الجزء السادس


عبد العزيز :


مواعيد والعمر كله مواعيد
يزيد الوقت وينقص مع بعضنا
نزف جرح المشاعر للي بعيد
وأخذنا من العبر بس ما اتعضنا
وحشتكم حتى انتوا وحشتوني << خير الأخ عساك بخير
هلا بالدبه قمور الحين بعرف من متى ما طلعتيني << احم توهقت السموحه الشيخ بس والله ما نسيتك في البال دوم<< ايه قردينيني وش عليك انتي احم المهم كيفكم ربكم بخير
مروق اليوم وحالتي أحسن من دايما طلعت من الشغل ورحت المحل : عوافي شباب
ماهر : الله يعافيك يا زنمه
ابتسمت وجلست أشوف شغل الشباب : محتاجين شي شباب
ماهر : لا ما تقصر ابو العز
عزيز : ما عليكم زود كيف بنتك
ماهر : حمد الله بنشكر الله
عزيز : ونعم بالله ماهر تعالوا عندنا في البيت من زمان ما طليتوا علينا
ماهر : بتعرف هالأشغال الي مغرقتنا وما فضينا من فتره
عزيز : يلا تعال انت والأهل قبل لا لجو تروح علينا
ماهر ابتسم : الله يوفقها الزنمه بي يستاهلها أن شالله
ابتسمت : آمين
طلعت الجوال و دقيت على لجين
لجين : هلا حبيبي
عزيز : كيفك يا عمري
لجين : مشتأتلك كتير كتير كتير
عزيز : ههههههه خلصتي اجي اخذك
لجين : ايه عندي محاضره الساعه 4 بس تعال اخذني ما بجلس 3 ساعات لحالي شفت كيف اختك تحزن
عزيز : هههههه والله انتي عازله نفسك الحين بجي اخذك خسرتيني فواتير
لجين : أمون أنا
عزيز : ايه اهم شي الي تمدح نفسها
لجين : وي وي بريه منك بريه يا عمري على نفسي بلسم والشافي الله
ضحكت من قلب على خبالها : اقول لا يسمعوك الي جنبك ويخافون منك
لجين : ما عليك منهم من سمع كلام الناس مات عذابا
رفعت حواجب وبحركه بفمي غير مستوعبه : وش تقولين
لجين : حكمه لجونيه وش فهمك انت
ابتسمت بسخريه : ايه على حكمك زي وجهك
لجين : الحمد الله وجهي حلو يعني حكمتي حلوه
عزيز : ما سمعتي بالمثل الصدقي الي يقول مداح نفسه يبغا له رفزه
لجين : ههههههههههههههههههههههههههههههه لا سمعت بالمثل الي يقول موت حقدا وغيرا وسأظل كما انا عاليا شموخي أويلي على حكمي تهبل
عزيز : اقول تحلمي حكمك تدخل وتجي للحكم القيمه مو حكمك يارب لك الحمد بس حمد الله على نعمة العقل
لجين : سين سؤال انت ليش غيران
طلعت من المحل ودخلت سيارتي وشغلتها : جيم جواب اغار منك انتي هاهاها مت ضحك
لجين : واللهي
عزيز : ايه واللهي اقول لجين حذري انا وين
لجين : في السياره هههههههه
ضحكت والله خبله البنت : اجل وين يعني بس قصدي فين محلي
لجين : اممممم وين
عزيز : عند محل الشيخه لجين
لجين : كح كح وش تسوي عندك ما سمحت لك تروح
عزيز : هههههه اقول بس يلا اذلفي الحين جايك
لجين : اصلا الغلط مني الي معطيتك وجه وجالسه أكلمك وهاده دروسي
ضحكت : حبي
لجين : مالي زعلانه
عزيز: تزعلي من روحك عزوزي
لجين بقهر : هذي المشكله روحي شلون ازعل منها يلا مع السلامه عطيتك وجه الظاهر
عزيز : ههههههههههه الله يخليكي لي مع السلامه
قفلت وشفت حادث في الطريق نزلت من السياره وشفت شي جنبي تحرك طليت وشفت يد حرمه فيها خواتم وسحبات مقطوعه عندي حسيت من المنظر اني بدوخ وبرجع الي في بطني الله يكرمكم
بعدت من المكان وناديت واحد من المسعفين ياخذ اليد يمكن صاحبتها حيه ركبت سيارتي وانا حاس بدوخه
منظر اليد وهي تحرك بعيد عن الجسم قشعرني ما خلا لي نفس في شي
رحت اخذ لجين واول ما دخلت السياره : وش فيك ليش تأخرت
تكلمت وانا تعبان : ولا شي بس حاس بدوخه
لجين سكتت وبعد فتره تكلمت : وش فيك
طليت فيها : اقول ما فيني شي
لجين : الا فيك شي
حرام اغثها : شفت حادث في الطريق
لجين بحزن : يا قلبي عساهم بخير
ما حبيت اقولها الي شفته حرام بتتأثر : والله ما ادري ما قدرت أكمل معاهم
لجين : الله يرحهم برحمته وسع صدرك يا اخوي
نزلت لجين ودخلت غرفتي على طول حسيت باحساس طلال يوم فقد اريج وحسيت قلبي يألمني
جات امي في الغرفه : يا وليدي تعال اتغدى
هزيت راسي ماني قادر نفسي انصدت : لا يمه مالي نفس
امي : ما يصير كذا على فطورك وما تبي تتغدى
جات لجين : يمه خليه يرتاح تعبان شوي
شغلت المكيف وانسدحت وتذكرت شي : صح لجين يا ليت تلبسي جونتيات بعد كذا استر لك يا حياتي
ابتسمت لجين : من عيوني ما عليك هم من اليوم أن شالله برسل السواق يشتري لي
ارتحت وغمضت عيني .. ونمت بتعب ..


البندري :




تارررااااااا كيف الحال ..؟

تصدقون عاد انا اليوم مبسوووووطه وأبغاكم كلكم مبسوطين تصدقون انه الأسد تروض
لا تستغربون ايه بندر الأسد مو مصدقه انا احس اني لين الحين في خيال يارب ما يتبدد ويستمر لأنه أحلى خيال عشته انه علاقتي في بندر يتلاشى عنها الخوف والرعب الغير طبيعي
اوووف سوري اخذتني الهذربه نسيت اقولكم اني في اخر حصه لأبلة الفقه تغثني احيانا بس حرام وش ذنبها هي جاتني رساله لحظه بفتحها وارجع لكم تصدقون انها من عذوب اقراها لكم
بندوره البارح شفت مازن وهو بعد يطالع فيني مثل ما اطالع فيه
أحووو هالبنت حاله ما لقت غير مازن والله يغث ويطلع عيون الوحده رديت على رسالتها
طيب وش اسوي لك ؟ واذا طالع تلاقيه مستغرب من خبالك
طالعت جهة عذوب ولقيتها مدت بوزها الجهه الثانيه ضحكت بخفه والله انها مهبوله
بعد الحصه أخذت أغراضي ونزلت جات عذوب تلحقني
عذوب : هي انتي
وقفت : هلا
عذوب : انتي تستغبي ولا ايش اصلا انتي ما تفهمي في الحب والرومانسيه
رفعت حواجبي : أحب واحد يحب عشان افهم في الحب هههههه خلينا الحب لك
ونزلت درجتين وعذوب تسحبني من بلوزتي وقفت اطالع في يدها لي على البلوزه ونزلتها لها ونفضت مكان ما مسكتني : خير الشيخه في شي
عذوب : لما عذوب تتكلم توقفي مثل الكلاب وتسمعي
ابتسمت لها ابتسامه واسعه وخصوصا يوم البنات كلهم تجمعوا يا حبهم للمضاربات : والله الرد على السفيه مذله تبغيني اذل نفسي ليش
وعطيتها ظهري واسمع كلمه قالتها خلتني افقد كل اعصابي
عذوب بأعلى صوت : الذله الي عايشها اخوك معك يالمسكينه
لا شعوريا رجعت لها وعطيتها كف ما عمرها تحلم فيها ونزلت تحت لبست عباتي وطلعت للسواق
ولقيت بداله بندر حسيت بالدموع خانقتني وكرهت مازن اكثر و اكثر جيت بركب السياره وما اصحى الا على وحده تسحب شنطتي : وين يا روح امك تعطين الكف وتمشين
بندر نزل وجا عندي : هي انتي شيلي يدك
عذوب : مو قبل لا ارجع لها الكف
بندر مسك يد عذوب ودفها بعيد : والله لا اذبحك أن مديتي يدك عليها
عذوب بكل وقاحه تكشف وجهها : شف شف كف اختك وما تبغاني ارده غير الكف الاهانه
بندر لف وجهه على الجهه الثانيه : لا حول ولا قوة الا بالله استري نفسك واختي ما تمد يدها الا اذا
احد غلط عليها
عذوب : والله يا حبيبي غلط عليها ما غلط عليها حقي وباخذه وانا بعرف كيف لو ما خليتكم تندمون ما اكون عذوب بنت الـ........
بندر : روحي يا بنت الـ ... الله يستر على عرضك واعلى ما فخليك اركبيه وانتي اركبي يلا
دخلت السياره وانا مصدومه بقلب من الفضيحه الي صارت في الشارع جد عذوب قليلة حيا ما يجوز لها تفتح وجها بالطريقه ذي
بندر ركب : استغفر الله وش سالفتها ذي
سكت وما تكلمت وش اقوله تحب مازن الزفت ولا ايش : ولا شي غبيه وبس
بندر : بندري ادري انك مستحيل تعطي احد كف الا اذا تجاوز حده معاك وانتي سمعتي توعدها فاحذري منها
هزيت راسي : صدقني سبب سخيف بس انت ما تعرف البنات الي عقولهم فارغه هذي مثلهم
بندر : طيب قولي وش في
بندري : تحب مازن وتبغاني اكون مرسول غرام
بندر ضحك : زين وبعدين
بندري : طبعا ما عطيتها وجه وقلت لها مازن بيتزوج قال شنو مازن يحبني ومستحيل يتزوج غيري انا ابغا اعرف من وين له يعرفها عشان يحبها
بندر : ههههههههههههههههههه والله فضاوة بنات هذي ايه والله اخت خالد وحاتم والله ما دروا عن اختهم
بندري : ايه بنت جيرانا توك تستوعب
بندر : الحين مو كنتوا حبايب وش الي صار
هزيت راسي بضيق : عادي في شي اسمه خيانه ما سمعت عنها خلاص قفل عن الموضوع
بندر : على راحتك
اول ما وصلنا البيت شفت مازن نفسي اعطيه كف طليت في نظره بحقد وطلعت فوق
واسمعه يقول : الحمد الله والشكر
دخل بندر وسلم على مازن جاني فضول اوقف اكيد بندر بيقول لمازن نفسي اعرف وش بيقول
بندر : اقول مازن تعرف بنات الـ .....
مازن : والله ما اعرف غير خالد وحاتم وعذوب ليش تسأل
بندر : يعني تكلم عذوب
مازن باستعجاب : انا اكلم بزران على آخر عمري
بندر : اجل كيف عرفتها ؟
مازن : والله ذاكرها يوم كانت صغيره والاعبها بس يوم كبرت ولا ادري عن سما ارضها
ضحك بندر ومازن يسأله عن الأسئله العجيبه وبندر يقوله الي صار وكلامي له
مازن يضحك : عشان كذا اختك مو طايقتني والله البنات سالفه
بندر : والله تبغى الصدق خايف على بندري مافيها ذرة حيا اذا لحقتها للسياره وش ممكن تسوي لها
مازن : هههههههههه والله ضحكتني اقول لك حل كلم اهلها
بندر : والله بكلم خالد وهو يتصرف مع اخته الله يستر عليها
مازن : والله يستر على بناتنا
بندر : على وين
مازن : بروح اشوف متى رحلتي الجايه واحدد بعض الرحلات
بندر : اها الله يعينك يلا عن اذنك
مازن : اذنك معك حبيبي
بسرعه دخلت البيت ودخلت غرفتي وجلست فوق سريري بصراحه خوفني كلام بندر والله عذوب مصيبه يا ربي استرها علي واكفيني شرها دخل بندر
بندر : ما بدلتي
طليت فيه : الحين
بندر : زين يلا ابغاك في كلمه
هزيت راسي وتنهدت لبست ورحت عند بندر
بندر : تعالي اجلسي



__________________



جيت جلست : ها
بندر : شوفي بندوره ما ابغى موقف زي ذا يأثر عليك
مديت بوزي وبعدين هزيت راسي وشفته ابتسم
بندر : خليني اكمل شوفي هاذي البنت علاقتك تنقطع فيها نهائي وانا بكلم اخوانها عبال ما تخلصي الترم هذا وبنقلك من المدرسه
ابتسمت وطليت فيه : تخاف عليه
بندر لمعت عيونه كأنه حابس دمعه وبصوت مخنوق : ومن متى ما اخاف عليك انتي الي باقيه لي وانا باقي لك ومالنا غير بعض
قربت منه : بندر اريج تبغى دعانا الحين
بندر بلع ريقه : الله يرحمها ويجعلها من اهل الجنه
دمعت عيني : خايفه يا بندر من عذوب تسوي فيني مصيبه
بندر : قلت لك ما تخافي اذا سوت لك شي بس قولي لي وحاولي ما تخرجي ابد الا مع معلماتك
هزيت راسي : أن شالله
امي جات : يلا قوموا يا عيال الغدا جاهز
قمنا اتغدينا وبعدها رحت غرفتي اخذ قيلوله
مرام :
آآآخ راسي يعورني ازعاج خلود مو ايه مو ادري نمت بالقوه وصحيت الساعه 8
ما طولت مو ايه ادري مو
نزلت من الدرج وانا مصدعه وشوي رجلي تزل واتعنقل ودربك دربك من الدرج
وصلت تحت وانا رجل يمين والثانيه شمال اهئ اهئ حسيت فيه صيحه وشوي لقيت دموعي تنزل وهي مغمضه واكتشفت اني كنت امشي بعين والثانيه مغمضه
حاولت احرك رجلي ماني قادره وزاد الألم وزدت صياح شوي اسمع ضحك بصوت عالي
ماجد : واي واي طيحه جامده انسه مرام كيف تحسي نفسك
النذل كان يصورني بكاميرا وانا بترجي : مازن رجلي تعورني تكفى خلاص
ماجد : هههههه وصرت مازن بعد
غطيت وجهي وانا اصرخ : خلاص اسكت تعال حرام عليك
سك الكاميرا وهو يضحك : مازن رجلي تعورني ههههههههههههههه
والله حرام عليه تعبانه ومتكسره وهذا يتريق
ماجد : قومي قومي اوديك المستشفى
والله غبي : اقولك مو قادره احركها تقولي قومي
ماجد : ههههههههه اشيلك انا ماني مازن ههههههههههههههههههه
كانت يده عندي وهي الي فيه عشان احط حرتي فيها عضيته واسمع صرخه من قلب
امي نزلت هي اوبوي وهني ضحكت
ابوي : واشفيك يبه
ماجد : وحش يبه اكتشفت عندنا عضاض
مرام : ههههههههه بابي رجلي رجلي ههههههههههه
وترا وسط ضحكتي دموعي تنزل امي جات ضمتني : يا بعد عمري وش فيك يا قلبي
ضميت امي وانا ابكي من قلب : رجلي رجلي
ابوي : قم قم ود اختك المستشفى
امي لبست عباتها وجابت عباتي وابوي شالني حسيت نفسي طفله وماجد ودانا
نزلت والدكتور يشوف رجلي
الدكتور : ليه العياط دا دلع بنات مافي حاقه تحوق لكل ده
ماجد : مو قايل لك يبه دلع
ودي اسطرهم الثنين لو لا رجلي المنسدحه ذي كان طحت في بطونهم
يمه : واشفيها يا دكتور وش الي يعورها
الدكتور : أبدا يا طنط دي حاقه ما تقلقش اطمني هيا بس عندها تمزق في الألياف الظاهر ما بتاكلش بروتينات
يمه : ايه وانا اقول لها كلي ما ترضى بس أن شالله اول ما اروح البيت بزغطها
يا ويلي وش الوعيد حبيت انسي امي هالهرجه : اقول دكتور وش بتسوي الحين
الدكتور : دنا عايز ادهن لك بمسكن ألام للجلد واربطهالك وانتي مش عاوزك تتحركي
كتير لأنه بي أالمك حصلش
هزيت راسي : اه اه حصلش يا دكتور
ابتسم الدكتور ويكلم ابويه : دي بنتك شطوره اوي وغنوجه الله يحفزهالك
ضحكت على الدكتور اللقطه وضحكت اكثر يوم شفت شكل ماجد المتنرفز
ماجد : شكرا يا دكتور المهم انا مستعجل ممكن تخلص بسرعه حصلش ولا ما حصلش
الدكتور : ههههههههههههه حصلش كابتن ماقد
جلس الدكتور يعالج رجلي وانا اتألم وماسكه امي لما خلصنا وطلعنا
ماجد في السياره : اشوف انسه مرام طقيتي حنك مع الدكتور
ابتسمت بقلب : واي تصدأ انه لتيف اوي اوي يا كابتن ماقد
ماجد : لتيف اوي اوي والله لا اصكك بكف يطلعك من السياره وذي الساعه بيشوفك سوداني ويقول .. يا لتيـــــــــــــــــــــــــــف يا ألتف اللاتفين
ابوي : ههههههههههههههههههههههههههههههههههههههه
يمه : هههههههه يا ويلي على بنتي اخاف يقولك تعالي يا زوله مالي سوا هبك انته
رفعت حواجبي : الله الله يا سي عبد الله وانتي يمه بعد تنكتي
ماجد : هين يا مرام أن ما علمت ما اكون كابتن ماقد
قرصته من ورا وهي يتحرك قدام وابوي يهاوشه : يا خي سوق زين نعنبوك ما تعرف
وهني ضحكت : يبه شكله وده يكون في تعامله راقي مثل الدكتور يا لبا قلبي
ماجد : عسى قلبك للشوي يا القرده
يمه : بسم الله على بنتي
ابوي : عيب يا بنت وشه الي لبا قلبي ما تستحين
مديت بوزي : وي امزح يعني ما امزح
ابوي : في اشياء ينمزح فيها واشياء لا
ابتسمت : حصلش ولا ما حصلش يا سي ماقد ههههههههههههههههههههههههههههههههههه
كلهم ضحكوا وعرفوا انووو راسي يابس خلاص ما في امل للنجاه
في العصر دخلت خلود : واااااه ايش هذا
مرام : متمزقه رجولي
خلود : هههههههههههههههههههههههههههههههههه لصقيها
ماجد : ههههههههههههه والله فكره نبغا غرا قزاز قوي المفعول
فيني ضحكه بس ما سكه نفسي
خلود : ولا ايش رايك بلصقة فلوس
ماجد : لا لا ضعيفه وهاذي رجلها تقال رجل حصان وش رايك بجونسون
مرام : تف تف في عين الحسود عود مقهور عشان موعد الشوفه بيتأخر لما اتعالج
امي تدخل ومعاها صحن خضروات وفواكه
فتحت عيوني : يمه وش جاب الخضروات المره للفواكه الحلوه
يمه : مافي ما ابي اسمع ولا كلمه بتاكليهن كلهم
ماجد وخلود يضحكوا بقلب وجا جلس جنبي ماجد ومسك جزر : يلا افتحي فمك
بيأس فتحت فمي واكلت
ماجد : تعرفين وش فايدة الجزر
هزيت راسي : يقوي البصر وانا ابي رجلي وشدخل
ماجد يدق راسي : لا يا غبيه يخليك ارنبه هههههههههههههههههههه
خلود : ههههههههههههههههههههههههه تنطين من مكان لمكان وبكذا دخل رجولك
ماجد : شفتي شلون حنا عباقره
صرخت بقهر : يمــــــــــــــه طلعيهم بره
ماجد : من غير طرده قومي خلود بوريكي فيلم يفطسك من الضحك
فتحت عيوني : لا ماجد تكفى لا عشان خاطر لجين
حسيت ماجد تضايق : احسبك تقولي مازن ههههههههههههههه
انحرق وجهي قدام امي الي ابتسمت وضحكت خلود
طلعوا من الغرفه وانا مع امي تأكلني ..
لا تسألوا عن حالي شوي واموت من الأكل ذا انتفخت معدتي ..
ادعوا لرجلي بالشفاااااااء العاجل ...
__________________

مازن :
وانا في السياره اتذكرت شكل المدلعه وضحكت والله انها تحفه هاذي بندري لو جاتني بنت مثلها بأرميها من الشباك وانا مغمض عيوني رحت المطار ونزلت اشوف المدير
دخلت المكتب : السلام عليكم
المدير بابتسامه تبشر بخير : يا هلا يا هلا وعليكم السلام وحشتنا يا خي
ضحكت : ما يوحشك غالي ها كيف الأحوال
المدير : الحمد الله بس مع تقلبات الجو وتدري شتاء ما ندري عن الأمطار الا تنبؤات
مازن : الله يعين ها كيف جدولي الأسبوع
المدير بابتسامه تشرح الصدر : لا ما عندك غير 3 رحلات داخليه
ابتسمت : الحمد الله امي راضيه عني هههههههه
المدير : تستاهل كل خير يا مازن
هزيت راسي : تسلم والله
المدير : ها يا مازن ما تفكر تتزوج
مازن : أن شالله ربك كريم
المدير : اذا تبغى يا ولدي بس كلمني وما تلقى الا الي تبغاه
ابتسمت : تسلم والله صراحه انا ابغا اخت صاحبي وان شالله قريب اتقدم لها
المدير : خساره يا ولدي تمنيت يكون نصيبك عندنا انت رجال ولا كل الرجال
مازن : من طيب اصلك ابو خالد يلا انا استأذن بشوف مواعيد طياراني
المدير : اذنك معك حبيبي ولا تقطع طل علينا من فتره وفتره
مازن : مو على عيني
المدير : هههههههه تكرم لي هالعين لك تأبرني
مازن : هههههههههههه يلا سلام
خرجت من المكتب والله فله هذا المدير لو مرام رفضتني بجي اخطب من عنده وش اقول انا وصرت اهذرب يا ويلي هههههه طلعت اشوف الجدول واول رحله بعد بكره يعني يوم الخميس الساعه 8 الصبح حلو
طلعت من المطار واتصلت على ماجد
ماجد : هلا حبيبي
مازن : هلا فيك كيف الحال ؟
ماجد : ههههههه بخير بخير انت وش مسوي
مازن : بديت عملي
ماجد : الله يعينك يا رجال
مازن : والله برد بس ربك مجملها معاي
ماجد : تستاهل ها تمرني
مازن : والله انك فايق
ماجد : ههههههه يا ثقلك اجل ليش متصل
مازن : اضيع مسافة الطريق ياخي تقال سفر
ماجد : ههههههههههههههههههههه انا ماني فاضي لك رح دور لك غيري
مازن : اقول عطني الأهل احسن من وجهك
ماجد : نو نو مافيش حصلش ولا ما حصلش
مازن : خخخخ ما حصلش
ماجد : اسكت يا خي ما دريته ولا ما دريته
مازن : لا والله ما دريته
ماجد : يقولون بنت الجيران عطتك عمرها
مازن : هههههههههههههههههههههههههههههههههههههههههههههههههه هههههههههههه
اشتغلت في طاش ما طاش شكلك
ماجد : ومنهم نتعلم الا صج الأهل حاشهم تمزق في الرجل
فتحت عيوني : افا عندك غرا مسدس لصق لصق
ماجد : ههههههههههههههههههههاااااااي حلوه حلوه ما درت عنك والله
مازن : قلعتك لا تضحك على حرمتي على فكره بأجي أخطب
ماجد : حياك متى
مازن : بعد شوفتك بيومين
ماجد : يلا انت حيه ولا يهمك بس ما دريته
مازن : لا تقول احد مات
ماجد : لا كفانا الشر بس شوفتي تأجلت ليما تتعالج الهانم
مازن : والله يالله كل تأخيره فيها خيره
ماجد : نعنبو دارك كيفك هو
مازن : الي صبرك سنين يصبرك يومين
ماجد : ها راح مشوار الطريق ولا باقي
مازن : هههههههههههههه لا لا خلاص عدني اصل يلا مع السلامه
ماجد : مع السلامه مسوي لك مفاجئه يوم الملكه ولا اروع
مازن : وش هي
ماجد :احلى طيحه في العالم
مازن : طيحة منو
ماجد : انت بتشوف وتعرف يلا سلام
مازن : أن شالله سلملم
دخلت البيت وانا متكسر شفت لجين جاتني وباستني
لجين : يعععععع عرق
ضحكت : يا الحيوانه عسل
لجين : وععع عسل في عينك الله يقرفك
مازن : نشوف وش تقولي لماجد بكرا
لجين انحرجت وراحت عند امي
امي : انت ما تستحي هذا جزاتها
جيت عندي امي وبرطمي منزله للأرض : انا مشاعري انخدشت
امي : وشو انخدشت ليش جدار
لجين : هههههههههههههههههههههههههههههه احسن
مديت بوزي : يا حووو حرام عليك يمه ماني ولدك الحبيب انا
امي ابتسمت : الا يا بعد قلبي
لجين : يمه اغااااار
قلدت لجين :يمه اغاااااار وش منه تغارين يالناقه
لجين : الناقه انت يالجحش
امي : ههههههههههههههههههههه عيب لجين يمه عيب
لجين مدت لسانها : هوه بدى
بقهر : اقول لا تمدينه احسبك دوق بالإنجلش والعربي كوكو ههههه دلع للكلب
لجين تضحك : على الأقل احسن من دونكي بالإنجلش وبالعربي حوحي دلع للحمار
مسكتها عندي وشديت شعرها وهيه تصرخ : آي آآآآي يعور مازن والله يعور
مازن : طيب قولي اسفه
لجين : اسفه اسفه
هديتها وانا ابوس راسها
لجين : احلى بوسه لولا ريحة عرقك افففففف
فتحت عيوني : جد فيني ريحه
لجين : هههههههههههه ايه بصراحه ريحه تجننن ريحة عطر
رميت عليها علبة المناديل : اشوى بغيت اروح المستشفى اتعالج
لجين : وي وي للدرقادي
مازن : أيوه ياختي للدرقادي
امي : اقول مازن كلمت الجماعه
طليت في لجين وانا مبتسم : ايه يبغون يشوفون قمرنا
لجين استحت ونزلت راسها
امي : ما عليه بس متى
تكلمت بإحباط : عبال ما يتشافون اهله
امي: ليش سلامات وش فيهم
مازن : ابد بس اخته اليوم طاحت ورجلها تمزقت
امي : الله يعافيها
لجين تطالع فيه وتغمز لي وانا ابتسم لها واهددها
امي : وش عندك انت واختك
ابتسمت : ولا شي حضرة النقيب
امي : نقيب في عينك
خليت عيوني كأنها تدمع : انتي وش حارك فيني ها خلاص اصلا انا بفكك مني
امي قربت مني وضمتني : وش كلامك هذا يا ولدي انت تعرف انك حبيبي وما اقدر اعيش من غيرك
جالس امد لساني للجين لي نطت عند امي : وانا مامي حبيبي
امي : وانتي عيني الي اشوف بيها الله لا يحرمني منكم
لجين تمد لسانها وترفع لي في حواجبها
مازن : الا وين عزيز ما شفته
لجين : نايم يا عمري عليه
مازن : ليش مو من عوايده
لجين : حبيبي شاف له حادث مره اثر فيه
مازن : لجين بقولك شي
لجين ببراءه : هلا
مازن : انتي الحين بس عزيز الي تقولي له حبيبي وحياتي ولا حتى انا
لجين وامي : ههههههههههههههههههههههههههههههههههههههههههههههه
امي : ما تتكلم عند احد عنكم والا سابقتها عمري وحياتي وقلبي
ابتسمت : اشواااا ترا اغار من الولد هذا
لجين :لا لا كلكم حبايبي ليش تغار
مازن : طيب كويس يلا انا بقوم اخذ لي غفوه صحوني بعدين
امي : أن شالله يا بعدي
دخلت غرفتي وانسدحت على السرير يالله متى اشوفك يا مرام عندي وتستقبليني احلى استقبال واكل من يدك احلى اكل يارب قرب لي لحظتي معها يا رب اجعلها من نصيبي ولا تحرمني منها

بندر :


كل ليله تمر يكبر غلاك


ما سكن قلبي من الدنيا سواك


أحبك حب يسمونه هلاك


اليوم بعد صلاة المغرب شفت خالد ناديته وقلت له بالي سوته اخته طبعا مع الستر عليها بإنها كشفت وجهها حرام اجيب لها مصايب خالد وعدني انه ما يصير الا كل خير واطمنت ركبت سيارتي وطلعت بره شوي


جلست افكر في اشياء كثيره اولها حياتنا كيف كانت وكيف صارت بدأت اتذكر بداية علاقتي برنا يوم اتصلت علي كنت مستغرب فقي البدايه عقبها اطمنت وبدات أقولها على اريج الي تركتنا من 7 شهور بدأت علاقتي معاها تطور كانت ترشدني لأشياء كثير منها وساعدتني كثير في اني اطلع من الثانوي بنسبه وهي الي اختارت لي قسمي وكنت استمتع في دروس القسم وخصوصا كلامها عن بعض المواد مؤدبه وخلوقه احساسها مرهف كانت تدافع عن بندري ولجين طول الوقت كانت تشفع كثير لهم


من العقاب كانت كل شي في حياتي


بصراحه احسها هي الي ترسم لي الخطوط وانا امشي عليها مو يقولون وراء كل رجل عظيم امرأه ههههههه


وبعد خليت نفسي عظيم يبغالي طراق مو .. طلعت جوالي اليوم ما دقت علي شكلها زعلانه


اتصلت عليها ما ردت استنيت شوي ورجعت دقيت عليها


رنا : ألو


ابتسمت بسخريه وقلدتها : الو


رنا : بندر تعبانه


قلبي خفق من نبرة صوتها : وش فيك يا قلبه


رنا وصوتها متهدج : دايخه ومسخنه وتعبانه ووو


بندر : ووو


رنا بصوت مخنوق ويبكي : مشتاقه لك


ابتسمت ورجعت راسي لورى : احبك احبك احبك احبك


رنا : بس بس الله يخليك


بزعل : ليش مو هذا الي تبغيه


رنا : ماني مستوعبه تحبني جد


بسخريه : ومن متى امزح


رنا : احبك واحبك و احبك و احبك واموت اموت فيك


ابتسمت : ها راحت السخونه


رنا : لا


بندر : احم جد والله


رنا : والله جد


بندر : ليش


رنا: اممممم


بندر : واممممممم


رنا : وكمان اممممممم


بندر : طيب بعد كمان امممممم


رنا : كمان وكمان اممممممم


بندر : ههههههه ايوه


رنا : بدون زعل


بندر : وكمان ايوه


رنا تتنهد : تعبني كلامك البارح


بندر : دخيله الرقيق


رنا بزعل : عاااد


بندر : هههههه حبي والله


رنا : انته حياتي


بندر : فينك


رنا : ليش


بندر : بس حرام اسأل


رنا : لا عادي انا كلي تحت امرك


ابتسمت : يا بعد قلبي


رنا باحراج : انا في المستشفى


بدى قلبي يخفق : وشو


رنا : امممم ما سمعت


قاعد اهز راسي : جد والله


رنا : والله جد


(( ما تلاحظون يعاكسون جد والله ووالله جد خخخخ اسميهم العصافير))


بندر : ليش


رنا : مو قلت لك تعبانه


بندر : في أي مستشفى


رنا : ليش


بندر : بس


رنا : مالك شغل


ضحكت : طيب دقي علي رصيدي بيقفل الحين


طبعا كنت اكذب لأن اذا ما عندها رصيد بتدق من المستشفى


رنا : اممم انا ما عندي غير 4 ريال


بندر : طيب


رنا : خلاص الحين بدق دقايق


بندر : اوكي باي حبي


قفلت وانا ابتسامة نصر في وجهي


اتصلت علي من رقم غريب بس ارضي : هلا حياتي


رنا : ما مدايه غير ربع ساعه


ضحكت : كم اعطيتهم


رنا : اممم ليش الاحراج


بندر : هههههههههههه يا حياته انتي


رنا : اخبارك كيف الجامعه اليوم


بندر : كنت نعسان حياتي


رنا : ليش


بندر : ما نمت بدري


رنا : ليش مو دايما اقلك نام بدري لأنك لو كنت نعسان ما راح تستوعب


ابتسمت : اسف ماما كنت افكر فيكي


رنا سكتت وانا اتكلم : ألووو حياتي


رنا : همممم


رفعت حاجب ونص ابتسامه : فينك


رنا : تصدق دايما كنت اقولك حبيبي وحياتي وقلبي بس ما حسيت بالاحراج الا يوم بادلتني الشي نفسه


سكت ما عرفت ايش ارد عليها وتنهدت


رنا : سلامتك ايش بك


بندر : بردااااااان


رنا : ليش ما انت في البيت


بندر : لا مو في البيت في طريق المطار


رنا : اها


ولحظة سكوت بيننا


رنا : يلا حياتي بقفل دحين تبغى شي


نفسي انخول عليها : ايوه


رنا : ايش


بندر : بوثه


رنا باحراج وصوت مخنوق : يا ِوحِشْ عيب


بندر : هههههههه امزح معاكي


رنا بحيا : لا تمزح كذا


بندر : من عيوني وحقك علينا


رنا : ايوه يلا حبيبتي مع السلامه


بسخريه : حبيبتك طيب يا روحي وعمري وحياتي ودنيتي وكوني ونجمي وقمري وزهرتي وياسميني


رنا بصوت راح من الحيا : شكرا كل هذا ليش يا روحي يلا باي


وقفلت على طول جلست اضحك واخذت الرقم واتصلت على عزيز


عزيز : هلا وغلا


بندر : كيف الحال


عزيز : نسلم عليك


بندر : ابيك في خدمه


عزيز : عيونا لك ولد الخال


بندر : يخلي لي عيونك اقول حبيبي بعطيك رقمين تشوف لي باسم من


عزيز : مو على عيني لك تأبرني


بندر : خذ الرقم الأول وهذا الثاني


عزيز: أقول حبيبي الأرضي ربع ساعه واجيبه لك لكن الجوال بياخذ يومين


بندر : خذ راحتك حبيبي انتظرك


عزيز : اوكي يلا باي


جلست متنهد واخيرا بعرف من انتي يا رنا عضيت شفتي وغمضت عيوني مو حرام أسوي كذا


آه والله لازم اعرف هي مين عشان اوصل لها اكثر


دق علي عزيز : اقول هذا رقم مستشفى


بندر : والله أي مستشفى


عزيز : مستشفى .........


بندر : ايوه طيب حبيبي تسلم لي


عزيز : ولو الا ممكن اتملقف شوي


بندر ويه وش اقوله : اعرف سؤالك بس بصراحه جاني ازعاج من هذا الرقم واصريت اعرف من هو


عزيز : اها خلاص ولد الخال أن شالله اجيب لك الاسم


بندر : تسلم بو العز


عزيز : ولو حنا لها


ضحكت : وش هو الي له لا يكون قلت لك حرب ولا شي


عزيز : خخخخخخ يا خي ما اطول لسانك هذا وانت لك عازه عندي


بندر : ها ها بدينا ولد العمه بالمذله


عزيز : احم احم تجيب لي اسكريم واقولك


بندر : ههههههههههههههههههههههههه اوكي من عند ابو حمد


عزيز: الله على ايام زمان


بندر : ايه بس لا تذكرني


عزيز : طيب يلا اتركك الحين مع السلامه


بندر : يا هلا يا مرحبا


على طول ركبت سيارتي وانطلقت دخلت المستشفى واخذت باقة ورد باللون الأبيض ورده لوحدها لونها احمر واخذت بطاقه كتبت لها ..


لو المشاعر ما تجي غير بالصوت


ببذل لك بالصوت زايد حنيني


وأقول " أحبك " حيل و أفداك للموت


حبك يولع نار الأشواق فيني " بس المحبه "


شي أكبر من الصوت


والحب اكبر من مكاتيب إيديني


B & R




حطيت البطاقه مع الباقه ورحت اسأل السستر لو سمحتي


السستر : نعم


يوم شفت شكلها اتأكدت انها شرانيه : احم ممكن تدليني على غرفة مريضه اسمها رنا


السستر : نو قيت اوت
__________________


فتحت عيوني قيت اوت في عين امك : اقول تبغين ( وطلعت لها 50 ريال )


ابتسمت الشرانيه واخذتها ولفت علي : ون منينت


ابتسمت وانا أسب فيها الشريره جاتني وهيه تقولي : من هنا


رحت معاها ووقفت عند باب غرفه : خلاص هنا


توترت : طيب لحظه اقولك انتي افتحي الباب وانا بشوفها كذا كأني بالغلط يعني


هزت راسها وراحت فتحت الباب وشفت وحده باين على شكلها الارهاق بس حليوه البنت ابتسمت


وشفت ما عندها احد دخلت وانا احس اصبب عرق من التوتر والخوف والاحراج


رنا جلست مبلمه وتطالع بصدمه ماهي قادره تتحرك من مكانها شبر


انا بتوتر جيت حطيت الباقه وابتسمت لها بشوية قلق : ما تشوفين شر حبيبة قلبي


رنا ما تحركت وما تكلمت وقفت دقيقه استناها تتكلم ما في امل قربت منها وبعدت


رنا : اطلع يا مجنون


ابتسمت : افا مجنون بس كل شي منك حلو يا حلوه


رنا : بندر اطلع بره بليز اخوي مرافق معي بسرعه لا يشوفك


هزيت راسي : طيب بدق عليكي شويه اوكي


رنا : لا انا اعطيك رنه


ابتسمت بمشاكسه : اوكي ماشي


طلعت بره وانا خايف انه اخوها يكون فيه مشيت وانا في نص الممر انخبطت في واحد


الأخ : انتبه زين ما تشوف


رفعت راسي وفيه ملامح من رنا ابتسمت : السموحه اخوي


الأخ : مسموح


ومشى عني وال شراني يمه وش فيهم اليوم كلهم شريرين


ركبت سيارتي وانا اتذكر شكل رنا ودخلت البيت على الساعه 8 ونص


الوالد : بندر بقوم الصلاه يلا توضأ والحقني


توضيت وجاتني بندري : فينك انته


رشيت عليها شوية مويه : باركي لي صار شي اليوم ولا في الأحلام


بندري مبتسمه : وايش الي صار يا الفارس الحالم


ضحكت عليها : يوم اجي من الصلاه اقولك يلا حبي جيت بستها من جبهتها ورحت


صليت في المسجد وخرجت برق على البيت سحبت بندري : بسرعه بقولك


بندري : لا اليوم انت مخرف وش فيه


بندر : احم شفتها


بندري فتحت عيونها للآخر : وشووووو


تداركت الموقف وقلت لها الي صار


بندري : حرام عليك يا بندر الحين بتخاف منك والله انا خفت منك


بندر : والله ما قدرت يا بندري لازم اشوفها واعرف من هي


بندري : حرام عليك مو كذا والله شكلك ارعبتها


ضحكت وانا اتخيل شكلها : الا قولي موتها مو رعبتها


بندري : حرام عيلك يا بندر خاف الله فيها اذا تحبها من جد ما تسوي مثل هالحركات


حسيت بتأنيب ضمير : زين تتوقعين زعلانه


بندري : ايه بصراحه ايه لو انا مكانها بزعل مره


بندر : زين قومي البسي عباتك وتعالي


بندري تحط يدها على خصرها : على وين أن شالله


بندر : وين بعد عندها بوديك انتي تعتذرين لها


بندري : امرنا لله زين ما عليه يلا قم


اخذت بندري وقفت عند محل ورد واخذت لها باقه


بندر : خلاص انا جبت لها


بندري : في فرق بينك انت وبيني انا فاهم


بندر : حاضر استاذه تفضلي هذي الغرفه


بندري : يلا اخوي بالتوفيق


رفعت حاجب : داخله امتحان وانا ما ادري


بندري ضحكت ودقت الباب ودخلت ..


وانا عبال ما انتظرها رحت عند الاستعلامات وشفت السستر الي اول ناديتها وهي جات والابتسامه شاقه حلقها : نعم مستر


بندر : اقول اعطيني اسمها كامل


سستر : اوكي تعال


رحت معاها وهي توريني سجلها جلست اطالع في اسمها مو غريب علي كأني اتذكره


ابتسمت للسستر اللطيفه حاليا : طيب ثانكيو يلا سي يو


رحت و انتظرت بندري حسيتها طولت جا الأخ الي اول : خير الحبيب وش عندك


طليت فيه وجاوبته : اختي هنا ليش في شي انت


طالع فيني من فوق لتحت : ابد سلامتك


وراح بيدخل الغرفه هنا دافع الغيره جاني على بندري


ورحت سحبته : وين وين الأخ


الأخ يطالع فيني باحتقار : وين بعد غرفة الأهل هنا


نزلت يدي وانا اعتذر : اسف بس اختي هنا


الأخ انحرج ونزل راسه : اسف


جلسنا ساكتين وفعت راسي شفته مبتسم لي ومد يده : وليد محمد الـ .....


سلمت عليه : حياك بندر خالد الـ ........


بدأنا نهرج انا واخو رنا وانا مبسوط على الآخر لأني بكذا اقدر اخطبها وانا مرتاح لا أحد يشك فيها ولا شي من الكلام هذا جات بندري وقفت بعيد : يلا عن اذنك اخ وليد فرصه سعيده


وليد : واحنا اسعد وهذا رقمي تفضل


اخذت الرقم جلست اطالع فيه وابتسمت ومديت له رقمي : تفضل


وليد : زاد فضلك


رحت لبندري : ها بشري


بندري : والله يا اخوي امش وانا اقولك في السياره


منصور :


صحيت العصر وقمت صليت ورجعت البيت شفت غاده جالسه تلبس مؤيد


رحت بست ملاك واخذتها في حضني : كيف حالك حبيبي


ملاك تضحك : طيب قلبي


جلست اضغضها وهي تضحك : ها مستانسه


ملاك : ايه بالحيل


لصقت حواجبي في بعض : ليش


ملاك : عشان بنروح لخالو هيام وخالو طلال


ابتسمت : زين حبيبي ابغاك في كلمة راس ينفع ولا ما ينفع


ناظرت جهة غاده ولقيتها تطالع فينا بابتسام قمت قربت من ملاك واكلمها في اذنها وملاك ابتسمت وجات كلمتني في اذني غاده جات : ايش عندكم


ملاك : ولا شي عادي اب وبنته يتكلموا ايش فيها يا ماما


غاده قربت من ملاك وعضتها من خدها : مالي بتقولي لي


ملاك تجي ورايه : بابا شوف ماما


طليت في غاده وغمزت لها غاده انحرجت وبعدت وملاك ضحكت


بعدها اخذت الشنط ونزلتها في السياره و مسكنا طريقنا


وصلنا بعد المغرب عند اهل غاده ونزلوا البزوره جري دخلوا البيت


غاده باست يدي : الحمد الله على السلامه حبيبي


ابتسمت لها : الله يسلمك يا روحي


غاده : يلا انزل


منصور : اوكي من عيوني اسبقيني وانا الحقك


نزلت غاده واخذت جوالها دقيت على هيام


هيام : يا هلا يا هلا نورتوا املج واهلها


ضحكت : منوره بوجودكم


هيام باحراج : اسفه والله كيف حالك يا ابو مؤيد


منصور : ابد عادي حنا اهل الحمد الله كيفكم انتوا


هيام : حمد الله ماشي الحال


منصور : اقول هيام انا مسوي مفاجآه لأختك بكرا ابغا اسافر لجده ناخذ يومين وحبيت اقولك يعني اذا مافي احراج عليك تنتبهين للعيال


هيام بابتسامه : من عيوني ما طلبت يا ابو مؤيد بحطهم في عيوني لا تخاف عليهم خذ مرتك وانطلق


ضحكت على خبال هاذي البنت : مو الحين باكر أن شالله


هيام : خلاص لا تشيل هم اعتبرهم عند امهم الثانيه


شفت غاده جايه : يلا بقفل الحين غاده جات


هيام : اوكي مع السلامه


قفلت وحطيت الجوال على جنب وطلعت من السياره واخذت غاده وضميتها


غاده : ترانا في حوش ابوي


منصور : ويعني


غاده : هههههههه وخر عني


منصور : طيب طيب زعلت انا


ولفيت الجهه الثانيه غاده جات على جهتي وتبتسم لي : يا زعول بس حلو وربي حلو


منصور : ادري حلو احلى منك بعد


غاده : عااااد لا انا احلى


منصور : هههههههههههه بس غرتي مني


غاده : اممممم انا اغار عليك مو اغار منك يا حياتي


حطيت راسي في شعرها وغمضت عيوني : اموت في رقتك واموت في كلامك واموت فيك


غاده : وانت دنيتي وحياتي واحلى شي عشته

هيام :

كنت جالسه في الغرفه وزي عادتي مع الكآبه فجأه ينفتح الباب بقوه وتجي ملاك خالووووو حبيبي
نطيت عندها وانا اصارخ : ملاااااااااااااكي
وضميتها وشلتها ادورها وابوس في خدودها تجنن دي البنت جا مؤيد : اعطوني شويه
ضحكت وحضنته وابوس فيهم ماني مصدقه
هيام : شفتوا ستو وسيدو
ملاك : ايوه سلمنا عليهم وسيدو مره فرحان وقال بيودينا الملاهي بكرا
ضحكت وضميتها : وانا باخذك الكليه معايه
مؤيد : وانا
ملاكي : انته مع خالو طلول
مؤيد : طيب اصلا احنا احلى بروح معه الشغل
قطع علينا الحديث الشيق اتصال منصور كلمته وانتهى الموضوع على خير رحت للشباك وشفت
منصور وغاده كأنهم عصافير كأنهم عاشق ومعشوق ابتسمت عليهم وانا مبسوطه
ودخلت اخذت العيال ورحت عند امي وابوي
ملاك : قالك بابا على المفاجئه
ضحكت : احلى يا حركات تدري بعد
ملاك : اهممم وكمان حطيت لماما ملابس وهيا ما تدري
هيام : اموت انا هههههههه
مؤيد : ايش تقولوا
هيام : كنت اقولها نبغا نسوي كيكه اليوم ونسهر ونتفرج فيلم لا تقولوا لأحد طيب
ابوي : وين امك ما ادخلت
مؤيد : ماما مع بابا
ابوي قام : يلا بروح ادخل الرجال وين طلال
دخل طلال وهو مبتسم : هنا يبه
نطوا عليه مؤيد وملاك وهم فرحانين بوجوده وهو مستانس والله البيت يصير حلو بوجودهم
خرجوا ابوي وطلال ودخل منصور معهم ودخلت انا جوا استناهم يروحون المجلس
بعد ما راحوا جريت و نطيت على غاده وهي ميته ضحك شويه شويه عليه يا بنت
هيام : وااااااي ماني مصدقه احبك احبك وحشتيني موت ومن قدك يا عم على المشهد الرومنسي الي بره
غاده : هههههههههه امي شوفي بنتك
طليت ببراءه : انا ما سويت شي شوفي كيف مؤدبه وخلوقه
ملاك : صح ماما هيه ايل غلطت انا شفت
غاده : وي وي حتى بنتي تشهد زور
ضحكنا وجلسنا مستمتعين مع بعض ..
بصراحه اليوم روعه روعه روعه حتى طلال مبسوط ومستانس الله لا يرحمنا من زياراتهم يارب
وما سمحت اليوم ول شوي للأحزان انها تدخل اقفلها من جميع الأبواب



رنا :
والله وبديت أشغله وأطري على باله
بديت أذوب خفوق الي مذوبني
يا كثر ما قلت في نفسي هنيا له
مرتااااح ما يدري إن الهم عذابي
وااااي ثانكيووو قموره خليتي لي دور ولو بسيط << احم اسفه الغلا بس ما ابغا شخصيات كثيره
لا لا عادي عيوني يكفيني لو اني دور ثانوي بس بتكلم عن نفسي شويه << احم خذي راحتك يا قلبي
يسلمو حياتي يا أحلى قموره << احم بيكبر راسي
عادي يا قلبي كل ما كبر كل ماجاتك افكار << ههههههه رنا تكلمي ولا اشيلك
لا لا خلاص ببدى كيفكم يا حلوين أن شالله تمام
انا بصراحه تعباااانه مره ومسخنه على الآخر ما غير مهديه سخونتي الإبر الي في يدي
بقولكم ايش احساسي اول ما شفت بندر كنت بموت تدروا ليش لأني اعرفه اعرف كيف شكله وهذا الشي صدمني خلاني كأنه احد اعطاني كف على وجهي ارعبني وخوفني
ما اتصورت ابدا بيعرف انا مين خفت وحسيت بالدموع اجتمعت في عيني
بعد ما طلع من عندي تنهدت من قلب اخذت الباقه وحطيت وجهي عليها قريت البطاقه وجلست ابكي واشهق
كنت ابغا اطير من الفرحه ماني قادره استوعب ما ادري الرجفه الي جاتني من السخونه ولا من فرحتي ولا ايش الحكاية بالضبط الي اعرفه اني انبسط بالحيل وتمنيت من قلب انه يحبني من جد
دخل عليه وليد وهو معصب : ناس قليلة ذوق
شلت البطاقه تحت الشرشف : ليش وش في
وليد : واشفيك ترجفين بعدك مسخنه
قرب مني وهو يحس عليه : حرارتك زادت
تنهدت ودمعت عيني وجا نظره على الباقه : حلوه الباقه من جابها
مسحت دموعي : ما شفتها يعني وانت من اول بره
وليد باستغراب : من الي اشوفها
بلعت ريقي : رندا
وليد : لا جات
طليت فيه : بالله تسوي نفسك يعني ما شفتها
وليد ابتسم : والله ما شفتها خساره
كنت ارجف : من جد فايق
وليد انا طالع شويه واجي
رنا : خذ راحتك او لما طلع دقيت على رندا
رندا : هااااا يا تعبانه
رنا : اذا قالك وليد جيتني وجبتي ليه باقه قولي ايوه
رندا : ليش
رنا : جاني بندر
رندا بصريخ : ايييييييييييييييييييييش
رنا : والله ما كنت ادري والله
رندا : يا سواد وجهك يا رنا
حسيت بخوف وألم : الله يخليكي رندا انا بموت من الخوف
رندا : والله ما ادري عنك يا رنا
رنا : والله والله يا رندا ما ادري الا وهوه داخل عليه
رندا : بصراحه بدأت أخاف منه
رنا : يا ويلي يا ويلي
وبديت ابكي ورندا تهدي فيا جات السستر وحطت لي ابره تانيه واعطتني حبوب مخفضه للحراره
جلست ربع ساعه ودخلت عليه بنت شكلها يهبل
بندري : السلام عليكم
قمت اتعدلت : هلا وعليكم السلام
بندري : انا بندري
بصراحه اجفلت لدقيقه وبعدها ارتبكت : احم .. أ.أ..أ هلا هلا
بندري نزلت راسها وقربت مني ومسكت يدي : خايفه ؟
طليت فيها ودموعي تتساقط وهزيت راسي
بندري : لا تخافي بكون معاكي يا رنا
ابتسمت لها : الله يخليكي كيفك انتي
بندري : طيبه المهم حياتي والله اعتذر لك عن بلاهة بندر تلاقيه ضرب عداد الشوق وجاكي من غير ما يحس
ابتسمت لكلامها : تتوقعي ممكن يسوي لي شي بعد ما عرف
بندري : تبغي الصراحه لا بالعكس كذا بيطمن اكثر
رفعت راسي يا سبحان الخالق تشبه اريج سبحان من خلقها
بندري : ما قد قالك بندر استحي من الي يطالع فيه
ضحكت : حبيتك مره من كلامه عنك وكمان لجين حبيتها وكان نفسي ادخل فيكم
بندري : ولا يهمك بتدخلي فينا اذا (( وصارت تغمز ليه وانا ضحكت وانحرجت ))
بندري : امممم طيب اسألك سؤال تجاوبيني بصراحه
رنا : اهمممم اوكي
بندري : انتي تعرفينا
نزلت راسي وهزيته : بصراحه ايوه واتمنى ما تسألي كيف
بندري : لا عادي ما ابغا احرجك اكثر بس قد ايش تحبي بندر
ضحكت على برائتها : والله والله والله ( وسكت لفتره ) هو حياتي من غيره انا ورده ذابله
بندري : واااي كلامك حلو زيك
رنا : يسلمو يا قلبي
بندري : وهوه كمان يحبك رغم تردده الا انه يموت فيكي صدقيني بس تراه مرعب
رنا : هههههههههههههههههههههه كيف مرعب ؟
بندري: صراحه وما اجامل معقد شويه
اتكلمت بصوت واطي : واحلى معقد اموت فيه
بندري بنظره مشاكسه : ترا سمعت
ضحكت بهدوء
بندري : الله يحفظك ويا بخت بندر فيكي واحلى شي تدافعي عني
رنا : ههههههههههههههههه حبيبتي والله على فين
بندري : والله اتأخرت راح يقتلني بندر
رنا : لا تحرمينا من شوفتك
بندري : أن شالله حبيبتي يلا مع السلامه
طلعت بندري وانا اتنفس بعمق وغمضت عيوني دخل وليد
وليد : من هاذي
رنا : بندري صحبتي
وليد : هههههه واخوها بندر
رنا : طيب ايش يعني
وليد : حلو سجع
هزيت راسي ووليد يتكلم ..
كنت استناه يطلع اشتقت لبندر ابغا اكلمه..


انتهى الجزء
دمتم لي بود ..
القمــــــ روحي ـــــر

صباح الخير اختي القمر انشاء الله تكوني بالف خير
تسلم ايدينك ومشكورة على هذا البارت الحلو والهادي في نفس الوقت
ماعدا مشكلة عذوب والبندري انا حاسة انها راح تسوي مشكلة للبندري
الله يستر منها شكل هالعذوب شريرة واخاف تخرب بين مازن ومرام .
اما ماجد ولجين اتمنى اشوف اللقائ بينهم كيف راح يصير ماادري .
اما منصور وغادة اتمنى سعادتهم تدوم وما يرجع يتغير مرة ثانية .
بندر ورنا اتوقع يخطبها بعد ماشافها يمكن مادري.
والله يعطيكي العافية
اختك وجه الصباح