أنا أظن أنه محتفظ في رسالتها للحيين

ان شاء الله تستمتعون بالقراءه..
..البارت الرابع عشر..
اخيرا نطقها نطلع توقعت انه مايعرف هذي الكلمه الناس تسافر بس عاذرته مسئول عن عايله وانا ساكته بالاساس انه مااخذ اجازه بس مع كذا ماراح اطلع معاه وانا بهذي النفسيه مو علشان يعني يحب طلعتي لا علشان ماابغى اطلع واتكلم معاه ولا كأنه غلط جد ماابغاه يحس ان مافي شي تصدقون انا خلاص اقتنعت انه مايحس انه غلط اوكي يحب محد منعه بس يقول لي ليش اش بيستفيد فتحت الدولاب واخذت عبايتي وقلت""بروح البيت""
كيفه ليش يستأذن يطلع وحده ولا يرجع ينام ماادري متى رجع يمكن بعد ماصلى الفجر او يمكن بعد مااستأذن وبصير مثل اخلاقه ولا راح اسأله اذا يبغى فطور او لا طلعت من الغرفه بدون مااعطيه فرصه يعلق دورت ع عمتي بكلمها مالقيتها ماادري وين راحت لما لبست عبايتي ونويت اطلع سمعتها تقول بستغراب""بتروحين حتى اليوم""
اللتفت عليها كانت طالعه من غرفة زيدان علشان كذا مالقيتها ماادري مستغربه علشان رماح هنا ولا علشان مافي شغل قلت""ايوه تبغين شي""
حركت راسها بطريقة لا غطيت وجهي وطلعت صح مافي شغل بس بعد مافي شي هنا وهناك احسن لي ومابغى ينقص اخواني شي وانا موجوده وفاضيه فتحت الباب بالمفتاح الاحتياط الي دايما يكون عند الشباك دايما موجود هناك فسخت عبايتي واخذت لفه ع البيت جد اشتقت له مااحس انها اربعه ايام بس كان بالمطبخ اغراض بسيطه بسرعه خلصت ودخلت غرفة نجود كانت مرتبه بس الدولاب ماني عارفه اش كانت تدور صار حوسه لما شلت مجموعه من الثياب حسيت ذراعي وجعني شوي اكيد من لوي رماح لها مع ان امس ماحسيت فيها يمكن علشان نمت انا كذا مااحس بألم حتى انام واصحى يزيد خففت كمية الثياب حتى نزلتها كلها ورجعت رتبتها وسكرت الدولاب ورحت غرفة حامد مافيها شي تمام غسلت الملابس وبعدها كويت الي يحتاج كوي ورجعت كل شي مكانه بكذا خلصت بقي الغداء وضيت وصليت الضحى بس بقي وقت للغداء لان الساعه احدعشر وربع فجلست اتفرج ع التلفزيون بس ماكنت مركزه كل شوي يبعد تفكيري شافها قد كلمها كيف شكلها طيب مالاحظت انه مركز مع الجوال يمكن مو علاقتهم جوال بس مااتوقع رماح يحب وحده ترضى تقابله وليش لا هو للحين معصب ع موقف وانا صغيره كيف هي اكيد يعني بعمري بس لاتقارنين نفسك فيها هي غير عنك يحبها مو انتي مع انه قال لك بالقلب غيرك وهذا مو تصرف غلط هذا جرح واهانه وانتي للحين عندك امل فيه وعادي لو اعتذر ترجعين ورماح يمكن هو الي يطلبها مو هي طلبت يعني غير عنك نزلت راسي وانا احس اني بدون كرامه انا اعرف نفسي مع الكل ماارضى ع نفسي ابدا حتى حامد ماارضى بس ليش رماح غير يمكن عارفه ان حامد بيعرف غلطه ويعتذر اما رماح خايفه يلقاه سبب ويبعد واكون انا السبب بللت شفايفي طيب اذا قطعنا مو احسن لي اقطع الامل مره وحده وارتاح مايكون طول الوقت بوجهي وانا انتظر منه شي ارجع هنا مثل حياتي اول صح يعني بأختلاف درجة تعلقي فيه بس عادي تخف شوي شوي مو هم لما نقلو بالبدايه يمكن كنت متعلقه فيه اكثر بحكم مشاعري بذاك الوقت بس بسبب كلامه صح تعبت فتره بس بعد كذا نسيته اسرع من لو نقلو بدون مايتكلم بوجهي بذاك الاسلوب واتوقع كلامه هذا راح يكون هو السبب الي يخليني انساه اسرع اعرف نفسي زمان صاحباتي بالمدرسه لو وحده تغلط علي صح يعني مااعرف اواجه واتكلم بس تطلع من قلبي بسرعه ارتحت بهذي الافكار خلي الناس تتكلم لين تنام انا مااعرف احد علشان يوصلني الكلام ونجود لسى طفله مابتكبر الا وهم ناسين الي صار وحامد ونجود محتاجيني عندهم وهناك بس لتعب النفسي كذا وصلت لقرار ماراح ارجع وحامد اذا تكلم راح افهمه اني مو مرتاحه معاه بس طبعا ماراح اتكلم بأي شي قمت سويت الغداء ع قد حماسي لفكرة انساه ويرجع كل شي طبيعي ع قد الافكار السودا الي تقولي طيب واذا مانسيتيه وتبغين ترجعين عادي اغصب نفسي كل شي مع الوقت ينتهي واذا ماانتهى يخف بعد اليوم رجع حامد بدري دخل المطبخ وقال بأبتسامه""السلام عليكم""
وينه والله ووين دخول رماح والله ان الاخوه احلى شي بالدنيا ابتسمت وقلت""وعليكم السلام سويت لك السمك بالطريقه الي تحبها""
قال وابتسامته عرضت""والله وجودك في البيت غير دقايق اخذ دش سريع وراجع لاتبدون من غيري""
وطلع وانا حسيت الدموع تجمعت بعيوني مدري يمكن اني عاطفيه اليوم شوي بس كلامه رفع معنوياتي بعد ماكانت متحطمه ابغئ اعرف ليش كنت ابغى اتزوجه وحياتي مافي احلى منها هنا نزلت الغدا بالسفره قال حامد وهو طالع من غرفته""كلمي رماح وتغدو هنا سوا""
قالت نجود بحماس""ايوه والله""
ماادري متحمسه لجلستي ولا لجيت رماح قلت وانا اتجاهل كل افكاري الي فجئه تجمعت براسي""انا بأكل معاكم رماح مشغول""
بعد الغداء بتكلم معاه بس خليه الحين يستمتع بالاكل طالع فيني بنظره تفحصيه وهو يجلس وقال""مشغول""
قلت""ايوه داوم امس""
قلت كذا علشان يتوقع مني تصرف مثل كذا ومايتفاجأه مع ان هذا صدق بس حسيت اني غلطانه اوضح هذا بس خلي راح اقول واتكلم حتى يقتنع حامد برجعتي بس طبعا ماراح اكذب قال""انا امس قلت لك روحي يمديه رجع كنت اقصد من الصلاه ماادري انه مداوم""
رفعت اكتافي بدون مااعلق مالاحظت امس صح هو قال كذا بس مافكرت الا برماح انه رجع مع اني ذاك الوقت انكر تنهدت وكملت اكلي بدون نفس بس ابغى اتكلم مع حامد لما رفعت السفر كان حامد موجود بالمطبخ ينتظرني اول مادخلت قال بأهتمام""اش فيكم حاصل شي""
قلت بصوت منخفظ""ماابغى نجود تسمع""
طالع فيني شوي وقال""الموضوع كبير يعني""
ياربي خرعته وخربت ع نفسي الحين يحس السبب اتفه من التافه قلت بسرعه""لا ابدا صغير مره بس ماابغى تسمع يعني(ماعرفت شلون اوصف فكرت شوي وكملت)هو مو كبير بس تعرفها نجود تحكي كل شي ويعني ماابغى.....""
تورطت مره ثانيه ماعرفت طالعت فيه بأستنجاد قال وهو يطلع من المطبخ""تعالي غرفتي""
طلعت من المطبخ بس اول كملت لف السفره والحمدلله نجود مو بصاله بسرعه دخلت غرفة حامد وسكرت الباب بعدي كان جالس ع كرسي المكتبه الصغيره الي بغرفته جلست بتردد ع حافة السرير وهو ماتكلم ينتظرني اتكلم انا عارفه انه بيكون بصفي مهما كان هو اخوي بس ماابغى يعصب مره وبسرعه مثل عادته يعنى للحين خايفه ع رماح ويهمك بهذي الفكره بعت كل الحواجز الي كنت حاطتها ودخلت بصلب الموضوع وكأني اتحدى نفسي وانا مو ضعيفه لهذي الدرجه""ماني مرتاحه معاه""
رفع حاجب وقال""ليش مو مرتاحه يعني من تصرفات او كلام او كذا مجرد احساس""
قلت وانا اللعب بأصابعي الي بحضني""من كل هذي الجوانب""
قال""يعني كيف غير الفكره الي براسك عنه وعن الحياه""
قلت وانا ارفع راسي واطالع فيه""لا انا ماحطيت براسي فكره خياليه بس كذا (بلعت ريقي وانا ادور للكلام)يعني اقصد...."ماراح يفهمني من غير مااوضح وانا ماابغى اقول قال وهو يوقف ويتكتف""عارف انك ماتبغين تقولين السبب بس اذا انتي حاسه انه ماينسكت عنه خلاص كيفك هذي حياتك ومو معنى انه صاحبي برضى عليك شي ماتبغينه ماتبغينه كيفك بس طبعا مو تقررين بهذا الوقت اسبوع اسبوعين شهر شهرين اذا تبغين وبعدها القرار الي بتقررينه بأوقف معاك""
صح كنت متوقعه يوقف معاي بس بهذي الطريقه خلت دموعي تنزل ماني عارفه انزل دموعي لاني عاطفيه مثل ماقلت ولا علشان ابغى اي سبب افرغ الخوف الي فيني رفعت راسي لما سمعته يتكلم بعصبيه""تبكين رؤيا يعني الي سواه مو كبير وبس الا....""
وقفت وانا امسح دموعي وقاطعته اقول""تكفى حامد لا تكلمه اليوم""
ماادري ليش ماحبيت اقوله السبب الرئيسي وخليته ع فكرته قال بعصبيه اكثر""ليش تبغيني اسكت له""
قلت برجاء""بس مو اليوم""
وقال وهو هدي شوي""يعني بكلمه بكره بس ليش اليوم لا""
ماادري يمكن علشان هو يجي ويعتذر ولسى عندك امل يمكن يجي علشان امه مثل ماتزوجك علشان امه قلت""كلمه وقت مايجيك مو انت تروح له""
قال وهو يجلس""طيب(بعد سكوت شوي)كويس انك تكلمتي مو لازم تصبرين مع اني متأكد انك ماجيتي وتكلمتي الا بعد ماتعدا صبرك""
مشيت بتجاه الباب وقلت""نام واصحيك لصلاة العصر""
وطلعت من الغرفه وسكرت الباب بعدي وانا احس براحه جزئيه اني بديت بالموضوع مابغير رائي.. صحيته لصلاة العصر بعد ماعدلت دفاتر نجود الي هي بعد نامت شكلها ماتنام بدري برجعها لنظامها الاول احسن وصليت وصحيت نجود علشان تنام بالليل لما شافتني استغربت ومع انها متوقعه اني جيت قبل شوي طول العصر وانا اتوقع رماح يجي اكيد بتكلمه عمتي اعرف طيبة قلبها بس يمكن تعبت منه وقالت له بكيفه سوي الي يريحك والي يريحه ان المغرب اذن ولا جاء مع اني بقلبي عتبانه ع حامد الي مو موجود بالبيت قلت يمكن يجي مايلقاه بس عقلي المقفل ماقال انه عادي يتصل عليه قبل مايجي اذن العشى وبعد ماجاء هنا بجد عرفت انه ماراح يجي سويت العشى ورجع حامد وتعشينا وانا اتجنب نظرات حامد نفسه يعرف اش المشكله مايدري انها من طرفي بس الا رماح مو عارف حتى هو اش المشكله بعد العشى دخلت المطبخ ورتبته وانا فاتحه اذني لاخر شي يمكن الباب يدق ابتسمت بخيبه الساعه عشره وهو ماجاء يعني انسى طيب فيه بكره يجي وبيكلمه حامد وراح يكون العذر بنسبه له اصعب مو اقصد العذر لي اقصد لحامد بما انه صاحبه نفسي اخذ دش بس ماعندي ملابس فتحت دولاب نجود يمكن القى شي البسه واول مابصحى برجع اللبس لبسي لاني بغسله ان شاء الله مالقيت ولاشي كلها مستحيله وفكره مجنونه جات في بالي فجأه فكرة مايصلح مو حلو يشوفني رماح كذا طبعا ع انه بيجي مثلا انا الخبله بتفكيري هذا عناد في نفسي دورت اكثر بس مالقيت اخذت دش وغسلت ملابسي وطلعت حسيت بالبرد فطلعت من الغرفه وصليت بالصاله الوتر واخذت قرآن نجود وقريت فيه ورجعته شنطتها خفت انساه ورجعت جلست بالصاله كان البيت هادي نايمين الا انا انسدحت ع الكنبه وغمضت عيوني معقوله يمر اليوم وهو مايجي فتحت وطالعت بالساعه كانت اثعشر يعني افقد الامل عقدت حواجبي كأني اسمع دق ع باب الصاله
..نهاية البارت..
..عافاكم..
..عجايب..
الحمدلله.

..بٲذن الله لي حسنه ولك حسنه..
(ارفع رصيدك سبحان الله وبحمده سبحان الله )

بارت عجيب اعجبتني انها بينت له انها زعلانه وما راحت معاه
ورجعت بيت اهلها
اتوقع اللي طرق الباب رماح
الله يعين ويستر من اللي جاي


تم الإرسال بواسطة iPhone بإستخدام Tapatalk