الله يعين مشعل وهلا على ما بلاهم
بس انا وثقه ان هيرضو على بعض يعنى

ما هو مش معقول بعد الحب ده كله يقولو خلاص يعنى


بس بجد ان مشعل يبقى بيسمعها وهى بتناديه اه جامده


يلا خير


تسلمى ايمو

مشكوره ايمو والحمد لله على السلامه ...

وبانتظاااارك على الدوام ..........

السلام عليكم ورحمة الله وبركاته


رابحة........


شكرا على متابعتك الجميلة ...........



اطمئني .......... هلا لسالم ...........


وسماح لمشعل..........








شبيهة القمر



شكرا على متابعتك ..............



وانتظري البارت القادم بعد قليل .............

الجزء الثاني والثلاثين


في الملحق مع سماح

خالد: انا بديت اشك انه فعلا فيكي شي.. مالك؟
سماح: سلامتك
خالد: شفتي عينه كيف زايغه عليكي
سماح: وبعدين معاك.. لا تنرفزني عاد
خالد: ابي اعمل كذا مع جمايل.. ابي احبها كذا.. ابي كل ما اشوفها يزيد شوقي لها.. ابي احبها زي ما مشعل يحبك بالضبط
سماح: الله لا يفرقكم عن بعض.. انت تحبها؟
خالد: صرت مجنون بها.. ابيها بحضني الان
سماح: هههههههههههههه
خالد: من جد اقولك.. هي عاد تتفنن هاليومين بتعذيبي.. اذا المحها.. تهرب مني على طول.. ماتترك لي مجال حتى اني اشوفها
سماح: مابقا شي وتصير حليلتك
خالد: تضنيها تهرب مني الليله
سماح: امممممممممممم ما ادري
خالد: ههههههههههههههههههه احسها بتهرب.. عادي تعودت هالشي
سماح: اياك تقسى عليها ياخالد.. قسوة الرجال تكره الحرمه فيه
خالد: من البطل الي بحياتك.. الي تكلم عنه مشعل
سماح: ها؟!!
خالد: سماح انتي في احد بحياتك صح
سماح: انا !!! لا
خالد: من هو ذا الي بحياتك
سماح: مافي احد بحياتي يا خالد
خالد: شوفي انا ماني متخلف انا متفاهم كثير.. تقدري تقولي اني ممكن اساعدك في اشيا كثيره مايمكن تتخيليها.. حتى لو الي بحياتك ذا صعب انك توصلي له.. انا ممكن اتصرف
سماح: بلا قلة حيا وقوم اقلب وجهك.. انجنيت انت تقولي هالكلام
خالد: لا ما انجنيت.. لانه كلامي صح
سماح: كلامك غلط.. انت تمشي على كلام جابر هذا بس لانه قال انه عندي بطل
خالد: جابر هذاك مات.. جابر هذاك الي متزوج سما او الي عاشت باسم سما
سماح: لا هو جابر وبيظل جابر
خالد: بتبقي انتي سما وبتظلي سما.. رضيتي تغيري حياتك ومنتي راضيه انه ياخذ وضعه الطبيعي بحياته
سماح: تعود لساني يناديه جابر
خالد: اذا اقنعتي نفسك انك تبتدي حياة جديده مع مشعل جديد بتلاقي لسانك من نفسه بينطق اسمه
سماح: قوم عني وروح خلص امورك.. لا تجلس معاي وتنسى حالك ابيك جاهز لجمايل
خالد: لا تتهربي مني.. ابي اعرف البطل الي بحياتك ياسما
سماح: ليه تناديني سما
خالد: لانك تبين تعيشي بالجو هذا منتي راضيه تكوني سماح
سماح: مالك اليوم كلامك اغرب منه مافي
خالد: الغريب.. انك رافضه كل شي حولك.. كل شي.. صحيح انك نحاولي تعيشي بالجو.. وتتعرفي على اخوانك وتحاولي ترجعي حياتك الي راحت منك.. بس انتي منتي هنا لنا.. انتي هنا لشخص ثاني.. البطل الي تكلم عنه مشعل.
سماح بحده: خالد
خالد: شوفي حبيبتي.. انا ماني هنا حتى احقق معاكي واحكم عليكي.. انا جالس اتكلم معاكي حتى تفهمي.
سماح: افهم ايش
خالد: اذا مشعل كان قاسي عليكي.. فهذا غلطك.. الصبح قال انه يعرف بالبطل الي معاكي.. انا متأكد انه يعذبك غيره عليكي.. ما تركتي لنفسك مجال انك تحبيه.. مشعل طيب كثير.. ماهو زي المجرمين.. الرجال ذا مختلف بكل شي.. حتى باسلوبه معاكي.. تقولي عذبك؟!! .. بس هو يقول انه في بطل بحياتك.. انت قولي لي من الغلطان ومن ييستحق العقاب.. حرمه في حياتها رجال غير زوجها ولا رجال غيران على زوجته
سماح: انا.............
خالد: ما انتظر منك اجابه.. جاوبي هالسؤال لحالك.. انا ماني محتاج اعرف الاجابه.. بس اياكي اياكي.. تظلمي احد حتى نفسك وانتي تجاوبي هالسؤال

**************************

في الليل قبل الملكه

في غرفة يحيى وسما


يحيى بحده: تعالي تعالي.. وين رايحه وانتي كذا!!
سما مستغربه: خير ايش في!!
يحيى بحده: تسألي ايش في.. شوفي حالك بالمرايه وانتي تعرفي
سما: بسم الله الرحمن الرحيم.. مالك معصب علي كذا.. قولي ايش مضايقك بس لا تعصب علي وانا ما اعرف ايش في
يحيى: شوفي حالك بالمرايه يا مدام
سما: شفت حالي ايش في والله ماني فاهمه
يحيى يجرها لحضنه: قمر.. حبيبتي انا قمر
سما: من جد خوفتني.. والله بايخ
يحيى: ايش الي خوفك
سما: حسبت اني عامله شي غلط
يحيى: طبعا عامله شي غلط.. منتي منتبهه على حالك
سما: لا.. ايش عامله انا ومزعلك مني كذا
يحيى: لبستي وجهزتي وماقلتي حبيبي تعال شوفني
سما: هههههههههههه احبك
يحيى: يلا مستني
سما: مستني ايش
يحيى: تناديني اجي اشوف حلاة حبيبتي
سما: بس حبيبتك بحضنك.. وتقدر تشوف براحتك بعد
يحيى: بس هي لسا ما آذنت لي اني اشوف
سما: شقي شقي.. بس ايش اعمل احبك
يحيى: هههههههههه عارفه انك قمر.. انتي حلوه كثير.. اخاف احسد روحي عليكي
سما: حسافه ماكنت اعرف اني جميله كثير.. كنت اشتغلت مغنيه
يحيى بحده: مغنيه بعينك
سما تبتعد عنه: ههههههههههههههههه احبك
يحيى: اموت عليكي.. يلا جهزتي
سما: ايوا خلاص.. ماقلت لي
يحيى: ايش ياروحي
سما: حلو شكلي
يحيى: قمر قممممممممممممممممممممر
سما: خلاص خلاص فضحتنا
يحيى: على فكره
سما: ايش ياعمري
يحيى: انا جهزت غرفة سالم مع زوجته.. باقي الزواج
سما تحضنه: من جد ياربي مايحرمني منك.. ياسيدهم يا سيييييييييييييييييييييدهم
يحيى: خلاص خلاص فضحتينا
سما: ههههههههههههههههه تردها لي.. ماشي

*************************

في غرفة طيف


طيف: جهزتي ياعمري
جمايل: جهزت ياقلبي.. انا فرحانه انك شلتي الجبس كله اليوم
طيف: وانا فرحانه اني اشوفك عروس
ساره: ياربي تلحقيها وارتاح منك انتي بعد
جمايل تضربها: لا تقولي كذا لاختي
ساره: شوي شوي تراها اختي انا بعد
طيف: الله يخليكم لي.. اسمعو نبي نغني الليله.. انا وسماح متفقين نرقص لحد الصبح
جمايل: هههههههههههههههابيكم قدامي اياكم ترقصو وانا مش موجوده فاهمين
ساره: حبيبتي انتي معك خالد الليله ايش تبين بطيف وسماح الليله
طيف: اذا ما شفتينا الليله بكره ياروحي بنعمل حفله خاصه لك ونرقص
نور: بسم الله عليكي يما.. انتي نويتي تحترفي خلاص
طيف: هههههههههههههههههه
ساره: هذي اكيد ردت فعل بعد الي جاها قالت انحرف احسن
طيف: هههههههههههههههههه
جمايل: بعيد الشر عنها.. والله بايخه لا تقولي كذا عنها
هلا: مرحبا ياحلو.. جهزتي
جمايل: وينك انتي وين رحتي
هلا: تحت مع امي وخالتي.. نحلص التجهيزات
ساره: ان شا الله نخلص تجهيزاتك ياحلو انت بعد
طيف: ياربي ان شا الله.. ما بقا شي كلها اسبوع من الليله وحنا زافينها على زوجها
ساره: وااااااااااااااااااااو هذا احلى خبر.. وليه ماقلتي يا مجرمه
هلا بضيق: لسا عارفه
جمايل: ومالك تقوليها كذا.. ليه من غير نفس
هلا: لا عادي سلامتك.. يمكن...............
نور: يووووووه انتي وياها ماتعرفو انها تستحي.. هلا هذي مشكله مع الخجل بس لا تزيدو عليها
جمايل: والله ما احسه خجل.. احس فيكي شي.
هلا: بتتركي خالد وتجلسي تحسي علي.. لا تشغلي بالك بي.. انا بخير
نور: بخير ومبسوطه.. ومستحيه.. يلا عاد قومو ننزل خلونا نبتدي الحفله
سما: سلام على الحلوين
ساره: سلام على المتأخرين.. قولي اعترفي ايش اخرك مع اخوي.. ايش عملتو
طيف تضربها: حقيقه ماتستحي
نور: تراكي نسيتي الحيا نهائي
جمايل: تستاهلي الصراحه ماحد يقول الي قلتيه
ساره: الصراحه انتو عقولكم وسخه.. انا قصدت ايش محضرين للحفله الليله
سما: هههههههههههههههههه فكت عمرها هذي ماراح تقدرو عليها
هلا: يلا خلونا ننزل.. امي وخالتي وحدهم

***********************

في المطبخ

ام مشعل: ان شا الله الف مبروك.. اخيرا تحدد زواجهم
ام حسام: الحمدلله.. والله اني فرحانه
ام مشعل: ماهو مبين
ام حسام: مافهمت
ام مشعل: اذا ماتبين تتكلمي براحتك.. بس لا تستغفليني
ام حسام: ما ابي استغفلك.. وما ابي اتكلم الان.. خلينا بجمايل وخالد
ام مشعل: براحتك ياختي.. خليني اساعدك
ام حسام: لا يا حبيبتي انا خلصت خلاص.. سوزان باقي تنقل الاغراض عند الرجال.. كل شي جاهز
بومشعل ينادي: يا عيال من بالمطبخ
ام مشعل: انا يابومشعل جايتك
ام حسام: روحي له انا رايحه الصاله
ام مشعل: اشوفه ايش يبي وجايتك
ام حسام: خذي راحتك

ام مشعل: خير ياروحي.. مالك
بومشعل: وحشتيني قلت اتطمن عليكي
ام مشعل: يارجال تعملهم علي.. انت تنادي العيال
بومشعل: ايوا انادي العيال كنت بقول لهم نادو امكم وحشتني
ام مشعل: ههههههههههههه طيب امسح العرق الي نزل منك
بومشعل: ههههههههههههههههههه دايما هالعرق فاضحني
ام مشعل: ههههههههههههه امرني ياعمري.. ايش بغيت
بومشعل: كل شي تمام؟
ام مشعل: تمام.. ليه في شي قاصر
بومشعل: بيني وبينك.. انا ملاحظ انه في حركه بين سامي وسالم.. وملاحظ سالم مهموم.. حتى خبر زواجه ما اسعده.. انتي ما لاحظتي شي عندكم
ام مشعل: ملاحظه.. زوجته وامها بعد نفس حالته.. بس كل وحده تداري عن الثانيه
بومشعل: يعني ماتكلمتي مع ام حسام
ام مشعل: حاولت وقالت ماتبي تتكلم الان
بومشعل: الله يستر.. يعني في شي
ام مشعل: مافيه الا العافيه.. هذا هم قدام عيوننا.. واذا بيكون فيه شي بنعرفه
بومشعل: وانا بعد اقول كذا.. ماصار شي يلفت النظر.. بس ليه الهم الي ماليهم
ام مشعل: اول ما اقعد مع ام حسام واعرف ايش صاير بقولك.. وان شا الله مافيه الا العافيه
بومشعل: ان شا الله

*********************

في الصاله

ام حسام: مالك؟
هلا: سلامتك ايش مالي يعني
ام حسام: قولي ايش مالك
هلا: سلامتك يانور عيني.. مبسوطه
ام حسام: والي مبسوط يكون متكدر كذا
هلا: يمكن عشان ما كان ودي يكون عرسي بهالصوره.. وبعدين انا هاليومين قلقه على دراستي.. اكيد الان وقفو مستقبلي.. هذا اذا ما اطردوني.. حرام السنين الي راحت.. مستقبلي يوقف الان
ام حسام: اذا عشان دراستك.. اكلم هزاع.. هو اكيد بيتصرف
هلا: حتى لو تصرف.. المواد الاخيره انا ما قدمت فيها امتحان.. يعني الترم راح علي.. برجع اعيده من جديد
ام حسام: وسالم ايش قال؟
هلا: ولاشي
ام حسام: يعني ايش!!
هلا: يعني شايفته بهمه.. ماحبيت اني ازيده.. ايش تجي دراستي جنب الهموم الي هو فيها
ام حسام: وايش الهموم الي هو فيها ذي.. الامور متيسره الحمدلله
ساره: وانتي معاها جلسة اعتراف.. يا خالتي والله مو وقته.. اتركي البنت تنبسط قومي معاي ياهلا.
ام حسام: خليها شوي يما ابي اتكلم معاها
ساره: انسي.. البنات يرقصو ويغنو فرحانين وانتي حابسه هالمسكينه جنبك.. قومي يابنت
هلا: خليني مع امي شويه بس وجايه معاكم
محمد: هلا
هلا: نعم
محمد: سالم يبيكي
هلا: قوله ماهو الان.. انا مشغوله مع امي.. خله يدق علي
محمد: حاضر
ام حسام: هذا رد تقوليه لزوجك
ساره: مالك يابنت.. ماهو قدام محمد
هلا: لا عادي هو متعود على كذا.. وبعدين هو يحب مني هالشي انتو مالكم
ام حسام باستغراب: كذا؟ يحب كذا
هلا: ايوا يحب كذا.. مالك غريبه يعني؟ انا اشوفها عادي
ساره: طيب يا عادي تعالي معاي
هلا تبتعد عنهم: خليني ارد عليه الاول واشوفه ايش يبي.. الو
سالم: اتركي الي بيدك وتعالي ابيكي
هلا: خير في شي؟
سالم: اكيد في شي.. تعالي
هلا: اسمعك سالم ايش في
سالم: حبيبتي ايش رايك ادخل عليكم الصاله واجرك قدامهم حتى اجيبك هنا واتكلم معاكي.. تراها عادي عندي.. اسويها
هلا بضيق: سالم انا بضيق ممكن ماتزيد على
سالم: عارف انك بضيك.. تعالي لي ابيكي
هلا: سالم انا بحياتي ما طلبتك.
سالم: امريني ياقلبي.. تدللي.. بس لا تقولين لي اتركك.. ابي اتكلم معاكي شوي ماراح تتأخري.. يلا انا عند الجسر
هلا: ماراح اتأخر معاك ماشي.. ابي ارجع اقعد مع البنات وانسى همي.. هذا الي ابيه
ساره بهمس: الموضوع شكله كبير بينها وبين سالم.. البنت ماهي طايقه نفسها
منال بهمس: هلا كانت بهالحاله بعد طلاقها
نور بهمس: الله يستر
ساره: بس عن الهمس لا تحس سما وتقلب الليله على سالم.. تعالو
منال: ياخوفي لا تنفجر وتقول ما ابيه
نور بخوف: يما.. تسويها؟
ساره: انا لو مكانها اسويها.. ايش ابي برجال هاملني كذا
منال: صدقتي.. الله يستر لا يعرف هزاع ويعملها حكايه
نور: طيب خلونا نتكلم معاها نهديها احسن
ساره: ماهي محتاجه لك تهديها.. الحرمه بهالوضع محتاجه لزوجها بس
منال: الله يعينها.. ياربي تكتب لها الخير معاه.. والله هلا وحده مافي منها.. تستاهل الخير
نور: صدقتي والله.. طول هالايام الي عشناها معاها.. علمتنا وحنا الي اكبر منها

*************************

عند الجسر


هلا: خير
سالم: هلا بالغلا.. ايش ذا كله.. ايش هالجمال.. ايش بقا لي افرح فيه بليلتي
هلا بضيق: خير سالم
سالم: كنت ابي اشوف روحي.. واتطمن عليها.. ممنوع يعني
هلا بضيق: وخلاص؟ اقدر امشي الان
سالم: ما شبعت منك لسا
هلا: ........................
سالم: منتي فرحانه بانه زواجنا بعد اسبوع
هلا: لا
سالم: افا ليه
هلا: لانه ماهو ذا الي تمنيته
سالم: وايش تمنيتي
هلا: ابتعد عنك.. وارجع لدراستي
سالم بحده: انا حذرتك تجيبي للانفصال طاري صح ولا انا غلطان
هلا: ......................
سالم بحده: جاوبيني
هلا: .........................
سالم: هلا حبيبتي.. يجوز انك تستقوي على انسان ضعيف؟
هلا: انت منت ضعيف يا سالم.. انت الرجوله كلها.. بس انا ما لحقت اعرفك
سالم: معلش مع الايام بتعرفيني
هلا: بس انا ما ابي.. بتجبرني اني اعيش معاك يعني!!
سالم: لا طبعا.. ماراح اجبرك على شي انتي ماتبينه.. بس زواجك بعد اسبوع.. وبحذرك لاخر مره.. وبعديها ماراح تطيقي عصبيتي اذا كسرتي كلامي.. اياكي اياكي تجيبي للانفصال طاري
هلا: ............................
سالم: انا دقيت على صاحبي.. وهو تصرف مع جامعتك.. دراستك بخير ماتأثر منها شي.. بترجعي لها بعد مانطلع من هنا على طول.. اوعدك
هلا تمسح دموعها: ...................
سالم: انا جهزت لخالتي.. مكان معانا في البيت اذا رجعنا.. بتكون قريبه منك.. ما اقدر اخذك عنها.. هي امي انا بعد.. انا بعد ما اقدر ابتعد عنها
هلا وقفت بتمشي: .....................
سالم: وين ماكملت كلامي
هلا: زي ماقلت لك.. لو هالشي جا من نفسك كان له طعم غير خصوصا معاي.. بس دامي انا الي نبهتك.. ما حس باي لذه فيه.. تعرف ليه.. لانه خالي من اهتمامك
سالم يمسك ايدها: انتي بحياتك ماجلستي تكلمتي معاي بعد
هلا: تمنيتك انت تعملها تبتدي بها.. انا مالحقت على ابوي ولا شبعت من اخوي.. واول رجال عرفته طلقني قبل لاجلس معاه.. وزوجي الي حبيته.. بحياته ما اهتم بي ولا كلف نفسه يسأل عني وانا قدام عينه
سالم يحضنها: ياروحي انتي.. انا غلطان وحمار واستاهل الي تعمليه بي.
هلا: اتركني خليني ارجع للبنات.. ابي انبسط معاهم
سالم: منتي مبسوطه بحضني؟
هلا: لا.. متضايقه.. وما ابي اعمل فضايح.. وما ابي احد يحس علي ضيقي.. خلني امشي
سالم: لا.. البنات لاحقه عليهم.. حياتنا اهم.. انا وانتي اهم
هلا: ماهو مهم عندي.. كل الي افكر فيه دراستي.. انا ما افكر بحياتي معاك.
سالم: ماهوضروري تفكري بحياتي معاكي.. اتركيني انا افكر.. فكري انتي بدراستك.. نسيت اقول لك.. صاحبي حاول مع الجامعه انك تقدمي الامتحان الي فاتك من غير ماتحضري.. طبعا التحريري منه.. اما العملي فبترجعي تعيديه
هلا: من جد
سالم: من جد يا قلبي.. يحيى قال لي انه بيجيب لك كل الكتب حتى ترجعي تدرسي هاليومين قبل امتحانك
هلا: هاليومين؟!!
سالم: ايوا هاليومين.. واذا بغيتي بجيب لك دكاترة الجامعه يجو هنا يدرسوكي الي فاتك.. انتي تتدللي.. اميرتي تتدلل بس.. وتلاقي الي يسرها
عليا: عمي سالم
سالم: خير عليا
عليا: انا اسفه.. عمي يحيى يبيكم تتجمعو عشان تبتدي الحفله
سالم: حاضر جايين وراكي
هلا بحيا: فكني طيب.. البنت شافتنا وانت............
سالم: وانا ايش حاضن زوجتي حبيبتي حلالي.. ادلل زوجتي اميرتي انا
هلا: سالم
سالم: تدللي ياعمري
هلا: ماني حاسه اني مبسوطه
سالم: عشان انا مضايقك كثير.. معلش استحمليني.. والضيق الي بداخلك بيروح اوعدك

***********************

مع الرجال

هزاع: الف مبروك
عبدالكريم: مبروك يالثور
عادل: هههههههههههههههه اليوم عاد لازم ندلعه هذا معرس
يحيى: والله لو ايش تعمل.. اللقب لازمه خلاص
مشعل: مبروك
خالد: يبارك لي بعمري وحياتك.. افرح بعيالك ان شا الله
مشعل: ان شا الله
سامي: عاد هذول عياله و اكيد عرس عياله غيييييييييييييير
عبدالكريم: طبعا غير دام هالثور خالهم
بومشعل: بس يارجال بهدلت الولد وهو ساكت عنك.. خليه يفرح انه معرس
خالد: والله يقول الي يبي يقوله بالي ماهو معاه
فهد: ههههههههههههههه والله عيب.
محمد: يلا خلينا نروح يا خالد
خالد: خير ياروح خالد وين تروح!!!!!!!!!
محمد: بروح معاك
خالد: وين تروح معاي!!!!!!!!!!!
هزاع: يروح يساعدك على حالك
عبدالكريم: ههههههههههههههههههه
عادل: ههههههههههههههههه ساعده يا محمد خالد محتاج مساعدتك
خالد: ماتسكتو انتو.. يعني ماتخلوني اليف معاكم الليله.. لازم ابين لكم شراستي يعني
يحيى: اقول بلا شراسه.. بلا افتراس.. ماني قاصر ادخل على اختي الاقيها مجموعة عظم
بومشعل: ههههههههههههههه مبروك ياخالد تستاهل الخير.. شوف البنت تخليها بعيونك.. ان سمعت انك مزعلها بس.. انا الي ببهدلك.. عصبيتك انساها مع البنت.. ابيك حنون معاها.. ابيك تراعيها وتشيلها بعيونك.. انت عارف الي مرت فيه.. مايحتاج توصيه يبا
خالد: لا يبا مايحتاج
يحيى: يلا طيب ماتبي تروح
خالد: هو انتو عاتقيني.. يلا عاد ابي اروح
هزاع: الله يعينك على نفسك ياخوي
عادل: ههههههههههههههههه ماتبي محمد يروح معاك
محمد: قول تراني بالخدمه
فهد: بس يا محمد
محمد: فيصل تراه عرس اخوك
فيصل: ايوا عارف
محمد: ياخوي بهالمناسبه يباركو حق اخوهم
فيصل: باركت له.. كم مره الواحد يبارك خلاص
محمد: لا اقصد يتفاعلو مع اخوهم لان اخوهم معرس
فيصل: لا تزعجني يامحمد.. تراني ماني رايق لسخافتك.. الان الدكتور يلتفت علي.. ايش يفكني منه
عادل بهمس: ماقلت لي شريتها
هزاع بهمس: ايوا شريتها
عادل: بشرك الله بالخير منال بتفرح كثير
هزاع: تستاهل تفرح.. بيبتدو فيها من بكره
عادل: ممتاز.. وحسبت نفسك فيها.
هزاع: ايوا اكيد
عادل: كذا انا ارتحت.. فكرت في الي قلت لك عليه
هزاع: فكرت وموافق
عادل: الليله تتحرك
هزاع: الي فيه الخير الله يعمله
عادل: هزاع.. الليله
هزاع: قلنا طيب ياعادل

************************

في المجلس


خالد: ياقلبيييييييييييييييييييييييييي
جمايل: ..........................
خالد: اسمعي انا محذريني اني ما اعصب عليكي.. وانا مانع نفسي من هالشي.. بس من جد اذا مارديتي علي بتهور معاكي
جمايل بخوف: يعني ايش!!!!!!!!
خالد: ياقلبييييييييييييييييييييييي يعني احبك.. سرقتي النوم من عيني.. احس الليله بنام مرتاح
جمايل: هههههههههههههههه
خالد: تعرفي انه ابتسامتك سحر.. تعرفي انه ضحكتك تخبل.. تسرق القلب
جمايل باحراج: انت زعلان مني
خالد: من ذا الي يقدر يزعل منك.. لو زعلان ماجيت ادور عليكي.. انا عاشق
جمايل: يعني ما ودك تاخذ حقك مني
خالد: اكيد باخذ حقي منك.. بدل الكف الي اخذته.. باخذ بداله بوسه
جمايل بحيا: ويه ويه.. يما ايش تقول
خالد: هههههههههههههههه ايش اقول مالك ارتعبتي.. زوجك انا
جمايل تبتسم: ........................
خالد: ياقلبييييييييييييييييييي ابتسامتك تسحر من جد.. انا مبسوط فيكي مره.. وانتي؟
جمايل: انا ايش؟
خالد: منتي مبسوطه؟
جمايل: ايوا
خالد: ممكن اطلب منك طلب
جمايل: ايش؟
خالد: مافي اسمه ايش.. قولي تدلل حبيبي
جمايل بحيا: هههههههه
خالد: يلا قولي
جمايل: لا
خالد: ايش لا.. قولي تدلل حبيبي
جمايل: تدلل
خالد: ايوه كمليها.. حبيبي
جمايل بحيا: تدلل ح..............
خالد: ايوا قلتي حرف كملي
جمايل: ههههههههههههههه
خالد: ياروحي انتي.. قولي
جمايل بهمس شديد: حبيبي
خالد: ها.. ما سمعت
جمايل: لا خلاص.. والله ماقادره
خالد: لا بتقدري يلا سمعيني
جمايل بدلع: عشاني خلاص
خالد يسرق بوسه: عشانك بس

***********************

في الساحه

ساره: شوفو عاد.. حنا نتفق من الان.. العجل المشوي لنا حنا البنات.. وانتو لكم باقي الاكل
هزاع: مفجوعه من يومك
ساره: ماهو شي جديد علي.. انت ليه معصب
هزاع بهمس: نادي زوجك ابي اكلمكم
ساره بهمس: شكله الموضوع جاد
هزاع يبتسم: جاد جدا
ساره: فرحني
هزاع: نادي زوجك وتعالي بكلمكم
ساره: طيران.
هزاع: هههههههههههههههههه
بومشعل: مالك؟
هزاع: نويت خلاص
بومشعل: مافهمت
هزاع: ابي طيف
بومشعل مستغرب: طيف؟
هزاع: ايوا فيه شي
بومشعل: بالعكس.. بس ايش دخل ساره بالموضوع عندك يحيى
هزاع: لا ابي ساره الاول تمهد لي الطريق معاها قبل لاكلم يحيى
بومشعل: مافهمت
هزاع: ابي ساره ترتب لي صدفه معاها
بومشعل: انجنيت انت.. حنا عايشين بمكانهم.. يحيى اذا عرف ايش بيقول
هزاع: قلنا صدفه ايش بيقول.. وبعدين ساره معاها
بومشعل متردد: ما ادري
هزاع: اتركها على الله وساره.. عارف انها الوحيده الي بتساعدني
بومشعل: الي تشوفه يبا.. دامك نويت.. توكل على الله.. الله ييسر لك الامور معاها
هزاع: ان شا الله يارب
فهد: هزاع.. انا هنا
هزاع: زوجتك وين؟
فهد: هذا هي جايه.. خير ايش في

************************

في الصاله

منال: مالك؟
هلا: مالي الكل يسألني مالي
منال: عشان انا عارفه الحاله هذي اذا جاتك ايش تعني
هلا: ماتعني شي.. انا بخير.. بس................
منال: لا تقول لي بس.. ولا تتعذري بشي ماهو صحيح.. انا عارفتك.. اذا محتاجه اني اساعدك لا تترددي.. هلا انتي الوحيده الي ماتتكلم عن نفسها هنا.. وهالشي مخوفني
هلا: ماله داعي للخوف.. انا بخير امي جنبي وخواتي جنبي.. وسماح بخير وسالم واخوانه كلهم بخير.. ايش بيكون فيه يعني
منال: صحيح انه الكل بخير الا هلا
هلا: غلطانه يا حبيبتي.. صدقيني انا بخير.. اذا صاير معاي شي.. انتي اول من بتعرف
منال: ايوا خذيني على قد عقلي.. محسبتني غبيه ما افهم وما اشوف
هلا: منال الله يخليكي.. سألتيني وجاوبتك ماله داعي الاصرار.. صدقيني انا بخير
سما: وينك ياعروس تعالي معاي
هلا: وين؟
سما: عندي شي حلو بوريكي ياه
هلا: لي انا!!!!!!!!!
سما: اكيد لك انتي.. كم عروس انا عندي
هلا بضيق: ايوا مافي غيري
سما: انا عارفه انك جالسه تفكري من عرفتي انه عرسك بعد اسبوع انا عاذره حالتك.. بس ابيكي تتطمني.. عرسك بيكون احلى من عرس أي وحده فينا.. اوعدك
هلا: سما انا لي طلب
سما: امريني ياعمري
هلا: انا ما ابي اعمل حفله
منال: بعيد الشر ليه؟
هلا: كذا.. كفايه الليله.. انا ما ابي أي خسا.................
سما بحده: لا تكملي.. انا كنت شايفه انك متضايقه من الصبح بس الان انا متأكده انه فيكي شي.. تعالي معاي
هلا تضحك: ايش بيكون فيني يعني.. انا منحرجه بس.. او تقدري تقولي متوتره.. والله الاحاسيس داخلي متناقضه.. ماني عارفه سعيده ولا حزينه.. لا تاخذي علي.. انا...............
سما بشك: طيب تعالي معاي

*********************

في المطبخ

ام حسام: ههههههههههههههه
ام مشعل: ايوا كذا اضحكي.. والله خفت انه فيه شي من جد
ام حسام: وانا بعد كنت حاسه بهالشي.. بس من قالت لي عليا على الي شافته ارتاح قلبي
ام مشعل: ههههههههههههههه الحمدلله
ام حسام: ماتتخيلي سعادتي
ام مشعل: انتي بعد تراكي سبب في توترها هذا.. البنت من جات للدنيا وانتي حابستها بالبيت.. احسها تخاف من ظلها
ام حسام: ايش اعمل يا ختي.. موت ابوها خوفني عليها.. انا ما عندي غيرها مع اخوها.. كنت مفكره اني اذا حبستها بحميها
ام مشعل: الحمد لله.. اهم شي انها بخير.. وضيقها ذا بكره زوجها ينسيها ياه
ام حسام: الله يسمع منك
مشعل: مسا الخير
ام مشعل: يما قلبي
مشعل يحضنها: بسم الله على قلبك مالك
ام حسام: انا مع البنات ياختي
ام مشعل تناظره ماهي مصدقه: انا اكيد احلم
مشعل: تبين اصحيكي
ام مشعل: لا الله يخليك خليني احلم.. مالقيت الي يطفي ناري غير الحلم الي انا فيه تبي تصحيني منه
مشعل يبوسها على راسها: انا اسف.
ام مشعل: اااااااااه يما قلبي
مشعل: انتي بخير انادي الدكتور الي هنا
ام مشعل: دكتور؟ اي دكتور
مشعل: ماني عارف اسمه هو عايش معانا اكيد تعرفيه
ام مشعل: تقصد عادل
مشعل: ايوا هو.. اجلسي على الكرسي بناديه
ام مشعل: وتحسب اذا جا بيرد روحي
مشعل: مافهمت
ام مشعل: اقصد انك انت روحي
مشعل: ليه تحبيني كذا؟
ام مشعل: ليه تحب عيالك يا يما
مشعل يبتعد عنها: .....................
ام مشعل: ليه ابتعدت عني يما.. خلني بحضنك يما ما شبعت منك
مشعل يحضنها: انا اسف
ام مشعل: لا تتاسف ياروح امك
مشعل: لا تزعلي مني انا عارف انك تبين تقعدي معاي.. بس انا ماني طايق حالي
ام مشعل: لا يما انا ما ازعل منك.. المهم عندي انك بخير وبعافيه وقدام عيني.. حتى لو منت بحضني المهم انك قدام عيني
طيف: انتي مجرجرتني ليه ابي اعرف ايش عندك
ساره: وانتي ايش عليكي ابيكي تمشي تطلقي رجولك كفايه قعدت الكرسي الي قعدتيها
طيف: يابنت اتركيني ساحبتني كأني عنزه وراكي استحي انا الكبير ساره
مشعل: ساره مجننه الكل
ام مشعل: هههههههههههه لسا ماشفت منها شي
ساره: بسم الله الرحمن الرحيم.. ايش ذا فعل فاضح بالطريق العام
مشعل: فاضح بعينك
ساره: واقف وامي بحضنك ايش فاكر نفسك.. هذي عندها رجال غيوووووووووووور والله لاعلم عليكم ايش كنتو تعملو من وراي
طيف: والله عيب استحي عاد ماهو كذا
ام مشعل: اتركيها عنك انا عارفه انه بيجي يوم بمد يدي عليها.. تعالي سلمي على اخوكي
طيف: مرحبا مشعل كيف حالك
مشعل يلف وجه: اهلا
ام مشعل: هذي طيف اخت يحيى.. اختك بعد
مشعل يلف عليها من جديد: اهلا طيف اعذريني ماعرفتك
طيف: عشان هالمجرمه تخجل الي مايخجل.. معلش ياخوي هي دايم كذا
مشعل يمسك ساره من اذنها: انتي متى بتعقلي
ساره: اه اه اه
مشعل: ابي اعرف كم مره قلت لك لسانك طويل
ساره: ايوا اذني اذني
مشعل: انتي ليه ما تسمعي الكلام
ساره: انصمخت اذني ماقمت اسمع اذني يا ناس
مشعل: تعرفي اذا ما حرمتي بشيلها من مكانها
ساره: اذني اذني.. يما لحقي علي اذني
ام مشعل: هههههههههههههههه برد قلبي الان
طيف: هههههههههههههه وانا بعد
سماح: وانتو جالسين هنا ضحك وسايبيني لوحدي مع منال
ساره: سماح لحقيني اذني اذني
سماح: جابر!!!
ساره: لا هذا مشعل اذني اذني.. سماح لحقي علي
سماح بتمشي: .....................
مشعل: استني.. انا الي بمشي.. خليكي معاهم
ساره: ااااااه يما اذني
مشعل يبوس راس امه: انا قريب منك ماراح اتركك.. معلش زوجتي متضايقه مني اعذريني

***********************

بغرفة سالم وهلا

سما: ماقلتي لي ايش رايك
هلا: كويسه
سما: وانت عجبتك؟
سالم: المهم تعجب اميرتي
سما: وانتي يا اميرته ايش الي ماهو عاجبك فيها حتى يتغير
هلا: كلها عاجبتني.. مابي شي فيها يتغير
سالم يحضنها: مالك ياقلبي
هلا تبتعد عنه: سالم والله عيب ماهو كذا عاد
سما: ههههههههههههههههه عيني على الحيا.. عادي يابنت.. مالك
سالم يبوسها على راسها: اسف لهفتي عليكي مالها حدود
هلا: ............................
سما: انتو صاير بينكم شي صح
هلا: لا ابد.. ايش بيصير يعني صح سالم
سالم يناظرها: ماهو صح يا عيون سالم
هلا بحده: سالم
سالم: مافي شي ياسما.. مافي شي
سما بحده: انت مزعلها !!!!!!!!!! وانا اقول مالها.. ماهي هلا الي اعرفها.. انطق قول ايش عامل معاها مكدرها كذا
هلا: سما مافي شي.. هو يبالغ بس
سما تمسكه من ياقته: والله اني ذابحتك.. انطق مال البنت.. ليه الكدر ماليها كذا
هلا تبعد مابينهم: سما ماله داعي ما ارضى عليه.. ماصار بيننا شي لكل الي تسوينه
سما تناظره بحده: ماني مصدقه انك تقدر تزعلها.. انت.. انت تسويها.. كيف متى
سالم: غصب علي.. من جد ما انتبهت لنفسي.. انا لو بجلس سنين عمري اعتذر منها على الي حسته مني مابوفي
هلا بحده: سالم اسكت
سما بحده: ايش عامل؟
هلا بصراخ: ما عامل شي.. ما عامل شي.. انا متضايقه من حالي.. سما الله يخليكي لا تتخانقو بسببي.. ما ابي هالشي يصير من تحت راسي.. وخري عنه.. ما ارضى عليه تتعاملي معاه كذا.. انتي فاهمه سالم ماهو صغير حتى تمسكيه كذا.. وبعدين انا زوجته يعمل بي الي يبيه.. وخرو عن بعض
سما: انا مالي حق اتدخل بينكم.. ومالي حق اني اجبركم اعرف ايش صاير بينكم.. بس والله ثم والله اني ببهدلك اذا شفت حالها ظل على ماهو عليه لحد بكره.. انت فاهم.. هلا اغلى من روحي والي بس بيضايقها.. بيشوف مني الويل.. انت سامع
هلا: سما
سما بحده: انتي اسكتي.. اذا انك محسبه انه ما وراكي ظهر تستندي عليه وقت ضيقك تكوني غلطانه.. واذا انك ساكته منتي راضيه تعلمي عليه خوف منه بعد غلطانه.. انا ماراح ارضى عليكي حتى لو انتي الي غلطانه انتي سامعه
سالم: كنت ابي اوريكي انه في من بياخذ حقك مني.. ابي الي يبهدلني لجل عيونك.. ابي تعرفي اني راضي على روحي اني اتبهدل لجل خاطرك.. انا رايح اقول لهزاع حتى ماتحسبي اني خايف انه يبهدلني.. والله ياهلا لجل عيونك كل شي راضي فيه.. الا زعلك مني
هلا تبكي: والله حرام عليكم.. ماكنت ابي انكم تتخانقو بسببي.. ولا كنت ابي احد يعرف بضيقي.. ولا ابي هزاع يعرف.. هالشي بيني وبينك.. لا تدخل هلي واهلك فيه.. انا ما ارضى احد يبهدلك.. ماهو عشاني انا
سما تحضنها: وليه ما يتبهل عشانك انتي.. يابنت انتي محسبه انك رخيصه عندنا.. يابنت انتي قطعه من روحي.. والله ان اشرتي اني اذبحه.. بذبحه لجل عيونك من غير أي تردد
هلا: لا بعيد الشر عليه.. ماتوصل لكذا
سالم: بعيد الشر عليه.. ياعيني عليه.. تحبيه وماترضي عليه بعد والله يابخته فيكي
سما: انكتم انت
سالم: بنكتم اذا حبيبتي قالت لي انكتم.. حبيبتي تبيني انكتم
سما: هلا تبينه ينكتم.. تبيني اكتمه لك.. تدللي بس
سالم: حبيبتي روحي انتي.. ماتبيني انكتم
سما: ساكته يعني تبيك تكمل.. كمل يالي بتجيب اخري انت
هلا تبتعد عنها: بعيد الشر عليك.. بالعدو ان شا الله
سالم يجرها لحضنه: احبك
هلا: والله عيب استحي عاد
سالم: مابستحي.. لحد ماتقولي لي احبك
سما: اذا تستحي مني انا ماشيه
هلا: لا خليكي.. ما ابي احد يشوفني معاه لحالنا.. يلا حنا ماشيين
سما: يابنت انتي غبيه.. مين بيمنعك او مين بيتكلم عليكي هنا.. عيشي يا هلا.. خليه يراضيكي ذليه لحد ماترضي عليه.. ولا احد يقدر يفتح فمه بشي.. انتي ظهرك سما.. وبعدين الكل مشغول بالرقص والغنا.. مين مهتم عليكي .. يلا انا ماشيه
هلا: لا.. انا ماشيه معاكي
سالم: اذا مشيتي بروح لهزاع بقوله
هلا: حرام عليك لا تعمل معاي كذا
سما: سالم لا تزيد ضيقها.. خلني انا بقوله
هلا بحده: انتي اتبون تذبحوني صح
سما: هههههههههههههههه ايوا تصدقي عاد.. اذا ماذبحتيه انا الي بذبحك
سالم: بعيد الشر عنها.. حبيبتي ماحد يلمسها غيري
سما: طيب خلك مع حبيبتك انت.. انا رايحه

************************

في ساحة الشوا

طيف: يبا.. ابي احلى قطعة لحم.. وهالمجرمه عطها قطعه نيه
بوعذبي: ههههههههههههههههههه نيه عاد
طيف: ايوا نيه.. تراها مبهدلتني
بوعذوبي: هههههههههههههههههه والله انه هالبنت مافي اطيب منها
ساره: شفتي الناس الي تعرف تقدر
طيف: لا عاد انتي قدرك عالي خصوصا عندي
ساره: مبين.. تبين تعطيني قطعه نيه
هزاع: سلام عليكم
بوعذبي: وعليكم السلام.. جيت بوقتك.. ابيك تاخذ نصيبك قبل الي عندي مايجيبو اخر العجل
ساره: هههههههههههههههههههه ايوا قول اننا مفاجيع.. سمع هزاع اننا مفاجيع
هزاع: طيف
طيف: ........................
بوعذبي: طيف يبا وين سرحتي الرجال يكلمك
طيف: اه ايوا نعم
هزاع: كيف حالك؟
طيف: بخير
هزاع: مبروك على جمايل.. عقبالك
طيف: شكرا
هزاع: مبروك الي شلتي الجبس
طيف: شكرا
هزاع: ان شا الله ماتحسي بوجع الان
طيف: لا
هزاع: مشيتي بالمزرعه ولا لسا
طيف: لسا
ساره: ياربي ليه جافه انتي كذا.. ردي زي الناس.. اجاباتك مختصره ليه كذا
بوعذبي: يبا الرجال يسأل عن حالك
طيف باحراج: انا كويسه الحمدلله
ساره: وين رايحه.. تعالي
بوعذبي: روحي معاها لا تدخلو داخل خليكم برا.. بجيب لكم نصيبكم
ساره: حاضر

********************

عند الجسر

ساره: ليه قالبه علي طيب
طيف: انتي عادي مع الكل بس انا لا.. بمناسبة ايش ارد عليه
ساره: عادي الرجال يسأل عنك.. ولا نسيتي الطيحه
طيف: أي طيخه!!!!!!!!!!!
ساره: اقول ماهو على ساره.. هو قالي يومها على الي صار.. وانه شالك
طيف: استحي يابنت
ساره: هو طلب مني اني اتطمن عليك واطمنه.. من يومها وهو مابطل يدق علي
طيف: من يومها وليه ماقلتي لي
ساره: كان ودي اتكلم معاكي عن هالشي يومها.. بس شفت الاحراج عامل عمايله معك.. قلت اتركك
طيف: وبعدين معاكي
ساره: قولي الصدق
طيف: تعرفي كان ودي اتكلم معاكي انتي بالذات.. كل ما اجي وبتكلم اتردد وامنع نفسي
ساره: ليه؟
طيف: يعني اقول في نفسي انه مجرد شعور.. يمكن انتي الوحيده الي بتفهميني
ساره: ليه انا بالذات؟
طيف: لانك فاهمتني كويس.. انا عارفه انك تتقربي مني.. وتبيني اتكلم معاكي وافتح لك قلبي بس............
ساره: ماهو وقت بس كملي الله يخليكي
طيف: من هذاك اليوم وانا افكر فيه.. اول مره رجال يقرب مني كذا
ساره: حبيتيه؟
طيف: هو مجرد شعور.. ماكنت حابه انه يتطور
ساره: وليه عاد؟
طيف: عشان سماح
ساره باستغراب: سماح ايش دخلها بالموضوع
طيف تنتبه: ها .. اقصد منال
ساره: طيب ومنال ايش دخلها بالموضوع
طيف: يعني انا قصدت حتى ماتسعى بالموضوع وتقوله اني...............
ساره: انك حبيتيه؟
طيف: قلت لك ماهو حب.. انا.. انا
ساره: مالك ايش في
طيف: ابي اقولك على شي.. بس غلط اني اقوله لك
ساره: ليه غلط.. انتي مخبيه شي؟
طيف: لا ماني مخبيه هي مجرد ملاحظه بس ابي اتكلم مع احد فيها
ساره: قولي اسمعك
طيف: ساره وغلاة امك وابوكي الي بقوله ما ابي احد يعرفه غيرنا
ساره: خوفتيني.. ايش فيه
طيف: شوفي انا ماسمعت ولاشفت.. بس هي مجرد ملاحظه.. شعور.. انا ماني غبيه يا ساره.. مشكلتي اني قويه ملاحظه.. وهالشي متعبني.. وابي اتكلم فيه مع احد.. ماعندي غيرك
ساره: ملاحظتك تضر احد معين عشان كذا منتي راضيه تقوليها لاحد
طيف: تضر اخونا
ساره: يحيى!!
طيف: مشعل
ساره: مشعل!!! مافهمت
طيف: انا كنت اعني بكلامي سماح من شوي وكنت متوقعه انه عندك خبر.. بس الظاهر ماحد عارف غيري
ساره: ايش الي لاحظتيه يا طيف
طيف: لاحظت انه سماح مياله لهزاع
ساره: ماني مصدقه.. قولي كلام غير ذا
طيف: من تشوفه ينقلب حالها.. احسها تشتاق انها تسمع عنها.. كثير اسمعها تسأل عنه منال او سما.. انا ما اقول العيب بها.. اعوذو بالله.. كثير ما اقول انه ابليس يلعب براسي.. بس كل مره يزيد شكي.. واخاف اني اتأكد
ساره: وهو كيف يتعامل معاها؟
طيف: يمكن ماهو عارف.. او عارف ويتجاهل شعورها.
ساره: كلامك كبير
طيف: كان ودي يكون عندك فكره بهالشي.. كان ودي تشيلي حيرتي.. انا فكرت انها ممكن تطلب تنفصل عن مشعل.. وممكن ترتبط بهزاع.. بس هالشي ما صار لحد الان
ساره: صح لو الي تقوليه صحيح.. كانت طلبت تنفصل من مشعل
طيف: كثير الي التقي بهزاع ويسلم علي وقدامها ساعات.. احس بغيرتها يا ساره
ساره: انتي شكلك حبيتيه ولا احد درا عنك.. عشتي قصه خياليه ياطيف.
طيف: مابقول لا.. هذا صحيح.. اعجبتني رجولته.. اشوفه رجال غير عن الكل.. يحب يساعد الكل.. هو اول من طلع مشعل من عزلته.. يحيى يقول انه كان له دور مع امك يوم جا يشوفها اول مره.. منال تقول عنه اشيا كثيره وحلوه.. منال معجبه فيه كثير.. تقول تتمنى تخطب له بنت تريحه.. تتمنى تزوجه وترتاح من زنه.. ام حسام ايش تقول عنه تقول اشيا خياليه مايعملها غير رجال يملي العين مثله
ساره: وانتي جالسه مع البنات تجمعي معلومات عنه
طيف: ساره.. انا عمري ماحبيت
ساره: حبيتي واحد منتي عارفه اذا يبيكي ولا لا
طيف: ماهو مهم.. المهم عندي انه رجال مالي عيني.. اتمنى انه يبيني.. يفكر فيني.. اتمنى انه فعلا ماهو ميال لسماح.. اتمنى انه سؤاله عني اليوم يبي يتقرب مني.. اتمنى نظرته لي اليوم تأكد انه يبيني.. مايبي غيري.. بس احس سماح بتكون حاجز بيني وبينه.. تقدري تقولي اذا تأكدت من حبها له.. بنساه
ساره: يبيكي يا بنت يبيكي
طيف بفرح: من جدك
ساره: أي والله من جد.. هو قال لي اجيبك هنا حتى يتقرب منك
طيف بفرح: احلفي ساره احلفي والله ماني مصدقه
ساره: وهذا هو واقف هنا يسمع كل كلمه قلتيها
طيف بحده: ايش الي تقوليه
ساره: كنت بحرم روحي من هالسعاده الي بقلبي لو ما عملت كذا.. كنت بتحرمي روحك منه لو ما اعترفتي لي بهالشي.. هزاع انت وين؟
طيف بحده: انا وثقت فيكي.. كيف تعملي كذا
ساره: عشان سعادتك بعمل أي شي
طيف: انا غلطانه ياساره.. انا اتكلم عن نفسي وانتي جايبه رجال غريب تسمعيه الي اقوله
هزاع: تعرفي لو ماسمعت الي سمعته.. ماكنت بتشجع واكلمك.. كنت بخاف انك ترفضيني.. ويمكن اتراجع عن فكرت الزواج.. تعرفي اني معجب فيكي كثير.. يمكن من اول ما شفتك.. سماح مافي بيني وبينها أي شي تخافي منه.. البنت اختي وبتطل اختي.. حنا كنا قراب من بعض وقت كنا صغار.. واكيد انها تشتاق للايام الي راحت
طيف: انا ماشيه
ساره: وغلاة يحيى عندك اجلسي شويه بس
هزاع: خليها تمشي الي ابي اعرفه خلاص عرفته.. تعجبني قوتك ياطيف.. اتمنى اني اقدر اسعدك
ساره: استنى انت بعد.. طيف حبيبتي.. حلفتك بيحيى.. تعالي شوي.. والله عادي مافيها شي.. تعالي.. طيف.. طيف
هزاع: قومي معاها لا تتركيها

**********************
تابعو في الجزء الثالث والثلاثين

ايش تتوقعو ردة فعل طيف لساره!!!!
تابعو سماح.. وغيرتها على مشعل ايش راح يصير
ساره.. تبي تصارخ تبي تكسر تبي تتخانق.. ليه!!!

صراحه انا لو مكان طيف
ما اكلم ساره مره تانيه

بصراحه موقف بايخ مووووووووووت

لانها خلتها تعترف بمشاعرها علنا

وقدام واحد غريب



ربنا يستر على ساره من طيف

منتظرين جديدك ايمو