لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (21) أدوات الموضوع انواع عرض الموضوع
قديم 15-11-11, 01:32 AM   1 links from elsewhere to this Post. Click to view. المشاركة رقم: 2041
المعلومات
الكاتب:
اللقب:
ليلاس متالق


البيانات
التسجيل: Jan 2011
العضوية: 211709
المشاركات: 937
الجنس أنثى
معدل التقييم: همسات وردة عضو على طريق التحسين
نقاط التقييم: 64

االدولة
البلدSaudiArabia
 
مدونتي

 

الإتصالات
الحالة:
همسات وردة غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

صباحكم ومساءكم
طمأنينه و راحة بال



( وسارت مع الدرب قافلة الضائعين )
هدول ماعندها حل او طريق غير انها تتبعهم وتعيش معهم طول هالفترة
حتى تقدر توقف على رجليها وتعرف كيف تتصرف في هالبلد الغريب وخاصة بعد
ماتعرف وش الي ينحاك لها بالظلام وقتها بس راح تفتكر الظرف والي متاكده ان فيه عقد
الزواج مو شاكه لان غازي لما فقدت البصر وراح لها المستشفى كان ماخذه معه ووكان يقول
هي لازم تعرف الحقيقه خلاص صار وقت كشف الحقائق وتعرف انها زوجتي حلالي




( حبل يلتف عليها ويربطها بـــ الجلمود المجرم.. )
غرووري شلون تبينا نعقد هدنه ولانتكافخ وانت نازله سب وشتم فيه على طول




( وين أوديك..وين أروح فيك..؟؟ أنا مو لاقية مكان يضمني.. وألحين من يضمك...
لاتطلع خلك جواتي..لاتكبر خلك صغير..بكرهـ يبيعونك..يدفنونك يوهمونك بالسراب.. لاتجي..لاتجي.. )
ياعمري ياهدول انت كنت بهم صرتي بهمين بس ماتضيق الا وتفرج
7
7
وقفت كثير عند هالجمله وبصراحه ماعرفت القى لها وصف ....قمة الروعه والجمال مع قمة الياس والقنوط




( سبحــــانك ياربي..بعدما قفلوا البشر أبوابهم بوجهي.. فتــــــــحتها من اوســـــــع أبوابك..)
مادري غرووري وش تقصدي بكلام هدول هنا هل هو الطفل المنتظر وكأنه سراج نور لها بظلام حياتها
انه هو الي بيعوضها جحود اهلها وقسوة غازي وظلم اهله خصوصا انها بطفلها هي الام الحنون و العطوف
وايضا الامرة الناهيه الشي الي هي فقدته من زمان لانها فقدت انها تعطي وتاخذ من نفسها بدون اي تدخل




( هديل بهمس\تملكك جني... )& ( مثلاً ماجيت أقوول مثلاً ماقلت أكيد..)
ههههههههههه يازين الخوف والجبن يمدحونه




( إذن مافيه..أحد يستاهل أحـــــزانك.. أو تـــكرم حيـــاته بحسرة أو دمــعة من أجفــانك.. )
لازم مايكون فيه احد يسال ويحس يمكن ماندري عنه يمكن من ورانا يسال ويطمن ويداري علينا
بس اكيد فيه احد يستاهل دمعتنا وغلاتها



( لاتظلمينه ياهديل وتظلمين نفسك.. هو قالك العملية تذبحه أكثر منك . )
احلى شي بكشف حقيقة ابوها انها فتحت عيونها على اشياء كثير كان يقولها غازي
وتفهمها وتفسرها خطا والحين بس بدت تفهم كلامه وهنا نقطة الاختلاف الي بتصير
لانها بتصير تفهم هو وش يقصد من حركاته وهو بيصير مايعرف لها ولايفهم حركاتها



( ربي عوضني فيك عن هلي وبلادي... )
واخيرا قرارها الاخير بالبقاء في بلاد الغربه والحفاظ على الجنين والعيش له فقط
بدون ندم او حسرة على ناس مايستاهلون الدمعه اذن بدايه لبس ثوب البرود ثم الانتقام



( انا مو مرتاحة معهم ماني مرتاحة.. )
بدري عليك هالكلمه بدري ولسى ياما بتردديها منهم



مسفر : عندي احساس ان مسفر اهون من تركي .. احس ان مسفر واضح وصريح وقوي وفيه من شخصية
راجح وغازي فهو يمتلك عدل راجح وعنده كلمة الحق بالمقام الاول وان كان مسفر نطقها بدون تردد
عكس راجح وبنفس الوقت فيه قوة شخصية غازي وتحديه لاي احد يواجهه يعني خليط من الاثنين



( بس هالبنت ما ابيك تحتكين فيها ولا تتاملين بشيء.. )
هل بيكون هو النور الي يدل هديل على الخطه المحاكه ضدها بالاستيلاء على الطفل والي بيساعدها
على الهرب والنجاة منهم ومن خططهم




تركي ومرام : عندي فوق راسي علامة استفهام وش كبرها
ليه علاقتهم بهالجفاف والقسوة مع شوي سخريه واحتقار مع حب وتمسك من جانب تركي




( مرام : موجوعة؟؟لا تتحركين ألحين أنادي تركي.. )
مرام خلاص كل عقلها وتفكيرها بالجنين وماعادت تشوف شي ثاني غيره
هي حتى مافكرت تقول لهدول تغطي او تحجبي حتى تدخل زوجها عليها
غير انها يمكن من تصرف له خلاص بايعته وماتطيقه وماعاد يهمها




( بما انك قلتي تبين مربى الفرولة وصيت عليه مخصوص لك.. )
ياشين الفشخرة الكذابه .... من اقرب سوبرماركت بتلقاها




( مرام تبتسم\لأني أخاف عليك وعلى البيبي..قررت أكون ملازمة لك هالفترة واهتم فيك.. )
الا شكلك بتكوني ظلها الي مايفك عنها حتى تولد ويطلع الطفل المنتظر




( امممممممم بتذبحني مثلاً..تراك ماقصرت.. )
وش تقصد بهالكلام هو وش سوى لها خلاها بهالبرود والتحقير له مااظن انها تقصد نفيه لاخته قمر
مهما كانت علاقتها فيها لو فرضنا كويسه مارا ح تخرب بيتها عشان اخته او يمكن له علاقه بمرضها
الي هي جايه تتعالج عشانه والي اكيد انها فقدت او شبه فقدت فيه فرصة الحمل



( كيف تسلم نفسها لناس او عفواً شياطين متلبسة بأجساد بشر.. )
اكيد هنا تقصد لما خطفوا قمر ونفوها خارج البلد لوحدها بدون ونيس او انيس وبحالتها المرضيه الصعبه




( مرام\والله لأحرق قلبك التعبان عليها...
تركي بحب \فدوة لها قلبي..بس المهم هي لا تضيق وتزعل.. )
يعني تجازيه بنفس العقاب حرم ابوه من حبيبته وقلبه قمر وهي تحرمه من حبييته وقلبه ...؟؟
مادري تقصد نفسها او مين الى الان ماوضح من عايلتهم غيرها هي
اممممم الى الان تركي حايس مخي ومو عارفة له حل بس يمكن ان مرام جاتها حاله بعد ماعرفت
حقيقته وانصدمت فيه يمكن انهارت واخذت ادويه مهدئه من وراه اثرت عليها سلبا وحرمتها من الحمل
وبكذا تعاقبه بتعبها وحزنها وبزيادة حقدها وقنوطها منه
>>> بصراحه مادري شلون اربط مرضها بفقدها للحمل لصدمتها بتركي بكرهها له وانتقامها منه




وابوعلي وابو راكان : عساكم من كذا و ازود تستاهلون وحرام فيكم الرحمة
لان البنت الى الان تتعذب بشي مالها ذنب فيه الا انكم ارخصتوها وبعتوها برخيص



شوق : كل مافكرت اني ارحمك بطلت لانك ترجعين وترمين بلاك وغباءك على الي حولك
بحجة انكم انتو السبب ليه وقبل مايشوفها طالب كنت تقولين هي سبب موت اخوي
وكل ماشفتها ذكرته وذكرت تيتم ولده وترمل مرته وفقدي له انا وامي



( شوق بغصة\على طووول..ما ابى اطلع من بيت هلي..ما ابى اروح معك. )
وكأنها تقصد تحرم نفسها من زوجها حبيبها مثل ماحرمت هديل من اهلها واحبابها



غازي :
( تكلمي يا أرضَ اللقاءْ ... أعدلٌ فِيَ هذا القضاءْ )
وه يالبى قلبك للاسف انه عدل تصبر ياقلبي ماتضيق الا وتفرج نفس نصيحتي لهدول هي لك بعد ^ ^




( منسدح على فراشها في الملحق... أصابعه تشد على بقايا شعرها بجديلتها..عيونه تشوفها رغم موتها..
ريحتها تنقش جدران ذاكـــرته.. وترجع بعض أقسى مواقفه معها...)
غروووري لو اني ماخذه نجومي منك امداني صرت جنرال من كثرها يالله لاتسحبين علي ابي نجومي
لبى نص مخي الي سارقته منك *_*




( غمض عيونه على ذكرى دموعها وبكاها.. وعلى تردد صوت شهقاتها بذاكرته..
كان يتقصد يجرحها يطعنها بكلامه..يجرح كل مافيها بقسوته.. )
غازي الحين بمرحلة الصدمة وكيف يتعايش مع فقدها ومع ذكرياته بقسوته عليها ....
لازم قبل مايوقف من جديد يعيش كل لحظه الم سببها لها وكل لحظه جرح وقسوة
وعذاب عيشها اياها بعدها راح يجي غازي الجديد الي بيعاقب نفسه بنفس الاسلوب
مو سبق وسالته امه ياغازي انت حبيتها قال لها انا قلبي حقود ماينسى ولانها هديل
مو اي احد فراح ينتقم لها غير عن اي انتقام بيعاقب نفسه اشد العقاب وبين حنايا الاماكن
الي عاشتها وعانت فيها راح يعيش ويعاني




( تركت له دعــــــوة من قلبها.. وهو مبسوط بدعوتها.. )
اذا مانسيت وماكنت غلطانه لان دعاويها عليه كثير فهو يقصد :
الله يحرق قلبك بغاليك الله يذوقك فقد من تحب وتغلي



( غازي بأسى\أعرف وش أقصد..وأنتي ماتعرفين.. )
الحين بس ...لكن لما ترجعها بعدين ماعاد تعرف هي وش تقصد بتصير لك لغز ماتفهمه بتنصدم منها




( همس لها\ابي ارضيك..سكوتك متعبني..ردي علي بكلمة..ارجعي مثل اول..فقدتـــك أرجعي.. )
لييك تؤبرني ارحميه غرووري رجعي له اياها مسكين قلبه متقطع عليها



( رمى راسه على مكتبه بعنف .. لعل ذكرياته المحاصرة له تخف وترحمه..)
ياقلبي انتبه لاتعور راسك او يجيك ارتجاج ....
لسى باقي ماغنيت الامااااااكن كلها مشتاقة لك ^ ^



راجح : ( شاف برائتها وقهرها...شوقها لأخوها خوفها ورعبها الدايم.. )
ونفس هالبراءة والقهر والخوف والرعب بتشوفهم برشا


( حجز على السعودية وسافر.. )
تكفى يعني الحين غازي الي يبي يشوفك .. غازي الحين عايش مع الاطلال وماحوله احد ابد




عبدالله وعلي :
( خرج عبدالله من البيت وأتصل بأبوهـ.. )
فديت الذكي خرج حتى ماحد يسمعه ويقلق ويخاف
اممم مااظن انه يعرف شي عن هدول لانه لو يعرف ماكان قال
( وهو يفكر بجدهـ وإذا كان مسافر عشان سياحه مثل ماقاله.. بس هو مو مصدقهم... )
هو يمكن عرف بالصدفه ان جده بالعنايه من خلال كلام ابوه مع راكان بس حب يستسفر ويتذاكى
حتى يعرف سبب طيحته وانتكاسته




سوري لان ردي متأخر كالعادة بس شسوي الظروف مو مساعدتني

وكل الشكر لك غرووري لامتاعنا بروعة قلمك وبنزف حرفك

 
 

 

عرض البوم صور همسات وردة   رد مع اقتباس
قديم 15-11-11, 02:12 AM   المشاركة رقم: 2042
المعلومات
الكاتب:
اللقب:

البيانات
التسجيل: Nov 2010
العضوية: 202753
المشاركات: 73
الجنس أنثى
معدل التقييم: الهيله عضو بحاجه الى تحسين وضعه
نقاط التقييم: 43

االدولة
البلدSaudiArabia
 
مدونتي

 

الإتصالات
الحالة:
الهيله غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

تركي ومرام

حبهم لهديل واهتمامهم فيها وراه سبب جدا قوي

اعتقد انهم طمعانين في بيبي هديل

 
 

 

عرض البوم صور الهيله   رد مع اقتباس
قديم 15-11-11, 02:12 AM   المشاركة رقم: 2043
المعلومات
الكاتب:
اللقب:
عضو ماسي



البيانات
التسجيل: Jun 2010
العضوية: 170181
المشاركات: 1,484
الجنس أنثى
معدل التقييم: صدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييم
نقاط التقييم: 1281

االدولة
البلدSaudiArabia
 
مدونتي

 

الإتصالات
الحالة:
صدووود غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته ...



صبــــــــــــــاح المحبة والرضا من رب العالمين ..


كيفكم احبتـــــــــــــــي ..؟؟!

البارت بينزل بعد دقائق واتمنى يكون عند حسن الظن ..

وأعتذر على القصــــــــور ..

أسرار بتنكشف اليوم..
وأسرار بتزيد غموووض ..

تحملونــــــــــــــــــــــي ..


كونوا بخير..

صدووود’’’

 
 

 

عرض البوم صور صدووود   رد مع اقتباس
قديم 15-11-11, 02:19 AM   المشاركة رقم: 2044
المعلومات
الكاتب:
اللقب:
عضو ماسي



البيانات
التسجيل: Jun 2010
العضوية: 170181
المشاركات: 1,484
الجنس أنثى
معدل التقييم: صدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييم
نقاط التقييم: 1281

االدولة
البلدSaudiArabia
 
مدونتي

 

الإتصالات
الحالة:
صدووود غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 


السلام عليكم ورحمة الله وبركاته ..


يسعد صبــاحكم \\ مســـائكم
بكل محبة ورضى من رب العالمين..


كيفكم آلــــــــــ ليلااااااااااااااااااس ..؟؟
أحبتـــــــــــــــــي في كل مكان..؟؟

اخواتي الغاليات فيه مقاطع مغناه ب الروايه انا ندمت على تواجدها بين سطوري
فـ اعتذر لربي قبل ان اعتذر منكم ولن تتواجد مقاطع مغناه بعد هذا التنويه بإذن الله وتوفيقه..

غاليتي الحنونة...
كان لك نصيب من الشكـــــــــــر والعرفان..
شـــكراً لقلبك الطيب ...



البارت بـــ مدخلـــه إهداء لــــــــــــــــــــــ
آل فلســــــــــــــــطين كـــــــــافة...
ولصديــــقة إلتقيت بها بأرض الغربة لكِ يـــــا ياسمين الفلسطينية ...
أرجوا من الله ان تكونــــي بخير..

غاليتي عيون فلسطينة..
شـــكراً بحجم السماء لمساعدتي بتعديل اللهجة في الحوار بين هديل وشخصية أخرى..




البارت التاسع والأربعون ...

-1-

يقولون: إنك مت

يقولون: إن غسلت.. كفنت

ثم دفنت

يقولون: هذا ضريحك

دنسه الفاجران الرخيصان

ما قمت

ما ثرت

يا دمية الغاصبين الغزاة

.....!

-2-

سلام!

على قاتل الغيد و الأبرياء السلام!

على بائع الأرض و الكبرياء السلام!

و بوركتما تصنعان السلام

و بوركتما تنثران الحضارة في مربع الجهل

تبتسمان و تعتنقان و ترتجلان

ألذ الكلام

سلام!

-3-

وداعا.. وداعا

فهذا هو القدس ضعنا و ضاعا

وداعا.. وداعا

فها هي ذي ضفة النهر في يدهم

أمة إشتروها و باعا

وداعا.. وداعا

فهذا تراب فلسطين يقطر دمعا

و يندي التياعا

-5-

يقولون: أنت انهزمت

يقولون: إن فقيرك أثخنه البؤس

كيف يطيق فقير كفاحا؟

يقولون: إن ثريك أفسده المال

كيف يهز غني سلاحا؟

-6-

يقولون.. لكنهم يكذبون

و أعرف.. أعرف ما يجهلون

أحسك في.. كأن دمائي

رادار نبضك.. أبصر ما يختفي

خلف صمتك.. أواه لو تبصرون

و سوف تقومين.. سوف تقومين.. سوف تقومين

تبقين أنت.. و هم يذهبون

-7-

تموتين؟! كيف؟! و منك محمد

و فيك الكتاب الذي نور الكون

بالحق حتى تورد

و طارق منك..

و منك المثنى..

و أنت المهند

تموتين؟! كيف؟!

و انت من الدهر أخلد!



المرحوم بأذن الله تعالى ..غازي القصيبي...



وقفت قريب منه ودست يدها بيدهـ..
راجح شد على يدها بقوووة..مشى وهي تمشي جنبه وتحتضن غازي..
حاول ياخذه منها ويشيله..بس ماقدرت تتركه..
دخلوا المجلس وعامر أستئذن منهم..
رشا بصوت مبحوح\راجح قووم خلنا نرووح تكفى..
راجح بحنية\رشا أذكري ربك لاتنهارين ألحين..
رشا ترتجف\أنا ليه طاوعتك؟؟
كان المفروض ما أرضى..بياخذونه مني..
راجح يضمها بقوووة\رشا لاتخلين ابليس يوزك ألحين..
أنتي أدركتي أن امه أولى فيه..هذي امه يارشا لازم تشوفه وماتنحرم منه..
رشا بهمس\بس امه ماتت والله ماتت..
راجح\ألحين نتأكد ان كانت ميته مابياخذونه..وأن كانت حية فأبيك ماتنسين كلامنا وميثاقنا..
رشا\مو اليوم خلااص خلنا نجي بكره..بكره احسن..
راجح مارد عليها ظل يناظر فيها وهي تحتضن غازي وتبكي..
سمع صوت عند الباب ورشا غطت وجها بسرعة..
عامر بصوت عالي\حي الله راجح وهله..نورت الكويت بوجودكم..
راجح\الله يحييك يالطيب ماقصرت منورة بهلها..
أم فهد\حياكم الله أنت وهلك ..
راجح\الله يبقيك ويحييك..
أم فهد بفرح\هذا غازي؟؟
راجح بهدوء\ايه هذا غازي بن سعود..
أم فهد تقرب من رشا\ياهلا وغلا..ياحي الله ولدنا وقطعة منا..
رشا طلع منها صوت مكتوم وضمت غازي بقوة لحتى بكى متوجع..
راجح شده من يدها بس هي تعلقت فيه أكثر..
رشا بخفووت\لا راجح تكفى لا...
راجح\رشا هي بس بتسلم عليه اتركيه يا ام غازي..
رشا رفعت راسها له\انا أم غازي..؟؟
راجح\ايه انتي امه واللي ماجابته امه يقول غير ذا الحكي..
رشا\لاتأخذه بعيد..خلها تشوفه هنا...
راجح يسايرها\طيب..ما باخليها تخرجه..
سحبه من يدينها بالهداوة وهي عيونها تلمع بعداء لهل البيت..
مدهـ لعامر..
اللي شاله وضمه بقووة ورحب فيه في بيت خواله وهله..
أم فهد شاركت ولدها الترحيب بغازي الصغير..
وهي تبكي وتشكر الله وتثني عليه..أنهم شافوا ولد بنتهم والتقوا فيه..
دقايق من أنشغال الكل مع غازي الصغير..
دخلت مترددة خايفة من ردت فعل عامر..
بس هي ماعادت تتحمل..
هذا غازي ..ولد أختها قطعة من قلبها..
ماتقدر تخليهم ياخذونه ويروحون من غير ماتشوفه..
كم تمنت تحضنه..تشوفه وتشم ريحت اختها فيه..
حاولت تتصل برشا..او عائلة سعود..
بس هله ماكانوا يدرون بزواجه من بنتهم..
ولا يدرون أن غازي ولد اختها مو ولد اللصة الي سرقته ونسبته لها..
.....\يومه عطيني إيــــاهـ تكفين...
الكل ألتفت عليها..
راجح وعامر غضوا البصر عنها وهي واقفة بعيد عنهم..
دموعها تناجيهم رجفتها تكسرهم..
....\تكفين يومه عطيني اياه شوي..بس أضمه أشم ريحته..
رشا وقفت\لا مابيطلع من هنا..وأنتي من تكونين..؟؟
..... بقهر\أنا اللي حرمتيني منه..أخذتيه منا ياللي ماتخافين ربج..
هربتي فيه مع أبوه ماسألتوا عن أمه وهله..
عامر\بنــــــــت روحي داخل...
....\لا مابأروح أبي ولد اختي..حرام تأخذهـ المجرمة كل هالسنين وحن نحتريه..
عامر\ انزين روحي داخل و أنا أجيبه لج..
رشا بخوف خذت غازي من يدين ام فهد\لا خلاص حن ماشين الحين..
راجح وقف وأخذ غازي من يدها...
رشا بهمس\لاتعطيهم اياهـ...
راجح بحدة\أعقلي وخلي الناس يشوفون ولدهم..
رشا بصدمة\وش ناوي عليه ياراجح؟؟؟
عامر\السموحة يا ابو حمد..خذوا راحتكم..وأنا باكلم الأهل شوي..
أنسحب عامر مع أم فهد..
وقف قدام عالية وأشر لها تطلع من المجلس..
أشرت براسها علامة الرفض...
عالية\ما أطلع من دون ولد اختي..
عامر بغضب\اطلعي دام النفس عليج طيبة..لاتفضحينا في الريال..
عالية بغصة\طيب بأطلع مع أمي..بس أنت لاتطلع..ترى بيهربون بالولد ولا يرجعونه لنا..
عامر بحدة\أطلعي لا أذبحج..
طلعت وامها تسحبها معها بالغصب..
وقفت بحديقة البيت حالفة ماتدخل الفلة..تراقبهم لايخرجون والولد معهم..
عالية تبكي\حرام عليهم يومه..ماكفاهم طول هالسنين وهو معهم..
مالمحناه ولا عرفناهـ..مالهم حق يومه..
أم فهد\أقصري حسج لا يخرج عامر ويذبحج..اللي سويتيه ماله داعي..
هو كان بيتفاهم معهم..وش دخلج بين الريايل..؟؟
عالية\وهذي السراقة المحتالة مو جالسة بينهم ومتحضنة ولد أختي..
بس انا أوريها ياقهري طول السنين اللي فاتت عليه أطلعه من عيونها..
أم فهد\البنت شكلها طيبة وتحبه..الحمدلله أنها طيبة فيه انتي ماشفتيها كيف تضمه وتحضنه..
عالية بحزن\كله من زوجك الله لا يرحمه جزات قهر أختي..
أم فهد بغضب\ يابنت استهدي بالله حرام تسبينه وهو ميت مايجوز..
قال رسول الله صلى الله عليه و سلم( لا تسبوا الأموات فتؤذوا الأحياء )
صلي على النبي يابنتي خلي اللي ماتوا لهم رب يحاسبهم ويرحمهم..ماهم بحاجة لدعواتج القاسية عليهم..
عالية بضيق\من قهري يومه...من قهري على أختي وولدها..

عامر بأخر المجلس\ولا لك لوى يا أبو حمد...
بس حن خواله ولنا حق نشوفه ويعيش معنا ولو فترة قصيرة..
أنتوا هله ولابه حد يقدر يأخذه منكم غصب عنكم..
مير وأنا اخوك كن عادل وحقاني..
الولد من أول أيامه وبعد وفاة أمه خذاهـ أبوه وحرمنا وحرم خالته ويدته منه..
راجح\سوات سعود ماني براضي عنها...
بس أنا أعرف سعود زين يخاف ربه ومصــــلي..
ولا ظنتي بيحب يقهركم في ولدكم من ولا شيء..
أكيد أنه ماخذاهـ ورجع فيه السعودية الا بسبب..
عامر\لكل شيء سبب يالطيب...
راجح\لازم نفهم كل شيء عشان نكون على بينه..
عامر\عين العقل..وأنا بأفهمك وش صار..
وحياكم الله هل البيت وحن ضيوفكم..
راجح \لا والله قبل لا تحلف بأودي هلي الفندق ونلتقي..
عامر بحذر\وغازي..؟؟
راجح بثقة\بأخليه مع جدته وخواله وماعليه شر..
شهقة رشا بخوف وعامر طلع من المجلس ينادي ام فهد..
رشا بصدمة\لا لا راجح لاتخوني تكفى لاااا ..
راجح يضم وجها بين يدينه\رشا ياقلبي اسمعيني..
مابينام غازي الا في حضنك اوعدك..
خلي جدته تشوفه وتملى عينها منه..
رشا بعدته عنها\لا حرام عليك..طاوعتك بكل كلامك..
قلت لي نجي الكويت ونرجع بسرعة..
قلت نزورهم في بيتهم وغازي معنا..وثقت فيك وجيت..
بس تقول اخليه لهم لا ما أخليه هذا رووحي ياراجح ما اقدر اعيش بدونه حرام عليك..
راجح يداريها\رشا وين كلامك عن هديل وظلمك لها..
تبين تعيدين غلطك بغازي..؟؟تبين تحملين ذنوب قطع الأرحام..
الرسول والدين وصى بصلة الأرحام..هذولاء خواله دمه من دمهم..وأنتي بسواتك تقطعين بينهم من غير حق..
رشا\لاتجرحني في ديني ياراجح...أنا ماني قاطعة رحم ولا شرانية..
أعرف نفسي ما اقدر اعيش من دونه...
راجح يهديها\مابتعيشين من دونه..وهو مابيقدر على فراقك..
شوفي كيف متعلق فيك..مايبي أحد غيرك..
حتى أنا لما أشيله عنك يجلس معي دقايق ويركض لك..
رشا بهدوء\يعني بيبقى معي..؟؟
راجح بصدق\بيبقى معك إذا الله كتبه..وإذا ربي ماقدر ارضي بالواقع..
رشا بخوف\راجح لاتخوفني تكفى...
راجح يضمها\ما أبى اخوفك..وبنفس الوقت ما ابى اكذب عليك وأعشمك بوهم..
وقف وشال غازي قبل لاتغير رايها وتمنعه..
ضمته لها بقوووة وهي تشم ريحته وتتفداهـ..
حاول يرجع ليدين رشا بس راجح بعدهـ عنها وخرج من المجلس..
مشت وراهـ وهي تبكي وتناظر غازي اللي يمد يده من ورى ظهر راجح لأمه..
سلمه لعامر وهو يوصيه عليه ..
خذاه عامر وصار يلاعبه ويهديه لما شافه يتعبر ودموعه بعيونه يبي راجح اللي بعد عنه..
فتح باب السيارة لها وهو ساندها..
ضربته على صدرهـ وهي تسمع غازي يبكي ويناديها..
رشا بنحيب\تكفــــــــى رووح جيبه لي..
حرام عليكم ذبحتوني فيه..أحرقتوا قلبي..
راجح يشدها له\هشششش صلي على النبي..
لاتصعبين الأمر عليك..
رشا\انتوا ماتحسووون..ظالميييين ..راجح حرام عليك اسمعه كيف يناديني..
لاترعبون الولد خلوني اخذه هو يبيني..
راجح دخلها السيارة ولا سمح لها تروح لغازي وعامر..
وقف يناظر باتجاهـ غازي اللي كان يدور على أمه ويصد عن عامر مايبيه..
فكر يروح وياخذه منه..أو يهديه من خوفه وبكاهـ ..
بس مسك نفسه..ركب السيارة وحرك على الفندق..
وطول الطريق ورشا تقوله انت خنتني..وانت ذبحتني..
وهو كان متفهم وضعها وضايق عشانها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

دخل وغازي يبكي وينادي على رشا..
وصلت له عالية تركض وخذت غازي من يده بسرعة..
ضمته بقوووة وهو يبكي مايبيها..
عالية بشوق\فديت قلبك ياريحت الغالية..عساني ما أنحرم منك يابعد هلي وناسي..
عامر بعصبية\أنتي كيف تسمحين لنفسج تدخلين المجلس والريال موجود..
ماتستحين ماتنتخين؟؟
عالية تبكي\عامر تكفى لاتخرب علي فرحتي بغازي..هواشك أجله لبعدين..
عامر بحدة\جبي لا اصكج بوكس على عينج..لو ما ابي ازعل خالتي ولا كان ربيتج..
عالية بقهر\هيه تراك ذليتني كل شوي اطقج العوزج ترى أروح بيت أبوي ماابي منتك..
ام فهد بقوة\علوووي انجبي ياللي ماتستحين..
عالية\تعال معي يا حلو..خالك شوي وياكلنا اعوذ بالله..
غازي يشاهق وقلب شفايفه دليل انه بيبكي أكثر...
ويمد يده لعامر اللي حن قلبه على شوفه بهالشكل وخذاه من عالية غصب عنها..
عالية تشهق\عامر حرام عليك ماشفته زين..
عامر بهدو\ماتشوفينه خايف شوي وينهبل..خليه معي شوي..
عالية بقهر\قول انك تبيه معك وبس...
عامر رفع حاجب\انزين انقلعي داخل خرعتي الولد بشكلج..
عالية شكت بنفسها وناظرت عبايتها وحجابها ماباين منها الا عيونها...
عالية تحتج\لا ماهو خايف مني..أمه لابسة مثلي ماخاف منها...
عامر يناظرها\أمــــه؟؟!يعني متفقين بان حرمة راجح هي ام غازي..
عالية انصدمت من نفسها كيف اعترفت بلسانها ان رشا تصير أمه..
هذا ولد أختها الغالية المرحومة...
مايصير يقولون ان رشا امه وينكرون اختها ..
له حق يعرف من تكون امه..ولأختي حق ينتسب ولدها لها..
عالية بهدوء\أنت ماتترك مناسبة الا وتجرحنا فيها..
لا هي ماهي ام غازي..هذا ولد أختي ولد أختك مع الأسف..
وبيظل معنا رضيت أو عنك مارضيت انزين..

طلعت لغرفتها متجاهلة عصبيته عليها..وتدري ان امها بتهاوشها...
وتعاتبها على اسلوبها مع عامر..
بس هي ماتقدر تظل ساكته وهو يتحكم بكل شيء..
من عمرها 12 سنة وهو متحكم فيها وقاهرها..
لأنه ولد أبو أخوانها تحملته وأحترمته ..
أخوهم الكبير المسئول عنهم ................ وعنــــــــــها..
ترضخ لأوامره كثير عشان امها اللي توصيها باحترامه ..
مع انه كبير ومحترم معها..
بس تنقهر من تحكمه الزائد فيها..

أبتسمت بحب ودخلت غرفتها تركض..
ناظرت بصورة أختها الغالية على قلبها..
عالية بصوت مخنووق\وينج فيه يا لين وينج تشوفين ولدج الغالي..
وهـ فديته عيونه وش كبرهم كانهم فناييل قهوة..هههههههههههههههههههه ماشاء الله طيب مابأنظله..
شمت ريحته وضميته..خذيناهـ من المجرمة السروووق..
مثل ماحرمتنا منه باحرمها منه..
بس حرام يالينو لو تجوفين كيف متعلق فيها..يحبها واااايد..
بس ماعليج انسيه طوايفها الحوووبة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كانت أخر محطة في توديع المكان ..هي البلكونة الجامعة غرفته بغرفتها..
وقف بمكانها المعتادة..المكان اللي توقف فيه وتناظر لبعيـــــــد..
ركز عيونه في البعيد اللي كانت تناظرهـ..
يمكن بيوم ينضم لها ويترك الدنيا التافهة من دونها..
رفع وشاحها الأبيض اللون..
بس الوشاح بعيونه وشاح اسود أمام بياض روحها..
شم ريحتها فيه وغمض عيونه بحنين لها..

حبيبتي .. أحِسُكِ تمشينَ

في عروقي ..!

ويداعبُ همسكِ وجداني

ذكرياتٌ داعبتـ خيالي ..!

اخذتني الى ارشيفـ الماضي

حيث الحبِ والحنانِ

وغرقتُ في بحر جمالها

وشربتُ من ماءِ حنانها

ياليتَ الذي مضى يعود

وياليتَ في حُضنَ حبيبتي موجود

نزار القباني...

واقف قدام باب بلكونتها هو برا وهي داخل..
والباب بينهم..
كانت تبي تطلع البلكونة ولما قربت من بابها كان واقف قدامها..
حكمت الباب بسرعة تمنعه من فتحه..
أبتسم على حركتها وأشر لها تخرج عندهـ..
مارضت تفتح الباب وتكلمت عل وعسى يسمع كلامها..
هديل بتشفي\عساك تموت بالبرد..
غازي ضحك وغمز لها..
أنحرجت منه وصدت عنه..
أشرت بيدها له يروح ومايتعدى على بلكونتها..
وأنصدمت لما شافته طايح عند باب البلكونة ويدهـ بأعلى صدره ويشد بقوووة..
تراجعت خطوتين عن الباب مفجوووعة..
فكرت تفتح بس قلبها ماطاوعها...
خليه يموت ويتجمد..هو يستاهل يتعذب..
هبلة أنتي الرجال بيموت..
شهقت بخوف لما لاحظت هدوء حركته..
همست لنفسها\مـــــ......ــات..الحمدلله..
فتحت الباب بهدوء وقربت منه..
مدت يدها حطتها على شعرهـ..
شدت عليه ورفعت راسه لها..
شافت ابتسامته اللي أربكتها وخوفتها..
هديل بتصنع للبرود\يوووء لساتك حي..ماتبي تموت..؟؟!
مسك يدها وسحبها بقوة تجلس جنبه..
بعدت عنه بسرعة ويده بيدها..
انحرجت لما جلسها بحضنه..
ضربته على كتفه وصرخت عليه..
هديل بقهر\تراك زوتدها ومسختها أنت ماتستحي على وجهك..
غازي بابتسامة\وين وردتي؟؟!
هديل بخبث\رميتها مالها معنى عندي..
غازي\كذابة مارميتيها وين مخبيته تحت مخدتك ولا جوات ملابسك..
هديل بنص عين\شايفني مراهقة أنهبلت من وردة؟؟
غازي\هههههههههههههههه عدال بس يالكبيرة...يعني مو مراهقة ألحين؟؟
هديل تحب يدها وجه وقفا\شايب مخرف ما اشرهـ عليك..
ركز معي وفتح عقلك كووويس...
غازي \ألحين أنا شايب..؟؟
هديل ببراءة\من اللي قاله؟؟
غازي\أنتي..
هديل\لاتتبلاني...أنا قلت شايب مخرف..أنتبه فيه فررررق..
غازي يسايرها\اشوى على بالي قلتي شايب..
هديل\لا ماقلت..المهم وردتك اللي فرحان فيها رميتها تبي تعرف وين..؟؟
غازي يهز راسه بالنفي\لا ما ابي اعرف...
هديل بحقد\جبـــــان..
غازي\فيك تقولين وااااثق...وما ابي احرجك..
هديل بعصبية\قلت لك رميتها..
غازي ببرود\كذاااابة...
وقفت\قوووم رووح بلكونتك..قسمي لا أشوفك فيه مرة ثانية..
وحركات الأفلام الهندية اللي سويتها قبل شوي لاتعيدها..
تراك شااايب وش كبرك مرااااااهق..
غازي وقف\أنا مراااهق عادي ماتجرح كلمتك...
وبعدين أنا ماسويت فلم هندي..كان عندي شد عضلي بكتفي..
هديل بزعل\بسم الله عليك..ليته في قلبك ويفكنا منك..
صدت عنه راجعة غرفتها..
مسكها من يدها ووقفها قباله..
غازي بهدوء\تبيني أموووت..
هديل بغصة\الموت هو الحل الوحيد لنا..
أما تموت انت...أو امووت انــــا..
غازي\إلى هالدرجة ضايقة فيك الدنيا معي..؟؟
هديل تهز راسها بالنفي\لا...لأبعد مما تتصور...
ما أقدر أعيش من دون هلي...ولا أقدر أعيش مع شخص مايحترم حدود ربي..
أنت واعي وفاهم معنى كلامي...من حجابي..الى لمسك لي بدون حق..
الى محاصرتي بكل مكان وبكل وقت..
هذا الكوكب مايتسع لي ولك..
أما ترحل انت عنه..أو أنا ....

ضمها بقووووة يعاقبها على مجرد التفكير بالرحيل عن العالم اللي هو فيه..
شد على وشاحها الأبيض عليها لحتى حست أنها بتختنق...
همست له يتركها لأنها يألمها..
تركها بعد ماوصل لها رفضه لمنطقها الظالم...

آآآآآآآآهـ لو تدرين إنك اطهر من الصورة اللي رسمتها لك بعيونك..
وأنك زوجتي وحلالي..
حجابك مع الناس مع الغرب ماهو معي..
حدودك مع العالم والأجناس ماهو معي..
خذيتك بذنب غيرك..
شربتك العلقم..أكلتك الحنضل..
قلت أنك بتفكيرك ظااالمة..
والظلم تلميذ عندي..
دعوتك علي تواسيني..
مرحومة يــــا أطهر ذنوبي..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


رفع راسه يناظرهم كلهم حوالينه..
عيونهم ترتجيه يكون بخير...
رجع اليوم للمملكة يرفض الكلام معهم كلهم..
سارح بفكره وخياله عنهم..
لو تدرووون..ياليتكم عن اللي سويته تدروون..
بنتي ماتت يا ام علي..بنتك اللي عزيتيها وبكيتيها من زمان..
توها ماتت من شهر..بنتك ماتت يا ام علي ماتت..
غادة يا أبوك لاتحبين على يدي..
ترى لو طلبك بدلها كان عطيتك..
أبوك خان أمانته يا يوبه..
مايستاهل بركم ومحبتكم..
آآآآهـ ياعيالي كسرت ظهركم في شوفتكم..

حتى امه الغالية على قلبه..
باست راسه وتحمدت له بالسلامة..
كانت أكثر إنسانة يخاف يواجها..
بس هي أم وفاهمة حسرته..
من اللي صار له وإنكسارهـ فهمت أم حسين أن هديل توفت هالمرة صدق..
ماكانت تبي تعرف وش سووا فيها..
وليه طردوها او سفروها برا البلاد..
ماعاد شيء يهم مادامت ماتت..
تموت السالفة معها..
حسرة بقلبها هذيك البنت الغالية عليهم..
تعرف انها ماتغلط ولا تمشي بطريق المعصية..
فكرت بالخير فيها..بس ماقدرت تعرف بأي ذنب خذوها فيه..
غادة تمسح دموعها\الحمدلله على سلامتك يوبه..
والله العظيم خوفتنا عليك..لاتعيدها مرة ثانية..
محمد\لا ان شاء الله مايعيدها مرة ثانية..
ابوعلي يهز راسه ومايرد عليهم..
غادة بزعل\أفا ماتبي ترد علينا..ترى ندري انك تقدر تتكلم وعلى خفيف..
لاتحرمنا صوتك يالغالي..
علي\خلاص ياغادة لاتصرين عليه...ماله حيل يتكلم الحين..
حنان بمحبة\سلامتك ياعمي وخطاك السؤ..
أبو علي يشد على يدها ويهز راسه..
عبدالله يهمس لامه\فكي يد جدي..حسابك في جناحنا..
حنان بنظره قويه\انطم...
عبدالله ينافخ\طيب انا اوريك..مبسوطة يوم جاء زوجك..
حنان تغايضه بصوت واطي\فديته وحشني..
عبدالله عصب\والله ماتمسين الليلة الا عند خوالي وانا حلفت..
حنان فتحت عيونها بقوة منحرجة من ولدها..
علي باستغراب\ولد وش فيك؟؟
عبدالله بقهر\ليش ماتزوجت من ايطاليا بحرمة ثانية؟؟!
علي يغمز له\اعرست يا أبوك اعرست بس لاتعلم امك..
عبدالله\ليه ماجبتها معك؟؟
علي\تبي امك تذبحها..؟؟!
عبدالله\أنت بس جبها وخل أمي علي..أخليك تطلقها في يوم..
ام علي\عبيييد والعافية..خل عنك المحارش بين هلك..تراك رجال ما انت بزر..
عبدالله\انا حلفت الليلة ممسانا عند خوالي..
علي يرمي ولده بكرتون الفاين\أنقلع يا النتفة..قال حلفت وقال مدري وشهو..
عبدالله فتح عيونه بقوووة\تبيني احنث حلوفتي يوبه؟؟
علي\صم ثلاث أيام..
عبدالله\لا مادمت قادر أتم يميني فلازم اتممه..صح ياجدي..
ابوعلي مارد عليهم..
ام علي\صح بس مايحق لك تحلف على شيء مثل هذا..
بكره تقول كلكم ماتنامون الا في الشارع..وتحلف علينا..
عبدالله يسايرهم\لا لا ما باقوووله..بس هذي المرة وخلاص ما أعيدها..
لازم اتمم يميني...
محمد بعصبية\عبيييد خلك رجال وافهم الكلام..
الحلوفة ماتصير على كل شيء وأي شيء..
خل يمينك قوووية واحترم اسم ربك لما تقووله..لاتحلف على اي شيء وكأنك تاكل حلاو..
عبدالله\طيب فهمت خلاص...
محمد وقف\ولد كله ولادينك لاتتهاون فيه..فاهم..
عبدالله خاف\خلاص والله فهمت..
علي\خلاص يامحمد شكله فهم كلامك صح..
عبدالله يناظر أبوهـ بنظرات خبث..
قرب من امه أكثر وهمس لها بكلام..
وشوي الا رفعت حنان راسها وناظرت بعلي..
ضيقت عيونها بقوووة وصدت عنه..
علي طير عيووونه بولده اللي يبتس ورافع حواجبه لأبوووهـ..
وأرسل رسالة من جواله..
قم وصلنا لخوالي ...
علي قام بسرعة يبي يمسك عبدالله اللي شرد من ابوهـ ووقف ورى راكان..
راكان وقف بسرعة وهو يضحك على شكلهم..
راكان\هههههههههه اصبر علي والله ماتمسه اصبر يارجال..
علي يبعد راكان من طريقه\وخر انت بس خلني أفغصه الضب..
عبدالله بنذالة يتعزوى\وش ذا الكلام يا ابو عبدالله تفغصني..أخو نورة ..
محمد\هههههههههههههههه عليك فيه ياعلي نفدا خشتك..
عبدالله\خلك محضر خير يا الدوووب...
راكان\علي لاتخليني احلف عليك ماتمسه..صل على النبي يارجال..
علي يأشر لعبدالله ويتوعد فيه\عليه الصلاة والسلام..
رجع علي يجلس قريب من أبوهـ ..
وعبدالله جلس لاصق براكان..
بعد ماتطمن من أبوهـ ناظر براكان وشافه يناظر بغادة..
دقه كوع على بطنه وراكان فز وناظر فيه مستغرب..
عبدالله بصوت واطي\سلمت على جدي ماودك تروح بيتكم ترتاح بعد السفر..
راكان مستغرب\وشهو..؟؟!
عبدالله\غادة عطشان ادخلي جيبي مويه الله لا يهينك..
كلهم ناظروا فيه مستغربين أمرهـ لغادة..وبصوت عالي..
غادة ماحبت تكسر كلمته قدام كل اللي في المجلس..
وقفت وبابتسامة\ابشـــر..
خرجت من المجلس الا وتسمع صراخ الشباب عالي..
رجعت بسرعة وشافت راكان سادرح عبدالله على الأرض ويعضه..
علي جالس مكانه مبسووط\عطه كم بووكس وكم شوووته خله يتأدب..
عبدالله يستنجد\وغــــ....ــدة روحي البيت قبل أحووسك الحين مع الوغد حقك..
يوقف بسرعة ويدف راكان وينط عليه مثل حركات المصارعة اللي متعلمها من التلفزيون..
راكان كتفه بسرعة وهو يضحك عليه..بس لما ناظر بغادة عفس ملامح وجهه وهو يشوفها تترجاه يفك عبدالله..
فكه ومثل عليه ان عبدالله قوي ومايستهان فيه..
راكان يمثل التعب\أتاريك ياعبييييد ماشاء الله قوي وينخاف منك..
عبدالله نفخ صدره\عشان تدري المربوعين يطلع منهم..
محمد يضحك ويقفل جواله\بعد ساعة فلمكم الوثائقي هذا اعرضه في اليوتيوب..
علي بعدم رضا\حالتكم حالة..لو واحد ماشي في الشارع صوروه وحطوه في اليوتيوب وقالوا مدري وشهو..
قطووة تركض صوروها وقالوا شوفوا أول قطوة تركض في التاريخ..
محمد\ههههههههههههههههه لا بأكتب هوشة ماحصلتش ..
عبدالله بحدة\أقول لاتعرض صورنا في خرابيطك ترانا عيال قبايل والله..
محمد\وخروا منه خلاص جاه عرق البداوووة الأصيلة..
عبدالله\ترى لو مامسكني راكان منك ولا كان حستك مثله..
راكان بغيض\خذ راحتك قم عليه..
عبدالله\لا خلاص سامحته شفه كيف يتنافض..

صد عنهم غارق بحزنه عليها...
ماعزاها من زمان..كان في قلبه امل يلقاها ويرجعها..
صار دوره اليوم يبكيها ويفقدها للأبد مثل ما فقدوها..
عطيتها له عطية..خذاها مني وانا أتفرج..
ياحسرة بقلب أبوووك ياهديــــــــــــل..
ياحسرة في قلبي وروحي..
وش اقول لربي يوم يسألني عنك...؟؟
كيف أواجه ربي وانا ماصنتك وحفظتك..
زوجتك له وانا اعرف مابيداريك ولا يراعيك..
عطيتك اياهـ مكسورة الروح والقلب..
شفت الشك بعيونك وتغاضيت عنه..

هديل بنتي مثل نور الضحى
أسمع فيها هدهدات العويل..

تقول يا بابا تريث فلا
أقول إلا سامحيني .. هديـــــل..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ياعمري الدنيا ماتسوى تنام وخاطرك زعلان..
ولا شي يستاهل يخلي قلبك يعاني..
طلبتك كان لي خاطر تبعد عنك الأحزان..
فديت عيونك الحلوة تبسم لو على شاني..
حبيبي صارلي مدة أشوفك تايه وحيران..
وأنا لاشفتك حزين تزود أحزاني..
أناأحبك ولاودي تعيش بدنيتك ندمان..
ترى الأيام محسوبة وتالي هالعمر فاني..

دخل غرفته بس مالقاها موجودة..
كان يدري وين بتكون..
فتح الباب وشافها جالسة على الأرض عند سرير غازي..
ألعابه حواليها ملابسه بحضنها..
قرب منها بهدوء وجلس جنبها..
من يوم رجعوا السعودية وهي زعلانة منه ماتتكلم معه ولا تراضيه..
خذا منها ولدها وعطاه لغيرها..
تجاهلت وجوده..او يمكن ما انتبهت لتواجده قريب منها..
كانت عايشة بعالم ولدها المحرومة منه..
خذوهـ منها مارحموها..ماراعوا قلبها المكسور..
راجح بحنية\رشا ياقلبي إلى متى بتعذبين نفسك كذا..
غازي بسم الله عليه حي وبخير..لازم تتعودين على فراقه فترة ويرجع لك..
رشا\.........................................
راجح\مايهون علي أشوفك على هالحال..
تعتبريني عدو لك..أدري انك مقهورة على بعدهـ ومشتاقة له..
وتحسبين أني خذلتك وحرمتك منه..ياغلاي ترفقي بعمرك ...الحزن ماهو زين لك..

فكري في امه المرحومة لو كانت حية أكيد تبي ولدها يعرف امها وهلها..
رشا بشهقة\فكري في أمه..فكري في غازي نفسه..
فكري بابوهـ..فكري بالناس كلهم.. وأنتي يارشا موووت بحسرتك..
مالك شغل فيه لا انتي امه ولا أنتي أبوهـ...أنتي بس طفيلية تطفلتي على حياته وخذيتيه من غير حق..
مالك حق تحبينه وهو سنين بحضنك..مالك حق تلمينه وهو ماهو من بطنك..
رشا انتي مالك حق بغازي ما أنتي امه...أنتي بس ربيتيه وسهرتي عليه وحضنتيه..
وغير كذا مالك شغل فيه..محدن يدري باللي في قلبي لغازي..
ماني امممممممممممه والله ماهو من بطني..بس هو من قلبــــــــــي قطعة من روحي..
خذيتوووه مني قهرتوني...اتهمتوني بالظلم والنصب..
جرحتوووني وخنقتوني وأنتوا تتفرجون...
أنا نخيتك وأنت لويت ذراعي..طلبتك تحفظه لي منهم..بس أنت بنفسك وديته لهم..
عطيتهم اياه وأنت مبسووط بقهري..وهم خذوووهـ..
وهو بينساني..بينسني لأني ماني أمـــه..
حتى أم سعود زعلت علي ليش ماقلت لها..غازي وطالب ماوقفوا معي..
عاقبتوني لأني حبيته.. بس عشاني حبيـــــــــــــــــــــــــه..

غطت وجها ببجامته وانتحبت بصوت عالي..
راجح ضمها له بقوووة وهي تضربه وتحاول تبعد عنه..
وقفت بسرعة ورمت بجامة غازي عليه..
رشا بغصة وهي تبكي\خلاص خذوهـ لكم..تهنوا فيه..
ربوهـ بكووهـ كبروهـ ولا اذبحوووهـ..
هو ولدكم أنتوا هله وهم خواله..
انا ماعاد لي عازة فيه..ما ابي اشوووفه مرة ثانية ولا أعرفه..
خذوووهـ لكم ما أبيييييييييه...أصلاً ماعمري حبيته..
كان هم على قلبي..مربطني ومعقدني بحياتي..
كنت ناسية نفسي معه مثل الخادمة والمربية له..ماعمري حبيته ولا راح احبه..
انتوا خذيتوه مني...أنتوا قتلتوني..
أكـــــــــرهك ياراجح...أكرهك يومك ذبحتني من سنين واليوم تجدد طعوونك لي..
انا ممــــــ....ــأ ابيه..أحبــــــــه أمووت من دونه بس ما أحبه ما أحبه..

جلست على ركبها قدامه وضمت نفسها بيدينها..
مد يدينه لها وقربها منه...
ضمها وهي تبكي وتتناقض بكلامها..
بس وعدت نفسها انها مستحيل تشوف غازي مرة ثانية او تحضـــــــــــــنه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرج من القصر بعد ما قفل أبوابه..
هجر المكان بعد ما اندفنت حمامته..
ترك المزرعة تحت إدارة فكتور وماريا...
اللي بعد ماعرفوا بموت هديل ندموا وطلبوا منه يدلهم على قبرها..
لكن غازي مارضى يقول لهم وين قبرها..
هم مو مسلمين ولهم شعائر عند القبور..
هديل بمقبرة مسلمين ولا يبي يعرض حرمة القبور المسلمة للإنتهاك..
فكتور زاد حقده على غازي وقاله هو السبب بمقتلها ...
وكانت فرصة ينتقم غازي منه على كل اللي سواه بهديل..
وفرصة لفكتور ينتقم لها منه..
تضاربوا بقسوووة وكل منهم يسيرهـ حقده وكرهه للآخر..
تدخل بينهم الصديق القريب من غازي..
الصديق الوفي ..ماكس..
وكان له من الندم القسم الكبير..
عرف بوفاتها من يوم الحريق..
كان بيحضر جنازتها لكن راجح منعه وقاله وجودهـ غير مستحب..
فهو لن يصلي صلاة الميت معهم وبالتأكيد ماراح يحمل الجثة ويدفنها..
تفهم ماكس قرار راجح وفضل يظل بعيد عن الجنازة والمقبرة..

اما صوفي فهي إنهارت وثارت بوجه ماكس وهي تتوعد بغازي..
كلمت ماريا وهاوشتها لما درت أنها كانت تكذب عليها أن هديل رجعت لوطنها..
اتهمت ماريا بالتواطىء في الجريمة وفي اختطاف هديل..
كلمت محاميها وطلبت منه يرفع قضية اختطاف وتعذيب وقتل بحق هديل..
وأشركت ماكس وماريا وفكتور بالجريمة..
كرهت ماكس اللي كذب عليها وشاركهم بكذبتهم ان هديل رجعت لوطنها وغازي تركها بحالها..
كانت تعاتب نفسها على اهمالها لهديل..
وكل ماشافت أزياءها اللي ساعدتها فيها هديل تتحسر وتزيد من تصميمها على رفع القضية..
واللي صدمها أكثر شيء أن غازي ماوكل محامي..
وسمح لها تتهمه وتصارخ عليه بقصرهـ..
سمح لها تناديه بكل أسماء المجرمين بالعالم..
كانت تبكي وترتجف وهي تصرخ فيه .. كيف أستطعت أن تقتلها ..؟؟!



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جلس قريب منها وحط يده حوالين كتفها وضمها له..
حس برجفتها وشدد على يده..
طالب بمحبة\بعدك زعلانة...؟؟
شوق بهدوء\مني زعلانة منك...متضايقة شوي..
طالب\عشااان؟؟
شوق تحبس دمعتها\أنت تدري..
طالب\يعني ما أنتي مصدقة كلام الشيخ..؟؟
شوق تهز راسها بالنفي\مصدقة كلامه....بس قلبي يوجعني مو قادرة..
طالب\الشيخ قالك مادمتي تبتي من ذنبك فلا ذنب عليك..
قال الرسول عليه الصلاة والسلام( التائب من الذنب كمن لا ذنب له )
وأنتي ياشوق تبتي وأستغفرتي ربك...
شوق تبكي\والله تبت والله العظيم تبت خلاااص..
بس ماني قادرة أنساها..أشوفها بكل دمعة..وان ابتسمت تذكرتها وهي تبكي..
عمرها مابكت قدامي..بس دموعها تتجمع بعيونها بقهر..
كنت اضيق لما اشوف دموعها وخاطرها مكسور..بس اتجبر عليها..
كيف كنت غبية وكيف كنت انانية ..ياربييييييي ارحمها ياربي..
طالب\هي طيبة..؟؟جاوبيني..
شوق بالم\مع انها كانت ترد علي وتواجهني..وكانت تدافع عن نفسها وتضربني..
بس من وجها يبان مدى سمو اخلاقها وطيبتها..ياويلي ياقلبي متى انساها..؟؟
طالب بهدوء\شوق باسالك سؤال...من يحبك أكثر مني ومن أمك؟؟
أكثر من رشا ومن غازي؟؟وسعود الله يرحمه..من يحبك أكثر منا..؟؟
شوق\..........................................
طالب\ربي...لاتأسفين على وجود هديل عند ربها..
الله يحبها وباذن الله هي من أهل الجنة...وعسى ربي يكتب لقانا بها في جنات النعيم..
شوق ترتجف\ماتت وحيدة...ماتت تتمنى تشوف هلها وترجع لهم..ماتت مظلومة يا طالب..
طالب\الله يرفع عنا الظلم ويغفر الذنب العظيم..
ماتت ما ألتقت بهلها وهذا شيء مقدر ومكتوووب..لاتعترضين على حكمة الله ياشووق..

مهما حاولوا يدارونها ويخففون من شعورها مايقدرون..
هي مو خايفة من عقاب ربي لها..لان الله غفور رحيم وهي تابت والله يقبل التوبات..
هي زعلانة على هديل واللي صار لها...كيف انقهرت وأنظلمت..وتعذبت لموت سعووود..
وهي مالها علاقة في سعود ولا فيهم...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


حطت يدها على بطنها وأسندت ظهرها على ظهر المقعد..
ناظرت بالسماء لو الشمس تظهر شوي..
دخلت شهرها السادس خف الوحام عليها من شهرين..
بس نفسياتها بالحضيض..كل ماحاولت تنسى وتبداء حياتها من جديد..
ماتقدر لان كل اللي حواليها غريب ومالهم أمان..
هذي أول مرة تطلع من البيت من بعد ماسافر أبو نايف..
طلب منها ترجع معه السعودية وهو بيرعاهـا..
بس مارضت..تبي تظل بعيدة عنهم قد ماتقدر..
تعرف قلبها ..وتعرف الحنين بيغلبها وبترجع لهم..
ان كانت قريبهم منهم في السعودية بيسحبها الشوق لهم..
وان ظلت بعيدة عنهم..فماراح تقدر ترجع لهم..
أكثر شيء يضايقها هو اهتمام مرام المباااالغ فيها..
تتدخل بكل شيء...باكلها نومها طريقة جلوسها..
وحتى سرحانها تهاوشها عليه..
في البداية ظنت ان هذا مجرد اهتمااام فقط..
لكن مع الوقت وكثرة مواقفها مع مرام بينت لها ان هذا مو اهتمام وبس..
صارت تحس بشيء من التملك بتصرفات مرام والهوس..
كان المفروض ترجع مرام وتركي السعودية بس هي مارضت..
قالت تبي تكمل علاجها هنا..
الكل استغرب منها وهي اللي رافضة العلاج..
بس شجعوها وخصوصا لما شافوها مبسووطة بوجود هديل او كما يسمونها قمر..

يـــــا أيها الإنسان هل تبكي لما أبكاني
أرأيت ماذا قد حصل في العالم الحيران ؟؟
اليـــــــــــأس يعــــــــبث بالأمـــل
ويـــــــــهز كـــــــــــــل كــــيــــــانــي

العــــين فــــــــــارقها الكـــــــــــرى
و القـــــــــــــــــلب فارقه الأمان
وأرى هنــــــــــــــــــــــــاك أحبتـــي
يلقون أصنــــــــــــــاف الهـــــــوان
وأنـــا هنـــــــــــا في غربتـــــــــــي
مالــــــــــي بنصــــــــــــــــرتهم يدا

يا ليل كم أثقلتني بالهم و الأحزان
أصداء صرخة موطنــــي تنساب في وجداني
فتــــــــى كـــــــــــل نحــري أعيني
بمــــــــــــــــدامـــــــع الحــــــــــــرمان

يــــــا أمــــة الإسلام كم تبكي عيون بنيك دم
فلقد تفرق شملهم وتمزقوا بين الأمم
رحمــــــــــــــــــــاك يا ربـــــــي بهم
رحمـــــــــــاك فاجـــــــبر كسرهم

هتف الجهاد بإخوتي فمضوا بلا استئذان
سأعيد أرضي بالدم القاني و بالنيران
والله لـــــــــن يطـــــــــأوا الثــــــــــرى
إلا عـــــــــــــــــلى جثـــــــمـــاني

أنشودة .. العالم الحيـــراني ...



حست بشيء يطيح بحضنها فزت بخوووف..
وبعدها سمعت ضحكات طفولية.
ناظرت بالطفلة الواقفة قدامها تضك بشقاوة وتمد يدها على حضنها وتأخذ البالونة..
الطفلة\آسفة..
هديل بابتسامة\فديتك مسموحة..
ياسمين باعتذار\أنا آسفة أسمحيلي يا اختي..بنت أخوي مابتعرفش تلعب بدون مشاكل..
هديل برضا\لاتعتذري وتعصبي عليها حبيتها مرة..
ياسمين تبتسم\حبتك العافية..اممم هاي اول مرة اشوفك هان..
باقولك هيك عشان انا بأجي هان كثير واول مرة اشوفك..
هديل مبسوطة بوجود أحد من اهلها بهالمكان..والأهم شافت طيبتها بكلامها..
وأرتاحت أكثر لأن البنت محجبة ..
هديل\أول مرة اجي لها الحديقة...عشان كذا ماشفتيني من قبل..
ياسمين\هيك توقعت..انا ياسمين من فلسطين..
هديل بمحبة\عاشت الأسامي ياياسمين..تشرفت بمعرفتك..
وأنا .....................من السعودية
ترددت تقول اسمها..ماتبي تعترف بذاك الاسم المهجور..المدفون تحت التراب..
ولاتبي تنتسب لذاك الجلموود وتتسمى باسم بنته..
وبذات الوقت ماتبي تكون بدل لروح عانقت السماء وتعيش بشخصية انسانة انظلمت وأهلها يحاولا يعوضوها بهديل..
ياسمين تسأل بضحكة\ايش مالك يا اختي؟؟نسيتي اسمك؟؟
هديل تبتسم\اسمي تبراء مني..وصار الوقت أني اسمي نفسي بنفسي..
ياسمين باستغراب\أمرك عجيب..يعني مالكيش اسم ينادوك فيه؟؟
هديل بحسرة\اسمي قضية وينحل ..
ياسمين بحسرة\معك حق..بتقدري تسمي حالك باي اسم بدك اياه..ماهو قضية وينحل..
بس المصيبة بالقضايا اللي مابتنحلش.
هديل بهدوء\ربك يحلها ياياسمين..
ياسمين بفخر\ماعدناش نرتجي من اي حد إشي..كل املنا بربنا..هو اللي راح ينصرنا ويرجع لنا بلادنا..
هديل بتأييد\الله القادر..وان شاء الله يجي هذاك اليوم اللي تتحرر فيه فلسطين ..
ياسمين\إنتي بحياتك سويتي اشي عشان فلسطين؟؟
هديل بنظرات استغراب\مافهمت عليك..
ياسمين\قصدي اذا كان الك موقف تجاه قضية فلسطين.؟؟
هديل بمحبة\مابيدي شيء اسويه غير الدعاء..
انا لاحاكمة دولة عظمى..ولا رائدة جيوش ولاحاملة قنابل..
قدرتي هي بدعائي رب العالمين يفك عنكم المحتلين والحصار الدائم..
ياسمين\إحنا بنحضر لمسيرة مليونية سلمية...تدعوا لانضمام فلسطين لليونيسكو..
وباذن الله راح ننجح وتدخل فلسطين رغم أنف الحاقدين..
هديل\اللهم آآآمين...الله يقويكم ويفتحها بوجهكم ..
ياسمين تبتسم\لو ماكنتيش حامل كنت سحبتك معنا بالمسيرة..
هديل تضحك ولاول مرة من وقت طويل\هههههههههههههههههههه
وين أروح معكم وكرشي سابقني ..
ياسمين\الله يقومك يالسلامة ويكتبلك اياه من الصالحين..
هديل بغصة\اللهم آآآآمين..مبسوطة لاني اتكلم معك..
فاقدة الناس بقوووة..مو قادرة اتاقلم مع الطليان..
ياسمين بتردد\طيب ليش عايشة معهم؟؟
أنتي الك بلد.. الك مملكة وشعب..ليش عايشة بعيدة عنهم؟؟
هديل\جاوبيني أنتي أول..ليش عايشة بايطاليا..؟؟
ياسمين تتنهد\لأني ترحلت مع أخوي وعائلته من بلادنا..
أستوطنوا مدينتنا وصارت إلهم..أنا بغربة عشان غربة الوطن..
هديل بعبرة\أنتي متغربة عشان غربة الوطن..
وأنا متغربة عشان غربة الأهل..
ياسمين\ايش مالهم اهلك؟؟
هديل برفض\ما ابي اتكلم عنهم..فيك تقولي مابقى لي أهل..
ياسمين\هذا مش عذر يخليكي تعيشي بدولة الغرب وتتركي وطنك..
هديل\هذا المكتوووب يا ياسمين...
ياسمين\لكل شء حكمة يا............
هديل تبتسم\مو قادرة اسمي نفسي...
ياسمين\اممم طيب اللي في بطنك ايش ناوية تسميه أو تسميها..؟؟
هديل مصدومة\اللي في بطني اسميه؟؟
ياسمين تضحك\هههههههههههههه لا خليه مجهول مثل أمه ..
هديل\.............................................
ياسمين\يا اختي مالك سرحتي عني..؟؟
هديل برجفة\مافكرت باسمه..ماطرى في بالي اسميه..
ياسمين\مابيحتاج كل هالخوف منك..اذا كان ولد سميه على اسم ابوهـ..
وان كانت بنت سميها ياسمين بما ان امها مالهاش اسم..
هديل بغصة\ابــــوهــ؟؟؟
ياسمين\ايش مال بترجفي؟؟ مالك يا اختي؟؟
هديل\ابوووهـ؟؟لا..لا مايصير..مستحيل مايصير..
ياسمين تشد على يدها\ايش مالك..ايش صار لك...؟؟
اهدي الله يخليكي اهدي...
هديل\لاتقولي ابوووهـ...ماله أبو لاتقولي ابوووهـ...
ياسمين\ طيب خلاااص زي مابتحبي...بس استهدي بالله و صلي على النبي..
بداخلك روح لاتفجعيها..
هديل بخوف\ابى اروح البيت...باروح البيت..
ياسمين\ بتحبي اتصلك ع حد يجي ياخذك..؟؟
وقفت هديل وهي تترنح وخايفة..
تتلفت حواليها يمكن يشوفها...
يمكن يعرف هي وين وبعدها بيذبحها ويمكن يذبح اللي في بطنها..
هديل\لا....مـــ.........ـافيه احد..ممـــ.......ـابي احد..
ياسمين\طيب انا بمشي معاك وبوصلك..مابيصير تمشي لحالك وأنتي بحالتك هاي..

حاوطت هديل بيدها..وأستندت عليها..
تمشي وتحاول تخبي نفسها لا يشوفها..

خرجوا من الحديقة بعد ماياسمين وصلت بنت اخوها عند اخوها واستئذنت منه..
دخلوا باحد الشوارع وكانت عائلة ياسمين تعيش بهذاك المكان..
طلبت منها تدخل معها وترتاح عندها..
بس هديل تبي تتخبى من الكل..
تبي تظل لوحدها وتفكر بسالفة الاسم اللي مافكرت فيها من قبل..
وصلتها لبيت ابو نايف..واستئذنت منها على أمل تلتقي معها مرة ثانية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

دخلت البيت وأنصدمت بوجه مرام يفتح لها الباب..
مرام بعصبية\وين كنتي؟؟كيف تطلعين من دون ماتقولين لي؟؟
انتي باي حق تتصرفي على هواك؟؟
هديل باستغراب\نعـــم؟؟
مرام\ليش ماقلتي انك طالعة؟؟ليييييش؟؟
هديل بغيض\لأن مالك شغل اطلع او انفلق..
فكي عني باهتمامك الغير مرغوووب..
مرام بصدمة\كيف تقولين كذا انا ما أذيتك؟؟
هديل\مرام واللي يرحم والدينك...انا مو ناقصة هم ولا ناقصة قهر ومصايب..
أبونايف حلف علي ما اترك البيت أنا جالسة بس عشانه حلف علي..
أنا ما أبي أحد في حياتي ولا أبي انتسب لأحد..لاتضيقينها علي بتصرفاتك..تراك تخوفيني ماتريحيني..
مرام تبكي\لاتروحين تكفين قمر لاتروحين خليك معنا..
أنا اخاف عليك الدنيا مالها امان..حتى ظلك يخونك انتبهي ياروحي..
هديل تحبس دموعها\مرام وش فيك كذا؟؟ليه خايفة علي..؟؟قولي..
مرام تلمس بطن هديل\أخاف يحرمونك منه مثل ماحرموني من ضناي..
هديل بشهقة\ضناك؟؟!
مرام\كنت مثلك حامل..وأفكر فيه كل ما انام او اصحى..أجلس امشي اسبح..
طوول الوقت مرافقني..بس خذوه مني خذووه..
هديل تضمها بقوووة\من اللي خذاه منك؟؟
ليييه ياخذونه ويحرموك منه..؟؟من اللي خذا ضناك يامرام؟؟
مرام بحزن\أبــــــــوهـ هو اللي خذاهـ..
هديل برجفة\وين وداهـ..؟؟؟
مرام بانهيار\شربني عشبة تذبح الولد من دون ما أدري...

تجمدت يدينها حوالين مرام ودموعها الحارة تحفر خدودها...
همست بانهزام\يارحمــــــــــــة ربـــــي ...
شاركت مرام بكيها وهم يحضنوا بعض..
صوت بجوات روحها يصرخ بحــــــزن..
ليه يقســـــــــــون على عيالهم...
ليــــــــــــــــــــــهـ ..؟؟!



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

جالس ورى مكتبه بشركته الخاصة دخل عندهـ المعاون وأستئذنه بدخول شخص يبي يقابله..
رفض مقابلة أي احد وكل اهتمامه في المشروع اللي بداهـ من أيام حمامته الراحلة..
سكرتيرهـ شد انتباهه لما قاله الشخص عربي الهيئة..
رفع راسه باستغراب وسال عن اسمه..
غازي\هل ذكر اسمه؟؟
......\لا لم يفعل طلب لقائك فقط..
غازي بهدوء\ادخله من فضلك..

انسحب السكرتير من المكتب وغازي رجع لباقي المشروع..
اسم مشروعه ..حمامتي ... My Dove..
تهيئت له عيونها الغالية على قلبه..

رفع راسه يرحب بالزائــــر الغريب...
وقف من غير وعي لما شاف ضيفه..
رجعـــــــــــــت يقسم بدواخل قلبه وروحه..
حمامته رجعت واقفة قدامه..
رغم الفرق الكبير بينهم بس نفس عيونها..نظراتها..
فيه من ملامحها..برائتها..
والمصيــــــــــبة انكسار بعمممق عيونه..
يشبه انكسارها وشوقها المعذب..
ياما تمنت تشوفه..
وش كثر حبته ودافعت عنه..
فدته بروحها بحياتها و أنهزمت عشانه..
حمامته تناظرهـ بعيون توئــــــــمها..

هــادي بهدوء\السلام عليكم ورحمة الله وبركاته ..




الى الملتقى باذن الله تعالى فجر السبت ...


مبــــــــــروك دخولك يافلسطين في اليونيسكو ....
عقبال الحـــــــــــــرية باذن الله تعالى...


كونوا بخيــــــــــــــــــــــــــر ..





صدووود’’’

 
 

 

عرض البوم صور صدووود   رد مع اقتباس
قديم 15-11-11, 02:20 AM   المشاركة رقم: 2045
المعلومات
الكاتب:
اللقب:
ليلاس متالق


البيانات
التسجيل: Jul 2011
العضوية: 227060
المشاركات: 383
الجنس أنثى
معدل التقييم: مشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدا
نقاط التقييم: 625

االدولة
البلدSaudiArabia
 
مدونتي

 

الإتصالات
الحالة:
مشاعل السعودية غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

صباحكم الله بالخير
هموس اتفق معاك كلينا بهذا الرد ولا ازود عليه حرف الله يعطيك العافيه
صدودي اليوم وانا بالمطبخ اسوي الكبسه اللي من مبطي مادخلت المطبخ بس لزوم الخطة الخماسيه انا معاقبه من زوجي وماخذ الاب مني بعد ماصلحه خطرت في بالي اول موقف في الرواية التوقع الاكيد انها هديل والبيبي
بس ليه طولت بسفاره وهي تسوي الجواز مو ابو نايف تكفل انه يرجعها
يعني يا انوه ابو نايف يموت وتتغربل هديل
يا انو تهرب بسبب تريكي ومسيفر ومراموه اللي عندي احساسه بانها تبي تاخذ الولد وتهرب به بس هديل تنتبه منها وتنحاش منهم بالبيبي
تقبلوا مروري السريع المنخش اشتاااااااااقت لكم يادبات

 
 

 

عرض البوم صور مشاعل السعودية   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أماغرام, ماعشقنا, مسفر وغازي, اما غرام, اما غرام يشرح الصدر طاريه والا صدود وعمرنا ما عشقنا, اما غرام،غازي وهديل،انتي اطهر ذنوبي،احبك عنهم كلهم, الحرمان, الصدر, الكاتبة صدود, حصري, روايات مميزة, روايات من وحي الاعضاء, رواياة اما غرام, روايات كاملة, رواية مميزة, رواية خليجية, رواية صدود, صدووود, غازي وهديل, غرامي و صدودي, هديل وغازي, هديل وهادي, وعمرنا, طاريه
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t160662.html
أرسلت بواسطة For Type التاريخ
طھط­ظ…ظٹظ„ ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ pdf - ط§ظپط¶ظ„ ط§ط¬ط§ط¨ط© This thread Refback 24-05-21 07:58 PM
طھط­ظ…ظٹظ„ ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ ظƒط§ظ…ظ„ط© pdf - ط§ظپط¶ظ„ ط§ط¬ط§ط¨ط© This thread Refback 18-03-21 08:41 PM
ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ pdf - ط³ط¤ط§ظ„ ظˆط¬ظˆط§ط¨ This thread Refback 28-07-20 10:37 PM
طھط­ظ…ظٹظ„ ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ ظƒط§ظ…ظ„ط© pdf - ط³ط¤ط§ظ„ ظˆط¬ظˆط§ط¨ This thread Refback 19-07-20 09:52 PM
ط±ظˆط§ظٹط© ط§ظ…ط§ ط؛ط±ط§ظ… ط¹ظ„ظ‰ Pdf This thread Refback 30-09-17 08:51 PM
Untitled document This thread Refback 07-07-17 07:21 AM
Untitled document This thread Refback 14-11-16 03:53 PM
ط§ظ…ط§ ط؛ط±ط§ظ… ط¨ط¯ظˆظ† ط±ط¯ظˆط¯ - Rocket Tab This thread Refback 09-06-16 09:41 PM
Untitled document This thread Refback 21-07-15 03:22 AM
Untitled document This thread Refback 26-10-14 08:16 PM
Untitled document This thread Refback 11-10-14 02:05 PM
Untitled document This thread Refback 10-10-14 01:34 AM
Untitled document This thread Refback 19-09-14 03:05 PM
Untitled document This thread Refback 03-09-14 09:41 AM
Untitled document This thread Refback 01-09-14 09:04 AM
Untitled document This thread Refback 30-08-14 08:18 PM
Untitled document This thread Refback 17-08-14 10:49 PM
Untitled document This thread Refback 14-08-14 03:03 AM
Untitled document This thread Refback 31-07-14 05:42 PM
Untitled document This thread Refback 27-07-14 01:21 PM
Untitled document This thread Refback 20-07-14 09:59 PM


الساعة الآن 09:28 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية