|
نوح الحمام
بسم الله الرحمن الرحيم اليوم جآيه لكم و في يدي آوراق.. فـيها خربشه من خربشاتي وحطيت عنوانها نوح الحمآم لــ تحميل الروايه على " ورد أو تكست " http://www.liilas.com/vb3/t98514-20.html#post3064365 لــ تحميل الروايه على " pdf أو utf.8 " .. .. .. البارت الثاني .. http://www.liilas.com/vb3/t170206-9.html البارت الثالث .. http://www.liilas.com/vb3/t170206-14.html البارت الرابع .. http://www.liilas.com/vb3/t170206-18.html البارت الخامس .. http://www.liilas.com/vb3/t170206-22.html البارت السادس .. http://www.liilas.com/vb3/t170206-26.html البارت السابع .. http://www.liilas.com/vb3/t170206-31.html البارت الثامن .. http://www.liilas.com/vb3/t170206-39.html البارت التاسع .. http://www.liilas.com/vb3/t170206-44.html البارت العاشر .. http://www.liilas.com/vb3/t170206-47.html البارت الحادي عشر .. http://www.liilas.com/vb3/t170206-50.html البارت الثاني عشر .. http://www.liilas.com/vb3/t170206-57.html البارت الثالث عشر .. http://www.liilas.com/vb3/t170206-63.html البارت الرابع عشر .. http://www.liilas.com/vb3/t170206-67.html البارت الخامس عشر .. http://www.liilas.com/vb3/t170206-71.html البارت السادس عشر .. http://www.liilas.com/vb3/t170206-72.html البارت السابع عشر .. http://www.liilas.com/vb3/t170206-77.html البارت الثامن عشر .. http://www.liilas.com/vb3/t170206-81.html البارت التاسع عشر .. http://www.liilas.com/vb3/t170206-86.html البارت العشرون .. http://www.liilas.com/vb3/t170206-91.html البارت الواحد و العشرون .. http://www.liilas.com/vb3/t170206-99.html البارت الثاني و العشرون .. http://www.liilas.com/vb3/t170206-105.html البارت الثالث و العشرون .. http://www.liilas.com/vb3/t170206-112.html البارت الرابع و العشرون .. http://www.liilas.com/vb3/t170206-117.html البارت الخامس و العشرون .. http://www.liilas.com/vb3/t170206-123.html البارت السادس و العشرون .. http://www.liilas.com/vb3/t170206-129.html البارت السابع و العشرون .. http://www.liilas.com/vb3/t170206-134.html البارت الثامن و العشرون .. http://www.liilas.com/vb3/t170206-139.html البارت التاسع و العشرون .. http://www.liilas.com/vb3/t170206-144.html البارت الثلاثون .. http://www.liilas.com/vb3/t170206-149.html البارت الواحد و الثلاثون .. http://www.liilas.com/vb3/t170206-152.html البارت الثاني و الثلاثون .. http://www.liilas.com/vb3/t170206-155.html البارت الثالث و الثلاثون .. http://www.liilas.com/vb3/t170206-157.html البارت الرابع و الثلاثون .. http://www.liilas.com/vb3/t170206-161.html البارت الخامس و الثلاثون .. http://www.liilas.com/vb3/t170206-163.html البارت السادس و الثلاثون .. http://www.liilas.com/vb3/t170206-165.html البارت السابع و الثلاثون .. http://www.liilas.com/vb3/t170206-171.html البارت الثامن و الثلاثون .. http://www.liilas.com/vb3/t170206-175.html البارت التاسع و الثلاثون .. http://www.liilas.com/vb3/t170206-178.html البارت الأربعون .. http://www.liilas.com/vb3/t170206-182.html البارت الواحد و الأربعون .. http://www.liilas.com/vb3/t170206-186.html البارت الثاني و الأربعون و الأخير .. http://www.liilas.com/vb3/t170206-189.html .. .. .. انا ماقول لكم اني كآتبه و لآ لآهو آكبر طموحي لـقب كآتبه الكل استخدمه اليوم انا بس حبيت نجتمع في خربشه آشوف انها بتناقش قضيه تهم المجتمع ان خرجناً ب الفائده من هذا المكان و الا ان شاء الله ماحنا بزايدين الطين بله بعالم الروايات.., لا ابيح ولا احلل من ينقلها وينسبها لنفسه ..., / / البارت الاول \ \ \ \ - نمرمن وين جبت الختم هذا فاقدته من زمان قلبت الدنيا عليه ولا لقيته نمر\ماما لقيته بسيارة بابا واخذته ابي اعرف وش مكتوب ماعرفت هي\نموري هذا ختم امي الله يرحمها ماكانت تعرف توقع با القلم وهذا كان محل التوقيع بعدين الاسم با الختم مقلوب علشان كذا ماعرفت تقراه انت للحين سنه اولى لما تكبر شوي راح تتعلم كيف تقرا جدتك الله يغفر لها ماراحت للمدرسه مثلك والا كان صارت توقع ولا احتاجت ختم الي يشد حيله با المدرسه يتعلم ويصير يوقع صح ويعرف وش مكتوب محد يضحك عليه وربي يحب الي يسعون للعلم ويعلي درجاتهم با الدنيا والآخره نمر\ماما انا احب ربي لكن ما احب المدرسه ماما المدرسه تقهر هي\ها الولد وشلون افهمه وارغبه با المدرسه ياربي تعيني معاناه واحنا تونا با اول الطريق نمر\ماما بقولك شي...؟ هي\يا الله قل اليوم الظاهر مافي غدا بس بنجلس لشيخ نمر ونجيب على تساؤلاته يا الله لاتخلي بنفسك شي ما تسأله نمر\ماماليش ماعندي خوال وعمان مثل عيال صديقاتك...! هي ب ألم\ قلبي نمر خوالي خوالك وانت تشوف ماعندي عمان والاكان صارو عمانك ما يكفي خاله الي تجي كل فتره وتشتري لك العاب وبعدين لازم تقول الحمدلله انا عندي اخوان واخت نمر\لا انا ابي عمان وخوال بعد هي \طيب وعماتك وعمو الي جنبنا نمر\لا انا ابغى اعمام زينا يشبهونا هي\نمر طيب شفني ماعندي اخوان وخوات يشبهوني والحمدلله يعني انا وانت مثل مثل صح..., نمر\ صح ماماانا وانتي مثل مثل هو\يا ها النمر انا مدري وش خلاني اطاوعك واسمي ولدي ها الاسم الظاهر انه طالع على نمر ليتني سميته اسم ثاني هي\هههههه يا ليت والله يطلع على سميه نمر الله يحفظه هو\اضحكي يا عوق محد يتصدع راسه الصباح من كثر الاسئله مثلي اذا رحت فيه للمدرسه هي\ وش يسألك عنه نمر..؟! هو\بخبرك لكن غداك جاهز..؟ هي \دقايق بدل لبسك وبتلقاه ان شاء الله جاهز... - - - / - - - / - - - / انا عوق صح بتستغربون اسمي لكن ربي وهبني جمال مثل ما يقولون اسطوري ويمكن سموني عوق نسبه لجمالي شعري طويل طول ملفت لنظر برجع فيكم ورى 26سنه والاانا33 سنوات عمري - - لكن كلامي عن اول يوم دخلت فيه المدرسه طلعت لدنيا لااخوان ولاخوات - - امي بس حرمه كبيره وعيال اخو امي والا اخوها متوفي بس عياله من فتره لفتره يمرون يشوفون امي ويسلمون عليها حتى ايام الربيع والشتاء نطلع فتره بسيطه ونرجع مع اقارب امي لأنها ما تحب تطول في البرونرجع لبيتنا انا وامي وخادمتنا وزوجها السواق وكنت استغرب كل البنات الي حولي وصديقاتي عوايل كبيره الا انا وحدي كثير من زميلاتي يحسدوني ياحظك ياعوق وحيده - - واكيد ان اهلك مدلعينك وانا اشوف غير الي هم يشوفونه امي تخاف علي من الهوا كل مكان تروح معي فيه عمري ماحسيت بطفولتي بحريه على طول تصرفاتي مكبوته مراقبه بكل شي لازم اتصرف تصرف بنت راشده وانا بسن طفوله - - امي على كثر ماكانت كل طلباتي مجابه عندها على كثر ماكنت محرومه من اشياء كثير - - واهم شي حرية الطفل با اللعب والاختلاط مع الا طفال الاخرين امي عمرها مامدت ايدها علي لكن كلامهاونظرتها لي تكفي عن الف سوط انضرب فيهم انا اول بنت من صديقاتي لبستني امي العباه والغطوه المدرسه قريبه من بيتي..., امي كبيره با السن وكانوا لنا جيران من الناس الي فيهم خير.. في اليوم الي تكون تعبانه ترفض اني اركب مع السواق رغم وجود زوجة السواق معاه لازم اذاطلعت للمدرسه يكون معي امي والخادمه كلنا نطلع مع السواق كثيرامي تحرص انها في اليوم الي تتعب تكلم زوجة جارنا وبناته وحده وحده توصيهم الصباح يا خذوني معاهم وينتبهون لي كأني طفله ادرس روضه على ان بنات جارنا الكبيره كبري بنفس المرحله والباقيات اصغرمني ... كثير كانت شدة حرص امي علي يخنقني ومع هذا اشوف الغبطه بعيون البنات لي ... كنت اتمنى يكون لي خوات يشاركوني غرفتي افقد اشيائي القى خواتي ماخذينهم... او نذاكر انا وخواتي وفي المدرسه اشوف شي من اشياء كنت فاقدته القى اختي لابسته واتوعدها في البيت اوريك اتمنى يكون لي اخ اكبر مني اتدلع عليه... واخ اصغر مني اشاكسه... ولا يكون عندي اخت صغيره في نهاية العام الدراسي تروح معاي للمدرسه يشوفونها صديقاتي ويسألوني تبارك الله عوق اختك تهبل احلى منك... والامنيه الكبرى الي تخليني ليالي كثيره اغرق مخدتي دموع كنت اتمنى يكون عندي ابو مايهم...! حنون...! قاسي...! المهم اب الصباح يوصلني المدرسه واكون راكبه جنبه... و... يسولف معاي يعطيني مصروف المدرسه... اتخيله يفتح محفظته ويقول مامعي صرف عوق خوذي الفلوس واستانسي انتي وصديقاتك اليوم انتي شيختهم باشري عليهن كلهن... لكن هاااه وانا ابوك لاتخبرين اخوانك اذا رجعتي ان شاء الله الظهر... وانزل وانا فرحانه وابوي يوصي الحارس يقول انتبه يا ابو فلان لعوق لاتطلع لين تشوف سيارتي والاسيارة اخوها... / / / احلام بسيطه وكثير منكم عايشها حقيقه ويمكن البعض ما هومعجبه وضعه هذا لكن انا كانت عندي امنيه وحلم سهرني ليالي انا كنت ارجع من المدرسه اما مع امي والسواق وزوجته خادمتنا.. او... بيد بنات الجيران الي يمسكوني مع يدي خايفين علي اضيع وانا عمري عشر سنوات وحتى عباتي لما كنت صغيره اتمنى افصخها من يوم اطلع من باب المدرسه لكن اخاف صديقاتي يخبرون امي مع انهم كلهم من يوم نبتعد عن اسوار المدرسه كلهم ينزلون عبياتهم ويمشون بدونها الا انا / / / دخلت المرحله المتوسطه... وبرز جمالي اكثر المعجبات يحاصروني بكل مكان في المدرسه.. بما ان مدرستي مجمع حتى بنات الثانويه اكبر مني اشوف بعيونهم نظرات الاعجاب ومرات اخاف من بعض كلام يقولونه لي... امي دايم تحذرني ما امشي مع بنات اكبر مني او بنات متزوجات وكثير امي تحضر للمدرسه توصي علي المدرسات ومدرساتي با الرغم من الحاح امي عليهن وعلشان يطمنونها كنت مميزه عندهم وهذا حماني كثير من بنات متطفلات انهم عارفين اني تحت عين الكل وكثير تعاقبوابسببي وهم يستحقون العقاب لكن دايم الانسان الغلطان عنده زاويه يبيح له انه يشوف نفسه على صواب فكنت بنظرهن اني اتسبب في عقابهن وانا مالي ذنب بعقابهن مستواي الدراسي كان وسط وكنت مجتهده اكثر من كوني ذكيه... في اخر مرحله با الثانويه امي كبرت صار كل شي عليها صعب وهي ماغيرت نظامها... من طلعت لدنيا واحنا عندنا سواق وخدامه زوج وزوجته امي قبل ما يسافرون ... خادمتنا وزوجهاالسواق وينتهي عقدهم تستقدم غيرهم با اسم عيال خالي واذا وصلواالسواق والخادمه الجدد ترسلهم لخوالي وخوالي اكثر وقتهم با البر هم وعوايلهم على انهم مدرسين لكن متعلقين مره بالحلال والبراقول ليش يمه حرام خوالي مره قاسين مع السواق والخدامه تقول انتي جاهل ابيهم اول شي يجربون ناس يكدونهم كد علشان اذا رجعو عندي حبوا ايديهم وجه وقفا البيت مافيه الا انا وانتي والشغل قليل وبعدين السواق ابيه يتعلم الحيا وانا امتس والعفه البدوي ما يتلفت في الحرمه الي ما تحل له وانا ما طلعت با الدنيا غير فيتس اخاف يا بنتي عليتس مرات من نفسي يا عوق اخاف اضرتس امي كبرت واحس صارت حنون علي اكثر تقول كلام مرات يقطع قلبي ما صرت اخاف من امي مثل قبل في يوم رجعت من المدرسه لقيت امي وجها متغير اسألها تقول شوي تعبانه تغديت واخذت كتابي اذاكرونمت بما انها فترة امتحانات نصفيه والجو برد النوم يثقل قعدت الوقت متأخر ابي اكمل مراجعه رحت اتفقد امي لقيتها طايحه وزايد عليها التعب ورحت واركض يمين يسار ما ادري وش اسوي نسيت حتى ان عندنا سواق وخادمه قامت الخدامه والسواق على صراخي وبسرعه الخادمه دخلت لأن امي قايله لسواق لو تشوفنا محترقين لا اشوفك تدخل علينا وهو الله يجزاه خير ماسك العلم... لبست امي عباتها وعلى طول للمستشفى... وفحصوا على امي طلع عندها ارتفاع با الضغط والسكر هو الي هد حيلها رحت اركض ورى الدكتور اسأله عن وضع امي وليش الضغط مرتفع عندها امي منتظمه على ادويتها قال امك حرمه كبيره واكيد متعرضه لأنفعال هو الي رفع ضغطها لكن الحمدلله جات سليمه وهي لازم ترقد هنا لصباح / / / رجعت لأمي بغرفة التنويم وهي تغمض وتفتح تعبانه عوق ب دموع\لاتخليني مالي احد غيرك وش الي رافع ضغطك آم عوق\ مافي شي بس انتي اتركي عنتس التبكبك وياالله بعود معتس بكرا اختبار ترا هذي السنه الاخيره لتس حآولت...النزول.. لكن الممرضات امسكوها وآستدعو الدكتور.. الدكتور بلطافه\ لآتهملين نفسك ي خاله ..كذا مو مسموح لك.. ام عوق\ ياولدي بنتي عندها اختبار الدكتور ب لطف\ بنسمح لها ترافقكـ / / / رجعت للبيت ابي اخذ كتبي ..و...اغراضي... آحس بوحشه من يوم ركبت السياره... قلبي ينتفض وعيوني تصب دموع.... خايفه اول مره احس با الخوف ...! خفت من كل شي من السواق...! من الخادمه...! من اني ادخل البيت والقى حرامي قدامي ...! / / / بسرعه لميت كتبي علشان اكمل مذاكره عند امي... حسيت حتى الجدران تبي تاكلني ... فضيع الاحساس با الخوف... يصور لك حتى ان الارض الي تمشي عليها تهددك... / / / رجعت لأمي وخبرت السواق يرجع للمستشفى بدري والخادمه تحضر لبسي وتجيبه لي في المستشفى جلست عند امي عين عليها وعين على الكتاب ما ادري وش ذاكرت لكن الاكيد ان كنت بحل صح في اختباري هو من دعاء امي لي الليله هي تدعي وانا اسمع واحاول احفظ واجتهد اكثر / / / اصبح الصباح وطلعت لمدرستي وامتحنت وكان احسن حل لي سبحان الله يمكن الاحساس با الخوف خلاني احفظ اشياء اصلن كنت ملغيه مذاكرتها اوهو دعوة امي لي ان ربي يسر امري / / / في اليوم الثاني رجعت امي للبيت... يا فرحتي ماتوصف طيحت امي مريضه ونقلها للمستشفى كان مثل الي يمشي بنور وفجاءه طفا عليه النور وصاير يتخبط ما يدري وين يمشي ورجعت امي للبيت مثل النور الي بدد الظلام / / / النصف الثاني من المرحله الثانويه كان يعادل كل سنوات عمري 18 في يوم كان في بنت تتحرش فيني بالكلام... والبنت هذي من بنات جيرانا... كانت حيل مؤدبه لكن من يوم دخلنا المرحله الثانويه تغيرت قصة شعرها بطريقه غريبه كأنه شعر ولد من غير محاولتها لتخشين صوتها والاشياء الي تلبسها وحركاتهاتثير الاشمزاز كم مره احاول اكذب نفسي واتناسى كلامها القبيح إلا مره خلاص ماعاد لصبر مكان عندي من حركاتها قربت مني بطريقه غريبه ودفيتها وطاحت على ظهرها اجتمعوا البنات علينا وحضرت المشرفه وعلى طول للاداره المديره كانت تعرفني من يوم كنت في الابتدائي / / / المشرفه\ خير عهود وش عندك مع عوق عهود\ استاذه عوق قليلة ادب وتحرشت فيني وتعلق على لبسي وقصة شعري المشرفه\ سيماهم في وجوههم يا عهود كلنا نعرف عوق ما تطلع منها العيبه المشكله فيك انتي ويا الله بسرعه اشوف قدامي تكتبين تعهد تغيرين فيه المريول وشعرك هذا تلبسين طرحه حتى يطول وبكرا امك تحضر ولو ما شفت كلامي تنفذ المدرسه تتعذرك طلعت وانا وجهي طايح من كلام المدير لعهود عمري ما شفت احد تهزئ قدامي ولا عمر احد هزئني عهود قلبت علي ذاك اليوم هي وصديقاتها وفي اخر حصه كنت البس عباتي ابغى اطلع لحقوني هي وشلتها قالت بنات من يصدق ان حرمه عمرها 80سنه تحمل وتجيب بنت عمرها 18سنه لا وزوجها متوفي من 30سنه وضحكوا الي تقول اكيد انها استنسختها والي تقول تلقيح صناعي وماشاء الله شكل المستشفى حيل راقي والا ما ينتج بنات حلوين ادري انهم يقصدوني رجعت للبيت وانا ابكي من القهر استضعفوني وانا مافي احد يدافع عني / / / ام عوق\ وش فيها عوق المزايين خدودها محمره عوق\ مافي شي يا ضي عيوني بس من الحر ودايخه بنام دخلت غرفتي / / / واحس الدنيا ضايقه فيني جدران غرفتي حشرتني حشر على كبر غرفتي حسيتها صارت متر في متر وافكر صحيح امي كم عمرها وش درى عهود عن عمر امي والا وفاة ابوي لكن امي تزوجت اكثر من مره يمكن هي ما تدري عن ها الشي طيب لو عمر امي 80وعمري18يعني امي ولدتني عمرها 62 طيب يمكن صحيح امي ولدتني متأخره مافي شي غريب الحل اني اشوف صدق متى توفى ابوي انا طلعت لدنيا ما شفته ولاشفت عماني ولا ادري حتى اذا لي اعمام اولا لكن كيف اقدر اوصل لدرج امي الي فيه اوراقنا / / / بعد ما شبعت بكا نمت وانا مافي راسي الا شنطة الاوراق حقت امي الشنطه كانت دايم قدامي ...! عمري ما فكرت افتحها...! ماكان في شي مهم فيها بنظري الحين كأن فيها خريطة الكنز...! / / / عرفتكم على بدآية الروايه...., آنطلقو ب التوقعات=) لنآ لـقاء منتظم ان شاء الله.. \ \ \ (كلمه اخيره) من أعجب الأشياء أن تعرف الله ثم لا تحبه , وأن تسمع داعيه ثم تتأخر عن الإجابة , وأن تعرف قدر الربح في معاملته ، ثم تعامل غيره , وأن تعرف قدر غضبه ثم تتعرض له , وأن تذوق ألم الوحشة في معصيته ، ثم لا تطلب الأنس بطاعته , وأن تذوق عصرة القلب عند الخوض في غير حديثه والحديث عنه ، ثم لا تشتاق إلى انشراح الصدر بذكره ومناجاته , وأن تذوق العذاب عند تعلق القلب بغيره ولا تهرب منه إلى نعيم الإقبال عليه ، والإنابة إليه , وأعجب من هذا علمك أنك لابد لك منه وأنك أحوج شيء إليه ، وأنت عنه معرض وفيما يبعدك عنه راغب ابن القيم . طيف الأحباب ام الوليد |
♪♪♪ حي الله ام الوليييييييييييييييييييييد .. يامرررحبا نووووور القسسسسسسسسسسسسسسم والله .. :103gi: .. سجليني من اول متابعاتك الله لا يعوقني بشر ^^ .. حبيت العنوان ولي عوودة بتعليق بعد القراءة اكيييييييييييد .. هذا رد ترحيبي بس :liilas: .. ♪♪♪ |
♪♪♪ انسسجمت بسرعة .. حبيت اسلوبك ‘ سلس ماشاء الله .. اممم عووق اسمها غريب .. اذا صدق زوج ام عوق متوفي من 30 سنة .. ممكن ما تكون ام عووق هي امها ! ليش ما تكون جدتها مثلا !! ولا كيف تجيبها وهي عمرها 62 ؟؟ والابو متوفي ! يعني مثلا تكون بنت ولدها .. او بنت بنتها .. متخلين عنها مثلا ! او ان بنتها او ولدها صاير لهم شي !! ولا امممم ممكن بعد ما تكون بنتهم ابد !! >> فيس يفكر في الاحتمالات كلها .. سين سؤال ! اذا هم بنت وامها وحيدين من يصرف عليهم ؟ اممم بنهاية البارت قلتي لنا لقاء منتظم ان شاء الله .. متى موعد هاللقاء :5rfd3: ..؟ ويعطيك الف عافييييييييييييييية طيوووف http://www.liilas.com/up/uploads/liilas_13198325301.gif .. ♪♪♪ |
حيا الله ام الوليييد من دون ما اقرأ اي حرف متابعه معاتس ان شاء الله
العنوان اعجبني وشدني الله يستر من نوح الحمااام والي ورااه لي عوده بعد القراءه ان شاء الله |
بسم الله الرحمن الرحيم السلام عليكم ورحمة الله وبركاته أم الوليد............ مرحبا مليون ولا يسدن بداية رائعة تحمل الكثير من الغموض ورغم أنها أعطتنا خلفية لا بأس بها عن نشأة عوق إلا أنها وضعت أكثر من علامة استفهام حول حياتها بأكملها منذ ولادتها وحتى ما سمعته في ذلك اليوم من زميلات الدراسة فهل هي حفيدة للعجوز ربتها دون أن تخبرها أنها جدتها وليست أمها أم أنها يتيمة تعرف العجوز أهلها وربتها لتنال الأجر بكفالة اليتيم ولم تخبرها بذلك حتى تكبر وتحصل على شهادتها ويأتي من يطلبها للزواج حينها فقط ستخبرها من تكون من هو نمر الذي أسمت ابنها عليه؟؟؟؟؟؟؟؟؟ هل هو من أخوالها أم من أبنائهم وإن كان هؤلاء أخوالها فهل هم مفتاح اللغز الذي سيوصلها لمعرفة أهلها إن لم تقدر على معرفة الحقيقة من أوراق أمها أم هو شخص لا يمت لهم بصلة ولكنه مفتاح اللغز الذي سيوصلها لمعرفة أهلها وهو من سيقف معها لإثبات ذلك عزيزتي............. سلمت يداك على هذه البداية الرائعة معك حتى نراها بإذن الله في القصص المكتملة وبانتظار القادم بشوق دمت بحفظ الله ورعايته |
هلا وغلا ومرحبتين بطيوفه
وانا اقول ورى الحرمة غاطسة ومالها حس اتاري عندك علوم سفرة فيس التميلح ولا عندي خبر مسبق ومتشوقه مره ان شاء الله تكوني كاتبة مبدعة في سماااء الروايات وسجليني متابعة معك بإذن الله قريت بس المقدمة ولي عودة بس نوقع حضور جورية لحضورك المميز غاليتي |
رجعت يا قلبي
ماشاء الله بدايه قويه وحماس حبيت عوق المزايين وامها وولدها نمر اتوقع عوق ربيبة امها او حفيدتها ونمر يكون ولد خالها منتظرتس بكل شوق يا طيوفه |
.
. . السلامـ عليكمـ..., . . . ي مساء الـخيوط الذهبيه الملتفه حول خآصرة الحرف آلآنيق...=) مسائكـ آقحوان ي ام الوليد...ومسآء ال ليلاس الزعفران..., . . . و آخيراً ي الغاليه أقدمتي على هذه الخطوه الـي أنتي بكل تأكيد أهلها..., من زمآن ي طيف وانا اتمنى ان اشوف معرفك تحت اسم روايه..لما..تتميزين فيه من عقل راجح وحس أدبي ساخر قل من يتقنه... . . . عوق..آسم غريب وراق لـي جداً... ي ترى وش قصتها...لـيش هذا الغرابه في سـرد حكايتها..لآ اخوان ولآ اخوات..وكل ها الحرص من امها..؟؟ آلآكيد بتناقشين قضيه شائكه من خلآل كمية الغموض الي سكبتيها لنا=) أبكاني مقطع تمنيها للاب... جداً فقط آلآب شي كبير.. . . . حركة كد الخدام والسواق اعجبتني ههههه . . . محزنه عوق لما طاحت امها...قاسي ان مايكون لك الا شخص واحد في هذي الحياه . . . حنين..., أشك بو ضع عوق...ليش هذي الوحده لآ خوال ولآ اعمام وليش هذا الحرص من ألآم طبعاً شبه متأكدين مو امها بسبب العمر...=& أعجبني تحليلك انها ماتكون بنتهمـ... طيف..تهقين عوق ماهي بنتهم وانتي مسويه لنا جو اكشن...=) وخربته عليك حنين...=) المهم ان ماطلعت بنتهم عطيني انا النجمه ...>فيس يناظر حنين ببرائه . . . اتوقع ان ام عوق مكتفيه مادياً... . . . بـ البدايه ومنتظرين بشوق تتابع الاحداث..., متواجده هنا بـشكل دائم ان شاء الله . . . |
تنحت ساعه عند اسم الكاتبه اهلين طيف بدايه موفقه مع اني ماقريت لاكن لي عوده
لاكن عندي سؤال هذي اول محاوله لك في كتابة القصه او لكي باسم ثاني |
ياااااهلا والله بطيوووووفه << وحشتيييني ترى وبقووووه❤
بدااايه موووفقه واسلوووب جداً ممتع ومشوق عوق اسمها غريييب بس معناه مررره حلوو يوم تكلمت عن الخواات جتني الصيييحه<< فيس يعااني من هالشي عندي توقع بس وانا افكر فيه مريت على رد حنووو وضمضم لقيتهم سبقوووني فيه يمكن تكون ام عوق متبنيتها بعد مااتوفى زوجها..☹ سجليني من متابعينك بإذن الله عواااافي❥ |
:
بدايه رائعه اسم الروايه راقي جدا عــوق ...لو في مواعيدك ضفاف ما صار حبكـ عوق >>>تذكرت هذا الشطر اول ما قريت اسم البطله امممممم مشكله الاهتمام الزائد عن الحد لـ الاطفال مشكله مهمه تؤثر على الطفل ..كثير منهم يكون اتكالي وبدون شخصيه ...فعلا يكون محروم من اشياء كثيره ..ويدلل لدرجه التلف الخيارين متاحه مكن تكون جدة عوق او امها ..بس اتوقع انها جده اكثرلانها اذا كانت ام سيكون عمر عوق اكبر 80_30 =50 وديـــــــــــــ : |
يا مرحبا يا مرحبا طيوووووف بدايتها حلووة انا قريت شوي منها بس الاكيد برجع اقراها من جديد عشان اضيف تعليقي بمتصفحك وسجليني مع حنووووو متابعه بإذن الله موفقه يا عسسل |
يحي هالطله مرحبتين كبار لام الوليد ولا تسد
اخير رجع وح الاعضاء يلعلع من غير قصوووووووووووور في المتواجدين سبحان الله كنت انتظر طلتك ويأست منك جيتي والساحه متعطشه لقلم مبدع عوق واه ياعوق المزايين ياربيه تسان عندتس حل لنمر عطيني كود ينفع في الا عندي الله يصلحهم ويخليهم لي بكيت عند تنويم امها في المشفى ودعاها وصفتي الاحاسيس وابدعتي خوف عوق احساسها بالوحشه من كل شي حولها <ياربي لاتحرمنا من أمهاتنا احس خوف الام وحرصها كأن عوق امانه وحملت بها الام عشان كذا كان الحرص بزياده لبى البدو وطاريهم نجي اتوقع ان عوق تصير بنت رجالها ماهيب بنتها ويمكن عشان حلالها وخيرها خبتها عن اعمامها بدايه قويه ام الوليد بانتظار المزيد همسه كاني لمحت زول ضمني وين الغيبه ننتظر منافستك مع ام الوليد |
حيا الله ام الوليد مره ثانية
بداية رااائعة جدا دخلت جو معها وحسيت باحساس عوق فعلا الواحد لما مايكون له اهل واخوان واخوات واقارب يحس بالنقص الله لايخلينا منهم وفقد الاب حتى تمنيها لقسوته شي مؤثر ابدعتي في وصفه غاليتي توقعاتي ماحس ان عوق تصير حفيدتها الاقرب انها بنت ناس وعزيزين عليها واودعوها عندهم او خوف عليها من مجهول وخذتها عندها واتوقع ماتطول الجده وتتوفى وتفصح عن السر الي مخبيته عنها نمر عاشت الاسامي والله بس احترت من يكون كلنا شوق حبيبتي للكشف عن الشخصيات الهمسة رائعة جدا وجعلها الله في ميزان حسناتك ذكرتيني بالغالية ضمضم الي نور المتصفح بوجودها ننتظر القادم بكل شوق |
ياهلا مليووون بام الوليد
منوره يالغلا والحلى مايطلع منه الا حلى بدايه موفقه يالغلا واسلوب سلس اعجبني مرره الاحداث باين انها من فتره صايره لان عوق الان ام لنمر اللي باول ابتدائي اتوقع تكون عوق لقيطه ومو بنت لامها او ممكن تكون بنت بنتها بس ليش انسبتها للجد لتكون بنته من زوجه ثانيه او بنت حرام لبنتها يارب ماضنتي به توقع شامل للمتناقضات مثل توقعي المهم ام الوليد رائع تصويرك لاحاسيس الفقد عند بطلتك عوق متابعه لك بعون المولى |
مرحبااااااا اعداد ما هلت مزونه بداية موافقة يا الغلا ممكن تكون بنت الشايب من زوجة ثانية والا بنية ولدها بس موب غريبة ان العجوز تنجب بالسن هذا والله اني اعرف عجوز عراقية ممكن في اواخر الستين من عمرها وكانت جايبه سامي الله يبارك لها فيه ان كان حي على خبري قبل حرب الخليج
|
السلاام عليكم
ام الوليييييد ..ايش المفاجاااءه الحلووه هذي ... مع انه موغريبه علييك من خلاال ردوودك في القصص الثااانيه ..... لسه ماااقريت الباااارت الاول ....بس حبيت اهنيك اول شي في مولودتك الاولى ...وان شاء الله لي عووده لما اقراء عن الشخصياات ...موفقه حبيبتي ,,,, |
اقتباس:
هلا بك حنو النور نورك والله الاسم والله حبيت انه يكون قصير وينحفظ على طول والروايه كان لها اكثر من عشر اسماء لكن نوح الحمام كان الاقرب للأحداث قرابة عوق بأمها كل شي جايز بتبين لكم الاحداث صلة القرابه لكن الاكيد انك قربتي كثير من يصرف عليهم بتعرفونه قريب لقاءنا بأذن الله بيكون كل سبت ضيفه خفيفه عليكم يارب |
اقتباس:
هلا بك ام رنو لا تابعي وبتعجبك ان شاء الله اسعدني مرورك |
اقتباس:
هلا ومرحبا اراده صلة قرابة العجوز بتعرفونها ان شاء الله قريب توقعاتك خطيره نمر قريب جدآبتشوفونه با احداث الروايه الله يسلمك وبأذن الله بنوصل لنهايه مع بعض اذا ربي كتب لنا حياه اسعدني جدآمرورك |
اقتباس:
هلابك مره ثانيه ام رنو بنشوف قريب صلة القرابه ماراح يطول الانتظار بأذن الله |
اقتباس:
صباح كل شي حلو اقدمت على الخطوه وانا خايفه للحظه الاخيره قبل اضغط ارسال وانا متردده غرابة اسم عوق كنت ابي اسم يكون بمستوى الاحداث الي راح تصير لها سميتها عذاب بعدين قلت مستهلك كثير وعوق جاء فجاءه من اسامي حافظه الشايب الله يحفظه ابوي عوق وخشف اتمنى والله اني اناقش او انبه لشي يمكن في احد يمر على روايتي وياخذ عبره منها على ان الاحداث بدايتها قبل اكثر من 33سنه الا انها الي الآن تعيد الناس نفس الاغلاط الاب ومن مثل الأب الله لايحرمنا الحي منهم ويرحم المتوفي ويجزاهم عنا خير الجزاء حركة الخادم كثير يسوونها وخصوص شغل با البر يقطع القلب اتمنى اني اناقش شي مفيد لخواتي ولبناتي الي يمرون على ها المتصفح يمكن في نايم يصحى اذا بنتهم اولا بنشوف قريب يمكن بنتها وش يدريك تستحقين اغلى من النجوم دعوه طيبه صادقه من قلبي الله يحيك ضمضم ويجعل لك من كل همآفرجا ومن كل ضيق مخرجا |
:liilas:روايه جميله ورائعه تسلم يداك ونحن بنتظارك |
اقتباس:
هلا بك ام البنين اول محاوله با القصص الطويله وعندي با القصص القصيره تجربهhttp://www.liilas.com/vb3/t163392.html اسعدني مرورك |
اقتباس:
هلا ومرحبا قموره وانتي والله وحشتيني اكثرررر كثير اسم عوق عند الاولين توقعك انتي والبنات قريب بينفتح عنه الستار ونشوف صحيح اولا على ان في بنات تبارك الله قربوا كثير هلابك واسعدني مرورك |
اقتباس:
صحيحه التدليل والحرص كثير ما يجتمعون مشاعر وعواطف اتجاه اطفالنا مرات ما نقدر نتحكم فيها بنشوف قريب صلة القرابه بينهم اذا كان فيه قرابه اسعدني مرورك |
اقتباس:
هلا ومرحبا حياك الله و با انتظارك انتي وحنو |
اقتباس:
هلا ومرحبا يارب اصير عند حسن الظن واقدم الي انتو تتوقعونه مني والحل مع جيل ها الحين اتوقع انقلبت الاحوال صاروا هم الي يربونا ماهو حنا الي نربيهم توقعاتك قريب بينكشف عنها الستار وبنشوف من الي اصاب من البنات اسعدني مرورك هتون |
اقتباس:
اتمنى والله ان الروايه تلامس قلوبكم شعور الوحده جدآمؤلم فقدان الاب ما حبيت اطول لأن الاب مافي شي يوفي وحظيظ الي والديه يرحلون عن الدنيا وهو راضين عليه توقعك بنشوف البارتات القادمه القريبه بيكون صح اولا عاش غاليك الاسامي جدآاتعبتني وفي اسماء اضطريت اكتب اسامي خواتي صديقاتي احترت بجد حتى في اسم كنت اتحاشاه وغصب طلع معاي المبدعين يحفرون با الذاكره لايمكن انا ننساهم ومن ضمنهم ضمضم اكيد والهمسه يمكن تفيد احد من العابرين ومجمل الاحداث مواقف واحداث خزنتها الذاكره وفرغتها على الكيبورد انتظروني كل سبت بأذن الله اذا ما حبسني حابس |
اقتباس:
وهلا ومرحبا ام نواف الله يحلي ايامك عوق قريب جدآ بيكون الجواب على اسألتك وتوقعاتك الي قربتي فيها كثير واسلوبي ما اتخيل الا اني مجتمعه معاكم واحي لكم حكايه لكن في احد اث قادمه يفضل انها تقرأعلى اني احكيها اسعدني جدآ مرورك العذب |
اقتباس:
هلا وغلا ومرحبا توقعاتك قريب بتعرفين ان شاء الله صلة القرابه مسألة مو غريبه ان عجوز تنجب بسن متأخر سببت للوالده الله يشفيها احراج زارتني حرمه عمرها نهاية الستينات اولادها وبناتها متزوجين ومعها ولد عمره تقريبآخمس سنوات والولد يبكي ما سكت قالت لها امي كان خليتيه عند امه انتي تعبانه ويا الله تقومين بنفسك قالت وين اخليه هذا ولدي الام اواخر الستينات والطفل خمس سنوات مافي شي غريب اسعدني جدآ مرورك با انتظارك |
اقتباس:
هلا ومرحبا الله يحلي ايامك الله يبارك فيك وبا انتظارك مرورك جدآاسعدني |
لحظه لحظه ابي استوعب
ما صدقت عيوني وانا اقرأ اسمش تحت الروايه وللحين ما قريت منها شي بس طيف الأحباب بحد ذاته يخلينا نعرف مدى الإبداع اللي انكتب هنا راجعه لش بعد القرايه بس لا تصدمينا مثل اللي قبل وتخلينا نبكي وطلع حلم ههههههههههه واثقه وااااااجد من أني راح أنجن على قلمش وروعة احداث روايتش نوح الحمام اسم جميل لكاتبه واخت اجمل وأروع تقبلي مروري وهذرتي الواجده * |
السلام عليكم و رحمة الله
دقيقة أخذ نفس و استوعب اللي اقرأه ام الوليد ياااااااااااا فيديييييييييت الزول انا اخبارك يا قلبي عن جد مفاجئة ختيييييييييييييرة و على مستوى راقي جداً يا قلبي مبروك علينا القصة من الاحداث اللي قرأتها الاحداث جداً سلسة و الاسلوب يشد و هذا مو جديد عليك يا عيوني امممممممم بالنسبة لخوف ام عوق على بنتها انا اشوفه جداً طبيعي <<<<<<<<<<<فيس يقول الطيور على أشكالها تقع الزمن صار يخوف و انا وحدة ما الومها ابد و الحرص على العيال شي من فطرت الام <<<<<<<<< فيس يقول اكيد صاكة على بناتك بالثقل و الترباس الله يشفي جميع المسلمين و المسلمات طيحت ام عوق وجهت قلبي انا أخاف من ارتفاع الضغط أمي الله يسلمها و يخليها تاج فوق راسي عندها الضغط تلاقين دوم اخبي عنها اي شي يحدوها و يضايقها يا ترى وش هو اللي خل الضغط و السكر يرتفعان عند ام عوق الله يستر امممممممم بالنسبة لصلة القرابة بين الثنتين راح اجلس و انتظر ام الوليد تكشف عنه <<<<<<<< فيس يتمنى انه ستسجل من ضمن المتابعين الأوائل للغالية طييييوف نمووووووووور يا قلبي على اللي يزنننننننن و مو طايق المدرسة حبيب خالته رد على سؤالي اذا ما حبيت المدرسة و ما تعلمت كيف تقرأ القران و تتمعن في آياته و يزيد إيمانك بربك و تعبده حق عباده و تدخل الجنة بس رد على سؤالي و لك منى هدية <<<<<<<<< فيس قاط الميانه من البداية طيوووووووووووف يا عيوني قلم لا يحتاج لشهادتي لأني لا استطيع ان افيك حقك و لكن اتمنى من ربي يوفقك و يسدد خطاك و يساعدك انك تبدعين اكثر و اكثر |
اقتباس:
لا ها المره ماهو حلم وان شاء تعجبك الاحداث مرورك هو الاروع با انتظارك |
اقتباس:
هلا وغلا بندقه خوفنا على اولادنا وخصوص البنات اشوف انه شي طبيعي مع الاهوال الي احنا نسمعها لكن هم يفسرونه انه حبس لهم ماراح يفهمونه الا اذا كبروا سوالك ليش طاحت ام عوق جوابه في البارتات القادمه اكيد طيحتها لها سبب الدراسه من يقنع الي الصباح ما يطلعون الا واحد لازم يبكي والا ماراح يكون يوم دراسي طبيعي اسعدني مرورك ملكة المكسرات با انتظارك كل سبت بعد الظهر |
السلام عليكم و رحمة الله و بركاته
مساء الخير و الرضا من الرحمن مساء الفاجأتات الغير شكل يأني فرحت و أنا أشوف اسمج يـأم الوليد نورتي وحي الاعضاء و حياج الله بينا كاتبه مميزة أكيد مثل ما كتني قارئه مميزة دوم الكتاب مبين من عنوانه " نوح الحمام " اسم مميز لـ روايه إذن الله مميزة أسلوب رووعه و سلس و مشوق في علامات استفهام كثيرة بس هذا حلاته غموض البداية .... ---------------------------------------- (( عوق )) اسم خطير و يلفت الإنتباه بس إن شاء الله ما تكون حياتها الجاية عوق عليها الاسم هذا اتوقع مرتبط بحكايتها و سر الفرق العمري بينها و بين امها ممكن تكون عوق من زوجه ثانية أو تكون العجوز جدتها مو امها ... أما خوف الأم فهو شيء طبيعي و خصوصا أن البنت ما في لا عمام و لا خوال و لا اخوان يمها يحكونها و لا يراعونها من شر الناس اللي حولها ... طيحة العجوز هل ممكن يكون لها سبب أو دخل باللي صار لعوق بالمدرسة ----------------------- بــ انتظار القادم يـ أم الوليد بكا شوق .. .. .. |
السلام عليكم ورحمة الله وبركاته
يصباحا جميل هذا الصباح طيف الاحباب كم سعدت بهذه المفاحاءه الجميله اجتمهت بك في رواية غالية علي الله يسعد كاتبتها كانت ردوردك تحمل حس ادبي جميل نوح الحمام اسم لروايه سنتظم لقافلة الروايات المنالقه بإذن الله بداية قصه تحمل الغموض بين طياتها عوق اسم غريب ربما يكون لها من اسمها نصيب اذا هي بتتدفف في كلام عهود يمكن تكون هذه فعلا مو امها تكون جدنها وامها ماتت او تخلت عنها واذا امها فعلا تخلت عنها وش السبب اللي خلها تتخلى عن ضناها حلوه طريقة الام في التعامل مع الخدم اعحبتني نمر من هو الشخص المسمى عليه يكون ابوه والاب هذا ميت في انتظار المزيد من التشويق متابعه دائمه لك بإذن الله |
اقتباس:
يا مساء الانوار يارب اكون عند حسن الظن الغموض مطلوب خصوص بمثل وضع البطله اسم عوق الحمدلله الي الآن ما جاني رد من البيت انه مكرر هو اسم قديم طيحة العجوز اكيد بيكون لها سبب بنشوفه قريب واكيد اسباب تتعلق في بنتها عوق با البارتات القادمه بنشوف تخمينك صح اولا مرورك اسعدني انتظركم انتظروني كل سبت بأذن الله |
اقتباس:
هلا وغلا والله يذكرها ذيك الكاتبه با الف خير ويوفقها الغموض مطلوب وبينكشف قريب اكيد بيكون لها من اسمها نصيب الموقف الي بينها وبين عهود كان بداية مرحله جديده من حياة عوق من الممكن انه يتأخر شوي لكن لمصلحة عوق جا في وقته وبتعرفون السبب ومثل رب ضاره نافعه بيخدم عوق كثير توقعك لنمر او صلة قرابة العجوز بعوق بتشوفونها قريب اسعدني جدآ مرورك اموله انتظركم انتظروني كل سبت بأذن الله |
السلام عليك ورحمه الله وبركااااااته يا حي هالطله ام والوليييد منورتنااااااا بهالقسم اكييييد انهااااا جايبه معهااا راااائعه مثلهاااااااعجبتني والله اني يوم شفت معرفك تحت الرواااايه فررحت كثيررررر قلت هالروااايه ما يحتاج اكييييييد انهاااااا مبدعه وراائعه اذا كانت ردودك واافيه وكافيه اجل واشلوووووون شيء من افكارك وفعلا ما خاااب ظني يوم اني قريتهاااااا انشدييت كثيررررررر لهاااااا واخيارك لاسم عوق موفق جداااااا حبيت الاسم الله يوفقك ويسعدك ولا يعوقك بشررررر |
يالله انك تحيي ام الوليد عن جد نورتي القسم قريت البدايه وعجبتني كثير عوق اسم عجبني صراحه حسيت راح نستمتع كثير بحروفك فيه ابداع صراحه حسيت بسلاسه وانا اقرا ابداما مليت حسيت انه البارت خلص بسرعه
ننتظر البارت بشوق |
اقتباس:
هلا وعليكم السلام ورحمة الله وبركاته يارب اكون عند حسن الظن الله كريم الله لايعوق بشر اسعدني مرورك عبوقه انتظريني السبت القادم بعد الظهر |
اقتباس:
ان شاء تستمتعون با البارتات القادمه اكثر واكثر اسعدني مرورك انتظركم انتظروني كل سبت بأذن الله |
. . بسم الله الرحمن الرحيم مساء الخير اي كلام بكتبه مراح يعبر عن امتناني لكل من مر متصفحي واعطاني من وقته وقفه يقرأسطور كتبتها طيف الأحباب تحس انها اشارة تنبيه لكثير من بناتناالغاليات سبب كتابتي لروايه كلمه سمعتها من شخصيه من المقربين الي نفسي وهي شخصيه رئيسيه با الروايه الكلمه سمعتها قبل سنوات لكن ماراحت عن بالي وكنت اتمنى ان غيري سمعها واخذ درس فكرت اكتب قصه قصيره حول فكرة نوح الحمام لكن تراجعت ودفنت الفكره الي قبل فتره كتبت الروايه وانا متردده وبعدما كملت فصولها عرضتها على اكثر من شخص من اصحاب الرأي والمشوره وهم الي شجعوني انزلها اذا اعجبتكم فهذا توفيق من الله واذا ما ماكانت با المستوى المطلوب فا الخطأمني ما قدرت اعبر عن الي بداخلي با الصوره المطلوبه ومثل ما قلت قبل ما اتخيلكم الا مثل خواتي وبناتي ومجتمعين بمكان واحد نتسامرواحكي لكم حكايه.. . . . بارت اليوم هوالبارت الي بتكتشفون مع عوق حقيقتها كيف ..وليش ..ومن هي عوق.. ان شاء الله با البارتات القريبه القادمه . . . البارت الثاني . . . نوح الحمآم... . . . طلعت لأمي وهي منسدحه با الصاله وتسمع الرادو امي.. ما تحب التلفزيون ومتعلقه في الرادو وهي من كثر ماتكره التلفزيون حتى انا صرت ما احبه... ولا اهتم فيه... على ان عندنا في البيت اكثر من تلفزيون صرت احب الرادو وحافظه برامجه علشان امي.. واستمتع وانا اسمع معها لبرنامج نورعلى الدرب... واضحك على امي اذا جا سؤال لشيوخ عن امور تخص المرأه.. والا علاقة الزوج بزوجته.. امي تقول قومي والا سدي اذانتس لين يخلص السؤال والجواب نسمع انا وامي برنامج صور مسموعه وكل حلقه تجي امي تناقشها معاي مثل الي يشرح درس وتحاول توصلي الصح من الغلط من خلال موضوع البرنامج حتى احيانآ تقول كلام ما افهمه ولا سمعته با البرنامج دروس من امي لي استوعبتها بعد ما عرفت حقيقتي نتابع المسلسل الساخرام حديجان.. واذا قلت يمه ترى الي يسولفون كلهم رجال واحد يقلد مرات رجال ومرات حرمه.. تقول لاعاد اسمعتس تقولين ها الكلام عند احد ثم يقولون عوق التسذوب.. ولا صدقتني الا مره جا لقاء بتلفزيون لشخصية ام حديجان الحقيقيه وناديتها تشوفه علشان امي صدقتني وهي مستغربه كيف شخص واحد يقوم بكل الادوار كان عند امي متعه انها اتابع المسلسلات البدويه با الرادو احسن من التلفزيون وحتى مرات تهاوش تقول ليه يغيرون القصه ولا يجيبون منها الا اساميهم والباقي يلعبون علينا فيه وتسرد لي امي القصه الحقيقيه للي سمعته برنامج الباديه حافظه وقته على كل محطات الرادو وحتى من اي دوله يبث البرنامج . . . امي كانت شخصيه قويه ويمكن لو ماكانت شدتها كان جمالي قلب علي نقمه الكل يمجد جمالي وينبهر اذا شافني دائمآ الفت الانظار في كل مكان اروح فيه مع امي.. الا امي.., دايم تقول لاتغترين واجد بالمدح من زين خشمتس والا من زين عيونتس لكن الناس ماتشوفتس الا متكحله ومتحومره>>يعني حاطه روج ترى لو يشوفون وجهتس كذا بيهجون العرب والا بياضتس دافع البلا سامجه مافيتس ملح ابد.. ابد.. ترى زين البنت بحياهاودينها مرات تخليني ارجع من حفله والا مناسبه ادخل غرفتي واوقف قدام المرايه .. ماغير اتلمس وجهي و ايديني واناظر فيهم يمكن امي صادقه والا العرب مالهم الا الظاهر اكيد ان امي هي الي صح.. ها الشي وغيره اشياء بعد حفظ الله سبحانه وتعالى.. كانت رادع لي ما احاول اظهر وجهي والا بياضي قدام احد.. دايم حجابي كامل من طلعت للمتوسط.. الشراب والقفاز البسهم مثل لبسي لعباتي.. حتى لبسي امي ما يعجبها الا اللبس الساتر سواءفي بيتنا والا اذا طلعنا تقول وش الزود الي بيجيتس اذا طلعتي شي من لحم جسمتس غير عيون خلق الله امي كانت حريصه على صلاتي .. وحتى النوافل فرض علي عند امي اصليهم ودايم تقول يا زين بنتي لو تصوم معي وتزين شهرها بصيام البيض.. واصوم معهاالايام البيض لكن امي بعد ما كبرت ما تستحمل الصوم السكر كثير يرتفع عندها وانا اصوم علشان ازين الشهر بصومي .. تقول عوق وانا امتس ترى الشهر الي ما تصومين فيه لو اثنين والا خميس يفقدتس لاتخلينه يفقدتس اشياء تنغرس فينا.. واحنا اطفال تظل قواعد ثابته ماتتغير طول حياتنا امي بدويه على الفطره حتى لماكنت اسمع لها الي نحفظه من القرآن انا وهي بدار التحفيظ لسانها ثقيل بقراءة القران .. لكن زرعت فيني اشياء من يوم انا طفله.. وكبرت وصارت اساس بحياتي من ضمنها صيامي الي لازم كل شهر اواذا ضقت والا تعسر علي امتحان قالت عوق بنتي افزعي للي ماتنام عينه يفزعلتس صلي بنتي وهي تنفرج .. من يوم انا صغيره عمري ما مديت يدي على شي ماهو لي.. امي تقول الشي الي تاخذينه وانتي مالتس حق فيه ينزع الله منه البركه ويروح منتس اضعافه عاجل والا اجل ... ورزقتس بيوصلتس مهما تأخر . . . من يوم كنت صغيره وهي كل جمعه بعد صلاة الظهر توقف عند الباب... وتقول لسواق ينادي عيال جيرانا الصغار.. توزع عليهم ريالات كل واحد ريال لكن سبحان الله فرحتهم بريال امي ماتنوصف عيال جيراناكل جمعه يمرون من عند باب بيتنا ينتظرونها تطلع عليهم وتعطيهم الريال امي متعوده بعد العصر اذا ماطلعنا لدار التحفيظ تجلس في سور بيتنا السور كبير وفيه مجلس خارجي او ما يسمى مشب ومقابل المشب مزينه لها مظله با السورتجلس فيهابا الصيف وتتقهوى فيها .. مرات يمرونا حريم الجيران يحبون يجلسون عند امي ويسمعون لها على ان امي ماتعطي احد وجه وصريحه مره ما تعرف تجامل استغرب على كثر صراحة امي على كثر ما يحبونها حريم جيرانا وكثير من جاراتنا يستشيرونها وياخذون شورها مره وحده من الجيران جات تشتكي من زوجة ولدهاكانت معاهم بنفس البيت قالت لها يا ام نايف لاتاخذين زمنتس وزمن غيرتس خلي وليدتس يرتاح وخليه يطلع بزوجته ولا تغثينه وريحي وارتاحي خليتس من مراقب ولدتس ترى ينفر منتس ترى بعد البيوت مرات يقرب القلوب وقربها يقسيها كلام امي صحيح البيوت ما تبعد القلوب المشاكل هي الي تنفر الناس من بعضها . . . صرت اترقب متى بس امي تطلع لمظلتهاوابي الشنطه الي صارت شغلي الشاغل الشنطه يبي لها وقت علشان اقدر افتحها واشوف الاوراق الي فيها وامي ما تطول عني لازم كل شوي تناديني تشوف وين انا والا تسألني وش كنت اسوي اروح وارجع من المدرسه وانا كل ما شفت عهود زاد اصراري على فتح شنطة الاوراق نسيت اخبركم امي بعد ما وصلت لثالث ثانوي صارت تسمح لي اروح مع الشغاله والسواق بدون ما تطلع معاي فقط للمدرسه وتحسب با الدقيقه متى اطلع للمدرسه ومتى ارجع وطلعت لي حفيظة نفوس واخيرآجات الفرصه عيال خالي زارو امي وهذي فرصتي الي ما راح تتكرردخلت غرفة امي وافتح درج عند امي والقى شنطة الاوراق وهذي اول مره في حياتي امد يدي على شي وانا خايفه احس اني قاعده اسرق الشنطه من زمان عند امي وموجوده قدام عيوني ولا عمري فكرت حتى المسها ولا اقربها الا اذا امي طلبت مني افتحها سمعت صوت الشغاله تنادي تقول عوق ماما كبير يبغاك با المجلس قلت خلاص جايه وبسرعه رحت با الشنطه لغرفتي وطلعت لأامي وانا الهث من الركض... والخوف ولو سألت امي وش تسوين ..!! اكيد بفل السبحه من الخوف لكن امي بعد ما طلعو ا عيال خالي كانت تعبانه ونادتني تبي علاجها عطيتها العلاج لكن ما نفعها زاد تعبها على طول اخذت امي للمستشفى ونفس الكلام امي مرتفع ضغطها نتيجة انفعال والحمدلله مرت على خير ورجعنا للبيت ونسيت الشنطه مع خوفي على امي دخلت غرفتي ابي انام منهده من التعب فتحت دولابي ببدل ملابسي والقى الشنطه طار النوم من عيوني...! قفلت غرفتي.. خفت امي تدخل وتشوف الشنطه معاي .. على طول دخلت الحمام وفتحت صنبور المويه.. لأن غرفتي نظام جناح علشان لو مرت امي والا ارسلت الشغاله تسمع صوت المويه وتحسبني با الحمام..! فتحت الشنطه وادور في الاوراق كان فيهاصكك بيتنا وصكوك بيوت لأمي امي بعد ما طلعت لي حفيظة نفوس اخذتني للمحكمه وسجلت بيتنا با اسمي واراضي عندهاوبيوت مأجرتهم وفتحت حساب با اسمها خاص لي لأن عمري 18سنه ورفضوا ذيك الفتره انهم يفتحون لي حساب امي كانت توقع بختم والختم كان عندها يعتبر شي ثمين ومحتفظه فيه مع الاشياء الثمينه عندها اوراق قديمه تملى الشنطه ما ادري ليش محتفظه فيها...! اول شي فتحت حفيظة النفوس حقت امي قلت بحسب عمر امي طلع عمر امي 84سنه ماهو 80يعني معقوله ولدتني وهي 66سنه هذا اول سهم ضربني بقلبي وهد حيلي . . . حسيت بدوخه واني بس ابي استفرغ .. لكن تماسكت هذي فرصتي الوحيده الي اقدر اعرف وش داخل الشنطه الي من انولدت وهي موجوده ولا عمرها الفتت انتباهي ... بحثت با الاوراق لقيت ورقه صك وفاه لكن با اسم شخص غريب.. اسم رجل لكن ماهو اسم ابوي...؟ من يترى الي امي محتفظه بصك وفاته...؟ في ورقه ان امي ارملة ها الشخص لكن امي سمعتها تقول انها تزوجت اكثر من مره ولا حاولت اسألها عن اي شي يخص زواجها استحي منها ودايم تقول عيب البنت بس تنشد عن السوالف الي ماتخصها دورت على صك وفاة ابوي...! ما لقيت الاورقة تفويض لواحد اسمه مثل اسم واحد من عيال خالي...! لكن اسم ابوه نفس اسم الشخص الي مكتوب ان امي ارملته ... و انه يكون وكيل امي يعني وكيل امي ولد زوجها المتوفي خالي ما شفته بس عياله اثنين كبار واختهم وحده يجون امي على فترات متباعده عندنا واحنا نحضر منا سبتهم وبسرعه نرجع امي ما تحب تطول عند اي احد تقول انا وبنتي مانرتاح الا في بيتنا على ان بيت امي وبيوت عيال خالي بنفس المنطقه يبعدون عن بيتنا اقل من ساعه رجعت بسرعه لصك الوفاه لقيت انه فعلن متوفي من 24سنه يعني قبل انولدب6سنوات . . . طيب انا وين اسمي وين الي يخصني و لا في أي ورقه تخص ابوي قعدت ادور مثل المجنونه لقيت شهادة ميلاد قريت الي فيهاوياليتني ماقريتها . . . انهرت بعد مالقيت شهادة ميلادي الي موجوده معي من الولاده لكن عمري ما فتحتها مافيها اسم امي ورقه من الاماره ومحضر من الشرطه عمرها 18سنه بعمري تعهد من امي وضحى انها تراعي الطفله مجهولة النسب عوق بنت عبدالله عبد الملك احمد وتربيها تربيه اسلاميه وتراعي الله فيها . . . دارت الدنيا فيني وقفت بفتح الباب فتحت المفتاح وطحت ما صحيت الا على صوت امي والخدامه ومغرقه ملابسي مويه وامي تبكي \ وش الي جاتس بسم الله عليتس من روعتس ورى شنطتي بغرفتس آرتبكت عوق بـ ألم..وفضلت الصمت وهي تجمع آشتاتها... وتدخل الحمام...! . . . ي غصن بلا ورق من اليباس انت والا بعدك خضر مدري ي غصن بس اه ي غصن من نوح الحمامه هذيك على طرفك وش هو نوح الحمام الا من انين جوفه وعبره انحبست ماعرفت لها طريق . . . غيرت ملابسي ودخلت سريري بدون ولا كلمه وامي تناظرني وهي منصدمه ماتدري وش جاني نمت نوم متقطع وكوابيس و احس احد كابس على نفسي وصحيت نص الليل كل جسمي عرقان على ان الجو كان ربيعي شغلت نور الغرفه الا امي نايمه عندي با الغرفه على الارض من يوم حست با النور صحت وتناظرني..! ام عوق\ وش فيتس يا بنتي روعتيني ماعادت رجولي تشليني من خوفي عليتس تحسين بشي يوجعتس شي تبين المستشفى رحمت حالها ..! عوق\ مافيني شي يمكن الي فيني كان من ضغط الدروس ام عوق\ عوق ورى شنطتي بغرفتس . . . انلجم فمي ما ادري وش اقول...؟ امي معاها الضغط..! ولا تستحمل احد يعاتبها..! . . . عوق ب ارتباك\ يمه الشنطه احتجت حفيظة النفوس حقتي المدرسه يبونها علشان البيانات الشخصيه بلعت ريقها ب الم\يمه كل البنات الي في ثالث ثانوي يطلبون منهم اثبات واوراق علشان شهادة الثانويه العامه والعصر عيال خالي عندتس ولا بغيت ازعجتس اخذت الشنطه لغرفتي ام عوق\ الحمدلله ولا عاد تعودينها اذا بغيتي شي اطلبيه وانا اطلعه لتس والا نسيتي اني اعرف اقرا ودارسه نحو الاميه..؟ عوق ب احمرار\ ابشري ما اعيدها ام عوق\ اجل قومي صلي الي فاتس يا امتس واشحذي ربتس من فضله قامت امي من عندي وانا مستغربه ان امي كيف ما شكت اني عرفت الحقيقه المره اني لقيطه مجهولة النسب وكلام عهود صحيح وانا نفسي كيف ماعرفت ان في شي بحياتي غلط..؟ اشياء كثيره تدل ان فيه شي مو طبيعي...؟ انا وحيدة امي.... وامي كبيره بالعمر... ماعندي اقارب من جهة ابوي اقارب امي وبس آآآآآآآه يا راسي بينفجر..., من التفكير... طيب انا وش اسوي الحين اخبر امي اني عرفت الحقيقه..؟ اخاف اقولها تتعب والا يجيها شي..! وانا وين اروح مالي الا ربي وثم امي...! يارب افرجها علي... واجعل لي من امري هذا فرجا ومخرجا بصلي وانام العبد با التفكير والرب في التدبير..., صليت الي فاتني ورحت لغرفة امي واحضنها وانام مثل يوم كنت صغيره اشم ريحتها ريحت الحنان حسيت با الامان بحضنها . . . صحيت الفجر وامي كانت تصلي يوم خلصت صلاه حسيت وجه امي متغير... عوق ب استغراب\يمه فيتس شي..؟ ام عوق\لا بس ماتعودت اسهر والبارح بعد ما لقيناتس طايحه مانمت زين من خوفي عليتس وحتى انتي يوم جيتي تنامين عندي بعد ما ارتحتي بنومتس عوق\كيف فتحتي الغرفه علي..؟ ام عوق\ فقدتس وارسل عليتس الشغاله قالت عوق با الحمام اسمع صوت مويه وطولتي ومن عقبهاخفنا.. نطق الباب مارديتي حركة يدة الباب ..! ولقيناه مفتوح وانتي طايحه عنده والحمام مفتوح والمويه تصب الحمدلله انتس ما قفلتي على روحتس . . . طلعت للمدرسه واليوم حالي غيرامس كل شي تغير بعيوني داخلي ماهو مكسور وبس الا محطم تحطيم الزجاج تحطيم مامن وراه صلاح وحتى الي بيصلحه بتشوه ايدنه من التصليح كان حلمي ان عندي عايله يجمعنا بيت واحد صار حلمي بس اب اشيل اسمه غريبه بين الناس مهما كثروا معارفي انا لقيطه يعني بنت حرام ياترى كنت بيوم امشي بشارع وابوي معي بنفس الشارع ولا عرفني ولا عرفته والا يمكن درست مع خواتي وامي تحضر مجلس الامهات ولا درت اني موجوده بين البنات وحتى لو عرفتني اكيد ماتبي تشوفني اذكرهابا العار..؟ الي بسبته اكيد حذفتني عندباب مسجد..او.. عند حاوية قمامه . . . عار هو انا عار ذنب كبير يغضب الرب و يسود وجيه الرجال عار تندس فيه الارواح ب القبور و تطير فيه عقول ارجح الرجال . . . او يمكن امي مالها ذنب انخطفت او احد ضحك عليها وغرربها اويمكن كل افكاري غلط يمكن ضعت من اهلي ولا عرفوا مكاني ودورو وتعبوا ماحصلوني يمكن اصلن انا اهلي مو سعوديين ضيعوني هنا وفقدو الامل يلقوني ورجعو لبلدهم . . . تهت عنك يمه ايه تهت ضيعتيني يمه دورتي عني كثير انبح صوتك ي ينادي يبه ضيعتني يبه وين الطريق الي تهت عنك فيه يبه وش كان وش صار دورتني يبه بس ماحصلت الا بقايا عبرتي او بقايا صوره مشوهه . . . (كلمه اخيره) يوم عاشوراء هو أفضل يوم في شهر المحرم، فيقع صيام يوم عاشوراء في منزلةٍ تلي منزلة صوم عرفة، ذلك أنَّ صيام يوم عرفة يكفِّر سنتين، أما صيام عاشوراء فيكفِّر سنة واحدة، وإن تكفير سنةٍ كاملةٍ لا شك في أنه خير كبير وفضل عظيم أيضًا، فَعَنْ أَبِي قَتَادَةَ رضى الله عنه قال: قال رسول الله صلى الله عليه وسلم: «...صِيَامُ يَوْمِ عَرَفَةَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ وَالسَّنَةَ الَّتِي بَعْدَهُ وَصِيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ الي الملتقى قريبآبأذن الله طيف الأحباب ام الوليد |
السلام عليكمـ...
. . . مبدعه ام الوليد الله يحفظ لـك الوليد واخوانه... طرحتي قضيه تستحق النقاش .., . . . الـي وصل لنا الان بشكل أكيد..ان عوق...[لقيطه..]... وان الجده ..تعهدة بتربيتها تربيه اسلاميه.. . . . آسلوب الـسرد ب القصه ..جميل... قايم على الذكريات وعلى [..أمي..أمي..أمي..] مقترن كل شي بـهذي العجوز الي قامت بـ تربيتها... ذكريات جميله...و..يمكن تكون في يوم أليمه =( . . . برنامج نور على الدرب... للاسف ماعاد صرت من متابعينه.. بس الى الان وذبذبة هدوء صوت المذيع في الاسئله وطمأنية الشيخ ب الاجابه مثل سرب حمام محلق ب اجواء الروحانيات .. . . . ذكريات عوق مع امها في المسلسلات البدويه في الراديو...=) يآآآه ي طيوف ذكرتيني بـ جزء من حياتي جميل جداً... أمي فديتها كانت تتابع المسلسلات البدويه الي تنعرض بـ التلفزيون..او عن طريق الأشرطه..[ الفديو..] و كان الممثل القدير [روحي الصفدي..] الممثل المفضل عندها..و.. ماحد يقول عنه شي في البيت حتى أبوي..=& و حضر تجول اذا انعرض المسلسل الي هو فيها اسمه راكان مدري سيف..>الفيس المغبر بس والله زمن جميل .. أفضل ب الف مره من الـي ينعرض الان..حتى افلام الكرتون اليوم ماهي ب افلام كرتون الا رعب وكوابيس... . . . رحمة حالة ام عوق... متعلقه فيها بشكل كبير...و..كل شي تحرص عليه حتى تبرئ ذمتها لله... ممكن فيه سبب كبير وراء تبنيها لعوق..او...يمكن فيه قصه جديده راح تنساق مع الاحداث...؟ او يمكن هيئ الله عوق لـهذي العجوز حتى تقوم في العجوز اذا اشتد عود عوق وانحنى عود العجوز..=( . . . صعبه حياة الـي بمثل عوق... بعض الامهات الله يصلحهم يمنعون بناتهم من الجلوس وصداقة الي بمثل حالة عوق..جهل منهم...او..حرص كاذب..! مع ان الواجب علينا اذا أنتبهنا لتواجدهم بينا...ان مانظلمهم فوق ظلم الحياة لهمـ... فما ندري...؟ يمكن هم افضل من عيالنا... يمكن يخدمون الوطن ويرفعون راسنا في المحافل الدوليه..يمكن واحد منهم عن الف واحد نسبه واصل لـ آخر جد من اشراف العرب...! . . . آم الوليد... وش مخبيه لـعوق..؟ ولـ العجوز الضعيفه.., ولـنا..=) . . . همسه\نبي بارتين ب الاسبوع... طلب صغنون من متابعينكـ المؤدبات...=) . . . ب الانتظار...! . . . |
مرحبااااا الغاليه ام الوليد
تسلمين على القصه الروعه والبارت اليوم يجنن بس يبكي ويحزن خصوصا كلام عوووق مع حالها عن اهلها والأسباب اللي خلتها لقيطه نحمدالله ان حنا بين أهلنا وادعي الله يرجع كل لقيط او لقيطه لأهلهم ولا يحرمهم اكثر في نقطه أعجبتني فيش انتي و الغاليه ضمضم أنكم تكتبون اخر البارت ملاحظه دينيه او احاديث الله يجعل كل حرف نقراه اجر لكم وزيادة في حسناتكم وقرب اكثر لله تسلمين واتمنى اكثر من بارت عالاقل بارتين |
بسم الله الرحمن الرحيم السلام عليكم ورحمة الله وبركاته أم الوليد............ سلمت يداك على هذا الإبداع معك حق فلا أشعر إلا أننا بجلسة خاصة وأنت تحدثيننا بقصة سمعتها ذات يوم أو تعلمين.......... معظم ما أوردته في حديثك عن معاملة أم عوق لها وحرصها على أن تؤدي صلاتها في وقتها وأن تصوم النوافل وأن تحافظ على نفسها حتى لا يظهر منها ما لا يجب أن يظهر وعدم تدخلها في ما لا يعنيها تربية افتقدناها في معظم أجيالنا الحاضرة وكأننا لم نتربى على ذلك فقد افتقدنا الكثير مما ربانا عليه أهلنا في هذه الأجيال نعم ربوا أبناءكم لزمانهم ولكن ليس على فقد الحشمة والتساهل في أمور الدين عوق............ لا أدري لِمَ لم أتقبل أن تكون لقيطة وأنها مجهولة النسب فلا زال عندي أمل أنه سيظهر لها أهل ولكن لن يقبلوا بها لسبب ما ربما يظهر فيما بعد الشخص الذي ذكرت أن اسمه يطابق اسم زوج أمها الذي وجدت صك وفاته والذي لديه توكيل عن العجوز هل يعقل أن يكون هو نمر!!!!!!!!!! وإن كان هو نمر فهل أبناء خالها الذين ذكرت أنهم يزورون أمها هم أحفاده؟؟؟؟؟؟؟؟؟؟؟ وأن أمها قد أوهمتها أنهم أبناء خالها بينما هم أحفاد وكيلها ابن زوجها هي ذكرت أنها لم ترى خالها ولكنها رأت أبناءه فما السر وراء اختفاء الخال وعدم زيارته لأرملة جده رغم أن أبناءه يزورونها!!!!!!!!! ثم كيف ارتضا لزوجة جده أن تربي هذه الفتاة وتكتب لها شيئاً من أملاكها لو لم يكن يعرف سراً ما يتعلق بها!!!!!!!!! والسؤال الأهم هل يمكن أن يكون زوجها أحد أبناء من ذكرت أنه خالها؟؟؟؟؟؟؟؟؟ عزيزتي............ جزاك الله خيراً للتذكير بصيام عاشوراء كتب الله لنا ولك الأجر والثواب بصيامه وتقبل منا ومنكم صالح الأعمال بانتظارك دائماً بشوق دمت بحفظ الله ورعايته |
السلام عليكم طيف ابداع يعني صارت لقيطه احس فيه شي غلط اتوقع الجاني معروف لاكن نشوف وش جابه للعجيز
تذكرت جيراننا مثله عرفت ايام الدراسه لاكن من معلمه ملقوفه صيام يوم عرفه ذكرتين ناسيه والله الله يجزاك خير الحين تزوجت من واحد مثله مجهول النسب والحمدلله |
السلم عليكم ورحمة الله وبركاته
يعطيك العافيه ام الوليد بارت اليوم انكشف لنا حقيقة عوق قضيه شائكه تحاولين الغوص في أعماقها بس الى الان ماني مصدقه انها لقيطه باقي سر في الموضوع عيال الخوال اللي كل ما جاوا زاد ضغطها أكيد بسب عوق وأنها كتبت البيت بأسمها طريقه سرد عوق لحياتها تدل على مدى تعلقها بأمها وانت تسردين حب ام عوق لراديو ذكرتي بجدتي الله يخليها وشلون هي مره متعلقه فيه وبرامجه من نور على الدرب. مضارب الباديه وانتهاء ببيوت مطمئنه خوف الام على عوق انها تعرف الحقيقه عشان كذاما تحب تخليها تختلط بالناس اعتقد ان نمر هو ولد زوج الام وهي بتطلب منه انها يتزوجها عهود ياترى راح يكون لها دور في حياة عوق يمكن تلجاء لها بعد معرفته للحقيقه اظم صوتي لصوت ام اليزيد ونطالب ببارت ثاني في انتظار المزيد من الاحداث شاكره لك على الهمسه جعلها الله في ميزان أعمالك |
اقتباس:
هلا وغلا الابداع هو وجودك على متصفحي ضمضم ويصلح لنا ولك وكل اخواتنا النيه والذريه قضية اللقيط ماكان يجي في بالي بيوم اني حتى افتح مجال مناقشه فيها فكيف اني اكتب روايه بكبرها المحور الاساسي فيها يكون ها الموضوع سرد القصه من فضل ربي انه اعجبك واعجب بنات كثير لأنه اساسآ انا لا اجيد غيره <<الا عتراف با الحق والذكريات واجب تحضر علشان استمرار الاحداث تعمدت اني اصحي ذكريات قديمه لأنه مافي بيت خليجي او عربي مسلم ما يسمع لمشايخنا الاجلاء في برنامج نور على الدرب ذكريات عوق مع امها هو الجو الي يعيشها اكثر بيوتنا با الثمانينات ضمضم المسلسل الي اتابعه الغاليه ام ضمضم اسمه جلوة راكان كان البطل اسمه فعلن راكان ذكريات الغاليه امك ذكرتني بوحده تقول ابو زوجها ما يسمع بسميره توفيق ومصر انها بدويه وياويل من يقول غير ها الكلام<<انتي الفيس المغبر وانا جبت لك الفيس الي من عهد الفراعنه تعلق عوق با امها ان العجوز ربتها على قواعد ثابته بنشوف نتيجة التربيه بعدين الي يزرع لا زم يحصد الا في حالات شاذه فعلن الي مثل عوق ناس تدفع فواتير غلط غيرها بنشوف ردت فعل عوق با البارتات القادمه عن ها الموضوع وفعلن في كثيرمنهم افضل من عيالنا ليش ننكر ها الحقيقه هم ماهم مخلوقات من الفضاء ابدآ اطفال انولدو من علاقات محرمه لأباء عيال حلال والا ما حاولو يتخلصون منهم ويرمونهم اما عند مساجد او اماكن عامه خوف من انكشاف الحقيقه ويصمهم المجتمع با العار مخبيه لكم ولهن كل خير طرح قضيه تتعلق بمجهول النسب صعبه لكن هي حقيقه بحاول قد ما اقدر ازينها بخيال مقبول لي ولكم بارتين با الاسبوع تستاهلون كل يوم بارت لكن ما اقدر اضغط على نفسي من جهه وبعد اتمنى ان البارت يقرونه اكبر شريحه من البنات بحاول بأذن الله السبت والثلاثاء بارت السبت اساسي وبارت الثلاثاء على حسب ماهو الزامي اذا خلصته نزلته اسعدني مرورك العذب الرقيق |
اقتباس:
هلا وغلا اثوره فعلن من اكبر النعم ان الانسان تضلله عايله يحمل اسمها والملاحظات الدينيه تذكير بسيط الله ينفع بها بارتين بحاول ان شاء الله انا الروايه كامله عندي لكن وقتي ضيق والا كاتبتها من فتره طويله مشكلتي تقسيم البارتات عارفه وابي الروايه تاخذ حقها من المتابعه اسعدني مرورك |
السلام عليكم ورحمه الله وبركاته
غاليتي ,.أم الولــيد اباركلك اوول شي بروايتك الي اسال الله ان تكون حجه لك لاعليك من يوم شفت. طيف الاحبـاب عرفت ان ننتظر روايه كاسسحه بكل شي مضمون واحساس وذكرى وحس ادبي عاالي والله احتااار وش ارد احياانا فيه بعض الاحساس الكلام يفسسده وتدرين وش اكثر شي علقني فروايتك احساآآسك والاجمل انك ترجعينا للذكريات قديمه من خلال سردك لفضفضه عووق مثل نوور على الدرب وام حديجان يآآآآآآآآه يآآآآم الوليد رجعتيني لذكريات ادفع نص عمري بس ارجع ذيك الحظه وذيك اللمه ياااه عووق ياابعد قلبي هي وكل لقييط ماحد يقطع قلبي مثل اللقطاء مشكلتهم انهم مظلومين من كل جهه ولاأاااعظم من كل ذى وذااك انهم لو لقوو من يحن عليهم شافو نبذ الناس لهم بعيوونهم لكن لهم رب مايضيعهم عوووق وام عوووق الحين تعرف عووق ليش امها كانت حريصه عليها لهالكثر ويااشينها لأكنت فحلم وتستيقظ منه على كابووسسس مزمن معااك لانت قادر تخلص منه ولاانت قادر تتاقلم عليه متشووقه للقادم يام الوليد وياليييت تخلينهم بااريتن فالاسبووع عشاان خاطر كل عشااق قلمك وبما ان الروايه توها ووتوضخ الشخصيات اكثر وانتي طيبه وجمهورك يستاهل واخيرن ام الولييييد الله يعافيييك ياارب على كل كلمه كتبتيها هنا ااختك او بنتك /انُهـُيآرَ |
اقتباس:
ما تتخيلين كيف يسعدني لما اشوف ردك يزين متصفحي مافي مثل تربية الاولين كلمه لعجوز من اقاربي دايم تقول ربو لكم ولزمن اسم نمر له حكايه بتعرفونها با البارتات القادمه وسبب اسم ولد عوق به الاسم ابناء الخال بتعرفون حكايتهم قريب جدآ والسر بدايته بتنكشف في بارت الثلاثاء بأذن الله تدرين اراده اخاف اطول معك با الرد اجيب العيد واكشف الاوراق قبل وقتها اسعدني جدآمرورك |
اقتباس:
هلا ومرحبا ام البنين بتعرفين الجاني با البارت الرابع مرورك جدآ اسعدني |
اقتباس:
هلا وغلا اموله وابشري با البارتين ان شاء الله على قد ما اقدر تتوقعين ان العجوز بتضغط على نمر يتزوج عوق نمر بنعرفه با البارت القادم وفعلن العجوز بيجي يوم وتقول لنمر انها تتمنى تزوجه عوق لكن بنشوف كيف بتعرض ام عوق عليه اسعدني مرورك اموله |
اقتباس:
هلا ومرحبا انهيار الله يبارك فيك يارب اكون عند حسن الظن ربط الماضي با الحاضر مطلوب لأن شخصيات الروايه قليله وشخصيات الماضي هي الي وصلت عوق الي ها الوضع الي هي فيه سلامة عمرك ليش تدفعينه جاتني ها الحاله لكن الحمدلله كني تشافيت منها المشكله ان زوجي مغرم بشي اسمه ماضي الحين اولادي الصغار يعرفون برامج لها اكثر من 30سنه من اشرطة الفيديو اللقيط هو الوحيد الي يدفع فاتورة شي ماله يد فيه قصة اللقيطه عوق ادري انها محزنه لكن حاولت اجمله على قد ما اقدر وان شاء الله تعجبكم البارتات القادمه اسعدني جدآ مرورك |
اقتباس:
اتمنى اني عند حسن الظن مرورك اسعدني |
♪♪♪ عرفنا نص حقيقة عوق .. طيب امممم كيف هي مجهولة النسب .. يعني امها ماخذتها من ميتم ! ولا شافوها مرمية بالشارع ولا كيف ؟ اكيد عوق لاقت مضايقات من اهل امها بعد وفاة امها .. وهي لسة في طور انها تحكي لنا .. متحمسسسة مرة للبقية .. عوافي طيوف .. ♪♪♪ |
السلام عليكم ورحمه الله وبركاته يعطيك االف عافيه طيوف بارت شوي شوي بداء توضح الصوره معه **** ياسلام علي جبتها وتوقعت ان عوق لقيطه الحين نوح الحمام عند مسؤليه خطيره وهي كيف تتعامل عوق مع واقعها الجديد هل بتستمر عوق البنت المتربيه اللي رافعه راسها بدينها وبامها والا هالشئ بياثر عليها وبتحس بالنقص اللي ممكن يجرفها للهاويه الله يوفقنا وياك ام الوليد ونناقش نهايه مرضيه لهالموضوزع الشائك همسه (مميزه طيوف باختيارك للموضوع الاساسي ****** طيوف رجعتينا لزمان الراديو مع امي الكبيره الله يحفظها (هذاك ابو تغليفه بنيه جلد بصراحه رائعه الله يوفقك توقعاتي بتموت العجوز وبتكون وصاتها عوق اللي اعتقد انها بنت اخوها بس بالحرام من كذا مانسبوها له يعني اخت نمر من ابوه وبيضطر يهتم فيها وممكن يزوجها لواحد نفس ضروفها او واحد من عيال عمها (اولاد اخوان العجوز ننتظر بارت الثلاثاء بشوق يا كل الذوق |
اقتباس:
البارت القادم راح يكون بداية الخيط الي بنمسكه علشان نوصل لحقيقة عوق بنات ترى صرتو تخوفوني احس انكم عارفين وش با اكتب حتى اني ما دودي اطول بردي لأجيب العيد وتروح علينا المتعه اسعدني مروك العذب الراقي |
اقتباس:
عوق بنت ما جبتها من الخيال والا ماكان كل يوم نسمع با الجرايد لاقين طفل حي او ميت اما عند الله يكرمكم حاوية قمامه او محذوف عند مسجد انا من الاشياء الي حبيت ابينها با الروايه ان التربيه لها دور كبير بحياة الانسان بعد توافيق الله والي يتعلق بالله تعالى مهماكان بينجيه وان شاء الله النهايه بتكون مرضيه للجميع ولاهي ضرب من الخيال والله حاولت قدما اقدر اني ازين النهائيه تعرفيني من الناس الي يكرهون النهايات المأساويه انتظري معانا ونشوف توقعاتك اصاب منها شي اولا ذكرتيني با الراديو اول ماتزوجت ابو زوجي الله يغفر له اهداني راديوا الي لونه اسود وغلافه بني وكنت احافظ عليه ماهو حب فيه لا خوف من عمي لا يسألني عنه اسعدني مرورك ام نواف |
اقتباس:
|
السلام عليكم و رحمة الله و بركاته
مساء الخير و الرضا من الرحمن أم الوليد بارت رائع تسلم ايدينج يارب قضية نوح الحمام حساسه جدا و شيء يكسر القلب و يحز بالخاطر لما كل ما فتحنا الجرايد و المجلات شفنا العجب العجاب من اللي يقطون عيالهم و خصوصا عند القمامه تكرمين وين عزة الإنسان و احترامه و ين عقولهم لما يسون الغلط بالخفية و نسوا ان الله من فوق سبع سموات يشوفهم وين الأيمان و ين الخوف من الله ,, قضية حساسه و كبيرة و للأسف نسمع ما نتعض أبد كنه " أذن من طين و أذن من عجين " ===================== (( عوق )) وحدة من الملايين اللي سمعنا قصصهم بس عوق ربي رحمها بهالعجوز اللي تكفلت فيها و تربيتها على الدين و على الشريعه بس غيرها للأسف ما لقى له والي و مصيره الضياع إلا من رحم ربي ,, الحقيقة مرة و جارحه أكيد بس الإيمان اللي غرسته العجوز في قلب عوق من صغرها ما راح يضيع هدر و هذا بيقويها إن شاء الله و بترضى بحياتها اتمى هالشيء و انها ما تنجرف وراء الشيطان اللي ممكن يزيد لها التمرد و العصيان ... السؤال هني وين لقت العجوز عوق ؟؟ عند قمامه تكرمين و لا عند مسجد و لا عتبة بابها ؟؟؟ أو ممكن تكون بنت حرام لقريب لها و هذا ارجح احتمال ... العجوز أكيد حست انه عوق عرفت حقيقتها فأكيد انها تحاول تعالج الوضع لإنها ذكية و لماحه و ما راح يطوف عليها اغماء عوق بالساهل حتى لو بينت ... في اسئلة كثيرة من هو زوج عوق اللي رضى فيها و هل ممكن يكون ما عرف حقيقتها و انها لقيطة ؟؟؟ اكيد الجاي بيكشف كل الغموض ==================== أم الوليد سلمتي يارب بـ انتظار القادم بكل شوق .. .. .. |
اقتباس:
هلا وغلا صبوحه هذا الي بوصله انه على كثر ماقرينا وعلى كثر ماتعطفنا مع قصص اللقطاء الا انه يوميآنسمع عثر على لقيط با المكان الفلاني العام في منتدى شفت طفل مرمي بحاوية قمامه الي لقاه عامل النظافه والي الآن شكل الطفل ماراح من بالي كيف وصلت للعجوز او من راح يرضى يتزوج عوق سؤال جوابه راح يكون في البارت الرابع والسؤال الثاني بيكون جوابه قدام شوي شكلي راح تعب من كثر ماراح اوزع نجوم اسعدني مرورك العذب الراقي |
بسم الله الرحمن الرحيم هلا بكل الغوالي الي اسعدوني بمرورهم على متصفحي المتواضع الي مثل ما قلت اني ما اشوفكم الا مثل خواتي وبناتي وجالسين نتسامر بمكان واحد وسالفه تجر سالفه وترا سالفتنا مع عوق ماهي طويله لأني ما احب التمطيط بدون سنع انا سوالفي من زمان كاتبتها وحافظتها بجهازي وكنت متردده انكم تسمعونها>>الفيس الخجول لكن في بنات وراء الكواليس قالو طيف سمعي البنات السوالف الي عندك يمكن احد يستفيدمنها... وترى السوالف تحلى بليالي الشتاء الطويله... طاوعتهم وجيتكم بسوالفي والله يستر من الباقي ..!!! حقيقة ما ابالغ وانا اقرا الردود تفاجئت من ردود..!! حسيت البنات فعلن جالسين معي وانا اكتب وهذي اشياء بتشوفونها با البارتات القادمه..! وطبعآ كعادةكاتباتنا القديرات انهم يوزعون نجوم على البنات .. الي بردودهم يتوقعون شي وفعلن مثل ما توقعوا عندي نجمات بطلعهم في وقتهم لثلاث من المتابعات ردو على البارتات الاول والثاني..؟ اليوم بتتعرفون على نمر وسبب اسمه وفي البارتات الاخيره بتعرفون سبب اسم عوق اول النجوم كانت لنوف بنت نايف الي توقعت ان عوق لقيطه وكان توقعها بالبارت الاول وتوقعات كثيره اصابوافيها البنات بتظهر بوقتها بأذن الله البارت اهداء للجميع وخصوص البنات الي حفظهم شوي صعب ويتعبون با المذاكره . . . تعالوا معاي نشوف وش صار على عوق المزايين البارت الثالث.. . . . خلااااااااااص تعبت ..تعبت ..من التفكير...! احس نفسي ادور بدايره مغلقه..., ماني عارفه البدايه من النهايه فيها... والحين انا صرت على مفترق طرق ..., مستقبلي الدراسي وخصوص ان هذي اخر مرحله لي لازم اشد حيلي... وامسك سلاح بيدي يحميني من دوائر الأيام ..! اواستسلم لأحزاني واضيع مستقبلي ...؟ خلاص عوق اذا ما تقدرين تنسين الي عرفتيه على الاقل تناسيه الوقت ماهو في صالحي لازم اسابق الوقت ... امي اذا عاشت اليوم الله اعلم بكراوعقب عين امي ما ادري وش راح يكون مصيري.. يارب تحفظ لي امي وتمد بعمرها الي حمتني وضفتني تحت جناحها وهي ماتدري وش بتشوف مني بيصدق فيني مقولة ابن الحرام ماينفع فيه معروف .. اواني برد لها الجميل الي سوته فيني..؟ . . . من يوم لقيت الاوراق وفي اقل من 24ساعه حسيت اني كبرت اضعاف عمري كيف بتقبل حياتي الجديده اني لقيطه..! وكل تصرف خاطئ يصدر مني ولو با الغلط بينقال ماعليها شرهه بنت حرام..! . . . اكيد الكل عارف اني لقيطه... والا عهود ماتكلمت من فراغ يا ما جلست مع اهلها وصديقاتها وكانت عوق اللقيطه محور حديثهم وانا الي كنت عايشه بوهم الله يسامح الي جنوا علي وجابوني لدنيا رموني با النار وكلن شاف حياته.. امي يمكن ذبحوها اهلها وارتاحت من عذاب الدنياوابوي رجال ما يعيبه شي ..! الله اعلم كيف ارتبط مع امي بعلاقه..! هل كان ابوي ذئب بشري استدرجها والحلم الوردي انقلب كابوس..؟ بعد ما أعلن عن قدومي لدنيا.. او يمكن صور لها ان نهاية حبهم العذري راح يعيشون بجزيرةالاحلام ما تضمهم الا هم الاثنين.. وبعد ما طيحها بمستنقع الرذيله تركها تغرق با المستنقع.. واكيد هرب من حياتها ونسى الي سواه ..., والعذر انه رجل وتاب وعيب الرجال بجيبه يا ترى درى ان امي جابت له بنت او يمكن طلب من امي تتخلص مني والحين عايش مرتاح وغلطته اندفنت تحت التراب وانمحت . . . وصلت للمدرسه بوجه ثاني حتى صديقاتي المقربات انعزلت عنهم ابي بس اختلي بنفسي.. يسألوني وش فيك عوق والجواب للجميع شوي ارهاق لاتشغلون بالكم . . . من اليوم ببدا عوق جديده عوق اليوم غير الامس . . . مرت الايام وقاربت السنه الدراسيه على الانتهاء..., و مستواي الدراسي تقدم بشكل ملحوظ..., انا حفظي جدآ صعب ولي طقوس با الحفظ عندي سبوره كبيره طريقة حفظي انسخ الماده الي راح احفظها عشرات المرات اذاكر بصوت عالي على الرغم من ان طبعي هادي ومن كثر ما اكتب على السبوره حتى اصابع ايدي صارت تتحسس واحيان تتورم صوتي يتعب من كثر ما اكرربصوت عالي الدرس الي بحفظه امي تنزعج من صوتي ماتسمح لي بعض الأوقات اذاكر عندها اذا هي جالسه بمظلتها تقول انتي صوتس طويل لا يمر واحد من الجيران ويسمعه بيتنا فيه غرف فاضيه ما نحتاجها بماان البيت مافيه الا انا وامي حولت وحده من الغرف الي فصل مدرسي لكن بشكل مصغر سبوره وطباشير وكراسي وطاوله ومرات اتقمص شخصية معلمه ومرات طالبه المهم اني احفظ الماده بأي طريقه كانت..!! حتى شخصيتي حسيت اني صرت عدوانيه وانانيه وبسرعة اتنرفز...! كانت دفاتري با الماضي تنتقل بين زميلاتي..., بمااني مجتهده ودفاتري كامله... صرت ارفض اعطي دفاتري بحجة انها ناقصه ..! اواقولها صراحه الفصل مليان بنات موجودين مع المعلمه طوال الحصص ..! او وش معنى دفاتري بس الي عليها طلب ..! . . . قطعت علاقتي بكل صديقاتي الاوحده كان بيتها قريب جدآمن بيتي وامي كانت تقول اهل البيت هذا اهل بيت صالحين ابوصديقتي رجل كبير با السن وامها شابه صغيره وامي كانت تسمح لي في بعض المرات اني اطلع اذاكر عندها او هي تجي عندي نذاكر مع بعض وبماان اخوانها اطفال صغاروابوها رجل مسن كانت امي ماتخاف علي اذا اجتمعت فيهم, سبحان الله الحياه لها انظمه عجيبه..! زوجة جارنا بنت صغيره جميله, وزوجها رجل كبير في السن وبناتها واولادها تحت سيطرتها فيهم ادب ومتفوقين دراسيآ على الرغم من ان الاب كان لايقرا ولايكتب وزوجته تعلمت بمدارس محو الاميه تعليمها المتأخر مامنع ابدآ انها هي المربي لهم.. ودائمآ تكرم زوجة جارنا بمدرستنا بأنها الأم المثاليه.. اعجب جدآمن مقولة تربية حريم..!؟ زوجة جارنا حرمه لكن قدرت انها تدير اسره كبيره.. مكونه من خمس بنات وثلاث اولاد تربيه وتعليم با الرغم من وجود الاب الذي كان مجرد ظلال لهم...! وكثير عوايل اولادهم مع وجود كل المقومات الي تعين على تنشئة جيل صالح الاانهم يخرجون للمجتمع شباب فاسد مستهتر..! احب زوجة جارنا وحكمتهاوحسن تدبيرها لشؤن اسرتها والاهم حب جارتناام ابراهيم لأمي.. . . . انتهت الامتحانات النهائيه والمرحله الحاسمه في حياة كل طالب الثانويه عامه.. وفي انتظار النتائج...؟ . . . قبل تطلع نتايجنا بأيام سمعت مره امي تكلم شخص با الهاتف ام عوق\ انا علمتها العلم جو متأخرين وصحوتهم ماعادفيها فود لا لهم ولالناوش عاد بيتغير... ....\.... ام عوق با اصرار\الكلام النهائي عطيته مشاعل قبل خمس شهورقلت لها مالكم شي عندي,الا اذانفذتوا شرطي يا ساره انا حرمه مريضه ولا عدت استحمل مثل قبل وانا ما جبرتكم انتم الي جبرتوني , والله اني اتماسك علشان بنيتي اخر تلفون لمشاعل اتعبني ونومت با المستشفى بغى يروح على البنت اختبارها وهي اخر سنه ساره\.... ام عوق\مالكم شي عندي والا ترى ما يردني الا باب الاماره ساره\.... ام عوق ببغضب\من الي يدورالفضايح غيركم ربكم ستركم والحين بتفضحون عمركم.. ياساره فكوني من شركم وخلوني اعيش بسلام انسوني مثل ما نسيتوني قبل .. امتس ماصدقت اني ابعد عنها انا هجيت في بنتي وحطيت بيني وبينكم ديار ساره\.... ام عوق \لا والله ماالومها..!! ساره\.... ام عوق\اي بالله هذا اخر ماعندي ومشاعل تدري ان بنتي بتضركم اكثر من ما تنفعكم لكن البلا منتس انتي ساس البلا من دريتي وانا ماني بخير ساره\.... ام عوق\قولي وضحى تقول انا على كلامي الي انتم خابرينه ذيك السنين وامتس شاهده عليه.. لا تحرثين النار ياساره والله ان اول من بيحترق بها انتي..! ساره\... ام عوق\ انتم الي غيرتوا كلامكم.. ساره\... ام عوق\لاتجون ولا ابي اشوف منكم احد ماتت وسميه الله يرحمها انقطع قلبي عليها ما حضرت عزاها ما ابي احد يشك بشي ساره\... ام عوق با استهزاء\ ما تدرين وليه ماحضرت العزا ساره\.... ام عوق\وان شافو الناس البنت معي وش بيقولون انا ماني مثلكن شوفتي عند عيني انا نظرتي امدها لقدام ساره\... ام عوق\ الله يعوض عليكم وتلقون له علاج من غير بنتي.. ساره\....... ام عوق\وهذا آخر ماعندي ومع السلامه..! . . . دخلت على امي بعد ما سمعت المكالمه الي مافهمت منها الا ان امي يوم ارتفع ضغطها كان بسبت تيلفون رفع ضغطها طيب مين الناس الي امي كلمتهم يعني يمكن ناس بيخطبوني وامي رافضه انا كبرت وكل يوم اسمع وحده من زميلاتي انخطبت..! اكيد هم عيال حموله وانا بنت حرام وامي خايفه علي.. لكن امي وش تقصد من كلامها ربي ستركم وانتم بتفضحون عمركم والا نظرتها لقدام..! وشكل السالفه فيها احد مريض طيب انا وش دخلني ..! بسأل امي عساها تعطيني وجه ..! سلمت على راس امي وقعدت اقهويها قلت يمه من كنتي تكلمين . . . ام عوق\ وحده مبطيه عنها وبعدين وش له تسألين ام عوق بحده\متى بس تظهر نتايجكم عوق\ يمكن اسبوع ... يمه وش ودتس ادرس ترى انا ادبي يعني تخصصاتنا محدوده ام عوق\ وانا امتس ادرسي الشي الي تقدرين عليه وانتي اخبر بنفستس ماهو تبركين لحمل ما تقدرين تشيلينه ثم يطيح عليتس ويذبحتس وشوفي ريم بنت ام ابراهيم وش ودها تدرس ترى البنيه جيده وذهين بسم الله عليها اجود منتس يا الله قومي دقي على ام ابراهيم خليها تجي ولا تكثرين البربره با التلفون كلمت ام ابراهيم جارتنا وجات عندنا بسرعه هي عارفه ان امي ما تطلبها الا لشديد القوي وقعدو يسولفون قالت امي لأم ابراهيم ريم وش ودها تدرس ام ابراهيم\ ما ادري لكن بتستخير بين الدراسات وعلم النفس والي فيه خيره يقدمه الله التفتت علي ام ابراهيم \ وانتي ياعوق وش ودتس ترى الدراسات زينه بنات عيال عمي يمدحونها عوق\ ما ادري بشوف ريم ونتشاور ام عوق\ كان ودتس تروحين لريم روحي بس لاتأخرين ام ابراهيم\ روحي بسرعه ترى ريم بالشه بعمرها من صبح وهي وخواتها يقلبون غرفتهن يبون الغرفه تكبر يقولون يمه غرفتنا صارت صغيره ام ابراهيم بضحك\الغرفه هي هي بس بناتي فضن من الدروس ولا عاد لهن شغل الا مناظر غرفتهن ام عوق\ يا نوره ازهمي نمر جعلي ماخلا منه يجي ياخذها . . . نمر ولد ام ابراهيم عمره سبع سنين وامه سا محه له متى ما بغيت مشوار ناديته يطلع معي ومسمينه المحرم اسم نمرله حكايه بسيطه خالتي ام ابراهيم قبل تولد نمر كان قبله 5بنات ولد وكانت تتمنى ولد امي حلمت حلم فسرته لخالتي ام ابراهيم انها بتحمل وبيجي لها ولد وتحقق حلم امي ان ام ابراهيم تحمل ومولودها كان ولد وطلبوا من امي تسميه وسمته على ابوها نمر استأذنت من امي وام ابراهيم كلمت على بيتها وعلى طول جا نمر طاير بياخذني لخواته.. وتركت امي وام ابراهيم لأن واضح ان امي تبي تصرفني بأي طريقه والا با العاده ما تخليني اطلع لريم الا بعد حب خشوم..! . . . دخلت بيت ريم لقيتها مثل ما قالت خالتي ام ابراهيم قالبين الدنيا يا حبي لعايلة ام ابراهيم خمس بنات بغرفه وحده لكن كنهم بنت وحده فيهم ادب ربي يحفظهم وماخذين الحياه ببساطه . . . عوق\ ريم وش بلاتس حايسه الدنيا ريم/ تعرفين نشاط بعد الامتحانات وتغيير.. وبعدين الغرفه احسها صايره حيل زحمه ابي طريقه اقدر ارتب سراير خواتي ويتغير شكل غرفتنا..! واحوس مع ريم وارسل على شغالتنا تساعدنا وبا الاخير قدرنا نرتب الغرفه بطريقه ارضت ريم وخواتها غرفتهم حيل كبيره لكن الاسره كان وضعها عشوائي وكان باين شكلها زحمه وصار حتى مكان جلسه حلوه . . . جلست انا وريم باالجلسه وخواتها كل وحده ترتب ملابسها واغراضها بهدوءما شاء الله عليهم وريم تعطي الاوامر من بعيد على ان اعمارهم مقاربه لبعض لكن احترام بينهم عجيب عوق \ ريم وش بتدخلين ..! ريم\ما ادري ودي علم نفس وامي تبي دراسات مثل بنات عيال عمها..! عوق تضحك\يعني لازم التقليد..! ريم با استعطاف\ حرام عليتس تقول بيساعدونتس مافي احد منهم داخل علم نفس ريم\وانتي وش قررتي..! عوق بحيره\ ما ادري ..؟ عوق تتنهد بحسره\تدرين تحسفت ما دخلت علمي لو يرجع الزمن كان دخلته علشان ادخل طب والا حتى تمريض علشان اتوظف بسرعه ريم با استغراب \ انتي صاحيه انا وهو انا ما فكرت كذا شوفي انا ابوي رجال كبير ربي يحفظه ويعافيه واخواني صغار, وضعنا المادي وسط وابوي محتاج وظيفتي وانتي عارفه اني لو بدخل علمي بتفوق فيه .. لكن اهلي رفضوابسبب نظرة المجتمع القاصره لطب والتمريض للبنات..! او يمكن في ناس في ها المجال تصرفوا تصرفات خاطئه والناس اخذت فكره ولا راح تتغير ..! وانتي ما شاء وضعكم المادي ممتاز انتي وخالتي وضحى يعني ماراح تشيلين هم الو ظيفه’ طيب وش رايك ندخل دراسات ان شاء الله بنمشي فيها انا وانتي وبنجيب معدلات عاليه عوق\ لااا الا دراسات ما راح ادخلها استغربت ريم \ حرام عليك عوق هذا وانتي تبارك الله ملتزمه تقولين كذا لاتلفزيون ولا اغاني ما شاء الله وملتحقه با التحفيظ.. والدراسات ان شاء الله بتزيدك وتغذي ايمانك بربك.., عوق با استدراك\ماهو قصد لكن ان شاء الله اني با ابقى كذا ولا تنقطع صلتي بربي وبعدين المحاضرات الي نحضرها انا وامي.. ولا تنسين حلقة التحفيظ الي ادرس فيها.. كلها من فضل ربي تقوي ايماني .. لكن انا ابي تخصص غير اخدم فيه نفسي ومجتمعي ريم بضحك\ ياهوه على المواهب المندعسه عند عوق بتطلعها الايام..! عوق با استسلام\خلاص ريومه بستخير واشوف والي فيه خير يقدمه الله..؟ ريم تضحك فجأه عوق با استغراب \بسم الله عليتس وش بلاتس تضحكين ريم\اضحك تذكرت الامنيه الجديده لتس .. عوق بخوف \وش امنيته .. ريم با استهزاء\ قبل شوي وش قلتي ماتبين كلية طب.. عوق بحسره\رحم الله امرء عرف قدر نفسه ريم بترجي\ لاتكفين عوق لا يكون زعلتي علي ماخبرتس زعول عوق\لا والله عادي انتي صادقه اصلن انا انجح با البركه ربي سبحانه شايفني وعارفن حالي معطيني على قد تعبي واكثر ريم \ لا والله انتي مجتهده يا عوق ولا تقصرين على نفستس بشي تسوين الي عليتس والتوافيق من الله وان كان همتس الوظيفه تراها نصيب على طاري الطب ولد خالي نواف الي يدرس با امريكا طب رجع اجازه وابوي عازمه بكرا تكفين تعالي بكرا خلينا نستانس عوق بضحك\ يا حضه يدرس طب ..!! ريم بتهكم\الله يعينا بكرا على بنات خالي قال نواف وسوى نواف مافي احد درس طب با الكون غيره عوق \ تلومينهم اخوهن فرحانات فيه واول واحد بعايلتكم بيصير دكتورهو ريم تضحك \لا بالله مانيب لايمتهن عسى الله يوفقه ويصير اكبر دكتور على مستوى المملكه رجعت لبيتنا مع الشغاله والمحرم نمر ونادته امي وقالت نمر يا بوي قل يارب انك تفرج عنا كل ضيقه رد نمر وهو مستحي من امي وخدوده حمرت وقال يارب تفرج عنكم كل ضيقه . . . سلمت على راس امي ولاحظت عيونها محمره سألتها وجوابها كا العاده مافي شي دخلت غرفتي الكبيره الواسعه مافيها الا سريري وكل مافيها يخصني بس انا من يوم امي عمرت لنا البيت خصصت الغرفه هذي لي وهي اكبر غرفه با البيت المفروض تكون لها لكن امي رفضت تقول انتي بنت وغريضاتس واجد الغرفه هذي ما تصلح الا لتس حسيت غرفتي صارت موحشه ومرات احسها تخنقني من عرفت اني لقيطه..! غرفة ريم وخواتها رغم زحمة الاسره الا انها فيها اؤنس غريب..! عكس غرفتي الي كانت فرحتي فيها ما تنوصف اول ما سكنا بيتنا لكن تغير كل شي .. ريم كانت تغبطني على غرفتي الحين تبدل الحال انا الي اغبط ريم... قعدت افكر بكلام ريم شكلها بتدخل دراسات وتبيني معها كيف يا ريم ادخل دراسات وادرس الحلال والحرام وانا بنت حرام القسم هذا ماهو لي المواريث واحكامها حكم التبني اللقطاء..! وكلها اشياء مخالفه لواقعي وانا ما احب .. اسوي شي عكس الي بداخلي.. ادرس المواريث وانا امي وضحى كل الي يخصها حولته با اسمي سواء كان هبه او بيع وشرا.. واقولها يمه وهي ماهي امي ..؟ بستخير وانا نفسي مايله لعلم النفس يمكن القى علاج لنفسيتي ووضعي الي انا عايشته . . . مرت الايام وظهرت النتايج ودخلت ريم دراسات وانا دخلت عربي علم النفس كان يبي معدل اعلى من الي جبته وبدأت مرحله جديده من حياتي الدراسيه الحياه الجامعيه تختلف اختلاف جذري عن المراحل الي قبلها...!! (كلمه اخيره) أصاب العمى رجلآ فكان عالة على مجتمعه وأصاب العمى " إبن باز " فكان عالم عصرِه * إن الأحداث لآتصنع حياتنا ولكن ردة فعلنا هي التي تصنع الفرق !* الي الملتقى قريبآ بأذن الله وسالفه جديده طيف الأحباب ام الوليد |
ام عوق بدت اسرارها تتبخر ..واضح ان ام ابراهيم عندها خلفيه حتى اذا كانت بسيطه ساره من اهل عوق ممكن خالتها وسميه امها ..الجده وضحى تبي بنتها مثل يقول من تفقر تذكر دين ابوه ..وهو كان مسامح الناس فيه ..وهي اهدت عوق لـ ام عوق ..والاخيره هجت من ديرتهم.. ام ابراهيم حبيت شخصيتها متفانيه مع ابنائها.. بس وش سر تسمية عوق ابنها بنمر ...والا تسميه وبس .. طيف رائعه كتاباتك ..متابعه ان شاء الله وان كان بدون ردود :) احيان لا نجد ما يعبر عن جمال الاقلام وشفافيتها قربها من واقعنا بدون خدشه ..الود لقلبك |
مساءك سعاده وراحة بال
يعطيك العافيه ام الوليد بارت نقدر نسميه نقطة البدايه اللي بتعرف عوق من تكون المكالمه اللي سمعتها هي اللي بتعرف منها حقيقتها ياترى ساره هذه تعرف عوق ومن تكون والا ليش ام عوق تطلب منها انها ماتفضحهم* وأنها بسفرها وبعدها عنهم ماهو الا عشان ما حد يعرف الحقيقه يعني معقوله تكون لها ام *وأم عوق تعرف عنها وين تكون وأكيد ساره تهدد ام عوق تبي تأخذه منها يمكن عرفوا انها كتبت حلالها بنتهم وطمعانين في الحلال والا وش يبون فيها هذا اذا سلمنا انهم يعرفون الحقيقه ياحبي لك ياعوق اثرك ماتحفظين بسرعه طريقتك حلوه بطبقها على ولدي الله يصلحه ما يحب يحفظ ابد يمكن تجيب فايده ام ابراهيم أكيد عندها علم بالسالفه والا وش تبي فيها ام عوق الحين نمر طلع ولد الجيران الله يصلحه أكيد مواقفه مع عوق خلاها تسمي ولدها عليه والخاله اللي تقصدها عوق في البارت الاول أكيد ريم الى الان ماتضح مين هو زوجها* مع ان عندي إحساس انه ولد زوج ام عوق في انتظار سالفه حلوه من سوالفك وي لك |
السلاااااااااام عليكم..
ام الوليييييييييييييد الف الف الف مبرووك يااكااتبتنا الجديده>>فيس متأخر ومستحي.. ام ولووودي جاني تووصيه خاصه بقراايه القصه وقلت مافيه كلام اول قصه ولام الوليد وغير كذا من الحين وااثقه ان مافيها هيافه ومصاخه وهي المحارب الاووول لما يبثه الوردي قديما..هع هع هع لما قلتي لي انتس تكتبين قصه ما توقعت ابدا انتس كنتي تقصدين انتس بتنزلينها قريب مره عاد اتمنى من كل قلبي انتس كملتيها وانها موجود عندتس بختم ذا انــد.. هع ويااااااارب تتوفقين فيها ونشوووف القصه وااصله لبر الامان بدون تعقيدات وتوقفات عاد انتي اخبر الناس بالقهر والحره اللي تجي الجمهور زي حلاتنا اللي يندمجون بالقصص وبعدين ينصدمون بوقفات غير مقبوله نهائياا .. تف تف تف بسم الله عليتس من هالوقفات.. طيووفه استني علي شووي وبأذن الله كم يوم وينزل الرد على فكره ترى نمر نحجووز لي من الحبااااااااايب اذاا فيه واحد ثاني نظمه للسته بمشووره الكاااتبه ابدا ماعندنا مانع>>فيس ماسك القلم وبدأ يجهز للكتابه..هخهخهخهخه انتظريني قريبا اذا الله احيانا >>فيس اعلانات.. |
بسم الله الرحمن الرحيم السلام عليكم ورحمة الله وبركاته أم الوليد......... سلمت يداك على هذا الجزء الرائع مبدعة كما عهدناك نمر وما أدراك ما نمر؟؟؟؟؟؟؟؟؟ طفل في السابعة حينما كانت هي في الثامنة عشر وابن الجيران وسمي الشايب أبو وضحى وكلٍّ له من اسمه نصيب لِمَ تَحْمِل لنمر كل هذا العرفان بالجميل!!!!!!!!!! لدرجة أن تسمي ابنها باسمه رغم صغر سنه حين عَلِمَتْ بمأساتها أي أنه لا يمكن أن يكون له مواقف قوية في هذا العمر ولكن هل يمكن أن يكون هو سندها بعد وفاة العجوز وهو من أخذ لها حقها من أهلها بحكم العلاقة الوطيدة بينها وبين أسرته أو أنه قد أصبح وكيلها بعد وفاة أمها والذي حمل على عاتقه حمايتها من أي شيء قد يسيء إليها أم عوق وسارة والسر الغامض....... من خلال المكالمة التي دارت بين ساره وأم عوق من الواضح جداً أن من تتكلم عنه ساره هو والد عوق أو جدها ولكن ما علاقته بالعجوز وما علاقة ساره به؟؟؟؟ هل يمكن أن يكون والدها أو زوجها؟؟؟؟؟ ووسمية هل هي أخت أم عوق وزوجة هذا الرجل الذي يريدون من عوق ربما أن تتبرع له إما بكلية أو بزراعة النخاع أو أنه شقيق الاثنتين وسمية ووضحى الأكيد أن علاقته الوطيدة بعوق هي ما حملت وضحى أن تتكفل بتربيتها ربما لتداري الفضيحة وحتى لا تترك الطفلة في دار الأيتام ما السر الذي عرفته ساره وجعلها تنقلب على العجوز وتثير البلابل هل هو معرفتها أن عوق لقيطة؟؟؟؟؟ أم أن وضحى قد كتبت لها أملاكها بيع وشراء وهي تريد أن يستأثروا هم بالتركة وتخرج عوق خالية الوفاض بما أنها لقيطة تساؤلات كثيرة أثارها هذا الجزء رغم قصرة وبانتظار انجلاء غموضها في الأجزاء القادمة بإذن الله لك كل الشكر على هذا الجزء الرائع دمت بحفظ الله ورعايته |
مرحبا طيوووفه
ا'ووووو ياسلام علي وخذت اول نجمه ولزقتها بجبهتي ان شاء الله كل جزء بنجمه وين سميتي العنقليزيه وماماتي زارا وصراع النجمات خاطري يرجع زمان اول جزء اليووم خطير وبدت تنكشف اشياء من الحقايق اتوقع عوق تصير بنت المريض من اهل ساره يجوز اخوها او ابوها والارجح اخ ومحتاج لزرع نخاع وماعنده عيال الا عوق ام عوق منهي السؤال اللي محيرني ياهي بنت ام عوق توقع ضعيف ياهي بنت الشغاله او جارتهم العربيه بما ان جمال عوق مميز (مشكلة التوقعات المتطرفه ليه ام عوق ما حضرت العزء وتقول نظرتها بعيده ؟ سؤال يخليني اتاكد انهم لو شافوها الناس المعزين راح يربطونها بهذي العائله ممكن تكون نسخه من ابوها او عماتها نواف وش يطلع اتوقع هو ابو نمر زوج عوق ببدايه القصه طيوف انتي اخت وغاليه الشي ذا يخليني اتوقع باريحيه غير لما تكون معرفتي بالكاتبه جديده انتظر القادم بشووووق |
♪♪♪ ام عوق تعرف اهلها الحقيقيين اكيد .. او تعرف بقصتها معهم اكيد .. ويمكن احد من طرف هالاهل يبون يزوجونها قريبهم مثلا علشان تصير قريبه منهم .. > فيس الافكار الهبلة .. امممممممممم وبس هذا اللي طلع معي ^^ .. بارت اليوم خفيف مافيه احداث مرة .. سللمتي طيوووف .. ♪♪♪ |
السلام عليكمـ..
. . . آقول ورى طيف مقدمه الموعد يوم ..و..حنا متفقين على يوم الثلاثاء =& آتاري.. الكبر ..شين وصرت اضيع الايامـ...=( . . . نجي لـ البارت.. . . . حالة انطواء دخلت فيها عوق...أنانية ..و.. وسوسه..ردة فعل اشوفها طبيعيه على كمية الصدمه الي تلقتها..., . . . المكالمه بين ام عوق ..اكيد مع طرف من اهلها ومشاعل تكون أمها...؟ اشوف الروئيه اتضحت عندنا... العجوز ...تعرف اهل عوق..=) بس عوق داخله بـ غيبوبة غباء ماهي طبيعيه وكله من التفكير بـها العرس...اساساً العرس شغل بناتاً الشاغل =) . . نظرة عوق لـتخصص الدراسات ماصدمتني...نظره طبيعيه لـشخص انصدم بهذا الشكل..راح ينظر بسلبيه لكل شي ..خاصة اذا كان يمس الدين... راح ينظر للأمور بمنظور ضيق ب البدايه...لأنها بمرحله صعبه جداً.. خاصة ان تفكيرها منصب على انها لقيطه.. بنت حرام...أغضبو الله والداينها بعملتهمـ...وراح تـشوف نفسها الثمره الفاسده.. الجنين الي يستحق الموت..و...آلآجهاض.. الي ماتستاهل تدرس عن الدين وهي ناتجه عن عمل يعتبر من عمله انه من الكبائر... ابدعتي ام الوليد بصدق في هذي النقطه طرحتيها بمصداقيه شديده.. . . . اقتباس:
. . . ب آلآنتظار...! . . . |
اقتباس:
هلا وغلا يكفيني انها الاحداث اعجبتك والا الردود مسموحين كثير روايات اقراها اتمنى ارد لكن انشغل وماعندي وقت المثل هذا يا كثر ما صرنا نشوفع توقعاتك لصلة قرابة عوق قريب بتعرفين الصواب منها ام ابراهيم مثال لكثير من امهاتنا سر التسميه قلته ان ام عوق هي الي سمته على اسم ابوها اقصد ان ابو العجوز اسمه نمر وكثير جيران يمنون ويسمون على بعض تقدير من اسرة ام ابراهيم طلبوا منها تسمي ولدهم اسعدني جدآ مرورك الراقي |
اقتباس:
♪♪♪ يافدييييييييييييييت ضمضم العاادلة انا :hR604426: .. ههههههههههههه .. بس منيب متآملة كثير ما اذكر ان صدق توقع لي وخذت نجمة من قبل الا مرة بس ههههههههه .. طيوف ماحبك .. انا اول قلت انها مو بنتهم > فيس مبرطم على نجمة نوف ويبيها هو :aNF04909: .. نوفي تتنازلين لي عنهاا خخخخخخخخ .. باخذ نص لي وبعطي ضمضم النص الثاني >> فيس بكيفه .. / امممم شفت رد نوفي .. اتوقع ام عوق ما كانت تبي تحضر العزآ .. عن لا تشوف ناس تعرف بسالفة عوق وتسآل عنها او ينبشون بماضي ماتبيه يآثر عالبنت ! اممم اتخيل صدمة ام عوق وضيقة صدرها لو عرفت ان عوق عارفة وساكتة .. طيوف وش رايك نوقف تعليقات لا نعفس الرواية خخخخ .. ♪♪♪ |
اقتباس:
هلا ومرحبا اموووله الله يعافيك في البارت القادم بتبان حقايق كثيره وبنشوف توقعاتك وش الي بيصيب منها السالفه القادمه احلى من هذي بعد والله اتفاجئ فعلن من بعض ردود مرورك جدآ اسعدني اموله |
اقتباس:
ههههه تعرفيني ما عندي لعب قلت لتس روايه يعني روايه والله اتمنى اني عند حسن الظن واقول كلمه فيها فايده من يوم قلت الموضوع للي حولي واني كاتبه موضوع حساس وخايفه ان البنات ما يتقبلونه وكل شوي وحده من خواتي والا صديقاتي مرسله لي مصيبه منشوره بجريده طيف اقري طيف شوفي ليتك من اول منزلتها لحد اليوم موضوع نازل بجريده نسأل الله السلامه لنا ولبنات المسلمين والتوقف لا ان شاء الله مافي توقف الا اذا ربي ما كتب اني اكملها تعرفيني عدوي الاول الانتظار كلهم تحت امرتس نمر وغيره وبا الانتظار اسعدني جدآمرورك |
اقتباس:
هلا وغلا اراده نسمى ابناءنا اسماء نتمنى انهم يحملون صفات الي حملو ها الاسم توقعاتك اراده بتشوفينها في البارتا ت القريبه القادمه ومثل ما قلت اخاف اطول با الرد معاكم اجيب ثالث الاعياد اسعدني جدآمرورك العذب الراقي |
السلام عليكم و رحمة الله و بركاته
صباح الخير و الرضا من الرحمن تسلم ايدينج يا أم الوليد بدت الغمامه تزول شوي شوي الشفرات تنفك ==================== (( عوق )) تربية العجوز الصالحة ما راحت هدر و إرادة الله كانت المفصل أنه عوق حتى لو ما تقبلت الواقع اللي هي فيه بس ما أثر هالشيء سلبا عليها ,, قوة الإيمان بالله كانت رادع ,, صحيح انعزلت عن الصداقات غير ريم ,, صحيح حاولت تتمرد على واقعها بس كل اللي طلعت فيه شوية نحاسه على صديقاتها بالمدرسه و كان المكاملة اللي جت للعجوز من اهل عوق اللي يبون يفتحون صفحات طوها الزمن و يكشون سرهم عند الكل اللي ربي سترهم من فضلة من تدخل العجوز و تكفلها بتربية عوق ,, اتوقع ان مشاعل هي أم عوق بس الأب هو المجهول << بس ممكن عرفته من الملخص ^ــ^ بس مابي احرقه بس سارة وش موقعها من الإعراب اللي قاعدة تنبش بالماضي وش هدفها أتوقع أما حقد على احد الأطراف و لا على العجوز و لا على الحلال اللي ممكن تجنيه من عوق بعد عين العجوز ,, الإتصالات المتكرره أكيد عشان هالشخص المريض اللي اتوقع تربطه قرابه بعوق و هي السبيل في شفائه من بعد ربي يا انه اخوها و لا ابوها ... و الأرحج ابوها ... اما رفض العجوز انها تحضر العزى أكيد ما تبي الناس تسأل عن عوق و من هي بنته اللي ممكن أنها تشبه احد موجود بالعزى و الناس كلامها واجد ... ===================== نمر ليش العجوز تقول انه محرم في سر وارء هالسالفة هل ممكن لما ولدته أم ابراهيم طلبت العجوز من اللي تكون عوق بما انها تعرفهم انها ترضعه عشان يصير لها محرم << توقع من مخي و مخيخي الرياضياتي بس كل شيء جايز صح ؟ ================== سلمتي و بـ انتظار القادم .. .. .. |
اقتباس:
والله انتو صرتوا تخرعوني بتوقعاتكم الي ها الدرجه افكاري مكشوفه بنشوف با البارت القادم وش راح يصيب من توقعاتك نواف بيكون لنا معاه وقفه لكن قدام شوي اسعدني مرورك وانا بعد انتظركم |
اقتباس:
هلا وغلا حنونه توقعاتك بنشوفها في بارت قريب ونشوف اي توقع منها بيكون صائب الله يسلم قلبك حنون اسعدني مروك جدآ |
اقتباس:
هلا وغلا ضمضم الله يعين ماعاد نجمع هو كبر والا داء النسيان الحقيقه الي اكتشفتها عوق وبمرحله من حياتها حرجه ردت فعلها اقل ما يكون اكيد ان المكالمه من اهلها لكن مشاعل من وين بتكون امها انا ما اتوقع اما عاد تفكير العرس فهذا بنفردله بارت كامل تعرفين بعض بنات اذا شافن كم وحده من صديقاتهن اعرست طقتهن الوساويس يخافن القطار يفوتهن ما يدرن انهن راكبات القطار راكباته يا قطار العرس يا قطار الموت <<مقوله بنقراها بعد كم بارت اذا ما امتي بتعرسين بنشوف من يقوله لمن رفض عوق انها تدخل دراسات لأنها تربت على الصدق والشفافيه العجوز با الرغم من ذكائها الا انهاكانت انسانه على الفطره عوق بمنظورها الضيق كانت تظن انها ما تستحق انها تدخل قسم مقدس مثل ها القسم ويمكن احد من طرف هالاهل يبون يزوجونها قريبهم مثلا علشان تصير قريبه منهم .. > فيس الافكار الهبلة .. ام الوليد اذا كان صح ي ويلك ان طارت نجمة حنين ها المره...>فيس التهديد تحت السلاح والله حنونه تستاهل تاج بكيفها عاد تبيه على كتفها والا على الراس لمرورك مذاق خاص |
اقتباس:
اتوقع في بارتات قادمه بتعلقين لواء من كثر النجوم الي بتاخذينها اما عاد التوقعات فيه من راح بعيد وفي من جابها صح لا توقفون با العكس والله اني افرح لما اشوفكم تتوقعون بغض النظر صايبه والا خاظئه |
اقتباس:
الله يسلم قلبك صبوحه توقعاتك قريب بتشوفين الصائب منها ما اقدر اناقشك اخاف احرق الاحداث اسعدني مرورك الراقي |
صباح الخير ام الوليد كيف اصبحتي يالغاليه دوبي مخلصه الثلاث بارتات اللي قريتها ودخلت عشان احط تعليقي عليها وان شاء الله اكون ادليت بتعليق ما يضايقك انتي والبنات لاني عفويه بتعليقاتي على الروايات نجي للرواية وبطلتنا عووق المزايين الرواية كبدايه اسلوبها حلوو وعجبتني وحسيتها سلسه تلامس قلووبنا وانا اندمجت فيها بسرعة ولا حسيت بملل وانا اقراها جد استمتعت فيها واول توقعي انها لقيطه وثاني بارت اكدلي توقعي انها لقيطه وكيف انها بأسم وضحى شكلها قريبه لها غلطت ووضحى هيا اللي ربتها والسبب هذا اللي خلاها تتبتعد عن اهلها عشان لا تصير فضيحه وساره شكلها راعية مشاكل على حسب المكالمه اللي بينها وبين وضحى انهم بيزوجوا عووق لرجال من قرايبهم ووضحى ما تبغى قربهم لان اكيييييييييييد بسسبب عووق ابتعدت عشان لا تطلع اسرار ودفاتر متخبيه والله يستر على عووقي من المستخبي ودمتي بخير |
اقتباس:
هلا ومرحبا عزوفه توقعاتك قريب كلها بتعرفينها في بارت السبت تنكشف الاسرار وسبب ان ساره تبحث عن عوق اسعدني مرورك جدآ عزوفه |
بسم الله الرحمن الرحيم هلا ومرحبا بكل الغوالي الي يعطرون المتصفح سواء بتعليق او مشاهده والله ممتنه للكل ولا توقعت اني با القى ها الاصداء...! انا ما اعرف اصفف او انمق حتى البارت ما اراجع كثير بمجرد اني انسخ الي كتبته وانزله لكم..., لكن الي تشوف خطاء او تناقض با الاحداث تنبهني علشان اقدر اصلح من الي كتبته قبل تكتمل الروايه ويصير صعب التعديل..’ اذا ماكان في انتقاد مستحيل بيكون هناك بناء صح وتصحيح للأخطاء...!؟ انا احاول ان الروايه تكون واقع ممزوج بشوية خيال لسببين : اولآ ان الموضوع الي انبنت عليه الروايه الحلول فيها لاتستحمل الوسط لأنه شي يتعلق با الشرف وهو الشي الوحيد الي اذا راح ما رجع.. ثا نيآ ان المجني عليهم وهم اللقطاء لهم حق يعيشون ويخالطون غيرهم... . . . اليوم يا كثر النجوم الي بتتوزع .. لكن بآخرسالفتنااليوم..! . . . . البارت اهداء للغوالي دون اسثناء.. . . . تعالوا معاي نشوف وش صار على عوق المزايين .. بعد ما صارت طالبه جامعيه" البارت الرابع . . . نوح الحمام . . . الجامعه على اسمها..! جامعه بنات من كل مكان ومن مناطق بعيده بمستويات اجتماعيه متفاوته وعقليات مختلفه..! ماهي مثل المدرسه اغلبية البنات يعرفون بعض بحكم ان المدرسه بوسط الحي ..’ تعرفت على بنات جدد...! وكا العاده الفت الانظار..., وين ما تواجدت... كنت باالماضي استحي لما احد يثني على جمالي وافرح بداخلي ..., الآن تغير كل شي, تمرني لحظات اشعر اني استقذرنفسي واكرها..! واحيانآ يجيني احساس ان زميلاتي الي يعرفون حقيقتي يتمنون يعقمون ايديهم بعد ما يصافحوني...! كل الكلام الي اسمعه يمجد جمالي احسه استحقار لي ...! يمكن جمال امي هو الي كان سبب كوني لقيطه..! او يمكن ها الوجه الي اطل با المرايه عليه كل صباح واشوفه ورثته عن ابوي..! امي وابوي هربوا واتركوني داخل كرتون والا بطانيه قديمه تستر الفضيحه قدام مسجد والا حاوية قمامه..!! ولا فكروا با المصير الي راح اواجهه المهم اني غبت عن مدى نظرهم... . . . مره كنت جالسه بكفتريا الجامعه وجاو بنات من نفس قسمي سلمواوجلسوا على طاولتي...! تماظربااعجاب\ تدرين عوق ان البنات كلهم اجمعوا انك اجمل وجه من الدفعه الجديده..., حنان بغيره\ صراحه عوق ما عليها لولا العلامه الي فوق حاجبها احسها مره مشوها وجها ...!! سلوى با استنكار\حرام عليك حنان قولي ماشاء الله العلامه على قولتك ماتبان الا اذا دققتي بوجه عوق ..! عوق بهدوء\ يا ليتنا نسلم من كلمة لولاكان احنا با الف خير.. وبعدين من قالكم اني حلوه يمكن علشانكم تحبوني تحسوني حلوه ... وحتى انا اشوفكم بعيوني ملكات جمال يا ليتني مثل اي وحده فيكم... سلوى\ ماشاء الله عليك عوق جامعه ادب وجمال وتواضع.. وتغير الموضوع للمكافأت وكل وحده با نيه آمال عليها..! . . . وانا اقول بنفسي ما ابي ها الجمال ولا ابي فلوس..! وش نفعتني الفلوس الي كل شهر تنزل بحسابي...! وكل ماصلحت كشف حساب القى رصيدي زايد وانا وامي متطلباتنا قليله... حتى مكافأتي من يوم صرفوها لي الجامعه ماصرفت منها شي...! اخذها من المحاسبه ولا افك التدبيس عنها وبدرج التسريحه مكانها اذا ماحولتهالحسابي... اللهم الا ها المبلغ الي كل ما نزلت مكافئتي اودعه صندوق التبرعات بنية صدقه عني وعن امي ... امي تزعل اذا ما طلبتها والا قلت بصرف من مكافأتي تقول انا امتس وملزومه فيتس.. , . . . دراستي با الجامعه كانت صعبه علي لكن الي كان يدفعني ويذلل الصعوبات هو خوفي من المستقبل وتعب امي الي كل يوم يزيدعليها احاول اجتهد اكثر.. واكثر..’ . . . في المراحل الدراسيه السابقه اذا صعب علي شي كانوا المدرسات يساعدوني ويراعون ظروفي..., اكيد كانوا من اسمي يعرفون اني مجهولة النسب...! من غير امي وضحى اذا ماحضرت للمدرسه شخصيآ تيلفونها يوفي با الغرض واكسر خاطرهم..., لكن الحين الجامعه غير... ما احد يعرف احد .. العلاقه بينا وبين هيئة التدريس الورق وبس...! وانا كل مستوى دراسي بصعوبه اطلع منه.. دخلت ثالث ووصلت للمستوى السادس ...! وكنت اعاني جدآ با المذاكره والبحوث... صرت معتمده بعد الله على نفسي كثير... دموعي مرات تغرق الورق اذا صعب علي شي وانا ابي انجح واعدي لمستوى جديد.. با الكليه اخذت دروس خصوصيه للمواد الصعبه مااتحمل الفشل..’ اصعب مادتين الانجليزي والحمدلله سنتين وافتكيت منه بقى الصرف الي ذبحني ناشب بحلقي ..’ امي كثر نومها ودايم احسها مرهقه ... وحيلها مهدود وكلامها قل ماهي مثل اول.., حتى صارت بصعوبه تمشي العصا ماعاد تفكه من يدها مثل قبل ..’ حاولت انها تستعمل كرسي متحرك ورفضت امي عنيده ولا تحب تبين ضعفهالأحدحتى لو انا..! خلاص قربت اخلص 21سنه سن الرشد... با الجامعه كثير من زميلاتي يلمحون لي تصريح اوتلميح الي تبي تخطبني لأخوها.. والي مستغربه كيف للحين ماتزوجت ..! وليش ما انخطبت ..!! وردي دايم ما افكر با الزواج الا بعد ما اتخرج واتوظف, و انا وحيدة امي ومحتاجتني , او ان اهلي ما يزوجون غريب.. وكل مره اطلع بعذر..! كثير منهن يقولون اسمك غريب وطبع اهلك اغرب ..!! وياماعارضوني وحاجوني بحديث الرسول صلى الله عليه وسلم, (( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير )) ودايم افكر با اسمي هو صحيح يا عوق كلن له من اسمه نصيب..! امي دايم تناديني يا عوق المزايين .. هل انا عوق والا اعاقه وندبه سوداءفي جسد المجتمع..؟ . . . في يوم كان عندي اوف من الجامعه ويوم سبت صحيت الضحى واسمع اصوات عند امي با المجلس..! دخلت عليهم وسلمت وجيه اول مره اشوفها ومع هذا احس ان قلبي فز لهم ...! وجيهم ماحسيت انها غريبه شايفتهم بمكان او انه مر علي اشخاص يشبونهم ...!! حرمتين وحده كبيره والثانيه شكلها اصغر منها فيهم من دم بعض يمكن خوات..؟! سلمت عليهم وجلست جنب امي..! ام عوق بشده\ عوق قومي شوفي الي وراتس...! حسيت طاح وجهي انحرجت من الحريم تمنيت اني ما دخلت عليهم..؟ _\ لا يا وضحى عوق لازم تعرف ماعاد هي صغيره وهي صاحبة القرار..! والمفروض من زمان انك مخبرتها بكل شي من يوم دخلت عوق الثانويه وانا احاول فيك لكن انتي مــ ...!! ام عوق بغضب\ اقصري الهرج واشربي فنجالتس وتوكلي على الله..! الحرمه الثانيه الي معها تناظرني وهي ساكته.., وقفت منبهره من المعارك الي قدامي ودي اطرد الحريم وابرد خاطر امي واريحها خصوص امي ماهي حمل هوشات ورفعت ضغط.. لكن الفضول الي بداخلي اني اعرف السالفه تغلب على مشاعري ومن كلامهم ان الموضوع يخصني..! عوق بنرفزه للحرمه الكبيره فيهم كانت طويله وعيونها على الرغم من انها تلبس نظارات الا انها نظراتها تروع...! اتوقع عمرها بمنتصف الاربعينات ويمكن اكثر..؟ عوق بعصبيه \خير يا بنت الحلال متهجمه على بيتنا لتس غرض ضايع عندنا وتدورينه تراتس غلطانه..! الحرمه با اصرار\ لا بالله ماني غلطانه واي نعم لنا غرض ونبي ناخذه ان شاء الله ...!! امانه عند وضحى ونبيها..! الحرمه الثانيه بترجي \ تكفين ساره خلاص خلينا نمشي ونرجع وقت ثاني...؟ . . . ناظرت الحرمه الثانيه من قريب كانت بيضاء وعيونها عسليه وطولها وسط... وباين انها خايفه من شي من طريقة حركتها بيدينها.. سبحان الله فيها شي غريب ..! ما ادري ليش تخيلتها تشبه امي وضحى..’ نحيفه نحف مو طبيعي ويديها يدين بنت شباب وجهاوجه المهموم..! الهم مأثرفيها ومكبرها اكثرمن عمرها عيونها كبار مره ورموشها طويله لكن ذابله .., وهالات سوداحول عيونها مشوهتها..! حتى يوم سلمت عليها مسكت يدي بيديها الثنتين ويديها تتنفض غصب سحبت يدي من بين ايديها .. وتذكرت كلام لأمي كانت تقول اذا تبين تعرفين عمر المره شوفي يدينها اول ما يعجز منها يديها..! والحرمه هذي عكس الناس سبحان الله ..!! فيها مسحة جمال لكن دافنها الحزن دفن..! . . . عوق بحده\ لا بالله اذا غرضتس عندنا بتاخذينه ماهي ام عوق الي تخون الامانه.., وش هو غرضتس تراه لتس وعليه زود بعد.. . . . امي كانت واقفه وماسكه عصاهاوجلست ...’ والحرمه الثانيه قعدت تبكي وتترجى في الي اسمها ساره انهم يمشون...!! ما ادري ليش كسرت خاطري يوم شفتها تبكي ...!؟ ردت عليها ساره \ يا مشاعل كل شي له حدوسالفتنا لآزم نحط لها نهايه..! . . . عوق با اصرار\خلاص ياساره علمينا با السالفه الي تبين تحطين لها نهايه وجلست جنب امي قلت ياالله سمعينا..! وجلست مقابلتني انا وامي.., ساره\ شوفي ياعوق القصه الي بقولها لك تبي ضبط اعصاب وتبي انسانه ذكيه تستوعب الي بقوله..؟؟ وانتي اتوقع ذكيه وبتفهمين وتقدرين كلامي.. الي بشرحه لك يمكن بيكون قاسي عليك لكن مافي يدينا شي ..!! عوق با اهتمام\ قولي الي عندك وانا مأهله نفسي لأسوءالاحتمالات .. ساره\ اسمعي ..! انا بقولك السالفه من اولهاانتي الحين بنت كبيره وفاهمه 21سنه سن اعتقدممكن تميزين فيه الصح من الغلط.. مشاعل الي قبالك بنت عمي.., من يوم طلعنا لدنيا واحنا مع بعض ... جدي الله يرحمه رجل معروف وعنده خير بنى لأبوي وعمي بيتين مستقلات لكن بسور واحد مايبغي عياله يبعدون عن بعض .., عمي الله ماكتب له عيال عنده تسع بنات ومشاعل الوسطى بينهم.. بنات عمي داخلين طالعين على بيتنا واحنا زيهم.. وابوي ماعنده الا ولد واحد على ست بنات هوالاوسط بين خواتي اكبر من مشاعل بسنه... كنا نعتبر اخوي بنت من كثر البنات الي حوله..! تخيلي بنات عمي تسعه وانا وخواتي سته يعني عايش بين 15بنت.. وكبر اخوي بينا وعلى انه جسم طول بعرض الا انا نعتبرعمره 8سنين.. ياكل ويلعب ويسولف ويتفرج معانا على التلفزيون ونمزح مع بعض .., من كثر ماابوي وعمي متعلقين فيه.., ينادونه بينا بدر الخمس طعش علشان احنا 15بنت وهو بينا...! خواتي وبنات عمي مثل الخوات يدرسون بنفس المدارس .. لبسهم شغلهم مثل بعض خصوص ان اعمارهم متقاربه.. ولا عمرنا حسينا احنا وبنات عمي الا انا خوات وعايشات في بيت واحد..! ننام في بيت عمي امي ماتفقدنا عارفه ان احنا عندهم وهم كذلك ينامون في بيتنا عادي كأنه بيتهم .. استقدموالنا سواقين كل بيت فيه سواق علشان مشاورينا الكثيره.. ابوي وعمي حريصين جدآ علينا وكانوايرسلون اخوي من يوم كان صغير يطلع مع السواق الي بياخذنا للمكان الي نبيه سواء سواقنا.., والا سواق بيت عمي ما يتركنا معاهم نقضي مشاويرنا.. بما ان بدر الولد الوحيد للعايلتين فهو يعتبر ولد للكل .. حرص ابوي انه يتعلم السواقه وهو صغير رغم خوفنا عليه.. بدر بدت تبان عليه ملامح الرجوله لكن كلنا مغمضين عيونا عن ها الشي ونعتبره طفل..! مره وحده من خواتي شافته يدخن وخبرت ابوي .., زعل منه وضربه..’ ابوي على حبه الشديد لبدرالا انه اذا غلط يعاقبه ما يفوت له شي..! كان شاري له سياره وهو ماكمل 15سنه بيحسسه انه صار رجال ويهدده اذا غلط يسحبها منه.. بدر صرنا نلاحظ عليه حركات تدل على انه خلاص صار رجال لكن نكذب انفسنا ونشوفه طفل...! مره دخلت غرفته لقيته يتفرج على شريط فيديوغير اخلاقي.. حلف انه من صديقه ومخبيه عنده امانه وانه اتفرج عليه مجرد فضول بيشوف وش فيه.. حطمت الشريط قدامه وهددته لو بيعيدها ويدخل بيتنا هاالنوعيه من الافلام راح تكون العقوبه من ابوي .., عوق بحذر\ طيب ها الحين سالفتك الي من اليوم تسردينها علينا وش دخلني انا وامي فيها..! معروف اخوك مراهق والمراهق توقعي منه اي شي .. واحمدو ربكم انه كان يخاف من ابوكم .. في مراهقين يصورلهم خيالهم انهم خلاص اهلهم لو بيقولون كلمه معناته انتقاص من رجولتهم ويكون لهم ردود عكسيه.. وانتو وبنات عمكم طبيعي يعني تختلطون في بعض بما ان البيوت القريبه ولا في غير محارمكم.. عوق بملل \ خلينا من سوالف المراهقين ادخلي با الموضوع ترى امي تعبانه ولا تقدر تطول با الجلوس .. لازم لها الراحه واحنا ما احنا فاضين انا وراي امتحانات وامي مرهقه اختصري وعطينا الزبده من ها المحاضره..! والا تعالي بوقت ثاني كملي لنا قصة حياتكم .. ساره\لا تعصبين جايتك بالزبده ..! ابوي وعمي كانوامتفقين ان بدر لمشاعل لأنها اقرب وحده من خواتها لعمره.. وكلنا متقبلين ها الموضوع سواء في عايلتنا او اقاربنا.. الكل عارف ان بدر لمشاعل رغم صغر سنهم وفعلن ابوي كان ينتظر بدر يكمل 18سنه ويزوجه مشاعل .. يقول ابي اشوف عيال بدر يكبرون معاه, ابوي من كثر حبه لبدر اخذ له ارض قريبه من عندنا وبدا يبني بيت المستقبل لبدر .. كان حاط في باله ان بدر ما يجي وقت زواجه الا بيته جاهز..’ ساره تتنهد بألم\لكن صار الي ماهو با الحسبان ولا خطر لنا على بال..! بدرالطفل في نظرنا اختلى بمشاعل خلوه غير شرعيه وكانت في بيتنا بغفله من كل العايله.. وبغرفةبدر وعلى مرئى من الجميع بحجة كلهم صغار والبيت كله بنات .. وان ها الأشياء ماتطري في بالهم بما انهم مقاربين لسن الطفوله او احنا كنا بس الي نشوفهم اطفال.. ويوم صار الي صار واكتشفنا ها المصيبه بدر هرب من البيت ...؟ خاف من ابوي وعمي وصدم با السياره الي كان ابوي شاريها له... ودخل بغيبوبه طويله الأصابه جات بظهره وراسه...؟ ونسينا مع حادث بدر مشاعل الي بعد 4شهور من الحادث اكتشفنا حملها..’ . . . من يوم سمعت ساره تقول حملها حسيت براسي يدور وارص على يد امي وضحى الي شعرت بخوفي وقعدت تسمي علي..’ . . . عوق بغصه\ يمه فديتس لاتخافين والتفت لساره ومشاعل الي ما وقفت بكى وهي ساكته...!! عوق بحذر\ يا الله كملي..؟ وانا بداخلي كني عرفت وش بتقول.. يا خوفي اني انا الحمل ونتيجة غلطة بدرومشاعل..؟ ساره\ عوق كانك تعبانه بنرجع مره ثانيه...؟ المهم انه صار عندك خبر ان بينا كلام لازم تعرفينه ...!! عوق بألم\لاو الله ما تطلعون لين تكملون السالفه ماهوعلى كيفكم.. غرزتم سكينكم بصدورنا انا وامي وبتروحون لا انتم الي ذبحتونا ولا انتم الي سحبتو سكينكم..! ساره بحسره\ بكمل يا عوق.. جات خالتي ام مشاعل عند امي وخبرتها.. وامي قالت مافيه الا ان الحمل يطيح والا بننفضح لو بنترك حمل مشاعل يتم مصيبه على العايلتين..! يا وسميه انا حرمة كبيره من بيصدق اني احمل بعد ها العمر..! وانتي شايله رحمك بعد ماولدتي بناتك التؤم, والكل عارف والا كان قلنا وحده منا حملت وجابت الطفل ويتربى بينا ...! بس وش نسوي ها الحين وبدر بغيبوبه من شهوروالاكان زوجناهم وسترنا ها البلوى .. فوق حادث ها الولد بناتي وبناتس الي مخطوبه والي توها معرسه والله ان تنخرب بيوتهن قبل تعمر..! وروسنا المرفوعه بتندس با التراب ..! ياربي سترك من وين طلعت هاالبلوى..! امي وخالتي ام مشاعل حاولو ان ها الحمل يسقط بأي طريقه وعجزواعطوها اعشاب اضربوها ماقدروا ينزلونه... اخذوهالمستوصفات خاصه على اساس انها متزوجه ورفضوا ينزلونه يقولون الطفل كبير وخطر على حياة الام وحرام ينزل ..! مشاعل كانت حامل با الخامس ..؟ الدكاتره كانوا يلومون خالتي ليش مزوجتها با هالسن..! ومن كثر ماحاولوا امي وخالتي انهم ينزلون ها الحمل ولا قدروا...! خافوا ان مشاعل تموت من الي سووه فيها والناس تدري انها حامل..؟ وماكان قدامهن الايسترن الخبر ويدبرن مشاعل من عندهن.. خبروا عمي ابو مشاعل ولا قالوا لأبوي الي كان منهار على بدر..! عمي انصدم وبلع السالفه الي كانت بين امي وخالتي وسميه وعمي...’ كل البنات في البيتين اعرفوا بخلوة بدر ومشاعل لكن الحمل محد درى فيه كان سر بينهم.. خالتي وسميه لها خاله ارمله وعايشه في البر طلعوا لها امي وعمي وخالتي ومشاعل معهم للبر..’ وقالوا لنا انهم زعلانين على مشاعل بعد الي صار لها ولا يبونها معنا لين يتعافى بدر ويتزوجها...ّّ! واخذو مشاعل عند خالة وسميه..؟ ساره تأشر على وضحى\ وبقية السالفه عند وضحى ومشاعل...؟ ابتسمت لأمي بوجع\ هاه وش بقيت السالفه واشوف عيونها من ورى برقعها حمر من كثر ما بكت ومتردده لاتسولف..’ عوق بألم\يمه كملي لو اني عارفه وش بتقولين لكن ابي اعرفها منتس.. وضحى بحسره وألم \ وش عرفتي ..! عوق بوجع وقهر\عرفت اني لقيطه ومن زمان بعد من يوم كنت با الثانويه .., قولي يمه قولي ماهو اكبر من صدمتي يوم قريت با الاوراق الي في شنطتك القديمه اني مجهولة النسب..!؟ كملي الله يرضى عليتس اليوم يوم المفاجأت ..!! وضحى وهي لامه ايدينها على عصاهاومتمسكه فيه ساندها لاتطيح\ هذا الي انا خايفه منه طول عمري يجي اليوم الي اكسر قلبتس فيه ما شلت هم يا عوق اكبر من هم انتس تدرين عن الحقيقه الي مالتس ذنب فيها .. عوق بغصه \ذنبي حملونياه اهلي ياكم مره حاولت انتحر لكن اتراجع..! واتعوذ من الشيطان واتمسك با الحياه خوف من الله وثم علشانتس..’ ام عوق بوجع \طيش شباب .. ولحظة شيطان .. والراعي غافل ..!! ام عوق بشرود\انا من يوم خلقت وانا في البر واطلع للبلد مرات اقضي حاجه والا اروح مستشفى والا احصل ايجارات بويتات شريتها, شارو علي بشريتها الاجاويد استفيد منها لا تاكل ولا تشرب ماالله رزقني بعيال اذا احتجت عطوني..! والحلال مخاسيره واجد مرات نحتاج علف وماء الارض تمحل ويقل الرعي..’ وحنا متولعينن فيه ما نقدر نتركه ورث اهلنا واجدادنا والايجارات تنفعني وقت عازتها .., طعتهم ومثل ما يقولون العقار مثل الولد البار..’ والحمدلله عندي خير ابل وغنم وربي مبارك فيها لو بقعد عليها اكفتني , لكن المال مثل العافيه ما ينشبع منه وشقى دنيا...! ما قصرواخدموني عيال خالتس ناصر هم عايشين با المدينه ..., وانا ماعمري عارضتهم بشي الي يسوونه عندي هو الزين ... بعت من الحلال الي يخصني من حق اهلي الله يرحمهم .., واشتري بيوت وأجرهاما تحتاج اني اتعب احد واكلف عليه....! سعد يعلمني انه موكل مكتب يراعي بيوتي وهي تحت عينه .., وما يتركوني عيال ناصر...! سعد وسالم دايم يعسوني ويراعون حلالي وحلالهم... انا بيتي شوي مطرف عن ربعنا وعندي رعيان ترعى حلالي وحلال عيال ناصر.., بيوم جاتني سياره ووقفت قدام بيتي وانا ظر وتنزل منها وسميه بنت اختي ..! وارحب فيها الا الحرمه الي شوفتها تدل على العلم الاقشرالي وراها..! وضحى بذعر\وشفيتس يا بنت عسى ما شر..! وسميه تبكي\ يا خاله داخله على الله ثم عليتس انا بمصيبه مالها بعد الله الا انتي..؟!! ويطير قلبي من هرجها وامسك يدها \ وش صار وش جاري عليكم ..!! وسميه\ بنتي ياخاله بنتي ابتلت بعرضها.. وانا تدور بي الدنيا من الي سمعته ما عاد تشيلني رجليني واجلس با الارض ...! وضحى با انكسار\وانا وش عندي يا وسميه ...؟ ان كانكم تعرفونه جروه مع اذنه وزوجوه البنت اعراض الناس ماهي لعبه..؟! وسميه وهي تبكي وتمسح دموعها بكم عباتها\ياخاله الي بلاها ولد عمها.. وانتي عندتس خبر انه متنوم با المستشفى له شهورمن عقب حادثه.. وضحى\ يا بنتي وانا وش بيدي ولدكم ان شاء الله يطلع با السلامه ويتزوج بنتكم ..’ وسميه\ لا يا خاله السالفه اكبر من حادث الولد..!! البنت حامل وهي بزر عجزنا نطيح حملها مادرينا فيه الا هو خلاص فيه الروح والدكاتره ما رضوا ينزلونه.. وضحى بوجع\ وانا وش تبيني اسوي وش عندي حل للمصيبه الي صارت على راس الجميع.., وضحى بتسأل \والحين البنت وش سويتو بها..؟ وسميه\ با السياره مع ابوها وام بدر.. وضحى\خليهم ينزلون يمكن ان ربي يهدينا لحل نستر فيه ها المصيبه..! ودخلت مشاعل وام بدر وابوها والوجيه الي ماتبشر بخير سود سودها الخوف من العار سلموا علي وجلسوا.., وسميه بترجي \ ياخاله خلي مشاعل عندتس لين تولد وعقبها يدبرها الله .. الطفل بنسلمه لرعاية الايتام وهي ان شاء الله ان بدر يتعافى ويعرس عليها وتموت الفضيحه بمحلها محد درى عنها.. ابو مشاعل بغضب \جعلها تموت هي والي تجيبه وتدفنينها با النفود محد درى عنها ولا بعارها.., يابنت نمر والله لو ادري ان موت مشاعل بيستر الفضيحه كان ذبحتها..., لكن موتها مثل حياتها سواد وجه ..’ وضحى \عين خير يا خالد..عين خير.. ماعاد تنفع السوالف ولا الملامه الفاس طاح با الراس خلوها عندي لين الله يفرجها.., انا ما اطلع على احد ولا اخالط الناس واجد..., والي حولي بدوان تطارد ورى حلالهامحد يم احد .. وعيال ناصر عندهم شغل ما هم جايين ها الوقت كان يمرون لهم شوي ما يطولون خبركم هم مدرسين ماهم كل وقت عندي.., وان مرني احد من الجماعه با اخفي مشاعل عنه اما اني بخليها تطلع ورى الحلال والا بنلقى لها دبره..!! امر الله شق القربه ..؟! توكلوا على الله وارجعوا لبيوتكم ومشاعل يدبرهاربها .. وقعدت عندي مشاعل واهلها ماعاد شفت منهم احد.. انا بيتي من يوم جات مشاعل ابعدت به عن الناس زود ماهو بعيد.. بيت شعر وبكيفي وين ما حطيته ودقيت اطنابه.. وهذا انا وهي من يوم جاتني نطلع من صبح ورى الحلال ماغير هاجين عن بيتي خوف ان احد يمر والا يبي شي , من عيال ناصر الله يرحمه والا احد من الجماعه والي يلحقني منهم ويسألني من الي معتس اقول وحده من حريم الجيران والا ضيفةٍ عندي, مشاعل لبستها برقع وثياب من شافها قال انها حرمة كبيره وهي مابعدتمت 14سنه..!؟ وجا في يوم ولادتهاوولدت وجابت عندي ولا من شاف ولا من درى ..’ ويوم جا لها ثلاث ايام الا وسميه وام بدر وابو مشاعل واقفين بموترهم قدام بيتي..؟ ام بدر\حسبنا لولادة مشاعل وقلنا يمكن انها والده اليوم والا امس.., وضحى \ البنت ولدت من 3ايام وجابت بنت وهي وبنتها ماعليهم شر.., لكن الحين وش السواه انا بريت ذمتي وحافظت لكم عليها وهذا نص همكم ربي اقلعه عنكم..! ويا الله خوذو بناتكم وتوكلوا على الله تراني هملت شغلي كم شهر علشانكم ...؟ ابو مشاعل \بيض الله وجهتس يا بنت نمر والا مشاعل سود الله وجها.., ليتها ما طلعت سالمه لاهي ولا ها البلوى الي جات بهالنا...’ يوم جا بيركبون موترهم ويمشون وتقعد مشاعل تصيح تكفين يا خاله تعالي معاي قطع قلبي صياحها..., خالد ماغير يدعي ويتفل عليها وهي تبكي نافس وخايفه منهم وحالتن قشرة..., قعدت عندي كم شهر عرفت انها ضعيفه وعلى نياتها لكن ابليس دايم حاضر وتعلقت فيني ..’ وضحى \خلاص هذاانا بروح الليله معتس وبرد عقبها لحلالي .., واوصي الرعيان على حلالي وبيتي واطلع معهم...! واخذوني معهم لرياض خالد يقول مافي دور رعايه الا فيها.. استاجر لنا مكان جلست فيه انا ومشاعل وام بدر وسميه... ام بدر\ بناخذ البنت ونوصلها لرعايه نبي نخلص من ها المصيبه ... وضحى\انا بشور عليكم شور ورى ماتوصلونها لرعايه وعقبها تكفلونها كفالة يتيم وتعيش مع ورعانكم... كلامي اعجب مشاعل لكن وسميه وخالد وام بدر زعلوا ..., ام بدر\لا يا وضحى وش ها الشور الاقشر لابالله حنا نبي الخلاص والستر وانتي تبينا ننفضح...!! وضحى\ يا ناس خافوا الله انتو هملتم ولدكم وبنتكم وصار الي صار .., ربي ستر عليكم وفتح لكم باب تلمون هالبنيه الي مالها ذنب مع بنيتها... وان شاء ان بدر ربي يعافيه وقولوا لناس الي تسأل كفلنا ها اليتيمه بنية عافية بدر ..., خالد وهو يصارخ\ حطي نفستس بمحلنا وش بتسوين انا باخذها واحذفها قدام مبنى الرعايه.., لو ابي اكفلها كان رجعت فيها لبيتي وقلت لقيتها عند لها مسجد.. ومن هناك كفلتها ما طقيت ها المشاوير.., انا مابي شوفتهاحتى با الديره الي انا فيها..! خالد با اشمئزاز\اوصلها بيدي قدام دارالرعايه لا نشيل بعد ذنبها عساهاتموت قبل توصلهم..’ وضحى بحده\الحمدلله الي ماني في محلكم لكن البنت لا ترمونها بالرعايه خلوها عندكم وربوها يتيمه بين اهلها..!؟ خالد بحده\السوالف سهله يا وضحى لكن الفعل صعب انا مشاعل لو بيدي كان ها الحين ذبحتها.., لكن خايف ان الي سترناه وهي حيه بينكشف وهي مذبوحه..؟ ام بدر بغضب\ياوضحى خالد صادق الي يده با الماء ماهو مثل الي يده با النار.. قالت مشاعل لأبوها وام بدر خوذو البنت خلاص وسوو الي تبونه فيهاخالتي مالها ذنب تلومونها .., ام بدربا استهزاء \ يا وضحى انتي ورى ما تاخذين بنت بنت اختس وتربينها اذا انتي تبين الاجر.. وانتي حرمه عقيم ومالتس ضنا وبتعذرتس الناس لو درو ا انتس كا فلتها.. يمكن انها تبرتس وتشيلتس اذا كبرتي.. ام مشاعل بملامه \وش ها الكلام يا الهنوف خالتي جزاها الله خير سترت ها المصيبه الي بلانا بها ولدتس...’ ام بدر بغضب \ولدي الي بلاكم والا يمكن عرقآ وصخ من ساس اصلكن انتي وخالتس طلعت بنتس عليه والعرق الامحق يلحق...’ لا والله ضفن مصيبتكن وادفنن عاركن وخلي خالتس تكمل معروفها وتكفلها ماهو جيده بس تفتي لنا..., دبل كبدي هرج ام بدر وقلت\ انا بنت نمر بنته تم...، لكن بشرط لا يجي يوم وتدورون البنت وانسوا حتى ان كان فيه وضحى ...! وسميه بترجي \يا خاله خليها عنتس بنروح فيها لرعايه ام بدر ترى ما تقصد شي .., وضحى بزعل\ يا وسميه تقصد ما تقصد مانيب تاركه ها البنت وانا بنت ابوي..! وباخذها لكن شرطي لاتنسونه واعلمتس ياهنوف من هو عرقه الامحق .. والعرق الي انتي تعيرينا به ترى حنا وانتي به واحد خالد وتركي كانهم عيال عمتس ترى امهم من خوال ابوي..! دق صدره خالد \تم يا وضحى والله حنا نبيتس تنسينا.. وضحى\اجل خلاص تممو اوراق البنت .. ماني ماخذتها على عماها مهي سالفة يوم ويومين ..! وضحى بتهديد\ لكن والله لو يجي يوم تجون لي تبون لو شوفتهابس ما يحصل لكم خير..! مشاعل شايلةبنتها وهي تقوم تحضني وتحب راسي جزاتس الله خير ياخاله ..’ يوم ابعدت عني ماشفت الا خالد حذف مشاعل بكومة مفاتيح في يده وجات في راس البنت الي بحضنها..! تروعنا من دم البنت كلنا نحسبها ماتت مشاعل تصيح ورعه وام ولا في يدها شي ...؟ خالدووسميه وام بدريدعون ان البنت تموت طلعنا بها للمستشفى واتفقنا با الطريق على كلام واحد..!؟ ان خالد كان طالع للبر هو وحرمته بيسيرون علي .., ولقى عند مسجد جنب لهم محطه في طريق صحراوي كرتون فيه ورع ويوم شفنا الدم في وجهه جبناه لكم.. وعلى طول اخذو البنت منه واكتبوا عليه اوراق وتحقيق طويلآ عريض.. وجات الشرطه على طول قلت لشرطي الي يحقق معنا ...؟؟ انا ودي اكسب اجر الطفل الي لقيناه واخذه معي..! وانا ادري بنفسي انه لازم اوراق لكن ودي انه يكتب طلبي عنده با التحقيق..؟ خفت ان البنت تروح لرعايه ويجي غيري ويكفلها قبل يعطونياها.., الشرطي\ لازم اجرا ءات ما نقدر نسلمه لكم كذا.., والله يجزاتس خير بتتعبون شوي لكن ما يروح عند الله شي.. وعلمني الشرطي وش اسوي علشان اكفلها.., وامسكوتس با المستشفى يعالجون راستس كم يوم ويفحصون عليتس ...! وتسهلت الامور ورحت للاماره انا وخالد وجبت امر اني اكفلتس .. واختفوا اهلتس عني ماعاد حتى سمعت عنهم شي الا من الناس البعيدين.. ارسلت على عيال ناصر ومشوا با اوراق كفالتس وهم ما يدرون عن شي.., عارضوا اول شي واقنعتهم اني ادور الاجر وابي لي بنيه تونسني .. اخذتس وسميتس عوق ورجعت فيتس للبر وعقبها بلشت بمرضاعتس .. انا حرمه كبيره وانتي تبين رعايه ورضاعه ... ارسلت على حريم عيال ناصر عندهن ورعان كبرتس طلبتهن اجلس عندهن يرضعنتس لين تكبرين شوي...’ بس كم شهر لين تقدرين تاكلين تعذرن مني.., ومن عقبها خلاص طاب خاطري منهن وسكت ما عاد طلبتهن ... سعد يوم شاف حرمته وحرمة اخوه يتهربن ما يبن يرضعنتس وانتي ذبحتس الجوع...! قالي يا عمه اتركتس من النسوان عقولهن ناقصه بنجيب لتس خدامه تعاونتس على البنيه وتخدمتس .. قلت له ما تقصر جبها بلي هي به بس البنيه لاتموت ونشيل ذنبها.., ما اخذت يومين الاهو جايني با البروالخدامه معه...’ سعد\ياعمه هذا خدامه لتس وللبنيه على كفالتي مقدم فيها لبيتي بس انتي احوج لها منا.., ام عوق \ماتقصر جعل عمرك طويل والي انت دفعته فيها والله ان تاخذه والا مانيب عمتك .., يا امك ما عرف اسوي للبنت حليب والله اني ارضعها على عماها..! الخدامه ربي جابها رحمه لتس تزين لتس مرضاعه وتشيلتس وهي تحت عيني تنامين بيني وبينها.., عقب ما صار عمرتس حوالي 3شهور والا ازود..؟ الخدامه ما بغت البر...؟ وقالت لي رجعيني لديرتي العيشة بالبر تخوف ..’ وكل مره تنحاش ويرجعونها الاجاويد..., فكرت عقبها ان هذي ماهي حاله...! وحده من ثنتين يا اني اضحي بتس وارجعتس لدار الرعايه..! والا اني اضحي بحلالي واطلع للبلد ..! اخترتس على حلالي وحلال جداني .., واعطي العلم عيال ناصر بلي في خاطري.., وماقصر سعد وسالم قالواحلالتس ما ينفرط فيه و حنا الي بنشتريه..., وشروه وعطوني ثمنه..! وقلت لهم الدراهم لو بتقعد معي بتخلص...؟!! لكن وانا عمتكم اشترو لي بيوت ينفعني مثل بويتاتي الاوله..!! واشترو لي بحلالي كله بيوت واراضي وسعد اجرهن لي بيض الله وجهه وكل شهر يجيني خير منهن.. رحلت من البر الي قضيت به عمري كله.. ونزلت بواحد من بيوتي الي شريتها... وانا والخدامات الي يجيبهن لي سعدنتعاون عليتس ماتقرب روحة وحده منهن الا سعد جايبن لي غيرها.. وعشت هنا با الرياض ولا خالطت احد من قرايبي.. ماودي ان احد يحسستس بيوم انتس اقل من احد..’ وعقب بنيت بيتنا هذا اوسع وازين وعلى كيفي.. يوم كبرتي واحتجت نفعتس لي.. دقو علي اهلتس يبونتس وين هم عنتس من اول يوم اكلت علشانتس الحنظل..!؟ سكتت امي شوي وهي تمسح دموعها\ وياليت بعد بياخذونتس ويقولون بنتنا ويعترفون فيتس.. لا يبونتس طول عمرتس على اسمتس هذا مايدرى من انتي بنته.. التفتت ساره على امي \ يا وضحى انتي وش تقولين تبين تخربين بيوتنا, والله ان درى احد ان مشاعل جابت بنت قبل تعرس ..؟!! ان فضيحتنا على كل لسان وان بيوتنا بتنخرب ترى حنا 14بنت وكل وحده معرسه وراها عايله وحموله ..! لو نفذنا الي تبين اكثرنا بيتطلقن امي ماخافت قبل من شي بسيط وترى ما تغير شي الناس هم الناس...’ وان يجينا ما جا مشاعل من غبن وقهر...!!! ام عوق\والله انكن انتن الي تركضن ورا خراب بيوتكن ساره بترجي\يا وضحى فكري انتي وعوق بدر مريض ويائس من الحياه الحادث سبب له شلل وعجز كامل ماراح يقدر ينجب غير عوق مانبي شي من عوق غير ان بدر يدري بوجودها يمكن نفسيته تتحسن يوم يدري ان له بنت وهي عندتس تروح وتجي عليتس ساره بحسره وألم\بدر من كم سنه جاله سرطان فوق اعاقة الحادث .. لكن ان شاء الله بيزرعون له نخاع وفي امل كبيران لقينامتبرع يشفى من السرطان... كلنا جربنا وحاولنا نتبرع له وحتى عيالنا صلحوا تحاليل لكن مافي ولاواحد كان بينه وبين بدرتطابق..! يمكن عوق تتبرع له وتصير سبب خير..؟ مشاعل بذعر وانكسار\لا ياساره انتي ما كان هذا كلامتس قبل نجي ما اتفقنا ان عوق تجازف وتبرع لبدر..؟ انتي تبين تذبحينها تنقلين لها مرض بدر..؟! ساره بحده \انتي اسكتي ولا كلمه يا مشاعل..! ساره تلتفت لعوق\عوق عاقله وفاهمه ان المتبرع ما يجيه شي وهذي مفاهيم خاطئه عند الناس ماله اساس من الصحه..! ام عوق تهز راسها\الله يعين عوق عليكم..! ساره با استعطاف\امي بمرضها الاخير علمت ابوي ان مشاعل جابت بنت من بدر والبنت عندتس...! وصت عليتس قبل تموت لكن انتي رفضتي لاتجين وماتت قبل اتسامح منتس ..., مافي احد يدري بوجود عوق الا ابوي وعمي وهم الي ارسلوني لتس ذيك السنين.., ام عوق بتهكم \ورى هم ماجو والا كلموني ما اقول غير الله يرحمهم... ساره\وشلون يجونتس ابوي من درى بوجود عوق طاح مرضان من خوف الفضيحه تنشتر وتدري الناس بعوق... لكن خوفه على بدر وامله انه يتشافى هو الي خلاه يطلبني اكلمتس ويتم الموضوع با السر ولا احد يدري.. ابوي مات مغبون ومقهور على شباب بدرالي يكبر قدام عينه وهو عاجز على كرسيه.., ومحمل نفسه ذنب الي صار له .., وعمي خالد انتي خابرته عصبي ما ينتفاهم معه... ام عوق \لاحول ولاقوة الا بالله..؟ ساره بحزن\ بدرما يدري بوجود عوق وافقي يا وضحى لا تعسرين السالفه..., ام عوق بدهشه\وشلون تبون بنته تروح له وهو حتى مادرى بوجودها...! ساره بألم\حنا قلنا ماراح نخبره حتى توافقين ان عوق تجي معانا بعدها نقدر نقوله..., نخاف نعطيه امل وترفضن وعقبها ينتكس اكثر من اول.. ولا في احد بيدري عن شي الي يعرفون السالفه كلهم راحو لرحمة الله .. والحين مافيه الا انا وانتي ومشاعل لا تصعبين السالفه صيري انتي وعوق سبب خير تكفين لايصير قلبتس اسود ..! قهرني كلام ساره ولومها لأمي.. سكت وخليتها تطلع كل الكلام الي تبي تقوله حتى سكتت ...!! امي جمعت يديها على راس عصاها ونزلت راسها على ايديها ولا عرفت ترد على ساره...! عوق بتهكم\ما وقفت الدنيا علي بتلقون من غيري من يدور الخير.., خلاص ماكانو اهلكم يبوني اموت اعتبروني ميته.., والا اعتبروا مشاعل سقطت ذاك الحمل .. عوق بوجع \ياساره انتي الحين تسولفين سوالف ما يقبلها عقل...! بالله كيف تفكرين والا وش تحسبينا ما نفهم..! ما بروسنا عقل ...!؟ تبيني ارجع لكم با السر تخشوني ما يشوفني الا بدرواتبرع له من جسمي..! يعني انا بنظركم وش مخلوقه منه ما يهمكم امرض اتعب يمكن اموت...! ترى عيال الحرام بعد بشر من دم ولحم مانزلوا عليكم من كوكب ثاني ...؟ اطلعوا من حياتناوخلونا نعيش بسلام .., ومثل ماقالت لكم امي قبل انسونا السنين الجايه مثل ما نسيتونا السنين الي راحت...؟ ترى ان ظهرت بحياتكم الناس مافيها عمى ان ماعرفواالاسم عرفواالشبه ..! كم وحده جاتني في الجامعه وتسألني تعرفين بنات الـ فلان.. واذا قلت لا قالوا يخلق من الشبه اربعين...!! واسألي امي هذا هي قدامتس مره وحده ابلشتنا في عرس تقول انتي من بنات خالد والا تركي..!؟ انا مانيب صغيره واميز الصح من الغلط ..., خوذوالكلام مني انا المعنيه فيه .., الي نسوني وانا ملفوفه بكافولتي ما بيهم يتذكروني حتى وانا ملفوفه بكفني...! وهذا اخر ما عندي لكم جزاكم الله خير ودورو لولدكم علاج نفسي وبدني عند غيري..., ان كان شوفت ولدكم لي علاجه له...؟ ترى شوفتي له سمي الي بيذبحني ...! مع السلامه وانسوا ما واجهتم وقمت قدامهن وقفت عندالباب .. اسكتن وافهمن انها طرده لهن..., لبست ساره ومشاعل غطاويهن وطلعوا من بيتنا اخر شي سوته مشاعل التفتت علي وغمضت عيونها وعضت شفايفها..! تبي مني اي ردت فعل لكن قويت قلبي..., صديت عنها ورجعت ابيهن يعرفن انه خلاص ماعادلهم عندي انا وامي وضحى شي..!؟ لقيت امي تبكي في محلها على عصاها رفعت راسها... عوق\ يمه وش يبكيتس انا بنتس شوفيني والله ما ابدلتس ولا اتركتس يا ضي عيوني.. انتي مالتس غيري وانا مالي غيرتس والا هم ناسهم واجد.. وضحى\ يا عوق يا بنتي الشق اكبر من الرقعه ولا تلومينهن ساره اخوها مشلول ومريض ولالهم غير الله ثم ها الولد لو يقدرن يشترن العافيه بدمهن باعن دمهم على شانه .. انتي تحسبين اني صدقت ساره يوم تقول محد يدري من خواتها الا هي..؟! ادري انها تسذابه كلهن داريات بس وش يسون ما يبن السالفه تكبر..! ومشاعل ام انفطر قلبها على ضناها تركض وراهن يمكن تقدر تلمتس من جديد.. عوق بااستهزاء\انفطر ما انفطرشي يخصهم ذنبهن على جنبهن .. انا كنت صفحه سوداء بحياتهم ما صدقوا يقطعونها ويتخلصون منها.. يمه ساره ومشاعل حتى جيتهم لنا شوفي كيف خش ودس وجوا بوقت مافيه احد يدري عنهم ..؟ هم يبوني علاج جديد يجربونه على ولدهم يشوفون يمكن ينفع معه.., وينهم عني مادورني قبل مادرو ان مشاعل جابت بنت الا يوم دخلت الثانوي عندهم خبربوجودي من انولدت ..؟ انتي من دمهم ولحمهم ما انتي غريبه نقول يمكن اخذتيني واختفيتي ..! ما بغوني الا يوم بدر جاله سرطان ..’ والا انا ما فكرو فيني ولا جابوا خبري عوق تضم وضحى بحنان \الي قال ان الام هي الي تربي ماهي الي تولد ما كذب.. انسيهم يا ميمتي تكفين نبي نرجع لحياتنا.. وسوالفنا انا وانتي خلاص وحده بوحده انا اغنيتس عن الناس وانتي با المثل اغنيتيني عن الدنيا كلها..! مسكة يد امي وقومتها ابي اخفف عنها... امي وضحى ما تستاهل مني الا كل خير امي وصلت الي ارذل العمر 87سنه ماهي هينه ..., خايفه عليها من ها الي تشوفه ..! وعدى يومنا على خير ...’’ . . . . نجي لنجوم الغوالي: بنت من البنات ردت في البارت الثاني وقالت اتوقع عوق والدينها معروفين تستحق نجمه بنوته.. با البارت الاول نجمه للغاليه اراده توقعت ان العجوز ربة عوق وهي تعرف اهلها.. نجمه لبياض الصبح توقعت ان عوق بنت قريبة العجوز في البارت الثاني.. نجمه للغاليه شريط النسيان توقعت ساره عمة عوق .. نجمه ثانيه لنوف لتوقعها ان عوق بنت المريض من اهل ساره.. نجمه للغاليه ضمضم توقعت ان مشاعل ام عوق في البارت الثالث.. . . . بنات اتمنى اتوهكم ما ادري احس الروايه مكشوفه لكن ما عليه الوعد قدام.. في البارت القادم يوم الثلاثاء بأذن الله بيكون فيه حفله زواج, وفيها لصوص بيدخلون بيت ..؟؟؟!!! . . . . (كلمه اخيره) الجنة لم يجدها الفتية من أهل الكهف في قصور آبائهم ولا في دور قرابتهم ، وجدوها في كهفٍ مٌظلم مع كلب ، لأنهم قالوا (رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَداً) فأورثهم الله جل وعلا الرضا عنه في قلوبهم ، فلما دخلوا الكهف وهم راضون عن الله اتسع الكهف في أعينهم وارتاحت أجسادهم واطمأن حالهم ، وأورثهم الله ذكراً في كتابه إلى قيام الساعة ..! “ —[ الشيخ صالح المغامسي ] الي الملتقى قريبآ بأذن الله وسالفه جديده طيف الأحباب ام الوليد |
السلام عليكم ورحمه الله
يعطيك العافيه ام الوليد ومازال تعليق النجمات مستمر فيس نوف شل نجمته **** الله الله طيوف وش ذا الاحداث الماضيه والجديده صراحه بارررت منتهى العمق اعجبني تسلسل الاحداث اتوقع موت العجوز ام عوق قرب ويمكن تطر عوق تقرب من اهلها او ياخذها واحد من عيال خالاتها او عماتها يمكن العرس بالبارت الجاي عرس بنت جيرانهم اللي دخلت قسم دراسات ونواف والسرقه ببيت عوق وامها بس وش بيسرقون الله العالم تكون اوراق او شي يمكن عيال اخو ام عوق يبون يسرقون ختمها انتظر الجاي بشوووق |
مسااااء الخييير طيووف
بارت اليوم كشف جااانب كبير من القصة بجد قصة مؤثرة واحسها حقيقية وليست من نسج الخيال بصراحة وضحى ماقصرت وقفت وقفة رجال معهم وحفظت بنتهم لين ولدت ودارتها عن الناس وسترت عليها وعفب كفلت بنتها وربتها كل هالسنين رغم كبر سنها وتعبها وتخلت عن حياه البر الي تعشقها لاجل عيونها والحين جايين بكل بساطه يبونها وليته عشان عيونها عشان يعالجون بدر وتتطابق معه وش هالقلب عندكم وسعه الوجه لكن عوق ماقصرت وقفتكم عند حدكم وعلمتكم انكم ناسينها كل هالسنين وبنظركم انها ميتة كملو مابديتو ولا ابي شوفتكم ،، لكن الدنيا ماراح تدوم على هالشي ومصير الحي يتلقى وتشوف ابوها واتوقع ان وضحى ببتعب زياده عقب هالسالفة وراح تموت وطبعا راح ترجع عوق لاهلها واكيييد يبدورون حل لوجودها بس ماتوقع يعترفون بها من البداية لكن الحلو بالموضوع انه عرفت من هي بنته وراتحت من الهم الي تشيله،،صحيح انه عار وفضيحه لكن لادرت منهم اهلها هانت عليها طيووووف فكري مشغول بشي في خاطري الله ييسره يارب دعواتك لكن ماقدرت اوقف ولا تخط يدي وتعبر عن اعجابي بكل ماتملينه بهذ المتصفح تسلمييين يامبدعه والى الامام والله يوفقك لكل خييير |
اقتباس:
هلا ومرحبا النوفي تستاهلين البارت المفروض يكون بارتين لكن ما حبيت اعلق البنات با النص >>فيس يكره الانتظار بنشوف توقعاتك وش الي راح يصيب منها يعني ممكن نواف يتزوج بنت الجيران ننتظر ونشوف اسعدني مرورك |
اقتباس:
هلا ومرحبا ام شهوده اسأل الله العظيم رب العرش الكريم انه يسر لك امرك ويريح بالك لذة الراويه انك تشعر وانت تقراها انها حقيقه وضحى مثال كبير لكبيرات السن بحفظ الاسرار واهل عوق لولا الحاجه ما دوروهالكن بنشوف وش بيسوون علشان يرجعونها مرورك اسعدني ام شهوده |
مساءك ورد جوري
يعطيك العافيه ام الوليد في بارت اليوم اتضحت الحقيقه لعوق وعرفت هي مين رائع جداً سردك لـ الاحداث* وربطك للماضي بالحاضر اكثر من رائع ابد ما توقعت ان اهلها يرجعون يدورن عليها عشان مصلحة وصحة أبوها كنت أتوقع عشان الفلوس بس يازين اللي سوتها فيهم عوق ظلموها في اول عمرها والحين جاء دورها تظلم أقسى شئ على الشخص انه يعرف انه لقيط ثم يعرف ان أهله لسه عايشين وعارفين انه حي* رحمة عوق كثير وعمتها تسرد الحكايه صح الام طفله بس هم كلهم غلطانين مو مشاعل وبدر وقفة عوق في وجه أمها وعمتها راح تقويها اكثر زواج مين اللي راح يتم اضن ريم صديقة عوق والبيت اللي بيسرق بيت ام عوق وبس وش الهدف من السرقه الفلوس والا الأورق* ننتظر ونشوف السالفه القادمه وما تحمل من احداث دمتي مبدعه |
السلام عليكمـ...
. . . ماحد قال لي اني خذيت نجمه=( كان اسنتر ب اول رد^^...>فيس يبي ينافس بنجومه البنات هنا... . . . انا قايله عوق فيها لقافه ماهي بطبيعه.. ورى ماطلعت برى يوم قالت لها أمنا وضحى تطلع..آلآ ..تسمع السوالف..هذا انتي سمعتي السالفه كلها... آرتحتي..=& ما اقول الا الله يعين الفارس الملثم عليك=) . . . سبحان الله..عوق حست بحزن امها وماحست بـ انها منجذبه لها بـحكم انها والداتها وبفطره..> مكثره من المسلسلات . . . مشكلة مشاعل موجعه ..جداً..جداً ..جداً..وكثير متساهلين عندنا بـ اختلاط بنت العمـ بولد عمها بحكم ي انهم مثل الاخوان والا كذا تربينا وكذا كبرنا... وهذا غلط..والشيطان يجري في أبن أدم مجرى الدمـ..الله الهادي . . . محزنه اخت مشاعل وهي تسرد القصه ..وكيف لمحة التفاصيل موجعه للـمتلقي عوق..ولـ المستمع وضحى..ولـ الضحيه والجلاد مشاعل...! والجرح اعمق...لآ..صآر تقدر تطول دواه بس محرم عليك تداوى منه... هذا اسمك اليوم ي عوق وأهلك معروفين ونسبهمـ معروف.. بس محرم عليك ب قوانينا أنكـ تلتحقين فيهمـ وترفعين راسكـ بين الناس.. لسبب بسيط..رفعة راسك..فيها ..قـطع ارحامـ...و..طلآق..و...خراب بيوت ..ومصايب ب الجمله وماعليها حسم من المبلغ المستحق...! . . . غريبه هذي الدنيا ي طيف ندور شي يريحنا..واذا عرفناه..زاد شقانا..ي ليتنا قعدنا على الشقى الاول وماعرفنا شي..! . . . أعجبني وفاء عوق لـ وضحى ولو تحججها على ظهرها ماوفت لـ وضحى وقفتها.. وقفتي ي الوضيحي وقفه ...عجزو عنها الرجال .., . . . لـ عوق و مشاعل ... لآ شبَعت غِيَآب ( علمني ) ! ودي أحكي لك منْ غيآبك , وش حصصل : ( ! . . . آبدعتي ي أهل الابداع... . . . ب آلآنتظآر...! |
السلام عليكم ورحمة الله وبركاته ماشاء الله عليك روايتك روعه بكل تفاصيلها ممكن ام عوق تزوجها عشان اهلها مايخذونها وبعد ماتتزوج عوق تموت امها الزواج ممكن يكون عوق و نواف الحراميه ممكن يدخلون بيت وضحى ويسرقون شنطة الاوراق وهم مايعرفون وش داخلها اتمنالك كل التوفيق اختك خيال |
اقتباس:
هلا ومرحبا اموله من ضمن متناقضات الحياه هو وضع عوق يبون ولا يبونها اهلها على موقفهم يعني مجرد شي يبون يستفيدون منه وبعدين يخفونه مهم لا مشاعرها ولا وضعها يا خذون الشيس الي يهمهم بس ويتقاضون عن الباقي وضع ام عوق سمعنا وقرأنا عن بنات صغيرات هتكت اعراضهن نسأل الله السلامع لبناتنا وبنات المسلمين لكن الي اختلف بعوق ان البلا كان من الداخل من نفس اسرتها وامام الجميع بدون ما احد ينتبه للخطر الي كانوافيه توقعاتك بنشوفها في بارت السبت لأن بارت الثلاثاء ما يستحمل احداث اكثر من الي فيه فأجلت العرس والحراميه لسبت اسعدني مرورك اموله ومخبيه لك نجمه بتعرفين ليش في البارت القادم |
السلام عليكم و رحمة الله و بركاته
مساء الخير و الرضا من الرحمن ام الوليد مشكورة على النجمة << فيس فرحان فيها و ربي يعطيج الف عافية على البارت تسلم ايدينج يارب ====================== (( عوق )) ياه يا قساوة لما يعرف الواحد أنه اهله نابذينه و حالوا قتله و يتخلصون منه احساس موجع بس عوق ما شاء الله عليها تعرف تضبط أعصابها و لإنها لقت البديل اللي عوضها عن هالأهل اللي غلطوا و انكروا غلطتهم .. و اللي يقهر زيادة انهم ما بغوها إلا لمصلحتهم و للأسف بطريقة مدري شلون يفكرون فيها يعني بغوها تجي خادمة مثلا لبدر تداريه و تطبطب عليه من غير ما يدرون الناس انها بنتهم .. تفكير غبي و اناني .. بس السؤال عوق يمكن ردة فعلها هذي مبدئية عشان الصدمة بس هل ممكن تغير رأيها و تقول أنه أبوها و محتاج لها و تبي بره و حتى مشاعل يعني مجرد النظرة عرفت حزنها و حسته و اسمعت معاناة مشاعل اللي غاب عنها الراعي و كانت ضحية ... ================= (( وضحى )) يالبيه هالعجوز ربي يجزيها الجنة على اللي سوته لعوق و أنها ما تركتها تضيع بهالدنيا تصفق فيها يمين و شمال و هذا ربي جازاها بطوله العمر و بر عوق لها و ربي مبارك بحلالها .. بس ممكن وضحى تغير رأيها و تقنع عوق أنها تروح لأهلها بس بطريقة أنهم يعترفون فيها و لا لا راح تتمسك فيها للاخير و خصوصا أنه ما لها غيرها ... ================== (( مشاعل و بدر )) الغلطة كبيرة و الذنب يتحمله جزء كبير منه الاهل اللي تركوهم على راحتهم و ما قالوا الخلوة حرام و ممكن يصير فيها اللي صار أو انم نسوا أنه بدر يكبر و يصير رجال ==================== عندي توقع لزواج عوق أو شلون ممكن تروح لأهلها من غير ما يكشفون السر أنها ممكن تتزوج واجد من عيال خالاتها أو عماتها بما أنهم كبار و طبعا أكيد راح تصير مشاكل من الولد اللي بيكون عليه الإختيار و خصوصا بعد ما يعرف منهي عوق ... ==================== سلمتي يا أم الوليد بـ انتظار القادم .. .. .. |
اقتباس:
تستاهلين تاج من النجوم عاد اللقافه ما تلقينه الا عند الحريم وخصوص البنات كل شي يبون يعرفونه هذا عوق يوم التلفون تحسب احد داق يخطبها مادرت الخافي الفارس الملثم حبوب وطيب لكن تعرفينا يا الحريم بعضنا ما يرتاح غير يقرص علشان ننقرص قرصه مضبوطه تخلينا قاعدات عاقلات >>تذكرت قرصات امي اذا زرنا احد وتليقفت وانا صغيره ماغير احك يدي والبد وراها ما تحرك شعور مشاعل با الرأيي انه طبيعي احيان شخص من لحمك ودمك وتشوفينه لأول مره وانتي ما تعرفينه اكيد بيجذبك له شي الاختلاط والغفله هدمت بيوت بدون قصد وخصوص بين الاقارب الواحد يكون مأمن من ها الجانب ما يصحى الا بعد فوات الآمان الله يحمي اعراضنا واعراض بنات المسلمين ومع الانفتاح الاعلامي زاد الطين بله وموت الغيره بقلوب الكثيرين اول البنت ما يطلع صوتها قدام اخوانها الحين الله يرحم الحال بس غير اللبس الي تهاونوا فيه الناس عندي اثنين من اولادي الله يحفظهم واحد لو يشوف العالم ماشيه با الشارع متعريه ما يلتفت فيها يمكن يستنكرها بنفسه ويسكت والثاني لا والله الله يقويه ما تمره العوجه والحين اخته وبنات اهله كلهم يخافون منه كم مره يزعلون امهاتهم منه اذا شاف وحده من البنات واقف عندباب الشارع والا مرسله طلبيه وتستناها على ان اعمارهم صغيره اكبر مافيهم 6و7و8سنين بدون شعور يتلحق يا ما تلحق تدخل اذا شافته لكن تحصل نصيبها وتنضرب شوفي الي بيده ذيك الساعه مفتاح عصى الله يكرمتس نعال المهم وليدي يبرد قلبه ومع هذا عسى ربي يحقق احلامي فيه هو المحبوب على مشاكساته عند كل اهله غير عن عيالي الجوالات والرسايل الي با الثانيه تسميعين النغمه الي ما كرهت صوت مثلها عوق وكونها من اسره معروفه الي قصدت اني اقول انها من عايله معروفه ان الشيطان اذا لقى مجال يدخل اسره كبيره والا غيره ما يهم يحط ارحاله با المكان الي يلقى له منه مدخل محد بعيد عن دائرة الخطر عوق والمتنقضات الي هي فيها بنت غير شرعيه لأسره معروفه لايمكن بأي حال يقبل فيها المجتمع سواء مجتمع محافظ او غيره وكثير قرأنا وسمعنا عن قضية اثبات نسب في مجتمعات تسمي نفسها متفتحه وتؤمن بحرية الفرد وانه يعيش با الطريقه الي تريحه اي شي يخالف تعاليم الاسلام بيكون فيه جدال واسع وحتى المؤيد له وضع مشاعل مأساوي بمعنى الكلمه مهما حاولنا نخفف عنها لايمكن والا غرب ضمضم انا كلنا نقول متى بكرا يجي واحنا ما احنا عارفين وش في ها البكرا هاربين من اليوم ولا نبي نعيشه ونبي بكرا والله العالم وش يحمل لنا بكرا!! الوضيح وقفتها قليل من الناس يبرك لها ويشيلها ماهي بس كفالة يتيم وأمانة سر لـ مشاعل وعوق لو استعيد بواقعي ذكرياتي احيا واموت بالثانيه الف مره همي يجيني من جميع الجهاتي تجاوز حدود الفلك والمجره } .. الابداع هو مرورك على متصفحي المتواضع امام شموخ حرفك..." |
اقتباس:
هلا وغلا وانتي والله مشكور على المجهود الرائع على الرغم من مشاغلك الا انك تعطرين متصفحي بشذى مرورك عوق ردت فعلهااكيد بتكون كذا لأنها ماهي توها تكتشف حقيقتها 4سنوات من يوم عرفت الحقيقه اكيد انها خلالها تشبعت حزن وبكى وحقد على اهلها الي تخلو اعنها هي كانت حاطه في بالها كل توقع الا انهم يعرفون بوجودها ولا حاولو يشوفونها الا لما احتاجوها وحتى وهم محتاجينها ما يبونها تطلع للعلن تبقى في الظل ساره بكلامها فتحت كل الملفات وقالت الاسباب والمسببات انهم يبون عوق امل يتمسك فيه بدر علشان يعيش وجسد جديد تؤخذ منه عينه وهل من الممكن انها تطابق لجسد بدر اولا لكن قالت انها تروح وترجع على وضحى يعني بس وقت الحاجه لها تظهر واذا انتهت حاجتهم ترجع من مكان ماجات مشاعل حزن 22سنه على شباب ومراهقه اندفنوا تحت ذل الخطيئه اكيد بيكون للحزن وسم بوجها حرمت انها تكون زوجه وام وفي خدمة رجل عاجز وشالة الحمل لوحدها والكل يتفرج عليها اقصى ما يسوونه يطبطبون على ظهرها ويقولون الله يقويك على حملك استمري وضحى فعلن قليل با الحريم مثلها حفظت يتيمه وأمنت على سر وشاركت بشيل هم مالها ذنب فيه والنتايج بدت تحصدها ام عوق مشاعل وبدر الي صار لهم نتيجة التهاون وكلمة اطفال ما يفهمون انتم بس لا تفطنونهم وهم ماعليهم كثير سمعت ها الفكره توقعاتك بنشوف با البارتات القادمه وش الي بيكون صائب منها عوق اكيد بيكون عيال خالاتها وعماتها كبار وساره قالتها للعجوز ان وراهن عوايل هي وخواتها وخوات مشاعل الله يسلمك صبوحه مرورك والنقاش معاك ما تتخيلين كيف يسعدني |
اه ياربي كتبت رد وش طوله وراح وربي قهر
شخبارك طيوفه جيت طيران بعد ما قريت البارت صراحه يجنن وكشفتي لنا امور كثيره يسلو ايديك عوق اعتقد زواجها البارت الجاي لانه امها بتموت ويظطرون ياخذونها اهلها وحتى لاينفظحون بيزوجونها واحد من عيالهم رغم انه الناس راح تعرف بسبب الشبه القوي والدم لاكن هل عوق راح تروح لهم بسهوله ولار اح تعاقبهم على غلطتهم ننتظرك طيوف بشوق |
♪♪♪ O_O .. امس مرتين ادخل واطلع ولا انتبهت للبارت !! توني اقراه .. هالبارت بارت كششششششششف الحقاايق .. يممه منها هذي سارة بكل قوة عين جاية تقول نبيها تجي تتبرع ! الحين رامينها كل هالسنين وتبون تقصون عليها الحين !! مشاعل كسرت خاطري حسيت انها مغلوب على امرها .. كانت صغيرة وقص عليها الزفت بدر .. وبعدين عاشت الهم والقهر والنبذ من اهلها لين تزوجت بدييير .. عوق حبيت تمسكها بأمها وضحى .. وما كان مستغرب منها هالشي .. هالعجييز ربتها صح .. عواافي طيوووف .. بانتظار نجمة >> الناس تستنى البارتات وانا ابي نجوم خخخ .. لا عدمناك يالغلا .. ♪♪♪ |
السلام عليك ورحمه الله وبركاته
ام الوليد تسلم يدينك على البارتين الرووووعه جعل يمينك ماتمسها النار الصراحه ما اقدر اعبر لك عن مدى اعجابي بقلمك الرااائع كتبتي فابدعتي فابهرتينا يالغلاااا عووق واهي فعلاا عوق والله لان بكيت عليهاااااااا و ودي اخذ هالي اسمها ساره واكفخها لمن تقول بس الله ياخذها هي مع وجها بكل وقاحه تبي تاخذها بس عشان تتبرع لاخوها والا عوق ما همتهاااااا ان شاء تدور حاجتها ما تلاقهااااااا ومشاااعل ما قدرت لا احبها ولا اكرهااااا ولا حتى اتعاطف معهااا ليه مدري |
اقتباس:
هلا وغلا دائمآ تصير تكتبين رد ماتشوفين الا هو طاير وتتحطمين الزواج اجلته لبارت السبت لأن بارت الثلاثاء في حقايق بتنكشف توقعاتك ننتظر ونشوفها اسعدني مرورك |
اقتباس:
هلا وغلا حنو تدرين فقدتك لكن قلت مشغوله با الامتحانات ساره مثال لناس كثير تبي منك ولا حتى تفكر تعطيك وتتجاهل وجودك ما تتذكرك الا اذا بغت منك شي مشاعل بعد كم بارت بتكسر خاطرك اكثر وضحى زرعت وبيمتد حصادها لفتره طويله حنو خلك من النجوم بارت السبت اهداء خاص لك بما ان توقعاتك كم مره تجي من جنبها مرورك يعطي لردود نكهة بمذاق خاص |
اقتباس:
هلا وغلا عبوقه امين والقايل يارب ساره ما عليها الفضيحه مستوره وتبي تاخذ حاجتها من عوق وعوق بكيفها حتى لما كانت تطلب ان عوق يشوفها بدر كان اكثر كلامها موجه لوضحى يعني ماكان رأي عوق عندها بذيك الاهميه لكن وضحى سكتت وعطت المجال لعوق ترد عليها على انها قادره ترد على ساره مشاعل لنا لقاء معاها بنشوف بتبقين على نفس الراي اولا اسعدني مرورك العذب |
تسلم الايادي ام الوليد
انا من التابعين للقصه خلف الكواليس واعجبتني واجد قصه روعه شوي عليه جعل ايدينش ماتعرض على النار ساره بكل بجاحه ووقاحه جايه تطلب وتامر حتى بدون ماتقدر الانسانه اللي كانت ضحيه لاهلها تبيها تعطيهم بدون مقابل بدون حتى اعتراف انها منهم وحتى لوكان بين افراد العايله ماحبيت هالانسانه الى انعدمت عندها الانسانيه مشاعل كانت ضحيه اهمال الاهل وخوف من المجتمع تكسر الخاطر انحرمت من الامومه ومن الاحترام بين اهلها عوق اعجبني وقفتش مع امش اللي عطتش الحب والحنان ضحت علشانش بكل شي ومخلتش تحتاجين العطف من ناس ماتعرفه عسى الى بيخذها يعوضها عن اهل الندامه عندي احساس ان الي بيخذ عوق من اهل ام نمر في انتظار البارت القادم |
سلام عليكم
روايه حلوه مبين توني قريت بارت اول ليش تستبعدون بنت عمتي خالتها تعرف مراه كبيره حملت و زوجها متوفي من بعد ما شمت دواء حريم يقلون الورع كان في ضهرها مع ان سالفه ما ذش العقل بس ما في شي بعيد عن ربنا لكن ماتوقعها بتصير في روايه |
اقتباس:
هلاوغلا شموخ وحياك الله ساره مثال للكثير من الاشخاص الانانيين يبيون ياخذون ولا يعطون ويشوف انه واجب عليك ان تعطيهم لكن لما تطالب بشي من حقوقك ولو بسيط طبعآالمصير الرفض مشاعل فعلن ضحية اهمال وجهل وتساهل با امور تافهه وصلتها للمرحله بنشوف في البارتات القادمه هل عوق بتلقى الشخص الي يعوضها او ان رحلة العذاب بتستمر معها للأخر اسعدني مرورك شموخ |
اقتباس:
اتمنى تعجبك بقيت البارتات وسالفوالف الحريم واجد عش رجب ترى عجب اسعدني مرورك |
بسم الله الرحمن الرحيم
. . . هلا ومرحبا بكل الغوالي الي سطروا لي با المتصفح احرف من ماس تتلألأ فيها سماء الروايه في نهاية البارت السابق قلت انه بيكون في حفلة زواج وبيت بيدخلونه لصوص اجلت الجزئيه هذي لبارت السبت لأني كنت مقسمه البارتات وتفاجئت لماجيت انزل البارت لقيت انه اطول من الازم فا ضطريت اني اعيدالتقسيم والروايه قصيره ماهي طويله لما قسمت البارتات اكتشفت اختلاف بطول البارتات فما ابي اودعكم بسرعه ..., لا يفهم من كلامي اني بعلق الروايه او بمطط بها لااااا لأن خير الكلام ما قل ودل ...! انا من القارئات الي يكرهون ها النقطه با الكاتبات .., الا الي عندها ظروف عذرها معاها.., ما راح يكون فيه انقطاع بأذن الله الا بشي خارج عن ارادتي وغصب عني وان شاء الله بنوصل لبر الآمان مع بعض.. وانا ممتنه من كل قلبي من الالف الي الياء بدون تخصيص لكل الي مرواوقعوا بتعليق والا جاني اعجاب او تقييم على ما كتبت بارت السبت اهداء لمعزوفة حنين ..., وبارت اليوم اهداء للجميع بدون استثناء خلف الكواليس والا الي اسعدوني بتعليقاتهم... البارت اليوم لا يقل قوه عن البارت الرابع بتتكشف فيها حقائق جديده...! يالله تعالوا معاي نشوف عوق المزايين والتحديات الجديده..؟ . . . البارت الخامس . . . من بعدالي صار بينا وبين ساره ومشاعل .. وانا صارت فيني عاده شينه...! صرت مجنونة تنصت وتجسس على كل احد يجي عند امي..! وكل ما دق باب بيتنا ضيف قلت يارب سترك.. كثرت مسايير عيال خالي ناصرلأمي اذاماهو يوميآ يوم ورى يوم..؟ وبديت اخاف من جياتهم علينا ما عودونا يمرونا بالااسبوع اكثر من مره..!؟ وقبلها يكلمون على التيلفون يقولون بيزورونا..! وخصوص انا فيني عقده قديمه ما احب احد يجي وامي ماتكون موجوده..!! مره تفاجئنا انهم عند باب بيتنا..! وطلبوا من الخدامه يدخلون عند امي يبونها ضروري ..؟ حتى ما عطوا امي فرصه انها تطلع تستقبلهم...؟! انا بسرعه دخلت لغرفتي دخلتهم عليناوعجلتهم ابد ماهي طبيعيه...!! ادخلوا على غرفة امي وهالشي اول مره يحصل منهم ..! دايم مجلاسهم اذا زارونا من مظلة امي لمشبها ما يدخلون الا اذا تعشوا والا تغدواعندنا ومن المقلط ويرجعون..! وطبعآرحت امارس هوايتي الجديده التجسس .. واسمعهم يعاتبون امي.. يقولون لها ياعمه ورى سجلتي كل شي باسم عوق..؟! وضحى بحزم \ حلالي وبكيفي وعوق بنتي..! سعد بعتاب \ يا عمه الحلال حلالتس ماقلنا شي لكن عوق انتي عارفه انها ماهي بنتس ولا لها حق بمالتس.., وضحى بغضب \وانت جاي تعلمني الحق من الي ماهو حق لو انها با الحقوق يا عيال ناصر ماوالله لكم خيط با ابره عندي.., وضحى تأشر بيدها\ اسمع يا سعد انت واخوك الي جالس يسمع وجهه وجه الي جايز له كلامك.., انا اول نصيبي مع ولد عمي اخذني ورعة يتيمه عمري ما تعدى 13سنه..., ورباني على يده وضفني انا ووخيتي اهلنا ماتوا وخلوناوخلوا حلالهم ماله احد غيري انا والشقحا ..., وهو رجال راعي خير ومال وحلال وما قصر ضف حلالي مع حلاله... وزوج اختي الشقحاء خوي له وسافرت مع رجلها .. قعدت مع ولد عمي سنين ماجانا ظنا..! سيرت علي اختي الشقحاء ومعها بنتها وسميه توها والدتها... ومن يومهاهجاد ما ادري وش جاه دايم متعومس وخاطره متكدر..! جاني بيوم غاص حلقه بله سالفه وكل نهاره يبي يطلع هالسالفه وعقبها يهون ... قلت يا هجاد والله ان وراك علم ماهي عوايدك تدس عني شي...! رد علي يا بنت عمي انتي مالتس اخوان.., وربي سبحانه ماكتب لعمي ضنا غيرتس انتي واختس الشقحا..., هذي الشقحاء ما شاء الله اصغر منتس و بنتها بحضنها بطلقتس وترزقي الله.. يمكن يا بنت عمي البلا مني وانا وانتي كم لنا سنه مع بعض عسى ربي يرزقتس بولد يشيل كبرتس ..., والله انتس يا وضيح تسوين عيوني والسنين تمر وعمر المره محسوب عليهاماهي مثل الرجل ...! ولا اقدر اخذ حرمه وانتي عندي والله اني اظلمها واظلم نفسي...! ولا تحسبين فراقتس سهل لكن عسى الله يصبرني عنتس ...! يمكن ان طلقتس اتنساتس خوف من الحرام انتس بذمة غيري وتصيرين بدال ما انتي حرمتي اختي ...! كلامه ذبحني لكن هذا الصحيح حنا كم لنا معرسين الي تزوجوا عقبنا عيالهم يركضون وراهم .., وهجاد غير انه ولد عمي طيب وكريم وامين قليل با الرجال مثله..., قلت يا ولد عمي والله ان لك عندي مثل مالي عندك وازود...! ماارخصك ولا اترك وانا الامر بيدي.., لوان بتركتي لك وزواجي من غيرك الصبح اجيب ولد وبالليل اجيب ولد ما بغيتهم.., انت قلت الي في خاطرك وانا بقولك الي في خاطري ...! اهلنا مابقى منهم احد الا اناوانت ...! حتى الشقحارجالها ماهو منا..., طلاقي لايجي براسك ولاتفكربه... ما يفرقنا انا وانت غير الموت...! لكن دام فيها عرس ماني واقفه بحلقك ومن باتسر انا الي بجوزك ..., ومهر حرمتك والله ما يوخذ غير من حلالي وحلال ابوي...! يمكن يجيك ظنا يشيل ذكرك بين الناس وعيالك عيالي ..., وحرمه ماتاكل حرمه ..!! وانت ذيب ماتخون ولا تغدر ...! ما غدرتني بحلال ابوي تبديه على حلالك بتغيرك علي حرمه.. ماهقيت ولا تصير ابد من هجاد...؟! ويوم قلت له كذا قام وسلم على راسي وحلف وقال ؛ عهدآعلي يابنت عمي ما اعرس وراستس يشم الهوا..., كل ربعنا وجماعتنا لاموه يبونه يعرس .., الحلال والخيرلو غابت عينه من يراعيه..., كم رجال من خيرة الجماعه عطاه بنته وعيا عنها..., قال ماخلي حرمه تشغل بال وضحى وانا وهي يا تدفني يا ادفنها ..., واحج انا وهو ومن رجعنا من الحج وهو مريض وتوفى بعز شبابه الله يرحمه وراح وهو على كلمته وعهده لي مااخلفه.. عشت معه عشرسنين مرت كنها ساعه ماعمره جرحني والا غثني والا رفع حسه علي.., وها المره انا الي ضفيت حلاله مع حلالي واصير حرمةً رجال وارعى ورث ابوي وعمي ..., مرت على 4سنين وانا كل يوم يجيني مرسال من جماعتي والا من بعيد يخطب شباب والا رجال حريم من كبار الروس وصغارها.., عقب هجاد طابت نفسي من الزواج كله... مره طلعت ورى حلالي اتفقده وانشد الرعيان عن حال الحلال ... ماشفت الا عجوز من الجماعه الحقتني قالت يا وضحى ابيتس بسالفه الا خلصتي شغلتس تلقيني في بيتس..!! قلت لابالله امشي لبيتي هالحين وانا وراتس انتي ماجابتس الشي الهين..!! ما جا في خاطري الا انها تبي منيحه والا معتازه تبي لها حاجه...!>أي أن تقدم عنزاً أو ناقة أو بقرة ، لفقير كي يستفيد من لبنها وصوفها> وامشي معها وتسولف علي با الطريق.. العجوز \يا وضحى الاولين يقولون ان النصيحه بجمل وانتي وش رايتس..؟! وضحى با اهتمام\وانا شراية نصيحه هاتيها يا ام عوض .. النصيحة ليا عرضت ما يتركها و يبخس ثمنها الا الهبيل ..! ام عوض \محشومه يا بنت نمر ماهو انتي الهبيل ... وتمشي قدامي وتشلع من الارض شجرة شيح قالت تعالي .. ام عوض بتساءل \ تشوفين اثر لشجره ...؟ وضحى\لابالله مالها اثر الا حفيرة بيجي عليها كم يوم وتندفن ماعاد نشوف لها اثر...؟ يدوسها البهم والا تهب عليها الهبايب...!<البهم الابل والغنم والهبايب الرياح< ام عوض \انتي لاتصيرين مثلها ... وضحى بوجع\عرفت مقصدتس لكن وش تبيني اسوي طابت نفسي عقب هجاد من قولة يا عرس ..., اخاف اطيح لي بلي بلوة ابتلي بها وهجاد محد يسد بمكانه.., ام معيض\هجادالله يرحمه انا اشهد ان مامن مثله ما قلنا شي بس ما يصير توقفين حالتس يا بنتي عقبه ..! انتي تدرين وش يدور من وراتس..؟ وضحى بغضب\الله يقطع لسان الي يرميني با الباطل من خلقت وانا الحالي من عمره سمع عني علمآ شين ..ّ! ما طلعت علومي وانا بزر بتطلع وانا عاد ذا كبري..! ام معيض\والنعم بتس لكن انا احذرتس من غيرة الحريم منتس انتي بنتآ مزيونه وراعية خير ومطمع للعازب قبل المتجوز .., والله يا بنتي لو ينبح تسلب قدام بيتس ان العرب تقول وش نبحه حول بيت وضحى ...؟! وضحى بضعف \وش السواه...! ام معيض \انا اقولتس السواه فيه بناخي لي رجال كفو لكن يده خاليه مافيها شي .., ومن توفى هجاد وهو يبي يخطبتس يعزم ويهون .., يقول ودي في بنت نمر لكن العين بصيره واليد قصيره ماني من مواخذيها انا وين وهي وين..؟ بنتآ من وضحى عن مية ولد .., وضحى با استغراب\من هو ذا الي عنده بنتآ مني بمية ولد ..؟ ام معيض\ناصربن سعد..’ وضحى بضحك\راعي حلالكم..؟ ام عوض\اي بالله هو .., وضحى بثقه\ انا وضحى بنت نمر بن هجاد عييت من الشيوخ طويلين الاشناب اخذ راعي ..؟! ام معيض بااستعطاف\خوذيه يا وضحى والله ما تلقين مثله صايم مصلي يخاف الله .., ما تقولين بيطمع بلي عندي والفقر ما يعيب الرجال...! الرجال تعيبهم افعالهم.. وضحى\تعرفين من انا بنته يا ام عوض ..؟ ام عوض بثقه \ومن الي ما يعرفتس يا وضحى جعل اشباهتس ما تنقطع مع العرب .., وضحى بتهكم\رويعكم بكرا ما يتحمل لوم العرب له..! بيقولون ناصربن سعداخذ له وحدةٍ اهلها اطيب من اهله..؟ ثم يزل علي بكلام ما يجوزلي والا يجرحني .. وانتي تعرفيني نفسي ما تبلع الزله.. ام عوض بترجي \ طيعي شوري يا وضحى والله ماتنامين زعلانه والرجال ماهمه مالتس طمعه بنسب نمربن هجاد.. قلت اجل امهليني اشاور نفسي والله يقدم الي فيه خير وخيره لنا وله.. واخذلي حول الشهر افكر واقلب الامر براسي.., ناصر رجال ماعليه عشاه من تعب يده ولا عمر احد عابه لابقول ولا بفعل عيبه فقره .. كم شيخ ارسل علي خطابته يبني ثانيه والا ثالثه و عييت منه ما ابي مجاور الحريم وكيدهن.. انا نفسي ما تقبل المناحر والمداحرلقمتي لو انها بفمي وسمعت الي يغثني رميتها ماكلتها لو ذابحني الجوع.., وكم ولد اتعب مراسيله طمعان بلي عندي ورديته .., ادري ان ما ناقصني زين ولا مال ولا اصلآ طيب لكن راحة البال تنشرى بغالي الاثمان.., ويهداني الله واسمع شور العجوز واتجوزابوكم..., كان ليى احلى لي من العسل ولا يسمع بي .., ما يدعونه الناس الا بناصر الوضحى ..! ماعمره زعل وقال وضحى مهي ابوي يوم تدعوني با اسمها..؟! الا يتفاخر ان اخذوحدة مثلي...! واقعد انا وهو سبع سنين ما جالي منه ضنا دريت اني انا السبب ..., واطلبه عقبها انه ياخذله حرمه يمكن ربي يرزقه وهو معيي.., يقول يا الوضيح ماابي اجيب لتس حرمه تغثتس والرزق عند الله... قلت له الرزق عند الله لكن يبي اسباب وانا جربت حظي مع ولد عمي ولا جاني منه شي... ولو ولد عمي ربي طول بعمره اني لغصبه يعرس يمكن ربي يرزقه...! ما ابي الي صار لهجاد يصير لك..؟! لكن بكيفك يا بوسعد اختار يا انك تعرس لك على حرمه والا انا وانت نتفارق...؟ واغصبه غصب ياخذامكم انا الي اخترتها له.., بنت حلال ما شفت منها الي اكره لين ماتت..! وربي رزقه بكم وهو رجال يستاهل كل خير.. ويوم وكبرتوا شوي طلبته يترك البر ويدرسكم حياتنا ماتنفع لكم والدنيا تغيرت ..! ولا عاد ينفع بها الزمان الا الشهادات..., واطاع شوري واخذكم انتم وامكم ودرسكم ... وقعدت لحالي با البر كل ماجاني ابوكم ارجعه علشانكم اقول لايضيعون وضحى وسعد وسالم عقبك ..! وهذا انتم كبرتم وتعلمتم وكلكم ماشاء الله مدرسين وتزوجتم انتم واختكم وكلن شاف حاله ..., وانا اخذت ها البنيه من الرعايه كفلتها يمكن ربي يرحمني بها... وعقبها يا عيال ناصر جايين تحاسبوني وين اودي حلالي ...!! اكلت لكم حق يا سعد انت واخوانك ..؟! سعد بخجل \لا والله يا عمه..؟ وضحى بقهر\يا سعد وصلتوني لقصاي وقلت هرجآما تمنيت اقوله... مالكم عندي من حلال ابوكم شي...! تجوزته ماعنده غيرثوبه الي على ظهره ما طمعني فيه غيرانه من ساس طيب ونيته بيضا والفقر ماهو عيب ...! كنت ابيع من حلالي واعطي ابوكم الله يرحم ذاك الوجه الي ماطمع بريال اعطيه من طيب خاطر.., مالكم منه علي لا انتم ولا غيركم...! حتى الشقحا الله يرحمها مانسيتها ولا اكلت لها حق وهي اختي الحمدلله عطيتها حقها واكثر مالها برقبتي ريال..., والي له علي منه بريال واحد..., يجي ياخذ بداله عشره...! سالم بتردد\ياعمه ماهو المقصد لكن عوق انتي عارفه انها بنت استغفر الله... انا واقفه قريب من باب غرفة امي واسمعهم واحس اني خلاص بدخل عليهم واذبحهم وخصوص سالم...! يعني ما قال ها الكلام غير انت يا سالم لكن ما اقول الا سبحان الحليم الستار الحمدلله امي بردت كبدي ما قصرت فيه ...!! وضحى بغضب\اقطع واخس عن عوق.., عوق بنتي والكلام الي يمسها يمسني والله ياسالم كم ولد حلال لعب في حسبت الناس وظلم ونهب واعتدى.., هذي شي من الله عوق ماله يد فيه والي جابوا عيال الحرام تراهم عيال حلال ابليس اغواهم.., وضحى تهز راسها بقهر\والحمدلله الي ربي بصرني ولا نسيت بنيتي وكتبت لها بيت يظلها ويستر عليها بعد الله..., وضحى بألم وحسره \انتم يمكن عقب عيني ترمونها با الشارع ...؟! سعد با استنكار\يا عمه انتي ماهو بس البيت كتبتيه باسمها الا كل حلالتس وحتى الوكاله الي با اسمي ملغيتها...!! وضحى بتساءل\وانت وش دراك..؟ سعد بتردد\ هاه ايه ناس يبون واحد من بيوتس القديمه وعلموني ان البيت ماهو لتس با يعته لعوق ..! ومره بغيت اشري لتس ارض بدون علمتس لقيتس ملغيه الوكاله من المحكمه..!؟ وضحى بحسره \يا خوفي ياسعد انت واخوانك رايحين تحصون وش عندي وتبون تورثوني..., الحمدلله اجل الي الوكاله الي عندي الغيتها وقطعتها... ما حاسبتكم يا سعد ولا قلت بكم بعتوا حلالي ..!؟ الدراهم الي تعطوني وتقولون هذا ثمن حلالتس اخذها ولا راجعكم فيها..! وانا ادري ان حلالي يجيب اكثر .., الناس ماتستر شي يا عيال ناصر...! كم مره يجوني ناس تحذرني منكم يا وضحى عيال ناصر ماعطوتس ربع حقتس بحلالتس .., وانا ارد عليهم عيال ناصر عطوني الي ارضاني ..., والا تحسبوني ما ادري..؟ ثمن قعود من القعدان الي عندي يجيب لي بيت كبر ها البيت الي انا ساكنه...! انا بس الابل الي عندي وانتم بعتوها تغطي عين الشمس..! من غير الغنم.., ما يكفي الي انتم حطيتوه ببطونكم وش تبون بعد..!؟ وضحى بوجع\تكاثرتم علي وعلى ها اليتيمه بيت يضفنا وبيوت اجارها يكد علينا وتكفينا مدت يدينا لكم ولغيركم..! الي يعطي والي يمن عطاه.., وضحى بحده\يا الله خذ اخوك ولاعاد لكم مقعاد في بيتي الله يخسكم لا بالله ما طلعتوا على ابوكم ..!! ما اقول الا يا خسارة دموع كبيتها عند ابوكم علشان يعرس ..! والا دموع فرح يوم ربي رزقه بكم .., بيتي يتعذركم وحتى الي انا ناويه اخصكم فيها برضاي حرمتوا حالكم منه..! يا الله تيسروا وردو الباب وراكم تراه ماعا د بينفتح لكم غير ما انفتح..! لا والله انه ماهو كل حبآ على بذره يا عيال ناصر..! يوم سمعت حركتهم واركض للمطبخ واطلعوا واصفقوا باب البيت وراهم دليل انهم زعلانين...! وارجع لغرفة امي الا هي تبكي ... واقعد اضحك ..اضحك بشكل جنوني وامي تناظرني و تسمي علي وضحى بذعر\ عوق بسم الله عليتس وش بلاتس وش جاتس..؟!! عوق بممازحه\يمه انا وانتي على قولة الهندي سيم سيم..! انا طردت اهلي وانتي طردتي اهلتس ماعاد لنا الا بعض...’ يمه اهلي واهلتس ما يبون يعطونا يبون ياخذون منا...؟! وتقعد امي تضحك وهي تقول يا عويق انا وانتي ربي خالقنا وانا امتس لبعض... رديت \جعلنا ما نتفرق يا ميمتي .., الحمدلله تغير مزاج امي بعد ماعكروا عليها هالجاحدين ...! وضحى با استنكار\ تعالي انتي وش دراتس اني طردتهم..!؟ عوق بممازحه\يمه الله لايوريتس ها اليومين طايحه بطبع اقشر ماغير احب اتصنت على السوالف .., عاد يوم شفت سعد وسالم وهي تحكني اذني وتجرني لين سمعت هرجهم..! وضحى تهدد بيدها\ لاعاد تعودينها ترى التسمع للهروج مافيه الا المغثه ماهو كل مره تجي السوالف على الكيف... عوق بتساءل \يمه وش لون طرالتس تلغين وكالة سعد..! وضحى\مره جو عندي سعد وسالم واشوفهم عندهم هرجه ويغصغصون بها ودهم يقولونها وكنهم خايفين..! و يلمحون لي انهم ودهم في ارض طلعت لي منحه من الدوله الله يعزها قلت لهم يصير خير..., يوم طلعوا من عندي وكني نايمه واحد جا وصحاني من النوم..., قلت يا وضحى العرب الظاهر متقاسمه حلالتس وانتي حيه ...! لكن انا اوريهم كيد العجز وش يسوي ..؟ عوق بضحك\ماشاء الله عليهم عينك عينك يبون ياكلونتس زين الي ماسوو شي من وراتس..؟ ام عوق بقهر\ والله يا بنتي من شي اخذوه من وراي فتحوا عيون الناس عليهم...! والناس ما يخفاها شي...؟ قالوا حنا ما كلين وضحى ما كليناها ناكلها وهي تدري احسن من وهي غافله .. كل ماهذا الي جايني واحد من الجماعه يحذرني ياوضحى عيال ناصر لعبوا بحلالتس واناداريه بس وش اسوي مامن غيرهم لي قرابه..! عوق بقهر \ حسبي الله عليهم وياليتهم اقتنعوا بلي الهطوه يبون يقعدونا على بساط الفقر ..! ام عوق\يا عوق الوكاله انا ملغيتهامن طلعت لتس حفيظة نفوس مبطي..., بس هم مادروا غير الحين منشغلين بلي نهبوه قبل...! الحين تلقينهم بغو ا لهم حاجه من حلالي ويوم راحو للمحكمه دروا ان الوكاله ملغيه...!؟ عوق بخوف\يمه الوكاله من عطيتيها ...! ام عوق\ارسلت على مسلط ونوره واشورهم با السالفه..؟ قلت يا الربع انا طحت بش لاينشكى ولا ينبكى عطيت عيال رجلي وكاله مني ودرعوا بحلالي ولا عاد يشبعون...! انا خايفه يجي يوم يفلسوني حتى من بيتي الي ضافني ... مسلط \يا ام عوق الي راح راح والي اخذوه ماعاد هو راجع انتي حرمه كبيره ولا انتي حمل شكاوي ومحاكم.. تلاحقي الي ما بعد مدو يدهم عليه..., نوره ام ابراهيم بغضب\جعل ما خذوه منتس ياكل روسهم .., فكرت ولقيت مامن اصلح من مسلط يصير وكيلنا له مواقف طيبه ورجال فيه من مخافة الله واجد..! واطلبه وكنه تردد اول شي وعيا وتلح عليه نوره وتطلبه.., نوره با استنكار\ماتجي منك يا مسلط اتخلى عن وضحى وبنيتها هااليتيمه اجل الدنيا ما بها خير.. مسلط بتردد\يانوره ماني متخلي لكن وش بتقول الناس مسلط ضحك على ها الحريم وخلاهن يكبن قرابتهن ويوكلنه..؟ نوره بزعل \ جعل قرابتن مثل ها القرابه تنقطع وانت لاتسوي شي كثر الله خيرك وضحى ماتبي منك شي...! نوره تلتفت لوضحى بمكر\وضحى اغسلي يدتس من جارتس الي انتي تقولين مثل اخوي ... واذا على الوكاله انا اشوف واحد من عيال اخواني يمشون لتس بها يا خسارة مدحتس له با العون انقطع المعروف بين الناس .. وضحى \ابو ابراهيم صادق والله ما الومه خلق الله ماهي داريه وش بقلبه ..! مسلط يهز راسه بقلة حيله \ انتي صادقه يا ام عوق الناس مالها الا الظاهر لكن الله عارف بالخفايا والنوايا...! جهزي اوراقتس وانا واخوتس باتسر امشي لتس بهن .., مسلط بمزح \اهم شي النوري ما تزعل علينا والله يعينا على ها الامانه .., ومن باتسر طلعت انا و مسلط ونوره معنا وسواقي يودينا ويجيبنا ..! وابو ابراهيم له معارف وناس واجد بس تبي تخدمه ..., رجال راعي نيه وصدوق والي يقدر عليه يسويه بلا منه ويا ما خدم ناس واجد غيري..، ووكله الله يجزاه خير واكتب بيتنا هذا والبيوت الي انتي خابره والا راضي بسمتس..., خفت يا امتس من سعد واخوانه وان شاء الله اني ما ظلمتهم ..., والله ماهي منه وابو سعد الله يرحمه يستاهل وان كل الي هم فيه من خير انه من الله ثم مني.., عوق بتعجب\وانا اشوف كل ما شيكت على حسابي لقيته زايد..! ام عوق\ حسابتس الي با البنك ترى ماهو بس مني الدوله تصرف للي مثلتس يا بنتي معونه.., عوق با استغراب \يمه عمري ماتخيلت سعد وسالم الا انهم عيال اخوتس...! وضحى وهي تضحك\ انتي الظاهر ماهو بس اذنتس تحكتس لتسمع الا قلبتس يحكتس يبي يعرف كل شي..؟! عوق بممازحه \ فديت عجوزي شيخة البنات الي فاهمتني.., وضحى\ السالفه بسيطه من اخذتس وانا وانتي با الحالنا ما عشت في ذرا غير ذرابيتي .. يوم كبرتي شوي وفهمتي قلت لتس ان هذولا عيال خالتس ..., ولو قلت انهم عيال رجلي بتقولين اخواني وتجرئين عليهم ...! وانا يا امي اخاف واحسب لسوالف ما تفكرفيها بعض ناس..., واكيد الااخو ماهو مثل ولد الخال وانتي ما انتي قاعده طول عمرتس صغيره.., فقطعت العلم من اوله وكل شي خليت له حد انتي بنتي وما يجوز تطلعين لهم ماهم محارمن لتس .., عوق با اعجاب\ والله منتي بسيطه يا الوضيحي..!؟ وضحى بضحك\ امتس اعجبتس.. قمت من عند امي علشان ترتاح وتنام الضغط الي جاها اليوم ماهو بسيط.. امي كل فتره يطلع لها احد يتعبها بسبتي...! رحت لغرفتي افكر با المستجدات الي صارت بحياتي...؟! وحاجات كثير تفسرت لي كانت با الماضي تجهلني ...! خوف امي علي با الماضي كان نابع من انها تتكرر قصة مشاعل مع بدر الي بسن الطفوله صارو ام واب ...! نظرات سالم المريبه لي يوم كنت صغيره وكم مره حاول يتحرش فيني لكن ربي حفظني منه... وضحى اخت سعد وعيونها الي تقدح شراركل ما شافتني...! كلها طمع بفلوس امي من جهه ونظرتهم لي اني لقيطه من جهه ثانيه مالي حق بمال زوجة ابوهم...! ما دروا ان امي وضحى تقرب لي اساسآاكثر منهم .., وكم مره بنات جماعتنا يقولون لي يا عوق في شبه ودم يربط بينك وبين العجوزوضحى..! وانا ارد اقول طيب امي اكيد اشبه لها..! والا الي تقول بسم الله على وضحى منها.., واثاريهن في بالهم شي وانا على نيتي ...! متى بس اتخرج وارتاح..!!! وين تلقين الراحه يا عوق واذا تخرجتي وش بتسوين ..! مثلك مثل غيرك تبروزين الشهاده وتتفرجين عليها..؟ امي كل يوم يجي احسه يبعدها عني ويقربها من اخرتها.., صرت اكرهه الايام تمشي ودي توقف ولا يتغير شي.., الناس تحلم احلام سعيده في بكرا وانا كل ما يصبح صبح اقول ياربي تكفيني شرهاليوم...؟! انا عقب عين امي وش بسوي..! عيال زوجها من جهه.., و ساره من جهه الي تبيني يمكن انفع علاج لأخوهاوعقبها تخفيني..! من غير اعداء بيطلعون لي من تحت الارض لو امي بسم الله عليها جاها شي..! ضغط علي من كل جهه ضغط الدروس الي با الغصب امشي فيها والا ضغط العالم الي حولي .., والا تعب امي الي يوم عن يوم يزيد وامي تقاوم على شاني.., آه يا مخي ويا مخيخي باامد سجادتي اصلي واشحذ ربي على قولة امي ...’ العبد با التفكير والرب في التدبير.. . . . نجوم اليوم كانت من نصيب؛ الغاليه اموووله با البارت الثاني توقعت ان عيال اخو العجوز كل ماجو ضغطوا عليها ورفعوا ضغطها ليش تسجل املاكها با اسم عوق تستهالين النجمه اموووله. (كلمه اخيره) ُب ركعه في ظلام الليل : .. أحيت قلباً …. وغفرت ذنباً ….. وسترت عيباً …….. ورفعت مقام صاحبها في عليين صلاة الوتر جنة القلب الي الملتقى قريبآبأذن الله وسالفه جديده طيف الأحباب ام الوليد |
بسم الله الرحمن الرحيم السلام عليكم ورحمة الله وبركاته أم الوليد........... سلمت يداك على هذا الإبداع وهذه العذوبه في السرد أحس كأنك تحدثينني بشيء أراه أمامي كأني بوضحى وهي تحمل الألم طوال هذه السنين وكلما خرجت من مشكلة وقعت بأكبر منها وهي تتحدث لأبناء زوجها كأنها تجتر الألم من جديد على فقد ابن عمها الذي كان الزوج والأخ والحبيب والحامي بعد الله ولكن كما قال عز وجل: الطيبون للطيبات رزقها الله عز وجل بعدها من وقف معها وساندها فترة من الزمان حتى أخذ الله أمانته ما استغربت له أن أبناء زوجها كانوا معها على أفضل ما يكون فلم تغيروا هكذا؟؟؟؟؟ ألأن الفلوس تغير النفوس رغم أنها ما حاسبتهم يوماً على ما أخذوا من ورائها أم أنهم يرون أنهم أحق بمالها من غيرهم رغم أنهم شرعاً لا يرثونها لوفاة أبيهم قبلها عوق........... كنت متأكدة منذ البداية أنها ليست مجهولة النسب ولكن للأسف أن تكون نتاج علاقة غير شرعية وضعت يدك على الجرح حول علاقة الأطفال ببعضهم واختلاطهم الغير محمود فنحن أحياناً ننظر للبنت والولد على أنهم لازالوا صغاراً رغم أنهم قد جاوزا الثانية عشر وبعضهم قد يكون بالغاً في هذا العمر ومع ذلك لا نتنبه للمخاطر التي قد يمرون بها ولا نحاول أن نوضح لهم حدود العلاقة التي يجب ألا يتجاوزوها في تعاملهم مع بعضهم البعض ليس لدينا ثقافة كافية نعطيها لأبنائنا حول تجاوز الحدود في التعامل فيما بينهم بل أننا حين يسألوننا عن بعض الأمور الحياتية التي تشكل عليهم أحيانا في هذا السن أول كلمة نقولها لهم عيب دون أن نشرح لهم لم قلنا ذلك عيب أن تلعبي مع الأولاد عيب أن تدعيهم يرونك في هذه الوضعية أو تلك عيب أن تتحدثي معهم في بعض الأمور التي نراها نحن مخجلة وهم لا يدرون لماذا نراها هكذا عيب، عيب، عيب........................... والأمر ينطبق على الجنسين ولكننا لا نوضح لهم لماذا قلنا ذلك أنا لا أدعوا للانفتاح الزائد عن الحد ولكن في ظل المتغيرات التي نعيشها في هذا الزمان لا بد أن نتعلم كيف نزود أبناءنا بالمعلومة التي تفيدهم دون أن تخدش الحياء أو تسيء الأدب أعلم أني شطحت كثيراً ولكن آلمني أن تكون عوق نتاج علاقة غير شرعية بين طفلين قد لا يكونان تجاوزا الخامسة عشر من عمرهما تحت مرأى ومسمع أهلهما وهم لا يعلمون بما يحدث والعذر أنهم أطفال يلهون مع بعضهم البعض حين تحدثت عوق عن أنها لا تحب أن يأتيهم أحد وأمها غير موجودة هل يعقل أنها قد تعرضت للتحرش ذات يوم وهل من الممكن أن يكون ذلك على يد سالم!!!!!!!!!!!! غاليتي............ أبدعتي فحق لك الثناء وشكراً لا تفيك حقك فيما خطت يداك سلمت يداك وجزيتي الجنة دمت بحفظ الله ورعايته |
ما اجمل هذا المساء ام الوليد
مشكوره على النجمه باحطها جنب أختها اللي من سهم المملكه* عاد أنا من صغري وانا احب اجمع النجمات عقبال الاوسمه* يعطيك العافيه ابدعتي في سرد الماضي وربطه بالحاضر عادة عوق الجديده راح تفتح عيونها على أشياء اكثر هي ماتعرفها وكل يوم تتفاجاء بشغله جديده تفكير وضحى انها تبعد عوق عن الناس تفكير صحيح لأنهم يعرفون اصلها فمن خوفها عليها خلتها تحت جناحها فعلا ابن ادم مايمل عينه الا التراب المره واثقه فيكم وانتوا تخنونها ليش الحقد ملا قلوب الناس بس يعني هم ما كانوا يعرفون ان أبوهم ما عنده حلال والحلال كلها لـ وضحى فليش يحتجون على شئ مالهم فيه نصيب الحين كلهم متزوجين حسب ما فهمت يعني ما فيه احد منهم بيأخذ عوق واصلا بعد اللي سواه ما راح توافق بس من هو الفارس اللي بيأخذها وبيرضى يأخذ لقيطه اعتقد ان ساره راح يكون لها دور في زواج عوق* توقع يمكن يصيب يمكن لا اذا كان صائب اعتقد انها بتخلي ولدها يتقرب منهم وتحبها عوق ويتزوجها * السرقه اللي بتصير راح يقوم فيها عيال ناصر عشان يسرقون الختم ويزورون الاوراق* ابدعتي فلك لكل الشكر والتقدير |
على الغرم من جهل وضحى ..الا انها بعقليه عن الف متعلمه ..الايمان ينور القلب والعقل
معاناه عاشتها وضحى مع حظ حلو مع زوجيها ... عيال ابو سعد ...ياحيف رجال عايشين على عاتق امراءه ..ما يسد عينكم الا...التراب ام ابراهيم وزوجها ...رب اخا لم تلده امك هذا المثل ينطبق عليهم .. طيــــــف الود لقلبك |
السلام عليكم ورحمه الله اولا الف مليووون مبروك اموله على النجمه تستاهلينها عقبال الوسام ^_^ ********* جزء اليوم براااااافو طيوووف بجد موازي للرابع بكم الجديد مخالف للتوقعات عيال ناصر هم عيال رجل وضحى صراحه كنت مفكرتهم عيال اخوها نفس تفكير عوق سالم كان يتحرش بعوق معلومه خطيره ممكن توحي لنا ان لهم مصايب بالبارتات الجايه وتوقعي انهم ماراح يسكتون ابدا ممكن يحاول واحد منهم يتزوج عوق عشان يسترجعون الحلال بس توقعي ان عوق راح تصمد وترفض ويمكن تتزوج قريب جيرانهم (نواف ام الوليد ماتلاحظين اني كل بارت ازوج هالضعيف نواف لوحده ياخوفي بالاخير يتزوج ريم وعوق سوى :lol: حياه وضحى القديمه وزواجها من ولد عمها يااااااااي طيوف والله رجعتينا لقصص اول وحكاوي جداتنا يالله ياني اعشق القصص القديمه واخبارهم ووفائهم ****** كلام ام عوق عن ابلها وان راس منهم ممكن يجيب قيمه بيت صراحه قلت يمكن انهم مشاركين بمزايين الابل خخخخخ دخلت جو صح ******* ام ابراهيم ومسلط هم اهل ريم ؟؟ جيرلانهم ام نمر يعني والا ناس غير فيس ضيع طيوف ننظر هديه حنوووووو البارت السادس |
♪♪♪ يوووه .. طلع مو بس اهل عوق الحاقدين .. حتى اهل وضحى ..! ما توقعت اصلا ان رجلها له عيال من غيرها .. اممممممممم اتمنى انه كذا خلصت سالفتهم مع اني ما اتوقع .. اكيد بـ يمرمرووون المسكينة عوق ! مسلط حبييييته هو والنوري ^^ .. وتسسسسسسسسسسسسسسسسسللللمين طيوفة http://www.liilas.com/up/uploads/liilas_13198325301.gif .. وبانتظااار بارت الهدية ياقلبي .. لا خلا ولاعدم .. ♪♪♪ |
اقتباس:
وضحى مثال لكثير من جداتنا وحريمنا الاولات من صبر وتحمل على دواير الدنيااعرف عجوز توفت الله يرحمها ومات على يدها ولدها البكرواثنين من بناتها وزوجها وقدام عينها توفوا عيال عمها وهم كانوا اخر من بقى من اهلها وكانوانعم الاخوان وتوفت قبل فتره عمرها 90سنه وهي تقول الحمدلله عيال زوجها وضحى قالت ماهو كل حبآعلى بذره وفتنة المال عظيمه خصوص انهم كانوا مستضعفين وضحى لأنها عمرها ما حاسبتهم على شي وهم عارفين ان مالهم حق يوروثنها بعد موتها فا الي ما يقدرون يا خذونه بعد وفاتها صاروا يسحبونه وهي على قيد الحياه وضحى قنوعه وعارفه ان مالها وريث فشرت دفئ العايله با الي كانوا يبتزونه عيال زوجها لكن الطمع يذهب ماجمع وخلى وضحى تقلب عليهم عوق ونسبها هي الحقيقه الي نتمنى انها خيال قبل يومين قريت بمنتدى بنت تبحث عن حل عمرها با العشرينات وتنخطب كثير وترفض سبب رفضها انها وهي طفله ولد عمها كبير با العمر اعتدى على عرضها وهي خايفه ان الموضوع ينكشف اذا تزوجت ولد عمها تزوج وطلق زوجته ورجع خطبها وهي رافضته تقول اكرهه وانا ما ابي اتزوج اصلن لكن ابوي بدى يشك وكل الحلول انصحوها ماتتزوج ولد عمها لأنه حيوان وحقير معدوم الانسانيه انا ماعرفت اكتب حل لها الا اني قلت استخيري وتزوجي ولد عمك وحتى لو فشلت حياتك معاه لقب مطلقه ولا شي ثاني تخيلي كانت الردود على الموضوع بشكل خطير وحذف الموضوع فعلن اراده ما عندنا احنا حتى اسلوب ننصح اولادنا حتى مرات ودي اتناقش مع عيالي بها المواضيع لكن اجبن ما اقدر افتحها اخاف الفت انتباهم على شي غافلين عنه يا حلو شطحاتك اراده الله لايحرمني منها توقعاتك بنشوف با البارتات القادمه اسعدني مرورك ونقاشك الراقي على فكره اراده لك معجبات بردودك من خلف الكواليس وحده منهم من بنات ابو ابراهيم بنتعرف عليها با البارتات القادمه |
اقتباس:
هلا وغلا اموووله لك نجمات مخبيتهم انتظرهم يكثرون شوي واطلعهم لك حقيقه لما نتعلم شي جديد نندفع له بجنون مثل عادة التصنت لين يجي موقف او نمل بعدين نوقف ونترك ها الطبع وضحى حرمه كبيره وهي اصلن مالها اقارب الا بنات وسميه وهذولا ماتقدر تقرب لهم بحكم وجود عوق معها وعوق اغنتها عن الكل عيال ناصر الطمع وخصوص بمثل وضع وضحى هم عارفين ما في احد بيورثها وخصوص مع غياب بنات وسميه ونسيانهم لوجود وضحى توقعاتك بنشوفها قريب ونعرف الصايب منها عوق اكيد بتتزوج لكن من هو الفارس الملثم وعن اي طريق بيجي ممكن ساره ليش لا او يكون لها علاقه فيه كل شي جايز اسعدني مرورك امووله وممتنه لحرصك على التواجد بمتصفحي |
اقتباس:
احيان مدرسة الحياه تعطي دروس اعمق واكبر من الي نتعلمهم با الدارس والجامعات ومثل ما قلتي الايمان يقود الايمان والثقه بالله تقود الانسان الي طرق الخير بدون ما يشعر عيال ابوسعد الطمع وما يسوي عايلة ابو ابراهيم مثال كثير لناس طيبين عايشين بينا اسعدني مرورك الرقيق |
اقتباس:
توقعاتك بنشوفها قريب وترى من زمان في ابل اسعارها فلكيه قبل المزايين نواف دكتور واهل فرحانين فيه معقوله بيزوجونه عوق اللقيطه انتي وش رايك ام نواف *ــ^ ريم عوق يتزوجون رجال واحد عاد انتي تعرفيني من ها الناحيه انا بقصة الظنون الحايره واكتب وقلبي يرجف اخاف الحلم يقلب حقيقه تبيني اخليه واقع هنا يمكن كل شي جايز ام ابراهيم اسمها نوره وابو ابراهيم مسلط هم اهل نمر مثل ما قلت بأول الروايه ان مسلط متزوج من نوره وهو رجل كبير با السن وعنده منها 5بنات و3عيال من ضمنهم نمر القصص القديمه كلنا نعشقها وكنت ناويه اخلي وضحى تقول كل يوم قصه لوضحى لكن حسيته بيكون حشو با الروايه بدون فايده فا استغنيت عن الفكره اسعدني مرورك ام نواف وجودك انتي با الذات هديه لي ننتظر الحفل السبت هدية حنو وعلاقة عوق فيه |
اقتباس:
هلا وغلا حنونه الحياه مليانه منقصات بتشوفها عوق با البارتا الجايه مسلط والنوري لو خليت خربت وهم مثال لكثير من العوائل البسيطه الي تملك نوايا حسنه وقلوب بيضا تعطيك لو ابتسامه او كلمه طيبه ولا تنتظر الجزاء اسعدني مرورك بارت السبت اهداء لك وفيه عرس وطقطقه فرح وطقطقة حراميه يكسرون الابواب انتظرك حنون |
السلام عليكم و رحمة الله و بركاته
صباح الخير و الرضا من الرحمن تسلم ايدينج يا ام الوليد كل بارت يقول الزود عندي ======================== (( وضحى )) يالله حياتها عبرة هالعجوز من اولها لتاليها بس أبد ما توقعت ان سالم و سعد يكونون عيال زوجها و يسون هالسواة فيها و خصوصا أنها بكل مرة تمدح فيهم و أنهم قايمين بحلالها بس المال السايب يعلم السرقه و هم شافوها عجوز بريحاتها ما من والي غيرهم قالوا نأخذ اللي الله يقدرنا عليه و زود و ما حسبوا ان الله وراهم و يراقب أعمالهم بس وضحى طلعت قدها و قدود و الحياة علمتها لما صقلتها و خلتها تعرف تتصرف و خصوصا بعد ما هي شايفة حقدهم على عوق زين منها كتبت الحلال بسمها .. بس الله يستر لا يطلعون بسالفة جديدة و ان واحد منهم يتزوجها أو يزوجها لعياله << إذا كانوا كبار بعمر عوق عشان يكون لهم منفذ للحلال ... ====================== (( مسلط و نوره )) يالبيه الجيران اللي جذي عزالله أنهم سند و قول و فعل .. أهم اهل نمر المحرم اللي قلت بتعليق فات أنه أخو عوق بالرضاعه و أنه ممكن مشاعل راضعته بس الواضح انه مشاعل ما عندها عيال غير عوق بسبب مرض بدر السؤال ليش وضحى كل ما قامت و عقدت قالت المحرم يعني معقولة بس عشانه صغير بس الصغير يكبر و أن اخذهو على الوضع بيستمرون عليه ليش ما قالت المحرم عن عيال زوجها اللي بررت لعوق السبب ... اتوقع أنه نوره مرضعه عوق مع احد من عيالها و الأرجح ريم بما أنها بعمرها و خصوصا أنه وضحى لما اخذتها كانت مبتلشة برضاعتها فعشان جذي كل عيال نورة اللي من ريم أخر واحد يكونون اخوان عوق و ابراهيم و الثاني هل هم أكبر من ريم و لا أصغر ؟؟ ========================= الحفلة اللي بتصير اتوقع في بيت نواف أما السرقة ممكن احد أو سالم و سعد يسرقون بيت وضحى و يستغلون غيابها هي عوق عن البيت ... ========================= بــ انتظارج بكل شوق .. .. .. |
السلام عليكمـ...,
. . . ينطبق على الوضيحي المثل الي يقول اتـقي شر الحليم اذا غضب...! وينطبق على عيال زوجها...[ضربني وبكى سبقني واشتكى...!... . . . من ناحية تلصص وتجسس عوق لاحظت اذا دخلنا بحالات نفسيه سيئه تطلع لنا صفات جديده لنا...ماكنا نعرفها...ولآنصدق في يوم نسويها... آشرتي لها ي طيف بنوع من القاء الضوء المقصود ماشاء الله عليك.. . . . حياة الوضيحي كانت صعبه...سواء ب الشباب او بكبر.., صعب الانسان مايخلف له ضنى ..صعب جداً الله لايحرم الـراجين من الله زينة الحياة الدنيا من البنون.., ممكن عوضها ربي ب عوق..وقصة العوض ممتده ..سواء بـ المحبه في الدنيا او بعد موت الوضيحي في الصدقه والدعاء..صدقة المقوله [ العوض ب الله..] . . . ام الوليد مؤيده لكلام الاخت اراده في موضوع تعرض عوق لتحرش من سالمـ...ممكن على الرغم من جنون الحرص من الوضيحي الا انه ممكن تعرضت لمحاولة تحرش من سالمـ..آو..انها شافت عليه شي ساتره الله عليه مافضحه..بدليل كلمتها سبحان الستار الحليم! . . . اموله مبروك اول نجمه =) عقبال معزوفه >فيس حاضن نجمته ويدفيها من البرد.., . . . لـ الوضيحي هُمْ هَكَذَآ دَآئِمَاً يَزْرَعُونْ أنفُسّهُمْ دَآخِلَنَـآ .. وَ يَرْحَلُون....! . . . بـ الآنتظآر...! . . . |
اقتباس:
العجوز كانت شاريه قربهم وحتى وهم يستفيدون من وراها يعني كانت تستر على الي هم يسوونه لأنها عارفه مالها غيرهم والمال الي هم ياخذونه من وراهاهي مالها وريث فكانت قنوعه بلي عندها وحافظه ود ابوهم لها وخصوص ان زواجه من غيرها وانجابه كان برغبتها مسلط ونوره كثير جيران مثلهم الجار الي يعتبرك واحد من اسرته عايلة ابوابراهيم مثل ما قلت خمس بنات و3عيال ابراهيم اكبر منه بنتين واصغر منه 3بنات واصغر شي اولاد اثنين الي هم نمر ولد اصغر منهم واكيد بنمر على عايلة ابوابراهيم لكن مرور عادي لأن القصه المحور الاساسي عوق مافي تفرعات كثيره مجرد مواقف معهم توقعاتك بنشوفها في البارتات القادمه حتى موضوع الرضاعه لنا وقفات معاه طويله وانا اعتبر الأخوه با الرضاعه من اعظم نعم الاسلام علينا مرورك اسعدني وتحليلاتك تشدني صبوحه با انتظارك السبت بأذن الله |
اقتباس:
هلا وغلا ضمضم فعلن المثل ينطبق على وضحى هي كانت شرايه دفئ العايله لكن هم زودوها وفي ناس كل ماعطيتها فتحت فمها زياده يبيلك تلقمها حجر علشان ترجع لرشدها حقيقه احيان تجينا ردود افعال بمواقف مانتخيل انها تصدر منا وحتى لو شفناها من غيرنا انتقدناها اكثر اهلنا الاولين حياتهم صعبه ولازم تلقين بحياة كل واحد منهم مأساه خفيه او ظاهره لناس ومع هذا ماشين طبيعي ومعانتهم لو مرت احد منا اليوم اتوقع مكانه العيادات النفسيه هل قوتهم استمدوهامن قسوة الحياه وضعفنا كان من حياة الرفاهيه الي احنا عايشينها ؟؟؟!!!! بمنظوري العيال متعتهم وهم صغار اكثر من هم كبار الله لايحرمنا منهم لأن سبحان الله البر خفي ما تدرين احيان بنت او ولد اخو او قريب يبرك اكثر من ضناك .. واعرف عايله الله يحفظهم من كل شر عيالهم يبرون اعمامهم واخوالهم مثل والديهم الله لايحرمنا بر ابناءنا ولا نحتاج ان شاء الله الا ربنا وضحى زرعت بنشوف وش تحصد توقعك انتي واراده بنشوف قريب هو صائب والا في شي ثاني؟؟؟ حنو تستاهل بارت وبارتها كله طقطقه.. وهواجيس؟؟!!!!!! لــ ضمضم السكوت الي احتواني سبته كثر الطعون والجروح الي غزتني عمرت فيني الحزن ! اسعدني مرورك |
أم الولييييييييييييييييييد عسى يمييينك ماتمسها الناار قولي آآآمييين الرواايه بجد تستحق القراءه والله دخلت جوووو معها بقووه أحسهاا واااقع وكأنها ساالفه نعيشها وصفك للأحدااث وتجسيد الموااقف روووووووعه أحس إني عشت معهم الوضحى بُعد النظر والتخطيط والحكمه من جد ذكرتيني بشخصيااات إنقرضت وقل وجودها يعني بماأنها مرأه ووحييده مااا أثر هالشي فيها وضيع حلاالها وغيير حفظها لهاليتيمه وتربيتها التربيه السلييمه ولا أثرت فيها الأفكار الفااشله وأنها بنت حراام حيااتها مع جهاد وعييين العقل والصواب لما بدت ولد عمها ع مصلحتها وحياتها في سبييل إحياء نسب العايله أبدعتي صرااحه بذكر قصتها على أنها مختصره إلا أنها معبره وتحمل هدف عوووق وآآه ياعوق من جد تحزززن بس ربي عوضها بهالعجوز الطيبه الي تخاف الله فيها ويمكن لو عااشت مع أمها وأبوها ماراح تلقى إلي لقته من هالعجوز معرفتها للحقيقه ومعاناتها بالمجتمع الي هي فيه موووجعه والطبع الي أكتسبته من معرفتها للحقيقه ماهو إلا ردة فعل طبيعييه وأقل بعد لأنها تفكر إن فيه شي مخبينه عنها ولازم تعرف وش يدور حولها بس الأهم إنو يكون تأثير هالطبع إيجابي مو سلبي مسلط ونوره يااااااه ع طييب الأصل من جد وقفة رجاااال عيال سعد سبحان اللله ينطبق عليهم إذا أكرمت الكريم ملكته وإذا اكرمت اللئيم تمردا وهذولاء ع إن وضحى مو مقصره عليهم بس طلعوا لئيميين وطمعوا بالي مو من حقهم بس الشيطان شاااطر ولعب بعقولهم وأن عووق ما تستااهل لأنها بنت لقيطه ومالها أصل تجي وتأخذ الحلال جاهز مجهز وما فكروا إن هذا رزق من الله لهاليتيمه إلي مالها إلا الله ثم هالعجووز ساره ومشاعل يعني سبحااان الله بدل مايجون ويصححون غلطتهم ويضفون البنت لهم بيزيدون يكسرون خاطرها ويحطمونها ويأخذونها بالدس ولو نجي لواقعهم وأنه مصيبه لو أكتشفوا بالبنت فليييش ماينسونها مثل ماكانوا من قبل ولا أنانيتهم في علاج بدر ومافكروا في حالها هي وش راح يصير عليها.. من جــــــــــــد عبـــره أتوقع اللصوص عيال سعد بيسرقون أوراق التوكييل ولا الختم ولا شي من هالقبييل الزوااج يمكن زوااج عوق ولا يكون زواج عند جيرانهم وعشان كذا يدخلون عيال سعد البيت وهو فااضي تصدقيين طيووف مااا أبغى أوصل عند مووت العجووز واااااو يا حال عووق بعدها << فيس يبكي من هاللحيين أم الولييييييد الله يعطييك العاافيه ويجزاااك ألف خيرر ماقصرتي وأبدعتي بجد ننتظر بااارت السبت بكل شغـــــــــــــــف رووح |
اقتباس:
هلا وغلا اتمنى والله اني عند حسن الظن احلى مافي الروايه انها تلامس الواقع بدون تكلف وصف اجوف ما يستفيد منه القارئ زيادة صفحات وبس لذلك روايتي ماهي طويله وضحى فعلن مثال لكثير لناس يعطون بلا حدود يشترون راحة البال ودفئ العايله با المال وكثير سمعنا عن قصص قديمه يوصل الايثار فيهم انهم يفقدون حياتهم عوق ومعاناتها مستحيل نقدر نعبر عنهم شخص يكون منبوذ من كل الي حوله وكأنه هو المجرم او اختار انه يكون مجهول النسب مسلط ونوره مثال للبيت العربي المسلم وعمل بقول (( قَوْلِ النَّبِيِّ صَلَّى اللَّهُ عَلَيْهِ وَسَلَّمَ : " أَوْصَانِي جِبْرِيلُ عَلَيْهِ السَّلامُ بِالْجَارِ حَتَّى ظَنَنْتُ أَنَّهُ سَيُوَرِّثُهُ " يعني ماهي غريبه اهتمامهم بجيرانهم ساره لها مصلحه عند عوق ولا بحثت عن عوق الا لما انسدت كل الطرق بوجها ومع هذا ماتبيها تطلع للعلن انها بنت بدر اما مشاعل ماكانت تبي الا انها تكون قريبه من عوق وحملها بعوق بطريقه غير شرعيه اعدم شخصيتها صارت تابع لساره توقعاتك بنشوفها قريب وانا بعد انتظركم اسعدني مرورك ونقاشك وتوقعاتك |
السلام عليك ورحمه الله وبركاته
ام الوليد كل باارت تعلقينا بالروايه اكثر وتخلينا نستمتع اكثر بهالابدااااع الرائع الله لا يحرمنا منك ولا من ابداااااعك الوضيحي نمووووذج لامراءه ناااااااادره قل وجودها بهذا الزمن امراءه ذكرتنا باصاله جداتنا وايمانهم القوي بالله وتضحيتهم من اجل اسعااااااد الغيررررر الوضيحي ياعمري علييك ليتك ماخذه بمثل "" اتقي شر من احسنت اليييه"" اول مرررره اعرف ان سعد وسالم قليلين المروه والرجوله عيال زوجها طول هالمده على بالي انهم اعيال اخوهااااا حسبي الله عليهم كانهم ما يشبعوون على الي انهبوا منها من وراهاااااا جايين بكل قوة عين يقول وشو له تعطين حلالك لعوق انتم وش دخلكم لايكون انتم اولياء امورها وهي ماتدري الي مثلكم يسكت احسن له فوق شينه قواة عينه صحيح ربي ما عطاك من رحمك عيال بس ربي عوضك بعوق وان شاء تكون لك ونعم البنت الي انتي تتمنينهاااا وانتي رعتي وتعبتي وحصادك ان شاء كله خيرررر عوق ياقلبي عليهاااااااا من صدمتها من معرفه حقيقتها وحقيقه اهلهااا دخلت في حاله تجسس لانه صارت تخااااف من المجهول وتبي تكون تعرف كل صغيره وكبيره عشان تستعد له مسلط وعائلته جيراان والنعم منهم والي يعتبروووون من القله لان الواحد هالايام صار نفسي نفسي ولا عليه حتى من اقرب الناس له الله يعافينا وياكم فعلاا بهم اكسبت ام عوق اهل وعزوه ام الولييد كلي شوق وانتظاار لبارت السبت |
اقتباس:
فعلن ام عوق نموذج كان موجود والحين طغت الانانيه على الناس وهي حبت دفئ العايله وكان يهمها اكثر من المال مسلط ونوره والله كثير مثلهم لوخليت لخربت وعوق وتجسسها فعلن احيان تكون عندنا ردت فعل من موقف ما نصدق بيوم بنسوي ها الفعل اسعدني مرورك وان شاء الله بارت السبت يعجبكم وفي انتظاركم بعد الظهر بأذن الله |
مرحبا ,,, صباح الخير ,, وصباح التميز من انسانه متميزه لأقصى حد ,,, مايحتاج أقول عن القصه انها رائعه ,, ولايحتاج أقول انج مبدعه ,, حتى وإن كانت هذي خربشات ,, لكن كثير من اللوحات الفنيه المشهوره والمعروفه ماهي الاخربشات لأصحابها ,,, أجدتي طيف بكل ماتعنيه الكلمه من معنى ,, شدني للقصه ,, اسمج في المقام الأول ,, لمعرفتي برقي تفكيرج ,, كما شدني لها ,, عنوان القصه اللي يحمل الكثير من الرموز والمعاني ,, فالحمائم في القصه كثر ,, من أول شخصيه فيها وهي عوق مرورا بوضحه الى مشاعل اللي أحس انها تنوح بصمت وبعمق لكن محد داري فيها ,,, اضافة الى اللهجه الأصيله والمفردات العميقه والمتأصله في القدم والخاليه من المفردات الحديثة اللي طغت على لهجتنا وكلامنا وبدينا ننسى الكثير من معانيها ,, فأضفتي لي حصيله لغوية ومفردات أصيله ,, كنت أجهل معانيها ,, ويوم قريت البارتات ,,أضفتي لي الكثير ,, من اللي كنت أجهله ,, نجي لشخصيات القصه ,, عوق وبعد ماعرفنا جزء من حياتها ,, وبلسانها هي ,, لم استغرب حرص وضحه عليها ودافعها لمعاملتها بشده كان ينبع من ماضي عوق اللي مالها ذنب فيه أبدا ,, والدافع الثاني اللي هو تحرش سالم في عوق اللي ذكرته عوق واعتقد انو عوق تظن انو امها المفترضه ماتدري ,, لكن الظاهر انو الوضيحي تدري بالبير وغطاه ,,, بالنسبه لسعد ,, شدتني مواقفه مع زوجة ابوه اللي هي ( وضحه ) وفعلا حسيت انه نعم الرجال وانا اعتقد انو سعد مسيره ومسيطر عليه سالم ,, لأن المواقف اللي وقفها مايوقفا واحد قليل أصل ,, حتى وان كان دافعه الميراث ,, صدقيني يام الوليد ,, اللي يكون عنده هدف غير نبيل مايقدر يسوي اللي سواه سعد ,, ولابد ماينكشف الوجه الآخر له وبفتره قصيره ,, لكن سعد طيبه طول مع وضحه ,, وانكشف وهو بمعية سالم وكان اثناء الجلسه منحرج من كلام اخوه ,, لذلك اكاد أجزم انه مسير ومغرر به من قبل سالم ,, اما الشخصيه اللي فعلا كسرت خاطري في القصه فهي ( مشاعل ) ضحية المجتمع المتشدد في من ناحية تثقيف الطفل جنسيا وانا هنا ماقصد التثقيف الكبير والمتفتح بدرجه خطيره ,, لكن ع الأقل اعطاء الولد والبنت بعض المعلومات وبشكل بسيط عن الفرق بين الجنسين ولنا في ديننا القدوة الذي الزم التفريق بين الأطفال في المضاجع حتى لو كانو أخوان ,, لكن الكثير من الأهل يجهلون هالأمور ويتهاونون فيها ,, الى أن تقع الفاس في الراس ,, وبعدها يصبح عندنا ضحايا مثل بدر ومشاعل وعوق !!!!! حتى في مسألة تربية بدر بين البنات هذي أكبر خطأ ,, لأن بيكون عنده فرصه لأن يشب على أمور البنات وهنا بيكون مهيأ لأن يكون من الجنس الثالث أو العكس بالنسبة للبنت ,,, الحديث في هالأمر يطول ,, يام الوليد ,, وليس هذا مجاله ,, لكن ,, نهاية ,, اشكرك ,, ع مناقشة هالقضية وان كنت أري انو القصه تشمل مجموعه القضايا الهامه والحساسه ,,, تقبلي مروري وهذرتي الطويله ,, تحيااااتي للجميع ,,, |
اقتباس:
هلا وغلا با الهاله كنت داخله بنزل البارت وشفت ردك ردي عليك يطول لكن وقتي ضيق بنتي مرشحه والغوالي ينادون يبون الغداء انتي الوحيده الي اشرتي ان العنوان فيه مجموعه من الحمائم وهذا صحيح وهذا الي قصدته بنشوف ضحايا اخرين نتيجة الجهل على لسان ضيف راح نستضيفه قريب با الروايه وقضايا الاعتداءت والا اغتصاب والله ما كنت ابي اخوض فيها وخصوص انا كنت دايم اوقف بوجه البنات الي يكتبون عنها كنت اقول دائمآ يا بنات بها القضايا لاحلول ولكن الحذر الحذر في موقف راح يصير في البارتات القادمه اطلعت عليه وحده من خواتي وبعد ايام جات تخبرني قالت تذكرين الموقف الي انتي كتبتيه اليوم في بنات يسولفون عن نفس القصه منشوره با الجرايد ورجعت وعدلت الموقف دليل ان المخادع يعيد نفس خطته والبنات المخدوعات ماشين وراه ولا كأن احد ينبه ان الموقف سمعته قبل سنين من لما كنت سنه اولى جامعه صار يعني قبل سنين طويله ومع هذا تكرر قبل ايام اللهجه تعمدت ان تكون با اللهجه البدويه وان الحدث صار في قبيله مشهوره لأن ابليس خداعه واغراءه ماهو بعيد عن الكل مشاعل بيكون لنا عوده معاها بعد بارتين وعوده جريئه جدآترددت كثير اني اكتبه لكن عودتها ضروريه ومواقفها الي بتتكلم عنها احداث مفصليه با الروايه سعدمثال كثير من الناس فيه الجانب الطيب لكن في وراهم شياطين توزهم ولاتنسين الهاله فتنة المال عظيمه ممتنه جدآلمرورك وتعليقك وثقتك بالي اكتبه والله العالم اني استخرت قبل انزل الروايه وهدفي انه يمكن في احد نايم في العسل ويمر من هنا يصحي تثقيف اطفال في ظل ما نواجه من ابتلاء صار ضروره وخصوص البنات الضعيفات اسأل الله انه يستر على اعراض بناتنا وبنات المسلمين اسعدني جدآمرورك هاله |
بسم الله الرحمن الرحيم
هلا وغلا بكل الغوالي الي ردوا والي خلف الكواليس والي مرسلين اعجاب على ملفي او تقييم او شكر ممتنه لهم كلهم انا بشر معرضه للخطأ اكثر من الصح فالي يشوف غلط او تجاوز ينبهني.. ومثل ما قلت الروايه ماهي طويله علشان بأذن الله تعالى اذا انتهينا واقفلت الروايه با المكتمله ماعاد ينفع التصحيح بارت اليوم بيكون بدايه لمرحله جديده.. لعوق ولأبطال معاها...! البارت هديه للجميع بدون استثناء.. ولمعزوفة حنين خـــــــاصه مثل ما وعدتها.. تعالوا معاي نشوف عوق المزايين والعرس لمين والحرامية ليش دخلو بيتها...؟ والااهم الافكار الجديده الي بدت تغزي بطلتنا عوق...! وسالفه جديده.. . . . البارت السادس . . . بعد العواصف الي صارت من الي ينقال انهم اهلي وعيال رجل امي هدأت الاوضاع ورجعنا لحياتنا قبل انا وامي لاهم ولا كدر ارتحنا... ما ادري هو انا وامي حطينا النقاط على الحروف والا الهدوء الي قبل العاصفه...! . . . اليوم حفل زواج صديقتي ريم الله يوفقها..., واكيد انا وامي اول المعازيم.., تجهزنا علشان نحضر العرس انا وامي... طلعنا للعرس مع سواقنا وشغالتناواكيد محرمنا نمر ولد ام ابراهيم..., ما نسانا حتى يوم عرس اخته فديته.., صار رجال عمره 11سنه ...’ . . . ام عوق بـممازحه له\ ليتك يانمر كبير كان زوجتك عوق وصرت وليدي صدق.. نمر\يا خاله وش ابي بعوق عوق عجوزاكبر مني بسنين...! لكن وعد يا خاله اذا كبرت ان شاء الله وفقني الله وحققت حلمي وصرت ضابط قولي آمين يا خاله..., ام عوق بضحك\آمين يا النمر عسى الله يوفقك ويخليك لعويناتن ترجيك...’ آردف نمر با افتخار \واعرست وجاتني بنت ان اسمها عوق.. عوق بتحذير \ نمر لا تورط عمرك اسمي شين ..! نمربثقه \ كلام رجال وتشوفين يا عوق.., عوق بـ ضحكه \ اجل انا اذا ربي كتب لي زواج وجالي ولد تراه سميك دامك عايفني ما تبيني..., . . . وهذا حالنا مع نمر كنه ولدنا نسولف وناخذ ونعطي معاه على اني تغطيت منه من يوم كان عمره عشر سنين.., هو طفل لكن بسم الله عليه عقل شايب.. ودايم يحاول يبين انه اكبر من عمره.. حتى او ل يوم تغطيت عنه تعلمني ريم..! تقول نمر فرحان انتس تغطيتي منه الدفش يحسب غطاتس عنه خلاص كرت العبورلمرحلة الرجوله...! . . . وصلت للعرس انا وامي واول مره احضر عرس بعد ماعرفت حقيقتي .., حسيت الكل يناظرني ما ادري وش سر ها النظرات ...!؟ يمكن ناس مشفقه على حالي يوم يشوفني انا والعجوز واكيد الكل داري بحقيقتي..! او انهم يفكرون وش راح يكون مصيري لو اني فقدت امي الله يحفظها لي.. واحتمال يتهيئ لي ان العيون علي والا محد درى عني ..! . . . عند ام ابراهيم . . . عوق\خالتي ابي اطلع اشوف ريم.., ام ابراهيم بقلق \ترى من اليوم تسأل عنتس متروعه البنت تكفين هديها يا عوق...! عوق\ ابشري ياخاله...!! واطلع مع ميعاد اخت ريم.. وانا امشي اسمع سوالف الحريم الي امر من بينهن.. ما قلت لكم صار التسمع هوايه عندي...! الي تقول ياخسارة زينهاتلقين امها اجنبيه ...! والي تقول ليتها تهديني شنطتها...! والي تقول محد لقاها الا هي...! والي تقول ابوهامن الكباريه ..! . . . سبحان الله محد راضي بقسمته...! انا ما ابي لازين ولافلوس...! ابي بس اكون معروفة نسب..؟ ويقال هذي بنت فلان الفلاني... ماهو اسمي من اوله الي اخره اسامي مصففه...! وممنوع احط ال التعريف فيها ..! . . . طلعت عند ريم وتناسيت كل الي سمعته ابي انبسط مع صديقة عمري.. دخلت عليها وانبهرت فيها ريم تغيرشكلها مره..! التسريحه والطرحه وفستان الفرح غيرو شكلها..! . . . عوق بمزح معها\ شكلي غلطانه اسفه ...؟ انا صديقتي ريم اليوم عرسها والظاهرغلطت با العنوان..؟ ريوم شينه والي اشوفها قدامي تبارك الله قمر..! ريم بعصبيه\ وجع عويق جدري هندري انا ريم ..! عوق تضحك\ لا اجل دام فيها جدري هندري فا انتي ريم بنت مسلط محد يقولها غيرتس..! ناظرت صدر ريم ما كانت لابسه شي ...! انا طلبت منها طقم زواجها انا الي بشتريه لها هديه على ذوقي بما ان فستان زواجها اخذت رأيي فيه وكان لي دور با اختياره ..., اخذت لها طقم الماس ناعم..., يناسب لون فستانها الابيض ... لبستها وطلع عليها خيال ريم بشرتها خمريه وكل شي يناسبها سبحان الله...! اشوف مرات عليها الوان تلبسها اوارواج تحطها واذا اشتريت نفس اللون ما يناسبني على ان بشرتي حيل بيضا.. وهي ذوقها راقي اعجبها الطقم ...’ ريم با امتنان وخجل\ مشكوره عوق شكله غالي والله ماله داعي...! عوق \هو غالي غالي لأن الغالين يستاهلون اكثر بعد..., ريم منحرجه \ما توقعت بيكون الطقم الماس ..! اكسسوار ويفي با الغرض لو تدري امي بتزعل علي اني كلفت عليتس ..؟ عوق \ اقول بس عن الهبال انتي كم مره بتعرسين...!! هي ها المره وان شاء الله ياريم يا بنت خالتي نوره بعد عمرآطويل من بيتس لقبرتس.., ريم بضحك \هذا دعوة امي يا غشاشه دايم تقولها ..! عوق بمزح \هذه الجمله كنايه انتس تقعدين عند رجلتس لين تفطسين .. ريم بتهكم \اشتغلت اللغه العربيه الا كلمة تفطسين هذي بعد مصطلح مسروق من امي .., عوق بضحك\امتس تحت روعتني تقول ريم ما ادري وش فيها متروعه هديها وانتي بسم الله عليتس مافيتس الا العافيه..! ريم\اجل وش تبين اضحك وامزح معها تبين اهلي يمسكونها علي فرحانه با العرس...! خليني امثل الحيا شوي .., ريم بخوف\البلا مار البلا يا عوق الحين امي بتجي وتهاوش من اليوم ناشبه لي هي وخالتي ام جزاع..., يبوني البس طقم ذهب وانا ما ابي...! ريم بترجي \اقنعيهن وقولي الذهب ما يصلح ليلة العرس الذهب ماعاد يلبسونه الا في الزواره... عوق بتهكم\ زين يا المستحيه بعد تعطيني خطة اقناع امتس وخالتس.. وعلشان الخطه تضبط اذا شفتيهن اقعدي تنافضي من الخوف لين ينسون الذهب..! ريم بمكر\ ابشري بس اخاف من كثر ما انتفض واتهزهز حيا...! ينكسر الكعب وثم عاد ابلش الرجال طوله مترين واختس مامن طول يحسبوني بنته يسحبها وراه... !! . . . ريم الي يجلس معها ينسى الدنيا عليها تعليقات ما ادري منين تخترعها الله يسعدها.. جا وقت زفتها ونزلت بسرعه لبست عباتي وتغطيت وجلست جنب امي.. ودخلت ريم وانزف معها زوجها الفرحه باينه بعيونها..., واخيرآ شفت حلم ريم الي تحلم فيه ليل ونهار...!! شكل زوجها عادي جدآ لكن ريم كانت مصورته لي غير سبحان الله...! حتى طوله وسط وبشرته حنطي ..., ضحكت على ريم الله يوفقهايوم اتذكر سوالفها ايام خطبتها ..!! تقول لو تشوفينه يا عوق يهبل طول وبياض وسكبه مافيه شي يعيبه الا اسمه جزاع ..؟! صدق من قال ؛ وعين الرضا عن كل عيب كليلة..! . . . من يوم زفوا ريم وطلعت من الحفل مشيناانا وامي ورجعنا لبيتنا امي ما تحب السهر يتعبها...! دخلنا بيتناوانفجعنا انا وامي لقيناه مقلوب فوق تحت بغيابنا حراميه داخلين البيت ...؟ وقاصدين غرفتي وغرفة امي با الذات ..؟! وقالبينهن فوق تحت ..! ومكسرين الدروج فاتحين خزنة امي ودولاب امي مكسوره ابوابه..! لأن امي دايم تقفل دولابها با المفاتيح ومحذفين الملابس ..؟ وغرفتي مفتحه الدواليب وكتبي مرميه على الارض ولبسي محيوس ..؟! وباقي غرف البيت مافي شي يذكر تفتيش بسيط...! ام عوق بغضب \ وش الي قلب بيتنا وش يبي الي جاي بغيابنا..؟ بلغي الشرطه يا عوق..., عوق بتمهل \ اصبري يمه اخاف بلاغ الشرطه يفتح علينا ابواب مسكره انا كني عرفت من سوى ها السواه...؟ ام عوق بحده\ من يا عوق..؟ عوق بتفكير\ ما في احد له مصلحه الا سعد وسالم ..؟ يمه الي داخل بيتنا راسمه رسم ويعرفه ..., ولا دخل وفتش صح الا غرفتي وغرفتس ولا اخذ لافلوس ولا ذهب شوفيهن بمحلهن ..! هذا يبي شي غير وبعدين داخل مع الباب ماهو كاسر الا باب غرفتس علشانتس قافلتها.. ام عوق بغضب\عطيني التيلفون ودقي على بيوتهم بوريهم الي ما يستحون يدوسون حرمة بيتي كل هذا طمع ..! عوق\ يمه انتي يشورونتس رجال وحريم وياخذون برايتس ما يطلع منتس ها الراي..! الحمدلله ربي سلم ها المره وبناخذ حذرنا.., ام عوق\ بسرعه شوفي العقود والصكوك وينها لايكون اخذوها..؟ عاجزين عن الشكاوي والاالحكومه مايروح عندها شي لكن يبي لنا سنين نطارد وراهن ...! عوق بتهكم \ ومن قالتس انهم اخذوها با الحفظ والصون وانا بنت الوضيحي ..! صرفت الخادمه الي تنا فض من دخلنا البيت وشافت الحوسه وكن بقلبها بلا واسكر الباب وراها.., ام عوق بدهشه\ وش بلاتس سكرتي الباب افتحيه...؟ عوق\ اسمعي يمه الي دخل بيتنا دخله بمفتاح للبيت...! بتأكد من الي طلع مفتاح بيتنالهم وخلاهم يدخلونه..؟ ام عوق\ اتركتس من الهرج الصكوك وينها ..! عوق\الصكوك اخذتها من اخر مره جو فيها سعد وسالم.., واطلعوازعلانين خفت منهم.., واحطهافي شنطه مع كتب لي قديمه للكليه وبا المخزن لا من شاف ولا من درى اوراق مع ها الاوراق ...! ام عوق بفرحه واعجاب\ ما دريت انتس جنيه..؟ عوق\ تربيتس يا الوضيحي .., يلعب عليا يحسبني من ملاعيبه ... ما يدري اني على الناس لعابه. ام عوق بضحك \يا الله يا اللعابه هاتي الاوراق ابي اتطمن عليها.., عوق \ بروح شوي وارجع لتس با الاوراق.., قلبي قارصني من الشغاله انها هي الي دخلت الحراميه بيتنا يعني من بيكون غيرها وجها ماهو طبيعي ..! عوق بحده\توتين جيب لي التيلفون بسرعه.. وتروح تركض تجيبه .., عوق ترفع السماعه ب تمثيل متقن..؟ \ليه يا سعد يعني هي الي عطتك المفتاح اهاااا خلاص بنبلغ الشرطه مع السلامه.., الخادمه منهاره تصيح \ عوق انا اقول الحقيقه لكن شرطه لا يكلم.. آردفت عوق\ قولي بسرعه ولا تكذبين.., الشغاله\ طيب عوق من زمان يجي بابا سعد وباباسالم وانتي في كليه وكرمام مافي موجود.., قال باباسالم توتين يبغى ندخل بيت جوا في ورقه عند ماما كبير وفي ختم صغير سوا سوا مفتاح ..؟ قلت انا ادخل ماما كبير موجود مافي نوم..! قال لاااا انا لازم ادخل وماما مافي موجود..؟ جيب مفتاح وختم صغير والا بعدين انتي وزوج سفر باباسعدهوكفيل ماهو ماما كبير..؟ انا خوف عوق بعدين اناسفر وكرمام..؟! انا ياخذ مفتاح بيت بس ختم ما يقدرما يعرف وين و بابا سالم بسرعه اخذ مفتاح و رجع.., ويقول هذا تيلفون بيت انا اذا ماما كبير وعوق برا على طول كلم...! انا اليوم علشان كلوا يروح برا زواج ماما نوره كلم باباسالم يجي بيت مافي احد.., عوق\ خلاص توتين انتي شغالة ماما وضحى صح وكرمام زوج انتي سواق ماما وضحى..., مين يعطي راتب ماما وضحى والا بابا سالم وباباسعد..؟ توتين\لا ماما وضحى..! عوق\ خلاص اجل ما يسمع الا كلامي انا وماما وضحى بعدين انتي كويس وفي خوف من الله ليش يسوي كذا...؟ وتقعد تصيح وتصب من ها الدموع والله عالم هي دموع صدق والا تماسيح واروح للمخزن واطلع شنطتي القديمه الي فيها الاوراق.., واجيبها عند امي الي تصلي على كرسيها.., خلصت امي صلاتها .., عوق\ هذي الاوراق شوفيها ... وتطمنت امي ورجعت الاوراق بشنطتي ..؟ عوق\ يمه حشرت الشغاله وطلعت هي...! سالم مهددها يسفرها هي وزجها والضعيفه خافت منه يبي الا وراق وختمتس .., ام عوق\ لازم اجل ناخذ حذرنا منهم ونسفر الشغاله...! عوق\ لا بالله ماراح نسفرها...! الشغاله ماعليها وعارفه شغلنا ولها سنين معانا..., خليها تقعد شوكه بحلق سعد وسالم هي الشاهد الوحيد على انهم دخلوا بيتنا بغيابنا .., وبعدين خلاص وش الي يحدنا نخلي الشغاله والسواق با اسم سعد والا غيره ..! انتي ارمله ومستحقه سواق وشغاله يا ميمتي الي بنجيبهم ها المره بيكونون با اسمتس ونفتك من منة خلق الله .. ام عوق بذعر \يا بنت الختم وينه لايكون اخذوه...! عوق بضحك\لا يمه شوفية بشنطتس الصغيره الي فيها مواعيد المستشفى نابشين الدنيا كلها واعماهم الله سبحانه عن شنطتس الي معلقه على الشماعه الي قدام وجيهم ماحركوها من محلها..! ام عوق\ عويق يمي شوفي الختم وخوذيه وحفظيه عندتس الدنيا وحالها والله يا بنتي ما يندرى باتسر وش يصير...! محد ضامن عمره وهذولا خلاص انهبلوا الله يكفينا شرهم..., عوق با اشمئزاز\والله ان ساس البلا سالم والا سعد خبلآ يدربي راسه وراه...! اردفت عوق \يمه ترى الختم ماله اهميه بدون الوكاله لازم مع ختمس الوكاله... والوكاله انتي ملغيتها يعني تطمني ما يقدرون يسوون شي...! ام عوق \انتي خوذي الختم واخفيه وما عليتس الحذر زين..! عوق\ يمه بكرا بنغير كوالين الابواب بمفاتيح جديده وش رايتس...؟ ام عوق\وازين راي بعد العصر خوذي نمر واطلعي انتي وهو واشتري مفاتيح.., . . . اخذت ختم امي علشان اطمنها و تركتها ترتاح..., دخلت غرفتي منهد حيلي من التعب فكرت وين احط الختم...؟! ما لقيت الااني امسك شنطة يد من شناطي القديمه وافتحها من داخل واخيط عليه..! امي نادرآما تستعمل الختم واذا بغته طلعته لها زيادة اطمئنان لها...! اهم شي الاوراق خايفه من سالم السوسه وسعد يحاولون با الشغاله وماهو كل مره تسلم الجره..؟ . . . اليوم انبسطت بزواج ريم لكن احس بضيقه ما ادري وش سببها.., على كثر ما ضحكت انا وريم على كثر ما خفت من ها الضحك..! سبحان الله الايام تركض وتتفلت من ايدينا بدون مانحس .., اليوم زواج ريم وقبل فتره زواج هندصديقتي,وقبلها بدريه.. , فتره وكل صديقاتي يتزوجون ويبنون لهم حياه خاصه زوج واطفال وحموله.., الا انا ..الا انا طيب وش ذنبي انوصم بها العار..! ليه امي ما اجهضتني وريحتني والا اهلها ليتهم ذبحوها وانهو حياتي معاها.., نجود زميلتي سمرا ودايم تتذمر من لون بشرتها تزوجت والحين طالعه شهر عسل.., بدريه مريضه عندها القلب وهذا هي تزوجت وعندها ولد.., وحتى عهود الي كانت مقومه المدرسه ومقعدتها مشاكل وبلاوي فصلوها اهلها يقولون ماهي فالحة بالدراسه..! والحين متزوجه من يوم فصلت زوجها ابوها ولد عمها وفاتحه بيت وعندها اطفال.., مهما كانت حياتهم سعيدات اوتعيسات الا انهم انفصلوا عن اهلهم واستقلوا بحياتهم الا انا ...! اللهم لا اعتراض ولا حسد لكن انا بعد من حقي اعيش مثلهن اتزوج واكون اسره.., بقعد طول عمري وحيده وش ذنبي ادفع فاتورة غلط غيري ..!! لاحول ولاقوة الابالله... صحيت الصباح وانا البارحه ما ادري متى نمت ...! لكن الاكيد اني نمت بعد ما بكيت وطلعت كل الي في قلبي من عيوني ... قمت مرتاحه على الرغم من ان عيوني بتفجرحمرا من كثر ما بكيت البارحه.., بكاي البارحه ماهو حسد لريم والا زميلاتي ولاحتى غبطه.., الله يوفقهن لكن كان بكى على حالي الي محرومه من ابسط حقوقي .., اني اكون زوجه وام يعني عشت غريبه وبموت غريبه..! امي عاشت طول عمرها وحيده جربت الزواج مرتين ولا جا لها عيال.., لكن تظل لها ناس واقارب يذكرونها الحين با الخير وبعد عمر طويل يترحمون عليها لكن انا من يذكرني.., من طلعت لدنيا وانا اتجنب الغلط قبل ادري بحقيقتي وبعد مادريت.., ولا سويت حركات البنات ولا حتى عشت مراهقتي.., استحي حتى من كلام مرات البنات يمزحون فيه ..., اقصى ما سويته اني مره في الثانويه طلبت من ريم تشتري لي شنطة مكياج.., واشترتها لي ومعاها مجلات تعلمني كيف اتعلم اصلح مكياجي لنفسي.., وصرت استغل الفرص اذا نامت امي اتعلم كيف ازين نفسي .., وصرت خبيرة مكياج واستشواروتسريحات بدون ما احد يعلمني.., صندوق اسراري ريم اطلب منها الي ما ابي امي تعرفه و ما اقدر اجيبه وامي تشوفه.., المجلات الي تشتريها لي ريم وادخلها بيتنا بدون علم امي كانت بمثابة معلم لي.., شعري الطويل كنت دايم اخترع طرق ازينه فيها .., امي عندها عيب وشق جيب المكياج والا قص الشعر..!! ماهو مسموح لي الا بكحل والا روج ويالله توافق بعد ما توسطت لي خالتي ام ابراهيم..! واقنعتهاان كل البنات بعمري يحطون مكياج ويتزينون وعوق وش ينقصها عنهن ..؟! اقتنعت امي وهي دايم فديتها تنتقدني اذاشافتني حاطه روج..!! تقول عويق انتي ماكله كبدة خروف نيه..؟! اقول لا يمه هذا رووووووج حمره فديتس ..., محد من معارفي والا صديقاتي خاتمه القرآن حفظ الا انا.., عسى ربي ينفعني فيه في آخرتي ويسامح الي جابوني ورموني..؟! . . . بروح اشوف امي البارحه تعبت من عرس ريم لحوسة بيتنا.., طلعت اشوف وينها...؟ اوووووه صح اليوم الجمعه احلى واغلى يوم على قلبي انا وامي ..! وعادت امي الي ما تخليها اول توقف عند باب بيتناالحين لا تحط لها الشغاله كرسي تتعب من الوقفه.., يجونها اطفال حا رتنا وتوزع عليهم ريالات..., والفرحه اشوفها بعيونهم بشي بسيط.., جلست انا وامي على غدانا..., ام عوق با استغراب\ ماهي عوايدتس تصحين متأخره..! عوق \ مانمت الا بعد ما صليت الفجر.., ام عوق بأمر\لا تسوهرين الليول وانا امتس السهر الي ماهو في صلاه والا ذكرلربتس ترى ما به غير يجمع الهموم.. عوق بوجع\لا يمه الله لايجيب الهموم..., آردفت عوق بحسره\ يمه ما شاء الله كل صديقاتي اعرسن .. !! ام عوق تضحك\وانا اقول عيونتس وراهاحمر اثاري بنيتي البارح ليلها ليل سراي..! عوق با استغراب\ يمه وش معنى ليل سراي ..!؟ ام عوق با ابتسامه\معناه كل ليله يمشي علشان يوصل للي يبيه مثلتس كل ليلتس تفكرين.. عوق با ارتباك\لا يمه ماهو قصدي لكن خلاص بنتفرق انا وهن وانتي ما تحبيني امشي مع المتزوجات..! ام عوق \ هذاك اول يومتس صغيره الحين انتي كبرتي وتميزين الكلام الي يصلح من الي ما يصلح.., وبعدين وانا امتس وش انتي مستعجله عليه ..؟ لاتخافين ان مامتي بتعرسين بس لاتستعجلين رزقتس..., اردفت ام عوق بثقه\الله ما شق فم سبحانه الا هو كافلآرزقه..., ويمكن ان حظتس ازين من حظوظهن كلهن.., عوق تتنهد بوجع \الله اعلم ..! ام عوق \والله كريم بعد و ماهو كل من اعرست ارتاحت كم وحدة قالت يا ليتني ماقلت ياعرس ..! ام عوق بتساءل\الا رويمة وراها ماهي لابسه ذهب غير سلسله ما شفتها الا يوم اخذتني نوره اسلم عليها ..! عوق بضحك \ يمه موضه..! وضحه\امحق موضه زين العروس بذهبها ماهو كنها بزير لا بسه ها لي يتلامع .., هذي امي ثوابتها ما تتغيرعندها ثقه وامل ان بكرا بيكون اجمل ولا تسمح لليأس يدخل حياتنا..! . . . صرت احس الايام تركض بسرعه انا اخر ترم لي با الكليه.., وتشعبت صداقاتي حيل بحكم المواد الي اخذها واختلاف القاعات وزواج صديقاتي وانشغالهم بحياتهم ..., ومن ضمنهم اقرب صديقه لي ريم انشغلت بزوجها ومولودتها الجديده ودراستها وابتعدنا عن بعض ..., تعرفت على بنات ومن ضمنهم وحده ملتزمه وعلى خلق اكثر محاضراتنا انا وهي مع بعض في يوم جاتني قالت عوق ابغاك بموضوع..!؟ عوق با اهتمام\ خير! البنت بتردد\ ندور لأاخوي على زوجه وهو رجال ملتزم ويبي وحده ملتزمه مثلك وانا وامي وخواتي رشحناك له .., عوق با استغراب\وامك وخواتك وش عرفهم فيني..؟! البنت\خبرتهم عنك و جو هنا للكليه شافوك واعجبتيهم انتي وش رايك..!؟ عوق با ارتباك\ــ ــ ــ ــ . . . نجوم اليوم كانت من نصيب؛ نجمه للغاليه نوف توقعت في البارت الرابع زواج بنت الجيران والحراميه عيال اخو العجوز الي انكشف الستار انهم عيال زوجها المتوفى نجمه للغاليه الهدف قالت ان البيت الي بيدخلون الحراميه بيت ام عوق تستاهلين يا الهدف . . . (كلمه اخيره ) قال ابن القيم رحمه الله : لو كَشف الله الغطَاء لِعبده و أظهر له كيف يُدبّر له أموره و كيف أن الله أكثر حرصا على مصلحة العبد من نفسه و أنه أرحم به من أمّه لَذاب قلب العبد محبة لله و لتقطّع قلبه شُكرا لله..’ فسبحان المدبر.. الي الملتقى قريبآبأذن الله وسالفه جديده طيف الأحباب ام الوليد |
♪♪♪ وااااااااااااااااااااااااااااو .. فدييييييييييت قللللللللللللبك طيووووووف اهدااائك اليوم في مكانه جد .. الوضيحي بهالبارت ذكرتني كثير بآمي .. ايام المتوسط والثانوي ما كانت تشجع علاقتي بالبنات المتزوجات هناك .. وبرضووو عندها عيييييييب المكياااج وقص الشعر هههههههههههههه .. والسهر ياويلك ياحنون ان جت عشر ولا نمتي .. ما خفت علي الا يوم دخلت الجامعة .. صار المكياج مسموح وقص الشعر على كيفي وصديقاتي نصهم متزوجات والنوم بكيفي .. تقول : انتي خلاص كبرتي ‘ الدور الباقي على خواتك .. ولفت الحين على خواتي الصغار ^^ .. بعد الهذرة .. نجي للتعليق عالبارت :5rfd3: .. عوووق و ولدها وعرفنا سبب تسمية نمر ^^ .. حبيت شخصية نمر ماشاء الله عليه سابق سنه .. وسعد وسالم .. دام تجرآو مرة اكيد بيعيدونها مرة ثانية لين يحصلون اللي يبون .. عوق فدييييييييتها نبهة وذكية .. زين فكرت بأمر الصكوك واخفتها .. وانتبهت للشغالة الهبلة .. وحدة ثانية بمكانها بتنهبل من اللي بتشوفه وبيطير عقلها ولا هي بتقدر تفكر زين .. طيوووووووووووووووف .. اهدااااااااااائك على راااسي والله .. لا خلا ولا عدم يالغــــــــــــــــــــلآإ .. وتعيشين وتهديني بعد :5rfd3: :5rfd3: .. من قدي اليوم http://up.liilas.com/uploads/liilas_13033746081.gif !! سللللمت يدك ياقلبي .. ♪♪♪ |
السلام عليكم ورحمة الله وبركاته
مساءك رضا من الرحمن سلمت أناملك ام الوليد على البارت مبروك نوف على النجمه* وانت يالهدف مبروك وتستاهل حنونه الإهداء* اليوم شفنا شخصيه جديده لعوق البنت الواثقه والذكيه* تصرفها يدل على فطنت عقلها زين سوت فيهم بس هم بيشوفنهم ما بلغوا *فاكيد بـ يحاولون *مره ثانيه ومو كل مره تسلم الجره عساهم يطيحون ولا احد يسمي عليهم تفكير عوق في الزواج شئ طبيعي لبنت في سنها بس الوضيحي اعتقد هي اللي عندها الزوج والا ليش تطمنها ان حظها أحسن من حظهم في احد ردك على البنات اعتقد الهاله ان في دور لمشاعل وأنها بتنتفض* اعتقد انها بتقول لبدر عن بنتها وتجبره يعترف فيها لانها خلاص ماعاد تقدر تستحمل بعدها خاصه بعد ما شافتها ودمتي ام الوليد ودامت لنا سوالفك الحلوه |
السلام عليكم و رحمة الله و بركاته
مساء الخير و الرضا من الرحمن تسلم ايدينج يا ام الوليد كل مره تبهرينا بــ هالإبداع ==================== (( عوق )) و الله طلعت ذهينه هالبنت الدنيا علمتها منهو عدوها من صديقها زين انها خبت الصكوك بمكان من يقدر يوصل له و زين انها خلت الشغالة تقر و تعترف عشان تكون شاهدة على سالم و سعد على حدها الوقت .. عوق و تفكيرها بالزواج شيء طبيعي مثل كل البنات و خصوصا هي الوضع عندها حساس بحكم انها من غير نسب بس هذا ربي جاب نصيبها بس السؤال هالبنت هل تعرف حقيقة عوق أو لا ؟؟ الأرجح انها تعرف و خصوصا من اسمها لإنها ما سعت و قالت لأمها و خواتها إلا وهي عارفة عوق من تكون ... بس سعى الأم أو الرجال ما يرفضون بعد ما يعرفون هالشيء ... اتوقع انها هي قالت لأخوها و بما أنه ملتزم رضى و اتوقع انه قال لها لا تبلغ امه بهالشيء إلا بعد ما يتم كل شيء .. إن شاء الله يكون هالرجال فاتحة خير لها ... ======================= (( سعد و سالم )) يا شين و يا قواة عين .. صج اللي قال اللي استحوا ماتوا ما استحوا من ربهم يستبيحون حرمة بيت مرة ابوهم و هي اللي اكرمتهم و وثقت فيهم بس ما ينفع الطيب معهم يعني هم عارفين ما لهم حق في حلالها إلا و يبون يأخونه منها و مثل ما قالت حنو ان تجرأو مرة و بيعيدونها مرات بس موب كل مرة بتكست وضحى عنهم ... ==================== (( نمر )) عرفته سر تسمية ولدها بالنمر و شكل توقعي المرة اللي طافت غلط و مخي شطح للسحاب << خخخخخ ماعادني متوقعه ليش تقوله المحرم << شكل شوق عشان اعرف << فيس فضولي ... ======================= أم الوليد ... سين سؤال .. منهي العضوة الهدف اللي توقعت ان السرقة ببيت العجوز ؟؟؟ دورت بالردود ما لقيتها .. يمكن تقصديني لأني أنا توقعت هالشيء << فيس متحسر على عمره ما اخذ نجمه *ــ* سلمتي يارب .. .. .. اقتباس:
|
ططَِيف آلأحبآب .~ آلْحروف .. لآيمككَِن أنْ تتَِكون مللَِكيه آلآ بِخَلْطهآ بمآس برآق .~ وأنآ حقآ أرى ـآ مآسآ هنآ .~ أختآه .~ مآشآء آلله تبآرككَِ آلله .~ أسسَِلوبككَِ مشوق جدآ .~ اسسَِتمري يَِ منبع آلإبدآآع .~ ~~~~> اقتباس:
~~~~> اقتباس:
~~~~> اقتباس:
يمككَِن لأننَِآ تعودنآ على هآلْشي .~ ~~~~> اقتباس:
بآلفعلْ مَِ ذنبنآ في ذننَِب لم تقترفه أروآحنآ .؟؟!!~ ~~~~> اقتباس:
~~~~> اقتباس:
بنشوف في آلجزئيه آلقآدمه :new graaam (162): .~ ~~~~> مَِ عنددَِي توقعآت هآلمره .~ مخي متشتتَِ هآلْفتره آعذريني .~ آلتوقع آلوحيد هو ...~ آللَِصوص دآئمآ يعودون لمككَِآن آلجريمه .~ متتَِى سيعود سآلم ؟~ سننَِرى ^.^ .~ ~~~~> أختآه .~ جزيتي خيرآ على ـآآ هذآ آلتميز وآلْتألق .~ هنآ سآحة جمعت مَِ بين صخخَِب حروف متتَِرفه حد آلوجع .~ وسآحة إبدآع لن تتَِكرر أبدآ .~ تشرفت ككَِثيرآ بوجودي في سآحتككَِ .~ حزين الأحزان .~ تممَِ آلتسجيل بليلآس هع .~ |
السلام عليكم ورحمه الله وبركاته
ووووووو وناااااااااااااااااسه وحصلت نجمتي الثالثه فيس شلها وحطها بخزنته اليلاسيه ام قفلين عن عيون حنو ضمضم وكني اشم ريحه طمع من الحلوه صبح بح الف شكر طيوف على النجمات عقبال ما اكمل بهم سلسال وحلق ويمكن اسواره فيس طمااااااااااااااااااااااع مووووووووووووت اموله الله يبارك بعمرك عقبالك وكل الحلوين والحلوات اللي بيون نجمات *********** بارت اليوم قمه الخطوره عندي بدينا بالجد وعمر عوق الجديد بعد الكليه وممكن الارتباط اتوقع اهل المعرس يعرفون ان عوق لقيطه ويفضون الخطبه وهنا اتوقع ياطيوف تبين تبينين ان المجتمع يحمل البنت القيطه خطاء مو خطاءها ورغم امتلاك عوق لصفات البنت اللي مطمع لكل رجل للزواج بها (دين جمال خلق ) الا انها ماراح تتزوج اخو صديقتها بسبب النسب وكونها لقيطه وهنا اتوقع راح يكون بدال الخاطب خطاب وممكن السبب هذا ********** مين اللي راح ياخذ عوق الله اعلم رغم توقعي ان نواف مانذكر عبث بالروايه وانه يمكن هو فارسك الملثم ياعوق المزايين الا ان هناك توقع شاطح ان سالم يكون هو زوج عوق المستقبلي لعده اسباب اولا سالم ماراح يقبل ان ورث عمته وضحى يروح لوحده مايشوفها تستحق هالورث وثانيا هو يبي الفلوس ضروووري ومابه طريقه غير عرسه من عوق على اني فكرت بسعد ياخذ عوق دامه طيب بس حسافه ياخذها واحد امعه اقلها سويلم فيه ريحه الذكاء ******** نمر وتسميه عوق فيه شفنا طرف السالفه بس اتوقع نمر يكون له موقف جبار بالقصه ويقلب حياه عوق يمكن هو اللي يعدل سويلم قبل لاياخذ عوق وهو اللي يسمي ولده على نمر بكامل قناعته ******** ام ابراهيم ليه مو ام نمر وينه هالابراهيم وهل هو اللي بيتزوج عوق بالاخر وكل توقعاتنا عن سالم والا غيره ماهي الا توقعات شاطحه مدري طيف حسيت ان كلامهم بالبدايه انه شخص يمون على نمر بشكل ممكن يكون اخوه ********* واهله مرشحين انهم يتقبلون عوق كفرد من العائله بما انهم عادينها بنت لهم وماقالو ممكن تخرب بناتنا دام ام ابراهيم مدخلتها على بناتها انتظر القادم بشووووووووووووووووووووق يا كل الذوق |
بسم الله الرحمن الرحيم السلام عليكم ورحمة الله وبركاته إبداع أم الوليد سلمت يداك عوق........... رغم العادات السلبية التي اكتسبتها كالتنصت خلف الأبواب بعد معرفتها أنها لقيطة إلا أن معرفتها بذلك قد زادتها قوة وصلابة وحنكة في تدبير الأمور لم تذهب تربية وضحى سدى فهي قد صقلت شخصيتها وأظهرت معدنها الحقيقي في مواجهة الأمور التي قد تطرأ عليها في كل وقت رغم أن الألم يظهر في بعض كلماتها عن نفسها وفي تفسيرها لنظرة الآخرين لها فهي قبل أن تعرف أنها لقيطة ما كانت تلقي بالاً لما يدور حولها ولكن الآن أصبحت حتى النظرة والإلتفاتة البسيطة تحمل لها أكثر من معنى ومن هنا فهي رغم معرفتها أن أحداً لن يقبل الزواج بها حين يعرف من هي فهي من سيبادر للرفض وتحت أي ذريعة كانت حتى لا توقع أمها في حرج الإفصاح عن نسبها لمن يتقدم لها وسترفض كل من يتقدم حتى تجد من يشابهها في الظروف ولا يهتم لكونها مجهولة النسب حديثها عن صديقاتها وأنهن كلهن قد تزوجن وبرغم أن حياتهن قد تكون سعيدة أو تعيسة إلا أنهن قد أنشأن عائلة وفتحن بيوتاً جديدة في نظري نظرتها هذه قاصرة فهي قد ربطت السعادة واستمرار الحياة بالزواج وبناء أسرة جديدة فكم من فتاة لم يكتب لها الله عز وجل الزواج ومع ذلك عاشت حياتها كأفضل ما يكون ولم توقفها على عدم الارتباط برجل بل بَنَتْ حياة ناجحة يشار لها بالبنان لفت نظري توقع أم نواف أنها قد تتزوج سالم حتى لا يذهب الحلال لها وحدها<<<< ومبروك النجمة ياحلو تستاهلينها وعقبال ما تعلقين عقود من النجوم أشك كثيراً أن يحدث ذلك لعدة أسباب أولاً سالم كبير في العمر ولن ترضى وضحى أن تزوجها له وثانياً هو ينظر لها على أنها لقيطة لا تستحق أن تنال ما وهبته وضحى لها فكيف يرضى أن يعطيها اسمه ويجعلها أماً لأولاده عرفنا الآن سبب تسميتها لابنها باسم نمر ولازلت متأكدة أن نمر سيكون له دور كبير في حياتها ومستقبلها بعد أن يكبر وقد يكون له دور رئيسي بزواجها وهذا ما يجعل زوجها يقتنع أن يسمي عليه أما سبب تسميتها هي باسم عوق فأظن أن من أسماها هو جدها لأمها ربما بسبب أنها كانت نتاج علاقة محرمة أو لأن والدها أعيق جراء الحادث الذي حصل له بعد فعلته الشنيعة مع أمها وإن كان من أسماها هي وضحى فربما كان سبب التسمية أنها قد انقطعت علاقتها بأهلها بسبب تربيتها لها فمعروف أن الناس قديماً كانت تسمي أبناءها على المواقع أو الأماكن أو الحوادث التي قد يتعرضون لها ثم أنها تناديها عوق المزايين فربما كانت تقصد ذلك من وراء اسمها أي أنها ستتعب المزايين ولن يصلن لدرجة جمالها السرقة......... قديماً قيل فتش عن المرأة وهنا نقول فتش عن الخادمة فهي تسير خلف مصلحتها ومن يدفع لها أكثر كان الأولى بعوق أن تسارع للتخلص منها بدل أن تتركها عندها رغم أن وجهة نظرها بتركها كانت سليمة نوعاً ما ولكن من يضمن أنها لن تكرر فعلتها بذريعة أنهم هددوها مجدداً بتسفيرها هي وزوجها ثم من يأتمنها على شيء بعد الآن ألا تخشى أن تسلمها الخادمة لسالم في غفلة من الزمن وبعيداً عن عيون وضحى خصوصاً أن سالم قد يكون له سابقة بالتحرش بها فهو ينظر لها على أنها لقيطة ليس هناك من يدافع عنها ويحميها ولن تتجرأ على اتهامه إن فعل بها شيء لأنه قد يتهمها بأنها قد سلكت مسلك أمها لأنه لا يعرف عن ماضيها شيء غاليتي.............. أعلم أني أطلت كثيراً ولكن للنقاش فيما تكتبين متعة خاصة فلك كل الشكر على هذا الإبداع بانتظارك دائماً بشوق دمت بحفظ الله ورعايته |
مرحباااا يا الغالية شلونج زين ان شاء الله ما ينصرف المعرس من عوق مع ان اتوقع بيقابلون ام عوق بيعرف المعرس بظروف عوق وبحكم انه ملتزم ما يبي يربي عياله الا ما يرضون عن دينه فلا ننسا قول رسولنا عليه افضل الصلوت والسلام محمد صلى الله عليه وسلم ان
روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك". يرجى بيان شرح الحديث وبيان معنى تربت يداك؟ جزاكم الله خيراً. وهذا الافضل معني خايفة من المطاوعة مع انهم ملتزمين بالدين واقامة محاضرات متفقهين في الدين الا عندهم بعض النقاط وعوق فيها كل المغريات اللي يبونها من زين وغنى وستر والتزام بس النسب هذا ممكن يكون عائق في دربها والى هنا واتمنى من الله يعينا ويعينتس على فعل الخير اوالتذكير بالله وفعل الطاعات ودمتي بخير يا الغالية وننتظرتك ونجمة من صاحبتها هالمرة |
اقتباس:
هلا وغلا حنون تستاهلين والله بارتات ماهو بارت الوضيحي وفيه بعد كثير من امي وكثير بنات قالوا فيها من جداتهم الصح صح والغلط غلط حتى تنظج العقول ونقدر نميز تسمية نمر لها مواقف بتجي بعدين تأكد ان عوق ما غلطت يوم سمت ولها ها الاسم توقعاتك بنشوف الصائب منهابا البارتات القادمه حبيت اعلق على فكرة عوق يوم رفعت الاوراق قريبه لي كانت توها متزوجه رجعت بيوم لبيتها لقته مقلوب فوق تحت ولما شاف زوجها البيت ما طرا لها الا ذهبها ان الحراميه سرقوها كان راح ينجن يقول ذهبك طار وانا ما بعد حتى سددت فواتيره يعني بندفع اقصاد على الفاضي عاد قريبتي بسم الله عليها ذكيه تقول لما طلعت من البيت وقفلت الباب رجعت فجاءه وفتحت شنطة الذهب وكبيته في كيس قمامه ورميته با الزباله واستودعته الله وطلعت لقيت كل بيتي مفتشينه الحراميه الا الزباله والشغالات شر لابد منه الله يكفينا شرهن اسعدني مرورك وسلمي على امك الله يقويهاويعافيها |
اقتباس:
هلا ومرحبا اخوي حزين الاحزان انا الي ممتنه لردودك الراقيه واقتباساتك المنتقاه توقعاتك بنشوفها في البارتات القادمه واكيد المجرمين بيحومون حول مكان الجريمه لكن بطرق ثانيه بنشوفها ان شاء الله اسعدني جدآ مرورك ومناقشتك الواعيه للأحداث |
اقتباس:
هلا وغلا نوف تستاهلين نوف لدرجة ان اشك انك تعرفيني وقلت لك القصه قبل اكتبها صبوحه لها نجمه مخبئه بتاخذها قريب عوق صارت بعمر ما نقدر نتجاهله ولا نستنكر ان كثير بنات بعمرها يفكرون با الزواج وخصوص اذا كل صديقاتها تزوجوا وبطبع الانسان يقارن ويعطي لنفسه مساحه من الكمال يشوف انه افضل من غيره وانحرم من شي من حقه توقعاتك كلها بنشوف الصائب منها ابراهيم اصغر من عوق بكثير ريم مثل ما قلنا بعمر عوق وفي اخت اصغر من ريم اكبر منه بيكون لنا وقفه معاها في البارتات القادمه فا استبعدي ابراهيم من انه يكون هو الفارس الملثم <<هذا انا غششتك ونواف اكيد لمن قلت اسمه ماهو حشو با الروايه وبيطلع بعد كم بارت اسعدني جدآ مرورك نوف وردك من الردود الي تسعدني وتدفعني للأمام |
اقتباس:
هلا وغلا وعليكم السلام ورحمة الله وبركاته الابداع والله هو وجود عضوه راقيه في متصفحي المتواضع صحيح اراده احيان امور كثيره تجهلنا وهي قدام عيونا لكن ما نلقي لها بال ويجي احد يلفت انتباهنا لها وربم يكون لها دور كبير بتغيير مسار حياتنا عوق اكيد انها بتكسب من تربية وضحى الكثير واهمها الدين والستر وفي احداث قادمه بنشوف مواقف لعوق وجهة نظر عوق عن الزواج نتيجة ضغوط هو خوفها انها بتقعد وحيده لو فقدت امها نظرة المجتمع لها كالقيطه زواج صديقاتها الي كانوا اقل بكثير منها والا ماننكر ابدآان في بنات اكملوا مسيرة حياتهم بدون زواج وان في اسر كبيره تعتمد عليهم افضل من الرجال ومثل ما قالت وضحى كم وحده تزوجت وتحسفت وقالت ليتني ما قلت يا عرس توقعاتك عن زواج عوق من سالم ودور نمر بحياتها القادمه كيف اقتنع زوجها انه يسمي ولدهم او حتى الطريقه الي سماه فيها بنشوف تسمية عوق لها سبب بسيط جدآ بنشوفه لما تحكيه صاحبة الشأن الخادمات شر لابد منه وبيكون لنا وقفه اخرى معاهن اسعدني جدآ مرورك العذب الراقي وردك المفصل الي يعطي لروايه نكهة خاصه |
اقتباس:
يسعدني جدآ مناقشتك وتساءلاتك وصحيح الاخلاق من الله سبحانه يعني المطاوعه بشر ماهم منزهين وبا النسبه للحديث الي طلبتيه دورت كثير عليه لكن كل مره يطلع لي ها الشرح واتمنى انه هو الي تبحثين عنه "تربت يداك"، و"ثكلتك أمك"، ونحو هذه من العبارات، تقولها العرب لمن تحبه وإن كان معناها في الأصل شر، إلا أنها من باب التحبب، فتربت يداك يعني لصقت بالتراب، والإنسان تلصق يديه بالتراب إذا كان فقيراً، فالعرب تسمي الفقير من كثر فقار الظهر، يعني مكسور ظهره، والمكسور ظهره تعبير عن أنه لا يملك مالاً فإن المال يشد الظهر. فالشاهد أن تربت يداك كناية عن الفقر، ولكن لا يراد بها في الحديث الدعاء عليه بالفقر، وإنما المقصود بـ: "تربت يداك" التحبب، كما تقول لرجل: "يا مضروب ما أحسنك"، فهو ليس مضروب، وإنما تقصد التحبب له، فتربت يداك في حديث: "فاظفر بذات الدين تربت يداك" ليس على ظاهرها، تعني الذي ظفر بذات الدين هو الذي فاز بالخير اسعدني جدآ مرورك |
اقتباس:
هلا وغلا صبوحه تدرين ما شفت ردك الا اخر شي الله لا يعمينا والمنتدى ادخل ويحذفني وتطلع اشياء وصفحات غريبه عوق اكيد لو ما استفادت من الاشياء الي قاعده تصير لها خساره تربية وضحى فيها وتفكيرها با الزواج انا اشوف انه طبيعي وفي البارت السابع والثامن بتتوضح اشياء على لسان عوق وعوق ما سفرت الشغاله لأنها عارفه ان سالم وسعد دروا ان حركتهم راح تنكشف والخادمه شاهد اثبات عليهم فراح يهدون اللعب توقعاتك كلها بنشوف الصائب منها والنجوم والله كلكم تستاهلون تيجان من النجوم واتمنى اهدي لكل وحده فيكم بارت لكن مثل ما قلت الروايه ماهي طويله وبارت حنونه ترضيه لها بعد حنون مثل بنتي وكسرت خاطري تتوقع يمين يجي شمال الهدف كان توقعها قبلك وتستاههلين انتي والهدف ولك نجمه من زمان لكن ما بعد جا وقتها اسعدني جدآمرورك وانا ادري بمشاغلك |
اقتباس:
هلا وغلا اموووله وعليكم السلام ورحمة الله وبركاته وصباح كل شي حلو يستاهلون الغوالي نجوم وانتي منهم عوق ربتها وضحى وزرعت فيها الكثير من شخصيته توقعاتك بنشوف الصائب منها ومن الزوج الي بيتوافق عليه وضحى وتحس انه يستاهل عوق مشاعل مثل ما قلت لهاله بيكون لنا عوده معاها والرجعه حاولت كثير اني احذفها لأن فيها شوية جراءه لكن غصب اجبرني الموقف اني ادرجه با الروايه يسعدني جدآ ردودك ومناقشتك الراقيه وحتى بتوقعاتك احس اني اقرأروايه با انتظارك بأذن الله الثلاثاءبعد الظهر اذا ما حبسني حابس |
السلام عليكمـ...
. . . يسعد مسائكم..., . . . حنو ..وش الي كل شوي نوف تاخذ نجمه...مآفيه أمكانيه نشمع خزنتها ب الشمع الأحمر =( وبعدين ام الوليد خلآص وانا أختكـ كفايه دهن سير للاحمر ..عرفنا ان ام نواف صآرت نقيب الحين... كل شوي ناطه لنا نجمه على كذا بـ تصير فريق اول وحنى ماشملتنا الترقيه مثل ماتعرفين انا وبياض واموله ..ملآزم..=( وحنو مازالت جندي..=( نبي حل مع النقيب الشايب الي كل شوي يعلق له نجمه ويحطها بخزنته ويحط فوقها قفلين..=( >فـيس فتان يسوي مظاهرات وبلبله . . . نجي لبارت.. . . . مسألة ان عوق تاخذ لها رجال حسب ونسب فـ هذا اشـك فيه واحط تحته خط أحمر...آلآ..أذا كان الرجال فيه عيب كبير..! عوق مو غبيه تآخذ احد طامع فيها...و..الوضيحي ماراح تحذفها مع مين من كان.. و عوق بنت ذكيه تبي تأسس حياة على المدى البعيد.. مو حياة تكون ورى الكواليس وبظل والا محكوم عليها يومين وتنتهي..وهذا اذا كان صاحب حسب ونسب.. كلآم الناس يـقتل..يتكلمون في البنت اذا كانت بمنصب عالي ف كيف اذا كانت البنت مجهولة النسب.. ماعتقد الزوج راح يتحمل كلآم الناس..اذا كانو يطعنون في عرض زوجته كل ماذكر اسمها كامل..آعتقد حمل تنؤء بحمله الجبال..! عوق ...لآزم يكون فارسها الملثم..بمقاسات معينه..! . . . الخدامه..! تسفير على اول طياره ... . . . بـكاك ي عوق بعرس ريم..لأنك تحسين نفسك مثل الشجره الي وقف المويه عنها وحتى اوراقها تخلت عنها وطاحت على الارض وتركتها.. . . . الزواج ي اخوات ماهو كل شي ولآهو اذا تزوجنا دخلنا الجنه..بعض الـزواج مثل حكم الآعدام الغير قابل للنقض خخخ . . . اخيراً نقيبنا مبروك نجمتك الجديده=) حنين مبروك البارت.. ^^ ام الوليد على البركه التثبيت ب الجوار من تميز الى تميز.. . . . لـ عوق الفرق بين السماء والأرض شاسع بالضبط مثل الكعك وفتاتـ الخبز لذيذ طعم العسل لو النحل لاسع بالضبط مثلـــ الحب بين ذل وعز . . . ب ألأنتظار..! |
اقتباس:
نوف بسم الله عليها بديت اشك من الناس الي حولي وينشبون لي يقرون البارت قبل ينزل والله يا ضمضم مدري وش معنى الاحمر تخبرني مرات اتنح الله يجيرتس الشي قدامي وانعمي عنه بعدين النجمات حدهن ثلاث وعقبها يجي التاج والمقص حنو جندي وجندي مجتهد بس يا اختي الدنيا حظوظ مسألة ان عوق تاخذ لها رجال حسب ونسب فـ هذا اشـك فيه واحط تحته خط أحمر...آلآ..أذا كان الرجال فيه عيب كبير..! صادقه ضمضم المجتمع مايرحم وفي اساسيات وثوابت في المجتمع لايمكن للفرد انه يشذ عنها الا بحالات نادره وهو الزواج من مجهولات النسب ... عوق مو غبيه تآخذ احد طامع فيها...و..الوضيحي ماراح تحذفها مع مين من كان.. و عوق بنت ذكيه تبي تأسس حياة على المدى البعيد.. مو حياة تكون ورى الكواليس وبظل والا محكوم عليها يومين وتنتهي..وهذا اذا كان صاحب حسب ونسب.. كلآم الناس يـقتل..يتكلمون في البنت اذا كانت بمنصب عالي ف كيف اذا كانت البنت مجهولة النسب..)اكيد زوجها بيكون له مواصفات معينه المشكله الحين لو عوق تبي الي خطبها وامها عندها اعتراضات كيف وضحى بتقنع عوق با الرفض هذا الي بنشوفه با البارتين القادمات وبنشوف بعدها الفارس الملثم او الفارس الاعرج على قولة عوق الخدامه هي وجهات نظر عوق كانت تشوفها كرت تهدد فيه سعد وسالم وخصوص ان مافي شي في البيت يخافون عليه المطلوب اوراق وعوق مأمنه مكانها . بـكاك ي عوق بعرس ريم..لأنك تحسين نفسك مثل الشجره الي وقف المويه عنها وحتى اوراقها تخلت عنها وطاحت على الارض وتركتها.. بكت عوق بكاء حدث اللحظه وهو ان الانسان ما يدري وش مكتوب له يمكن بعدين تتحسف على ها الدموع الي كبتهاتبي العرس وتوفر دموعها لشي ثاني الزواج ي اخوات ماهو كل شي ولآهو اذا تزوجنا دخلنا الجنه..بعض الـزواج مثل حكم الآعدام الغير قابل للنقض خخخ صحيح ضمضم الزواج ماهو كل شي بعض زواج اطلبي الله عنه شقى ونكد لكن الانسان يحب الحياه الي ماعاشها وهذا طبع البشر دايم نتمنى الي ماهو عندنا قابلة كثيرمن بنات اعمارهم كبيره ولا تزوجوا وعايشين مرتاحات وكثير متزوجات حياتهم نكدوكدر ويظل توافيق ربي وثم اختيار الزوج المناسب هي العامل الاساسي با السعاده والتعاسه في البارتات القادمه بنشوف الصائب من توقعاتك الله يبارك فيك ضمضم ما توقعت انكم بتثبتونها خصوص انا عندي حساسيةه من التثبيت لـــــــ ضمضم ما لي الا بيت شعر(ن) اذكره في كل ليله.. لا انتهى جدال المعاتب بين قلبي وبين عيني.. ول.. يا كبر القهر لاصار ما باليد حيله.. والجروح من القرايب والخطا مني وفيني !! وانا بعد في انتظارك |
السلام عليكم ورحمه الله وبركاته
صــبآحك سعـاده وراحه بـال غاليتي ام الولييد عووق المزايين وآآه من العووق تطوور سريع ومذهل فالاحداث عووق اصبحت مثل الي يحاول يتمسك لو بقشه تنظر لزواج انه شي حيحسسها انها انسانه مرغوبه فالحياه وان فيه ناس حابينها بنما ماتدري ان يمكن حياتها عند امها افضل من الحياه عند زوج راح يضل يعايرها بشي هي مالها يد فيه بس ان شاء لله يكوون عكس توقعات الجميع وهذي مشكلت كثييير من البناات حاطه ان الزووج هو الي بينتشلها من العذآآب الي السعآآده بينما يكوون كثير يكون هوو سبب فتحطيمهاا ومووت احلامهاآ بس دايم تبقى الحسنه الوحيده هم عياالها طبعن واكثر شي عجبني هوو التغيرر الحلوو الي صااير فعووق صحيح انها ساارت تحب تتصنت ههههههه بس والله هالعااده احياانا تنفعك خخخ واحسس ان شخصيتها صاايره اقوووى واكتسبت الحكمه الكبيرره مو شي غريب طالما انها تربت على يدين احكم النساء الوضحى وضـحـى هالام لو شنو منقوول عنها مانووفيهاا من جد شخصيه نااادره تفتقدين هالشخصياات فهالزمن يعجبني تمسكها بعاداتها وعقلها الكبير والرززين الي تقيس كل خطووه قبل لاتسوويه لدرجه انك تحسينها تمشي مثل الساعه الله يطوول فعمرهااا ويخليها للعووق والله كل بااارت احط يدي على قلبي خاآآيفه انهاااتمووت وبسسبب هالشي اتمنى ان عووق تتزوج اخو صاحبتهآآ لانه مهما كاان ناااره ولا جنت عيال زووج امها والعذااب الاكبر المجتمع والله ماحد يرحمها ومهما كاان زوجها على الاقل تجيب لها عيااال تربيهم مثل ماتربت هي ينفعوونها اذا كبرت ويبرون فيها انا منصددمه فهالجشعين سالم وسعيد يعني معقووله انساانه كانت لهم بمثابه الام اخرتها يحاوولون يسرقوونهاا وياكلوون فلوسها واملاكها وهي حيه اجل وشلوون لوو تموووت والله ان يقلبوون الدنيا على راس العووق اممم ام الوليد عند تووقع مادري وش يبي بس يالله بقوولها يمكن يكون صح واخذ نجمه كبييره هههههه اتووقع ان عووق تتزوج سالم يووه والله عنندي كلااام كثيرر بس للاسف لاجيت بكتب نص الكلام يطير هع وعارفه وش احلى شي انك انتي كنك تقوولين سالفه لنااا واحس اني انا الحين كنك جالسه قدامي واكلمك ماحس اني جالسه ارد على روااايه وفعلن هذا الشي هو الي مميزز رووايتك وعقباال مايعطوونك التميزز وصدقيني لو ماتاخذي تميز كفايه اسمك فيه الله يحفظك وشكرا وبأنتـظـارك يووم الثلاثاء بفـآآرغ الصبر ودي |
اقتباس:
هلا وغلا عوق تفكيرها ناتج عن خوفها انها تفقد امها والسند لها بما ان الكل ما يبيها اهلها خايفين من الفضيحه وعيال زوج امها يشوفونها انها متطفله عليه مالها حق من اموال وضحى بما انها غريبه عوق مافكرت بعد الزواج وش راح يصير المهم انه زواج وضحى مثال على ناس بينا ما زالوا انقياء السريره ماغيرة الدنيا من مبدائهم الراقيه زواج عوق بنشوفه قريب لكن هل عوق راح تستمر بزواجها اولا توقعاتك بنشوفها كلها قريب ان شاء الله اسعدني مرورك الي هو تميز بحد ذاته لي ونشوف مع بعض بأذن الله سالفة الثلاثاء |
السلام عليكم ورحمه الله وبركاته
ام الوليد الف الف مبروك على التثبيت تستاهلين كل خير ياقلبي لانك موهبه تستحق التميز وقلم مبدع نشتاق له ومبروك لام نواف على النجمه تستاهل حنوووووووو تستاهلين الاهداااء ياقلبي من كريم لمستحق نجي للبارت الراااااائع والممتع عووق تجاربها القليله وخوفها من المستقبل وتربية الوضيحي اثمرت لنا عن شخصيه ذكيه وفطنه ومستعده للمواجهه واكبر دليل اخفاؤها للاوراق والمستندات لانها توقعت حركتهم الدنيئه واعجبتني انها قدرت على الشغاله وخلتها تكب عشاهاااااا كله من الخوف حسبي الله عليهم كانهم اذيه والصراحه اوجعني قلبي على دمعتها الي ذرفتها بزوااج ريم لانها تمنت انها تتزوج وتكون عائله صغيره وهذا حلم اغلب البنات الله يرزقهم بالزوج الصاااااااالح بس عوق تحس حلمها بالزواج تحسه صعب جدا نظرا لظروفهااااا لان المجتمع يرفض انه يزوج احد ابناؤه من مجهولات النسب وقلما الي يشذ عن هذه القاعده واتوقع ان زوج عوق المستقبلي راح يكون ذو مواصفات مميزه عشان ترضى عليه الوضيحي زوج لبنتها وتامنه عليهااااا نمررر ياربي على هالرجال الصغير والله اني حبيته بشكل كبير اللحين عرفنا سبب تسميتها لولدها باسم نمر الوضيحي ربت وتعبت وسهرت والنتيجه بنت الكل يشكر فيهاااا وتربيتها الله يجزاها كل خيرررر ام الوليد تسلم يدينك يالغلاااا الله لايحرمنا من هالابداع |
صباح الخير
لفت نظري العنوان وقلت لنفسي يابنت اقري منتي خسرانه مبدعه ماشاء الله ذكرتيني بالروايات الثقيله اجدتي بالوصف والتعبير عوق ربي عوضها خير بوضحى ربتها وصقلت شخصيتها وهذبتها ع الدين ولاخلاق صعب انك تكتشف بين يوم وليله حقيقتك وان الانسانه اللي عشت معها عمرك مو امك موقف لاتحسد عليه عوق لكن الحمد لله قدرت تتعدى الازمه وتعايشت مع حقيقتها المره اما ساره ومشاعل والله مادري ايش اقول فيهم حزنتني عوق جدانها يبون يتخلصون منها وكان الغلط بكيفها وتوهم يذكرونها بعد هالسنين جايين يبونها وياليت جابرين بخاطرها لا ويقولون تجين بسكات وتروحين بسكات تجريح عيني عينك لكن والله طلعت قويه ووقفتهم عند حدهم بالنسبه لحوار عوق مع نفسها وان زميلالتها تزوجوا وهي لا اشوف انو طبيعي ذا الشي بلاش من المثاليات الزايده لاجد زيها زي البنات كل وحده عندها احلام وامال وان شاء الله العوض جاي ومبروك التثبيت بالجوار واصلي ابداعك واحنا وراك بالتوفيق يالغلا |
اقتباس:
هلا وغلا عبق مجهولين على كثر ما يتعاطف معاهم المجتمع على كثر ما يقسي عليهم التربيه والبيئه الي ينشئ فيها الشخص لها دور بتشكيل شخصيته اليوم با البارت السابع بنشوف الصدام بين عوق وامها على الخاطب الجديد ومين الي راح تغلب فيهن او راح يتفقن على الخاطب الجديد انا والله الي ممتنه لمتابعتك لروايتي المتواضعه واتمنى انها تشدك الي اخر كلمه تكتب الي هي تمت بحمد الله اسعدني جدآ مرورك وتوقعاتك |
اقتباس:
هلا وغلا اتمنى والله اني عند حسن الظن اكيد صعبه ان الانسان ينصدم بحقيقة وجوده وخصوص اذا مجهول النسب في حالات مجهولي النسب المحني عليهم يعاملون كأنهم مجرمين المجتمع ينسى فعل الاب والام في بعض حالات تستمر حياتها الا المجني عليه الي هو مجهول النسب الكل يعاقبه كأنه هو الي اختار انه يكون مجهول النسب اهل عوق الحقيقين ما نقدر نقول انهم غلط 100%لأن ظهور عوق راح يدمر بيوت وخصوص انهم من عايله محافظه بنشوف في البارتات القادمه وش راح يصير وكيف عوق بتشوف ابوها بدر وعوق شعور طبيعي مثل اي بنت وصلت مرحله عمريه معينه تجي في بالها الاشياء اتمنى ان الروايه تعجبكم الي اخر كلمه راح تكتب الي هي تمت بحمد لله والروايه ترى ماهي طويله مره اسعدني جدآ مرورك |
اقتباس:
هلا وغلا اسعدني مرورك |
بسم الله الرحمن الرحيم هلا وغلا بكل الحبايب الي انثرو اريج حروفهم وعطروا متصفحي المتواضع .. وحتى والله في توقعات اكبر من مستوى تفكيري لو بجمعها بطلع روايه جديده.. في توقعات للبنات تصادف توقعات بنات ثانيات يمكن تكون حتى بنفس الوقت واخذ الاقدميه بدقايق..! با المنتديات الثلاثة الي انزل فيها الروايه.. ويكفيني انكم نجوم من ماس تزين سماء الروايه. وممتنه للكل واعجز عن الشكر لكل الي مروا على المتصفح بشكر او تقييم او اعجاب او اخذت من وقته وسطر ردود تعني لي الكثير.. او الي خلف الكواليس من الي اعرفهم ويناقشوني.., ما توقعت اني با القى ها الاصداء .., ممتنه جدآ لحزين الاحزان الي كان اول رد له في منتدى ليلاس كان بنوح الحمام.. . . . بارت اليوم راح تمتد احداثه للبارت القادم ..؟ احداث الروايه من خيال قارئه لا كاتبه ربما يكون منها ماهو حقيقي والاكثر فيها خيال ...!!!!!!! اليوم بنشوف عوق المزايين وفرحتها بالخطبه وردت فعل وضحى الوفاوالطيبه كما سمتها وحده من المتابعات loostالله يسعدها وبعد نظر العجايز واكبر منك بيوم افهم منك بسنه لكن ماهو دايم ترى ها المثل مرات يصيب ومرات يخيب..؟! . . . يا الله تعالوا معاي ..!! وسالفه جديده..., . . . البارت السابع . . . عوق با ارتباك\ازهارانا عندي ظروف تمنعني من الزواج الحين..!! ازهار بتردد\احنا عارفين ظروفك اناماكلمتك الا بعد ما سألناعنك...؟ عوق بدهشه\بس انــا.. ازهار بمقاطعه \ لا تقولين انا ولا شي استخيري وشوف راي امك .., ترى اخوي مصر عليك وشاريكي وراضي بوضعك واحنا حموله معروفه اسألو عنا.. عوق\ يصير خير عطيني مهله افكر في الموضوع والله يقدم الي فيه خير..., . . . فاجأني كلامها اول مره احد يقولي ها الكلام صريح..., كثير بنات لمحوا لي عن اعجابهم فيني وانهم يتمنون يخطبوني..., لكن كنت على طول ما اعطيهم فرصه يتمادون..! . . . رجعت للبيت ودخلت لغرفتي وفي بالي كلام ازهار..! معقوله في ولد حموله وناس معروفين يخطب بنت مجهولة النسب ..؟! الشباب يسافرون للخارج دول اجنبيه وعربيه ويتزوجون من جميع الجنسيات ولا يعرفون شي عنهن..., وما سمعت في يوم ان احد تزوج من بنات الرعايه يمكن في حالات لكن انا ما سمعت...!؟ وكثير سألت في احد معروف نسب تزوج من بنات الرعايه او العكس لكن مافي احد عطاني امل..! هذي فرصتي وهو مثل ما تقول ازهار عارف بوضعي وراضي ومصر علي ...! والفرصه ماتجي للأنسان الا مره وحده بستخير واشوف راي امي .., ياربي عسى ما يفاجئني شي ويوقف بطريق ها الزواج يعني بتزوج معقوله...! ومطوع بعد مثل ما كنت اتمنى يعيني على ديني ودنياي يمه قلبي احسه بيطير من الفرحه ..., انا اعرف ازهار لكن ما اعرف اهلها لوعطتني اسم اخوها الكامل احتياط اذا وافقت امي نسأل عنه..! بس الله يسترمن سعد وسالم ماهم هينيين لكن مدام امي على راسي ماعلي منهم اهم شي امي تقتنع..! يا ليت ازهار قالت لي وش اسم اخوها وانا استحيت ما سألتها بكرا ان شاء الله بسألها عن اسمه..! ام عوق بدهشه\عوق بسم الله عليتس وش بلاتس تضاحكين روحتس ..! عوق بخجل\ هلا يمه لا بس تذكرت سالفه با الكليه ..؟! اردفت عوق با استغراب\الوضيحي داخله غرفتي ومنورتهااكيد فيه شي..!؟ ام عوق \لا والله مافي شي بس استغربت من جيتي من الجامعه دخلتي غرفتس ولا طلعتي قلت اكيد بنيتي فيها شي.. ودخلت الا انتي تشرين بيدينتس وتضحكين وماحولتس احد...! ام عوق وهي خارجه من الغرفه\قومي تغدي وارقدي ريحي عمرتس قبل الصلاة..., طلعت ورى امي للغدا وما ادري كيف افاتحها با الموضوع مستحيه ومنحرجه منها ..؟! . . . على سفرة الغدا . . . عوق بتردد\ يمه تتخيلين يجي يوم وانخطب واتزوج..؟! ام عوق بضحك \الي ربي كاتبه لتس تبين تشوفينه ..؟ عوق بممازحه \ليه يمه تضحكين والله اني اتمنى ربي يرزقني مطوع لحيته طولها شبرين .. ام عوق با ابتسامه \عسى الله يسوق لتس رزقآ حلال هين لين ماهو على البال.., اردفت ام عوق با استغراب\مير مهي لتس عاده تطرين العرس والله ان وراتس علم يا عويق.., عوق با ارتباك\ لا مافي شي بس سوالف والا الي مثلي من يبيها...! ام عوق بألم\الي خلقتس ان شاء الله ما يضيعتس وان شاء الله طاعتس لربتس بتوصلتس مواصيل الخير بس لاتعتجلين على رزقتس.., وقمت من الغدا ابي انام دخلت غرفتي واتقلب ماني مرتاحه لازم اخبر امي واحسم الموضوع بسرعه..., اخاف ابطي على ازهار با الرد وبعدين يتراجعون عن الخطبه...! رجعت لأمي الي دخلت غرفتها علشان ترتاح.., وقفت عند الباب ..! ضحكت امي واشرت لي بيدها \ تعالي ما قلت لتس ان عندتس علم وعلمآ كبيرولا يكون وراه خطبه..! ابتسمت لأمي\ ما يخفاتس شي يا الوضيح ..! ام عوق \لو يخفاني شي وانا امتس كان مبطي ضايعه ..؟! اردفت بأصغاء\هااه هاتي العلم الي عندتس ..!؟ عوق بتردد\اليوم جاتني صديقتي با الجامعه وكلمتني عن اخوها وقلت لها يصير خير..., وهو ترى رجال ماعليه و فيه خير.., ام عوق بغضب\ وانتي وش دراتس ان فيه خير..! عوق با ارتباك\ اخته يمه اخته تمدحه وتقول انه مطوع .., ام عوق \وهو كل من مدحته اخته صار صحيح ..., وخويتس خلينا نبدي النيه الطيبه ونقول صادقه اخوها ولا هي شايفه منه غير الزين..., انا ما ربيتس كل ها العمر وضفيتس تحت جناحي وبسهوله افرط فيتس...! عوق بخيبة امل\يعني اقولها خلاص اصرفوا نظر..., ام عوق بهدوء\ما نبي نستعجل وانا امتس استخيري وادعي ان ربتس يقدم لتس الي فيه الصلاح وانا بعد بستخير...! ياعوق انتي قلبتس ابيض يا بنتي ولا جربتي من الدنيا شي..؟ عوق با استعطاف\ بس هذا فرصه واول شخص يدق بابي..! ام عوق \ لو على دق البيبان والله تكسرت تبيتس...! من يوم دخلتي المتوسط وانا تخطبتس الناس مني لكن والله ما شفت فيهم الي عينه مفتحه والا كان مبطي مزوجتس.., وحتى من الي خطبوتس سالم ولد ناصر.., يوم جاني خاطب طردته قلت الخلا يا سالم ماخليت الحريم يهينون عوق صغيره.., بخليهن يركبن راسها وهي كبيره..., عوق بدهشه\يمه معقوله سالم يخطبني وعياله كبري واكبر مني...!! ام عوق\الي جاتس ماني كاذبه عليتس ..., لا بعد جايب حرمته معه تخطب بزعم انها موافقه..., قلت عوق ما ازوجها ولدتس يا منيره فبعطيها رجلتس ...! وانا عارفه الهدف وانا امتس ها الحلال الي عندتس بياخذونه وعقب عيني والله ما يردتس الا دار الرعايه..., الي ما رضيت ليله تنامين فيها وانتي رضيع ... هم بينومونتس فيها وانتي راشده تالي عمرتس كله..! من غير ناس واجد شي اذكره وشي ناسيته..؟ انتي وضعتس غير ولا هو اي واحد يصلح لنا وانا امتس...!! ما قلت لتس با امر الله ما يخفاني شي.., عوق \الله يطول بعمرتس يا ميمتي ويخليتس لي .., ام عوق آردفت با استسلام\خلاص بنسأل عن الرجال والنصيب مثل الموت مايدري متى والا وشلون يجي...! وبرسل ابو ابراهيم يشوفه مااثق الابالله ثم فيه رجال فيه دين وصدوق ولا له مصلحه لا بزواجتس ولا قعودتس.., لو انه والله يتمنى انتس ترتزقين مثل البنات.. عوق \خلاص يمه الي تشوفينه...! اردفت عوق بحيره\لكن ليش ما كنتي تخبرني ان فيه ناس كانت تخطبني...؟ ام عوق بضحكه\ علشان ما تمرحين الليل من التفاكير..! تشيلين وتحطين وهو شسم الي خطبني وشلون شكله..! لا بالله يا بنتي ريحت راستس وقلت اذا جا المناسب عطيتس العلم..! وخليتس تحاكين روحتس وتضاحكين ضلالتس..!؟ . . . مر اسبوع بعد ما اخذت من ازهار اسم اخوها وكل التفاصيل عنه علشان نسأل انا استخرت وعادي لارفض ولا قبول لكن عندي احساس انه اخر فرصه لي با الزواج ..! وامي تقول ماهي مرتاحه...؟! وكلمت ام ابراهيم امي على التيلفون وقالت ابو ابراهيم يبي يكلمتس..؟! جلست عند امي اسمع مكالمتها واشوف عيون امي فيها كلام يخوف حتى قبل ما تنهي المكالمه..., لايكون تراجعوا والا احد حسفهم انهم خطبوني ...!؟ ياكثر الحساد الي تشب نيرانها اذا سمعت طاري خطبه كنه رزقهم وأحد تعدى عليه ناسين ان مقسم الارزاق الله...!! انا عمري ماحسدت احدولاانا طالبة شي كبير اتزوج وانسترمثل صديقاتي والبنات الي حولي يعني هذي صعبه .., يا ترى وش قال عمي مسلط خلى حتى صوت امي يتغير..؟! . . . وبعد ما صكت التلفون /ي يا عوق الرجال ما يصلح لنا..! عوق بقهر\ليش ..!؟ ام عوق\ابو ابراهيم سأل عنه يقول ان الكل مدحة ورجال مستقيم وراعي صلاه ومواضب بعمله .. عوق بترقب \طيب ؟ زين...! ام عوق \ لكن ماخذ حرمه قبل ومطلقها...! عوق بدهشه\مطلق ..!!! ام عوق با اصرار\ايه مطلق وسبب طلاقه الظاهر لناس والله اعلم انه ما يبيها تشتغل..! وهي شارطه شغلها قبل ياخذها..., وعليه منها ورعان وجر وريعاتها منها غصب .., و الحين حرمته واهلها رافعين عليه قضيه با المحاكم.. بنتهم تبي تشوف عيالها وهوماسكهم عنها ... ام عوق بوجع \يا بنتي الي ماوقف بشروط ام عياله وش تبين به...! زود على انه قاطعها من شوفتهم هذا وش قلبه الي حارم عياله من امهم...! عوق بوجع\ يمه انتي ماتدرين عن ظروفه طيب يمكن هي الي غلطانه ولا فهمته..! ام عوق بتهكم\يعني انتي الي بتفهمينه..! يابنتي السوالف بسيطه المصيبه الفعل...! وكم سالفه سمعنا فيها وقلنا لو انا مكان فلان كان سوينا وفعلنا..., والله اعلم انه لوكنا بمحله ضاعت علومنا ولا سوينا شي بس الي يسمع ماهو مثل الي يشوف و يجرب..؟! . . . سكت ماعرفت ارد على امي واجادلها..., لكن بداخلي انقهرت من كلام امي ليه تضيع علي الفرصه الي يمكن ماتتكرر..! واذا مطلق ام عياله لا انا اول ولا آخر وحده تاخذ مطلق..., عياله بعاملهم مثل عيالي هذاانا تربيت يتيمه يعني وش صار بالدنيا...! بعدين هو مطلقها قبل يخطبني يعني انا مالي دخل بطلاقها.. وانا ابي مطوع يعيني على نفسي واعيش معاه سعيده.. ولا يهمه انا مجهولة النسب او معروفه اهم شي عنده انا ..! ما يحكم علي من وضعي الاجتماعي يحكم علي با اخلاقي...! ليه امي واقفه لي ...!؟ امي ماهي دايمه لي مريضه وعمرها فوق التسعين واشوف انها تتمسك با الحياه وتقاوم المرض على شاني عسى ربي يمدعمرها با العمل الصالح.., وانا توني با العشرينات يعني كم بتقعد لي امي.., والله لو ينعطى العمر والا العافيه ما يغلى عليها.. انا عقب عينها وش يصير بحالي اذا ما تلاحقت نفسي وتزوجت وجبت لي ضنا يشيلني... ما ابي يصير مصيري لدار العجزه بآخر حياتي.. والا اموت في بيتي واشبع موت وحيده محديدري عني .., حتى جنازتي يشيلها الي يدورالاجر من المسلمين واختفي من الدنيا لاحس ولا خبر ولا اثر.., انا ادري ان امي تبي مصلحتي لكن الوقت ماهو في صالحي .. مصيري مرتبط بحياة امي متى ماصار لها شي اذا ما تلاحقت عمري وتزوجت بتنتهي حياتي.., وانا ما ابيها توافق غصب عنها ابيها توافق وهي مقتنعه.., مر اسبوعين وجات ازهار تسألني ..؟ . . . ازهار\عوق وش صار على الموضوع ...!؟ انتو طولتوا علينا ما رديتوا واخوي مستعجل...! عوق بملل\ماصار شي للحين امي تسأل..؟ عوق بملامه \ازهار ليش ماخبرتيني ان اخوك مطلق..؟! تلعثمت ازهار\ علشان كنت ابيك تفكرين با الموضوع واكيد انكم بتسألون وبتعرفون..., ولو قلت لك من البدايه انه مطلق على طول بتسدين الموضوع ماراح تفكرين با الخطبه.., عوق با استنكار\ لا بس المفروض كان من البدايه بينتي لي كل شي هذا زواج ماهو لعبه والا تمشيه..! ازهار بانكسار \اسفه عوق ترى كان ودي اقولك لكن هو الي طلب مني ما اعلمك..؟ . . . صدمه جديده صدمتني فيها ازهار...! وش قصده من ها الطلب ..!! عوق بتساءل\ ازهار وش سبب طلاقه..؟ ازهار با اندفاع\زوجته عنيده وانانيه وراعية مشاكل ومــــ..., عوق با اشمئزاز\بس بس تكفين خلاص .., ازهار بتعجب\ليش ماتبين تعرفين السبب..!؟ عوق بألم\هذا ماهو سبب يا ازهار توقعت انك بتقولين سبب الانفصال شي ثاني..؟! ازهار بقهر\انتي ما تدرين ذيك الانسانه كيف كانت تعاند وتطول لسانها على امي .. وتبيها شغاله لها ولعيالهاوكم مره امي تبكي منها..., عوق بملل\ خلاص بنرد لكم قريب.., واستأذنت وتركت ازهار ..., رجعت للبيت ودخلت على امي بغرفتها وسلمت ..., عوق بوهن\ ما ابي غدا بنام صحيني لصلاة..., ام عوق بحده\ تعالي لاحقه على النوم .. لكن علميني وش الي مكدر خاطرتس ...! من صارت سالفة الخطبه وانتي منقلب حالتس لاتجلسين معي وبس اتهربين...! ام عوق بتساءل\انتي محاكيه الرجال وماخذه العلم من راسه..؟! عوق بجزع وخوف \ لاوالله يمه ماهو انا الي اسويها ..., ام عوق بحده\اجل وش لعب بحالتس ياعوق...! ما ابيتس تندمين والا ها الحين ادق على اهله واقول تعالو ا ترانا موافقين لكن انا ما ابي لتس الا الزين..., انا عارفه وش تفكرين فيه...!؟ والله ياعوق ان اعتراضي عليه ماهو علشانه مطلق لا يا بنتي...! كم رجال طيب يبلاه الله بحرمة ماتستاهل مواطي رجليه..! وكم حرمة اجوديه تبتلى برجال نذل..., ويصير لها مثل الخشم العوج لا تقدر تدسه ولا تقدر تقصه وتصبر عليه تدور الستر والا كان لها وريعات تجلس عليهم..., الدنيا يا بنتي دقتني دق ماني بنت البارح واعرف الادمي قبل ينطق..! انا ارسلت عليه وجاني وشفته انا وابو ابراهيم...! تفا جأت من كلام امي...! عوق بدهشه \ متى وليه ماخبرتيني..؟! ام عوق \ اليوم الصبح كنت ابي اشوفه واشوف وش هو من لحيه ..., ان طلع رجال شد اليد ويسعدتس وافقنا..., وان ماجاز قلنا له مع السلامه وتلقى اطيب مناوترانا على البر..., عوق بترقب \ وش شفتي منه..!؟ ام عوق بحسره\شفت انه رجال ما يصلح لتس ...!؟ ماخلى ولا بقى على ام عياله ماستر شي ذمها عندي حتى يبس لسانه..., ويتهدد يقول بتزوج واحرق قلبها على عيالها..., وتحلم حلم انها تشوفوهم وخل وظيفتها تنفعها ام عوق با استهجان\ومير يستعرض بعد قدامي يقول تدرين يا ام عوق اني علقتها سنة...! ولا طلقتها لين خليتها تدفع كل الي عطيتها وصرفته عليها...؟! ام عوق بوجع\مثل هذا وش ترجين من وراه...! الرجال يبيتس عصى تأديب لأم عياله..؟! عوق بقهر\ يمه يمكن انه هي ما قصرت فيه وصلته لقصاه...؟ ام عوق تهز راسهابألم وقلة حيله\انتي ما عاد ينفع معتس سوالف قضبتي لتس طريق الله يكفيتس شر نهايته..! لكن وش رايتس ارسل عليه مره ثانيه واخليتس تشوفين بعينتس وتسمعين با اذنتس وعقبها انتي بكيفتس لا تلومين الا نفستس ..., عوق بوجع \ لا خلاص الي تشوفينه صح سويه..؟ واطلع من عند امي لغرفتي والقهر ماكل قلبي ..., ليه امي تبي تشوه صورة صالح بعيوني سبحان الله حتى اسمه فيه خير صالح ...! الله يسامحتس يمه كان هذي افكارتس بقعد طول عمري انا وانتي متقابلات يا تدفنيني يا ادفنتس ...! يعني يا مشاعل حتى با الحظ جنيتي علي ورثتني حظتس الاقشربقعد مثل الشجره اليابسه لاظل ولا ثمر...! انتي ما انحرمتي من الزواج ورضيتي في بدر الاخايفه من الفضيحه.., وانا با انحرم من الزواج علشان قاعده ادفع ثمن ها الفضيحه..., نمت وانا خلاص مثل الي في مباراه وكان ضامن الفوزوباالأخير طلع خسران..., صحيت على صوت الشغاله تدق الباب ...! الخادمه\ عوق ماما يقول البسي عبايه وغطوه وبسرعه تعالي في اثنين رجال برا في مجلس...! واقوم مرعوبه ناظرت الساعه ماهو وقت صلاة.., لبست عباتي وقفازي اكيد هذولا سالم و سعد جايين يغثون امي..؟ والله يا سويلم لولا خوفي ان امي يجيها شي كان علمتها بسواد وجهك قبح الله اشباهك..؟! لا ومن زين الوجه جاي وجايب منيره يسحبهاوراه تخطبني.. يرقع سواياه يحسبني بخاف منه واوافق الحمدلله ان امي فاهمتهم..! اعوذبالله منهم تسلطوا علينا ليت امي حارمتهم كل شي وريحتنا من وجع الراس..؟! والا مشتكيه عليهم وفاكتنا من شرهم والله الكل يشهد ان المال مال امي بس هم سرقان.., الله اعلم وش ها المصيبه الي جايبينها هالمره اكيد مسوين شي عظيم والا مانادتني امي ..! دخلت المجلس الا عمي مسلط..., وامي وشخص ثالث اول مره اشوفه..!!؟ . . . ام عوق\ تعالي يا عوق مامن غريب هذا صالح اخو خويتس الي خطبتس..؟! ارسلت عليه وما قصر جا على طول ..., عذبناه الاجودي كل شوي مرسلين عليه... . . . واناظره من تحت غطوتي شكله اقل من عادي لونه حنطي وعيونه صغار وخشمه كبير ومليان شوي لكن ملتحي ما شاء الله.., حتى شكل عمره ماهو كبير اتوقع اول الثلاثينات لحيته سوداء... الحمدلله اكيد امي رضت عليه وبتوافق اني اتزوجه ياربي لك الحمد.. ماهو مهم شكله اهم شي رجال ملتزم يعني برزه با المجالس الرجال مخابر ماهم مناظر..! يشبه لأخته ازهار لكن هي احلى منه بشوي ماهو بواجد.., ياكبر فرحتي معقوله امي وافقت ماني مصدقه..! قطع علي افكاري صوت امي ...!؟ ام عوق\ يا حي الله صالح.., صالح\الله يحييك ياخاله ..’ ام عوق\هذي عوق بنتي ونبي انا وهي نعرف منك بعض الحاجات لا واسط ولا وسيط..! صالح بفرحه\ابشري وش تبين انتي وعوق..., ام عوق\سبب طلاقك انا عرفته منك بس ابي عوق تسمعه..؟ صالح\ سبب طلاقي مثل ما قلت لك يا خاله اليوم الصباح..! وظيفتها ولا تحترم اهلي ومن يوم توظفت نفشت ريشها علينا...! مهملتني انا وعيالها وفوق هذا كله تفرق بيني وبينها...؟! تقول راتبك لك وراتبي لي ما كأنا زوجين واخرتها شرت بيت وراحت سجلته با اسمها..! وفشلتني عند اهلي وجماعتي حرمتي شرت بيت وانا اخر من يعلم...! لا وتقول لأمي با خذكم اسكنكم في بيتي تبي تقهرامي وتغبنها.., صالح با استهزاء\خل البيت الي شرته ينفعها.., ام عوق بتعجب\ هو انت دفعت فيه شي البيت ..؟! صالح بتهكم\ ادفع ...!؟ ليه ادفع هذا الي ناقص بعد والبيت با اسمهاتموت واهلها يا خذونه غنيمه بارده..., صالح بتحدي\ماني صالح ان ماخليتها تمشي تحاكي نفسها..., ام عوق بتهكم\ ما شاء الله عليك ما يضيع لك حق يا صالح...! اردفت ام عوق \وطيب ليه اخترت عوق با الذات وانت عارف وش وراها...!! صالح بحده\ حلفت اني لأاتزوج مزيونه واحرق قلبها علشان اذا شافت حرمتي تدري مالها امل ترجع... وسمعت من اختي تمدح عوق وزينها يوم سألنا عنهاعرفت وضعها..., ام عوق\ اهلك دارين كلهم بوضع عوق والا بس انت...؟! صالح\ اي نعم كلهم دارين واول شي رفضوا لكن عقب وافقوا واقتنعوا ..., امي راحت هي وخواتي للكليه وشافوا عوق وقالوا هذي الي بتحرق قلب فايزه بزينها ...!؟ ام عوق بتعجب\ انت ما انت خايف تعايرك الناس بعدين وشلون اخذت لك وحده ما تعرف اصلها من فصلها..؟! صالح بثقه وتحدي\ وهذا المطلوب اني اكسر خشم فايزه واهلها اني فضلت وحده مجهولة النسب على بنتهم بنت الاصل والفصل واي سؤال تبونه انا جاهز..., ام عوق\ لا بالله كفيت وفيت ماشاءالله عليك..., صالح بجديه\ هاه يا خاله لكم شروط تبون تسألون عن شي ترى ماعندي لاكذب ولا لف ودوران..., ام عوق بتهكم\ لا هو انت ماشاء الله عليك الي مثلك يطلب عليه شروط...! صالح\لا بالله يا خاله اشرطي وكل شطروكم بنفذها ..., ام عوق\لا تستعجل يا ابن الحلال كل شي بوقته زين ..., والله يكتب الي فيه خير لناولك ..., ام عوق تلتفت لعوق\ها يا عوق هذا صالح تبين تسألين والا عندتس شي والا في خاطرتس شي قوليه ها الحين... ولا تقولين بعدين امي غشتني واجبرتني على ها الرجال..., هذا صالح ما شاء الله عليه رجال وسند يعتمد عليه..., عوق بشرود\ لا بقوم اروح...’ ام عوق بوجع \ اجل توكلي على الله وشوفي دروستس ازين لتس...! طلعت من عند امي وانا مصدومه صحيح السمع غير الشوف...! صالح ابد ما ينفع لي ولا هو الي يعتمد عليه ...! ياربي يا الوضيح عندتس مرات طلعات كل كلمه يقولها صالح تسمي عليه وتذكر الله ...! انا ادري انها مندبله كبدها وهو حاط رجله يستعرض بطولاته...َ!؟ احس بكآبه وحزن غير طبيعي...؟! انا وش الي خلاني اعطي مجال لأازهار تفاتحني بموضوع الخطبه..., ليتني ظليت على عماي ولا اشغلت فكري بشي انا في غنى عنه ...! اهملت مذاكرتي ولا صار لي شغل الا صالح...! اعوذبالله من الشيطان الرجيم. اللهم دبرني فأني لا احسن التدبير. اسمع طق عصا امي يقرب من غرفتي ودخلت علي . . . ام عوق بحزن\ وش فيتس يا عوق...؟! عوق بحسره\ مافيني شي مشواالرجال.., ام عوق \ايه من طلعوا جيتس ..., عوق بوجع \ ليه يمه ناديتي صالح...؟! ام عوق بحسره\علشان تشوفين بعينتس انا ليه ما بغيته...! عوق\ يمه انا قلت خلاص ما ابيه الايعني تنادينه وتحرجيني وتجرحيني ..؟! ام عوق بعطف\انا ما جرحتس انا نظفت الجرح يا بنتي لا يلم على بلا ثم يذبحتس..., ام عوق بحنان\تحسبيني ماني حاسه فيتس وانتي تمشين مثل المسمومه.. ياعوق انتي عندي روحي الي تروح وتجي وشلون اجرحتس والا افرط فيتس..., يا الله البسي عباتس ابيتس بمشوار بسرعه الحقيني...!! عوق بملل\ يمه وين تبينانروح تعبانه ابي ارتاح واشوف مذاكرتي..! ام عوق بحزم \لا حقه يالله اعجلي علي وتبين ترجعين تشوفين ماهو بس دروستس تبين تشوفين حياتس كلها...! بكوي الجرح الي نظفته..., . . . (كلمه اخيره) من أقوال الشيخ الشعراوي رحمه اللّه - إذا أهمّك أمر غيرك، فـأعلـم بأنّـك ذو طبعٍ أصيـل .. - وإذا رأيت في غيرك جمـالاً ، فأعلم بأنّ داخلك جميل.. - وإذا حافظت على الأخوة، فأعلم بأنّ لك على منابر النور زميـل..... - واذا راعيتَ معروف غيرك، فأعلم بأنّك للوفاء خليل • من ابتغى صديقاً بلا عيب ، عاش وحيداً • من ابتغى زوجةً بلا نقص ، عاش أعزباً • من ابتغى حبيباً بدون مشاكل ، عاش باحثاً • من ابتغى قريباً كاملاً ، عاش ناقصاً لا تستخدم فمك الا بـ شيئين فقط : هما الصمت و الإبتسامہ ! - الإبتسامہ : لحل المشكلات .. - الصَمت : لتجاوز المشكلات . . . الي الملتقى قريبآبأذن الله وسالفه جديده طيف الأحباب ام الوليد |
السلام عليكم
الله الله عليك يالوضيحي صدق ان عقل هالعجوز يوزن بلد صراحه ما شاء الله عليها صدق نظفت الجرح وماباقي الا تكويه بس شلون ؟ اتوقع تروح مع عوق لدار الايتام وهناك راح تصير احداث جديده ممكن يروحون يكتبون شي من املاك وضحى لعوق سالم طلع شيبه للاسف كنت اتوقعه شاب وممكن يكون الفارس الملثم بس راحت عليك ياسويلم اتوقع عوق تتعرف على احد يخطبها لاحد الاشخاص يكون نفس حالتها مبدعه ام الوليد كالمعتاد |
ماشاء الله يا أم الوليد تسلم يمناك عالرواية الرائعة وأتوقع أن أم العوق تاخذ عوق ويروحون لزوجة صالح الأولية علشان يعرفون سبب طلاقها وعوق أتطلع صالح من تفكيرها وتحمد الله أنو رزقها بهيج أم تفكيرها سليم
|
هـدوء قبـل عآصفة مـن آلجـروح .~
::0041:): .~ آلسلآم عليككَِم ::0041:): .~ آحسآس قوي يجتآحني بأن أم آلعوق ستآخذ آلعوق للزوج آلصآلح .~ . , اقتباس:
يَِ بتوريهآ حلآلهآ أو بتزوجهآ خخخ .~ اقتباس:
كلآمه ســــــم لـ آلعوق .~ خسـئ مـن كآن علـى ـآ شآكلته >.< .~ اقتباس:
أكـيد توقعـوآ مآلهآ حد وقآلوآ نلعب عليـهآ .~ آلزوآج مو لعـبه وتنـتهي !! اقتباس:
اقتباس:
....... طيــــف آلأحبآب .~ مَِ زلتي تـتلألأين يَِ سـيدة آلحرف .~ لحـروفككَِ رونـق خآص لم أجدهْ آلآ هنآ .~ آعذريـني لعددْم وجـود توقـعآت كثيـره لي .. فآلجزئيه بشـكل عآم هآدئه .~ شـآكر لككَِ يَِ متألــــقه .~ آستمـري أخيه .~ ربي يوفقج ويحفظج .~ حزين الأحزان .~ ::0041: .~ |
اقتباس:
وعليكم السلام ورحمة الله وبركاته اكيد ما تسمعين عقل عجوز سويلم عسى يخفون اشباهه عياله اكبر من عوق وانا قلت بواحد من البارتات ان ام عوق كانت تبي حرمة سالم او سعد يرضعن العوق لكن تعربوا منها ولا رضوا توقعاتك بنشوف الصائب منها قريب جدآ اسعدني مرورك الرائع كا المعتاد |
اقتباس:
والله انا الي محظوظه الي كان لي متابعين من انحاء الوطن العربي توقعم بنشوف با البارت القادم اذا صائب اولا اسعدني جدآ مرورك |
اقتباس:
والله انا الي اعجز ارد على ردودكم الرائع الي عندي ارقى من الحروف الي اكتبها كل توقعاتك بنشوفها با البارت القادم الي فيه بتنتهي مرحله من حياة عوق وننتقل المرحله جديده صالح كان واضح مع عوق وامها حتى يوم قا لأخته لا تقولين اني كنت متزوج هو عار ف انها راح تعرف بوضعه كان يبي الفكره المبدئيه تقتنع فيها وترى كثير مثل صالح يظنون انهم صح وبنشوف با البارت الثامن وش راح يصير اسعدني جدآ مرورك واعجابك بحرفي المتواضع |
السلام عليكم ورحمة الله وبركاته
اسعد الله أوقاتك برضا الرحمن مبدعه كما عودتينا ام الوليد انت كاتبه رائعه وقارئه اروع* فعلااكبر منك بيوم اعرف منك بسنه وشلون اذا كانت عشرات السنين بخبرتها في الحياة قدرت تميز بين الطيب والردي وصالح ذا ردي اجل تبي تقهر زوجتك بعوق بسب جمالها وان مالها اصلا ما جأ في بالك أن هذه بتكون ام عيالك ما نظرت لقدام نظرك كان تحت رجولك وهي بعد كان تفكيرها محصور في الزواج كن الزواج بيطير امك قالت لك اصبري بس الانسان خلق من عجل* راح تتزوجين زوج يحبك وعلى يد امك لانها الوحيده اللي تعرف من تحطك عنده وعارفه ان الطمعانين فيك ياكثرهم اجل ياسالم تبي وحده كبر عيالك والله ما تستحي على وجهك* وشلون يأم عوق بتكوين الجرح* وين رايحه بعوق* ياترى المكان اللي رايحه له بيكون له صله بسالفة زواجها ننتظر ونشوف* بشوق لـ لقائك فدمتي بخير |
السلام عليكم و رحمة الله و بركاته
مساء الخير و الرضا من الرحمن ابدعتي يا ام الوليد تسلم ايدينج يارب ======================= (( عوق )) يمكن اللي يشوف لهفتها على الزواج يقول وش قلة الحيا و الشفاحه هذي بس بنت مثلها تحس بالنقص و انها ماهي مثل باقي البنات لازم تتلهف لإنه الزواج بالنسبة لها ماهو مجرد ستر و مشاركة لا اول شيء راح يساويها مع غيرها و تكسر عيون كل من نقص فيها و يعطيها ثقة بنفسها أنها مرغوبه من الرجال .. بس زين منها ان هاللهفة ما خلتها توافق على صالح بس عشان تتزوج و انتهى الأمر و زين ان وضحى واقفه لها بالمرصاد تميشها على الطريق الصح للنهاية لما تسملها بيد اللي يستحقها ... ==================== (( وضحى )) فديت العقل الرزين اللي عارف الحياة عدل .. وضحى الحياة علمتها أن ما في رد فعل إلا وراها سبب و كبير بعد .. و لا ليش هالرجال ما جاء مثل العالم مباشرة و خطب و راح عن طريق أخته إلا أنه يبي يضمن موافقة عوق قبل كل شيء عشان تتسهل عليه المهمه و يكسر خشم طليقته ... ====================== (( صالح )) حسيت ان وراء خطبته شيء و كثير من الرجال اللي طواعه على قل سنع و اللي علبالهم مجرد لحيه طولها شبرين خلاص مطوع مامن مثلي و ينسى أن الدين معاملة و اخلاق .. و لا جاي و بكل قواة عين يقول مابغيت عوق إلا عشان اكسر خشم فايزة << عجل خشمك الكسر أنت و صراحتك .. قهرني >ـ< ====================== سلمتي يا أم الوليد بـ انتظار القادم .. .. .. |
ويااااااااااااااازينها سواااليفك طيوووف باارت ولا أرووع وه بس على عوووق قطعت قلببي هالبنت أصعب شي إذا كانت حيااتك متوقفه على شي معييين وماتملك الخيااار هذي من جد عووق مصييرها مرتبط بحياااة وضحى يعني المسكيينه هاامه حياتها بالمستقبل وكيف بتصير بعد العجوز والوحده الي رااح توااجهها مامعها الا الزواج تحفظ نفسها وتلقى احد يراعيها ويهتم لوجودها والأهم تعييش جو الأسره الي فاقدته لولا هالعجوز بس وييينه هالي يستااهلها وبيرااعيها << وهذا سب حصر تفكيرها بالزواج ولما فرحت وقاالت خلااص فرجت تتفاجأ بأن صالح ماخطبها إلا كغرض لتأديب زوجته وإلي يووجع من قلب إنه صرح لها إنه يبي يقهر زوجته بمجهولة نسب وكأنها شي رخييص والأكييييد إنه تأدييب مارااح يطوول يعني مصيرها الطلااق وهالساالم جعل ربي لا يسلمــــــــــه آآآآمييين لو إنك صاادق كان خطبتها لعياالك بس مو حب ورحمه فيها إلا طااامع بحلاالها لا وبعد جايب زوجته معه على شينه قوة عيينه ألا يالنصااابين آآآخ بس جعلكم للمااااااحق بس مااقصرت هالعجووز كل باارت ننصدم ببعد نظرها وتحسبها للمواقف من جد إذا عااش الإنسسان تجربه وشاااف من الدنييا بيعرف الصح من الغلط وهالعجووز من الي عااشت عرفت معاادن الرجال والناس الي تخااف الله من النااس الي تعييش لنفسها وتخرب على غيرها واتووقع لما قالت لعوق بنظف الجرح إنها لقت لها رجاال ولا كل الرجال وهو الي يستاهل عووق بس مييين هالفااارس المخفيي؟؟ هو أكييد من طرف جيرانهم أبو إبراهيم ياإنه إبرااهيم الي ماله ذكر يمكن يدرس بالخارج وتوه رجع ويبي يتزووج وما في مثل عووق المزايين << مجرد شطحه خخخ أو إنه نواااف هالي إنذكر فجأه ومعد له طااري والسبب إنه بأول الروايه ذكرتي نمر كبير وصغير ويمكن يكون الصغير (ولد إبراهيم) والكبير بيصير عمه أو (ولد نواف) والكبير بيصير ولد عم أبوه << كماان شطحه خخ ام الوليييييييييييد يااا اميييره ننتظر سااالفه جدييده ومن احلى رااااويـــــــــــه ^^ رووح |
طيوف ليكون نواف بعد لقيط
وهو اللي بياخذ عوق وانتي قلتي انه يقرب لريم من باب انه احد اقاربهم مربيه او باعثه للخارج يدرس اي وهذي بعد جاتني فيس متسدح بهالمتصفح عوق وهي بعمر 33 سنه كانت تحكي مع نمر ولدها ومن بين كلامها خوالي خوالك وعندك اخو وخوات مو مثلي وعمام هو قال مايشبهوننا اتوقع ان عوق تشتغل بدار رعايه او شي مثل كذا |
بسم الله الرحمن الرحيم
السلام عليكم ورحمة الله وبركاته نوح الحمام كم نعجب بهديل الحمام .. ونستمتع برفرفته و تحليقه استخدم للمراسله منذ القدم ونسينا ألامه و معاناته وهو يحمل الاحزان و الافراح لكم اعجبت بالاسم فكم حمل من نوح وصرخات ووجع تشبيه رائع فالحمام مربط السلام مثله مثل الابرياء الذين حملوا اخطأ غيرهم كما ناح الحمام وصرخ من حبسه ناح وصرخ من نبذوا ووصفوا بابشع الاسماء ... كم من الابداع والسلاسه والرقي فاق الوصف ... اسلوب تميز بالتشويق وتخترق كلماته الوجدان من عذوبتها اهنيك ام الوليد وسلمت يديك على هذا الطرح وكل الشكر احب الليل وحنو الى رشحوا لي متابعتها .. شخوص القصه متصدرة الاجزاء السابقه ومن تحمل بطولتها برقي فكرها وحكمتها وضحى ام عوق ...امرأة تحملت بشبابها وصبرت وجنت ثمرة الابن الذى حرمت منه بتربيتها لهذه الفتاه التى لم تحمل ذنب سوء جهل الطفوله واهمال الاهل والرقابه على ابنائهم لكم كانت كلماتها تحمل من الرسائل الكثر الى كل أم اسمتها عوق مع غرابته الا انها حين قالت لن يعوقها تحملها جعلت لها من اسمها نصيب فهي لن يعيقها شي بطريقها مشاعل هل لطفولتها اثر لكي لا تشعر باحساس الامومه حتى وان وصفتى ماوصلت عليه من حال ...كيف لم تخبر بدر ان له ابنه ؟ كيف لم تحكي ما حصل معها بغيابه وفترة غيبوبته ؟ بدر كيف سوف تكون رد فعله حين علمه عن ابنته ؟ وهو محروم من الابناء سالم وسعد هل هناك اكثر من هذا الجشع و الانانيه ..رحم الله والدهم ..والا لامات قهراً من تصرفاتهم سالم وتحرشه بعوق هل لانها لقيطة ومن الدار تجعل هذا الكهل يتطاول على طفله ... كم من طفل راح ضحية ضعاف النفوس ام ابراهيم وزوجها نعم الجيران كانهم البلسم لام عوق وابنتها عوق كم هو جميل جهل الطفل وحياته البسيطه يعيش بسلام لا يعرف التلون صدمات الحياة حين تكون تسير على جسر متماسك وفجاءة تجد انه اصبح متارجح تحت اقدامك ما شغل تفكيري مقطع حوار عوق مع ابنها ...لكم هو مؤلم ان تودع مبدعة الحوار وضحى بحكمتها صفحات القصه ... كيف كان رحيلها ؟؟....وكيف كانت عوق من بعدها ؟؟ لديها ابناء وابنه واكبرهم نمر .. لماذا قالت لديك عمات ...هل تزوجت من شخص هو وحيد والدته وسط بنات ..؟ زوجها يعلم علم يقين من هو نمر الذى سمى ابنه عليه هنا ربط الحدث مع الدكتور قريب ريم لا اتوقع ان اسمه ذكر فقط دون هدف بالصفحات السابقه ربما هو زوجها تزوجها بعد ان عاد ومعه الشهادة الكتوراه ...وربما اشرف على والدتها قبل وفاتها .. ما اضحكنى ان نمر يجد صعوبه ولا يحب المدرسه ..مثل امه احداث البارت الاخير هناك الكثير من الرجال ينسون حرمة الحديث عن طليقته او العكس صالح حين كان يتحدث عن زوجته كان مفتخر بحديثه وفعله كان يظن انهم سوف يوافقون عليه لانه صريح نسي انه يجلس مع امرأة فطينه وتحمل من الحكمه والدين الكثير .. اعجبت بحكمتها حين علمت ما يكدر ابنتها جعلت لها الخيال يصبح حقيقه لتسمع وترى حتى تحكم ولا تدخل الهواجس وتتراكم وتصبح جسور بينهم عنفوان الشباب اتضح مع تصرفات عوق بامر خطبتها ..فالشاب والشابه حين يخطط لامر يزين الامور و تنمحي الفطنه منه ويتسرع بامور ولا يتروى بها دمتِ متالقه دوما بفكر وابداع نير استودعك بحفظ الرحمن |
♪♪♪ توقعت الزيجة هذي ماتتم .. لكن ماحطيت ببالي ان صويلح بيطلع كذا !! امممممممم الظاهر لا جد الجد وجا اللي بياخذ عوق من جد .. بيرجعون المهبل الاثنين ويعارضون ! عواافي طيوووووووف .. ♪♪♪ |
اقتباس:
هلا وغلا امووله وعليكم السلام ورحمة الله وبركاته مثل غالبآ ما يكون صحيح اكبر منك بيوم بحكم التجارب الي تمر على الانسان صالح مثال كبير لشريحه من الناس يا خذون الامور بظواهرها زواج عوق قريب وبنشوف كيف يتم ها الزواج وهل فعلن الفارس الملثم يستاهل ان ام عوق تنتظره وتعطيه عوق ننتظر ونشوف توقعاتك في جمله كتبتيها بيكون الرد عليها من ام صالح نفسها اسعدني مرورك جدآ مرورك |
اقتباس:
هلا وغلا صبوحه شفحت عوق على العرس هو خوفها على نفسها تبي شي تتمسك فيه هي عارفه ان ما في احد يبيها لا اهل ولا يمكن ان المجتمع ينسى انها مجهولة نسب وضحى هي ما اخذت عوق الا وهي قدها وخصوص انها بنت قريبتها يعني لو بيصير لها شي بتفشل تربيتها بيصير الجرج جرحين صالح هو ما طلب من اخته انها ما تخبرهم بزواجه الا يبيها تقتنع با الزواج منه واكيد اذا سألو عنه الناس بتقول الي تعرفه عنه هو عنده ثقه كبيره بنفسه الله يسلمك صبوحه ولا يحرمني مرورك الراقي |
اقتباس:
هلا وغلا عوق حكايتها حكايه هذا واحنا نقرا قصه ودخلنامعها بدايرةالخيال تعاطفنا معاها كيف الي عايشين حقيقه عوق خوفها انها تكون اطول من عمر امها وهي ما تعرف با الحياه الا هي يعني الخيط الي رابطها با الحياه وضحى اهلها مستحيل يتقبلونها خوف من العار فقالت ما فيه الا الزواج هو الي يضمن لي اعيش بسلام سالم خسيس ويا كثر الي على شاكلته لو زوجها عياله يخاف ما يقدر ان ولده يطير معها ويفلس من الولد والحلال شاف نفسه الذكي انه ضامن ان عوق ماراح تقدر تسيطر عليه ومثل ما قالت العجوز الهدف الحلال ياخذونه ويرمونها العجوز تجاربها با الحياه ماخي بسيطه عاشت فتره زمنيه طويله مرت عليها فقد اهلها وازواجها وعاشت وحيده وقدرت تحمي عايلة مشاعل وبدر من العار اكيد ماهو اي شخصيه عندها الصبر والتحمل اعجبتني شطحاتك وبتشوفين منها الكثير قريب ابشري كل سبت وثلاثاء سالفه جديده |
صباح الخير
قبل فتره قليله بديت اقرأ سواليفك ياام الوليد وماخاب ظني يوم قلت لازم اسمعها كلها وباذن الله اسمعها للاخير والله ياام الوليد واحلف لك بالله في حياتي كلها ماقريت روايه او خلينا نقول اجزاء من روايه بما انك للان نزلتي اجزاء قليله فيها هذا القدر الكبير من الوعي وفهم الحياه والخبره العريضه من الحياه خصوصا في كلام ام عوق اهنيك بشده صراحه بما انك انتي اللي تتحدثين على لسان ام عوق على هذا الكم الهائل من النصائح اللي وصلت لنا بطرق مباشره او غير مباشره حقيقه وللامانه هذي اول روايه استفيد من قرائتها بشكل فعلي فيها حكم وخبرة سنين من الصعب جدا اجدها في روايات هذه الايام غالبا اقرأ للاستمتاع ولا انكر اني استمتع وبشده في بعض الروايات ولكن هنا وجدت ام عوق ام اخرى لي ربي يحفظ لي امي ويحفظ ام عوق لعوق سلمت اناملك ياراقيه على هذه السوالف التي نحتاجها وبشده في ايامنا الحاضره او المقبله ان كتب لنا الله ان نعيش احترت كثير في هوية زوج عوق ومن يكون بس تدرين ياام الوليد عندي توقع وخجلانه كثير اقوله لانه مره شاطح :) بس بتوكل على الله وقوله يمكن يصيب معي الحظ لو مره :) اتوقع ان نمر ولد جارهم محرمها ياخذها :) والله ودي اضحك على توقعي بس يالله ماندري يمكن تجي كل شي يصير في الخيال :) |
هلا وغلا بأم تركي ساعه بلا عقارب
انا لما بديت اكتب القصه كانت بسبب كلمه سمعتها من انسانه قبل سنوات تذكرتهافجاءه وفتحت ملف وكتبت كلمتها ونزلت كلمتها با النص في واحد من البارتات وكل فتره يطري في بالي شي او اسمع قصه واضيفها للملف الي فتحته وانسى وش كتبت واخذت فتره طويله وانا اكتب وخبرت صديقه لي عن الملف قالت با اطلع عليه شافته وقالت طيف هذي روايه وانا اشوف ان فيها اشارات تنبيه لبعض الغافلات لكن تشجعي ونزليها وفي مواقف صعبه والله اكتب وامسح ومنها مشهد لمشاعل بنشوفه قريب ومشاهد عوق بتسمعها من ناس لأنها تتعبني نفسيآوانا اكتبهاوما الوم البنات لو با القى منهم هجوم انا كتبتها وكنت مقتنعه ان هذا الصواب لأن شفت مافي حل الا كذا خصوص بوضع عوق ومسألة ان اهلها يمكن يكون رأيي فيه كثير من الاخطاء صالح يا كثر اشباهه والبارت القادم بيوضح اكثر شخصيته احنا دائمآ نظلم الملتزمين نلزمهم انهم يكونون مثل الانبياء يعني معصومين عن الاخطاء المطوع انسان عادي ما انزل عليه كتاب يخطي ويصيب ويؤثرون عليه الي حوله عادي كثير شفت روايات تعرضت للمطاوعه يا اما انهم منزهين عن الغلط او انهم متطرفين وجاهلين با الدين با النسبه لصالح ان شاء الله بنشوف با البارت الجاي وش راح يصير معاه توقعاتك وتسألاتك بنشوفها ان شاء الله مع بعض اسعدني جدآ مرورك وردك الي والله شفته من اول ما نزلتيه لكن احترت ما ادري وش ارد عليك خفت اكب عشاي كله عندك بس ماعليه كبينا نصه وبقى الي يشبع الحبايب ترقب وانتظار ممتنه جدآ للي دعوك الي ها المتصفح بنتي معزوفه حنين |
اقتباس:
بنشوف في البارت القادم هل فعلن ماراح تتم ها الزواجه او لا والمهبل ماعليك وضحى لهم با المرصاد هي بتتبع معاهم اسلوب حلو ينقص كثير من الناس ها اليومين اسعدني جدآ مرورك حنونه وربي يوفقك با امتحاناتك انتي وجميع الطلبه والطالبات |
اقتباس:
توقعاتك بنشوفه مع اني احس انك خلاص قربتي تشيلين اللثام عن الفارس الملثم وقريب بنعرف من وين جاو العمام والخوال |
اقتباس:
الحمدلله وهذا من فضل ربي علي ان احد مر على متصفحي وقال استفاد شي امهاتنا الكبار وجداتنا مدارس لكن المشكله ان الكثير منا ما يعي الي ها الشي الا بعد فوات الآوان زوج عوقك خلاص قريب جدآ راح يكشف اللثام اسعدني جدآ مرورك الراقي |
بنات اي وحده
ردت على الروايه ولا شافت ردي عليها والله العظيم ماهو تجاهل لكن المنتدى قاعد يلعب معاي كم رد اكتبه ولما اجي احط ارسال يحذفني ويطير علي الرد حاولت القى حل للمشكله ما عرفت وهذا ما يصيرالا هنا |
اتوقع ان وضحه بتودي عوق لزوجه صالح الاولى بكذا بتتعرف اكثر على شخيصته
|
بسم الله الرحمن الرحيم السلام عليكم ورحمة الله وبركاته مساؤكم ورد مبدعة أم الوليد كعادتك طرقت باباً واسعاً في النظر إلى الناس والحكم عليهم من ظواهرهم فعوق تمنت مطوع يعينها على دينها وقالت لأمها بصريح العبارة أن لحيته شبرين ونسيت أن الالتزام في القلب والسلوك والأخلاق وليس فقط بالهيئة فصالح للأسف نافى اسمه بطريقة تعامله مع زوجته السابقة وتعسفه باستخدام سلطته وحقه الذي أعطاه الله له في الإمساك بالمعروف أو التسريح بالإحسان كان الأجدى بها أن تتمنى إنساناً ملتزماً بدينه وأخلاقه وليس بهيئته فقط أم عوق............ امرأة علمتها الحياة صقلتها الأيام والمصاعب التي خاضتها فأظهرت معدنها الأصيل وصقلت تفكيرها وزادتها حنكة خطوة جريئة التي أقدمت عليها لتضع عوق أمام الأمر الواقع لتقرر مصيرها مع صالح حتى لا تلومها ضمنياً على رفضه دون أن يكون لها فرصة بمعرفة معدنه الحقيقي وأنه ليس كل من نظنه صالح فهو اسم على مسمى بقي الخطوة الأخيرة التي كما قالت وضحى ستنظف الجرح قبل أن يندمل أظنها ستواجه عوق بطليقته حتى تجعلها ترى بأم عينها ما آل إليه حالها من فعل صالح بها والأدهى والأمر أن تكون هذه الطليقة إحدى عمات أو خالات عوق أو بناتهن مشاعل......... عانت طويلاً فهل لها من مخرج من هذه المعاناة ارتبطت برجل ما كان يجب أن تبقى معه كل هذا الوقت بل كان الأجدى به أن يطلق سراحها بعد مضي بعض المدة فالفضيحة قد انتفت بزواجه منها وما عاد هناك مجال للخوف من انكشافها ولكن أما كان بإمكانه أن يجعلها تعيش حياتها مع رجل آخر علها تنجب منه من ينسيها ابنتها التي اضطرت للتخلي عنها مرغمة الناظر إلى حال مشاعل ووضحى يرى الفرق الشاسع بين زوجيهما فكلاهما ابني عمهما ولكن زوج وضحى رغم أنه لا يعرف ممن العيب في عدم الإنجاب إلا أنه حاول أن يجعلها تبحث عن الأبناء مع سواه وفضل أن يضحي بسعادته في سبيل أن يرى لها ابناً تفرح به ويكون لها سنداً بينما بدر رغم معرفته أن العيب منه فقد ظل متمسكاً بمشاعل وكأنه يعاقبها على ما حدث له لم يفت الأوان بعد على مشاعل لتعيش حياتها مع سواه فهي بحسبة بسيطة لعمرها نجد أنها لم تجاوز الأربعين ولكن هل ستجرؤ على طلب ذلك منه أم أنها ستواجه زوبعة من أخواته قبله فربما كن هن من يعاقبنها على ما حدث له عوق............ جرحٌ ينزف دون أن يشعر به أحد فحتى الرجل الذي أتى لخطبتها وهو يعلم من هي وما هو وضعها ما أتى رغبة بها بل لعقاب زوجته السابقة وقالها دون خجل أنه يريد أن يريها أنه فضل عليها امرأة مجهولة النسب ليحط من قدرها وكأن هذه الإنسانة التي اختارها ليس لها مشاعر أو كيان غريب هو حال الإنسان فهو حين يريد أن ينتقم فلا يهمه على من يدوس في طريق انتقامه ولا يرى إلا نفسه فهل يكون هذا درساً لعوق لتفكر ألف مرة قبل أن تقدم على هذه الخطوة مجدداً وتضع شروطاً جديدة نصب عينيها لمن تفكر بالارتباط به غاليتي............. سلمت يداك على هذا الإبداع ولك جزيل الشكر على هذا التواصل مع قراءك بانتظارك دائماً بشوق دمت بحفظ الله ورعايته |
بنات ماني قادره ادخل الصفحه تفتح ثواني وبعدين تطلعني
الي ما تشوف ردي عليها والله ماهو تجاهل لكن عندي مشكله بس في دخول لليلاس ترى ردودي عليكم انسخ على ملف والصق على طول علشان ما تطير |
اقتباس:
هلا وغلا اراده وهذي مشكلتنا يا ارده الحكم با الظواهر هذا من شكله ما يخاف الله وهذا من شكله فيه خير انا تعمدت ادخل شخصية صالح لعدة اسباب بنشوفها في البارت القادم وترى صالح شخصيه شبه حقيقيه وهو ترى كان صريح جدآ وتوقع ان صراحته من اسباب قبول فيه بما انه وصله عنها انها ملتزمه ومستقيمه ولا عندها لف ودوران خوات بدر بنشوف لهن رجعه قريب على لسان مشاعل ام عوق انا اشوف انه معاها حق لأن رفضها لصالح هي الي كانت مقتنعه با البدايه انه ما يصلح لهم من اول ما فتحت الموضوع معاها عوق لكن كانت المشكله ان عوق ماهي مقتنعه الي كانت تبي زوج وبس ولا فكرت با العواقب او هل يناسب او لا بنشوف توقعك صائب او لا والمكان الي طلعوا له عوق وامها والشخص الثالث الي معاهم ؟؟؟ مشاعل بنعرف ليش هي الي الآن مع بدر وفعلن لو تطلقت الفرصه ما فاتتها با الانجاب قبل عدة اشهر صديقه لعمتي انجبت وعمرها فوق 46سنه وتنتظر حفيد هجاد زوج وضحى الاول كان يكثرون امثاله با الماضي لكن للأسف قلوا ما ادري هل هو طبع الانانيه الي غلب علينا هجاد في نيته اذا طلق وضحى انه يتزوج لكن يوم رفضت تتركه وهي بعد ما كانت تعرف من هو فيهم السبب قال وضحى ماهي احسن مني واستمرت حياته معاه حتى توفى عوق وتفكيرها با الزواج كان با البدايه ان كل زميلاتها تزوجوا وبعدين سيطر عليها الخوف انها تفقد امها وهي مالها سند لكن ام عوق مستحيل تترك بنتها تغرق اكيد بتحاول بكل الطرق تنقذها لأن ماهو كل زواج زواج احيان يكون الزواج ورطه ينقذ من شي ويوقع بشي اكبر انا الي اشكركم على تعطيركم لملفي بآراكم النيره الي والله اني اعجز حتى ارد عليكم اسعدني جدآمرورك ونقاشك العذب الراقي |
اقتباس:
اسعدني مرورك |
اقتباس:
السلام عليكم و رحمة الله و بركاته مساء الخير و الرضا من الرحمن أم الوليد عندي توقع للفارس الملثم على قولت نوفي اتوقع يكون ابراهيم لإنها قالت عمو و عماتك اللي جنبنا و الخالة اللي تجيب العاب لنمر اتوقع انها مشاعل .. .. .. |
السلام عليكم و رحمة الله وبركاته
عاد لو كبيتي عشاك كانت الغنيمه لمتابعينك ...وفقدتي انتى الحماس منهم والتشويق ام الوليد عيوني .. كل انسان بجعبتة ابداع وكل شخص يستطيع ان يحبك بخياله الكثير من الافكار والقصص ولكن الصعوب بكيفية انزاله لها على الورق ما شاءلله عليك لى ان جمعك لها على فتره طويله استطعتي ان تحبكي منها احداث سلسه و مشوقه اكيد بعض المواقف ترهق الكاتب وخصوصاً الحزينه منها يكتب وكانه يعيش الحدث بذاته لشخصه لن يفهم ذلك الا من عرف كيفية الكتابه وعايشها فتدمع عينه مع كتاباته وهو يخط حروفه ... ننتظرك السبت ان شاءالله استودعك بحفظ المولى |
اقتباس:
وعليكم السلام ورحمة الله وبركاته يسعد مساءك غاليتي مساء الورد وعذراً للمداخلة ولكن أم الوليد ذكرت في أحد الردود أن ابراهيم أصغر من عوق بكثير ومن الملاحظ برد ابنها عليها قوله نمر\لا انا ابغى اعمام زينا يشبهونا أن الأشخاص الذين ذكرتهم على أنهم أعمامه يختلفون عنهم إما باللون أو بالشكل وهذا إن دل على شيء إنما يدل على أن زوجها بمثل حالتها وهناك من تولى تربيته ولكنهم لا يشبهونه وربما يكون ابنهم بالرضاعة ولكنه مجهول النسب أنا معك أن الخالة التي ذكرتها قد تكون مشاعل رغم أن هذا الاحتمال قد يكون خمسين بالمئة فقط لأن مشاعل لن تستطيع أن تتواصل مع عوق إلا في حالة وفاة بدر ووضحى ورأفة عوق بحالها على ألا تذكر لأحد أنها أمها حتى لا يسيء ذلك إليها أو لأهلها وبعيداً عن أعين عمات وخالات عوق لأنهن لن يرضين بأن تظهر في العائلة خوفاً على حياتهن الأسرية دمت بحفظ الله ورعايته |
اقتباس:
هلا فيك صبوحه الفارس الملثم بينكشف عنه اللثام قريب جدآ وليش لا يمكن يكون ابراهيم لوما فارق العمر الي بينهم تتوقعين وضحى بترضى زوجها ابراهيم |
اقتباس:
انا الروايه مثل ما قلت لك منتهيه منها وصادقه والله احيان اقرا توقعات والله اني اضحك اقول سبحان الله معقوله افكاري مكشوفه الي ها الدرجه وفي مواقف والله حقيقيه القى البنات متوقعينها بردودهم في بارت قريب مواقف بكيت وانا انسخها علشان ارتب البارت كان بين عوق وامها وموقف لعوق با الحالهاوالموقفين بنفس البارت حقيقه هزني وقعدت فتره وانا مكتئبه ما ادري هل انا حساسه وماعندي سالفه والا الموقف فعلن محزن القصه اساسآلو جيتي تفكرين فيها حزينه وقمه با الحزن لكن انا حاولت قدر المستطاع اني احسن الصوره علشان يتقبلونها البنات والا اي يتعلق با العرض ما اقول الا الله يستر على اعراض بنات المسلمين يدمي القلب اسعدني جدآ مرورك العذ ب ونقاشك الراقي والله اني سعيده ان انسانه وكاتبه مثلك تنظرني وانا با انتظارك |
اقتباس:
هلا بك اراده وبردودك الي اعتبرها روايه داخل روايه الخاله الي بتزورنهم بنشوف بعدين مين هي هل هي مشاعل او ام ابراهيم اوريم بنت ام ابراهيم او يمكن شخصيه جديده بتطلع لنا تتوقعين وضحى بتزوج عوق شخص مجهول النسب يمكن عوق نفسها ترفضه ما تبي لعياله اب مجهول نسب البارت التاسع بينكشف اللثام والبارت العاشر بنعرف كل شي يسعدني جدآ نقاشك وافرح والله العظيم حت اذا شفتك با المشاهدات |
السلام عليكمـ...
. . . يسعد مسائك ي مبدعه ومساء متابعينكـ . . . عوق تبـي تتزوج والسلام..! أسم أنه ستر وغطى...! والمشكله ان بعض الحاف مايغطي.. فيه الخفيف...وفيه القصير...دوري ي عوق الدفئ ..! . . . صآلح.. ي كثر من هم على شاكلتكـ... أذا طلق ام عياله..ماترك شي الا كشفه وزاد عليه.. مآقول الا الله يعينكـ في منطقكـ و وزن كلامك وفعل يمناكـ..! . . . الوضيحي.. حكيمه في كل شيء..وألامانه بحق انتي أهل لها.. . . . ممكن الوضيحي تأخذ عوق لـشي مرتبط بصالح حتى تشيله نهائي من رأسها..=& . . . لـ.صالح عند حدك يا كثير الهرج تب لا تمر النار وثيابك حرير . . . ب الآنتظار..! |
السلام عليكم ورحمه الله وبركاته
تسلم يدينك يا امالوليد على هالابدااااااع الرائع لاخلا وعدم الحمد لله الي ربي فك عوق من اشباه الرجال الله ياخذه قليل الخاتمه ماخلا على مرته ستر مغطى حط فيها كل عيبه وزله ماراعى العشره ولا العيال الي بينهم بس عشان يطلع بالزينه ما درى انه سود وجهه زياااده لان الي مثله ما يتامن على البنت واكثر شيء قهرني يوم تساله الوضيحي ليييه اخترت عوق وانت عارف وضعهاااا رد بكل وقاحه عشان بس اقهر طليقتي الله يذوقك قهر الرجال الوضيحي في كل مرررره يزيد اعجابي بحكمتك وذكاؤك وتقديرك للامور وانتي فعلا اثبتي انك الام الحقيقيه لعوق الله يطمنك عليهااااا عوق ياقلبي هي تبي تتزوج وخلاص بس عشان تامن على روحهاااا وتاسس اسره صغيره ماتدري ان بعض الرجاااااااال ما يتامنون حتى على قطوه الله يرزقك بالي يحافظ عليك ويسعدك ام الوليد في انتظاار ابداعك بكل شوق |
اقتباس:
أم لوليد............ يسعدني والله تواجدي هنا فالنقاش في قصتك له طعم آخر ليس للتوقعات فقط ولكن لأن ما تحويه أمر ملموس في حياتنا حتى وإن غضضنا الطرف عن وجوده وحاولنا أن ننكر أن من هم على شاكلة عوق هم نتاج صنيعنا نحن كبشر يعيشون في هذا المجتمع هم لا ذنب لهم إلا أنهم أتو نتيجة غلطة أناس لعب الشيطان في عقولهم وزين لهم ما يصنعون ولكن نحن من نلام بتحميلهم وزر أولئك الناس الذين تسببوا بذلك ولأورد لك هذه القصة على لسان فتاة من مجهولي النسب نشأت في دار الرعاية وحين كبرت تزوجت فتىً من دور الرعاية أيضاً أي أنه مثلها مجهول النسب أتعلمين ما تقول وهما كلاهما في نفس المركب تقول أنه يهينها ويعيرها بنسبها وأنها لا أهل لها إن كان هذا يفعل ذلك وهو على نفس الحال فكيف تريدين من وضحى أن تبحث لعوق عن ابن حسب ونسب غاليتي........... سلمت يداك ونحن بانتظار ما سيسفر عنه الجزء التاسع والعاشر على أحر من الجمر ولو أني أخشى أن يكونا فصلي النهاية التي أتمنى ألا تكون قريبة لنزداد تواصلاً ومتعة بما نقرأ وعذراً على الإطالة دمت بحفظ الله ورعايته |
اقتباس:
الابداع وهو مرورك لمتصحفي عوق الخوف اقشر يا ضمضم يخليك تفقد توازنك ما عاد تعرف توزن الامور عوق خوفها انها تفقد امها وبعدها تتلقفها الايدي وخصوص انها عندها مخزون وافر من قل الامان منه موقف بنشوفه قريب الوضيحي ذكيه واكسبها طول العمر حنكه وبعد نظر بنشوف لها مواقف بأذن الله من عوق للـــــــ فارس الملثم لا جيت ابرقد هيضتني شجوني تآخذني الذكرى على ذيك [ الأهداب ] وان جتني الذكرى تجيني جنوني اسهر , وطيفه داخل العين ماغاب با انتظارك ونشوف وش الي بيصيب من توقعاتك *ــ^ |
اقتباس:
هلا وغلا عبق مشكلة صالح انه يحسب نفسه على حق كثير اشباهه حولهم ناس يكبرون روسهم وعوق مصيبتها مصيبه تبي تعلق لو بقشه مثل الغريق صادقه بعض رجال مالهم من الرجوله غير ان يوم جابته قالو ابشري لك بولد اسعدني جدآ مرورك العذب الراقي |
اقتباس:
هلابك اراده كلامك حقيقه وضحى مالامت مشاعل حتى بلي صار لها المسؤلين هم اهلهم ولنا لقاء مع مشاعل قريب هو اللقاء الي ترددت عشرات المرات اني اكتبه لكن وجوده ضروره يمكن فيه مبالغه شوي لكن معروف الروايات لازم بعض الاحداث تكون تحت المجهر علشان تنشاف مشكلتنا مع اللقطاء على كثر ما نتأثر من اوضاعهم الا انا نحملهم وزر اهلهم وهم مالهم ذنب تعطفنا معاهم با المشاعر ماهو با الافعال وضحى بنشوف رايها مثل رايك او لا واختيارها لزوج عوق بيكون على اي اساس وشعورها اتجاه بنات خالد وتركي الي هم عمات وخالات عوق قصص مجهولين النسب تشيب الراس وانا حاولت على قد ما اقدر اني اظهر القصه با احسن صوره والله العظيم في مواقف كتبتها وانا ابكي والقصه سببت لي حاله في فتره ما تتخيلين صار شغلي الشاغل مجهولين النسب اخوي مسؤل بمستشفى عام واحيان نتناقش عن هاالمواضيع يقول طيف ما تتخيلين كم وحده ولدت عندنا وهربت وتركت وراها مولودها من جميع الجنسيات والفئات العمريه قلت طيب ما تقدرون تتعرفون عليهن يقول وش يعرفنا تدخل للمستشفى بأي اسم وبأي ورقه نقبلها بما ان المستشفى عام وخصوص بحالات الحوادث والولاده تكون الاجراءات سريعه للمريض غير المستشفيات الخاصه والحالات الي تجيها او كم مره نلقى مواليد احياء مرميين عند مدخل المستشفى حتى في واحد يخبره يقول والله في دوله اسيويه ملجاءفيه مواليد كلهم ملامحهم عربيه امهاتهم خادمات الخادمه من يوم يكتشف الكفيل حملها على طول انهى اجراءتها وتسفير لدولتها من وين والا كيف ها الحمل اهم شي يخلي مسؤليته زواج اللقيط من لقيطه وخصوص الي يكونون عايشين بدار الايتام كثير يتوقع ان حياتهم بتكون طبيعيه الا انه فشلت حياة كثير منهم وهذا انا سمعتهم من ناس ثقه انهم اثنينهم ما يكونون متقبلين بعض ربما يكون من عوالق الماضي او تربيتهم با الدار لها دور الحديث اراده بها الموضوع ذو شجون واشكر لك جراءتك على التعمق بمضمون الروايه كنت اتمنى حبيبه فاقدتها تدلي بدلوها معانا لكن لها بدال العذر عندي مليار عذر الروايه انا قلت قصيره لكن ماراح تنتهي الا لما اقولكم كل الي عندي وارضي الحبايب الي يبون رومانسيات على اني من افشل الناس بها الموضوع لكن عاد يالله تحملو جلافتي شوي سعيده جدآ بنقاشك الراقي لا حرمني الله تواجدك |
تميز انيق وزاهي الالوان تناثر فوق قمم الابداع .. لـ روح سكنت في اعماق قلوبنا .. لـ حضورها جمال لايختلف عليه اثنان .. لـ حروفها رونق من بحور الجمال التي تتصف بها دون غيرها .. لـ عبق كلماتهآ رائحه دهن الطيب والعود الساحر .. http://www.liilas.com/up/uploads/liilas_13246870251.gif في يوم رائع كهذا اختال التميز فرحاً .. وذاب الهدوء بقلب السكون ‘ ولاح ضياء عم ارجاء الجنون .. عم زوايا منتدانا ابداع ليس كبقية الابداعات .. اقل مايقال عنه رائع ‘ ابداع .. متالق .. متميز .. http://www.liilas.com/up/uploads/liilas_13246870251.gif ][ طِيْفْ الأحْبِابْ ][ بهذه اللحظه ‘ نبارك لك تميز الرواية .. وتثبت لـ أسبوع ^^ .. فـ الف الف الف مبروك .. http://www.liilas.com/up/uploads/liilas_13246870251.gif حضورك ملأ المكآن بـ شذى الورود وعبق الزهور .. حيثُ يقف قلمي و انا قبله احتراما وتقديرا لك .. . . مع كل الحب http://www.liilas.com/up/uploads/liilas_13198325301.gif .. مشرفات القسم + أنا ناشبة لهم :5rfd3: .. |
بسم الله الرحمن الرحيم
في البدايه احب اقدم خالص الشكر و الثناء لمشرفات القسم والي رشحوا الروايه لتميز وكل الحب والعرفان والاحترام للي عطوني من وقتهم سواء با القراءه او الردود او ايقونة الشكر ومثل ما قلت قبل اني توقعت با البدايه راح القى هجوم من البنات لكن بفضل من الله لاحظت الكثير راقت لهم الروايه واعجبتهم فلولا توفيق الله سبحانه وتعالى ثم تشجيعهم ماكان تشجعت وتقدمت با الروايه اشكر في هذا المنتدى واعتبر ردودهم تاج على راسي كوكبة من المتابعات الي شرفوني بردودهم او ايقونة شكر؛ ( معزوفة حنين , ضمني بين الاهداب ,اراده,امووله ,نوف بنت نايف, زارا, ساعة بلاعقارب,عبق الرياحين,حزين الاحزان,صدوود, بياض الصبح,معزوفه خياليه,الهاله,سبحان الله وبحمد,nono79,رذاذالمطر,, ام الشهد, ام رنا, القمـــري,,روح نادره, اثرني احبه, atmin, ارتواء!, انهـيار حلمـ..!!, بندقة, loubana, سمانور, عاشقة التحدي, عذرا ياقلب, , فديت روح خلي,ضيونة,ريماس 2007,نوفا5,منطوقيه عسل,احلامي كبيره,ام البنين,متى نلتقي,خيال حالمه,شموخ السلاطين,مغيظة بنت مغيظ,سعوديه رايقه,) اعتذر بشده من خواتي وبناتي الي سقط اسمائهم سهوآ اليوم البارت الثامن بعد الظهر بأذن الله |
بسم الله الرحمن الرحيم
اعجز اعجز اعجزاعبر عن امتناني وتقديري للجميع بدون استثناء با المنتدى هنا او با المنتديات الثانيه الي انزل فيها الروايه واشكر كل من ساهم بتميز الروايه والله صرت اخاف كل ما انزل بارت انه ما يكون با المستوى المطلوب لأن الروايه كاتبتها من فتره واحداثها منتهيه عندي.. وما ابي انزلها مره وحده ابي استمتع بردودكم واني اخذ واعطي معاكم.. اتمنى تعذروني من حكاية النجوم والله اني صرت ما افرق بين ردود البنات الاغلبيه توقعاتهم تبهرني.. ولا تحرموني من قراءة توقعاتكم الي تسعدني.. بارت اليوم تكمله للبارت السابع.. وبنشوف وين وضحى الوفاء والطيبه اخذت بنتها عوق وكيف كوت جرحها على فكره للعزيزه الي سألتني وش كانت سيارة ام عوق.., *ـ^ سيارتها جيب ام عوق تقول انا ما اركب سيارتكم الصغار الي كنها لعبة ورعان...! انا ما اركب الا الجيوب الي مثل الابل عطايا الله.. ترى ما ادري وش معناته هذا كلام ام عوق..! . . . بنركب جيب ام عوق ونروح معاهم يا الله تعالوا معاي...! . . . وسالفه جديده؛ . . . البارت الثامن . . . طلعت امي وانا على طول وراها... عباتي كانت علي من صدمتي من صالح ما نزلتها..., حاسة بمرار بحلقي ياربي امي وين ما خذتنا..! ركبنا سيارتنا ومعنا ام ابراهيم وتوصف مكان لسواق...؟! وصلنا بيت كبير ونزلنا كلنا انا وامي وام ابراهيم ...! دقت الجرس ام ابراهيم وفتحت لنا خادمه وامي وام ابراهيم ساكتات...؟! دخلتنا الشغاله مجلس وجلسنا...! وبعدها دخلت علينا حرمه كبيره شكلها با الستينات لكن ما شاء الله عليهانشيطه وجها بشوش..., سلمنا عليها وترحب فينا...! واسمع ام ابراهيم تسولف عليها..., ام ابراهيم\بشريني عنتس يا ام فواز..., ام فوازبتوجس \ بخير يا وجه الخير...! ام ابراهيم با ابتسامه \انتي عرفتيني ...! ام فواز با استغراب \لا والله مير الله يحييكم...! ام ابراهيم\اناام ابراهيم الي كلمتكم با التيلفون اليوم.., وعطيتس خبر بنجيكم واخذت منتس عنوان البيت .., وهذي وضحى وبنتها عوق...! ام فواز تبتسم\يا هلا ويا مرحبا تو ما تبارك المكان...’ ام ابراهيم\وين البنات بنسلم عليهم ...!! وقامت ام فواز و نادت بناتها ... دخلوا علينابناتها ثلاثه.. وحده شكلها كبري واثنين لا حريم كبار واتوقع متزوجات...! عرفتنا عليهم ام فواز.. ام فواز تأشر على بناتها\ هذولي بناتي فايزه وهدى والصغيره ياسمين.., يا سمين تخرجت العام وتنتظر التعيين...! والكبيره هدى متزوجه.., وفايزه اصغرمنها مطلقه...! ناظرت وجه فايزه فيها مسحت حزن ما ادري ليش ذكرتني بمشاعل يوم جات لبيتنا... معقوله يكون وجع الفقد واحد وهونفسه تشوف بكل الوجيه..! . . . ام عوق بحزم \ الظاهر يا ام فواز ما يخفاتس وش حن جايات عليه...! وابي منكن الهرج الصحيح تقولنه قدامي انا وبنتي وربي وربكن الله يا بنات الرجال...؟ ام فواز بهدوء\لا والله يا ام عوق ماهو خافيني عطتني خبر ام ابراهيم يوم كلمتني ...! قالت انتس ما تبين منا الا العلم الصحيح وابشري به.., ام عوق \صالح خطب بنتي وهو رجال مطلق بنتكم ..., وسألنا عنه واثنوا عليه الناس من امام المسجد لجيرانه لشغله ولا خلينا ولا بقينا ..., وافقنا عليه وارسلت عليه وجاني في بيتي والرجال جاز لنا وان شاء الله نبي نجوزه مدحتوه والا ذميتوه بس ودنا نعرف سبب طلاقه من ام عياله يمكن انكن تستصغرن عقولنا لكن عاد تحملونا واحتسبن الي بتقولهن لله تعالى.. انا بنتي يتيمة مقطوعة مالها سند غير الله سبحانه الله لايقطعكن من رجاه.. وابي احتاط لكل شي علشان ما تندم اني زوجتها صالح..., بنتي متردده با الموافقه تقول لازم تسمع من ام عياله السبب ..؟! ومافي مثل زوجته هي ابخص الناس بعيوبه وان كان فيه عيبآ تبصرنا به.., وابن آدم ما يخلى من العيوب مير عاد عيبآ عن عيب يفرق ...! قامت الي اسمها يا سمين وناظرتني بغضب\انتي مجنونه تدفنين نفسك با الحياه..., صالح كله عيوب اقعد طول عمري امشط شعر راسي ابيض عند راس امي وابوي ولا اتزوج ولد امه صويلح..., هذابدال ما تطلعين انتي فيه عيب بيطلع فيك مليون عيب ولد امه..!! انتي وش نا قصك علشان تطيحين في واحد مثله ان زعلت امه عليك حذفك ولا سأل عنك وان رضت عليك حطك على راسه.., واصلن لاتترتجين بيوم ان ام صالح بترضى عليك الي ماكله قلوبهم الغيره مثلها ما ادري ليش يزوجون عيالهم..., بس يعذبون بنات الناس معاهم الي عنده ام مثل ام صويلح لازم يتزوج اربع حريم اربعه علشان يقدرون عليها ..! . . . هاو شتها امها وطردتها من المجلس قدامنا...’ انا طاح وجهي من كلامها كان ودي الارض تنشق وتبلعني ولا سمعت الي سمعته .., خصوصآ ان ام فواز فشلت بنتها ياسمين قدامنا وبسبنا.., ام فواز بخجل\ يا ام عوق تكفين لا تواخذونها هي شوي زعول ومنحرق قلبها على اختها ترى ما تقصد ..., ام عوق بحده\ حنا ماحنا في بنتس هذيك.., حنا بفايزه ونبي نسمع الصحيح منتس والا منها..., ام فواز منحرجه\يا ام عوق انا لو وش ماقلت ماراح يكون مثل كلام فايزه..!! هي صاحبة الشأن وشوفيها قدامك واسأليها..., والتفتت امي لفايزه وحلفتها بالله انها تقول الصدق..., وان انا يتيمه مالي احد ولا يجوز انها تقطع نصيبي مع صالح ولا يجوز انها تغشني..., فايزه بحسره\يا خاله يرضيك اجيب القرآن واحلف عليه ان كل كلامي الي بقوله صدق.., ام عوق\ لا بالله مصدقتس جيبي الهرج الي عندتس وتذكري قطع الاعناق ولا قطع الارزاق..! فايزه بألم\ ماني مطوله السوالف ولو ابي اشرح لكن سوالف صالح ماخلصنا منها سنين...!! وكلامي الي باقوله ماهو قصد اني ابي اغير رايكن بصالح بشين والا بزين ...؟! لا والله بس علشان حلفتيني وهذا زواج ماهو لعبه وانتي تقولين بنتك يتيمه لو تشوف ما تكره ما تلقى الي تشكي له...! فايزه تتنهدبحسره\صالح ياخاله ما ينعاشر وانا تورطت فيه ورطه...! ليتني تطلقت منه ولا قعدت لين جبت منه ضنا كسر ظهري... يوم خطبني سألناعنه والكل زكاه انه رجال راعي طاعه وظيفته زينه.., هو من جماعتنا لكن بعيدين شوي.., ومدحه لنا زوج هدى اختي ساكن جنب بيته .. ام عوق با استفسار\الرجال جاني لبيتي ويقول ان سبب طلاقه منتس انتس حرمه تدورين المشاكل ودايم هواش انتي واهله...! وعازله حلالتس عن حلاله واخرتها شريتي بيت ولا خبرتيه...!؟ اتمننين عليه وعلى اهله تبين اهله يسكنون عندتس في بيتس مقصدتس تذلينهم..؟! فايزه بحزن\يا خاله من صبح عرسي من صالح وانا عارفه خسارتي من ربحي.. بس وش اسوي خفت اطلب الطلاق وعقب وش يفكني من اللسنة خلق الله وملامتهم .. والله ما يبقى عيب الا ويلزقونه بظهري وصالح يطلع منها بريء.. الناس بيقولون وش شاف منها وطلقها ماهو وش شافت منه وطلبت الطلاق.. فايزه بحزن والدموع تملى عيونها\تزوجت صالح وانا كنت متخرجه لي سنه لكن ما تعينت.. ومن ليلة العرس انتقاداته لي ذبحني فيهاذبح...! ليه شعرتس لونه كذا ليه متكلفه بجهازتس ..!؟ جبهتس كنها عريضه شوي ..., واذا مشيتي عجله واذا سولفتي ما عمرك جبتي جمله مفيده..., وانا اسمع سوالفه الي مثل السم...؟ مرات اطنش ومرات اردعليه بعدما يوصلني حدي... الكلام الي تنغزني فيه امه الصباح هو يجي با الليل يكرره .. امه على طول الخط صح .., وانا الي غلط عنده..! ام عوق \لا يا بنتي لاتحطين بحظتس هذي امه تبينه يجادلهاوالا يزعلها فايزه بقهر\انا ماقلت كذاانا كنت ابيه يوازن الامور انا بعد زوجته ولي حق عليه الصح صح والغلط غلط علي والا عليها..., ام صالح اكثر خراب حياتي مع ولدها بسببها هي الي مكبره راسه وكل ما قامت والا قعدت قالت صالح ما ادري كيف رضى فيك صالح يستاهل مزيونه ماهي مثل وجهك.., فرحانه با القرشين الي عند اهلك..., كم ناس خطبوا صالح لكن حظك يا فايزه الكبير جابه لك.. وصالح مافي مثله وصالح وصالح....,,, واسمع وابلع وفوق هذا بخيل فلوسه غاليه عليه..., ام عوق با استغراب\ كلن رياله غالي عليه..., فايزه\ ياخاله كلن رياله غالي عليه ما قلنا شي بس هو غير...! يعطيني مصروف كل شهر ما ينعطي لطالبة ابتدائي ويحاسبني وين حطيتها فيه ... لو امرض اقول ابي المستشفى والا احتجت علاج قالي معطيك مصروف عالجي منه.., والا يقول المفروض منقصين من المهر الي عطيناكم وخليته عندي..! اصرف عليك كل ما مرضتي منه ما دريت انك كل شوي تعبانه وتبين علاج.. ام عوق بتساءل\انتي مريضه قبل يخطبتس ...! فايزه بوجع\ لا والله ياخاله التعب الي فيني من القهر الي اشوفه منه ومن امه جاني قولون ومرات يتعبني.. كل المواجيب عنده يرفضها يقول هذي كلها خرابيط ومجاملات مالها داعي.. وفوق هذاكله خالتي ام صالح الله يهديها صايره مراقب لي با الطالعة والداخلة.. وكل حركه اسويها على طول عند صالح لو امزح مزحه ما اسلم منها.. فايزه بتهكم موجع\اما تقول شفها كلمت اهلها وطولت على التيلفون تدور اخبار فلانه وعلانه...؟! وانا من اكلم غيرامي واسأل عن خواتي...! والااذا شافتنا جالسين مرتاحين جات شبت حريقه بينا ومشت..., صرت اتاحشى احتك فيها..., وخواته شايفات ولا هو معجبهن فعل خالتي واخوهن فيني لكن مافي يدهن شي.., هو الي ماسك بيت اهله ويصرف على الكل..., ابوه متوفي وهو الكبير..., ام عوق\يمكن الضعيفه امه مالهاغيره وخايفة يتخلى عنهم... فايزه\لا لها ولد اصغر منه متزوج وعايش جنبنا في بيت مستقل...! واذا قلت لصالح ماشاء الله اخوك مستقل بحياته في بيت وهو ماعنده بزران .. قال زوجة اخوي اشترطت بيت والا انتي اهلك ماصدقوا يزوجونك ليش ما شرطتوا.. ام عوق بتعجب \وهو صادق ورى ما شرطتي لتس بيت تحاجينه فيه اذا شفتي ما تكرهين.. فايزه بقهر\تحسبين ما قلت لأبوي اني ابي بيت.., لكن ابوي رفض قال الرجال مطوع وكبير اخوانه واكيد ماهومقصر لو تضايقتي البيت ما ينشرط وين تبينه يروح عن اخوانه ها الايتام.., ام عوق \مهماكان وانا امتس المفروض انتس طالبه بيت شرعي وكاتبته عليه هذا حق من حقوقتس واذا صار ماصار تحاجينه فيه فايزه بحسره\ما دريت يا خاله والا كان شرطت لي بيت لاهو عيب ولا حرام والزمت ابوي يكتبه با العقد.., ام عوق تهز راسها بألم\كملي يا بنتي الي فات فات ماعاد ينفع التحسر..., فايزه\قعدت مع صالح كم سنه وعقبها ربي رزقني بو ظيفه وهو وافق اني اداوم عادي عنده ..., لكن عيالي اذا داومت ما ادري وش وضعهم وقلت له ...! . . . فايزه با استعطاف \صالح وش رايك بخلي عيالي عند خالتي..., صالح بحده\امي ماهي شغاله لك هي تبي من يخدمها...! فايزه \ خلاص اجل بيروحون عند امي واخر الاسبوع اروح اجيبهم ..., صالح بتهكم \خير ان شاء الله تبين تحرميني من شوفة عيالي كل يوم..! . . . رفض رفض نهائي اني اترك عيالي عند اهلي وتوصلت لحل اني اتركهم عند هدى اختي..., وطلبت من خالتي تتوسط بالموضوع وضغطت عليه وافق انزلهم عند اختي لأن بيتها قريب.., الصباح اطلع فيهم عند هدى والظهر ارجع اخذهم وعلى ها الحال انزل قدامهم شايله اغراض المدرسه واغراض عيالي ولا في يوم قالت خالتي حرام تسحبين ها البزارين وراك...! واناساكته وراضيه وش اسوي صحيح بيت اختي قريب من بيتهم لكن تعب علي كل صباح...! اشيل عيالي صيف وشتاء غير الاحراج الي من زوج اختي كل ما جيت انزلهم عليهم...! وحتى توصيل للمدرسه مارضى يوصلني على اني على طريق شغله..., طلبات المدرسه احلم حلم انه يروح بي اشتريها...! لا لازم انتظر اخر الاسبوع اذا طلعت لأهلي واخلص شغلي ...! البنات يزورون اهلهم يستانسون واناازور اهلي اقضي اغراضي بين المكاتب والسوق ...! اخر شي تعبت كل يوم وانا شايله عيالي لبيت اختي استحيت من زوجهاالي مرات هو يفتح لي الباب قبل يطلع لشغله.., قلت له با استقدم شغاله قال شوفي امي وش تقول اذا وافقت مو مشكله .., لكن انا مالي شغل لاتتنتظرين مني اجيبها لك والا ادفع راتبها.., عطيت خالتي خبر اني با اجيب شغاله لعيالي..., قالت اذا فيه شغاله خليهم عندي...! لكن الحين خليهم عند اختك لين تجي شغالتهم ...! وما قصراخوي الكبير الله يحفظه مشى لي با اوراقها .. وجات شغالتي وارتحت من نقل عيالي لبيت اختي..., ارجع من المدرسه تعبانه منهد حيلي ادوام بفان استأجرته مع مجموعة معلمات ... اروح وارجع مع الفان اطلع معه اول وحده ويرجعني اخر وحده... كل مارجعت من المدرسه القى عيالي زي ماتركتهم ملابسهم عليهم غرفتي واغراضي الي تركتها في محلها... انا عيالي 3وكلهم على بعض مافي فرق بينهم هو كان رافض مسألةتنظيم الحمل..., ولما اكلم الشغاله تقول كل شغل البيت انا الي قايمه فيه ... شغالتي بس تعطي الرضعه عيالي وتغير لهم الله يكرمكم البامبرز.. ومع هذا بالعه وساكته... خالتي كل صباح ياتعزم الجيران او انها معزومه واكيد شغالتي ماراح تفضى تشتغل لها.., في يوم جلست انا وخالتي ابي اتودد لها واجس نبضها لأني ناويه اشتري بيت .. قلت خاله اتمنى اشتري بيت اوسع من ها البيت الي ضاق علينا.. وبعدين ايجارودور ثاني بنطلع نعيش في بيت ملك لنا.. وسكتت عني ما ردت علي قلت يمكن السكوت علامة الرضا .. و قلت الفكره لصالح.., ورد علي انه ماله شغل وراتبه ماراح يدفع منه ولا شي...! حاولت معه ورفض يساعدني..! البيت لنا كلنا ابي سلفه منه وياخذ علي شيكات ما رضى ..., هو عنده خير وراتبه يغطي وابي قرض منه بدون فوائد ولا عطاني وجه...! حتى كفاله رفض يكفلني عند البنك..., يقول لو بيرحون فلوسي علي من بيعوضني وانا وش يضمني انك بتواضبين بسداد البنك.. على ان البيت الي باخذه بنعيش فيه كلنا...! كل ما فتحت معاه موضوع البيت ماعنده الا كلمة لاااا.. ما نا قشني حتى البيت با اسم مين تبينه..؟ يمكن لو نا قشني وضغط علي شوي راح اكتبه با اسمه...! يوم شفت مافي فايده من صالح وانه ماراح يساعدني اشتري بيت .. اخذت قروض على راتبي وساعدني ابوي واخواني واشتريت البيت وكتبته بأسمي...! يوم جيت اخبرهم يعني بسويها مفاجئه..., توقعت انها بتسعدهم وخصوص خالتي بيرتاحون من الايجار والبيت الي اشتريته كبير.., وبيتهم الي ساكنين فيه صغير اناعايشه بغرفه ومعي عيالي ثلاثه وانا وهو خمسه كلنا بغرفه وحده ابي اتوسع وعيالي ياخذون راحتهم .. خواته فرحوا يوم قلت لهم الا امه وهو ...! قعدت امه تصارخ تقول تبي تمنن علينا هذي من زمان تحفر انه تاخذك وتخلينا.. قالت لي انها تبي تشتري لها بيت ما صدقتها...! ارسمت وخططت هي واهلها ونفذوا.. اليوم اخذت البيت وبكرا تاخذك انت وتخلينا...!؟ وتقعد تبكي وتقول يا خسارة تعبها وان محد عوضها ..., كلامها قهرني يعني هذا جزاتي منها تفسر الي سويته اني با اخذ ولدها واقطعها منه .. وانا حملت نفسي ديون سنين ما تخلص علشان اشتري بيت وابيها هي وبناتهايسكنون معاي في ها البيت .. انفجرت فيهم قلت ما في احد استحمل الي استحملته منك انتي وولدك..., عيالي اشيلهم وقت برد والا حر قدامك ما مسكتيهم...! ويوم جبت شغاله مالي منها الا دفع راتبها..’ حتى عيالي اروح وارجع من شغلي القاهم على الي تركتهم عليه وشغالتي تحت يدك ولعزايمك...ّ! ما تخافين الله يسوي في بناتك الي انتي تسوينه فيني قاعده لي على الطالعه والنازله.. ضربني كف صالح وسحبني لغرفتي وقلت خلاص تعبت منكم ابي اروح لبيت اهلي.., قال انقلعي وكلمي اهلك الحين ياخذونك قبل يطلع من البيت قال لا ارجع والقاك في البيت..., يوم طلع تعوذت من الشيطان وقلت بجلس وش اسوي علشان عيالي.. طلعت بعدها ابغى اعتذر لخالتي والم الموضوع انفجرت بوجهي وقامت تدعي علي وعلى اهلي وان اخواني هم الي قووني عليهم.. وحتى خواته الي كانو معاي قلبوا علي.. يقولون تبين تقطعينا من اخوناابونا توفى ولا لنا احد غير صالح ... رجعت لغرفتي وبكيت وصار حالي مثل الي رضى با الهم والهم مارضى فيه.., رجع صالح في الليل قلت بكسبه رتبت غرفتي وزينتها وبدلت لبسي.., ابي اهيئ له جو نتفاهم فيه.., قال مسويه تعتذرين مالك عذر عندي...! ما تحمدين ربك من زين ها الوجه صابر عليك فرحانه باالو ظيفه لا ومن زين التخصص بعد...! انا ما ادري كيف توظفتي على ها التخصص.. دقي على اهلك ياخذونك توقعت اجي ما القاك .. يا قو وجهك اطردك وانتي لازقه وقعد يحقرني ويستهزئ فيني.. قهرني كلامه ورديت عليه.. قلت الحين انت من زين وجهك والا اخلاقك دفنت حياتي معك وساكته وراضيه.. لا زين وجه ولا زين فعول شيختك علي وانت منت كفوا انت من انت والا من زينك ما تشوف وجهك.. قال انا رجال وحر كنت ابي مزيونه بس ابتليت فيك لكن الحين خلاص لصبر حدود..., يالله لا اشوفك في بيتي واتركي عيالي..., وتشوفين بكرا المزيونه الي بتختارها امي وبتعيش هنا بمكانك وبغرفتك ..., طلعت من القهر وكلمت اخواني وجيت في بيت اهلي و ثاني يوم ارسل الشغاله وملابسي..., لأن الشغاله مطلعتها على كفالة اخوي وهو خاف من مسؤليتها..., ما طلق الابعد ماعطيته تعويض لكن عيالي حرمني شوفتهم..., و له فتره طويله قاطعني منهم ماهو راضي لا اروح اشوفهم ولاهم يجوني.., اشتكيت عليه والقضيه با المحكمه ابي اشوف عيالي..., ام عوق\ جزاتس الله خير والله يبرد قلبتس برجعت وريعاتس..., فايزه بتردد\ياخاله بقول لكم شي علشان ابري ذمتي..., ام عوق بقهر \قولي نسمتعتس الله يكشف ضرتس.. فايزه بوجع \ترى صالح صدق بخيل ويصدق الي يسمعه بسرعه وعصبي وما يضبط اعصابه.., لكنه رجال راعي صلاه ما يفوته فرض وبار في امه وعفيف ما عنده سوالف بطاليه.., ولا هو راعي استراحات ولا دخان وحتى المصروف الي كان يعطيني قبل اتوظف .. رغم انه قليل الا انه ما قطعه عني بسبب الوظيفه.., وراتبي مااتذكر انه طلب ريال واحد منه ..., البخل والعصبيه طبع في الانسان وانتم مخيرات ...! انا ماقدرت اتفاهم معاه ولا مع اهله.. ومع عوق يمكن يتغير الوضع وتعيش الحياه الي ما قدرت اعيشها معه..., اخو صالح الي اصغر منةرجال ملتزم لكن فرق ماهو مثله..., عمره ما قصر في حق بيته... زوجته عايشه احلى عيشه وحاط لكل شي حد بما يرضى الله سواء زوجته والا اهله ما يرضى الغلط .. وكثير صار بينه وبين صالح وامه مشاكل على شاني ماكان راضي بلي يصير لي...! والله يجزاك خير يا خاله على ها الدعوه الطيبه ..., ام عوق با امتنان\انتي والله الي عسى ربي يجزاتس خيريمكن كلامتس فتح عيونن مغمضه..!! فايزه \يا خاله ترى الاخلاق مالها علاقه بمطوع والا غيره زين الاخلاق وشينها هذا شي من الله سبحانه.., ام فواز\يا ام عوق اذاصار بينكم توافق انتم وصالح خلكم واضحين من البدايه ولا تجاملين احد على حساب بنتك وبعدين صالح الله يكفيني شر غيبته فاهم بر الوالدين غلط.. وامه الله يهديها ما تقبلت ان ولدها اذا تزوج خلاص له حياته الخاصه .. وما نقول الا عسى الله يوفق الجميع وهو ابن حلال بنتنا عنده كم سنه ما شفنا منه لاخير ولا شر.., الا بعد ما طلق غثنا انه مسك العيال عن امهم وطلب فلوس علشان يعطيها ورقتها.., بنتنا يمكن لو ام صالح شوي كانت سموحه كان يمكن للحين في ذمته بين عيالها.. ولا تحسبين بيضيع عند الله شي الي له حق بياخذه فايزه والا غيرها..., . . . حاولوا يمسكونا على العشا لكن رفضناواعتذرنا منهم قلنابنعوضها وقت ثاني.. استأذنا من عندهم وطلعنا.., سبحان الله ما ادري ليش اول ما طلعت من بيت اهل فايزه وقبل اركب سيارتنا جا في بالي هالدعاء (اللهم اجبرني في مصيبتي واخلف لي خيرآمنها) وقلته بيني وبين نفسي...!! رجعت لبيتنا وانا افكر بفايزه..., البنت حلوه وفي وجها شي يجذبك بدون ما تحس وكلامها كله عين العقل ولا شفتها ظلمت صالح قالت شينه وزينه.., حتى كلامها كان كله تفسير للي قاله صالح كل واحد منهم قال الي عنده ما كذب لكن من وجهة نظره.., . . . بعد اسبوع من مشورارنا لفايزه جا اليوم الي قطع صالح خيط العنكبوت الي بيني وبينه..!! دق التيلفون ورديت صوت حرمه غريب اول مره اسمعه طلبت امي وكلمتها ...؟ دريت من كلام امي معهاانه يتعلق الموضوع فيني انا و صالح..! الحرمه\...... ام عوق\جزاكم الله خير وصادقه اي بالله اخره نور الحرمه\....... ام عوق\ البنت استخارت وتقول ماتبي العرس تبي تدرس..., الحرمه\........ ام عوق \ما اقدر اضغط عليهااذا تخرجت.., الحرمه\....... ام عوق \ تبي توظف ولا تبي شي يلهيهاعن وظيفتها .. الحرمه\........ ام عوق\لا بالله البنات واجد ودورو غيرنا الله يرزقكم وانتي ماشاء الله ولدتس كلن يتمناه .. الحرمه\....... ام عوق\يا ليتس تشورين عليه يرجع لأم عياله وما ضنتي بيعصاتس تراكم ضيعتم من يدكم ذهبه..., سكرت السماعه امي وهي شكلها معصبه..!! عوق بحذر\ يمه من الي كلمتس..؟ ام عوق بتهكم\ يعني ما تدرين من..! عوق با استنكار \الحرمه اول مره اسمع صوتها با التلفون.., ام عوق با استهزاء\ وان شاء الله آخر مره هذي ام صالح داقه وهي متوكده انا موافقات على ولدها..., تقول عندهم شريط صغيييير والي اوله شرط اخره نور على قولة ام صالح..., عوق بخوف\وش هو شرطها...!؟ ام عوق با استهزاء\مايبون منتس ضنا....!! اردفت ام عوق بوجع\يبون يقطعون ضناتس ام صالح تقول عيال صالح مكفينا وعيال رجلها مثل عيالها...؟! قمت من عند امي ما اشوف الطريق من الدموع..., وابكي بدون شعور الحقتني امي وحط يدها على راسي .., ام عوق بألم\ ابكي ياعوق اغسلي قلبتس بدموعتس يا بنتي.. ولا تسعجلين رزقتس ربي ما شق فم الاهو متكفل برزقه... ابكي وارجعي لي عوق الاوله ..., . . . وطلعت امي من غرفتي وسكرت الباب وراها.. يعني ياصالح شين وقوي عين وانا وش ابغى من زواجي منك الا ذريه تشيليني وتونسني بها الحياه .., اذا على الوحده اعيش مع امي اخدمها واونسها ... يعني تبي تحرمني خايف من الناس بكرا يقولون هذولا عيال صالح الي امهم بنت حموله.. وهذولا عياله الي امهم لقيطه ما يدرى منين جات.., ومن الي يطالب با لشرط امه وبكل تبجح بعد.., اثاري امي صادقه امس يوم تقول ما طريقتس وطريق صالح واحد ...! انا عرفت طريقي الي بمشي فيه يايمه ...!! خلاص ماعاد فيه زواج ولا ابي عيال يسألونهم الناس من هم خوالكم.. !! نظرت الناس للقيط كلها وحده اعاقه في جسد المجتمع..! . . . من بعد فشل خطبة صالح والبكى الي بكيته من قهر وحسره وألم .. طلعت لأامي عوق جديده..., وشديت حيلي بدراستي حاولت اتفوق على قد ما اقدر..., نظامي رجع زي ماكان اجلس انا وامي ..., اذاكر واراجع حفظي للقرأن.., واسمع لأامي الي هي حافظته.., ما تصدقون انها هدت نفسي ولا عاد يشغلني موضوع الزواج مثل قبل.., باعيش يومي لحظة بلحظة ارضي ربي وابر امي وبكرا مخليته على الله... لكن مع هذا دايم اتحرى اوقات الاجابه وبتهجدي واطلب ربي صلاح حالي سواء بزواج او غيره ويحفظ لي امي..., . . . وفي يوم رجعت من الكليه بعد العصر عندي محاضرات متأخره وشفت شاص سعد اعرفه بسم الله وش جايبه..! ما طردته امي وافتكينا فتحت الباب با المفتاح ودخلت..., طلعوا بوجهي سعد وسالم وناصر ولد سعد .., سالم يناظرني وهو مكسوره عينه وانا اقول بقلبي سبحان الحليم الستار..! انت من الفئه المفروض اذا شافها الواحد قال((قل اعوذبرب الفلق ,من شر ما خلق)) تعايروني اني لقيطه وانت ياسالم بنفسك وش بغيت تسوي من مصيبه..! لكن ربي سبحانه حفظني ..!! سلم علي سعد.. سعد بتساءل\انتي عوق...! عوق\ايه يا ابوناصر اناعوق بنت الوضحى..! سعد با اهتمام \وشلونتس عساتس طيبه وشلون امورتس بشريني عنتس.., عوق بملل\ابشرك من الله بخير.. ماعطيته فرصه يكمل سوالفه قلت سلم على البنات ودخلت للبيت ولا التفت وراي ..., طلعو اسمع صوت الباب تسكر..., دخلت غرفتي اغير لبسي.. تذكرت ذاك اليوم الرهيب وانا با المتوسط في بيتنا الشعبي القديم .. . . . (كلمه اخيره) من اقوال الشيخ عائض القرني؛ 1-ما مضى فات، وما ذهب مات، فلا تفكر فيما مضى، فقد ذهب وانقضى .. 2-لا تكثرمن القول القبيح والكلام السيء الذي يقال فيك فإنه يؤذي قائله ولا يؤذيك .. 3-سب أعدائك لك وشتم حسادك يساوي قيمتك لأنك أصبحت شيئا مذكوراوشخصا مهما .. 4-كرر( لاحول ولاقوة إلا بالله ) فإنها تشرح البال، وتصلح الحال، وتحمل بها الأثقال، وترضي ذاالجلال .. 5-اترك المستقبل حتى يأتي، ولا تهتم بالغد لأنك إذا أصلحت يومك صلح غدك .. . . . الي الملتقى قريبآبأذن الله وسالفه جديده طيف الأحباب ام الوليد |
البارت القادم الي هو يوم الثلاثاء راح يكون الساعة العاشره ليلآ
|
السلام عليكم ورحمة الله وبركاته
احداث بارت اليوم تدور حول علاقة مع زوجته السابقه ..وهو السكون الذى يسبق العاصفه في البارت القادم .. كان متوقع ان تذهب ام عوق حتى تكوي جراح ابنتها و انزال الستار ونهايتها مع صالح المشكل الزوجيه و مفاتيحها واسبابها ... متعدده وشائكه هنا رساله غير مباشره ان رضى الناس غايه لا تدرك .. وان الانسان حين يسامح ويعفوا من طيبته وكرمه يظنه غيره انه ضعيف شخصيه و غير مبالي فتنتهك حقوقه تعلمين ام الوليد كنت اتوقع ان يكون رد فايزه جداً مختصر ولا تسكب كل هذا القدر من الاحداث .. حسبتها انها سوف تكتفي بالشي اليسر من الحديث ..لاني من ردها لمست فيها نبل الاخلاق والتمسك بالدين .. لكن خيبت ظني بما سردته عن زوجها وان كان واقع .. حتى وان ذكرتي انها حلفتها كان ابلغ منها ان تسرد القصه لهم باسلوب السؤال وش رايكم ....بكذا وكذا..بدون ان تتطرق للكم من هذا الوصف عن واقعها وماضيها قصتها واقع مؤلم لاحوال المعلمات فقصتها تشابه كثير من الاحوال بمجتمعنا العربي وان اختلفت بقليل من الرتوش ... لم اتوقع ام عوق ان تحكي ماقالته من كلام صالح فهي الحكيمه العاقله كيف تفعل ذلك ؟؟ ننتظر قصة عوق مع سالم ومحاولته التحرش بها؟ سلمتِ وسم ابداعك استودعك بحفظ المولى |
مبددددعه$ .~
. . . آلسسَِلآمْ عليككَِم ورحمةْ آلله وَ برككَِآته ,~ تخجلْ أحرفيَِ منْ توآضعككَِ آلملككَِي يَِ ملككَِة آلحرفْ وآلْتألقْ ,~ . . . . . . . . . . . . . . . . . . . . . . . . . . . . أتآني صدآع منْ حديثِ فآيزهْ لأمْ آلعوقْ ,~ يَِ آلهي مَِ هذآ آلْرجلْ ,~ لككَِنـــهآ فتآة رآئعهْ ذآتُ أخلآق سآميه ,~ فهيَ ذككَِرتْ محآسنهُ وسيئآتهْ .. بعكسهِ هوَ لمْ يذْككَِر آلآ آلسيئَآتْ وآلتي لآتصلْ بآلوآقعْ أي صلهْ ,~ . . . . . . . . . . . . . . . . . . . . . . . . . . . . آلْعوقْ .. أنـثى ـآ آلريحْ آلعآصف ,~ اقتباس:
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . طيف آلأحبآب ,~ يَِ فتآةً تألقتْ بحرفهآ .. آسسَِتمري بعطآئككَِ يَِ مذهلهْ << خخخخ ,~ مآشآء آلله عليجْ ,~ جد جد آستمتعتْ بهآلجزئيهْ آلمصدعه خخخ ,~ اسسَِتمري يَِ متألقه ,~ حزينْ آلأحزآن ,~ . . . |
السلام عليكم و رحمة الله و بركاته
مساء الخير و الرضا من الرحمن اولا ألف مبروووك التميز .. فـ الإبداع زاخر بــ هالمتصفح ثانيا تسلم الأيادي على هالبارت ======================== (( وضحى )) تصرف سليم باللي سوته و انها اخذت عوق لــ فايزة و بكذا قطعت رأس الحيه و انتهى الأمر .. (( عوق )) القادم بيكون لج افضل بإذن الله بما انها استرجعت الله في مصيبتها .. (( فايزة )) إنسانه واضح انها حاولت تكسب رضا من حولها بس رضا الناس غايه لا تدرك و للأسف أنه زوجها ما كان سند لها اللي بكل شيء شايل ايده منه و السبب بر الأم << مفهوم خطأ عند البعض نسوا أنه " لا طاعه لمخلوق في معصية الله " و انه ظلمه و تجبره على زوجته فيها معصيه لله .. و لا فوق شينه قواة عينه و بكل ثقة ما يبي ضنى من عوق أجل ليش متزوجها و ما تبي ضنى الجواب واضح أنها مجرد تسليه وقتيه و انتهى الأمر .. (( سالم و سعد )) و راهم شيء كبير و خصوصا بعد لمحة الحزن او الاسى اللي على وجه سالم الظاهر أنهم عرفوا قيمة وضحى و حلالها و أتوقع انهم طاحوا لهم بمصيبة و يبونها تساعدهم بس عاد وش ممكن يكون رد وضحى عليهم , بتنسى لهم تعديهم على بيتها أو بتذكر لهم وقفتهم الأولى لها في حلالها ... بس ليش جاي معاهم ناصر معقوله جايين يخطبون عوق له و سمعتهم وضحى كم كلمة بالصميم ====================== سلمتي يأم الوليد بــ انتظار القادم .. .. .. |
السلام عليكم ورحمة الله وبركاته
مساءك رضا من الرحمن ابدعتي ام الوليد فعلا ماجاء في بالي ان ام عوق تأخذ عوق لبيت زوجته الاولى موقف سبق وعايشته بختلف بسيط او بالأصح ربما اكون أنا ياسمين عندما انفعلت رجع بي المشهد لحادثه كانت أختي في مكان فايزه فايزه اسردت احداث حياتها بإسهاب ليس قصدها من ذلك ان يكرهوا صالح لكن هي أمانه وهي لازم تنقل لهم الوقائع بصدق ومع كذا ما ظلمته وقالت لهم الصالح والطالح وانت يأم صالح موجود منك كثير تتمسك بإبنها حتى بعد زواجها ولا تتركه حتى يتنفس بس العاقل اللي يوازن الامور يبر امه ويحافظ علي زوجته وبعد ماتبينه يجيب عيال ايه وشلون وهي لقيطه وبيعيارون عياله بعدين* زين انك فتحتي ياعوق وانتبهتي لمستقبلك ونسيت فكرة الزواج او بالأصح تناسيتي وربي بيعوضك تدرين ام الوليد مو بس عوق اللي تبي تعرف من هو الفارس الملثم كلنا نبي نعرف عرق اللقافه اشتغل خلاص* في انتظار سالفة التحرش دمتي مبدعه* ودام لنا نزف قلمك المبدع |
| الساعة الآن 10:08 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية