كاتب الموضوع :
همس الخيال
المنتدى :
الارشيف
مرحبتين ياحلوين ... نورتوني مع انو انا طولت عليكم بصورتي .. بس يمكن
كنت منتظرة وقت بكون فاضية فيه ورايقة ههههههه.. المهم .. بما انو الخلفية
لصورة الحياة سودا ..انا بدي اخليها كلها الوان ,,يعني بنمزج الالوان الاساسية
اللي هي الاصفر والاحمر والازرق,,وتكون النتيجة الاف الدرجات اللونية المبهجة
هيك يعني تفاؤل بدل التشاؤم "ااااااااه ياريت الدنيا تصير هيك"
المهم طبعا الناس اجناس ..فيه ناس بيكونوا كومبارس مالهم اي علاقة بمعنى الصورة
غير انهم بيدخلوا من فترة للثانية ليغيروا معنى معين ... هذول بخليهم .. اكيد الواحد
بيحتاجهم في يوم ,,,ممكن نقابلهم بالشارع في البنك او عند الجيران .. يحكوا لنا كلمة
يكون الها معنى ... وفيه ناس هم الممثلين المساعدين...زملائنا ممكن ...جيراننا
بيكون لهم دور في حياتنا ... هذولي بقص منهم النميمة والحشرية على سبيل المثال
وبزرع فيهم روح التعاون وحب الاخر ... هيك بنلاقيهم وقت مابنحتاجهم
الابطال الان .. صورتهم اقرب واوضح واللي هم انا واهلي وصديقاتي وكل اللي بحبهم
بالنسبة لي رح اقص عاطفتي مش كلها عشان لا اصير اله ماتشعر .. لكن حجمها كبير
وشاغله حيز كبير من الصورة انا رح اصغرها شوي ... وبحط بدل هذا الفراغ شوية عقل
بالنسبة لأهلي ...رح اخليهم اكثر مرونة وتفهما لنا بحكم فرق الاجيال بيننا
بزرع فيهم تفاؤل وحب للحياة ..وطموح كمان ,,, عشان لاتسرقنا الحياة واحنا لساتنا بمكاننا
صديقاتي ... مكانهم بالحياة بعيد عني ... رح اقربهم شوي من موقعي بالصورة ..أحتاجهم
جدا ,,, طبعا شيء أخر في الصورة ...بخليها مضيئة دائما بالامل والاصرار
عشان احقق كل اللي بحلم فيه .. وعشان اقدر الاقي احلام ثانية احققها
هاه ايش رايكم بصورتي ... ياترى معاي حق ولا نسيت حاجة؟؟
تحياتي*
|
23-07-08, 04:01 AM
جديد مواضيع قسم الارشيف
العرض الشجري
