كاتب الموضوع :
New Moon
المنتدى :
القصص المكتمله من وحي قلم الاعضاء
الفصل الثلاثون
الرومانسيه ...السوداء
.~عندما نحب ..نتألم ..فلذه الحب هي الالم
وعندما ..نتألم ...نتمنى ..لو نكون فارغين القلب
لكن ما زلنا نتألم ...ونتعلم ..ان الحب عذاب ذو اختيار شخصي
اخترناه بأنفسنا ..كي نستمر...كبشر~.
هيوف تلفتت يمين شمال لان زيد طول وهو ساكت
زيد_ هيوف انا متاكد انك من اكثر البنات اللي التقيت بهم حشمه ومحترمه كثير
هيوف بغت تضحك على كلامه _ مشكور
زيد_ هيوف أنا اكيد انتي عارفه اني خاطب بنت عمي
هيوف بلعت ريقها لا يا زيد لا تقول أي كلمه عن هذا الموضوع _ ايه عارفه خاطب لامار
زيد_ تذكرين هذاك اليوم اللي قلتلك لو انك تاخرتي شهرين كان قدرت اتم امور زواجي من لامار تذكرين
هيوف _ ايوه اذكر بس ما فهمت (اكون غبيه الحل الوحيد)
زيد_ ما اقدر اتزوج لامار لاني ابغى وحده ثانيه
هيوف ببرأه مصطنعه _ لا يا زيد هذا الكلام ما يطلع منك انت غبي لا سويت كذا ما فيه بنت تستاهل انك تترك وحده مثل لامار عشانها
زيد_ حتى لو كانت هاذي الوحده هي انتي
هيوف ابيض وجهها _ زيد
زيد_ ايش يا هيوف ؟ هيوف انا ابغاك انا عارف اني غلطان واني غلطت مثل غلطت اخوي
هيوف _ اخوك
زيد_ ايه اخوي لكن هو خذاها عناد لكن انا احبك يا هيوف اسمحيلي اقول هاذي الكلمه
هيوف نزلت دموعها ليه يا زيد تذكرني اني مالي قرار في هذا الموضوع
عارفه انك تحبني بس انا اكره نفسي
ايه اكرهها
هيوف _ زيد انا ما احب اكون موضوع ما احب اكون ( ما قدرت تكمل)
زيد _ اسف يا هيوف ما كنت اقصد اضايقك صدقيني اني راح اسعدك وما اخلي عليك قاصر وهلي بيرضون انا متاكد
هيوف بصوت عالي _ زيد بس بس
زيد_ هيوف ارجوك ايه ارجوك لا تقولين لي انك مخطوبه او او تبين واحد ثاني.... خليك صريحه رغم ان صراحتك راح تالمني
هيوف _ انا انا ما اقدر اوافق لا تسئلني ما عندي جواب
زيد_ اذا ما جاوبتي راح اعتبرها فرصه منك اني اقنعك هيوف ابغى اقنعك انك راح تعيشين في جنه معي
هيوف لا يا زيد لا تسوي كذا لا تحط القاز على النار لا تبيني اللي فقدته وما راح يكون لي في يوم من الايام
قامت من على الكرسي وتركته قام زيد بس ما تحرك ما راح يستسلم
...........................................................
زهقت وهي جالسه في الغرفه الغدا طلع لها والعشا
لكن تبي تكلم أي احد
تبي تعرف بعد اذا غدير عرفت انها تزوجت طارق
تبغى تشوف تعابير وجهها اكيد تحدسني
ما تنلام تحسدني على عناي اللي احبه
مو انا غبيه احب اني احبه بدال ما احاول اني اعالج نفسي من عنى حبه
لكن انا في شي واحد مو غبيه اني عارفه ان حبه حكم مؤبد على قلبي
دخلت تتروش تبي تنام قبل لا يجي ما تبغى تواجهه
خرجت من الحمام وهي لابسه روب الحمام الابيض تبغى تاخذ بيجامتها
الحمام كان داخل غرفه التبديل فعشان كذا خرجت لغرفه التبديل مو الغرفه الاصليه
ولاول مره تتفاجا ان فيه ملابس معلقه وان شناطها مقفله قرب الادراج ناظرت الثياب واستغربت
ملابس سهره
بدلات
كل شي
وفي الدرج الاخير
ثياب نوم .......... همايل اختجلت وتذكرت ثيابها اللي شرتها عشان زواجها من سعد
ليه شرى هاذي الملابس وكيف عرف مقاسي وهل هو اصلا اللي شراها
اكيد ما راح اقرب هذا الدرج
لاني زوجه غير
قفلت الدرج
ونزلت تفتح وحده من شناطها تخرج بيجامتها
بس حست ان فيه احد معها في الغرفه
التفتت ولقته
قرب ودخل شكله متردد
قامت بشكل لا ارادي
في نظراته لهيب اشعل كيانها
وحرر دموعها
ما زال يقاوم خطواته ويقرب
ولما قرب همايل تراجعت خطوه
طارق ناظر تراجعها وقال بصوت هامس _ هملال
همايل ردت عليه بهمسه _ لا
قرب منها وكان رفضها قواه
همايل بصوت نائح تقريبا _ انت قلت انك ما تبيني كزوجه
طارق ناظرها بصدمه سكت ورد عليها رد ما ظنته بيقوله _ انا ما قلت ما ابيك كزوجه قلت ما ابيك كزوجه دائمه
همايل بالم _ تراها تفرق معي
وكان الالم اللي طل من عينها فاق المه هو
مسكها من يدها وقربها منه بسرعه همايل ناظرت عيونه اللي كانت تواجه عيونها
كانت تتنفس بقوه كانت في حضنه كانت يده حولها وقبلها قبله انستها عالمها وما يدور حولها
............................................................ .
استندت على المخاد وناظرت الدريشه المفتوحه اللي ينبعث منها ضوء القمر وناظرت الثوب اللي عليها ابيض كت علاقاته من الدانتيل العريض شوي
من اللي بدلها اكيد هاجر
بس وش تسوي مثل هاجر هنا
ناظرت صدرها فيه حروق بسيطه توجع شوي اكيد مفعول المهدي اختفي ناظرت يدها الملفوفه في الشاش ورجلها بعد واللحين صدرها منحرق ومتزوجه ومخطوفه واخوها بينتقم منه واحد ما يعرف الرحمه
بس هذا اللي ما يعرف الرحمه
ليه ما يرحم قلبك يا دانه
انا اللي ما رحمني هو قلبي غلط غلطت عمره
هو حظي كذا ما يطيح قلبي اللي في فخ تعذيبي
هلي كيفهم اكيد حالتهم ما يعلم بها اللي ربي طيب كيف هيوف عرفت ولا لا البنات عرفوا ولا لا
الله يستر الله يحفظلي هلي
اندق الباب بهدوء قربت الشرشف من على صدرها ويدها العاريه دخل جاسر اللي كان لابس بيجامته الرماديه
جاسر بصوت واطي هادي _ انتي بخير
دانه ودها تجافيه وتقوله بوقاحه مالك علاقه بس ما تقدر يفرض احترامه وش سواله كامل ودها تعرف
دانه _ بخير
جاسر _ هذا المرهم حطيه اذا خف مفعول المنوم
دانه خذت المرهم من اليد الممدوده لها
جلس يناظرها شوي اسرته بس لازم يطلع
دانه قبل ما يخرج _ ابغى اعرف وش سوالك كامل
ناظرها _ كنت اظن انك تعرفين
دانه _ لا ما اعرف انا متوقعه شي بس بس
جاسر رجع يدخل الغرفه _ بس ايش
دانه _ كنت متوقعه ان السالفه فيها فلوس بس ما اظنك من الناس اللي يهتم بالفوس وعشانها تخطف وتسوي اللي سويته
دانه باستغراب _ كنتي تظنين ان اللي سويته عشان فلوس ؟ دانه ما اظنك لازم تعرفين
دانه بصوت عالي تقريبا _ لا لازم اعرف انا اللي تاذيت في الاخير يعني انا اللي مفروض اعرف اكثر من أي شخص غيري
جاسر _ وانا اذيتك
دانه ناظرته بياس _ ما اظن اني بكون فرحانه بللي صاير لي
جاسر سكت ثواني وطلع من الغرفه وقبل ما تحتج دانه او تفهم روحته وطلعته من الغرفه رجع و جلس على السرير دانه بعدت شوي لاحظ جاسر هذا الشي بس التزم الصمت
ومسك محفظته وخرج منها صوره ورماها لدانه
دانه ناظرته قبل ما تمسك الصوره
لقتها صورة بنت كان واضح عليها الدلع والرقه والجمال الصارخ
دانه بدون شعور حست بالغيره حست صدرها ياكلها
دانه _ من هي
كامل كان طول هذا الوقت يناظرها بتمعن _ اكثر انسانه كنت اهتم لامرها
دانه عرفت ان الغيره اعمتها ودها تضربه
جاسر ناظر قدامه وكأن الذكريات خذته _ لو لاحظتي قلت كنت (ارتاحت شوي ) ماتت
شهقت بقوه _ ماتت (وناظرت الصوره مو مصدقه ان هذا الوجه صار تحت التراب )
نزلت دموعها بس بدون صوت
جاسر _ واخوك السبب
دانه ما قدرت تمنع صوت الشهقات الصغيره انه يطلع _ من هي هالبنت من هي
جاسر ناظرها ولاحظ ان حالتها صعبه _ دانه بس خلاص مو لازم اكمل
دانه مسكت يده تثبته ما تبيه يروح قبل لا يقول كل اللي عنده _ من هي رد علي
ناظر يدها اول مره تلمسه وليتها ما سوت
دانه _ جاسر رد علي
جاسر بصوت يائس _ اختي
بكت بقوه هي بدون شعور صدقته اللي سواه يدل على جرح كبير _ اسفه اسفه والله اسفه
جاسر انصدم وناظرها _ ايش
دانه غصب خرج بين شهقات البكاء _ اكيد ما راح يرضيك الا ترد لكامل اللي سواه تبيني انا بعد اموت صح بس بس
جاسر وكان احد صب عليه مويه بارده قاطعها_ دانه كيف كيف فكرتي اني ممكن اسوي هذا الشي
دانه ناظرته _ ما راح تسامح اخوي صح ما راح تسامحه
سكت ومسك يدها اللي كانت ماسكه يده وقبلها بقوه وتركها وطلع
وترك دانه مع قلبها اللي تالم بقوه على حزن حبيبها ايه حبيبها تحبه
انا اعترف احبه
...........................................................
معقوله لو فتحت عيني راح القى الحلم مستمر واني عايشه في جنه وفي احضانه ولا بقوم والقاه رجع هو .........هو اللي ما عرفت من هو ؟
فتحت عينها مغصوبه ولقت المكان الي كان يشغله فاضي
رفعت نفسها شوي من على السرير
ما لقته لكنها سمعت صوت وتحركات في غرفه تبديل الملابس الخاصه به
وشافته خارج من الغرفه وهو لابس ثوبه وشماغه معدله
وين هو رايح
بغت تسئله ؟؟؟ لكن الخجل منعها
جرحها بس؟ تبغى تبرر له
ناظرها فارتبكت
قال بصوت جامد خالي من العواطف _ انا مسافر راجع بعد يومين حاولي ما تسوين مشاكل يكون احسن لو جلستي هنا وما تطلعين
تعرف لما تبني بيت من ورق وتفرح
اولا لانك بنيته
وثانيا انك بنيته من ورق ومعناتك لاتمام بنائك
عرفت هذا الشعور
اذا اكيد بتعرف الشعور لما تلقى احد يحرق بيتك ببرود
همايل بحزن _ طارق
ظل يناظرها _ لازم اروح اللحين
طلع بسرعه وكان فيه نار تلحقه
رمت بنفسها للوراء وغرقت في بكاء
كانت تحلم ان يكون هو من ينهيه لكن كل الذي قام به هو فتح صفحه جديده من فصول الدموع الابديه
............................................................ ..
انا حزينه
ما وقفت بكى من امس
اه يا نفسي
اسفه والله اسفه
ناظرت غرفتها الجديده اللي اعطيت لها من قبل مالكين الشقه الجديده
تمنت انها ما نقلت لانها بدت عالم البذخ
اكيد سميه وهيام من عايله ميسوره جدا
ما حبوها ... كان هذا واضح بس عرفت انهم ناس طيبين ومستقيمين بس راح توعد نفسها انهم ما راح تاذيهم
لانها خلاص ما تبغى تناذي هي بنفسها
اذاها زيد من غير ما يعرف
يبغيني له زوجه
ومو عارف وهو مو عارف ؟؟؟؟؟؟؟؟؟؟؟؟؟؟؟!!!!!!!!!!!!
ما حضرت اليوم أي محاضره ليه اكذب على نفسي ما راح انجح راح افشل حاولت لكن الفشل شكله راح يكون رفيقي
يعني راح ارجع للعالم اللي تركته
عالم نظرات اللي كرهني فيه تلاحقني
ابغى حل ؟
ابغى حل ؟
............................................................ ...........
ديمه _ موزه ارجوك قولي لي ايش السالفه دانه فيها شي ليه غايبه وليه ما ترد علينا
موزه بارتباك _ تعبانه شوي
ديمه _ موزه جاوبي بصراحه وش تعبانه ذي جواب غير مقنع
موزه _ بصرراحه فيه وضع عايلي صاير وما نقدر نقوله لاحد
ديمه حست بالحرج
ديمه _ موزه امنتك بالله جاوبي قولي الحقيقه بس على ذا السؤال دانه بخير
موزه _ ايوه بخير
ديمه _ اذن سلميلي عليها مع السلامه
موزه قفلت وهي تحس نفسها ترتجف ليه وش صار
تحس انها تبغى تكلم هيوف
هي الوحيده رغم كل شي بتحل السالفه لانها هيوف
لكن هيوف ماهي بهنا ما هي بهنا
قامت تبغى تروح للمطبخ
البيت كله صار من مسؤليتها لان في وامها بعدهم في المستشفى
مشت لكنها شافت سالم داخل وشكله مرعوب بغت تروح تسئله وش فيه لكنها شافته يدق بالجوال انتظرت تبغى تسمع
سالم _ ابو نادر ايش اللي صاير من هم هاذولا اللي تهجموا علي
ابو نادر _..........................
سالم بغضب _ وينك انت تعرف ايش صار اليوم تعرف انهم يهددوني يبون المبلغ الاسبوع الجاي منين اجيب لهم ميتين وخمسين دبرها انت
ابو نادر؟_..........................................
سالم_ يابن الكلـــ.... يهددوني بحياتي بعدين ليه ما قلتلي انهم تجار مخدرات انا مو ناقص مشاكل ذي الفتره
ابو نادر _............................
سالم قفل بقوه وش بيسوي اللحين
يطالبونه بالمبلغ ولا بيصير له شي هو في غنى عنه
.........................
موزه مرعوبه اكثر من سالم
لا
لا
لا
البيت هذا صار مسرحيه
كل يوم مصيبه احد داعي علينا
احد داعي علينا
بدق على هيوف ايه بدق عليها
ابغاه تتالم مثلنا وتساعد
.......................................................
هاجر _ ايش رايك نخرج للحديقه
دانه _ تعرفين تتكلمين سعودي
هاجر ضحكت _ ايه شوي منو كثير
دانه ناظرت الدريشه اليوم ما شافته ليه ما دخل عليها
دانه _ انتي ليه هنا
هاجر _ انا بنت الشيف هون
دانه _ تقدرين تخرجيني للحديقه
هاجر _ طيب وانا شو كنت بقول
خرجوا للحديقه بصعوبه لان دانه كانت تتكي على جدار البيت بس كان فيه مصعد للنزول
صدق انه شي مضحك مبكي
مخطوفه وملفوفه بالشاش من مناطق كثيره
كانت تتلفت كثير تبغى تشوفه
كانت لافه نفسها بوشاح اخضر قطني عطتها ياه هاجر
تحس شعرها غير مرتب
جلست في الكرسي اللي رتبته لها هاجر
كانت الطبيعه ساحره والورد شي ما ينوصف
هاجر _ دانه انتي ليه هون بليز ما تقولي لحدا اني إسئلك هيك سؤال وتقدري ما تجاوبيني
دانه _ ما اعرف لو اعرف كان جاوبتك
هاجر التفتت فلاحظتها دانه والتفتت معها ولقته جاي يمشي بهدوء
بيده كوب قهوه كيف يقدر انسان يلخبط كيان انسان ثاني بهاذي الصوره تعلقت عيونها فيه بس هو ما ناظرها فضل انه يناظر كوبه عليها اقترب منهم
قامت هاجر _ بدك شي استاز جاسر تاجيوبه الك
جاسر لاول مره يناظر دانه
ناظر هاجر _ لا شكرا بس جيبي جاكيتي تلقينه في المكتب
جلس مكان هاجر
دانه التفتت للورود
دانه _ اشتقت للجامعه
جاسر _ ايش تخصصك
دانه _ رياضيات وانت
جاسر وهو يناظرها وحاط يده تحت خده عارف انه تحس بالذنب اسف يا دانه
جاسر _ الحقوق
دانه _ يعني ما احد يقدر يلومك على شي
جاسر _ ليه يا دانه وانتي تبين تلوميني على شي
دانه _ لا انا من زمان قررت الوم نفسي على كل شي على اغلاط ابوي على حقد بنت عمي على زعل الكل ما عاده شي يهم بالنسبه لي يكون الخطى عليك اهون من انك توجه الاتهام لغيرك
جاسر _ وغلط كامل تبين تتحملينه
دانه ناظرته _ انت حملتني ياه قبل حتى لاعرفه
جاسر _ كانت الطريقه الوحيده عشان القى كامل
دانه ؟_ وش بتسوي بكامل يا جاسر
ما رد .................... ما رد
هاجر جات بالجاكيت قام وخذاه منها
وتوجه لدانه وحطه على كتفها دانه بدون شعور مسكت يده البارده
جاسر بعد يده
ودانه عرفت انها غلطت
لا ما راح ابين له حبي
لاني ما ابغى اتالم اكثر
كافي ما جاني
رجع للبيت
وتركها تقاوم نفسها
............................................................ ......
موزه _ الو
ديمه _ الو اهلين موزه وش فيه
موزه _ ابغى اكلم هيوف ضروري
ديمه _ انا حاسه ان فيه شي ماهو بزين قولي يا موزه خبريني
موزه _ ابغى اكلم هيوف ضروري
ديمه _ راح اكلمها واخليها تدق عليكم
موزه _ لا ابغاها اللحين اللحين
ديمه _ طيب هاك رقمها بس كيف بتدقين عليها
موزه _ هاتيه وانا بتصرف
.........................................................
خيريه _ همايل قالت العمه البسي عشان فيه استقبال مسوينه عشانك
همايل مازالت معبسه من احداث الصباح بدال الزواج اللي احلم به سوالي حفله
همايل _ طيب
خيريه _ همايل فيك شي انتي بخير
همايل _ ايوه بخير
خيريه سكتت وطلعت
همايل ناظرت غرفه الخزانه وتذكرت امس غمضت عينها
لا هو بيرجع وبيعتذر انا متاكده انه كان مشغول بس
............................................................ ..
موزه وهي تناظر جوال عمها اللي سرقته وتسمع الخط المتقطع اللي يدل على ان الخط يحاول الوصول الى هيوف
هيوف ناظرت الرقم استغربت الرقم من السعوديه
ممكن ديمه غيرت الرقم
هيوف وصوتها مازال متاثر بالدموع اللي ضرفتها _ الو
موزه ما ان سمعت صوت اختها بكت بالم _ هيوف
هيوف تجمدت ورجعت دموعها تخط طريقها الى الاسفل
موزه _ هيوف هيوف انا موزه اختك موزه
هيوف بعد ما خبت البكى _ اهلين موزه ايش اخباركم انتي بخير ليه تبكين
موزه رغما عنها قالت _ اشتقتلك
هيوف رغما عنها قالت _ والله انا بعد
حست انها تبغى تقول اسفه بس سكتت لانها عارفه نفسها راح تغلط كثير لاسوت هذا الشي
موزه _ هيوف هيوف الحقي الحقي ترينا تعبانين وصارت لنا اشياء كثيره كثيره دانه دانه (وبكت )
هيوف بصوت مرتجف خايف _ ايش فيها دانه موزه انطقي تكلمي وش فيها دانه
موزه _ خطفها واحد يكره كامل ووممكن يسوي فيها شي
هيوف قلبها كان بيوقف تحسه ثلجت وبردت اطرافها _ موزه انتي تبين تبكيني تنتقمين مني على اللي سويته والله ما قصدت بس لا تقولين ذا الشي تريني تعبانه والله تعبانه
خلاص كافي كافي كافي
موزه انصدمت حست ان هيوف انجرحت في الصميم _ لا والله ما اكذب وسالم وسالم فيه ناس يهددونه بيذبحونه اذا ما جاب اللي عليه ميتين وخمسين الف منين انجيبها منين قوليلي هيوف تعالي بس تعالي ابغاك هنا
هيوف _ موزه مع السلامه
موزه _ بالله يا هيوف لا تخليني ما اقدر اسوي شي انا لحالي هنا ابغاك عندي امي مو معي انتي اللي بقتلي في الدنيا ارجعي
هيوف قفلت
ورمت الجوال
وبدون شعور قعدت تصارخ كان فيه شي داخلها تبغى تفجره
هيوف وهي تصارخ وتبكي وماسكه صدرها من الالم وتحس ان صوره عمها قدامها _ كله منك كله منك هذا ذنبك ليه ربي ما خذاك ليه ربي ما خذاك ليه دانه ليه دانه دااااااااااااااانه اااااااااااااااااااه ابغى دانه ابغى ابوي ابغى امي ابغى نفسي كله منك كله منك اكرهك الله لا يوفقك على اللي سويته الله لا يوفقك
شافت وجوه سميه وهيام وهم يناظرونها برعب شكلهم سمعوا الصراخ لكن شافتهم يتكلمون ما سمعتهم الدنيا بدت تغيم الصور بدت تدخل في بعضها
وطاحت بينهم مغمى عليها
............................................................ ............
كان المنظر مهيج للحزن
الاشجار الورد كانها حزينه مثل دانه
في عده ايام وقعت في حب خاطفي
او ممكن اني كنت احبه من هذاك اليوم اللي فتحتله الباب
كيف كنت قبل حبه
ما صرت اعرف نفسي
لكن ما راح اخليه يحس او يظن
لانه رغم كل شي يبغى يضر اخوي
ما راح اسمحله يسوي كذا
بس كيف
اصلا انا ما اعرف السالفه كامله
وش سويت يا كامل
اكيد غيابك له علاقه بالسالفه
ممكن تزوجها ولا ليه جاسر تزوجني
هاجر _ دانه الجو عم يبرد لازم ندخل
ساعدت دانه عشان تقوم
دخلوا البيت ناظرت مكتبه لقته مقفل
دخلت المصعد
ووصلوا لدورها
دانه _ هاجر فيه لبس باكمام هذا عاري شوي
هاجر استغربت
دانه لاحظت الاستغراب _ ليه مستغربه
هاجر _ ليه بدك تغيري هيدا وش فيها لو كان عاري انت زوجته للاستاز جاسر اما لا
دانه سكتت كيف اكون منتميه لرجل ما ابغى اكون الا له لكن الامر برمته نقمه
دخلت الغرفه
لقته موجود يناظر الدريشه ماسك كوبه ناظرها لما دخلت بعدت نظراتها ما راح تسمح لشي انه يبان
هاجر تركتها وطلعت غطت نفسها كويس واستندت على المساند
وقف قدامها _ كامل ما اتصل لك ثلاثه ايام وماظنه عرف
دانه حسته بجح ليه قاعد يقولها يبغى منها تساعدها
جاسر قعد يناظرها يبغاها تقول كلمه تخليه يغفر لاخوها بس ما قالت ناظرته نظرات ما كانت تمت لدانه بصله
دانه_ ايش القصه الكامله
جاسر ناظرها حس انه وده يهزها العنفوان اللي فيها مو لها
دانه _ ما راح تقولي
جاسر _ جود كانت تحبه
دانه _ وكامل كان يحبها ولا لا
جاسر سكت لا ما راح يجاوب هذا السؤال
دانه _ كان يحبها صح يعني اخوي حالته ما يعلم بها الا ربي رغم اني مو عارفه السالفه كامله لكني ارحم اخوي
جاسر بغضب قليل _ اشوفك تغيرتي وقررتي ان اخوك يشفع له حبه لكن اخوك تزوجها غصب عني وهرب بها وحملت منه ليته وقف هنا شربت حبوب المخدر اللي كان اخوك يتعاطاه اخوك اللي قتل اختي
دانه رغم انها كانت تبغى تموت من الالم اولا
كامل مدمن
حبيبته ماتت
اخت جاسر ماتت
بثبات غريب رغم الدموع اللي تناثرت بضعف على خدها _ وانت اقتلني انا راضيه لو تبغى هات الحبوب نفسها راح اشربها
جاسر _ دانه اسكتي
دانه _ لا تقولي اسكتي وانت ناوي الشر لاخوي وتبغاني اسكت
جاسر ناظرها ليه تقول ذا الكلام
ليه كنت ناوي اسامح
لكن اللحين هي اللي خربت كل شي بيدها
دانه _ ثانيا انت تزوجتني باقي تموتني صح لكن ابغى اسئلك ليه تزوجتني صدق كان قدرت تدق على هلي وتكذب عليهم وراح يصدقونك ليه تزوجتني
جاسر انصدم تبغيني اقول لاني بغيتك تكونين لي _ دانه انا ما وصلت للحين مستوى اخوك في النذاله
دانه _ راح توصلها جاسر ارحم نفسك اذا جود تحبه وهو يحبها مستحيل انه اذاها
جاسر حس انه ممكن يكسر أي شي وما كان الكوب بعيد كان في يده
رماه على الجدار بقوه
دانه خافت
جاسر ناظرها لقاها خايفه
دانه انفجرت تبكي
دانه بصوت نائح عالي _ جاسر جاسر بس بس انا خايفه خايفه
جاسر حس ان كل حقده راح ينزاح وما شاف نفسه الا عندها يبغى يهديها شكلها خايفه
_ دانه دانه حبيبتي انا انا اسف ما كنت قاصد اكسره دانه ناظريني
دانه ناظرته وبدون مقدمات رمت نفسها في حضنه
جاسر
غمض عينه
وكانت هاذي هي القشه التي قصمت ظهر البعير(مثل مالابوه داعي )
............................................................ ......
نزلت للصالون
جمالها كان يخطف الانفاس
بشعرها الاحمر
وثوبها الذهبي الذي يحكي قصة جسدها وفصول الحكايه
ومكياجها الحفيف الذي اخبر الكثير عن الجمال ومازال السر يحفظه لصاحبته
ناظرتها امل وام طارق وكانت ام علي موجوده
بسمه غير موجوده لكنها بعد ثواني جات
قربت منهم همايل وهي تحاول الابتسام رغم خوفها منهم
جلست جنبهم
ام طارق _ الحريم بيجون بعد شوي اذا تكلموا عن هلك اختصري الاجابه
همايل سكتت وبلعت العلقم من القهر
امل بقرف _ مرت اخوك وعمتك كانوا ناوين يجون بس ما اعرف ممكن نا عندهم سياره
همايل رغم ان زهره وغدير اخر من راح تفكر فيهم لكنها شافتهم سند رغم كل شي
وبدوا الحريم يجون
وجات
غدير
بغت همايل تضحك غدير ما رجعت لحاتم للحين لكنها ما تغيرت ملابسها المبالغ فيها
وعمتها نفسها
غدير سلمت عليهم وقربت من همايل وابتسمت وبصوت واطي قالت _ اهل زوجك يكرهونك
همايل ناظرتها _ يتهيئلك
امل قربت منهم _ اخلصي وادخلي الصاله (وناظرتهم من فوق لتحت ؟)
غدير ناظرت همايل وكانها تقول شفتي لكنها فاجئت همايل لما قالت _ بس صاحبه البيت هي اللي تقرر متى اومتى ما تدخل
امل باحتقار _ ومن صاحبه البيت
غدير وهي تناظر همايل _ مرت صاحبه البيت
امل _ تخسى
همايل وهي متالمه _ امل بس
امل _ اقول لا يرتفع راسك تريك مازلتي بنظري خدامه
غدير _ غيري نظرتك هاذي لانها زوجه طارق واقع تقبليه
همايل خافت ان شي كبير يصير _ بس خلاص الله يخلي ام طارق هي الخير والبركه
غدير بتمثيل بارع _ كل هذا حب من اول ما شفت طارق وعرفت انه يحبك وانتي تضربين المثل بحبه عقبالك يا امل
امل ناظرتهم منقهره وراحت وتركتهم
غدير وهي تناظر همايل _ لا تفرحين مو عشانك سويت كذا بس عشاني ما حبيت هاذي البنت يله ندخل
............................................................ ..............
|
19-12-10, 04:57 PM
جديد مواضيع قسم القصص المكتمله من وحي قلم الاعضاء
العرض العادي
