ما هو طموحك ــ عايز تبقي ايه ؟؟؟؟؟؟؟؟؟؟؟؟

السؤال ده مزعج يا هاني
لأنه بيضعنا في مواجهة -أو أنا على الأقل- مع نفسي
بالحقيقة أقدر أقوللك ولا شئ
و يمكن ده جزء كبير من سبب ضيقي و إكتئابي و إحساسي بالملل
يعني الواحد بالمدرسة عاوز ينجح و يجيب مجموع كويس علشان يدخل كلية كويسة
في الكلية عاوز أتخرج
بعد التخرج عاوز أشتغل
بعد الشغل عاوز أنجح و أثبت نفسي
ها و بعدين؟
يمكن في ناس عندها طموحات مادية معينة
عاوز سيارة
سيارة أفضل
بيت أكبر
و هكذا
طيب اللي معندوش الطموح المادي ده وراضي باللي معاه و الماديات مش بتشكل طموح بالنسبة له يعمل إيه؟!!
أنا يمكن توصلت إني أحاول أن يكون طموحي الوصول للجنة بإذن الله
بس هو ده طبيعي؟
إن الإنسان يشعر بأن طلباته بالحياة انتهت وهو مازال في مقبلها؟
مش عارفة
أنا حاليا بابحث عن طموح ما
اللي يلاقي واحد يديهولي ^_^