والله فعلاً ، كلامك مضبوط ... ألف شكر ومنور أخي

موضوع شيق يا مني
بس اعتقد ان مصاصي الدماء دول موجودين فعلا
لان ده مرض اصلا
انا قريت انهم بيبقي عندهم نقص في مادة معينة في الدم بتخاليهم تواقين لمص الدماء باستمرار
والله اعلم

تحياتي ليكي وشكرا عزيزتي علي الموضوع

سبحان الله الواحد فى حيرة تكون الحاجات دى حقيقة ولا خيال
بس حكاية بعد موته دى تحير اكتر
الله اعلم بس ممكن تكون مرض او حاجة
مشكورة منى على الموضوع

السلام عليكم ورحمة الله

انا معاكى طبعا ان الاسطورة لازم تكون لها جزور

واميل انه يكون فعلا بسبب مرض البروفاريا

لكن بالنسبة ان الشخص بعد الموت يرجع تانى باى شكل من الاشكال

فانا مش مؤمن بده تماما

التصور اللى عندى ان ممكن الاشخاص دول يكون عندهم قدرة زى رهابنة التبت مثلا على تقليل تنفسهم وضربات قلبهم لحد مايبانوا انهم اموات ويكون المرض ده مسيطر عليهم لدرجة انهم يمصوا دماء الناس فعلا

لكن ان شخص ايا كان يعود للحياة بعد الموت ...................... لا اظن

شكرا يامنى على موضوعك الجميل ده زى كل مواضيعك طبعا