للاعلان لدينا اضغط هنا


العودة   منتديات ليلاس > قسم الارشيف والمواضيع القديمة > منتدى الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

منتدى الارشيف يحتوي على مواضيع قديمة او مواضيع مكررة او محتوى روابط غير عاملة لقدمها

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-11-10, 09:29 AM   المشاركة رقم: 11
المعلومات
الكاتب:
اللقب:

البيانات
التسجيل: Nov 2010
العضوية: 202401
المشاركات: 57
الجنس أنثى
معدل التقييم: شغف الامارات عضو بحاجه الى تحسين وضعه
نقاط التقييم: 10
شكراً: 1
تم شكره 2 مرة في مشاركة واحدة

االدولة
البلدUnited Arab Emirates
 
مدونتي

 

الإتصالات
الحالة:
شغف الامارات غير متواجد حالياً
وسائل الإتصال:

كاتب الموضوع : شغف الامارات المنتدى : منتدى الارشيف
افتراضي

 

البارت الخامس
><
>_<
<_+
رفعت مهرة عيونها وجافت عيون معصبه تطالعها ردت مهرة النظرة بابتسامه
مهرة : فدييييت اللي يغارون انا
امل : انا ما حبج
مهرة : ههههههههههههه
وسارت حبتها هي بعد وسارت داخل ودخلت المطبخ
جافت خالوه مرتبشه مع العاش والخدامات يالسات يعابلون الغدا
ساعدتهم مهرة
خالوه : العاش اتصلي بحمد عسب ايون ايشلون صواني العيش الخدامات مايرومون
العاش : انشالله
مهرة من سمعت انه حمد بيدخل بغت تضهر بس خالوه قالت : مهرة امايه وزعي سلطة فالملال
مهرة بطلت عيونها تستحي اترد خالتها فعلطول مسحت الروج بالكتشنرول
مالحقت تمسح لانه حمد وسعيد وسيف اخوها دخلوا
لحظة لحظة لحظة
سيف دخل وياهم لا عزلله راحت فيها مهرة تمت زايغة ومعطتنهم ظهرها توزع السلطة
سيف : شحالج خالوه
خالوه : بخير وسهاله شحالك انت
سيف : يسرج الحال
سعيد كان يطالع مهرة ومب عارف منوهي : منو هاي ...مهرة؟؟
مهرة هني قام قلبها يطبل من الخاطر فصدت بنص ويها وهي مجدمه الشيله بطريقة ما يبين من ويها الا ارنبة خشمها :هي شحالك سعيد
سعيد من يومه وهو دوم يتمصخر ويا مهرة : بخير وسهاله وانا قول منو هالسيلانيه اللي واقفة بروحها
مهرة : ههههههه
سيف استغرب لانها مب من عادتها تسكت اذا قالها سعيد شي دومها ترادده ففسر سكوتها ع انها بعدها زعلانه
صد بعينه للي لابسه اصفر وموخيه فالفريزر اتحطي قواطي الببسي والسفن اب فالصينيه الي فيد سعيد اخوها
كان بيرمسها بس قطع عليه صوت خالوه : ابويه سيف شل صينيه الفوكه ودها الميلس
سيف شمر عن يدينه: انشالله
وشل صينيه وروح وثواني ولحقة سعيد بصينيه الببسي وودوا تقريبا كل شي وسيف وسعيد تموا فالميلس اما حمد رجع
حمد : ها امايه ما نسيتوا شي خلاص
خالوه : لا تريا تمت السلطة – صدت صوب مهرة اللي عاطتنهم ظهرها – مهرة فديتج عطي احمد السلطة
مهرة غاصت فثيابها وقالت فخاطرها : وابوك طحتي فيها يا مهرة
خذت نفس عميق بايد ترتجف حطت ملال السلطه وشلت الصينيه حست انه ايدها مب رايمه تتحمل وبطيح الصينيه
شلت الصينيه وسارت جدا حمد وحمد اتجدم تأملها ثواني وفعيونه نظرة غريبه ووعمحياه ابتسامه غامضة وشل الصينيه عنها وروح
بقوللكم سر خالوه تموت فشي اسمه مهرة فتباها حق حمد وهي عمدا خلت حمد هو اللي يشل صينيه عنها عسب ايجوفها ويوم ترمسه انها تباها ما يعارض مسكينه خالوه ماتدري انه من هو صغير وهو يحبها خخخ والله حركات خالوه
>>> بنسير حتا
راحت منيرة بيتهم وتمت عفرى مع البي بي وبنات عمها عبير ونهلة يالسات يسولفن وامينه بس تسمعهم
عفرى تمت تتاملهم عبير ونهلة بتشابهون ما خذين من امهم اما امنه غير عنهم الا اللهم بالبشرة الحنطاويه وحتى شكلها بالاخلاق غير عنهم ما يندرى يمكن حيه من تحت تبن مثل امها
قطع تفكيرها باب الحجرة يوم اتبطل طلت ام عبير (مرت عمي احمد) : يلا بنات غدا
نشوا البنات
عفرى فصخت عباتها وتمت بالنخورة وشيلتها السوده
بنات عمها ظهروا
يلسوا عالسفرة كانوا كلهم يلسون ويا بعض عسفرة وحدة بس البنات صوب والشباب عصوب
ام مطر تطالع عبير : ماشالله عليج عبير غديتي عروس كم عمرج الحينه
عبير وانها مستحيه : 22 عموه
ام مطر : هي ماشالله –صدت ع نهلة – وانتي نهلة
نهلة : بدخل ال20
ام مطر : ماشالله حافظ عليج فعمر عفرى – تطالع امينه – والشيخة كم عمرها
امينه : 16 بدخل 17
ام مطر تطالع امهم : حافظ عليهم الله يحفظهم يارب ماشالله بسرعه كبروا
يدوه بنقمه : لو اتمرينا جان حسيتي ما كبروا بسرعة
ثاني ومطر اطالعوا بعض وطالعوا امهم اللي انجلب ويها الوان فقال مطر بسرعة يغير السالفة
مطر : اقول يدوه أ ..أ اليوم الجو براد وغيم ماشالله شورايج نظهر يميع نسير صوب الوادي
ثاني يايد عسب ينسون السالفة : هي والله يدوه يبالنا
يدوه : شورايك ياحمد
احمد : والله شور شوركم تبون اتسيرون يلله شوورانا
مطر : خلاص عيل بنصلي العصر وبنتوكل
امينه بحماس : ابويه انا بي وياكم
ثاني نسى نفسه : كلنا بنسير ولا تزعلين
امينه ابتسمتله بغباء وهو استحى
:الحمد الله
ام عبير : وين يام مطر ماكلتي شي
ام مطر تطالع مطر و يدوه بنقمه : شبعة الله يديم النعمه
مطر فهم انها اتضايجت من يدوه لانها من الاساس ما كانت تبا اتي هو اللي جبرها مطر فخاطره : بس لو اعرف عسب شو ضرابتهم
مطر ما بغى اينش على طول ورى امه يلس شوي ودقايق ونش لحق امه لين حجرة ( كانت لابوه قبل لا يعرس )
دق الباب ودخل
جاف امه يالسه عالشبريه وملحفة ريولها
سار ويلس عند ريولها وقال ببتسامته المعتادة : بلاها ام مطر زعلانه
ام مطر معصبع عالاخر علت عصوتها : شتبا فيه سير جابل يدتك وانا نفاد ينفدني
مطر سار وحب راسها : امايه فديتج لا تضايجين تدرين يدوه حرمه عوده
ام مطر دمعت عينها : هي حاقده عليه من يوم ما خذت ولدها دومها تفر علي نغزات جدام اي حد
مطر : انزين ليش تفر عليج نغزات
ام مطر تطالع ايدها : هي محطيه فبالها اني انا اللي خليت ابوك يبتعد عنها ويقطعها ويسكن فدبي وحتى يوم توفى الله يرحمه تمت تدعي علي لان ولدها مات وهي ماجافته
مطر استغرب : انزين ليش ابوي قطعها
ام مطر وهي تمسح دمعه نزلت عخدها : لانه كان يباني انا وهي كانت تباه لبنت اختها
ويوم خبرها انه تزوجني طردته من البيت
مطر بطل عيونه كل ها من يدته : انزين كيف عمي وابوي مسوين شراكه اذا يدوه طارده ابوي
ام مطر : عمك احمد ما كان راضي بلي سوته يدتك ولاعمتك عليا بعد فعلاقتهم ما انقطعت فتشاركوا ببيزاتهم بس اسهم ابوك تغطي عاسهم عمك وابوك كان يدير الشركه لين ما توفى الله يرحمه ويغمد روحه الجنه والله يخلي بو فهد ربيع ابوك اللي شال الشركة لين الحين
مطر وضحت فنضره صورة عسب جذا يدوه تحبنا انا وثاني وعفرى اكثر عن احفادها الباجين لانها تحس بالذنب
مطر : امايه ثاني وعفرى يدرون بالسالفه
ام مطر اطالعت مطر بفوه : لا ولا اباهم يدرون ماباهم ياخذون عن يدنهم فكره
مطر حب راسها : كبير يمايه وبتمين كبير – مسح دموعها وقال يحمسها– يلا ام مطر زهبي قهوتج وجاييج وفوالتج عسب انروح
ام مطر : مابسير وياكم سيروا انتوا
مطر : مابخلي عفرى اتسير اذا ماسرتي
ام مطر : هههههه تعرف انها عوقي
مطر ابتسم وظهر عنها وسار الميلس عند اخوه وولد عمته عبدلله
دخل جاف ثاني بروحه قاعد ويجلب فالقنوات
مطر يقعد مجابلنه ويفر الغترة عالارض حذاله : عيل وين عبدلله
......
: راتنا بسرعه وين الجاي والقهوة
راتنا الخدامه الاندونيسيه عندهم اياها فوق 6 سنوات : جبر بابا أبدلله جوب ماي بأده ما في فور ( صبر بابا جوف عبدالله الماي بعده ما فار )
عبدالله متساند عالكبت : بتسوين غوزي مو جاي
راتنا وهي تغسل صحون الغدا : هادا كوزي ما في سوي الهين هادا سوي على غدا
عبد لله : بتقولي قصه حياتها
فجأة دخلت عفرى المطبخ وعينها عالبلاك بيري وثلاثة ارباع شعرها من جدام ظاهر لا ومسوتله بف بعد
عبد الله استحى فسوى عمره ايكح
رفعت راسها جافته بدون اهتمام وردت تطالع البلاك بيري واصابعها تنقز عالحروف
سارت صوب الثلاجة وبطلتها وخذت فيتامين سي وظهرت من المطبخ بدون ما تفكر تعدل شيلتها
عبدالله كان يطالعها بغباء وقال فخاطرة : صدق ما تستحي- ابتسم – بس حلوة – رد كشر – استح عويهك هاي بنت خالك
-ابتسم – عيونها خبال – كشر – ايه ينيت ولا شو

هو سرحان وراتنا واقفه ساعة تزقرة وتتحرطب : بابا عبدالله.. لا هازا مجنون شوي يزهك شويه اصب مافي مخ اول يقول سووره ( بسرعة ) بأدين ما يسمع الهمدلله ... بابا عبدلله
عبدلله انتبه : ويعه بلاج تصارخين
راتنا : هههههه الهمدلله جاي كلاس
عبدلله شل صينيه وطالعها بنظرة وقال : مينونه
راتنا عقب ماراح : انت في مجنون كبير

وسار عند الشباب تمو يسولفون لين ما اذن العصر كل واحد ركب سيارته وشل اهله وياه وساروا صوب الوادي وفرشوا حصيرهم وتموا يسولفون
وعفرى ما شلت عينها عن البي بي وعبد لله ماشل عينه عنها وام عبيرتبا تبعد انتباهه عن عفرى باي طريقه
فقالت : اقول عبد لله
عبدلله : هلا عموه
ام عبير : اقول عبدلله انت الحين وين تشتغل
عبدالله كان لابس نظارة شمسيه فكانت عيونه تنتقل بين عفرى ومرت خاله : فدفاع المدني
ثاني وهو يرص عذراع عبدالله : وانا اقول الريال بلاه معضل
عمو عليا : صل عنبي بتاكل ولديه
ثاني : لا تخافين عيني بارد وعسب تتاكدين عبدالله تعال بتفل عليك
الكل :ههههههههههه
عبدالله : فضل عنك يالطفس
مطر كان يالس ويسمعهم ويضحك حس انه في حد يراقبه ما صد يجوف منوه الحد وما حطى فباله
صد صوب يدته اللي قالت : مطر كم عمرك الحين
مطر : 25 ليش هسؤال
يدوه : عيل يبالنا اندورلك حرمه
حس مرة ثانيه بحد يطالعه بعد ما عبر فقال : بعدني يدوه
يدوه : شو بعدك شونا قصنك انته اللي فعمرك درزن ورآهم
ثاني : يدوه انا بعرس
يدوه : انت بعدك ما ظهرت من البيضة تبا تعرس
ثاني : شو يدوه ما ظهرت انا بعد شهر بدش العشرين
يدوه : حافظ عليك متى ظهرت من البيضه
ام عبير : فالك طيب ثاني انته تخرج وتوظف حرمتك عندي
ثاني لا ارادي راحت عيونه ع امينه اللي كانت تصبلها جاي
ثاني : امينه اذا ماعليج امر صبيلي جاي وياج
امينه : انشالله
وصبتله وعطته وهو يطالع ويها المليان
ثاني : تسلم يديج يالغاليه
امينه اول مرة فحياتها حد يقوللها الغاليه فستحت وقالت بصوت شبه مسموع : الله يسلمك
عفرى ملت من اليلسه بنسبه لها سوالفهم ممله فشلت بعمرها وركبت سيارة ثاني وصكرت على عمرها الباب وقفلت البيبان وفصخت شيلنها وفتحت شعرها لانها من يوم هي يايه ماضهرت ولا شعره وسبه تهديدات ثاني وفلسفته
وشغرت شريط اغاني حمد العامري
بالاحرى غنيه يامنيه الخاطر لانها العوق عند عفرى وخفت الصوت اتصلت عسيف
عفرى : الوووه
سيف : مرحبا الساع هلا مهرة شحالج
عفرى اتنهدت من الخاطر: لا يعه جبدي سيف قوم يدوه مملين من الخاطر
سيف : فديتج تحملي اهم شي ما بترقدون هناك
عفرى : انشالله مانرقد لاني بتخبل ... خلك مني انت شحالك
سيف : بخير توني راد من بيت خالوه مسويه صبحية شواخ
عفرى : اها وشخبار اخت الغالي
سيف اتنهد: مضايجه مني
عفرى : حراام ما ارضى عليها ترى
سيف : حتى انا بس والله ما قصدت
عفرى : انزين شو استوى
سيف : بغت اوديها بيت خالتي كنت مب فايج جان اهزبها وتمت محطيه فخاطرها ولين الحين ماترمسني
عفرى : سيفاني حرام عليك انزين لحظة هي فالبيت
سيف : لا تمت يالسه مع البنات
عفرى : انزين شورايك نش خذلها هديه صغيرة مع ورده وكتبلها رساله خذ بخاطرها ما تستاهل مهاري
سيف : فديتج عفاري محد يريحني غيرج ومحد يفهمني كثرج
عفرى : ههههه ومحد يحبك كثري
سيف : ااااه يعفرى انت يالدم اللي يمشي بعروقي انتي الهوى اللي اتنفسه انتي كل شي احيج تعرفين شو يعني احبج
سيف يهالكلام نست العالم كله وكانها تمت هي سيف بروحهم فهالدنيا
عفرى : سيف انا ما اتخيل يوم فحياتي يمر بدون ما ارمسك انت روحي اللي بدونها اموت
سيف : انا من يوم شفتج فالمطعم وانتي معصبه دشيتي خاطري
عفرى : وانا من جفت ابتسامتك نسيت عصبيتي ونسيت الدنيا ومافيها
سيف : عفرى احبج احبج احبج احبج احبج احبج احبج احبج
عفرى : وانا اكثر منك
سيف اللي كان يالس فحجرته وموخي راسه ويرمس عفرى وان فعالمه الخاص مع عفرى قطع عليه كل حواسه صوت وحدة يموت فيها
: تييف
سيف : عيون تيف
عفرى تدلع: اغار
سيف : هههه يحق لج انتي my baby
عفرى : رمسها ابا اسمع شو بتقولك
سيف : اموله شو تبين
امل اتزخ ايد سيف وتسحبه : تيف هاذا منصول اشتلى من الدكان حلاوة وما بعتيني تعال دوله يعتيني
عفرى : فديييتهااااا ياربي ... سيف جفتها فالعرس اتشابهك الا فالعيون والخدود المليااانه
سيف : اموله ومهرة يتشابهون فالبياض و خدودهم المليااانه
اما باقي الملامح اناو اموله طالعين عمايه اما منصور ومهرة ع ابويه
عفرى : اللي يعيبني فمهرة انها ضعيفه بس خدودها مليانه وماشالله دوم ورديات –جافت مطر ياشر عليها – اممم سيف حبيبي بصكر عنك مطر يزقرني ولاتنسى مهرة وود اموله دكان ..باي
سيف: انشالله مع سلامه وصكر
سيف شل اموله ونزل االصاله وسار عند منصور اللي فارش بسطته فالصاله وكان يلعب بليستيشن ومندمج وكيسة الدكان حذاله وفوق ها يالس جدام التلفزيون سار سيف وسحب الجيسه وهويسمع منصور يصارخ يلس ولس اموله عريله وحطى الكيسه فحظنها
منصور معصب : ايه شو انا اللي شا رنهم مالي من بيزاتي
سيف : من وين يبت البيزات
منصور : اليوم نثروا ع شواخ حصلتلي 30
سيف وهو مبطل عينه : وشريت بيهم كلهم
منصور بثقة : نعاام
سيف : ونعامه ترفسك يالسباآآل ارحم حالك – وهو يطالع شو فالجيس – عنبوك 5 ديو و4 جلكسي و3 توكس
و5 شيتوس و 2 باور هورس لا ومايبا يعطي حد ولا وتوك راد من عزيمه ياخي ارحم حالك طالع شقايل مستوي درااام
منصور : ياخي يوعان
سيف : الله يغربلك بعد يوعان وانا اقول مسكينه مهرة ضعفانه اثاريك يالهرم مخلص اكلها
: صل عنبي عن تاكله
وهاذا البارت الخامس
منو ضنكم كان يطالع مطر ؟؟
وليش ام عبير تبا تبعد انتباه عبدلله عن عفرى ؟؟
ضنكم الرمسه اللي تطلع من سيف من خاطره ولا ؟؟
ومنو قال حق سيف :صل عنبي عن تاكله ؟؟؟
لا تحرموني من ردودكم
واسالتي مشتاقه اجابتكم

اختكم <> شغف الامارات <>

 
 

 

عرض البوم صور شغف الامارات  

قديم 21-11-10, 01:04 PM   المشاركة رقم: 12
المعلومات
الكاتب:
اللقب:
ليلاس متالق


البيانات
التسجيل: Nov 2010
العضوية: 202360
المشاركات: 1,833
الجنس أنثى
معدل التقييم: غلاها غير عضو على طريق التحسين
نقاط التقييم: 56
شكراً: 359
تم شكره 303 مرة في 95 مشاركة

االدولة
البلدSaudiArabia
 
مدونتي

 

الإتصالات
الحالة:
غلاها غير غير متواجد حالياً
وسائل الإتصال:

كاتب الموضوع : شغف الامارات المنتدى : منتدى الارشيف
افتراضي

 

هلابك شغف...
يسلموووو ع البارت...

س1///هي يا عبير يانهله واحتمال كبير يقول نهله...

س2///لانها تبغاه يتزوج عبير....

س3///اكييييدلا ما اتوقع انه من خاطره...

س4///مهره او ام سيف احتمال كبير ام سيف...

وهذي ردودي وان شاء الله تكون صح ...

س/كم عدد البارتات في الروايه?

 
 

 

عرض البوم صور غلاها غير  
قديم 22-11-10, 07:26 AM   المشاركة رقم: 13
المعلومات
الكاتب:
اللقب:

البيانات
التسجيل: Nov 2010
العضوية: 202401
المشاركات: 57
الجنس أنثى
معدل التقييم: شغف الامارات عضو بحاجه الى تحسين وضعه
نقاط التقييم: 10
شكراً: 1
تم شكره 2 مرة في مشاركة واحدة

االدولة
البلدUnited Arab Emirates
 
مدونتي

 

الإتصالات
الحالة:
شغف الامارات غير متواجد حالياً
وسائل الإتصال:

كاتب الموضوع : شغف الامارات المنتدى : منتدى الارشيف
افتراضي

 

غناتي غلاها غير
انا هب كانبع كل الاجزاء
اللي كاتبتنهم تقريبا ثمانيه
بعدين انشالله بكتب وبنزله
وبحدد وقت انشالله بخبركم عنه بعدين
^_*
هاذا
البارت السادس
><
><
><
>.<
^_^
: صل عنبي عن تاكله
صدوا ثلاثتهم هالصوت مب غريب
اموله وهي تنقز من عريل سيف : بابااااااااتي
وركضت صوب ابوها نزل بو سيف لمستواها وشلها وفراها فالهوى وباسها على خدودها : روح بابا
واتجدم سيف ووايهه وحب راسه وعقبه منصور قلد سيف
بو سيف وهو ييلس عالغنفة اللي فصاله واموله فحضنه وعيونها ما تخوز عن ويه ابوها
سيف كان يالس جابل ابوه ومنصور على يمينه
بو سيف برزانه وهيبه : وينها ام سيف
سيف بحترام : سارت بيت خالوه البارحة كان عرس شيخه بنتها واليوم صبحيتها
بو سيف يطالع الساعة اللي عالايدار : ساعة 6 ونص لين الحين ماردت من بيت خالتك
سيق يعرف انه ابوه ما يحب ظهرة الحريم من البيت او انه يتاخرن برع
فقال سيف : تلاقيهن فدرب هي ابويه شو سباقات هالسنه
بوسيف : الحمدلله الخيول قويه وفزنا فوايد صباقات
سيف : زين زين
بوسيف : وانت شو مسوي فشغلج
سيف : الحمدلله مرتاح انداوم من ثمان صبح لين هنتين الظهر
بو سيف بنضرة قويه : شد حيلك
بو سيف صد صوب منصور اللي يطالع الحلاوة فاييد امل ومقهوووور
ابتسم بو سيف على ولده وضربه على ظهره بالخفيف ينبه : وانت شو مسوي
منصورزاغ " ماسويت شي
بو سيف : هههه حد قال انت مسوي شي , شو دراسه
منصور : زينه
بوسيف : احين اي صف انته
منصور : ثامن
بوسيف : شد حيلك
في هالحظة دخلت ام سيف ومهرة وراها ولمحت شخص كبير يالس فالصاله تهلل ويها بفرحة
ام سيف : مرحبا الساع
وسارت صوبه ووايهته وبو سيف قال شي فاذنها هي استحت وظربته بالخفيف على جتفة وضحكت
سيف كان يطالع مهرة اللي مو معبرتنه اول ما ابتعدت امها عن ابوها سارت صوبه ولوت عليييه من الخاااااااطر
مهرة : ابووويه فديييتك تولهت علييك موووت
ابتعدت عنه شويه : شحالك شخبارك
بو سيف : انا الحمد لله بعد شوفت ام سيف
مهرة تغمز حق امها : منو قدج يتغزلون فيج
بو سيف وهو ييلس امل فحضنه ومهرة عيمينه وام مهرة عيسارة
بو سيف : ههههه اسميج شر
امل ادز مهرة اللي حطت راسها على جتف ابوها : لوحي بعيد – تلوي على ابوها – باباتي انا
مهرة وهي تبتسم ابتسامه تقهر امل : هاذا باباتي قبل لا يستوي ابوج انتي روحي
ام مهرة : لا تضاربون ولا شي – حطت ايدها على ذراع ريلها – هاذا ريلي قبل لا يستوي ابوكم
سيف صفر : عااااشو بو سيف منو قدك طلعوا يحبونك
بوسيف : جنك الا تغار يلا ام سيف دوريله حرمه
سيف : ابويه الحرمه موجوده بس مب الحينه
بو سيف : متى شغل وتشتغل وانت مب صغير قام عمرك يصك الخمس وعشرين ومب قاصرنك شي
سيف : ادري يا بويه بس مب الحينه
ام سيف : بوسيف خل الولد عراحته
بو سيف : تامرين امر
>>>> على طريج حتا ودبي
السيارة هدوء ام عفرى راقدة وعفرى تلعب بالايبود وثاني ساكت وكانه يفكر فشي صد عنخم مطر وهو يطالع من الدريشه ورجع يقلب كلام عمه فراسه مرى ثانيه
: انا تدريبي الله ما رزقني بولد ايشل الحلال من وراي وخلفتي كلها بنات
وانا مابا يطيح الحلال بيد واحد ما يخاف ربه انا ببيعك نص اسهمي اللي فشركه بس باقي الاسهم ببيعك اياهم اذا استوى اللي ببالي

تنهد مطر وقال فقلبه " الله يعلم شو فبالك ياعمي "
ماحس بعمرة الا وغنيه عسى مايوحشك غالي على لسانه
ابتسم يوم تذكرها لانها اتذكرة بسهيل كان دوم يغنيها ويستهبل عليه بيها
صد صوب ثاني
مطر : ثاني عندك غنيه عسى ما يوحشك غالي
ثاني : لا ما ضني
عفرى : انا عندي ثانس عندك الوصلة
ثاني : هيه
وشغلوا الغنيه وما علوا عصوت لان امهم نايمه
بس كل واحد راح فعالمه الخاص مع كلمات الغنيه
*******
عفرى راحت فكلماتها لان فيوم من الايام كان سيف مسافر لندن وياأهله وهداها هالغنيه وكل ما تسمعها تذكر هذيج اللحظة
سيف : والله اني متوله علييج واباج الحين عندي عفرى تعرفين كيف احبج
عفرى : سيفاني انا اموت فيك انت القلب اللي ينبض فوسط صدري
سيف : بسمعج غنيه اهداء صدقيني اعني كل كلمه فيها
وشغللها الغنيه
عفرة : سيف اعشقك
سيف : ههههه ليش اتصيحين
عفرى : لاني اموت فيك والله اذا ودرتني بنتحر
سيف : اموت قبل لا افكر اودرج
اما ثاني ما يسمع جذا اغاني ثاني ما يتفاهم الا بميحد حمد فكان عادي عنده
اما مطر فكان يسمع ويبتسم لانه يتذكر سهيل كان كلما يتصل بامه او ثاني يوم يصكر يتم يلعوزه وهو يغني بصوته النشاز
لا وساعات ايول بدبه الماي ههههه والله متفيج
وصلوا البيت عساعة 8ونص وكل واحد دخل حجرته من التعب
مطر اتصل على سهيل
مطر : سلام عليك وحمه
سهيل : وعليكم السلام مرحبا ملايين ولا يسدن فذمتيه وينك يالقاطع هيه شكلك الا كلت اللقيمات ونسيتنا
مطر : هههههه وحد ينساك شحالك شخبارك وشو لندن عندكم وشخبار فيصل
سهيل : بخير الحمدلله لندن اليوم صب ثلج ومتيبس من البرد وفيصل هاذوه عندي
مطر : خل فيصل يشغلك الدفايه قبل لا يروح تراك حتى دفايه ماتعرف اتشغل دفايه
سهيل : صخ فضحتنا ترى فيصل انتقل عندي
مطر : زين عن تتخبل عطني بسلم عليه
فيصل : مرحبا الساع
مطر : ههههه علمك سهيل
فيصل : هييييه هههههه شحالك
مطر : ههههه بخير انت شحالك وشخبار هالمخبل اللي عندك
فيصل : انا بخير ياغير ذا مخبل اللي عندي كانه بزر
مطر : يجهزل لعش الزوجيه
فيصل : اقول تلايط بس قال وش قال عش زوجيه
ههههههه احب كلمه >> تلايط
عفرى سارت حجرتها خذتلها حمام ماي حار واسترخت وطلعت
لبست برمودة ورديه وقميص حفر عليه دبدوب بالرمادي كانت وااايد كيوت
سارت جدام المنظرة
نشفت شعرها المدرج كانه شلال بسشوار وخلته على طوله اللي يلامس نص ظهرها
وسارت يلست على المريحانه اللي معلقه فالكورنر وتمت تتامل حجرتها
اليدار لونه وردي فاتح برسومات بشكل تقوش الحنا على زوايا بلون فوشي
نزلت عيونها على شبريتها اللي طايح عليها مفرش سادة بلون فوشي
ونتقلت عيونها على تسريحتها اللي محطوط عليها اغلى وايدد كريمات وعطور وغير القبضات اللي متناثر على التسريحه
اتساندت على المريحانه وصكرت عيونها وخذت نفس عميق وطلعته ببطئ
كانت مسترخيه فجأة ازعجها صوت اهتزاز تيلعونها اللي على كومدينه اللي عالشبريه
نشت وسارت جافت
baby يتصل بك
شلته وسارت وتساندت على دريشتها اللي اتطل على الشارع العام
عفرى : الووه
سيف : شحالج
عفرى : دامني اسمع صوتك انا بخير انتش حالك
سيف : ما نشكي باس
عفرى : راضيت مهرة
سيف : ما لحقت ابوي اليوم رد من السفر
عفرى : اها الحمد لله ع سلامته
سيف : الله يسلمج .. بلاج مب عايبني صوتج
عفرى : مافي شي بس متوله عليك
سيف : بس فالج طيب انتي وين الحين انا ياينج
عفرى : هههه والله احب..
: ترمسين منو انتي
مهرة لفت بالقو وصكرت التيلفون فويه سيف وتمت امبطله عيونها
.....
تم يطااله السما وهو منسدح فالحوي وكل تفكيره يدور حول عفرى اااه ياعفرى والله انج الموت
غمض عيونه وهو يتذكر شو استوى اليوم فالوادي
زقرها مطر عسب انهم بيصعدون اليبل ويت معاهم فالبدايه كانت تركب ومطر جدامها يساعدها هي يلست شوي تعبت ومطر روح عنها وعبدالله تم وراها كان يبطأ يترياها تصعد عسب يلحقها وركبت وهو كان وراها بضبط ففلتت ايدها وبغت تنجلب لا كنها حطى ايده ورى ظهرها وهو يثبتها عسب ماطيح وقال : حاسبي
اما هي طالعت منو زخها وردت اتكمل ركوبها لليبل بدون حتى ما تفكر اتقول شكرا
اتنهد وفتح عيونه ويلس وكانه يانب عمره
عبدالله م بانت اللي تجذبك وحدة جايفة عمرها وخقاقه رجع انسدح بس حلوه الله يغربلها
: بلاك من راحوا قوم خوالك وانت مب فحالك
صد صوب امه اللي يلست حذاله وحطت دلة الجاي حذالهم رفع عبدالله عمره
عبدالله : ماشي
عليا : عبدالله انا امك خبرني شو بلاك حالك مب عيبني
عبدالله يغير السالفة لان اخر شخص ممكن يتكلم معاه فهالموضوع هي امه
عبد الله : امايه ليش يدوه ما تعامل مرت خالي فهد ( ام مطر) حذا
عليا : اااااه هم من يوم خالك خذى شيخة وامايه وهي دوم ضرابه
عبدلله : الله يهديهم – نش وقف وحب راس امه – يلله اسمحيلي الغاليه تعبان بروح ارقد
عليا : الله يحفظك
رفعت عليا يدها لسما وقالت (( يالله احفظلي ولدي هوراسمالي وبعد عنه شر الحاسدين ))
****
سيف تم يطالع تيلفونه استغرب اول مرة تسويها
فر تيلفون ما هتم وظهر من حجرته دخل فالممر اللي يوصل نهايته ع غرفة مهرة
دق الباب
فتحت مهرة الباب كانت اتسحي شعرها
اطالعته ودت عنه ودشت الحجرة وخلت الباب مفتوح يعني اذا تبا تدخل حياك واذا ما تبا كيفك
دخل وهو يحك راسه يبا يرمسها فتم يطالع شعرها اللي تخطى ركبها
سيف : شعرج طول ما بتقصينه
استغرب منها ومن اسلوبها : لا عادي انا عايبني جذي اصلا ما صدقت يستوي هالطول
سيف : مهرووه يعني الحين زعلانه

وهاذا البارت السادس
منو ضنكم اللي دخل على عفرى الحجرة ؟؟
شو تتوقعون ردة فعل مهرة يوم رمسها سيف ؟؟

لا تحرموني نور ردودكم يالغلا

 
 

 

عرض البوم صور شغف الامارات  
قديم 22-11-10, 12:52 PM   المشاركة رقم: 14
المعلومات
الكاتب:
اللقب:
ليلاس متالق


البيانات
التسجيل: Nov 2010
العضوية: 202360
المشاركات: 1,833
الجنس أنثى
معدل التقييم: غلاها غير عضو على طريق التحسين
نقاط التقييم: 56
شكراً: 359
تم شكره 303 مرة في 95 مشاركة

االدولة
البلدSaudiArabia
 
مدونتي

 

الإتصالات
الحالة:
غلاها غير غير متواجد حالياً
وسائل الإتصال:

كاتب الموضوع : شغف الامارات المنتدى : منتدى الارشيف
افتراضي

 

س/// مطر....

س///مادري بس ما راح ترضى بسرعه يبيلها وقت....

 
 

 

عرض البوم صور غلاها غير  
قديم 22-11-10, 02:19 PM   المشاركة رقم: 15
المعلومات
الكاتب:
اللقب:

البيانات
التسجيل: Nov 2010
العضوية: 202155
المشاركات: 20
الجنس أنثى
معدل التقييم: الوش عضو بحاجه الى تحسين وضعه
نقاط التقييم: 13
شكراً: 0
تم شكره 3 مرة في 2 مشاركة

االدولة
البلدSaudiArabia
 
مدونتي

 

الإتصالات
الحالة:
الوش غير متواجد حالياً
وسائل الإتصال:

كاتب الموضوع : شغف الامارات المنتدى : منتدى الارشيف
افتراضي

 

يسلمو ع بارات
بس ممكن طلب
انا سعودية وبعض الكلمات الاماراتية ما افهمها مثل لبس عفرى لما راح قوم يدها
فاتمنى تهتمين لهذي النقطة

 
 

 

عرض البوم صور الوش  
 

مواقع النشر (المفضلة)

الكلمات الدلالية (Tags)
شربتني من العذاب أكواب ..صار دورك تشرب يا خلي لو كوب
facebook



جديد مواضيع قسم منتدى الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:04 PM.


حواء

 



Powered by vBulletin® Version 3.8.5
Copyright ©2000 - 2014, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية