السلام عليكم ورحمة الله وبركاته

كيفك نبض

اعجبني اسلوبك

عن جد كتابتك رووعه

رائعه انتي بكتابتك

وننتظرك ...

السلام عليكم..
اول شي حده سووري عالتأخيــر..
ثاني شـي... بارتات اكثـر من رائـعه واسلووب كلمـه رووعـه قليلة بحقـه
ما شاء الله عليـج..
اندمجـت صـج مع البارتات...
حبيت ناس وحقدت على ناس وزعلت على ناس...
يعطيج الف عافيـه...

نوال
استغفر الله...
فرق بين نورة واهـي...
اوك لو كنت مكانـها رح ازعـل صج بس مو عالطالـعه والنازلـه اقط عليـها حجي مثل السـم وادعي عليهـا..
خلاص شي صار وانتهـى وفهاد صار لنورة قلتي اي او لا...

امـاني
ما اقول غير ا لله يهديهـا


نورة
مسكيـنه..
يعني صج موقف محد يتمنى يكون مكانـها فيـه..
ولا تقدر تسوي الي تبيـه..
مثل ما يقولون خياران احلاهمـا مر...
يا تقولـه سبب رفضـها لصجي وتكسر بخاطره..
او انهـا تمشي معاه وتوافـق على فهـد....
وتتحمل الكلام الي بييها من منيره وام فهـد وشلتهم هع...

سيـف
خخخخخخخخخخخخخخخخخخ احس ليلحين ما طلـع حرته منهـا...
مت ضحك عليه..
والله يستر شبسوي بعد الزواج
بطلعلها قروون هع

الهنوف
والله منتي بسهله..
بس مو قد سيـف هع
ناطرة زواجهم على احر من الجمـر..
ودي بأكشن هع

فهـد
توك تفكر فيـها وشنو ممكن يصيـر فيهـا..
تو النـاس..
الظاهر حبك لهـا وانك تبي تنفذ الي براسـك خلاك تنسى اهي شنو تبـي..
ما اقول غير ان شاء الله تعوضهـا

فالـح
الظاهر ليلحين في بقايا من حب نوورة بقلبـه..
بس مو راضي يعترف..
او انه محتر من فهد لانه ماخذ كل شي حتى نورة!!

الجازي
خخخخخخخخ انتي الله يعين الي يطيح بلسانــج..
لمتى بتم جذي اهي ومبارك!!

مبـارك
مهما كان يحبهـا ويعزهـا..
للصبر حدود وممكن فكرته وانـه يتزوج عليها والي على غشمـره..
يسويـها لعل وعسى تحس!!

محمـد&شيـخه
ليلحين في توتر بينـهم
بس احسـن من قبـل
اممم شيخة كانت تاخذ حبوب حمـل وقطتهـا..
ومحمد مادري شفيـه!!
تأخير الحمل من شيخة!
ولا محمد!!
ولا منهم اثنينهم!!!
الله يستـر
سلـمى
حرام تمشي ورا سراب وتمني روحهـا بشي مو اكيـد يصير...
لازم يقولوها صج بتزعل وتأزم بس احسن من انها تظل عايشة على وهم

آخر شي
سوووري مرة ثانيـه عالتأخيـر
تقبلي مروري

السلام عليكم ورحمة الله وبركات

ايش الابد1111ع هذ1 وايش الاحداث الاكشن في البارت هذ1

بس عندي ملاحظه واتمنى ماتنزعجين منهاااا

((الهجه حاولي تبين اكثر شوي انا من اول ودي اقوول بس خايفه تزعلين مني ))

((فهاد ونوره ))

حركه كل الموقفين حركه لا السمنه ولا في يوم يدخل بعد الملكه بس للحين مابان من متى وهو يحب نوره

انا احس ان زوجها الاول كان عارف انه يحبهاا وتزوجها قهر له بس

حركت نوره في الملكه سخيفه لاحقه على الهواش صبرت شوي احسن ..

((مبارك والجازي ))

ماادري متى بتعقل البنت هذي وتشوف رجها ولا متى بتتسنع وتصير حرمه مدري

احس مبارك بيسوي فيها مقلب انه بيتزوج وبتعقل او بيتزوج صدق على حركاتها هذي

احس الجازي كانت تحب قبل ماتتزوج من مبارك بس للحين مابان في القصه ..

((محمد شيخه))

قربت معرفت شيخه بمرض محمد راح تتعب معه والله يصبرها على ام زوجها يارب..

((سيف والهنوف ))

ثوناي حلووووووو واكشن في القصه وربي يموووووووتوووووووون ضحك

الله يخليهم لبعض يارب << هع هع هع

ابد111111ع البارت الله لا يحرمنا منكـ..

جــــ,ــــ,ــــودي

اتت تحمل الحب لكم اتت تحمل الشوق لقلوبكم
احبتكم حقا لانكم احببتموها
مــــــــــــــــتى يرتاح قلب ن بالهوى ملكته راحت ايامه كلها وهويرتجيك

الجزء الثاني عشر

في بيت الشعر يسولفون العيال مع ابوهم في العشاء ومن الي تغيب من الجيران وسبب غيبته ومن ها السوالف
ام سعد- ها يا امس حاولتي معها
الجازي – ماخليت عليها شي ياخاله بس بنتس ما عليها من احد مدري من وين جايبه ذا العناد منه
ام سعد- ليلي الطويل والله --الحين توها طالعه من المستشفى تبي تداوم
الجازي – لاالحمدالله صحتها ماشالله الحين احسن
مبارك – الجازي وش عندس اليوم مولعه !!!!!!!!!
الجازي كانت لابسه احمر وبني بلوزه حمراء داخليه وفوقها جاكيت بني رسمي من استدي فايورس وتنوره بني واسعه وبروش احمر على الجاكيت واساور حمراء
كان استايل رسمي لكن فخم وانييييييييق
الجازي – مولعه – هذي مدحه امحق
مبارك – يعني تهبلين
الجازي – داريه
مبارك حب يغيضها لانها ماهي وجه مدح – اجل ماشالله اخر عمليه كم صفطتي في الحساب
يقصد كم سرقت من العملاء لين كشخت
الجازي انقهرت- يالله تصبحون على خير
مبارك يضحك – وانتي من اهله
ابو سعد- القابله عشاء ابوفهاد
وعن قريب الملكه حنا ماقد تأخرنا في خطبه احد من عيالنا مثلهم
ام سعد – على خير

في الصباح
ابوفهاد – ماشالله ماشالله الوجه منور
فهاد- يوم شفتك
ابوفهاد – دوم يابوك الاكلمت محمد؟؟
فهاد- ايه ويقول بيجي ذاالليل
انتفضت شيخه وطاح من يدها البيز
انتبهه لها فهاد وتبسم من غير لايشوفها لكن شيخه كانت اسرع
شيخه- هو بنفسه قالك ؟؟
فهاد- ايه هذا امس الاكانه غير رايه وقايلس من تالي شي فذا مالي علم به
ام فهاد- دامه قالك اجل مثل ماقال وانت خابر محمد ماهوب يحط شوره عند المره ويخلفه عند الريجيل
ابوفهاد جاء بيدافع بس فهاد اسرع منهم كلهم
شيخه تفشلتوعلى طول انقذها فهاد- هذا حد علمي به العصرالبارح
كانه جد جديد فهو دق علي كذا مره في الليل و مارديت
يمكنه يبي يعلمني بشي
شيخه تنفست براحه – لانه يقول احتمال يجي عقب يومين
سعود- ويمكن يجي اليوم ويتغلى المدير؟
سعود بيطيب خاطر شيخه مثل فهاد مادرى انه جاب العيد لان ام فهاد ظربتها غيره ونفخت على شيخه-
وش قوم الشاهي حالي اكيد مخليه الخدامه تزينه جعل مايزين حالس
على طول قامت شيخه للمطبخ وهي تدعي على نفسها وش الي خلاها تسمع امها تروح مع سواق البيت يوم ودى اهل المدارس
ابوفهاعصب والعيال سكتو يوم شافو نظره ابوهم لاامهم –
والله ان مازان حالس يارفعه لاتلومين نفسس
شييييييييييييييييييييييييييخه (نادها عمها بصوووت عالي ) وعلى طول الاوشيخه من الروعه قدامه
ابوفهاد- لاتزينين شاهي روحي يابوس لشقتس
ام فهاد – وش قلت تعصيها علي
ابوفهاد- انهبلتي ياذا العجوز من تالي ونتي مالس شغله الامناكد بنت اخوي حتى الي ماهدفت عليس( يعني الي ماجات ) ماسلمت منس
وراح
فهاد في نفسه اوجعه قلبه يعني بيجي يوم نوره بتوجعها امه بتسيل دمعتها
بتقهرها
لا لا يايمه ماطيق حزنها تكفين
شيخه على سريرها تدعي على نفسها وتلوم نفسها ليه راحت بس امها هي الي اجبرتها
تروح لعمتها ماعندها احد وماحد يقدر من حريم العيال يروحون لاامهم
شيخه على سريرها – ها امهم ماعليها شي مايحتاج من صباح الله مشحونه طاقه العرب يقومون تعابا وهي مليانه دافع البلا
فهاد- هي متى جات ؟
ام فهاد- يوم ودا السواق اهل المدارس عيال ال نايف
اقبلت الشيـــــــــخه معهم
فهاد – الحين يمه هذي جزاتها ؟
ام فهاد- حرمونا الله يحرمهم من ذريه عيالنا بنات نايف جعلهم للهم حتى الي عندي فطوري ماسنعته ساعه قال عمها فارقي طارت كنها مبشره جعله للفناء هي والي وراها
فهاد علا صوته – يايمه الله يـــــــــــــــــهديس لاتدعين ؟؟
ام فهاد- الابدعي – ماتشوف منيره باذره البيت عيالهم والجازي مثلها وهياء بعد
وانتم الي عندي ماتكرمت للحين وانت بتاخذ المصخنه فيهم الي يوم الله اراد ماتمه بطنها ام فهاد تعبــــــــرت من الحسره
فهاد قام معصب في خاطره- خيره والله انه خيره ماتمه ربي

نوره – راحت حتى ماسلمت علي على طول من شمت ريحه ان الرجل جاي راحت تسعى
هياء – جعلني احتال واصبر اشوفس عند فهاد بتصيرين اعبر
نوره- لاوالله وحتى وش دخلس شين القافه بين الخوات
هياء في يدها ملزمه احياء وترفع حاجب – وشين القافه بين مرررره ورجالها
نوره- حبيبتي هياء وش امتحانس
هياء عقدت حواجبها- احيااااااااااء
نوره- قولي امين
هياء – امين
نوره – جعلس ماتفلحين فيه
هياء نطت في رقبتها ونوره ميته ضحك
والجازي هاجده توقعت ان نوره بتنفعل لاجاء طاري فهاد واستانست انها تقبلت الوضع
دق جوالها وطلعت
فهاد- يالله حي ذا المره
الجازي – يحيك ويبقيك يالشايب
فهاد – شابت ضلوعس ان شاء الله اعنبو غيرس معرس تقولين عنه شايب
طيب خلاص عقب العرس قولي لي شايب
الجازي- هههههههههه صدق مصدق عمرك والله ان محمد صادق يقول ليتس تشوفين حضره المقدم الابتسامه شاقه الوجه معرس من قلب
فهاد- اعوذ بالله حاسديني حتى على الضحكه
الجازي – يعلم الله يافهاد مابه شي فرحني مثل عرسك وشوفتك وكن الفرحه تكلم بعيونك تسوى الي قدامي ووراي بسلامة امي وابوي
فهاد – الله يسلمس
الجازي – بس يمكن مابه عرس لان هياء تخنق مرتك وفي احتمال ترمل اقصد ماتعرس
فهاد- ههههههه ومرتي على قولس مالها حيل تقوم بهياء ؟؟؟
سؤال فهاد ظاهره برئ باطنه خبيث
الجازي – هذاك اول الحين مرتك لا نفختها طارت فوق وهياء ماسكتها من اليد الي توجعها
حامل
فهاد-هههههههههه سلمي على العرب وقولي لهياء والله لاتجيني مرتي فيها عاهات ان ماتعين خيــــــــــــر
الجازي – على خير سلم على عندك

دق سعد على نوره تجهز عشان يوصلها الروضه
نوره تعدل شعرها- وووجع زين ياهويا خربتي شعري
هياء ابرك الحين غايبه عشان اذاكر تدعين علي يالنذله
نوره تبسمت – نذله مرت نــــــــــــــــــــذل
هياء انتي و ش تهمسين
خمت عباتها نوره وعلى طول اشرت لها الله يوفقس دنيا واخره
ماهوب امتحان بس
هياء ضحكت وهي تذكر حمد الي شاين حاله عشان نورهوفي خاطرها عزالله ماالومك ياحمد انالونوره تزعل مني اعيف عمري

في السياره اول ماركبت
سعد- يالله صبحها الخير
نوره تعدل برقعها- وصبحه بخير ن مثله
سعد – اوراقس كامله
نوره – ايه جعلك تحياء
وقعدو يسولفون عن شيخه وعن مراحها ومن الي وداها
وعن عشاهم لين وصلو للروضه

سعود- ماشالله عليك تسوي شاهي التفت له فهاد وقال له شفت اخرتها دراسه وبعثه والتاليه شاهي
ارتبك سعود- اذا جات المره سوت لك .... طيب الله لايبلانا كان ناديت شيخه
فهاد- ماهوب ابوي الي يطلعها من المطبخ اروح اخليها تسويه من وراه
سعود- وانت صادق
فهاد – وانت على طول بدل ماتكحلها اعميتها
سعود – قصدي يابلفيت اطيب خاطرها
فهاد- داري بس قبل لاتطيب خاطرها فكرت باالي جالسين وبالي في خاطرهم امي تغار تحس انها فقدت بناتها تدري انها يوم قالت للجازي تقعد قالت ماتقدر رجلها مازهبت اغراضه ولاجابت ملابس لعيالها ضاقت فهي تحس انه فقدت بناتها ماتبي تفقد عيالها وبعدين سنها حرج يعني يحس دايم انه بحاجه للناس في المقابل الناس مالهم حاجه لهم وهذا شي يخلق احساس العجز ويخاف احد ياخذ شي يحسه انه ملكه
سعود- الله الله كل ذا طيب دامك تفكر بالي حولك والي جالسين شفتك فكرت ببنت العرب وهي ماتبيك ولاتبي كلش على كيفك
فهاد هزته الكلمه - كره كلمته لانها كلمه هياء
مستحيل احد يصدق الجبل ممكن ان ينهز اوالريح ممكن يصيبها شي فهاد الي يرمي الكلمه ولاعليه فهاد الي يبيه يحصله فهاد الي غروره يمنعه انه يفكر بغيره اهم شي حاجه يبيها ماعليه لو داس على راعيها عشان يحصلها كل ذا- كان كلام الي حوله وخاصه هياء ينهز ولاينوجع- بعد سالفه خطبه نوره
وتذكر مكالمتها وهي ترجاه
هياء – تكفى طالبتك تفصخ خطبتها
فهاد- نعم داقه على عشان تأمرين بشي مالس دخل فيه
هياء – كلنا ندري انها ماتبيك بغت تروح من يدنا بسبتك
فهادبرود- فدوووووووووه
هياء تبكي – انت عديم احساس بغت تموت علينا في المستشفى خاف الله
فهاد ارتبك – هي طيبه
هياء – لا كلفت واجد
فهاد – اجل سلمي على الي عندس وبعدين تخلي دلع البزران وتهتم بعمرها شوي ومن عندي بتطيب ان شاء الله
هياء- انت تبي كلش على كيفك ماتفكر الابعمرك
نسو- ان الجبل لاتناثر حصاه يبكي نسو- ان الريح ممكن تهدا ثم تهب
نسو ان الجبل والريح بـــــــــــــــــشـــــر انسان له قلب له روح

فهاد رجع للواقع وكلم سعود- مال البزران دخل وبعدين ماتعلمني وينك فيه من الساعه 7الى الساعه 11 ماتنشاف
سعود تغير وجهه – ابد موجود
فهاد- طيب وخر شوي خلني اودي الشاهي

ام فهاد- تابع المجد وهي ساهيه
جاها فهاد وهي زعلانه عليه عمره ماعلا صوته عليها
فهاد- الشاهي لشيخه النسوان
ام فهاد- لا كان وفرته لمرتك وش هوله هماك رافع صوتك عشان بنات ام سعد
وانت الي عمرك مارفعته !!!!!!!!!!!!!!!
فهاد كان ماد البياله ماخذتها امه ارخى يده ونزلها وتنفس بقوه لانه حس انه بيتعب في الاايام الجايه
التفتت ام فهاد بطرف عينها- تأفف من الحين عشاني سبيتها بس
فهاد- والله والي خلقني ماهوب عشانها بس انا رجال مااداني الظليمه والشينه
ام فهاد- يعني انا ظالمه
فهاد- لا يايمه بس شينه جايه عشانس وعشان تقابلس ورجلها ماهوب فيه تقومين تهاوشينها وقدامنا
ام فهاد – لاتحسبها جايه عشاني قومها السنافي راعي ام رقيبه ولاكان ماهدفت وجات

فهاد- حتى ولو كثر الله خير بنت الاجواد واذا على المره انسي انها بنت نايف لوانها وحده ثانيه
والله ثم والله لو ان مرتي شيخــــــــــــــه النسوان اني مااكدر عليس بشي عشانها
ام فهاد – بنشوف يافهاد مريوشه العين لااقبلت
فهاد حب راسها ومد البياله – شوفي المقدم ماقد طبخ شاهي وعشانس بس حتى شوفي احترق اصبعي يوم زليت البريق كملي رضوتي واشربيه
ام فهاد – سم الله عليك وحسبي الله عليها طقت فوق واحترقت انت
فهاد حب يغير السالفه – يمه دايم تقولين مريوشه العين هي صحيح مريوشه عين؟؟
ام فهاد –تضحك على يافهيد ياعني ماقد شفت عيونها
فهاد عنز ظهره عقب ماكان مدنق على امه وعدل لزقه حرقه وحاجبه مرفوع- هو من ناحيه ماشفت عيونها الكذب خيبه شفتها بسسسسسسسسسس
وقرب من امه بس شوفكم انتم غير !!!!!!!!!

الروضه كانت حلوه فصخت عباتها وعيونها تجول في الساحه ورسوماتها الااخاذه
والوانها الي تبهج صدق واللوحه الي كانت معلقه رفعت معنوياتها
( عالم البرائه )
تنهدت وكانها تقول الحمدالله فيه مكان بنسى فيه همومي بنسى فيه كل شي ماهوب زين واهم شي النذل اكيد ماراح يجي طاريه هنا
وضحكت هذا انا جبت طاريه
صفطت عباتها وشلت ملفها وعيونها تجول المكان ولسانها منخرس وعقلها يهذي بكل الي يشوفه

شيخه- طيب قول انك تغلى قول انك بتسويها مفاجئه ماهوب تخليني طعم لعمتي
محمد- ههههههه ياحليلس ياشيخه طعم شي
شيخه- تصدق يامحمد مابكيت واهتميت لعمري انا افكر بنوره نوره ترى غيري
نوره حساسه وماتحمل وحتى ان اذ انوجعت كتمت نادر ماتطلع
محمد- عزالله ماعطت بعض العرب الي في الخاطر مفضوح
شيخه- لاحبيبي اكتم وش الي حادني الابنطل الي في خاطر ولاعلي من احد
اجل تبي يصير فيني كبت بسم الله علي
محمد – نرجع محور حديثنا قلتي اشتقت لك موت وعود علي يارجال
شيخه تشهق – يانصاب اناقلت عود علي يارجال
محمد – قسم بالله وعلي الطلاق انس قلتي عود علي يارجال قبل شوي
شيخه – ياغشاش حراااااااام عليك
محمد – شيخه حاولي انس ماتنتظريني
شيخه- وشلون يعني
محمد – يعني يعني ايه...............يعني يمكن مااعود عليس يامره يصير فيني خير بلا شر ؟
شيخه- بسم الله عليك
محمد – شيخه طيب فكري بكره لو نتفارق يعني خلافاتنا يمكن يصير مثل اخر مره على حفه
شيخه- ومن قال كان اخرمره ماانتظرتك انتظرتك في احلامي !!!تقول اني مهبوله
داريه بس تخيل شخص بعيد في الواقع وش تسوي لو تشتاق له
غمضت عينها شيخه ودارت
اغمض عيوني واحلم بك ايه احلم فيك بعدها ارتاح
غمض عيونه محمد بس ماهومثل شيخه بحالميه الاغمضها بالم يمنع نزول دمعه خانته اول مافتح عينه وكنها حالفه ااتنزل وتطلع لو حبسها بين الف سور وسور

نوره صافحه المديره وقامت
تدور فصلها الي قالت الاسبوع هذا مشاهده والاسبوع الي بعده مباشره
لقت عامله معها سله عصير
نوره – لوسمحتي وين فصل النجوم
العامله – اخر الممر على يد اليسار لونه سماوي
نوره – الله يعافيس ياخاله
العامله – ومن يقول
راحت للفصل بابه سماوي حلو لونه مرررره
طقت الباب ودخلت
دخلت على المدرسه الي عرفت انها المعلمه المساعده
وسلمت عليها وتفاهمت على كل شي الوقت الاااستراتيجيه
الطريقه

منيره – يعني قريب الملكه
سعد – يقولون
منيره- طيب الحين وش فيك ماتحاكى معي كلمه ور د غطاها
سعد – لين تسنعين وتغدين مره
منيره- صدق والله
سعد- الصدق الي جاس من الحكي ياما تسنعتي ولاترى الثانيه في الطريق
منيره انذهلت اول مره يهددها وعلني بعد
هذا انهبل اكييييييييييييييييد

ام فالح- يقولون ملكتها يمكن ذالليل ولا القابله
اماني – صدق عمه والله انكم مسوين لها سالفه ترى قدرها فهاد طنجره لقت غطاها- مغرور- معقد – متحجر-كبيييير- كنه اياها ياخاله
والله مابه شين زين الا الرتبه واسمه
حتى اسمه عشان خالي

سلمى – حراااااااااااااام عليس والله الي ظلمتي حظس
فهاد ماهوب زين
العيون والحواجب الي مرسومه لين اخر عيونه والخشم سبحان من رسمه والمضحك الي لابانت ثنايه سحرت مابه زين
اماني – بشوووويش كل عشان ولد العم
سلمى – ايه اللحم يوجع --- يعني السب في القريب يوجع
اماني – اسمر بعدين ملامحه كن فيها لعااانه
سلمى – رقي الفاظك شوي قولي ملامحه حاده احس اذ شفته اتذكر الصقر
اماني – هاااااااا بربس مايخوف
سلمى – ياختي اخاف منه بس من هيبته ماهوب ملامحه بس
اماني – فديت فالح كانه قبلت ربي على ارضه
سلمى – ماحب ملامح فالح هاديه وابيض احب ملامح ................
اماني بخبث من ؟؟؟؟؟؟؟؟؟؟؟؟؟
سلمى – احب ملامح سيف فديت عمره
اماني –متأكده
سلمى بحرج – ايه
وقامت من عندهم
فتحت الغرفه شافت نوال – نوال ليه مادافعتي يوم شفتي اماني تسب عماني
نوال على الكميوتر- طيب وش اسوي لا صارت بنت خالتس تدري بخمايل بيت عمانس اكذب مثلا
سلمى بغضب – عماني ماهم بااهل خمايل
نوال- يوووووه ترى وجعتي راسي
سلمى بديت اصدق الي قالت – نوال عمرها ماحبت فهاد وزعلها ماهوب عشانه عشانه احسن واحد في العايله
ولوفيه احسن من فهاد خذته
نوال- ايه صدقيها بس انقلعي وراس وسكري الباب
في الحوش يكلم
سيف- وينك فيه
سعود –فيه ياالسيف
سيف – وينك من ورى الثمان
سعود بحرج- شغ........ شغل شغل يارجال
سيف- اخس والله ماعندك ماعند( قراند ماي ماذر)
سعود- هههههه
سيف سكر مستغرب من سعود الي تغير وماعاده به سعود الاول
حتى عزايمه ماعاد يصير يعزمه على عشاء تمشيه سهره
وحتى اذا عزمه تعذر
دخل البيت لقى بشاير
سيف – وش فيس تأشرين لي
بشاير جرته بعيد عن المقلط
وبعدها مسكت بطنها تضحك
سيف- بشاير وجع جايبتني عشان تضحكين
تأشر على نفسها وترفع اصبعها علامه النفي
بشاير- ليتك شفت النقاش الي دار بين سلمى ومرت اخوك
سيف –وش صار
قالت له كل شي

مشاعل- ياربي زهق اف بكره بنروح المدرسه واخذي تعليقات البنات
الهنوف – الحمدالله قسم اني مااهتميت لاعشان حفل المتفوقين الي انكرشنا منه ( يعني انطردنا ) ولا كلام البنات قسم ماقعد ولاقام بالعكس حسي نفسس مثل الثوار الي تمسكهم الحكومات ويصيرون ابطال للشعوب
يعني عااااااااااااااااااااادي
مشاعل فاتحه عيونها- صدق والله ان مالس كبد تحس

سيف- ماتقولين وين الي يضحك
بشاير – ايه الي يضحك ياطويل العمر ا ن امي تقول لااماني ماعليس منها قد دافعت عن المشوهه الهنوف ماعليها شرهه
قالت اماني ابرك خلها تاخذ سيف عشان توطيه
سيف- ناقه توطتها ان شاء الله
بشاير عاد هنا اقتحمت قلت الا احسن ياخذها عشان يوطيها ويقص لسانها بعد
سيف- بعدي والله وتستاهلين ويطلع من بوكه 300
بشاير- والله عزبه سهره جعل ربي لي يخليك دام السالفه فيه فلوس خلني موظفه في الشغله
سيف- بدينااستغلااااااااااااااااااال
بشاير- نمزح وربي امزح اعوذ بالله
سيف – وينهم فيه
بشاير – في الصاله
سيف- تكفين خلنا نروح احمس كبده شوي مرت اخوس
بشاير- يالله خاطري من زمان اكشن مشييييييييييييييييينا

الجازي – وش فيس ضاااايقه
نوره- ابدن سلامه عمرس بس تدرين الدنيا ماتسوى شي في بعد غالي
الجازي – لييييييييييه تقولين كذا
نوره – اليوم وانا اساعد المعلمه في الشرح سألت البزران عن امهاتهم وابائهم
قالي واحد منهم اسمه زايد قال امي طااااارت
الجازي – طااااارت !!!!!!!!!!!!!
نوره – قامو البزران يضحكون قالو صح ياابله يكذب علينا مافيه احد يطير
قربت منه قلت متى وشلون ؟؟
قالي كنا مسافرين للطايف بعدين صدمنا ساعتها سرت في جسمي قشعريره
قال بعدين رقدت في المستشفى قلت وين امي قال ابوي طارت قلت ليه انا ماطرت معها قال مايطيرون الاالكبار قلت انت كبير ليه ماطرت
قال انا كنت ابي اطير مع امك بس الله قال اقعد زايد موجود
شفتي وشلون عبر الابو عن حبه بطريقه وصلت لي ووصلت للولد خنقتني العبره
وضقت نهايه الدوام رحت للاارشيف اشوف معلومات عنه
لقيته ساكن مع عمانه ومع عماته وجده وجدته وابوه الأارمل الي ماتزوج وعمره33
الجازي – ياوجد روحي تكفين يانوره ضاق خاطري
نوره- وتلوميني
الجازي – لاوالله ماالومس

مبارك – بنروح الخميس للمزاين كل ابونا ولااحد معود الااخر السبوع
الجازي كانت تصفط الملابس
الله الله ليه اخر السبوع
مبارك استانس –ياعمري انتي بشتاقس لس بس عاد تعرفين لازم نكون كلنا هناك بدا العرض
الجازي – هواكيد بشتاق بس ضروري فيه اوراق البنك طالب توقيعك فيها
مبارك تكسر بنك واوراق وتوقيع يعني ماجابت خبري هين هين ياجويزي
مبارك – حبيتي وش هي الاوراق
الجازي – ماذكر بس اذكر توقيعك مطلوب
مبارك- اجل خلاص مانبيب رجال كاني وقعت شي
الجازي – ليييييييييه ياحظي
مبارك طلع – خلها وبعدين وش بيسون بيطردونس خلهم احسن من انهم يمسكونس متلبسه وضحك
وقبل لايطلع – هذا درس عشان تسنعين وتعرفين تصفين حكي لرجلس ياالسنعه
الجازي فوووووووووووووولت منه ومن حركته اول مره يسوي معها هالحركه ويتبع هالااسلوب

فهاد – على خير ان شاء الله واشوفك العصر
فمان الله
وكلم ابوه واتفق معه على الجيه عشان المجله جيتها اليوم
ام فهاد – وش فيك من مكالمه لمكالمه ابوك ومن الي بيجي العصر
فهاد – مجله المختلف
ام فهاد – وبتطلع في التلفزيون
فهاد – هههههههه الله يرضي لي عليس اطلع في مجله ماهوب في تلفزيون
الحين بروح مشوار وبعود
ام فهاد – الله يحفظك
هذال – مختبص ولله شوي
حمد- الله يعين وبتكفي الي جهزت
هذال – شوف المخيمات للضيفان 25 خيمه بطباخينها بس محمد يقول انها لو وزادت ثلاث خير وبركه
ملاحظه
في المزاين يجون ابناء القبيله الى صاحب المنقيه ويشدون من ازره ويسلمون عليه لانه مثل قبيلته ومثلهم لذلك اغلب المخيمات تجهز الخيام بفرشها باكل شي للضيوفها

حمد – والله انك صادق حتى المعرض بعد والله لك عليه
هذال – بس نخلص ان شاء الله تيسر امورنا
حمد- بتروح للعشاء
هذال- تذكر سالفه الملكه ضاق خاطره بس وش يسوي والعشاء لااخته
فيه حلال ياخوك
حمد – على خير اشوفك اجل هناك
هذال سكر الجوال ورماه بقوه على المرتبه الي جنبه
وتذكر البيت الي ارسله فهاد له عقب العشاء
يانديمي لاتشكي لي الجرح وانا الي خابر خوافيك
اصبر واررضى بالي لك ياصاحبي مكـــــــتوب
هذال بالم - صدقت يافهاد ارضى بالي انخط في المكاتيب

بعد ماتقهوو
سلمان وعبد الااله
سلمان – جاهز ان شاء الله يابو سالم

سلمان الصحفي وعبدالاله المصور
فهاد- جاهز
بعد ماتكلم سلمان مع ابوفهاد وعن قصايده وهل لها اثر في قصايد فهاد
رجع لفهاد
سلمان – رجعنا لك البدايه البطاقه الشخصيه لابو سالم ؟
فهاد- فهاد بن سالم ال.....
العمر ماودي به بس يالله 35
مقدم في وحدت المكافحه

سلمان – كما ذكرت لنا يابو سالم قبل قليل مالك في المجال الاعلامي واول ظهور لك في المزاين وقصائدك الي نظمتها في المنقيه بالاظافه لشيلات التي نظمها شعراء اخرون فهل من مبرر لعدم ظهورك اعلاميا؟؟
فهاد- الوقت اكثر مايعيقني ووحتى لوتوفر صدقني مارح اسعى له لكن على الاقل اذ طلب مانطول عليه مثل ماطولت عليك
سلمان هل فكرت بديوان مطبوع ؟؟
يمكن هذي الفكره الي راودتني من ناحيه الاعلام موجوده الخطوه لكن ليست مضمونه لانها مشروطه بشروط
سلمان تطلعنا عليها ؟؟
خلها ابرك ياسلمان لانها اقرب للشخصيه
سلمان اخر قصيده جاد بها ابوسالم يليت يسمعنا اياها ؟؟
هذي قصيده تجمع الالم المرجله الحكمه وان كنت مانيب من اهلها ويضحك
لكن الاكيد انها قريبه من الخاطر ياسلمان


الضيقه الي مالها حزه ولامنها مصد
اخاف ساعات عصير المقبله تاتي بها
يالله دخيلك من قسى وقتي وحظ ماصمد
في وجه صكات اليالي يوم يقنب ذيبها
واعوذ بك من فتنه الدنيا ومن ضيقه الحد
واسئلك عن نفسي الشيطان لايغوي بها
واسئلك تغفر لي ولصحابي ولعدائي بعد
تعفو عن ذنوب نجي فيها وحنا ندري بها
الوقت يشعاني على الطرق هوانا مافيني جهد
شهب اليالي تقهر صدورالرجال بغيبها
لكن انا لوجارت ظروفي وزادت بالعدد
اضرب بها الحايط طناخه راس ولااشكي بها
(ويأشر بيده عند قوله اضرب بها الحايط )
واعز نفسي مع مداغيش النشاما واجتهد
على ظروف تجلب الضيقه ولاتسري بها
والبارحه في راس مشرافي ولاافكر في احد
كني ملكت الارض من مشرقها لمغيبها
قعدت افكر فالسنين الي مضت والي بعد
ليه السنين التاليه تفشل ويفشل صيبها
وليه الرفيق اليا منه تجمل ماجحد
وان ماذكرها لك مع العرب يحكي بها
ياحيف يارفقه الضعيف مافيها سند
مالله بجابرني على رفقتك ويش ابغي بها
لاصرت تطعني بشلفاك الرهيفه وتخمد
فالطعنه الي فالظهر مانيب من يغزي بها
لودامت افعالك كذا ردت لك الدنيا لدد
لكن ياطلق الحجاج الي عيونك ماتلد
الا لروس النايفات اليم هو بيديبها
كون الحرار الشقر وعيال الذيابه والاسد
ولاالرجال الي مع العريف يذكر طيبها
اسئل رفيقك من بعد مغزاه وش حصد
غير العلوم الي ماتطلق وجه من يمشي بها
عزالله انه كان في عيون النشاما مامثله احد
واليوم مثل الحيه الي تعرف بجنيبها
حاولت اكذب الخبرلكن على غمي وكد
والسالفه قام الزمان المنحرف يدوي بها

لكن على كلا ياحامد كانك بتاتي حمد
قله ترى من المؤسف ان البندق تثور بجيبها
البندق الي ماتصوب كون ابن عم وولد
عيب ن على الرجال ينقلها ويجهل عيبها
لاصارت البندق مع عاقل وفيها صدد
كثرت عليه خسايرها الياقعد يرمي بها
لرفقه مثل هذاوهذا كلها كيد ونكد
ولاتحرا منه الانكبه يضوي بها
ماكنه الا العقرب الي ذيلها كله عقد
ان روعتك بزولهاولاقرصك ذنيبها
لكن تعال اعلمك ياصاحبي بعلومن جدد
لوتزعلك بعض النقط لايزعلك نطقي بها
اشره على العاقل اليا شفته بجرحي يعتمد
ولا العلوم الباقيه مانيب من الي يحري بها
البيت مايبنى دون اطناب وحجاب وعمد
والنار من شبابها والخيل من ركيبها
واناعيوني لطليعات فوق معطتني عهد
ولارض لو تكره مشيتي انا مالي بها
اغزي على بيت الشعر في عقر داره ويهجد
من هيبته عندي بيوت الشعريصخي بها
كذا يجي الشاعر فالشعر قمه للابد
ولابلاها يلخبط البيوت ويهذري بها
وانا بحاول قدر الامكان اتعمق وابتعد
وان قلت لك بااجيبها في ذالشنب بااجيبها
شاعر مفهوه واسبح الغبه وابشر بالسعد
واكسب دررها كسب مابيع بها ولا اشري بها
ولن الشعر مثل بلد وانا مثل حاكم بلد
وبلادي اسجل اتواقيعي بها واسمي بها
واناشاعر ولابغى لي بلد لو تنوجد
بلادي حروف القصيد اصبح بها وامسي بها
واسجد لوجه الله واقول يافرد ياصمد
تعغو عن ذنوبن نجي فيها وحن ندري بها

كان يقصد فالح في ابياته الي يقول فيها
البندق الي ماتثور كود ابن عم وولد
عيب على الرجال ينقلها ويجهل عيبها


الابيات - لشاعر صالح ال مانعه
سلمان – الله الله صح لسانك يابوسالم

بعد ماخلصت المجله وانتهى القاء
جهز العامل بيت الشعر
وهل اليبت جهزو للعشاء
وفي بيت ابوسعد
نوره مستحيه وتقول ماله داعي اروح بس لاحياه لمن تنادي
البنات جاهزين
الي وداهم العيال
وركبت نوره مع حمد
حمد – حيالله راعيه الروضه
نوره بجمود – الله يحيك ويبقيك
سكت حمد ومشى مع السيارت الي حركت

اول ما وصلو لقو اماني وسلمى ونوال وبشاير
طبعا شيخه سلمت وهاوشتهم
نص ساعه محرومه من الاوكسجين
حسبي الله عليكم
نوره-ههههههههههه كليتي علقه منهم
شيخه – الامن عمتي
نوره – خليس مثلي صار عندي مناعه
من حكيهم
شيخه- الله يخليس يالله بس

اول مادخلو سوالف وضحك وجو هادي
ام فالح – ماشالله الملكه يقولون القابله يعني بكره
ام سعد- ان شاء الله
ام فالح – راح العمر عجلو علينا اربهم يعرسون ويكتب الله لهم النصيب ماعاده بصغيره
ام سعد – ولاعاده بصغير
نوره مستحيه والا الكلام في خاطرها
هياء عرس المقدم وانتي الصادقه ياخاله خلهم يعجلون علينا
قامت نوره تدعي على نفسها
جاو العيال وتجمعو
دخلو يسلمون
دخل سيف يسلم – استانسو عليه البنات
ام فهاد- وشلون الدراسه يمك
سيف- وعرف الهنوف منهم متغطيه وايدينها تفرك
حب يرفع ضغطها
ماشيه دراستي ياام فهاد جعلس تحين بس اني مفصول ثلاث ايام
طقوها ضحكه شيخه والجازي وهياء
سيف- ليه يقولون لاتروحون للمزاين وانا رجالن بروح مع العيال والعلل الي عندنا رافضين اغيب ولااستأذن
الا شيخه النسوان وينها
نوال- مالت
اماني – وعالت راحت ام الريجيل تدورهم راحت يعني شوفني يشوفها الموت ان شاء الله الي ماتستحي
نوره – في المطبخ تفتح الولاب شافت كرتون هولز خذت واحد
دخلت الجازي وهي تسمع ضحك اهل الصاله
نوره وش فيس تضحكين
الجازي – سيف الله يقطع ابليسه

سيف- انا اختت ياخاله ظلمتي حظس ولدس هو الي يختت— يعني يدوج
ماهوب انا
ام فهاد- أي بالله ولدي الي يختت بس المسجد يروح له
سيف – انا اصلي في الجامع الكبير الله يهديس ولاعشان مااصلي في الصغير خلاص حكمتي من عندس
ام فهاد-وانا وش يدريني انشد عنك يقولون مانشوفه يصلي معنا
سيف-
ذكرتيني الصلاه اذكر امي يوم عادني صغير صل وابوي الي مايصلي يحطونه في النار
وسعود ولدس خرش قلبي الي مايصلي يشويه الله في النار
وخلاص قررت اصلي بس كل مااطلع من المدرسه وبي اصلي اوقف عند باب المسجد وتمسكني حسره واحط يدي على جيبي الفاضي واروح وانا اتعبر
المهم قلت ذا المره لازم تمسك نفسي والحمدالله ماتفسحت عشان ادفع
مكتوب على الباب ادفع واحسبه دراهم
واول مادخلت قلت لرجال لوسمحت وين ادفع ثمن الصلاه
ضحك علي وحب راسي
سيف - شفتو برائه
الهنوف – الاوالله دلاخه
سيف- اجل فمان الله وهومدبر مر على البنات سلمو على نوره والعذر والسموحه
ماجبنا للمفصولين برسيم ذالليل نعشيكم به
شيخه-وهياء –هههههههههه فمان الله الله يحفظه
الهنوف تغلي – تطبخ وصلت حد الانفجار تهذي ماحشمني الفاشل في بيته
ماحشمني المهرج!!!!!!!!!!!!!!!!
نوره – لبى والله قلبه سيف القبله كلها—
يعني المقبول
نوره – الا بقول جازي اخوس ماشالله لادخل مع اباب سده وضيعت مكانه
وش ياكل بسم الله عليه
هذال ياعيني ناحف مع ذا المزاين واخوس حشا سامن
الجازي ضحكت وهي تأشر على البراد الي عند المدخل فيه واحد مدنق يسويه طبعا ماشافته لان الطاوله في وسط المطبخ وكبيره والبراد تقريبا صاد
قام فهد ينفض يده وهويقول- الحمدالله ان العافيه من خلقه ومال خلقه عطايا لونها على خلقه كان سقتنا المراير
والله سامن ماهوب من حلالس ولاخيرس
بعدين الوصفه تراها الي تاكلينه في يدس خيري جعله يكثر خيري
طالعت (حلاوهولز) في يدها ورمته وراحت للحمام
طالعت نفسها في المرايه
منحرجه – مفتشله- مستحيه – منوجعه
كلها جمعها النذل فيني وش فيني
اناوش فيني ؟؟؟؟؟؟؟؟؟
فهاد عند المغاسل يغسل يده وفي خاطره
زين منطوقها عن سيف
لبى والله قلبه
زين كلامس يانوره
طالع نفسه في المرايه مايدري انه فيه طرف ثاني يشوف نفسه في المرايه في نفس الوقت والحظه
لاتلوميني يالنوري انتي حديتي الهلال
على اضيق الدروب وش السواه معس!! غير الي سويته

انتهى عشاء ابوفهاد على خير
الهنوف منقهره من سيف وواصله معها ومشاعل راحت مع اهلها
نوره مفوله بعد من فهاد وكلامه خيري جعله يكثر خير
الجازي مندبله كبده من مبـــــــــــــارك عشان حركه اولاوراق

يوم الملكه
صباح ممل
وكئيب بالنسبه لنوره
الذبايح ساقها عليهم ابوفالح جعل عمره طويل
المعرس صباحه غير
البنات مرتبشين
على المغرب
الكل جهز
قسم الرجال
الشيبان القوة الثلاث العظمى
العيال موجودين ماتغيب الامحمد
جارهم ابو راكان
وجارهم محسن
البنات متجمعين
الانوره في غرفتها لابسه جلابيه عنابي بنقش ذهبي وتركواز
وصل الشيخ –
طبعا دق مبارك على نوره
تطلع المجلس لان الشيخ يبي يسمع رايها
وقعت وقعدت على الكنب بحيل مهدود حست تعبها وبكاها ومرضها وازماتها الي جاتها عشان تجنب هذا اليوم راحت ادراج الرياح وانقهرت وحست بحسره المغلوب على امرها
جاو العيال يسلمون عليها ويباركون
كانت جالسه والعيال يسلمون عليها
وقبل لايطلعون
نوره جالسه وعينها بشكل مستقيم تشوف النافذه والعيال في اقصى المجلس عند الباب قطعهم صوتها الي انصدمو منه – لحظه
ابي اسلم على فهــــــــــــــــــاد
العيال انذهلو من الطلب وشيخه انصدمت الي كانت مدبره
واخيرا رفعت عينها بعيونهم شافت الي ملامحه بان فيها غضب الي ملامحه جمدت من الصدمه
لكن الدهشه سيده المكان والمفاجئه الجمتهم
نوره – وش فيكم ماهوب شيخه خليتو محمد يسلم عليها و التفتت لشيخه ولا-لا ياشيخه
شيخه من الصدمه ماتكلمت وهزت راسها بالايجاب
نوره- خلاص قولو له يدخل
هذال – قطع عليهم
تجهزي اجل
وطلعو وراه
حمد انت مجنون
مبارك – عادي بنقول ادخل سلم على مرتك
دعو العيال فهاد وراح معه هذال
دخل المجلس فهاد وطلع هذال
فهاد الي كان مستغرب شوي لكن داخله مايبي يشوف نوره لانها ماراح تجيبها عللى خير في نفس الوقت مايقدر يرد هذال واصلا وش وبيقول!!!!
فهاد مشى بخطوات متوازنه عطلره بلحظه عباء المكان– جلس بكل هدؤ وتكلم
وش حالس يالعروس
نوره – ماردت
فهاد عدل شماغه - مستحيه مني هذا وانتي متغطيه
ارخى ظهره ويد مدها على الكنبه ويد مرتكي بها
اجل وش بقيتي للعرس
نوره فجأه رفعت عينها له- بقيت له الشــــــــــــين وعمــــــــــــى العين
فهاد- انقهر وضرب في راسه عرق بس ابتسم ابتسامه بارده وعطاها نظره ابرد-
وانا بعد
قامت نوره – شوف ابيك تدري اني ماوفقت عليك من راسي الامن عمي وانت خابر
ثانيا كلها فتره وبتطلقني
ثالثا موافقتي بفضلي وجعله يدوم فضلي
ضحك فهادوقطعها- على وزن خيري وجعله يكثر خيري واشر بيده كملي
العرس في العطله الكبيره على الاقل اخذ استجمام فتره قبل لاادفن عمري معك
فهــــــــــــــــــــــــاد - خلصتي
نوره_ ايـــــــــــــــــــــه
فهاد اجل اسمعي الحكي الي ماهوب حكيس الحكي الي بيتم ان شاء الله
موافقتس تمت بسبب عمي بغيره مالي دخل
تعددت الاسباب والمــــــــــــــــــــوت واحد
يعني اهم شي حاجه ابغاها احصلها
فهمت انه يبغى يغيض فالح وحصل الي يبيه بزواجه
وقال بصوت اقرب للعالـــــــــــــــــــــي
وعشان تعرفين ان (الخلال ماهوب ســــــــــــــــهل )
ثانيا ماراح اعتب على بقيت الشين وعمى العين للعرس لاني مثلس فما يصير اعاتبس
ثالثا
وقرب منها لدرجه انه خافت لانه مسك يدها بقوه وغرس اظافره فيها وطريقه مسكته مايمسك المعصم كله يمسك نصه ويغرس اظافره فيه
مسكته كااااااااااانت قاسيه
طلاق متى مابغيت طلقت ماتامرين علي
العرس ماهوب انتي الي تحددين انا الرجال وانا شوري يمشي وانت تنفذين
وغــــــــــــم لس (يعني نكد فيس) في العطله ذي ولااوصيص اركــــــــــــــــــــــــــــــــــــــــبي راسس لانه مثل العاده ماهوب منكــــــــــــــــــــــــــسر الاهو
وطلع
تارك وراه
وجع من البدايه
جرح نازف
دموع حاره
نفس مقهوره
عطر خنق نفسها كا العاده
والم ماتشيله ضلوعـــــــــــــــــــــــــــــــــــها




تمت
طاقمي استعدو
فانا بشوق انتظركم
استديو التحليل كونو على استعداد
بقيه الطاقم رائيكم يهمني

الى القاء الخميس القادم
بعون نلتقي
في حفظ الله ورعايته
اترككم

السلام عليكم ورحمة الله وبركاته ..



مبارك والجازي ..

والله ما الومك يا مبارك على الجازي ..وعلى تسويه فيها كله ما يفيد فيها .. الرومانسيه بصوب وهي بصوب .. بس اجديت فيها بعد موقف الاحمر .. تستاهل الجازي تبي لها قرصة اذن عشان تنتبه لحياتها .. ومعاملتها مع مبارك .. وتهتم بالي يشويه ويقوله له وتبادله نفس الشي ..




محمد وشيخة ..

الله يعينك يا محمد .. حالتك تنرحم وموقفك صعب وانت تعرف انك ما بيدك شي عشان تسعد شيخها .. وتريحها معاك خصوصا انك مريض ومرضك ممكن ينهي حياتك .. بس ليش ما تبي تخبر شيخة .. ويكون عندك امل كبير انه ربي العالمين يشفيك من هالمرض .. ؟؟؟ وغير انت تحب شيخة وشيخة تحبك ومستحيل تتخلى عنك مهما صار ...؟؟؟؟؟




هذال وسلمى ..

هذالي ما لك غير الرضى بالواقع والنصيب .. ونصيبك لابد انه يصيبك .. ويمكن رفضك لسلمى يتغير عقب ويتحول لحب ما توقعته .. يمكن لو كنت انت اخترت سلمى من نفسك وفكرت تتزوجها من خاطر .. ما كان هذا رايك ورفضك لها ,,عشانها انفرضت عليك فرض من القوى العظمى .. وسلمى .. بتكون لج صدمه جان عرفتي ان هذال الي ما يغيب عن بالج لحظة وحده ما فكر فيج بلحظة .. ومغصوب عليج .. بس اتوقع انج بتغيرين رايه بشخصيتك واسلوبج .. والاهم حبج له ..




سيف والهنوف ..

حرب قايمه بينهم .. وكلن يبي يثبت انه القوي فيها ..ومستحيل انه يتنازل او ينكسر .. هل راح تستمر هالمناوشات الي من تحت وتحت وتظل على هالحال .. ولا يتطور الامر ويصير عنااد يوصل سيف انه ياخذ الهنوف عشان بس يكسر راسها ..؟؟؟




اماني ونوال

اماني صدق انج ما عندج اي بصر ولا بصيرة يالشيفه بس ما تنلامين الي ما يطول العنب حامض عنه يقول .. ويخب عليج فالح المالح لانه من مستواج ومثل تفكيرج المريض ..
ونوال .. ما اقول غير الله يهديج .. ترى الهداية من الله .. وكلام اماني وانها فاهمة ليش كنت تبين فهاد ومقهورة عشانه ما اخذج لانج بالفعل انسانه سطحية وتفكر في المظهر وناسيه الجوهر .. وعلى قول اماني لو انج محصلة حد اعلى رتبه من فهاد جان ما فكرتي فيه ..




نورة ..

ما ادري كيف تفكرين .. مرة احس انج عاقلة وتاخذين الامور برزانه ومرة احس ان تفكيرج تفكير طفل بسبب تصرفاتج مع فهاد .. بس الي واثقه منه انج بتغيرين رايج نهائي بفهاد عقب ما تعيشين وياه وتعاشرينه .. وتشوفين كيف انج كنتي غلطانه بحكمج عليه .. وشغلج في الروضة .. اعتقد انه ما بتكملين فيه وراح فهاد بيرفضه وهذا بيكون سبب لمشكله بينج وبين المقدم ..




فهاد ..

والله انك منصاب وما في دواء لك غير نورة .. ويحظها بحبك وغيرتك عليها .. والي كل مرة تزيد وتظهر عند اي انسان تهتم فيه النوري او تمدحه باي كلمه .. ودفاعك عنها عند امك وخوفك انها تتضايق او تحزن بسبب امك وتصرفاتها يوم بتكون في بيتك يدل على انك بتكون بين نارين نار امك ورضاها ونار نورة وحبك لها وانك ما ترضى حد يزعلها ويظلمها حتى لو كان اقرب الناس لك .. واعجبني تحلليك لتصرفاتك امك وانها فعلا تغير لانها مفتقده بناتها وبعدهم عنها ..ز وبالهسن تبي الي يراعيها ويحسسها انها مهمه .. بالنسبه للقصيدة الي فيها تعتب على فالح .. شوه سبب الي يخليك تحمل على فالح هالكثر ..؟؟؟ هل عشانه ظلم نورة وعذبها .. ولا عشان سالفة سجن فالح وقضيته ..؟؟؟؟؟
وكلام اختك عن قسوتك وانك عديم احساس وما تفكر غير بنفسك .. وهذا كلام اقرب الناس لك .. عاد كيف يكون كلام الباقي ونظرتهم لك وخصوصا نورة الي ما تداني حتى ذكر اسمك .. وبعد ما صارت زوجتك ورفضها لك والي للحينه ما تغير .. كل هذا هل راح تقدر تغيره وتبين للكل واولهم هي انك العكس ..؟؟؟؟




سعود ..
شوه سالفتك ... وشوه الي تفكر فيه .. عندك شي وخايف منه وحتى صديقك واقرب الناس لك سيف ما خبرته .. وشوه هالشي الي مغير حالك ..؟؟؟؟




نبوضه .. تسلم ايدينج على هالجزء الاكشن والمشوق .. فعلا جزء كله احداث مهمة ومثيرة .. بس فيه عندي ملاحظة يا نبض وان شاء الله ما تتضايقن منها .. احس انج تكتبين الاجزاء بسرعه ومن غير مراجعه .. وغير هذا بين كل مشهد ومشهد ما فيه فاصل والحوار داخل بعضه .. انتي عندج قوة حدث واسلوب بالحوار .. بس يفتقر للوصف للمكان والحدث .. وقصر الحوار بين مشهد وثاني بين الشخصيات .. يمكن تقولين ما اقدر احشي بدون فايدة مرجوة للقصة .. بس لو نلاحظ بين كل حوار بين شخصيتن او كلام تحسين انه سريع ومختصر وكانه تقرين مقتطف لمشهد بينهم هب حوار كامل .. يوضوح شعور كل واحد ويفصل شخصيته وتعابيره وتفكيره بهاللحظة ..
السموحه يالغلا جان ملاحظاتي تضايقج بس كله لمصلحة القصة .. واثقة ان نبض عندها القدرة عشان تطور اسلوبها وتقدم الي يرضي متابعينها ويرضيها ..
نحن بانتظار الجزء القادم بكل شوق .. وكل عام وانتي بالف خير بمناسبة السنه اليديدة عسى تكون علينا وعلى امة المسلمين سنة خير ..