لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


مايموت عزمك دامني جنبك

بسم الله الرحمن الرحيم وبعد الصلاه على النبي عليه افضل السلام والتسليم وهو خير بدء لروايتي --مايموت عزمك دامني جنبك -- التي اخترت ان تكون بينكم انتم

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 16-06-09, 12:46 AM   المشاركة رقم: 1
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146325
المشاركات: 245
الجنس أنثى
معدل التقييم: صبى الاوراق عضو على طريق التحسين
نقاط التقييم: 52

االدولة
البلدSaudiArabia
 
مدونتي

 

الإتصالات
الحالة:
صبى الاوراق غير متواجد حالياً
وسائل الإتصال:

المنتدى : القصص المكتمله من وحي قلم الاعضاء
Icon Mod 44 مايموت عزمك دامني جنبك

 

بسم الله الرحمن الرحيم
وبعد الصلاه على النبي عليه افضل السلام والتسليم
وهو خير بدء لروايتي --مايموت عزمك دامني جنبك --
التي اخترت ان تكون بينكم انتم اولا ويشرفني ان يقراءها كل من يدخل هذا العالم لا اود الاطاله عليكم
لكن احب ان اشير الى اني املك مواهب لكن لا ابرزها ولا انميها لمن هم حولي
قررت ابراز روايتي الاولى واعتبرها عربيه خليجيه سعوديه <<صارت لعبة كوره على البطوله
واتمنى من الله ان اوفق فيها متقبله جميع ارائكم حول ماكتبته فيها
يمكن اكون اكبركم سنا<< بس ترا مانيب عجوز هههههههههههههههه

ومو كل كبير فاهم وواعي ومثقفم لكن اتمنى ان ترووا فيني عكس ماذكرت
فانا جامعيه وام <<فضحت بعمرها هههههههههههههههه

لكن عشت مع بنات افكاري طفوله وصبى سوف تلاحظونها من خلال ماعاشوه بناتي <افكاري
فهم طفوليات بريئات وفيهم روح الشقاوه والبراءه فهم لم ولن يكبروا في نظري
فالخيال لايقدره عمر اوسن معين
وانما يسخرله قصة تداعبه دوما كل ماتذكرهاا بل ويزيد ارتباطه بها ليجر خيووط
يمكن ان تكون عاشت بواقع قريب منه
احب اقول ملاحظتي القصه ليست واقعيه لكنها يمكن ان تكون بيننا وفي مكان
قريب منا
ولكن اين هو ؟

--مايموت عزمك دامني جنبك--
صبى الاوراق

شبكة ليلاس الثقافية


نعيش ويسيرنا موكب رحمته بل هي تسير وان توقفت اختفى من توقفت عنده -- لانعلم من هو غدا ولانعلم من هو المستقبل --
تصطدم بنا غيوم وسحب ومنا من يتجاوزها ويكمل طريقه -- ومنا من تترك به اثرا ويتجاوزه -- ومنا من لم يتحرك بعد الصدمه
وجوه نتمنى قربهاا
ووجوه لانتخيل العيش سواها اا
ووجووه نتالم شوقااا للقيااهاا
- البارت الاول -

رجعت من الدوام واهي تعبانه وهذي اهي تو تنزل من السياره
عبير بتعب-- شكرا محمود لاتنسى تمر المكتبه اليوم قبل اجي دوام ثااني الساعه 6 اوك
محمود--اوك ماما
دقت الجرس وثواني --الا ماري تفتح الباب
عبير --سلام ماري وين ماما
ماري --اليكم سلام ماما جوا اند التلفيجن
اوك
دخلت وحبت راس امها
عبير-- شلونتس يمه اليوم وشلون رجولتس عليس
ام نايف --والله الحمدلله لاهنتي حبيبتي
تعودت يمه الله يعين بس
عبير بتعب---ياله يمه تبين شي طالعه انام تعبانه من شغل البنك اليوم كثير واغلبه انا اللي اشرفت عليه
امها بعجله --لالا ماااريا ماااريااا جيبي الغدا لعبير
لالا فديتس يمه تعبانه وابي انام غدا مابي والله ماشتهي
امها بياس---لاحوول الله يعينا على هالدوام بس على راحتس يابنيتي
مع السلامه
وداعة الرحمن
واهي على الدرج وكانها تتذكر يمه وين العيال مالهم حس
امها - عندتس فوق انتي ارقي وتسمعين صجتهم هههههههههههه
طيب طيب هههههههه
عبير اكبر بنات امها وعمرها 24 سنه واخوها نايف الكبير29سنه
و بعدين جلست امها
خمس سنين وجابت ريناد19 سنه اولى جامعه وبندر16 اول ثانوي
وفيصل وسعود الصغير القعده اللي كل من يدخل البيت لازم يتوجه له ويبوسه ويلعب معه
وقفت عند الباب وسمعت ضحكاتهم وصوت سبيس تون على العالي
كالعاده فيصل وسعود طريدين بعض بالعمر ومابينهم شي فيصل عمره 6 س ويدرس بالروضه وسعود معه وعمره5س
واخرت فيصل عشان يدرس مع سعود بنفس السنه
مسكت شنطتها اللي مازالت على كتفها وفتحتها ودورت دورت شي لهم مالقت الا فلوتات جالكسي
قالت يالله بقول كل واحد له اصبع شسوي نسيت اجيبلهم شي ههههههه
المهم فتحت الباب شوي شوي لكنها بس
شاااااااااااافت المنظر اللي قدامها صرررررررررخت وفتحت الباب كله
هم شافوها وسمعوا صراخها
ماعاد تحركوا من مكانهم
هم يخاوفون منها
بس مهوب مره مثل خوفهم من نايف بس يحترمونها
عشانها تكرمهم ههههههه
شافت الغرفه منعفسه فوق تحت وجايبين تراب <الله يعزكم ومالين الغرفه منه
وبيجاماتهم اللي كنهم توئم فيها كلها مغبره وحالتهم يرثى لها
قالت-- ليش ليش كذا انت وياه وشتبون اسوي فيكم انا ابي افهم هالتراب وش جابه هنا
لاايوجد رد
يطالعون ببعض
انا من اكلم
فيصل ماترد من جاب التراب
؟
سعيدان مهوب انا
كذااااااااااااااااااااب كذاااااااااااااااااب
لاتصدقينه
هو اللي جاب
وبعدين انت وياه--- اللي يكذب وين يروح؟؟
تقلبت وجيهم وعيونهم اختبصت
جاءت اصواتهم وحده
كلنا
كلنا

ليش انشاء الله خلصت الالعاب
فيصل بتبرير حماسي-- لا ابله نهى قالت العبوا بالتراب وسوو بيت وغرفه ومدينه ترفيهيه
عبير بعصبيه---انا ماجنني الا هالابله نهى نهى انا لازم اشوفها واخليها تفهمكم
انو مو كل شي تسونه باي وقت ولا باي مكان وصلت للتراب بغرفنا
وتطلع تصوت على الدرج
ماري ماري
صوت امها ام نايف ---لبيه يمه وشفيتس بسم الله عليتس
ماحبت تشغل امها لانها تعرف انها تتعب من رقية الدرج ---مافي شي يمه خل ماري تجي
طيب طيب تبين شي اجيبه لتس
لايالغاليه لاهنتي ارتاحي
ايوه تعالي ماري فوق
نظفي وكنسي الغرف وعطي فيصل وسعود ملابس خل يتسبحون
اوك
اوك
دخلت غرفتها وشغلت التكييف ياربي ليتني قبل هالهواش كله شغلت التكييف
ورحت اشوف الاوضاع ههههههههههههههههه يالله يهالثنين بدونهم البيت ماراح يكون فيه اكشن
اي اي بس انا لازم اقابل هالنهى واتفاهم معها ماتعرف توصل لهم المعلومات الله يهديها
وتفك عبايتها وتعلقها
وتطلق شعرها الحرير الشكولاه اللامعه كلمعه الساتان الحرير وبتنهيده قالت --- ياربي اسالك براد الجنه
وتاخذ منشفتها واسرع حمام قبل الدوام الثاني لانها موت تبي تنام
طلعت ولفت شعرها واهو مبلول وعلى طوووووووول نامت حتى جوالها ماطلعته
من الشنطه
ولاحطته عند راسها كالعاده وقت ماهي نايمه

على الساعه الواحده والنصف
جاءت ريناد من الجامعه وحبت امها وجلست تسولف عن الحادث اللي شافته على طريق العروبه
واهي مره متحمسه وخايفه وتقول مدري وشصار مات الرجال ولا
وامها حنونه كعادتها لا انشاء الله يقوم بالعافيه ويخليه ربي لاهله
يارب يارب والله مدري يمه بيجيني نوم ولا لا
امها---اذكري ربس وتغدي ونامي وانشاء الله خير--- ريناد مره حساسه مثل نوره بنت خالتها ساره
تشوفونهم دايم يطالعون افلام هنديه والمناديل تخلص جنبهم
ريناد---لالا يمه مابي غدا مفطره مع البنات متاخر
امهاا--لاحوول بعد انتي
ريناد --- ليش من نايف عادي متعودين مايتغدى €
امها --لا حبيبتي عبير ماذاقته نامت تقول تعبانه من الدوام اي الله يعينها
ريناد---يمه وين العيال
امها---مدري اشوف ماري تقول سبح سبح ولا ادري وشنهم مسوين
ههههههههههههههههههه يمه بقولك شي اليوم شفت وحده تهبل وتمنيتها لنايف اذا قمت بعلمتس عنها
امها بابتسامه تحطيم لريناد--ايييه نايف اي والله هو مدري متى ناوي يفرحنا فيه
ريناد بحماس ----قريب قريب غصب عنه مهوب طيب
امها---ياويل امها غصب عنه هههههههههههههههههههههه روحي روحي نامي
ام نايف تغصها العبره --الله يوفقكم انشاء الله جميع رحت يابونايف الله يرحمك وخليت كل شي علي الله يغفر لك انشاء الله
ويقطع عليها صوت التليفون
ام نايف الو
اختها شيخه يامرحبا
السلام عليكم
ام نايف - وعليكم السلام
شيخه -وشلونتس بشريني عنتس
ام نايف- الحمد لله بخير وعافيه
شيخه- الحمدلله عساها دايمه علينا وعليكم
اجل جاو البنات والعيال
ام نايف - لا والله باقي الله يصلحه بندر
شيخه -امين رايح مع من ؟
ام نايف --عيى من اخوه والسواق كالعاده عناد فينا وراح مع رفيق له
اختها- وشو عناد فيكم؟
اختها - يبي سياره صاجنا ونايف معيي
شيخه --ياختي مايستاهل اشتروا له سياره تراه قده رجال
ام نايف--خليها على الله اخوه وعارفن مصلحته اكثر منا ونايف لاقال كلمه ماقدر ارد وراه بغيرها
شيخه --الله يهديس ياوخيتي
اختها-الا مالتس نيه تزوجينه ترا بناتي كلهم بناتس وحلايلن له
ام نايف يوجعها هالموضوع لان نايف مايبي من قرايبه وعلى قولته اعدهم خواتي --خواته وهو ماعمره لمح وحده منهم ولاقد دخل بيوتهم خوف انه يحرج وحده منهم
واستطردت قائله--الله يسلمتس والله وجعل يخليهم ويحفظهم
اختها-- الا والله صدق انتي اشري بس
ام نايف منحرجه وينقذها فتحة الباب وتشوف بندر -- ياله شيوخ اخليتس بعطي بندر غداه
اختها تتتمتت-- واستطردت افكارها خلاص فمان الله
ام نايف-- مع السلامه
هلا ابوي تعال بندر مسمى على ابو ام نايف يعني على جده الله يرحمه
حب راسها وهو شكله رايح فيها شعرها كدش ومنفذ اكمامه ومسوي عربجي
امه تدري ان شكله دايم ينرفز نايف ويضايقه بس ماتحبهم يتناقشون تخاف يتزاعلون قدامها وتضيع بينهم
بندر-- يمه جوعان ابي غدا
ابشر يايمه من عيوني
غسل وتلقاه جاهز

--------------------

في بيت عم نايف ال فيصل
فيصل ابونوره -- يكلم بتيلفونها متحمس والله ماعلينا بخير وعافيه ماننشد الامنك عقب اخر مره جيتك فيها
صورتك بالجوال تدري ووريته ناصر تقطع قلبه يبي يشوفك لاجا يوم
كلمتك بالمسنجر وخليته يكلمك صوت وصوره
الا بشرني عن ابوعايد ---
راكان بحماس ماعليه ينشد منكم بخير وعافيه الحمدلله
فيصل سلمني عليه

راكان ولد اخوه بالخارج -- انشاء انشاء يبلغ
راكان باستطراد-- اسلم وسلم
فيصل --ماتشوف شر جعلك سالم
ساره تاخذمنه جواله وتحطه بالشاحن -- شخباره
فيصل-- والله ماعليه يسلم عليكم
ساره --تسلم من الشر انت وياه مهوب مرخصين له قريب
فيصل -- يقول اسمع طرطيش اجازه ويقول مو اكيد
ساره ---الله يحفظه
فيصل ينظارهها ويخزها-- ماودك نسافر له تراني جربت ديرته تصلح لنا
ساره بحرج تناظر الباب
فيصل شاف نوره --- هلاااااااا ابوي انتي
نوره وهي تحس نفسها دخلت واهم بوضع ثاني----شلونك بابا شخبارك
الحمدلله حبيبتي تعالي اجلسي بيجبون غداتس
لابابا شبعانه ماكله انا وريناد الى ان شبعنا الحمدلله
وشلون بيت عمتس طيبين
اي الحمدلله يبه
تامرني شي
بتنامين بابا
اي والله دايخه
ماتشوفين شر
وقبل لاتطلع بابا
لبيه
لبيت بمكه
ابي فلوس بشتري البسه جديده
ابشري متى تبينها
امممممم بابتسامه عريضه اليوم
خلاص بصرف واعطي ماما
اوك الله لايحرمني منك
الله يصلحتس ويوفقتس حبيبتي
-----------------


بيت ابو نوره
فيصل وزوجته ساره وعيالهم
نوره
وحنان
نوره كبر ريناد وافنان 19 سنه اولى جامعه
وحنون باول ثنوي
وسعود في سادس ابتدائي
ورهف كتكوتتهم 4 سنين

فيصل رجل اعمال يلعب بالفلوس لعب طالع على ابو نايف خالد الله يرحمه
واغلب مشاريعه واموره سفريات مابين مصر والامارات ودول الخليج وماجابوا عيال هو وساره ام نوره الا بعلاجات
حتى ان الاخيره رهف جاءت عن طريق اطفال انابيب
وحمدو ربهم وصاروا يستصعبون فكره العيال في كل مره ويطرون ياجلون الفكر ه
جاءت ساره وجابت الطوفريه وفيها بيالتين وبراد شاهي وصبة بياله ومدته لابونوره فيصل
ساره سم
فيصل مد ايده - سم الله عدوينتس
ساره - معزم تسافر بكره
فيصل اي والله اجلتها الاسبوع اللي فات واليوم زهموا علي يقولون متى بتجي لازم اوقع اوراق وانشاء الله مانيب مطول
ساره بشوق -- لاتطول دامها اوراق

فيصل بنظرته اللي تعودت ساره انها تتعب منها وتغير اتجاه نظرها اذا شافتها -وبهمس من فيصل -ماراح اطول-
ساره -ليش ماتروحين معي
ساره واهي تزيد من قبضة البياله - لا صعبه
وش الصعب خلي البنات والخدم عندهم يقومون فيهم اذا احتاجوا شي وناخذ اذا تبين رهف
ساره بضحك- كنك ماتبي رهف بعد
فيصل بثقه --اي نبي نغيرجو بس اممممم اذا مصره ناخذها بس ترا بلزمها جناح لحالها هي وخدامتها
ساره واهي تفكر وبكل احراج --- فيصل لالا ماقدر
فيصل --- السوري تكفين مشتاق لطلعاتنا كم لي ماطلعت معك
ساره ---لاتبكش تونا بعد رمضان مسافرين
فيصل بحماس--
لالا ماتعتبر كنا مع البنات لالا ماتعتبر
ساره وفيصل بضحك
ساره--- بفكر وارد لك
فيصل متى؟؟
ساره بضحك ---امممم اليوم بالليل
فيصل بنظره قويه ذوبت ساره -- طيب عطيني شماغي بروح اسحب للنوري ووراي كم شغله بخصوص السفره تامريني شي
ساره تناوله الشماغ --ماتشوف شر
وهو عند الباب --ساره
ساره بخجل وكانها حاسه انه بيقول شي قبل لايطلع - لبيه
فيصل يغمز بعينه لها - كم تذكره اقص؟
ساره ضحكت-- بينما فيصل رد الابتسامه وطلع


--------------------------


في خلال ام نايف ماطلعت من المطبخ وبطريقها معها الصينيه غدا بندر
رن جرس الباب وكان الباب من زجاج ويشف اللي وراه واذا بذاك الجسم العريض الطويل اللي يوحي بالنضج والرجوله
وكان الواضح ان من يقف خلفه لازال بشماغه وعقاله
ام نايف يوم شافت زوله والتفت على صوت الباب بدت تهلي وترحب عرفته انه هو يامرحبتين ومسهلتين لاهنت يانور داري لاهنت
نايف بابتسامه - حب راسها وخذا الصينيه منها واهو يقول عنتس عنتس منهو له ذا الغدا -- لايكون لي متغدي انا ترى يالغاليه
امه - لا يانور داري لبندر
نايف بنظره قلقه يلتفت للصاله -
التقت نظراتهم نايف xبندر
نايف تختفي ابتسامته-- وبندر يحاول يخفي اثار الربكه ويبدلها بالاحترام المصطنع لنايف
نايف السلام
بندر عليكم السلام
بندر وقف ياخذ الصينيه من نايف
نايف متى جيت - بندر باستطراد قبل شوي
بندر في داخله يقول ياليتني طلبت الصينيه فوق بغرفتي
ياليل جلس اللحين بيستلمني تحقيق ومناغش كالعاده مانيب ناقص زعط على راسي ياناس انسدت نفسي مابعد سميت
يقاطع افكاره وحواره الداخلي صوت نايف الرجولي الحاد - من اللي جايبك --؟؟
بندر بدون مايرفع راسه عن الصحن وبصوت يدعي الثقه -- جاي مع حمدان
نايف حمدان ها
اي
انا وشني قايل مهوب قايل لاتركب معه ولا تماشيه انت تعاندني بندر
بندر يبعد شعره الكدش عن وجهه وبعبط-- ليه وشفيه
وشفيه قل وش مافيه
بندر بتافف لاحوووول
ام نايف - بندر حبيبي ترى اخوك يبي مصلحتك والله محد بيخاف عليك كثره
بندر يوجه الحكي لمه -- يمه حمدان رجال مافيه شي نايف اللي حاطه براسه
نايف بعصبيه -- بندر لاتكثر حكي تغد وعين من الله خير
وحمدان لو المحك معه بيكون لي تصرف ثاني معك وامي تشهد
نايف قال جمله الاخيره واهو واقف عن اذنك يمه
ماتشوف شر يانور داري
--------------------

دخل غرفته ونزل شماغ وثوبه وكعادته يسمع ولايتكلم وعلى هالحال من توفى ابوه واهو الاب والاخ لاهله
وهذا هو يدور ريموت السبيلت وزاد رقمين على البروده
من قلقه وخوفه على اخوه
وتفكيره كل مايدخل البيت على اهله وخواته ومايشغله اكثر التفكير ببندر ومراهقته
نايف بتعب يتناول منشفته لاخذحمام بارد-- فالجو هالايام لم يعد يتحمل احد يطلع
ولو لساعات الا يرجع وعلى طول اقرب حمام ينعشه ويبرد جلده
تحت لا زال بندر ياكل ويناقش امه
اسمعي يمه لاتقعدين تقولين ذا الحكي لو يبي مصلحتي شرالي سياره وماخلاني اتشحذ العيال اركب معهم
لاتقووولين سواق واهو يوصلني انا منيب بزر
تراكم سديتوا نفسي وقام معصب ورقى فوق
وخلى ام نايف كالعاده صار عندها بنج كل اسبوع لازم هواش على هالسالفه يبي سياره
ونايف توب يشتري له سياره بعد ماصدم عليها الترم الاول وبغى يموت لان كل من شاف السياره يقول اللي فيها اكيد مات
نايف يومها انجن خوف على اخوه وحرم يعطيه الا ان يحس ان اخوه كبر وفهم ان السياره مو للتفحيط والاستعراض
شالت الصحن ام نايف واهي تقول الله يصلحك ياويليدي الله يصلحك
-----------------------
نسيت لا اثير تركيزكم لملاحظه يمكن انتوا لاحظتوها انو حصه وشيخه اللي مابعد سولفت عنها وعن زوجها ناصر وبناتهم الخمس
واختهم الصغيره ساره
بنات عم خالد وناصر وفيصل
بس الوحيد اللي ماخذا من عمانه فيهم ابو راكان الله يرحمه ماخذ بنت خالته
وكالعاده زواج تقليدي البنت لولد عمهااا
ماانطبق الحب بعد الزواج واللي العايله تتغنى في حبهم
وعلاقتهم --فيصل وساره --كان الكل يحكي ويتهول في حبهم وكل ماقالوا حب قالوا-
على غفله حب فيصل لساره
وعلى حياة امهم كانت تغنى وتنشد فيهم وفي حبهم لبعض
وتزوجها واهي صغيره مابعد درست الثانوي
وحملت بنفس السنه لانها كانت تعالج مع كل فكره حمل
ولازالت سبحان خالقها تقولين اصغر البنات
حتى صديقاتها لاجوها بالبيت
قالولهااا بجرااه---لامستحيل هذولي بناتك لاتطلعينهم يكبرونك ترى ههههههههههه

--------------------
على قرب اذان المغرب وتحديدا في غرفة عبير صوت بعيد ومرا ت ينسمع ومرات لا
اختفى صوت الرنين
بينما احسست به عبير ومن التعب رجعت تنام بدون ماتستوعب ان الصوت كان صوت جوالها

--------------------

في خلال وماقبل تلك الاوقات وتحديداا في
بيت شيخه ام البنات الخمس وخالة عبير وماعندها اولاد وزوجها وعم نايف وراكان واخو فيصل وخالد الله يرحمه
ناصر ابو اريج وهو اكبر عائله ال ناصر
يقاله ابو اريج لانه ماعنده عيال واهو اللي ربى راكان من بعد عين اخوه
اريج24- سنه معلمة رياضيات اول سنه تدرس
وافنان --كبر ريناد ونوره باولى جامعه ونفس القسم معهم ادارة اعمال
ولمى --كبر حنان بنت فيصل باول ثانوي
وميس والاء -- التوائم بالعمر بدون الشكل سبحان الله بثاني متوسط


ولاعاد جابت احد لانها شالت الرحم قبل سنوات لمرض اصابها
والحمدلله على قولتها البنات ابرك من العيال ولازالت امنيتها تزوج بناتها وتفرح فيهم لكن لم يكتب نصيب وتتمنى
لو ان بناتها مايطلعون برى العايله وكانت بتموت تزوج وحده منهم لنايف ولا راكان ولد عمهم اللي بالخارج
لانها هي اللي ربته معهم بعد امه وابوه ماتوفوا بحادث واهو بالاشهر ويعتبر امه شيخه امه اللي ماجابته
واصلا مايعرف امه وابوه الا بس يترحم عليهم ولا امه وابوه الاساسين ابو اريج ناصر وامه شيخه وحصه اللي رضعته ولاربته
الحلو بنظر شيخه ان راكان ماراح ياخذ عبير لانها محرم له واخته من الرضاع لان راكان راضع مع نايف
ومحرم للبنات الثنتين لانه رضع من حصه ام نايف
وشيخه بذكائها ربته وهي رافضه رفض قاطع انها ترضعه مع بناتها
ولها عدة اغراض في ذللك بعد لاانه لا ام ولا ابو خنت حيلي وتبيه يتزوج وحده منهم
وعمه ناصر يموت عليه من كبر ودرا انه بينحرج من البنات وامه شيخه بتصير مجبوره تحشم في بيتها
ويدري ان راكان طموحه من قبل يدرس بالخارج
ماردها بخاطره ارسله على حسابه بس خلص الثانوي وهذا هو له 7سنين برى
ولاقد شافوه بس فيصل يروح يشوفه ويطمن عليه
وعلى حياة خالد الله يرغفر له--راح له مره كان يعالج بديرته
وناصر بيموت شفقه على شوفته - وراكان بعد لانه يعده ابوه وكل يومين -تلقا جوال ابوه لازم ياهو داق -ياناصر داق عليه
شيخه شخصيتها قويه بين خواتها
وماتستحي من خواتها اذا جاببالها شي لكن مو حلو اني اعرض بناتي حتى لو انهم خواتي
لكن شيخه لها وجهتها الخاصه وانو البنت لازم اهلها مايترددون بتزويجها للكفء حتى لو هو ماعرض نفسه
راكان اهي ضامنه انه بيرجع وبتزوجه وحده فيهم بس
المصيبه بهالنايف هالطخمه لازم ياخذ وحده من بناتي وشلون اخليه ياخذ وحده منهم دام اختي حصه مدلعته وتحتريه هو يختار



كان الاساس عند ابو اريج الغدا لازم الكل على السفره
ويستنون اريج اللي تجي من قريه ورا الرياض اسمها القويعيه وتبعد عن الرياض مسافة 180 كلم
وابوها جايب لها سواق فان ومعها بنات يمشون من الفجر والحلو انها ابتدائي
فيطلعون بدري من المدرسه وتكون في البيت قبل اذان العصر تقريبا على حسب اوقات يجبرهم ينتظرونها عالغدا
واوقات يرحمهم ويقول لهم-- برزوا لي غداي انا وياها مابيه اللحين
كانت اريج ايد ابوها اليمين وغاليه عليه ويميزها اوقات عن خواتها وهذا مايزعجهم دائماااا رغم حنينه عليهم كلهم
لكن ظروف اريج وتعبها ومشوارها وفي ظروفها الصحيه لانها كانت تعاني من عرج بسيط في ساقها الايمن منذ ولادتها لكنها تحدت اعاقتها
واستمرت رغم رفض والديها للتوظيف بمكان بعيد
وعشان مايحسسونها باعاقتها لم يمنعوا ماارادت هي
تغدوا وكلن قام من الطاوله
وبالصاله تحديدا اما م اخبار العربيه الاسهم --اريج تعالي يابوتس ماقدمتي نقل هالسنه
اريج باحترام --يابوي ماعطونا شي يقولون توكم جدد اول سنه يمكن اخر هالترم يعطونا استمارات نقل الله يعين لاتشيل هم
تامرني شي
سلاامتس يابوتس الله يوفقتس ويعينتس

امين
امين


غرفة اريج كانت بالدور الاسفل لان الدرج كان صعبا عليها يوميا بنظر ابوها وامها
على انها في المدرسه تصعد وتنزل
وليس كثيرا لكن تعودت ان تجد في اهلها دوما الحنيه ونظرة العطف منذ صغرها
ولذللك تبلدت احاسيسها ولم يعد ذللك ازعاجا لها فهي تعرف غلاها عندهم
اريج كانت اجمل خواتها
بل هي من تمتاز بالجاذبيه بينهم
ووالاجمل حياها وهدؤها ورونق عيونها
وسحر بشرتها
وعذوبة ابتسامتها
فهذا ماعوضه الله عليها
وكملها الله بحبها للاجتهاد والتعليم --فسبحانك ربي
الاجمل ان كل حلو وجميل يجاورهم ويشاكسها في حضورهاا دوما الاجمل
عبير فهي صديقتها الروح بالروح على قولتهم باستثناء ترابطهم وقرابتهم العريقه خوالا وعمومتااا --يعني خوالها وعمانها
ولذللك هنا الزين والجمال يكتمل --تشوفونهم لاجات جمعه ولامناسبه الناس مايطالعون
الا هالثنتين واذا اهم بمكان عام الناس تسال منهم ووش اصلهم ومن اهلهم
وكانو اربع وعشرين ساعه
علومهم عند بعض وهالثنتين سفراء لاهلهم بالاخبار عند بعض مايصير
شي ببيت ال نايف الا ال ناصر يدرون من اريج والعكس بيت ابو نايف يدرون من عبير ههههههههههههههههه
دخلت اريج وبدلت ولبست بيجامتها وجلست بتاوه من تعب الطريق وتناولت جوالها وقبل لمحت ساعة
الجوال على الشاشه وبخاطرهاا قالت---اوه لا اكيد نامت ياله بدق دقه واذا ماردت سكرت
دقت على عبير الورد ------ لم يتم الرد
نوم العوافي والله ياعبوره -- قالتها بخاطرهااا
تمددت وبنظرات يمين ويسره قائله--ياربي شسالفتي مافيني نوم؟؟ حوار داخلي لاريج --
خل انتنت شوي الى ان يجيني نوم
فتحت اللاب توب وبدت تتصفح ايميلها وهي حاطه اون لاين لان في اداريه معها في مدرستها متصله
وكانت غايبه اليوم -- رددت اريج بداخلها اشوى اني اوف لاين
مالي خلق اسولف واجلس اسالها اصلا هي دايم غايبه الله يعينا وياها
غيرها يدور الوظيفه واهي تجيب اعذار وتستلم الراتب كامل ؟؟ عجيب هالناس شلون عايشين

قاطع تفكيرها صوت من الخارج وكانه نقاش حاد وتعرفت على الصوت بعد مازينت جلستها ياليل جتهم الحاله
ميس xالاء

يطقون الباب وبطرقات متتاليه واهي تحاول تقوم وبابتسامتها الشفافه --اللهم اجعله خير
على ذا القايله وش عندهم ههههههههههههههههه---- وبس قرت للباب اريج سمعت صوت امها تهاوشهم
اختكم تعبانه جايه ومنهد حيلها مشوار وتعب وانتو قرقه وصجه شتبون فيها هاااا
اريج بابتسامه وبكل براءه --فتحت الباب ---لاعاد ي يمه كنهم حاسين ماجاني نوم تعالوا تعالوا
امها الله يخليتس لهم يافديتس انا --
قالتها واهي تدير بظهرها عنهم وتعود لا دراج الصاله لتخبر ابوهم ناصر
عن مصدر الصوت الذي طلب من شيخه ان تكشف له وش سالفه صراخ البنات
دخلوا وقاموا يتهاوشون واهي تناظرهم وبكل نعسان تداعب بيديها رموشها اللي من كثرها اذا نامت تتشابك مع بعضها البعض
تحمسوا مره وزاد النقاش --اقول انتي وش عرفس انا اللي اعرف --كانت هذي مقولة الاء لميس
اريج بضحكه يخالطها ياس منهم --- خلااااااااااااااااااااااااااااااااص خلااااااااااااص بس اوص انتي وياها اللحين ماتقولولي شسالفه

ميس تتكلم والاء تتكلم
هيييييييييييييييييييييييييييييييييييي >>اريج انا اللي احدد من فيكم تجاوب <مسويه معلمه بالبيت عليهم
ها ميس شسالفه --- ماتدري ليش اختارت ميس هههههههههههههه
ميس بحماس --ابله غاده بتتزوج ونبي نعطيها هديه
اريج تلم شعرها وتجيب كله على كتفها الايسر ---اممممم ايوه
ايوه وانتي يالاء نفس السالفه --- الاء تناظر ميس --اي نبي نجيب هديه عشانها بتتزوج
اريج تناظرهم وتوجه لهم جملتها --- وانا شدخلني ؟
ميس والاء بابتسامه خبث ومصلحه --- انتي اللي بتختارينها لنا الهديه
اريج اهااا
وشمعنى انا؟؟؟
ليش مو امي جاءت اصواتهم تتعالىىى ----لالالا زم انتي
اريج بنظره باهته--اي ليش شمعنى انا امي تعرف
جااااا صوت الاء بجراءه وجديه ---لا انتي لان ابله غاده كبرس وانتي اكيد عطيتي زميلاتس يوم اتزوجو هدايا وتعرفين وش الهدايا اللي يحبونها
بس سمعت جملة الاء الاخيره
احسست بشعور دايم يجيها اذا سمعت طاري الزواج انها مستحيل تكون عروس بيوم من الايام
او حتى تفكر بيوم ان احد يتقدم لخطبتها -- على ان سوق الخطاطيب للمعلمات قايم بالسعوديه
وتحس انها مستحيل بيوم تحس بمثل مايحسون المخطوبات اوحتى المتزوجات
مدري لانها من خلقت واهي تقول --عرجاء من بيتزوجني حتى انها نهائيا تستبعد ان يكون لها مواصفات لفارس احلامها
حتى وظيفتهاا خذتها من اول سنه تخرج لها لان مثل مانعرف ان الاولويه في التعيين للذوي الاحتياجات الخاصه في الوظايف
وخصوصا ان ابو ها لها واسطات حلوه واهو اللي دابل في وظيفتها الى ان توظفت
قطع عليها صوت ميس--- هااا بتختارينها
اريج بتمتمه -- طيب طيب
واستطردت قائله --كم عندي من الو وميو
وضحكووووااا والتفتوا لبعض وكانو باقي حكي
اريج قاطعت فرحتهم --خلاااااااااص واهي تتمصع وتمدد ايدينها --يالاعاد عطيتكم وجه جاني النوم برى برى واهي تضحك لهم
قاموا واهم يتمتمون ولاتعرف وش يقولون واختفت ضحكاتهم
وقبل الباب سمعوا صوت اريج تقول ---سكروا الباب وراكم
التفتت على اللاب توب -وسوت خروج للايميل بعد ماعرفت انو مافي احد متصل
واختارت ابدا ايقاف تشغيل وقبل لايطفا شافتهم واقفين عند الباب ولابعد طلعوا
قالت وشفيييييييييييييييكم -- فيكم شي انا عارفه ها
ميس ---اخر طلب واهو المهم
اريج باستغراب --- مهم شنو؟
ميس تطالع الو --- قولي انتي ترا انا اللي من يوم اتكلم
الو --- لا انتي اللي قولي
ميس اوف وبعصبيه --- بوجه الاء اجل مانيب كاتبه عليها اسمس
الاء بحماس---- لالا خلاص
الاء تطالع اريج اللي تنعس وتحاول تركز معهم --- اريج
اريج تحك عيونها--- هااا
خلصوووني
الاء --- ترى ترى انتي اللي بتدفعين الهديه
اريج وشهووووو وبضحكه متقطعه من الخموول-- اي اي يصير خير برى برى انتي وهي
ميس والاء--تكفين تكفين والله ماعد نطلب منس شي
اريج ياويليييي صدقتكم وبضحكه---خلاااااااااااااااص طيب
ثنتينهم بتدفعييييييييييين
اريج ---اي والله والله اطلعوا برى بس ماعادا شوف الله يقلع بليسكم
ضحكوا --يالبىىى قلبس يااروج ياحلى اخت بالدنيا
وسكروا الباب وبابتسامه من اريج-- غمضت وغطت وجهها بالمفرش ونااااااااااااااااااااااااااااااامت


لم يجف قلمي غدا يكمل ويكشف لنا اسرارهم
كل الود لكم
صبى الاوراق

 
 

 

عرض البوم صور صبى الاوراق   رد مع اقتباس

قديم 16-06-09, 01:58 PM   المشاركة رقم: 2
المعلومات
الكاتب:
اللقب:
عضو ماسي


البيانات
التسجيل: Oct 2007
العضوية: 53753
المشاركات: 10,517
الجنس أنثى
معدل التقييم: ارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عالي
نقاط التقييم: 740

االدولة
البلدIraq
 
مدونتي

 

الإتصالات
الحالة:
ارادة الحياة غير متواجد حالياً
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته
اهلاااااااا وسهلااا بك
كاتبة تحط الرحال في منتدانا الغالي
حيث الادارة التي تقدر ابداع الكتاب وحيث القراء الذين يقدرون سطور الكاتب

حلو عنوان القصة العنوان يوحي بأنها قصة كفاح ومساندة
ربما مع الاحداث نكتشف نوع الكفاح ونوع المساندة
قرأت الجزء واعجبت بشخصية اريج
رغم الاعاقة الا انها متفتحة للحياة ومتوقفة ايضا
لاوضح لكي الامر متفتحة دراسيا وعمليا
ومتوقفا تماما عاطفيا تكاد لاتسمح لنفسها بأي خيال عاطفي
امر معقول بالنسبة لمن تحمل اعاقة
ولكن النصيب لايعرف معاقة وسليمة واريج لابد ان يأتي نصيبها الذي يقدرها

بكل الشوق انتظر بقية الاحداث وانكشاف اكثر لشخصيات القصة
بالتوفيق غاليتني

 
 

 

عرض البوم صور ارادة الحياة   رد مع اقتباس
قديم 16-06-09, 06:41 PM   المشاركة رقم: 3
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146325
المشاركات: 245
الجنس أنثى
معدل التقييم: صبى الاوراق عضو على طريق التحسين
نقاط التقييم: 52

االدولة
البلدSaudiArabia
 
مدونتي

 

الإتصالات
الحالة:
صبى الاوراق غير متواجد حالياً
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء
افتراضي

 

وعليكم السلام ورحمة الله وبركاته
هلاحبيبتي شرفني اول رد لناقده مثلك واحده من اروع الاقلام الداعمه
جميل ماذكررتي والحق انه مابينا فرق فكلانا نمللك الاحساس ولابد من العواطف لكن كيف فرصهم مع الحب والعواطف هل ياترى مثل فرصنا؟
البارت الثاني اليوم انشاء الله بالليل
كل الود لمرورك عزيزتي

 
 

 

عرض البوم صور صبى الاوراق   رد مع اقتباس
قديم 16-06-09, 10:16 PM   المشاركة رقم: 4
المعلومات
الكاتب:
اللقب:

البيانات
التسجيل: May 2006
العضوية: 5097
المشاركات: 64
الجنس أنثى
معدل التقييم: atmin عضو بحاجه الى تحسين وضعه
نقاط التقييم: 15

االدولة
البلدMorocco
 
مدونتي

 

الإتصالات
الحالة:
atmin غير متواجد حالياً
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته الاخت صبى الاوراق
جذبتني قصتكى من عنوانها وبما انني لست من الموهوبات
في التعليقات والتوقعات فقررت ان امر على صفحاتكي
للارحب بكي معنا وارجو ان تتقبليني متابعةخلف الكواليس

 
 

 

عرض البوم صور atmin   رد مع اقتباس
قديم 17-06-09, 02:37 AM   المشاركة رقم: 5
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146325
المشاركات: 245
الجنس أنثى
معدل التقييم: صبى الاوراق عضو على طريق التحسين
نقاط التقييم: 52

االدولة
البلدSaudiArabia
 
مدونتي

 

الإتصالات
الحالة:
صبى الاوراق غير متواجد حالياً
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء
افتراضي

 

وعليكم السلام ورحمة الله وبركاته
atmin شرف لي مرورك اسعدني ردك والعنوان يحمل مفتاح للقصه مع الايام نكتشفهاا

مشكوره حبيبتي على المرور

 
 

 

عرض البوم صور صبى الاوراق   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مبدعتنا صبى الاوراق اتمنى مايوقف ابداااعك, الحمدلله على رجوعكم فيصل والسوري بالسلامه, اريج عبير السوري الله يخليلج فيصل ويديم عليكم المحبه, تسلسل واضح ومحبوك وايد بالاحداث, راكان الله يرجعك بالسلامه, ركــــــــــــــــــــــــان يابعــــــــــــــــــدي, صبى الاوراق, صبو حلوه الحياه بدون مشاكل خليهم حلوين, واااااافديت السوري وفيصل املاكي انا ناقده وبس, نايف لبى الزين اللي فيك, نايف مبروك انضمامك لمجموعات (زارا) ادري انك بتموت من الفرحه. ما الومك..هع, قصه اشخاص في شهر واحد فقط
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:51 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية