|
شريحه من حياه تعاني
السلام عليكم
انا اسمي رؤى كاتبه لروايات مبتدأه:peace: المهم باعندي بطويله اسم روايتي ( شريحه من حياه تعاني ) بسم الله شريحه من حياه تعاني رهف ~ ليلى الفصل الأول الفصل الثاني الفصل الثالث الفصل الرابع الفصل الخامس _____________________________ "رهف" جالسه في السياره انتظر الاميره طلعت ليلى لابسه عبايه فضفاضه واطرافه لون ازرق غااامق ولابسه نقاب وشنطه موفيه كتف ليلى = هااااااي!! رهف = وعليكم السلام! ليلى = عادي وش الفرق؟ رهف = تستهبلين؟؟ .. هاي يعني مرحباً والسلام عليكم يعني ( لفت وجهها عني ) يازق قاعده اكلمك! ليلى = خلاص فهمنا فهمنا! رهف = الشرهه مو عليك علي انا الي اعلمك! ليلى = اقول شرايك تقولين لسواقكم المخيس يسري؟؟ رهف = والله انتِ المخيسه! .. محمد حرك هز راسه بئيه ومشا .. قعدنا نسولف شويات لما وصلنا للمدرسه الثنويه نزلنا من السياره ودخلنا "ام رهف" خلصت كنس الصاله .. تعبت وجلست على الكنب .. متى ارتاح .. والله تعبتت .. محد يصرف علي انا وبنتي .. الله لا يوفقك يابو رهف .. انت السبب .. انت سبب حالنا! .. تزوجت علي ورحت .. ولا سألت عني ولا شي .. يليت انا وبس .. وش ذنب بنيتي رهف .. والله مالها ذنب ذا البنيه .. كل يوم احاول ما احسسها بلفقر .. اترك كل شي ابيه واشتريلها .. الحمدلله مناب كثار ولا انقلب علي كل شي ماعندي فلوس اجيب خدامه .. ماعندي الا السواق .. ولا مقصره معه .. متى ارتاح؟ .. تعوذت من ابليس وقمت اكمل تنظيف البيت .. عاد من كبره .. مغير غرفتين وحمام ومطبخ وصاله بعد ماخلصت تنظيف كل شي .. تعبت وجاني ارهاق .. رحت لسريري وغفيت "رهف" انتظرت ليلى وانا ماسكه شنطتي .. انهكتني ذا الشنطه! شوي والا اشوف ليلى جايه رهف = اوصلك؟ ليلى واضح من وجهها ندم = اجل من يوصلني؟ .. يليت والله عندي اخوان .. ( كملت بحزن ) اتعبتك معي رهف ونا مستغربه = شدعوه؟؟ .. من متى ذا الكلام .. ( ابتسمت ) تمونين ليلى ابتسمت = الله لا يحرمني منك ولا من بثارتك وازعاجك وكلك!! رهف بمزح = اقول عاد طولناها لا يظيق علينا محمد ههههههههههههه ضحكنا ركبنا مع السواق .. امي الحين اكيد تعبانه وهلكانه من التنظيف .. صح بيتنا صغير بس امي تتعب بسرعه! .. الله يهديها الغاليه ما تنظف ألا الصبح .. ماتخليني اساعدها! .. ذيك المره كان وصخخ مررررره ولما رجعت لقيتها مغشي عليها الحمدلله اني لحقت عليها ( شهقت ) يوه لا يكووون ليلى لفت علي = وششش فيك روعتيني!! رهف = ولا شي ليلى = على كيفك هو؟ .. تشهقين وتقولين ولا شي؟! مابي اتعبها معي رهف = لا بس وسوست شوي .. الله ياخذ ابليس! عطتني نظره ولفت وصلنا البيت ونزلت من السياره وقلبي يوجعني اخافف! جمحت لبيتنا وفتحت الباب .. قعدت ادور بعيوني عن امي .. لفيييت البيت كله بس الحمد لله لقيتها في سريرها نايمه وواضح عليها التعبب والبيت لا إله إلا الله يلمع .. صح انه متواضع ويمكن اقل .. بس الحمدلله مرتاحين توجهت لغرفتي ورميت شنطتي .. انسدحت وتأملت السقف لدقايق صح احياناً احس بنقص من بنات زوجة ابوي .. بسس .. الحمدلله على كل حال .. غيري ماعنده حتى سقف يؤويه .. ملابس تدفيه .. الحمدلله الحمدلله احنا بنعمه عظيمه الله يديمها علينا "ليلى" وصلت البيت ورميت شنطتي ع الارض جتني لين = ليه خيير إلا متى؟؟ ليلى مالي خلقها = شتبييين؟ لين = ليه ترمين شنطتك؟ ليلى = لا يكون امي ونا مدري؟؟ لين = وتتوقعين امي تقول شاطره يابنتي انك رميتي شنطتك؟؟ سفهتها ورقيت فوق لين = مستحييييل تتغيرين! ليلى = محد وجّهَكْ لي! رحت لغرفتي وانسدحت صح احنى مو اغنياء بس اعلى من رهف .. مسكينه .. احياناً اشفق عليها ( شهقت ) وش قاعده اقول انا؟! .. مستحيل ترضى إذا سمعت ذا الكلام احس حياتي هي حياتها .. دايم اهتم لحياتها اكثر من حياتي ابوي متوفي من زمااان .. انا اكبر خواتي .. خواتي هم لينا ولين وليان .. لينا ولين توأم بأول ثنوي .. وليان بأول متوسط .. وانا بثالث ثنوي .. حياتنا طبيعيه .. مو عاليه ولا نازله سمعت صوت امي تناديني ليلى = هلاااا يماااااا؟؟ امي = الغدااااا! ليلى = ان شااالله نزلت من السرير ورحت اتغدا معهم ______________________________________ انتهى البارت الاول .. ادري قصير بس انشاالله الي بعده اطول واحلى ترا رايكم مهمممممم جداً جداً جدً البارت الثاني؟ = بردودكم |
رد: شريحه من حياه تعاني
سـلام ..
مقارنه بروايتك السابقه هناك تحسن ملحوظ الأخطاء الإملائيه الكثيره خفت + هنا روايتك أكثر وضوحاً تأثرت قليلا لرهف .. وضعها قد ذكرني بشخصٍ ما أعرفه حتى الآن أنني مترقبه لما ستضيفه .. أحتاج المزيد لأحكم على روايتك بشكل عام .. بمعنى آخر أنتظر مفاجـآتك ^^ أمـا بخصوص قصر الفصل .. لا عليك ! .. ركزي على قوة ما تسردينه من أحداث مهما بدر قصر فصلك ثم بعدها بزيادة الخِبره من كثرة المطالعه أزيدي في كل فصل على استطاعتك إلى أن تصلي المطلوب في انتظار البارث الثاني .. موفقه |
رد: شريحه من حياه تعاني
شكراً سوهاني على ردك
وتعليقك وان شاالله يكون البارت الثاني مشوق وجميل |
رد: شريحه من حياه تعاني
السلام عليكم
وجبت لكم البارت الثاني البارت الثاني: شريحه من الحياه تعاني رهف & ليلى __________________________________ "ام رهف" قمت الساعه 2 الظهر .. شهقت لما شفت الساعه نسيت صلاة الظهر!! .. الله يهديها رهف وش فيها ماقومتني؟؟ .. لا يكون مارجعت من المدرسه!! .. فزيت من السرير ورحت ادورها فتحت باب غرفتها بقوه رهف ارتاعت = بسم الله يمه وش فيك؟؟ اطمأنيت لما شفتها .. وندمت اني قاطعت مذاكرتها ام رهف = ليه ماقومتيني اصلي الظهر؟؟ رهف = اسفه يمه نسيت .. بس قولي لي وش فيك خايفه؟ ام رهف تنهدت = خفت انك مارجعتي من المدرسه! رهف ابتسمت = اسفه يمه .. المره الثانيه اقومك ام رهف = الحمدلله على كل حال .. انا بروح اصلي الظهر رهف فزت = مافيه غدا! ام رهف = من وين يجي الغدا ونتي ماقومتيني؟ رهف = يوووووه مره جويييعه! ام رهف ابتسمت = ولا يهمك الحين اسويلك غدا رهف ردت لي الابتسام = الله لا يحرمني منك قولي آمين ام رهف = ولا منك آمين سكرت الباب ورحت اصلي واسوي غدا "رهف" مدري وش فينا ذا الايام .. صايرين نخاف؟! حطيت عيني ع الكتاب وجلست اذاكر واذاكر واذاكر لما اجعني ظهري ورقبتي .. سمعت اذان العصر .. تعوذت من الشيطان وقمت اتوضا واصلي .. بعد ماسلمت رحت اطمن ع الغدا شفت امي جالسه ع التلزيون .. جلست جمبها رهف = اخبار الغدا؟ ام رهف = بخير يسلم عليك ههههههههههه رهف حاولت ابتسم = يمه جوييعه ابيه ام رهف = ونا قلت لا؟؟ .. الله يهديك مستعجله ناظرتها للحظات وقلت في نفسي ( الله يحفظك يا الغاليه ) ام رهف = وش فيك؟ رهف = ولا شي رجعت نظرها لتلفزيون .. ( نزلت راسي ) ليه مافاتح امي بموضوع الجوال .. بس اخاف تزعل مثل كل مره .. بسس تعبت من زمان ونا ابيه .. كل ماقلت لها تقول بعدين بعدين .. لا بقولها بعد الغدا يمكن تروق ام رهف = صليتي؟ كنت سرحانه ام رهف = رهفف! رهف فزيت = هلا؟ ام رهف = صليتي؟؟ رهف = اي اي ام رهف = زيين سكت سرحانه بموضوع الجوال ام رهف = رهف ترا مو مرتاحه لسكوتك .. فيك شي؟؟ الله يهديك يمه مستعجله رهف = مو الحين يمه .. اقول متى يخلص الغدا؟؟ هزت راسها "ابو رهف" رحت لصاله انتظر ام معاذ تجيب الغدا يوووووه اليوم المفروض اروح لرهف .. اكره ذا الموعد! .. الود ودي ماروح بس شسوي؟ جت ام معاذ حطت الغداء ونادت ساره ويارا ومعاذ ام معاذ وهي تجلس = تعال يا فهد تغد هزيت راسي بإيه جو يارا ومعاذ ام معاذ = يا هلا بمعاذ تعال اكل مارد على امه .. ناظرني نظره ثم جلس طبعاً ماكان راضي بزواجنا كنت متزوج ام رهف بالغصب الله لا يعودها وعمري 20 وكان عمرها 30 مر على زواجنا 5 شهور وحملت برهف .. طبعاً انا ماستحملتها وطلقتها .. لما صار عمري 37 تزوجت ام معاذ ولا جبنا عيال طبعاً ام معاذ عندها عيال يارا بأول متوسط وساره بثاني ثنوي ومعاذ بالجامعه الحين صار عمري 38 .. وبنتي 18 .. وام معاذ 48 ام معاذ كبر ام رهف بس اغنى منها بكثير .. مستحملها عشان فلوسها .. كانو كلهم معارضين بس بعدين صار عادي على ساره ويارا اما معاذ فيكرهني كره الشين .. والله اني متحسف على صغر سني اتوزوج ام الثلاثين ولا والثانيه نفسها .. لو اني زي الناس والعالم كان الحين زوجتي عمرهعا 35 ولا 34 ام معاذ = ففهههددد!! ابو رهف = نعم؟؟ ام معاذ = الغدا بيخلص نزلت اكل معهم ومعاذ مالفت عينه عني! "رهف" بعد ماغسلت رحت الصاله ادور امي .. مالقيتها .. رحت غرفتها لقيتها تقرا قرآن على سجادتها .. تأملتها شوي رهف = يماه وش تصلين؟؟ كملت الايه .. انتظرتها لما خلصت ام رهف = رهف الله يصلحك لا تكلميني وانا اقرا .. وبعدين انا ماصلي بس اقرا القرآن رهف = بكلمك بموضوع ام رهف تبتسم = ياشين مواضيعك .. تعالي رحت لها ركض وجلست جنبها ع الارض رهف متوتره = امممم .. احم .. كنت بقولل انتظرتني اتكلم بس ماش ماطلع الكلام! ام رهف = الله يهديك خلصيني رهف = اصبري خليني ارتب الكلام سكت شوي .. وواضح انها ملت ام رهف = اقول خلني اكمل ابرك لي رهف فزيت = لالا بقول!! .. يمه . ااااا .. ابي جوال تغيرت تعابير وجهها .. وواضح عليها ضاقت ام رهف = كم مره تكلمنا بها الموضوع؟ نزلت راسي ام رهف = روحي الله يصلحك .. والله ان راسي يوجعني تغيرت ملامحي وطلعت ونا العبره تخنقني .. وصلت لغرفتي .. واول مادخلت نطيت لسريري ودفنت وجهي بالمخده وجلست ابكي وابكي واطلع الي بحرتي .. يمكن تقولون مجنونه غبيه تبكي هالبكا عشان جوال .. انا مابكي عشان جوال .. انا ابكي على النقص الي انا فيه .. ابكي علي لما اشوف غيري بنعمه .. دايماً افكر ليش انا غير .. ليه انا مو نفسهم .. احياناً اقول الحمدلله وافكر بنعم الي انا فيها سمعت باب الشارع يخبط قمت للحمام وغسلت وجهي من آثار البكا بس بقى اثار رحت للباب وفتحته .. انقلب وجهي لما شفت ابوي وزوجته وساره .. شكلي زفففت .. بجامتي مخيسه وشعري مبعثر وآثار البكا فيه .. شفت ساره ماسكه ضحكتها .. مسكت نفسي رهف = تـ.تفضلو ناظرني ابوي نظره ودخل بعدها جمحت ذيك الجمحه .. ورحت لغرفتي البس وازين شكلي .. والله من زين البس .. لبست تنوره طويله سودا وبلوزه ورديه هاديه .. وحطيت روج وردي ومسكره .. يقال عندي المحل .. ماعندي ألا روجين احمر ووردي ومسكره وثلاث الوان من الظل .. ماستعمل الظل الا نادر .. واربط شعري ذيل الحصان رحت لغرفت امي ركضض .. دخلت بسرعه رهف = يمااااااااه!!!! ام رهف فزت = وش فيييييه؟؟؟؟ رهف = ابوي وزوجته وبنتها جو!! ام رهف = يوووه نسينا ان ابوك بيجي اليوم .. بس غريبه وش جاب ام معاذ وبنتها؟ رهف = حالي حالك ام رهف = يلا روحي حطي القهوه والشاي رهف = والله مايستاهلون! ام رهف = يستاهلون ولا لا اكرام الضيف واجب عقدت حواجبي ورحت للمطبخ وجهزت القهوه والشاي .. جبت القهوه وواضح من دون نفس صبيت القهوه لبوي وزوجته .. ولما جيت عند ساره ناظرتني نظره بغيت اصب القهوه فوق راسها من القهر .. اجل خدامتها ونا مدري! .. عطيتها الفنجال .. وبحركه مفاجِأه منها كبت القهوه ع فخذي .. صرخت ذيك الصرخه والعبره تخنقني ساره بأسلوب يقهر = اووو سوري حبيبتي ماكنت ادري اكتفيت بنظره .. مسكت دمعتي اجعني فخذي بنت الذينا!! .. ناظرت ابوي ابيه يقول شي؟؟ ابو رهف ببرود = حصل خير حصل خير فوجهك والله لو انك مو ابوي كان تكلمت .. رحت لغرفتي ونا امسك فخذي والدمعه ماسسكتها ______________________________________________ انتهى البارت الثاني اتمنى يكون اعجبكم يمكن اتأخر بثالث لأن توني اكتبه وشكراً للقراءه |
رد: شريحه من حياه تعاني
جميل ! حبيت الفصل ..
شكلها رهوفتي راح تكسري قلبي من اليوم ورايح مـآسيها كثيره ردة فعل أبوها غاظنتي أكثر من حركة ساره يعني طبيعي هالمشاحنات بين بنات الأب بس ردة فعل أبوها الي توضح أنه ماهو مهتم فيها ! كان ودي اشوف شو راح يصير بعد هالزياره .. لقيت البارت خلص يلا منتظرتك لتكملين بارتك الثالث لأقراه .. أتمنى يكون أطول ^^ |
رد: شريحه من حياه تعاني
السلام عليكم
جبت لكم البارت الثالث وشكراً مره ثانيه يا سوهاني على ردك واتمنى تعطيني رايك في كل بارت:peace: وبسم الله البارت الثالث شريحه من حياة تعاني: البطله : رهف ____________________________________ البارت الثالث: "رهف" اخيراً راحو! .. وجع غثا .. اصلاً وش جابهم مع ابوي!! .. تأفأفت ورحت لغرفت امي لقيتها نايمه .. ماشالله على امي اذا ملت نامت .. وروح لغرفتي وابدل ملابسي .. جلست ع اسرير بملل .. طيب الحين وش اسوي؟؟ .. ملل .. حتى لو اذن المغرب برضو ملل .. لو معي جوال كان الحين انا قاعده اكلم ليلى .. يوووووه اليوم الخميس .. يعني ماراح اشوف ليلى إلى الاحد .. ( ابتسمت ) ونا وش بيصبرني على ذا الخبلا صدق! .. ليش مانروح لها؟؟ .. من زمان مارحنا لها ( مديت فمي بزعل ) قمت من السرير وفتحت الدريشه .. ( ابتسمت بستهزاء ) تخيلت اني اطل ع بحر او ع غابه .. طلع لي سيارات وغبار قلق خلاني اسكرها بقوه وبقهر .. حسيت بدمعتي بتنزل .. خلها تنزل ماراح يفرق شي! نزلت وبسرعه مسحتها وطلعت من غرفتي "ساره" رجعنا للبيت رحت ركض ليارا ساره = يااارااااا .. ياااراااا!!! دخلت غرفتها بسرعه وجلست جنبها ع الكنبه يارا = بسم الله روعتيني!! .. وش تبيين؟؟ ساره = رحنا لبيت رهفف!! سكرت الاب وحطت على جنب بحماس يارا = اما!!!!! .. بدون ماتقولون لي؟؟ ساره = ( ابتسمت ابتسامه شريره ) احسن! .. من قالك ماتجين تتغدين وتسمعينا نقول بنروح لهم يارا بتطنيش = قولي وش صار؟؟ ساره = تخيلي ..الخ يارا = احسسننننن ماسويتي ساره ضربت صدري = افا عليك! .. ان ماخليتها تطيح عند رجولي ماكووون انا ساره! ناظرتني نظره تشجيع .. ابتسمت لها وطلعت "رهف" قمت على صوت امي تقومني ام رهف = رهف .. رهفف! رهف رديت عليها ويدي ع عيوني = هآه؟ ام رهف = قومي حبيبتي صلي المغرب رهف = طيب طيب سمعت صوت مشيها يروح .. بعدت يدي عن عيوني وقمت .. غسلت وجهي وتوضيت ورحت اصلي .. سلمت وطلعت لصاله لقيت امي جالسه رهف = السلام عليكم ( جلست ) ام رهف = وعليكم السلام سكت شوي رهف = يمه .. ليه مانروح لليلى؟ ام رهف تنهدت = مشغوله رهف = يمه بلاه عليك وش مشغوله فيه؟؟ .. على سجادتك وسريرك وش الي مشغلك؟! .. وان سويتي شي رحتي تشترين اغراض عشان الاكل! ام رهف = الله يصلحك يابنتي! تنهدت وطالعت التلفزيون بدون اهتمام! .. مليييييييييت والله مليت!! .. ابي شي يغير حياتي كلها! .. يليت عندي اخت او اخو .. يليييييت!! ياليت امي تتزوج! .. اييه يليت .. وتجيب لي اخ او اخت! .. اللللللللللللللللللللللللللله!!!!!!!!!!!!! .. بس .. مستحيل اجي لأمي واقول يمه تزوجي! .. لازم اسوي شي! .. بس لحظه! .. هاذي مسؤليه مو لعبه! .. ويمكن يكون الزوج زي ابوي! .. لالا مابي ازيد اطين بله .. مابي اعذب امي اكثر! .. اصلاً اكيد امي متعقده من الزواج! .. اففففففففففف عبست بوجهي! ام رهف قامت = انا بروح لغرفتي هزيت راسي وراحت .. والله انا من الطفش بيروح عقلي! .. بعد يومين : يوم الاحد صحيت على صوت امي تقومني للمدرسه .. قمت وسويت روتيني ( الصلاة , اللبس , الفطور ) بعد ماخلصت من الفطور .. كانت امي مقابلتني رهف = ماما ام رهف = هلا؟ رهف = طلبتك .. لا تتعبين نفسك بتنظيف .. ترا والله البيت وصخ الييوم .. اخاف تغشين! ام رهف كشرت = ماقبلنا فالك! رهف = يما تكفييين! ام رهف = وتبين البيت وصخخ؟! رهف = اييي عادي نظفيه الظهر العصر الليل اي شي! .. يعني لازم الصبح! ام رهف = اكون مشغوله او نايمه .. وبعدين وش الفرق؟؟ رهف = يمه الله يهديك اكييد فيه فرق العصر او الليل اقدر اساعدك! .. لكن الصبح اكون في المدرسه!! ام رهف = اقول لا تتأخرين ترا الساعه 6 ونص بضبط قمت وانا ادري ان امي تلهيني عشان مانتكلم بلموضوع .. بس يلا .. على قولتها بنتأخر .. غسلت ورحت لها رهف حبيت راسها = مع السلامه يمه .. ( بعدت ) لا تتعبين نفسك! ام رهف = ان شالله ودعتك الله طلعت لسواق ورحنا نجيب ليلى "ليلى" جالسين بصاله نفطر ليان بزعل = يمااا ام ليلى = نعم؟ ليان = ابي اغيب تكفييين .. والله فيني النوم لينا = ماشالله كل يوم فيك نوم ليش الحين تبين تغيبين؟؟ ليان تكشر بوجهها = وش دخلك! ام ليلى = خلاص .. محد غايب ليان معصبه = لييييه؟! ليلى = اقول ليان لا توجعين راس امي! ليان سفهتني = يمااا تكفييييين والله بكره اروح وبعده وبعده وبعده ان شالله! ام ليلى = لا زعلت ليان وقامت من الاكل وجلست على الكنبه سمعنا صوت بوري ليلى = اقول يلا قومو .. ( ونا اناظرهم بنص عين ) معد فيه غياب جماعي .. مثل الخمييس لبست عبايتي ورحنا لسواق وركبنا ليلى = هاااااي! رهف = رجعنا؟؟ ليلى = امزح امزح السلام عليكم لينا ولين دخلو = السلام رهف = وعليكم السلام .. لييش غبتو الخميس؟؟ لين = ليش المدرسه كل يوم؟! لينا = اجل ليش اخترعو الغياب؟ رهف = لضروره لينا = عادي تحرك السواق بعد مادخلت ليان .. وصلنا ليان للمتوسط ثم رحنا لثنويه وطلعنا انا ورهف ولينا ولين "ام رهف" جلست وناتعبااانه! .. وفكرت شوي .. السواق من زمان مادفعت له .. لازم ادبر لي فلوس .. لحظه! .. الحين رهف مشغوله ومو موجوده .. ليه ماروح الحين لبو رهف؟ قمت ورحت البس عبايتي ومشيت عشان اوصل لبيتهم .. صح بيتهم بعيد بس وش اسوي! "ام رهف" بعد ماخلصنا فطور قمت انادي معاذ عشان يودي يارا وساره ام معاذ = معااااااذ! معاذ من بعيد = نعمممم!! ام معاذ = يلا قممم وصصصللل خوااتك! معاذ = اففففف طيييب! جا معاذ ولبسو يارا وساره عباياتهم معاذ = ييممممه لا تأخريني يلا البسيي!! ام معاذ = مانيب رايحه اليوم .. وبعدين لا تصارخ على امكك!! تنهد وطلعو .. رحت لغرفتي ارتاح .. فتحت الباب ألا اشوف ابو رهف ام معاذ = ففههد! .. انت هنا؟! ابو رهف التفتلي = مارحت الشغل تعبان ام معاذ قربت منه = عسى ماشر؟؟ ابو رهف = لا بس الم راس ويروح ام معاذ = سلامتك سمعنا جرس الباب ابو رهف = من جانا الحينن؟؟ ام معاذ = مدري .. بروح اشوف قمت اشوف من يطق الباب .. فتحت والا اشوف حرمه قدامي الحرمه = السلام .. هاذا بيت ابو رهف؟؟ ام معاذ بضيق = تقسدين فهد؟ .. اي موجود وش تبين به الحرمه = ابي اكلمه ام معاذ عصبت = ياسلام سلم!! .. تجين بارده مبرده تقولين ابي فهد! .. من انتيي!! الحرمه = انا ام رهف ام معاذ كشرت = نعممم!! .. انتِ ماتفهميين! .. طلقك خلاص!! ام رهف = ابيه بأمر ضروري ام معاذ = اقول ارجعي بس مافيه شوفه! سمعنا صوت فهد ابو رهف = ام معاذ! .. من عند الباب؟؟ كنت بتكلم بس ماخلالي فرصه وطلع ابو رهف = من انتِ؟ ام معاذ سبقتها = هاذي ام رهف ابو رهف استغرب = ام رهفف! .. ( بضيق ) وش تبين ام رهف = ابيك بكلمه ناظرني شوي وكنه بيوافق ام معاذ طيرت عيوني = لا تقولي بتوافق! .. ترا خلاص معدهيب مرتك! .. يعني حتى شوفتها حرام ام رهف = انا ماقلت بفتش له .. انا ابي اكلمه! ام معاذ = لاء يعني لاء تفـ قاطعني فهد = خلاص! .. ادخلي يام رهف دخلت ونا مطيره عيوني فيه! ابو رهف = خلاص خلنا نشوف وش تبي وتططلع! ناظرته زعلانه ودخلت _________________________________ وخلص البارت الثالث وبيكون فيه تابع اسفه لقصره واتمنى يعجبكم تفاعلكم؟ يههمننننيييي! انتظر ردودكم |
رد: شريحه من حياه تعاني
السلام عليكم
من زمان ماقريت تعليقك ياسوهاني؟ المهم جبت لكم البارت الرابع بس ليه مافيه ردود اذا انت عضو ولا علقت على البارت ترا يمكن مانزل البارت الخامس لأن هاذا البارت حماسي:peace::wookie: بسم الله البارت الرابع: شريحه من حياه تعاني ______________________ "ام رهف" دخلنا المجلس القريب من الباب .. وجلست معنا ام معاذ .. ناظرته ابي اللمحله يقولها تبعد على الاقل ابو رهف = خيير وش تبين؟! ام رهف = خل ام معاذ تبعد شوي .. المجلس كبير ماشالله ام معاذ بوقاحه = ماشالله هاذا الي ناقص .. لا يكون تبين بعد اجيب القهوه والحلا واخليكم! ام رهف = انا ماقلت روحي .. قلت بعدي ام معاذ = ومانيب مبعده وش عندك؟! ابو رهف بحده = ام معاذ! .. خلنا نخلص!! تأفأفت وبعدت ام رهف برتباك = احم .. ابي منك طلب ابو رهف = خلصيني!! ام رهف = السواق من زمان مادفعت راتبه .. ووو ابو رهف = والمطلوب؟ الله يهديه يعرف المطلوب بس مدري وش فيه! ام رهف = ابي فلوس ابو رهف = وش دخلني تطلبين مني! ام رهف شوي وبدمع = يكفي انك ماعطيت بنتي حقها! ابو رهف = ووش حق بنتي؟! ام رهف = لها حق انك تصرف عليها! .. ومع ذالك ماصرفت!! ابو رهف = تسوين نفسك متأثره .. ترا هاذا يرجع لك .. انتِ الي بتاخذين الفلوس! ام رهف = لا ماراح اخذها! .. وبعدين طبيعي ترجع لي انا واهي نعيش ببيت واحد! ابو رهف = تعالي طقيني احسن! سكتنا انا وياه .. التفت شفت ام معاذ تبتسم .. حسيت بقهر .. الود ودي اطلعها برا عشان اناقشه على راحتي! ابو رهف = وش حادك تجيبين سواق! ام رهف التفت له = رهف عندها مدرسه .. من يوديها؟ ابو رهف بسخريا = ليه جبتوه وانتو على قد حالكم؟! ام رهف = انت ابوها .. والمفروض انت تعرف اكثر مني .. مابيها تحس بنقص ابو رهف = خليها تحس عادي .. لأن هي كذا ام رهف بقهر = حرام عليك! .. والله حرام عليك! ابو رهف = لا حرمين ولا شي! .. فلوس وماعندي!! .. يلا برا! ام رهف بترجي = تكفى يابو رهف .. ترضى اشحذ من الناس؟! ابو رهف قام = اقول يلا تشحذين لما بكرا مالي دخل!! ام رهف قمت اترجاه = تكفى ترا والله محتاجينه ابو رهف معصب = برراااا!!! طلعت ونا دمعتي على عيني! .. ليه كذا يابو رهف .. مو انت ابوها؟! .. ليش ماتصرف عليها؟؟ .. ليه! .. مشيت لين البيت والرجولي تعورني .. شفت السواق عند الباب .. دخلت البيت .. وشفت البيت توه وصخ .. جسمي يوجعني .. لا حول ولا قوه إلا بالله! .. بكمل تنظيف .. وش اسوي؟! "رهف" كانت الساعه تقريباً 12 .. ليلى طلعت للحمام من زمان ولا رجعت! .. ( شهقت ) لا يكون فظت! .. الكلبه من زمان كانت الفكره ببالها .. صح هي هبلا بس بحدود .. هممم الاستاذه معصبه = رهفف!! فزيت خايفه رهف بفهاوه = هاه؟ الاستاذه = انتبهي لدرس .. هاذا داخل في الاختبار هزيت راسي بإيه وكملت شرح .. تستهبل استاذه؟! .. تقول داخل في الاختبار! .. ع اساس الادروس الباقيه مو داخله بالختبار! .. الحمدلله والشكر مر وقت لما صفرت .. قمت بسرعه اخذت شنطتي وعبايتي وطلعت من الفصل .. رحت الساحه ادورها بس مالقيتها!! شوي ألا احس بأحد يحط يده على كتفي = هيي انتِ منا! التفت متفاجأه شفت ليلى ووراها لينا رهف = ياكلللبه ويينك تأخرتي على الحصه .. ( ناظرتها بنص عين ) فاظه هاه! ليلى ببتسامه شريره = اتفقنا انا ولينا نفظ انا وياها كواااااك سحبنا علييييك! رهف ناظرتها بستحقار = لا والله ع اساس صرتي احسن مني؟! .. اقول امشي السواق اكيد ينتظرنا لينا = لحظه وين لين؟ ليلى = يووووووه السلحفاة متى بتجي لينا = انا ورهف بنروح نركب وانتي استنيها ليلى = لا والله! .. ليه انتِ ماتنتظرينها وانا ورهف نروح رهف = خلاص انا بنتظر! ليلى = لحظه .. ليش ننتظر اهي مو بزر رهف = لا لو كانت تدورنا؟ ( ناظرتني تفكر ) .. خلاص انا بنتظر ليلى = لالا انا لينا = لا والله! .. لما كنت اقوله قلتي لا ولما قالته رهف قلتي ايي وش معنا؟! ليلى = معناه ان رهف اغلى منك(ـي) .. اقول يلا ترا تأخرتو بيسحب عليكم رهف = لا سواقنا شحليله مشينا انا ولينا وجلست ليلى فسّاحه تدور لين .. لبسنا عباياتنا وطلعنا برا وركبنا بسياره .. جلسنا شوي ودخلو لين وليلى ورحنا نجيب ليان.. الخ وصلت البيت ودخلت .. مشيت شوي وبعد ماستوعبت!!!!!!!!! .. بطني آجعني وجسمي تجمد من الخوف .. امي! .. وشششششششش فيييييييييييييههههههههههههههاااااااااااا!!!!!!!!!!!!! لقيتها طايحه بصاله ركضت لها ونا دموعي بعيني واقول لنفسي ( والله اني حاسسه!! ) معرفت وش اسوي مع ذالك قد مره غشت بس ماعرف وش اسوي .. رحت ركض لسواق ونا يدي ترتجف .. لقيته جالس بسياره رهف صرخت ونا ابكي = ممممحمممدددد السواق محمد التفت لي خايف = اشوووو مداام؟! رهف انبح صوتي من الصياح = امييييي طاييحههههه!!!! فتح السياره بسرعه .. ومن الصدمه نسيت البس امي عبايتها عشان السواق رهف = اصبرر بروووح اجيب عبايتها بسسرررعه! رحت بسرعه لغرفت امي ونكثت دولابها لما لقيت العبايه .. رحت ركض وغطيتها حطيت عليها طرحه رهف = بسسسسسررعههه ساعدني اشيلها لسيارره!! حطيت يدها على كتفي ويدها الثانيه على كتف السواق وكانت شبه واعيه .. وركبناها السياره وورا وجلست معها ونا دموعي اربع اربع .. وصلنا المستشفى وراحت للسعاف وطبعاً ماسمحولي ادخل جلست بلكرسي والسواق واقف قريب من الكرسي السواق = مدام إنتي إبقا شي؟ مارديت عليه من البكاء السواق = انا في روح سياره اذا إنتي إبقا شي تألي هزيت راسي بإيه ولازلت ابكي .. بعّد لما راح .. ونا جلست انتظر .. شوي وطلع الدكتور قمت بسرعه الدكتور قبل ما اتكلم رد علي = للأسف .. المريضه في حاله خطره ( نزل راسه ) انا جلست ونا اصيح .. احس عيوني تحرقني من كثر البكا الدكتور = عندها نزيف داخلي ووو .. نحتاج مُتبرع رهف اشاهق = انا .. ( اشرت على نفسي ) .. بـ .. بتبرع الدكتور = تعالي معي نشوف فصيلت دمك بسسرعه هزيت راسي بإيه ورحت معه .. دخلنا غرفه وجلسني على كرسي واخذو من دمي شوي وبعد دقايق جا الدكتور = مو نفس فصيلتها .. عندك اخو او اخت؟ رهف بصدمه = موووووو نفسها ( زاد بكاي ) لا الدكتور = ابووك؟؟ رهف = ابوي مو هنا .. اقدر ( قطعني الصياح ) اروح اقوله الدكتور = بس هاذا خطر على المريضه لأنها تحتاج الحيين مارديت عليه ورحت بسرعه لباب المشفى ودورت السواق وشفته بسرعه دخلت رهف = محمد رح لبيت ابو رهف بسسسسسسسسرعه!! حرك سريع وراح للبيت .. نزلت وجلست ارن الجرس بجنون طلعت لي ابوي معصب ابو رهف معصب = خييييييير!! ماعرفني رهف بترجي = تكفاااا يبه تكفا .. امي بين الحياة والمووت!!! نناظرني وكنه عرفني ولما استوعب ابو رهف = ايش؟! .. وش تبيين بظظبط؟! رهف = اميي تبي تبرعع الحيييييين ونا مو نفس الفصيلهه .. تكفى يمكن انت نفسها!!! ابو رهف معصب = تستهبلين عليي؟!! .. اتبرع بدمييي لهاا!! .. اقول روحي بلطي البحر ازين لك!! رهف = مووووو كاانت زوجتك!!!!! .. حراام علييك!! ابو رهف = قلتيها بلسانك كاااااااانت ( شدد عليها ) رهف = عشاني يبه عشاني!! ابو رهف = تبطين عظم! .. تخيلي اعطيها دمي!! خبط الباب فوجهي بقسوه! .. حسيت بدموعي زي النار تسيل بخدي .. ياربي وش اسوييي .. يااربيييييييي ساااعدني يااارب!! .. دخلت السياره ونا ماسكت من الصياح .. ولا قلت حتى لسواق شي تأثر السواق لصياحيوحط يده على عيونه يعني خلااص! .. خلاص امي بتمووت!!! .. خلااااااااص ماراح اشوووفها حسبيا الله ونعم الوكييييييل! ___________________________________ خلص البارت الرابع اتمنى يكون اعجبكم وشوقكم! ادري متعمد اقطع السالفه ولا اقدر اكمل الحين يمكن ماكمل إلا اذا شفت لو تعليق واحد البارت الخامس تقريباً جاهز يلا انتظر |
رد: شريحه من حياه تعاني
اقتباس:
بس بقولك نزلت البارت 3 و 4 ممكن تعطيني رايك؟ |
رد: شريحه من حياه تعاني
هلا أختي .. من حظي أني دخلت ولقيت فصلين .. من حماسي كملتهم بسرعه بس الفصل الرابع خطير شدني لآخره كل مره بيزيد كرهي أكثر لفهد .. ماعنده ذرة إنسانيه !! ياريت لوفيها رهف تقوي شخصيتها ويجي يوم وتخليه يحس بالندم انو ضيع بنت مثلها وزوجه مثل أمها .. ودي أشوف الفصل الخامس شنو بصير فيه من أحداث .. وكيف راح تتصرف رهف ؟ بتمنى يكون الفصل الجاي أطول + استمري |
رد: شريحه من حياه تعاني
فعلا قطعت قلبي رهف
والله العليم انه امها بتموت وبتجي تعيش عند ابوها واكيد ايامها رح تكون حافلة معهم . استمري وبالتوفيق حبيبتي تقبلي مروري وخالص ودي MaYa «اللهم أغفر لي هزلي وجدي، وخطئي وعمدي، وكل ذلك عندي» |
رد: شريحه من حياه تعاني
اقتباس:
توقعاتك رهييبه وبنشوف بعدين وش بيصصير :toot::peace: |
رد: شريحه من حياه تعاني
معليش اعذروني يمكن اتأخر عشان الاختبارات:ydJ05010::frown:
|
رد: شريحه من حياه تعاني
السلام عليكم
لليقرون الروايه تعرفون ان الاختبارات النهائيه في ذا الوقت فماراح اكملها إلى بعد الاختبارات انشالله ملاحظه : تعليقكم يشجعني ولا تنسون تضيفوني في الانستقرام ( ix.roa ) بتوفيييق |
رد: شريحه من حياه تعاني
اهلا رؤى سعيدة بقدرتي على اللحاق بجزء من بداية الرواية ^^
مبارك انضمامك لقافلة الكاتبات بداية موفقه رغم قصرها ، هنا الشخصيات من تسرد الأحداث جميل أسلوب مختلف قليلا .. رهف حياتها مؤلمة بل صعبة في عالم يُصنف البشر حسب حالته الاجتماعية ! وليلى غريب أمرها هي الكبرى بين شقيقاتها ولكنها لا تحمل هما وبها جزء غامض علاقتها مع رهف كيف بدأت ؟ بل كيف تطورت ؟؟ تساؤولات عديدة تنطلق بعد كل فصل ، فهد أي حُمق هو به ؟؟ يعتبر الزواج مجرد فرص ليعيش حياة رغيدة ، لم يهتم برهف ولا بمعاناتها ، وفوق ذلك تزوج بأخرى لديها أبناء مسبقا ! سارة لا أعلم لما ترغب بتعذيب رهف لكن بالتأكيد بس شعور الفوقيه لديها عالٍ وإلا لما كانت سكبت تلك القهوة الساخنة على الفتاة المسكينه اليتيمة فعلياً .. معاذ ، هناك أمر به جذبني ، كرهه لفهد منطقي ومبرر فعلا ولا ألومه بل أرغب بأن أجده يدفع بذلك الأخرق لأبعد زاوية ويُكيله بالضربات .. امم لا أجد ما يمكنني قوله سوى بعض الملاحظات من قارئة نهمه ^^ حاولي إضافه ملامح للشخصيات وانفعالات في لحظات التصادم ، سرد الشخصيات للحدث عليه أن يكون شاملاً فالموقف الشائك الواحد يفضل أن تتحدث عنه الشخصيات المعنيه كلاً حسب وضعه ، كمثال موقف القهوة المنسكبة ( أغفلتي ذكر زوجة الأب رغم كونها بمنتصف الحدث !) الاخطاء الإملائية دائما ما تكون مصدر إزعاج ، فحاولي قبل وضع الفصل التدقيق قدر الإمكان ولا بأس من طلب ذلك من المشرفات بالقسم الخاص حتى تخرج فصولك بالصورة الأفضل .. الفصول القصيرة غالبا ما تُململ القارئ فحاولي إضفاء معلومات غامضة أو مشوقه كالفصل الرابع للتعويض عن القصر ، إلى أن تتمكني من كتابة فصول أطول ^^ بالنسبة للكلمات المجهولة ، والتي وجدتها صعبة الفهم لدى ولكني أستطعت استخلاصها من موقعها بالجملة هي ( فاظة ) ، إن كانت الكلمة غريبة ضعي معناها المختصر بين قوسين أو ابحثي عن بديل يناسب حتى لا تَكثُر التساؤولات .. اعذري إطالتي ولكن أحببت أن أضع رأيي ، وأعتذر إن أساءت بأي شكل كان ، ولكن القصة فعلا ممتعة بانتظار ما سيحدث لاحقا من تبعات مرض أم رهف .. * ملحوظة : تمت إضافة الروابط للفصل لتسهيل البحث في بداية الرواية .. |
رد: شريحه من حياه تعاني
اهليييييين ياحلوين
جبت لكم البارت الخامس كل يوم اضغط على نفسي عشان اكمل الروايه مدري اخاف تغلق الصفحه مدرري والله وان تأخرت قدرو تعبي لأن عندي اختبارات نهائيه عشان كذا يمكن اكمل البارت السادس بعدين لكن اليوم كتبت الخامس عشانا يوم الخميييس المهم استلمو قراءه ممتعه ان شالله _______________________________ البارت الخامس : مالي الا ليلى! .. بسس وش ذنب ليلى؟! .. امي بين الحياه والموت! رهف = محمد! .. رحححح بسسرعه لبيت ليلى مشا لبيت ليلى .. رفعت راسي وعنزته .. عضلات وجهي توجعني من الصياح .. تعباننه لاخر حدد .. محتاجتك يممممه! .. تكفين لا تروحييين! .. بكيت اكثر وصلنا للبيت ونزلت ببطء .. نزلت يائسه .. طقيت الباب ليلى طلعت لي = رهفف؟ رهف بهمس = ايي ضميتها بدون ماقول شي .. وبكيت .. اسمعها تسألني بس مدري وش تقول! ليلى بعدتني = رهففف! .. وشش فييك؟! رهف = امي عندها نزيف ( شهقت ليلى ).. وتحتاج تبرع ..الخ ليلى = الحييييييين اروحح! .. يلا! دخلت بسرعه تجيب عبايتها .. احس الدنيا تسود بعيني .. معد صرت اشوف شي! اخر شي شفته اشعة الشمس! .. فتحت عيوني ولفيت على جنب شفت ليلى بعبايتها ومنزله راسها .. فزيت بسرعه ومسكت يدها رهف ابكي = ويين اميي!! .. ليلى وييين امي!! ليلى رفعت راسها = لا تخافين امك بخير ناظرتها ونا مو مصدقه .. شلوووون!! .. الحمدالله .. .. تركت يدها ورجعت انسدح ونا احاول استوعب ليلى = تبرعت امي لها لأن امي مثل فصيلة دمها غرقت عيوني دموع وغطيت وجهي بالحاف "ام ليلى" رحت غرفة رهف ودخلت .. شفت ليلى منزله راسها ومابان وجهها ام ليلى = ليلى حبيبتي لمحتها تمسح دموعها .. قربت منصدمه وجلست جنبها وحطيت يدي على ظهرها ام ليلى = ليلى! .. وش فيك ليلى = مافيني شي ام ليلى = ليلى حبيبتي قولي الحمدلله .. الحمدلله ان رهف وامها سالمين ليلى تمسح بقايا دموعها = الحمدلله .. .. ( التفتت لي ) يما ام ليلى = هلا حبيبتي؟ ليلى = وش اخبارك الحين ام ليلى ابتسمت = الحمدلله بصحه وسلامه .. الا وش اخبار رهف .. قامت؟ ليلى = اي ام ليلى = قلتي لها كل شي؟ ليلى = اي ام ليلى = يلا اجل خلنا نروح ليلى ناظرتني منصدمه = ليهه؟؟ ام ليلى بعدت يدي عنها = الله يهديك ترا خواتك بالبيت لحالهم لازم نرجع ليلى = لالالا انا بقعد .. انتِ روحي! ام ليلى مستغربه = ليلى! .. يلا حبيبتي تراك تعبانه تو رجعتي من المدرسه .. ورهف الحمد لله طيبه ليلى = لا يما تكفيييين! ام ليلى تنهدت = الله يهديك .. اجل يلا انا بروح وبرجع ان شالله العصر .. طيب؟ ليلى التفت لرهف = طيب طلعت من الغرفه ورحت لباب المستشفى عشان اروح للسواق "رهف" بعدت الحاف عني ومالقيت احد بالغرفه .. قمت بشويش ولما جيت بمشي منعتني الغذايه حطيت يدي عليها ابي اقشعها بس ماقدرت يابسه واذا سحبت توجع .. هففف شوي ويدخل احد .. دخلت ليلى معها طوفريه ليلى بصدمه = رهفف؟؟ مارديت عليها ليلى = جبت لك الغدا .. اكييد انتِ جووعانه عشانك ماتغديتي ( ابتسمت ) صح! ناظرتها بدون ماتكلم حطت الطوفريه على الطاوله وناظرتني ليلى = ويين تبين تروحين له؟؟ نزلت راسي وبعد شوي جلست على السرير ولحفت رجلي حطت الطاوله قدامي ونا ماليييييي نفسس ابداً اكل!! كان فيه رز مع دجاج وعصير انتظرتني اكل بس ما مديت يدي ليلى = رهفف! .. وش فيك ماتكليين؟! رهف بهدوء = مالي نفس ليلى = رهاااف! رهف بعدت الطاول = والله مالي نفس! ليلى بتهديد = ترا باكله! رهف = اكليه كلت والطاوله قدامي رهف = طيب اكلي على الكنبه؟! ليلى = لا عشان تشتهين ناظرتها ثم انسدحت ولفيت على جنب .. حسيتها وقفت عن الاكل .. التفت شفتها زعلانه وتناظرني هدت الملعقه معصبه وجلست على الكنبه وهي ملتفته عني اميي!! .. شلووووووون نسيتها!!! رهف جلست = ابي اشوف امي الحييين!! ليلى راحت العصبيه = رهف .. امك تعبانه .. ممنوع زيارتها رجعت انسدح بزعل _______________________________ وخلص البارت الخامس .. اتمنىىىىى يعجبكم وان تأخرت اعذروني عندي اختبارات نهائيه لا تنسوني من دعواتكم وعطوني رايكم بالبارت |
رد: شريحه من حياه تعاني
اهلين رؤى .. كيفك ^^ الله يعينك مع اختباراتك .. حبيبتي لا تضغطين على حالك يعني نحن مقدرين ظروفك وندري انو عندك امتحانات فلا تخافين مبسوطه أنو نزلتي فصل جديد .. خربلي توقعاتي ههه ولهيك مبسوطه بس هلا شاكه انو امها اكيد عندها مرض خطير .. اول شيء خطري انو يكون عندها ايدز دام الكل يفرّ من هالمرض بس لقيته مو منطقي خاصه انو كل الاسباب الي تأدي له امها ما عندها -_- الخير في صديقتها ليلى صديقة السرور الله يكثر من أمثالها على الواقع ابشوف آخرتها مع رهف ومآسيها .. في انتظار البارت السادس بعد الامتحانات .. موفقه ^^ |
رد: شريحه من حياه تعاني
السلام عليكم ورحمة الله وبركاته
وش اخباركم؟ جبت لكم البارت السادس ادري ان الخامس قصيير جداً فبحاول بقدر استطاعتي اني اطوله وابشركم عطلت من اسبوع ولهيت ونسيت اكمل الروايه وبحاول اكتب بما إني معطلهه بسم الله _________________________________________ البارت السادس : "رهف" اسمع احد يناديني بس ماميزت الصوت فتحت عيني على ليلى ليلى = رهف .. رهفف؟! رهف قمت اجلس = ها؟ ( بصوت نايمه ) ليلى = رهف قومي انَّ المغرب وجا وقت خروجك جلست شوي استوعب .. بعدت عني ولبست عبايتها رهف = مابي اروح ليلى لفت علي مستغربه = ها؟ رهف = مابي ابعد عن امي .. مابي اروح البيت .. ابي اجلس مع اميي ليلى قربت مني = رهف .. كل يوم بنروح لها .. وانا بنفسي بجلس معك في البيت رهف شوي وبصيح = لا .. مابيي! ليلى = خلاص هدي .. بكلم الدكتور .. ارتاحي طلعت ليلى من الغرفه .. رجعت انسدح "ليلى" رحت ادور الدكتور وانا ضايق صدري .. شفته من بعيد يكلم واحد ورحت له ليلى = دكتور الدكتور = نعم؟ ليلى = اممم .. احم .. ابي اكلمك في موضوع الدكتور التفت ع الي يكلمه = اكلمك بعدي مع السلامه راح الرجال والتفت لي الدكتور = في شي؟ ليلى برتباك = بصراحه .. ما ادري كيف ابدا .. رهف .. ودها ماتبعد عن امها .. وو .. زعلت لما عرفت انها بتروح .. ياليت تخليه كم يوم عشان تبقى مع امها .. وبصراحه هي ضايق صدرها ذا الايام وتعبانه ومو ناقصه زعل اكثر وووو ( ناضرته برجاء ) الدكتور فكر شوي بالموضوع = انا عندي فكره افضل لها ولنا ليلى بفرحه = وشييييييي؟؟ الدكتور = تصير مرافقه مع امها ليلى = ايييييييييييييييييي الله يعطيك العافييه يا دكتور ربي يسعدكك ورحت بسرعه ابشرر رهفف "رهف" فتحت الباب بسرعه وهي فرحانه .. جلست ابي اعرف وش السالفه ليلى = رهف الدكتور وافق انك تكوني مرافقه لمك!! رهف ناظرتها استوعب = والله! .. الحمدلله! ابتسمنا لبعض رهف = ليلى؟ ليلى = هلا؟ رهف = ليش مارحتي مع امك؟ .. الحين المغرب .. من الظهر وانتي هنا ليلى = امم .. بصراحه .. جتني امي العصر بس رفضت اروح رهف = ليه؟ .. ليلى ترا انا بخير والحمدلله وماني محتاجه شي .. روحي ترا امك محتاجتك في تنظيف البيت ليلى = يساعدونها خواتي .. وبعدين انا مابي اتركك رهف = طيب انا بصير مرافقه .. انتي وين تروحيين؟؟ ناظرتها ابيها تفهمني .. والله مابيها تتعب اكثر من كذا .. مقدر اوفيها ليلى = رهف وش قصدك .. ترا تزعليني بهلكلام! رهف = والله مابي ازعلك ولا شي! .. بس مابي اتعبك اكثر .. تكفين ليلى ناضرت تحت ثم ناضرتني = طيب شلون اقولها تجي رهف = دقي من تلفون المستشفى على تلفونكم ليلى بهدوء = اي صح .. امي قد قالتلي خذت شنطتها وقامت .. ومشت للباب رهف بمزح = معقوله بتروحين بارده مبرده! ليلى التفتت لي = تبين شي؟ رهف ببتسامه = طب سلمي علي ليلى قربت تسلم علي .. سلمت علي وضميتها رهف = مع السلامه راحت بهدوء وبدون كلمه .. دخلت الممرضه الممرضه = ضفي اغراضك وتعالي هزيت راسي بأيه وخذيت اغراضي .. ودتني لأمي دخلت الغرفه وعيوني على امي الي منتهيه تماماً ووجها متغير وتعبانه قربت منها بهدوء الدكتوره = لا تحطي اغراضك .. بنقل امك لغرفه ثانيه مارديت عليها .. راحت .. جلست على يمينها بحزن .. وحطيت يدي على جبهتها هاذا امرر يوم مر علي وابشععع يوممم .. يارب مايجي مره ثانيه!! .. الككل تعب بهاليومم! .. امي .. انا .. ليلى .. ام ليلى .. الكل!! دخلو بعض الممرضات ودفو سريرها لبرا .. قمت وخذيت اغراضي وطلعت معهم "ليلى" شفت سيارة السواق من بعيد .. رحت لهم وركبت السياره ليلى = السلام ام ليلى = وعليكم السلام التفت لها وشفت ليان معها .. رجعت احط عيوني قدام ام ليلى = وين رهف؟ ليلى = مرافقه مع امها ما سمعت منها رد وحرك السواق .. الاثنين : "ام ليلى" ....... = يما .. يما ام ليلى = ها؟ ليلى = يما يالله نروح المستشفى ام ليلى فيني نوممم = الساعه كم؟ ليلى = الساعه وحده .. يلا يمااا ام ليلى = طيب طيب عطيني دقيقه .. روحي ونا بلحقك ليلى = طيب لا تتأخرين ( طلعت ) قمت افرش اسناني واصلي والبس ثيابي وعبايتي .. نزلت لين = هلا بماما ام ليلى = هلا ( شفت لينا وليان ) غريبه ليش قايمين؟ ليان = بنروح معكم ام ليلى = ترا ام رهف ورهف تعبانين ومو ناقصين .. بنروح انا وليلى بس ليان = ليش بس ليلى؟! ام ليلى = ليلى صديقة رهف .. وبعدين رهف تبيها لينا = يما بليييز خلينا نرووح! ام ليلى تنهدت = طيب ابتسمت لينا وقامو يلبسون عباياتهم .. جلست على الكنبه انتظرهم خلصو >انتهو< وقمنا لسواق .. مسيكين شاقلينه >ماخذينه< بكل مكان! "رهف" جلسنا ناكل انا وامي .. دخلت علينا الدكتوره الدكتوره = السلام عليكم .. كيفك يا ام رهف؟ ام رهف = الحمدلله بخير الدكتوره = وقت خروجك بعد شوي .. بس لا تنسي .. تعالينا كل احد مشان التحاليل رهف = بعد شوييي؟؟ الدكتوره = اي .. ام رهف بصحه وسلامهـ والحمدلله هزيت راسي بأيه الدكتوره = المهم انكون ماتنسون تعالو كل احد رهف = لا يا دكتوره خليه الجمعه عشان اكون فاضيه الدكتوره = تعالينا عصر .. مو لازم الصبح رهف = لا يا دكتوره خليه الجمعه افضل الدكتوره = حاااضر مشان خاطركم راح اخليه يوم الجمعه .. يلا الحين تجهزو مشان تروحو .. ولا تنسي يا رهف .. ترا امك لسّا تعبانه اهتمي فيها .. واذا صار اي شي تعالينا رهف = ان شالله طلعت الدكتوره .. قربت من امي رهف = الحمدلله على سلامتك يا الغاليه ام رهف بتعب = الله يسلمك تنهدت خوف على امي .. عسى ربي يحفظكك .. جا وقت خروجنا بعد كم دقيقه .. طلعنا انا وامي لمحت من بعيد ليلى .. اعرفها من عيونها .. شوي شوي بدت تقرب .. عرفنا انهم ام ليلى وبناتها ام ليلى = اججل بتروحون؟ رهف = اي لين = تو الحين ناوين نزوركم .. الحمدلله على السلامه رهف = الله يسلمك ام ليلى = يلا اجل .. بنعوضها في البيت بصراحه .. ماودي يجون .. احس انَّ تعبانين .. ومالنا خلق رحنا برا وركبنا .. وصلنا البيت ونزلنا .. رحت اودي امي للغرفه .. بعد ما وديتها رحت الغرفه .. فصخت العبايه ولبست لبس هادي .. مو كشخه ولا معفن نزلت رهف = السلامـ عليكمـ الكل = وعليكمـ السلامـ جلست جنب ليلى رهف = ليلى .. ترا والله مو قصديي .. بس كنت تعبانه .. وانتي ماقصرتي ساعدتيني ووقفتي معي انتي وامك .. يلا عآد .. ( ببتسامه ) ترا ماقدر استحملـ زعلكـ التفتت لي بدون كلام .. ناظرتني شوي وأبتسمت رهف = اييييييي من زمان على ذا الابتسامه ابتسمت لها احس اني متفشله .. مافي شي اقدمه لهم .. والقهوه والشاهي خلصو رهف = آآآآ .. اسفه يا ام ليلى .. بصراحه مافي شي اقدر اقدمه لكم ام ليلى = افآ عليكك .. اذا محتاجـ رهف تغير صوتي وقاطعتها = لا! .. ماني محتاجه قمت بزعل لغرفتي _________________________ وانتهى البارت السادس ترقبو السابع واعذروني ان طولت او قصرت واتقبل الانتقادات والنصائح والمدح وكل شي .. إلا الكلام الي يقلل من ادب القائل وانا جد جد فرحااااااااااااااااااااااااااااااااااااااااااااااااااااااااا ااااااااانه ان المشاهدات وصلت الففف!!! احبكم مررررررررررررره!!!!!!!!!!!! مع السلامهـ |
رد: شريحه من حياه تعاني
عودا حميدا
وحياك وسعيدين بعودتك بالتوفيق ولا تطولي علينا الغيبة لي عودة بتعليق لاحقا عدنااا الحمدلله انه ام رهف طلعت بالسلامة وحبيبت وقفة ليلى واهلها مع رهف .. ناس اصيلين بس شو رح تعمل وهم محتاجين فعلا بس نفسها عزيزة وما رح تقبل احسان حدا عليهم «اللهم أغفر لي هزلي وجدي، وخطئي وعمدي، وكل ذلك عندي» |
رد: شريحه من حياه تعاني
الحمدلله أن امها صارت بخير فكرتها راح تموت !! عجبني وقفت صديقتها ليلى وأمها .. الحمدلله عندها صديقه وفية بس بدي أشوف شو راح تسوي رهف بحالها مع الوضع الجديد امها محتاجه جد حد يهتم فيها .. شلون بتتصرف مع أمور البيت + الدراسه كثيره أسأله منتظره بارتات الجايه ان شاء الله تجاوب عليها |
رد: شريحه من حياه تعاني
السلام عليكم ورحمة الله وبركاته
انا ادري اني سحبت عليكم مرررررررررره واعتذر لكم المهم سحبتي لأني ماعندي بارتات جاهزه يعني ماكتبت ولاني مستعده والموضوع اتمنى انكم تغلقون الصحفه لأن عندي روايه بارتاتها جاهزه وشبه مكتمله المهم انا ابي هاي الصفحه تغلق وراح انزل روايه وشكراً لك الي يقروون واتمنى ترقبون روايتي ( رحلة الخيال ):7_5_122::55::dancingmonkeyff8: |
| الساعة الآن 10:56 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية