البارت الثامن

مهرة شغلت غنيه حربي العامري
ونشت العاش فصخت الشيله وفرت القبضه عالشبريه وقامت تنعش وتستهبل
ونشت فطيم تيول وياها ومهروو ناقعه ضحك على خبالهم
مهره : والله مخبل
وقاموا العاش وفطيم يرقصون عدل ومع بعض كانت حركاتهم مع بعض ناااااايس
مهرة صفرت وهي تضحك : له له له الخصر ذوبني هههههههه
وهم في قمت اندماجهم تبطل الباب
وكل وحده تيبست وزادت دقات قلبهم من الخوف
العاش + فطيم + مهره : املوووووووووووووووووه
امل تضحك : هع هع انا جافيتكم انتوا تلقصوووون هع هع
احين بخبل تيييييييف
فطيم بققت عيونهم : زخوها بتفضحنا ههههههه
ركضت لها العاش تبا اتزخها اضطرت تطلع من الحجرة بدون شيله وسبه هالبطه هههههه
توها امل بتطلع من الممر الا تدعم سيف
سيف متلبس بيا يظهر حس بشي متعلق فريووله اللي دعمه نزل راسه جاف اموله اتصارخ : تيييف تيييف
سيف شلاها ورفع راسه وانصدم بللي واقفه جدامه بليا شيله والشعرمردود على ورى بطوق و طايح على جتفها ولاعندها خبر بحالها
العاش فقيره نست انها مب لابسه شيله كانت عيونها على اموله تترياها تخبر سيف انهم كانوا يرقصون
سارت عيونها صوب سيف انصدمت بابتسامت الخبث اللي عشفايفه وبنظراته اللي تخترقها وتحرقها
اموله : تيييف فتيييم والعاششش كانوا يلق ..... اااااي
سحبتها العاش بسرعه وبغت تشردمع اموله قبل لا اموله اتقول شي بس يد سيف اسرع زخها من ذراعها وسحبها صوب الايدار وثبتها واموله حليها تتتحراهم بيتضاربون فشردت
العاش زادت دقات قلبها اتحس قلبها فاذنها سيف كان جريب منها ومايفصل بينهم والا كم سانتي جرب ويهه منها وقرب شفايفه من اذنها وقال بهمس وريحه دهن العود تداعب خشمه : العاش ارحمي حالييه دخييلج
وهدها ولف وراح قبل لا يتهور
العاش ريولها ماطاعت اتشلها قعدت وحطت ايدها على قلبها وقف قلبها يوم حست بخصلة شعر تحت ايدها
على طول حطت ايدها على راسها وشهقت وركضت صوب حجرة مهرة وصكرت الباب واتساندت عليه
ومهرة وفطيم بطالعونها بستغراب : بلاج جنج جايفه جني
العاش تتنفس بسرعه : جفت سيف
فطيم بتطنيش : عادي لاه يمكن ما انتبه
العاش وهي تسير صوب المنظرة اتجوف شكلها شهقت وقالت : وجافني جي
تمت تطالع عمرها فالمنظرة كانت لابسه مخوره بحلج مربع ووسيع نحرها كان طالع وبدايه صدرها بعد وشعرها طايح على جتابها : يافضيحتج ياعواش
مهرة بحماس : يعني هوشافج
العاش صدت تطالع مهرة وردت عليها فقلبها : ياليته لو بس شافني وراح
مهرة خذت سكوت عواش على انه شافها مهروو اتجدمت و لوت عليها ووايهتها وبتعدت وقالت : مبروووووك واخيرا بيستوي عندنا عرس – صدت تطالع فطيم اللي تطالعهم وعلامة استفهام على راسها – فطييم يبالنا نفصل فساتين عرس يديده
العاش ضربت مهرة : اونج يعني وحده بوحده هااا
مهرة : اححح يعور يادبه
فطيم : ههههههههههههههه توني افهم هههههه حلوة مهرة
شورايكم بنمر على عفرى بنسلم عليها شوي
عفرى عايشه حياتها حاطتلها كوشينتين ومنسدحه على الارض مجابل التلفزيون اتجوف mbc max وخافه الصوت وسماعات الفون فاذنها وتاكل حب والباربيكان حذالها والبيت فاضي وهدووووء ومحد فيه الاعفرى اللي كانت تكسر هدوووء بصوت ضحكتها
عفرى : ههههههههههههههههااااااي والله قويه ميثوا شو سوى يوم جي قلتيله ههههههههههه
ميثا : عيل تتحريني هينه والله شرشحت اسلافه ماخليت سبه ما سبيته عيل انا قاص على سنتين ارمسه ومغربله عمري سنتين وقاص علي صبري صبري وبخطبج وبخطبج اخر شي اونه شو – تقلد صوت الريايل مع البحه – خطبولي بنت عمي – ترجع لصوتها الدلوع – جلعه تجلعك انت وبنت عمك
عفرى : يعني ميثوا صدق صدق قلبج ماعورج يوم ودرج
ميثا : تبين الصدق هيه شويه بس نفاااد اللي مايباك لا تصيح تباه وبعدين ايه انا ارمس كاسكو بسج عنبوا ارمسج طق طق تكسرين حب
عفرى :chiliko chiliko >> كلمه بين البنات للمغايض
ميثا : خسفوا خسفوا
دخل ثاني الصاله من باب المطبخ جاف الشبخه عفرى لابسه برمودا جنز مغبر وبدي ربع كم علي سبونج بوب ومنسدحه جدام التلفزيون وضحكتها واصله لين اخر الشارع انته ان السماعات فاذنها
وهي مب منتبه له
ثاني : ترمسين منو
عفرى نقزت : بسم الله ... اوووف ربيعتي
ودرها سيف عقب ماعق عليها نظره وراح غرفته اما عفرى صكرت عن ميثا وتمت قاعده تكمل الموفي
حدرت الصاله امها وفصخت عباتها وفرتها على الغنفه وقعدت
ام مطر : يالله انكسر ظهري جنه ما تم حد فدبي كلهم فالجمعيه ماشالله
عفرووه سيري المطبخ خذتلج السامان اللي بغيتيهم
عفرى : يوم بيخلص الموفي
..............................
يلا ركبوا سياييركم بوديكم مكان يديد عليكم
في وحده من الابراج اللي على شارخ الشيخ زايد
الطابق الرابع
مكتب فهد ال .... للعقارات
ورى مكتب فخم من الخشب الراقي ومزود بجميع الوازم المكتبيه
كان مطر يالس على كرسيه ولابس نظارة القرايه وامارات الجديه على ويهه
ويقرا اوراق خاصه بالعقارات التابعه لشركته
اندق الباب بصوت هادي
مطر وهو مارفع راسه عن الاوراق
:تفضل
دخل عبد الفتاح السكرتير الخاص بمطر مصري الجنسيه : يا استاد مطر عندك ضيف
مطر بستغراب : منو ؟؟
عبد الفتاح : مارضيش يؤولي يابيه
مطر فر القلم اللي فيديه : خل يتفضل
مطر حتى مالحق يكمل كلمته الا وتسلل لاذنه صوت توله عليه : شبلاها النفسيه
مطر تهلل ويهه وتلتها ابتسامة ثم ضحكه : سهييييل
نش مطر وتوايهوا هو وسهيل
عبد الفتاح استغرب من مطر لان دوم رسمي معاهم و مايتكلم الا بالاوامر
فاول مرة يجوف هالجانب من شخصيه مطر
ماحب يدخل اكثر تركهم وطلع
مطر : حياك حياك قبل كل شي شو تشرب
سهيل : اي شي بارد
وطلبله مطر وسار يل سوياه على اليلسه اللي فمكتبه
مطر : خبرني شقايل رخصوك
سهيل : بعد سهيل لازم يرخصوني هع
مطر :اونك .. يعني ماشي رجعه
سهيل : لا بسني مليت منها بلاد العنقليز
مطر : هههه ها قدمت على وظيفه
سهيل :البارحه تمس راجع متى لحقت
مطر : هي زين لان شغلك محفوظ عندي
سهيل : بس انا اللي اعرفه عندك محامي تراني ماحب اكون سبب في قطع رزق الريال
مطر : هي عندي بس الريال كبر وهو مقدم على تقاعد وانا لين الحين مب موافق لان خبره فالشركه ومواضيعها فاباك اداوم معاه وتتعلم منه وتعرف لشركه وساعتها بنعطيه تقاعد وبنخليه يرتاح
سهيل : خلاص عيل دام جذا السالف هانت كريم وانا استاهل ... صدق انت ما تسير ميلس بن حمد البارحه سايرلهم ويتنشدون عنك
مطر : ياريال انا عندي وقت احج راسي بس ماعلي اليوم ماعندي شغل مر علي وبنسير يميع
سهيل : تم .. هي صدق شخبارها عيوزتكم
مطر : تسلم عليك ودومها تنشد عنك
سهيل : فديتها والله
مطر : ترا عشاك اليوم عندنا
سهيل : انا اللي اليوم ياينك تراك معزوم باجر الوالد مسوي عزيمه بسبة رجعتي من سفر
مطر : انشالله
نش سهيل وسترخص من مطر وراح
ومطر بعد شل اغراضه يبا يرجع البيت نزل للبيسمنت وركب سيارته وظهر كان على شارع الشيخ زايد وكالعاده زحمه شاف ساعته السواتش الساعه اربع ونص شغل الاف ام كانت غنيه مرت سنه
مرت سنة والعين يعشقها السهر . . . ومرت سنة والشوق باقي ما انمحى
ومرت سنة والقلب ذابحه الهجر . . . ومرت سنة والهجر عيّا ما استحى
ومرت سنة ومرت سنة وأنا أنتظر . . . ومرت سنة والوصل نايم ما صحى
ومرت سنة ما جا من الغالي خبر . . . ودارت على حّب المحبّين الرحى

ومرت سنة صابر وعذري في الصبر . . . شماتت أصحاب الشوارب واللحى
وعيونه السود وشفايفه الحمر . . . وجديل يضىفي فوق متنه لا انتحى
وصدرٍ يسد الليل عن نور القمر . . . وخدٍ يسد الصبح عن شمس الضحى
ومرت سنة واخاف لا يروح العمر . . . وأنا أنتظر والشوق باقي ما انمحى

مع كلمات الغنيه ظهر من الزحمه ووصل البيت على خمس وربع

وجاف ربيعة امه ام احمد يالسه ويا امه

سلم عليهم وسار حجرته خذاله شور سريع وراح يرقد

!!!!!

!!!!!

!!!!!

سوري عزيزاتي على التاخير والبارت القصير بس الظروف منعتني عنكم حبايبي

لاعادي حبيبتي خذي راحتك
يسلموووووو على البارت ...
غريبه ماحطيتي قفله قويه واسئله هههههههههه تعودت عليك ....

عفرى صادقه انتي يوم انك لابسه سفنج بوووووب ههههه ماهى صاحيه
وانا اتشره على البزارين وانتي رايحه تلبسينها ....

يعطيك العافيه بانتظار البارت التاسع...

حبايبي اتمنى احصل تشجيع اكثر من جذي
لانها اول روايتي ومحد انولد كبير
وبعدني فبدايتي فياليت احصل دعمكم اكثر لاني اكبر فيه
######
°°°•°°°°•.¸°الجزء التاسع °•.¸¸.°°°•°°
....
....
الثلاثاء
4:30
بيت بو سيف
: هييييلوووو الشيخه مهرة is tacking can I help you
العااااش : خوش شيخه والله لا بعد اتقول can I help you هههههه اسميج قاصه على عمرج
مهرة : جب جب جب حمدي ربج رديت عليج تتفلسف بعد
العاش : مسعيله الحين جان رديت عليج دبه اسمعي نحن سايرين دبي مول بتين
مهرة : متى سايرين
العاش : الحين بنطلع من البيت جان بتين دقايق تجهزين وانا عندج
مهرة : الله ينطبج احينه مخبرتني
العاش : وايد تهذربين سيري لبسي لين ما نييج .. باي
وطخ صكرت التيلفون
مهرة تطالع تيلفونها جان اتقول : خبله
: ترمسين منو انتي
صدت تطالع امها اللي شاله اموله النايمه وسايرة صوب حجرتهم لحقتها مهرة
مهرة بتردد : امايه ابا اسيرمع قوم العاش السوق
ام سيف وهي تنزل بنتها فالشبريتها بهدووء ولحفتها وباستها بحنااان
كل ها ومهرة تطالعها مهرة فخاطرها : فديتج يمايه دوم قلبج حنون لله لايحرمنا منج
ام سيف طلعت من الحجرة وطلعت مهرة وياها
ام سيف : ومنو بيوديكم
مهرة : مادري ماسالتها
ام سيف وهي سايرة الصاله : توه سيف ياي من برع سيري وياه
مهرة :اوجيج
وسارت صوب حجرة سيف تمت ادق على باب حجرته
ياها صوته من داخل : ايوا ايوا عاشو عاشو يابس يابس
فتحت الباب وخلت وكملت دق على الباب وسيف خذا المشط وتم ايول بيه
مهرة : عااااااااااااش سيف عااااش روحححححح
اتجدمت مهرة ومتم تحرك راسها اونها تنعش
ومرة وحده
دبوووووووووووف
: اخخخخخخخخخخخ رااااسي
سيف وهو يالس على الارض ميود بطنه : هههههههههههههههههههههههههههههههههههههههههههههههههههههههههههه ههههه
وااااااااااااااااااااااااااااااااااااااااااااااااككككككككك
كرككركركركركركركركركركركركرككرركركر
اي بطني الله يغربل بليسج يامهروه

مهره وهي محطيه ايدها على راسها مستويعه فنفس الوقت مبتسمه على ضحكت سيف : سبااااااااااال يوم ماتعرف تيول ليش اتيول وتكسر راس الناس
سيف : الله ينطبج صدق انج نكته انتي اللي داشه عرض
مهرة بحماس : ضربتني الحين توديني السوق
سيف ويمشط شعره الخرسان : مب فايج
مهرة : حرام والله قوم عواش الحين بيمروني فابا اسير وياهم بس امي اتقول تعال ويانا
سيف العاش فسالفه : همممم منو بيوديكم
مهرة : يا حمد ياسعيد
سيف : انزين ذلفي خل البس
مهرة سارت كفخته وقالت : ثنكيوو
وشردت سارت تتلبس دقايق ووتصلت عواش
عواش : يادبه حمد يقولج خمس دقايق مايتي راح عنج
مهرة : قوليله تتمنن عليها ولا شو
عواش : يقولج هي عندج مانع
مهرة توها بتتكلم سمعت حس حمد يصارخ : مهااااااري ترها تألف انا ما رمست حتى
العاش : هع هع هع
مهرة : اوكي حسابج عندي ماعلي براويج
وصكرت التيلفون ظهرة مهرة من حجرة وهي نازله صارخت : سيف يلااا بسرعه بنتأخر
وصلت الصاله جافت امها ضاهرة من المطبخ سارت حبت راسها : امايه بروح باااي
ام مهرة : هالله هالله بعمرج وثجلي
ظهرت مهرة من الصاله
ولبست غشوتها وبطلت الباب
جافت لكسز حمد واقف قلبها دق
مشية برزانه بطلت الباب السيارة اللي ورى مساعد السواق جافت فطيم يالسه
وقالت فطيم وبتسامة نذاله فويهها : الباب الثاني
سارت الباب الثاني عقب ماعقت نظرة قويه على فطيم
وفطيم ضحكت
سارت الباب الثاني فتحته ركبت
مهرة : سلام عليكم ورحمه
فطيم والعاش وحمد : وعليكم السلام
حمد وهو يطالعها من المنظرة : شحالج مهرة ربج بخير
مهرة برزانه وحيا : بخير الحمدلله شحالك انت
حمد : عله مديم الحمدلله يسرك الحال
مهرة بنظرة خبث وهي تطالع عواش اللي يالسه حذال حمد : ترى سيف بي ويانا
العاش احمرت ونزلت ركبت من باب مهرة عساس مهروا اتكون فالنص بين عواش وفطيم
العاش وهي تهمس لمهروا فاذنها عسب ماينتبه حمد للي يتعبث فالبي بي
العاش : قسم بالله نذله
مهرة : هع هع هع وحده بوحد ...
قطع كلامهم دخول سيف السيارة
سيف : اوووف سلام عليكم

حمد +البنات : وعليكم السلام
حمد : بلاك تنافخ
سيف : امل نشت من الرقاد اتصيح تباني وشردت عنها
العاش : حرام جان يبتها
مهرة : انتي سايرة تتشرين ولا بتجابلين امول
سيف : وين ناوين اتسيرون
حمد : دبي مول
سيف : اهااا تعال انت ليش ماقمت اتي الخيمه تاهم يتنشدون عنك
حمد : ياخي بروحي ماعندي وقت احج راسي ومن صوب ثاني البنك بعد مغربلني مب طايع يعطيني قرض
سيف : حق شو تبا القرض
حمد : نبنيلنا شي على الارض
سيف : تباني ارمسلك سعيد بن مايد يسهلك الموضوع
حمد : بتسوي في خير
سيف : تم فالك طيب
سيف : فطوم شو الدراسه وياج
فطيم : تمام ياغير هالعلمي مصدع براسي
سيف : انا فتكيت من صدعه العلمي والادبي دخلت الاتجاريه وفتكيت – صد صوب العاش وعلى شفايفه ابتسامه مكر – وانتي العاش شو الدراسه وياج
العاش وهي تطالعه بنظرة كانها اتقوله شو قصدك بهالنظرة : بخيييير
كل اللي يستوي وعيون حمد ماتفارق اللي يالسه فنص وساكته

وصلوا المول
بما انه مهره ماخذه البدله وقوم العاش لا فتفرقوا
سيف ومهرة ساروا صوب ALDO
وحمد والعاش وفطيم ساروا صوب zara
سارت فطيم صوب الفساتين
والعاش صوب التنانير
فطيم احتارت بين فستانسن واحد احمر فيه نقوش سود على الصدروكلوووش مع دانتيل من تحت ونص كم فخم وبسيط
اما الثاني كان اخضر عشبي زفيه ورود صفر ومعاه حزام عريض كرستال ينربط تحت الصدر
وكان الفستان حفر بدون اكمام وفتحت الصدر دائريه وبعد كلوووش
فكانت محتاره جافت حمد واقف حذال العاش قالت دام انه فاضي باخذ شوره سارت عنده وحطت ايدها على جتفه تنبهه وقالت : حموود اي واحد احلى
وابتعدت عسب يطالع الفساتين عدل وهي نزلت راسها تطالع الفستان الاحمر من ورى
: اممم الاخضر احلى
رفعت راسها وانصدمت لااا مستحيييل
.......
مطر
نش من الرقاد ونزل تحت جاف الخدامه رايحه المطبخ
مطر : سوفي ماما وين
سوفي : داكل مجلس
مطر : حد عندها
سوفي : لا مابي
مطر ودرها وكمل طريجه للميلس جاف امه وعفرى تلعب بالبي بي
راح صوب امه حبها على راسها وسار صوب عفرى ضربها بالخفيف ورى راسها : بسج بتنحوليين
عفرى حطت ايدها ورى راسها : اخخخخ حمار يعور
اطالعها مطر بنظره فهي ضحكت اتبرر : هه هه سوري طلعت عفويه
مطر : احترمي اللي اكبر عنج لا اعطيج كف الخبط ملامح ويهج
عفرى : بلل مايسوى علي والعثره ريلاكس ريلاكس
مطر : نشيي صبي قهوه ... بدال الهذره –وصد على امه اللي مندمجه فمنال العالم ولا حاسه بعمرها ماحب يخرب عليها اندماجها جاف انه مافيا مل فحول على عفرى
مطر : عفرى شو الدراسه وياج
عفرى اللي كانت مندمجه فالبلاك رفعت راسها تطالع مطر : تمام بس كراااف
مطر : دواكم خل يأدبوكم
عفرى : حراام عليك
مطر : وين ثاني
عفرى : راقد
مطر يطالع ساعته : باااال خمس ونص بعده راقد هاذ اشو حياته نهاره ليل وليله نهار
نش مطر وسار حجرته
جافه واعي ويالس يتغتر ويسمع غنيه سالم النعيمي, سار مطر وفر عمره على شبرية ثاني المعفوسه ووحطى ذراعه على عيونه وتم يسمع الغنيه

***
يامستريح البال انا اشكي لكو قلبي جريح
صابر ويذبحني العنا عذبتني يامستريح
***
اصيح وانتا بالهنا مرتاح وفوادك مريح
اسالك وش قلبك جنا من عيني قدامك تصيح
***
اطيح واشوف المنى فالحب قدامي فسييح
لاكن فالعين السنا كل مايبا يوقف يطيح
***
امريح حبك ماانحنى لجله ابد راسن طريح
وانت اذا حبك دنى فكيت باب لكل ريح
***
صحيح من قال الهنا يخلي الواحد صريح
ويغني لومنه فنا هالحب والقلب صحيح
***
ماشفت كم قلبي بنا لك من صروح وهو يبيح
احساسه اللي مانثنى قدامك لو هو جريح
ثاني : شو عيبتك الغنيه
مطر : عيبني اللحن
ثاني : اتحيد هييج اللي خبرتك عنها اللي جفتها فالمحل العطور اللي فرت على الرقم
مطر بهدوء وهو على حاله : هيه
ثاني: هي اللي اهدتني هالغنيه
مطر نش واقف بيظهر من الحجرة : انت الخبله اللي مسولي لهالاشكال سالفه
ثاني تم يضحك على برود اخووه : ههههههههههههههههه


!!

!!

!!

هالمره ابا منكم طلب
شو نظرتكم عن شخصيات ابطال روايتي
لاني ابا اعرف اذا وصلتلكم الفكره اللي فراسي ولا

^^
فرحوني الله يفرحكم
ا

يسلمو شغف ع البارت
الله يقويك والله روايتك جناااان وحلوووه

الشخصيات مادري شو قصدك بس صرااحه انا كرهت عفرى احسها ماهي داخله مزاجي ابد

سيف رهييب بس شو سالفه مع عفرى والعاش
ومطر احس شخصيه

والباقي مادري وش اقول عنهم,,,

بس انتي مبدعه,,,
بانتظار البارت10