لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (20) أدوات الموضوع انواع عرض الموضوع
قديم 31-12-11, 02:43 AM   المشاركة رقم: 2541
المعلومات
الكاتب:
اللقب:
عضو راقي

البيانات
التسجيل: Oct 2010
العضوية: 199668
المشاركات: 6,001
الجنس أنثى
معدل التقييم: الجُودْ ؛ عضو ماسيالجُودْ ؛ عضو ماسيالجُودْ ؛ عضو ماسيالجُودْ ؛ عضو ماسيالجُودْ ؛ عضو ماسيالجُودْ ؛ عضو ماسيالجُودْ ؛ عضو ماسيالجُودْ ؛ عضو ماسيالجُودْ ؛ عضو ماسيالجُودْ ؛ عضو ماسيالجُودْ ؛ عضو ماسي
نقاط التقييم: 3892

االدولة
البلدSaudiArabia
 
مدونتي

 

الإتصالات
الحالة:
الجُودْ ؛ غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 



.



اصلا عااااااااادي > فيس جاي يركض عقب المذاكره ، ذذذ


اصلا عاادي ماا اجعتناا قلووبناا ولا متنا من الخووف من القفلاات ولا ششي ابدن ابدن


شسسمه وششكلي ماراح اتوقع

اختي تقوول طاالب مدري ليه لانهّ هو اللي يسستهبل في التلفوون


وانا اقوول يااااااارب انه رااااجح لانه مستعد يساعدها بحيااته


صح انه بيرووح ويتركك رشاا بحاله سسيّئه بس الششكوى لله ،

بالانتضاااااار على احر من الششسمه ،


.


> صدودي محد مشتاق لكك مراا ، ^^


.

 
 

 

عرض البوم صور الجُودْ ؛   رد مع اقتباس
قديم 31-12-11, 03:07 AM   المشاركة رقم: 2542
المعلومات
الكاتب:
اللقب:
ليلاس متالق


البيانات
التسجيل: Dec 2007
العضوية: 59617
المشاركات: 3,190
الجنس أنثى
معدل التقييم: حورآء إنسية عضو بحاجه الى تحسين وضعه
نقاط التقييم: 27

االدولة
البلدSaudiArabia
 
مدونتي

 

الإتصالات
الحالة:
حورآء إنسية غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

؛.


بعد هجر طويل أعود لهنا :)

هديل قوه بعد ضعف وغازي ضعف من بعد قوة
رشا وهروب من الواقع بعد معاناة طويله
راجح وتانيب الضمير ..ماكس واسلامه صوفي وموقفها الرافض
حكايا تنبانا عن أحداث جديده
والبطل الصغير ذياب

صدود وجعني قلبي من موقف غازي يوم حس فيه بين ايدينه

الأكيد هديل متصله بطالب :)

 
 

 

عرض البوم صور حورآء إنسية   رد مع اقتباس
قديم 31-12-11, 03:12 AM   المشاركة رقم: 2543
المعلومات
الكاتب:
اللقب:
عضو ماسي



البيانات
التسجيل: Jun 2010
العضوية: 170181
المشاركات: 1,486
الجنس أنثى
معدل التقييم: صدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييم
نقاط التقييم: 1281

االدولة
البلدSaudiArabia
 
مدونتي

 

الإتصالات
الحالة:
صدووود غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 



السلام عليكم ورحمة الله وبركاته ....


صبـــــاح \\
الغيمة البيضاء..
وبرد الشتاء..

مســـــاء\\
عودة الماضي..
وعدل القاضي..

كيفكم الـــ ليلااااااااااااااااس ..؟؟!
أحبتـــــــــــــي في كل مكان..؟؟

أحبتــــي ...
بارت اليوم نبدأ رحلة جديدة ..
كثرت أسئلتكم وتوقعاتكم عن المدة الباقية لتنقضي الخمس السنوات..
بعض الغاليات يقولون باقي 3 سنوات..وفيه اللي يقولون باقي سنتين..
والبعض اجزم بنهاية الخمس سنوات وعادوا الحساب من الأول..
ان شاء الله في بارت اليوم راح يتوضح لكم صحة وغلط التوقعات..
وكانت كونان=همسات وردة..
هي أقرب وحدة بإحصاء السنوات..
ومثل ماتقول كونان قربت ساعة الصفر يا رابطة هديل..

بالنسبة لسؤال الأكثرية عن موعد نهاية الرواية..وكم باقي أجزاء وتنتهي..
عزيزاتي في البارتز الماضية عشنا أحداث الخمس سنوات..
ألا تريدون أن نعيش معهم مابعد الخمس سنوات..؟؟
إسمحوا لي أن أستمر بالرواية كما يجب..
وبيوم ما ستأتي النهاية حتماً..


النوم القهري...
بالنسبة للي قالوا انه من صنع خيالي..هو حقيقة يا بنات هذا المرض موجود فعلاً..
الأغلبية منكم سووا بحث في قوقل وطلع لهم تعريف المرض ومعلومات كثيرة عنه..
وراح أذكر موقف في بارت اليوم صار مع زميلة لي بايام دراسة المتوسط..
وكيف ان النوم تغلب عليها وهي ساجدة بالفصل تصلي معنا..
اللهم أشفها وأشف جميع المرضى..


رجـــــــاء من قلبي لـــ الجميع ..
أرجوكم لا أحد يدعي علي .. مهما قست الأحداث..
أو إستفزتكم نهاية كل بارت..
ومهما غضبتم أو فرحتم بالرواية ..
لا تدعون علي..
واجهت دعوات من (البعض) أذتني كثير في حياتي..
ولا أحد يعلم متى تكون لحظة الاستجابة..


بارت اليوم مافيه قفلة...<<فيس نصاب لاتصدقوونه..
مهرة حرب الغالية سلامتك من جلطة المعدة..السمووحة اليوم ^_^


البارت إهدأ خــــــــاص جداً ..
لكل أحباب صدووود بكل المنتديات..
ولكل من سجل عشاني هنا وفي الجوار..
شكـــراً بحجم السماء لوجودكم بالقرب..



البارت الواحد والستـــــــون ...



أهذي أنتِ؟.. أم هذا خيالي
جلاكِ... وبيننا بحرُ الليالي؟

أقاهرتي! تُرى أذكرتِ وجهي
فتاكِ أنا المعذّب بالجمالِ؟

سلي عني المليحاتِ اللواتي
نظمتُ لهنّ ديوان اللآلي

سلي عني أباكِ النيلَ يشهدْ
بصدقي في الصدود.. وفي الوصال

سلي عني من السنوات خمساً
فِداها العُمر! عاطرة الخصالِ

أعود إليكِ.. والأيام صرعى
تمزّقها السنين.. ولا تبالي

فوا أسفاه! عاد فتاكِ شيخاً
يفرُّ من الوجومِ إلى الملالِ

أأعجب حينما تنسين وجهي؟
نسيتُ أنا ملامحه الخوالي!

مررتُ على الديار.. فضعتُ فيها
غريباً حائراً بين الرجال

ولا المقهى يهشّ إذا رآني
ولا من فيه يسأل كيف حالي

وأين الصحب.. هل آبوا جميعاً
كما آب الشبابُ.. إلى المآل؟

المرحوم باذن الله تعالى..غازي القصيبي...




كان بطريقه راجع بيته من الدوام..
بسرعة وبدون تفكير غير طريقه لبيت ام غازي..
حياته من دونها ما تنطاق..
بيته خالي لا حسها ولا حس غازي فيه..
وكأنه رجع لايام العزوبية لما كانت رافضة تعيش معه وعايشة عند إخوانها..
وقف سيارته وظل جالس فيها يفكر برشا وحالها..
اللي يصدمه ويجرحه بحدة إنه يشوفها متقبلة وضعها ومرتاحة فيه..
دخل البيت وجلس في الصالة طلب من الخادمة تنادي رشا له..
بعد دقايق جاته الخادمة وهو يتوقع الرد..المدام نايمة..
طلع لها فوق وشافها جالسة على كنبة بغرفتها..وتقاوم النوم بشكل محزن..
لاحظ ضيقتها من تواجده وانه يشوفها على هالحال..
سلم عليها وجلس جنبها..
راجح\قالت باتي انك نايمة؟؟ماتبين تشوفيني؟؟
رشا بتعب\سمعتها تدق الباب بس نعسانة ماقدرت ارد عليها..
راجح يمرر يده على وجها\وهذا اللي أشوفه..بتنامين؟؟
رشا بضيق\توني صاحية من ساعتين بس ابي انام..
راجح بهدوء\رشا غنتي راضية بوضعك انا أدري..
رشا تبتسم\تبي الصدق ايه راضية فيه..
تدري ان الوقت اللي اقضيه الحين في النوم كنت اقضيه زمان في التفكير..
افكر فيك وفي سعود..غازي ولدي وهل الكويت..
في غازي اخوي وهديل الله يرحمها..كلكم افكر فيكم..وانسى افكر في حالي..
بعدين فكرت في حالي بعد ماهاجمونا عيال الحرام في بيتنا..
واكتشفت اني أموت ولا أحد منتبه على موتي..
صدقني انا مرتاااااحة كذا..
أنام وانسى كل شيء..
راجح يتنهد\بس انا مو راضي بهالحال...
رشا فتحت فمها تثاوب\لانك تبي زوجة..
تهتم فيك تقوم بواجباتك..تجيب لك عيال..
وانا من هذاك اليوم ماعدت زوجتك..
من يوم ما قلت لك سري اللي مخوفني..
طحت من عينك وصرت ولاشيء...
والحين حبيبي خلاص لك كل الحق تطلقني وتتزوج..
انا ماعدت انفع لشيء..انام باليوم 17 او 20 ساعة..
والساعات اللي اصحى فيها اكون نعسانة..
راجح\انتي مو راضية تسمعيني..انتي يارشا مستحيل تفهمين وش تكونين لي..
رشا بزعل وهي تقاوم النوم بالقوة\مفسووح حبيبي مفسووح تزوج فديتك...
مسك وجها بين يدينه\رشا انا لقيته...لقيت اللي أرهب طفولتك..
ولازال يتحكم بمخاوفك الحين..
سامحيه يارشا مابقى فيه حال تحقدين عليه..
كنت حالف اجعله عبرة لكل حقير مثله..
بس القدر عاقبه قبلي..
اليوم هو لاحي ولا ميت..مبتورة أرجوله..اعمى..
عاقبه ربي على فعايله الشينة..
رشا\..........................
سحبت وجها من بين أيدينه..
وحطت راسها بحضنه..
رشا بصوت خافت\بأنام ولا تصحيني..
تامل وجها وهي تغرق بنومها المرضي..
ولاحظ دمعة تسللت على خدها..
راجح بمحبة\نوم العوافي...

شالها ونزلها بفراشها..
ومر في باله طالب وكيف يخفف عنهم كلهم مرض رشا..
ويتسأل ليش شوق مايصيبها هذا المرض..
طالب بتفكير\الحين مايقولون نوم الظالم عبادة..
ليه شوق ماتنام مثل رشا..يا اخي ابي ادشر وارجع عزوبي..
شوق تشهق\اعوذ بالله منك..استغفر ربك..فرحان بحال اختك..
طالب\هشش لا يسمعك راجح..انا ترى يعني أواسيه حرام مسكين..
رشا\هههههههههههه علي صوتك اكثر تراه مايسمعك..
راجح بابتسامة\ انا ادري عنه..قال يواسيني..
طالب يتجاهلهم\تعالي وانا اخوك..قولي وش تحسين فيه وانتي تنامين هالكثر..؟؟
رشا بهدوء\عادي..أنا مؤمنة ان لكل شيء حكمة..
والحمدلله على كل حال..
ان كان مرضي نوم وانا بخير ومرتاحة فلا باس..
غيري يعانون من أمراض ومايقدرون ينامون من الوجع..
شوق باهتمام\رشا وصلاتك ماتفوتك..؟؟
رشا\الله يسامحني..تفوتني كثير بسبب النوم..
سألنا شيخ وشرحنا له حالتي..وقال القلم مرفوع عن النائم حتى يستيقظ..
طالب\اجر وعافية وانا اخوك..بعض الناس تفوتهم الصلاة وهم صاحين وماوراهم شيء..
شوق بقهر\وش قصدك..؟؟
طالب بفرح\الحمدلله رب العالمين..عرفت نفسها من دون ما أحدد..
أقصدك إنتي يروح وقت الصلاة وانتي تقولين لاحقة الصلاة..
شوق بزعل\لا والله العظيم تغيرت..هذاك كان اول كنت مهملة..
بس الحين والله اصلي على الوقت..
طالب\اضربوهم عليها لعشر..لو ما ناشبتك ما إعتدلتي بصلاتك..
شوق تناظر راجح\بارجع معكم الرياض..ابيه يطلقني..
راجح\هههههههه تستاهلين..لاتهملين صلاتك..
رشا نعسانة\باروح اصلي قبل انام..
شوق بابتسامة\رشا لاتنامين وانتي تصلين..
رشا بزعل\طالب شف شوق..
طالب\ماعليك منها غيرانة منك..فديت عصقولة..
ناظرتهم بقهر..
شوق\اقول اطلعي غرفتك لاتنامين في الصالة..
وقف راجح وأخذ رشا معه وهمس لها..
راجح بهمس\لو قلتي ياراجح شفها كان هفيتها كف يطيرها..
رشا\ليش قلت لهم اني نمت وانا اصلي..
راجح\ماقلت لهم..شوق دخلت غرفتك وشافتك قبلي..
كنتي نايمة وانتي ساجدة...
رشا بتعب\بانام..

رجع لواقعه على صوت جواله..
أخذ الجوال من جيبه وناظر الرقم معقد حواجبه..
الرقم خارجي ..

راجح \ألو...
هديل\.......................
راجح\هلا ...من معي...؟؟
هديل\................................
راجح بسأم\مايصير متصلين من برا عشان بس تسمعون صوتي...
هديل\.....................................ألو..
راجح\هلا...
هديل\...........................
راجح باهتمام\أختي انتي معي تسمعيني؟؟
هديل بخوف\إحلف بالله العظيم ماتخوني ولا تغدر فيني...

حس ان قلبه يخفق بقوووة وهو يسمع الصوت..
ماهو الحلوفة اللي صدمته بقد ما صدمه الصوت..
ورد عليها بتأكيد ..
راجح\...........والله العظيم ما أخونك ولا أغدر فيك...
من أنتــــــــــــــــــــــي ..؟؟
هديل بغصة\أنا.........أنا هديل...
وقف من على الكنبة بسرعة وهو يشهق بصدمة...
إنقطع بينهم الكلام مجرد أنفاس مصدومة وغير مصدقة من راجح..
وأنفاس هديل المكتومة بشدة..
راجح برجاء\انتي هديل..؟؟
هديل بآسى\إيه..انا هديل..
رمى جواله على الكنبة وسجد على الأرض شكر لله عز وجل..
الحمدلله رب العالمين..
الحمد والشكر لك يارب..
سبحانك رب الناس ما الطفك واوسع رحمتك..
راجح بسعادة\ياهديل أنتي حية..؟؟
هديل تبتسم\أتنفس إيه أعتقد إني حية..
راجح بحنية\روحي الله يطول بعمرك ويردك بالسلامة..
هديل برجاء\راجح تراك حلفت ماتغدر فيني...
راجح\غازي مايدري ..؟؟
هديل\ما أحد يدري غيرك..لا تخوني...حلفتك بالله..
راجح بحمية\في وجهي يا هديل..لا يدري عنك ولا يوصلك..
هديل براحة\محتاجتك تساعدني..
راجح بحدة\ابشري بعزك...
هديل\تعال ايطاليا...

قفل الجوال وظل دقايق يناظر فيه ماهو مصدق..
هديل حية معقولة..
طلع من بيت ام غازي بسرعة..
راح لبيته وأخذ أوراقه الثبوتيه وجواز سفر..
اتصل بصديق له وطلبه بفزعة يخلص الفيزا باسرع وقت..
انهى موضوع الحجز وجلس على كرسي وهو يذكر الله ويحس ان اللي يسويه غلط..
وان هديل ميته ماهي حية..صلى على النبي عليه الصلاة والسلام..
وفتح جواله واتصل باخر رقم مستلم عنده..
بعد ثواني ردت عليه صاحبت نفس الصوت الناعم..
هديل\هلا راجح..
راجح\.............انتي صدق حية ولا أنا أتوهم..؟؟
هديل بغصة\والله العظيم حية..أقسم بالله ما أكذب عليك..
راجح أنا هديل..
راجح مصدوم\أدري إنك هديل اعرف صوتك..وأول ماسمعته عرفتك..
بس أنتي حية..؟!!!!
هديل تبكي\دفنتوني ياراجح..ودفنوني هلي..
طلعني من تحت التراب..أختنقت بكفن كذاب..
أنعميت بزمن أبكم..رجع لي هويتي بس...بس هذا اللي أبيه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

نزل اللي بيده على سريره..
ورجع يسكر باب غرفته بهدوء..
جلس متربع..
وشالها بين يدينه ..حضنها بخفة وباسها على خدها..
عبدالله بهمس\هشش لا تسمعك أمي وتجي تتوطاني..
ابيك في كلمة راس ولا أبيها تسمعنا..
أسمعي وانا أخوك وإفهمي كلامي..
صح عمرك شهرين بس ماشاء الله شكلك فطينة وتفهمين بسرعة..
انا الكبير وكلمتي هي اللي تمشي في البيت..
يعني اذا تبين تروحين لصديقتك باحش أرجولك قبل تطلبين تروحين..
واذا سولت لك نفسك تطلعين السوق من دوني نتفت هالشعرتين اللي في راسك..
وان دريت يا بنت أبوك إنك تشوفين أفلام هندية لأفقع عيونك هذي اللي مسكرتهم طول الوقت..
ودراسة برا الرياض مافيه..وتخصص طب مافيه..
حدك تشتغلين مدرسة وبس..

فز مرعوب لما فتح أبوه الباب بسرعة..
علي يتنهد\تعالي يا المرجوجة..هذي بنتك مع ولدك..
عبيد كيف تاخذ اختك من فراشها ولا تقول لأمك..؟؟
عبدالله\لا حول ولا قوة الا بالله..يوبه الحين ليه تعلمها..
بتجي وتصكني بكل ماقدامها..
صايرة عصبية زوجتك هالأيام وش بلاها..؟؟
عبدالله يضربه على راسه\لا تقول وش بلاها قل وش فيها وجع امك..
عبدالله يعض لسانه\يالهووي ما انتبهت..
علي\ههههههههه الله يصلحك..
عبدالله يفتن\يوبه وش تقصد بالحركة هذي إنت وأمي..؟؟
علي بتعجب\أي حركة؟؟
عبدالله بنص عين\يعننك مو فاهم هاهـ؟؟
أقصد ماجات البنت الجديدة الا في البيت الجديد..
يعني تبون تسببون الفتنة بين الاخ وأخته..؟؟
علي بصدمة\نسبب فتنة..؟؟!
عبدالله\انا فاهم حركاتكم يالمراهقين..
تحسبون اني باغار من نتفتكم واترك البيت ..
بس ماباترك البيت الا وهدوولة معي..وصلك العلم..
علي بقهر\إخرس يا بني ضربتك أمك..
هات قلب أبوها لبى الزين يا عسولة..
عبدالله\لا دوري..لما خلص دوري خذ دورك..
كل ماشفتها معي أخذتها..
علي خذاها منه\هات بنتي لا أشوتك..
بنتي مااحد له شغل فيها..قال دوري قال دورك..
مناك أقول ...
عبدالله\ترى كنت اعطيها دروس في القبيلة والأمور الطيبة..
علي مفجوع\عبيييد هذي بنت..نواعم..دلووعة..بنية..رقيقة..
تكفى يا أبوك لا تقلب تفكيرها وتصير نسختك..
بسم الله على بنتي من خشتك..
عبدالله بسخرية\الحين هذي اللي وجها كبر أصغر صبع في يدي..
كل هذا التغزل فيها..سقا الله يوم ما الدلع الا لحنان ..
علي يضحك\هههههههههههههه لا حنان نبع الدلع..
هذي هديل أبوها نتفة الدلع..

دخلت حنان الغرفة وهي عاقدة حواجبها..
وتوها بتبدا تهاوش عبدالله سبقها بالكلام..
عبدالله\هلا وغلا ياحي الله أمي الحنونة..
الساعة المباركة يوم نورتي الغرفة..
يازين الزول اللي دخل..أقلطي فديت كرشك أقلطي..
علي يعض شفايفه وبوعيد\ياويلك ويلااااااه كله ولا كرشها بتحوسك الحين..
حنان بعصبية\كم مرة قلت لك ماتشيل هديل من فراشها..؟؟
عبدالله\الصدق ماعديت كم مرة بس أنا متأكدة إنها أكثر من خمس مرات..
حنان\انت تبي تذبحني..
توني منيمتها تجي تشيلها وش تبي منها..؟؟
عبدالله يتبوسم\اختي وأبيها بسالفة حرام يعني..
ماتذكرين سوالفك مع خالي وطاخ طيخ..
علي\والله ياعبيد ان ضربت اختك وسويت لها طاخ طيخ يصير علم ماهو بزين..
عبدالله بتكبر\انا أضرب حرمة..أخسي..
علي\كفووو..الحرمة ما أحد يضربها..
وان ضربها الرجال فهو رخمة ومايسمى رجال..
حنان خذت بنتها من علي..
حنان\فك بنتي أفلامكم الوثائقية كملوها بعيد عنها..
علي بنفخة\فكي بنتي لا أشوتك..
عبدالله يعتزي\وانا ابن ابوي تبي تشوت امي..؟؟
وين اللي يقول لاتضرب الحريم..؟؟
علي\اعوذبالله..ولد مرجوج من يوم ولدتك أم كرش..
حنان تشهق\هين يا علي..أجل أنا أم كرش طيب دواك عندي..
شالت بنتها وطلعت من الغرفة...
علي بدراما\يالهوووي..حرمتي طنقرت..
عبدالله يضحك\هههههههههههه مراهقين..

سحبه علي من فنيلته وسدحه على الأرض..
وتصارع معه...

هديل أنضمت لعائلة علي بن حسين..
عمرها شهرين..
وبولادتها وتسميتها باسم هديل..
رجعت البسمة لقلب أبوعلي..
وتعلق فيها وكل يوم يضمها له ويظل يراقبها...
ويزرع بقايا المفقودة الغالية بملامحها الصغيرة...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


قفل جواله غاضب وبشدة..
اتصل بماكس وطلب منه يقابله عند صوفي..
صار لازم يحل الموضوع معها ويعرف من اللي يملك الأسهم..
اتصل بسلمان وتفاجاء لما قاله ان ياسمين باعت الأسهم قبل ما تترك إيطاليا..
صوفي تحضر الإجتماعات بالنيابة عن صاحبت الأسهم المجهولة..
وغازي سمح لها بهالشيء المهم ماتكون الأسهم ملك لها..
ولا يتأثر شغلهم بغياب صاحبت الأسهم..

طلع من شقته وتوجه لبيت صوفي..
انتظر بسيارته لحتى وصل ماكس ودخل معه..
أنصدمت صوفي وهي تشوفهم واقفين على بابها..
وتضايقت لما أدركت إنهم لاحظوا صدمتها..
أشرت لهم يدخلون بصمت..
توجهوا لــ الصالة وصوفي أنسحبت بسرعة..
أخذت جوالها وأتصلت بهديل بسرعة وخوف..
صوفي بتحذير\لا تأتي إلى هنا..لدي ضيوف غير مرغوب بهم..
سأتصل بك لاحقاً..
قفلت الخط وشخقت لما شافت ماكس واقف عندها..
صوفي بغضب\كيف تسمح لنفسك ان تتصنت على مكالماتي..؟؟
ماكس بهدوء\يبدوا أنها مكالمة مهمة..
صوفي بعصبية\ليس من شأنك..
ماكس\هل اصبح لديك صديق صوفي..؟؟
صوفي بخبث\هذا أيضاً لا يعنيك..ألم نفترق..
ماكس بغضب\إفترقنا ولكن لم ننفصل نهائياً..
صوفي\سنفترق قريباً..والآن أعذرني لدي ضيف يجب أن أطرده من منزلي..
دخلت عند غازي ووقفت بتحدي..
صوفي\نعم أيها السيد..هل فاتني أمرا ما في الإجتماع..؟؟
غازي بهدوء\إجلسي صوفي يجب أن نتكلم..
جلست وعيونها تتحاشا النظر بجهة ماكس..
صوفي\أسمعك..تفضل..
غازي\من مالك الأسهم..؟؟

أدركت من سؤاله إنه عرف ان الأسهم ماعادت ملك لياسمين..
فقررت تلعب لعبته وتسايرهـ..
صوفي\الأسهم ملك لشخص ما...
غازي\حقاً..ظننتها لشيء ما...
أريد اسم مالك الأسهم صوفي..
صوفي بأسف\أسفة لا استطيع الإفصاح عن اسمه..
هذه رغبته..وأعتقد باني غير مجبرة على إخبارك..
غازي بغضب\بل أنتي مجبرة على إخباري من يكون..
صوفي ببرود\ايها السيد سألتني وجاوبتك..
إن لم يكن لك طلباً أخر..أتمنى ان تغادر منزلي..
فأنا مشغولة جداً..
ماكس\صوفي يحق لصاحب الشركة أن يعلم من يكون مالك الاسهم..
ولربما يتم معاقبتك لتلاعبك بالنظام..
صوفي\وماشأني أنا...
هناك مثل عزيزي يقول(Do not kill the Messenger)
لا تقتل المرسل..انا مجرد حلقة وصل بين مالك الأسهم والشركة..
وليس لديكما الحق باستجوابي..
غازي\بما أنك المرسل بيينا...
أخبريه إن لم يحضر الإجتماع القادم..
سيصوت مجلس الإدارة لطردهـ وسأفعل المستحيل لتحقيق ذلك..
صوفي باستعباط\أوهــ يبدو انك لم تعلم بعد..
يؤسفني أن أخبرك بأن الأمور لا تتم بهذه الطريقة..
بما أن صديقي أصبح الآن يمتلك حصة كبيرة من الأسهم وليس فقط ما تعتقده يمتلكها..
ماكس بحذر\ماذا تعنين..؟؟
صوفي مبسوطة بقهرهم\أيها السيد غازي...
أنت المالك لأكبر مجموعة من الأسهم هذا صحيح..
وصديقي يعتبر ثاني مالك لأغلبية الأسهم...
إذاً لن تستطيع تنحيته عن الشركة او طردهـ..
غازي بسخرية\ثاني شخص يمتلك الأسهم مهاجر لإيطاليا منذ زمن..
صوفي بذكاء\هل تقصد هادي...؟؟
لقد كان كريماً جداً عندما حول أسهمه باسم صديقي اليوم..
كنت أنوي إخبارك في الإجتماع القادم..
ولكن بما اننا إلتقينا لا بأس بإخبارك الآن..
غازي\ماذا تعنين..؟؟
صوفي بهدوء\أسهم هادي أصبحت ملكاً لصديقي..
اليوم تم التوقيع على العقود..ناسف لعدم إخبارك من قبل..

وقف وبنظرات حادة ثبتها على صوفي بوعيد..
أجراء إتصال سريع ثم قفل جوالها وهو يبتسم بتحدي..
غازي بحدة\سنرى ماذا سيفعل صديقك هذا عندما يتلقى الخبر الجميل..
صوفي بحذر\ماذا تعني..؟؟
غازي\أيتها السيدة صوفي..
سيُعقد يوم الاحد القادم إجتماع طارىء لمجلس الإدارة..
وستاتين أنتي وصديقك المجهول..
صوفي بتهرب\الأحد إجازة أيها المستبد لن يكون هناك إجتماع..
غازي ببرود\الأحد موعدنا..أتمنى ان تتصلي بمحام انتي وصديقك..
صوفي بقهر\وجـــع...
عضت لسانها لما لاحظت نظرات غازي الساخرة منها بقوة..
غازي بسخرية\يبدو ان صديقنا المجهول يختلف معك كثيراً..
فتتلقين منه هذه الكلمة ....
صوفي تضيع الموضوع\لسنا ملزمين بالحضور بأيام الإجازة..
غازي بتجاهل\وداعاً صوفي...

خرج من بيتها معميه الغضب على هادي..
اللي عرفه من احد رجاله المتتبعين لاخبار هادي..
إنه ترك إيطاليا وتوجه لــ السعودية ..
بأي حق يتصرف باسهمها بهالشكل..
كيف يتخلى عن حقها ويرميه لشخص غير معروف..
وكل هذا عشان يقهرهـ ويعاندهـ..
هذا الشريك صار مثل السيف بظهرهـ..
كل ماقرر شيء..
تعانده صوفي بامر من المجهول..
تعاكس كل أمر وقرار يتخذهـ..
صار يحس إن هذا المجهول يتقصد إغاضته ومعاداته..
من زمان وهو متاكد إن فيه شخص متخبي وراء ياسمين..
ولو كانت هي مالكة الأسهم فيه شخص غيرها..
والحين تأكد إن الأسهم صارت ملك لهذا الشخص ومن مدة طويلة..
هو يتحاشا يلاقيني أو أعرفه..
وصوفي مستحيل تكشف من يكون..
بس أنا راح أعرف من يكون..
هذي الشركة لها بكل مافيها..
ومستحيل أخلي أحد يحولها لساحة حرب وإثبات وجود...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

وقفت بغطرسة وهي تناظرهـ بحقد..
صوفي\شكراً لزيارتك أيها السيد..
يمكن الرحيل الآن لقد إنتهى الإجتماع الطارىء..
ماكس يتأملها\هل لا حظتي شيئاً غريباً عليك صوفي..
أم أني انا فقط من لاحظ ذلك..؟؟
صوفي بغرور\انا بت غريبة جداً عليك أيها السيد ولم تعد تعرف شيئاً عني..
ماكس يبتسم\لقد لاحظت انك أصبحتي تحتشمين بملابسك كثيراً..
لا ترتدين القصير ولا الملابس الفاضحة..
ما اجملك وأنتي محتشمة..
صوفي بصد\كن متاكداً ماكس بان الفضل في هذا لا يعود إليك..
فانت لم تفعل أبداً ما يغير بي..
ماكس\من غيرك صوفي..تغيرتي كثيراً..
تخليتي عن عادتك السخيفة..بإقامة حفلة بعد نجاح عروضك..
تركتي حفلات الرقص والشراب..
الكنيسة لم تزوريها منذ أشهر عديدة..تصاميمك إختلفت كثيراً عن الماضي..
بين العرض والآخر أرى الاطفال يثيرون إهتماك بازيائهم..
أخبريني صوفي من غيرك...؟؟!
صوفي بجمود\يبدوا بانك كنت تراقبني سيد ماكس..
وأنت تعلم كم أكرهـ مراقبتي..
ماكس\أجيبيني..
صوفي بألم\سؤالك ليس له إجابة..
أرجوك غادر منزلي كما غادرت حياتي..

قرب منها بهدوء وثبت عيونه بعيونها..
ماكس بحنين\صوفي أحبك..
وأريد لك السلام اللذي أعيش به الآن..
إسمحي لي ان أدلك على طريقي..
صوفي بحسرة\ألم تتاخر كثيراً بإتخاذ هذا القرار..؟؟
شكراً ماكس لست بحاجة إليك..إتركني بسلام...

قبلها على جبينها وطلع من بيتها..
أستغربت حالهم..
مفترقين من وقت طويل..
بس ولا مرة فكروا بالطلاق..
رغم معرفته بصعوبة الحياة بينهم بنظرها غدر فيها ..
غير ديانته أسلم ولا كلف على نفسه وقال لها..
وهو يعرف إنها غير معارضة لــ الحرية الشخصية..
بإمكان أي شخص يختار ديانته..عمله..اسمه..
طريق حياته وشريكه بكل شيء..
بس تجاهله لها وصده عنها حيرها..
ولما عرفت السبب حقدت عليه..
لسبب معروف..
وسبب ثاني تخفيه حتى عن نفسها..


نفضت الأفكار عن راسها..
وذكرت نفسها بان هديل لازم تتخذ قرار..
إما تظهر نفسها له ويعرف من غريمه..
او تبيع الأسهم له وتترك ايطاليا..
وبكذا تعيش حياتها وهو مايدري عنها..
فكرت تزورها الحين وتقول لها عن اللي صار..
بس شكها في غازي وماكس منعها من هالشيء..
ما تستبعد عنهم يراقبونها ويتحرون عن صديقها المجهول..
ولذلك قررت تقطع زياراتها لهديل لحتى تضمن سلامتها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رمت اللي بيدها على المغسلة وجلست تبكي بخوف..
ماتبي تشوف النتيجة..
قلبها مشتاق كثير تكون حامل وتعوض اللي مات ..
سمعت طالب يدق الباب ويناديها باستعجال..
طالب بمرح\بشري وش النتيجة أروح أشتري سيريلاك وغيارات ..
طيب أشتري ملابس ولا البزارين يولدون وشناط ملابسهم معهم..
ياحليلهم مايبون يثقلون على هلهم كل واحد يطلع من بطن أمه مكون نفسه..
غصب عنها أبتسمت بين دموعها وهي تتخيل أطفال يولدون بملابسهم..
طالب يتسأل\إلا أقولك انتي يوم ولدتي كنتي لابسة نقابك ياللي ماتستحين ولا كاشفة خشتك..؟؟
انا نسيت سيارتي في بطن أمي..
يالله عصقووول وش صار معك إطلعي..

أخذت الجهاز من دون ماتشوف النتيجة وخرجت وهي ترتجف..
مدته لطالب بصمت..
أخذه من يدها وجلسها على السرير وجلس جنبها..
مضت لحظات وهو يتأملها بهدوء..
شاف النتيجة وناظرها مرة ثانية..
طالب بحنية\عصقووول ياقلبي ولو كانت النتيجة سلبية..
الحياة قدامنا والله بيرزقنا الذرية الصالحة..
بكت شوق بصوت مخنوق وهي تعض على شفايفها..
شوق بألم\بس ياطالب مر وقت طويل من بعد ماسقطت..
وانا أتمنى يكون لي طفل بهالفترة..
شيء داخلي يبي هالشيء وبقووة..
طالب بعبط\يعني مصممة..؟؟
شوق بزعل\اوف منك كل شيء إستهبال عندك..
طالب\شوفي يا عصقول..
من ألحين أقولك لو تجيبين عصقولة صغيرونه كفختها بعقالي ورجعتها بطنك..
أبي عصقوول صغيروون..أنا كيفي عقلية متخلفة..أبي ولد إذا جبتي بنت طلقتك..
شوق\هـــاهــ ..؟؟!
طالب\يووه انا ماقلت لك تراك حامل يا مرهـ...
شوق\............................
طالب يضمها وهو يضحك\يا زينك وأنتي مفتحة عيونك يقال مصدوومة..
مبروووك يالغالية يتربى بعزك وعز طلووبك..
شوق تبكي\أكرهك يا جدار..
طالب\هههههههههههه فديت اللي تكرهـ ..
ولا يهمك توحمي على كيفك..
شوق تبعده عنها\وخر ما أحبك تلعب علي كذا ليش..؟؟
طالب بمحبة\نسيت أقولك..لاني كنت افكر في المصاريف..
ألحين السكني اللي في بطنك كم يكلفنا في الشهر..؟؟
شوق\هههههههههه من الحين بيكلفك..قم ودني المستشفى ابي أتاكد من حملي...
طالب\شوييق علم يوصلك..عمك راجح تقاطعينه طول أشهر الحمل..
ولا تكلمينه ولا تعرفينه فاهمة..؟؟
شوق بتأييد\إيه خله يولي أخاف يفجعني واسقط مرة ثانية..
طالب يتنهد\الله يشفي رشا ويرزقها اللي تقر به عينها..
شوق تأمن\اللهم آآآمين..مرضها يقهر كثير..
طالب\بتتعالج وبأذن الله بتصير بخير..
أنا طالع ألحين طالبيني وإنتي ريحي نفسك ونامي اذا تحبين..

سلم عليها وطلع من البيت حاول يجذب تفكيره من رشا لحمل شوق..
بس ماقدر..يعرف رشا اكثر من حالها..
مهما كابرت وأظهرت إن الحال عادي ..
هي تحترق وتموت من داخلها..
قالت له إن النوم مريحها وينسيها أشياء كثير مضايقتها..
أبتسم لها وأوهمها إنه مصدقها..
وهو يدري إن مرضها مبعدها عنه وعن شوق والأكيد مبعدها عن راجح..
واثق براجح وواثق بعدله ومحبته لرشا..
ويمكن إذا ما تشافت يقرر يكمل حياته مع غيرها..
المرض له علاج...
بس هي بنفسها ماسمحت لحالها تتعالج..
وأكيد راجح ملاحظ هالشيء مثله..
دعاء لها بقلب صادق تتشافى وترتاح من مرضها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

خرجت من غرفتها بسرعة وهي تناديه..
هديل بحب\ورعي..ياورعي وين رحت..؟؟
ذيبوو يا قلب أمك ترى بأربطك ماتحبي وتبعد عني..

مد يدينه وأستند على الكنبة وهو يطلع صرخات مبسوطة..
مشى بخفة ويدينه مستندة على الكنبة..
جلست على ركبها ومدت يدينها له..
هديل بابتسامة\يا الله تعال يالذيب..
بس سوية سوية يا مامي..

ضحكت على صوت ضحكته الغالية عليها..
صار يشاهق شهقات متلاحقة بسرعة..
بعد عن الكنبة ومشى بشكل سريع..
فقد توازنه وقبل لا يطيح مسكته وضمته بقووووة..
هديل تبووسه\ياروح وقلب هدولة..
وصرنا كبار نركض ونلعب ونهرب من فراشنا..
كم مرة قلت لا تنزل من سريرك..شكلك كبرت يا قلبي ولازم أراقبك على طول..
يالله نام لحتى تجي صوفي المرجوجة..

شغلت لابها على الحرم المكي وضمت ذياب بحضنها تنيمه..

مشّتآق لـ الحرم ، مع آللي يصلون !
. . . أصلي [ صبحُ ، وعشِيّـہ)
خآطريْ بـ زَمزمّ وآلنّـآس يطُوفونْ

منَ بعدّ ”آلتعَب “آرتـويِ شويّہ

وصَلآة آلفجَرّ » وخلقْ آللّہ [ يصفّونْ]
وگلن يوسّع لخويّـہ بـ قلوُب تقيّـہ

آللّہ اگبرّ ، بصُوت [ آلسّدِيسْ } يخشعُون
وإلا بـ/ آلمعَيقليِ ، ترقّ لَہ آلقلوبّ آلنديّـہ . .
عّسآني لـ دَرب مگہ..إتجآهـيْ يگـوُن
وآن مآ حصَل ، ، عسّـآهـآ بـ آلنيّـہ “آمِّـَيَنْ ...

رف قلبها بشوووق للحرم والعمرة والصلاة بروح مطمئنة مرتاحة..
يالله ياربي سنييين لازرت الحرم ولا أعتمرت..
يارب عدلها وإكتب لي العمرة..

شالت ذياب ونيمته بفراشه..
وتجاهلت رجفت يدينها الخايفة..
أتصلت بصوفي تستعجلها..
مابقى على موعدها مع راجح الا ساعة ونص..
أنصدمت من رد صوفي..
ماتقدر تجيها لأن غازي حاط لها مراقبين عشان يكتشف من يكون صاحب الأسهم المجهول..
صرخت بصوفي بخوف ..
هديل بخوف\هل يشك بوجودي..هل تعتقدين بان عمه أخبره عني..؟؟
صوفي بسرعة\لا إطمئني لا يعلم..
أخبرته بان الأسهم أصبحت ملكاً لنا..
هديل بحنين\أسهم أخي..؟؟
صوفي\نعم أسهم توئمك الوسيم..لازلت أشعر برغبة بالبكاء كلما تذكرت شوقه لرؤيتك..
هديل بغصة\أجل وش أقول أنا..
حسناً صوفي سأخذ ذياب معي..أرجوك كوني حذرة إن كان سيعلم بوجودي..
فليعلم بعد مغادرتي ايطاليا..

قفلت من صوفي وهي تحس بضياع وخوف..
إن كان غازي مصمم على ظهور صاحبت الاسهم..
فلازم تبيعها له مثل مانصحتها صوفي..
هي ماراح تستفيد شيء اذا كشفها وحبسها مرة ثانية بقصرهـ..
بتروح مع صوفي لدبي بتستقر هناك تكمل دراستها وتشتغل بنفس الوقت..
المهم بالوقت الحالي تثبت هويتها وتترك ايطاليا لغازي..

حطت يدها على قلبها المشتاق لهادي..
كانت واثقة انه بيوافق على صفقة صوفي..
وطبعاً بمساعدت مسفر لهم للمرة الرابعة او الخامسة او العاشرة..
كثرت أفضالك علي يا مسفر عسى ربي يسعدك..
إجتماع ضم هادي ومسفر وصوفي..
أقنعوه إنهم أصدقاء للمرحومة هديل..
في البداية ماصدقهم وناظرهم باحتقار..
بس صوفي حكت له عنها عن شكلها طيبتها وبعض حركاتها..
اللي خلته يبتسم بشوووق كبير لها..
ومسفر حكى له عن تفاصيل دقيقة لاحظها فيها ودرسها باهتمام..
لمعة عيونها وكيف تفضحها لكل شخص يهمه أمرها..
وكيف تضم يدينها حوالين نفسها بأوقات ضعفها..
عند هذا الوصف جمدت ملامح هادي ..
وهو يأكد بأنها دائما تسويها..

كانت تتمنى تروح معهم وتراقبهم من بعيد..
بس مسفر أكد لها وش بيكون تصرفها..
وسالها إن كانت تبي ترجع لهم وتترك الهرب..
تروح معهم وهو واثق انها بتظهر لهادي وترتمي بحضنه..
بس اذا كان قرارها تظل هاربة فمن الافضل تظل في شقتها لحتى يرجعون لها..

وبكذا حكمت عقلها وظلت في الشقة وهم أجتمعوا مع هادي..
نفضت الأفكار من راسها بدلت ملابسها ولبست ذياب ملابس ثقيلة..
الشتاء رجع .. وهو باقي مارجع لها ..

وُ جَانَا البَردْ !
رَحلْت . . وُقَلت لِيّ " رَاجْع "
قبَل مَا تْمطَر الدنِيَا وُينَبتْ وُرَد !
وُراحْ الصَيْف . . . وُرَاح الوُرْد
وُجَانا البَرْد !
. . . وَأببَد مَا جْيَت !


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛


تجاهلت ضربه على باب الغرفة..
مقفلة الباب عليها من ثلاث ساعات..
تحس إنها يمكن باي لحظة تكشف سر هديل تحت إستجواب سلمان لها..
تهاوشت معه على موضوع الأسهم ..
لما قالت له إنها باعتها لشخص يستاهلها..
في البداية كذبت وقالت باعتها لصوفي..
ثار عليها ورفع صوته..
كيف تبيع الأسهم لإنسانة مثل صوفي..
غير مسملة ومالها أمان..
ردت عليه بان أسهمها شيء مايعنيه وماله شغل فيها..

من بعد وصولها السعودية بشهرين اكتشفت إن عائلة سلمان هي عائلة هديل..
غادة زوجت راكان أخو زوجها..
تصير أخت الغالية هديل..
لما عرفتها على عائلتها باحد المناسبات..
ما أثارت اي شك بقربهم لهديل..
بس لما شافت ألبوم الصور اللي عند غادة بغرفتها..
أنصدممممت وهي تشوف هديل وهادي بصورة كثيرة في الألبوم..
سألت غادة بحزن من تكون صاحبت الصورة..
وغادة لمعت عيونها بدموع وهي تجاوبها بشوق لاختها الحية المدفونة..

تعبت كثير بهذيك الفترة من حياتها..
خصوصاً وهي تشوف أم هديل وابوها..
وإذا أنذكر اسم هديل تدمع عيونهم من غير وعي منهم..
كانت تتمنى لو تضم أم هديل وتهمس لها وتطمنها إن بنتها حية وعندها ولد..
لو تمسح الكئابة المرسومة على ملامح أبوها الحزين..

بكت بصوت مخنوق وهي تترجاء هديل بقلبها..
الله يخليك هديل كفاية غياب..
لو أمي وابوي عايشين على هالدنيا ماتركتهم ولا لحظة..
يارب سامحنا على قسوت قلبونا..

أضطرت تفتح الباب لسلمان لانه ألحين أكيد معصب..
مرت ثلاث أيام لا تكلمه ولا يكلمها..
من بعد ما هاوشها على الاسهم..
بدل ملابسه واخذ شماغه واغراضه وطلع من الغرفة..

هو إنسان حنون وطيب معها كثير..
يعاملها بكل محبة وإحترام سواء مع هله او لوحدهم..
تحب إهتمامه فيها وفي مشاعرها..
حياتها معه بمنتهى الروعة..
أكثر شيء يعذبها ويحسسها بتأنيب الضمير..
إن بنتهم متغربة وعايشة حياتها بخوف وحرمان..
لو تحكي لهم عنها يروحون لها ويرجعونها لهم..
يحمونها من غازي ومن غيرهـ..

تخاف من اليوم اللي ممكن يعرف فيه سلمان وهله عن هديل..
ويعرفون غنها مخبية عنهم أمر كبير مثل هذا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛


أنا من شالـك بإيـده رماكِ فـأسفل البركان..
نخيتينـي وطلبتينـي ولا حصّلتي نخواتـي...

جالسة على أحد المقاعد بالحديقة الخالية من الناس..
يدها على قلبها اللي يخفق بقووة..
بكل عزم وتصميم تحاول تكتم صوت خايف بجوات صدرها يصرخ بخوف يحذرها..
كيف اتصلت براجح ووثقت فيه..
والحين تنتظرهـ يجيها ويمكن غازي يكون معه..
ناظرت ولدها بخوف أول ماطرى لها إن أول شيء راح يسويه غازي ياخذ ذياب..
تغلب عليها الخوف وأختلط الشك باليقين..
وقفت بسرعة ناوية تهرب وترجع لشقتها..
وقفت بجمووود لما شافته واقف قدامها وفاتح عيونه بغير تصديق..
يشوفها قدامه حية بنفس الرعشة بيدينها..
وبلمعة الخوف بعيونها..
تغيرت كثير بس ما أنكرها هذي هديل..
يعني هي حية صدق..
مد يدينه يبي يلمسها..
يتأكد إنها قدامه تتنفس ..تتحرك..
تبتسم له بإنكسار..
تجمدت يدينه بالهواء لما سمع صوت قريب منهم..
وشافها تلتفت عنه وترتفع مرة ثانية شايلة شيء بيدينها..
ولما شافها تهز اللي بيدها وتهمس له بحنان..
شهق بصدمة وتراجع خطوتين على ورى..
ويدينه اللي معلقة بالهواء دخلها في شعرهـ وهو يغمض عيونه بقوووة..
طلع من فمه صوت مكتوووم ماعرفت وش يكون...
عيونه تناظرها برعب من رب العالمين..
بشفقة على قلبها المظلوم..
بحنية لــ اللي بين يديها..
هديل بهمس مخنوق\ولدي...

صد عنها ومشى بخطوات وسيعة ووقف على سور يطل على بحيرة نيمي..
شد بيدينه على طرف السور..
وعيونه تحترق بآسى على حالها المسكين..
سنتين وهي ميتة..
دفنوها ولا طرى لهم إنها ممكن تكون حية..
كيف عاشت بعمرها غربتها والادهى بحملها..
رفع راسه لــ السماء وهمس بحزن..
لا إله الا الله سبحانك إني كنت من الظالمين..
اللهم إغفر لنا ذنبنا..
ربي أنتقم لك منا يا هديل..
بس والله مايغنمك بعد اليوم..
ومايصير الا اللي يرضيك...

حاضنة ولدها بقوة وتعاتب نفسها..
لا تبكين ..لاتضعفين..
وإن خابت هقوتك فيه عادي لا تيأسين..
وصيه يحفظ سرك وإرجعي بيتك..
مابيخون ولد أخوهـ..
مابيوقف معك ضدهـ..
وإنتي كشفتي له كل أوراقك..
كشفتي له حياتك وكشفتي له ولدك اللي هو ولدهم..
ليه مافكرت إنه ممكن يخذلني ولا يساعدني..
ليه كنت واثقة مابيساعدني غيرهـ..
غبية يا هديل..
ومابيضيعك الا غبائك وحسن نيتك..

سمعت صوته الهادي يناديها..
راجح بحنية\هديل تعالي معي..الجو بارد..

رفعت راسها وماقدرت تشوف وجهه من دموعها المحبوسة بعيونها..
هزت راسها بالنفي..وتكلمت بصوت مبحوح من العبرة الي خانقتها..
هديل بغصة\الله معك ياراجح..أسفة لاني طلبتك تجيني..
ما ابي منك الا تحفظ السر..وتعاهدني الحين ما تقول لغازي عني..
أنت عمه والدم مايصير ماء..
مابتساعدني ضد مصلحته..

حست فيه يجلس جنبها ويهمس لها بحنية..
راجح بحنان\أفا يا هديل وهذا كلام تقولينه..؟؟
أنا صح عمه ودمنا واحد..بس من سنين وأنا أعتبرك بنتي..
الله يشهد بقدرك ومكانتك بقلبي يالطيبة..
وأوعدك وأعاهدك قدام ربي ماياخذك..
وتطمني غازي مابيوصله علم عنك..

هديل برجاء\تكفى ياراجح..لايدري..
بياخذني غصب عنك وعني..
راجح يطمنها\دامني معك ولا يحلم فيك..
بالوقت اللي ظنيتك ميته فيه..
ندمت الف مرة ومرة اني ماخذيتك منه غصب أو قتل..
واليوم ربي عطاني الفرصة أعوضك وأتمم يميني..

طال صمتها وهو مد يده لها ..
راجح\عطيني الشيخ أشوفه..
سمحت له ياخذه وقلبها يرجف بخوف..
كلامه طمنها وريحها..
بس قلبها يخفق بخوووف..

شاله بين يديه وهو يذكر الله ويصلي على النبي..
راجح\هلا ..هلا والله بالطيب..
سلام عليك يا ..............
وش اسمه..؟؟
هديل بغصة\...ذيـــ...ــ ذياب..
نزلت راسها ومالاحظت نظراته الرحيمة بحالها..
عز الله اللي ماعرفت تصون نعمتك يا غازي..
رغم كل شيء سويته فيها..
سمت ولدك بعزوتك..

راجح بحنية\سلام عليك يا ذياب..
مبروك علينا فديتك..

حضنه وقبله على جبينه وخدهـ..
قرأ عليه أيات من القرآن وحصنه..
وهو يسمع شهقات هديل المكتومة..
وقف وذياب بحضنه..

راجح بحنية\قومي يا أم ذياب..
وصلتي وعهدن علي ترجعين لهلك بالرضا ولا الغصيبة..

وقفت معه ومشت جنبه بهدوء..
ماردت عليه ولا قالت له إنها ماتبي ترجع لهلها..
خذوا تكسي وتوجهوا لشقتها..
وهناك قالت له عن مشكلتها في السفارة..
طمنها بان المشكلة بتنحل وبكم يوم بس بتكون اوراقها جاهزة..
هي حية وبيشهد إنها هديل بنت حسين..
ولو طلبوا غيره شهود بيجيبهم لعيونها..

توادع منها وهو يأكد لها بانه بكره الصباح بيمرها وبياخذها معه السفارة..

لما طلع من عندها..
جلست على الأرض وأستندت على الباب تبكي بحسرة على حالها..
يوم ضاقت بكيت..
ويوم ربي أفرجها علي بكيت..
آآآآآهـ ياربي يا حبيبي وش بقى في الدنيا يفرحني...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل البيت الجديد بخطوات ثقيلة..
من أول ماعرف إنها صارت بدل عنه ..
وصارت ضحية بغير حق ..
مانزل السعودية..
كان خايف يرجع ويهاوش أبوه وعمه وهله كلهم..
بس كل مافكر يلومهم ويزعل عليهم ..
يتذكر ضعف ابوهـ ودموعه اللي أحرقت قلبه..
يتذكر الجلطة اللي تعرض لها لما عرف بموتها ..
وكيف كان يبكي بصوت يقطع القلب..
اللوم الاول والأخير عليه هو..
لو ماهرب من السعودية وواجهم بقووة وثبات..
لو حكى لهم اللي صار كان تمت برائته..
ولو إنه تلاحق عليها ووصل وصيت سعود لغازي..
كان لقاها قبل تموت ورجعها..

أستغفر ربه وتعوذ من ابليس..
فتح الباب ودخل الصالة..
كان أبوهـ جالس وطفلة صغيرة في حضنه..
عرف من تكون هذي هديل بنت علي اخوهـ..
وامه جالسة على الأرض عند زوجها تقهويه..
اما عسولة ماسكة عبدالله من طرف ثوبه وتهاوشه وهو منسدح يضحك..

هادي بصوت عالي\السلام عليكم...
ضحك على ملامحهم المصدومة بشوفته..

وصلت له امه وضمته وهي تبكي وترحب فيه..
ضمها بحنان وسلم على راسها ويدينها..
عاتبته بمحبة وهي تضمه مرة ثانية..
وشوي الا ونط عليهم عبدالله يحضن عمه ويسلم عليه..
ويفتن على جدته..
عبدالله بفرح\وخري هيه جدة وخري شوي عطي غيرك مجال..
ياليل دموع التماسيح..
ضحك لما ضربه هادي على راسه وضمه بقوووة...
عبدالله يقلد جدته\وه فديتك يومه حنيت على امك..
حنيت على امك ياهادي وجيت..
ياقلبي عليك يا وليدي..عساني ما اذوق حزنك..

بعده هادي عنه وهو يضحك على هواش امه لعبدالله اللي كان يقلدها..
سلم على جدته وكان شوي ويشيلها من على الأرض..
الجدة\هلا والله ..
جعلني فدوة لزولك وريحتك..جعلني ما ابكيك يا هادي..
وين الغيبة يأمك..القطيعة ماهي بزينة والله ماهي بزينة..
هادي يضمها\السموحة جعلني فداك ..
سامحيني بس الدراسة أهلكتني ونشفت دمي..

وقف وثبت عيونه على أبوهـ..
شاف الحزن بعيونه والدمعة برمشه..
راح له بسرعة ودنق عليه يحب راسه وكتفه..
ضمه بقووووة وثبت راس أبوه على كتفه..
لما حس بابوه يشم ريحته ويحضنه بشوووق..
ولا واحد فيهم نطق بحرف او همس بكلمة..
ظلوا حاضنين بعض وكانهم يعزون هديل للمرة الأولى..

همس أبو علي بحسرة\شابت روحي يا بعد أبوك...

هادي غمض عيونه بآسى على حال أبوهـ..
لأنه يدري الكلام لهديل ماهو له..
رفع كف أبوه وقبلها بشدة..
هادي بحب\ياجعل الضيق اللي في قلبك يسكن ضلوعي ويسهاك..

سحبه أبو علي له بقوووة وضمه اكثر من أول..

كلهم كانوا واقفين يراقبونهم..
ودخل علي البيت وفرح بشوف هادي ورجوعه..
ضاق صدره وهو يسمع شهقات أبوهـ المقهورة..
وأنتبه لدموع ولده عبدالله وهو يبكي على حال جدهـ..
وحلف ان ولده يعرف الكثير عن أبوهـ..
بس عنيد ولا رضى ينطق بحرف..

وتوعدهـ يعرف منه كل شيء رضى ولا زعل..
ولأن قلبه محروق على حال أبوه ماتحمل ...
سحب عبدالله من الصالة بسرعة وخرجه من البيت..
لاحظ صدمت ولده بحركته معه بس خلاص وصل صبره لحده..
لازم يعرف كل شيء..
ركبه السيارة وطلع من البيت ..
خذاه لمكان بعيد عن الازعاج والناس..
وبدأ يستجوبه بحدة ..

علي بجمود\طلبتك يا عبدالله..
عبدالله بحمية\عطيتك جعلني فداك يوبه..
علي\ياولدي أنت كبرت وماشاء الله عليك..
تحفظ السر وتكتم الخبر..
بس يرضيك أبوك ينقهر ويعيش بحسرة..
عبدالله بقهر\لا والله مايرضيني..أمرني يوبه وش بخاطرك..؟؟
علي\أبوي يا عبدالله يموت قدامي ولاني بعارف ليه..
أنت تعرف وش اللي ذابح أبوي وأبيك تقولي كل شيء..
عبدالله مصدوم\تكفى يوبه لا..
انصدم علي من رد عبدالله ومن دموعه اللي تجمعت بعيونه..
علي\تقولي لا يا عبدالله..؟؟
عبدالله يبكي\ماهو بسري عشان اقوله..
وصدقني يوبه ان عرفته مابينفعك الا بيزيدك قهر وحسرة..
شف حال جدي بيصير حالك مثله..
علي بعصبية\ماهو شغلك بحالي وش يصير فيني..
ابيك تنطق وتقول وش اللي صايرن مع أبوي..
تكلم مرت سنين وأنا اقول حاله بيتعدل..
وحاله ابد لازان ولا اعتدل..
ريح أبوك وقله ..قلي وش صاب أبوي..؟؟

عبدالله\يوبه جدي بيزعل علي..وانا بازعل على حالك..
شده علي مع ثوبه بعصبية ورفعه له..
علي بقهر\تكلم يا عبيييد تكلـــــــــم..
عبدالله\هديل يوبه هديل...
هي علته ودواهـ..
جدي مغبون بعد موت هديل..
وأرتاح يوم ولدت أمي بهديل..

فك يدينه عن ولده وشغل السيارة راجع البيت..
هديل ماتت من خمس سنين..
وحال ابوي مقلوب من يومها..
بس لا السنتين الماضية كانت أقوى وأصعب من الأولات..
ما أرتاح يوبه قبل لا تبوح سرك والله ما ارتاح..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛


قفلت جوالها بعد ماتطمنت على ذياب مع ايميلي سكرتيرت صوفي..
أنتبهت على راجح يناديها..
وقفت ومشت معاهـ..
دخلها بمكتب السفير..
وجاوبت على كم سؤال يخصها ويخص عائلتها..
وعن موعد ولادتها ومتى تركت السعودية ..
ومن كان محرمها ...

خرجت من المكتب وبعد دقايق طلع وراها راجح..
ولما شافته يبتسم أرتاحت وتطمنت..
راجح\تطمني ان شاء الله كل أمورنا تمام..
هديل بابتسامة\يعني صدقوا اني حية مامت..؟؟
راجح\اممم مبدئياً ايه ..بس لازم بعض الوقت ..
ويتاكدون ان الجثة اللي اندفنت ماهي جثت هديل الجاسم..
هديل بزعل\بس كذا بيطول الموضوع...
راجح\لو على السفارة يمكن ينهون الموضوع من دون مشاكل..
بس الحكومةالايطالية لها قوانين..

نزلوا تحت وسلم غازي على احد الموظفين في السفارة..
وطلب منه يسرع في إنهاء اوراق هديل ..
أيوب\أبشر يا ابوحمد..ولا باشتغل هاليومين الا فيها..
وان شاء الله يصير خير..
راجح\تسلم ماتقصر والله..تأمر على شيء..
أيوب\سلامتك الله يحفظك..
راجح\الله يسلمك..مثل ماوصيتك يا أيوب يبقى الموضوع سر..
أيوب\أبشر ولا يهمك..
راجح\فمان الله..
أيوب\هلا والله..

طلع راجح من السفارة وهديل معه..
وما أنتبه لــ العيون اللي تناظرهم بتساؤل..
سلم على أيوب وماقدر الا يسأله من تكون اللي مع راجح..
سالم\هذا اللي كان يتكلم معك من شوي..
ماهو راجح بن جالي..؟؟
أيوب بهدوء\إيه هو راجح ..
سالم\والي معه من تكون..؟؟
أيوب تضايق من لقافت سالم..ولا حب يوضح له الموضوع..
أيوب\هذي بنت أخوهـ عندها مشكلة بأوراقها ولا تقدر تسافر هاليومين..
سالم باستغراب\تقصد أخت غازي..؟؟
أيوب بجمود\سالم الله يصلحك وانا وش عرفني عن عائلتهم..
سالم يبتسم\لا الله يسلمك بس كنت ابي أساعدهم اذا محتاجين شيء..
أيوب\مشكور وماتقصر..
مشكلة بسيطة ونخلصها ان شاء الله..

طلع سالم من السفارة وهو يدري ان ايوب يكذب عليه..
هذي البنت اللي مع راجح يعرفها زين..
شافها بالمطار مع غازي..
ومتأكد إنها ماهي أخته..
واللي أثار شكوكه ليش كذب عليه أيوب...

قرر يسأل غازي..
أتصل بمكتبه وقالوا مسافر برلين وبيرجع بعد يومين..
تنهد وهو يقول بخاطرهـ خيره من رب العالمين...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

زارت هديل صوفي في دار الأزياء وهي متنكرة وذياب بعربيته..
دخلت المكتب وضحكت بقوة لما سمعت صراخ صوووفي ..
وقفت صوفي وراحت لها تركض وضمتها بقووووة..
سلمت عليها هديل وهي تشيل النظارات الكبيرة من على عيونها..
هديل\هههههههههه مارأيك ألا ابدو عجوز مسنة بهذا الفروو..
صوفي\بل رثت الثياب وجميلة جداً..
وولفي إشتقت إليك كثيراً..

شالته من عربيته وضمته لها بقووة وبوسته وعضته وهو يضحك ويتعلق فيها..
صوفي برجاء\ديل عزيزتي لا استطيع السفر وتركه هنا..
سأشتاق إليه كثيراً..
هديل\لا تخافي عزيزتي سنلحق بك قريباً..
يجب أن تذهبي لتحضري العرض..لا تنسي انك انتي المصممة..
صوفي\أشعر بغرابة الوضع..
ولكن كوني متأكدة إن لم تأتي الى دبي بغضون إسبوع واحد ..
ساعود الى إيطاليا وأخذك معي بالقوة..
هديل\هههههههههه حسناً سانتظرك إذاً..
يجب أن اذهب عزيزتي..لا اريد أن يهاجمنا الغول..
صوفي\وداعاً أيتها القزمة..

ضمتها هديل وودعتها..
وصوفي تعلقت بذياب أكثر..
وتوعده تشتري ألعاب من دبي مخصوص له هو..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


جالس على مكتبه ,,بنظرات مصدوومة مرعبة كالسوط واشد حدة ينهال بها على ذاك الشخص المواجه له ,,
كيف يجرؤ على روية الأموااات ,, بل كيف يجرؤ على ذكرهم بهذا الشكل ,,
أيعوود الأموات من ذاااك المكااان ,,كيف لهم ان يعوودوا ؟؟!
أحقا الأموات يعودووون ,,

غازي بصووت غااضب كااسح\وين شفتها ؟؟
سالم \ قبل يومين با السفارة ..سألت ايوب عنها وقالي عن مشكلتها شدني اسمها واسم الشخص اللي معها
انصدمت لما لقيتهم يحملون نفس اسمك ونفس اسم العائلة ..
غازي\ سافرت؟؟
سالم\ والله ما ادري ياطويل العمر ..
بس ما اعتقد لان ايووب قال مشكلتها يبيلها وقت لحتى يتم حلها وتكتمل
أوراقها وبعدين تقدر تسافر ..

وقف وخرج من المكتب مثل الاعصااار المدمر معمي عيونه عن كل شيء ..يبي يصدق ..وبنفس الوقت
مو مصدق لساتها حية معقوولة هي عاايشة ..ويلك من الله ياسالم لا تعلقني با الأطياااف ..

تكفيين كوني ميته ..كووني ميته ..
ياويلك مني ياوييييييييييييييلك ..بتتمني لو كنتي ميته وخااالصة ..
بتتمني لو كنتي طيييييييييييف مو نفس ..
كووني حقيقة علشاااني ,, وكوني طييف علشاان نفسك ,,
ارجعيلي بس اهربي لابعد حد تقدرييينه ,,
كووني عااايشة واحمي نفسك مني احمي نفسك ,,


ركب السياارة وبصرخة على الساائق \ السفـــــــــــــــــــــــــــارة ..


قفل جواله بعد ما تأكد إن شوق في السعودية ماهي في ايطاليا..

هي إذا مثل مايقول سالم فهي هديل..
يقول نفس البنت اللي كانت معي بمطار باريس..
واللي كانت معي هي هديل ماهي شوق..
لا ماهي شوق أكيد هديل..

إيـــه ياربي هديل..
خلها تكون هديل...


طلع من السفارة عيونه متحجرة..
وقلبه يخفق بقوووة..
قفل جواله بعد ما أعطى الأمر ..
تلفت حوالينه وكأن الشتاء الكئيب صار ربيع..
والظلام اللي طغى على حياته اندحر وغشاه النووور..

جلس بحديقة السفارة لمدة ساعتين..
ويمر في باله كل التفاصيل من بعد موتها الى هذي اللحظة..
كيف صدق برحيلها وغيابها عنه..
ليه ما تحقق من الجثة..
صدق رحيلها بسبب عقد..
عقد تافه أشقاه طول هالوقت وحرمه منها..
تلقى الإتصال اللي ينتظرهـ..
وأعط أمر ثاني بإلهاء راجح بأي مصيبة..
وهو يتوعد فيه يحاسبه على خيانته لانه ماقاله عن نجات هديل وانها حية..
بس الاهم الحين هديل يوصل لها ..
اللي عاشه من حرمانها جننه..

أخذ السيارة من السائق وتوجه على العنوان اللي وصله من رجل التحري اللي كان يراقب صوفي..
طول الطريق وعيونه ترسم خيالها قدامه..
ماعرف ليه عجزت عيونه تتصورها لما قرب وقت لقاها..
وطول زمانه كانت عيونه تشوفها بالصحوة وبالنوم..

وصل على المكان الموصوف له..
نزل من السيارة يدفعه شوقه لها..
حبه وحرمانه منها..
أبعد يده عن الباب وأنسحب بهدوء...

طلعت من دورة المياهـ ملتفة بروب الحمام وهي تنشف شعرها المبلول..
مشطته وهي تتذمر من طوله..
وتتوعد فيه تقصه لما تروح دبي..
رمت مشطها على التسريحة وهي تحس بهواء بارد يدخل غرفتها..
قربت من ذياب وشافته يلعب بأرجوله..
باسته بقوووة وعضته على خدهـ..

قبل لاتبدل ملابسها طلعت من الغرفة توجهت للمطبخ أخذت كاس مويا ..
وطلعت متوجه لغرفتها..
بعد خروجها من المطبخ بخطوتين..
حست بيدين مثل الحديد تلتف على خصرها ..
وجسم قوي وعريض يحضنها من ورى بقوووة..
صرخت بصوت عالي وطاح الكاس من يدها..
حاولت تفلت من بين يدينه ماقدرت..
كل اللي في بالها هذا مجرم ودخل بيتها..
كانت تصرخ بصوت عالي ومبحوح..
وهي تحاول تبعد عنه بيأس..
حست أنها بتجن من الخوف لما حست بيدينه تتلمس جسمها ..
ضربت بأرجولها الأرض ..
ونادت بعالي صوتها تستنجد بأي مخلوووق..

ثبتها على الجدار ولصق فيها..
حست بانفاسه على خدها ورقبتها ويدينه على خصرها..
شهقت بقوووة وهي تقاوم قربه البغيض منها..
مشخته على رقبته لما حسته يقبلها على شفايفها..
رفع أحد يدينه ورفع راسها وأجبرها تناظرهـ ...

تعلقت عيونها بعيونه..
يتأملها بشووووق وغرام..
وتقابله نظرات رفض وصدوود..

بثواني درس كل تغيراتها..
بوجها ..بجسمها..بأنفاسها..
وهي شافت غدر الزمن فيه..
وحرمان وعذاب ينتظرها..

غازي بهمس\طولتي الغيبة يا هديل ...
هديل بصراخ\لاااااااااااااااااا لااااااااااااااااااااااا..
لاااااااااااااااااااا ما ابيييييييييييييييييييييييييك..
لا لالا...راجح يا خااااااااااااين اكرهك يا خاااااين..
ابعد عنيييي ابعد عني ما ابيييييييييييييك...

لم يدينه حوالينها اكثر وقربها منه..
غازي بوعيد\ماتبيني..؟؟
كل هذا هجر ..كل هذا حرمان وقهر...؟؟

قاومته بكل قوتها وهو يحتضنها غصب عنها..
صرخت برعب أكثر وهي تسمع الصوت الغالي عليها يقترب منها..
ناظرت باتجاه الغرفة وهي تبكي...
هديل بنحيب\لاااااا..لاتطلع خلك مكانك لا تطلع تكفــــــــى تكفى لا تطلع..

شهق غازي بصدمة وهو يشوف خيال طفل واقف مستند على باب الغرفة..



مو قلت لكم مافيه قفلة اليووووم <<نفس الفيس النصاب اللي فوق ..

الى الملتقى باذن الله تعالى فجر الثلاثاء..

كونوا بخيـــــــــــــــــــــــــر ..



صدووود’’’

 
 

 

عرض البوم صور صدووود   رد مع اقتباس
قديم 31-12-11, 03:43 AM   المشاركة رقم: 2544
المعلومات
الكاتب:
اللقب:

البيانات
التسجيل: Feb 2011
العضوية: 218222
المشاركات: 37
الجنس أنثى
معدل التقييم: شمس صافيه عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
شمس صافيه غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

لاااااااااااااااااااااا و الله دموعي اربع اربع مدري ابكي على هديل و الا غازي و هادي و الا ذيابي الصغنون و الله بارت من اول الروايه كنت انتظره..
جملة غازي(كل هاذا هجر..كل هاذا حرمان و قهر)جملة وصفة حاله بصورة حلوة ابدعتي فيها..
انتظرك البارت الجاي..
مع ودي شموس..

 
 

 

عرض البوم صور شمس صافيه   رد مع اقتباس
قديم 31-12-11, 03:49 AM   المشاركة رقم: 2545
المعلومات
الكاتب:
اللقب:
ليلاس متالق


البيانات
التسجيل: Jan 2011
العضوية: 213491
المشاركات: 104
الجنس أنثى
معدل التقييم: سهام العز عضو على طريق التحسين
نقاط التقييم: 72

االدولة
البلدSaudiArabia
 
مدونتي

 

الإتصالات
الحالة:
سهام العز غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

اول مره اقراء روايه يمغصني بطني ,, من جلس غازي بالحديقه وانا بطني ولع هههههههههههههههههههههه
خوف غير طبيعي

ياا نااس مو قلت لكم اكره صدود ): <<< فيس النصاب حق صدود

خخخخخخخخخخخخخخخخخ

ليه كذا يالدباا وربي اوجعني قلبي , من راح يتحمل وينتظر الى يوم الثلاثاء ؟؟؟


بس مدري

احس بداية مشاكل جديده ,, راجح ما راح يسكت هي استنجدت فيه ومستحيل يخذلها

بس وش راح يصير مدري


اااه يا صدود وربي اتعب وانا اقول مببببببببببببببببببببببببببببببببدعة
ما شاء الله عليك

 
 

 

عرض البوم صور سهام العز   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أماغرام, ماعشقنا, مسفر وغازي, اما غرام, اما غرام يشرح الصدر طاريه والا صدود وعمرنا ما عشقنا, اما غرام،غازي وهديل،انتي اطهر ذنوبي،احبك عنهم كلهم, الحرمان, الصدر, الكاتبة صدود, حصري, روايات مميزة, روايات من وحي الاعضاء, رواياة اما غرام, روايات كاملة, رواية مميزة, رواية خليجية, رواية صدود, صدووود, غازي وهديل, غرامي و صدودي, هديل وغازي, هديل وهادي, وعمرنا, طاريه
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t160662.html
أرسلت بواسطة For Type التاريخ
طھط­ظ…ظٹظ„ ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ ظƒط§ظ…ظ„ط© pdf - ط§ظپط¶ظ„ ط§ط¬ط§ط¨ط© This thread Refback 18-03-21 08:41 PM
ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ pdf - ط³ط¤ط§ظ„ ظˆط¬ظˆط§ط¨ This thread Refback 28-07-20 10:37 PM
طھط­ظ…ظٹظ„ ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ ظƒط§ظ…ظ„ط© pdf - ط³ط¤ط§ظ„ ظˆط¬ظˆط§ط¨ This thread Refback 19-07-20 09:52 PM
ط±ظˆط§ظٹط© ط§ظ…ط§ ط؛ط±ط§ظ… ط¹ظ„ظ‰ Pdf This thread Refback 30-09-17 08:51 PM
Untitled document This thread Refback 07-07-17 07:21 AM
Untitled document This thread Refback 14-11-16 03:53 PM
ط§ظ…ط§ ط؛ط±ط§ظ… ط¨ط¯ظˆظ† ط±ط¯ظˆط¯ - Rocket Tab This thread Refback 09-06-16 09:41 PM
Untitled document This thread Refback 21-07-15 03:22 AM
Untitled document This thread Refback 26-10-14 08:16 PM
Untitled document This thread Refback 11-10-14 02:05 PM
Untitled document This thread Refback 10-10-14 01:34 AM
Untitled document This thread Refback 19-09-14 03:05 PM
Untitled document This thread Refback 03-09-14 09:41 AM
Untitled document This thread Refback 01-09-14 09:04 AM
Untitled document This thread Refback 30-08-14 08:18 PM
Untitled document This thread Refback 17-08-14 10:49 PM
Untitled document This thread Refback 14-08-14 03:03 AM
Untitled document This thread Refback 31-07-14 05:42 PM
Untitled document This thread Refback 27-07-14 01:21 PM
Untitled document This thread Refback 20-07-14 09:59 PM


الساعة الآن 02:51 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية