هاااات همك في وسط جوفي وصبـه...

وكـان بـه غيـره تعـال وصـب ثـانـي...

وأعطني قربك وانـا بعطيـك عمـري...

وأهـدنـي لحـظـه وخــذ كـلـه زمـانــي...

تخيلي ذا الليل ما يحوي قمـر * * * تخيلي لا شط لا موج وبحر
وشمس النهار تختفـي
وإن الوفى ماهو وفـي

تخيلي لو السماء كومت رمـل * * * وإن الـفــرح شـيـئ مـمــل
تـخـيـلـي مـا بـه نـجـوم
والـدنـيـا أهـاة وهمــوم

تخيلي لو الزمن يمشي ورى * * * والــعـــيـن عــيـت لا تـــرى
ودروبــنــا لا تـلـتــقــــي
و الحب ماهـو منطـقـي

كــــل الــــذي ودي أقـــــــول * * * أنــا بــدونـــك كــــــــل ذول
أللـيـل أنـا وإنتـي قمــر
ألشط أناو عيـونك بحـر

سـمــاي أنـا عـقــبـك رمـــل * * * حـتـى الـفـرح بـعـدك ممــل
يا دنيـتـي يـا حـاظـــري
مكسور عقبك خاطـري
أحبك رغم إللي حصل
عايش لأن عنـدي أمـل

ليه طيفك لاغزى نومي بكيت..
وأصحى من نومي غريق بمدمعي!
وليه ذكرك لاسمعته إنتهيت.!
وأكتم الونات وأعض أصبعي..!
وليه لافكرت في بعدك سهيت..
وأنسى كل الجالسين إللي معي.!
وليه لاجت عينك بعيني عميت.
وقلبي أسمع دقته بين أضلعي.!
وليه لاحاولت أنسى ماقويت..
ضايعن مقدر أحدد موقعي.!
أعتقد إني تأكدت ودريت..
إني مهما رحت يمك مرجعي..
والدليل إني بطاريك إنتهيت.!.
خاتمي أدوره وهو في إصبعي..