كاتب الموضوع :
سارونـة
المنتدى :
الارشيف
الفصل العاشر
سمر حطت ايدها على فمها بعد مااصدرت اكبر شهقة عندها ...
اما ندى من قوة الكف لف وجهها للجهة التانية ...
وحسام يناظر ايده مو مصدق اعطى كف ولمين لندى ومو أي كف ..كف جامد وحار خلى السكوت يعم المكان ...
حسام : ااانـ....اا
فجأة ندى وهي تشد على عينها ومغمضتها بقوة تحط ايدها في وجهه يعني ( لاتبرر )
رجعت مرة تانية لكبينتهم الخاصة لانها منعت الدموع المتجمعة في عيونها تنزل قدام احقر واحد في نظرها ...حسام
_______________________________
ام تركي : يمه ندى ليش رجعتي بدر..
ندى : ......................
مشيت وراحت لغرفتها من غير ولا كلمة
اول ماسكرت الباب اتسندت عليه وحطت ايدها على فمها ماتبى تنزل دموعها على واحد حقير كلمة قليلة عليه ... بس ماقدرت حاولت وحاولت وغصب عنها دموعها غلبتها ونزلت ... ندى تنضرب كف ومن مين من حسام .. لا ابوها الله يرحمه ولا اخوها ولا امها مدوا يدهم عليها مرة وحدة .. هوا كيف يسويها ...كيف يهينها لهذه الدرجة ... وليش ... وبأي حق ... صوت شهاقتها يعلى وبكاها اللي يقطع القلب يستمر ..
_______________________________________
فهد
حسيت بكهربا تضرب جسمي وانا اسمع صريخ .. صريخ مو غريب عليا ..رميت المنشفة اللي على راسي وخرجت للحديقة ادور عليها التفت يمين وشمال مني شايفها ..
وقعدت انادي عليها باعلى صوتي : عبييييييييييييييييير ..عبيييييييييييييييييير...مني سامع ولا صوت شوية وانفجر ركضت بسرعة جنونية ادور عليها وصوتي يذكر اسمها باعلى واعلى .. بس ...
__________________________________________
طق طق طق طق طق طق
سمر : ندى ...ندى افتحي الباب
ام تركي : يمه ندى افتحي ... قولولي وش صار لبنتي ؟
سمر بارتباك : ولا حاجة –شغلت نفسها- ياندى افتحي
ام تركي : لا صار حاجة بنتي خرجت من هنا فرحانة والابتسامة شاقة حلقها واول مارجعت الدموع مالية عينها ..قوللي وش صار لها ؟
........: ياندى افتحي
التفتوا لمصدر الصوت الرجولي الخشن وتوسعت عيونهم اوسع حاجة اول ماشافوه
من هوا *_^ ؟؟؟
______________________________________
متخبية بين الاشجار ماتبى احد يدري عنها شافت مجموعة من الناس معاهم مسدسات ... بيصيدوا ولا عصابة ماتدري بس خايفة ...رجع قلبها نغزها وهيا تسمع صوت فهد يعلى خرجت من مكانها
لااااااااااااااااااااااااا
كله الا فهد
كله الا فهد
واول ماخرجت قابلت واحد سويسري اتسعت عيونه وعيونها على وسعها
المصيبة هيا ماكانت لابسة حجاب .. هيا كانت لابسة الفستان اللي اشترالها اياه فهد من جنيف
لونه سماوي قصير للركبة وشفاف مربوط عند الرقبة كاان نااااعم وبسيط وشعرها المفرود على كتفها مبينها كأنها ملاك
الرجال عجبته او سحرته بمعنى ادق مارمشت عيونه من شافها
اما هيا مع الصدمة وجهها صار لونه ابيض وعيونها على اوسع حاجة رجعت لورى خطوة
خطوتين
تلات خطوات
وعلقت رجلها مع الاعشاب اللي في الأرض
تحين حاقولكم الكلام بعد الترجمة لانو الكلام بالفرنسي وانا في الانجليزي يلا السلام خخخخخ
الرجال مسك ايدها بوحشية وانحنى وطبع بوسة على يدها ( صباح الخير انستي الجميلة )
عبير كانها موية نار اتكبت عليها مهي قادرة تتحرك ... لسانها اتربط في مكانه .. بعدت ايده بقرف ... واول ماجات تتحرك وقعت على الارض ...
الرجال ابتسم اكبر ابتسامة عنده وهوا يشوفها مرمية لا حول ولا قوة ..
قرب منها وقرب فجأة اتفكت عقدة لسانها بصريخ دوى المكان
بعد عننننننننننننننننننننننننننننننني
وعلى هذه الصرخة طلع فهد وطلع المسدس في وجهها
________________________________________
ندى
دموعي حاولت اخففها لكن ماقدرت فجأة حسيت بنغزة في قلبي وطيف عبير مر من قدامي ... ماحسيت بهذا الشعور الا فترة قصيرة لاني حسيت بالم معدتي يزداد ويزداد ...حاسة بمصيراني تتقطع من قوة الالم قعدت اصرخ : ااااااااااااااااااااااااااااااااه
ماقدرت على الألم طحت على الارض واتكمشت على حالي ومسكت في بطني قوة ...حاسة بطقات الباب تزداد وتزداد ... بس مايجي هذا الاحساس حاجة قدام الم معدتي .... فجأة انفتح الباب بقوة ...سامعة اصوات شهاقتهم واسمي بخوف يتردد على اسماعي ... بس الألم مانعني افتح عيوني واناظر لهفتهم وخوفهم عليا ماحسيت الا بيد باردة تلمس جبيبني صوت مو غريب عليا ... ماقدرت انطق احس شفايفي ملصقة ببعض مااقدر غير ائن من الالم ...فجأة حسيت بحالي لا ارض ولا سما محمولة بين ذراع شخص هوا نفسه اللي كان لامس جبيني اتمسكت بقميصه اكتر واكتر ودفنت راسي في حضنه وماقدرت انطق غير : تــ...ركــ....ي
___________________________________
رامي
ليش احس حالي ملخبط ... وقلبي مقبوض ... اعوذ بالله من الشيطان الرجيم ...
طااااااااااااااااااااااااااااااااااااااااااااااااااااخ
تأففت بعصبية طاحت الفازا من يدي ...سمعت شهقة ريما حسبت عشان الفازا طاحت من يدي
قلت بعصبية : الفازا طاحت
ناظرت فيا باستغراب وجات لجهتي وعاينتي من فوق لتحت ومسكت ايدي بحنان : ماصارلك شي حبيبي
كلمة حبيبي طفت العصبية اللي فيا اللي مااعرف ايش سببها ابتسمت بحنان ومسحت على شعرها : لا ماصارلي شيء
شفتها ابتسمت اكبر ابتسامة عندها : خلاااص ولا يهمك تحين الملم المتكسر بس انت ابعد عشان ...
قاطعتها : لا انتي ابعدي انا راح الملمه
ريما بخوف : لا انا ومشيت وجابت المكنسة
فرحت من قلبي ... تخاف عليا من نسمة الهوا ...فجأة ضميتها من ظهرها وهمست في اذنها : الله لا يحرمني منك
_________________________________________
•°o.O (صراع ابتدى فلمن الفوز ولمن الغلبة ومن الضحية ) O.o°•
الرجال مانتبه في فهد بس طلع المسدس عشان يخرسها
الدموع اتجمعت في عيونها وهيا تناظر المسدس على جبينها بس مو عشان كدا الدموع ...دموعها وهي تقول في داخلها ( ليش يافهد تجي )
ليش تجي وتذبحني مرتين
اموت ولا يصير لقلبي طعنتين
بس دخيلك لاتتأذى يانور العين
ابعد عني افداك بروحي وكلي
ابعد وخليني الاقي مصيري
ابعد يامن ملكت كياني وقلبي
ابعد الموت خلاص وصل لعندي
الرجال ابتسم بخبث : مااجملك وانتي تبكين ...لقد عجبتيني حقا ياساحرتي –قرب الين ماصار اقرب لها من انفاسها – ووسخ طهارتها بفعلة حقييييييرة منه
فهد
كيف اوصف شعور انسان ... رجل قذر يقبل زوجته وهو قدامه
كيف اوصف شعور واحد يقتل براءة ملاكه
كيف اوصف شعور واحد يستغل ضعفها لحاجته
كيف اوصف شعور واحد ينتهك عرضه قدام عيونه
غضب الدنيا والعالم كلها مجتمعة في صدره
غضبه عماه ونساه انو عبير تحت تهديد السلاح وانها بحركة متهورة منه ممكن تضيع من الوجووود ..
مشي لعنده بسرعة جنونية وهوا معدوم من أي حاجة ممكن يدافع عن نفسه
طراااااااااااااااااااااااااااااااااااااااااااااااخ
صوت الضرب والضرب والضرب
سحبه من قميصه وهو يضربه باقوى ماعنده ونسي انه في يده مسدس يضيعه برصاصة وحدة
عبير حطت ايدها على فمها وهي تشاهد هذا الصراع رجعت لورى زحف والدموع تنزل من عيونها ...تبى تصرخ تقوله
ابعد
ابعد
انتبه
بس صوتها محبوس في سجن الخوف
الرجال اتفك منه بالصعوبة وهوا يمسح الدم من فمه
فهد ماكفاه هذا الضرب اقل حاجة يشرب من دمه
اعطاه ضربة قوية في بطنه واول ماكان بده يسددله لكمة على وجهه
طلع المسدس في وجهه
الرجال اخد يشتم فيه تشيمات بالفرنسي انتوا اكرم من اني اكتبها
نار ... مسدس ... دم .... فهد
الكابوس
الكابوس
بيتكرر مرة تانية
قدام عيونها
بس الاختلاف انو هذا واقع
واقع لا محالة
صرخت باعلى صوتها : لاااااااااااااااااااااااااااااااااا
الاتنين التفتوا عليها في نفس الوقت وباختلاف النظرات
لاتبكي ياعيون القلب ..
جيتك وانا بروحي افداكي ..
لاتبكي و لاتنزل دموعك عذاب ...
اتطمني ياملاكي انا معاكي ...
ببكاءك قلبي يذوب ...
فارحميني ولاتبكي امامي ...
__________________________________________
حسام
انا السبب ... انا السبب ... غمضت عيوني بقوة وانا اتذكرها كيف متشبتة فيا كاني طوق نجاة ...ناظرت في قميصي المبلل بدموعها ... هيا دموعها على الكف ولا دموعها من الألم ... واقف قدام باب غرفة العمليات ... بعد ماقالولي انو معاها الزايدة ولازم يسولوها العملية .... يارب تطلع بالسلامة يارب ... طلعت تنهيدة من قلبه وهو يتذكر الملاك اللي كانت في حضنه ودموعها مافارقتها ... حاسس الدنيا نار ...جمر .. ابى أي دكتور يطلع يطمني ...رجع شريط الذكريات مر من قدامه ...
(( حسام : ياندى افتحي
ندى : اااااااااااااااااااااه
سمر وام تركي بصدمة : ندى ... ندى
حسام ويطق الباب : ياندى افتحي
سمر وام تركي يطقوا على الباب باقوى ماعندهم بس مايسمعوا غير ونات المها
حسام : بعدوا عن الباب - بكتفه ضربه بقوة واتفتح -
كانت ندى مرمية على الأرض ومتكمشة على حالها
ومغمضة عيونها وتتؤه من الألم ... اتحسس جبينها كان يحسبها حمى ...كان الألم واضح عليها...
ماقدر غير انه يحملها وعلى اقرب مستشفى
حسام : خليكم هنا ... استنوا تركي وانا حاتصل عليكم اطمنكم
ام تركي بتردد : بـ..س
حسام قاطعها : معليش ياخالتي .. ندى تعبانة
وطيراااااااااااااان على اقرب مستشفى ))
صحي من ذكرايته على صوت الدكتور
الدكتور : انت قريب المريضة ؟
حسام بلهفة : ايوة ...كيفها تحين ؟؟
الدكتور : الحمد لله احنا سوينلها العملية وهي تحين في غرفة خاصة لازملها راحة تامة
حسام : يعني مافي خطر عليها ؟
الدكتور : لا ابدا هيا تحين في حالة مستقرة
حسام : الحمد لله – مد يده- مشكوور يادكتور
الدكتور : العفو هذا واجبنا
__________________________________
هذه الصرخة نبهت الرجال على فكرة جهنمية في راسه ... سحب عبير بلمح البصر ومسك خصرها بكل وقاحة وقربها لصدره
الرجال : هذه الجميلة اختك ام حبيبتك قرب منها واستنشق عطرها والمسدس في وجه فهد ... انها مثييييرة حقا
فهد بالفرنسي : ابعد عنها يا ##### -قبض ايده بقوة – اتركها وافعل بي ماشئت
الرجال ابتسم بخبث : لكني اريد ان افعل بها ... وليس بك .... لا احتاجك
فهد كان بيسدد له لكمة على وجهه بس
الرجال وهو يرفع المسدس في وجهه : تو تو تو لم نتفق على هذا
فهد وهو يشد على اسنانه : قلت لك اتركها
الرجال ابتسم بخبث وهو يناظر يمين وشمال والمسدس على فهد : الا يوجد منزل قريب من هنا ... قرب من عبير اللي ترتجف بين يده وهمس في اذنها وابتسامة الخبث على وجهه: اريد غرفة واحدة انا وانتي فقط مارأيـ...
طاااااااااااااااااااااااااااااااااااااااخ
صوت النار انطلق من المسدس و...........
______________________________________
ام عبير بخوف: احمد .. احمد لازم اتصل اتطمن على بنتي
ابو عبير : لا حول ولا قوة الا بالله ... يام عبير سيبي البنت في حالها
ام عبير وشوية وتبكي : قلبي مهو متطمن عليها ... الله يخليك اتصل خليني اتطمن
ابو عبير يحرك راسه يمين وشمال ويتنهد: ااااااه امرنا لله
دق على رقم فهد و................
_____________________________________
ترررررررررررررررررن ترررررررررررن ترررررررررررن
: الوووووو
: يسلملي هالصوت مااحلاه ..ممكن نتعرف ؟
: ياحيوان ياقليل الأدب
طوووووووووط طووووووووووووط
: ريما حبيتي في شيء ؟
ريما بارتباك: هاااا لا حبيبي ولا حاجة
رامي : مين اتصل ؟
ريما : نمرة غلط ولا تاخد في بالك
رامي : اهااااا
ريما : رامي
رامي : ياعيون رامي
ريما : حبيبي ايش رأيك نبات عند اهلي ... بيتنا كبير و..
رامي قاطعها : حبيبتي كم مرة اقولك بيت اهلي حنقعد فيه ... انتي ماترتاحي مع امي يعني ولا
ريما : لا حبيبي مو كدا بس انا اقعد مع ماما اونسها
رامي مسح على شعرها : ومين يونس امي ؟
ريما بوزت : اللي تشوفه
رامي يقرص خدودها : يالبي هالبوووز هههههههههههه
_______________________________________
كانت نايمة باستسلام وشعرها الحرير على كتفها ... مليون مرة ناظر بنت بس بنت برئية وملاك طاهر في جمالها زي كدا ماشاف ...مارمشت عينه من شافها ... اول مرة يشوفها من دون حجاب على شعرها ... اول مرة يشوفها نايمة زي الملاك في مكان ابيض في ابيض ... ماقدر يمنع خطوات رجله تمشيه لجهتها ... كل مايقرب بيظهر جمالها اكتر واكتر ... أتأملها من اول خصلة في شعرها الين اصبع رجلها
طق طق طق طق
صوت الباب منعه يتهور
: اتفضل
السستر : استاذ حسام في واحد بيسأل عنك برى
حسام بلع ريقه ( اكيد هذا تركي ) : اوكي انا طالع
طلعت السستر وقرب من جهة ندى قرب الين ماصار اقرب لها من انفاسها <<<< قوي ياحسام توصل بيك الجراءة لكدا والله قوية
ناظر في وجهها الأصفر بعد العملية وشفايفها اللي خف احمرارها وصار مايل للون الأبيض ... ودمعة على رموشها الكثيفة على احلى عيون شافها...
اتنهد تنهيدة من قلبه وهمس في اذنها (( امنتك الله سامحيني ))
فجأة اتحركت ندى مثل الطفلة ... حاسس حاله حيفضح امره ...ماكان قدامه غير انه يخرج
___________________________________
صوت النار من المسدس انطلق
وصوت الصرخة الخايفة انطلق
هدوء وسكوون مخيف عم المكان
عبير فتحت عيونها لبطئ وهي تشوف المسدس مصوب على مسافة مهي بعيدة عن فهد وتشوف الحقير جنبها يتكلم بكلمات فرنسية ماتعرفها
الرجال : انت ياهذا حركة اخرى ولن اخطئ في تصويب المسدس تجاهك
فهد غمض عيونه بقوة وهو يبتلع الغضب اللي في داخله
جملته الاخيرة خلت حبل الأعصاب تنقطع عنده
كان بحركة سريعة يصوب المسدس تجاهه ويقطع لسانه الحقييير
فجأة : ااااااااه
فتح فهد عيونه على صرخة الحقير والمسدس طاح في الارض
مانتبه ليش صرخ كان بياخد المسدس بس الحقير اخده مرة تانية بسرعة
وصوبه جهته فك الزناد
و بدون مقدمات
يحس بجسدها ملاصق لصدره وشعرها يتطاير على وجهه وعبيرها صارت هواه اللي يستشقه .. واقفة ومادة يدها الصغيرة قدامه
طووووووووووووووووووخ
_______________________________________
تركي : حسام فين ندى
حسام : لاتخاف هيا في الغرفة كنت ....... بلع لسانه على اخر لحظة (( كنت قبل شوية معاها )) كان قتلك تركي بالمسدس اللي حاطه بخصره
تركي مانتبه على ارتباك حسام كان مع ارتباكه هوا ... ندى اخته وبنته ومسؤوليته ... يخاف عليها من نسمة الهوا ...
تركي بخوف : بدي ادخلها
حسام : ياتركي ندى تحين منومة بعد العملية لما تصحى روحلها
تركي : لا بدي اتطمن عليها
حسام رفع كتوفه : براحتك
راح تركي عند غرفة ندى و.......
__________________________________
ابو عبير : محد بيرد
ام عبير وشوي تبكي
ابو عبير : لاحول ولا قوة الا بالله
منال : ماما لاتبكي ان شاء الله بخير
سلمى راحت عند امها وهمست في اذنها وابتسامة الخبث على وجهها : امكن مشغولين في ...
امها اول ماسمعت كدا حطت كل حرها في سلمى : ياقليلة الأدب يللي ماتستحي
منال وابوها : هههههههههههههههههههههههههههههههه
انفجروا ضحك كانت قبل شوية بتبكي وتحين مثل الثور الهايج وسلمى هيا الضحية خخخخخ
______________________________________
عيونهم اتوسعت وهما يناظروا الدماء تسيل ...والرصاصة اخترقت الجسد ... والدم يخرج من الفم ...
الشهقة الاولى ...
والشهقة التانية .....
والشهقة التالتة ...
والروح طلعت لبارئها ...
يناظروا ماهم مصدقين ...
ارتخت ايدها وتعلقت بقميصه اكتر واكتر
والصدمة سكتتهم
و......................
__________________________
مسك ايدها الباردة ولمها بباطن كفه وهو يمسح على شعرها بايده التانية
: هذا كله يصيرلك يابعد قلبي الله يحفظك حبيبي
: تــ...ركـــ...ي
ابتسم من قلبه وهي تفتح عيونها مثل الطفلة : حبيبتي صحيتي ؟؟
ندى ارتمت في حضنه ودفنت راسها في صدرها
حضنها اكتر ... يانااااااس هذه بنته ...بنته وتربية ايده
بنته واخته وحبيبته ودلوعته وكل دنيته ... ضحكتها حلمه من الدنيا ..
: حمد لله على السلامة يادوووبة
ندى : هههههههههههه الله يسلمك يادوووب
تركي : كيفك تحين بعد العملية ؟؟
ندى : الحمد لله تمااام .. اوهووو حبيبي قاطع عمله عشان يجيني
تركي باكبر ابتسامة : اجيكي ولو في القمر
ندى : هههههههههههه وينك يازوجة اخوي تسمعي
تركي : هههههههههههههههه
ندى : وينها امي وسمر ؟؟
تركي : في الكباين ...حسام جابك وسابهم
ندى بصدمة : مــ...يــن ؟؟
تركي بعفوية : حسام
(( لااااااااااااااااااااااااااااااااااااااااا
مو هواااا
مو هواااااا
مو هوااا اللي كان خايف عليا ..
ومو هوا اللي ارتميت في حضنه اذرف دموع المي ..
لاتصدميني يادنيا بحقير اتمسك بيا ..
ولا تصفعيني بكف اني بحضنه كنت مرمية ..
لا تزودي جروحي الجسدية بمعنوية ..
وتخلي عبراتي تنزل من جديد على احقر واحد في هذه الدنيا ..
روحي وجسدي كانت متمسكة بيه وتحسبه احن قلب عليا..
ارجع يازمن لورى وخليني اموت مرتين ولا تخليني بين يدنيه موجودة..
اتعذب واتوجع و اتألم واموت بس مو هواا اللي يدواي جروح هوا طعني بيها ..
تصرخ بداخلها والصدمة معتلية وجهها وتركي يحسبها عشان العملية
تركي ضرب ايده براسه : يووووووو نسيت حسام برى خليه يدخل
ندى بدون شعور:لااااااااااااا
________________________________
حطت ايدها على فمها ورمت بجسمها على فهد ..
فهد نظراته تنتقل بين الجثة المرمية ويناظر عبير المرمية بحضنه ...
التفتوا لصوت غريب: ؟ vous allez bien
هل انتم على مايرام
فهد عرف من لبسه انو من الشرطة او تبع جهة امنية ارتاح نسبيا ورد :
ca va bien <<<< بخير
الرجال : comment tu t'appelles ? <<< مااسمك ؟؟
فهد : je m'appelle Fahd <<< اسمي فهد
وبس هذا اللي فلحته بالفرنسي تحين نرجع للعربي المدبلج ^_^
الرجال : هل انت عربي ؟
فهد : نعم
الرجال : يأشر على الجثة هذا الرجل مجرم هارب من العدالة وكنا نلاحقه هل تأذيتم ؟
فهد هز راسه بتفهم : لا... نحن بخير
الرجال توه ينتبه بعبير وهيا متعلقة بحضن فهد بلع ريقه من جمالها الرباني الملفت للنظر
فهد فهم نظراته وحس بنار تحرق صدره مو كفاية الحقير هذا شكله حيلحقه بجثة تانية
فهد : حسنا شكرا لك
الفرنسي وعيونه على عبير : لا شكر على واجب
فهد شوي ويعطيله ابكاس في اخماس على عينه اتمالك اعصابه وحمل عبير بذراعه وهيا مانطقت بكلمة .. اول مرة تشوف واحد بيموت قدام عينها .. وينقتل بالرصاص ماحست بفهد ولا حست بالرجال التاني بس صورة الجثة في بالها عيونها حمرا من البكا واليوم اللي شافته مو قليل
فهد : excusez-moi <<< اسمحلي
الرجال حرك راسه بتفهم : au revoire <<< الى اللقاء
فهد (( الله لايلاقيني فيك يابعيد )) مشي بعيد عنه وعن نظراته بعدها وجه نظراته لعبير اللي يدها لتحين ترجف وجهها مخطوف لونه ... هوا صحيح شاف جثث لما كان يدرس طب في امريكا بس ماخطر في باله انه يشوف رجال ينقتل قدامه ,,,
_______________________________
ريما : حبيبي خلاص جهزت الشنط
رامي : اوكي يلااا استنيني في السيارة عبال احطها
ريما : بس انا بدي اشيل معاك
رامي : ريما حبيبتي نسيتي انك حامل ؟
ريما : مافيها حاجة
جا لعندها وانحنى بهدوء وشالها : قولي من البداية تبيني اشيلك
ريما : لا ههههههههههههه
________________________________
تركي التفت لها : هاااا ايش قلتي ؟
ندى بارتباك : قصدي لا يدخل مامعايا حجاب
تركي : ههههههههههههه والله اللي سوالك العملية اخد مخك
جاب طرحة كانت مرمية على الكنب : خدي يختي
ندى بلعت ريقها : هاا نسيت
طلع تركي عند حسام
تركي : حسااام
حسام كانه انضرب بكهربا : هااا
تركي : ههههههههههه اليوم انت وندى مضيعين خميسكم
تعال ماتبى تتحمد لسلامة بنت خالتك
حسااام ببلاهة : هاا ؟
تركي ضرب ايده اليمين في الشمال : يامثبت العقل والدين ايش صاير لكم اليوم –سحب ايده - تعال بس تعال
حسام مشي معاه مسير مو مخير (( ااااااااااه ياتركي لو تدري اني اعطيت اختك كف ايش حيكون موقفك ))
طق طق طق طق
ندى بتردد : اد...خـ..ل
دخل تركي وبعده حسام اللي كانت عيونه على الارض مايبى يناظر نظرات الكره في عيونها
ندى مانتبهت انه منزل عيونه لانها كمان هيا منزلة عيونها على يدها اللي تفرك اصابعها ببعض من القهر
تركي : يعني اعرفكم ببعض ولا أيـ.
طق طق طق طق طق
تركي : ادخل
السستر : لو سمحت نبى مرافق المريضة عشان يقفل الحساب
تركي : اوكي يلا جاي
حسام وندى يصرخوا في نفسهم ( لاااااااااااااااااااااااااااااااااااااااااااااااا)
تركي ضرب كتف حسام : ماتبى تتحمد لسلامة بنت خالتك ؟
وخرج من غير مايسمع رده
حسام بارتباك الدنيا كله وعيونه على الأرض: حمـ...
قاطعتها ندى : براااااااااا
حسام رفع عينه ووجه نظراته االمستغربة
التقت عيونهم ببعض
تكرهيني شايلة هالقد بقلبك ...
صحيح اخطيت بس ابى عفوك ...
والله تأنيب الضمير قتلني ...
كافي علي اوجاعي ...
طلبتك لاتزودي الملح على الاامي ...
لا ترديني ولا تكسري بخاطري ...
امنتك الله سامحيني ...
ندى والشرر يتطاير من عينها : قلتلك برااا
حسام : ندى انا ماكان قصدي
حطت ايدها على اذنها : مابدي اسمع حاجة اطلع برااا
غمض عيونه بقوة وخرج من الغرفة
ندى رمت المخدة على الارض : ولعنتين فيك
__________________________
حطها على السرير بهدوء : ارتاحي حبيبتي
عبير وهي تشد على قميصه : لاتــ..تر..كني
فهد ابتسم يطمنها : ثواني واكون عندك
عبير حركت راسها وعيونها في عيونه
نزل فهد تحت واخد الفطور معاه وطلعه لعند عبير
ولما دخل اتفاجأ هناك وعلت وجهه الصدمة
عبير حاطة يدها على شفاتها ودموعها مجتمعة على عيونها
فهد قبض على ايده بقوة والمنظر يتكرر قدام عيونه
فهد بعصبية : مين قالك تروحي هناك لحالك
عبير ناظرت في شرر عيونه والدموع على عيونها
فهد مسك يدها بعصبية : شفتي كيف كنت تبي تضيعي وهذاك الكلب كان يبى ...
عبير تفك ايدها والدموع على عينها : انا مالي ذنب انا كنت ابى ...
فهد قاطعها : مهما كان السبب .. ماتروحي لحالك فاهمة ؟
عبير رجعت لها الذكرى لاول ليلة معاه وهيا اللي تحاول تتناسى
حتى فهد لما شاف دموعها ونظراتها المظلومة رجعت الذكرى لذاك اليوم
خرج من الغرفة يحاول يتهرب منها
هوا ماعمل كدا الا خايف عليها
عبير طلعت الورود اللي كانت مخبيتها في الشنطة الصغيرة على خصرها وناظرت فيها ماكنت اباها الا عشانك –رمتها على الأرض- ورمت بجسمها على السرير وسمحت لدموعها المتجمعة تنزل وتخفف حرقة قلبها
_______________________
خرج فهد للحديقة
واخد يدور على علبة السجاير
بس ابتسم من قلبه لما اتذكر كلامها
( اذا كان ليا خاطر عندك ارمي علبة السجاير
فهد يغنيلها :
بس قول أبغى وأنا أقول حاضر
إنت الوحيد اللي كلامك أوامر
خاطـرك عنّدي تـرى مو مثل غيرك
خاطرك يسوى ترى مليون خاطر
القوي اهند وحبي لك قوي
شوف إيش أعمل اذا تطلبني شي
ينشغل بالي وأدور لك عليه
وعيني ما تغمض ولا حتى شوي
تهمني طبعا حبيبي تهمني
انت بس اللي بعمري هزني
انت من حقك إذا تامر علي
وآنا من حقي أبيك تحبني
عبير ابتسمت برضا ورمتها في الزبالة )
طيف ابتسامتها تنسيه همه لا سجارة ولا عشرة يغنوا عنها
________________________
تركي : حسام
حسام : .................
تركي : حسااام
حسام : ................
تركي يتأفف بعصبية وصرخ : حساااااااام
حسام اتفزع ورجع لورى : الله ياخد ابليسك
تركي بعصبية : وجععععع ساعة انادي عليك غمزله *_^ مين اللي شاغل بالك.؟
حسام : هاااا ولا حاجة
تركي : ليش واقف برا ؟..تعال
حسام : لااا لاااا بس كنت بجيب موية
تركي ناظره بنص عين : في موية داخل ..
فجأة ترن نغمة نوكيا المملة
حسام يرفع الجوال ويبتسم بخبث
تركي ميل فمه باستهزاء اكيد خويته : يلاا انا داخل استناك
حسام : هلا سمر
هذا الأسم خليه يوقف حركته ويخلي كل احساسيه مع المكالمة
حسام : لا طمني خالتي .. الحمد لله تمااام –التفت لتركي – تركي نقدر ناخدها اليوم
تركي : هااا ايووة
حسام : يلاااا ان شاء الله تكون في حضنكم اليوم ...توصي بحاجة .... الله يسلمك ... سلاااااام
: تركي انا جاهزة
التفوا لمصدر الصوت وبنفس الوقت بدهشة : ندى ؟؟؟؟
___________________
|
16-08-08, 08:17 PM
بااااااااااااااااااااااااااك 
...
كل اللي علق على روايتي ولو بشوية ...
..
جديد مواضيع قسم الارشيف
العرض العادي
