السلام عليكم ورحمه الله

يامرحبا ملياااااااار ومايسدن للكاتبه ليتني غريبه ((مووو لغيث زارا هع

جزء اليوم اشوفه تحصيل حاصل لكل اللي سوته يدينك يالغورلا غيث حتى ابو السيافي حسافه عليك

يعني الحين دابغ الضعيفه الرقيقه حوور وجاي بكل وقاحه تبي تراضيها
لا وماكفاك يوم هي ماتبي تشووفك من الخوف وتبي تحافظ على مابقى من كرامتها الللي امتهنتها بسواياك قاعد تهددها ببيت الطاعه

الشايب علي بن سيف
بصراحه من بدايه الخطوات وانا حاقده عليك بسبب سلبيتك وعدم اهتمامك بولدك ورميك له عند امك وابوك لكن وقفتك مع حور هي اللي شفعة لك عندي واليوم زاد اعجابي فيك بعد حذفتك للفنجال على الغوريلا
ياجعل يمناك تسلم عقباها ان شاء الله حذفة دله القهووه

حووووووور يانك قهرتيني بشكل ارسي لك على بر ياحبيه وارجعي له وانسي الماضي
ياادفني مشاعرك تجاهه ولا عاد تطرينه
بس والله انه قطع قلبي يوم خرع خواتك وهم يضفون اغراضك وهوو ما يبي ينحرم من ريحتك
ترى لايهوونك الغورلا ترى فيه شويه رومنسيه يمكن لو عطيتيه فرصه تطلع للنور
لا ويبيك تجين عنده تلمين قشك والله لو تعتبين بابه ما عادك بطالعه لو تمووتين
خخخخخخ

روضه وخويتها راويه
سبحان الله ليش الناس فكرتهم عن الملتزمين كذا والله العظيم حرام الانسان الملتزم الحق اللي يحكمه شرع ربي
يعني الحلال والحرام ياناس الالتزام موومعناته التحجرر وبعدين راويه ذي صديقه سوء تبي تخرب مابينك ياروضه انتي ورجلك
ياخوفي روضه تتاثر فيها
وتخرب بدايه حياتها مع سيف

مها واحمد
حسبي الله علك يالغورلا الحين تفترق انت ومرتك من عمايل يدك
تبي تخرب على اخوك هو ومرته والا مها الحساسه ما درت بقلب ابو حميد اللي متشفق على شوفتها وبدا الشك يتغلغل لروحها البريئه

وبعدين ليه يبو حميد ماتراسلها على الجوال ترى اعرف ناس نفس وضعكم اربع وعشرين ساعه على الجوال يتراسلون يعني الحل سهل

عفراء الله يهداك هذا موضوع تتناقشين به مع اختك الحامل الحساسه لا وبعد متهاوشه مع رجلها لا حرام لازم تحسوون فيها


خوات حور والغازهم مع ميعاد الله يسعد قلوبكم مثل ماقاعدين تخفففون عن ها الضعيفه والله انها كاسره خاطري
يا الله المقطع الاخير جد يحير معقول يكون بين عفراء وحامد
بس مادري احس انه بنت جيرانهم قبل نسيت اسمها يمكن فاطمه قاعده تقوله لاحد اخوان حوور

اخيرا ليتني ننتظر الخطوه القادمه على خير

حي الله اختي العزيزة ليتني غريبه انتي مو غريبه
انتي قريبه من قلوبنا بطيبتج وبتواضعج وبقلبج الكبير
تسلم ايدينك على هالخطوة اللي ماتقل روعه عن الخطوات
اللي قبلها نجي للبارت واحداثه .
ياشماتتة الحساد فيك ياغيث كلهم واقفين ضدك حرام عليكم حور وابو غيث وحامد واخوان حور وخوات حور
وبنات المنتديات ليش ماتحطون نفسكم مكانه صحيح غلط
وغلطه كبيرة بس بعد حور اغلطت اهيا مو بريئه لهدرجه
الرجال صار وحيد الكل ضده حتى جده ظاهريا معاه وباطنيا مع حور تبقون الريال ينتحر عشان تستانسون
اوصلت لدرجة ان بوغيث يضربه بالفنجال قدام اخوه حامد
واهوا رجال اشكبرة متزوج وقريب بيصير ابو حق طفل ماينعرف شنو مصيره .
من حقه يشوف زوجته ليش يمنعونه الظاهر الطيب ماينفع معاهم لازم اسلوب القوة وراح ياخذ حور غصب طيب مافي شي
يصعب على غيث اذا حط شي في راسه باذن الله يسويه .
دانه ونورة زين سوى فيكم غيث قلنا طرزان تنبلع بس غوريللا مصختوها جايين تشيلون اغراض حور مايكفي منحرم منها ومب عارف شلون يوصل لها جاين تاخذون اللي باقي من اثرها وريحتها تخيلت شكل نورة يوم تقول ماشالت شي
ومت ضحك ههههههههههههههههه.
غيث ليش ماتكلم حور في الموبايل خل ميعاد عمتك تتصل
عليها وانت كلمها يمكن تسمعك هالعنيده .
والا شرايك تخطفها ليلة زواج اختها عفراء ولا من شاف
ولا من دري احلى فرصه عشان تشوفها اهيا في زواج اخوانكم.
حور ماعرفنا انتي وش تبقين تحبين غيث وتنكرين هالشي
حتى بينج وبين نفسج ليش عطي غيث وعطي نفسج فرصه
هذي مو اول مرة يمد يده عليج ويضربج اشمعنى هالمرة تمردتي عشان حامل ترى حتى انتي ماقصرتي بكلامج وتصرفاتج معاه نسيتي يوم تتلقفين وتتعبثين في اغراضه
حق تسلق الجبال وتصيبه طلقه في يده هذي اهوا سامحج عليها .ترى كل هالتعب والنفسيه اللي فيج وصايرة حساسه بسبب الحمل وش ناويه تسوين ياحور .
احمد مسكين متوله على المها واهيا تفكر انه ندم على خطبتها ومايبقيها بسبب غيث ان مانع احمد عن يشوف المها عندك فرصه ياحمد شفها في زواج حامد اخوك ماحد بيمنعك غيث ذا الحين مو فاضيلك .
عايشه ذي متى بتستعدل الحمد لله والشكر على نعمة العقل بس يعني عشان قلم حر شكله مو حلو احكمت على كتاباته
وقامت تنتقده مالت عليج ماشوف شكلج الحلو نفعج حتى غيث ماعمرةطالع في ويهج وانتي تترززين جدامه كل هالسنين .
دانه ونورة موتوني ضحك مع سالفة الفيل زين يسون عشان يرفهون عن ميعاد واحساسها بالنبذ والوحده .
المقطع الاخير حيرني اتوقع ان اللي تتكلم حور واللي تكلمه واحد من اخوانها ياعبيد او ماجد يمكن تبقي
تنخش وتختفي عن غيث ولا تبقي احد يعرف مكانها خصوصا بعد ماسمعت عن بيت الطاعه خايفه انها ترجع حق غيث بالقوة واهيا ذا الحين مافيها قدرة على المواجهه .
مشكورة عزيزتي ليتني وناطرين الخطوة الجايه على نار
واشكر احللى ام نتيه زارا اللي دلتني على هالروايه الروعه وترى غيث يقولج مساء العسل ياعسل.
وجه الصباح /اللبؤة

ابداع.. ابدااع.. ابداااع.. اتعب وانا اقول هالكلمه

ليتني تعرفين اني يلست اقرأ الخطـوة طول اليوم.. كل ساعه اقرأ جزء واروح.. ماريد اخلص من القرايه.. ماريد ابتعد عن هالابداع.. وتعرفين اني وراي نشه باجر الساعه 7 الصبح وانا لين الحين ما رقدت.. توني مخلصه الخطوه بعد ما قريتها 3 مرات..

الله لا يحرمنا منج ومن ابداعج.. يا ليتني غريبه

هلا وغلا نور المنتدي بحظورك ليتني بس والله اني مقهوره علي غيث والي صار له من ابوه والله كسرخاطري مايستاهل كل هذا حرام عليهم وعليكم بنات لاحد يسب غيث ارحمو حاله

ليتني غريبة مشكوره كثييييرررر على هالحطوه ألي نستناها من زمان بس الله يخليك لأ تتأخرين علينا بالخطوه الجاية -

يا عمري على غيث شوي شوي عليه ياناس تراه مسيكين والله كاسر خاطري

وأنتي بعد ياحور بلأ دلع ولأ هذا رجال ينزعل منه وينه بس لو يكفخني

ليل ونهاروأقول هل من مزيد بس خلك مني قريب وش عاد لصار الي يضرب

واحد عله وشين بسسسس غييييثثث غيييييرررر

فدية الي عصب على دانه ونوره وهند أجل ياخذون ملابس حرمته ويبونه

يسكت يمكن وجود ملابسها عنده معطيته أمل أنها ترجع

غيييثثث وبسسسس

سلامي للمبدعه كاتبتنا البخيله بالخطوات الكريمه بأغداق المشاعر الفياضه وألي تخلينا نعيش بأحلام ورديه لأسابيع جايه.