كاتب الموضوع :
نبض ومشاعر
المنتدى :
الارشيف
هلا وغلا بعزيزتي نبض المشاعر والحمد لله على سلامتك
وان شاء الله اخر الغيبات تعرفين انا كتبت رد وش طوله
وانمسح فجاة وانقهرت مرة وذا الحين قاعده اكتب غيرة
بس مو نفس الاولاني لان الول مليان حماس هالحين من العصبيه خف الحماس .
نورة مادري ليش جاني احساس انها كانت تحب فهاد من قبل ماتتزوج فالح الطالح بس يوم سمعت فهاد يتكلم عنها قدام فالح وانها كبيرة انصدمت من رده وحست بالخيبه والخذلان وهذا اللي خلاها
توافق تتزوج فالح التبن .بس لو تدرين يانورة بحقيقة هالفالح وانه تزوجج بس نكايه في فهاد عشان يقهره وياخذج منه وان هالفالح اصلا مايحبج وانج ضيعتي احلى سنين عمرج مع واحد مايستاهل ظفرج ولو تعرفين وش كثر فهاد يحبج وان يوم طلاقج بالنسبه له يوم ميلاد بالنسبه له وانه كان يدعي رب العالمين انج ترجعين له جان عضيتي اصابيعج ندم على كل لحظه فكرتي فيها في فالح الزفت الله ياخذ هالفالح ونفتك منه مالت عليه هالثور .
فهاد (الذيـــــــــــــب اهتـــــــــــــــوى وجاه مابغى )الف مبروك يالذيب
الفوز انت تستحقه وبجداره وعقبال ماتفوز بقلب نورة
انا عرفت هالحين انه كان يحب نورة من زمان وانه شافها
بالصدفه واعجبته وحبها اكثر حتى جملتها مو قادر ينساها من كثر مايحبها (اشقر على اشقر ليت خلي يجي ويشوفه )وان شاء الله انت يافهاد اللي بتشوفه عشان ينقهر فالح الثور بس الهمه عليك يافهاد لازم تغير من طريقة معاملتك مع نورة لازم تحببها فيك لازم تغير افكارها الغلط اللي ماخذتها عنك وعندك فرصه اذا سافرتوا مع بعض مع اهلكم حسسها انك تبقيها وانك اخترتها من بد حريم العالم وحاول تحميها وتدافع عنها
قدام الاعداء عشان ينقهرون .
هذال وش سر البنت اللي تكلمها انا فكرت قلت يمكن متزوجها مسيار بس استبعدت الفكرة
وقلت يمكن تصير اختك من الرضاعه وبعد استبعدت الفكرة وحل هاللغز عندج نبوضه .انا ماحد كاسر خاطري غير سلمى اللي قاعدة تدافع عن واحد مادرى عنها ولا يفكر فيها من اساس وماخذ عنها فكرة غلط الله يستر ويش بيصير فيها لو انه رفضها وقال مايبقيها اكيد بتجيها صدمه عصبيه كان اللي يصير لها عقاب لان فالح كسر قلب نورة
وتزوج وحده ثانيه وطلقها واخو نورة هذال راح يكسر قلب سلمى الله يعينها .
سيف ليش كل هالعصبيه من سعود
هل لانه يشتغل شغله تفشل والا لان ماقاله عن هالشغل
وشكل بتصير بينهم مشكله وبيخسرون صداقاتهم .اكيد سعود عنده سبب قوي اللي يخليه يشتغل هالشغله ويخبي هالسالفه عن سيف .
الجازي ومبارك العجوز والبزر
الى متى بتمون على هالحال مبارك يموت في الجازي ويبقيها تعبر له عن مشاعرها وتهتم فيه واهيا تعتبر هالاشياء حق البزران وكل واحد مو راضي يتنازل عن افكاره .
مبارك لازم تحسس الجازي بحبك ومو كل شوي تقول لها عجوز اكيد راح تتاذى وتتضايق انت فهمها وش تبقي منها
لازم واحد منكم يتنازل عن اللي فراسه عشان تعيشيون.
وانتي يالجازي شيلي هالافكار من راسج واهتمي في الرجال وحسيسيه بحبج وانج بطريقتج تحسيسينه انه رجال كبير مو بزر تقربي منه عشان ماتخسرينه مع ان فارق السن بينكم مو كبير بس انتو مسوين مشكله وجايبين عوار الراس حق روحكم .
نبوضه تسلم ايدينك على هالبارت وبالنسبه حق راينا في ان البارت الجاي يكون عن زواج فهاد ونورة او عن السفر انا اقول نبقي الاحداث تكون متسلسله على كيفج
واحنا مو مستعجلين انا ابقي يكون في السفر اكشنات
بين نورة وفهاد وبين سيف والهنوف وبين الجازي ومبارك
ومانبقي فالح ومرته العقربه يسافرون معاهم عشان مايخربون لان وجودهم في اي مكان يجيب العله .
اي نسيت اقولج توقعي عن المسج اللي جاء حق نورة انه من فهاد .ومشكورة ونستنى الاحداث الجايه على نار.
وجه الصباح
|