wooooow 3njad part 7elo...bs wain fares?? ma t5awfina 3alee

بـــــــــــارتـــــــــــــــــــــــــــــــــــــــــــــ ـ5)





نزلت من الدرج عشان اروح القاعه حتى وانا انزف بروحي بغيت اصيح بس مسكت نفسي سمعت موسيقى تخرع قرع طبول بصوت عالي وسريع بعدين تقدمت لدرج كان ضوء بسيط مسلط علي بعدين بدت مسيقى هاديه وبديت انزل من الدرج شفت كل الحريم يطالعوني ويتكلموا حسيت انه بيغمى علي بعدين بدا شاعر يتكلم

من يقول الزين

من يقول الزين ما يكمل حلاه
كل شي في حبيبي اكتمل
الله اللي كملّه والله عطاه
ما بقى للزين في خلّي محل
العيون أحلى من عيون المهاه
شافها قلبي وصفق واحتفل
نظرته من فتنته شعلة حياه
والجفون من الحيا فيها كسل
ساهم رمشه على الخد وسناه
كن لمعة وجنته ورد وطلّ
والشفايا كنها جمر الغضاه
تحرس الريق المحلى بالعسل
والشعر ليل نقل حمرة مساه
أجعد حوّل على صدره همل
ما يجي من فوق مثنه ما طواه
لون من شلال مع المغرب نزل
أنطلق جيده يماري فيه بهاه
فوق ميّاس تعزل واعتدل
بالرشاقة فيه من ظبي الفلاه
لا مشى كنه على الريح انتقل
صافي مثل المطر فوق الصفاه
باسم مثل البشاير بالأمل
جامع من كل زين منتهاه
مستحيل الوصف في خلّي سهل
كايد ما هو يلين لمن بغاه
يرتفع عن كل سقطات الزلّل

وقفتني المصوره اكثر من مره بغيت اعطيها طراق يأدبها ما تشوفني ارتجف بعدين مشيت للكوشه وسمعت الزغاريت هالحريم ما عندهم شغل بعد ما توقف الشاعر عن الكلام واشتغل الطبول والف الصلاه والسلام .....قعدت في الكرسي وكل الحريم يشوفوا علي كأني شوا تايم بعدين جاتني سمو الاميره ديانا

ماما:ابتسمي شوي مشالله عليج
ما رديت عليها اول شي بعدين قلت هذا مو وقت عناد
***:متى يروحوا الحريم
ما ردت علي وقعدت تقرا علي استغفر الله بعدين راحت عشان المصوره تصورني اذتني المصوره شوي وتقولي انسدحي على الكوشه قلت لها خلاص ما ابيج تصوريني
ما رضت قالتلي احط ايدي على ذقني واتدلع شوي شفت عليها بنظره حاده وما عطيتها فيس نادتلي ماما

ماما:خليها تعرف تصورج عشان الحريم يبوا يسلموا عليج
***:اذتني ما ابي
ماما:ما تبي الحريم يطلعوا
***:ايه ابي
سمعت الدي جي يقول البوفي مفتوح
***:وكيف بابا زوجني وانا ما قلت للمليك اني موافقه
ما ردت علي وراحت قهرتني بغيت اقوم واصارخ عليها باقوى صوت عندي, بابا يقدر يسوى أي شي وهذي المصوره اذتني صارخت في وجهها وعصبت علي لا ارجوج لا تعصبي بعدين طلعوا الحريم عشان يسلموا علي

..........:سميه ما كنا نعرف عندج بنت بهالجمال كنت باخذها حق ولدي
ماما:طالعه علي مشالله عليها
.........:الله يوفقها ان شاء الله
وباستني خمس بوسات من خدي الايمن كل حرمه تبوسني خمس بوسات سته بوسات ما يتعبوا ذولي بعدين قلت حق ماما اذا وحده ثانيه باستني بعطيها طراق ما ردت علي بعدين قلتلها طيب اذا جت وحده ثانيه خليها تبوسني في خدي الايسر لانه ما يصير الحرمه الي قبل باستني في الخد الايمن لازم بتساوي ما عطتني فيس بعد,قالتلي العريس بيدخل بعد شوي توسعت عيني وليش يدخل انا بقوم قمت من كرسي عشان اروح غرفتي شفت كل الحريم يطالعوني بعدين قعدت مره ثانيه كأني اعدل فستاني

قال الدي جي الي متحجبه تلبس عبايتها وشيلتها لانه العريس بيدخل الحين قلت حق ماما انا ابي عباتي وشيلتي بعد ما عطتني فيس وراحت شفت معظم الحريم يلبسوا شيلهم وعبايتهم بعدين دخل المعرس وبابا معاه شفت رجولي بروحهم يتحركوا الي يقول كأني ارقص من الخوف وفكي يرتجف وصل العريس باس راسي وخدي شفت عليه بنظره حاده وابتعد شوي بعدين سلم علي بابا حضني وباسني شفت عليه بحقد قالي الله يوفقج وكان يبي يطلع بعدين قالت له ماما اول شي نصور جات ملاك بينا وبابا وماما جبنا عشان تصورنا المصوره نفس العائله السعيده بعدين طلع بابا وماما راحت وخذت ملاك معاها عشان تصورنا المصوره شفته فرحان كأنه اليوم العيد قالت له المصوره يقرب مني هاوشتها قرب مني وابتسم وصورتنا خمسين صوره ما ادري كم قلت لها اذا ما توقفتي بكسر الكميرا في راسج شافت علي مستغربه وقام يضحك علي

***:في شي يضحك
.....:ايه
***:ما عطيته فيس
قالت له ماما تقدروا تروحوا المجلس تاخذوا راحتكم
***:انا تعبانه وما عندي وقت
قال لي:ما بطول خمس دقايق وبروح
***:اسفه ما اقدر
شافت علي ماما بنظره شريره وقالت تفضل مسك ايدي ورحت معاه
***:ايدك ولا تبي تكسر ايدي
...... :سوري
***:وين اصرفها كلمه سوري هذي
وخفف قوة ايده
***:دخلنا المجلس الحين شتبي
علي:نتكلم واحنا واقفين
***:هذا قعدنا شتبي الحين قوو اهاد
قعد جنبي على الكنبه عادي الكنبه طويله مسك ايدي
علي:طالعه اليوم حلوه
***سحبت ايدي منه:ادري في شي ثاني
علي:حلوه الثقه بالنفس
***:امممم
علي:وحلوه الجراه انج تلبسي نفس هاللبس
شهقت تذكرت الفستان الي انا لابسته***:هذا مو فستاني
شفت ابتسامه على وجهه:عيل فستان مين
***:فستان ماما ,ماما جريئه لانه
علي:شكلج غيرتي العطر الي تستعمليه
***:لا ما غيرته هذا عطر ماما انا ما استخدم عطور نسائيه
علي:اهاا قلتيلي العطر عطر امج والفستان فستان امج
وقفت ورفعت ايدي عشان اودعه ومد ايده ***:باي
علي:بس انا ما ابي اروح
***:ليش ما عندكم بيت
ابتسم وشد ايدي عشان اقعد جنبه:لا
***:شوف انا مو فاضيه لك انت تعرف اني مو موافقه على الزواج فأحسلك تزوج وحده ثانيه
علي:وانا ما ابي اتزوج وحده ثانيه ابيج انتي
***:لا تضيع وقت معاي لاني بسافر واسوي عمليه واصير رجال انا نصحتك
شفته مصدوم يحسبني مجنونه تركت المجلس ورحت غرفتي عادي اذا بابا يبي يزوجني أي دونت كير,اما الامور القانونيه عشان يتغير جنسي في الجواز واوراقي بعدين تنحل بعد ما اغير جنسي وخلي بابا يتفشل

رحت ومسحت كل الاصباغ الي سوليها وغسلت شعري واتصلت في فارس ما رد علي شفيه هذا لازم اروح بيتهم اشوف شنو فيه

قمت متأخره من النوم ما عرفت شسوي السياره بابا خذها مره ثانيه زاوج وزوجوني بعد شيبوا شفت رقم غريب رديت
***:هلووو
.....:هاي حبيبتي
***:نعم
.....:انا علي
***:شتبي من صباح الله خير
علي برقه:اطمن عليج
***:ليش انا مريضه تتطمن علي
علي:انتي زوجتي الحين ولازم اطمن عليج في كل ثانيه
***جابلي الغثيان لازم يذكرني:فديت انا الرومنسين في شي ثاني
علي:ايه
***:شنو
علي:اشتقت لج
***:استغفر الله انت ما تستحي على وجهك تكلم وحده ما تبيك
علي:عادي اهم شي انا ابيها
قفلت الخط في وجهه اتصلت في فارس ما رد مليت ما اعرف ارقام اخواته كنت بتصل فيهم رحت مع ملاك اللعب معاها بلستيشن تهاوشنا انا ابي العب كراتيه وهي تبي تلعب سيارات خليتها ورحت غرفتي مليت بموت ابي اطلع


مر الوقت ببطء نزلت تحت سمعت صوت في صاله الطعام دخلت شفت بابا يتغدا وماما جنبه
بابا:هلا نور تعالي بابا كلي معاي
نور:لا مشكور شبعانه
بابا:طيب تعالي ابي اكلمج
قعدت على الكرسي مع اني كاره الجلوس ماما كانت تطالعني
بابا:مليتي من قعدت البيت
***:ايه
بابا:خلاص بكره باخذج معاي الشركه بخليهم يعطوج فكره عن الشغل
***:اوكيه
وقمت من كرسي وسمعت ديانا تقول:بنروح نسوي شوبنق اليوم
***:تكلميني
ماما:ايه
***:ليش شوبنق
ماما:شنو تبي تلبسي وانتي رايحه الشركه مع ابوج
***:شنو بعد يبيلها كلام بعد هذي جينز وتيشرت
ماما:جينز عن جينز يفرق وتيشرت نسائي عن رجالي يفرق انتي فاهمه علي طبعا
***:لا مو فاهمه ام ستيوبد قيرل ممكن تفهميني اكثر
ماما:انا خليت الخدامه امس تشيل كل ملابسج معادا بيجامات النوم والملابس الثانيه
***قهرتني:ومين سمحلج تخلي الخادامه تعبث بأغراضي
ماما:انا سمحت حق نفسي
***:لا تخليني افقد اعصابي واسمعج كلام ما تحبيه
بابا بعصبيه:نور خلاص
***شهقت:يعني انت موافق عن الي سوته
بابا:ايه اذا تبي تشتغلي وتطلعي
***:هذي حريه شخصيه
قام من كرسيه وما عطاني فيس وطلعت غرفتي دخلت غرفت الملابس وشفت دولابي فاضي كيف ما انتبهت الصباح كل اغراضي شالتها حتى الشوز وعطوري رحت اشوفهم ما فيه
انصدمت حسيت رجولي ما اقدر اشيلهم, رحت مع ماما السوق اسوي شوبنق على حدود الساعه سته عطتني عبايه من عبايتها وتحت العبايه بجامت نوم وسلفتني نعال من نعلانها كعبها عاااالي ما اعرف كيف تقدر تمشي فيه وتبيني البسه واحنا رايحين نسوي شوبنق

أي سياره نروح
ماما:سيارتي
***:سوري ما ابي اموت
ماما:شنو قصدج
***:خليني انا اسوق احسن
ماما:لا
***:عيل ما بروح انتي كيف عطوج الليسن وانتي تخافي من الشاحنات
ماما:الشاحنات يلهم شارعهم والسيارات العاديه يلها شارع ثاني
***:تخليني اسوق بروح معاج ما تخليني ما بروح
ماما:انا في الروحه وانتي في الرده
***:اوكيه
.............................
.............................
سرعي شوي ولا بيعطوج مخالفه
ماما:عادي
***:شكلي بنفضح اليوم
ما ردت علي نزلنا المول وقامت تختار لي ملابس ليش عيل جايبتني معاها السوق

***:ما ابي هالبنطلون
ما ردت علي وعطني اياه عشان امسكه كأني حماليه
***:ما ابي هالقميص وايد ضيق وما ابي هالتنوره قصيره
تبيني البس هالتنوره قدام الناس
ماما:بفصلج عبايات الحين
***:ما ابي عبايه
***:خلاص ما اقدر اشيل ملابس ثانيه
ماما:روحي جربيهم عشان نتأكد من القياس
***:لازم
ماما:ايه لازم تعبت لحد ما حصلتهم
يالله
رحت اقيس جات وراي
***:وين
ماما:اتأكد اذا القياس مضبوط ما اظمن يمكن واسع
***:وانتي شقاهرج في الملابس الواسعه لازم الوحده تلبس مفسخ عشان تبين انها بنت
ماما:يالله ما في وقت لسه ما اشترينا شي ويبيلنا نفصل عبايات

خلصنا شوبنق الساعه 12 ونص باليل صلينا برى وكلينا برى هالحريم ما يتعبوا من الشوبنق لحد ما يطردوهم الهنود من المحلات
قمت الصباح عشان اروح مع بابا الشركه رحت اشوف ملابسي الجديده طلعتلي بنطلون ضيق هذا شلون ادخله لبسته ولبست تيشيرت ضيق شفت العطور الي اشتريناها ما ادري اذا احط عطر ولا لأ حطيت شوي رفعت شعري ولبست نظارتي وبغيت انزل تحت بس شفت ماما جاي تشيك على لبسي
ماما:تبي عبايه من عندي
***:لا تبوني البس هالملابس من دون عبايه
ماما:احسن تلبسي عبايه,وليش ما حاطه ميكب
***:ونعم النصيحه
مسكتني وحطتلي كحل والينر
***:عورتيلي عيني
ماما:الحين احلى,بس ياماما لبسي عبايه وشيله احسن
***:سوري انا بروح
ماما:تريقي اول
***:ما ابي
ماما:بتعبي في شغل
***:لا مشكوره
رحنا الشركه انا وبابا شفت بابا مصدوم من شكلي قالي طالعه حلوه هزيت راسي الكعب المني شكله من امس لما رحنا نسوي شوبنق
نزلت من السياره حسيت كل الموظفين يشوفوا علي طنشت السالفه ودخلت مع بابا مكتبه صالح يشوف علي مصدوم كل هذا عشان غيرت ستايلي ما عندهم سالفه

بابا اتصل في واحد اسمه احمد مسؤل عني عشان يعلمني قبل لا استلم الشغل رحت مع احمد وعطاني مكتبي وعطاني فكره عن الشغل على الساعه 1 حسيت بالجوع اتصلت في بابا عشان ابي السياره ما ابي اكل في كفتيريا الشركه طلعت من المكتب قالي بابا المفتاح عند السكيورتي
فتحت اللفت شفت امير الرمنسيه شكله انصدم اول ما شافني ضغطت على قراوند ما سمعت الا يصارخ
علي:انتي شلابسه
***شهالسؤال السخيف:....ما رديت عليه
مسك ايدي بقوه
علي:انتي شلون تلبسي هالبس
***عور ايدي:عادي لبسته مثل الناس لما تلبس
علي:تبين يعني الحين اضحك عشان تنكتي
***سحبت ايدي بس ما قدرت صارخت عليه:لا ابيك تصيح
انفتح اللفت وهد ايدي رحت عند السكيورتي قالي السياره موقفه على الباب طلعت برى شفته وراي يشوف على السكيورتي بحقد اول ما طلعنا مسك ايدي مره ثانيه
***:استغفر الله شتبي
علي:ما ابيج تجين الشركه مره ثانيه بالهبس واحسن انج ما تجين الشركه ابدا
***:ليش شركه ابوك وانا ما ادري
علي:لي نصيب من هالشركه
***:يابابا انا اشتغل هني
علي:وليش ما استأذنتي مني
***:ما سمعت عيد لو سمحت
علي:لما تبي تطلعي ولا تشتغلي تستأذني مني قبل اذا وافقت هذيك الساعه يصير خير
***:هذا الشي من احلامك طبعا وايدك بليز لاني ابي اروح اكل جوعانه
علي:وين رايحه بضبط
***:رايحه مطعم فيه اكل فووود عشان اقدر اكمل شغلي
علي:خلاص مع بعض بسيارتي
***:انا ما عزمتك عشان تروح معاي
علي:نكمل كلامنا في السياره
قال حق السيكورتي ياخذ السياره ورحنا سيارته
***:انا اكره الناس الي ما عندهم ذووق
علي:بعد الغدا بوصلج البيت تلبسي عبايتج وتردي الشغل ولا اقول لا تكملي الدوام اليوم واخر مره اشوفج تطلعي بدون عبايه وشيله
***:ان شاء الله بابا ان يور دريم
علي:نشوف في احلام مين
علي:ما بتنزلي
***:لا شبعت
فتح لي الباب وشدني من ايدي
***:انت كاره ايدي ليش ولا حاقد علي
علي:امشي وانتي ساكته
جابلنا القرسون المنيوا وطلبنا اكل كليت كل اكلي كنت وايد جوعانه وخذيت راحتي كأنه مو موجود معاي في نفس الطاوله رن مبايلي هذا فارس فز قلبي من مكانه
***:هليووو انت وينك
فارس:عايش
***:شفيك تعبان
فارس:ابي اشوفج اليوم
***:وين اجي بيتكم
فارس:لا بنتلاقى في الكوفي شوب المعتاد
***:اوكيه فارس باي اهتم في نفسك
شفت علي يشوف علي بعصبيه ورافع حواجبه
علي:مين فارس
***:لا تتدخل في اموري الخاصه بليز
علي:قسم بالله اذا ما تأدبتي يانور وجاوبتيني على سؤالي بتشوفي شي ما شفتيه بحياتح
***:خوفتني
دفع الحساب وطلعنا اول ما دخلنا السياره مسك فكي بقوه كان بيكسره نزلت دموعي عور فكي
علي:مين فارس
كيف ارد وهوا ماسك فكي شكله فهم وشال ايده
***:ربيعي
علي:نعم
***:ربيعي من ايام المدرسه ماي بست فرند
علي:ويور بست فريند رجال
***:ايه
علي:نور لا تجننيني
***:لاني ما اتقلم مع البنات
علي:وشيبي منج
............***نهايه البارت

ya alla....ya3ni fares ma 7aka ma3ha 3'er lamma kanat ma3 3ali:@:@..alla yostor
ma tet2a5ari 3alena:)