تسلم ايدج خيتوو خوش روايه ‏..‏ ‏
بس انا مستغربه من سيف الحين يحب منو بضبط p:
بانتظار الباارت الياي :) ..

انااااا اكتشفت شي عن شخصية ثااااني ليه هو شكااااك لانه هو يسوي في بنات مثل الي يسوية سيف في اخته عفرى .. يعني بالمعنى الاخر(الدنيا دين وسلف ) وبصراحه الرواايه مرررره عااجبتني واتمنى انك تحددين يوم لتنزيل الباارت ^ـ^

ترقبوني الاحد الياي باذن الله

°°°•°°°°•.¸°الجزء العاشر °•.¸¸.°°°•°°
فطيم سارت عند حمد وحطت ايدها على جتفه تنبهه وقالت : حموود اي واحد احلى
وابتعدت عسب يطالع الفساتين عدل وهي نزلت راسها تطالع الفستان الاحمر من ورى
: اممم الاخضر احلى
رفعت راسها وانصدمت لااا مستحيييل ايالفضاااااااااااااايحح
قفطت ويها احمر من الفشله هاذا مب حمد قالت وهي قافطه :ا.. ا .. سموحه
قطع عليهم صوت بنت طلعت من وراه اللي تصارخ بالفرحه مع صدمه : فطيييييييييييييييييييييييييم
فطيم نقلت عيونها من الريال الحليو والى البنت الجميله ضعيفه وقصيرونه حبتين عكس اليدار سوري اقصد الريال اللي واقفف جدامها... فطيم فتحت عيونها بصدمه هي بعد : شيووووووووووووووووووم >> احم احم لعيون ناس
وساروا تلايموا وتوايهوا
وريال بعد واقف يطالعهم وعلامة استفهام فوق راسه وفخاطره : فضحونا خخخ
شيوم صدت صوب الريال وقالت : سهيل ماعرفتها هاي فطيم بنت قووم عمي علي اللي كنا ساكنين حذالهم
سهيل تم يتامل ويه فطيم اللي منزله راسها وتتوعد لشيوم فخاطرها وقال بستهبال : ايواا فطوموه ام المصيصوو (اللولي بوب ) هههه
فطيم من قال جي رفعت راسها لانها اصلا ما تتذكره لاكن يوم جي قال اتذكرته وقال بثغر بااسم : هيه سهيلووه بوحرفين ( سهيل يوم كان صغير عشقه سوالف الجن بس ماكان يقول اسمهم كله يقول قوم بوحرفين خخخ)
سهيل بنظرة غريبه على فطييم : شعلومج
فاطمه بسرعه قالت : بخير الحمدلله وانت شحالك
سهيل ببتسامه جانبيه : دووم يارب – الحمدلله مانشكي باااس
فاطمه صدت على شيوم اللي واقف وياهموتاملتها دقاق سبحان الله ما تغيرت نفس العيون العسليه الناعسه وخشمها الدقيق وخدودها المورده دووم ومسكتها من ايديها : تعالي بنسير عند العاش بتتخبل عليج
سهيل قال قبل لايروحون :رديها بسرعه
فاطمه وقفت وصدت عليه بطريقه ذكرته بيها يوم كانت صغيره : ترى حمد اخوي ويانا يالس فالكوفي اللي مجابل المحل
سهيل : حمدووه بو صرصور هنيي هههه خلاص شيوم يوم بتخلصين اتصلي فيه – وصد على فطوم – اجوفج ياا فطوموه ام مصيصو بااي
ماعطاها فرصه اترد صد وراح الكوفي جاف حمد مستحيل ينسى ملامح صديق الطفوله مافرقهم الا انتقالهم من بيتهم الى منطقه ثانيه كان وقتها عمر سهيل وحمد 15 سنه والعاش وشيوم 9سنوات وفطوم 7 سنوات
سهيل وقف حذال طاولة حمد وقال بصوت دايم فيه بحه استهبال : حمدووه بو صرصور
حمد انصدم من اللي سمعه هاذا الاسم ما سمعه يمكن من فوق عشر سنوات ومحد يقوله الا هووو رفع راسه وبالفعل كاان هوو : سهييلووه بو حرفين
ونش حمد وتحاضنوا والناس يطالعونهم وهم ولا همهم حد ويلسوا يسولفون
اما عند البنات
تموا يسولفون واتشروا ويا بعض ووهم يحاسبون يتهم مهرة
مهرة : سلام عليكم
البنات ردوا السلام
مهرة تمت تطالع البنت ملامحها مب غريبه وشيوم طبعا ماعرفتها لانه مهره تتغشى
فطيم بحماس : مهرووه لو انتي ذكيه قولي منو هاي
شيوم يوم قالت فطيم اسمها قالت بحمااااس : مهره ابيييه مهروووه
وسارت لوت عليها ووايهتها ومهره علامت استفهام عوده على راسها
العاش ببتسامه شاقه ويهها : مهرو ما عرفتيها
يوم هزت مهرة راسها بلاء العاش قال : ام العراااااااايس
مهره تمت فتره مب مستوعبه عقب شهقت وحطت ايها على ثمها : شيووووووم
وردت لوت عليها
وخلصوا من زارا وطلعوا انتبهوا الشباب لهم وساروا صوبهم وحمد سلم على شيوم ونفس الشي سهيل سلم على العاش وما عرف مهره لانها متغشيه
فقال لحمد يلعوزه : حمد ليكون عرست وما خبرتني
هني مهره قفففففففففطت وحمد اطالعها وابتسم ابتسامة مكر : لا انشالله جريب وهاي بنت خالتي
سهيل قفط هو بعد : اووب السموحه شحالج الشيخه
مهره بتحفظ : لا عادي مسموح بخير وسهاله من صوبك
سهيل وهو يطالع فطيم اللي مندمجه ويا شيوم بسوالف : يسرج الحال
حمد انتبه لشخص مب موجود : مهره وينه سيف
مهره بحيا: راح يشتري شي الحين بيي
حمد – فديت الحيا يارب : اها مب مشكله – حمد صد على سهيل – يلا تعالوا عازمنكم اليوم
سهيل : انا وأختي اسمحلنا الشيخ مستعيلين وبنروح
حمد : ياريال ماشبعنا منك
سهيل وهو يحط ايده على جتف حمد : مره ثانيه اليايات اكثر – وصد على شيوم – يلا شيوم – وعلى البنات وبالاخص عينه فعين فطيم - ويلا بنات مع سلامه
وودع حمد عقب ماخذ رقمه وهو رايح مر من حذال فطيم وجاف الكيس اللي فيديها طالع اللي داخله وابتسم وراح
وراح حمد والبنات صوب الطاعم وخذوا مكان فيه حاجز يعزلهم ع الناس واصلا ومافي وايد ناس
وعزمهم على كباب بحريني يم يم
يلسوا بطريقه انه مهرة ظهرها للباب عسب تاخذ راحتها ومجابلنها وعلى طرف اليمين فطيم وحذالها حمد واليسار العاش
وبعد فتره ياهم سيف وهو زاخ جيستين باريس غاليري ويلس مجابل مهره وبينه وبين العاش كرسي فاضي
كانت الطاوله ست اشخاص
رفعت مهره غشوتها عسب تاكل وهي اتحس انه حمد يطالعها من فتره لين فتره
وسيف يالس يطالع العاش بنظرات من تحت لين تحت
والعاش طاااف
فطيم : بنات تدرون انه شيوم مخطوبه
العاش : جذب ماخبرتني
فطيم : والله تحيدين يوم سالتيها وين تدرس قالت ما ادرس ترى ريلها يبا ياخذها وبيسافرون برع
مهره : منو ماخذه
فطيم : ولد ال ....ي بياخذها وهز يديرقسم من شركة ابوه في ايطاليا
مهرو والعاش : مااااااااااااااااااشالله خطيرة شيوووووووووووم يوم يابت راسه
مهره : تستاهل شيوم من يومها حبوبه وحلوه واخلاقها عاليه الله يهنيها وحليلها بتتغرب
العاش : انشالله يكون نصيبها زين وينسيها غربتها
فطيم : فديتها والله وعرسها ثاني ايام العيد وعزمتنا
العاش : انا شخصيا مستحيل افوت عرسها وابا اجوف ريلها
مهرة + فطيم : خخخخخ
: بنات
صدو البنات على سيف : شورايكم انسير السينما
سيف ماقال جي الا لانه يدري عشق العاش لسينما وبالفعل اول وحده ردت بحماس وبعفويه: عليييييييييه .. فديت افكارك
سكتت يوم استوعبت شو قالت قفطت وطالع حمد اللي يطالعها بنظرة غضب وعتب ولوم
مهره تداركت الموقف : والاجياس اللي ويانا
حمد : انا باخذهم الموتر وبرجع
فطيم : خلاص اوكي بس بي وياك
حمد : خلاص انتوا سيروا ونحن بتييكم
وراحوا قوم حمد ونشوا قوم سيف عساس يروحون بس طلعت اول وحده مهرة واول مابغت العاش تطلع وسكها من ذراعها وثبتها
واتجدم سيف من العاش لدرجه جتفها لصق فصدره وهمس : بس افكاري تتفدينهم
العاش اقشعرت لانه كان وايد جريب وانفاسه لفحت ويهها
وزادت دقات قلبها واول مابغت تبتعد مسكها من ذراعها وثبتها مكانها وقال بعذاب : شو سويتي فيه
وودرها وطلع ومالحقت العاش حتى تفكر باللي استوى الا و مهره داخله تستعيلها
خذت نفس وظهرت وهي تتجنب سيف قد ماتقدر
ساروا السينما على فلم انجلينا جولي اليديد the tourist
وخذو ناجوس وشيبس وبيبسي وكالعاده ديو حق مهرة
ويلسوا
سيف مهره العاش فطيم حمد
........ز
العيد الاضحى
بيت بو سيف
غرفة مهره
كانت لابسه قميص نص كم و طويل لين ركبها بيج وعليه حزام احمر عرييض كانه ضاغط ولقنز احمر طويل مع صندل احمر كان البيج روعه على بياضها وشعرها يايبتنه على صوب ولابسه طوق فيه ورده حمرى على طرف
ورسمت عيونها السود بالجحال ومن تحت عيتها خط احمر رفيع عطاها لمسه سحريه
والبلشر البطريخي والروج الاحمر الصارخ لون شفايفها المليانه بنعومه
ورشت من عطرها المفظل )GOLD (على ثيابها ودهنت بدهن العود ورى اذونها ووقفت بعيد خذت نظرة من فوق لين تحت على شكلها ,على كثر ما البنات يعلقون عليها انها فلااات وماعندها ملامح انثويه فجسمها كثر ماهي نفسها مفتونه بجسمها وبنسبه لها جسمها مثالي ...
امم في شي ناقص يب صبغ الاظافر ويلست على الارض اتصبغ اظافرها المقصوصه يترتيب باللون الاحمر خلصت من ايدها وصبغت ريولها ويلست ميمعه ريولها لصدرها وماده رقبتها الطويله من فوق ركبها تنفخ على اصابع ريولها
ابتسمت ووقفت نفخ وحطت ذقنها على ركبها ونزل شعرها من صوب واحد.. كانها ابعد مايكون عن الارض مع الابتسامه الهايمه اللي خطت شفايفها المليانه ... قبل ثلاث ايام يوم كانوا فدبي مول كيف نظراته اااه ياحمد متى بي اليوم اللي بكون ملكك واتجوفني بدون ماتخاف من شي اكون حلالك ... لك بروووحــ..
: مهرووووووووووووه
رفعت راسها تطالع منصور اللي فتح الباب اتسعت ابتسامتها وهو اونه يدورها مب محصلنها
منصور : مهراااااا وينج –اونه جافها وابتسم – اوه انتي هني هههه
مهره وهي توقف واترتب شعرها مره ثانيه على صوب : اونك ماجفتني
منصور يستهبل : انتي حجرتج بيج واحمر وانتي لابسه نفس الشي ماتبينين خخخ اوووب اوووب مهروو خطيره له مانرووم
مهره اطالعته بنظره تعرفه سياسي نمبر ون : يلا قول شو تبا لا تخرط وايد
منصور : هع هع ابا دهن عودج
مهره : مستحيييل اعطيك المره الللي طافت كسرتلي اياه يلامناك تبا انا بحطلج
منصور اقتنع احسن من ولا شي : اوكي اوكي ها يلا حطي
ودهنتله ورى اذونه وصوب خشمه عسب يوم يخاشم الريايل
مهره وهي اتصكر الدهن العود : خلصت
كان بيروح زخته : تعال عنبو ما بتعايد اختك
منصور : نسيت
ووايهها وستسمح منها وكان بيظهر
مهره : اصبر بطلع وياك
وخذت ولبست شغابهاا (الحلق ) على شكل دائرة حمرا وشريك احمر ربطت بيه رقبتها البيضه ورشت عطر مره ثانيه ونزلت مع منصور عايدت امها ووستسمحت منها وابوها اللي توه راد من صلاة العيد وسيف بعد واموله كانت لابسه فستان اسود احمر واسود جميييل و مزينه راسها بطوق من نفس القطعه طالعه كيوووت واتجهزوا لان هالعيد بيتيمعون الاهل فبيتهم ( عيد عن خالوا ام سعيد وعيد فبيت بو سيف )
بو سيف كان وحيد امه وابوه وتوفوا وهو صغير وربوه اهل ام سيف وهو جافها وحبها(ام سيف ) فمن جذا كلهم اهل
---------------------
: هلا حبيبي
: نشي بعدج راقده دقايق وبرد بتصل بج اذا مانشيتي هب معايدنج
: لا فديتك واعيه واعيه
: يلا بسرعه
وصكر
وبصعوبه قاومت دفئ اللحاف والموسده الوثيره وقامت بالغصب سارت الحمام وغسلت ويها
وطلعت شغلت الليتات وغيرت ملابسها لبست بدي حمالات اسود وفوقه قميص جتف طالع مع سكني اسود
وفتحت شعرها الاشقر وخلته على لفلفته وسشورت قصتها ونزلتها على يبهتها وحطت ورد ورده سوده على طرف
ولبست كعبها الاسود لبست حلق طويل اسود كان ستايلها يناسب بشرتها البرونزيه لانها وحده من الممثلات التركيه
ورسمت عيونها البنيه بجحال اسود وحدت شدو سموكي اسود مع ومادي وبلشر بطيخي يناسب بشرتها البرونزيه والروج احمر فاقع وحطت عليه قلوس شفاف عسب يلمع ورشت عطر على جسمها بالاحرى تسبحت بيه توها بتلبس شغابها الا فونها يرن بنغمه خاصه لشخص خاص ...
عفرى : الوووه
سيف : فديتج وفديت الالوووه الحلوه هاي
عفرى بغنج: ههههه عيدك مبارك فديتك وعساك من العايدين وسالمين
سيف : لا من بعيد ما طاق قلبي يباج اتقولينها فيس تو فيس
عفرى :ههههه خلاص عيل باجر الفليل ماوراي شي بشوفك
سيف : مابغيتي الشيخه بسه قلبي تعذب من فرقاااج مابغيتي ترحمين حاله
عفرى وهي واقفه جدام التسريحه تلبس شغابها : سيفاني والله اني متولهه عليك موت ياغير هالعله ثاني حاكر عليه
سيف : عادي فديتج ادريبج ماترومين بس تراني خذت منج كلمه هب تنسين باجر الفليل فباركنات برجمان يناسبج
عفرى : اللي تشوفه ... حبيبي ترى اليوم بنسير حتا
سيف : ومتى بتردون
عفرى : امم على الاغلب الفليل لان هالمره بنتيمع عند يدوه غبيشه
سيف : زين حليلها يدتج
عفرى : بس المشكله ملل بنات عمي ماينبلعن احس بهم old faction ووايد خقاقات مادري على شو انا احلى عنهن بمليون مره
سيف :يالله عليج انتي بس وشي احلى عنج فديتج انتي ماعليج منهن انتي شيختهن ولا يهزج ريح .. يلا حبيبي بصكر عنج وصلت المصلى
عفرى : اوكي حياتي دير بالك على نفسج تراك مب ملك نفسك
سيف : ههههههههه انشالله تامر امر يالقلب بس عطيني بوسه قبل لا اروح
عفرى : اموواااح تيك كير baby
صكرت الفون وانسدحت على الشبريه اااااه ياسيف متى بكون فبيتك واكون ملكك والله لا اخليج ملك على عرشك
مكان ثاني فنفس البيت
: حشى مستوي حرمتي
: دواي اوعيك من الرقاد عسب انسير اتصلي بسرعه نش خمس دقايق وانا عند باب بيتكم وع الخديه ثاني وياك
مطر وهو يوقف : انت منو ماكلنك فلفل على صبح هدي هدي
سهيل : يابروووودك يلا بسرعه
مطر يطالع التيلفون : هههه السبال
وفرالتيلفون وسار الحمام – كرمكم الله – وظهر وتكشخ ولبس سفره شال ولبس العقال اللي يجوفه يقول واحد من عيال الشيوخ
- عفرى جميله طالعه على مطر اللي يشبهون امهم اما ثاني سبحان الله اللي يجوفه يقول قطعه ابوه سبحان الله الشبه فضييع –
-نرجع للقصه –
سار مطر ومر على ثاني لقاه زاهب بس يالس يتغتر
مطر : يلا سهيل يتريانا تحت
وفنفس اللحظه رن تيلفون مطر وجاف المتصل سهيل
مطر قبل لا يرد : يلا هاذا سهيل بسرعه تعال –ورد على التيلفون – ها شيبه خلاص وصلت
سهيل يهازب : بسرعه
طخ
مطر وهو نازل من الدري يصارخ : ثاااااني بسرعه

ونزل مطر وركب وهو ودقايق ويا ثاني وراحوا مصلى العيد وسهيل قاعد يهزبهم
ههههههه مساكين
عقب ماصلوا وخلصوا
ساروا قوم سهيل ومطر وثاني صوب سياره وبالحظ كانت سياره حمد واقفه حذال سيارتهم
حمد اول ماجافهم وسلم عليهم وعايدهم
مطر وثاني عقب ماسلموا ركبوا السياره خلوه يسولفون رواحهم
حمد : تراك معزوم فبيتنا
سهيل : تم فالك طيب والله انا متولهين على بو سعيد
حمد : خلاص عيل بشوفك فبيتنا وجانك بتيب الاهل وياك الوالده بتستانس
سهيل : انشالله بس ما اوعدك

+++
فبيت بو سعيد ( ريل اخت ام سيف )
فطيم والعاش يالسات فالصاله مع امهم وخالتهم (ام سيف ) اللي توها واصله
السفره ممدوده بطول الصاله والحريم داخلات يسلمن ويسولفن
ومهره فحجرة فطوم تفصخ عباتها
وقفت جدام المنظره وزادت الجحال فعيونها وزادت على الروج وضبطت الضاغط الاحمر اللي على بطنها ورتبت شعرها
مره وحده تبطل الباب
: فطيم
وتلاقت العيون ووقفت شغف عن الكلام

هههههه

!!
!!
!!
هاذا البارت العاشر
واتريوا ايديدي عساه يعيبكم
ويكون قد المقام

واشكر كل من مر على روايتي

واسعدتني ردودكم حبايبي


باقة ورد >> لكل من رد على روايتي

*ياريت اجوف نقدكم بعد لان هو اللي يفتح عيوني على الاخطاء

واذا فنضركم استاهل اتقيم قيموني

^^

يعطييج العافييه
متى البارت الياي ‏‏< وايد متحمسه p:
ممم ماعندي تعليق ع البارت ‏

فديت الناس اللي تحمس

ms_q8 و سيدة سن توب و غلاها غير ( مفتقده ردودج غلايه )

نورتوووني لاعدمنا ردودكم يارب

^^


°°°•°°°°•.¸°الجزء الحادي عشر°•.¸¸.°°°•°°

فبيت بو سعيد ( ريل اخت ام سيف )
فطيم والعاش يالسات فالصاله مع امهم وخالتهم (ام سيف ) اللي توها واصله
السفره ممدوده بطول الصاله والحريم داخلات يسلمن ويسولفن
ومهره فحجرة فطوم تفصخ عباتها
وقفت جدام المنظره وزادت الجحال فعيونها وزادت على الروج وضبطت الضاغط الاحمر اللي على بطنها ورتبت شعرها
مره وحده تبطل الباب
: فطيم
تلاقت العيون
=========
مهره ( بتكلم عاساس مهره )
=========
وقف قلبي من طاحت عيوني عليه
هو اللي ملك تفكيري ...
هو اللي شغل بالي ...
هو اللي مايجوز بجوفني جذي ...
هو حمد ...
ليشر ريولي موراضيه تتحرك ليش احس نظراته تقيدني تملكني تأسرني احس نضراته تتفحصني
: اقري على عمرج
قال جملته وعطاني ظهره وطلع
احس قلبي فاذني حطيت ايدي على قلبي اللي موراضي يهدأ احسر يولي مو قادرة اتشلني ياربي عيني
( شهيق زفير)
خلني اظهر مب حلوه يلستي هني خلني اخذ شيلتي اخاف مايكون راح
طلعت والحمدلله مافي حد
دخلت الصاله
سرت سلمت على شوااخ وعايدتها ومرت سعيد وكمن حرمه ماعرفهم يمكن ربيعات خالو وسرت يلست منبين ام الفستان الاخضر فطييم طالع خبال على بياضها حبيت طريقه لفها لشعرها البني كانه كيكه عووده يبالي اسالها عقب كيف سوتها تنفع حق اليوم الاسود خخخخ والعاش الهنديه لابسه ساري عنابي طالع غرااام على جسمها احلى مافيها جسمها وشعرها وطع الحماره قاصه شعرها وصابغتنه بعااااد .. لابس حلو عليها هع
فريت عمري بينهم
ففطيم : اححح يافقمه فعصتيني
مهره : هع هع هع هاذا المطلوب
لفيت على العاش اطالع شعرها والاكسسوار اللي نازل من النص على يبهتها : وانتي ام السعف والليف شعنه قاصه شعرج
قامت تدلع بشعرها : بذمه مب جنه شعر برينكا تشوبرا ففلم دوستانا
توني اركز على هالنقطه صدق صدق نفس القصه لاوبعد صابغتنه نفس اللون والعاش اصلا سمرا بس مب وااايد يعني سمارها سمار عرب ولابسه عدسات عسليه طالعه صدق جنها برينكا تشوبرا ياغير العاش شفايفها صغيروونه وخشمها يالله ينبان من صغره : ياحمارا طالعه صدق تشابهينها ولايق عليييج
فطيم بحمااس : بنااات ابيييه خالوه ام سهييل فديتها
ونشينا كلنا انسلم عليهم وحسيت خالوه انصدمت يوم شافتها وحليلهم تمو نص ساعه لاويين على بعض وحليلهم يغمضوون ويت ويت بمسح دمعه .. آآآآ ه يالبي
يلسنا انسولف ويا ام سهيل حليلها طيوووبه عسل حافظ عليها مر الوقت من غير ما انحس في شي لاحظته ام سهيل وايد تطالع العاش ابييه لايكون تباها لا اسمحيلي خالوه العاش مالتنا ...
خالوه ام سعيد : فطامي امايه تعالي شويه – سارتلها فطيم ومادري خالوه شو قالتلها
===========
سهيل
===========
يلست حذال حمد وسعيد اللي مكشخ ولده وميلسنه حذاله اطالعت حمد حسيت فمكاان بعيد صديت صوب بو سعيد اللي زقرني
: وسهيل وشخبار بو سهيل ويدك جان مايبتهم وياك
نزلت راسي دايما يحزني ذكره وليش ما احزن مب هو اللي رباني وكبرني وعلمني من بعد ابويه كيف ما احزن كيييف ويكفي انه توفى وماودعته ولا عرفت اذا هو راضي عليه ولا ..
: يدي عطاك عمره
بو سعيد واصوات متفرقه من الميلس : ان لله وانا اليه لا راجعون – بو سعيد بصوت متاثر بحكم عشرة العمر- ومتى توفر الموحوم وشقايل توفى هو مب من كبره
قلت وكان الكلام تحشرج ومب طايع يظهر : احححم الوالد الله يرحمهتوفى قبل جذا اربع سنسن كان عنده السكري
بو سعيد وعدة اصوات ممن كانوا يستمعون للحوار : الله يرحمه ويجعل مثواه الجنه
انقطع الحديث بدخول ريال ما حسه غريب.. طويل بس مب ذاك الزود وضعيف بتناسق مع طول كان لابس كندوره سوده وغتره حمرا ووحنطي عيونه سوده وسيعه وحلوه وخشمه سليل وكان مسوي قفل والمميز فشخله حنجه ( فكه ) المربع يدل على ثقة بنفس .. ماحسيت الا وهو واقف جدامي تخاشمت وياه فنفس اللحظه اللي رن فيها تيلفوني اتعداني يسلم على البجيه اما انا رديت على التيلفون وكانت الوالده
: هلا امايه .. خلاص اوكي .. اوكي اوكي والله الحين بظهر. . فداعه الله
وصكرت التيلفون ولاشبع فضولي سالت حمد : حمد منو الريال اللي توه دخل
حمد : ولد خالتي سيف
قلت وانا اوقف : اهااا .. زين عيل اسمحلنا ابويه انا بترخص
وقمت ودعته هو واللي فالميلس وانا اسمع اعتراضاتهم وفنفس الوقت بوسعيد يامرني باني اييه مره ثانيه
طلعت من الميالس اتصلت فامي قبل لا اظهر من باب الحوي سمعت حشره استوت من وراي صوب باب الفيلا تبعتها شهقه لفيت اطالع منو كل اللي جفته طرف فستان اخضر .. ابتسامه شقيه حلت على شفايفي .. هي ادري انها هي ام المصيصو ..ههههههه .. بخبركم سالفه دامنه امي بعدها مايت صبروا بسير السياره احسن ... اووف اوكي مره يوم كنا صغار كنت تقريبا 12 و ام المصيصو عمرها يمكن امم 4او 5 السنوات يالسين فميلس بيتهم موهالبيت لاقبل كنا ففريج ثاني المهم فالحوي كانت الخدامه وخالوه ام سعيد يغسلوون الحوي وصابون وماي وحاله وخالوه تبا تشتغل وفطيم ملعوزتنها
: حمد قوم شل اختك ودها الدكان لوعت جبدي
وحمد كان يلعب اتااري لاوبتفق بعد يذبح البط ههههه .. احم المهم حمد لانه مايبا يودر اللعبه فتم يباغم من مكانه عسب تسكت لاكنها تعرف انها اخر العنقود ومحد يقوللها شي فزادت صريخ وبما اني ماكنت العب وشيخ حمد بيذلني لين مايعطيني فقلت بوديها حجه وحاجه
: خالوه انا بوديها
عطتني ريالين ههه محد يضحك على ايامنا كانت خير وبركه طبعا ريال حقي وريال حقها
ام سعيد : انتبهوا عن السيايير
زخيت ايدها وسرنا الدكان وصلنا الدكان
: شوتبين
: ابا مصيصوو فلاوله
:بعد شو تبين
اطالعتني بعيون بريئه يبين انها كانت اتصيح وخدودها محمره : انته شو بتاخذ
: جبس وببسي
: انابعد ابا بسبي
ضحكت على شكلها لان ضروسها اللي جدام طايحه فشكلها نكته وهي تقول بسبي : مب زين الببسي
: ليش انت انا بعد ابا
: خلاص انا ماباخذ ببسي
وما شتريت ببسي بسبتها اسميني عصبت المهم ظهرنا من الدكان تميت امشي راد البيت
: فطامي بتين بيتنا عند العاش وشيوم
ماسمعت رد صديت وراي محد عوذ بالله وين اختفت رفعت راسي ادورها يمكن خطفت الشارع .. مافي حد صديت صوب الدكان ولا اجوف الشيخه واقفه وتبا تفتح المصيصو مب رايمه شكلها نكته هههههه
كانت ماده شفتها اللي تجت ومحطيه لسانها وراه وتبا تبطل المصيصو بالاحرى تضارب وياه سرت عندها رسمت على ويهي ملا مح غضب تميت واقف اتريا منها ترفع راسها وتطالعني بس ابدن .. شكلها ملت رفعت راسها وهي تتأفف جافتني واقف اقل شي توقعته انها تخاف مني او تصيح لاكن مدتلي المصيصو شكلها , براءتها ماتخليني اقاوم الابتساامه
: سهيل بو حلفين افتحه
فتحتلها اياه بس كان المقابل بوسه
هههه يوم اتذكر خدودها فخاطري ايرهم لين ما اقول بس
استيقذت من ذكرياتي على باب اللي حذالي وهو يتبطل وامايه تيلس
: ياااله بسم لله الرحمن الرحيم – صكرت الباب – سلام عليكم
رديت السلام وانا اسوق السياره عسب اطلع من فريجهم
: ها امايه شو رايج
ام سهيل بصوت لعب عليه الدهر : حلييلها ام سعيد علني افداها حافظ عليها هي وبناتها كل وحده اتقول الزين عنديه
-صدت على سهيل – شورايك اخطبلك وحده منهن
هممم فكره زينه وطبعا مابا غيرها : شورج وهداية الله
ام سهيل : انا دشت فخاطري العاش واحسب ها توالمك
العاش لالالا انا ابا فطامي مو العاش : لا امايه مابا
حسيت بمايه تطالعني بنظره غريبه : توك اتقول شورج وهداية الله والحين ماتبا , العاش شيخة البنات جمال ومال ودلال حافظ عليها
ماعرف ليش نرفزتني فكرة اني اتزوج وحده غير فطيم : امايه ماباها لو كانت احلى وحده فالعالم
ام سهيل : هيد هيد عيل شورايك باختها فطيم
هيه هاي الحرمه : اللي تشوفينه
ام سهيل : هههههههه والله عليك حركات ياسهيل قول من البدايه انك تبا فطيم
==========
عفرى
==========
اوووف ياكرهي لهالحتا ,انا ماعرف شو الهدف من سيره بس حكم قرقووش مانروم له , اصلا انا ما عرف شو يحب فيدوه بس فالحه فالتعليق لبسي شيله عدل وشوهاللبس اللي لابستنه ومادري شو مستوتلي ثنوي توو ناقصه انا اتيني عيوز القايله ... اوووف
حتى احس امايه ماتبا اتي بس عسب خاطر مطوور يايه .. فديته وعديت عرضه والله انه شيوخي امسات ميثو مأذتني اونه تبا رقمه ههههه بيني وبينكم حتى احلى عن سيفاني بس سيفاني عيونه عذااااب عيون مطوور ناعسه وبنيه اما شيفاني عيونه وسيعه وسوده ومطوور طوله عذاااب انا اوصله لين جتفه حافظ عليه بو غييث جمييل..
: عفرووه شو تبين
اطالعت ثنوي يبا يسير يشتري من الشيشه
حطيت ريل على ريل : ييب لي توستو وفرييز فراوله
وخذ طلبياتنا كلنا ولحق مطر اللي نزل قبله
اوووف هاي ميثو مادريبها وين مب اوون اووف اكيد الهرمه نايمه يبالها جيك ماي مثلج
اوووف رفعت راسي عن البي بي انصدمت هيييييييييييييييء
مستحييييييييييل
مطر يدوووخ .. مطر يدوووووخ
انصدمت اول مره ادري هههههههههه واي شكله رهيييب وهو يدوخ احسه جنتل مان وااااي فديته شكله شيوخي بالعقال وشال البيج اللي جاسف طرفه والنظاره البنيه من ارماني وخشمه السليل ولحيته اللي خافنها وطوول وعرض هههههه المشكله انه اخووي خخخ
صديت على امايه وقلت : ماااامييي مطوور يدوخ
امايه بصوت حزين : هيه من يوم داوم وهو يدوخ الله يهديه
طرت فبالي فكره : امايه ليش ماتعرسينه
امايه : قلت له بخطبلم عبير بنت عمج
انكمشت ملامحي على الاسم : وععععع سوفاااااج امايه شو عبير اخخخيييج
امايه : عن يطيح حنجج ارتاحي ما يباها اونه عبير مليانه وهو يبا وحده ضعيفونه اونه
: هههههههههه اوووب خطير عنده شروط بعد
قطع سوالفنا دخول ثاني ويا مطر
وكملنا الطريج اووف
حطيت السماعات الايبود اعدي الوقت باغاني انريكيه ومساري وايكون
...
: عيدج مبارك يدوه
حبيت راسها هههههههه لو اتجوفون نظراتها وهي تطالعني هالمره لبست بنطلون ماعلي من حد حسيتها بتضربني بالخيزرانه ههههه
وهالمره كانوا بعدهم قوم عمي مايوووو احسن احين اكيد منيره بتي وبتمشي الوقت وياي سرت يلست حذال على غنفه بروحي مادري وينه سيفاني مايرد اوووف
: عفرى شحالج .. امباركن عيدج وعساج من العايدين
رفعت راسي الا بذاك صاحب النظرات الغريبه ما حب نظراته تحسسني ماعرف كيف بس شعور غريب اييني يوم اجوفه يطالعني بهالنظرات .. نظراته وقحه
رديت عليه السلام وعايدته وهو راح يلست حذا لامه لاوي عليها
عبدلله : ها ام عبدلله شحالج
عمو عليا : يلا مناك توك مسلمه عليه ومعايدتنك بعد
ثاني : ماعليج عموه دومه راعي حركات
عبدلله : امممف عليك انا راعي حركات ماعلي ياثاني حرام ان مافريتك فالوادي
رن تيلفون مطرنش وظهر عنا
دقايق ودخلت عمي وراه حرمته والعلل الثلاث تعالوا بلاه ثاني جي يالس يطالع امنه بل بل شوي وبياكلها
دخلوا وسلمت عليهم ووايهتهم وظهرت سرت المطبخ ابا احط الفريز مالي ماشريته
جفت خدامتهم الخديه راتنا واقف هانا هاي وايد تقهرني احس مسويلها سالفه كف واحد وانتهى الموضوع
راتنا وهي تمد ايدها اتسلم : أيد مووبارك اافراا
شمأزيت من ايدها الخشنه ولاعت جبدي وع وع مامديت ايدي بس ابتسمت اجاملها : عيدج مبارك راتنا
واتجاهلت ايدها الممدوده ورحت صوب الثلاجه حطيت الفريز ويوم بغيت اظهر سمعتها تتحرطم وجلعتين
ماكنت ابا ارجع الصاله وفالحوي مطر يالس يرمس بتيلفون فرحت ورى البيت كان في دري اللي يودي على السطح
رحت يلست على الدري نزلت شيلتي على جتفي وفتحت شعري
اااااااااااااااااااااه يا الهوى روعه احس به يدخل فشعري
: كححح كحح
صديت ورى اووووف ناقصه انا حطيت الشيله على راسي بدون ما الفها
يالله مع هالنظرات : ليش يالسه هني
مايخصك عفرى : بس جيي
سار صوب هوز الماي وشلاه ورد يطالعني : لا تيلسين بروحج ماباج تيلسين بروحج
وسحب الهوز ورااح استغربت النبرة ما اعرف شو ورى نظراتك وصوتك يا عبدلله
===========
العاش
==========
اووووف مر العيد بسرعه الحين الساعه عشرونص الفليل باجر عرس شيوم الدبه اووف ماعرف شو بلبس
فطامي نايمه وماعندي حد اشاوره اوووووووووووف
ملل .. فريت عمري على شبريه
ماعرف ليش طرى على بالي سيف .. ابتسمت .. سيف ماعرف لين وين بتوصل بحركاتك .. انا الغلطانه اللي عطيتك مجال من البدايه كان مفروض من البدايه كف .. اتقصين علة منو يالعاش هو بس يوم يجرب منج يوقف نصخج .. لفت خصله من شعرها على صبعها وغمضت عينها تسترجع كل الاحدااث اللي ستوت ويااه
طق طق طق
صلبت عمري وعدلت شعري : ادخل
طل حمد براسه والابتسامه محليه ملامحه : واعيه
بادلته الابتسامه : حياك
دخل ويلس على كرسي التسريحه : ابا اشاورج بشي
.....
وهاذا البارت الحادي عشر
البارتات اليديده هي حبكة القصه
ترقبوني

!!!!!!!

!!!!!!!

!!!!!!!


شغف الامارات