كاتب الموضوع :
mesho
المنتدى :
من عيون الشعر العربي والعالمي
ليه اذا حبيتك أكثر زدت قسوة
ليه اذا حبيتك أكثر زدت قسوه
وان دريت بحاجتي لك .. زدت جفوه
وان عطيتك من حياتي ماتريده
ماكفاك وتحسب ان الحب نزوه
والله اني يا أحب الناس.. أحبك
والله ان الروح لو ترضيك.. فدوة
واللي اني تارك غيرك .. وجيتك
مزعل الزعلان والعذال عنوة
كل دقه قلب فيني لك قصيده
تكفى الدنيا مع الاحباب غنوة
وكل هاجس مايجيب الا خيالك
سلوتي بالعمر .. في صحوة وغفوه
اجمع احساس واشواقي واجيلك
والبس ثياب الهوى والعشق كسوه
وانتقي من سواليفي حسنها
والقصايد من غزلها كل حروة
وأنثر العبرات والضحكات عندك
واقول اني احق الناس فضوة
ادري اني عادي مافيه ميزه
وادري اني كادح ماحاش كروة
وادري اني في خريف العمرماضي
مابقي بيني وبين القبر خطوه
لكن اني صادق في ما اقوله
واطلب من الله عن الزلات عفوه
قلبي اللي لواه مْن الصواديف لاوي
جرّحته الليالي و الحظوظ الرديّه
و الله أنّي بوسط الناس كنّي خلاوي
من يلوم المفارق عقب فرقا خويّه
أشهد ان المفارق من عظيم البلاوي
مير هذا نصيبك يالعيون الشقيّه
أتجلّد و أقول أنّي على البعد قاوي
و الله أعلم بقلبٍ فيه الأشواق حيّه
كيف راحت يابو تركي حياتي شقاوي
وين درب السعاده و الحياة الهنيّه
ليت لأهل الهوى و الحب قاضي دعاوي
كان أداعي عيون اللي فراقه خطيّه
كنّي المبلي اللي قطّعته المكاوي
كلّما جظّ بالونّات زادوه كيّه
|
21-09-08, 02:13 AM
جديد مواضيع قسم من عيون الشعر العربي والعالمي
العرض العادي
