كاتب الموضوع :
Emomsa
المنتدى :
الارشيف
الجزء الخامس والعشرين
في غرفة يحيى وسما
يحيى بحده: انتي شكلك ماتفهمي انا ايش اقول
سما: يحيى من غير صراخ.. الله يخليك اسمعني بس
يحيى بحده: ما خليتي فيني عقل.. جيتك بكل صراحه وقلت لك اغير اغيييييييييييييير تبين اذبحه يعني
سما: وانت شايفني معاه لحالي.. انت ماشفت المرميه الي مانعرف ايش فيها.. هو عارف وساكت
يحيى: يابنت انتي عندك بدل الرجال سته.. عندك ست رجال .. وزوجك معاهم كلهم حولك.. ماعندك عذر واحد يعطيكي الحق انك توقفي معاه وانتي لحالك مافي احد جنبك
سما: انا اسفه
يحيى بحده: انتي ايش؟ ايششششش؟
سما: يحيى اهدى شوي
يحيى بحده: وتقولي لا تمد يدك واضبط اعصابك.. انتي تبين تذبحيني صح.. لسا كنا نضحك وجالس اراضي فيكي حتى بس ترضي علي.. وجالس اعيد وازيد اني اغير اغيييييييييير وانتي تكسري كلامي وتخلي نفسك بنفس الموقف
سما: يحيى
يحيى بحده: ووجع
سما: لا تخوفني منك.. انت عارف اني ماقصدت.. انت عارف اني اموت بترابك واحبك.. وعارف ماهو انا الي ابي اضرك واحرق اعصابك.. هذي اخر مره صدقني.. غصب علي.. اعمل فيني الي تبي.. ما راح اقول لا.. منتبهت لنفسي خوفي على اختي نساني حالي.. اعذرني نسيت مشاعرك انت بعد.
يحيى: كملي
سما: انت عارف انه هزاع مايعني لي شي غير انه اخ وانا متربيه معاه.. بس لازم احاسب على تصرفاتي.. انا خلاص على ذمة رجال ومن حقه يغير علي.. انا عارفه هالشي زين.. وغلاتك عندي نسيت حالي ماهو قصد مني.
يحيى: كملي
سما: ابي اقولك اني متعوده اشيل المسؤليه حتى واخواني موجودين.. الان الوضع تغير اصبر علي شوي حتى اتعود على هالشي.. عارفه انه غلط ويضايقك بس صدقني غصب عني
يحيى: حلو انك عارفه هذا كله.. حلو انك مقدره اني رجال ولي احساس.. من حقي اغير على زوجتي من حبي لها.. خلي ببالك اني ما اشك فيك.. بس يطير عقلي اذا شفتك تتكلمي مع غيري.. حتى لو كان اخوك
سما بدلع: على كذا تغير من محمد بعد؟
يحيى ماشي عنها: ماهو وقت دلعك.
سما بخوف: وين رايح؟!!
يحيى: ماني طايقك.. ابي اطلع
سما بخوف: ها.. وغلاة سما عندك ماتروح.. اذا تبيني اموت وتدفني باكر اطلع عني
يحيى يجذبها من ايدها: لا تجيبي طاري الموت
سما بخوف: حاضر.. حاضر
يحيى: اكرهك
سما: اتحداك
يحيى: لا تتحديني
سما: اتحداااااااااااااااااك.
يحيى يناظرها بحده: قلت لك لا تتحديني
سما: ما اقدر ما اتحداك.. احب اتحداك خصوصا بحبي
يحيى: بتخسري ياسما
سما: مابخسر حبك ابد.. حتى لو لسانك نطقها عارفه انك تحبني
يحيى: اقدر اطلع واتركك.. واسيبك مثل ماكنتي تطلبي مني اني اتركك
سما: وانت كنت مفكر اني صادقه بكلامي
يحيى: يعني ايش؟
سما تطوقه بيدها: يعني انا احب زوجي واموت عليه.. بس ما احب الي عمله معاي.. قلت بطلع عيونه شوي واشوف ايش ممكن يعمل حتى يشتري رضاي.. وكل مره اشوف روحي بضعف قدامه.. اقوم واهرب منه.. وهو باسلوب راقي يبتعد عني يخاف على زعلي
يحيى: فكيني
سما: احلم
يحيى: ابتعدي عني
سما: باحلامك
يحيى: سما
سما: روح سما ياحبيب سما
يحيى: ابتعدي عني.. احسن ما اوجعك
سما: اممممممممممممم تقدر؟
يحيى: انا شاطر بهالشي تحبي تجربي
سما: امممممممممم اذا يريحك ويطفي قهرك فيني مستعده
يحيى: مستعده لايش؟
سما: للي يرضيك
يحيى: ابتعدي عني طيب
سما: لا.. ما ابي.. ابي حضني.. ابي احس اني ملكه بعرشي.. ممكن
يحيى: اكيد ممكن بس بعديها بتركك وبمشي
سما بزعل: كذا؟
يحيى جاد معاها: ايوا كذا
سما تبتعد عنه: انا اسفه من جد.. اعذرني.. بروح اشوف العيال وبرجع.. اذا بغيت بنام معاهم.. اكيد منت طايق تشوفني
يحيى: اعملي الي تبينه
*****************************
سما
~ انا غلطانه جنيت عليك يانبضي.. هالمره انا الي غلطانه.. ياعيني عليك يانبضي.. تعبتك معي.. سرعتك زادت.. كنت سعيده وانا اشوف لهفته على رضاي.. زدت بدلعي.. كان لازم اراعي الظروف الي حنا فيها.. زدت بدلالي عليك يايحيى.. خربت بيتي بيدي.. قبل كنت انا الي زعلانه على نفسي.. الان زعلانه عليك.. غبيه كيف منتبهت كيف.. غبيه خليت نفسي بمحل يسمح له انه يشيل علي بدل مايدلعني.. ياربي كيف بنام الليله.. وينك يا يحيى.. ودي انام بحضنك الليله.. بس اكيد بتصدني.. ضايقه الدنيا فيني.. وين اروح.. مالي مكان غير حضنك يا يحيى ~
يحيى: تطمنتي على العيال؟
سما بخوف: خوفتني
يحيى: عادي خوفك صار عادي.. يمكن حاسه انه غلطتك كبيره وخايفه اذبحك
سما: غلطتي كبيره هذا صح.. بس تذبحني اممممممممم اشك
يحيى: اتركي مريم من يدك ويلا
سما: اقول لك اشك
يحيى بملل: اللهم طولك ياروح.. تشكي بايش
سما: يعني بتقدر تذبحني
يحيى: سما.. ماني رايق اتركي البنت ويلا عشان تنامي.. انتي ما ارتحتي اليوم
سما: خايف علي؟
يحيى: عشانك على ذمتي بس.. لازم اهتم فيكي
سما: ماهو عشان تحبني؟
يحيى: اللليله لا ما احبك.. متضايق منك
سما بحزن: طيب تقدر تروح تنام لا تشغل بالك معي.. بظل مع العيال شوي
يحيى بحده: اتركي البنت وامشي معاي.. ولا بتعاندي بعد
سما بحزن شديد: لا ما بعاندك.. حاضر.
يحيى بحده: يلا
***************************
عند الجسر
عادل: لسا تفكر
هزاع: وانت شايف انه عندي غير هالشي اعمله
عادل: انت ليه متضايق كذا
هزاع: عشان راسي يلف وماني قادر اتصرف
عادل: انت مفكر ترتبط فيها؟
هزاع: خليني استوعب الاول.. وبعدين افكر
عادل: بيني وبينك ياخوي.. ما انصحك حتى تفكر
هزاع: وليه عاد.. هذي حبي
عادل: حبك منين.. متى صار هالشي يا هزاع.. لسا كنا بسما.. الان بسماح؟
هزاع: عادل لا تزيدني ياخوي
عادل: ياخوي انا ما اذم بسماح.. بس هالشي انساه.. البنت متزوجه وعيالها معاها.. ومشاكل الدنيا تحيط بنا.. اشغالنا وحالنا واقفه.. وانت جالس تغني على سماح.
هزاع: ياعادل.. انا ماقلت اني اعشقها.. انا مصدوم انها حبي
عادل: ايوه الان مصدوم.. وبكره تقرر.. وبعد بكره تطلب يدها.. وبعديه تندم
هزاع: وانت ليه رافض سماح كذا
عادل: عشان سما.. انت طلبت سما.. وجاي تفكر بسماح.. الموقف سخيف
هزاع: صدقت
عادل: المهم انك تقتنع وتقنع قلبك بهالشي.. لا تحرجنا مع عيال عمتك.. كفايه الي حنا فيه
هزاع: وسماح.. المسكينه ايش ذنبها بذا كله
عادل: مالها ذنب ياهزاع.. مالها ذنب.. بس الوضع يجبرك انك تبتعد.. والله ماهي حلوه.. ايش تبي يقولو عننا
هزاع: انا اتكلم عن البنت.. وانت تعيد علي ايش بيقولو عننا.. يا اخي يقولو الي يقولوه.
عادل: ايوه هذا الي خايف منه
هزاع: اكتم على الموضع.. وانساه
عادل: اكيد اني بنساه.. اساسا ماله مجال للتفكير
هزاع: روح نام واتطمن
عادل: وانت؟
هزاع: يلا قايم وراك
عادل: وبتنام.. التفكير ذا ارميه وراك.. اتفقنا
هزاع بحده: وانت شايفني واحد من عيالك بتمشيني على كيفك؟
عادل: انا ماقلت كذا.. بس اذا تركتك تمشي الي تبيه.. بننطرد من هنا على حسك
هزاع: ههههههههههههههههه
عادل: ايوا كذا سمعني ضحكك صار لي زمان ماسمعتك تضحك
هزاع: تشوفني ماني رجال ما اعرف السنع؟
عادل: من قال كذا.. انت سيد الرجال ياخوي.. اياك اسمعك تقول كذا مره ثانيه
هزاع: قوم طيب انت محتاج للنوم.. لا تخليني اسهرك معاي..
عادل: سهران مع روحي الي ما ابيه كل شوي يتعرض لصدمه تهز من قوته.. اذا ماخفت عليك اخاف على من.. من لي غيرك سند بهالدنيا ياخوي
هزاع: الله لايحرمني منك يا عادل.. يلا يا حبيبي.. خلنا ننام
**************************
في الصباح
في الصاله
يحيى: صباح الخير
ام مشعل: صباح الخير.. مالك ياحبيبي ليه وجهك تعبان كذا
يحيى: مانمت يما.. انتي كويسه
ام مشعل: كويسه ياروح امك.. ليه مانمت ياروحي.. ايش الي مضايقك
يحيى: شوية ضيق.. ويروح لحاله
ام مشعل: من ايش الضيق يما.. قول لي من ايش.. تعال ياحبيبي اجلس جنبي.. عليا
سوزان: عمتي انا هنا امريني
ام مشعل: جهزي الفطور لعمك
يحيى: لا يما ما اشتهي بروح اشوف شغلي عندي شغل كثير
ام مشعل: مايمنع انك تاكل يما.. انا بجلس معاك ياحبيبي.. ولا انا ما افتح شهيتك مثل ناس
يحيى: اه ايوا.. لا يما انتي الخير والبركه
ام مشعل: انتي زعلان معاها صح؟
يحيى وقف بيمشي: لا يما حنا بخير هذي مواضيع الشغل الي مضايقتني
ام مشعل تمسك يده: قلبي يقول غير كذا يما
يحيى: ريحي قلبك ياروحي انا بخير
سما بضيق: صباح الخير
ام مشعل: صباح الخير يما.. وين رايحه يما
سما بحزن: المطبخ يما بجهز ليحيى الفطور قبل لا يطلع
ام مشعل: مالكم يما.. وجوهكم تقول انكم متخانقين
يحيى: لا يما ايش متخانقين.. حنا بخير
ام مشعل: طيب قولي واقولك عنها.
يحيى: ايش اقول لك يما؟
ام مشعل: اسألني عنها وانا اجاوبك.. انتو لسا باول حياتكم يما.. اكيد لسا ماعرفتها.. وهي بعد لسا ما اعرفتك.. يا حبيبي ياروحي انت.. عادي اذا صارت مشاكل بين الاثنين.. بس بغرفتهم بينهم بين بعض.. ماهو كذا انت نازل وهموم الدنيا على راسك.. وهي شكلها جسد بدون روح
يحيى: بعيد الشر عنها يما
ام مشعل: تحبها يما؟
يحيى: اموت بترابها
ام مشعل: هي بعد يما.. تحبك ما تتخيل قد ايش.. انت لو تعرف كم واحد رفضته قبلك.. كانت تقول زوجي غير.. لو تعرف فرحتها يما يوم الملكه.. يا يما انا بحياتي ماشفتها تضحك غير معاك.. اذا فيه شي مضايقك من تصرفاتها قول لي وانا بعلمها من غير لا تحس انك قلت لي.. يا يما انا اعرف اتصرف.. وبعدين انت روحي بشوف مصلحتك بالاول يايما.
يحيى: عارف انها تحبني.. بس ماهي عارفه كيف توصل لي هالشي.. ماهي مستوعبه انها بحمى رجال يقدر يحميها.. تحسسني اني مقصر معاها.. معتمده على حالها بكل شي.. انا مالي وجود بحياتها ابد
ام مشعل: هي دلوعه يما.. لا تنسى انها بنت بين 6 رجال الله يحفضهم.. ابوها معودها انها تكون الام والاب مع اخوانها.. راشد الله يرحمه كان شايف اهمال مريم الله يرحمها.. والثانيه ماتنلام حياتها تدمرت بعد سماح.. الام يا يحيى مايغمض لها جفن اذا ولدها تأخر عن رجعته للبيت خمس دقايق.. فكيف تتخيل انهاعاشت 18 سنه سماح ماهي بحضنها.. لا تلوم سما على حالها.. راشد رباها انها تكون كذا.. هي الام لهم.. البنت ياعيني.. ماتنام غير لما تتأكد انهم مرتاحين..
يحيى: طيب وانا.. انا وين من ذا كله.
سوزان: الفطور عمي
يحيى: سما وين؟
سوزان: بالمطبخ عمي
يحيى: ايش تعمل؟
سوزان: بعد ماجهزت لك الفطور.. جالسه تجهز الفطور للرجال.
يحيى: نادي عليها خليها تجي تفطر
سوزان: حاضر
يحيى: شفتي.. كل هالشغالات ماهم مالين عينها رايحه هي تعمل الفطور بنفسها
ام مشعل: يما حبيبي.. انا ايش جالسه اقول لك.. عطها وقت تتعود عليك.. تراني عارفه انكم لسا
يحيى: ها !!!!!!!
ام مشعل: ايوا عارفه.. وعارفه بعد انها تخاف.. وعارفه انها تحبك وماتعرف كيف تقول لك.. وعارفه انه امانها معاك.. بس ماتقول لك.. هي دايم تقول الفرح بحياتها قليل وفصير.. اكيد انها تخاف فرحها يخلص عشان كذا تداريه.. حاسب انها مالقت احد يعلمها هالشي.. انت موجود طول بالك عليها.. انت علمها.. تراك حبيبها.. اذا جا هالشي منك بيكون له طعم بحياة حرمتك غير
سما: يما فطرتي ولا لسا
ام مشعل: فطرت يما اجلسي مع زوجك.. بشوف مشعل ومريم وبرجع لكم
سما: يما منال ولينا معاهم
ام مشعل: انتي تحسبي قلبي بيرتاح اذا قلتي لي انه منال ولينا معاهم ابي اشوفهم بعيني
سما: براحتك
يحيى بضيق: افطري
سما: حاضر
يحيى: انا رايح الشغل.. يمكن اتأخر شوي
سما: اه.. طيب
يحيى: طيب ايش؟ مافي رد عدل حتى يفتح نفس الواحد على هاليوم
سما: حتى لو سمعت مني ماراح يصير الي اقولك عليه.. وبعدين حتى لو تدلعت عليك.. انت خلاص منت طايق مني كلمه
يحيى: تعرفي انك غبيه وما تفهمي كيف تتعاملي مع الناس
سما تبكي: اجل.. انا مابيك تتأخر زي البارح انا ظليت ادق عليك وماترد علي.. كنت بموت من الخوف عليك.. وانت من رجعت وانت تصارخ علي ومبهدلني.. كان نفسي انا ابهدلك على تأخيرك.. بس انت قلبت الزعل علي.. المشكله اني انا الي خليت نفسي بموقف سخيف.. بس............
يحيى: بس ايش؟
سما: ولا شي.. بتتغدى هناك؟
يحيى: يمكن
سما: كمان !!!!!
يحيى: وليه ان شاء الله.. جديده هالنغمه
سما: طيب انا مابيك تتأخر على الغدا ممكن
يحيى: انا ماني رايح اتمشى.. رايح عندي شغل.. ماني جالس العب
سما: طيب بتتصل على تطمني
يحيى: على خليل وجماعته؟
سما بحده: وانا ايش دخلني بهم.. ابي اتطمن عليك ممكن
يحيى بجفا: لا
سما: ....................
يحيى: مالك سكتي
سما وقفت: انا عملت كذا بحالي بغبائي
يحيى: ارجعي كملي فطورك
سما: شبعت ما ابي شي
يحيى: انتي ما اكلتي
سما: يكفي اني شفتك تاكل هذا المهم
طيف: صباح الخير
يحيى: هلا بالنور الي هل
سما: صباح الورد يا عمري.. نمتي كويس
طيف: الحمدلله.. نمت ماحسيت بحالي
يحيى: تعالي اقربي جنبي
طيف: مالك وين رايحه
سما: بجهز لك فطور
طيف: تعالي انا جالسه من الصبح وفطرت مع جمايل وخالتي ام مشعل
يحيى: والله اذا سمعتك تقولي خالتي بتبهدلك
طيف: اقصد امي.. امي ام مشعل
سما: اعذروني شوي
طيف: وين رايحه ولا عشان انا جيت
سما: لا حبيبتي.. انا كنت رايحه قبل لا تجين.. يحيى يبي مني شوية شغلات بروح اجهزها
طيف: خذي راحتك حبيبتي
يحيى: مرتاحه ياروحي؟
طيف: مرتاحه فوق ما تتصور
يحيى: تحسي بألم بجسمك
طيف: تصدق عاد نسيت وجع جسمي كله.. انا مبسوطه هنا مره
يحيى: هذا اهم شي.. انا الان مرتاح
طيف: يحيى ابي اكلمك بموضوع بس مستحيه
يحيى: مني انا.. هذا وانا حبيبك تستحي مني؟
طيف: مابي تقول اني اتدخل بحياتك
يحيى: حياتي هي حياتك.. ولا قررتي تشوفي لك حياة بعيده عني
طيف: ياليتني اعيش العمر كله معاك.. كفايه الي ضاع من عمرنا
يحيى: انسي ما ابي اتكلم عن ابوكي الان
طيف: ماهو عن ابوي.. الي هو ابوك انت بعد.. انا بتكلم عنك
يحيى: قولي ياروحي
طيف: انا سمعتك وانت تتكلم مع زوجتك الان
يحيى: صوتنا كان واضح كذا
طيف: صوتك انت بس.. اما هي انا ما سمعت منها شي
يحيى: بتقولي اني غلطان
طيف: حتى لو كانت هي الغلطانه.. ماهو مهم الان مين الغلطان.. المهم انكم تحبون بعض.. لا تخرب هالحب ياخوي.. انا بحياتي ما شفتك سعيد كذا.. مابي سعادتك تنتهي بسرعه
يحيى: ايش اعمل.. مجننتني
طيف: خفف من حدتك شوي عليها.. البنت مالها ذنب بالي شفناه.. كفايه عليها الي شافته.. لو ماتحبك ماتترجاك تجي على الغدا.. تبي الصراحه قطعت قلبي
يحيى: خليها.. تدلعت علي كثير.. خليها تتعود اني ماني كل وقت رايق لها ولدلعها
طيف: انت تكذب على طيف؟
يحيى: كيف يعني
طيف: انت اساسا تحب تدلعها.. انت الي تدلعها ماهي الي تطلب.. يا خوي انت تحبها لا تقسي عليها.. كل ماقسيت عليها.. هي كمان بتقسى عليك.. كل ما كنت حنون هي بعد بتجبر روحها تكون حنونه معاك.. هي بتغير من اسلوبها معاك من غير ماتحس بنفسها.. وبعدين هي الحرمه.. ايش ماتعمل.. هي الحرمه.. وبعدين هذي سما.
يحيى: انا عارف انها سما.. انتي جبتي شي جديد يعني
طيف: انت الظاهر منت حاسس بنفسك وتصرفاتك معاها
يحيى: مافهمت !!!
طيف: انت تتعامل معاها محسب انها ريم
يحيى بحده: ايش جاب هالسيره الان
طيف: تصرفاتك الي جابت هالسيره
يحيى بحده: قفلي على الموضوع ولا عاد تجيبيه ثاني ابد
طيف بقوه: غير من تصرفاتك.. ماراح اظل ساكته وانا اشوفك تهدم حياتك مع وحده عدله تسوى ثقلها ذهب.. انت فاهم
يحيى: بس انا ماجبت سي.............
طيف بحده: ولا كلمة.. ولا محسب انك كبرت علي.. يا يحيى انا طيف اذا اني طيبه هذا مايمنع اني لحد الان بقوتي ولو ماكنت كذا ابوك واخوانك ماخافو مني وعملو الي عملوه معاي
يحيى: طيف ان...............
طيف بحده: قوم شوف شغلك.. ما ابي اتكلم معاك الان.. ومثل ماقلت لك غير اسلوبك مع سما.. تراني انا الي بوقف بوجهك.. عشانها.. صحيح انك اخوي.. بس لو اني اشوف العيب منها مابسكت.. انت فاهم
*****************************
في غرفة فهد وساره
ساره: وانتي محسبه انها سعيده معاه
ام مشعل: كيف يعني؟
ساره: يما.. سما تحبه ما اختلفنا.. بس يحيى بعالم وهي بعالم ثاني.. يحيى قاسي عليها كثير
ام مشعل: هو يضربها؟
ساره: والله؟ سؤالك عجبني.. وانتي منتي منتبهه لوجهها يعني يوم حسب انها الي كانت مع خليل.. وليه البنت طاحت علينا وليه نقلناها المستشفى.. يما انتي وين
ام مشعل: قلبي على بنتي
ساره: ماني عارفه ايش عجبها فيه وحبته
طيف تضرب الباب: ممكن ادخل
ام مشعل: تعالي يما.
ساره: حيا الله من جا.. نورتي غرفتي والله
طيف: بنورك يا حلوه
ساره: نمتي كويس؟
طيف: نمت ماحسيت بنفسي
ساره: الحمدلله
ام مشعل: اخوكي مع زوجته يما
طيف: لا يما راح على شغله
ام مشعل: وسما؟
طيف: خليها يما شوي وبروح اتكلم معاها
ام مشعل: ليه في شي.؟
طيف: تعمليهم علي يا ام مشعل.. انا طيف.. وسامعتك معاه
ساره: طلعتي منتي هينه
طيف: هذا يحيى يا ساره.. اذا بقطع من جلدي عشان اسعده ما تأخرت.. هو الوحيد الي بعيد عن حضني
ساره: وليه الحمير اخوانك ما اطلعو زيه.. وبطيبته
ام مشعل بحده: بنت تأدبي بكلامك
طيف: اتركيها يما.. معاها حق.. مين يقدر يحترمهم وهذ تصرفاتهم
ساره: هم على كذا اخواني بعد؟ .. وع ما ابي
ام مشعل بحده: بنت ماتعرفي تنقي الفاظك
طيف: انا بهالسوالف ما اعرف اسألي الي رضعت
ام مشعل: وانا ايش عرفني.. انا من حبي لامك الله يرحمها.. وحبي ليحيى يوم جابته وشفت ابوكي متعلق ببو مشعل قلت ليه ما ارضعهم.. عاد هم اخوانك ولا لا انا ايش عرفني
ساره: وانتو قبل تيجو وترضعو لا تعرفو احكام ولا شرع.. ولا محارم.. فاكرين الدنيا سايبه
طيف: هههههههههههههههه
ام مشعل: انا قايله اني انا الي بذبحك
طيف: والله عسل.. تعرفي انه جمايل نسخه منك
ساره: اكيد رضعتها انا عارف حليب امي تأثيره يمتد لاجيال طويله
ام مشعل: هههههههههههههههههههه
طيف: هههههههههههههههههه الله يقطع شرك يا ساره
ساره: ياخوفي بس لا اكتشف اني اخت زوجي والله
ام مشعل: تصدقي عاد اني تذكرت اني راضعه سامي
ساره: لاااااااااااااااااا خليكي ناسيه احسن.. الله يخليكي نور تراها حامل.. اختي بتصير ام لولدها وعمته بنفس الوقت
طيف: ههههههههههههههههههههههه
ام مشعل: هههههههههههههههههههه بعيد الشر عنكم.. الله يحفظم ويبارك فيكم.
ساره: تعيشي يالغاليه..
سما: تاركيني لحالي اباري الي هنا.. وانتو جالسين ضحك وسوالف.. ناديتوني على الاقل
طيف: تعالي تعالي الجلسه مره حلوه
سما: خلونا ننزل البنات تحت عاملين جو حلو.. بروح اصحي سماح لسا نايمه.. يلا انا ناطرتكم تحت لا تتأخرو
ساره: شفتي قايله لك انا.. حتى في عز ضيقها.. ما بتترك احد يحس عليها
ام مشعل: الله يهدي مابينهم
طيف: الله كريم.
*************************
في ملحق سماح
سما: انتي ان شاء الله ناويه تقضي حياتك نوم.. يلا ياعسل الشمس طلعت انتي لسا تتقلبي بفراشك
سماح: ههههههههههههه
سما: ياربي تهبل هالبنت.. انتي على مين طالعه حلوه كذا
سماح: تعرفي محمد امس ايش قال لي
سما: ايش؟
سماح: يقول عيوني احلى من عيونك
سما: هههههههههههههههههههه تصدقي عاد.. كلامه صح.. عيونك احلى
سماح: والله؟ من صدقها هذي.. هو فيه شي مانشبه بعض فيه
سما: فيه
سماح: ايش؟
سما: اني صاحيه وانتي نايمه
سماح: ههههههههههههههههههه
سما: الله لا يحرمني من هالضحك
سماح: مالك؟ وجهك حزين اليوم
سما: ها !! قلق عليكي بس
سماح: انا بخير لا تقلقي
سما: جهزت لك الحمام خذي دش واطلعي حتى نفطر
سماح: لسا ما فطرتي؟
سما: انتظر حضرتك.. يلا ذبحني الجوع
سامي بهمس: سما
سماح: تعال حبيبي
سامي: صحيتي ياروحي؟
سماح: لا لسا نايمه
سامي: اجل تكلمي بشويش حتى ماتزعجي نفسك وانتي نايمه
سما: هههههههههههههههههههه
سماح بهمس: احبك
سامي بهمس: ياروحي عليكي
سماح: ههههههههههههههههههههه
سما: يلا يارايقه قومي
سماح: قمت
سامي: مالك اليوم؟
سما: سلامتك
سامي: فيكي شي.. ماهو على سامي
سما: لا تزعج حالك.. قل نوم
سامي: وليه مانمتي؟
سما: ارق
سامي: صاير شي بينك وبين يحيى
سما: ........................
سامي: عن هزاع؟
سما: ماهو هزاع بالتحديد.. هي غيره مش اكثر
سامي: ايوه فاهم.. زعلان عليكي؟
سما: كثير.. المشكله اني ما احاسب على وجوده
سامي: معلش تتعودي
سما: اه.
سامي: مضايقك انه زعلان؟
سما: عادي.. سامي.
سامي: روحه
سما: دق عليه وقوله انك ماشفته اليوم وتسأل عنه
سامي: من عيوني
سما: اممممممم الان
سامي: من غير لا تقولي.. هذا انا داق.. الو
يحيى: يا هلا والله
سامي: بالمهلي.. متى صحيت ما حسيت عليك
يحيى: معلش عندي شغل مستعجل
سامي: وصلت لشي جديد؟
يحيى: لسا.. انت وين؟
سامي: هنا
يحيى: عارف انك هنا.. هنا وين؟
سامي: ايوه لحد ماتقول وتخلص ان شا الله
يحيى: هههههههههههههههههههه سما جنبك اكيد
سامي: ايوه
يحيى: هي الي قالت لك تتصل؟
سامي: ايوه
يحيى: هههههههههههههههههه طيب لا تقول لها اني عرفت .. ايش اقول
سامي: امر
يحيى: تراني احبها
سامي: وانا بعد والله
يحيى: تقصد هي تحبني
سامي: ايوه
يحيى: هي قالت لك على خلافنا؟
سامي: انا مارضيت اتكلم الا يعني عارف انه الحكي طلع غصب مني
يحيى: سحبت الحكي منها؟
سامي: ايوه
يحيى: لا تقلق الليله براضيها.. انا عارف انها تحبني بس غصب علي.. ايش اقول
سامي: اسمعك
يحيى: انا ابيها تدلعني شوي.. ابيك تساعدني
سامي: هههههههههههههههههه ناوي ذبحي ياخوي الرجال الي هنا ماراح يعتقوني
يحيى: هههههههههههه ياحلوك ياسامي.. ايش رايك تشتغل معانا تراك تصلح
سامي: يحيى
يحيى: خير
سامي: ياخوي ترى قلبي تعبان.. ماهو وقت الي تقول عليه
يحيى: معلش اخلص الي بيدي واجيها انا عارف انها ما نامت
سامي: ياريت.. ابوك قلق مره انت عارفه
يحيى: المشكله ياسامي انه اليوم بالذات لازم اكون هنا.. من جد فيه اعترافات امس قالوها واليوم لازم نكمل معاهم
سامي: لا تضغط على روحك عارف انك مشغول انا بقول لعمي لا تقلق
يحيى: خلي بالك عليها
سامي: سما بخير.. ايش تحبها؟ عيب يارجال انا اخوها
يحيى: ههههههههههههههههه بتكبر راسها علي
سامي: عيني يا عيني.. وينها تسمع الحكي.. اقول استح هالكلام ماينقال لي
يحيى: هههههههههههههه كذا يا سامي
سامي: انت شكلك ماتستحي.. اقول دق عليها وسمعها هالكلام وعيب عليك.
حمد: يحيى يلا تعال بسرعه
يحيى: يلا حمد ينادي علي.. خلي بالك عليها
سامي: لا توصي.. سلام
سما بلهفه: ايش قال؟
سامي: ايش تنتظري؟ يقول انا احب اختك واموت عليها
سما: ليه ماني مصدقتك.. حاسه انك تلعب علي
سامي: والله العضيم قالها.. قال تراني احبها
سما: اممممممممم وبس؟
سامي: اقول لا تنسي حالك ان شا الله تبين اوصل لك ايش قال!! .. يجيكي اليوم وتسمعي منه
سما: بس هو طلع زعلان
سامي: والزعلان يراضونه ويرضى
سما: طيب ماقال متى يجي
سامي: يقول انه بيتأخر.. يقول امس صار فيه اعترافات.. واليوم لازم يتأكدو منها
سما: اه.. طيب
****************************
في الصاله
ام حسام: جعلك العافيه.. ايش اقول بس
هلا: وانتي على طول كذا.. قاعده تحرقي باعصابهم هم الثنتين.. خافي الله فيهم.. ماهو كذا عاد
ساره: انتي ايش حارق رزك.. انا معاهم كيفنا ليه تحشري حالك
منال: ياربي.. انتي ليه لسانك مايقصر.. شويه بس
ساره: والله ماتعرفو تعيشو بلاه
نور: هذي اذا اسكتت خمس دقايق.. احس الدنيا ظلمه
جمايل: هههههههههههههه عيني عليكي ياختي.. الكل عليكي
ساره: عادي ياروح اختك دامك على قلبي.. ولا يهمك من العذال
ام حسام: عذال يا ام لسان طويل
ساره: اقول اسمعو.. سيبكم من الضحك.. خلونا نتكلم جد شوي
طيف: أي والله شوية جد
ساره: نبي نعمل حفله بس حفله حلوه
نور: أي والله هذا الراي.. جات جمايل وطيف وسماح.. وحنا ما احتفلنا بهم
منال: ايش افكاركم؟
ساره: طيف تطبل وانا اغني وخالتي ام حسام ترقص
ام حسام: ارقص يا قليلة الحيا ارقص
هلا: هههههههههههههههه ماعملتها بملكتي بتعملها الان.. الله يقطع شرك يا ساره
ام مشعل: تعبت وانا اقول لسانك يابنت.. تعبت
نور: لا ومالقت غير طيف تطبل
طيف: هههههههههههههههه عاد انا مستعده
سماح: شوفي انتي قولي عدد الضربات وانا اضرب بدالك
منال تتريق: اقول فرحنا.. هذي فكره حلوه
لينا: خلونا نجرب يلا
جمايل: ماعندنا عدة
طيف: قولي لبوعذبي يجيب
جمايل: بدق على يحيى الاول
طيف: احسن بعد
سما بضيق: مشغول مابيرد عليكم
جمايل: انا بجرب ايش خسرانه
ام حسام: نور اجلسي عدل ومدي رجولك
نور: حاضر.. ليه ايش الغلط
ام حسام: يضر الجنين يما.. لا تضيقي عليه
ساره: هذا كله بطن انتي مفكرته ساكن بقصر
سماح: هههههههههههههههههههه
ساره: وانتي يالي كان محشور بداخلك اثنين.. كيف كان الشعور
سماح: احسهم يتخانقو على المكان.
طيف: اكيد يتخانقو انتي ضعيفه مره
هلا: اسعو تقول ضعيفه.. وهو التخينه بتوفر مجال اكبر يعني
طيف: انا ايش عرفني.. قلت بجرب حظي يمكن تطلع صح
ساره: هههههههههههههههه حاول مره اخرى
طيف: هههههههههههههه
سما: مايرد؟
جمايل: لا
طيف: سما الله يخليكي ابي اروح غرفتي
سما: حاضر حبيبتي
جمايل: انا اوديكي
ام مشعل: جمايل.. نادي لي عليا الله يخليكي
ساره بهمس: هههههههههههه ذكيه
ام مشعل: ومفكرتني خبله زيك.. خليها تروح مع طيف.. ان شا الله تقدر تغير مزاجها.. الله يجيب اخوكي بالسلامه.. حالتها ماتسر
ساره: الله يستر.. بحاول ادق عليه واجرب حظي
ام مشعل: دقي وخليه يجي
ساره: حاضر
*************************
بغرفة طيف
طيف: انا قلت نبتعد عنهم شوي شايفه مزاجك اليوم غير
سما: ماني نايمه كويس
طيف: ليه؟
سما: سلامتك.. سماح حالها ما يسر
طيف: سماح الحمدلله تضحك ومبسوطه اكثر مني.. وحالها الحمدلله من حسن الى احسن
سما: الحمدلله
طيف: بس سما الي ماهي كويسه
سما: لا عادي.. لا تشغلي بالك.. تجيني حالات كذا
طيف: عموما انا سمعت ايش قالك يحيى على الفطور اليوم.. واخذت حقك منه.. ماهو مهم عندي مين الي غلطان.. المهم انكم تحبو بعض وكل واحد فيكم ينتظر من الثاني حب اكبر.. ام................
ساره: سما ياروحي.. تلفون لك
سما: مين؟
ساره: حبيب القلب.. يسأل عنك
سما بلهفه: يحيى
يحيى بجفا: هلا سما.. انتي كويسه
سما بضيق: الحمدلله
يحيى: فطرتي ولا لسا
سما: الحمدلله
يحيى: ايش اكلتي؟
سما بضيق: ما اذكر
يحيى: هذا يعني انك ما اكلتي شي لحد الان.. سما
سما بحزن: نعم
يحيى بحده: اكلم مين انا؟
سما: معاك.. والله اسمعك
يحيى: ليه ما اكلتي؟
سما: ماني مشتهيه
يحيى: اسمعي.. ابيكي تنزلي من طيف وتاكلي شي وترجعي تكملي سوالف معاها.. مفهوم
سما بضيق: حاضر
يحيى: انتظر انه كلامي مايتنفذ
سما بضيق: لا ابشر بالي تبيه
يحيى: ماراح اقدر اجي على الغدا.. محتاج وقت الشغل الي عندي ما خلص
سما بضيق: ماشي
يحيى: تبين شي
سما: .......................
يحيى بحده: سمااااااااااا
سما: سلامتك مابي شي
يحيى بحده: تعرفي انا غلطان الي متصل اسأل عنك انا بعالم وانتي بعالم ثاني.. في من تفكري وانا اتكلم معاكي ها.. متى بتعرفي اني محتاج اهتمامك
سما وعيونها مليانه دموع: شكرا ساره
ساره: خلاص؟
سما تقوم ماشيه: ايوا سكر المكالمه.. طيف اعذريني.. انا تعبانه محتاجه ارتاح.. يمكن انام شويه
طيف: لاحول ولا قوة الا بالله
***************************
في مكتب التحقيقات
حمد: تغديت ياخوي؟
يحيى: لا ما اشتهي
حمد: مالك اليوم؟ منت طبيعي
يحيى: سلامتك الوضع الي انا فيه متعب
حمد: الوضع الي انت فيه متعب هذا اكيد.. بس اكيد فرحة الزواج تغطي عليه
يحيى: والله انك رايق
حمد: اعوذو بالله.. وليه قلبت وجهك كذا
يحيى: ايش صار على سعود
حمد: سعود موضوعه منتهي.. حكمه بيكون مخفف من 6 الى 9 سنين.. بس بالنظر الي شهادتك انه متعاون.. بيخفف الحكم عليه كثير
يحيى: انا ما ابي شخصيتي تكون مكشوفه له الان
حمد: لا توصي
يحيى: وصلت لشي مع خليل
حمد: قلت لك انساه هالكم يوم.. تبي الصراحه انا مستمتع بصراخه
يحيى: الكلب يستاهل.. اوجاعه ماتجي شي جنب اوجاعي
حمد: الله يصبرك ياخوي
يحيى: جهز لي غرفة التحقيق الي جنب غرفة خليل.. ابي نجمه تكون هناك وتسمع الصوت الحلو الي عاجبك وهي تجاوب علي اسألتي
حمد: ههههههههههههههه حرب اعصاب؟
يحيى: وتظن انهم عندهم عصاب حتى يخافو.. هذول ناس مافي قلوبهم رحمه حتى ترتجي منهم الخوف.. انسى.. انا العب على وتر ثاني
حمد: أي وتر؟
يحيى: جابر ولدها
حمد: اذا تقول انها ماتخاف ومافي قلبها رحمه.. تظن في قلبها حنيه على ولدها
يحيى: مهما كان هذي ام
حمد: رد على تلفونك
يحيى: تلفوني انا؟ الو
ساره: يحيى
يحيى: هلا حبيبتي
ساره: حبيبي انا ما بي اتدخل بينك وبينها.. ومابيك تعصب علي.. ادري اني كل شوي ادق عليك ومبعدتك عن شغلك.. بس
يحيى: خير ايش صار
ساره: يمكن انت ماتعرف انه سما تعرضت من قبل لانهيار عصبي اكثر من مره.. يحيى البنت دخلت غرفتها من سكرت معاها.. وشكلها يوجع القلب.. وغلاة امي عندك ياخوي.. كلمها.. والله ماني قاصره يصير عليها شي
يحيى بحده: وانتي تشوفي اني فاضي للدلع ذا
ساره: والله ماهو دلع من جد اكلمك.. لا تنتظر يجرا عليها شي.. وبعدين تندم ياخوي البنت ماهي قاصره.. حبيبي عشان امي
يحيى: اكمل الي بيدي واتصل عليها
ساره: خلاص ياحبيبي.. يحيى
يحيى: نعم
ساره: انت تغديت؟
يحيى: الحمدلله
ساره: هي ما افطرت ولا تغدت
يحيى: طيب طيب هذا انا داق.. سلام
حمد: ياخوي روح الان وارجع بعدين.. الكلاب وهنا وين بيروحو يعني.. خلص امورك مع اهلك وارجع.. منت خسران شي.. وبعدين لاتقلق على الي هنا.. الخدمه هنا عندنا 10 نجوم
يحيى: ههههههههههههههه اشوف نجمه بالاول وبعدين اروح
************************
في ملحق الرجال
محمد: سامي
سامي: نعم ياروحي
محمد: اختك حالها مايطمن
سامي: معلش هذي مخدرات وانا شارح لك الوضع كيف بيكون
محمد: اتكلم عن سما
سامي: سما انا عارف ايش فيها.. اسمع عشان ماتطولها معاي.. سما زعلانه مع يحيى شوي.. وهو مزودها معاها شوي.. يقول يبها تدلعه..
محمد: ها ؟؟؟؟؟؟
سامي: اهووووووو نسيت انك صغير.. اسمع هذي سوالف الرجال مع حريمهم اذا كبرت بتعرف انا ايش اقصد
محمد: بس هذي حالها تعبان
سامي: هههههههههههه اقولك دلع
محمد: يعني اتطمن؟
سامي: ايوا
محمد: طيب وسماح
سامي: مالها
محمد: حالها بيطول كذا
سامي: لا طبعا.. بس يبي لها وقت لحد هالسم مايطلع من جسمها.. وبعدين زي ماتشوف سماح قويه
هزاع: مالكم وشوشه انت وياه
سامي: سلامتك يسأل عن خواته
محمد: اشوفك ما تسأل عنهم انت بعد.. كأنهم ماهم خواتك
هزاع: خواتي قبلك بعد
محمد: اه صحيح نسيت انت موجود في الدنيا من زمان
سامي: ههههههههههههههههههه
فهد: ههههههههههههههههه محمد
هزاع: تضحك انت وياه
خالد: هههههههههههههه وانت مالقيت الا محمد تتدخل بشؤنه
هزاع: والله يا عزه صارت له شؤن بعد
سالم: اقول لا تكثر معاه.. تراك ماتقدر عليه.. ظهره قوي
هزاع: وهو بس الي ما اقدر عليه.. كلكم زيه وانا اخوك
فيصل: الا انا طبعا
هزاع: اوووووووووووووه انت هنا.. صباح الخير ياخوي
فيصل: صباح الليل بالخير
محمد: هههههههههههههه هذي حلوه
فيصل: قلت بوقف معاه انقلب علي.. هذا جزاي
هزاع: هههههههههههههههه منين متعلم هالجمله
فيصل: لااااااااااا وانت وين عن الدنيا.. قلنا انك كبير.. بس ماهي لهذي الدرجه عاد
هزاع: عاد هالجمله ما اخذناها بالمدرسه استاذ فيصل
فيصل: العيب من الاساتذه ياخوي ولا انت تلميذ شاطر
سالم: ههههههههههههههههههههه يلا جبته لنفسك هذا الساكت انقلب عليك
بومشعل: يلا ياعيال.. اتركوكم من السوالف ويلا اذان المغرب
**********************
في الصاله
نور: صح النوم
سما: ههههههههههههه من جد كنت تعبانه.. ماحسيت بحالي.. وانتو تاركيني نايمه كذا ماحد صحاني
ساره: روحي اسألي الباب المسكين اشتكى من كثر دقي عليه
منال: ايوه انا سمعته المسكين
سما: سماح وين؟
نور: اتعبت.. ونايمه
سما: من متى؟
هلا: من بعد الغدا
ساره: اقول الليله تراها حفله
هلا: جهزنا كل شي تقريبا
سما: ممتاز.. ايش جهزتو
ساره: حفلة شواااااااااااااااااااا
جمايل: وبوعذبي ماقصر.. جهز كل شي
طيف: والعجول مذبوحه
سما: اجل ايش تنتظرو يلا خليهم يبتدو اللحم بيحتاج وقت لحد مايستوي.. عارفه عندنا مفاجيع كيف نسكتهم
ساره: تقصديني انا.. ماشي طيب
طيف: ههههههههههههههههههه حرام عليكي ما ارضى على اختي
نور: حتى انا جعانه.. وولدي بعد
جمايل: عني انا مابوقف اكل
لينا: انا شايفه بوعذبي.. حط على العجول خلطه خاصه.. يقول بيعطيها طعم ولا اروع
هلا: واااااااااااااااااي هذا الحكي يشهي اجل كيف الاكل
طيف: عشان كذا قلنا عجلين
سما: منتو صاحيين.. عجلين عاد.. حرام هالاكل من بياكله
ام حسام: ماهو لنا لحالنا يما.. الشغالات والحرس لا تنسيهم
سما: هههههههههه نسيتهم.
محمد: روحي صحيتي؟
سما: صحيت ياقلبي
محمد: يلا قومي بوعذبي يبتدي
ساره: ايواااااااااااااااااا
منال: نور مالك؟
نور: لا عادي.. لسا احس بدوخه بسيطه احتاج شوية وقت وخلاص تروح
هلا: خليني ماسكتك
نور: انا بخير.. تجي وتروح
منال: امشي طيب
جمايل: يلا ياطيف
طيف: بجي مع سما
محمد: انا بروح اشوف سماح اذا صحت
سما: ماشي ياروحي
طيف: تعالي هنا
سما: خير ياروحي
طيف: انتي كويسه؟
سما: الحمدلله
طيف: انا ما ابي اكمل كلامي معاك.. ولا ابي ابتديه.. ابي اقول لك على قصه.. انت بعد ماتسمعيها تقرري كيف تتصرفي
سما: خير
طيف: بعد موت مشعل والمشاكل الي صارت ليحيى ابوي رضى انو يحيى يعيش مع جدي.. كان محسب انها فتره بسيطه شهرين او ثلاثه وبعدين يرجع لحضنه من جديد.. بس يحيى عاند الرجعه.. جدي كان ينفذ له كل طلباته.. حتى على حساب ابوي.. ابوي عاند هالشي ومنع يحيى من شوفتنا وشوفت امي.. الي تعبت من هالشي كثير.. يحيى ماشاف امي من طلع من البيت.. ماعاش معاها وماحس بحنانها.. وحتى يوم توفت.. ابوي منعه يحضر عزاها.. سنين عمره عاشها لوحده.. وحيد وهو عنده اهل كأنه مقطوع من شجره.. اخواني لما زادت مشاكلهم.. كانو محسبين انه يحيى له يد بكل شي يصير معاهم.. قررو انهم يعرفو كل تحركاته.. حطو بطريقه وحده اسمها ريم.. بنت ليل.. يحيى ما كان يعرف عنها شي.. الي يعرفه انها بنت عيله.. وتحبه.. تعلق فيها كثير.. كان يبيها تعوضه عن الي شافه بهالدنيا.. كانت دايم تسأله عن اخباره.. وتتقصى كل شي عنه.. وهو طبعا
سما: يقول لها على كل شي
طيف: هههههههههههه اجل ماعرفتي يحيى.. يحيى مستحيل تقدري تعرفي عنه أي شي الا الي هو يبيكي تعرفيه.. البنت كثرت اسألتها.. وشك فيها حاول انه يراقبها ماقدر.. كانت الحركه حولها صعبه.. قال لها على خبر.. قال لها انه بيخطب بنت واحد من اصحاب ابوي الي هو على علاقه كويسه فيه.. البنت سكرت من عنده ودقت على بسام وقالت له.. راح على ابوي وقال له.. وابوي بدوره دق على صاحبه يستفسر منه.. وصاحبه كذب الخبر طبعا.. وبحكم علاقته القويه بيحيى.. دق عليه وقاله انه ابوي اتصل يسأله عن هالخبر بعديها
سما: خلاص لا تكملي
طيف صدقتي.. التكمله ماهي مهمه.. بقدر انك تفهمي زوجك ايش محتاج له
محمد: يلا عاد.. انتو لسا تسولفو
طيف: يلا يما جرني يا حبيبي
سما: وانتي مصره تناديه يما ليه.. انا الي مربيته ما اناديه كذا
طيف: لاني لو تزوجت بدري كان عندي ولد بعمره.
****************************
في ساحة الشوا
سما: سامي
سامي: ياروحي
سما: دق عليه شوفه.. سأله اذا تغدى
سامي: وانتي ليه ما تدقي عليه؟
سما: يمكن اضايقه.. شوفه متى بيرجع
سامي: حاضر.. الو
يحيى: هلا وغلا
سامي: اخلص.. كأنك من زمان ما شفتني
يحيى: هي جنبك؟
سامي: ايوا.. تغديت ولا لسا
يحيى: هي قالت لك تدق علي؟
سامي: هذا اكيد.. بوعذبي ماقصر
يحيى: وليه مادقت هي علي؟
سامي: بوعذبي يقول عشان مايضايقك.. ولا يبعدك عن شغلك
يحيى بحنيه: هي قالت؟
سامي: اكيد طبعا.. اخلص تغديت ولا لسا
يحيى: ماني مشتهي
سامي: طيب خلصت ولا لسا
يحيى: باقي شوي
حمد: يا اخي قلت لك من الصبح روح وانت منت راضي
سامي: مين ذا يا يحيى؟
يحيى: صاحبي حمد.. عندك وحده له وتفكني منه
سامي: هههههههههههههههه .. بقت عندي مريم من سماح يبيها؟
يحيى: هههههههههههههههههههههه
سما بهمس: هو الي يضحك؟
سامي: ايوا
يحيى: يا حبي لها هي الي تسألك؟
سامي: خذي زوجك يسأل عنك قلق عليكي.. ويقول ليه ما اكلت لسا.. خذي
يحيى: سما
سما بلهفه: هلا
يحيى: اقول يا اخينا قوم اقلب وجهك وسكر الباب وراك
حمد: قلنا من الصبح روح.. ماتسمع الكلام
يحيى: سما ابتعدي عنهم.. المكان عندك ازعاج
سما: حاضر وين اروح
يحيى: تعالي بقلبي
سما بفرح: من جد
يحيى: لك مكان ثاني تروحي له
سما: لا والله ضاق الكون علي مالقيت وين اورح
يحيى: تحبيني
سما تبكي: ......................
يحيى: حبيبتي.. روحي انتي امسحي دموعك
سما تبكي: منت زعلان مني؟
يحيى: زعلان وباخذ حقي
سما: اوكي تعال
يحيى: اجي وين؟
سما بحيا: تاخذ حقك
يحيى: تحبيني؟
سما: لا
يحيى بحده: لاااااااا !!!!!!!!!
سما: لا ما احبك.. اموت فيك
يحيى: ههههههههههههههههه ماقلت لك بتذبحيني
سما: متى بتجي؟
يحيى: كمان شويه
سما تبكي: يح.............
يحيى: حبيبتي: مالك بس؟ والله عندي شغل
سما تبكي: حرام عليك تعال عاد
يحيى بخبث: ليه طيب؟
سما بحده: من جد حرام عليك.. ذوبت قلبي.. والله حرام عليك الي تسويه فيني.. ماني قادره اعيش.. احس اليوم روحي بتطلع.. حرام عليك.. ما استاهل تعمل فيا كذا.. انا احبك.. احبك
يحيى بحنبه: حبيبتي اهدي طيب.. الشغل................
سما: ماهو اهم مني.. يتأجل.. انا اهم.. انت قاسي معاي لاخر درجه تتخيلها.. انا ما اقدر على كذا.. ما اقدر
يحيى: خلاص انا جاي لعيونك.. خلاص حبيبتي
سما بحده: لا.. لا تجي.. خلك بشغلك.. خلصه وبعدين دور علي.. انا ماني مهمه.. يحيى انا تعبانه كثير.. وانت عارف هالشي من الصبح.. ومنت راضي ترق لي.. عارف انا...............
يحيى بحده: ايش؟
سما بانكسار: ولا شي.. ولا شي.. خلني اروح ابي ارتاح
يحيى: اجلسي معاهم لحد ما اجيكي
سما: لا.. ابي اروح ارتاح بغرفتي
يحيى بحده: ماتسمعي الكلام انتي.. قلت لك اجلسي معاهم لحد ما اجي
**************************
تابعو في الجزء السادس والعشرين
هزاع يعتذر من سماح.. بتقبل اعتذاره؟
يحيى وسما بترجع العلاقه طبيعيه وحلوه بينهم؟
واذا رجعت كيف بتتصرف سما مع هزاع عقبها
بتبتعد عن هزاع عشان ترضي يحيى؟
حقيقه جديده تنكشف.. خطيره مره[/SIZE]
|
01-01-09, 06:07 PM
جديد مواضيع قسم الارشيف
العرض العادي
