إحم إحم
على الرغم أنني لست من أنصار نظرية المؤامرة
و على الرغم سيادتك إني كان نفسي ما أتكلمش كتير
بس أنا مضطرة هههههههه
أي نعم المخدرات أصبحت ظاهرة و ظاهرة شديدة الإنتشار بمجتمعاتنا
أسبابها دي بقى يطول شرحها
تعرف يا محمد نظرية "صدام الحضارات"؟ صاحبها قال إيه؟ قال إن الغرب بعد إنهيار الإتحاد السوفييتي و النظام الشيوعي بالعالم لازم يبحث عن عدو جديد له
و العدو الذي وقع عليه الإختيار هو الإسلام
تعرف رغم المعارضة الشديدة لهذه النظرية من الجميع قولا و تطبيقها فعلا
اللي أحب أقوله هنا إن النظرية لفتت إنتباهي لجانب مهم جدا
أي حضارة فعلا من شروط استمرارها قوية هو وجود عدو خارجي يهدد تلك الحضارة
لو بصيت كدة على مر التاريخ هتلاقي ده صحيح
أكثر فترات إزدهار الحضارات بتكون هي اللي فيها ذلك التحدي
لأن الإنسان لازم يكون عنده قضية تشغل حياته
إحنا بقى كان عندنا عدو جاهز و محترم يعني مش محتاجين ندور
عملنا إيه؟ جه رؤساءنا الأعزاء من أول السادات و قاللك حرب 73 دي آخر الحروب بين العرب و إسرائيل
ما شاء الله
و التطبيع اللي شغال من ساعتها الله ينور
فيه أجيال طالعة سيادتك مش عارفة أصلا إن فيه مشكلة بينا و بين إسرائيل
و لا بينا طبعا و بين أمريكا
و طبعا الإهتمام بالسياسة الداخليه ده من المحرمات
إمتحانات تيرم ، ظروف عمل طاحنة بالقطاع الخاص لأن ده عصر رجال الأعمال
ميلودي و مزيكا و روتانا سينما
هيفاء وهبي و مروى و نجلا
شيوخ تملأ الفضائيات و بتتكلم عن كل حاجة في الدنيا إلا كلمة حق في وجه سلطان جائر
حتى الغلاء يا محمد بقى بسبب غضب ربنا علينا ، طيب هو ربنا غضبان علينا إحنا و مش غضبان على فيفي عبده و نانسي عجرم؟
زمالك و أهلي و مرتضى منصور هيرجع الزمالك تاني و لا لأ
هي دي قضايانا حاليا يا متفيرس
الوصول للمرحلة دي لم يكن عشوائيا صدقني
ده مخطط له جيدا جدا
مش هاتطرف جدا و أقولك و المخدرات كمان يمكن تكون الحكومة بتروجها -مش بعيدة قوي- بس حتى لو لم يكن صحيحا
عاوز إيه من أجيال اتربت بالشكل ده؟
أيوة الفراغ هو السبب
فراغ مقصود و متعمد
فراغ عقل و قلب و روح
إلا من رحم ربي

أقولهم خليكم هناك
إوعوا ترجعوا ، إنتوا بقيتوا كدة علشان انتوا هناك ، على الأقل إحنا دلوقتي بنقول عندنا ناس بتفهم
طيب مافيه مليون أستاذ جامعة عندنا
يعني دول مفيش حد فيهم زي اللي بره؟ فيه طبعا
بس عمرنا ما هنسمع عنهم
و لحكامنا ... براحتكوا .. حد يلاقي دلع و ما يتدلعش؟!