المنتدى :
الارشيف
ملتقى الاحبه
السلام عليكم و رحمة الله وبركاته كيفكم يا ليلاسين يارب بخير دايما
اولا الموضوع دا للرومانسيين فقط ممنوع منعا باتا دخول صحاب القلوب الغير رقيقه امممممممم وبما ان الليلاسين كلهم رومانسيين يبقى مسموح للجميع بالدخول
الموضوع بأختصار عن الحب او بمعنى ادق الحب المفقود فى حياتنا الحب اللى بنتمناه الدنيا حولينا قرب يختفى منها المعنى الحقيقى للحب بتضحياته وسهر الليل والحاجات الحلوة دى اللى انتم عارفنها
عشان كده قررت انى اعمل موضوع عن الحب نتكلم في عن كل ما يخص الحب عايزه اعرف مفهوم الحب عند كل واحد بيتمنى ايه من اللى بيحبه او ايه مواصفات فارس احلام البنات او فتاة احلام الولاد عايزة نحاول تعويض الحب المفتقد فى العالم الخارجى ونرسم هنا عالم كله حب فى حب يكون فيه كل اللى بنتمناه نعيش فى ويكون مصدر بسمه فحياتنا يعوضنا طبعا عارفين نادى اللى فقد حبيب بصراحه انا كنت فرحانه بيه قوووى وكنت بدخل بقى واكتب اغانى نكد كانت بتعبر عن حالتى النفسيه وقتها وبعدين اكتشفت ان دا بيعذبنى اكتر وقررت انى مش حعيش النكد دا هنا كمان
لا لازم انساه هنا واطلع كل الحب اللى جوايا و ابنى عالم خاص بيا بشرط انى فالاخر ابقى عارفه انه خيال وانى حرجع للواقع تانى عشان متصدمش بس
كلمات عن الحب اغنيه رومانسيه بتفكرك باللى بتحبه اغنيه نفسك تعيش كلماتها لقطه من فيلم او فيلم رومانسى فكرنا بيه خاطره حلوة
قصه رومنسيه حقيقيه او خياليه مش مهم
الحب اللى بتتمناه تجربه عشتها او شفتها عشان نستفاد منها
او طلب نصيحه فالحب
شاركنا كل دا عشان نبنى عالم كله حب فى حب حتى لو كان على الورق
يارب تكون فكرتى وهدفى من وراها وصلت لكم
ارجو متخيبوش ظنى وتبقى ايدكم فأيدى نبنى عاام خاص بينا كله حب
|