السلام عليكم ورحمة الله وبركاته
أعزائى أعضاء ليلاس
أتشرف بأن أقدم لكم وحصريا
دليل ليلاس لموسيقى تأخذ القلوب وتحبس الأنفاس
سوف نستعرض معا إن شاء الله فى هذا الدليل
كافة البرامج المتاحه فى منتدانا الكريم
و على السيرفرات الأخرى
وسنقوم بإستعراض كل ما ستحتاجه إن شاء الله كموزع موسيقى
أو مهندس صوت أو كمبتدئ يشق طريقه فى هذا المجال.
يامسهل الحال يارب
نبدأ معا
أولا بما إنك تقرأ هذا الموضوع حاليا فقد قمت بأول خطوه
لأنك جالس الان أمام جهاز كمبيوتر وهو أول طلب
بس ياريت تتمم معروفك وتكون مشترك بسرعة إنترنت جيدة
ونبدأ ببرامج التوزيع الموسيقى
إذا كنت عايز تنجز عملك بسهوله وسرعه وفى نفس الوقت واجهة
بسيطه التعامل... نصيحه أخويه إبدأ بالـــــــ
Fruity Loops
مش بتحب الفروتى لوبس أو ما أستريحتش فى التعامل معاه
يبقى جرب ال
Sonar
برضه مافيش فايده ما أستظرفتش السونار ولا الفروتى رغم إنهم تمام
شوف كده الكيوبيز
روابط التحميل بالمرفقات تحتوى على البرنامج وكمان دروس فيديو لشرحه
Cubase
لو لسه مش راضى عن البرامج اللى فاتت
جرب النيويندو
(على فكره هوه نسخه من الكيوبيز بس متنكر فى إسم تانى)
Nuendo
طبعا فيه
برامج توزيع أخرى
لكننا سنستعرض الأكثر شهره وإستخداما فى العالم
و البرامج دى مش أكتر من سيكونسر بيتعامل مع الموسيقى
بالنغم و الزمن فقط
يعنى بيقوم بقرائه ما ستدخله له من بيانات النوتات وأزمنتها
سواء أدخلتها يدويا بالماوس أو عن طريق ال Midi Port
بالكيبورد الخاص بك أيا كان نوعه
فنحن لسنا بحاجه لأصواته.. فقط نريد إشارات مفاتيحه
المحمله بالنوته وزمن نزولها.
وبما إن البرامج دى مش أكتر من وسيط مابينك وبين جهاز الكمبيوتر
فيجب أن تملأها بالأصوات اللازمه التى سوف تترجم ما أدخلته
بالنسبه للأصوات فالموضوع ينقسم إلى عدة أنواع
منها أصوات فى صيغة .wav
أو Sound Font
أو Vst وغيرها
بالنسبه للساوند فونت أو الويف
ما تحملش هم للموضوع ده
منتدانا الكريم به قسم كامل للساوند فونت
ومش بس Sound Fonts ستجد أيضا Loops
مفيده جدا إن شاء الله
بالنسبه لل Vst
فهو بحر كبير والمصيبه إنه متجدد يوميا
ولتسهيل الأمر سوف نعتبر أنفسنا سنبدأ فى توزيع معجزه موسيقيه
فيها كل الاّلات الموسيقيه و الإيقاعيه الشرقيه و الغربيه
طبعا معجزتنا الموسيقيه اللى هتغير مجرى الموسيقى فى العالم
محتاجه إيقاع شرقى
يبقى عليك و على أقوى برنامج إيقاعات شرقيه
Darbuka
ومحتاجين كمان أصوات إكسسوار للإيقاع
أو هنعمل كام مازورة غربى
يبقى مافيش غير الـــ
Latigo
وكلاهما بنفس الرابط
وهناك برامج ومديولات سوف نتناولها لاحقا خاصه بالأصوات ولكنها مليئه بالإيقاعات
ولكننا نتحدث عن المتخصص فى الإيقاع فقط.
عملنا الأيقاع خلاص؟؟
الإيقاع محتاج صوت Bass
وهو متوفر فى أغلب مكتبات الأصوات
لكن كبرنامج متخصص فى البيز نجرب الـــ
BroomStick Bass
أو جرب الــ
SpectraSonics Trilogy
أو تمتع بأصوات وتكنيكات عزف الـــ
Steinberg Virtual Bassist
بعد الــ Bass
محتاجين أصوات KeyBoard أو Piano أو Synths
ومتوفرين فى البرامج التاليه
Propellerhead Reason Pianos
وإذا لم تجد طلبك ستجده فى
Luxonix Purityوهو أيضا مليئ بالأصوات و الإيقاعات
أو إذا كنت من عشاق ال Korg
تفضل
Korg Legacy
طبعا الهارمونى المعجزه اللى عملناه محتاج تترجمه بصوت Guitar
وإذا ذكر الجيتار ذكر الـــــ
Steinberg Virtual Guitarist
هو فيه منه إصدارين
والأتنين موجودين إن شاء الله
الموضوع عايز
Power
على ما أعتقد إن ده الكابوس اللى بيواجه أى موزع
إقضى عليه بأحسن مجموعة مصاحبات على الإطلاق
Native Instruments Komplete
تمام كده عملنا أساس الموضوع
أو زى ما بيقولوا المزيكاتيه
عملنا عضم الموضوع
ملحمتنا الليلاسيه محتاجه خط وتريات جامد يليق بالمقام
والبرنامج الوحيد اللى هيحققلك ده
هوالــــ
Steinberg HALion String Edition
أو جرب هذا البرنامج الرائع
Peter Siedlaczek's String Essentials
طبعا هتقول إن البرامج دى كبيره ومحتاج حاجه أخف
يبقى عليك و على عائله الـــ
Edirol
خفيفة الحجم وبها مئات الأصوات الخاصه بالوتريات
وغيرها من الاّلات الأوركستراليه
طبعا فيه 1000000 إحتمال لأصوات الصولو
أحب أأكد لحضرتك إنك أكيد ستجد صوت يرضيك
فى هذه المكتبه العملاقه
Ethno World
لو بعد كل البرامج اللى شوفناها حضرتك لسه مش راضى
مش هنقول مافيش
لأ فيه كل حاجه (زورونا تجدوا مايسركم)
إتفضل حمل واحد من أكبر بنوك الأصوات على الإطلاق
Sample Tank II
أعتقد أننا بدأنا نرى صوره للعمل
ولكن الأصوات بحاجه للمعالجه
سوف نجد ما يطيب لنا من المؤثرات
فى المجموعه العظيمه
Waves Diamond Bundle
و كلمة مرور فك الضغط بالمرفقات
طبعا فيه سؤال طبيعى وهو
والمؤثرات دى هتشتغل فين؟؟
أقولك أنا
فيه كذا إحتمال ..... لكن فى جميع الأحوال أنت بحاجه ضروريه لواحد
من البرامج التاليه
ويطلق عليهم Wave Editors ومنهم
Sound Forge
Adobe Audition
Gold Wave
طبعا بعد كل هذا أنت بحاجه لأن تقوم بعملية ال Mixing
ومن الممكن أن تقوم بها على أحد البرامج التى قمت بالتوزيع عليها
أو إذا كنت تريد أن تعمل بإحتراف
فعليك وعلى الأقوى بلا منازع الــــ
ProTools
فيه مشكله بتقابلنا فى العمل كمحترفين وهى صوت المطرب
أو المنشد ... فأحيانا لا يكون على المستوى المطلوب ولا تستطيع
أن تأخذ منه Take سليم!!
احمد ربنا أننا فى القرن الواحد والعشرين
وموجود برنامج الــــ
Melodyne
وبرنامج
A-Vox
تمام كده ؟؟؟
بعد إنتهائك من الميكس بنجاح
بقيت عملية الــــ
Digital Master
و التى سنقوم إن شاء الله
بشرح كامل لها وللبرامج المستخدمه فيها
أرجو أن يكون
دليل ليلاس لموسيقى تأخذ القلوب وتحبس الأنفاس
قد أفادكم ونال على إعجابكم
وأتمنى أن يطربنا أعضاء ليلاس الكرام قريبا بالمزيد من أعمالهم
وإذا كان هناك أى تعليق أو خطأ أو تعديل مطلوب
رجــــــــــــــــــاء لفت النظر للتجويد
لكل أعضاء ليلاس الكرام على مساهماتهم الفعاله
فى إثراء المنتدى بمشاركاتهم العظيمه
14-09-08, 11:57 PM
دليل ليلاس لموسيقى تأخذ القلوب وتحبس الأنفاس
جديد مواضيع قسم برامـج الهندسة الصـوتية والتوزيع الموسيقي
العرض العادي
