قولي معي يا ايمو الله ياخذ النت وارتا ح من مشاكله

في كل مره اكتب رد اتفاجأ باالنت يقطع لحد ماأزهق واتركه...

عموما كيفك وحشتينا ياعسل...

امس بس خلصت كل الاجزاء الي فاتتني واااااااااو شي خطير

انا من الاول كنت شاكه ان مشعل ميت بس انه يطلع جابر لالالالا

شي ماجا على البال ابدا ....

تدرين وانا اقرأ احس اني قدام فلم بوليسي كله اثاااااره وتشوووويق

من جد الكاتبه مبدعه بمعنى الكلمه ....بس عندي بعض الملاحظااااات

والي اتمنى تؤخذ على محمل ..(....انصر اخاك ظالما او مظلوما)

وردت بعض الكلمات الشركيه مثل كلمه (الفضل لله ولك)والصحيح

(الفضل لله ثم لك )وكلمه اخرى ربما هذي اول مره اسمعها

(وغلاتك او وغلاة امك )ومن هذا القبيل ....

اختي ايمو اتمنى ان تنبهي الكاتبه ولك الاجر بإذن الله

ونحن بشر معرضون جميعا للسقط والخطأ ولاكن (خير الخطائين التوابون)

عزيزتي ايمو لك كل الشكر على هذا النقل الرائع ...

ودمتي بحفظ المولى ....

الجزء التاسع والعشرين


عند المراجيح

هزاع بخوف: ايش صار .. ايش صار
عادل: ماصار شي.. كن...............
بومشعل: ماله الولد جرا عليه شي
عادل: اهدو مالكم انتو.. ماصار شي .. كنت العبه بالمراجيح .. وطاح منها
عبدالكريم: انت العاقل فيهم.. مابقولك ياثور
عادل باستغراب: خير!!
عبدالكريم: انت يالثور يالساكت
سامي: جا الدور على مين الان
عبدالكريم: هذاك الي هنا ما اعرف اسمه
محمد: هههههههههههههه اسمه فيصل
عبدالكريم: وانت يالثور لما يجرا شي مره ثانيه لا تجي تصرخ وتذبح قلوبنا من الرعب فاهم
محمد: اسف عمي
عبد الكريم: روح جيب مويه للولد
يحيى: معلش ياشباب.. هذا الدكتور عبدالكريم اذا عصب يصير بهالحاله.. والله يجيرنا
عبدالكريم: الله يجيرني انا منكم .. قوم ياحبيبي ايش اسمك
هزاع الصغير: هزاع
عبدالكريم: ههههههههههه وانت مالقيت غير اسم هالث......................
عادل: هاااااااااا دكتور ماهو قدام الولد.. هذا عمه خلي المزح بيننا
هزاع: ههههههههههههههههه والله تمون.. احبك ما اقدر ارد عليك.. يعني لهالدرجه اسمي مضايقك
عبدالكريم: الاعقلك وتفكيرك مضايقيني.. يلا ياحبيبي.. تبي تجي معانا ولا تكمل لعب
هزاع الصغير: بكمل لعب مع اخوي
عبدالكريم: واخوك ايش اسمه
هزاع الصغير: محمد
عبدالكريم: والنعم بك وبه.. وهو وين الان
عادل: هذا هو جنبي
عبدالكريم: تعال سلم حبيبي
محمد الصغير: سلام عليكم
عبدالكريم: هلا بالرجال.. كنت تلعب مع اخوك
محمد الصغير: ايوا انا وقعته ماكان قصدي
عبدالكريم: هههههههههههههه اعرف حبيبي ماكان قصدك.. قد ايش اعمارهم ياعادل
عادل: محمد 6 وهزاع 5
عبدالكريم: الله يبارك لك فيهم
سامي: ها ارتحت الان.. اشوفك تضحك
عبدالكريم: تعرف قعدتهم والله تضيع الهم.. الاطفال هذول عايشين في عالم الامان.. ما يعرفو ايش الي نحس بيه.. بكره لما تجيب عيال.. بتنسى العالم والهم وانت قاعد معاهم
هزاع: الا وجع القلب والراس.. وهذا يبكي وهذا متعور.. وهذا يزن وهذا مريض.. وهذا ماهو عاجبه الحال وهذا يبي يهج.. وهذا متضارب مع اصحابه وهذا متعور من خناقه.. وياليت اذا كبرو تخف مشاكلهم الا تزيد وتزيد وتزيد
عبدالكريم: ماقلت لك.. ثور
بومشعل: ههههههههههههههههههه بس يارجال.. امسك لسانك عاد .. ما احب احد يكلم عيالي كذا
عبدالكريم: لو انك شديد معاهم شوي.. ماوصلو للي هم فيه
يحيى: اشوف محنا عاجبينك
عبدالكريم: رجال ماعليكم زود.. بس حتى لو تزيد المصايب.. المفروض انها ماتهزكم.. انا اشوف انكم يد وحده قلب واحد هالشي نادر نشوفه بالعوايل.. لا تخلو المصايب تكسر من قوتكم
سامي: صدقت تلاقي الي يسرك ان شاء الله
عبدالكريم: وبعدين شوية جفا مابينهو الكون وانا عمك.. صحيح انه الي ببالي بتتعب شوي بس مابتموت.. صح ولا انا غلطان
هزاع: انا خايف من ردة الفعل
عبدالكريم: خليه يكون فيه ردة فعل هذا طبيعي.. ردة الفعل عمرها ما اذبحت احد
عادل: في بعض الحالات تتعرض....................
عبدالكريم: اقول انكتم انت بعد لسا اقول عنك عاقل انكتم بس
يحيى: هههههههههههههههههه دكتور الله يخليك العيال
عادل: هههههههههههههه ماشي انكتمنا
عبدالكريم: وانت اقول روح لاختك وتكلم معاها وشوف ايش ردها.. انا في شي بيذبحني من صدق
سامي: خير ايش في بعد
عبدالكريم: هذا الساكت لو ايش اعمل فيه لو ايش اقول لو اجبره على الكلام بعد مايتكلم.. هيييييييييييييييي انت يالثور
هزاع: ههههههههههههههههههههه الي اسمه ثور ينطق ويريحنا
خالد: شوف تراني محترم حالي من الصبح وساكت.. ما ابي أي شي يعكر فرحتي.. انت لسا قايل ليحيى يروح يشوفها كمل احسانك وخليه يروح
عبدالكريم: ههههههههههههههههههه انا ماقصدتك بس ولا يهمك.. يحيى وانا عمك تكفي ريح الولد
يحيى: تامر.. انا رايح ياشباب.. احد يبي مني شي.. اقول الي يبي مني شي يقول الان
خالد: اللهم طولك ياروح
هزاع: ياقلبييييييييييييييييييييييييييييييييييييييييييييي ي
سامي: هههههههههههههههه
عبدالكريم: ووجع بقلب العدو.. انكتم خلي الرجال يفرح. انت يالثور
سامي: مين تقصد
عبدالكريم: هذاك الي واقف هناك
هزاع: اوهووووووووووووو هذا يقصد فيصل
سامي: هههههههههههههه اقول اذا عندك علاج لسكوته عجل به

*************************

في غرفة هلا وجمايل

نور: نمتي كويس؟
جمايل: الحمدلله
هلا: بس انتي ما اكلتي شي
جمايل: ماني حاسه بجوع
طيف: طيب عشاني اكلي شوي
جمايل: صدقيني ما احس بجوع
سما: اقدر ادخل
نور: حيا الله من جا
سما: الحلو لسا بفراشه
هلا: بفراشه ومايبي يقوم
سما: ماهو بكيفه
طيف: والله ياريت تجبريها تقوم.. اخذ حقي منها على اللي عملته بي اول ماجيت
نور: هههههههههههههه مانسيتي
طيف: لا.. حقي وابي اخذه.. يلا قومي وريني طولك.
جمايل: ودي انام شوي
سما: ييييييييييييييييييي انتي ماشبعت بكا.. ارحمي عيونك.. تراهم بحاجه للراحه هاليومين.. ولا اقولك اليوم باليل او بكره ماهو ابعد من كذا.. فيه من بيشوفهم.. بس ايش لازم يكونو مرتاحين
هلا بفرح: هههههههههههههههه والله
سما: أي والله
نور: افرح ياقلبي اخيرا
طيف: ايش السالفه انا ضعت
سما: المفروض انك تضيعي.. اليوم العصر بيكون الموضوع رسمي .. انا جيت اعطي خبر بس
نور: وين ساره
سما: مع خالتي
نور: انا بروح ابشرهم
طيف: استني بشريني انا الاول
نور: لااااااااااااا انتي استنى.. لغاية ما يكون الموضوع رسمي
سما: وانتي على ايش مستعجله.. نتغدى ويدخل العصر وتعرفي
طيف: اشوفكم فرحانين فرحوني معاكم.. بتتركوني كذا لحد العصر
هلا بهمس: ماقلت لك.. هذا هي بنفسها جايه لحدك.. شفتي
جمايل: مالي خلق ابي انام
هلا: تبين تفهميني.. انه الي سواه مع يحيى امس.. ماحرك شي بداخلك
جمايل: يمكن يبي يرد لي الكف الي عطيته ياه
هلا: هههههههههههه ياغشيمه.. خالد يحبك من قبل كذا.. وهذا وجهي اذا ما شفتي غلاتك كيف تزيد عنده
جمايل: حتى لو الي تقوليه صحيح.. طيف بتزعل
هلا: بعيد الشر ليه تزعل
جمايل: انا الصغيره..
هلا: وايش يعني.. لاهو عيب او حرام
جمايل: ماقلت عيب او حرام.. بس يكسر النفس.. وهي مابتستحمل.. كفايه الي فيها
هلا: هذا النصيب ياروحي.. واذا لها نصيب بتاخذه.. لا تعقدينها يرحم والديك.. افرحي وانسي الهم
جمايل: والدي.. وينهم والدي.. تقولي افرحي.. كيف افرح
هلا: لو تبطلي الافكار الي براسك كنتي ترتاحي.. اساسا ماخوفك من يحيى امس الا من هالافكار الي زين ما اذبحتك
جمايل: مالي وجه اشوفه
هلا: وليه ياروحي.. ايش صار.. كنت تعبانه.. وخلاص انتهينا.. كلنا نتعب.. والوضع الي حنا فيه يجبرنا على كذا
جمايل: تظني لساه شايل على
هلا: يحيى طيب.. امس ما نام الا لما تطمن عليكي.. وكل شوي يدز محمد يسأل عنك
جمايل: ماكان ودي يصير بيني وبينه كذا
هلا: يوووووووووووه قلنا انسي وماصار شي.. لا تعقديها ياروحي
سما: ها ايش قلتي؟
طيف بفرح: والله ماني عارفه ايش اقول
سما: قولي الي تبينه بس مو الان.. بعد العصر خليها رسميه احلى.. وبعدين نجلس نتريق على عامله نفسها تعبانه.. ونضحك ضحك على الاحراج الي بيصير بعد مايشوفها.. والله انك مابتقدري تمسكي بطنك من الضحك
طيف: خلاص اذا فيها ضحك انا موافقه
هلا: هههههههههههههههه مستعجله على الضحك.. ولا تبي ترتاحي منها
طيف: لا والله ابي اضحك وبعدين ابي اضحك على ناس قبلي لا يجيني هالموقف وما اعرف اتصرف بعدين
سما: ههههههههههههههههههه عجبتيني
طيف: الا اقول هو بيشوفها بعد
سما: اكيد من حقه يشوفها.. وتلبس له وتتكشخ له بعد.. هذي نظره شرعيه
ساره تهجم عليهم: عاد ياشين الي بيشوفه.. الصراحه وحده ماتتشاهد الله يعينه عليها
هلا: بسم الله عليها.. الحلا كله
ساره: أي حلا ذا شوفي عيونها كيف عاملين.. شوفي وجهها اصفر كيف.. الله يعينك ياخالد اقول ماتستاهل الي بيصير فيك
سما: اقول حلو على قلبه.. انتي ايش دخلك
ساره: اقول بلحق عليه اقوله احسن مايتورط
نور: جمايل ايش رايك نقوله البنت واقفت من غير مايشوفك.. احسن خليه ينصدم بك بعدين.. اسمعي مني بكره تقولي اختي قالت
ساره: هههههههههههههههههه يابنت اسمعي كلام اختك تراهي تعرف مصلحتك
نور: ههههههههههههههههه وتخيلي عاد اول مايشوفها.. يطلع ويقول.. وين جمايل؟!!
ساره: ههههههههههههه ايوا ايوا وتخيلي عاد من الخرعه فاتح عينه وفمه على الاخر
طيف: ههههههههههههههههههههه تراها بتهون خلاص بطني من جد
سما: بس انتي وياها.. وانتي مالك ساكته كذا.. ردي عليهم
جميال من غير نفس: ارد ايش اقول
ساره: ول لا شكل حلو ولا نفسيه حلوه اقول الله يعينك ياخالد
هلا: انتي ليه عامله بنفسك كذا.. رجال والنعم فيه وجايك.. تبين نتكلم بصراحه اكثر مافي احد غريب هنا ممكن اننا نخبي عليه كلهم هنا يحبونك ويغلونك
ساره: ليه ايش فيها؟
هلا: هي خايفه من اخوانها .. اساسا اذا اخذتي خالد ما في احد يتجرأ يلمس شعره منك وانتي على ذمة رجال.. فاهمه يعني ايش رجال.. بيحميكي ويخاف عليكي.. خالد ماهو عصبي ولا هو متهور ولاهو غبي بتصرفاته.. خواتك قدامك هم بيكلموكي عنه وعن اخلاقه واسلوبه.. صدقيني خواتك ما بيكذبو عليكي عشان مصلحته هو.. خواتك بعد تهمهم مصلحتك
نور: هي الصادقه انتي عندنا اهم منه.. صدقيني.. لو بشوف منه عيب واحد بقولك عليه.. الرجال والنعم به .. ماهو عشان اخته هنا ابدا.. موضوع الزواج ماينلعب فيه.. وسما مهما تكون عزيزه.. اختنا اكيد اعز واغلى
ساره: وبعدين ياغبيه.. انتي ماشفتي حلاته.. هذا شكله بس ينسي الوحده همها.. شفتي طوله شفتي عرضه .. يهبل بصراحه.. هذي نظرته بس نظرته تنطق الحجر
جمايل بحده: وانتي ان شاء الله سايبه زوجك وجالسه تناظر زوج.........................
سما: ايوااااااااااااااااااااااا ههههههههههههههه كذا انا اسيبكم واروح اطمن المسكين الي جالس على اعصابه.. كفو عليكي ياعسل قدرتي عليها
ساره: ههههههههههههه ماقلت لك بنطقها
سما: هههههههههههههه باي ياعروس اشوفك العصر.. لاتنسو تلبسوها وتكشخوها
جمايل بحده: كذا كذا.. تتفقي معاها علي
ساره: ياجمايل ياحبيبتي.. حنا عايشين بمكان واحد وشايفين.. ماله داعي تخبي.. عيني بعينك وقولي.. ماكان ودك ياخذك بحضنه امس وانتي منهاره
نور: احرااااااااااااااااج ما اقدر على كذا..
ساره: اعتقد انه شاف هالشي بعيونك وجا يركض لك .. ايش تبغي اكثر من كذا
طيف: ليه ماني حاسه انك مبسوطه.. حبيبتي مالك.. قولي ايش فيه كلنا خواتك.. بتخبي علينا يعني
جمايل: لا اكيد.. بس محتاجه انام.
سما: يلا ياحلوين.. اتركونا شوي.. يحيى جاي يراضي الزعلانه
نور: افرح ياقلبي.. جايين يراضوني

*************************

في ملحق الرجال

بومشعل: جاهز يبا
خالد بهمس: يبا ابي اقولك شي بيني وبينك
بومشعل: تعال نطلع عند الباب
خالد: ماهو بالشي الضروري بس.. ودي انك تعرفه
بومشعل: قول يبا
خالد: انا احبها واجد
بومشعل: هذا الزين.. هذا الي نبيه وانا ابوك
خالد: انا خايف اشوفها
بومشعل: ههههههههههههههههه مافهمت
خالد: من جد يبا
بومشعل: اعذرني يبا.. قول ايش
خالد: خايف اني اتهور قدام يحيى
بومشعل باستغراب: مافهمت
خالد: يبا من جد اكلمك.. حاس اني باخذها لحضني.. يبا ابي تفهمني.. انا................
بومشعل: خالد!! وين عقلك ايش الي تقوله ذا
خالد: والله ما ادري.. اخاف اخرب على روحي.. خايف من نفسي كثير
بومشعل: حبيتها وهي ماهي ماعطتك وجه.. هذي يوم ما حبت تعطيك شي .. عطتك كف
خالد: احلى كف
بومشعل: انت كذا ينخاف منك.. انا بدخل معاك.. وبمسكك من يدك.. واي حركه بتسويها بعمل روحي طايح غشيان حتى ماتتهور
خالد: هههههههههههه اقولك.. ايش رايك اول ماندخل تعمل روحك غشيان.. واخذ راحتي انا
بومشعل: اقول تراك زودتها بنادي اختك تدخل معاك وتمسكك.. كذا برتاح اكثر.. سما بتقدر عليك..اما انا لا
خالد: ارتحت من كلمتك
بومشعل: الحمدلله.. يلا الان

***************************

في غرفة جمايل وهلا

يحيى: الحلو جهز ولا لا
سما: جهزت بس ابي منك شي
يحيى: خير ياروحي
سما: ابي نروح قبل خالد ونستناه
يحيى: ابوا بس هذ.............
سما: اسمع مني جمايل الحيا بيذبحها.. وبعدين حنا مابيننا فرق ندخل حنا وبعدين خالد
يحيى: طيب يلا هي وين
سما: لحظه بناديها


داخل الغرفه عند جمايل
سما: جاهره
جمايل: ايش رايك؟
سما: قمر.. قمر.. بينهبل الولد
ساره: ما ادري اجي معاكم.. ودي اشوفه ايش بيعمل
سما: قعدي مكانك عندنا وحده تغير
نور: ههههههههههههه تغير ياخوفي يقول لا مابيها والله البنت تروح فيها
طيف: بس انتي وياها اختي ماعليها قصوره .. حلوه بشكلها وبأخلاقها.. يلا ياروحي الله يوفقك
جمايل: الله يخليكي لي.. ياروحي


داخل المجلس
سما: انتي خلك مع اخوكي.. هنا.. وانا اشوف اخوي
يحيى: لا تتأخري
سما: .. الو وينك يما
خالد: جنب الباب
سما: افتح وادخل
خالد: حاضر
سما تكلمهم: هذا هو جاي
يحيى: حياه الله
خالد: سلام عليكم
يحيى: حيا الله الرجال
خالد: قلنا سلام عليكم
يحيى: قلنا حيا الله الرجال
سما: ههههههههههههه يحيى الله يخليك تسكت
يحيى: لا ماني ساكت.. البنت جالسه وماهي مبينه من الحيا.. اخلص قول الي تبي تقوله ويلا اعتقها
سما: ايش اخلص انت بعد.. خليهم ياخذو راحتهم شوي
يحيى: اقول ايش رايك نطلع شوي
سما: والله ياريت
يحيى: تجين نعملها ونطلع
سما: هههههههههههههههه انا عن نفسي ماعندي مانع.. بس انت بترضى
يحيى: وليه ما ارضى.. عادي
سما: اجل خلينا نبتعد شوي
يحيى: هههههههههههههههههه تبين تخلصي حقك مني صح
سما: هههههههههههههههه تفهمني
خالد: قلنا السلام عليكم
سما: يوووووووووووووه هي لسا ماردت .. ردي ياروحي.. ردي ياعمري.. ردي ياقلبي
خالد: حيلك حيلك.. ايش بقا لي اقوله لها
يحيى: اذا على الحكي والله انه بيضيع.. اقول اخلص شفتها خلاص
خالد: استنى شوي مالك مستعجل
يحيى: خالد انا مستعجل مره.. لاتنسى مشعل
خالد: يحيى الله يخليك خليها تكلمني.. تكلمني وامشي صدقني
يحيى: جمايل كلميه وفكيني
جمايل بهمس شديد: هو قال يبي يشوفني ماقال يبي يكلمني
خالد يقترب من جمايل: شوفي عاد انا ماني طالع من هنا الا وانا سامع صوتك.. غير كذا.. تراني جالس للصبح ماعندي شي.. يكفيني اشوف كل هالجمال
سما: ياجرائتك يا اخي ابتعد عنها
خالد: تكلمني الاول
سما: كلميه وفكيني
يحيى: جمايل والله ماعندي وقت
جمايل بحيا: انا اسفه الي مديت يدي عليك
خالد: ياقلبييييييييييييييييييييييييييييييييييييييييييييي ييييييي احلى كف ياروحي
يحيى: هههههههههههههههههههههه خالد تعالي حياك اجلس جنبها ليه بعيد
خالد: والله؟
يحيى: اقول قم.. خلني اروح اشوف مشعل.. يلا تحرك
سما: ههههههههههههههههههههه

****************************

في الصالة

ام مشعل: بشري يما
سماح: شوفي وجهها وانتي تعرفي
ام حسام: يافرحتي يما.. الله يسعدك
سماح: قولي ايش صار.. والله ودي اكون هناك بس اخوكي قاعد
جمايل: ماصار شي
نور: طيب ايش قال ماعلق ماقال حلوه .. ماقال قمر
ساره: والله شكله انصدم قال ايش هالقبيحه الي ماعطيني ياه
سما: هذا الي قاصر.. والله لو ماهو غلاة مشعل ويحيى مستعجل يبي يروح له.. كان شوفتوه ماطلع لهالوقت
طيف: طيب بردي قلبي وقولي لي ايش قال
سما: قال انه مستعد يقعد للصبح يشاهد هالجمال.. بس المهم تكلمه
ام مشعل: عيني يا عيني
نور: افرح ياقلبي
ساره: يعني خلاص.. بنزوج العشاق خلاص
هلا بهمس: والله انه سعادتي ماتنوصف الله يبارك لك
جمايل: ويخليكي لي
سماح: طيب متى بنفرح
سما: وانتي لسا مافرحتي
سماح: لا.. ابي عرس
طيف: عرس كذا مره وحده.. استني شوي
سماح: وليه نتأخر عاد.. كفايه التأخير مع سالم.. والله طولو صار لهم اكثر من شهرين على هالحال
سما: صدقتي.. لازم نعجل
جمايل بهمس: هههههه انا وانتي بنفس اليوم
هلا: ايوه طيب
***************************

عند الجسر

سامي: ههههههههههههههههههههه
هزاع: بس كانت طيحه ولا اروع.. ياليت هذيك الساعه كان عندي كيمرا واصور شكله
خالد: وبعدين انت وياه
عادل: يا اخي انبسك مالك معصب كذا
سما: جالسين تتريقو عليه من اول ما جامن جمايل.. عيني عليك ياخوي
خالد: ماعليكي منهم الان ارد عليهم والله ما اسكت
فهد: ايواااااااا هذا هو خالد الي اعرفه
سالم: بكذا تصير خالد.. غير كذا انت واحد ثاني
خالد: سماح ايش رايك اقول لك عادل كيف اخذ منال
عادل: هههههههههههههههههه
منال: جات على راسي يعني.. اياك تتريق
خالد: خايفه الان اشوف مادافعتي عني.. وهم يتريقو علي
سماح: قول ودي اسمع
خالد: ههههههههههههههههههه بقول
هزاع: من منكم الي كسر خالد ولد عنتكم لعبتها
سما: هههههههههههههههههه انا
هزاع: كرهتيني وقتها صح
سما: هزاع كرهتك كره.. ماصرت اطيق اسمع صوتك
هزاع: ههههههههههههههههههه وقتها كنت شايف هالشي.. وتبين الضدق كنت اقول انا ايش خلاني اجلس مع هالبنت صدق دلوعه.. تبين الحق يثيرني دلعك
سما: بس انت ماكنت تجلس معاي
هزاع: اجل معاكي انتي يا سماح
سماح بضيق: ايوا معاي
هزاع: هههههههههههههههه هالمجرمه خلتني اكره البنات.. ورتني الويل بتصرفاتها
سما: اياك تقول لسا الكره بقلبك يا هزاع
هزاع: يا بنت الحلال هذيك سوالف عيال.. عيب عليكي انتي الان اختي
سامي: يعني اذا تزوجت ماراح تدلع زوجتك اتحداك
هزاع: تبي الصدق ما احب الدلع ولا الي يتدلعو.. اكره الحرمه الي كذا
عادل: ول عليك.. كذا ياسما تعملي بهزاع
سما: وانا ايش ذنبي اذا هو جاف ومايعرف يتعامل مع الحريم.. انا ابش دخلني
هزاع: لا الصراحه سما مالها دخل.. انا من نفسي ما احب اتعامل مع الحرمه الي كذا.. احب الحرمه الجاده.. الذكيه.. الدلع ذا انا ما اطيقه
سما بهمس: مالك ساكته
سماح بهمس: اسمع من هالحكي الي يبرد القلب
سما بهمس: صدقتيني الان
سماح بهمس: صدقت.. خلاص ابي امشي

***************************

باليل بعد العشا


في الصالة
نور بهمس: سماح وينها
ساره: راحت الملحق
نور: بروحها
ساره: معاها خالد
نور: ماتبي تنتظر زوجها
ساره: شكله يانور البنت ماتبيه من صدق
نور: عاد ان عملتها وقالت ماتبيه حنا الي بنروح فيها
ساره: وليه ان شاء الله وحده وماتبي زوجها انتي ايش دخلك
نور: هالوحده هذي اخت زوجك.. وزوجها يصير اخوكي
ساره: والله ماحسبت هالحساب.. وانتي محسبه انه بيوتنا بتخترب من وراهم يعني
نور: والله ما ادري
ساره: ياشيخه خيالك راح لبعيد.. حنا مالنا بمشاكل اخوكي وزوجته.. حنا اهم ماعلينا امنا وابونا وازواجنا.
نور: ومشعل
ساره: مشعل اخونا بعد.. بس لا تتوقعي اني اخرب بيتي عشان زوجتة ماتبيه
جمايل: مالكم متكدرين كذا
نور: مشعل وسماح
جمايل: الكل خايف من هالشي
ساره: أي شي!! مالكم انتو عاملينها حكايه.. اكيد الوضع بيتغير
طيف: اكيد ان شاء الله.. لا تقلقو انتو بس
ساره: المفروض اننا نفرح.. مشعل وعايش وراجع بعد كم دقيقه.. انتو جالسين تتناقشو في مشكله تخصه هو وزوجته.. حنا مالنا دخل بها.. سمعتي يانور
نور: اه .. اكيد
سما: مالكم جالسين كذا
ساره: الموضوع نفسه
سما: الله يعين
نور: انتي بعد قلقه
سما: اكيد.. هذي بعد اختي
هلا: جمايل امي تبيكي
جمايل: خير!!
هلا: ماني عارفه قالت لي نادي جمايل
جمايل: هي وين؟
هلا: بغرفتنا
جمايل: رايحه لها الان
سما: مالها خالتي
هلا: هههههههههههههه تبي تكلمها بس
ساره: والله!! لا تقولي صدق عاد مادرينا
هلا: ههههههههههههههههههههه
ساره بحده: انطقي قولي ايش تبي فيها
هلا: امك ما نادتك تكلمك وقت الي فهودي جا خطبك
ساره: اهاااااااااااااااااااا ايوا
سما: هههههههههههههههه
طيف: ايش الي في قولو لي
نور: اسكتي انتي اذا جا دورك امي تناديكي
طيف: يعني الان انا طلعت من الحسبه.. طيب انا زعلت
سما: ههههههههههههه تزعلي من اليوم لبكره.. هالكلام ماينقال الا للوحده الي بتتزوج
طيف: اهاااااااااااااااااا
ساره: اشوفك عارفه!!
طيف: مالك دخل
ساره: الا لي تراني اروح لخالتي واعلمها.. ايش يفكك منها
طيف: هاه وريني ايش تقدري تعملي
نور: وتتحدي كمان
طيف: ايوا اكيد.. الي تبونه اعملوه
ساره: شوفي اذا ماقلتي تراني لافه ذراعي حول رقبتك.. وشوفي الي يفكك عاد
طيف: هههههههههههههههه تعرفي اني اتدغدغ من رقبتي؟
ساره: هاه عارفه جمايل قالت لي
طيف: ههههههههههههههه شوفي ان قربتي لي تراني بنده لبوعذبي
نور: ماتقدري
سما: بسكر الابواب حتى مايسمع صوتك.. ترانا ناوين عليكي
نور: ونية الشر
ساره وهي تلف ذرعها حول رقبة طيف: اقول انتي وياها جالسين تترجو فيها.. اتركوها لي انا اعرف كيف اخليها تنطق
طيف: لااااااااااااااااااااا خلاااااااااااااااااااااص ههههههههههههههههههههههههههه تكفين
ساره: ههههههههههههه قولي يلا
طيف: لا
نور: هههههههههههههههه قولي عاد
ساره: سيبك منها خليها لي
طيف: عشاااااااااااااااااني ماني قاااااااااااااااااااااااااااااادره خلاااااااااااص
سما: خلاص ايش بتقولي؟
طيف: لا طبعا
ساره: خلوها والله ما اتركها الا اذا انطقت.. تعاند ساره
طيف: هههههااااااااااااااااااااا سااااااااااااااااااااره بموووووووووووووت
ساره: مافي ما اتركك قولي منين تعرفي
طيف: ههههههههههههه خلاص خلااااااااااااااااص بقول
نور: اتركيها بتقول
سما: هههههههههههههههههههه يلا اشوف قولي
طيف: اممممممممممممم
ساره: مافي اممممممممممممم
طيف: خلاااااااااااااااااااااااااص امي.. امي قالت لي
نور: امك!!
طيف: اه اه اه الله ياخذ بليسك ياساره قطعتي نفسي
سما: لا من جد متى قالت لك
طيف: تقدري تقولي من قبل لا تموت بشوي.. يمكن لما حست انها خلاص بتروح.. قالت لي.. ووصتني اذا جا دور جمايل اقعد معاها واقول لها
ساره: الحمدلله
طيف: ايوا الحمدلله
ام مشعل: قومو يابنات.. اخوكم وصل

***************************

عند باب الفله

سما


لما وصل مشعل كانت الاجواء هاديه مره.. ماحد كان منفعل الكل كان ماسك اعصابه.. امسكه يحيى من ذراعه وقربه من عمي بومشعل.. الي بدوره خذه لحضنه.. مشعل كانت عيونه زايغه مبين انه كان يدور على سماح.. لما لمحني هدت روحه وظل يناظرني مبتسم.. دنا منه يحيى وقال له هذي زوجتي سما.. زوجتك سماح تلاقيها اخذت الدوا ونامت.. هز راسه وراح يسلم على الرجال هزاع وعادل وسامي وخالد وفهد وسالم وفيصل ومحمد والدكتور عبدالكريم الي وصل متأاخر.. عمي سلطان وصل قبل الدكتور بشوي.. حضن عمي مده.. كنت عارفه انهم يبكون.. المنظر كان مره مأثر.. والاعصاب كانت مشدوده.. سلطان الي كان مختفي كل هالفتره.. اتضح انه مانسى الموضوع وانه عمل المستحيل حتى يوصل لخليل وعصابته.. كان سعيد وهو يقول لعمي.. هذا هو مشعل يا بومشعل.. ربك رحيم بعباده وانا اخوك.. عمي من فرحه بمشعل كان وده ياخذه بحضنه ومايفكه.. بس منع روحه عشان عارف ان مشعل متوتر.. مشعل كان يبي يدخل ملحق الرجال.. بس يحيى سحبه لحد خالتي الي كان متردد يسلم عليها.. وهي ياعمري عليها كانت تبي تبوس الارض الي يمشي عليها.. سحبه يحيى ووقف متخشب قدام امه.. الي امسكت يده وباستها ودنت منه اكثر وصارت تبي تحضنه بس امسكت نفسها.. انا عارفه انه هالشي بيأثر عليها وعلى نفسيتها.. بس خالتي في هذاك الوقت صارت بقوة اول مره اشوفها فيها..يمكن عشان مشعل قدامها.. يمكن عشان وجوده حي بين يدها زاد من قوتها.. هي من نفسها قالت له" روح يما غير جو مع اخوانك".. يمكن هالجمله هزت مشعل كثير.. جلس يناظر فيها مده.. وبعدين قال ليحيى انه يبي يروح يرتاح.. يحيى خصص له ملحق لحاله حتى ياخذ راحته فيه.. وما حد يضايقه اذا بغى يجلس لحاله.. نور وساره ولينا.. كانو من جد في لهفه انهم يسلمو عليه.. بس حالته منعتهم.. كان باين عليه انه رافض الكل.. لما عرفه يحيى على البنات.. اكتفى انه يهز راسه بس.. وهم ياعيني عليهم انوجع قلبي على حالهم.. دخل مشعل الملحق المخصص له.. ودخلنا حنا الحريم الفله.. والرجال طبعا راحو ملحقهم
عدى هاليوم على خير.. صحيح انه يوم ثقيل.. وجاف خالي من المشاعر بس المهم انه عدى من غير أي مشاكل او أي توتر خصوصا من خالتي ام مشعل لانه الخوف كان عليها
المسكينه صحت من بدري.. وراحت تعمل الفطور لمشعل بيدها.. رافضه أي احد يساعدها حتى خالتي ام حسام.. نادت على لينا توديه.. انا استغربت من تصرفها.. بس بعدين عرفت انه في بالها خطه تزيح الحاجز الي بين ولدها وبين خواته.. الحرمه هذي على قد المصايب التي كانت بها.. على قد ما قوتها بانت لي متأخر.. عرفت وقتها ان الام قويه بعيالها.. وبكسرهم مكسوره وبعزتهم عزيزه.. تذكرت عمتي مريم انا ليه مافكرت اجيبها معانا.. هنا على الاقل اسلم لها من العيشه مع عمتي ام خالد.. هنا خالاتي بيحطوها بعيونهم وحنا بنعزها.. لازم اكلم سامي ويحيى

********************************

في الصباح

في ملحق مشعل


مشعل بحده: من انتي
لينا: بسم الله الرحمن الرحيم.. انا لينا
مشعل: ايش جابك هنا
لينا: جيت اجيب لك الفطور
مشعل: انتي مين
لينا: انا لينا
مشعل بحده: سمعت انك لينا.. ايش تقربي لي
لينا: انا اختك الصغيره
مشعل بهدوء: ليه ماضربتي الباب قبل لا تدخلي
لينا: لاني خفت تكون نايم.. وبعدين انا دخلت الصاله.. قلت بحط الاكل بسرعه وبطلع.. و .. و
مشعل: ايش؟!!
لينا: قلت ابي اطل عليك صحيح انه غلط وعيب.. بس انا كنت ابي اشوفك.. واتطمن عليك
مشعل: انت فرحانه اني هنا؟!!
لينا: فوق ماتتصور.. تعرف انه عيشتنا بدونك كانت ماهي عيشه
مشعل: مافهمت
لينا: امي من صار معاك الي صار.. افقدت النطق
مشعل: بس البارح تكلمني
لينا: تكلمت من شافت عيالك
مشعل: عيالي؟!!
لينا: تصدق مشعل.. من شافت راشد وهي تناديه مشعل.. عارف عاد انه مايشبهك ابد وانت صغير
مشعل: ومنين تعرفي شكلي وانا صغير
لينا: من الصور.. عندنا صور كثيره لك.. وفيه صوره كبيره بغرفة امي وابوي صحيح قديمه.. بس ابوي رافض انه يبدلها
مشعل: تشوفي العيال؟
لينا: اكيد.. هم عندي على طول
مشعل: انتي كم عمرك
لينا: 14
مشعل: مشا الله.. لينا ابي اسألك
لينا: اكيد عن سماح
مشعل: اه ايوا ايش عرفك؟
لينا: حنا نعرف كل شي.. اذا ودك اقولك ماعندي مانع
مشعل: ايش ودك تقولي
لينا: الي انت تبي تسمعه
مشعل بحزن: ولاشي.. انا عارف الي بتقوليه كويس.. المهم انا ابي اشوف العيال
لينا: من غير لا تقول.. انتظرهم يصحو بجهزهم وبجيبهم لك
مشعل: ومنين تعرفي؟
لينا: امي قالت لي.. "اخوكي محروم من عياله مثل ما انا محرومه منه..جهزيهم له يشوفهم.. انا قلبي ارتاح بشوفته"
مشعل: اه طيب
لينا: تعال اجلس هنا
مشعل: وين ساحبتني
لينا: لحد هنا على الطاوله ابيك تجلس وتفطر.. وانا رايحه اشوف العيال
مشعل: هم عند امهم؟!!
لينا: مشعل انت تعرف حالة امهم؟!!
مشعل: ايوا اعرف.. يحيى قال لي
لينا: قول لي ايش تعرف يمكن الي انا اعرفه غير
مشعل: انت تقصدي عن الادمان؟
لينا: بالضبط.. انت تعرف انه خطر على العيال يكونو معاها.. عشان كذا هم معانا
مشعل: من شوي تقولي عندك والان معانا
لينا: مشعل هم باغلب الوقت معاي.. بس نور وساره وسما حتى جمايل وهلا لهم نصيب .. مشا الله عليهم هذول اثنين
مشعل: حلوين؟!!
لينا: ياخذو العقل
مشعل: يشبهو سما؟!!
لينا: ايوا يشبهو سماحححححححححححح .. لاتنسى حرف الحاااااء
مشعل: ههههههههههههه تنكتي؟!!
لينا: ياحلو ضحكتك مشعل.. تعرف انك حلو مره
مشعل: حلو كيف؟
لينا: يعني عندك سن بارز يجعل ابتسامتك تجنن
مشعل: تتغزلي حضرتك
لينا: اتغزل واخذ راحتي بعد.. انت لسا شفت شي
مشعل: ايش بتوريني؟
لينا: ماهو انا لحالي.. بنوريكك الي بحياتك ماشفته.. لحد ماتقول بس ارحموني.. كافي دلع كافي ضحك
مشعل: ياسلاااام
لينا: منت واثق با ختك.. معلش تجي ساره وتوريك.. تراها تموت بطاريك.. انا ما اعرف كيف البارح امسكت نفسها هي ونور.. وماسلمو عليك.. انا واثقه انه اليوم بيخلصو حقهم منك
مشعل: بعد!!
لينا: شوف ياروحي.. بنات بومشعل.. يحبو الضحك والوناسه والقعده والسوالف.. مع شوية عقره وشوية سب يطرو الجلسه
مشعل: ههههههههههههههه عقره وسب
لينا: اكيييييييييييد.. انت استنى شوي وتلاقي الي يسرك.. مشعل
مشعل: نعم
لينا بدلع: اقدر انادي خواتي يجون يفرحو معاك شوي.. ماراح نطول صدقني شويه بس ونطلع صدقني صدقني.. وغلاة روحك عندي شويه بس.. الله يخليك لا تقول لا
مشعل: طيب طيب روحي ناديهم.. هم صحو
لينا: ايوا صحو وجالسين بالصاله ينتظروني اقول لهم عن اخبارك
مشعل: وبعد.. عاملين علي مراقبه
لينا وهي تحضنه: عارفه انك بتتضايق مني على هالحركه.. بس صدقني متى ماحسيت انه الناس الي حولك تحبك وعايشه عشان تشوفك.. يترتاح نفسك وبتعرف تبدل كل الي زاعجك من حياتك.. مشعل لاتنسى هالكلام.. حنا عايشين عشان انت عايش.. امي ماردت فيها الروح الا يوم يوم شافت عيالك بعيونها.. وعرفت بقلبها انهم عيالك.
مشعل يمسح دمعه من عينه: روحي نادي خواتك طيب
لينا: بسررررررررررررررررررعه وبجي

*****************************

في الصالة

نور: لينا تأخرت معاه
ساره: اتمنى انها تقوله الكلام الي حفظتها ياه
نور: اتمنى
ساره: تظني يكسر بخاطرها ويرفض قعدته معانا اليوم بعد
نور: ما ادري ساره.. تراني على اعصابي
ام مشعل: يا حلو هالصباح يما.. كيف حالكم
ساره: هذي تدندن.. يما هذي انتي امي ولا مبدلينك بوحده ثانيه
نور: انتي ماتعرفي تمسكي لسانك.. خليها فرحانه
ام حسام: انا الود ودي اجلس اغني
ساره: يلا وانا مستعد انتي تغني وانا اطبل
سما: وانا اسخن الطارات
ام مشعل: ههههههههههههههههههههه
نور: الله ونصير طقاقات من الدرجه الممتازه
ساره: ايوه صح لا تنسو انه عندنا عرسين جايين بالطريق
سما: هههههههههههههههه صح لازم نستعد من الان لهالشي
نور: وهذي صدقت بعد.. وتبي تستعد
ام حسام: وانتي ليه معارضه.. خليها تفرح وتعمل الي هي تبيه
لينا: قووووووووووووووووومو مشعل يبي يقعد معاناااااااااااااااااااااا
ساره: ايوااااااااااااااااااااااا.. خطتي نجحت
نور: كفو عليكي جبيتها يابنت ابوكي
لينا: هههههههههههههههههه يلا تراه يجنن.. ضحكته تهببببببببببببببببل.. ابتسامته تسسسسسسسسحر تعالو تعالو شوفوها
ام حسام: مالك يا اختي.. قومي روحي مع البنات
ام مشعل: لا.. لسا بدري خليه يعرف خواته بالاول.. وجودي بيكون حزين.. انا ابيه ينبسط وبعدين بشوفه.. انا ودي اسمع ضحكته بس
ام حسام: اجل ابشري بتسمعيها.. دام الخبله ساره معاه بتسمعي ضحكته واصل لنهاية العالم
ام مشعل: هههههههههههه الله يسمع منك
سما: انا فرحانه لاجلك يما
ام مشعل: الحمدلله.. ربي ماقصر
ام حسام: يستاهل الحمد
سما: كرستين.. كرستين
عليا: انا جنبك عمتي امري
سما: عليا الله لايحرمني منك شوفي العيال اذا جهزوهم خليهم ياخذوهم لابوهم
عليا: حاضر عمتي
سوزان: عمتي سما
سما: خير سوزان
سوزان: عمي يحيى.. يدور عليكي
سما: حاضر بروح له
ام حسام بحده: انا كم مره قلت لك لاتنزلي قبل زوجك.. انتي متى بتفهمي.. ها
سما: هههههههههههه يما كان نايم.. وانا ابي انزل اتطمن على الي هنا
ام حسام: وانتي ايش عليكي بالي هنا.. صغار هم ولا مايعرفو يصرفو امورهم.. قومي روحي له بسرعه.. واياكي اشوفك عاملتها مره ثانيه
سما: حاضر حاضر.. اكلتينا.. مع اني عارفه انه بيسألني عنهم وعن اخبارهم
ام حسام بحده: انتي لسا واقفه.. روحي يلاااااااااااااا

*********************

في جناح يحيى وسما


يحيى بحده: انتي تبين يجيكي شي مايعجبك مني صح؟!!
سما: صح
يحيى: ها !!
سما: مالك
يحيى: تبين تجننيني انتي
سما: ايوه
يحيى يجرها لحضنه: الي بعمله مابيعجبك
سما بتحدي: ايش بتعمل يعني.. مااااااااااااااااا تقدر
يحيى: سما لا تتحديني
سما: اتحداك
يحيى: بخلي صراخك يوصل للكل
سما ترفع صوتها: اتحدااااااااااااااااااااااااااااااااك
يحيى يركض وراها يبي يمسكها: تتحديني ها.. والله ان مسكتك يدي ماراح تتركك
سما تهرب منه: هههههههههههههههههههههه اذا قدرت لا تتركني
يحيى: سما خافي مني.. تراني مجنون
سما: ما بخاف
يحيى: سمااااااااااااااا
سما: ايوااااااااااااااا
يحيى يمسكها: ها ايش بتعملي الان.. انتي بين يدي
سما: ولو ماتقدر تعمل شي
يحيى: تراني تاركك بمزاجي.. ماهو بكيفك
سما تحاول الفرار: اقول اعمل الي تبيه هههههههههههههههههههههههه
يحيى: يدغدغها: الي ابيه ها.. بشوف من بيعتقك
سما: ههههههههههههه يحيى هههههههههههههههه لا ههههههههههههه
يحيى: قولي اسفه حبيبي ما اعيدها
سما: ههههههههههههههههههه احلم بها ههههههههههههههه
يحيى: ماني تاركك غير لما اسمعها
سما: ههههههههههههه لا ههههههههههههههه ارحمني هههههههههههه
يحيى: اسمعها الاول
سما: هههههههههههه يحيى خلااااااااص هههههههههههههه والله بموت
يحيى: ماتموتي وانتي بحضني.. يلا اشوف ارحمي نفسك وقوليها
سما: ههههههههه ايش اقول
يحيى: اسفه حبيبي ما اعيدها
سما: ههههههههه هذا انت قلتها بدالي هههههههههه ارحمني عاد
يحيى: والله ابد انا ايش وراي.. ماعندي غيرك .. نجلس كذا لحد الليل
سما: هههههههههههههههههه حرااااااااااااااام ههههههههههههههه يحيى حبيبي با عيدها مره ثانيه ههههههههههههههه وثالثه ههههههههههههه ورابععععععععععععععععه
يحيى: ههههههههههههههه اعجبتني خلاص برحمك
سما: واي.. واي قلبي.. كان بيوقف
يحيى: هههههههههههههه مايوقف وهو بين يدي
سما تحضنه: اه اه قلبي يألمني
يحيى يلعب بشعرها: اهدي والالم يروح
سما: اه اه
يحيى: حتى مره ثانيه ماتعانديني
سما: ههههههه احب اعاندك
يحيى: وليه
سما تناظره بعيونه: احب شوف لهفتك علي
يحيى يبوس راسها: ماتشبعي من لهفتي
سما: ابد
يحيى: جعلك ماتشبعي
سما: ول هذي دعوه عاد
يحيى: اكيد ايش مفكره اقولك.
سما: ما ادري بس انا ودي اقولك
يحيى: خير
سما: اممممممممممم خلاص بطلت ما ابي اقول
يحيى: لا بتقولي
سما: اممممممممم لا
يحيى: بتقولي.. لادغدغك مره ثانيه
سما: لا هههههههههههههه
يحيى يحملها بين ذراعه: اكيد مابتقولي.. اقول عيدي حساباتك
سما: لا لا لا
يحيى رايح معاها لغرفة النوم: بشوف مين يقول لي لا.. ومين بيقدر يمنعني.

************************

في ملحق الرجال

هزاع: صباحك الخير
بومشعل: صباحك الورد
هزاع: ابي اتكلم معاك
بومشعل: اخييييييييييرا.. وانا ناطر انك تجي وتتكلم معاي
هزاع: يعني عارف في ايش بتكلم معاك
بومشعل: اكيد
هزاع: انا محرج اتكلم معاك.. انا عارف انه الموضوع حساس.. وانت طرف رئيسي فيه.. بس مافي احد غيرك اقدر اتكلم معاه
بومشعل: وانا اسمعك
مرزوق: عمي بومشعل
بومشعل: خير يامرزوق
مرزوق: الدكتور عبدالكريم وصل.. راح يتطمن على عمتي سماح.. وقال لي بيخلص وبيجي يفطر هنا
بومشعل: قوله ننتظره
مرزوق: بس.........
هزاع: بس ايش؟ ايش صاير
مرزوق: جايب معاه اشياء لها العجب.. ويبيكم تساعدوه فيها
هزاع: ايش هالاغراض؟
مرزوق: العاب هههههههههههههههههه
بومشعل: وايش الي يضحكك
مرزوق: سامحني عمي.. يقول العاب عشان تلعب انت معاه
هزاع: ههههههههههههه وايش هي هالالعاب
مرزوق: ههههههههههههه والله ماني قادر امسك نفسي من الضحك.. تعالو معاي شوفوها

***********************

برا الملحق في الساحه


بومشعل: ايش ذا.. انجنيت انت
عبدالكريم: ياخوي ابي اغير من هالحزن الي معشش بقلوبكم.. اسمع خلينا نثبت هالالعاب بالساحه.. وبعدين ننادي العيال
بومشعل: يا خوي يحيى لازم يعرف بالاول
عبدالكريم ماعليك منه.. انا معاه نتفاهم
بومشعل: لا لا انا ماني معاك بهالشي
عبدالكريم: مرزوق
مرزوق: سم عمي
عبدالكريم: يحيى وين؟
مرزوق: لسا ماصحى عمي
عبدالكريم: كيف يعني الساعه 9:30 ولسا ماصحا.. بدق عليه
بومشعل بهمس: عبدالكريم.. يمكن مع زوجته.. مالك اذا صحا نقول له
عبدالكريم: زوجته معاه العمر كله.. ماعليك منه
بومشعل يمسك يده: والله ماتتصل
عبدالكريم: يارجال!!
بومشعل: اقولك ماتتصل.. خلصنا تعال ارتاح وافطر وبعدين يصير خير
عبدالكريم: طيب

**********************

في ملحق الرجال

خالد: ايش هالعمال الي برا.. وايش هالالعاب
بومشعل: الدكتور جايبها معاه.. يقول علاج للكل
خالد: خير ما فعلت تصدق اننا محتاجين لهالشي
عبدالكريم: تقول العمال يشتغلو!!
خالد: ايوا
بومشعل: كيف ويحيى لسا ماصحى.. وماقلنا له.. زين كذا يا عبدالكريم.. حنا ضيوف ياخوي محنا اصحاب هالمكان حتى نعمل الي نبيه.. وبعدين يحيى اكيد له فكره ثانيه لهالمساحه غير الالعاب الي جايبها انت
هزاع: كان لازم نستأذن منه يادكتور
عبدالكريم: ايوا بس انا ما عطيت اوامر للعمال حتى يبتدو
بومشعل: فيصل
فيصل: سم عمي
بومشعل: نادي مرزوق ولا عذبي
فيصل: حاضر
عبدالكريم: بيذبحني هدوئه من صدق.. هو متعقد من شي!!
بومشعل: اقول سيبك منه وخلينا بالموقف المحرج الي حطيتنا فيه
عبدالكريم: يارجال انت محرج من ولدك؟
بومشعل: ايوا ولدي بس ما العب بحلاله من غير لاقوله
مرزوق: خير عمي
بومشعل بحده: مين قال للعمال يبتدو شغل
مرزوق: عمي يحيى
عبدالكريم: هو صحى؟
مرزوق: ايوا.. دق علي يبي كم شغله.. وقلت له عن الالعاب.. قالي خلي العمال يبتدو
بومشعل: والله فشله
عبدالكريم: لا فشله ولا شي.. انت مكبرها بس
هزاع: ويحيى وينه
مرزوق: ما اعرف عمي
خالد: طيب يامرزوق.. قول لهم يجهزو الفطور للدكتور
مرزوق: جاهز عمي جايين وراي

************************

في ملحق مشعل

ساره: ايش كل ذا
مشعل بحده: بعدي عن الشباك
ساره: ماني واضحه تعال شوف
مشعل: ولو بعدي عن الشباك
ساره: حاضر ياروحي
نور: شوف مريم تناظرك
مشعل: خذي راشد.. وعطيني مريم
ساره: ودي اعرف امي كيف اعرفت انهم عيالك
لينا: والله مايشبوه والله
نور: قلب الام يا حلوات بكره اذا جبتو عيال بتعرفو كيف عرفت انهم عياله
مشعل: وانتي بأي شهر
نور: الثالث وداخله على الرابع
مشعل: الله يسهل لك
نور: تسلم لي.. عاد عارف اني كنت ناويه اسميه مشعل
ساره: ليه ما اتفقتي مع سامي تسمي راشد
نور: في البدايه ايوا اتفقنا.. بس بعدين قلت له عندنا راشد بدل الواحد اثنين.. خليني اسمي مشعل.. وافق على طول
مشعل: انا غالي كثير عندكم كذا؟
لينا: غالي وبس.. وخصوصا بعد هالابتسامه الي مجننتني.. اقول انك عشقي
مشعل: هههههههههههههه عن طول اللسان
ساره: طول لسان.. ترانا مانسمع لها صوت.. هذا بس عشان انت هنا.. ولا هي بالعاده ساكته على طول
نور: هههههههههههههه زي ناس
ساره: هههههههههههههههههههه ول.. تخيلي يكون نصيبها معاه
نور: ههههههههههه بيكون بيتهم بيت الطرمان
مشعل: ههههههههههههههههههههههههه من هو ذا الي تتكلمو عنه
لينا: ماعليك منهم.. هم يقصدو فيصل ولد عمي راشد.. بس انا بطلع اذكى منهم.. ماني غبيه زي نااااااااااااس
نور: ههههههههههه لا صدق طلع لها صوت
ساره: قول لي ايش اخبارك؟
مشعل: كويس
ساره: الحمدلله
نور: تحس بوجع
مشعل: وجع بسيط
نور: الله يزيح عنك هالوجع.. ويبدله بضحك.. وسعاده يارب
ساره: يارب
لينا: ايوا يارب
مشعل: سما كيفها؟
لينا: سماححححححححح
مشعل: هههههههههههه سماح
ساره: بخير.. تتحسن
مشعل: تجيب سيرتي
نور: حنا مانجلس معاها.. واذا جلسنا ماهو لحالنا
مشعل: مين يجلس معاها
ساره: سما اكثر شي.. والباقي موزع بين اخوانها
مشعل: سما هذي توئمها
نور: ايوا
ساره: كيف عشت معاها طول هالسنين من غير لا تعرف انه لها توئم
مشعل: سماح خبت على اشيا كثيره.. من حقها تخاف على عيلتها
نور: تحبها؟!!
مشعل: زوجتي وام عيالي كيف ما احبها
ساره بخبث: وعشان هي زوجتك وام عيالك بس تحبها
مشعل بحده: تراني عطيتك وجه.. يلا قومو واتركوني
ساره: ابيك تسمع مني يانور عيني.. حنا خواتك ستر وغطا عليك.. حنا عارفين بعشقك لها.. اذا تبي توصل لها وتخليها تغير الصوره السيئه الي براسها عليك.. اعمل الي اقول لك عليه
نور: اسمع منها ياخوي.. ساره تقدر تعمل اشيا كثيره.. بتساعدك صدقني
مشعل: ما ابي احد يساعدني.. ابي اجلس لحالي
لينا: مشعل.. حنا عارفين انه اول يوم تجلس معانا وتتعرف علينا.. اكيد لسا ما ارتحت لنا.. بس وغلاة عيونك.. وغلاة هالابتسامه الي عشقتها من اخوي وحبيب قلبي.. حنا ممكن نهد الدنيا بس نشوفك سعيد ومبسوط
ساره: اختك معاها حق.. اذا بغيت مننا اي شي.. لا تتردد انك تطلبه
مشعل يداري دموع عينه: الله يخليكم لي.. اتركوني الان
نور: حاضر.. يلا يا بنات

************************

[COLOR="Green"]تابعو في الجزء التاسع والعشرين

هزاع يتعرف على مشعل
مشعل يعرف هزاع!! ياترا يعرف انه سماح تحبه بعد!!
طيف تثير غيرة سماح
مين الغريب الي يدخل المزرعه ويلف جنب ملحق سماح

انا كمان عايزه العب اشمعنى هما يعنى

انا مالى

انا عايزه العب


بس فكره حلوه والله


وساره ام الافكار حلت موضوع عزله مشعل
وحل حلو ومريح

انا مستنيه اعرف حل الدكتور لاخ فيصل الصامت

مشكوره ايمى


جارى انتظار البارت القادم