نوف:جلوى اذا تبين تنامين عادي بروح
جلوى:لا وش تروحين اجلسي اصلا طار النوم مني
نوف بعد تفكير:جوجو تدرين وش ودي
جلوى: اطرحي افكارك طال عمرك كلي اذان صاغيه
نوف:هههههه والله انك عسل ماتصدقين قد ايش اني اتونس معك اممم ماادري وش ودي بالضبط بس ودي اسوي شي فيه اكشن
جلوى:تكفين يالاكشن اهم شي مهوب مع ناصر من الحين اقولك
نوف:لا وش ناصر انتي الثانيه ودي ادخل غرفة شذى وافتش فيها وش رايك تنزلين معي
جلوى:لا والله مجنونة انتي والله لو تدري تذبحنا اذاتنظيف غرفتها تعيي احد ينظفها هي الي تنضفها بنفسها مالك دخل فيها
نوف :اف يعني والحل
جلوى:الحل انك تجلسين مكانك ولا تتحركين منه
نوف: لاانك انتي ماتدرين وش ابي ودي ادور الميموري حقها الي ضايع اموت واعرف وش فيه اكيد فيه شي والا مااكون انا نوف.......جلوى انتي وش فيك اليوم مو طبيعيه ابدا امي قالت لك شي وشفيك
جلوى:مافيني شي
نوف:اقص يدي اذا انتي صادقه والله انك تكذبين علي قوليلي والله مايطلع بس انتي تكلمي وريحيني
جلوى ترددت اقولها او لا المهم قلتلها كل الي صار لي من نواف
نوف بعصبيه:هالحقير الكلب ماادانيه هالخايس ايه خلص من الشغالات بدى عاد فيك انتي الواطي الحيوان الا الان مارجع للبيت الله يستر بس مايرجع الا ببلوه معه وتشوفين الله لايرده انشاءالله ترلا تخبطه ونرتاح منه
جلوى بخوف:اووه نوف لا تخوفيني والله ماقدرت انوم من الروعه الي فيني لا تزيدين علي تكفين
نوف وهي الى الان معصبه: ياليت فيه احد هنا اقدر اعتمد عليه المشكله الي اعتمد عليه فهد بس هو طول اليوم برا
جلوى:فيه اروى بصير انزل انا وياها منيب نا..........
قاطعتني نوف
نوف :أي اروى تكفين مانفعت نفسها تنفعك تعلميني فيها الحين ماكلفت على نفسها تساعدك بالبيت وهي لاشغل ولا مشغله تبينها تحميك منه هذي والله لو يصرخ عليها نواف صرخه وحده ان تطير لغرفتها زي السلام ولا همها فيك هي فاضيه بس تتشكى والا تنفع مستحيل
جلوى:طيب وش اسوي
"ماردت علي نوف قامت تتحرك قدامي رايحه جايه تفكر"
نوف:خلاص انا بصير انام هنا ونروح انا وانتي الجامعه سوا وبصير طول الوقت معك انتي لا تخافين نوافففوه مايقدر علي لاني ارد عليه وما عندي فيه وماراح يتجراء عليك وانا معك
جلوى بفرح:اكيد نوف احلفي
نوف:ههههه اكيدين مجنونه انتي تبين عقب الي صار اروح واخليك لا حبيبتي اذا ما وقفت معك الحين متى بوقف معك ؟ وياللللللللللله بساعدك بعد بالمطبخ والتنظيف اللللله من قدك يالطيفه شغالتين انما ايه وين بتحصل مثلنا خخخخخخخخخخ
جلوى منحرجه: طيب وبيت جدس اكيد ودس ترجعين عندهم
نوف:عادي باخذ منهم اجازه مفتوحه خخخخ
جلوى:تدرين انك تذكريني بصديقتي صالحه نفس كل شي الهبال والاسلوب والطبع
نوف:انتي تشوفينها في الجامعه
جلوى بحزن:وين اشوفها ماشفتها من اسبوع العاده نلتقي عند بوابه2 بس تغير وقت محاضراتي ولا صرت اشوفها ادورها وما احصلها
نوف:خلاص ولا يهمك السبت اول مانوصل نكلم عليها من جوالي صح ان امي حالفه علي مااعطيك ياه بس انا بكلمها واسال هي وين وتتقابلون هي عندها اميل
جلوى:ايه عندها
نوف:خلاص حلو تصيرين تكلمينها على المسن وتشوفينها بالفيديو بعد امي ماتدري وشو المسن خخخخخ والا كان حلفت عليه بعد اذا شفتيها خذي منها اميلها والوقت الي ودك تكلمينها فيه خذي لابتوبي اتفقنا
جلوى
ماعرفت كيف اشكرها ماحسيت بنفسي الا انا حاضنتها وشاكرتها من كل قلبي على موقفها معي
نوف بضحك و بتريقه:الحين حضنتيني ياالوقيه والا اول ماشفتيني تقلب وجهك خخخخ كاشفتك
جلوى:وش اسوي والله ماكان لي خلق احد نوف اعذريني كان ودي بس اجلس لحالي
نوف:الله لا يلومك انا عارفتك زين مو هذا طبعك عشان كذا سالتك وش فيك الله بيسهلها جلوى انتي ارتاحي بس
الله اكب الله اكبر الله اكبر
جلوى:يوووه ياسرع الوقت اذن الفجر
نوف:بتنومين اذا صليتي
جلوى:ايه بنوم على الاقل يمديني انوم بنصبح على الجمعه وانا هاليوم اقوم بدري الساعه 10 انا صاحيه يمديني اصلح القهوه لعمي قبل مايروح المزرعته
نوف:استغفرالله الناس يقومون بدري لصلاة الجمعه وهو يقوم يروح لمزرعته ...يالله اجل تصبحين على خير لا تنسين اذا قمتي قوميني معك عشان اساعدك ياويلك اذا نسيتي
............................................................ ............................................................ ..
فهد:
هالواطي لي ساعتين انتظره برا عند الباب وما رجع والحين اذن الفجر وتوه ماجاء وين يروح مني قليل المروه والنخوه حسبي الله عليه هذا متى بيتعدل ويصير رجال ويترك هالزفت الي يشربه عنه وصلت فيه الدناءه انه يحاول يعتدي على بنت عمه الي هي عرضه وشرفه على باله انها مثل الشغالات الي راحو متى مابغا تحرش فيهم النذل اعوذبالله منه ومن حالته الي ميخاف الله لاحووووول المشكله ان الوحيده الي اعتمد عليها نوف انها تنتبه لجلوى نواف مايقدر عليها بس هي مستحيل تجلس بالبيت وتترك بيت جدي والحل جلوى انا خايف عليها هي امانه عندنا يتيمه ماعندها احد هالبنت مقروده صدق تلقاها من مين والا مين انتدابي لشرقيه بعد شهر الله يستر اذا رحت وش بيسوي نواف فيها مهوب لاقي من يوقفه عند حده شكلي انا الي بكلمها واذا وافقت قلت لابوي ولامي اني ابي اخطبها واذا وافقت باخذها هي وامي فاطمه معي للشرقيه احسن لهم ولي
اخيرا جا نواف
ماامداه ينزل من السياره الا وانا ماسكه من ياقة ثوبه
فهد بعصبيه:اسمعني زين يالنذل ان شفتك متعرض لبنة عمك مره ثانيه ان تندم عمرك كله سامع والا لا
نواف وهو يترنح وبكلام متقطع من السكر:ان انا ماجيتها هي هي الي تحرشت فيني القذره بس ما عليه بعوضها مره ثانيه
ماتحملت كلامه ويكذب ويتبلى عليها بعد دخلته جوا الخيمه الي برا وطلعت حرتي فيه ضربته والله حسيت انه بيموت من قوة ضربي له وهو يصرخ ويحاول يبعدني عنه
فهدمعصب:يالكلب يالخسيس تكذب بعد كلامي منيب عايده مره ثانيه هالمره مديت يدي عليك المره الجايه بفردي يالواطي براسك
وطلعت وتركته هالنذل
:::::::::::::::::::::::::::::::::::::::::::::::::::::::::::: :::::::::::::::::::::::::::::::::
الظهر بعد صلاة الجمعه في قصر الجد ابو سلطان
الجد ابو سلطان بطبيعة صوته الممزوج بالقوه و الجبروت: وش رايك ياولدي بالي قلته
طلال:قولك ماعليه خلاف يبه بس الله يطول بعمرك ماظنيت ان عمتي بتوافق
الجد:ماهمني توافق هند والا لا البنت انا بجيبها عندي مهوب حبن فيها لا بس انا مابي عمها يسوي معي الي سواه اخوه فيني يستغل اسمي عشانها عنده على باله اني بسكت عليه ابي اكسر راسه من الحين
الجده"امي ساره"انتظر لا تجيبها الحين اصبر لين تخلص من الجامعه مابقى لها الا 3 شهور وتتخرج مسيكينه هي متعلقه بجدتها مره واذا جبتها الحين بيأثر عليها هالشي وبعدها سو الي تبي
الجد:على خير انشاءالله من تتخرج تحطون عندي خبر
:::::::::::::::::::::::::::::::::::::::::::::::::::::::::::: :::::::::::::::::::::::::::::::
بنفس القصر
هند "ام جلوى"تكلم بالتليفون
هند معصبه:شفتي الي بيسويه ابوي بيجيبها عندي عساني اتحمل الي عندي اتحمل ذي بعد بنجن ياسلوى مابيها يعني ماابيها عندي وش اسوي
سلوى:الله يهديه ابوي ليه بيجيب بنت الهنديه عندك غريبه من متى هالحب لها قوليله انك ماتبينها عندك
هند: قلتله اني ماابيها عندي قالي انا مااخذت رايك بجيبها يعني بجيبها طيب يبي يكسر راس عمها يكسره وهي عنده ليه يجيبها عندي
سلوى"طيب متى بيجيبها؟
هند:اذا تخرجت بتتخرج بعد ثلاث شهور
سلوى:ايه زين تو الناس مهيب جايتك الحين
:::::::::::::::::::::::::::::::::::::::::::::::::::::::::::: :::::::::::::::::::::::::::::::
ريما:
صراحه انصدمت من ردة فعل امي وخالتي كنت اسمع امي ايش تقول اعرف ان امي قاسيه مره على جلوى اختي وماتبيها بس ماتوقعتها قاسيه لهاالدرجه في الاخير جلوى بنتها سواء حبتها او ماحبتها بطريقتها هذي كرهت الكل بجلوى الكل ينظرلها على انها منبوذه وانها ولا شي حرام هي ماتستاهل حسيت كذا من كلام نوف بنت عمها عنها بس الي اعرفه كمان ان جلوى مره متعلقه بجدتها الهنديه انا والله مااتريق بس عشاني مااعرف اسمها قلت كذا الله يعينها هاالمسكينه ودي مره اشوفها ساره بنت خالتي تقول انها مره جميله متحمسه لشوفتها
ترن ترن ترن
غاده باانفعال : واخيرا يالدبا تكرمتي ورديتي علي من امس من لما وصلناك وانا اتصل عليك وانتي مطنشتني يالسخيفه
ريما ببرود: غريبه قائمه بدري بعدين انتي الحين ايش تبغين
غاده معصبه"ريمووووه ماله داعي تكلميني كذا
ريما بعصبيه بعد:وانتي بعد ماله داعي سكوتك امس بالسياره اقل شي قلتي الي شفتيه صدق مالك تاليه مايهمك الا نفسك يالخوافه
غاده:ريما انا والله تكلمت وهو سكتني بعدين انا اخاف منه اذا عصب والله بيضربني اذا حكيت انا اعرفه لا تزعلين ريمو بليز
ريما:خلاص مازعلت
غاده:يعني صافي يالبن
ريما:ههههه عسل يااشطه
غاده:بس صراحه امس عجبتيني ريموه ماتوقعتك كذا ابد والله لا يقلك الدلع ههههههه ما شفتي شكله بعد الكف من ركب السياره مانطق كلمه وحده تمنيت اني انزل واحب راسك على اللي سويتيه فيه يستاهل نكد علينا الطلعه بس خفت انه يموتني خخخخخخ
ريما:ههههههههههه اسكتي ولله من ضربته وانا حاطه رجلي ركضت لين وصلت غرفتي وقفلت على نفسي الباب خفت يلحقني
غاده"ههههههههههههههههه بيحرم يطلعنا مره ثانيه ههههههههههههههههههههههههههههههه
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
في فلة الخاله سلوى
خالد معصب:وليه يجيبها جدي عنده المفروض يخليها تنثبر عند عمها هو اولى فيها
سلوى:وانت وش دخلك فيها جت او ماجت وش عليك منها
خالد:كذا بس مااطيقها هالبنت اتنكد اذا شفتها
سلوى:ماادري انت متى بتكبر عن هالحركات وتتركها بحالها عمرك 28 سنه واذا شفتها انقلبت بزر صح اني مابيها تسكن عند ابوي بس خلاص خالد البنت كبرت مو مثل اول كل ما اتشوفها تضربها وتهزئها على كيفك واذا جت وسكنت عند ابوي وشفتها طنشها وماعليك منها امي ساره مهيب ساكته لك وانا مابي مشاكل مع امي بعدين متى ناوي تخطب بنت خالك كل مره جايب لك عذر
خالد:يمه انتي عارفه اني انتظرها لين تتخرج هانت مابقى لها الا ترم واذا تخرجت خطبتها
سلوى: انت لو الله يفكك من العناد كان انت بخير عنيد طالع على مين ماادري
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::
في غرفة ساره:
ساره بدلع:بس ولو المفروض تطمني عليك ماتصدق اني مره خفت عليك
مشاري بكذب:اعذريني حبي وش اسوي بس اختي تعبت ووديتها المستشفى وانشغلت وما قدرت ارد عليك وتوني راجع من صلاة الجمعه قلت لازم اتصل على روحي
ساره:اوكيه سامحتك
مشاري:ساره انا تعبان مااتحمل اكثر من كذا ودي اشوفك واكحل عيني فيك مو على المسن لا ابي على الطبيعه انتي ماتدرين انتي وش سويتي فيني
ساره:ميشو انت تحبني
مشاري بتصنع بصوت حزين:يليتني احبك بس يا ساره انا اعشقك واعشق الارض الي انتي تمشين عليها لو مااحبك ماوقفت بوجه امي الي تبي تزوجني بنت عمي ان مابي الا انتي وبس بس انتي متى بتحسين فيني
ساره متاثره:لهالدرجه تحبني يابعد عمري و الله ولا تزعل الي انت تبيه انا موافقه
مشاري بفرح واخيرا:ابي اطلع معك ياعمري ابي اسولف معك وجه بوجه ابيك تشوفين الشوق والوله والحب الي بعيوني لك
ساره:ابشر بس مو الحين انتظر علي شوي
مشاري:عشانك انتي بس بتحمل بس تكفين لا تطولين علي ياعمري ماتحمل بعدك انا
ساره:وعد اني مااطول عليك ياحبيبي في هاليومين اكيد مظطره اقفل منك الحين ماما تناديني
مشاري:مع السلامه عمري وانتبهي لنفسك
ساره:اوكيه وانت بعد باي عمري
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::
جلوى
قمت الساعه عشر وما قومت نوف رحمتها مانامت الا متاخر خلصت كل شي صلحت القهوه وجهزت الفطور وخذت فطور امي فاطمه والشاهي بطلعه لها فوق توني بطلع شفت نواف داخل جوا المطبخ حطيت االاكل على الطاول وتغطيت بسرعه عمى هذا وش قومه من الحين
قلت بكل قوه استغربتها من نفسي جلوى:خير وش تبي والله لو تسوي شي لااصرخ باعلى صوتي يالواطي
نواف بنظرات مقززه:يعني انتي منتيب خايفه مني
جلوى:مهوب انا الي اخاف من هالاشكال القذره والمنحطه ابعد عن طريقي احسن لك
نواف:واذا قلت منيب موخر عن طريقك وش بتسوين يعني
جلوى: وخر عن طريقي احسن لك
نواف بكل برود مسند جسمه على الباب:قلتلك منيب موخر واسمعيني زين الي صار امس والله لو ادري انك قلتيه لنوف ان تندمين سامعه والا لا
جلوى بكل استحقار: خايف اني اقول لنوف وماخفت من ربك.. وليه ماتبيها تدري المفروض تدري عن انحطاط ودناءة وقذارة اخوها الكبير الي ما صان عرضه وشرفه بسبب هالسم الهاري الي انت تشربه
مارد علي طلع وهو معصب احسن في الي مايحفظه يارب
جلوى جلوى
جلوى:سمي خالتي بغيتي شي
لطيفه :نواف وش عند هنا
جلوى:يبي شاهي
لطيفه بتردد:ابيك تدهنين رقبتي و ظهري اقوم البنات ولا وحده منهم رضت تقوم احس ان رقبتي بتنكسر
جلوى صراحه رحمتها:طيب انا عندي كريم مره زين مسكن اسمه فولترين تبين ادهنك منه
لطيفه:كريمك زين متاكده
هذا جزاي تشك بعد:انا استخدمه دائم وارتاح معه
لطيفه:طيب الله يسعدك جيبيه وتعالي غرفتي
غريبه وش هاالادب جلوى"انشاءالله
رحت جبت الكريم ونزلت لها بغرفتها ودهنتها وخلصت
جلوى:انتظري شوي بعدين البسي بلوزتك لين يجف الكريم واذا جاء في اليل قبل ماتنومين دهنته لك مره ثانيه عشان يخف غليك
لطيفه:شكرا ما قصرتي
طلعت غريييييييبه وش هالسان الحلو والادب الي حل عليها اليوم والله مايندرى عنها هالانسانه عجزت افهمها كل يوم لها حال مره طيبه ومر اقشر منها مافيه لايكون عندها انفصام بالشخصيه وانا مدري خخخخخ كل شي جايز من عائلتي الكريمه
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::
لطيفه:
هالبنت ماادري ليه احيانا ارحمها مع اني ما اوضحلها هالشي بس بيني وبين نفسي تعجبني قويه ونفس الوقت حنونه مع اني مهبلتبها ومتسلطه عليها بس من قلت لها ان رقبتي وظهري تعورني وابيك تدهنيني وافقت على طول وراحت تجيب كريمها ودهنتني بنفس ما كشرت ولا شي وبدهني مره ثانيه فااليل من غير ماقولها هي الي قالت لي وبناتي ولا وحده منهم كلفت نفسها تقوم دهني انبح حلقي وانا اترجاهم يقومون بس عمك اصمخ ما كانهم يسمعون شي الله يخلف علي في هالبنات والله ودي نجلس مره سوى انا وياهم ونسولف واحس ان عندي بنات ياما حاولت ولا نفع معهم احس ان مافيني الا عقوبه من ربي على الي اسويه مع خالتي فاطمه اول ماتزوجت احمد كانت عادي عندي كنت احبها واحب طيبتها وما كان عندي مانع انها هنديه كنت دائما اقول لامي وخواتي اهم شي طيبتها واخلاقها معي بس تغيرت عليها بسبب احمد ولدها ومن كلامه عنه مهوب بيدي ولدها هو الي كرهني فيها وحسسني انها تفشل وان هاالشي يقلل من قدري عند الناس وبسبته صرت اغار من خواتي عشان امهات ازواجهم كل وحده منهم سعوديه اصل وفصل معروفه واذا جوو لبيت اهلي امي تسويلهم الف حساب تصلح كل شي من الى لهم وتهتم ان كل شي يكون سنع ومرتب اما اذا جت خالتي فاطمه ماتهتم ابد ولا كأن بيجي احد واذا سالتها ليه ماتهتمين فيها مثل ماتهتمين باامهات رجال خواتي تقول عادي وش يعرف هالهنديه بالسناعه خسارة فلوس على الفاضي وقتها بدا كرهي لها يكبر ويزيد مع كلام وفعل ولدها معها تبون الصدق اشتقت للجلسه معها اشتقت لسوالفها من جو البيت وانا ماانوم الا وانا متضايقه ماادري الي اسويه صح والا غلط معها ومع هاليتيمه جلوى انا الي طلبت من احمد يجيب امه هنا صح ماكان ودي تجي عندي بس هنا ولا دار العجزه بعد ماتوفى اخوه قالي
أحمد:انا بطلع امي وهاالي معها من البيت وباأجر الدور الي هم فيه واستفيد من فلوسه
لطيفه:واذا طلعتهم وين بتوديهم
احمد:هي بوديها لدار العجزه والبنت برميها على اهلها منيب مكلف فيهم انا انا ابي اخذ راحتي ببيتي مابي هاالهنديه تنقنق علي
لطيفه:مهبول انت تودي امك للدار وانت حي وش بيقولون عنا الناس مهما كان هي امك
أحمد:يعني وين تبيني اوديها مثلا اجيبها عندي مستحيل انسب شي لي الدار
لطيفه معصبه:بس ولو ذي امك شف أحمد والله لو تودي امك ادار ان مالي جلسه بهاالبيت
أحمد:ومن متى انتي تبينها انشاءالله انتي لا تطيقينها ولا تطيقين طاريها؟
لطيفه:ايه مابيها بس مهوب معناته اني موافقه توديها الدار لا جبها هنا عندنا وبنحط لها الغرفه الي بالسطح فوق وانا بتفاهم معهم بس الدار لا
أحمد:طيب بس لو تجين بكره وتقولين امك سوت جلوى فعلت ترى مالي دخل سامعتني؟
لطيفه:انت جبهم هنا ويصير خير
يارب انك ترحمني القاها من مين والا من مين من رجل والاعيال
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::
بوووووووووووووووووووووووووووووووووووووووووووووووووووووه
جلوى بخوف:بسم الله علي روعتيني
نوف بزعل:احسن عشان ثاني مره تسمعين الكلام ليه ما قومتيني اساعدك مو انا قايلتلك؟
جلوى: رحمتس ما نمتي الا متأخره وانا صحيت بدري بس ولا يهمس بكرفس كرف تتوبين تقولين بساعدس مره ثانيه
نوف بكل محبه:ههههههههه ياحبيلك تعبك راحه هذا اذا كان فيه تعب علي اصلا انتي بس بعديني عن تقطيع البصل والثوم
نوف:تصدقين جوجو احيانا يحس الواحد ببرود في مشاعره صح والا لا
جلوى وهي تقطع الباذنجان :وش قصدس مافمت؟
نوف:خلاص اقولك بعدين اذا فضيتي وش تبين اسوي الحين
جلوى:قطعي البطاطس شرائح بس خليها رقيقه
نوف:اوكيه بسم الله
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::
رنا
اف حتى الاجازه ماتهنى بالنوم فيها واذا كان اليوم جمعه خير ياطير مثلها مثل الظهر وذي ناشبه فيني قومي وقومي
اففففففففففففففففففففففففففففففففففففففففففففففففففففففففففف فففففففففففففففففففففففففففففففففففففففففففف
رنا بصراخ:طيب يمه قمت خلاص لادقين الباب مره ثانيه والله قمت
امي ساره معصبه من ورا الباب:قومي ياقليلة خوف الله اليوم جمعه خلصو وقضو وانتي ماقمتي ومقفله الباب عشان محد يقومك اختك الي اصغر منك قائمه بدري الا انتي الحين العصر بيذن وانتي ما قمتي قومي
بسرعه قومي
رنا وهي على سريرها:اف قلتلك قمت خلاص انتي روحي وانا بصلي وبرجع انوم ارتحتي الحين
امي ساره:يا حسرة قلبي ونقول ليه ماتجينا امطار بلا والله من عقوبه الله فينا بسبب ترككم للصلاة الله ينجينا من عقايبه بس
فتحت الباب لها: هاه شفتيني قمت وش تبين بعد بصلي الحين ارتحتي!
امي ساره:الله يهديك غصب عليك "وراحت"
اف يالله الحين طار عني النوم حاله تقرف هاالعحوز بالشتني اف اشوفلي فلم احسن لي
:::::::::::::::::::::::::::::::::::::::::::::::::::::::::::: :::::::::::::::::::::::::::::::::
امي ساره معصبه:لا حول ولا قوة الا بالله لين متى وانتم ساكتين عن اابنيكم حتى ما تقومونهم للصلاة في وقتها وتاركه لهم انتي واختك الحبل على الغارب متى ماطلعوا طلعوا ومتى ما جوا يجون ماادري وش تاليه ها الثقه الزايده لهم اقل شي انتبهولهم وين يروحون وين يجون الله يستر بس
هند بكل برود:واثقين فيهم ما يحتاج نتابعهم
امي ساره:ايه بس اذا فات الفوت ماينفع الصوت انا بروح عند ابوك بمكتبه بقهويه اذا اتصلت رقيه اختي حوليها علي

في مكتب قصر الجد ابو سلطان
امي ساره بصوت حزين:ابو سلطان لي معزه لك والا مالي ؟
ابوي عبدالعزيز:لك وزود ياام سلطان امريني
امي ساره:واذا طلبت ماتردني
ابوي عبدالعزيز:افا ياام سلطان الي طلبتيه وصلك
امي ساره:جعل والديك في جنات النعيم جعلني مااذوق يومك ابي اروح اشوف جلوى
ابوي عبدالعزيز معصب:هالموضوع قضينا منه من زمان لا يعني لا متى ماجت هنا بتشوفينها
امي ساره وهي تصيح:خف الله فيني تراني تعبانه والي فيني مكفيني اهه اهه اهه ابي اشوفها بكمل السنه وانا ما شفتها اهه اهه اهه كل ماتجي منيب اشوفها ولا صارت تجي دائم البنت الحين يتيمه وانا ماادري هي وش فيه من حال اهه اهه اهه طلبتك لا تردني يا عبدالعزيز طلبتك تكفى
ابوي عبدالعزيز:لا حول بكيفك روحيلها
امي ساره بفرح وهي تحب راسه:الله يخليك لي
قاطعها ابوي عبدالعزيز:بس اسمعي هذي اول واخر مره تروحين لها عند عمها سامعتني
امي ساره :ابشر الي تبيه بيصير
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::
طلال عند باب المكتب
بابتسامه جذابه:الزين طالع مبسوط من عند ابوي الله يديم هالضحكه دوم يارب علميني وش عندك الا اذا كان شي خاص فمسموحه لا تقولين
امي ساره لا هالمره مافيه شي خاص ههههههه الحمد الله ابوك عبدالعزيز وافق اني اروح اشوف جلوى توه راسه يلين الله يهديه
طلال باستغراب:وافق عليك ؟
امي ساره:ايه ياامي وافق بس المشكله ان ماعندي لبيت عمها رقم ولا ادل البيت وش السواة
طلال:انتي متى تبين تروحين؟
امي ساره:والله ودي باليوم بعد المغرب مافيني صبر ياوليدي وانا امك دبري لي رقم عمها والا وصف بيتهم عشان اروح لهم
طلال :ابشري انتي تجهزي وانا بوديك
امي ساره مستغربه:هو تعرف وين البيت
طلال بسرعه:لا لا وش يعرفني اانا بس بدبر الوصف بسال عن بيته معارفي وبيجيبولي الوصف
امي ساره:خلاص اجل بس لاتبطي علي بعد المغرب انا جاهزه ولا تجيب طاري لهند لين رجعت قلت لها
طلال :ابشري
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::
جلوى
امي فاطمه:ههههه يمه اليكي كلام يدحكني ههههههههه
نوف:هههههههههههههههههههههه والله انك مو سهله انتي وصالحه هههههههههه
جلوى بضحك:وش اسوي خليه الحمار ملاحقنا من مكان لمكان لا ومن زين السوق بعد سوق سويقه
نوف:وبعد ماحوليتوا عليه وش سوى
جلوى:هههههه راح وما شفنا وجهه من عقبها وش يبي فينا حولات ما ننفع له هههههههههههه
نوف:والله فكره حلوه لو احد يغازلنا نحول عليه خخخخخخخ
جلوى:انا مشكلتي بهاالمواقف اضحك مستحيل اسكت هههههه صالحه عصبت علي تقول ياليتك ما ضحكتي عشان اهبلبه زياده بس من ضحكت رحنا على طول خفنا ننكشف الله يذكرك بالخير يا صالحه...هالشباب مايصدقون يشوفون ظل حرمه الا مية واحد وراها وش يستيفيدون ماادري
نوف:اه اه يارجولي تكسرت من الوقفه بالمطبخ دهنيلي رجولي انسه جوجو كله من سبتك
جلوى:هههه سلامتك ماتشوفين .الا نوف ليه خالتي ماتغدت بساالك ونسيت والحين الساعه 6 لا يكون تعبانه والا شي
نوف:والله ماادري عنها رحت لها لقيت باب غرفتها مقفل يمكن نايمه او طالعه ماادري
جلوى: غريبه ماتغدت مهوب من عوايدها
امي فاطمه: الله يافيكي يمه روهيلها يومكن تابانه او سي
جلوى:طيب الحين بنزل لها
جلوى
نزلت اشوف لطيفه اول مره من جيت عندهم ما تتغدى دقيت الباب عليها ماردت دقيت مره ثانيه
لطيفه:مين؟
انا من وراء الباب:انا جلوى
لطيفه:نعم وش تبين
جلوى:خالتي انتي تعبانه زاد عليك الم ظهرك ورقبتك؟
لطيفه:ادخلي الباب مفتوح
دخلت لقيتها منسدحه على سريرها ووجهها شين مره
جلوى:خالتي سلامتك وش فيك وجهك مهوب زين
لطيفه:ظهري ورقبتي زادوا علي وفيني خمول واحس ببرد
جلوى:طيب خالتي خليني اوديك المستشفى لا يزيد عليك التعب
لطيفه:جلوى مافيني حيل اتحرك من مكاني ابد
جلوى:خلاص اجل انا بروح الحين للمستوصف الي جنبنا وبطلب منهم دكتوره تطلع معي وبجيبها احسن لس
لطيفه:لا لا ماله داعي
جلوى:الله يهديك ياخالتي وش الي ماله داعي انا الحين بروح ولا تقولين لا بتتعبين اكثر

طلعت من غير حتى مااسمع ردها ورحت فوق لغرفتنا
جلوى:يمه وين نوف كانت هنا
امي فاطمه:راهت تنوم تكول قوموني العساء
جلوى:هذا وقت نوم ابيها تنزل تحت عند امها تكمدها بمويه بارده على ماروح اجيب الكتوره من المستوصف ما تقدر تروح
امي فاطمه:كلاص انتي روهي وانا بنزل عندها تهت وبسويلها كمادات
جلوى:لا وش تنزلين بتعصب عليك
امي فاطمه:معليس يمه هي الهين تابانه ومافي اهد بروه اعندها ومايسير الا كل كير
جلوى:كيفك
المهم رحت وجبت الدكتوره معي ودخلنا لقيت امي فاطمه عندها تكمدها كشفت عليها الدكتوره
الدكتوره:المغزي ده سيبوه لحد مايخلص المدام عندها بداية فولنزا كويس انوكم بادرتوها مين الاول
جلوى:دكتوره هي بعد تتالم من رقبتها وظهرها
الدكتوره:الظهر بياليمها عشان الفولنزا بس الرقبه يمكن معاها شد فيها انتوا عملتولها حاجه فيها ابل كيدا
جلوى:ايه دهنتها ب فولترين مسكن
الدكتوره:كويس الكريم ده كويس جدا استمري عليه يامدام 3 مرات باليوم وهااكتبلك معاه كريم كويس كمان تدهني بيه برده بس ده تحصليه بس بصيدلية الحبيب
جلوى:مشكوره دكتوره ما قصرت
الدكتوره:العفو ياحبيبتي بالسلامه انشاءالله يا مدام
لطيفه:الله يسلمك جلوى شوفي في بوكي فلوس حاسبي الدكتوره
جلوى:انشاءالله
طلعت الدكتوره من عندنا ونفس الشي امي فاطمه ماحبت تزعج لطيفه فطلعت فوق
جلوى :خالتي اذا جا السواق برسله للصيدليه عشان يجيب علاجك
لطيفه:بس هو مايعرف صيدلية الحبيب ما قد رحتلها معه اسأليه وشوفي اذا يعرفها زين واذا مايعرفها بكيفه العلاج ماله داعي
جلوى: لا وشو الي ماله داعي اذا ما عرفها انا بروح معه الكريم مهم لرقبتك يمكن يسكنها عليك زياده انتي ارتاحي الحين بنظر لين يخلص المغذي عشان اوخره من يدك واروح يصيرون قد خلصوا من صلاة المغرب
لطيفه منحرجه:الله يعافيك ماقصرتي ياجلوى لا انتي ولا خالتي ماقصرت معي
جلوى:وش دعوه خالتي انتي بحسبة امي ان ما خفت عليك اخاف على مين انا بطلع الحين بجهز القهوه وبرجعلك

طلعت من غير مااسمع وش قالت صح انها مهيب كفو الطيب وماتستاهل الي اسويه عشانها بس ولو رحمتها خفت يجيها شي كانت تعبانه مره في حياتي اقدر اتجاهل كل شي يصير بغيري الا التعب يضيق صدري ان شفت احد تعبان ومافي احد عنده يهتم فيه يمكن لاني اخاف ان الله يعاقبني اذا مااهتميت فيهم مالقى احد يهتم بامي فاطمه اذا تعبت وانا منيب موجوده المهم صلحت القهوه وجهزتها مثل كل يوم بها الوقت وسحبت المغذي من يدها ورحت مع السواق للصيدليه اجيب كريمها
بعد المغرب
بسيارة طلال
امي ساره:انت متاكد ان هذا بيتهم
طلال:ايه يمه انزلي
امي ساره:طيب انت رح لشغلك ومتى ما خلصت زهمت عليك تجي تأخذني
طلال:ماعندي شي الحين انا بنتظرك
امي ساره:اخاف اتأخر عليك
طلال:لا تخافين الله يرضى عليك خذي راحتك انا جايب الجرايد معي بقراها بالسياره ثم بروح اخذلي قهوه وارجعلك
امي ساره:براحتك


جلوى
يالله الطريق زحمه موت خلصت من الصيدليه وما وصلت للبيت الا بعد المغرب هذا وانا طالعه قبل الصلاة اجل لو طلعت بعدها متى برجع
وصلت البيت واستغربت السياره الي موقفه عند الباب غريبه من ذي سيارته يمكن واحد من اصدقاء مخطوف الذكر نوافووه او فهد بس هالسخيف ليه موقف قدام باب الفله على طول كيف انزل انا الحين هالمعتوه ما يعرف يلبق يعني كيفه بنزل ولا علي منه بخيس بالسياره اذا جلست انتظره يروح توكلت على الله
نزلت بعد ما غطيت عيوني وانا بفتح باب الفله بالمفتاح طاحت كيسة العلاج مني لااااااااااااااااااااااااااااااااااااااااااااااااااااااااااا ااااااااااااا مهوب بوقته تطيح ابد التفت بشوف وين راحت الادويه عشان المها و طمنت وبديت اجمعها والله فشله وهالتبن السواق حطني وراح يجيب اغراض نوف من عند اهلها وهالسياره قبالي مره ماقدرت ارفع عيني لااااااااااااااااااااااااااااااااااااااااااااااااااااااااا الفيفادول تحت سيارته وشلون اجيبه الحين
ياويلي نزل سمعت باب سيارته ينفتح
طلال:امسكي الكيسه زين مره ثانيه
وقف قلبي الصوت مهوب غريب علي ابد هذا صوته وش يسوي هنا
لا شعوريا قلت بعد ما رفعت عيني له:طلال
طلال بع ما جاب الدواء:ايه طلال
جلوى بصدمه.وش ..و.ش تسوي هنا
طلال بكل برود بعد ما مد لي الدواء :خذي الدواء وانتبهي مره ثانيه
جلوى ما مديت يدي له قلت برجفه:وش ج...ابك هنا عند بيت عمي ص..اير شي ؟
طلال بهدوء:امي ساره جوا عندكم
جلوى بخوف:امي ساره ؟ليه جايه وش تبي؟
طلال بصوت مرتفع شوي :ادخلي جوا والا عاجبتك وقفت الشارع
دخلت من غير مارد عليه وانا مصدومه من جيتها وش جابها توها تجي الحين تذكرتني وينها اول وينها ايام عزاء ابوي الحين عرفت انها جده
نوف بفرحه:وينك جدتك جوا تنتظرك روحي بسرعه
قلت بهدوء:معها احد
نوف:لا وشفيك جلوى موقفه ادخلي بسرعه
رحت للمجلس توني بدخل رجعت سمعت صوتها هذا صوتها الي احبه قبضني قلبي بقوه غصب عني تجمعت الدموع بعيني في داخلي عليها هي بالذات شرهه كبيره وعتب كانت هي الشخص الوحيد الي احبه في قصر جدي دائم تبتسم في وجهي وتسولف معي بس تغيرت علي من سنه ماشفتها ماسألت عني اجي عندهم وماتنزل لي وعلى بالها اذا جت باخذها بالاحضان تكون غلطانه زمن الطيبه والتعامل الزين لراح وولى
دخلت ووقفت عند الباب
امي ساره بفرح :هلا وسهلا بهاالزول تعالي يأمي ولهت عليك
بنفس مكاني ماتحركت قلت: هلا فيك امري بغيتي شي
امي ساره باستغراب وصدمه من موقفي:تعالي ياخلف امي عندي ابي شوفتك
جلوى:اعذريني تعبانه وبطلع ارتاح عن اذنك
طلعت وانا على الدرج وقفت لما سمعت امي فاطمه تناديني
امي فاطمه معصبه:ادكلي بسورعه امس ساره داخل يا قليلة الادب كذا انا ربيتك؟مابغى اسمع سي عارفه وس بتقولين ادكلي الهين وبعدين نتفاهم
جلوى بعصبيه :منيب داخله وقوليلها ماابي اشوفها ولا اشوف احد منهم توها تذكرني
امي فاطمه:ادكلي لا تفسليني عندها
جلوى بعناد:دخله لها منيب داخله وقوليلها الي قلته
طلعت فوق وقفلت علي الغرفه والله ماانزل صباح الخير توها تذكر بنت بنتها على كيفهم انا متى ماتذكروني جو اكيد فضت عشان كذا اتذكرت تحلم تشوفني مره ثانيه والله معاد اروحلهم ولا ازورهم زمن الطيبه والاخلاق ولى وراح بتعامل معهم مثل مايتعاملون معي خلها تحس باحساسي اذا جيتهم ومحد طلعلي لا وتبيني اسلم عليها بعد تحلم
دقت نوف وامي فاطمه علي الباب وانا مطنشتهم وبعدها ما رجعوا بعد ساعه تقريبا دقت نوف الباب وهي مره معصبه
نوف:افتحي الباب راحت عجبك الحين الي سويتيه
فتحتلها الباب
نوف:قسم بالله انك بزر حرمه كبيره متعنيه وجايه تشوفك ليه مادخلتي وجلستي معها ابي افهم
جلوى :رجاء نوف مالس علاقه بهالموضوع
نوف:كيفك بس تراها طلعت زعلانه وضايق صدرها وامي فاطمه جالسه تحت تبكي
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::
بسيارة طلال
طلال:ههه الله الله كل هذي دموع فرح يوم شفتيها قرت عينك يالغاليه
امي ساره:الله يهديك يا عبدالعزيز الله يهديك اهه اهه اهه اهه
طلال بخوف:وش فيك الله يرضى عليك وش صاير جلوى فيها شي
امي ساره: مالومها والله مالومها
طلال :يمه وش صاير تكلمي
امي ساره والدموع ماليه وجهها:عيت تسلم علي
طلال بعصبيه :وشووووووووووووووووووووووووووووووووووووووو
بيببببببببببببببببببببببببببببببب يبييييييييييييييييييييييييييييي بيبببببببببببببببببببببببببببببببببببببببببببببب
امي ساره:انتبه الله يهديك وراك فرملت بالسياره بغينا نروح
طلال بصراخ:ماسلمت عليك قليلة التربيه متعنيه عليها ولا سلمت عليك ولا حشمتك قدام اهلها الي ماتستحي الكلبه شغلها عندي والله ما امشيها لها انا اوريها انتي الغلطانه ليه رحتيلها مهيب كفو قليلة الادب من يعنا عليها
امي ساره:ليه تصرخ البنت ماتنلام ولا يدري ابوك عبدالعزيز انتبه
طلال:الا تنلام ونص انتي امها اه يالقهر انا الي بتصرف معها مااكون طلال ان ماربيتها من جديد

بارت ما يقل رووعهـ عن سابقهـ بالرغم من قصرهـ
تسلم ايدج عليهـ
جلوى
الحمد للهـ ليلحين الدنيا ما قست قلبهـا عدل
ومعاملتهـا مع لطيفهـ تثبت هالشي
تصرفهـا مع يدتهـا ما تنلام عليهـ
لو كانت يدتهـا معاملتهـا مو زينهـ قبل
جان عذرتهـا
بس المشكلهـ انهـا ماتدري ليش يدتهـا ما يتلهـا قبل
اللهـ يعينهـا
طلال
كل هذا عشان موقفهـا الي طاف
الحين تذكروهـا
نوف
الحمد للهـ انهـا بتنام ببيت ابوهـا عالاقل تنسى ناصـر لفترهـ
نواف
حقير
اهي تحرشت فيهـ
من زينهـ يعني
اللهـ يهديهـ
فهـد
يبي يخطب جلوى
حب فيهـا ولا شفقهـ عليهـا
او لانهـ يحس روحهـ مسؤوول عنهـا!!
لطيفهـ
الحمد للهـ
شي يبشر بالخيـر انهـا تحبهـم وريلهـا الي خربهـا
وان شاء اللهـ ترجع نفس قبل
ريمـا
الحمد للهـ انهـا مو مثل خواتهـا وانهـا ودهـا تتعرف على اختهـا
تقبلي مروري

يامرحبا الجزء هذا جنااان في امور كثيره

لطيفه:سبب تغيرها على ام زوجها سبب زوجها وامها وبانت نويها الطيبها لهم وبعد الى صار شراح يكون رده عليهم
ريم هذي دوم رهيبه انتظر ردة فعلها اذا شافة جلوي ونتظر رد رنا المستهتره لعرفت بسكن اختها معهم
فهد ماتوقع ياخذ جلوي بس وش السبب الى يمنعها مدري وش هو بس مارح يقدر
نواف نذل >>بس وش سبب خوفه من اختها نوف؟؟؟>>>صراحها غريبه
ساره وخالد تدرين اختصار>>>اعيال سلوى: كلهم وع منهم كريهين هم وامهم اعوذ بالله منهم>
جلوي ردة فعلها كانت قويها على الجده بس هم مانقدر نلومها بس امي ساره وش راح تسوي عشان تخليه تغير رايها
طلال خخخخخخخخخخخخخ مدري ليه احساسي يقول ان ردة فعل راح تكون في صالح جلوي كيف عاد مدري خخخخخخ والله ان راح ننطرك ياطلول بكل شوق خخخخ

وتسلمين على الجزء والابداع والافكار الرهيب
مذهلة