لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


شربتني من العذاب أكواب ..صار دورك تشرب يا خلي لو كوب

سلام عليكم شحالكم ربكم طيبين بصراحه انا وايد حبيت المنتدى وحبيت الصراحه اللي فيه ولهالسبب قررت اعرض اول روايه من كتابتي عندكم واتمني ماتحرموني لامن

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 13-11-10, 07:31 PM   المشاركة رقم: 1
المعلومات
الكاتب:
اللقب:

البيانات
التسجيل: Nov 2010
العضوية: 202401
المشاركات: 57
الجنس أنثى
معدل التقييم: شغف الامارات عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
شغف الامارات غير متواجد حالياً
وسائل الإتصال:

كاتب الموضوع : شغف الامارات المنتدى : الارشيف
Newsuae2 شربتني من العذاب أكواب ..صار دورك تشرب يا خلي لو كوب

 

سلام عليكم

شحالكم ربكم طيبين

بصراحه انا وايد حبيت المنتدى وحبيت الصراحه اللي فيه

ولهالسبب

قررت اعرض اول روايه من كتابتي عندكم

واتمني ماتحرموني لامن نقدكم ولا صراحتكم

!!!!!!!!!!!!!!!!!!!!!!!!

شربتني من العذاب أكواب ..صار دورك تشرب يا خلي لو كوب
>> شغف الامارات <<
اول روايه لي >> خياليه << من وحي افكاري


روابط الاجزاء

البارت الاول والثاني
بنفس هالصفحه ^_^
*******

البارت الثالث والرابع

http://www.liilas.com/vb3/t151205-2.html
**********

البارت الخامس والسادس

http://www.liilas.com/vb3/t151205-3.html

البارت السابع

http://www.liilas.com/vb3/t151205-4.html


الجزء الثامن والتاسع

http://www.liilas.com/vb3/t151205-5.html

الجزء العاشر والحادي عشر

http://www.liilas.com/vb3/t151205-6.html

البارت الثاني عشر والثالث عشر

http://www.liilas.com/vb3/t151205-7.html

البارت الرابع عشر


http://www.liilas.com/vb3/t151205-8.html

البارت الخامس عشر

http://www.liilas.com/vb3/t151205-10.html


البارت السادس عشر

شربتني من العذاب أكواب ..صار دورك تشرب يا خلي لو كوب

البارت السابع عشر
شربتني من العذاب أكواب ..صار دورك تشرب يا خلي لو كوب

البارت الثامن عشر

شربتني من العذاب أكواب ..صار دورك تشرب يا خلي لو كوب

البارت التاسع عشر

شربتني من العذاب أكواب ..صار دورك تشرب يا خلي لو كوب

البارت العشرون

شربتني من العذاب أكواب ..صار دورك تشرب يا خلي لو كوب


..
..
..

 
 

 


التعديل الأخير تم بواسطة بياض الصبح ; 24-07-11 الساعة 04:00 PM سبب آخر: إضافة رابط البارت18و19و20
عرض البوم صور شغف الامارات  

قديم 13-11-10, 07:31 PM   المشاركة رقم: 2
المعلومات
الكاتب:
اللقب:

البيانات
التسجيل: Nov 2010
العضوية: 202401
المشاركات: 57
الجنس أنثى
معدل التقييم: شغف الامارات عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
شغف الامارات غير متواجد حالياً
وسائل الإتصال:

المنتدى : الارشيف
Newsuae2 شربتني من العذاب أكواب ..صار دورك تشرب يا خلي لو كوب

 

سلام عليكم

شحالكم ربكم طيبين

بصراحه انا وايد حبيت المنتدى وحبيت الصراحه اللي فيه

ولهالسبب

قررت اعرض اول روايه من كتابتي عندكم

واتمني ماتحرموني لامن نقدكم ولا صراحتكم

!!!!!!!!!!!!!!!!!!!!!!!!

شربتني من العذاب أكواب ..صار دورك تشرب يا خلي لو كوب
>> شغف الامارات <<
اول روايه لي >> خياليه << من وحي افكاري


نزلت من الدري وصوت الكعب ينبه بوصولها
: يآآآالله صباح خير عفاني الله سايره عرس الأخت ولا الجامعة
: انت مايخصك جابل روحك ما يخصك فيه
: لا حلفي انتي بس عيل منو يخصه اذا انا مايخصني وبعدين ليش جذا رافعة كشتج اتقول جنه سنام بعير
: ابوي انت بعدك فالعصر الحجري انته شو عرفك فالموضه
بعصبية :احين بقولج موضة منو هاي
اتنرفزت من اسلوبه رمسته بصووت اعلى : قول والله لو فيك خير قوول
رفع صوته اكثر : جب احترميـ ...
قاطعهم صوت نسائي صارم : بس .. حشى ماشي احترام ,امكم قاعدة ولا معتبريني بشي جني الا ايدار .. ثاني اذلف الكليه ,وانتي كليلج لقمه وتوكلي الجامعة
ثاني: امايه انتي راضيه بشكـ ...
ام ثاني (شيخة ) قاطعته : اختك هب صغيره وتعرف مصلحتها وانت مايخصك فيها
ثاني انقهر من اسلوب امه وياه كيف مايخصه هي اخته حتى لو كان هو اصغر عنها بس هالشي مايمنع انه يوقفها عند حدها ... شل بعمره وحب امه ع راسها واتوكل عالكليه
عفاري بعد حبت راس امها
ام ثاني (شيخة ): عفاري فديتج ما كلتي شي
عفاري : لا امايه اتاخرت عالجامعة .. يلا فداعة الله
ظهرت عفاري وركبت سيارتها وظهرت من البيت وبمجرد انها طلعت من البيت استلمت مبايلها ودقت على رقم حافظتنه عن ظهر قلب ...
رد عليها صوت خشن مع بحة مميزة خاصة بالجنس الذكري : الووو
عفرى : صح النوم نشيت ولا بعدك
: تبيني اسمع صوتج ولا انش .. عفاري والله انج عذااااب
عفرى بضحكه دلووعة : فديتك سيفاني انت العذاب
سيف : فديتج والله .. انتي وينج الحيين
عفرى : توني ظاهره من البيت بمر عربيعتيه وبسير الجامعة
سيف : افا مهروو اختي كلاساتها بتبدى ساعة عشرة ولا جان شفتج اليوم يالله شقايل متوله علييج
عفرى : خل عنك البارحة كنت ظاهرة وياك
سيف : تتحريني اجذب انتي يوم تكونين وياي اتوله عليج كيف لو كنتي بعيده .. آآآآه يا عفرى وتساليني عن غلاتج
عفرى : علني ماخلى منك ... هي صدق انا اختك ولا مرة ريتها
سيف : هي اول سنه فالجامعة
عفرى : اهااا .. سيف حبيبي وصلت عند بيت ربيعتي بسكر عنك فديتك تامرني بشي
سيف : هيه .. تعرفين شو ابا ..
عفرى باسته وقالت : احبك .. ههه باي اتاخرت
سيف : ههههه فديت اللي يستحووووون .. فداعة الله الغاليه
وصكر عنها سيف وتمدد له شويتين والابتسامه ع محياااه
وسار الحمام – عزكم الله – و ظهر اتلبس واتكشخ بغترة وعقال وادهن بدعن العود جنه ساير يخطب
نزل تحت لقى الريوق محطوط عالارض من صغرهم وامهم ماترضى بريوق الاعالارض وهم تعودوا عهالشي
... لمحت عينه حد راقد فزاويه الصاله عالغنفة صد عسب يجووف منو هاذا استغرب ...دخلت امه وحب راسها
وقال : بلاه منصور مب ساير المدرسه اليوم
ام سيف (مريم): محموم فديته .. يلا ايلس كلك لقمه عاد اليوم مهروه عندها امتحان عاد اسمي ضاربنها حفووووز وسبه هال امتحان
سيف : خل يضربها حفوووز عسب اتذاكر بذمه وضمير
: حرااام عليك من الله يالسه اذاكر بذمه وضميير
ام سيف وهي اتصد صوب الدري اللي نازله من بنتها وافايدها الكتاب : ودري عنج هالكتاب من البارحة وانتي مجابلتنه بسج بتستوين حووووله
تعالي كليلج لقمه قبل لا تروحين الجامعة
مهرة : مالي خاطر آكل
ام سيف : انتي تعالي يلسي بييج خاطر
يلست مهرة فنفس الوقت اللي امها قامت استغريت مهرة تصرف امها ... ثواني وردت امها وفأيديها
نوتيلا<< معشوق الجماهيير خخخ
مهرة والابتسامه شاقة الحلج :ياااااااللله يمايه فديتج علني ما خلا منج
ام سيف : قتلج يلسي وبتجوفين اللي يعيبج
مهرة وهي تاكل السندوويجه : امايه الدريول مايا
ام مهرة : لا ماضني تاتي (الخدامه ) بعدها ما يت
سيف : الحمدلله
مهرة : سيف ودني فطرييجك
سيف : اوكي يلا نشي
ام سيف : بعدك ماكلت شي
سيف : كلت وشبعت الحمد الله ... وحب راس امه وظهر ..
مهرة حطة الغشوة على ويها وحبة راس امها وظهرت ورى اخوها
وصلها سيف الجامعة وسار هو صوب واحة دبي للسيلكون يشتغل هناك فالجامعة فطريجه

بعييد عن هالبقعه بالاحرى بعييد عن الامارات بكبرها بالاحرى فلندن
دخل مطر الشقة ..شاف ربعيه سهييل منسدح عالغنفة يطالع التلفزيوون .. من شافه صلب عمرة وعفد لوى عليييه
سهييل : مبرووووووووووووووك واخيرا افتكيييت
مطر بابتسامه : الله يبارك فيك عقبالك
سهيل ابتعد عنه وطالعه بويه حزيين : لا تذكرني باقللي سنه ونص
مطر ايتسم يشجعه : ياااريااال بيعدن ولا بتحس الا وانت راد دار بو خليفه الله يرحمه
سهيل : طبعا تراك مخلص ومرتاح
مطر : اسميني قلتلك خذ صيفي ماطعت
سهيل : عيل تتحراني شرواك , يابوك انا ماروم اتحمل سبع سنين بعيد عن هلي انا ماصدق قالولي اجازة
مطر : دواااك الحين تحمل سواياك
سهيل : الحين خبرني متى بترد دار بو زايد
مطر : يوم الخميس
سهيل : يالله عليك وايد بسرعة ماتم غير اربع تيام , عاد اسميها ام مطر مستانسه هااا
مطر : لا ماتدري بفاجأها
سهيل : حليلها علني افداها هي ولقيماتها
مطر: ههه اسميك متغربل بلا لقيماتها
سهيل : آآآآآه لا تذكرني بالعووق
مطر :والله مافي صبر متى ارد
سهييل : يالله منو قدك خطيير عنك شهاده شكبرها ماجستير فإدارة الأعمال
مطر : صل عنبي ياريال ...
سهيل : تف تف عن يستويبك شي واتقول كل من سهيل وانحرم من لقيمات الغاليه خخخخ
وهي صح شو ناوي تسوي فشركة عمك وابوك الله يرحمه
مطر حطى ايده ورى راسه وقال بنبرة هاديه : افكر اشتري سهم عمي من الشركه وبجذي بتكون الشركه لي انا
سهيل :آهاااا وثاني مقتنع بالسالفه
مطر : ثاني حاليا يدرس ومن يخلص له مكانه فالشركه واضني ماعنده مانع
سهييل : على خييير انشالله ... شو مب ناوي تنزل تشتري صوووغة
مطر : ههييي زين يوم ذكرتني اسميني ماداني الاسواااق ..- صد صوب سهييل – شو رااايك تنزل وياي السوق العصر
سهيييل : تم

نرجع لددار الحي
فجامعة زااايد
عفرى توها ضاهرة من كلاس العربي ساير صوب المطاعم مرت بشله بويات وحدة منهن
: آآآآه عالخصر ذوبني
الثانيه : الله عليج يالرييم
الثالثة : نظرة يالغاليه بس نظرة آآآه اروح انا فدوى لعيونج
عفرى ولا معبرة دخلت ردهة المطاعم دارت بعيونها عحد تعرفه مالقت الا وحدة كانت وياها فلفلات الانجليزي
سارت صوبها : سلام عليج
رفعت راسها البنت وجافتها وقفت والابتسامه شاقه ثغرها : وعليكم السلام ..عاش من شافج .. وينج ما تنجافين
ووايهتها :انا موجودة انتي ما تبينين
: والله شو انسوي هالجامعة ماخذه وقتنا ... يلسي ليش واقفه
عفرى : ثااانكس ... – قعدت وحطت ريل ع ريل بدلع – شحال شواخي وفطامي
: تمام الحمدالله شواخي عرسها يوم الخميس وفطامي متغربله ويهالعلمي
عفرى : صدق بالمبارك , العاش باركيلها بدالي
عاشه : شو رايج انتي اتيين وتباركيلها بروحج فالمركز التجاري قاعة الملتقى
عفرى : مع اني ماحب الاعراس بس ماعلي عسب خاطرج بي
عاشه : خاطرج ماخاب .. ماعزمتج عشي شو فخاطرج
عفرى :ثانكس فدينج مب مشتهيه
متيم بالهوى بروي حكاية حب مخفيه >>> مبايل عاشه
مروه : هلا مهاري ... انا صوب المطاعم ... اوكي بترياج... باي
عاشه اترمس عفرى وهي تحط الفون عطاوله: مهرى بنت خالتي .. بتي اتشل فاتورة عسب اتيبلي الفستان من عند المصمم
عفرى : اهااا
دقايق
: أسلام عليكم
عفرى و عاشه : وعليكم سلام
ووايهتهم ويلست معاهم واتعارفوا
مهرة ما استساغت عفرى وايد وسبه ستايلها وحستها دلوعه ومغرورة بجمالها واستغربت انه بنت خالتها اترابع هالاشكال...
اما
عفرى فحست ملامحها مب غريبه حستها تشابه حد تعرفه يوم دققت حستها اتشابه سيف نفس العيون السود وساع الكحيله فاتذكرت انه سيف عنده اخت اسمها مهرة احتمال 90% اتكون هي ...
عفرى : مهاري انتي اي سنه
مهرة بطبيعتها مبتسمه بس حست انها ما تقدر اتنافق عفرى فقالت باسلوب جاف : بعدني اول سنه
عفرى اتاكدت فقالت بابتسامه :اهااا
رن تيلفون مهرة برنه نوكيا العاديه : الو .. اوكيه دقايق ... باي
وقفت وقالت حق عاشه: اييه العاش عطيني الفاتورة بسرعة سيف بيذبحني
عاشه وهي اتظهر الفاتورة من الشنطه : هااج ..
عفرى : امم هيه انا بعد ظاهرة بنترابع لين البوابه
مهرة اففف : اوكي يلا
وساروا
عفرى تمت اتسولف مع مهرة طبعا مب اخت الحبيب, وبالفعل قدرت اتغير شوي من نظرة مهرة بانها مغرورة وخقاقه وعطتها انطباع انها وااايد طيوبه وكوووول
وصلوا عند الباب
طلعوا وتوادعوا وعفرى تمت تطالع مهرة اي صوب سايرة لين ما طاحت عيونها ع سيف ابتسمتله وردلها الابتسامه
وطرشلها مسج عال bbm:عالني ماخلا من هالويه قولي امين
عفرى : امين
وركبت سيارتها
ركبت مهرة السيارة
سيف بصوت متنرفز : منو هاي اول مرة اجوفها << اونك خخ
مهرة : مب ربيعتي وحدة فكلاس العاش بس حليلها طيوووبه ..
سيف تريا لين ما عفرى تظهر واتحرك وراها
مهرة : سيف اليوم ابا اسير مركز الهنا
سيف : ليش؟؟
مهرة : ابا اييب فستاني وفستان العاش من عند المصمم
سيف : شغالج دريول انا
مهرة تتمصلح : افاا هاذا وانا اختك جذا تسوي خلاص بروح ويا الدريول
سيف : مارد عليها
مهرة : سيفاني فديتك .. بلييييييييييز ودني ادريبك ما داني السوق بس والله ما بسوي شي بس بشل الفستان وبرجع
سيف بعصبيه : حشرتينا صخي من اللله مصدع
مهرة فخاطرها : لا الريال اليوم مفووول ما يترمس
رن تيلفون مهرة >> العاش يتصل بك
مهرة : مرحبا .. مسرع ما تولهتي علي
العاش : هههه لا بس اطمن ما ستوت الحرب فالسيارة
مهرة : هي لانهم مب طايعين يودوني
سيف فهم عليها فطالعها بنظرة
العاش : حطي عالمايك انا برمسه
حطته مهرة عالمايك
العاش : شحالك سيف
سيف ماعرفها : بخير وسهاله – جان ياشر حق مهرة منو خبرته مهرة انها العاش – اوووه العيوز
العاش : انا عيوز يالشيبه بس ماعليه ..امم سيف طلبتك ود مهاري الهنا والله الدريول مرتبش مع شواخي وماعندي حد اييب فستاني
سيف : ها دام فستانج فالسالفه عيل ...مب ساير
العاش : ههههه شوو سالفه عناد
سيف : هيه عناد
العاش : سيف حراام علييك .. – تغيرت نبرة صوتها – بتخبرك جنك تبا تذلني
سيف : هي عندج مانع
العاش : ها عيل السالفة وحدة بوحدة
سيف : هي عيل
العاش : عيل نفاد ماباه الفستان جان فيه مذلتي ...باي
وصكرت
مهرة : حرام عليك سيف شعنه جي تسوي فيها
سيف قال بصوت هايم وكانه يفكر فشي : ماعلييج بترضى
مهرة : واااثق
سيف ما رد عليها لان صدق باله مشغول بشي ثاني
ردوا البيت
عساعه خمس ونص
نش سيف من الرقاد ع مسج من عفرى
نزل الصاله جاف مهرة كانت تلعب بليستيشن مع منصوركانو يلعبون كراااش
سيف : هااا عيل محمووم اشوفك يالس تلعب احيد المرضى مايرومون ينشون من عالشبريه
منصوور بخوووف : ها توني ماخذ ادوول
سيف وهو يفر عمره عالغنفه : تتحراني ماعرف هالحركات سويناها لين ماشبعنا .. نش حط شريط مباراة
مهرة : لا مايخصني انا يايه قبلك
سيف : استحي عويهج شكبرج شعرضج يالسه تلعبين بليستيشن
لفت مهرة جسمها 180 درجة بعد ماكانت معطتنه ظهرها عطته ويها : لحظة لحظة منو قال حطو مباراة
هي يدي ظهر من قبرة وقال ولا ابوي رد من لندن وقال ...
سيف ولا عبرها : حط حط مباراة بسرعة
مهرة : اوكي شو رايك العب وياك وان غلبتك ودني الهنا اوكي
سيف اطالعها بنظرة : حتى مباراة تلعبين والله حاله اوكي واذا غلبتج شو بتسويين
مهرة : ولا شي
سيف : فعينج ولا شي .. بتنظفين حجرتي والحمام
مهرة : لا الحمام لا
سيف : عيل خلاص كيفج
مهرة : اففف انزين
ولعبوا وسيف خلى مهرة تفوز لان هو اوردي يبا يوديها مب عسبها هي لا عسب العاش واصلا حجرته نظيفة والحمام بعد لانه الخدامه مو مقصرة
ووداها وخذت فستانها وفستان العاش ووصلته بيتهم بعد ما عق سيف ورقه فالجيسه مالت الفستان بدون ما تنتبه مهرة
وردوا البيت
اما عند العاش
العاش كانت وااايد مضايجة من حركه سيف السخيفة
بس
واااايد استانست يوم دقت عليها الخدامه الباب وعطتها الفستان
طلعت الفستان من الجيسه عسب تقايسه واستغربت من الورقة اللي طاحت شلتها وانصدمت
.......
هاذا البارت الاول لا تحرموني من رايكم ولا من نقدكم
اختكم
>> شغف الامارات <<





 
 

 

عرض البوم صور شغف الامارات  
قديم 13-11-10, 08:22 PM   المشاركة رقم: 3
المعلومات
الكاتب:
اللقب:
ليلاس متالق


البيانات
التسجيل: Sep 2010
العضوية: 191580
المشاركات: 862
الجنس أنثى
معدل التقييم: rs-ss501 عضو بحاجه الى تحسين وضعه
نقاط التقييم: 29

االدولة
البلدSaudiArabia
 
مدونتي

 

الإتصالات
الحالة:
rs-ss501 غير متواجد حالياً
وسائل الإتصال:

كاتب الموضوع : شغف الامارات المنتدى : الارشيف
افتراضي

 

يالله وش مكتوب بــالوقه تدرين حلوتــــ"شغف الامارات"ـــــــي

الفضول في عرق النساء

حلوتـــــــ"شغف الامارات"ــــــــــي

ماشاء الله حلوه الروايه وياليت تكملينها وصراحه انهيتيها بشطاره ..

وعاش و سيف <<شكلهم ثنائي عناد _حب و أنتظر الجاي حتى تكتمل لدي الروئيه

عن الشخصيات ..

حلوتـــــــ"شغف الامارات"ــــــــــي

اتمنى لك النجاح والسعاده في الدارين أختيه <<برمسة أهل الامارات يازينهم

وانا من القارئات للروايات الأماراتيه ..



[url=http://www.graaam.com/][/url

[url=http://www.graaam.com/][/url

0

0

 
 

 

عرض البوم صور rs-ss501  
قديم 14-11-10, 03:58 PM   المشاركة رقم: 4
المعلومات
الكاتب:
اللقب:

البيانات
التسجيل: Nov 2010
العضوية: 202401
المشاركات: 57
الجنس أنثى
معدل التقييم: شغف الامارات عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
شغف الامارات غير متواجد حالياً
وسائل الإتصال:

كاتب الموضوع : شغف الامارات المنتدى : الارشيف
افتراضي

 

مرحبا الساع اختيه rs-ss501

اشكرج بصراحه لمتابعتج

(( اسمحيلي بغيت اسالج عندج اي معلومه كيف ممكن انقل الروايه الي قسم قصص من وحي قلم الاعضاء ممكن تساعديني يالغاليه))

 
 

 

عرض البوم صور شغف الامارات  
قديم 14-11-10, 06:04 PM   المشاركة رقم: 5
المعلومات
الكاتب:
اللقب:

البيانات
التسجيل: Nov 2010
العضوية: 202401
المشاركات: 57
الجنس أنثى
معدل التقييم: شغف الامارات عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
شغف الامارات غير متواجد حالياً
وسائل الإتصال:

كاتب الموضوع : شغف الامارات المنتدى : الارشيف
افتراضي

 

شكرا
للي نقلي الموضوع
واللي ساعد في نقله

مشكورييييييين من قلب

البارت الثاني
.
.
.

العاش كانت وااايد مضايجة من حركه سيف السخيفة
بس
واااايد استانست يوم دقت عليها الخدامه الباب وعطتها الفستان
طلعت الفستان من الجيسه عسب تقايسه واستغربت من الورقة اللي طاحت شلتها وانصدمت
<<((ماعاش اللي يذلج ..
..يا العاش ..
سموحه
.. سيف))>>
العاش انصدمت قرت الورقه مرة ومرتين وثلاث
العاش فخاطرها : مب معقوله سيف يكتب هالرمسه لا صدق اليوم بلا شي ولد خالتي – ابتسمت وحظنت الكرت – آآآه ياسيف انت ماتدري انك بهالرمسه تحرم عيني رقاد
سارت خشته فصندوق خاص بالاشياء الثمينه
طبعا بيكون ثمين مب من عند سيف اكيييد ثمين

**** الأربعاء *****
قبل عرس شواخي بيوم
فردهة المطاعم يالسه العاش و مهرة ويسولفووون عن باجر وشو ناويين يسوون
مهرة : خاطري لو كان عندنا كيمرة كانون
العاش : هي والله انتم نصوور عكييفنا
: سلام عليكم
صدوا صوب صوت مثل ما توقعوا هالصوت الناعم وهالدلع ما يطلع الا من .. عفرى
نشوا وايهوها وقعدت وياهم
عفرى : امم سوري بس جني سمعتكم تبون كانون
العاش : هي تخيلي لو عندنا كانون والله جان تصورنا بها لين ما نقول بس
عفرى ابتسمت : فالكم طيب بييب الكام مالتي واتصوروا فيها لين ما تقولون بس ... شو رايكم
مهرة بوناسه :صدق ثانكس فديتج
العااش : اسمينا بنتخبل هههههه
عفرى : ولو any time .. هي صدث ما خبرتوني اي صالون حاجزييين
العاش :بروح مع شواخ صالون ****** وايد يمدحووونه
عفرى: هي صدق وااايد حلو و شغلهم ومرتب انا مجربتنه .. وانتي مهرة وين بسيرين
مهرة : بتي الحرمه بروحها البيت بتعدلني مافيه عصدعة الصالون
وتموا يسولفون سوااالف بناتيه لين مارن تيلفووون عفرى ونشت عنهم ويلست شوي بعيييد بررروحها
عفرى : الووه
سيف : مرحبا الساع يام عيوون سود ووسااع
عفرى : ههههه خل عنك عيوني مب سوود
سيف : ادريبهن عسليات انا شو ذابحني غير عيوونج خبريني
عفرى : اونك
سيف : عفرى ابا اشوفج متوله عللييييج
عفرى : اممم باجر معزومه ع عرس ماروم
سيف : عرس منو
عفرى تستهبل علييه : اخت ربيعتيه اسمها شيخه قوم ال......
سيف : اهاااا ... عيل متى ورى باجر ؟
عفرى استغربت ليش ما يقول انها بنت خالته بس قالت لانها اتضايجت : اوكي الغاليه بعدين برمسج اربيعتي عندي
سيف : اوكي باي
وصكرت عنه تمت قاعدة بروحها وهي تفكر ليش مايقول الصدق ليش مايقول إنها بنت خالته بس ماعليه ياخبر اليوم بيزات باجر بلاش
: شعنه يالسه بروحج
التقتت لصاحبة الصوت : ماشي تعالي ميثاني يلسي
يلست ميثا بدلع : بلاج مب طبيعيه
((ميثا ستايلها وحركاتها مب اقل عن عفرى ))
عفرى : اتجوفين البنتين اللي هناك وحدة لابسه سكارف احمر وثانيه اسود
ميثا : هي جفتهم
عفرى : اللي لابسه سكارف اسود اخت سيف و الأحمر بنت خالته
ميثا : اونه ... امم بس اتصدقيين احس هو احلى عن اخته احس بس يتشابهون بالعيوون اما الباقي غير
عفرى : هي اتحسينها بيبي فيس اما اخوها لا ريال وبهيبه
ميثا : هي صح الا احسج الليوم مب طبيعيه
عفرى : تخيلي انا معزومه ع عرس بنت خالته وهو ماقال انها بنت خالتي
ميثا : عيل منو عزمج
عفرى : عاشه ام السكارف الاحمر كانت وياي فكلاسات الانجليزي
ميثا بسرحان : خلها اتصد ابا اجوف فيسها
عفرى اطالعتها بنظرة : ميثوو تقهريني انا ارمسج فموضوع وانتي ترمسيني فموضوع ثاني ما يخصه
ميثا : اوكي سوري .. انزين ليش انتي ما تقوليله
عفرى بحواجب مقوسه : شو اقوله والله ليش ما تقول انها بنت خالتك
ميثا : هيه
عفرى : لا لا .. انا ابا اسير العرس وابا اتزيد علاقتي فيهم يمكن ربج امه تنعجب فيني وتخطبني
ميثا : هي صح اتذكرت قولي مبروك
عفرى: مبروك بس ع شوو
ميثا اونها مستحيه : عبيد فديته قال بي يخطبني فالأجازة الصيف
عفرى حسدتها بس ابتسمت عسب ما تبينلها : مبروووووك متى قالج
ميثا : البارحة كنت ظاهرة وياه تعشينا وقال انه ما يروم يتحمل زيادة بدوني بس يتريا اخوه بنتقل بيتهم عقب بيخطبني رسمي
عفرى : يااااي حظج عقبااالي
ميثا :ههههه
*********الخمييس ********
فلندن
فشقة مطر وسهيل
سهيل : ها مطر ما نسيت شي الجواز والتذكرة
مطر : لا
سهيل وهو يفتح باب الشقة ويشل شنطة مطر : يالله عيل فيصل متتصل يقول انه تحت
ونزلوا ركبوا سيارة ربيعهم السعودي فيصل
مطر : مشكوور فيصل عبلت عليك
فيصل بنبرة فكاهية : شنسوي انت دايما تضايجني بس مقدر اقلك لا
ضربه مطر عجتفه بالخفيف : اونك
فيصل : ههه والله لك وحشه
سهيل : لا صدق بنتوله عليك
فيصل :اذا انت تقول كذا اجل انا وش اقول
سهيل : اتحسسني ان الامارت فاليابان الا هاذي سعوديه فرة حطى اذا ها اذا تولهنا عليك بنيك
فيصل : ايه اذا
سهيل : بلاك مطر صاخ ماترمس
فيصل : يودع لندن خخخ
مطر : انشالله ماييها مرة ثانيه سبع سنوات شبعت منها بسي
سهيل وفيصل : هههههه
وصلوه المطار وتوادعوا فيصل ودعه بسرعة وراح لانه ما يحب لحظات الوداع اما سهيل عاااادي
وطارت الطيارة
... دبي ...
ساعه 4
بيت ام ثاني
عفرى توها ضاهرة من الحمام – عزكم الله – نزلت الصاله وهي لابسه عباتها اللي محددة خصرها ومسويه بف كالعاده وفيدها شنطتها من لويس فيتون وال بي بي بكفر فوشي والكعب الفوشي
جافت امها يالسه مع وحدة من جاراتها>> ام احمد
سلمت عليها عفرى بدلع وبغرور لانها ما اتحب ام احمد لانها اذاعة اخبار متنقله
عفرى : امايه انا سايرة الصالون معزومه ع عرس اخت ربيعتي
ام ثاني : سيري فديتج تبين بيزات
عفرى: لا ثانكس امايه عندي ... يلا سي يا
وراحت وعيون ام احمد تلحقها لانها ما داني شي اسمه عفرى لانها فنضرها بنت ضايعة
ظهرت من صاله جافت ثاني داخل بالستيشن يبركن سيارته تحت القاراج سارت صوب سيارتها
ركبت نزل ثاني دق عليها الدريشه
نزلت الدريشه وهي تلبس النظارة شمسيه من دييور
عفرى بدلع وغرور : نعم
ثاني : ونعامه ترفسج ارمسي عدل وبعدين وين سايرة
حركت سيارتها وقالت : يوم بترمس اختك العودة عدل بخبرك وبعدين لحظة هي صح ما بخخخخخصصصصككك
وراحت
وثاني وصل ضغطه الالف : ما علي يا عفرى وين بسيرين انا براوييج
كان بيدخل جاف جارتهم ام احمد ظاهرة سلم عليها ودخل وهي راحت بيتهم
ثاني جاف امه تهازب فالخدامه : انا كم مرة اقول عصير يوم بتيبينه حطي فيه ثلج فضحتينا عند الحرمه
سلمى الخدامه : جين
ام ثاني : بس ها اللي تعرفينه .. يلا ذلفي المطبخ
وراحت دخل ثاني وحب راسها وقعد
ثاني : امايه عفرووه وين ذالفه الحين
ام ثاني : سايرة الصالون
ثاني اغتنم فرصة ان هو وامه بروحهم : امايه فديتج ... بصراحة انا اجوفج فارة لعفرى الخيط والمخيط امايه انتي اتجوفين لبسها لبس وحدة حاشمه عمرها
ام ثاني : ثاني اختك عمرها 20 سنه يعني مب صغيرة وتعرف مصلحتها وانا واثقه فيها
ثاني يطلع كل الهوى اللي فصدره ويسحب هوا يديد لان كلام امه ينرفزه : امايه انا بصراحة لين الحين ماسمعتها طلبت شي وقلتي لاء الشنط والنعلان اللي تاخذهم بالألاف هاذا غير السوع والعبي اللي تلبسهم مرة ولا مرتين ولا لبستهم مره ثانيه يامي انتي جذا وايد ادلعينها وحتى اذا انا اخوها رمست عن شي ماعيبني تهزبتيني
ام ثاني : اختك يتيمه ابوك وصاني عليها وهي وحيدتي اذا ما دلعتها ادلع منو خبرني راس مالي بنت وحدة وبعدين انت ماترمسها بسلوب عدل
ثاني : يعني امايه الحين يوم انا بنصح ...
ام ثاني تقاطعة : بس خلاص ثاني لاتم اتزيد واتعيد فنفس السالفة من الله راسي يعورني من سوالف ام احمد
ثاني نش وسار حجرته وهو مفوووول لان رمسته مب مسموعه فهالبيت
********
العرس
توهم قوم مهرة داخليين القاعه
سارت مهرة صوب حجرة العروس وهي زاخة فاديها اختها الصغيرة امل
دخلت جافت شواخي يالسين يصورونها وفطامي تزيد عالروج وشواخ تعدل الجحال
مهرة : سلام عليكم
فطامي والعاش نقزوا ع اموله لانها كيووت وادش الخاطر بسرعة وتموا يباوسونها لين ما صاحت
اما مهرة سارت صوب شواخ وحضنتها وباركتلها وسلمت عالبنات وفصخت عباتها
فطامي : مهروه قولي صدق كم وزنج
مهره :40 ليش
فطامي : من جذي الفستان موليه مب مرتب عليج وسبه ضعفج شوي وبتختفين
العاش : ما عليج منها محترة
شواخ : لا والله صدقها فطامي مهروو امتني شويه عنبو مستويه هيكل عظمي
مهرة : ها العروس ظهر صوتج بس ماشالله عليج ولا قمر اربع تعش اللع يعين محمد عليج
العاش جافت شعر مهرة اللي تخطى ركبها مفتووح : اوووي هبله ليش فاتحة شعرج جذا .. قريتي عليه
مهرة هزت راسها بهيه
خلني اوصفلكم اشكالهم
مهرة
اللبس : كان عبارة عن فستان ستان احمر ملفوف عجسمها وكان في بروش عخصرها اليمين كان الفستان وايد بسيط وراقي وجتفها عاري كان وايد حلو لانها وااايد بيضه كانها وحده من نجمات هوليوود
الميكاب : احمر مع دخان اسود وجحال اسود محلي عيونها السود اكثر مع روج احمر خلاها اتبين انثى من بعد ما كان بيبي فيس
الشعرالاسود مسشورتنه ومفتوووح على طوله
العاش
اللبس : اخضر فاتح مع بقع صفرى كان فستانها له ذيل طووييل مكان عالصدر كله كرستال وكان مصبوب عجسمها الانثوي صب
الميكاب : اصفر مع دخان اخضر وروج عنابي مناسب بشرتها الحنطاويه
شعرها البني الغامج مسوتله كله فير مصبوب ع جتفها

فطامي
اللبس : الفستان عبارة عن شيفون بنفسجي مخلنها ضعيفة
الميكاب : بنفسجي مع اسود وروج بنفسجي هادي
شعرها : رافعتنه بطريقة مخلتنها اتبين اطول

واخيرا العرووس .. شوااخ ..
تبووون تعرفوون شو لابسه تريووني فالبارت الياي
اختكم >> شغف الامارات <<

 
 

 

عرض البوم صور شغف الامارات  
 

مواقع النشر (المفضلة)

الكلمات الدلالية (Tags)
شربتني من العذاب أكواب ..صار دورك تشرب يا خلي لو كوب
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:58 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية