شقائق النعمان (أول قصة مشاركة في مسابقة نهاية قصة ) - الصفحة 14

02-11-08, 01:15 AM

المشاركة رقم: 66

المعلومات
الكاتب:	ساعه بلا عقارب
اللقب:	ليلاس متالق

البيانات
التسجيل:	Oct 2008
العضوية:	98291
المشاركات:	8,013
الجنس	أنثى
معدل التقييم:
نقاط التقييم:	258

االدولة

مدونتي

الإتصالات
الحالة:
وسائل الإتصال:

كاتب الموضوع : ساعه بلا عقارب المنتدى : القصص المكتمله من وحي قلم الاعضاء

اقتباس :-
الله يعطيك العافيه سوسو.. روايه رائعه

الله يعافيك ويبقيك ياعمري ..

اقتباس :-
سلمت أناملك

واناملك يالغلآ ...

اقتباس :-
بارت اكثرمن رائع مليئ بالاحداث المتوقعه والغير متوقعه

تسلمين ياقلبي عساك دوم على القوه

اقتباس :-
مم ابد بعجوز الهم والغم ام عامر حسبي الله عليها من عمه في عمه كذا انا توقع عندها خلل في عاقلها ماهمها غير الفلوس وين تروح ولا المصيبه مافي احد قادر عليها يارب منها هذه الحرمه بس شوفي سوسو انا توقع انو بتكون نهايتها شينها مررررررر وياليت يارب تكون شل علشاااان بارد قلبي فيها

ههههههههه كرهتها بقوه بس لا تدعين الدعوه بالشر مهي بزينه

اقتباس :-
عامر ونوره اخخخخ بسسسسس يارب يصبركم ويعطيكم صبر علي هذه هالعيشه والله انك صبور مرر وكبير في تصرفتك وعاقلك وحكمتك في ربط الامور وتصرف فيها لوكان غيرك يمديها خرج من البيت من زمان ولا جالس ويستحمل كل هذه القهر والكلا لي يطلع الوحد من روحه بس تحملك علشان ابوك هذه يدل علي انك مررررررر عاقل

شفتي كيف هذا حال الولد البار وامه نسره واحيان العكس شوفي الدنيا كيف

اقتباس :-
يزيد وهند ماادري ايش اقول بسسسس من جد عندي احساس كبير انكم رح تنون اخلي اثنين بالقصه برغم اتوقع نسره ام عامر مارح تخليكم تعشون بسلام وامن وامان بسسس اتوقع ان هند عندها حكمه وقدر علي امتصاص الغضب وانها رح تعلاج الامور بينها وبين نسر لين تخليها تحبها غصب برغم ماتوقع نسر تحب احد في دنيا

مدري هل هند بتقدر وهي خوافه انها تواجها بصلابه وحكمه او لا

اقتباس :-
يزيد

اقتباس :-
اقول ا رحمو من في الارض يرحمكم من في سماء اشفيك علي ملوكه ياخي انت نفسك كنت حنوووووووووو مع هند لم مات امها اشفيك وين رحت خنيتك علي بنت خالك المسكينه مافكرت انها فقدت كل شي في لحظه فقدت الامن وامنا بنسبها لها خليك حنووووو عليها وعملها مثل اختك

</SPAN>

هو حتى هند شالها من المستشفي والفرق ان هند ما صرخت يومها وبكائها كان بصوت منخفض

اقتباس :-
ابوابراهيم ماادري بسسسسسسس يمكن يكون طيب وحنون بسسس مادري عند احساااس انو مو رضي علي توزيع المال بهذه طريقه وكتم زعلاه في قلبه وعلشااان كذا يبي يجوز ملوكه لولد حموود يبي يضمن المال انو مايرح برر ولا باله هذه وقت يفكر فيها نو يجوز بنت اخو لي تو متوفي لولد لي طول مافكر في مشاعره ولافكر كيف يعوضها علي حنان الابوه لي فقدتها علي طول زوجا هذه احساسي

اقتباس :-
ياسوسو

اقتباس :-

</SPAN>يمكن نيته حسنه وتفكيره بستر البنت وهي بتعيش معه

اقتباس :-
الحين عند

اقتباس :-
ملاك

اقتباس :-
يؤؤؤؤؤؤؤ ياويلي قلبي عليها اقسم بالله احساس بكل احساس هي تحسها صعب مررررررلم تلقين سندك وعضدك وشمسك ونورك الانسان الوحيد لي ياخاف عليك لي تشوفين منها كل حنان دنيا رجال الوحيد لي يمكن يحمنيمن غداردنيا وبلويها ماتقدررالبنت ولا حرمه تعيش بدون حماية رجال كيف هذه رجال هو الوحيد ماعندها اخ ممكن يحميها يارب رحمها برحمتك والله موتيصر في حاله هستريه بس الا ممكن تموت من بعدها

تعليق حلو مره تسلمين يالغاليه

اقتباس :-
يابوي اكتب فيك مــن الشعرابيات ..... يحلى فيــــــك اجمل واحلى

اقتباس :-
قصيده

اقتباس :-
عساك دايم مني قــريب المسافات ..... لاجلك تهون المسافه لوهي بعيده لاغبت عني عسى ماطول الغيبات ..... ونشوفك كل يوم واعـــــوام مديده دوم على البال ياعــــزيز الصفات ..... كل خطوه فيـــك صح ورايك سديده غيبتك تزيـــد مــن الحـــب عبرات ..... وانتظر كل يـــوم منك اخبار جديده غـــالي ابن غـــالي من غير لفات ..... الله يديمك على المحبه ايام سعيده ارجــــوك لا تبتعد وتزيل كل زلات ..... عن الغالي الي احبه ويامر وازيده

يااااااااااااااااااااااويليييييييييي على الكلامات قويه مره

العامريه
شعر من هو

شكرا عدد زخات المطر يالغلا على مرورك

07-11-08, 12:28 AM

المشاركة رقم: 67

المعلومات
الكاتب:	ساعه بلا عقارب
اللقب:	ليلاس متالق

البيانات
التسجيل:	Oct 2008
العضوية:	98291
المشاركات:	8,013
الجنس	أنثى
معدل التقييم:
نقاط التقييم:	258

االدولة

مدونتي

الإتصالات
الحالة:
وسائل الإتصال:

كاتب الموضوع : ساعه بلا عقارب المنتدى : القصص المكتمله من وحي قلم الاعضاء

السلام عليكم ورحمة الله وبركاته
مبارك عليكم هـ الأجواء الممطره جعلها الله امطار خير وبركه ونفع للجميع

قرأه ممتعة ؛؛

الفصل التاسع

في مكتب ابو ابراهيم

ابو محمد :جالس على الكنب الاسود في المكتب الفخم الذي يدل على عنفوان و قسوة صاحبه ومطول باله وصابر وتعب من كثر ما يحاول فيه ويقنعه : وش قلت يا ابو ابراهيم ؟
ابو ابراهيم:مقابل له تفصل بينهم طاوله خشب بني منحوت برسم هندسي عليها كاس العصير وفنجان القهوه العربيه :بكل اصرار وهو يناظر عيونه : لا يا ابو محمد جيتك على العين والراس ...بس لا تحاول ما ني موافق انها تسافر الوحدها ...عمره ابوها ما خلها تروح الوحدها... تباني ارسلها الحين ...لا ..تبى تدرس تحول هنا جامعاتنا وش كثرها تدخل الي تبي اهي حره محدن مانعها عن دراستها
ابو محمد : بعيون تحمل كثير من العطف والحب لما ينبع من بين شفتيه : بس الله يهديك قسمها يختلف طريقة الدراسه والمواد هنا عن برا ...مستحيل تكون نفسها
ابو ابراهيم : بإصرار قاطع لنقاش : بهواها تحول باي قسم تبيه لكن سفر لا ....وبنظرة تحدي اكبر .....ما عندي بنات يسافرون لحالهم برا ....وبعدين سكنها عند امها ما ني براضي عنه راح اتركها عندها لين ما تتعافي .....كمن يوم وبعدين تجي تسكن معي في البيت
ابو محمد : يردد بداخله ..يارب رحمت يا ارحم الراحمين ....شاف انه متعصب بافكاره سكت ما بيده شي يسويه هذا عمها ولي امرها و يوقف بكل شموخ وعز وبنظره تدل على رجاحة عقله: ان شاء الله ما يصير الا كل خير ...مع السلامه
ابو ابراهيم : يوقف معه : السموحه منك ..
ابو محمد : يناظره : مسموح ...ما تقصر

*،،*

شقه يزيد

يزيد: دخل وهو مهموم من كلام امه وصدره ضايق ونزل غترته و رماها بإهمال هي والعقال والطاقيه على الكنب ...و تمدد على الكنب الكبير وغطا عيونه بيده وهو تعبان يحس بختناق بصدره ولافكار توديه وتجيبه مع الكلام الي تردد براسه هذا الي انا جنيته عليها المسكينه كله مني آه يعمه الله يسامحك حبل امانتك مطوق عنقي و بيذبحني ماني قادر عليه و الملومه والشك بعيون اهلي فيها تخنقني.... يترا ياعمه بتغفريلي بدفاعي عنها وهم مالي روسهم الشك...وعيونهم تشع به صريحه
هند: خرجت من الحمام وهي بقميص قطني اصفر لنص الساق ومنشفتها الصغيره بيدها توها متوضيه بتصلي الظهر و تفاجئت من جيته بهـ الوقت قربت منه :حبيبي فيك شي؟؟
يزيد: شم ريحة عطرها وهي مقبله عليه اخذ نفس يشبع رئته المتعبه وصوتها العذب على مسامعه يريح اعصابه وهو على وضعه وبصوت مختنق : لا بس شويه اصداع
هند: تحسه مخنوق وتعبان كيف ما تحس بقطعه من قلبها ودمها يغذيه بكل وقت تجلس جنبه بحنيه وترفع يده عن وجهه وبصوت هامس هادي :حبيبي انت مضايق اعرفك من صوتك وتحط يدها على خده الي باقي عليه بعض الاثر وتمسح عليه مهو شرط تتكلم وتقول لا تجلس كذا تعال اجهزلك الحمام استحم بمويه دافيه وصلي ركعتين راح ترتاح
يزيد: قلبه يخفق لهدوئها ورقة صوتها وتشع عيونه عن مقدار تملكها لقلبه يسحب يدها من على خده ويبوسها هذي اليد الي تمسح على شعره وتواسيه وتصبره وهو بأشد معاناته وهو يحاول ترك الشرب والحشيش والدخان ثلاث اشياء بوقت واحد صعبه عليه وقتها ياما عصب عليها في اول اسبوعين وهي ما نطقت بحرف والحين تداوي جرحه وطعنات صدره من امه : الله يخليك لي
هند: تمسح على وجهه المهموم بالمنشفه المبتله من ماء الوضوء وببتسامه عذبه : امين ولا يحرمني منك.... وتوقف... قوم لا تجلس كذا ...وتسحبه مع يده و بتقومه معها
يزيد: يشد على يدها : هند ... قلت لأهلي عن زواجنا
هند: لفت تناظر فيه وهو يقوم وماسك بيدها وحطت يدها اليسار على صدره وعقلها يقول غير الكلام الي ينطقه السانها : لا تتضايق هذا شي متوقع انهم بيزعلون عليك روح صلي ورتاح والله يفرجها
يزيد : يضمها لصدره : منتي بزعلانه
هند: بصدق وهي خايفه تنحرم من الدفئ : لا ليه ازعل وربي عوضني عن امي و ابوي باحسن زوج فيه كل هـ الحنيه والحب وتبعد راسها وترفعه وتبوسه على جبينه
يزيد: يضمها بقوه لصدره ونزل راسه على كتفها و دمعته تبرق على طرف رموشه وبدون ما يحكي حرف آآآآآآآآه من غيرك كنت ممكن راح اضيع ...و تنهد ...وشعر بعطرها يخترق قلبه لينعشه من جديد

*،،*

بيت ابو محمد

العصر في الصاله ابو محمد وام احمد وملاك والبنات من يوم ردوا من دوماتهم تغدو و ناموا

ملاك : من بعد ما جاء عمها من صلاة العصر وهي تبي تسأله تحاول فيه وهو يتهرب منها وهي حدها على اعصابها معد تعرف النوم لا في الليل ولا النهار كل همها انها تبعد عن هنا وترجع لبيتها الي بيكون فيه الامان لها ..بعد الترجي اعترف لها عمها بالي قاله ابو ابراهيم حمر وجها و صرخت : شوووو لا عمي الله يخليك بدي سافر كيف كذا بده ياني اترك دراستي واجي هنا ما بيسير كذا ما بدي
ابو محمد : خايف عليها من عصبيتها والدكتور محذره : يا بنتي لا تعصبين و تتعبين انا حاولت معه وبرد اكلمه اذا الله راد.. لكن ...عقليته متحجره ما يقتنع
ملاك : توقف و ترجف مهي مستوعبه انها بتترك بيتها وقلبها يعتصر من الخوف وعيونها تشع رعب وبصوت عالي : لا مو بكيفه انا بدي سافر وهو ما اله دخل فيني ...انت عمي الله يخليك سفرني
ابو محمد: بهدوء يحاول يهدي اعصابها المشدوده : لا يبنتي عمك هو ولي امرك بعد ابوك الله يرحمه ....واذا ما وافق انك تسافرين ...عمرك ما راح تقدرين تخرجين من هنا
ملاك :تصرخ صرخت مظلوم بيقتلونه بدون ذنب : شوووو بتقووول..؟!!... وتقرب منه بانكسار....عمي ناصر انت ولي امري مش اهو ...ما هو مثلك انت اقرب الي منه
ابو محمد: تقطع قلبه عليها وعلى حالها الي هي فيه و غمض عيونه وفتحها : لا يابنتي انا بالنسبه للشرع ماني وصي عليك
ملاك :تضغط اصابع يدها بعصبيه و نغرست اضافرها بكفها و بتنفس مضطرب تصرخ : شووووووووو..؟ .. لا ما الي دعوه انا بدي سافر يعني بدي سافر وهو ما له دخل فيني مش بكيفه يتحكم فيني ....وتروح تجري وتطلع غرفتها
ام احمد : سمعت صراخها تركت الشاهي في المطبخ الي كان بيدها بتجيبه وخرجت تركض وبخوف : وش فيها ملاك وينها
ابو محمد : يجلس بندم انه خبرها : خبرتها عن رفض عمها
ام احمد : الله يهديك يا ناصر كان سكت ما قلت لها..منت داري انه ما ينفعلها الزعل
ابو محمد : وشلون تبيني اكذب عليه يعني ما سمعتيها كيف تسأل من اول ما وصلت
ام احمد : وش تبينا نسوي الحين كيف نقنع عمها او نقنعها
ابو محمد : مدري بالنسبه لعمها انتي لو شفتيه كيف يتكلم كان فقدتي الامل انه يوافق ...وغير انه يبيها تسكن معه بعد كمن يوم
ام احمد : بخوف وعصبيه الام الي تنهش عدوها بأسنانها عشان تحمي ضناها اول مره يشوفها فيها زوجها تصرخ بصوت عالي : وشهووووووووووو ...والله ومحمد رسول الله والي خلق سبع سماوات ...ما هم ما خذين بنتي من عندي ...ابوها الي حرمني منها مات الله يرحمه محدن له دخلن فيها غيري
ابو محمد: انصدم منها بس يعرفها عند عيالها محد يوقف بصفها : ام احمد قولي لا الله الا الله وش بلاك محدن ماخذها منك وبتعيش معنا هنا وعمها اذا جاء ساعتها نتفاهم معه
ام احمد :بعصبيه : انت ما تعرفهم مثلي قلوبهم قاسيه ...عساك ما خبرتها انه يبيها عنده
ابو محمد: وش بلاك تبيني اهبل فيها هي السفر وهذا حالها وشلون لو خبرتها روحي بس شوفيها لا تتعب علينا وعطيها دواها ...

*،،*

بيت ابو عامر

ام عامر : معصبه طول اليوم على الكل دخلت الصاله وشافت شوق تلعب وتصرخ عليها :شووووووووووق
شوق : ارعبها الصوت و من الخوف وقفت بسرعه وطيحت التحف الي على الطاوله وتكسرت
ام عامر : عسى راسك الكسر يالي متستحين هذا مكان تلعبين فيه
شوق: ثده لا تعثبين ما ثفتها
ام عامر: تصرخ بصوت صداه بالجدران : يعلك بالموت من يوم تولدتي والشؤم معك
شوق : مهي فاهمه كلامها زين وبكل براءة الطفوله و عفويه : حلاص لا تتكلمين لاسي عولني من ثوتك احلي بابا يجيب غيلها (خلاص لا تتكلمين اخلي بابا يجيب غيرها )
ام عامر: يعل صوتك يختفي بقبرك كمان تردين ...وتمسكها مع يدها ...وينه ابوك الي تتشكون له ويجي يعاتب يشوف تربيته فيكم
شوق: تبكي بخوف انها تنضرب : ثده الله يحليك حلاث ما عد العب
ام عامر عفريتها طالعه : وين خلاص شوفي كان ما حرقت يدك انا الي بربيك وتسحبها على المطبخ وشوق تصرخ باعلى صوتها
شهد: سمعت صوت اختها وهي تصيح جات تدورها وسمعت الصوت من المطبخ راحت تركض ليسار الصاله و دخلت المطبخ وشافت جدتها وهي تسخن السكين على النار و ماسكه شوق باليد الثانيه
شوق بتموت من الرعب وعيونها صايره دوائر ظاهره على برا وتصرخ
شهد : تصرخ برعب وعقلها توه يستوعب وش بيصير لأختها اذا ما تكلمت :جده الله يخليك لا تكوينها
الشغاله : ماما حرام انتي يسوي كذا
ام عامر : روحي نقلعي عن وجهي لا يجيكم مثلها واخص
شهد: تطلع جري على قسمهم وهي تبكي وتصرخ وتنادي امها وتدخل ودق باب الحمام على امها : مااااااااما تعالى بسرعه جده تضرب شوق و تبي تكويها
نوره:سمعت صراخ شهد ومهي مستوعبه : وش تقولين
شهد: ماااااااما بسرعه جده بتحرقها
نوره: مثل الي لسعته الكهربه و قلبه بيوقف من الرعب وعدم التصديق بس كل شي تتوقعه من عمتها وبسرعه خياليه تخرج من تحت الميه وتلف روبها وتخرج من الحمام وتنزل تجري حافيه مع الدرج وتدخل عليها وتصرخ:عـــــــــــــــــــــــــــــــــــــــــــــــــــــ ــــــــــمه حرام عليك ما تخافين الله
شوق : تصرخ من الم الحرق الي بيدها :وآآآآآآآآآآآآآآآآآآآآآآ ....ماااااااااااااااااااااااااااما
ام عامر: وبصوت عالى: لو عرفتي تربين ما كان حديتيني اني اربيها لك
نوره: تشيل بنتها بس بعد متحرق قلبها عليها وهي مثل الفريسه بيد الصياد : بنتي مربيتها ومهي بحاجه احد يربيها
ام عامر : تناظرها من تحت لفوق : روحي ربي نفس وبعدين ربي عيالك شوفي بيش خارجه ياقليله الحيا (بروبها وشعرها غرقان مويه وفيه اثار الصابون )
نوره: تصرخ : بسسسس ...خلاص.. ما عد فيني اتحملك... اكثر من كذا... انتي الي يجري بعروقك مهو دم اوادم
ام عامر: تصرخ : دم وشهو يا قليلة الحيا ...تطولين لسانك علي ...قلعه تقلعك روحي من وجهي ....وتدفها عن الباب وتخرج
نوره : ودها تدعي عليها بس شي من داخلها منعها متدري وشهو اخذت بناتها وطلعت فوق وهي شايله شوق : تبوسها بس حبيبتي لا تبكين
شوق: تبكي وتشهق مااااااما ..يدى.... اوجعني آآآى
نوره : تنادى الشغاله : ارمي
ارمي: نعم ماما
نوره : تتكلم بسرعه مع سرعت نبضها : قولي لسواق يجهز السياره بسرعه و تأخذ شوق المطبخ وتحط يدها تحت المويه البارده
شوق: وآآآآآآآآآآآآآآآآآآآآآ......... مااااااااااااما
نوره : صراخ بنتها يخترق قلبها قبل اذونها : تحملي حبيبتي شوى بس وتبوسها
ارمي:تدخل عليها بسرعه : ماما السواق فيه روح مع ماما كبير
نوره: وشهوووو حسبي الله... وبترت كلمتها عن الدعوه ... تعالي امسكي يدها لا تحركها بروح البس شهد حبيبتي روحي كلمي بابا قليله يجي بسرعه وتدخل غرفتها
شهد: تصلت على ابوها: الو
عامر :بكل رواقان: هلا حبيبتي شهودى
شهد : بكيت : بااابا
عامر: نعم حبيبت بابا ليه تبكين لا تقولين شوق مزعلتك
شهد: تبكي ويالله يفهم كلامها : لا.. تقلك ماما تعال بسرعه
عامر : خاف :ليه حبيبتي وش فيه فين ماما
شهد: وعينها على باب القسم خايفه ان جدتها تدخل عليها وتكويها هي بعد : ماما تلبس تعال شوق تحرقت يدها
عامر : وش تقولين روحي لماما اعطيني هي بسرعه
شهد: طيب وتروح دق الباب : ماما كلمي بابا
نوره: تفتح الباب وهي تسكر ازارير بلوزتها : ما قلتيله يجي
شهد :ايه قلي اعطيني ماما
نوره : تروح تاخذ التلفون :الو
عامر : وش فيها شوق
نوره : بعصبيه : تعال بوديها المستشفي تحرقت يدها
عامر : كيف تحرقت؟ ..وين ؟؟..وعساه مهو كبير؟؟
نوره : عامر مهو وقت أسئلة حرق بيدها وكبير شوي تعال خلينا نوديها
عامر: بعصبيه : خذى السواق اسرع من اني اجيك اقابلك هناك في المستشفي
نوره: بقهر وصوت مخنوق : مهو فيه توه امك ماخذته وخرجت بسرعه البنت تتألم
عامر : خلاص انا في السياره الحين شوي وكون عندك خليك جاهزه
نوره: زين بروح اشوفها مع السلامه وقفلت ما نتظرت تسمعه
بعد ما جاء عامر نزلت نوره معها شوق وقالت لشغاله تنتبه لبناتها وتقفل الباب معد تامن في هذا البيت عليهم والشغاله الغريبه عنهم امن من عمتها الله يا حال الدنيا
نوره : السلام عليكم وتطلع ومعها شوق تبكي على رجولها
عامر: بقلق : وعليكم السلام اشوف ...ويمسك يدها ويصرخ ... اش هذا... !! وش حرقها؟؟

*,,*

بيت ابو محمد

ام احمد: طلعت لملاك بس ما رضت تفتح الباب وكلمتها الوحيده بصوت باكي ماراح افتح الا اذا سفرتيني ...هذا الي سمعته من بنتها مهي عارفه وش تسوي خايفه انها يصير عليها شي وهي قافله الباب نزلت عند ابو محمد و جها مسود من الخوف
ابو محمد : هاه شفتيها
ام احمد تجلس بتعب قلب قبل جسد : مهي براضيه تفتح الا اذا سفرناها
ابو محمد: انا مقدر اخليها تروح وهي بهل حاله انتي عجبك ترسلينها وسط الخدم لوحدها انا ماني مقتنع بروحتها
ام احمد : سكتت شوي وترفع راسها وتناظر فيه ..ناصر
ابومحمد: يفهمها من عيونها هذى عشرت عمر مهو يوم : نعم وش عندك حاس وراك سالفه
ام احمد : بقلق : وش رايك ازوج محمد لـ ملاك
ابومحمد : تفاجأ ابد ما توقع هذا الي تفكر فيه : يا حرمه وش تقولين ما هو بوقته هـ الكلام
ام احمد : بخوف : ليه منت موافق محمد يأخذ ملاك
ابومحمد : مهو من عاداتها اليوم من قلقها صايره تقط خيط و مخيط بصوت رزين : لا تفهمين خطأ انا لو ادور لمحمد ما راح حصل احسن منها بس بنتك شوفي كيف حالتها وشلون بتقولين لها ...ومهو بوقته الحين
ام احمد : لا وقته و اذا انت موافق خلنا نكلم محمد واذا وافق يجي يملك و بكذا يكون اهو ولي امرها ما هو عمها
ابو محمد : ابتسم لا ستخفت الحرمه : وش الي تبين تصلين له
ام احمد : فرحت انه بيسمعها و ما راح يعارض : انت اسمع شوري انا ملاك ما راح ازوجها لغير محمد انا مربيته وعارفه انه راح يحافظ عليها واذا ملكت تقدر تسافر تكمل دراستها ما راح نكون خايفين عليها لانها راح تكون معه هاه وش قلت
ابو محمد : انتي بعقلك عمها راح يخليها تسافر قبل العرس
ام احمد : احنا نملك وبعدين نخبره لان العرس بيتأخر بسبب وفات ابوها قبل ثلاث اربع شهور ما راح يصير .."جد ان كيدهن عظيم "
ابومحمد : مدري هو الحل الوحيد على قولتك ولا تتعب البنت بس لا تتسرعين خلينا نكلم الولد ونشوف بس انتي ضامنه ان البنت ما ترفض
ام احمد : بفرح و ابتسامة نصر : انت ما عليك ملاك انا اكلمها بس انت دق على محمد الحين وخذ رايه
ابو محمد : مستغرب منها مهي بصاحيه اليوم : وش فيك مستعجله
ام احمد : لاني خايفه على بنتي انهم يجبرونها تاخذ واحد من عيالهم تراني قلبي منقبض منهم ومستحيل اوافق على انها تاخذ واحد من طرف ابوها
ابومحمد : ام احمد اعقلي الواحد ما يعرف وش المكتوب وين نصيبها
ام احمد : والنعم بالله بس ما انطر لين يا خذون بنتي مني الحين اتصل على محمد وشاوره ما راح يرد طلبك
ابو محمد : كلامها صح ليه انتظر وادمر البنت يمكن نصيبها مع ولدي وترتاح امها بردت بنتها عندها ويبتسم : الشور شورك وهدايه الله ...وياخذ جواله ويدق على محمد..الو

*،،*

نوره : عامر بعدين الله يخليك وصلنا الحين ما تشوفها تبكي وخايفه
وبعد ما رجعوا من عند الدكتور شوق نايمه على رجل امها وهي حاضنتها وتمسح على وجهها
عامر: نوره كيف تحرقت لا تعيدن علي الكلام الي قلتيه للدكتور شوق تخاف تقرب من شي حار
نوره : ودموعها على خدها وتضم بنتها لها اكثر
عامر: عصب : نوره تكلمي
نوره: بقهر وصوت مختنق من كثر الضيم والظلم :امك احرقتها لانها كانت تلعب وكسرت شي من التحف الي على الطاوله
عامر: مهو مصدق توصل انها تحرقها : وشهوووووووو ويصرخ.. الحين عشان كسرت شي تحرقها ما صارت هذى
نوره: خفض صوتك لا تصحيها الحين شوف حتي وهي نايمه متنكده وتبكي
عامر: بعصبيه ولوم : وانتي وين كنتى انا مقلتلك ما تنزل الا معك
نوره: لا تحط الوم علي انا كنت بالحمام وهي نزلت وشهد معها ولما قالت لي شهد خرجت مثل المجنونه حتي نزلت اسفل بروب الحمام وشعري فيه صابون وحصلت كلمتين منها بعد على اني معرف اربي وماني متربيه الي انزل بهـ الشكل عامر والله معد فيني اتحمل عمتي اكثر من كذا مهو معقوله بيت وش كبره احبس بناتي عندى و ما خليهم ينزلون يلعبون والله تعبت
عامر: ضغط بكل قوته على الدركسون من القهر الي فيه : خلاص نوره اهدي الحين انا راح اتصرف ماراح نجلس هنا باخذ بيت ونخرج فيه لكل شي حدود

*،،*

في شقه الشباب

محمد : هلا والله وش اخبارك يبه
ابومحمد : بخير عساك بخير وش علومك و انا ابوك
محمد : بخير طلما سمعت صوتك وش اخبار خالتي واخواني
ابو محمد : الحمد لله الكل بخير وش الصوت الي عندك
محمد : يقوم من عندهم مجتمعين يلعبون بالوت يمشي مبتسم : سلامتك يبه هذول العيال هاه دخلت غرفتي امر يالغالي
ابومحمد: ما يامر عليك عدو
محمد : تسلم يبه والله ان ودي اكون عندكم اشتقت لجونا بالرياض خالتي وش اخبارها الحين
ابومحمد: الحمدلله بخير هذهي عندي تبي تكلمها
محمد : ايه يبه عطني هي مشتاق لها
ام احمد : تاخذ الجوال : هلا والله يمه وش علومك
محمد : هلا بالغاليه وتاج راسي انا بخير انتي طمنيني عليك
ام احمد : الحمد لله ياولدي بخير ما ناقصني الا تكون عندي وتقر عيني بشوفتك
محمد : هانت خالتي ماباقي شي بس دعواتك لي
ام احمد: ادعيلك انا امك بكل وقت وكل صلاة الله يوفقك ويرجعك لنا سالم
محمد : تسلمين يالغاليه خالتي ...وش اخبار بنتك عساها بخير
ام احمد : الحمد لله على كل حال... مع السلامه يا ولدي و انتبه على نفسك خذ ابوك معك يبيك
محمد : مع السلامه يالغاليه وسلمي على اخواني
ام احمد : يوصل مع السلامه
ابومحمد : اسمع يا ولدي ابيك فموضوع مهم
محمد : امر يبه خير ان شاء الله تبي شغله هنا اخلصها لك
ابومحمد : كل خير ياولدي لا مهو بشغل
محمد: خير يبه وش الي تبيه
ابو محمد : يدخل في الموضوع على طول بدون مقدمات : انت كبرت وتقدر تتحمل مسؤليه بيت الحين وانا ابي اخطب لك هاه وش قلت
محمد :ستغرب من ابوه اول مره يكلمه في الموضوع دايم خالته الي تكلمه من باب المزح لكن عمرها ما كانت جديه فيه : هااااااه .. يبه الله يطولي بعمرك انا ماني معترض على العرس بس خلني اخلص دراسه وبعدين اخلي خالتي دورلي عروس
ابومحمد : لا وانا ابوك العروس موجوده وانا كلمت خالتك وابي اخذ رايك بخطب بنتها ملاك لك هاه وش قلت
محمد : يحاول يستوعب كلام ابوه : بس يبه انت فاجأتني مدرى وش اقول
ابومحمد : اذا تبي تفرحني وافق على الي قلته لك
محمد : بقلق واضح من صوته مع مزح : مدرى بس اذا مثل خالتي ما عندي مانع
ابومحمد : هههههههه و احسن بعد يعني اقول مبروك وخطبها من عمها
محمد: هههههههههههه شورك وهدايه الله بس يبه كيف بتخطبها وابوها توه متوفي
ابو محمد : لا معليك يعني موافق خلاص
محمد : ايه موافق
ابو محمد : مبروك ياولدي اجل خلاص روح سو التحاليل ورسلها لي
محمد : الله يبارك فيك يبه بس على وش مستعجل
ابومحمد : ما فيه عجله ولا شي انت سو الي قلتلك عليه عشان نتطمن
محمد : ماشي اوامر ثانيه
ابومحمد : ههههههههههههههههه مايامر عليك عدو خالتك عندي الفرحه ماهي سايعتها
محمد : ههههههههههههه عارف انها ما راح ترتاح الا لا خلتني اعرس عطني هي
ام احمد : الدموع بعينها من فرحتها بعيالها : مبروك يا ولدي الله يتمم لك بخير ان شاء الله ويرضي عليك دنيا واخره
محمد : الله يبارك فيك خالتي ويخليك لنا ايه هذى الدعوات الي تسر الخاطر وتفتح النفس للدراسه
ام احمد : تسلم يا يمه والله اني كذا بكون مرتاحه و انام وبالي مرتاح عليك
محمد : تسلمين يا لغاليه
ام احمد : انتبه على حالك مع السلامه
محمد : مع السلامه
ابومحمد : هاااااه رتحتي الحين هذا محمد وموافق باقي تأخذين شور البنت واكلم عمها
ام احمد : زين خلني اطلع اشوفها وقلها

*،،*

بغرفه محمد

محمد:سكر الخط و باله مشغول بين الوم والتصديق الحين الي انا سويته صح ولا خطأ اعرس وانا بغربه ودراستي ما كملتها و البنت كيف بتكون انا ما تجرائت اسئل عنها كيف طريقة تفكيرها اذا مثل خواتي بقدر اعيش معها لكن لو غير والله ورطه ورطت حالي فيها.... ويتمدد على السرير لا ورطه ولا شي انا اذا جيت بعرس بقلهم دورولي ليه اتعب عمري اكيد خالتي شايفه انها مناسبه لي الام ادري ولدها وش يبي قطع افكاره دق الباب
خالد : طل برسه مع الباب : وش فيك جالس هنا وش عندك
محمد :منسدح على السرير ويديه تحت راسه ويقوم يجلس ويضحك : لو اقلك ما تصدق الي صار ههههههههه
خالد : مستغرب من ضحكه يدخل ويسكر الباب : وش عندك تضحك من زمان ما ضحكت كذا عمي وش قلك
محمد : لو اقلك ما راح تصدق الوالد مكلمني عشان يبي يخطب لي
خالد : ههههههههههههههههههه قول والله
محمد : والله
خالد : ياسلام يعني انت وفيصل تعرسون وانا لا
محمد : ههههههههههههههههههههههه محد قلك لا تعرس
خالد : يجلس جنبه على السرير وبكل ثقه : اقول محمد زوجني اختك
محمد : هههههههههههههههههههههههههههههه
خالد : وده يخنقه على ضحكه وهو قلقان : على وش تضحك اتكلم جد
محمد : هههههههههه منت بصاحي ...وبعدين اختي الكبيره مخطوبه لولد عمي
خالد : لا مستحيل تكون مخطوبه وش بسوي بعمري وبصوت متوتر : ليه منت تقول عندك ثنتين زوجني الثانيه
محمد : تبي منى (وزل بالسانه باسمها بدون ما يحس) جنيت انت هذى صغيره توها ثالث ثنوي
خالد : وبتسم وبانت كل ضروسه وبفرح ان الي يبيها ماهي مخطوبه وبجد وعزم : ايه ابيها اذا انت بتعرس انا بعد بعرس معك وباخذها بعد ما تخلص وتجي تكمل هنا ها وش قلت
محمد: يضحك على شكله الجدي : هههههههههه من جدك انت
خالد : ايه محمد اتكلم جد بكلم اهلي يخطبونها لي
محمد : هههههههههههههههههههههههه وين الي ما يبي يعرس الي بالاربعين
خالد : ههههههههههههههههههههههههههه انت وفيصل جننتوني تبوني اضل عزوبي الوحدي لا حبيبي الموت مع الجماعه رحمه هههههههههه
محمد: ههههههههههههههههههههههههههههههههههههههههههههه
خالد : هههههههههه (ويتامل فيه يارب و فقني انها تكون من نصيبي بجن من كثر ما فكر فيها ) يعني انت موافق
محمد : هههههههههه ...ويضربه على كتفه ....ما بلقيلها احسن منك

*،،*

شقة فيصل

فيصل : يفتح في دواليب المطبخ يدور على شي ياكله ميت جوع
شذى : واقفه تقلي بطاطس : فيصل لا تكل شي الحين اخلص طبخ
فيصل : فتح الثلاجه وياخذ التفاحه : والله ميت جوع وعلى ما يخلص الاكل اكون طفيت
شذى : زين قطع السلطه
فيصل : يغسل التفاحه وياخذ وصله منها ويتكلم والاكل بفمه : وش عندك ما تقطعينها انا معرف اقطعها زين
شذى : تقلب في البطاطس وتسحب المناديل الورقيه وتحطها بالصحن وتخرج جزء منه : حبيبي مهو بمشكله قطعها بموت جوع خلنا نخلص بسرعه وناكل
فيصل : يقرب منها : وين الرز ما سويتي
شذى : لا سويت صنيه دجاج بالخضار في المكرويف الحين ثواني وتجهز ..قلتلك رز ما راح اسوي ما احبه وتبيه انت سويه
فيصل: مقهور منها من يوم تزوج ما اكل رز ومشتهيه و رز المطعم مهو بعاجبه يقرب بيمسكها
شذى : شافت انه بيسويلها شي لانها البارح قالت طيب اسويه اليوم... رفعت ملعقة القلي بينهم : هااااه ابعد لا السعك بها
فيصل :وقف مكانه بقهر: حرام عليك الحين انتي البارح وعدتيني وعشمتيني فيه وتسوين صنيه خضار
شذى : هههههههه ما الي دخل خبرتك رز معرف اطبخه وما احبه ليه اسويه
فيصل : يغافلها ويمسك الملعقه من يدها: سويه عشاني ولا بهـ الملعقه لسعتك قولي انك بتسوينه
شذى : عاجبها شكله وهو مقهور راحت احلامه سدى بالغدا: هههههههههههه... وبدلع... ماراح سويه و اتحداك تلسعني
فيصل : الشرهه علي الي دلعتك واثقه اني ماراح السعك بس بتسوين الرز عشاء و لا ارويك شغلك ..ويدق جرس المكرويف
شذى : بدلع : حبيبي لو سويته راح اتعب عمري و ما راح تاكله لانه بيطلع خايس معرف له ...خرج البطاطس لا تحترق بقطع السلطه واجهز السفره
فيصل : لا تلفين الكلام انا بسويه وانتي معي وشوفي وتعلمي ومن اليوم ابي الغداء رز ذبحتيني بالصواني الي في الفرن ما حس عمري اشبع الا اذا سويتي مكرونه بالبشمل
شذى: بسرعه وضحكه بصوتها : زين كل يوم اسوي مكرونه
فيصل : قاهرته بعندها عند الطبخ : شــــــــذى ...روحي جهزي الاكل لا اعضك واراويك الجوع وش يسوي
شذى : ههههههههههههه

*،،*

في غرفه ملاك

ملاك: من اول ما دخلت غرفتها صايره مثل العصفور الي محبوس بقفصه و يشوف شعاع الشمس من بعيد ومهو بقادر يوصل له والقفص يضيق عليه ويخترق ضلوعه مسحت دموعها بقفا يدها وقلبت الغرفه وترتب بشنطتها وتبكي ومهي بقادره تركز من شدت الصداع كل ما شالت شي طاح من يدها وبيد ترجف تنزل من الدولاب وترمي بشكل عشوائي و فتكرت الجواز تروح لتسريحه وتفتح الادراج وتدور على جواز السفر قلبت كل الادراج بالأرض مهو موجود وترفع راسها ناحيته الباب وجها مورم من كثر البكا مستحيل يكون عند عمي لا كيف راح سافر لا اكيد عند ماما راح اخذه منها وسافر ماراح انتظر احد يوافق ويسفرني و جهزت اشيائها وقفلت الشنطه ودخلتها في الدولاب عشان محد يشوفها ورجعت عند الادراج ولمت كل الي بالارض بشكل عشوائي وجلست على السرير تخطط وشلون بتخرج من البيت ....بعد فتره من الوقت ...دق الباب عليها وهي مسدوحه على السرير و هو معفوس نص المفرش في الارض والنص الثاني حاضنته بين ايديها وهي على جنبها و ثانيه رجولها وتسمع صوت امها وهي تناديها هذى ثاني مره تطلع لها تحاول فيها تفتح الباب قامت بسرعه عن السرير بتفتح الباب و بتسألها عن الجواز
ام احمد : دخلت وشافت شكلها شعرها مهو مرتب و الوجه مورم وحالتها ماتسر والغرفه فيها اشياء على الارض جنب التسريحه والسرير معفوس بقلق وخوف يظهر من عيونها : يمه ملاك لا تخافين بتسافرين بس انتي لا تسوين بعمرك كذا
ملاك: بقوه تصميم بكل حرف تقوله : اكيد راح سافر ماما وين جوازي
ام احمد: ليه خير وش تبين فيه
ملاك : تلف عن امها عشان ماتشوف عيونها : بدي اخليه عندي
ام احمد: من تبين تخدعين يا ملاك انا امك وعرفك زين لا تفكرين ان اذا اخذتي الجواز بتسافرين مستحيل تقدرين تخرجين من السعوديه بدون اذن ولي امرك هنا غير عن برا بكثير
ملاك: تلف والدموع بعيونها مهي قادره تصدق الي امها تقوله : لا ماما راح سافر و عمي مايقدر يمنعني
ام احمد : تمسكها مع يدها تعالي اجلسي ابيك بموضوع
ملاك: لا اول اعطيني جوازي
ام احمد : جوازك مهو بعندي يمكن في بيت ابوك لكن الجواز ماراح يفيدك بدون موافقه عمك واذا تبين تسافرين طيعيني في الي بقولك عليه
ملاك : اوافق على شو
ام احمد : تجلسها وتجلس جنبها : انك توافقين تزوجين محمد عمك كلمني يبي يخطبك لمحمد وش قلتي
ملاك : توقف مثل الي قارصه عقرب : شوووووو ماما شو بتحكي انتي
ام احمد: تسحبها تجلسها : هدي نفسك واسمعيني زين يا حبيبتي عمك عمره ما راح يخليك تسافرين تكملين دراستك وانا من البدايه كنت حاطتك بالي لمحمد ومثل منتي بنتي محمد ولدي انا مربيته واعرف كل اطباعه وما تمنالك احد غيره هو راح يصونك ويحافظ عليك و انتي ما راح تعرسين الحين بس خلنا نملك وبكذا هو راح يصير ولي امرك وتقدرين تسافرين معه تكملين وبعد فتره ترجعين هنا ونسوي العرس هاه وش قلتي
ملاك : حطت راسها على رجول امها وصارت تبكي بقهر وجرح اكبر انها تدمر اكثر من كذا
ام احمد : تمسح على شعرها : حبيبتي اعرف ان الكلام هذا ما هو وقته بس وش تبيني اسوي و انتي تبين اتسافرين وعمك ما هو براضي
ملاك : ماما ما بدي اتزوج
ام احمد : ترفعها وتمسح دموعها يابنتي ما النا الا الحل الي قلتلك و قومي استخيري وعطيني رايك عشان اكلم عمك ناصر يكلم عمك يا بنتي اذا ما وفقتي على محمد عمك ممكن يزوجك لولده
ملاك : تحط راسها على صدر امها وهي تبكي من القهر الي فيها و لي يصير عليها من بعد ابوها عنها : خلص ماما موافقه بس بدي سافر الله يخليك بدي سافر خليني سافر باي طريقه
ام احمد : فرحانه بس خايفه من تسرعها في الاجابه : يمه ستخيري ورديلي خبر
ملاك: من غير أي تفكير بالموضوع وبضطراب بكل جسمها : تخليني اسافر موافقه غير كذا لا
ام احمد : تسلم على راسها: مبروك يمه و ان شاء الله بتسافرين بس لاتضيقين نفسك وقومي خذى علاجك وتعطيها منه
ملاك : بعد ما خرجت امها رمت الحبوب وفضلت تبكي وحطت راسها على المخده ...تعبت من غيرك ماحد يحس فيني هيدي ماما وعمي ناصر الي قلتلي اعتمدي عليهم بدهم يزوجوني شو بدك ياني اعمل صحيح احبهم اكثرمن عم منصور بابا تعبت والله العظيم تعبت خلص ماعد فيني اتحمل اكثر من كذا بدي سافر ماعد بدي ارجع هنا و فضلت تبكي و قفلت بابها ما خرجت من غرفتها طول اليوم حتى البنات ما قابلتهم

*،،*

بيت ابو عامر
بعد صلاة العشاء

عامر: دق باب الغرفه
ام عامر:توها راجعه من برا مستانسه من الجمعه الي كانت هي المتحدث الرسمي فيها وبكل جداره محد يتحداها : ادخل
عامر: السلام عليكم
ام عامر: كشرت بوجها : وعيكم السلام خير وش عندك بعد اشتكت لك نوير وجاي تبي تعطيني محاضره مثل ذاك اليوم
عامر: بقهر و الم بصدره : الله يسامحك يمه
ام عامر : يسامحني على ايش اذا متعرف تربي انا اربيهم لك
عامر: يصرخ : امي خافي ربك حرقتي يدها وتقولين تربينها وش شفتي عليها الي ما عجبتك تربيتي انتي لوين تبين تصلين اهج من البيت وهذا الي بسويه
ام عامر : ايه هذا الي تبيه نوير وبتحصله هذا الي اخذته منك ومن اخوك واحد معرس من و رانا وحده من الشارع وانت بعد تبي تترك البيت عشان تمشيك نوير على شورها
عامر: عجز منها ما تفهم الي يقوله : يمه وبعدين معك والله لو خالى يعرف بالي تسوينه فيها ما راح يخليها ولا دقيقه هنا
ام عامر: تقاطعه :خله يعرف وش بيسوى يعني خليه ياخذها ويفكني منها هي وبناتها ما وراهم الا الهم
عامر: بصوت عالي: يمه الي تتكلمين عنهم زوجتي وبناتي واذا انتي ما تبينهم انا ابيهم وهم بعد اليوم ماراح يزعجونك .......لاني ابي اخرج من البيت
ابو عامر : دخل وسمع اخر كلمه : ليه تبي تخرج من البيت وش صار
عامر : انحرج من ابوه : لا يبه سلامتك ما صار شي وعينه على امه بس انا بدور على بيت صغير واسكن فيه بناتي راح يكبرون و القسم صغير
ابو عامر: عندك البيت وش كبره خذ الغرف الي تبي منه ما يكفي ان اخوك خارج من البيت وساكن لوحده
ام عامر: خله ولا ابي اشوفه هو ولي جايبها من الشارع
ابو عامر: يصرخ فيها بصوت عالي : سكتي عندك بنات خافي على سمعتهم لا ربي يعاقبك على كلامك فيهم ..وانت شوف الغرف الي تناسبك وخذها
عامر : ما عجبه انه يرد على ابوه : عن اذنك يبه وخرج

*،،*

ثاني يوم العصر
فغرفه ملاك

منى : تدخل بسرعه وينك يالخاينه بتاخذين محمد ولا تقولين ساكته من امس وتمسكها مع يدها
ملاك : كانت مسدوحه على السرير تعبانه من قل النوم وكثرت التفكير حاولت تنام بس مهي بقادره عينها محجره لهي قادره تبكي ولا هي قادره تغمض عيونها بعد البكي الي بكيته امس و بقهر وبرود و قسوه : اوكي شوي شوي على عمرك لا يطق لك عرق
منى : الابتسامه والضحكه ماليه وجها : ما قلت لك ما لك الا محمد وتسلم عليها ما سمعتي كلامي مبروك ياقلبي
مي : تدخل اللللللللللللللللللللللللللللللللللللللللللللللللللللللللللل للللي وتروح تسلم عليها مبروك يا قلبي
ملاك : تجلس على طرف السرير : وبعدين معكم انتم من خبركم
منى : بفرح : امي توها خبرتنا
مي :بضحكه : ابوي اليوم بيروح يكلم عمك
ملاك :( مالت عليه من عم لو وافق ما كان اضطريت اسوي الي اسويه الحين تقوم وتروح على الحمام)
منى : على وين تعالى جلسي
ملاك : تبي تهرب منهم ماتبي تقسى عليهم وهم مالهم ذنب فلي يصير معها : بدي اخذ شور
مي : اوكي بنتظرك تحت بالصاله عند خالتي تدرس حماده
منى : هههههههههههههههه لوكى حلو شكلك و انتي مكسوفه
ملاك : تلف لها : سكتي عني منو احسلك لا يجيك اشي عمرك ما بتشوفيه وتدخل الحمام
منى: ههههههههههههههههههههههههههههههه اوكي بنشوف
مي : منى سكتي وش فيها ملاك ما كنها راضيه
منى : لا يا عمري موافقه بس مكسوفه منا ههههههههههه محنا اخواته
مي : ههههههههه قومي ننزل خبله انتي
منى : لا نزلى انا بنطرها تخرج حرمة اخوي

في الصاله
مي : خالتي ملاك هي موافقه
ام احمد : يه موافقه ليش وش فيه
مي : بس خالتي حسيتها كنها ما هي فرحانه
ام احمد : يا بنتي وين بتشوفين الفرحه عليها وهي توها فاقده ابوها احنا لو عمها وافق انها تسافر ماكان استعجلنا وخطبناها الحين فهذي الظروف الصعبه واجلنا الموضوع بس وش نسوي

*،،*

بيت ابو ابراهيم
بالمجلس

ابومحمد : بعد ما كلمه وتفق معاه يقابله وصبله ابراهيم القهوه حط فنجانه على الطاوله
ابو ابراهيم : وش فيك يا ابو محمد اشرب قهوتك
ابو محمد : انا جاي طالبك يابو براهيم والعشم فيك انك ما تردني
ابو ابراهيم : ابشر بلي تبيه يابو محمد اذا كنت اقدر عليه
ابو محمد : تقدر عليه ان شاء الله اعرف انه ما هو وقته الكلام الي راح اقوله بس انا جاي طالب القرب والنسب منك فبنت اخوك لولدي محمد
ابو ابراهيم : والله مدري وش اقول لك يابو محمد بس اذا ولدي حمد ارخصها ما عندي مانع وهذا حمد قدامك هاه يا ولدي وش تقول ويناظر بولده وهو كله ثقه مستحيل واحد من عياله يكسر له كلمه
حمد :ساكت بس هذى فرصتي الوحيده بس شلون اكسر كلمة ابوي ونزل كلمته الارض وهو مهو راضي يقتنع بالي ابيه بس مستحيل احصل فرصه احسن من كذا وابو محمد محد يرفضه رفع راسه وعينه على ابوه الي مبتسم ينتظر كلمته الي متوقعه انه يبيها : يبه بعد اذنك وبنت عمي تراها مرخوصه ما ابيها مهو عيباً فيها او نقص بحقها بس هي مثل اخت لي
ابو ابراهيم : بقهر من ولده الي كسر كلمته بس ما بينه غير عيونه الي ما شافها ابو محمد وعينه على حمد الحين مايقدر يرد ابو محمد الي الكل يتمنى انه يناسبه : خلاص يابو محمد اشرب قهوتك لو البنت وافقت تراها جاتك وبالمبارك وحنا لنا الشرف انا ناسب واحد مثلك
ابومحمد : يكلم نفسه اشوى ماعقدها معي احمدك يارب :تسلم يابو ابراهيم وهذا العشم فيك ويشرب قهوته يا خوي ياليت تجي تاخذ رايها عشان نكمل الاجراءات و نملك و ما نبي احد يعرف عشان الظروف الي احنا فيها وياليت تخلي الموضوع بينا الثلاثه لين نشوف رأى البنت وتطلع نتيجته التحليل وش قلت يا ابو براهيم
ابو ابراهيم : بقهر واضح من صوته ما ميزه غير عياله وحمد شال هم : ابشر بلي تبيه بس انت خل امها تشاورها وتصل على خبرني رأيها افضل وش قلت
ابومحمد : ابشر وهذا العشم فيك ويقوم استاذن منكم
ابو ابراهيم : اقعد معنا يا ابو محمد بدري ما قعدت
ابو محمد : الجيات اكثر ان شاء الله اسمحلي يابو ابراهيم مواعد واحد بعد المغرب
ابو ابراهيم : الله معك وبينا اتصال
ابومحمد: ان شاء الله ومثل ما وصيتك ما ابي احد يعرف لين ما تطلع التحاليل
ابو ابراهيم : ابشر ان شاء الله
ابومحمد : مع السلامه
ابو ابراهيم : يوصله عند الباب فحفظ الرحمن
حمد: يسلم على راس ابوه : السموحه منك يبه ترى مهو قصد بكسر لكلمتك بس يبه العرس مهو بالغصيبه وهذا هو جاها نصيبها بناس نرفع الراس فيهم
ابو ابراهيم : بصوت عالي :ماهقيتها منك يا حمد الي سويته ترخص في بنت عمك وعشان مين من الي تبيها الحين قول
حمد : يبه والله اني ما ابي غير بنت خالي هزاع وهو صديق عمرك ما ضنتي بيفرق عن خالي عندك بمكانته
ابو ابراهيم سكت كله عنده الا رفيق دربه
حمد: شاف انه هدا رجع وسلم على راسه : هاه يبه وش قلت
ابراهيم : دخل المجلس بعد ما وصل ابو محمد لين سيارته: يبه انت ما خذت راي يزيد يمكن يبيها
ابو ابراهيم : يوقف وبعصبيه : لا ما باخذ رأيه هو اتقدملها وعمك رفضه ومستحيل ازوجها واحد ابوها رفضه وهو حي حتي لو كانت تبيه
حمد : لا يبه يزيد ما يبيها...و باحراج خايف يعصب عليه .... يبه متى راح تخطب لي بنت خالي
ابو ابراهيم : بعصبيه : انت خلنا نخلص هـ الموضوع وبعدين اخطبلك
ابرهيم : مع السلامه يبه
ابو براهيم : وش عندك وين بتروح
ابراهيم : بروح المستشفي مريم عندها موعد
ابو ابراهيم : رجع لهدوئه : الله يوفقك وانا ابوك مريم تستاهل كل خير ويخرج عنهم يدخل الصاله
ابراهيم : امين ....تعال سودت بوجه ابوي والله خفت انه يكفخك وشلون جاتك الفكره انك ترفضها قدامه
حمد : بضحكه : فرصه وجاتني لحد عندي بكون مهبول لو ضيعتها وبعدين لا تنسى الي متقدم مهو أي احد عشان ابوك يرده بسهوله يالله متبي تروح بروح معك
ابراهيم : وش عندك تروح معي
حمد : لا يشيخ هذا يزيد داق علي يبيني اجيه بيته
ابرهيم : ايه زين انك ما سويت مثله ولا كان ذبحك ابوي
حمد : لا يمعود تعال انت كيف تقول عند ابوي يمكن يزيد يبيها وانت تعرف انه معرس
ابراهيم : وش عرفني بولد عمتك يمكن يقول بعدين ليه ما خبرتوني
حمد: لا ريح عمرك هو مرتاح مع مرته و ماراح يشوف احسن منها

في الصاله

ابو ابراهيم :بعد ماجلس بفتره : ام ابراهيم اعرف انك حكيمه و با اخذ شورك بموضوع
ام ابراهيم : خير وش عندك وش يبي ابو محمد
ابو ابراهيم : طول عمرك فهيمه ياطويله العمر ابو محمد جاي يخطب ملاك لولده محمد ولدك الخبل ارخصها قدامه فما قدرت ارده
ام ابراهيم : ابتسمت الي ولدها بيرتاح : بس ما كنه بدري ابوها توه متوفي و انت ويش رديت عليه
ابو ابراهيم : انا قلت له ما عندي مانع وقلت له يخذون شور البنت ويعطوني خبر
ام ابراهيم : زين ما سويت لليتيمه ما راح تحصل احسن منهم نسب وبتضل عند امها
ابو ابراهيم : بس ها ما وصيك يا ام ابراهيم ما تقولين عند احد انا قلت اخذ رايك
ام ابراهيم : زين سويت بس اهم شي ام عامر لا تعرف احسن تقلبها على روسنا
ابو ابراهيم : لا تشيلين هم ما راح تعرف الي بعد ما تملك وابو محمد بعد موصيني ما يبي احد يعرف بالموضوع
ام ابراهيم : على خير ان شاء الله والله يتمملها هـ اليتيمه ما تستاهل الا كل خير

*،،*

شقة فيصل
في المجلس :

بسيط بلون ازرق نضام امريكي
فيصل : ههههههههههههههههههههههههههههههه تتكلم جد
محمد : ايه جد وش فيك
فيصل : طيب وافقت عليها بدون ما تشوفها يمكن ما ترتاح لها
خالد : ايه يمكن ما يعجبك شكلها
محمد : يشرب من الشاهي : ما همني الشكل اهم شي اخلاقها و ان شاء الله ضامن الشكل والاخلاق لانها بنت خالتي
فيصل : الله يوفقك... الدور والباقي على خويلد ويضربه على ظهره ههههه ...جاس جنبه بكنبه وحده
خالد : ههههههههههههههه وجع ان شاء الله
محمد : هههههههههههههههههههههههههههههههههه ما دريت الاخ ناوي يخطب بعد
فيصل : ههههههههههههههههههههههههههههههههه قول والله مين ياخويلد
خالد : بفرحه وضحكه : ايه وش فيك مستغرب وبخطب اخت محمد
فيصل: ههههههههههههههههههههههههههههههههههههههههههههه كملت لو دريت ان الغيره بتذبحكم وتخليكم تعرسون كان اعرست من زمان

لنا لقاء أخر بإذن الله

تحياتي ؛

07-11-08, 12:44 PM

المشاركة رقم: 68

المعلومات
الكاتب:	BENT EL-Q8
اللقب:	يتيمة جابر

البيانات
التسجيل:	Sep 2007
العضوية:	44197
المشاركات:	13,147
الجنس	أنثى
معدل التقييم:
نقاط التقييم:	43

االدولة

مدونتي

الإتصالات
الحالة:
وسائل الإتصال:

كاتب الموضوع : ساعه بلا عقارب المنتدى : القصص المكتمله من وحي قلم الاعضاء

السلام عليكم...
كالعاده سوسو بارت اكثــر من رائع
اثر فيني حيـل...ابتسمت من فرح عصبت من قهر لدرجة اني حطيت حرتي باخوي هع..واخيرا خفت من الياي
استانست حيل لما طلع توقعي صح مع سوسو:)
وان محمد بياخذ ملاك بس هل رح ياخذها ولا بصير شي يخرب عليهم!!
ملاك
حرام
صج الواحد من دون اهله ما يسوى شي...وصج انهم سنده بهالدنيا
كاهي ملاك مات ابوهـا بس وطاع شصار فيهـا الي طمعان فيهـا والي عباله انه بيحميها لو ما خلاها تسافر وزوجهـ لولده
الله يعينهـا لهدرجه تبي تسافر وماتبي تشوف احــد
وان شاء الله يكون محمد سند لها
محمد
حيل استانست وانه وافق
بس لما يشوف انها انجي شرح يسوي خاصة واهو شاك فيهـا!!
الله يستـر

خالد
هع مستعجل الاخ
الله يوفقه

ام عامــــــــــــــــر
يعلج تحترقين بجهنم<<قولو آمين
تحطين عقلج بعقل ياهل ما تفهم
حسبي الله عليج
ربي ينتقم منج

نورة
على الي سوته فيهـا وببناتهـا بس ما دعت عليهـا
صج فرق بينهم
ربي ينتقم لهـا منهـا

هنـد&يزيد
الله لا يفرقهم
حمد
زين سوا
خفت انه ما يرخصها خوف من ابوه
بس الحمد لله انه فكر عدل فرصه وياته:)
تقبلي مروري

07-11-08, 02:21 PM

المشاركة رقم: 69

المعلومات
الكاتب:	ساعه بلا عقارب
اللقب:	ليلاس متالق

البيانات
التسجيل:	Oct 2008
العضوية:	98291
المشاركات:	8,013
الجنس	أنثى
معدل التقييم:
نقاط التقييم:	258

االدولة

مدونتي

الإتصالات
الحالة:
وسائل الإتصال:

كاتب الموضوع : ساعه بلا عقارب المنتدى : القصص المكتمله من وحي قلم الاعضاء

اقتباس :-

السلام عليكم...
كالعاده سوسو بارتاكثــر من رائع
اثر فيني حيـل...ابتسمت من فرح عصبت من قهر لدرجة اني حطيت حرتيباخوي هع..واخيرا خفت من الياي
استانست حيل لما طلع توقعي صح مع سوسو:)
وانمحمد بياخذ ملاك بس هل رح ياخذها ولا بصير شي يخرب عليهم!!

وعليكم السلام

تسلمين ياعمري

يؤيؤيؤيؤيؤ..حرام عليك يالمجرمه اخوك وش دخله تعصبين عليه المسيكين

انتظري وتشوفين وش بيصير

اقتباس :-

ملاك
حرام
صج الواحد من دون اهله ما يسوىشي...وصج انهم سنده بهالدنيا
كاهي ملاك مات ابوهـا بس وطاع شصار فيهـا الي طمعانفيهـا والي عباله انه بيحميها لو ما خلاها تسافر وزوجهـ لولده
الله يعينهـالهدرجه تبي تسافر وماتبي تشوف احــد
وان شاء الله يكون محمد سندلها
محمد
حيل استانست وانه وافق
بس لما يشوف انها انجي شرح يسوي خاصة واهوشاك فيهـا!!
الله يستـر

احيان الغربه ما تكون غربة وطن والبعد عن الاهل تكون غربة مشاعر وضياع مع النفس وهذا هو حال ملاك الحين

محمد هل تتوقعين راح يوافق عليها ويكمل العرس اذا شاف انها هي انجي ولا يرفض

اقتباس :-

خالد
هع مستعجل الاخ
الله يوفقه

خخخخخ امين

اقتباس :-

امعامــــــــــــــــر
يعلج تحترقين بجهنم<<قولوآمين
تحطين عقلج بعقل ياهل ما تفهم
حسبي الله عليج
ربي ينتقممنج

خخخخخخخخخ عليك ياليت دعوت بنوته تصيبك

اقتباس :-

نورة
على الي سوتهفيهـا وببناتهـا بس ما دعت عليهـا
صج فرق بينهم
ربي ينتقم لهـامنهـا

امين

اقتباس :-

هنـد&يزيد
الله لا يفرقهم

امين

اقتباس :-

حمد
زين سوا
خفت انهما يرخصها خوف من ابوه
بس الحمد لله انه فكر عدل فرصه وياته:)

ايه زين منه انه شغل عقله شوي وترك الخوف

اقتباس :-

تقبليمروري

تسلمين يالغاليه انتي ومرورك الي تاج على راسي

التعديل الأخير تم بواسطة ساعه بلا عقارب ; 07-11-08 الساعة 02:30 PM

07-11-08, 10:46 PM

المشاركة رقم: 70

المعلومات
الكاتب:	مذهلة الخليج
اللقب:	مالكة القلوب

البيانات
التسجيل:	Oct 2007
العضوية:	53295
المشاركات:	3,145
الجنس	أنثى
معدل التقييم:
نقاط التقييم:	129

االدولة

مدونتي

الإتصالات
الحالة:
وسائل الإتصال:

كاتب الموضوع : ساعه بلا عقارب المنتدى : القصص المكتمله من وحي قلم الاعضاء

ايوووووووووووووو يااااااااااويل حاااااااااااااااااااالي تحقق الى انااااا انطره من زمااااان انا قلت
هذول الثنين ماينسبون غير بعض لاتحولين يابنت مكه هم لي بعض يعني لي بعض
ولا تسمعين كلام حبيبتي فراشه ترها مخبوله مرررره ههههههههههه
ومبروك يحلوين كذا القصة بتكون اكشن بين هذول المخبولين كل صراعااات

ايوى فراشة قلبي مره ثااني لاتغلطين>>>ساعة لا تطيعينه لان فراشتي بعض الاحين اقترحاته تجيب المرض هههههههههههههه

محمد وملاك صراحه الموقف راح يكون رهيب اذا كل وحد اكتشف من الشخص الثاااني رهيبين هههههههه بس احسن لهم ملاك تكفين خلي محمد يكتشف من ملاك في الطياااره خخخخخخخخخخخ والله وناااسه

لا وانا احساااسي يقول عوشه الى متستحي راح تكون سبب مشاكل بين محمد ملاك وكذا يكون اكشن ههه 100% وياااربي وش بيصير شكل العله لو اعرفات بزوجهم بس تدرين شوفي اخونه كلهم طيبين بس هي الى شريره بس يقول ((يخرج الخبيث من الطيب ويخرج الطيب من الخبيث))وهي خبيث

الله يخذها ومرض يصيب جسمها وسرطان يكسر اعظامه وخلينا نفرح عليها اجل طفله مثل شوق تحرقه عله يااارب يصيبها مرض ياااربي منها بدل ماتروح تشوف بلوي بنته تحط العيب في بنت الناااس هند

عامر المفروض من زمااان يخذ هذي الخطوه بس صحيح الواحد كل شي ممكن يستحمل الى ان توصل لي اطفاااله شي طبيعي ان يطلع من البيت والله راح يتهنون

حمداليوم انت صرت عندي غااالي ياعيني عليك ايو كذا الوحد ترتفع معنويته الله يهنيك وتاخذالى تبغاها ولو ساعة عارضة عطني خبر وانا اتفاهم معها اي كذا فراحة قلبي

يزيد وهند الله يهنيهم
فصول الله يهنيه بس هذي شذو المفروض ياساعة تعطينها زوج بناااني مو خليجي رز من اهم الاشياء عنده هههههههههههه >>الله لايبلانا خخخخخخخخخ

ويعطيج العافيه ياساعة وننطر الابداع والاكشن في الجزء الجاااي هههههههه
في ملكة محمد وملاك

مذهلة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

LinkBacks (?) LinkBack to this Thread: https://www.liilas.com/vb3/t95252.html
أرسلت بواسطة	For	Type	التاريخ
Untitled document	This thread	Refback	03-11-10 12:03 PM