أبتسامة وتودد... عمشاء التي ساعدت عهد على ارتداء عبائتها ودعائها بتوفيق لهم.. ساعدتها للخروج معه لسيارة واركبتها بنفسها السياره ولحقت الخادمات بشنطة لها.. وقفت بجوار فارس قبل يركب سيارته وبهمس..\اوصيك فيها خير وتراها امانة في رقبتك لاتخلي حقدتك عليها يعميك تراك تحبها وانا دارية ... أبتسم وودعها وودع والده الذي كان يتحدث مع عهد بعد فتح بابها فخر التي كانت تنظر اليه من باب النساء اشارة له بتوديع... لكن هو فتح الباب ونزل اليها.. ابتسمت وهي تشد الخطوات اليه..ضمها بخفه..همست له..\استودعك الله اذا وصلت الفندق دق علي طمني...وبطل خبال خلاص..حاول تفتح صفحة جديدة افضل..! قبل رأسها من ثم ودعها... ركب سيارته وتحرك . . . في بيت البندر... كانت تضع كوب الشاي المزين بنعناع بجانبه وتقبل رأسه.\ماشفتك اليوم يبه... أبتسم..\ماعليه ابوك اشغاله واجده.. نوره وهي تبتسم..\ولو لازم تاخذ لك راحه ماهو مشغول بعد جسمك عليه حق صح يايبه.. بندر بحنان..\اي اكيد.. نورة وهي تقف وترتب الاوراق التي امامه ..وشدت انظارها صورة با ايطار انيق والصورة قديمة... همست بهدوء..\هذا اخوي غتار... من ثم اردفت وهي تشد الايطار..\لا..مو...شكله عمي عقاب..!!! ابتسم بألم..\شكل حاكم ماخلى شي الاعلمك به... ابتسمت وهي تعيد الايطار..\انا بنتكم يابوي وعمي عقاب مهما طال الزمن ترا الظفر مايطلع من لحمه..! بندر يشير بيده ..\طلع وخلص يابوك وخلصنا وسمحت خواطرنا الله يحفظه بس ويستر عليه..أجلس هنا يا ابوك.. لم يكمل كلمته حتى دخل حاكم..وبا ابتسامة..\ماشاء الله مجتمعين هنا وانا ماخليت مكان ادورك يانوره.. كان شد الخطوات ليقبل راسه والده من ثم أحتضن نوره الواقفه بجانب والده بخفه وقبل جبينها ..! همس في أذنيها..\شفت الي رسمتيه فوق صح انا الامير والا يتهيألي..! ابتسمت بخفوت وتجاهلته بعفوية وهي تقفز لتمسك يد بندر الذي ينهض..! بندر بضحك..\ابوك شباب وناوي على الرابعه بعد..! عقدت حاجبيها بممزاحة..\لاوالله ماتاخذ على امي عبير خل بس عنا طاري العرس.. غرق في ضحك..\خليني يابوك بطلق رجلي..! هي تسير بمحاذته وتبتسم..\ابد لين احطك بفراشك..يحصل لي يابو غتار اسند ايدك..! بندر بهدوء..\جعل ربي يرضى عليك.. كانا يتحدثان غير ابهين با الذي خلفهما بقى وحيداً.. حاكم الذي يراها تبتعد عنه وتلتصق بوالده شعر بشي في صدره لايدري ماهو..! . . . في وقت متأخر من الليل شعر بتضايق في نومته فأراد تعديلها.. أصتدم باالوسادة الناعمة التي تحت رقبته..! ناعمة جداً...جداً...ولينة..! أستغرب فاالوسادة التي نام عليها ليست مريحه.. و الرائحة تقترب منه لدرجة تلتصق بثيابه..! عندما شد نفسه ليجلس...تفاجئ بإنه في أحضان ورد..! الذي فعله بصدمة هو ان حركها بقوه..لتفتح نصف عينيها بخبث.. ورد..\وش فيك بعد...! غيام بستغراب..\الكابوس مره ثانيه..!!! تحركت بنعومة..\مره مسوي نفسك ماتدري..انت لو فيك هذا الشي من قبل عرسنا وتسوي فيها اني ماادري قول اني اتعب في النوم وبعذرك يعني وش بسوي ماهي أكبر من عثرتك هذيك الي بلعتها ..! يكاد يجن..لآيتذكر شيء ابداً..! وبحده..\تستهبلين ولاعمري صار فيني كذا...وش سويت..! بتمثيل متقن وهي ترفع يدها بتثاوب من ثم..\قعدت تصارخ وابد مو واعي مسكتك وقريت عليك وصرت تهدا شوي شوي لين نمت بسم الله عليك..! عينيه المندهشة..! همست...\والحين نام ..انا نمت وماخلصت قرايتي عليك عشان ترتاح بنومك...! ترك يدها وهو يضع رأسه على الوسادة القاسية عينيه في السقف ويكاد يجن من هذا الكابوس الذي لايتذكره.. شعر بيدها الناعم تنغرس تحت عنقه لم تعطه مجال للكلام فقد كانت تقرأ ايات وتنفث ....أرتاح على صوتها الهادئ... وعلى رائحتها التي تجعله يهداً قليلاً مع ترتيلها لايات تحفظها.. عينيه بدأ يداعبها النوم...أغمضها وغرق بين احضانها من جديد..! أيه نام أحسن لك..! اذا هم عشر فا انا ورد بنت سلمان..! وش زين نومه يهبل كنه بيبي مايتحرك ولاشي..! وزينه يناس ..! يمه يا الرموش يمه يمه...شكلي بنتفها له في يوما ما.. أغار وش اسوي..!!! . . من خوفتي لا أحترق جنّبت هربت من شمسك لظلك . . . . بعد ساعه تأكدت انهم يخرجون خارج الرياض...ليس لمطار ولا لفندق..! قلبها ألمها وهي لاتدري ماهو فاعل.. فا الصمت المطبق الا انفساهما الاثنين طوال الساعه.. لم يتكلما..! كسرة هي الصمت بـستغراب...\حنا وين رايحين..؟ شاهدت نصف ابتسامة مقيته..\اوو نسيت اعلمك انا اسف عروستي الحلوه...جدتنا فلوه كلمتني وزعلانه تقول ليه مانتظروتني احضر عرسكم عاد انا مابغيت اكسر في خاطرها قلت انا بجيك وعروستي نقضي عندك اسبوع عسلنا واستانست واجد...!!! شعرت بألم في رأسها ودوار عميق..! معدتها تتألم من الذي تكلم به..! لم تصدق..او لم تستوعب..!!! همست بعدم تصديق..\تبـينا نروح لديرة عند جدتي..! ..\ايه ماشاء الله سياحة وطنية وجدتي الغالية وديرتهم المزيونة..وش نبي اكثر..! عهد بعدم تصديق...\فارس انت بكامل عقلك ولاتمزح علي..! حرك كتفيه بعدما مبالة..\نسيت يافلوة الصغيره انك انتي راعية برستيج وبيسألونك صديقاتك وين قضيتي اسبوع عسلك..عاد قولي لهم بديرة حبينا نجيب شي جديد ..!!! عهد بغضب..\كم مره لازم اثبت في مخك اسمي الجديد وبعدين انت دامك حاقد علي بذا الشكل ليش تممت هذا الزواج ليش تفنن انك تذلني ليييش..! لم يرد عليها...بقى صامتاً من ثم همس..\طريقنا طويل حاولي تنامين احسن لك ولطاقتك من ذا الصياح..! رمت بنفسها بغضب على المرتبة من جديد وهي تسبه بداخلها باأبشع الكلمات... عثرة بحظي معك يافارس عثرة..! ياالله ديرة جدتي فلوة..! يارب صبرك ...! لآأصدق...! . . . بعد ساعتين.. شعر بها قد نامت...لم يكن يريد ان يفعل بـ أمرأه هكذا..! لكن هي تستحق اكثر واكثر... قلبه ممتلئ غيض عليها ممتلئ.. ولن يغفر لها ... قشورية..سخيفة..! نظر لها بطرف عينه... وجد رأسها قد مال بـ أتجاه..وقد وضعت نقابها بين احضانها.. لآيدري كيف نامت..! فقد شعر بـببكائها العميق..! وتظاهر بإنه لايسمع عندما كانت يعلي على صوت الشاعر الذي بسيارته..! القى نظرة أخرى..! هاهي الان معي..!! صف تلك الرموش المطبقة..مكياجها الخفيف الناعم.. وجها المملؤى حزن وتعب..وخيل له هم أيضاً.. رأى مخرج الذي يزينه أسم قريتهم... أبتسم بخبث...! من ثم أوقف السيارة بقوة بعد ان صعد عليه لتتوقف بشدة.. قفزت مفزوعه...\وشششش فيه وششش فيه.. كانت تتلفت بخوف....ورعب ..تعتقد ان سيارتهم قد انقلبت..! فارس بهدوء..\جالس أتاكد من أسم قريتنا على اللوحه وش في قلبك قلب حمامة..! شعرت بغيض كبير..وهي تتحسس رقبتها..اعتقدت انها كسرت... من ثم صرخت بغيض..\صدق انك خبيث وقاصدها اكيد.. فارس بتهكم ..\قلبك أسود..عموماً أهلا بك في ربوع المالديف..! همست من بين اسنانها وهي تتجه بعينيها بغيض لـجبال التي استقبلتها..\مالديف فارس...! فارس..\اي صادقه..هذي مالديفي ريحة جدتي فلوة لبى جدتي جعل من يكره ديرتها يفداها..! تجاهلتها وأرتدت نقابها ماهي الادقائق معدودة وهو يقف امام بيت جدته.. المنتشر بحوشه النخل..واشجار السدر العتيقة..! يااه..! منذو متى عن هذا المكان..! نزلا كلاهما من السيارة...الابتسامة اشرق به وجه...وهي العبوس تملكها ... همس وهو يراها تشد الخطوات..\وين ان شاء الله من بيشيل شنطتك..! بصدمة..\تبيني اشيلها.. فارس ببرود...\اي نعم..شيليها ماني بعامل عند اهلك..وهنا الحرمة تسوي كل شي بنفسها..! بغيض..\كيف اشيلها وانا كلي رضوض ..ماهو بلازم بلاش منها احسن.! تجاهلها ودخل بيت جدتهما غير أبه بها أضطرت ان تحمل حقيبتها بعد أن رأته حمل حقيبته الخفيفة ...حمدت الله ان حقيبتها صغيره..! عندما توسطا الصالة كان ينظر لساعته وينتظر جدته تفرغ من وترها... بعد ان سلمت كانت تستغفر وشد الخطوات لها وقبل رأسها بهدوء.. فلوة بفرحة..\ماشاء الله جيتو ماحسيت فيكم يامرحبا يامرحبا..من يوم كلمتني وانا اتحرا لكم .. فارس بضحك..\جعلني ماخلا من الي يتحرا لي يا فلوتي.. عهد التي قبلت جدتها...من ثم لم تقاوم انخرطت في بكاء عميق..! الجدة فلوة بستغراب..\وش فيك ياجدتك...عسى ماشر.. فارس بعدم اهتمام..\دلع عرايس ياجديده قالت جدتي ماحضرت عرسنا لازم حنا الي نجيها ونجلس عندها اسبوع عسلنا..وجيت عشان خاطرك لاتزعلين كله والا ام فهاد أمورنا صارت بسرعه والا عرس ماتنورينه ماهو بعرس الجدة..\الله يبارك لكم ياولدي وجيت وراح زعلي تخبر جدتك ادنى مارضاها فارس بتعب..\ياجده لي يومين مارقدت زين وين ناوية تردقين عيالك ترى منهد حيلي هد الجده...\في ملحق خوالك الي في حوش الرياجيل قلت لشغاله تزينها وتفرشها لكم فارس بخبث..\جده ملحق خوالي..؟؟؟ الجدة..\اي ياامك ملحق منعزل وزين لكم وانا من الصبح جارتي يجوني ماودي ازعجكم وانتم معاريس غرق في الضحك..\جده ماقصرتي انا فداك بس انا خابر ملحقهم قبل كانو يسمونها الملحق المسكون وحنا صغار اذا زرناك من اول مانقدر ندخله من الخوف الجده..\ياوجه الله مسكون وش ها الحكي هذي ماغير علوم خالك حمد الله يرحمه يقول مسكون عشان يهججكم وماتحوسون عليه حمل شنطته بخفه وشنطة عهد..\اي اجل انا بروح لها وانتي نامي اكيد انك تبين النوم الحين بعد..مشينا ياعهد.. قبلت عهد بصمت رأس جدتها..وشدت الخطوات خلفه تحت دعاوت جدتها بتوفيق.. هي كانت ترتجف...وتمشي خلفه حتى وصلا الملحق.. دخلت بخطوات متوترة وهي تطلق التسمية .. فارس بخبث..\وش فيك تنافضين عسى ماشر.؟ عهد تتفحص الملحق بعينيها.. فارس..\لايكون مصدقه ان الملحق مسكون.. عهد بخوف...\يمه بسم الله علي.. فارس بتهكم...\بروح اجيب باقي اغراضي... عهد تتمسك بذراعه..\وين تروح وتتركني هنا بلحالي.. فارس بحده..\اقول خلي عنك الدلع وخليك مره تراك منتي ببزر عهد ببكاء..\بزر ولا مو بزر ماني فاكتك وماابي انام بذي الغرفه بروح انام مع جديده.. فارس بغضب..\سلامات تنامين مع جدتي وانا ان شاء الله وين انام على باب غرفتها.. اقول بس تعوذي من ابليس ولايكثر ومالك نوم الاهنا معي ترى صديقاتك ماهم دارين ان فلوة على سن ورمح ليلة عرسها في بيت في قرية بدال مايكون في افخم الفنادق وبدال السرير الفخم على الارض بننام نفض يدها بعنف..وخرج..! وقفت بتصلب وهي تنظر للمكان وتكتم دموعها كيف لاتفرحه ايضاً..! بعد لحظات دخل هو ببقية اغراضه ووجدها كما تركها..! فارس..\ليش ماغيرتي لبسك ولانزلتي عباتك تراك في بيت اهلك وبمكان نوم مانتي ضيفه عهد..\والله العظيم مانت بصاحي انت من جدك تبينا ننام هنا ومالقيت الا الملحق هاذا فارس بتقطيب حاجب..\عسى ماشر وين اجل تبين المحلق ماعندي مانع روحي خوذي لفه على بيت جدتي واختاري لك غرفه الي ودك ننام فيها..! عهد بقهر..\ماني مصدقه انك فارس انت انسان ثاني عمري ماتخيلته فارس يقاطعها..\وش الي متخيلته فارس الي يموت بتراب رجولك ماقدرتي حبه لك وافقتي عليه وانتي مشمئزه منه ماخذته مجرد جسر عشان توصلين لاحلامك..تبين من وراه فلوس وحياه مرفهه وسفريات ودراسه بدوله الي تبينها لاتضربين بعلالي..! من ثم اردف بسواد قاتم..\وفارس الدب الي خلف الكواليس ياويله ان طلع يحرجك..بشكله السمين واسلوبه الخجول..انتي حتى صور ملكتنا تعمدتي تخفيني فيها نهائياً..ولو بكيفك ماصورتي معي اساساً بس غصب جاملتي امي وامك انسانه سطحيه عديمة احساس ..!!! تركها وخرج بعد نفذ سمه بوجها... عهد بعد ان اخترق كلامها حاجز قوتها الضعيف رمت نفسها على مفرش الارض وبكت بعمق.. بعد نصف ساعه تمساكت قليلاً..وفتحت شنطتها واخرجت لها روبها وبيجامه تريد ان تغسل كل همها بدش دافئ خرجت من المكان لتواجها الخادمة عهد...\جدتي وينها... الخادمة..\جده نوم خلاص وقت متأخر عهد..\طيب وين الحمامات البيت متغير علي ماهو زي قبل الخادمة\ايوه بابا فهاد سوي تصليح كل شي غير دلتها الخادمة على الحمام ... دخلت واخذت لها دش سريع من ثم خرجت بخطوات سريعه وهي ترتجف... كان فارس قد سبقها للغرفه وتمدد على فراشه ونام.. كان ينام بدون لحاف كعادته...لايحبه كثيراً يشعر باالحر حتى ولوكان بعز الشتاء.. هي نظرة له بحقد ودعت من صميم قلبها ان لايهنئ بنومه ويشاهد كابوس مرعب... بعد جففت شعرها بمنشفة معها لكنه مازال رطباً ندياً...ارادت ان تنام في زاوية المكان وتحركت لزاويته الغرفة واخذت لحاف صغير كي تنام به.. لكن ما استلقت حتى عاد اليها كلام فارس عن الملحق المسكون..! جلست بخوف من جديد وهي تقرأ اية الكرسي... نظرة برعب للمكان.. تريد النوم ...! قررت ان تنام بجانبه..وتود لو ترفسه أيضاً يستحق..من ادخل في رأسها شي لاتدري هل هو صحيح ام لا استلقت بجانبه وشعرت ببرد وتلحفت ببطانية دافئه.. من ثم نامت على جانبها الايمن..وقابلت وجهه ..! كان مغمض العينين تكاد الوسامة من تفاصيله تتفجر لاتدري كيف اصبح بهذه الوسامة المطلقة من بعد رجيم فقط..! كانت عضلاته تكاد تمزق التي شيرت التي يردتيه.. تشاهد حتى عضلات معدته..! أي تمرين شاق كلماتي ومشاعري الغبية أدخلتك فيه..! أي ايام وشهور مرت عليك..قاسية..! ليت لساني قطع..ولم أجرحك بهذا الشكل المؤلم..! تحولت لشخص اخر..! وسيم نعم وكما أتمنى وأكثر..! لكن مملؤى بـ الحقد والسواد..! ليتني لم اكن سطحية يافارس..! وليتني بقيت حبيبتك المدللة.! كانت تمد يدها بهدوء لطرف ذراعه..تحسسته بهدوء.. دافئ جداً..وكأن ليلي شتوي لايعصف بنا ..ودفاية قديمة فقط من تدفئ المكان هذا..! حركت سبابتها بهدوء على ذراعه..تشعر باالندم..والبكاء العميق الروحي..! تراجعت يدها لـبطانيتها وهمت با ان تغلق عينيها اطبقت عينيها علها تنام...وبعد ثواني شعرت بـقربه...وقبلة...قبلتين...تبعتها قبلات..! فتحت عينيها ودفعته بهدوء..\أجلها ..! عينيه القريبة من عينيها..صوته المنخفض..ونبرته المرعبة..\سلامات ياقلبي سلامات ليش اجل انامتزوجك ارز زولك خلفية لجوالي والا تحسب علي الحالة الاجتماعية متزوج..! قبلة باردة اخرى ..! عهد بدموع..\الله يخليك فارس لاتحرجني الي فيني مكفيني وفوقه حمام جدتي الداخلي مافي سخانه بموت طلعت..! فارس بتهكم..\مقدر حياتي..وحمام الرجال فيه موية حاره تروشي هناك..لكن خبالك لو استمر لاتلومين الا نفسك..! قطع كلامها بقبلات...وهي بعبرات..!. . . . نقف هنا . . . همسة محبه/ الحمد لله حمد يليق بجلالة وجهه وعظيم سلطانه . . . اللقاء يتجدد ان شاء الله السبت القادم.، |
رد: الحظوظ العاثرة بقلمي / ضمني بين الاهداب
.
اووووو بارت ناري على جميع الأصعدة>< .. لقاء غتار وعقاب ياسلاااام كل واحد قاعد يسدد سهام نارية على الثاني لايقين على بعض سبحان الله! غتار بكذا نقول وقع في حب وغرام فخر لا الحين بصف مع البنات ونبي نزوجه قريب هههههه ورد ياشيخة كفوو كفوو بصراحة أتوقع غيام راح يرجع بنص عقل منها ههههه وربي جننته المسكين وقام يضرب أخماس ب أسداس فارس يالطييييييف وش هالحقد كله وربي زودها! إن شاء الله ترجع دب هههه فيس حقد عليه عهد رحمتها رحمتها رحمتها قسم حالها يبكي! حاكم كأنه بدأ يغار على نورة من أبوه! هههه نورة ماشاء الله ماخذة قلوب اللي بالبيت كله بتعاملها ولطافتها. رياش من جده ذا؟ أجل يبي فخر هههههههه لا وجاه الرد اللي يشيلها من مخه! أجل أبو كرشة يبي فخر بنت عقاب يحلم! غتار وفخر راح نشوف لهم لقاءات كثيرة وشكل غتار بيداوم بالمستشفى أكثر من أخوه! هههه بس ما ألومه الحب أعمى :) وش بعد! اممممم تسلمين أم اليزيد بصراحة بارت ولا في الخيال عاد الحين طار النوم من جمال البارت جد الله يعطيك العافية يارب .. |
رد: الحظوظ العاثرة بقلمي / ضمني بين الاهداب
يووه وش ذا؟؟ يا الربع حنا اليوم وش؟؟
والله لولا غداء الجمعه عندنا والا بقول حنا بالسبت..ههههههههههههههه جايه بشوف عسى ام غند ماعذبت عزام زود على عذابه الا القى السبت متقدم بيوم..هخهخهخه ياازين ام اليزيد لكن ياختي لوو انتس صابره مانزلتيه الا العصر عقب مااخلص حووسة الغداء والكرف واجي اتبستن على البارت كان زين>>ايه فيس اناني وش عندكن..هخهخهخهخه ما اقدر اقوول بقراه الحين بس باذن الله من اقراه اجي اطامر بالرد.. |
رد: الحظوظ العاثرة بقلمي / ضمني بين الاهداب
جمعه طيبه على الجميع وعلى كاتبتنا مقابله العمالقه عقاب وغتار والاثنين اخبث من بعضهم وبدات حرب اثبات من هو الاذكى والاقوى الان اللعب على هدوء وخفيف بس اعتقد بمرحله ما سيتحول للعب ثقيل ومؤذي وخاصه ان عقاب يخطط لاذاء تجاره البندر وغتار بدا بمحاصره فخر عقاب التي اعتقد انها الوحيده الي مستعد عقاب لهدم المعبد من اجلها واذا حس ان غتار ادخلها باللعبه للانتقام فهنا عقاب سيظهر بوجه اخر \\\\رياش اعجب بغتار ويريد تزويجه ابنته مليحه التي اعتقد انها ليست على اسمها بس حبيت رد غتار عليه رياش انسان بالرغم من بساطته الا انه لماح وذكي وهو استطاع مجاراه عقاب والبقاء شريك معه طوال هذه الفتره واعتقد انه اكتشف كم هما متشابهان غتار وعمه وبنفس مستوى الذكاء والخبث واحلى شى انه يريد فخر لانها فيها ملامح من شريهان يادي شريهان الي عقدت رياش حبيب ضمضم \\\\اما غتار فهو وصل لعمه تهديده وبدا بالسعى وراء فخر ودخل عليها باللعبه الطفل بس فخر قلبت الموضوع وخلت غتار يثور على شريكه باللعبه وبدل ما يؤدب فخر ادب راشد ياترى هل غيرته لانها ابنه عمه ام انه بدا يعجب بشخصيتها وقوتها لان ثورته كانت عنيفه الظاهر ان غتار مراقب فخر من فتره وكما عقاب حاطط جواسيس عليهم هو ايضا له جواسيس اعتقد غتار سينجح بالوصول لقلب فخر بملاحقتها وسيجب بندر بالعهد الذي قطعه على خطبتها ولكن هل سيرضى عقاب برجوع العلاقه \\\\الرمح او عمشاء هل استطاعت امتلاك قلب عقاب وان تنسيه حبه الاول ومن كانت سبب عداوته لاخيه بحس لا لانه لو نسيها لكان سامح ونسى بس ممكن هو تعود عليها واعتقد رياش هو من كان يريد خطبتها وعقاب صار هوسه الحصول على الصعب والمستعصى ليثبت لنفسه انه ماعاد شى سيقف بطريق مايريد وانه اصبح الاقوى والاقدر \\\\بندر هل بالفعل ماله كان من نفوذ معناته غتار هو الشريك الاكبر لوالده وان هذا الخير له جزء كبير منه وهل علاقه عقاب بنفوذ ومدافعتها عنه ستجعله يرحم غتار من شره وسيشفع له انه ابنها ام فخر عقاب خط احمر لايوجد شى ممكن ان يوقف عقاب من ابعاد اي خطر عنها وانتقامه لمن يؤذيها سيكون شرس \\\ورد رهيبه هي وغيرتها بس برافو عليها بدات بتعليق غيام فيها بطريقها الذكيه الملتويه فهي ستجعله يدمن رائحتها والنوم بحضنها وقصه الكابوس كانت مدخل لاشياء كثيره ستفعلها لتحصل على قلب غيام وتتربع فيه وتزيح اي احد واعتقد انها ستقدر عليه الا في حاله لعبت الموكوسه حبيبته على وتر عجزها وحاجتها له \\\\\فهاد معه حق بما فعله من اجل ابنه اخته وبالفعل حدث له مايريد وعزها امام عائله زوجها وافشل على فارس ان يذلها باخذها كانها بلا قيمه بس حقد فارس الذي كانت فلوه او عهد سبب بايقاظه لن يقف عند حد معين فهو قرر ان ينتقم منها ومن استهتارها بحبه واهتمامها بالمظاهر واول درس حرمانها من شهر عسل مرتب وانزالها فمالديف جدته وسويت خواله ابو الاشباح عهد تغيرت وندمت على سخافتها ولكنها ضيعت فارس الطيب والان ستعاني من فارس الحقود المنتقم الذي سيعلمها ان المظهر ليس كل شى بس الخوف انه اثناء الانتقام يفقد نفسه ولايستطيع المسامحه فلا يعود يرى تغيرها واختلافها \\\\نوره لمتى الهروب من حاكم تسعى لارضاء الجميع ونست اهم شخص زوجها هل ترسمه كامير لقصصها وتهرب من ان يصبح اميرها بالواقع وهو لمتى سيقبل بهروبها بارت روعه وبانتظار العثرات القادمه
|
رد: الحظوظ العاثرة بقلمي / ضمني بين الاهداب
لي عوده برد مفصل
تسجيل اعجاب ببهالعثره ضمضم وبغتار بداء يدخل مخي حبه حبه فارس الخص موقفه بهالعثره بكلمتين على قد غلا الشخص يكون عمق جرحه فارس خلف سواد روحه هناك جرح ندي مازال ينزف وجع تعاطفت معك حد الذوبان يبو عقاب 💔 موووووجع الجرح وذكرتني بعقاب بقلبك المجروح حبيت وتعمقت في شخصيته بهذا الجزء لي عوده |
رد: الحظوظ العاثرة بقلمي / ضمني بين الاهداب
ياصباح المفاجأت ❤
انلحس مخي شكيت اليوم سبت ولا ؟😹 لي عوده بعد القراءه |
رد: الحظوظ العاثرة بقلمي / ضمني بين الاهداب
يا مساء الروعة
تسلمين ام اليزيد 💗💗💗💗💗💗 |
رد: الحظوظ العاثرة بقلمي / ضمني بين الاهداب
يااا صباح الجمال والحرف الاأنيق على ضمضم ومتابعاتها
قربة ساعة الصفر ومااعاد قدامك يابندر الافخرابوها تخطبها لكن كيف وغتار وعقاب جبل ينطح جبل الله يعينك يااابندر تبي كفاية الشر مااعاد تحصل لك مافي حل الا نفود تدبسها بظهر غتار اذا شفت الامور تعسرت احزني مره كلام بندر عن يأسه انه يتصالح مع عقاب وأأثر البعد والصمت والدعوات له بالتوفيق طول سنين الفراق لكن يابندر مادريت انك خلفت لك ثعلب ماهو بعيد عن اخوك لكن الفرق ان عقاب هواااوي وقلبه اخضر لكن غتار جلمود صخر قلبه الله يعين من تطيح بحظه وتحسب عليه زوجه فخر والا غيرها .. والله اتمنى يتزوج فخر بشوف وش بيسوون في بعض هو وعقاب لي عوده بأذن الله مع باقي الابطال الله يسعد قلبك ضمضم زي ماتسعدينا بها البارتات الي انتي وذا الاجهزه ومشاكلها الي مااتنتهي في صراع ..، |
هلا هلا هلا بحبيبت الروح رفيقة الدرب اليلاسي يازينتي وزين رواياتس
انا احب ادخل جو الروايه معتس واعيشها بصراحه تعليقي للروايات مع ضمضم اعيشه بتفاصيله ام اليزيد قريت اول بارت ويمكن ثاني بارت بس ماحسيت اني دخلت جو الروايه رجعت سكرت عليها لين اقدر اعيشها يمكن لان البارتين اللي قريت مابعد حمت الروايه او بسبب انشغالي وتشتت ذهني في الفتره هذي ولاني اجزم واشهد على قدرتس في الكتابه خليتها لين تستوي شوي لي عوده ام اليزيد في الرد بعد القرائه لتس حبي وتقديري يأوفاء كاتبه واجمل مبدعه قلوب ملونه وورود تاصلتس مع بوسه خاصه للغاليه ام الغالي |
بسم الله اسجل دخولي الاول
بمناسبه نجمه توقعي للمهر ( ؛ ماابي اخرب على ضمضم واقوله لكم >>مصدقه نفسي ( : ماشاءالله تبارك الله ام اليزيد فوق تقييمي لها علم بمجال الابداع والكلمه اسلوب خاصه فيك بعيد عن الجميع تحلقين اتمنى لك التووفيق والسعاده تقبلي تحياتي |
رد: الحظوظ العاثرة بقلمي / ضمني بين الاهداب
يااهلا بضمضم الغلا بضمضم العسووله ربي يسعدك يارب البارت بارت تقلبات و بارت التصريحات وبارت الذكاء والدهاء من غتار الا وجهه عقاب بذكاء غتاري بصراحه عجنبني كيف صار الحوار بينه وبين عقاب وتدخل رياش للذيذه هههه لا ويبغى يتزوج حبه الشرياني سامحبي يا ابو ممدح بقولك وقف الا بنتنا فخر ماتاخذ الا وحد توه شباب .... غتااار وحاكم بالمستشفى وماهرات في اتقن التمثليه الا سواه مع راشد الا طلع ماهو كفو وفخر بشاطرتها عرفت تقلب الطاوله عليهم وردت فعل غتار لما عرف سواء نية راشد وعجبني ضربه يستهل عسى ماحد يضرب غيرك يغتار القلب .... بندر ونوره وحاكم بندرر بيعوضه عن حنان الاب واظن نوره فتحت جرووح بندر بكلمها وتشبيهها غتار للعقاب ولا سبقه له رياش الا حظ الشبهه الابينها بصراحه اشوف غتار نسخة عقاب شكل لكن في باقي الاشياء يشبهه بندر و حاكم الا بدا الحب يغزوا قلبه .... غيام وعهد ههههه برافو عهد عرفت تلعبها صح وبديت تجننه بس الا مستغربه منه اختفاء وهج 🤔🤔🤔يترا وينها وهل اختفاءها هدوء ماقبل العاصفه ????...... وفااارس وفلوه فارس اخذته العز والقهر شوي بس بيرجع يموت في فلوه بس حقده وكره ماهو طبيعي البنت اتغيرت ليييه يا فاارس ليه والله يصبر قلب فلووه رح تتعب معه كثير بس الصبر مفتاح الفرج وتسلللم يدك يارب ي ضمضم يانبض القلب 😘😘😘
|
رد: الحظوظ العاثرة بقلمي / ضمني بين الاهداب
سلااااام عليكم ورحمة الله 💜
بداية يعطيك العافيه ام الزيد على الإبداع المتجدد كالعاده ✨💜 البارت مفعم بالاكشنات بداية بلقاء عقاب وغتار وثم غتار وفخر لقاء عقاب وغتار احس فيه رموز وشفرات زواج غتار وفخر واللي مع الايام راح توضح لنا ألطريقه الكل اجمع ان عقاب صعب يوافق على غتار ؟؟؟ بس ليه خاف من كلام غتار هنا وراح يتطمن على فخر يعني غتار قال بحواره ان بغيت بتزوج بنت عمي ماقال بضرها تحسون عقاب خاف !! وش سر خوفه هنا ******* غرق بضحكه ساخرة خبيثة..\ انا والله رجال مولع بزين واتبع الزين لو هو بقندهار وبنتك ماظنتي وانت ابوها كانها مثل خشتك يجيب الله مطر وانا اذا بغيت العرس ماني مبعد حولك وحواليك باخذ بنت عمي عقاب عرفت انها دكتوره..!! شعر عقاب بـ سهم اخترق قلبه من قوسه الخبيث.. ***** وهنا بعد على عمره..! حك ذقنه عقاب وهو يعاود التماسك فا الامور في حضور حبيبته فخر تتبعثر..! شده هاتفه لـيبحث عن رقم فخر ** خوف مب مبرر غتار ماتوقع انه ممكن يضر فخر ك ضرر ذي مب من شخصيته او تربيته ! بس خوف عقاب من ان غتار يتزوجها ماراح يتزوجها بدون رضاه ف ليه خايف ؟؟؟ يكون خايف ان فخر اذا وافقت من نفسها هو مايقدر يرفض لها طلب والتوقع ان غتار بيلعب حول هالموضوع بيخليها توافق من نفسها !!!! زيارات غتار المتكرره للمستشفى هي مفتاح الخطبه 😝!!! فارس وعهد ! وش وضع فارس يبي يطّلع التكبر من عيونها اجل شهر عسل في الديره مسكينه تحسون فارس تصرفاته تصرفات الكره اللي يولد من الحب القوي يعني على كثر ماكان يحبها على كثر ماجرحته كثر مايغذي الكره اللي بداخله من الحب القديم يعين تصرفاته حب مغلف ب كره ظاهري* انا اقول ان ماتعلمت عهد من نصائح خالتها عمشاء وجابت فويرس على وجهه ولا ماتفهم 😹! ورد وغيام استغربت جراءتها معه احس العروس بداية ايام زواجها مستحيل تبادر هي من نفسها !! بس غيام صعب صعب واضح ماهو معطيها وجه لان قلبه مع وهج يامال اللي مانب قايله بس للأن ماحس ان دور وهج خلص احس باقي بتظهر لنا بالبارتات الجايه حاكم بعدم مبالاة..\لاماعليك من ذي الناحية قول قطوه ماحد يقربها..تاكل كلن بقشوره...سبحان الله دمكم واحد صدق عيال عم..! غتار يغرق في ضحكه \الله يسامحك خليت اخوك قطو الحين..! اشار بيده مودعاً من دون يرد وهو يبتسم..! مادام طبعهم واحد ف يامابنشوف من هم من المناطح وكل واحد يبي يمشي كلمته على الثاني بس خل نزوجهم اول ونستمتع بالهواش✌🏻😩 ****** بندر يشير بيده ..\طلع وخلص يابوك وخلصنا وسمحت خواطرنا الله يحفظه بس ويستر عليه..أجلس هنا يا ابوك.. **** بلاك ماتدري يابندر ولدك وش جالس يسوي 😩! لازلت اقول ان غتار هو شرارة الصلح بين بندر وعقاب وحاط هالهدف براسه لانه عارف ش كثر ابوه متأثر من قطاعة اخوه له ومن حب واحترام لأبوه بيسعى لهالشي ! **** يتحدثان غير ابهين با الذي خلفهما بقى وحيداً.. حاكم الذي يراها تبتعد عنه وتلتصق بوالده شعر بشي في صدره لايدري ماهو..! **** انا اقول لك ياحاكم هذا وش ذَا غيره مب الانسه نوره عاشت ب جو العائله ونست الزوج اللي صبر عليها ووقف معها بس عساه تسنع هالأيام وتلتفت لولدنا ولا بنشن حمله عليها 😝 تسلم يمينك ضمضم وبانتظار صباح سبت جميل بك 💕 |
رد: الحظوظ العاثرة بقلمي / ضمني بين الاهداب
يسعد مساء ضمضم ومتابعينها
غتار ماراح احط معه فخر لانك موب ناويه تعتمدين توقعتنا انهم لبعض مواجهته مع عمه ماراح نقول انها بداية لرجوع العلاقه بين العائلتين لان عقاب عنيد ولا يبي ترجع علاقته مع اخوه اللي في وجهة نظره انه طعنه في ظهره وغتار ناوي بس يلقن عمه درس بسبب اللي سواه معه وروحة غتار للمستشفى واللفه اللي لفها عشان بس يشوف فخر ويعرف أخلاقها وبعد ما يتعرف عليها اكثر بيحبها وهنا بيخلي ابوه يوفي بالعهد اللي اخذه عليه واللي سواه من باب الحميه ويدافع عن شرفه بعد ماتعرف فخر ان غتار هذا ولد عمها وش بتكون ردة فعلها اذا شافته ثانيه فخر وغتار وجهين لعمله واحده كلهم عنيدين وبعد مايعرف عقاب ان غتار راح لبنته بيتأكد ان غتار يبي بنته وان وراه بلى لانه ذيب والذيب مايهرول عبث فارس ابد ماعجبني تصرفه مع عهد حتى لو كانت سطحيه من قبل انت الحين تسوي زيها تهتم بالقشور زوجتك ماقلنا شئ بس تأخذ حقك بالطريقه هذه في إهانه لك قبل مايكون لها بتندم من طريقتك هذه بعدين القفله وقفت على قٌبل وعبرات من راح يفوز في النهايه عبراتها والا قبلاتك عمشاء اسمك الرمح من الزين اللي فيك مادري ليش متخيلتك شكل غير ولا فيك زين آثاري عقاب ماتزوجك الا عشان زينك يثبت لنفسه انه يقدر يأخذ اللي أزين من العنود في وجهة نظره بس علاقته الابويه مع فخر مره حلوه هي اللي بتخليك ترجع علاقته مع عمها بعد ما تحب غتار وتذوب في دبديبه غيام ورد والله ماطلعتي هينه ياورد اجل كوابيس عشان تخلينه يتعود على حضنك ان كيدهن عظيم رياش ابو كرش من جدك انت تبين المزيون لبنتك مليحه وتلقى مافيها من الملح ذره خل عنك الشيخ غتار لانك ماراح تطوله راشد عينه فاسده تشوه مجتمعنا بتصرفاته وعينه الزايغه يستاهل اللي جاه من غتار كوده يكون له درس فخر ماينخاف عليها زي ماقال حاكم وقد شافها وهي تدافع عن نفسها ولو الكل سوا زيها ماشافنا مثل عينات راشد اللي بدأت تكثر وتشوه سمعة المكان اللي يكون فيه نوره تبعد عن حاكم قلنا ودك بعائله وهذا انت لقيتي باقي عليك تخطين الخطوه اللي تتهربين منها حاكم مايستاهل التجاهل منك هو هرب في البدايه عشان تتاقلمين مع حياتك الجديده بس انت استحليتي اللعبه هذه مدري ليش احس ان حاكم ينطبق عليه المثل إتق شر الحليم اذا غضب دمتي بود |
رد: الحظوظ العاثرة بقلمي / ضمني بين الاهداب
مراحب
ومازل حقد عقاب مسيطر عليه لم يكتفي بمحاولة بيع الارض الغير صالحة لغتار واللحين يخطط لحرق مستودع اثاث شركة غتار متناسي ذكاء وفطنة غتار وانه سيكون حريص خاصة بعد نصيحة عقاب له بان يجعل له عيون خلفه واتوقع انه بيمسك الشخص وبياخذ ادلة تثبت تورط عقاب للتخطيط لحرق الاثاث واتوقع تصرف غتار وضع الاثاث في مستودع ثاني وايضا تغطيته بالتامين الشامل في حال احترق وبمجرد حصوله على ادلة تثبت هذا سيذهب لعمه ويخبره عن كل شي ويخيره بين فضيحته او زواجه من الفخر. |
رد: الحظوظ العاثرة بقلمي / ضمني بين الاهداب
اقتباس:
هلاا وغلاا .. هلاا بـ فرروحه صااحبه النجمة 😋 خلااص النجمة اخذتيها ..مع اني حقيقي حاولت اطيريها😂 بس فشلت المحاوله .. ضمضم صايره زي رياش..يذكر اللي يبي وينسى اللي يبي 👴🏼 يللا عاد ي قلبي قوليلنا خل نشوف وشهي😍 << فيس ميت من اللقافه |
رد: الحظوظ العاثرة بقلمي / ضمني بين الاهداب
اقتباس:
اموووله يااقلبي .. ضمضم تحب تتوهنا .. وانا الحمدلله مصحصحه ولا مشت علي 🤓.. ولاازلت مصره ومتاكده ان غتار بياخذ فخر طالت الروايه ولا قصرت 🙂 << الله يستر ي ضمضم مااطيرين فيس الثقه اقتباس:
لو الكل سوا زيها ..والبنات بطلوا مجاغه ماشفنا هالاشكال .. بس هذا مايعني ان بعض الرجال سافلين سواء الوحده عطت وجهه او لا .. هذا راشد جالس يتحرش بفخر وهي موريته شغله .. |
اقتباس:
ي هلابك ي دودي الحسوده 😅 وتم توثيق نجمتي بجميع مواقع التوصل 😎 طبعا لا >>متاثره 😂 ماابي احرق عليكم مفأجاءه من العيار الثقيل تربيه الضمير ضمضمي الشرير ماتروح هدر😂💔 اسرع نجمه خلال خمس بارتات بس 😌🤓 |
رد: الحظوظ العاثرة بقلمي / ضمني بين الاهداب
السلام عليكم..
قريت الباااااااااااااااارت .. ويل قلبي ويل حالي ويل سوحي ووويل نوحي ووويل دوووحـــي .. وللحين مابعد كتبت رد منسق وكامل بس من شفت الزيــن كله غتااااري يااجعل العدوان يفدوونه وانا جاايه اطاامر ابدي اعجااابي الشديد وحبي الكبيييييير لغتااري .. ياااقلب قلبي هوو .. اجل رجله تعوووره عقب الحيوان الكبير الدكتووور الخااايس .. جعل اللي فيك يااغتاااري في دكتوور الشر دكتوور قلة الادب .. اهم شي حصل اللقاااااااااااء العظيم والمنتظر بين غتاااري و بنت عمه فخر ابوها.. اممممم فخر جريئه وجرئتها بالحق .. والصراحه ماشفت فيها قلة ادب ووقاحه.. الا شفت فيها قوة شخصيه وجمال.. اما لقاااااء غتااري بعقااااب ..ابداااااااااااااااع ..ولقاااء رائع والارووووووووووووع صرااحه وجووود ريااااااااااااش ياازينه زينااه انصدمت يووم شفته مع عقاب بسيارته مدري من وين جا؟؟ههههههههههه ياازينه أبو ممدوح مايلعب على طوول يتدخل بالخطوووبه.. بس غتااار صراحه فاجئني مرره مره يوم قال بتزوج بنت عمي.. والله اني تنحت من كلامه.. بأول لقاااء بينه وبين عمه يقوووول كذا ..؟؟ وهالشي يخليني اقوول الصراحه اني حسيت انه بعيد عن خطوبتها بالرغم من انه كل شوووي ينط بالمستشفى ويسأل عنها.. كل واحد مندبله كبده من الثاااني.. بس بيجمعهم بيت واااحد... امممممممممم جا في بالي توووقع . والمتووقع انه فشنك بس قلت بقووله وهو ان فجر هي اللي تخطب غتاااار.. مو هو اللي يخطبها..هع |
رد: الحظوظ العاثرة بقلمي / ضمني بين الاهداب
اقتباس:
وين الرد اللي فيه هالتوقع؟؟؟؟؟؟؟؟؟؟؟؟ مالقيت أي رد لتس خيتووو ماعندتس الا ردين والتوقع مهوب فيها؟؟؟؟؟؟؟؟؟؟؟؟ |
رد: الحظوظ العاثرة بقلمي / ضمني بين الاهداب
اقتباس:
فرح يهديك ربي وتعلمينا ولا وضحي توضيح 🙄💔 |
رد: الحظوظ العاثرة بقلمي / ضمني بين الاهداب
بدعتي ضمضم. وش أقول. جمال حرف وأسلوب ممتع جدا
الله ينثر السعادة لك وللقراء الحظوظ. ابتدئ بالخبله ورد ههههههههههه مت مت ضحك يمة من كيد النسوان يمة صدق ذكرتني بأفلام ابيض واسود والله الاصدق بترقصه على رموشه ولا غيام كسر خاطري. جد هنا اثبت انه شاشه بيضاء. مصدقها مسكين فارس مثل البركان حقد وعشق مايجتمعون. رحمت عهد وكسرتها المسكينه. لكن هذا درس لها وتدرسه الى سابع حفيد وحفيده لها. الزم للسانك نوره ايه. يازينها انقرض هالنوعيه وياقل جنسها الحين من تأخذ الولد تنشب بحلقه وتسوي له عقد احتكار والضعيفة الام الأربت وتعبت يسحب عليها أم اليزيد نطالب بأربع نسخ من نوره لعيالي ابي اتطمن على نفسي رحمت حاكم اتخيله يغني يحلو صبح يحلو طل هههههههههه🤣🤣🤣 يمة مقابلة الصعبين الفخمين. غتار وفخر مدري احس عمي عقاب بيطب ساكت اذا قالت له فخر باسم غتار أظن من الخرعه بيهرج عمره. حسّيت عقاب يميل لفخر بنته اكثر. يمكن لانها نسخه منه أتوقع زواج فخر وغتار ابسط ممن نتوقع عقاب بقرب غتار لانه كيذا كيذا عارف انه حط عينه على فخر وماهوب مخليها في حالها وبيشفع له حبه لامه نفود ايه ياست عمشاء ولا الرمح ماشاء الله عقل عقل جبتي الرجال من اقصاه. امممممممممم رياش بينكب عقاب. من غير مايقصد في سالفة المخزن. وهنا يكون الخطبه ولا ان عقاب ماقاله سالفة المخزن الا عشان يطب بالهرج قدام غتار عشان يقربه له مهر اذكر في المقتطفات بطلها مابعد جا وكان يقول انا صابر عليك من غلاك نسيت اسمه أظن بندر قلووووب تنبض لكل من مر هنا |
رد: الحظوظ العاثرة بقلمي / ضمني بين الاهداب
السلام عليكم
ماشاءالله وش هالالعاب الناريه ياضمضم عز الله بيتفجر المستشفى من فرقعه غتاار وفخر ههههههه يازينهم لايقين على بعض كل واحد يقول الزود عندي في العناد والمكابر هههههههه اتوقع غتار بياخذ ابوه وبيقوله جا تنفيذ الوعد يالله تعال ابيك تخطب لي بنت عمي عقاب او رحت وخذت سميت امي.. غتاار شخص استفزازي ويحب لوية الذراع.. الله يعين بندر على بلاويه بيحوس الدعوى كلها وبينبش الاولي والتالي.. ورد ههههههههه مت ضحك على مكرك ياشهرزاد ههههه اجل كوابيس وهالضعيف صدق ههههه واصلي واحنا معاك ضمضم.. تسلم الايادي ياجمييله .. |
رد: الحظوظ العاثرة بقلمي / ضمني بين الاهداب
يسعـد مساكم جميع ....
اتـوقع المهر مخطوبه او متملكه ويمكـن يكون فيه شي صار بينهم وخلاها تنفصل عنه وترجع تعيش مع امهـا ...ويمكـن من عيال خوالها اذا عند العنود اخوان حاولت اخمـن أبي اصادر النجمه من فرح بس شكل حماتهـا تحبها:lol: |
اقتباس:
اصرار ضمضم على انهم مو لبعض هو اللي مخلينا متأكدين انهم لبعض بس هي موب راضيه تعترف صايره شريره من تالي العينات هذه ما ينفع معها الا الصد والمواجهه وفضحهم عشان يلزمون حدودهم ام الخوف منهم هو اللي خلهم يتمادون |
اقتباس:
مبروك النجمه انا متابعه لـ سناب ام اليزيد وشفت وحده متوقعه للمهر واحد مخبى في كراتينه بس طبعا ضمضم الشريره مو راضيه تعلم احد وانت بعد تلميذه ممتازه عندها 😤 |
رد: الحظوظ العاثرة بقلمي / ضمني بين الاهداب
اقتباس:
ههههههههه ضمضم بذببحك لو مسكت فيني هالعيااره وبعدين يا فروحه ي قلبي المقصد اننا نحفظها لك.. ولاا عاد نحاول .. عشان ماتصير اخر شي نجمه مشتركه🤗 وهي الله المستعان في بارت سبعه مشوار 😂 اقتباس:
اممم فكره انها تكون مملكه يمكن .. لاني أذكرت المقطع اللي قالته عذور كأن في صله بينهم.. بس نااسيه اسمه واحد بكرتونته لسى ماطلع.. |
اقتباس:
جبتيها هتونه غيام لو مااكان شاش ابيض ماهو على وجهه من سنين ورى وهج لا بعد سره حاطه بسبع صناديق ماايبي احد يطلع عليه لو كان ملكع ولعوب سوى الي براسه ومااعليه با احد اتوقع عقب عرسه على ورد اشيااء كثير بتتغير خصوص ان النيازك اذا طاحت على مكان غيرت معالمه 😊 فخر وغتار مااا اتوقع ابداا ان زواجهم هذا اذاااا تزوجو بيجي الموضوع بالساهل لاعقاب سهل وغتار مثله وبندر قاااطع الرجا من وصل عقاب ولايبي يحط ملح على الجرح يكفيه مااجاه من عقاب يعني يبي لهم معجزه عشان يتزوجون 😉 |
رد: الحظوظ العاثرة بقلمي / ضمني بين الاهداب
باارت ررروعه 💓💓💓💓💓
تسلمين يا ام اليزيد💓💓💓💓 |
تسسسجييييل دخول جديد😍عاد بكرتوني😂😂😂السسلام عليكم ورحمة الله وبركاته يالغالييييات😘انا متابعه ضمضم في السسسسناب من بداية العثره والحين بدء الحماااااسسس قلتي خليني ادخل في المنتدى يمكن احصصصصل نجمات من ضمضم😁لكن التعليق بيكون وقت ثاني 😍يسسسعدكم ربي جميعا
|
رد: الحظوظ العاثرة بقلمي / ضمني بين الاهداب
هههههه. عاجبني. لقب دودي الحسوده
ضمضم ماهيب مختلفه بس الا متغيرة ماعادها بخويتنا الا نخبرها حايستن. مريرنا من أمس اقراء توقعات البنات ماخذة وضعية جلسة عبله كامل ههههههههههه كيف بتجمع فخر وغتار. وهم نار وفتيله مقهوره مقهوره من الْيَوْمَ احاول اتذكر بطل المهر عجزت اجيب اسمه. مدري جاني احساس ان المهر ليكون لها دور في زواج فخر وغتار. |
اول شي بندر وعقاب😖قد كتبت تعليق لي في السناب قهههر ان علاقتهم تنقطع عشششان مره صحيح عقاب ماينلام بس برضه هي حب حياته وفجاءه تروح لاخوه هذي بحد ذاتها غبينه😵وبعد تصرف بندر غلط لما طلق العنود بعد ماجابت منه بنت كان استمر معها مدام العلاقه انتهت بس هو توقع بعد طلاقه من العنود بترجع علاقته في اخوه 😖. وعلاقة غيييام بوهج كانت باطل ومابني على باطل فهو باطل معروف ماراح تسسستمر واهله ماراح يرضون يزوجونه وهج وجاته ورد هديه من السسسسماء😁. حاكم ونوره بصراحه نوره انهارت لما تغييير شكلها بعد العملييييه لكن وقفة حاكم معها موقف رجولي ووواااووو على حاكم ونوره ماآحلاهم 😍اما ولدنا غتتتتااااار هذا شششي ثاني شخصيته اعجبتني وشخصيه ذكيه لما جاه الحادث وماكان احد متوقع خروجه من المسسستشششفى سليم لكن سسسبحان الله رجع للحياه بشششكل طبيعي وصار يشششتغل مع ابوه وووااااووو على غتاري😂😂😂وشخصية فخر اعجبتني قويه وتاخذ حقها😂😂وفارس وعهد جرحته في البدايه جرح قاسسسي💔💔💔وعمشششاء وعقاب قصتهم شي ثاني تزوجها بعد العنود عشششان يجيب عيال ومااحبها بسسس تزوجها عششان جمالها وبعد كذا حبهآ😮والمهههر شخصيه بندريه😁بس شخصيتها الى الان ماظهرت ولها قصه بعد وش هي قصتها تنتظظظر بفارغ الصصصبر
|
اقتباس:
|
اقتباس:
|
رد: الحظوظ العاثرة بقلمي / ضمني بين الاهداب
انا ابغى اخذ نجممممه من ضمضم😂😂بسسس ماششش التفكييير عندي معلق😂😂لكن بفففككككر اول شششي احنا كلنا متوقعييين فخخخخر لغتتتتتار لكن اللي ابغى اعرفه كيف تتم هالخطبه😁يعني عقاب مسسستحيل يسلمها لولد اخوه وهو كارههم ومايهم احد احسسس خطبة ولدنا غتتتار لفخر بتكون غريبه وغييير متوقعه😁بتقولون كييييف بقولكم مدري😂😂بشغل مخي يمكن احصصصل نجمه واطير نجماتكم كلكم😉 وضمضم تقول انها الحب الششريهاني لررررياششش بسسس مسسستحيل عقاب يعطيها رياش وهو يقول كيف حريمك متحمليييينك وهو ماراح يعطي بنته اللي يحببببها الا للي يسسستاهلها😁هذي عليها نجمه😁اوزع نجمات على كيفي😂😂ابغى نجمه من عند ضمضم لازم اشششغل مخي😉يسسسعدكم ربي
|
رد: الحظوظ العاثرة بقلمي / ضمني بين الاهداب
اقتباس:
هههههههههههههههههههههههه انتم الي متغيرين:lol: |
رد: الحظوظ العاثرة بقلمي / ضمني بين الاهداب
اقتباس:
عذرا ياعذور اللحين اقول لا ينشب فييني وتقولييين عاااجبك 🙁.. غلطاانه اني قايلتلكم.. وانا اللحين اقول اصلاا عااجبني 🙂 لو ادري عنه من اول كان سجلت فييه😊 اقتباس:
|
رد: الحظوظ العاثرة بقلمي / ضمني بين الاهداب
اقتباس:
يا هلاا بمعذبتهم كلهم .. لا أخفيك سرا اول ماقريت السطرين وشفت مشاركتك كانت وحده .. قلت بس جايه بنجمه تبي توثقها زي فروحه .. بس الحمدلله اطمنت يوم كملت.. وبعدها يوم صرتي تحووسين😂😂❤ المشكله كل شي توقعناه بهالخطبه.. بس مااحد توقع خطبه عاديه.. يعني يمكن الموضوع بسييط يجي غتار ويخطبها من عمه واذا رضى جاب أبوه وتمم الموضوع وانتهينا🤓 يبغالنا نجيب نيوتن حق للوش هنا يمكن يحل لنا الموضوع .. بس هو حاليا جالس يحتفل بالنجاح البااهر اللي حققه من احد توقعاته 😂😂 |
| الساعة الآن 07:27 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية