لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 25-05-08, 09:55 PM   المشاركة رقم: 71
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 

رنا : يله عاد مسفر ودنا لفيصليه

مسفر: مالي خلق خلي نهار يوديكم

رنا: فشله كل يوم والثاني نهار مودينا لمكان حتى صرت احسه اخوي مو انت

مسفر: اليوم صرت احسه اخوي بكره احبه

رنا وجهها صار طماطه من الاحمرار : انت من رحت لبريطاميا ورجعت وانت خربان

مسفر:هههههههه يعني تبغين تفهميني انك ماتدري ان نهار يبغاك

رنا مستغربه :ها

مسفر وحس انه فضح امه وزوجة عمه : ليه محد قالك انه يبغاك بس ينتظر يتثبت يالوظيفه

رنا متفشله ومستحيه ومصدومه انها تجلس مع نهار وتسولف عادي وهو يفكر فيها شي ثاني : لا ومن قالك على كيفك تألف من عندك

مسفر : خلاص اذا مو عاجبك اعتبريني ماقلت شي .... سمعتي ماقلت شي

رنا وقفت معصبه : عمرنا مارحنا ان شاء الله

مسفر:ههههههه تعالي بوديك

رنا: ايوه مو لي لان المحروسه الريم معنا ..والا لو علشان كان خليت هذا العاشق الولهان الزفت نهار يوصلنا

مسفر: اوه ..اوه .. قلبت على الرجال هذا انتم يالبنات اذا حبكم الرجال او دريتوا انه يبغاكم سبيتوه ولعنتوا

رنا طلعت فوق قبل لايحرجها مسفر اكثر

مسفر :ههههههههههه (( ياحليلك يارنا شكلك انتي بعد بتتركينا مثل العنود وانا بروح مع هذي الريم المغروره .. والله لو انها لوجين كان هاللحين تزوجتها .. شخبارك يالوجين من اسبوعين خبري فيك ..))

*************************
نواره تدق الباب على رائد بعد ماتحجبت

رائد: هلا نواره صباح الخير

نواره: صباح النور تعال افطر معنا

رائد: لا ماحب اضايقكم

نواره: لا والله عادي تعال ..

رائد منحرج : لا مره ثانيه

نواره: لا تكفى تعال بتذبحني البندري اذا ماجيت

رائد باهتمام :البندري

نواره تسوي نفسها حطت ايدها على فمها : يوه انا لساني مفلوت ..

رائد ابتسم: اذا كان كذا فاوكيه

طلعوا فوق مع بعض

نواره تصرخ : يابنات تحجبوا

الجوري فهمت على نواره وعرفت خطتها : ان شاء الله

البندري مفهيه : ليه ..؟

الجوري: تغطي يمكن طباخ

البندري تحجبت عن حسن نيه ..دخلت نواره و ورائها رائد .. طاحت توست من ايد البندري على الارض ..وفتحت فمها هذا اخر شي توقعته

رائد رفع التوست من تحت الندري وابتسم وهو يناظرها من جلسته على الارض : صباح الخير

البندري لفت على نواره معصبه : صباح النور

الجوري: حياك افطر معنا

رائد يمد التوست : تفضلي

البندري: باسها الشيطان مابغاها

نواره والجوري: ههههههههههه

رائد جلس: هههههه باسها والا لمسها ..

نواره والجوري :ههههههههههههه

البندري : والله العظيم اذا ما انطميتوا والله ماتشوفون طيب

رائد ابتسم (( واضح انها مستحيه مني ..شكلها تحس نفس ما احس يازينها ياليت الواحد يصبح على هالقمر كل صباح )): ليه معصبه على هالصباح

البندري وهي تصب العصير كانت تبغى تقوم بس كرامتها ماسمحت لها : والله بكيفي اعصب اضحك هذا شي راجع لي

رائدياشر بيده كانه يهديها : اوكيه اوكيه لاتصارخين .... لوسمحتي صبيلي معك عصير

البندري وهي تشرب العصير : مافيه كاسه

رائد: افا .. ليه؟

نواره: ناد على نتالي تجيب لك عصير

رائد سحب الكاس اللي شربت منه البندري : لا مايحتاج هذا في عصير

وشرب البنات استغربوا حركتها البندري صار وجهها احمر وقلبها يدق بسرعه شرب بعدها العصير حركه مايسويها الا العشاق ... مد رائد الكاس للبندري : لاتخافي خليتلك شوي

البندري ماعرفت وش ترد :لا مشكور كمله

رائد: شكلك قرفانه ..عادي كلنا من التراب ولتراب

البندري وكل دقيقه تعجبها شخصية رائد: اذا انت عندك عادي فانا لا انا اقرف

رائد : اوكيه صبي لي لوسمحتي

البندري تحس بماشاعر غريبه بس تكابر : مو يعني ببيتك تستعبدنا

الجوري: وش قال الرجال علشان يستعبدك انتي بجنبك الجيك وطبيعي انتي اللي بت.....

قاطعتها البندري بعصبيه : جور ... يازينك وانتي ساكته

وقف رائد لعند البندري وقف عندها بالضبط ..ارتبكت مره البندري مد ايده للعير وهو حاس بارتباكها : لاتزعلين انا اخدم نفسي بنفسي

البندري وتحس بمغص ببطنها وحراره بجسمها : احسن بعد - وقفت بسرعه وراحت لغرفه – ومره ثانيه اذا بيفطر معنا هذا انا شبعانه
سكرت الباب بقوه .. دخلت حاطه ايدها على قلبها وتتوعد بنواره

رائد جلس بكرسي البندري: صاحبتكم عصبيه

نواره بخبث : مين البندري..لا بالعكس احن قلب هي

الجوري: غريبه البندري معصبه اليوم مادري وش فيها

رائد((انا اقولك وشفيها تحس انها معجبه فيني مثل مانا معجب فيها وهذا اللي مخوفها ليه مادري يمكن تكون مرتبطه عاطفيا مع واحد ثاني ))

رائد تفكيره اوربي متفتح مثل ابوه لانهم عاشوا اول حياتهم بامريكا قبل لاتنولد ذوق حتى ان عنده الجنسيه الامريكيه وكمل دراسته هناك بامريكا ..

*********************
بو رائد: ذوق وين حابه تفطري

ذوق وعارفه ان ابوها وراه شي : عادي اي مكان

بو رائد: وش رايك بكودو

ذوق بنفاذ صبر : اي مكان يا بابا اي مكان

بو رائد ابتسم على عجلة بنته : اوكيه ناخذ فطورنا وناكل بالسياره وحنا نتمشى ..

ذوق: اوكيه

وابوها يطلب الفطور ارسلت رساله للوجين ((انا مع بابا وشكله بيكلمني عن الموضوع وش ارد عليه ردي بسرعه ))...

**************************************

لوجين جالسه تنتظر السكيورتيه يطلعوا لفوق عند صلاح لان اكيد علي مراح ينزل بالطيب ..دق جوالها رساله من ذوق ((انا مع بابا وشكله بيكلمني عن الموضوع وش ارد عليه ))

تحمست لوجين شي بيشغلها عن الخوف اللي تحس فيه ..وتحس ان مصير ذوق بين ايدينها حطت نفسها بمكان ذوق بتتزوج غير مسفر بتتخلى عنه بس هي هاللحين مو معه ومتخليه عنه نفس الشي .. ومسفر غير فيصل النصاب اللي ضحك على ذوق ... فيصل مثل احمد الاناني ..

ارسلت لذوق ((وافقي وتوكلي على الله ..لو انا مكانك وافقت وصدقيني اذا تركتي شي الله بيعوضك خير منه تذكري ان هذا كلامك للبندري عن وليد .. تكفين ذوق حكمي عقلك قبل قلبك ..الله يوفقك ياختي ))

ارسلت الرساله من هنا نزل علي من الدرج ووجه احمر من العصبيه واضح انه مقهور وقف عند لوجين اللي تبتسم له باستهزاء

لوجين باستهزاء : انتظرت صلاح يدق علي مادق وشفيك مادخلت عنده

علي : لا تستانسين وايد اذا ماخليتج تبوسين ريلي ماكون علي

لوجين تناظر الكوفي وقالت ببرود : انتظر ...

علي : صدقيني محد بيكسر راسج وغرورج هذا غيري

لوجين ناظرته ببرود اكثر : قلتلك انتظر

علي تنرفز ومسك ايدها بقوه : انتي على شنو شايف نفسج

لوجين عصبت: اترك ايدي لا والله ادخلك بهالحركه السجن مو المستشفى

علي تركك ايدها مجبور وعلى وجهه ضيق : انا قتلج احبج ليه تعامليني جذي

لوجين خافت منه اكثر واضح انه يبغى يلعب بمشاعرها قررت تسايره : اوكيه تحبني وتحاول تاذيني باي قانون هذا

علي من جده يتكلم : انتي وش ينفع معاج الطيب ومو عاجبتج الشده ومافهمتج كيف تحسين ..

لوجين : بليز علي الناس تناظرنا صرت موضع شبه حنا مو ببريطانيا او بالكويت حتى

علي : اوكيه انا مابغى ااثر على سمعتج وين اقابلج ..

لوجين وتبغى تنهي الموضع معه مادامها جئت منه ويبغى يتفاهم اخيرا مستحيل تضيعها : اوكيه في مجمع هنا اسمه ص ..والا اقولك وشرايك بالفصيليه بس ها عند المطاعم

علي مبسوط بيحاول يمكن ترجع المياه لمجاريها قبل لايطلع الزفت مسفر : اوكيه اليوم الساعه 6 اشوفج هناك ..وسوري على الاحراج والازعاج

راح علي وتركها ..لوجين تتنهد ...حسته علي القديم الحبيب اللي قبل مايخطبها ...

**************************
طولت لوجين على ذوق وماردت بسرعه .. ذوق على اعصابها " بسرعه يالوجين قبل لايكلمني بابا بسرعه "

قاطعها ابوها : بابا ذوق وين رحتي

ذوق : ها معك

بورائد: صار لي ساعه اناديك ماتردي

ذوق : اوه سوري بابا

بو رائد : تفضلي فطورك

ذوق تغطي توترها بالضحك :هههههه فطور الساعه 11

بو رائد: وش اسوي بعد هذا وقت فراغي

ذوق: ايوه كشفتك مو تقول علشانك اترك الشغل اثاريه وقت فراغك

بو رائد:ههههههه فاهمتني مثل مانا فاهمك ..اسمعي حبيبتي

قاطعه مسج لذوق رفعت جوالها بسرعه : سوري بابا منتظره مسج مههمممممممممم

بو رائد وهو يفتح اكله : مهمممممم اوكيه خذي راحتك

فتحت ذوق المسج بلهفه ((وافقي وتوكلي على الله ..لو انا مكانك وافقت وصدقيني اذا تركتي شي الله بيعوضك خير منه تذكري كلامك للبندري عن وليد .. تكفين ذوق حكمي عقلك قبل قلبك ..الله يوفقك ياختي ))

ذوق ماقتنعت برسالة لوجين : ايوه بابا وش بغيت تقول

بو رائد حس ان ذوق مو مستعده هاللحين : لا وقت ثاني هاللحين لازم ارجعك للبيت عندي موعد

ذوق ارتاحت وابتسمت لابوها : اوكيه .. باب خذني لبيت خالتي مالي خلق البيت بنام هناك

بو رائد تاكد انها متردده حب يسالها بوقت مناسب : احسن بعد تفيري جو مع سناء بنت خالتك

ذوق: ولو اني احسها بزر بس يله

******************
العصر

الجوري : يله شكل الجلسه عاجبتكم بالبيت ..تجهزوا نروح نتسوق

نواره: انا جاهزه

البندري : بتنزلي كذا

نواره: ليه وش فيه شكلي

كانت لابسه بنطلون وواسع وبلوزه ضيقه وحجاب اي كلام شكلها عادي مررره

الجوري :لا ياحبيبتي ماتروحي بهالشكل كانك بالبيت

نواره: اسمعوا انتي معها عاجبكم كذا اهلا وسهلا ماعجبكم بالناقص

البندري: هذي مامنها فايده انا بتجهز وبجي

طلعوا للسوق وفي احلى من التسوق ببيروت ..

نواره : الله يجنن هذا اللبناني اللي يبيع تذكارات

البندري تبغى ترد لهم ضحكهم : آه مو احلى من رودي

الجوري ببلاهه :من رودي

البندري : رائد الله يحفضه

نواره والجوري يصارخون :اوووووووووو

البندري: هههههههه اموت

نواره: ترى عندي رقمه اذا تبين

البندري: تخسين انقلعي

الجوري: بنات ..وشرايكم نستهبل على رائد ونخليه يموت على البندري

البندري بثقل : لا ومن قال اني ابغاه يحبني

نواره: اقول مايلبق لك الثقل

البندري:ههههههههههه بذمتك مايجنن يهبل ..لا ويشرب من نفس الكاس اللي شربت منه آآآآآه يازينه ..

الجوري : والله قهر انا اللي جالسه بجنبه ويشرب منك انتي ويجلس بعد بالكرسي

البندري بغرور : هههههههه لان عيوني سوداء مو زرقاء

نواره: امشي لادوس ببطنك ...

الجوري بحماس :بنات الليله ان شاء الله نفكر بخطط للقضاء على رائد..اوه سوري..رودي

البندري بعصبيه مصطنعه : بس انا اقول رودي

نواره: عليك بالعافيه كليه مانبغاه – تتريق – رودي قال رودي قال ..وبعدين هذا مايحتاج لخطط وائع لشوشتوا

البندري خجوله بطبعها : وجع ان شاء الله انا الغلطانه اللي اجلس معكم
مشت بسرعه لقدام

نواره والجوري:ههههه تعالي

************************

 
 

 

عرض البوم صور كيلو دلع   رد مع اقتباس
قديم 25-05-08, 09:56 PM   المشاركة رقم: 72
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 

الساعه 6 بالفيصليه
دخلت لوجين المطاعم وهي تدور على علي (( وينه هذا مع وجهه .. مالي الاادق عليه ))
توها بتدق الا هو متشخص بالثوب الكويتي والشماغ ..((ليكون على باله اني خويته مع وجهه ياكرهه))

علي بابتسامه : هاي

لوجين تجامله : هاي

علي : بطيت عليج

لوجين: لا عادي وين نجلس

على : تعالي مني

اختار طاوله لشخين على زاويه مقابلين بعض كانت طاوله رومنسيه ..طبعا لوجين ماتعرف الغطاء

علي: وش تشربين

لوجين تبغى تخلص: كوكتيل

&

بنفس المكان وتحديدا قدام المطاعم

رنا: ياربي تعبت وانا امشي

مسفر : وش اسوي لك ارفعك

رنا: لا مشكور بس نشرب شي نجلس بمكان

العنود: لا مالنا خلق نبغى نخلص

الريم: ايوه بقاء لي اشياء كثير

مسفر يبغاها من الله : اوكيه انتم كملوا وانا ورنون بندخل هنا نشرب لنا شي

رنا: اموت عليك .. سمعتوا انقلعوا

الريم بغرور وهي طول الوقت متنرفز ومو عاجبها شي يقوله مسفر: احسن بعد

راحوا العنود والريم اما رنا ومسفر فدخلوا لمطاعم

رنا متحمسه : تعال هنا

مسفر: اوكيه

بعد ماجلسوا مسفر يناظر القائمه مايدري وش ياخذ عصير مادرى ان اللي قدام طاولتهم الضبط حبيبته لوجين

رنا وهي تتلفت : تصدق المطعم رومنسي

مسفر يجاري اخته اللي سوالفها ماتخلص: اممم

رنا: ماينفع اكشف

مسفر: احلفي وهالرجال

رناوهي تتلفت على الطاولات : وين - فجاءه شهقت – مسفر

مسفر خاف : بسم الله وش فيك

رنا: شوف مين ورانا

مسفر يناظر : وين

رنا: لوجين بنت الكاسر

مسفر بس سمع اسمها حس بالدم يتوقف بعروقه : لوجين - اشر لاخته تبعد كرسيها علشان يشوفها – لوجين ..وين

رنا: مشاء الله تجنن

مسفر يناظر فيها بعيون مشتاقه قلبه يدق بسرعه نسى العالم نسى الكون نسى كل شي كل اللي يشوفه لوجين اللي كانت تضحك ومبسوطه (( يالله تغيرت عن اخر مره شعرها الاحمر صار اسود مثل الليل- كانت لمعته واضحه مع الاضاءه الرومنسيه الصفره - تضحك وواضح عليها مبسوطه ياترى من هذا اللي معها ياحلوه الله يحفضها وحشتيني يالجو وحشتيني مووت )) حس مسفر بالغيره وودها يقوم يشيلها من مكانها ويعرف من هذا اللي متشخص وجالس معها

رنا تاشر بايدها بوجه مسفر : هيه ياعرب ..ياعرب

مسفر: ها تكلميني

رنا: سكر فمك فضحتنا .. صار لي ساعه اناديك

مسفر وماهو قادر يرفع عينه عنها : خير

رنا بخبث: مسفر خلاص اكلت البنت

مسفر بعد عينه : رنا وش هالحكي

رنا: قلنا حلوه بس مو كذا

مسفر: اخلصي وش تبين تشربين

رنا: ابغى موكا

مسفر: موكا بهال - سكت يناظر اللي مع لوجين وقف ولف على الجرسون وقال مصدوم - علي

رنا تناظر وين مايناظر مسفر: علي مين علي ..هذا اللي واقف

لوجين مسكت ايد علي وقالته شي بصوت واطي ماقدروا يسمعونه

افكار كثير صارت تدور ببال مسفر ((اها حبها القديم حبيبها اللي جابته معها السعوديه جد الزباله زباله مايقدرون يعيشون من غير وصخ ))

رنا وبدت تكذب وتالف : ليكون ...... شكلها انخطيت قالتلي هنادي ان نواره تقول انها بتنخطب قريب

مسفر: تنخطب ...؟

رنا : ايوه حلوه وغنيه ليه ماتنخطب


&

لوجين وهي ماسكه ايد علي : اجلس فضحتنا اكيد ماكان يقصد بالطلب

علي وهو يجلس :علشانج بس بسكت له عيل اقوله برتغال ييب لي مانجو

لوجين: لاحول بنقضيها هوشه على العصير

علي: لا .. ندخل بالموضوع ..انتي عارفه اني احبج وانتي كنتي تحبيني

لوجين: لاتقول تحبيني انا من ايام احمد الله يرحمه وانا مابغاه يكلمك لاني بصراحه مارتحت لك

علي عصب : سمعي الكلام اللي يسرج هذا احمد اللي انتي ميته عليه مايستاهل منج حتى نظره لا

قاطعته لوجين باشمئزاز : انت كيف تتكلم عن ولد خالتك بهذي لطريقه

علي: لانه نذل ومو ريال ..

لوجين: كم مره قتلك لاتحكي عن احمد كذا ..والله اقوم

علي: اوكيه ..سمعي يمكن هذي اول مره اقولج قيها الحجي بس هذا اللي صار .. انا من اول ماشفتج مع احمد تذكرين بالمعرض يوم كنا يايين سياحه قلت لاحمد هذي حلوه وعايبتني من زمان لاني كنت اشوفج قريب من مكتب السفاره شغل ابوي ... وعلى طول احمد راح سالج عن الوحه انه مايدري انج مو من المعرض انا فكرت حركته هذي علشان يقربني منج لاني كنت ناوي اخطب واتزوج وماكنت ابي وحده متخلفه كنت ابي بنت حلوه وراقيه ومتفتحه مثلج .. ومع الايام النذل احمد خذج مني سكت وماتكلمت ولما سالته انه يبغى يتزوجج قال لا هذي هبله وفلوس ابوها وايد حطتني معاها بالسكن وتصرف علي وتوقعنني على اوراق تقطعهم اخر الليل

لوجين مصدومه بس ماستبعدت نذالة احمد وانانيته : احمد كان عارف عن الشيكات

علي: ايه وكان يتغيشم وانه يوقع على اوراق مايدري عنهم وانه طاهر ومايحب ياخذ شي من حريم ....ولما عصبت عليه وهددته اني بقولج كل شي ..سكت وبعدها بيومين قالي انه ملك عليج وانج صرت من اللحين زوجته

لوجين مصدومه ومتنرفزه : وانت ليه هاللحين جائي تقولي

علي : لاني احبج من قبل لايدخل هذا احمد بحياتج ..وماني مستعد اخسرج مره ثاني على حساب مسفر

لوجين: مسفر ماله دخل طلعه من الموضوع حكيك كله معي انا ..

علي: اوكيه ..

لوجين: واللي يحب احد ياعلي ياذيه بالمخدرات مايكفي انت مبتلي فيها

علي: فهميني شلون اجيبج لي ... خطبه وخطبتج وحب وقتلج شلون تفهمين

لوجين: عادي وحده ماتحبك ومو راضيه تفهم بحبك اتركها

علي بعصبيه : على قص رقبتي

لوجين: حنا جايين تنفاهم لو سمحت

علي : اوكيه انا بروح للحمام دقايق وراجع

لوجين بدون نفس: بسرعه

قام بشار للحمام جلست لوجين تناظر جوالها وتناظر المطعم طاح عينها على عيون عسليه عشقتها : مسفر

مسفر ناظرها بعتاب وابتسم باستهزاء

لوجين ناظرته بشوق وحب كنت تبغى وقفت بتروح تسلم عليه وتقوله عن سبب تركها له في المطعم اخر مره لكن اللي وقفها ان مسفر لف وجهه وكلم اللي جالسه قدامه .. توها تنتبه بالسواد اللي جالس قباله اكيد هذي الريم رجعت جلست مكانها تناظر وعيونها مغرقه حست بالقهر ..لف مسفر عليها مره ثانيه قلبه ماطاوعه مايناظرها .. ظلوا يناظرون بعض لدقايق وكل واحد فيه يناظر الثاني بعتاب

علي: تاخرت عليج

لوجين توها تنتبه ان علي رجع ..بلعت ريقها : لا عادي

علي: انا ابغى منج رد هاللحين تتزوجيني

ناظرت لوجين مسفر اللي غرقان لشوشته بالضحك مع الريم ..طبعا مسفر كان يبغى يقهرها لانه شاف علي يجلس : مادري ياعلي

علي حس انها بادرت خير: ليه

لوجين ابعدت عينها عن مسفر واللي جالسه معه وكلمت علي بجديه : علي بحكي معك بس اذا مانت فاهم علي بسكت

علي : تحجي

لوجين : انا احب مسفر واموت بالتراب اللي يمشي عليه - نزلت دموعها مسحتهم بمنديل بسرعه - ونظره منه تكفيني العمر كله واذا تزوجتك بظلمك وبظلم نفسي معاك

علي: كنت عارف

لوجين: لاتخليني اندم اني قتلك عن مشاعر

علي سكت يتاملها وهي حاولت ماتناظر مسفر علشان ماينتبه فيه علي

لوجين: علي انا مخنوقه هنا ابغى ارجع البنك وراي شغل

علي خاف عليها لانه حس انها بتبي لو تكلمت اكثر : اوكيه

&

رنا: احمد ربك ان الريم مو هنا

مسفر: ليه..؟

رنا: كان اذبحتك او ذبحتها ..واضح كل شي بعيونك

مسفر سكت يناظر لوجين تقوم وعلي يسبقها قبل لاتروح عطته نظرة عتاب
((((((في عيوني شوق وبقلبي رعد .....
في وداعك ضاعت دروب الوصال ...)))
وطلعت

رنا : مسفر..انتم بينكم شي

مسفر: لا ولو سمعت انك قايله لاحد عن اللي شفتيه ياويلك .... ماتدرين يمكن بيوم اجي اقولك عن مشاعري

رنا مبسوطه مسفر وبتصير هي بيئر اسراره مكان العنود

ولوجين طالعه من المطعم اصدمت بالريم

لوجين تغالب دموعها: سوري

الريم عرفتها وهي تغار منها : وجع انتبهي

لوجين مالها خلق نفسها : سوري

العنود عرفتها بعد وتاكدت ان هي ماعرفتهم : ياختي ناس عميه ماتشوف هذا وكاشفه

لوجين غطت وجهها لان دموعها نزلت : قلت سوري –راحت-

العنود والريم :ههههههه

ضحكوا لحد ماوصلوا لطاوله

مسفر سرحان يفكر بلوجين وماهو برايق لسوالف الريم عن اخر ملابس شافتها وعن مادري مين غارت من جمالها

****

 
 

 

عرض البوم صور كيلو دلع   رد مع اقتباس
قديم 25-05-08, 09:58 PM   المشاركة رقم: 73
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 

بعد ماجلسوا

رنا : ضحكونا معكم

الريم: فاتك يارنا شفنا وحده لو شفتيها انقهرتي

رنا: مين جوليا روبرتس هنا

العنود:ههه اي جوليا انتي وحنا داخلين صدمت الريم بلوجين بنت الكاسر

بس سمع مسفر اسمها لف باهتمام


رنا : قديمه كانت هنا

الريم: ههههه ادبناها لك

مسفر باهتمام : ادبتوها .... وش سويتوا ..؟؟

الريم سكتت مستحيه مانتبهت لمسفر انه معهم كملت عنهاالريم

الريم : قالت بعد مادرزت الريم بدون قصد – تلد نعومة لوجين – سوري ..لكن الريم ماسكتت لها قالت وجع ماتشوفين هههههه ..ردت مره ثانيه سوري انا قل

قاطعها مسفر اللي وقف معصب : انتم كيف تسوا كذا

اللكل: ؟؟؟؟؟؟؟؟؟

مسفر حس على نفسه جلس وهداء صوته : البنت قالت سوري يعني سوري

الريم: اعصابك لاينط لك عرق لاتخاف على مشاعر الوقحه

لف عليها مسفر معصب : انتم واعماركم فوق العشرين وتسوء كذا كيف المراهقات ...

الريم: لاتعلي صوتك ماني بوحده من خواتك

مسفر من زمان مقهور على لريم وقف :انا طالع لسياره اللي بتجي بسرعه قبل لاامشي واتركها هنا تاكل تبن ..والله دقيقه مانزلتوا لامشي

الريم : روح محنا متعطلين عليك

مسفر: رناالعنود بتنزلون والا اجلسوا مع الشي هذا
اشر على الريم اللي عصبت وصار وجهها احمر : هذا الشي يس

العنود قاطعتها: خلاس الريم اسكتي مسفر انت انزل هاللحين ..احسن

مسفر نزل مع رنا معصب

&

مسفر بالسياره مع رنا ماتحرك جلس شوي يهدي اعصابه لانه اذا مشى بيصير له حادث او بيدوس احد

رنا بخوف: مسفر

مسفر: خير شتبغي انتي بعد مو يكفي هذي القرف بنت عمك انا ابغى اعرف ابوي مايشوف ماااختار لي الا المغروره الريم

رنا بنفسها( واله لو اختارلك مليون وحده غيرها مراح تعجبك دائم بنت الكاسر بقلبك ))

مسفر: انا اللي قاهرني انها طول الوقت تتافف ومو عاجبها شي حتى لوجين ماسلمت منها ..- يصارخ – وهذي الثانيه الغبيه لوجين جالسه مع اللي مايتسمى علي يعني بالعقل كذا ماتحس انه ينافقها ومايحبها

رنا ابتسمت تحت الغطاء((ايوه هنا الزده لوجين هو معصب بعد ماشافها مع هذا علي ))

مسفر يكمل صراخ: انا اللي ابغى اعرف ش شايفه فيه حتى توافق عليه مايكفي احمد الي لعب عليها زز بس ماقول الا خساره يالوجين ماتستاهلين الا التبن بوجهك

رنا(( هالللحين معصب على العنود والريم واخرتها تقول عليها التبن ))

***************

الجوري تكلم دانا : ايوه حنا نتسوق

دانا : يابختكم ياليتني معكم

الجوري: ههه حياك

دانا : يالله ذكرتوني بسقرتي للبنان مع بدور

االجوري:هههه طبعا من قدك عتدك رجل

دانا : هههه اكيد يحقلي الغرور

الجوري: لا مايلبق

دانا : لاتقولي انك بالسوق في ال .......

الجوري : ايوه هو بالضبط

دانا : يووووووه ليه ذكريات فيه كثيره

نواره ماتحب اماني اللي هي دانا : يله خلصينا نبغى نخلص

الجوري: طيب ..اقول امونه اذا رجعت للبيت حاكيتك اوكيه

دانا : اوكيه

سكرت من هنا دق جوالها مره ثانيه من هنا نفس الرقم اللي غثها فيه بدر ردت بدون نفس : الو خير

بدر: مساء الخير

الجوري: انت حمار ماتفهم ...لاعاد تدق مره ثانيه

بدر: لابدق وانتي بتردي والا ناسيه

الجوري :آف - سكرت بوجهه - ناس ماتفهم

البندري : لاتقولي هذا بدر

الجوري : الله ياخذه وفي غيره

نواره: وليه تردي بالاساس ... اذا شفتي رقمه اصفطيه

الجوري (( بلاكم ماتدرون غن الصور والا كان ذبحتوه )): المهم يله نرجع للبيت من الساعه 2 وحنا هنا

نواره: عادي ماصار لنا 6 ساعات هنا

الجوري : انا تعبانه وابغى اتروش وانام لي شوي قبل لا نروح لصالون

فجاءه بدر وهو وراها : سلامتك من التعب

نواره والجوري والبندري لفوا عليه ..

الجوري وقف قلبها : بدر

بدر وهو ياكل علك : عيون بدر

نواره بعصبيه وقفت بوجهه : انت هيه خير وشتبغى وب

الجوري ابعدت نواره: نواره بليز لاتدخلي انا اتفاهم معه

نواره: كيف

البندري: جور وشفيك خليها هذا حقير ولا

الجوري: انتم لاتدخلوا انا اعرف احل مشاكلي بنفسي

نواره والبندري: ؟؟؟؟؟؟؟؟؟؟؟؟؟؟؟؟؟

بدر: سمعتوا لاتدخلون .. وين حابه نتفاهم

الجوري: هنا ولا تفكر اني بعطيك وجه ممكن نونو بنو تتركونا شوي

نواره عصبت : نشوف كيف بتحليها

البندري: حنا سابقينك للبيت

راحووا عنهم للبيت معصبين عليها

بدر مسك ايدها : تعالي

سحبت ايدها بسرعه وقلبها بيوقف : لاتعطي نفسك اكثر من حجمك اخلص علي وش تبغى

بدر ببرود : لا لا مايعجبني كذا – سحب ايدها بقوه – اذ ماكنتي حابه تنتشر صور ولا بلتوثاتك تعالي معي

الجوري ترتجف وخايفه : تخسي الا انت

خاولت تسحب ايدها شدها اكثر وقربها لها وطلع من جيب بنطلونه اللي وراء جوال وحطه قدام عينه وشغل بلوتوث كانت ترقص فيه بفستانها العاري وتهز بخرها ومكتوب فوق " بنت المرخ تغطي على فيفي عبدو " همس بذنها : بهذا اخلي عمام يسيحون دمك ..

الجوري بكت وهي تشوف نفسها كذا مقهوره مين اللي صورها : انت شتبغى

ابعدها بقوه عنه حتى كانت بتطيح : ابغاك تعرفين قدرك وتردي على اتصالاتي كحل مبدائي

الجوري تمسح دموعها اللي معاندتها تنزل : انت ليه تسوي كذا

طلع العلكه اللي بفمه وحطها بيدها ..الجوري صرخت : وع ..- رمتها على الارض

بدر بوقاحه : لانك زباله

تركها ومشى...
.... ارجعت للبيت منهاره تبكي دخت الغرفه على طول وحمدت ربها ان البنات نايمين يرتاحوا


*************

 
 

 

عرض البوم صور كيلو دلع   رد مع اقتباس
قديم 25-05-08, 09:59 PM   المشاركة رقم: 74
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 

الفصل الرابع والعشر ون





اليوم الثاني



فيصل: ايوه ياراشد ابغى اتمشى اغير جو

راشد: اسمع اول نمر واحد من الشباب حمود عنده سيدياتي وبعدها نطلع للستراحه مع الشباب عود وبلوت وبلياردوا ..وعلى كيف كيفك ..

فيصل: اوكيه ولا تتاخر

راشد: تعال معي

فيصل: واكيه

راحو لبيت حمود

حمود: والله تقلط انت وخويك

راشد: لايابن الحلال مستعجلين

حمود: اقلط يارجال كلها دقايق انسخ السيدي وتروح

فيصل: خلاص راشد لاترد الرجال خلنا نقلط

دخلوا للمجلس

حمود: دقايق وجاي

راشد: خذ راحتك

راح حمود .. راشد يناظر البيت : هذولا البطاره بيوتهم بنت كلب

فيصل: ايه الله يبارك لهم

راشد: اوه فيصل من متى

فيصل يتنهد : من شفتهاو حبيتها

راشد: يالله وبعدين معك انت انساها

سكتوا لانهم سمعوا صوت ضحك بنت عالي :ههههههه – وجئت تركض للمجلس دخلت بسرعه وسكرت الباب كانت لابسه بيجامه كاروهات

فيصل وقف من الصدمه : ذوق

ذوق لفت بسرعه تتاكد هي سمعت صوته والا تتوهم ..شافته اختفت ابتسامتها انشلت حركتها من الصدمه حتى ماقدرت تنطق باسمه او تبكي
وقفوا الاثنين يناظروا بعضهم مصدومين ومشتاقين
(( ايش جابك من بلادك لي بلادي
ايش لي خلاك تسكن في فؤادي
حس شي في مهجتي لك غير عادي
كل ما اشوفك يزيد يا ذا الحب الجديد
يعتصر قلبي وياخذ مايريد
ياذا الحب الجديد ))
..راشد حس ان في شي غلط ولو جاء حمود وشاف اخته ذوق هنا بتصير مشكله : فيصل ..ذوق

حست ذوق واستوعبت كل اللي يصير راحت بسرعه لعند فيصل وصارت تضربه على صدره وهي تبكي : حقير نذل ..اكرهك اكرهك انت

فيصل مسكها : ذوق اسمعيني انا

ذوق : اسكت ياواطي وش بتقول اكثر من اللي سمعته ب

فيصل: لا ياحياتي انا م

راشد حس انهم ناسين المكان والوقت اللي هم فيه : فيصل اخوها هنا ..ذوق نتي ببيتكم والله لو

ذوق تفلت بوجه فيصل : ماتستاهل كل اللي سويته على شانك

وفتحت الباب وطلعت تركض بسرعه شافها حمود وهي تبكي : ذوق وشفيك ..؟

ابعدته ودخلت ... رفع اكتاقه مستغرب وراح للمجلس شاهم واقفين ووجههم متغير : شباب وشفيكم

راشد يرقع الموضوع: ها لا بس استغربنا اختك داخله علينا و

حمود: هههه علشان كذا كانت تيكي هذي مو اختي بنت خالتي

فيصل ويحاول يكون طبيعي : خالتك

حمود غمز لهم : حلوه صح ههههههههه

استغربوا
فيصل : كيق تحكي عن بنت خالتك كذا

حمود: هههههه لاتخافون حتى لو هي مخطوبه

فيصل ماقدر يوقف على رجله جلس على الكنب : مخطوبه

راشد جلس علشان مايبين ان السالفه فيها شي ابتسم : الله يوفقها شكلها خطيبتك

حمود: لا ..مثل اختي مخويه لولد ناس معروف دكتور

راشد: الله يهنيها – وقف – يله حنا نستاذن يله فيصل

قيصل بالموت وقف وجر رجله جر لسياره من غير لايسلم على حمود او يشكره كان همه اكبر من كل هذا راحت عليه ذوق ... ذوق ماعادت تحبه ضيعها من ايده
راشد دخل لسياره ساكت من غير ولاكلمه مايبغى يضغط على فيصل بالكلام ..

اما ذوق المسكينه فصارت تبكي بكى يقطع القلب بكى خوف سناء عليها وقالت تبغى ترجع للبيت هاللحين

*****************************

نواره : هيه انتي كلمي ا هلك ..لك يومين هنا وماكلمتيهم

البندري : ذكرتيني مكالمتين محمد مارديت عليه ..

طلعت للحديقه تكلم وكان رائد طالع بشنطه بيسافر مانتبهت فيه لانها كانت خايفه من زعل محمد عليها ... كلمت محمد مايرد ناظرت الساعه هو هاللحين بالبيت اكيد.. دقت على البيت

ام البندري: الو السلام عليكم

البندري بدون نفس عرفت انها امها: الو

ام البندري بلهفه : هلا هلا والله بهالصوت هلا شخبارك يمه

البندري خنفتها العبره ماتدري ليه كان ودها تبكي ودها تسولف لامها عن مشاعرها لرائد المتررده وعن احساسها بالنقص بقفد ابوها كل المشاعر اللي مسكتها من وفاة ابوها ودخلت امها السجن تجمعت هاللحين : وين – راح صوتها – احم احم وين محمد

ام البندري وهي تبكي: يمه شلونك شلون صحتك ..؟

البندري بعصبيه اسلوب امها بيبكيها تصارخ : قتلك محمد وينه بجنبك والا لا

ام البندري بضعف : دقيقه يابنيتي اشوفه – بلهفة الام – يمه البندري انتبهي على نفسك ..و

البندري بعصبيه وهي تمسح دموعها بسرعه :بتعطيني اياه والا كيف مالي خلقك ..
ام البندري بقلة حيله : هذا محمد بناديه
راحت
البندري بسرعه : يمه ..
بكت ....بس مالحقت عليها راحت عن السماعه
محمد بصوته الجهوري : افا افا والله ماكان العشم والله يومين يالظالمه
ضحكت وهي تمسح دموعها: ههههههه هلا هلا بتاج راسي
محمد: ايوه اضحكي علي بكم كلمه
البندري رجعت تبكي : والله وحشتوني وكانها اسابيع مو يوم
محمد: وانتي بعد وامي اقلقتنا كل شوي كلموها ياترى وش صار فيها
البندري: شدعوه يعني اول مره اسافر ...ايوه تذكرت هيه ماتدري
محمد: عيب يالبندري
ام البندري تغير وجهها درت ان بنتها قالت عنها شي ..
البندري: تكفى عطني ريومه واحشتني
محمد: مريم ومشاري ببيت اهلها والا نسيتي اليوم الاربعاء
البندري: ايوه تذكرت ..اكلمها بعدين ..
رائد وقف قدامها على الزرع يبتسم ..البندري ارتبكت
محمد: المهم انتي كيف التسوق
البندري ماعرفت وش ترد خافت تحس ان محمد معها : ها ..مين
محمد: بنو وشفيك
البندري تبلع ريقها: لا مافيني شي _ لفت وجهها عن رائد_ ش بغيت
محمد: اقولك كيف السوق ..؟
البندري: حلو ..يالله محمد تامر على شي
محمد: لا سلامتك وردي علي مو تطنشين
ضحكت بتوتر : ان شاء الله انتبه على نفسك وعلى مريم ومشاري وتهاني
محمد: وامي
البندري: وهذي بعد
محمد عصب : البندري
البندري متوتره من وجود رائد: اوكيه يله باي
محمد مستغرب وش فيها : باي
سكرت ولفت معصبه : نعم خير ..واقفلي هنا ماني قادره اكلم
رائد يبتسم : ليه حارمه نفسك من البكي طلعي دموعك ..؟
البندري: والله احلف عاد ... انت وش دخلك
رائد: تصدقين اذا عصبتي شكلك يصير احسن
البندري خدودها صارت حمراء وقلبها صار يدق : لا
رائد: حتى كذا وانتي مستحيه احلى
البندري ستحت اكثر وتفشلت : تراك واثق من نفسك بزياده .. اذا ماحترمت نفسك ياويلك
رائد: لا لاتعصبي ولاتهددي انا جاي اقولك اني راجع لسعوديه تامريني على شي
البندري: باللي مايحفظك
رائد ابتسم بخبث: داري من وراى قلبك بتوحشيني
البندري تحس انه يسمع دقات قلبها من قوتهم : قليل الادب احترم نفسه على بالك اني وحده من خوياتك انت كيف دارس بامريكا
رائد: ههههههههههههههههه
تركها تتحلطم وراح ..
****************************
لوجين مانامت من امس تتقلب في سريرها تحس ان راسها ثقيل تفكر بمسفر وهو مبسوط مع الريم يضحك ويسولف وكيف ابعدها لما جئت بتسلم عليه وناظر الريم ... ومحتاره تقبل بعلي والا لا
لوجين : الو ناصر
ناصر : هلا طال عمرك
لوجين : وين بابا
ناصر : والله المعزب عنده اجتماع
لوجين تبكي : ابغاه ابغاه ضروري
ناصر احتار ماعرف وش يسوي اذا قال لابوها بيعصب عليه ومو بعيد يفنشه وماتهمه دمعت بنته ..وكاسر خاطره صوت لوجين اللي تبكي من قلب : والله مادري وش اقولك طال عمرك بس
لوجين حاولت تتماسك وتهدي : اوكيه فهمت
سكرت السماعه ورمت الجوال على الجدار وارت تبكي من قلب حاسه بضيقه شوي الا تحس انها موقادره تتنفس ومو قادر تصارخ جائها ضيق التنفس من زمان ماجئاها اخر مره قبل اربع شهور ببريطانيا .. ارفعتت ايدها تبغى تتنفس ماهي قادره بصعوبه ارفعت ايدها على جرس الخدم وعلقت عليه ماقدرتت تشيل ايدها ..كانت تحس ان روحها بتطلع الدنيا بالنسبه لها سوداء ..
*********************************************
نواره: يعني مانتي راضيه تقولي لي وش صارلك امس
الجوري :صدقيني ماصار شي
نواره :اجل ليه رجعتي تبكين
الجوري: كذا نت متضايقه من نفسي شوي
نواره: والله ماحد ينطقك انتي ووجهك الا التوم البندري والا نسيت هذاك اول
الجوري : ليه تقولي كذا
نواره : هاللحين في رودي
الجوري : هههههههههههههههههه
دخلت البندري وجهها احمر وتبتسم
نواره: سلامات وشفيك
البندري رمت نفسها على الكنبه : هذا بيقتلني
الجوري ببلاهه: مين ..؟
البندر تتنهد :آه من غيره رودي
الجوري ونواره:هههههههههههه
البندري جلست بحماس: تخيلوا قالي بتوحشتيني
نواره وقفت : شنهو بتوحشتيني هذي فيها قبايل
البندري:هههههههه ارتاحي واللي يعافيك اي قبايل هذا يجنن بيهبلني بيوم
الجوري باستهزاء: وليه قالك بتوحشيني
البندري: شي طبيعي بوحشه لانه بيسافر وطيارته بعد ساعه
قفزت الجوري وضربت صدرها : آه نسيت
نواره: وشفيك قلبتي حسينيه غيرتي المذهب
البندري:هههههههه شكلها
الجوري : نسيت طيارت زوجة عمي بعد ساعتين .. يالله عن جد انا فهيه
نواره: طيب عادي
الجوري: عادي في وجهك ..بروح اجهز لها ولعيالها فرش بغرفتي وبشيل اثار رائد هذي شكاكه ومو صاحيه وعمي الله خير يبغاها من الله ..
البندري ونواره ساعدوها وحذرو نتالي تجيب سيرة رائد قدام نوره او عيالها الاثنين عبدالرحمن و عبد الملك
********************************************

 
 

 

عرض البوم صور كيلو دلع   رد مع اقتباس
قديم 25-05-08, 10:01 PM   المشاركة رقم: 75
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 

ذوق متمدده على الكنبه تناظر التلفزيون وطفشانه ..بعد ماشافت فيصل امس تحس انها مرتاحه شوي لانه بالسعوديه قريب منها لانها طلعت قهرها فيه ..وخايفه تفقده اكثر من كذا كانت تناظر التلفزيون سرحانه ماتدري وش يقولون
بو رائد واقف يناظر بنته السرحانه دراى انها تفكر بالموضوع لانها ماحست بدخلته
بو رائد: السلام عليكم
ذوق تعدل من جلستها بالكنب : وعليكم السلام
بو رائد جلس جنبها وجلاها تتمدد ولب بشعرها : ها وش خبارك
ذوق تصطنع المرح: عال العال ولا احلى
بو رائد: الحمد لله .. ذوق في واحد اخطبك
تجبس جسم ذوق اللي خايفه منه صار ..
بو رائد: هو رجال سنع دكتور واسمه عادل يصير ولد صاحبتك امك .. وانا اتوقع ان امك حاكتك بالموضوع وانا تركتل فرصه تفكري وشرايك
عدلت ذوق جلستها ولمت شعرها بالمساك تفكر وش ترد عليه ترمي فيصل ومشاعرها له ..لوان فيصل ماطلع امس كان تغيرت الامور
بو رائد: بابا انا بابا انا عزوز تستحي مني
ذوق ماقدرت تنطق السانها خانها
(( انا حبيت لي واحد اناني................ اراضي فيه ويتركي اعاني ))
بوذوق : طيب اشري براسك ..
ذوق ماردت
بوذوق: لاتخافي – مسك ايدها- مهما كان قرار راح احترمه ومراح اناقشك فيه
ذوق (( ليتك يبه تدري الروح وش به مبتليه
في هواء شخص جاب قلبي لاقصاه ))
بو ذوق : بابا انا احاكيك
ذوق ارفعت راسها وعيونها مغرقه : انت وش يرضيك
بو ذوق : انا ودي اشوفك ببيت رجلك ووسط عيالك ودي اشوف مع سند بالدنيا غيري ودي اشيل اعيال قبل عيني ماتغمض
ذوق بكت : بسم الله عليك يبه
بوذوق يمسح دموع بنته: ليه ليه تبكين
ذوق تبوس ايد ابوها : يبه تكفى لا تقول كذا انا من غيرك اضيع
بوذوق : لا يابنتي اخوك رائد موجود
ذوق خافت على ابوها اللي هو امها وابوها واخوها وولدها وحبيبها وكل حياتها : انا موافقه يبه
بو ذوق بينشق حلقه من الابتسامه والوناسه : الله يوفقك يابنتي ..
راح ابوها تركها في لحضه سكون لحضه حست فيها انها بعيده عن العالم لحضه .. تمنت يرجع كل شي لو راى وماتعرفت على فيصل ولا رجعت لسعوديه ... فيصل ..فيصل هاللحين خلاص انتهى راح من حياتها .. صار ماضي ماينذكر ... : لا مستحيل هذا فيصل ..نزلت دموعها لاخر مره على قولتها على فيصل الاناني
*********************
لوجين بعد ماهدئت شوي وحطوا عليها .... ... بصوت تعبان : والله ياداد انا احسن هاللحين
دادا موضي : لا مراح ارتاح الا اذا اخذتك للمستشفى
لوجين بانفعال : لا تكفين
دادا موضي : يمه تكفين قولي لي وشفيك
لوجين نزلت دموعها : دادا
دادا موضي تضمها : هلا يابنيتي احكيلي
لوجين : ادا موضي اجلسي معي مو لازم تروحي لعيالك
دادا موضي : والله نفسي بس هما عيالي
لوجين حاوولت تتماسك محد فاضي لها اللل يدور اهله : اوكيه فيني النوم تصبحين على خير
وبعدت عن حضن موضي وغطة وجهها ... موضي تموت وتجلس معها بس عيالها سببوا لها مشاكل وتشتاق لاحفادها ..
طفت النور وطلعت وقبل لاتسكر الباب قالت : لك الله يالوجين لك الله ..لاتنسينه تراه معاك .. ومالك الا وجهه سبحانه
كلماتها زادت من بكي لوجين ..سكرت الباب وطلعت .. دق جوالها ..ماكان لها خلق احد نامت ....
*************************
الجوري: هلا بنوره حياك
نوره بنت فقر مو متعوده على السفر هذي اول سفره لها جلست هاديه ومستغربه طوال الوقت : الله يحيكم ..ادخوا ياولاد
نواره : وناسه اولاد ..دحوم ملوك تعالوا معي
البندري : خليكم على راحنكم
الجوري: لاتعالي مانتي بغريبه .. نوره بتنامين هاللحين والا
نوره: لا بننام تعبنا من السفر وين ..؟
الجوري : معي بالغرفه ..
وطلعتها لغرفتهم وين مافرشت لهم وخلت زوجة عمها معها بالسرير
الجوري: وانتي بتنامي معي بالسرير
نوره ناظرت الغرفه : معك
الجوري: والله هذا اللي صار استحمليني
نوره: لا عادي ... بس اخاف اضايقك
الجوري مستغربه بره بيتها كانها ديك منتوف ريشه : لا علشان عمي استحمل
البندري : انا بخليهم يطلعوا الشنط
بعد ماراحت البندري
نوره: كويس انها راحت ابغاك بسالفه
البندري مستغربه : خير
تغير وجه نوره الوان واشكال ماعرفت وش تقول كان ودها تنشق الارض وتبلعها : والله مادري كيف اقولك ..- بلعت ريقها – عمك البخيل ماعطانا ولا ريال وقال خذوا من الجوري
الجوري كان عندها علم ..وارحمة زوجة عمها المتفشله : عادي فلوسي فلوس عيال عمي ومن لي عزوه غيرهم بالدنيا حلالكم ..
نوره ابتسم: ايوه ..الله يريحك ..
الجوري: بس ها مو تاخذون راحتكم
نوره: لا .. واذا على السوق انا اخذت من ابوي لاتشيلي همي ..
الجوري ماتمنت تعيش عيشة زوجة عمها مع اللي يتزوجها بخيل وعصبي وكبير ..
******************************
طلال جالس مع بدر كالعاده ضايقه فيه الوسيعه
بدر: ياخي انت ترفع الضغط ..ماصار حب
طلال: انا مقهور ان الجوال طاح بكاس السم الهاري ..وضاع رقمها
بدر: لاحول تراك اذيتنا فيها .....روح لها تراه على بعد كم لفه
طلال يصارخ: بدر مالي خلق مزح البايخ
بدر: مامزح من جدي اتكلم ..
طلال: اووووه
ووقف بيطلع
بدر : تعال وين رايح ..
طلال: جهنم الحمره انت وش دخلك
بدر وكاسر خاطره حال صديقه ماياكل ولا ينام كويس حياته متلخبطه : اذا على الرقم اخلي دانوه تجيبه ليه متضايق
طلال معصب : ياعمي ماتفهم انت ..فيه صوتها وصورنا مع بعض فيه احلى ذكرياتنا
بدر : والله دامه مهم عند لهذي الدرجه ليه ترميه داخل كاس الخمر
طلال: مادري يعني لو كنت صاحي رميته .. آه
طلع من الفيلا يدور بسيارته يحس الدنيا مالها طعم بدونها .. " عشقتك والعشق اكبر مصيبه "
*****************

نواره: انا اسمي شيرخان
عبدالملك: يالله قديمه شيرخان وموكلي هاللحين ابطال الديجتل الجسوسات ..
نواره: عي ياولد لاتطول لسانك انا كبر امك
عبدالرحمن الكبير: هههه كذابه امي تجيب كبرك
نواره: ههههههه الله يجبر بخاطرك
الجوري: اقول بلا حصة حضانه ويله دحوم ملوك ادخلوا ناموا
عبدالملك : خاله جوري مالنا خلق
الجوري: لا ادخلوا علشان بكره نوديكم معنا للملاهي والسوق
عبدالرحمن : انا مو بزر ملاهي ابغى اروح لثلج
نواره: ابشر ماطلبت
عبدالرحمن: اتفقنا نوار
الجوري : من نوار
نواره : انا بدل نواره نوار علشان لزوم التعربج
الجوري: اقول ياعيال عمي لاتخربكم اطلعوا معي لامكم احسن
عبد الملك : وشفيك خاله هذا صديقنا الجديد
نواره: احم احم
الجوري تضربها على راسها: كفوك هههههههه
*********************
باخر الليل
ناظرت ذوق لسماء مافيها قمر .. تنهدت ونزلت دموعها عكس مافكرت انها لاخر مره تنزل
(( لي قلت انا بنساك تفضحني دموعي ...
حتى القمر لي غاب ضليت انا بروحي ..
البارحه قلبي زادت مواويله ....
والعين والعبرات تسرح تناديك ))
حاولت تدق على لوجين ماردت عليها وخايفه تدق على باقي البنات يكونوا نايمين وراجعين من السوق تعبانين ...
*******************************
بنفس هذا الوقت ..دق جوال الجوري سمعته بصوت واضح لان الغرفه اللي نامت فيها ضيقه ولانها مانامت عدل مو متعده حد يكون معها بالسرير
الجوري بصوت كله نوم : الو
بدر وعجبه الصوت : مساء الخير
الجوري بصوت هادي وقريب للهمس: مساء النور
سكتت نامت
بدر: الو
الجوري وهي لحد هاللحين مغمضه عيونها : ايوه البندري معك
بدر خشن صوته علشان تنتبه: بس انا مو البندري ..
الجوري فتحت عينها وعقدت حواجبها : ها ...
بدر: مساء الخير ياقلبي الجوري
الجوري عرفت انه الزفت داق عليها صحصحت : ايوه من معي ..؟
بدر: ولو ماعرفتيني ماهقيتها منك ابدا ..انا بدور ي
الجوري خافت ان حد يحس فيها بالغرفه طلعت منها: بدور ايوه دقيقه ..
بدر : انا وببساطه بدر مو بدور

الجوري خافت وحست بمغص ببطنها سكرت الباب بهدوء ونزلت بسرعه لتحت ركض : بدر خير ماتعرف كم الساعه ..؟
بدر : ايوه بدر كيفك ياروحي ..
كانت بتطيح من الدرج شهقت : آه
بدر : سلامتك من الاآه
الجوري وقربت تبكي وماسكه رجلها وجالسه على الدرج : انت وبعدين معك ماتفهم ..؟
بدر: ها وش قلنا ..
الجوري : آف نعم وشتبغى
بدر: طفشان وحبيت اسولف ..
الجوري : ووالله لو تتصور كيف اكرهك مثل كرهي لليهود
بدر:على قلبي مثل العسل ..
الجوري تعبانه وعيونها مغرقه : يالله فيني النوم ..
بدر : لا يابابا مو علي اجلسي اهذري لحد مايجيلي النوم
الجوري وكارهه نفسها : ماعندي شي اقوله
بدر: وزوجة عمك اللي جائت هذي مو شي
الجوري وشوي تنجن : انت من وين تعرف كل هذا ..؟
بدر : هههههه قلتلك انا بدر
الجوري : الا خسوف البدر .. وبعدين يا زفت بدر وش النهايه معك تبغاني اصير لك شهرزاد كل ليله يعني واقولك قصص قبل النوم ..
بدر : لا طبعا انا لازم استقل الوضع
الجوري خافت : كيف يعني
بدر: والله انتي وذكائك توقعي كيف
الجوري بترجي : لا تكفى مو .."سكتت دموعها نزلت "
بدر: لا لاتستعجلين انا جالس افكر كل ماصرتي مطيعه كل ماصار لموضوع اسرع واحسن
سكت يسمع صوت شقاتها بالبكي حس باحساس غريب ورق صوته: ليه كل هالبكي
الجوري بضعف : بدر انا ا- راح صوتها – احم احم .. انا اسفه
بدر حس بتعاطف معها بس داس على قلبه : هههههه باي بنك اصرفها
الجوري بين شهقاتها : تكفى بدر ...الا ....هالشي ....والله الموت ارحم
بدر كل ماقالت اسمه بهالضعف قلبه يدق دقه غريبه :انا جاني النوم اثاري سوالفك ممله تجيب النوم
الجوري : .......
بدر....... سكت يسمع بكيها عصب : ابغى اعرف ليه تشاهقين
الجوري : انا اسفه ..ماكان قصدي احرجك ومافكرت
قطع صوتها صوت بزر : خاله جوري ليه تبكين
الجوري : احم احم ...- بحنان – هلا ليه قمت
عبدالملك: مين اللي بكاك على السماعه ..؟
بدر : من هذا ولد عمك
الجوري : لوجين بعدين اكلمك
بدر : اوكيه.. لحضه ابغى اسمع وش تقولي له

الجوري : اووه وبعدين ناويه علي انتي ... ملوك حبيبي اجلس هنا واذا خلصت من خاله لوجين جيتلك

بدر: اقولك ابغى اسمع وش تقولين

الجوري بهمس : ملوك كبير ويفهم


بدر: اوكيه بعديها هذي المره بعدين نتفاهم .. اذا نام دقي

سكرت ولتفت لعبدالملك : ليه مانمت ياكسلان

عبد الملك : شفتك تطلعي بعدين سمعتك تقولي آه خفت عليك ولما طولتي مارجعتي طلعت اشوفك .. وشفيك ..؟؟

الجوري: طحت من الدرج حتى شوف رجلي حمراء ..يله حبيبي نطلع ننام ..

طلعوا يناموا بس وش هالنوم اللي يجيها ضلت تناظر السقف لحد ماطلع النور وهي على حالها ..صلت و صحت زوجة عمها للفطور و نامت
****************************

 
 

 

عرض البوم صور كيلو دلع   رد مع اقتباس
إضافة رد

مواقع النشر (المفضلة)

الكلمات الدلالية (Tags)
متكحلة بدم خاينها, رواية سعوديات في بريطانيا, رواية سعوديات في بريطانيا للكاتبة شمس السديري او متكحلة بدم خاينها, شمس السديري, سعوديات في بريطانيا, سعوديات في بريطانيا للكاتبة شمس السديري او متكحلة بدم خاينها
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:15 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية