السلام عليكم يا أحلي وارق جين

مين بقي الي كان بيتكلم عن الجفاف الفكري

انتي متأكده انك كان عندك الأعراض؟؟؟؟
لأني بصراحه شديده....انا شايفه أنك
كنتي بتحلمي وانتي عطشانه بالتأكيد
أبقي أتغطي كويس يا جين ....أحسن تاخدي برد
يعني الروعه والجمال دول كلهم جم بعد جفاف.
...ده احنا الي جالنا جفاف
من كتر ما أستنينا البارت زي العطشان ما بيستني المايه
وقاعدين بنهلوس وهنتجنن,,,
الله حي ...البارت جاي...الله حي البارت جاي
الله حي ...البارت جاي...الله حي البارت جاي
احم ...أحم...أحم ...أحم
معلش ...لسه بفوق من صدمه أحلي واجمل
بارت كتبتيه حتي الأن
طويل ...ورائع ومختلف ...ومتميز...مليئ بالمشاعر والأحاسيس
كل ما فيه جميل ....جمل كثيره نالت أعجابي ,,,ومن كثرها
أخشي أن اعيد نقل البارت كله من جديد....في الرد

مي وعمرو...وحسام
علي قدر ما خفت عليها ...وهي يا عيني مركونه الركنه الطويله دي من أخر بارت لحد النهارده
بين أيدين حسام الوحش وهو بيحاول يقتلها لحد ما البنت زهقت وشدت في شعرها وهي بتقول ...
حد يتصل بالكاتبه والنبي ...انا خلاص هاقع من طولي من كثر الركنه
والأهبل ده ماسك في زماره رقبتي ...تقلش اللعبه بتاعته
بصراحه وصلتي أنقاذها بوصف رائع لعمرو ومشاعره الواضحه عليه
بطريقه أبهرتني جدا ...وعلي قدر فرحي بنجاحها بالأيقاع بالشرير
لكني حزنت علي محمد أخوها وعدم ظهور برائته
موقف مواجهه عمرو لأمه وموقفها منه أغاظني جدا وأوصلني لحافه الألم
فهي لا تري في الدنيا غير دلوع أمه...الي مافيش علي الحجر غيره
وعمرو يتفلق....المهم أتوقع انها هيكون لها دور ....في تصحيح مسار الأحداث
وربما أعتراف حسام ...وظهور برائه محمد

ادهم ودنيا ووائل الغبي
بصراحه وائل ده نرفزني ....لأنه زي الغبي وقع في نفس المصيده الي وقع فيها قبل كده
ومن غير ما يدري قرب بين قلب أدهم ودنيا ,,,لأنه أثبت وبقوه
أن أدهم لا يحب دنيا لأموالها
أعجبني أخذه لمقاليد الأمور بيده وسيطرته علي الأوضاع
وهذا أمر أثار أعجابي بشده
ليه أعتقد أن دنيا مخبيه شيئ غامض وكبيرجدا لا يعرفه أحد الا هي ؟؟؟؟
مفاجأه أعتقد أنكي تعدي لها بتكتم شديد...ولكني متوقعاها وبقوه
بس بلاش أقول علشان ما أحرقش الأحداث
لو عايزه تعرفيها قولي لي وانا أبعتها لك علي الخاص
بس دي سر وأوعي حد يعرف ويكلم الكاتبه الهمامه
فاتغير رأيها وماتتممش المفاجأه...ولا أيه؟؟؟؟

ناهد...ومصيبه ترتب لها من خلف الجنون....فمن الذي سينقذ غاده
يا تري .....يا تري مين؟؟؟؟
قولي أنتي بقي...؟؟؟؟
يا حلاوه المفاجأت
معلش أنا أصلي مخي لسع....ومفروض أصحي بادري ومش قادره أنام
ولكن أحساسي بيؤكد لي أن توقعي صحيح مليون بالميه
فامش قادره أتكلم وأحرق الأحداث...وخايفه أسكت
وأرجع أقول ,,,,توقعي فعلا كان صحيح

المهم.....
غاده وعلي
أتوقع وبشده أنها أحبت أمجد ...بالرغم من كل شيئ...
وان علي سيعود لنور وهو خالي الوفاض
أما غاده فستلاقي يوما جزاء صبرها ...
ووفائها

أعجبتني نهايه نعمه....فمن أعمالكم سلط عليكم
وأن الأوان أن يتعظ ممدوح ...ويعرف قيمه ما راح منه

بارت طويل ورائع جدا جدا ...استمتعت بكل كلمه فيه
وعلي قوله أخواتنا السعوديات
بعد طول الغياب جات الغنايم
وغنايم النهارده مش أي غنايم
دي كنوز...ودرر والماس ويقوت
يعني كنز علي بابا
أهنيكي علي أقتراب النهايه....قلبي يرجف من الأن بحزن
أفتقادا لحياه شعبه ظلم
ولكنها معك....لم تكن أبدا ظلم
بل كانت حياه كامله مليئه بالمشاعر والأحاسييس
والدراما والأثاره والتشويق
أصبحت معك
حياه شعبه أمل وحب

سلام يا أعز صديقه واحلي كاتبه في الكون
حماكي الله وحفظك وراعاكي وسلمك من كل سوء
تحياتي وتقديري
وامنياتي بالتوفيق