الجزء الرابع ..


*** العين تحكي لو خبا كل منطوق .. تحكي و تروي ما خفى وسط خفاق .. و الشوق ناره يشبها حب مخلوق .. و لو لا الوصل ما تنطفي نار الاشواق ***



كانت العنود و غايه منسدحات تحت التلفزيون مندمجات مع الاغاني و لا انتبهن للي دخل الميالس عليهن .. وقف الريال .. و تم يطالعهن .. اول مره يشوف غايووه من كبرت و تمت تتغشى عنه .. من هي ياهل كانت حلوه .. بس ما كان يتوقعها بتكون بهالحلاه حتى من بعد ما تكبر .. حشى .. ثرها حارمتنا من هالزييين كله ..
فهاللحظه رن تيلفون غايوه .. جان يرد الريال عشان ما ينتبهن انه شافهن .. و طلع ..
غايوه و هي تصلب عمرها و اتشوف منو متصلبها ..
غايه : اوووه .. استاذ نواف ..
غايه و هي ترد : الو مرحبا الساااع ..
الاستاذ : مرحبتين .. غايه ؟؟..
غايه : اهلييين استاذ ..
الاستاذ : كيف الحال ..؟؟..
غايه : الحمدلله .. يالله يا استاذ .. بدعت بدعت فالرياضيات ..
الاستاذ : و الله ..؟؟؟.. بس الاولاد ما حلو كويس فالورقه الثانيه .. قالو شوي صعبه ..
غايه : هي صعبه .. بس ما يهمك .. انا بدعت ..
الاستاذ : ياخوفي من تبديعك ..
غايه : ههههههههههههههههههههههه .. لا استاذ تراني الصعب بحله .. بس الاسئله السهله اخور فيها ..
الاستاذ : مين اخوووكي .. ماهو مطر ..
غايه : ههههههههههههههههههههههههه .. استاذ بقوله ...
الاستاذ : ههههههههههههههههههههه ..
و سكر عنها الاستاذ ..
غايه : حليله استاذ نواف يشوفني شو سويت فالامتحان ..
العنود : هههههههههههههههههههههه .. ظنج بعده يذكر سالفة القلم ..؟؟؟..
غايه : لا تذكريني و الله بصيح كل ماذكر السالفه ..
العنود : ههههههههههههههههههههههههههههههه ..
غايه : صدق عنود .. و الله مطووور متكدر ..
العنود : غايوه ..
غايه و هي تقطع رمستها : ايييييييييييييييييييييه .. عن البطره ..
العنود : مب بطره .. بس لا تتدخلين فالسالفه ..
غايه و هي تتكلم بجديه : العنود .. خلي عنج دلع البنات الماصخ .. مطر ما سوى شي .. يعلج اتسدين عوووقه .. عنلالالاتج جنه حتى ما يبات فالبيت ..
العنود و هي منزله راسها : غايه .. ارجوج .. هالموضوع بيني و بينه ..
غايه و هي تنش : لا قولي شاااايفتلج شوفه غيره و تتعلثين بهالرمسه .. و الله يا مطر انج ما تسوين ثره فالتراب .. و خلي عنج هالزمه ..
العنود و هي منصدمه : اللحين انا شايفتلي شوفه غير مطر !!!!!!.. و الله ؟؟!!..
غايه : العنود .. مطر ما سوى شي .. و عن هالزمه ... و لا تتوقعين انه بيسكتلج وااايد ..
العنود : و الله ؟؟؟.. اوكي .. زواااااالج انتي و خوووج .. جنج من عقب هالعمر اتقوليلي شايفتلج شوفه .. جان تصيح ..
غايه : عنود ..
بس العنود نشت و ربعت حجرتها .. و لا ردت على غايه .. و غايوه نشت و ردت بيتهم .. يت تكحلها عمتها .. باليمعه .. مطر ما راح بيت عمه .. و لا طاع انه يتغدى حتى .. و مغلق تيلفونه .. و يالس في حجرته و لا طاع انه يرمس حد .. اللين اللساعه 3 الظهر .. رتب لبسه و شنطته .. و ظهر برى يسلم عهله قبل لا يرووح الكليه .. ظهر مطر .. و عبيد خوه عشان يوديه صوب الدوار يتريون الباص و من عقب بيروح عبيد خوه بوظبي .. من ظهر مطر و هو عينه عبيت عمه ..
عبيد : السموحه مطر .. قسم بالله ما كنت اقصد اتسبب بهالمشكله كلها ..
مطر و هو منزل راسه : عبيد انت مالك دخل بالسالفه .. العنود شي فيها .. و الا السالفه مب محتايه كل هالغيض منها ..
و في هالوقت .. كانت العنود ورى باب بيتهم .. توايج ع مطر .. يالله فديته .. اتشووفه و هو عكل دقيقه يرفع عينه صوب بيتهم ..
ركب مطر و عبيد و تحركو بيروحون .. نشت العنود .. و راحت المطبخ خذتلها غرشة ديو .. يالله فديته .. مطر الي عودني اشرب الديو .. طلعت من المطبخ .. و الي صدمها .. ان مطر كان موجود .. كان متردد .. يدخل البيت و الا لا .. بس جن قلبه كان حاس بالعنود .. فلحظه افتر صوب المطابخ .. و شاف العنود .. يالله فديت روووحج .. العنود من شافته صخت و وقفت مكانها .. تحرك مطر صوب العنود و هو يبتسم .. و العنود تلم شعرها تحت الشيله و وخت براسها ..
مطر و هو واقف قدامها : شحالج ..؟؟؟..
العنود : .. الحمدلله ..
مطر و هو مستغرب هالبرورد منها : زعلانه ..؟؟؟..
العنود و هي تلف بويها الطرف الثاني : و ليش ازعل ..!!..
مطر : عنودي .. اكلمج .. ليش تلفين بويهج عني .. ؟؟!!؟؟..
العنود و هي بتمشي : السموحه منك ..
مطر : عنود شو فيج ؟؟..
العنود بعصبيه : مطر مافيني شي ..
مطر : و الله يا ان فيج شي ..
العنود : و ما اعتقد يهمك اذا فيني شي و الا لا ..
مطر : عنودي .. حرام عليج انا ما سويت شي لكل هالزعل مني ..
العنود : السموحه .. برووح اذاكر ..
و فهاللحظه كان عبيد يصيح لمطر عشان يظهر ..
مطر و هو يشل غرشة الديو من ايد العنود : تذكري هاليوم عدل .. و الله لا ادفعج ثمن رمستج هذي ..
العنود : ايييييييييييييه .. غرشيتيه ردها ..
مطر و هو يمشي : حلاتها و هي غرشتج و شاربه منها ..
العنود : سباااااااااااااااااااااااااااااااااااال ..
مطر و هو يمشي و شرب من الديو : مردوده بنت العم .. و ظهر عنها ..
و العنود واقفه مكانها و ميته غيض منه .. سبال .. دفش .. عنلالالالالاته .. بس و الله احبه .. آاااااه .. و راحت حجرتها عشان اتذاكر ..
مر هالاسبوع بايخ عالبنات .. من امتحان لامتحان .. واحد اوكي و الثاني زفت .. و اعصابهن منحرقه .. ساعه ينامن و باقي اليوم يذاكرن .. من الجغرافيا لعلم النفس لدين و العربي .. و مطر فالكليه و ميت من العنود و زعلها الي من دون سبب .. آاااه ..
احمد : ياخي انت مسولها سالفه .. و الا الموظوع مب مستاهل كل هالغيض منها ..
مطر : آآاااااااااااااه يا بوشهاب ..
خليفه : هذا يوم الواحد يحبله ياهل ..
سلطان : خلوف انت امره ظهر من سوالف الحب .. انت و احمد حدكم عالمواعده و الترقيم ..
احمد : عيل تباني ابلي عمري شراتك و هالحبيب .؟؟.!!!.. لا يا بويه ..
و جان ترن عليهم صفارة الغدى .. و نشو يترابعون صوب غرفة الطعام .. و مطر يسحب عمره سحاب .. و الا هو عايف عمره ..

و في بوظبي ..

منال : حمووود .. ودني دبي ..
حامد : اقين اقين ..
منى : بلييييييييييييز حمووود ..
حامد : لا و الله ؟؟.. وش حايتكن في دبي ..؟؟..
و فهاللحظه كان منصور توه ياي من الشركه .. و باين عليه التعب ..
منصور : السلام عليكم ..
منال : اهلييييييييييييييييييين ..
حامد : هلا و الله بالعاشق الولهان ..
منصور بتعب : حامد دخيلك ..
منى و هي اتقوم و تيلس عدال منصور : حبيبي شو فيك ..؟؟؟..
حامد : تراهن يبن يرووحن دبي ..
طالعته منى بنظره
حامد و هو يهز راسه : عشااان ما اتعبين عمرج واايد بالتقردين ..
منصور و هو يقوم عنهم : انا بروح انام ..
منال : ماتبى غدى ؟؟..
منصور : لا ..
و راح قسمه ..
منى : لا منصور شي فيه ..
حامد : الله يعينه على ما بلاه .. ههههههههههههههههههههههههههه ..
منال : حمود منصور شو فيه ..؟؟؟..
حامد بغلاسه : يحب ..
منى : no way !!!
حامد : و الله ..
منال : نعرفها ؟؟..
حامد : لاه .. خت ربيعه ..
منى : لالالا ماصدق .. منصور يحب !!!.. مستحيل ..
نشت منال عنهم و راحت صوب منصور .. دقت عليه الباب ..
منصور في خاطره هذا اكيد حامد و بيتغيلس ..
منال : منصووور ..
منصور : تعالي ..
دخلت منال و قفلت الباب و راحت صوب منصور الي كان يالسه عالمكتب جدام الكمبيوتر ..
منال و هي تبتسم : شحالك ..؟؟..
منصور : آاااه .. تعبان و منهد حيلي ..
منال : من الشغل ..؟؟..
منصور و هو ينزل راسه : من كل شي ..
منال : .. احس ان شي دش حياتك ..
منصور : آااااااااااه ..
منال و هي تمشي صوبه : منصور شو فيك ..؟؟.. و الله قلبي يعورني كل ماشوفك تتنهد ..
منصور و هو يحط راسه بي اييديه و يوخي براسه : خلاص بييين من كثر ما افكر فيها ..
منال : بمنو ؟؟!!..
منصور : ما اعرف .. ما اعرف اسمها ..
منال : و تحبها ؟؟!!!!!!!!...
منصور : مادري .. مادري .. هالبنت .. فيها شي مب طبيعي .. شو اقولج مادري ..!!!!..
منال : كلمتها ..؟؟..
منصور و هو يرفع راسه : لا ..
منال و هي مستغربه : ممم .. اوكي .. كيف تعلقت بها ..؟؟..
منصور : ماشي .. دشت عليه و انا في ميالسهم .. و بعدين وايجعت عليه و انا فالسياره ..
منال : شووووووووو ..؟؟؟؟ وايجت عليك ..!!!!!!!!!!!..
منصور و هو يتذكر شكلها : ههههههههههههههههههههههههههههههههههههه ..
منال : سوري منصور .. بس هذا مب حب .. هذا استهبال ..
منصور : ادري .. بس شو اسوي .. ماقدر .. خيالها في بالي ..
منال : ههههههههههههههههههههههههه .. ليش لهالدرجه هي حلوه ..
منصور : آاااااااه ..
منال : بس اكيييييييييد مب احلا مني ..
منصور : هههههههههههههههههههههههههه ..

فالكليه .. كانو الشباب كلهم فالمدرج .. و مطر .. في عالم ثاني ..
خليفه : بوشهاب .. طلبتك ..
احمد : تم ..
خليفه : شله ..
احمد : امره فالك طيب ..
خليفه : فالك ما يخيب يابوشهاب ..
احمد : هذي قصيده .. توها معدوده ..( و جان يرفع عينه صوب مطر ).. مهدنها لعرب ..

صرت تتمادى و فاض الكيل بيّه .. الرجا يا شوق لا تحرق اعصابي
كم صبرت و حالتي منك شقيه .. و انت يحلالك بها الدنيا عذابي
خاف ربك و ارحم النفس البريه .. بس يكفيني انا كثر المصابي
ع التواصل خلنا نبقى سويه .. نهجنا وافي و لا نبغي عتابي
الخوي واجبه ما يترك خويه .. في العسر و اللين دايم ما يهابي
لك عهد مني ما دام الروح حيه .. ما اخونك يالغلا ترف الشبابي
لانك انته بك حلاة و جاذبيه .. و مفتند رمشك على سود الهدابي
من لحظ رمشك انا روحي ضحيه .. تهت في حبك و لا حد ٍ درى بي
هايم امولع على نار ٍ لضيه .. و الغضي سالي و لا همه غيابي
ما يبالي و كن ما عنده دريه .. و ان سألته صد ما رد الجوابي

( القصيده لشاعر بخيت الراشدي )
احمد : و سوالم ..

من سمع مطر الشله سكت ..
و احمد يطالعه و يظحك ..
مطر : نذل ..
احمد : ههههههههههههههههههههههههههههههههه ..
علي : مافيك حيله يا بوشهاب ..
احمد : ترى القصيده .. بو غيث عادنها ..
خليفه : و انا اقووول ..
مطر : و انت امره .. سرقتها ..
احمد : اشووفك اول امس بايت .. قلت اكيد يكتب قصيده .. و من نمت نشيت و شليتها ..
مطر : عنلالات صداااك ..
عبدالله : الله ياول عليك يا بوغيث ..
خليفه : يظرب الحب شو بيزل .. هههههههههههههههههههههه ..
مطر : قسم بالله انكم ملعن ..

و في سويحان .. البنات مرتبشات ... خلاص ما بقالهن الا 3 مواد لغايه .. و مادتين للعنود .. و غايوه و العنود من بعد ذاك اليوم و في تتش من بينهن .. و ما صارن شرات قبل ..
بالاربعا كان عالبنات امتحان عربي .. فحب الاستاذ زياد بحكم انه يدرس البنات .. انه يسويلهن مراجعه عامه من قبل الامتحان باجر .. فأجتمعن البنات في بيت قوم غايووه و كان يوم الثلاثاء.. شمسه و العنود و غايه .. كانن وايد مركزات عالاستاذ .. و يستفيدن منه قبل الامتحان باجر .. تم معاهن الاستاذ في حدود الساعتين و شوي .. و من خلص راح لشباب الي كان يامعنهم في بيت واحد .. عشان ما يضيع وقتهم و في نفس الوقت يستفيدون .. من بعد ما خلص الاستاذ .. العنود راحت بيتهم .. و شمسه تمت مع غايوه اللين ما تيها امها عشان ترد البيت ..
شمسه : عنود شو فيها ..؟؟؟..
غايه : زامه خشمها .. فقت ويها السباله ..
شمسه و هي مستغربه : غايوه !!.. شو فيج ..؟؟؟!!..
غايه : و الله .. يعني حركاتها مب حلوه .. اوكي يحبها .. شو يعني بتذله عشانه يحبها يعني ؟؟.!!..
شمسه : غايوه .. لا تتدخلين من بينهم ..
غايه : اوووه ..
شمسه : انتي اخبارج ..؟؟؟..
غايه : احب ..
شمسه : ههههههههههههههههههههههههههههه .. بعدج ..؟؟!!.. انا قلت نسيتيه ..
غايه : آااه .. ناسه الموت .. شموس .. انتي لو شفتيه .. غير ..
و فهاللحظه سمعو حمد خو غايه و هو يزقرها ..
غايه : ويت شموس بشووف حمد ..
و شمسه من سمعت صوته وقف قلبها ..
نشت غايوه و راحت صوب حمد ..
غايه : لبيه ..
حمد : لبيتي حايه .. هاه شو الدراسه ؟؟..
غايه : الحمدلله .. بس هو العربي ما يباله شي ..
حمد : لا ماشي ما يباله شي ..
و ان ام شمسه ياييتنهم ..
غايه : مرحبا الساااع مرحبا الساااع ..
ام شمسه : المرحب باجي ..
و راحتلها غايوه و سلمت عليها و حبتها عراسها ..
ام شمسه : وشحالج يا غايه ..؟؟..
غايه : بخير يعني افدى رووحج خالتيه ..
ام شمسه : وين بنت سعيد عنج ..؟؟..
غايه : امايه عند خالوه ..
ام شمسه : هيه ... منو هذا ..؟؟؟..
غايه : هذا حمد خويه ..
ام شمسه : يالله مرحبا ملايييييييييييييين بالغالي ..
حمد : مرحبا الساااع .. شحالج خالتيه ؟؟؟..
ام شمسه : بخير يعلك الخير ..
ام شمسه : بنتي وين ختج ..؟؟؟..
غايه : اللحين بزقرها ..
و راحت غايه و زقرت شموس حق امها .. و قبل لا تظهر شمسه تغشت ..
شمسه : السلام عليكم .
حمد و هو منزل راسه : و عليكم السلالام .. مرحبا الساااع ..
ام شمسه : هاه بنتي خلصتي مذاجره ..؟؟؟..
شمسه : هيه امايه .. خلصنا ...
ام شمسه : يله سرينا عيل ..
حمد : لا وين بها .. عنبو يا خالتيه ما تقهويتي ..
ام شمسه : يعني فداك .. الا يايه اشل شموس من عنكم .. و قهوتكم مشروبه يالغالي ..
حمد : لالالا .. هالييه مب محسوبه ..
ام شمسه : هههههههههه .. امره فالك طيب .. بنرد صوبكم .. الا جنك بتبرز عندنا ..
حمد : امره تم ..
و راحت عنهم ..
بالباجر يوم الاربعا .. الحمدلله .. الورقه الاولى من العربي يتهن اوكي .. و بالباجر بتكون الورقه الثانيه .. من بعد ما خلصن البنات رجعن بيوتهن .. و غايوه و العنود ع نفس الوضع .. من بينهن السلام بس ..
بالاربعا الظهر .. رجع مطر من الكليه .. راح و تسبح و راح لغايه يتخبرها عن العنود كالعاده ..
غايه : مطور .. لا اطفربي ..
مطر : لا حووول ..
غايه : شو لا حول ؟؟!!!.. شو تباني اسويبها .. ارمسها و هي مب عاطيتني ويه .. و زامه خشمها بنت حمد ..
مطر : اوكي ..
و ظهر عنها مطر .. و راح هو و ربعه دبي .. و العنود .. كانت تتوقع ان مطر بييهم .. بس ما ياهم ..
بالخميس .. راحن البنات و امتحن الورقه الثانيه من العربي .. و الحمدلله اوكي اللين اللحين .. خلاص ما بقى للعنود الا امتحان الرياضيات بالسبت و بتخلص .. و غايه بقالها الكيميا بالسبت و الاحياء بالاثنين و بتخلص انشاااالله .. بالخميس من بعد المغرب .. اتصل مطر بغايوه خته ..
مطر : غايوه .. طلبتج ..
غايه : ياااالبـيـــــــــــه ..
مطر : روحي صوب العنود ..
غايه : شووو ..؟؟؟.. مستحيييييييييييييل ..
مطر : دخيييييييييييييييييييييلج ..
غايه : اففففففففففففففف ..
مطر : فديتج ..
احمد : حشى اذا ختك ذاليتنك كل هذا .. عيل الخطيبه شو بتسوي ..؟؟؟..
و غايه من سمعت صوته .. عرفه .. آاااااااااه فديت صوووتك ..
غايه : مطر .. بسكر عنك و من اوصلها بتصلبك ..
مطر : لا لا تسكرين ..
غايه : مطر مافيني سعيد يكون موجود و الا معضد .. مافيني للحشره ..
مطر : افففففف .. اوكي بس بسرعه ..
احمد : طرار و يتشرط ..
مطر : روووح لا ..
احمد و هو يتغيلس : انزين لا ..
مطر : احمـــــــــــد ..
احمد : شو فيك .. لا ..؟؟؟..
مطر : عنلات صداك ..
احمد : و الله لا ..
مطر : سكري سكري .. خليني ألمه بطراق عثمه ..
و غايه ميته على احمد و تصرفاته .. يا ويلي منك .. خاطري اشوفه و هو يظحك ..
راحت غايوه صوب العنود .. و لقتها يالسه مع امها و حرمة معضد خوها ..
غايه من عقب ما سلمت : عنوده تعالي اباج ..
العنود ببرود : شو تبين ..؟؟؟..
غايه و هي تسحبها من ايدها : نشي نشي..
العنود : اييييييييييييييييييييه ..
و نشت العنود و شلتها غايوه و راحت حجرة العنود و قفلت الباب ..
العنود : ممكن اعرف شو فيج ..؟؟..
غايه : ويت ..
و اتصلت بمطر ..
غايه : باااك ..
مطر : اوكي سكري ..
غايه : عن الفضايح جدام ربعك .. تيلفوني فيه رصيد ..
مطر : غايه ...
غايه : اوكي ..
و سكرت و رجع مطر و اتصلبها ..
مطر : وينها ..؟؟؟..
غايه : هذيه ..
مطر : اوكي حطي عالسبيكر و خليها تسمع ..
غايه : انشالله .. و حطت عالسبيكر ..
مطر : عنودي .. هالقصيده عديتها فيج و انا فالكليه .. و بيشلها احمد .. اريدج بس تسمعينها .. و من عقب سوي لي تبينه ..
تقربت العنود .. و غايووه من التيلفون .. و شل احمد نفس القصيده الي شلها لشباب في مدرج الكليه الي كان مطر عادنها فالعنود ..
ماتت غايوه عصوت احمد .. شو رهيب الا عذااااااااااب .. و خاصة ً و هو ايمد الكلمه الاخيره من كل بيت فالقصيده .. و العنود نفسها .. اندمجت فالكلمات .. يالله ثره يبات يهويسبي .. و عقب ما خلص احمد ..
احمد : رحمي الريال .. عذبتيه ..
غايه محد معذبني الا انت .. يا ويل قلبي منك ..
مطر : غايوه ..
غايه : لبيه الغالي ..
مطر : وين العنود ..؟؟؟!!!..
غايه : هذيه .. تباها ..؟؟؟...
مطر : لا .. برايها .. يله برايج .. و سكر عنها ..
غايه : آااااااااااااااااه ..
و جان تيلس عشبرية العنود ..
العنود : يالله فديت رووحه ..
غايه : هيه و الله .. سمعتي محلا صوته .. آاااه ياقلبي
العنود : و الله انج متفيجه .. انا اطري مطوور .. فديت خشمه ..
غايه : عنودي .. دخيلج لا ترضين .. تميي زعلانه ..
العنود : لا و الله ؟؟.. ليش انشالله ..؟؟؟..
غايه : عشان يعد فيج القصايد و احمد يشلهن و سمع صوته ..
العنود : تصدقين .. اول مره ادري ان مطر شاعر .. !!!..
غايه : حتى انا ..
العنود : اشتقتلج يا غلسه ..
غايه : مادري منو الغلس و زام خشمه ..
العنود و هي تنش و تلوي عليها : و الله اشتقتلج ..
غايه : فديت رووحج .. حتى انا ..

و مطر عند احمد .. و يتحرقص ..
احمد : مطر .. خلاص هد اعصابك ..
مطر : اخافها تفهم الموظوع غلط ..
احمد : لا غلط و لا شي .. بعدين انا الي عزرت عليك عشان تسمع القصيده .. خلها تحس بك .. يعني انت ما تبات الليل و هي مب مهتمه ؟؟!!!!.. ما يستوي ..
مطر : الله كريم ..
احمد : يريال هونها و بتهون .. شو رايك نروح السنما ..؟؟؟..
مطر : ماتفرق ..
احمد : بس عليك ..
مطر : لا و الله ..؟؟؟؟.. انت الي تبى السنما ليش انا ادفع ..؟؟!!!..
احمد : شو ..؟؟؟.. تراني متعب احبالي الصوتيه و شال شله محترمه للخطيبه..
مطر : امحق احبال .. قول فوزات و الا اسيااام حليانه ..
احمد : و الله محد حليان الا انتو يا هل سويحان ..
مطر : ايوووه .. جنك تسب ..

غايوه و العنود من بعد غيبه .. راحت العنود عندها .. و تمو يذاكروون .. العنود تذاكر الرياضيات .. و غايه تذاكر الكيمياء .. و العنود ان ما فهمت شي .. كانت تسأل غايوه عشان تساعدها .. رجع مطر البيت عالساعه 3 الصبح .. و توه بيدخل الحجره .. بس انتبه ان ليت حجرة غايوه مشتغل .. فراح و دق عليها الباب ..
مطر : غايووه ..
و العنود من سمعته يزقر .. ارتبشت و لا عرفت تمسك القلم حتى ..
غايه : هههههههههههههههههههههههههه .. سكني خويه .. اظني حسبج انج عندي ..
تحجبت العنود ..و راحت غايه و فتحت الباب لمطر ...
مطر و هو مب منتبه للعنود : شوو بعدج ما نمتي .. ؟؟؟..
غايه : لا ادرس .. شو انت توك ظاوي ..؟؟؟..
مطر و هو يحك عينه : هيه توه منزلني احمد ..
غايه : و الله ..؟؟؟..
مطر و هو مفتر بيروح حجرته : برايج عيل ..
غايه : شو ما بتسلم عالعنود ..؟؟..
و العنود اتطالعها بنظرات .. و الله بذبحج ..
و مطر من سمع طاري العنود افتر صوبها .. و شاف نظرات غايه لحد فالحجره .. جان يدز الباب .. و شاف العنود يالسه عالارض و الاوراق حولها من كل صوب ..
وقف مطر شوي يطالعها .. مب مصدق .. و هي موخيه براسها ..
مطر و هو ما شل عينه من عليها : غايوه روحي هاتيلي ماي ..
غايه : بييبلك من ثلاجتيه ..
مطر و بعده ما شل عينه من على العنود : لالالا .. ما با .. هاتيلي من المطبخ ..
غايه : فهمنا .. بس الخلوه حرااام ...
مطر و هو يفتر صوبها : زولي ..
غايه : انتو الي بتاخذون الاثم ..
ما سوالها مطر سالفه .. دفرها و رد الباب ..
مطر : ما بسكره .. عشان ما يقولولنا خلوه .. هههههههههههههههههه ..
ابتسمت العنود ..
مطر و هو يطالعها : رضيتي و الا بعدج زعلانه .. ؟؟؟...
تمت العنود ساكته ..
مطر : دخيييييييييييييييلج رمسي ..
هزت العنود راسها بحركه تعني لا ..
مطر : حرام عليج .. و الله انج عذبتيني ليالي ..
العنود : عشان تتأدب ..
مطر : قسم بالله اني ما واعدت و لا خطر هالشي عبالي حتى و ربي عليه شاهد ..
العنود : لا عشان قبل لا تفكر تسوي هالشي .. تعرف شو بيكون وضعك ..
مطر بجد : العنود ..

لك عهد مني ما دام الروح حيه .. ما اخونك يالغلا ترف الشبابي
لانك انته بك حلاة و جاذبيه .. و مفتند رمشك على سود الهدابي
من لحظ رمشك انا روحي ضحيه .. تهت في حبك و لا حد ٍ درى بي

مطر : مستحيييييل اني افكر بغيرج .. انتي ملكتي الروح و القلب ..
استحت العنود منه و نزلت راسها ..
مطر : آاااااه .. ياويل حالي منج .. بتذبحيني ..
فهاللحظه ..
.. : لا و الله ؟؟.. وايد معذبتنك ..
افترت العنود و مطر صوب الباب .. مع ان العنود كانت بعدها مكانها .. و مطر بعيد عنها وااايد .. بس حست عمرها في موقف مشبووه ..
عبيد : عن المغازل ع تالي الليل .. لا و الله افظحكم يالملعن ..
العنود و بحركه لا اراديا غطت ويهها باديها ..
عبيد : لا و الله ؟؟.. عنود ام لسانين مستحيه ..
مطر : عبوووووووود .. دخيلك .. انا ما صدقت اني راضيتها .. الشيييمه ..
عبيد : لازم بترضى .. انا ذاب قلبي من عقب رمستك .. وين هي ؟؟!!!..
غايه و هي توها يايه : أي رمسه .؟؟؟.. لا عيدوو .. انا ما سمعت ..
و العنود تمنت موتها و لا هالموقف ..
العنود و هي تلم اوراقها : انا برووح البيت ..
و قدها بتطلع ..
غايه : لحظه بوصلج ..
مطر : و انا بوصلج بعد ..
عبيد : لالا استريح انا و غايوه بنوصلها .. انت رووح نام من عقب الهياته ..
و طلع عبيد و غايوه ووصلو العنود بيتها و من عقب ردوو البيت ..
باليمعه .. كالعاده .. الساعه 3 الظهر .. رجع مطر الكليه .. و غايوه و العنود يذاكرن .. بالسبت الصبح ..عالساعه 3 .. كانت غايوه مواصله و تذاكر .. و لا قدرت انها تنام من الخووف .. طول حياتها و هي تكره الكيميا و مسببلها خوف فضيع .. من عقب صلاة الصبح يتها العنود .. و يلست معاها شوي و من عقب راحت ..
على غير العاده .. غايه ما طلعت عند يدها اليوم و لا يلست عنده .. و يدها مسكين ما يعرف الساعه كم .. راح صوب حجرة غايه .. و لقاها نايمه على مكتبها ..
يد غايه : الغوي ...
و تم يوعيها .. اللين ما نشت ..
يد غايه : بنتي .. نشي نامي عشبريتج .. ظهرج بيعورج من هالسدحه ..
غايه و هي تعبانه : شو ..؟؟؟..
ثواني و انتبهت غايه .. انها الساعه 8 ..
غايه و هي تصاارخ : لالالالالالا .. بدى الامتحان .. و نشت تربع ..
مسكينه خرت عينها و نامت .. و لا حست بعمرها ..
يد غايه و هو مستغرب : حووووه شعندج ..؟؟؟؟..
غايه و هي تفتح الكبة عشان تاخذلها مريول المدرسه : يدي عندي امتحان ..
و ربعت و تلبست و لبست شيلتها و عباتها .. و شلت قلمها و الاله الحاسبه و ظهرت تربع ادور الدريول ..
و ما لقته ..
غايه : يدي وين فريد ..؟؟؟..
يد غايه : فالمزرعه ...
غايه : ياويلي .. من اولها نحاسه ..
غايه : سارا .. ساااااارااا ..
و يتها الخدامه ..
غايه : يدي انا برووح المدرسه مشي ..
يد غايه : صبري بطالع دريول حمد ..
غايه : يدي بعدك بطاالع .. ماعندي وقت الامتحان بيفوتني .. و طلعت غايه من البيت بسرعه و الخدامه معاها .. بين بيتها و المدرسه مسافه قصيره .. بس هي اتشوفها أميال .. و هي تمشي ..
ياها راشد..
راشد و هو يمشي عدالها بسيارته و فاتح دريشته ..
راشد : ليش تأخرتي ..؟؟؟؟.. بيفوتج الامتحان ..
و غايه شوي و بتصيح : دخييلك سكت عني ..
و الشباب يتصلوبه .. لان هو نفسه عليه امتحان كيمياء ..
راشد : ركبي بوصلج ..
غايه : ماااابااااااا .. زوووول عني ..
راشد : غااايووه بتتأخرين عن الامتحان خلي عنج البطره ركبي بوصلج ..
غايه : انت عليك امتحان .. فارج رووح امتحانك ..
راشد : و الله مارووح اللين ما تحدرين المدرسه ..
غايه : انت لازم تفظحني .. فااارج ..
راشد : مشكوره ..
و سكر دريشته و راح عنها .. بس ما راح المدرسه اللين ما تأكد و شاف غايه دشت المدرسه .. من عقب راح المدرسه .. و بما انه تأخر ربع ساعه .. تغاظى مدير اللجنه و دششه ..
و غايووه .. من دشت المدرسه ربعت .. و دشت القاعه بعباتها .. و كل رفيجاتها .. خايفات عليها مب عارفات شو فيها ما يت .. و كانت مديرة اللجنه توها بتتصلبهم فالبيت اتشوف سبب تاخرها .. بس من شافت غايه .. ما حبو يظيعون وقتها و دششوها على طول القاعه .. غايه من الربشه الي استوتلها الصبح .. حست عمرها انها زفتت فالامتحان ... كانت وااايد مرتبكه .. طلعت من القاعه و هي تصيح ... و الي زاد عليها ان الامتحان في اجزاء منه كانت شوي صعبه .. رجعت البيت و هي تصيح ..
غايه : خلالالاص رسبت ..
ام غايه : يابنتي عيني خير ..
غايه : لالالالالا .. خلالاص رسبت .. خلاص ما بمتحن الاحياء .. خلاص رسبت ..
و سوتلهم مناحه فالبيت ..
و اخاونها يحاولون بأي طريقه انهم يخففون من حزنها .. عشان تقدر اتذاكر اخر ماده بقتلها الاحياء ..
يد غايه : يا بنتي شو يصيحج ..؟؟؟..
حمد : يدي .. ما حلت زين في امتحانها ..
يد غايه : اتصيحين الورق ..؟؟؟..!!.. يعل العين ما تشوفه من امتحان ..
ام غايه : صدقه عمي .. لا تصيحين الورق ..
يد غايه : انا قلت .. تصيح ريال .. ثرها تصيح الورق ..
ام غايه : و هي شو تباهم الرياييل تصيحهم .. ؟؟!!..
يد غايه : وين شو تباهم.؟؟!!.. يوم العيايز يصيحن الرياييل .. ما تبين البنات يصيحن الرياييل .. !!!..
عبيد و هو يغمز لحمد : هههههههههههههههههههههه .. ليش يدي .. منو من العيايز تصيح الرياييل ..؟؟؟..
ام غايه : وهذا يى من معاليه .. يتخبر بعد ..
يد غايه : كلهن .. اتشوف هاي موزه ..
حمد : ههههههههههه .. منو موزه ..؟؟؟..
يد غايه : موووزه .. الله يغربلها .. موزه عيوز راشد ..
عبيد : ههههههههههههههههههههههههههههه .. انزين شو بلاها ..؟؟؟..
يد غايه : من سنين و هي اتصيحنيه .. الا انا ما بغيتها ...
حمد : ههههههههههههههههههههههههههههههه ..
عبيد : ههههههههههههههههههههههههههه ... ليش يدي ..؟؟.
يد غايه بنقه : ليش ؟؟!!!!.. عنبو .. عيوز هايم .. حشاك دقما .. ان عطيتها .. الخلاص .. ما رامت تقرمه ..
حمد : هههههههههههههههههههههههه .. هذا الزين يدي .. عشان ما تعضك ..
يد غايه : انا راعي سمحه .. نش نش .. اقوله دقما يقولي تعضك .. يا عنبو ذا الويه لك ..

و من بعد محايل .. اقتنعت غايه انها تدرس الاحياء .. خلاص باقيه هالماده و من عقبها بتخلص .. و الحمدلله .. الله عوض عليها خير من بعد الكيمياء .. و خلصت الامتحانات الثانويه العامه .. و ما بقالهم الا النتايج .. عساها تبيض الويه انشالله .. العنود من بعد ما خلصت .. من ربشتها .. راحت بيت ختها في هيلي .. بتيلس عندها هالاسبوع و من عقب بترجع .. و غايه مرتبشه .. كل تفكيرها بهالنتايج الي بتذبحها ..

و في بوظبي ..

سعيد : ياخي مرتبشين ..
منصور : افا .. ليش ؟؟..
سعيد : ختيه و بنت عمي ثانويه عامه .. و نبى نعرف النتايج ..
منصور : فالك طيب .. عطني اسمائهن و ارقام جلوسهن .. و انشالله بحاول اظهرهن لك بسرعه ..
سعيد : و الله ..؟؟؟..
منصور : و الله ..
راح سعيد و اتصل بالعنود و خذ منها رقم جلوسها و رقم جلوس غايوه ..
سعيد : اوكي ..ختيه .. العنود حمد .. رقمها 21390 .. و بنت عمي غايه معضد .. رقمها 22675
و منصور يسيف الارقام و الاسماء في تيلفونه ..
و فخاطره .. ميت من الفرحه .. عرف اسمها .. العنووود .. يالله فديتها و فديت اسمها ..
بالاربعا العصر .. من بعد ما رجع مطر من الكليه .. عرف ان العنود عند ختها في هيلي .. كان متكدر .. و غايووه من المله .. تمت فووق راسه عشان يوديها السوق ..
غايه : يدي قول لمطر يوديني السوق ..
مطر : غايوه .. انتي من تروحين السوق ما تتفججين ..
غايه : و الله ما برووح مكان .. برووح صوب عابد بشتريلي قطع حقي و حق العنود و مناك كارفور .. بس و الا ما برووح مكان ..
يد غايه : شعنه .. و الحواي .. ما ييكم هني ..؟؟؟..
غايه : من راغه حمد .. ما تم ايي .. دخيييييييييييييلك مطر ..
مطر : افففففففف .. نشي نشي ..
غايه و هي تلوي عليه : فديت رووحك ..
و ربعت و تلبست .. و راحو العين .. و تنفيذا لاوامر غايوه .. راحو اول شي صوب قوم عابد .. عشان تشتريلها قطع حق الجلاليب الي تبى تخيطهن .. و ما خلت محل و لا دخلته اللين ما طلعت عين مطر معاها .. كانو توهم طالعين من واحد من المحلات .. كانو يمشون .. و واحد يمشي عكس اتجاههم .. و من شاف مطر .. ظحكله .. و اشر بصبعه .. على عينه و من عقب على قلبه و من عقب نزلها .. مثل الي يقول .. من شافتك عيني طاح قلبي ..
و غايه من شافته .. ماااتت .. لالالالا مب معقووله ..
اول نظره من احمد كانت على مطر .. بعدين لا اراديا .. افتر صوب غايه .. الي من شافته طااح قلبها .. و الي ذبحها اكثر شكله و هو يظحك و يأشر لمطر خوها ..

الجزء الخامس ..


*** ماقد عصاني بعيشتي عمري دنياي ... ولوني ابحكي كيف قدر احاكيه ...مادري وش الي جاب هالحظ وياي ... كل من شكيت لشخص لقيتها فيه ***



من شافت غايه احمد .. ما حست انها تقدر تمشي و الا حتى انها توقف .. كانت تتوقعه حلو .. بس .. عمرها ما توقعت او حتى تخيلت انها ممكن في يوم من الايام تكون واقفه جدام احمد بهالقرب .. ما بينهم الا مسافة ذراع !!..

مطر من شاف ربيعه ظحكله ..جان يفتر صوب غايه ..
مطر : غايوه .. وقفي هني شوي بسلم ع ريال و بردلج ..
وقفت غايه .. و راح مطر صوب احمد .. الي ما شاف غايه الا ثواني .. ما حقت نفسه انه يشوف حد من هل ربيعه .. و مب أي ربيع ..

راح مطر و سلم ع احمد ..
احمد : افاااا افاااا .. تخلابنا و تي السوق من ورانا .. لالالالا ..
مطر : ههههههههههههههههههه .. مالي حايه فالسوق .. الا يايب ختيه ..
احمد : ختك ؟؟!!.. و انا اتحسبها الخطيبه ..
مطر : يعني بالعقل .. لو انا عندي الخطيبه بشلها احوطبها فالاسواااق !!..
احمد : و انت منو اصلا بيفج براسها عندك هالخطيبه ..
مطر : سكت .. قسم بالله اني كاره حياتي ..
احمد : افااا .. رب ما شر ؟؟؟..
مطر : السباله عند ختها في هيلي ..
احمد : هههههههههههههههههههههههههههههههههه ..
مطر : انت شو تسوي هني ..؟؟؟..
احمد : يايب ختيه و عيالها السوق ..
مطر : يعني الحال علينا و عليكم ..
احمد : شو نسوي يوم الله يبليك بالحرمات ..

و غايه .. واقفه و بتموت و هي اتشوف احمد و تسمع سوالفه مع خوها .. لالالا هالانسان مب معقوول .. ثواني و ان مطر راد صوبها .. فاللحظه الي افتر مطر صوبها و هو يمشي .. رفع احمد عينه لا اراديا صوب غايه .. فهاللحظه .. حست ان عينه طاحت في عينها .. ثواني و هو يتأملها .. مطول ظفورها ..
مطر : هاه العيوز .. وين تبين اللحين ؟؟..
غايه و هي تحاول تركز : شو ..؟؟؟... و هي تأشر .. بنرووح ذاك المحل ..
مشت هي و مطر .. و احمد كان بعده واقف مكانه .. هي تعمدت ترووح ذاك المحل بس عشان تقدر انها اطوف من عدال احمد .. و اتشوووفه زووود ..
مطر و هو يمشي و قده عدال احمد : اقووول ما عندنا خرده .. رد عقب ..
احمد : ههههههههههههههههههههههه .. عنلالالاتك ..
و غايه اتشوفه و فاجه ثمها .. و لا هب منتبهه لعمرها و هي تمشي .. و في لحظه داست بكعبها على طرف عباتها .. و لا حست بعمرها الا و هي اتطييح ..
بس الله رحمها و تداركت الوضع و مسكت في كتف مطر خوها ..
احمد : سلمتي الشيخه ..
و غايه منحرق ويها .. يعني ما اتخرطف الا جدامه ؟؟!!!! .. يالفشله ..
مطر و هو يفتر صوبها : حوووووه شعندج ..؟؟؟؟..
و غايه مفتشله و لا تريد انها تتكلم .. تريد الا ترووح بعيد عنه .. حشى جن اول مره يشوفني .. و من شافني بغيت اطيح ع ويهي .. يالفشله .. و هذا مطر سبال يالس و يعلق ..

غايه بصوت واطي و هي تسحب مطر من كندورته : خلنا نروووح ..
مطر بصوت عالي : شو ماتبين ترووحين ذاك المحل .. ؟؟!!!..
و احمد واقف و يطالعهم .. و لو ما المستحى من مطر جان ضحك ع شكل غايه ..
غايه : ارجووك مطر .. تحرك ..
مطر : انشالله ..
و راح مطر و غايه و ركبو السياره و بعدين راحو صوب كارفور .. عند دخلتهم كارفور ..
مطر : انتي وين تبين ترووحين ؟؟..
غايه : اريد الطابق الثاني .. اريد اتشرالي من هناك شوية اشياء ..
مطر : اوكي .. انتي ركبي و انا بدفع عن تيلفوني و بلحقج ..
راحت غايه صوب الدري المتحرك و راحت الطابق الثاني .. و مطر تم تحت عدال البوابه يدفع عن تيلفونه فالمشين مالت الاتصالات.. اول ماوصلت غايه الطابق الثاني .. مشت تريد ترووح صوب المحلات .. ف طافت من جدام باحة المطاعم و الكوفيهات ..
كانو كذا مجموعه من الشباب يالسين .. و كذا واحد يلس يعلق عليها .. نشو ثنينه من الشباب .. و تمو يلحقونها .. و يعلقون ..
الاول : الساع ما يستحون من هالغرشوب مخلينها بروحها ..
الثاني : آااه يا ويل حالي من هالعرضه .. اسميني ما ببات الليله من ريتج ..
و غايه من الخوف و الربشه .. كانت تمشي و لا هب عارفه هي وين ترووح ..
الاول : لا تربعين لا تربعين .. حورتيبنا شرق و غرب ..
و فهاللحظه رن تيلفونها ..
و من الربشه تاخرت غايه اللين ما ردت عليه ..
غايه : الو ..
مطر : وين انتي ..؟؟؟..
غايه و هي تتلفت و مرتبشه : مادري .. ف زاويه جذيه شوي معزوله عن المحلات ..
الثاني : لا حوول .. شكلهم معلقينها ..
و مطر يرمس غايه و في نفس الوقت يدورها .. و لمحها من بعيد ..
مطر : هيه اشوفج .. برايج ..
غايه : برايك فديت رووحك ..
الاول : ياويل حاااااااالي ..
و الله رحم غايه ان مطر قد سكر قبل لا يسمع هذا و هو يرمس ..
ثواني و انها تمشي صوب مطر و مطر يمشي صوبها ..
انصدم واحد من هالشباب من شاف مطر .. لانه يعرف مطر .. !!.. معقوله يكون مطر مواعد وحده من البنات ؟؟!! .. و الا هذي وحده من هله ؟؟..
غايه من شافت مطر مشت بسرعه صوبه .. من بعدها راحو المحلات و تشرت غايه الي تباه و من عقب راحو صوب الجمعيه تحت عشان يشتروون .. و من بعدها طلعو من كارفور .. هالاثنين الي كانو يلحقون غايه .. كانت منتبهتلهم انهم بعدهم وراها .. بس من بعيد .. و كل ما يصد مطر كانو يفترون الصوب الثاني .. ما رتاح ذياب اليين ما تأكد من ان هذي الي عند مطر وحده من هله $ ذياب .. واحد من الاثنين اللي كانو يعلقون ع غايه فالمول .. من هل بدع زايد .. و يعرف هل غايه .. و من بينهم نسب .. عمره 26 سنه و يشتغل في مركز الامارات للبحوث و الدراسات الاستراتيجيه .. $

في بوظبي ..

منصور : تسلم الشيخ ..
و سكر منصور و هو فرحااان .. الحمدلله .. باجر بعرف نتيجة العنود و شو سوت في امتحاناتها .. و من فرحته .. راح لمنال خته و قالها ...
منال : يالله اسمها العنوود !! .. حلو ..
منصور : باجر بيييبولي نسبتها ..
منال : هي ادبي و الا علمي ؟؟..
منصور : لا ادبي بنت عمها علمي ..
منال و هي تبتسم : الله يوفجهن انشالله ..
منصور : قلت لميسون تسويلي هديتين لهن ..
منال و هي مستغربه : لا و الله ؟؟..!! .. و باي صفه ؟؟..
منصور : مادري .. بس ما روووم .. ماقدر اني ما اهاديها و هي ناجحه ..
منال : حبيبي منصور .. تكلم بعقل .. هاذيل ناس بدووو .. ما عندهم هالسوالف ..
منصور : اوكي بقولهم انها منج لهن ..
منال : بس انا ما اعرفهن .. !!
منصور : انزين شو تبيني اسوي .. و الله هالشي مب بيدي ..
منال : لهالدرجه تعلقت بها ..؟؟؟!!!!!!!!..
منصور و هو يهز راسه : مادري .. مادري .. هالبنت فيها شي مب طبيعي جلبتلي حياتي فوق تحت ..
منال : يالله عسى ربي يجعلها من نصيبك انشالله ..
منصور : الله يسمع منج انشالله ..

بالخميس الصبح .. احتشر مطر ع غايه عشان تتصل بالعنود و ترد البيت ..
العنود : قولي لخوج .. دامني في بيت بويه ماله كلمه عليه .. كييييفي ..
مطر : ردي لا والله ايييج و امطج من كشتج ..
العنود : قوليله ادلها جبرة السمج .. رووح بيع خس فيها ..
غايه : حرااام عليكم .. جنكم موعيني من رقاادي ع هالوجعات الي شرات ويووهكم ..
العنود : قولي لخوج السبال .. العنود اتقوولك .. كيفها مواااطنه و عندها الجواز .. هو ماله دخل بي ..
مطر و هو يشل الموبايل من غايه : ايييييييييييييييييه .. و الله يا ان ما ظويتي الليله لا اييج هناك و خلي قوم بو صفقه ينفعونج ..
العنود : لو سمحت لا تسب و احترم نفسك ..
مطر و هو يقطع رمستها : جب .. والله والله يا ان صليت المغرب و لا ريتج فالبيت .. لا ادبل عليج وحده ..
العنود : تخسي ..
مطر : اخسي !!؟؟.. ما عليه .. بنشوف منو بيخسي .. و سكر التيلفون في ويها ..
غايه و هي تتلحف : هذا الزين .. دام انكم متواجعين بفتك من حشرتكم ..
طلع مطر من عندها و هو معصب ع العنود .. عنلاتها مصدقه عمرها هذي السباله ..

من عقب ما صلى مطر المغرب .. رد البيت و تسبح و تلبس و راح بوظبي عند ربعه .. و نسى سالفته مع العنود .. و العنود .. ما ردت سويحان و تمت في هيلي عناد في مطر ..

باليمعه .. من عقب الغدى .. راح مطر صوب غايه .. لقاها فالمطبخ تعابل الدونات ..
مطر : عاشوو .. العيوز فالمطبخ ..!!
غايه : عيز حيلك ..
مطر : هههههههههههههههههههههههههه .. شعندج ؟؟..
غايه : مطووووووووور زووول ..
مطر : افا ازووول .. و اهون عليج ؟؟؟..
حمد : غايه .. نشي يدج يباج ..
غايه : شو يبى ..؟؟؟..
حمد و هو ياخذله من الحراره حبة دونات : مادريبه ..
رد مطر و خذله حبة دونات بعد ..
غايه : مطووووووووووووور ..
مطر و هو يغص مسكين بالدونات : خييييبه .. وقفت العيشه في نص حلجي ..
غايه : يله غلامين برى برى ..
و ان عبيد داخل عليهم بالفالينه و الوزار و في ايده كندورتين .. وحده نيليه فاتحه و الثانيه بيج ..
عبيد و هو واقف برى المطبخ التحظيري : غايووه شو ألبس ..؟؟؟..
غايه و هي ترفع راسها لسمى : اشهد ان اله الا الله ..
مطر : بوشهاب .. الشرده نص المريله ..
حمد : و يعلها في حلج عبيد ..
عبيد : شو السالفه ؟؟!! .. انا ما سويت شي ..!!! ..
غايه و هي تصارخ : طلعوووووو برى ... طفرتووووووووبي ..
حمد : اييييه .. لا تصارخي ..
مطر : عنلاتج من بنت ..
عبيد و توه انتبه لدونات : الله دوناااات .. و توه بيدخل المطبخ بيسير صوب الحراره بياخذله ..
غايه : عبووود حرام يا ان دخلت لا افلعك بهالملاس بين عيوونك ..
عبيد : شووو هالظلم !! .. هالسبلان كل واحد تارسله مخباه و انا محرمه عليه الذوق ..!! ..
و ع حشرتهم ياهم يد غايه ..
يد غايه : حسبي يالله عليكم من مجلع .. لا تقيلوون و لا تخلوون حد يقيل ..
غايه : يدي قووولهم يطلعون برى طفروبي ..
يد غايه : اوص .. الله يكره هالصوت .. عنبو .. ماذكرتيني الا بكنه .. دومه صوتها يلعلع ..
حمد : يدي مني كنه .. ؟
يد غايه و هو يحرك ايده : وحده عيوز رامه ..
عبيد و هو يتسحب بياخذله ..
مطر : غاييووووه .. لحقي عبووود بيسرق ..
عبيد و هو يفز من صريخ مطر : عنلالالاتك ..
حمد : انتي لمنو تعابلين هالفواله ..؟؟؟..
غايه : ربيعاتي بيني اليوم ..
عبيد و هو يغايض مطر : الا غايوه .. عنوده ماردت من هيلي ؟؟؟؟..
مطر : و انت شولك تتخبر عنها ..؟؟؟..
و فهاللحظه كان يد غايه يالس عالكرسي الي عدال الطاوله الي عليها حرارة الدونات .. و يوم شاف غايه مرتبشه بخوانها .. خذله حبه .. كانت غايه توها حاطيتنها .. و هو خذها بسرعه عشان ما تشوفه و تهزبه شرات خوانها .. بس كانت حاره ف حرقت صبوعه ..
يد غايه و هو يفر الدونات من ايده ع الطاوله من بعد ما حرقته و هو معصب : الله يغربلكم .. حرقنا ..
عبيد : ههههههههههههههههههههههههههههه ..
حمد : عشان تحرم تسرق .. هههههههههههههههههههههههههههههههههه ..
يد غايه و هو يتناول الكوب و يفر حمد به : انا اسرق مسود الويه .. برى برى ..
و حمد بحركه سريعه عشان يتفادى الكوب .. نط .. و كان عبيد واقف بكناديره في يده .. جان ينط حمد ع وحده من كنادير عبيد ..
عبيد : حووووووووووووه خيست الكندوره ..
غايه : حرام عليكم .. و الله بصيييح .. طلعووو برى ..
مطر : لالا لاتصيحين ما عندنا كنينكس لج ..
حمد : ههههههههههههههه .. لا بنعطيها وزار عبوود ..
مطر : لالا فضيحه .. شو رايك بكندورته هذي ..
عبيد : شووووووووووووووو ؟؟.. لا لا .. ورد صوب حجرته ..
غايه : و انتو يله فارجو ...
مطر : انا برووح اتلبس احسن لي من مجابل هالشيفه ..
حمد : برووح انام ..
و الكل طلع و محد تم الا غايه و يدها .. الي يالس و يتريا الدونات تبرد عشان ياكل ..
غايه : يدي فديتك .. رووح نام ..
يد غايه و هو يطالع الدونات : شووو !!؟؟.. لا لا .. انا بيلس هنيه بونسج ..
غايه : لا فديتك .. نش قيل حط راسك و استريح ..
يد غايه : لا لا .. بيلس عندج ..
غايه : فديتك الغالي تعب عليك اتم يالس ع هالكرسي الظهر .. رووح انسدح و انا من اخلص بييك ..
يد غايه و هو ينش : يعني بلاج .. تتحسبيني يالس عندج اريد اااكل من هالخبز ( و يمسك الدونات بيده .. ) لا لا ماباه خبزج
غايه : لا فديتك ..
يد غايه و هو يقطع رمستها : لالا ماباه خبزج .. لو حلفتي .. ما باكله ..
غايه : يدي فديييت رووحك .. انا مسويه عليك .. و حانيتنك من اليلسه ع الكرسي فالمطبخ ..
يد غايه و هو يرجع و يمسك الدونات : اتشوفينه خبزج هذا .. لو حلفتي لو حلفتي .. ما كلته ..
غايه : لا و الله .. مسواي لك .. و جنك ما كلت .. بنعقه ..
يد غايه : لالالا وين تعقين هالخبز التمام .. حرام بنتي .. نعمت ربج ...
راحت غايه و حطت ليدها كمن حبه من الدونات في صحن ..
غايه و هي اتقود يدها بطلعه من المطبخ : تعال فديتك بوديك الصاله ..
يد غايه : لا لا ماعليج .. انتي عطيني الصحن و عابلي فوالتج ..
و خذ منها يدها الصحن و راح عنها .. و ردت غايه و كملت شغلها فالمطبخ .. ع العصر راح مطر الكليه .. و من بعد صلاة المغرب رجعت العنود بيت هلها هي و فاطمه ختها و عيال فاطمه ..

بالسبت ع الساعه 11 الضحى .. اتصل منصور بسعيد الي كان في دوامه في جازكو ..
سعيد : الله حيبه ..
منصور : السلام عليكم ..
سعيد : و عليكم السلام مرحبا الساع ..
منصور : شحالك بو عسكور ..؟؟..
سعيد : بخير يعلك الخير ..و من جداك ..؟؟..
منصور: طيب طاب حالك ..
سعيد : يا مرحبا الساع ..
منصور : بو عسكور ..
سعيد : لبيه ..
منصور : لبيت حاي .. يايبلك بشاره ..
سعيد : بشارة شو ..؟؟؟..
منصور و قلبه يدق بالقو : ختك .. ( ماقدر انه ينطق اسمها ) ..
سعيد : بشر .. شوف جنها ما يابت نسبه اوكي .. امره لا تطريها لي ..
منصور : لا ماشالله عليها بيضت الويه بنت حمد ..
سعيد : هاه بشر ..
منصور : 97.5
سعيد و هو مستغرب : حلف ..؟؟؟..
منصور : هههههههههههههههه .. و الله ..
سعيد : انزين و غايوه ..؟؟؟...
منصور : 91.9 الا مب متأكد من نسبة بنت عمك ..
سعيد : ههههههههههههههههههههههه .. هب هينات هالبنات .. انا ماقلت بيفلحن ..
منصور : لا افا عليك .. بيضن الويه ..
سعيد : برايك عيل .. بتصل ابشرهن ..
و سكر سعيد عن منصور و اتصل بالبيت في سويحان و قالهم .. و العنود و غايه نايمات و لا يدرن عن شي ..
دخلت لطوف عليهن ..
لطوف: أنوووووووووووووده .. يدوووووووه ..
و العنود دهمانه ..ناشه ع صريخ لطوف بنت خوها معضد : شو فيج ؟؟؟؟..
جان ادش عليها حرمة خوها معضد : عنووود مبروووك نسبتج 97.5 ..
العنود و هي منصدمه : منو ..!!!!.. ؟؟؟..
و ان ام العنود داخله و هي ترمس فالموبايل و تصيح : فدييييييييييييييييييتها بنت حمد .. بيضت الويه ..
و العنود بعدها منصدمه من الي تسمعه : شوووو ..؟؟...
و فاطمه ترمس فالتيلفون .. و العرب مرتبشن .. و العنود بعدها ما استوعبت الي تسمعه ..
سالم ولد خوها معضد : غريبه .. جن عنود الغبيه يابت 97 عيل انا الذكي كم بييب ..؟؟؟..
حمد ولد فاطمه : لالالالا .. في تطور فالعايله .. اذا عنوده يايبه 97 عيل مريوم ختيه بتيب 100 ..
سالم : لالا مالكم امل ..
العنود و هي تفر شعرها عن ويهها : لحظه شو مستوي ..؟؟؟..
لطوف و هي تنط ع الشبريه : بلووووووووووووح بلووووووووووووح ..
و ان غايه ياييتنهم و هي تربع ..
غايه : ايييه .. منو قالكم ..؟؟؟.. حلفو انكم ما تجذبون ..؟؟؟..
ام غايه و هي حادره ورا بنتها : هاه بشرنا ..؟؟؟..
ام العنود : توه سعيد مسكر عنا .. قال العنود يابت 97.5 و غايه يابت 91.9
فهاللحظه استوعبن الوضع .. و تمن يتصايحن .. و انجلب البيت فوق تحت .. و التيلفونات ما وقفت .. و الكل يبارك و يهني ..
و غايه اول شي سوته انها اتصلت ببوها في باكستان و كلمته ..
غايه : بووووووويه نجحت ..
بوغايه : مبرووك مبرووك .. الا كم يبتي ..؟؟؟..
غايه : احم احم .. 91.9
بو غايه : ماشالله .. لالا لج الي تبينه يوم انج بيضتي ويهي ..
فهاللحظه مطت العنود التلفون من عند غايه و كلمت عمها
العنود : عمي حتى انا نجحت ..
بو غايه : عاد منو انتي ..؟؟؟..
العنود : يالله ياعمي ما عرفتنيه .. لا زعلت ..
بوغايه : مرحبا الساع بشيخة البنات .. مرحبا بنت حمد .. هاه بشري ..؟؟؟..
العنود : يبت 97.5
بو غايه : ماشالله .. لا الساع بيضتن ويها .. مره لكن الي تبنه ..
هاليوم ما ينسى لا لغايه و لا للعنود .. فهاليوم الله توج تعبهن و سهرهن طول الليالي بهالنتيجه الطيبه .. بالاحد الصبح طلعت نتايج الثانويه .. و راشد ياب 70.8 و الكل انصدم من نسبته هذي .. الكل كان متوقعله فالخمسين .. بس هو كسر كل التوقعات .. و شمسه يابت 80.3 .. هاليومين .. ارتبشو فيهن العرب وااايد .. بين التهاني و التبريكات .. و البنات راحن يتشرن هدايا لربيعاتهن ..

في بوظبي ..

كان عبيد في فلة عيال عمه في بوظبي .. و اتصل بسعيد عشانهم متفقين يروحون السوق يتشرون لخاواتهم هدايا النجاح ..
سعيد : اوكي انت خطف صوبي ..
و راح عبيد و تلبس و تكشخ و راح لسعيد الدوام .. و نزلو من جازكو ..
سعيد : اول شي بنخطف صوب عبدالرحمن في ادنوك و بعدين بنخطف ..
و راحو ادنوك ..
و هم في الهول عند الاستقبال .. كان سعيد يكلم السكيرتي مال المبنى .. فهاللحظه .. دخلن ثنتين المبنى و هن يتظاحكن .. افتر عبيد صوبهن .. كانت وحده شوي متينه و قصيره متحجبه .. و وحده ثانيه منقبه .. طول بعرض .. شيوخيه في مشيتها .. من شافها عبيد ماقدر انه يفتر عنها .. و هي طافت عادي و لا افترت صوبه حتى ..
نوره : يزوووي .. شوفي هذا محلاته ..؟؟؟..
افترت اليازيه صوب عبيد .. و شافته بنظره سريعه جان تفتر عنه .. و عبيد فاج ثمه و يشوفها .. مب عيون عليها من حلاتهن .. فهاللحظه كانن توهن واصلات عشان يشخطن ببطايقهن عشان يدشن .. فاللحظه الي كانت اليازيه ادور فيها بطاقتها .. طاح سويج سيارتها من ايدها ..
جان يخر عبيد عليه و يشله قبل لا هي توخي : سلمتي
اليازيه : ربي يسلمك ..
عبيد و هو يمد بايده السويج و يطالعها : تفضلي الشيخه ..
اليازيه و هي مستحيه من نظراته : مشكور ..
عبيد و هو بعده يطالعها : واجبكم علينا الشيووخ ..
و سعيد واقف و يترياه يخلص ..
من عقب راحن اليازيه و نوره و تم عبيد واقف و يشوفها و هي تركب الدري ..
عبيد : آاااه ..
سعيد : لا و الله ..؟؟؟!!!..
عبيد و هو يفتر صوب سعيد : شوووو ..؟؟!!!!!...
سعيد : سلامت رووحك .. يله ..
عبيد : شو بنركب .. و اشر ع الدري الي راحن فيه البنات ..
سعيد : لا حبيبي .. بنروح من هالصوب .. و اشر ع بوابة الخروج ..
عبيد : ليش انت ما قلت بتشوف مادري منو ..؟؟؟..
سعيد : هو بيلاقينا فالمارينا .. نش
و طلعو من ادنوك و راحو صوب المارينا ..
راحو صوب اريج عشان يسووولهم تشكيلة هدايا من عطور و شنط و هالسوالف و من عقب راحو الكوفي .. فهاللحظه اتصل منصور بسعيد ..
منصور : وين انت ..؟؟..
سعيد : مزوغ من الدوام فالمارينا ..
منصور : ههههههههههههههههههههه .. منو عندك ..؟؟..
سعيد : عبيد ولد عمي ..
منصور : شو ترقمووون ..؟؟؟..
سعيد : لا يا ريال .. يايين نتشرى هدايا لخواتنا ..
منصور : ممممم .. بوعسكور .. عاد السموحه منك ..
سعيد : رب ما شر ؟؟..
منصور : ما من شر .. الا انت خويه .. و خواتك خاواتي .. و انا و الله اني فرحت بنسبهن شراتك و زووود ..
سعيد : ما تقصر و الله ..
منصور : عاد السموحه منك .. ختيه اشترتلهن هدايا .. و طلبت مني اني اوصلهن لك ..
سعيد و هو مستغرب .. : ممممم ..
منصور : انا قلتلها ماظني بيقبلونها لانج ما تعرفينهن و لا تشاوفتي وياهن .. الا هي قالت محد يرد الهديه ..
سعيد و هو يوخي براسه : لا صدقها .. محد يرد الهديه ..
منصور و هو فرحان : خلاص عيل .. انا بقولها .. و بخليها اطرشهن لي و بييبهن لك اليوم فليل في البيت ..
سعيد : خلاص عيل بنترياك ..

بالثلاثا فليل رجع سعيد و عبيد سويحان و كانو شالين هداياهم معاهم و هدايا منصور للبنات .. شل عبيد هدايا غايه و وداهن لها و سعيد شل هدايا العنود .. غايه و العنود .. ماتن ع الهدايا و خاصتن هدايا منصور .. لانهن مطلوبات طلبيه من لندن .. لان هالعطور و السوع مب موجودات فالبلاد ..

بالاربعا رجع مطر .. و طار من الفرحه ع هالنسب .. و لا هنى غايه و لا العنود .. من نزل تسبح و من عقب راح دبي عشان يشتريلهن هداياهن ..

تواعد هو احمد .. في دبي و من عقب راحو عشان يشترون الهدايا ..
احمد : يعني انت شو بتشتري ..؟؟؟..
مطر : مادري ..
احمد : روح باريس جالري و اتشرالهن عطوره و فكنا ..
مطر : لالالا .. مابا .. اريد اشتريلهن شي يرزى ع هالنسب الطيبه ..
احمد : انا انصدمت بنسبة خطيبتك ..؟؟؟..
مطر : ليش عاد ..؟؟؟..
احمد : ثرها ما تحبك ..
مطر : و شو دخل الحب بالنسبه اللحين ؟؟!!!..
احمد : لو تحبك جان باتت تهويسبك .. ما باتت تذاكر ..
مطر : هيه صدقك .. حتى انا و هي كنا متواجعين في ذيج الفتره ..
احمد : شفت .. اقولك ما تحبك .. و الا جان ما ذاكرت .. و لا يابت هالنسبه ..
مطر : عنلاتها .. لا عيل بتبطي ما يبتلها هديه ..
احمد : هذا الشور الزين .. و عطني انا فلوس الهديه ..
مطر : لا و الله ..؟؟؟.. !!!!..
احمد : حليلي .. كراسي مكينة سيارتيه منكسرات .. ماعندي فلوس اصلحها ..
مطر : بتبطي ..

عالساعه 2 الصبح كان مطر توه ياي من دبي .. و كانت غايه عند العنود في بيتهم .. اتصلبها مطر ..
مطر : غايووووه وين انتي ..؟؟؟؟..
غايه : في بيت عمي .. ليش ؟؟؟..
مطر : تعالي اباج ..
غايه : انشالله ..
و سكر مطر
العنود : يالله عليه .. كيف زام بخشمه .. !!!
غايه و هي تنش بتلبس شيلتها : حراام عليج ..
العنود : شو حرام عليج .. الحمار .. حتى ما باركلي ..
غايه : اوكي نشي عندي ..
العنود بلهفه : هو طلبني ..؟؟؟؟؟..
غايه : لا .. بس تعالي عندي مافيني رقاد ..
و هن طالعات من بيت قوم العنود .. كان راشد توه خاطف .. و من شافهن .. تم يمشي بشوي شوي ..
غايه : اريد اعرف هالسبال ما يعيز .. ما يتعب .. اففففففف منه .. طفربي ..
العنود : العاشق الولهان ..
غايه : وع .. من حلاته هالدب ..
توهن داخلات الصاله و لقن مطر منسدح عالكرسي و يشوف المصارعه الحره ..
غايه : السلام عليكم ..
افتر مطر براسه صوبها .. و من شاف العنود .. رجع و شاف التلفزيون ..
مطر : و عليكم السلام ..
غايه و هي تفتر صوب العنود الي كانت تبى ترجع بيتهم : ايييه وين تبين صبري ..
و مطر منسدح و قلبه يدق .. عنلاتها محلاتها و هي مكحله عيونها ..
غايه : مطر تبى مني شي قبل لا ادخل حجرتيه ..؟؟؟..
مطر : لا بتلقين هديتج فحجرتج ..
غايه بفرحه و لهفه : و الله ..؟؟؟؟..
و ربعت حجرتها عشان تشوف الهديه .. و كانت ساعه رهييييييييييبه مع عطوور .. و خاتم من داماس يذبح ..
العنود : يالله ماهان عليه يقولي مبروووك حتى .. مالت عليه مابا منه شي هالزطي ..
جان تفتر العنود بترووح بيتهم ..
غايه : ايييه تعالي وين بتروحين ..؟؟؟..
العنود و هي تمشي : مالي خاطر اتم اكثر ..
غايه : و الله ما تروحين .. و هي تعق الخاتم من ايدها .. اللحين براضي من بينكم ..
و نشت غايه .. شوي .. و سمعو شي يطيح .. كان مطر مندس ورى الباب يتسمعهن شو بيقولن .. و من سمعهن بيطلعن ربع عشان ينسدح مكانه .. و ارضية الصاله رخام .. ف زلجت ريله و طاح ع الكرسي و طاح الريموت من ايده ..
غايه : شو الي استوى ..؟؟..
مطر و هو اونه مب مسوي شي : شو ..؟؟؟. لا ماشي ريت قطوه جان افر الريموت عليها ..
غايه : لا و الله ..؟؟؟..
مطر : جب جب .. و يالس و يهمز ريله مكان ما ألتطمت بالكرسي ..
غايه : مطور .. شو بلاك ؟؟؟..
مطر : ماشي ..
غايه : شو ما يبت لعنود هديه ..؟؟؟؟..
مطر و هو يرفع عينه ع العنود الي كانت تلعب بمخدة الكرسي ..
مطر : جنها تباها ترووح تاخذها من حجرتيه ..
جان ترفع العنود عينه عليه : ماباها .. خلها لك ..
مطر و هو يفتر عنها : كيفج ..
غايه : انزين انت شو يبتلها ..؟؟؟..
مطر : ما يخصج ..
غايه و هي تسحب العنود : اوكي ..
العنود : اييييه ..
جان تسحبها صوب حجرة مطر .. و دخلن الحجره و لقن كيسة داماس ع الشبريه ..
جان ترووح غايه صوبها ..
العنود : انتي ليش جذيه دفشه ..؟؟؟.. قلتلج ماباها هديته ..
غايه : انزين و انا ما قلتلج خذيها .. بس بنفتحها و بنشوفها ..
فتحت غايه الهديه و العنود عيونها عليها .. اتريد اتشوفه شو يابلها ..
كانت عقد من داماس رهيب

من شاافتهن العنود سكتت ..
مطر : الفال اشتريلج عقد عرسنا انشالله ..
افترت العنود صوب مطر .. ف ثانيه طاحت عينها في عينه ..
يالله فديت رووحه .. و الله انك غالي و محد يسواك عندي ..
و مطر قلبه يدق بالقو .. يحس الشكر الي ما نطقتبه شفاتها .. عيونها تنطقبه .. و تنطق بزووود عن الشكر ..

بعدها بيومين ..
في بوظبي ..

منصور : منال شو اسوي ..؟؟؟..
منال : مممممممممم .. مادري و الله .. يعني لو هن البنات اين بوظبي بتعرف عليهن .. بس هن بنات بدو ما يروحن بوظبي ..
منصور : اوكي و الحل .. ؟؟؟..
فهاللحظه اتصل واحد من الدوام بمنصور .. يطلب منه الموافقه ع الاجازه لانه بيسافر العمره ..
من بعد ما سكر ..

منال : لقيتها .. العمره ..
منصور : العمره ؟؟؟.. !!!!! ..
منال : اشوفها فالعمره ..
منصور : مافهمت عليج ..
منال : انا من زمان و انا اقولك تودينا العمره .. بس انت ما تفضى ..
منصور : انزين ؟؟؟..
منال : ماشي كلم خوها .. و اتفق معاه اتروحون العمره مع الاهل ..
منصور : صدقج .. اللحين بتصلبه ..

الجزء السادس ..


***جنوب و اشمال شرق و غرب توهمني جهاتي اربع و انت الخامسه تكمل توهتني في غرامك ليت تفهمني بعثرتني ليت افهم وين انا بوصل ***


سعيد : هلا و الله بالراهي ..
منصور : مرحبتين .. شحالك ..؟؟؟..
سعيد : بخير يعلك الخير .. و من صوبك ..؟؟..
منصور : بنعمه .. وين انت اللحين ..؟؟..
سعيد : انا فالبيت .. شو بتينا .؟؟..
منصور : منو عندك ..؟؟..
سعيد : محد ..
منصور : خلاص عيل .. انت تعال ميالسنا ..
سعيد : فالك طيب .. الا خلهم يزهبولنا عيشه عدله .. هالج يوووع ..
منصور : هههههههههههههههههههههه .. ما عليه انت تعال و بخليهم يسولك عيشه ..
و سكر عنه ..
منصور : منال غناتي .. سوولنا اكل ..
منال : اكل شو ؟؟.. الحين مب حزت غدى و لا عشى ..
منصور : لالالا .. أي شي .. خفايف ..
منال : انشالله ..
و طلعت عنه و راحت المطبخ التحظيري و كلمت الخدامات عشان يسون فطاير و كيك و كوراسون .. و يودونه الميالس ..

هالوقت في سويحان .. كانن البنات مرتبشات .. و يكتبن قائمه بشو لازم يسون عشان الجامعه ..
غايه : عنوووده .. شو بدشين ؟؟..
العنود : مادري .. تعرفين انا كنت حاطه تربيه .. ما كنت اتوقع اني بيب نسبه اوكي ..
غايه : عنلالالاتج .. طلعتي بنت الابله ..
العنود : بسم الله عليج ..
غايه : شوفي .. المهم .. ماينفع .. لازم انا و انتي نكون مع بعض ..
العنود : لا و الله ..؟؟؟..
غايه : و الله ..
العنود : يوم انتي علمي و انا ادبي .. وين بنكون مع بعض ؟؟!!..
غايه : بندش كليه تقدرين ادشينها ..
العنود : مثل ؟؟؟..
غايه : اداره و اقتصاد ..
العنود : غايووه خافي ربج اداره صعبه ..
غايه : اوص جب .. ماشي صعبه ..
العنود : لا صدق .. انا ادبي ما بمشي فيها .. انتي كديدت رياضيات بتمشين في أي كليه ..
غايه : عنووووود حرام عليج .. بنتعاون عليها ..
العنود : ممممممم ..
غايه : ايييه .. ان ما سجلتي عندي في اداره ما بخليج تاخذين مطر ..
العنود : لا و الله ؟؟ّ!!!.. استريحي انتي و خوج ..
غايه : اونه .. و لا جن الحبيبه تمووووووت ع التراب الي يدووسه ..
العنود : آاااه يعني افدى ارض ٍ وطاها بو غيث ..
غايه : آااااااااه ..
العنود : بعدج تفكرين ف احمد ..؟؟؟..
غايه و هي تنزل راسها و ترفع خصله من شعرها ورى اذنها : ليش ثرني متى نسيته ..
العنود : غايوووه .. انتي صدق تحبينه ..؟؟..
غايه : الا اعشق احظوره .. اعشق اغيابه .. ما تتصورين هالانسان شو بالنسبه لي ..

نفس اليوم ع الساعه 11:23 في فلة قوم منصور ..

منصور : تعرف .. خاواتي يبن يرووحن العمره في هالاجازه ..
سعيد : و الله هذا الزين ..
منصور : بس انت تعرف .. الوالد و الوالده متوفين .. و لازم انا اروح معاهن ..
سعيد : و ليش ما يحرمبهن حامد .. ؟؟..
منصور : حامد .. !! .. يا ريال هذا هايت في كل دار .. بيروحبهن بيفرهن فالفندق و بيودرهن برووحهن ..
سعيد : الله يهديه ..
منصور و هو منزل راسه : تصدق ساعات احس اني انا سبب ضياعه ..
سعيد : منصور .. انت ما قصرت بخوك و خاواتك .. نشيتبهم و نشيت بحلالكم .. عنبو طالع شعرك شاب قبل المشيب ..
منصور و هو يلعب بشعره : ههههههههههههههههههههههه .. خاف ربك .. مافيني الا شعرتين بيض ..
فهاللحظه رن تيلفون منصور .. جان ينش عن سعيد و ظهر برى ..
فهالوقت .. كانت منى توها راده البيت .. راجعه من بيت عمتها .. و ماشافت سيارة سعيد .. لانه موقفنها برى الفله .. و منى قبل لا تدخل البيت .. شافت ليتات الميالس مشتغله .. تلفتت فالحوش .. اذا في حد ممكن يكون فاليالس عند خوانها بس ما لقت سياره غريبه .. فراحت صوب الميالس .. كانت في غرفه في اول الميالس زجاجيه .. و بعدين الميالس و ما يفصل من بينهم الا حاجز صغير مزخرف من الحديد ع الاطراف .. و الي فالميالس يشوف أي حد في هالغرفه الزجاجيه .. دخلت منى .. و مشت فالممر صوب الغرفه الزجاجيه عشان تروح الميالس .. كانت لابسه كعب .. فسمع سعيد صوت نعالها و هي تمشي ع الرخام .. فرفع راسه .. و شاف منى .. الي كانت فهاللحظه عند باب الغرفه الزجاجيه موخيه و تعق نعالها ..
منى و هي بعدها موخيه : منصوووووووووووور .. لازم اعق نعالي عند كل دخله و طلعه فهالميالس ..؟؟؟..
و سعيد صاخ .. هذي شعندها تصارخ !!..
منى و هي ترفع راسها : اكره قوانينك الي مالها داعــ.... فهاللحظه سكتت .. واقفه وتشوف سعيد .. و سعيد ما عرف شلي ما خلاه ينزل عينه ..
منى : انت مب منصور ..!!! ..
هز سعيد راسه بمعنى لا ..
منى و هي بعدها اطالعه : منصور .. ااااااااااااا ..( و هي تصارخ) .. منصور بيذبحني .. جان تفتر و تربع ..
و سعيد منصدم .. جان يضحك .. ثواني و انها رجعت ..
منى من بعد ما وخت وخذت نعالها.. و ماسكتنه في ايدها اليمين : نعالي .. نسيته .. و رجعت تربع .. و هي لابسه نعال و الثاني في يدها ..
و سعيد ميت من الظحك على شكلها .. و عند دري الفله .. كان منصور توه طالع و في ايده اوراق .. و منى يالسه و تتحرطم ..
منصور : بلاج ..؟؟!!..
فزت منى من سمعت منصور : منصور ..!!!!..
منصور : بسم الله شوفيج ...؟؟؟؟؟!!!!!..
منى و هي تاشر بالنعال في ايدها : لا ماشي .. كنت توني يايه من بيت عموووه .. و منصور يشوف النعال في يدها ..
انتبهت منى ان النعال في يدها ..
منى و هي مرتبكه : هذا نعالي ..
منصور : اها .. و النعال يمسكونه باديهم في ويه العالم .. و الا يلبسونه في ريولهم ؟؟!!!!! ..
منى و هي تعق النعال : شو .؟؟!!.. نسيت ..
منصور : لا انتي مب طبيعيه .. و خطف عنها و راح الميالس عند سعيد .. الي كان ميت من الظحك على شكل منى .. سكت سعيد عن السالفه .. و تمو سهرانين و من عقب راجع فلتهم الي في بوظبي .. و من بعد ما رجع سعيد .. دش حجرته و تسبح .. و من بعد ما طلع من الحمام و هو يمسح شعره من الماي .. تذكر منى .. ماشالله عليها .. انسانه محترمه .. عيبه لبسها و شكلها .. هي مب جميله فالشكل .. انسانه عاديه .. بس عيبه انها من بنات بوظبي .. يعني بنت مدن .. و مع هذا .. كانت متحجبه .. و لا شعره طالعه من راسها .. و لابسه عباه مسكره .. و مب حاطه أي شي على ويها .. اقل شي البنات يحطن كحل .. بس هي مكتفيه بحشمتها .. مع انها بنت ربت دوون ولاية امها او ابوها الي توفوو من هم يهال .. ماشالله عليك يا منصور .. عرفت تربي ..


و منى مرتبشه و ميته من الخوف .. و سكتت و لا قالت لحد عن شي .. خافت لا تستويلها مشاكل و تخترب مخططاتها لهالصيف ..

بعدها بيومين .. خلص مطر دوام الكليه .. و عطوهم اجازه اسبوعين .. و من بعدها بيبدى التطبيق العملي مالهم تبع الكليه بس في مراكز و وظائف عسكريه مختلفه .. عشان يكتسبون خبره و يطبقون دراستهم النظريه عمليا في ميادين الحياه ..

و البنات بدن فحوصاتهن للجامعه .. و غايه مسويه فلم هندي عند فحص الدم ..
غايه : انزين .. دخيلج خلي ايدج خفيفه ..
الممرضه : انشالله ..
غايه و تسحب ايدها و بخوف : انزين مافي طريقه ثانيه ممكن تاخذوون بها دم بدون هالابر .؟؟..
العنود : بذبحج ..
غايه : انا مب شراتج يالمقوي ..
العنود و هي توقف بين غايه و الممرضه و تكلم الممرضه : شوفي انا بمسكها و انتي شوفي شغلج ..
غايه : شو انتو تبون تعدموني .. !!
العنود و هي اطالع غايه بنظره : غايوووه .. عيب فضحتينا ..
غايه : مابا ..
العنود و هي تلف بويه غايه الطرف الثاني عشان ما تشوف الممرضه و هي تاخذ الدم منها : حبيبي غايوووه ما بتحسين ..
استغلت الممرضه هالوضع و مسكت ايد غايه ومسحتها بالمطهر و جان تضربها بالابره .. و غايه من حست بالابره في ايدها يلست تصارخ ..
غايه : اكرهج .. اكرهج .. و الله ما بخلي مطور ياخذج ..
العنود : جب جب ..
غايه : يالعوفه ..

من بعد الفحص .. طلعن البنات و رجعن سويحان .. و كان مطر و هزاع و ام غايه و ميثه حرمة احمد خو غايه و يد غايه يالسين فالصاله ..

غايه و هي تعق غشوتها : السلام عليكم ..
الكل : و عليكم السلام ..
غايه : يالله يا امايه .. ماهان عليج تخاوينا و احنا نسوي الفحوصات ..
ام غايه : ما سارتبكن بخيته ؟؟..
غايه : بخوووت و عموه نوره .. بس حتى .. يعني عنود امها كانت عندها و انا لا ..
ام غايه : حزن .. و انتي شو تبيبي .. ؟؟؟..
غايه : امايه يعور شوفي خذو مني دم ..
يد غايه فز من سمع هالرمسه : شو خذو منج ..؟؟؟؟!!!!..
غايه : دم ..( و هي تمد ايدها مكان الابره ) .. شوف يدي .. ( و كان مكان الابره احمر وااايد )
يد غايه : غربلج الله .. فجيتي براسج لهم يسحبون دمج ..
هزاع : عن البطره .. ما طاح نصها ..
غايه : اليهال ما يرمسون يوم الكبار يرمسون ..
هزاع : عنلالالاتج منو الياهل ..
مطر بلهجة تحذير : هزااااااع ..
هزاع : ما تشوفها تسب ..
مطر : لا سبت و لا شي .. و ختك اكبر منك قدر و حشم منها ..
يد غايه : وووووه غربلاتهم ... سحبو دمج كله ..
غايه : يدي يعور .. ليتك شفت الابره مطولها ..
يد غايه : و نوووره وين عنج .. فاجيتنج يتفرسون فيج ..؟؟؟..
غايه : عموووه نزلتنا و خطفت السوق و ردت علينا من خلصنا ..
يد غايه : ابالج العثره .. انتي شعنه فاجه براسج لهم سودى الويه ؟؟؟..
غايه : حليلي يدي ..
ام غايه : عمي لازم هالفحص تراها تبى الجامعه ..
يد غايه : لا بركة الله فيج من حرمه .. من اصبحتي الا هلو هلو تخابرين في هالتيلفون .. و فاجه بنتج عبرو دمها ..
ام غايه : يا لقعتيه .. شو اسويبها هي بغت الجامعه ..
يد غايه : لا سلامتج هذي يامعة الخراب .. و الا شو يبونه دمها .. زايد ما درى بلعبتهم ..و جان يفتر صوب غايه .. حرمه الي ضربتج بالابره ..؟؟؟..
غايه و هي تظك و تيلس عدال يدها اكثر : هيه ..
يد غايه : من بنته ؟؟..
مطر : هههههههههههههههههههههه .. بيروح يضارب يدي ..
غايه : يدي ما تعرفها ..
يد غايه : شعرفج انتي .. اعرفها اعرفها .. انتي خبريني هي شو من الجبيله ..؟؟؟..
غايه : لا يدي .. هي سودانيه مادري صوماليه ..
يد غايه و هو يفتر صوبها : خيييبه ودووج دار الصومال خذو دمج !!!!! ..
مطر : ههههههههههههههههههههههههههههههههههههههههه ..

و العنود من بدت الاجازه و نومها متلخبط .. ساعات اتم مواصله اللين الصبح و ساعات تنام اللين المغرب و ساعات الساعه 6 الصبح تنش .. و مطر مرتبش من عرس لعرس و احمد معاه .. من دبي للعين لبوظبي .. و راشد راح و سجل في كلية الشرطه و قدم اوراقه و سوى الفحوصات و الحمدلله انقبل فيها .. و البنات من بعد ما طلعت نتايج الفحوصات .. طرشنها بالبريد للجامعه .. و يتريوون القبول الرسمي و اعلان النتايج فالجرايد ..
يوم الثلاثا .. كانت غايه و العنود و امنه بنت خت العنود سهرانات فالصاله الي تفتح عليها حجرة غايه و مطر و عبيد .. و مندمجات و يشوفن فلم دعاء الكروان لأحمد مظهر و فاتن حمامه .. دخل عبيد عليهن فالصاله ..
عبيد و هو خاطف عنهن بيروح حجرته و لا افتر صوبهن : السلام عليكم ..
و ما ردن عليه .. جان يوقف و يشوفهن .. و هن في عالم ثاني .. و كان الفلم في نهايته و شافنه مية مره و مع هذا لازم يصيحن فالنهايه ..
عبيد و هو يصارخ : غاااااااااااااايه ..
فزن من صريخه ..
غايه : بسم الله شوفيك ..؟؟..
عبيد : عنلاتكن .. من ساعه ارمسكن و لا هب عاطياتني ويه ..
غايه : شو تبى ..؟؟..
عبيد و هو ييلس بعيد عنهن : ماشي ..
غايه : سبااال .. و جان تفتر و اتشوف الفلم .. و اندمج عبيد اوياهن و كل شوي يسألهن ..
عبيد : منو هذا الي عنده مسجبه و يوايج ..؟؟؟..
غايه : اففففففففففففففففف .. خال الشغاله ..
عبيد : هيه ..

خلص الفلم و مع هذا تمو متيمعين عند التلفزيون و يشوفونه من قناه لقناه .. عالساعه 3 الصبح .. كان مطر توه ظاوي البيت راد من بوظبي ..
و لقاهم فالصاله .. و من شاف العنود حس قلبه بيوقف .. آاااه فديت هالشوف ..
مطر : السلام عليكم ..
الكل عدا عبيد : و عليكم السلام ..
و العنود موخيه براسها تحت .. و تلعب بصبوعها بالشيله ..
ياويل حالي ع المستحى ..
مطر و عينه ع العنود : امووون شحالج ..؟؟؟..
امنه : بخير ربي يسلمك انت شحالك ..؟؟..
مطر : انا .. انا ربي يساعدني .. الساع ما ببات ..
عبيد : عاد الي بيسمعك .. بيقول شايفلك حد عدل .. و لا جنها عنيدى ..
العنود و هي ترفع راسها صوب عبيد : شووووو !!.. منو عنيدى ؟؟؟!!..
عبيد : شوف شوف .. اذا تبى تعرف البنت ع حقيقتها .. سبها.. بتشوف المستحى و الرقه العدله منهن ..
غايه : عاد انت خبره في ميادين البنات و سوالفهن ..
عبيد : انا .. فديتني و الله .. شوفي انا البنات يربعن ورايه الا انا .. ( و هو يرفع راسه فوق ) ما تنزل لبنت لو منو ما كانت ..
و مطر بعده يشوف العنود .. عنلاتها مسويه شي في ويها ..
مطر باستغراب : عنود انتي شو مسويه بعمرج ..؟؟؟..
العنود و هي يالسه و رافعه ويها صوبه : شووو ..؟؟؟..
مطر : مادري .. احس انج مغيره شي في ويهج ..
جان تفتر العنود بخوف صوب غايه ..
غايه : اه .. لا ماشي .. مب مسويات شي ..
امنه : هههههههههههههههههههههههههه .. يالخوف ..
غايه : امون .. جب ..
عبيد : ايه شو مسويات فعاماركن .. ؟؟؟..
مطر : رمسن شو مسويات في ويهكن ..؟؟؟..
غايه : ماشي .. عنود نشي بنحدر الحجره ..
مطر بغيض : استريحن غلامتين .. و دامكن ع حشمه رمسن شو مسويات ..
امنه : مطر انت ليش معصب لهالدرجه .. مب مسويات شي .. اللهم مشقرات ويوهن بس ...
مطر : شوووووووووووووووووو ..؟؟؟؟...
عبيد : منو ودااااكن الصالووون انتن ..؟؟؟؟...
غايه : والله ما رحنا صالونات ..
مطر و هو يروح صوب عبيد و يرمسه بصوت واطي : ايه شو يعني شقرن ويوهن .. يعني شو سون ..؟؟؟؟..
عبيد و هو معصب : لا و الله ..؟؟؟؟..
العنود : و الله ما رحنا صالونات ..
عبيد : عيل منو سوالكن ..؟؟؟؟..
غايه : احنا برووحنا ..
عبيد : عنلالالاتكن من بنات .. و منو معلمنكن هالعلومه بعد ؟؟..
غايه : شو منو علمنا ..
العنود : غايوه خلاص ..
غايه و هي تفتر صوب العنود : لا مب خلاص .. و الله احنا ما كفرنا ..
مطر : انتو خبروني هالتشقير شو يعني ..؟؟؟..
عبيد : سلامتك .. حرقن ويوووهن ..
مطر : حووووه عنودي .. شعندج يا بنتي .. انا باخذج .. ماله داعي تحرقين ويهج ..
عبيد : قسم بالله .. يا انكن ان عدتنها لا تنولن بالعقال ..
مطر : عبيد عين خير ..
عبيد : لا من اليوم تعلمن هالظوايا .. الله يستر باجر شو بيظون ..
و ظهر عنهم عبيد ..
مطر : عاد بخبركن .. هذا الي انتن سويتنه .. ما اعرفه شو .. الا بزوالكن يا ان عدتنها .. حرام لا احل عليكن بعصى محنايه ..
امنه : هههههههههههههههههههههههههه .. يبلهن ..
مطر : الله يسامحكن .. شمتن اليهال عليكن ..
العنود : و الله احنا ما سوينا شي .. كل البنات يشقرن و يوووهن ..
مطر : بصراحه .. هالتشقير .. حلاج .. حشى قبل يوم اشوفج .. ماشوف بنوته نعومه .. لا اشوف واحد من الشباب .. بلحيتج
غايه و هي متفاعله : شفتي يالبدله .. قلتلج .. شعرج وايد مخرب ع شكلج .. و الله طاعي .. طالعه قمر .. صح مطر ..؟؟؟..
مطر : آاااااه ..
العنود : ههههههههههههههههههههههههههههه ..
مطر : المهم عن هالهذربان .. روحن سولنا سندويجات و عصير ..
غايه : مافينا .. طالع الساعه كم ..
مطر : شو ما فيج .. ريال عندي نشي ..
غايه : و منو هذا الي مايستحي الي ظاونك الفير ..؟؟؟؟..
مطر : احمدوووه ..
فز قلبها من طرى اسمه .. ياربي .. مب قادره تسيطر ع دقات قلبها .. احمد ..!!.. يالله فديته .. من متى ما شفته ..
العنود : فالك طيب يا بو غيث ..
مطر : يا ويل حالي ..
و ظهر عنهم مطر .. و غايه مرتبشه .. يالله .. احمد ..
العنود : بس ايه امنه عندنا .. مافينا بتفضحنا ..
غايه : عنود ماقدر مب بيييدي ..
العنود : امون .. انتي تريي اذا ريتي فلم عدل تعالي و قوليلنا .. بنروح بسرعه بنسوي السندويجات و بنرد ..
و طلعن .. غايه من طلعت و عينها ع الميالس .. فاللحظه شافته .. كان متمدد ع واحد من الكراسي .. و عاق سفرته .. و حاطنها و راى راسه .. و كان يتكلم فالتيلفون .. ما قدرت غايه تمنع نفسها و ما تشوفه .. يالله فديته .. و بدون ما تحس نزلت دمعه من عينها .. جان تفتر صوب العنود ..
غايه : حمدي ربج ليلج و نهارج .. ان الانسان الي تحبينه جريب منج .. و يبادلج شرات شعورج و يحس فيج ..
العنود و هي تلوي عليها : ربي بيقرب البعيد ..
غايه : يالله .. مادري هالانسان شو سوى فيني ..
العنود : الي الله سواه فيج باجر بيسويه فيه .. لا تستعيلين امر ربج ..
غايه و هي تضحك : هو بس عليه يو بيظويني .. بذمتج بيلقى وحده احلا مني ..؟؟؟..
العنود : يخسي الا هو ..
غايه و هي تظربها : اييه لا تقولين عنه يخسي .. عنلاتج ..
و راحن المطبخ و سون السندويجات و العصير .. و وحده شلت صنية العصير و الثانيه شلت الصنيه الي فيها حرارة السندويجات و ظهرن فالحوش بالصياني .. و اتصلت غايه بمطر ..و طلعلهن مطر .. و راح صوبهن .. و غايه تعمدت انها تمشي صوبه .. عشان تقدر اتشوف مطر من قريب اكثر .. و كان بعده منسدح ع الكرسي و يتكلم فالتيلفون .. و كان يلعب بايده اليسار بسماعة التيلفون .. مره يقربها من ثمه و مره يبعدها .. و غايه تشوفه و بتموت .. فاللحظه .. ظحك .. و هي من شافته و هو يظحك ماتت .. ماتت من شكله .. و في نفس الوقت .. ماتت من شي ثاني .. معقوله يكون يكلم وحده ؟؟!!!!..
مطر : سلمتي يابنت معضد .. ننفعج في عرسج ..
غايه : و من قال عسى ..
مطر و هو يغمز للعنود : انشااااااااااااااااااالله ..
العنود : اللين ما اخلص جامعه ماشي .. يعني بعد 4 سنين ..
مطر : بن عروه ..
العنود : لا ماشي بن عروه .. قبل لا اخلص جامعه ماشي عرس ..
مطر : و انتي منو بيشاورج ..؟؟؟
و غايه ترفع عينها صوب احمد و تنزلها .. يالله معقوله يكون يكلم بنت ؟؟؟..
العنود : الشور الا من عقبي ..
مطر : تهبين .. بحدر عليج الحجره و بسحبج من كشتج و بوديج عند المليج و بملج و انتي فاجه ثمج ..
العنود و هي تحرك كتفها : بنشوووف ..
مطر : ايه عنيدى .. لا تخليني احلف انج ما اطيحينها هالخامه ..
و غايه ع كل دقيقه ترفع عينها صوب احمد .. و الي ذبحها انها تشوف و هو يظحك و مستانس .. لالالا ماقدر استحمل هالوضع ..
غايه : عنود خلينا ندخل ..
و افترت غايه و راحت صوب البيت .. و لحقتها العنود ..
العنود : حوووه شعندج ..؟؟؟!!!!...
غايه و هي تصيح : احسه يكلم وحده ..
ماقدرت غايه انها تفكر و الا تنام ذيج الليله .. خلاص بموووت .. و الله اني احبه .. و هو سبال .. يغازل فالبنات .. عنلاته السبال .. و العنود ردت البيت هي و امنه .. و غايه راحت و تسبحت و لبست بيجامتها و بندت ليتات حجرتها تبى تنام .. بس ما قدرت .. راحت و شغلة الاف ام ع التيلفون و حطت ع الخليجيه .. و تمت تسمع الاغاني .. و سمحت غنية ميحد ( ليش ما تنشد عن احوالي .. دامني انشد عن احوالك ...و يوم انت يالغلا غالي ..لا تخلي مغرم ٍ هالك ..)
يالله اكيد اللحين احمد يسير صوب الختم .. يالله .. ربي يعوده لهله بالسلامه انشالله .. معقوله كان يكلم وحده ..!!

فهاللحظه دخل عبيد عليها الحجره .. و يتحسبها نايمه فتم يتسحب الحبيب و يسير صوب الثلاجه ..
غايه : شو تسوي ..؟؟؟؟..
عبيد و هو يفز : هب ..
غايه : هههههههههههههههههههههههههههههههه ..
عبيد و هو يسير صوبها : شو انتي ما نمتي .؟؟..
غايه : لا ..
عبيد : غايوه يوعان ..
غايه : لا والله .؟؟.. و شافت فتيلفونها الساعه و كانت توها اربع الصبح ..
عبيد و هو يمط التيلفون منها : شو تسوين ..؟؟..
غايه و هي اتظهر سماعة التيلفون من ذنها : ماشي كنت اسمع الاف ام ..
جان يسمع عبيد .. و كانت غنية ميحد طال ليلي ..
عبيد و هو ايوول : هيه .. عاشووو .. عاشووو ..
غايه : يالله بالعقل ..
عبيد و هو يغني و ياشر بايده : و الا انا ميت ميت ٍ حيلي .. من مصابي الحب غربالي .. و طال ليلي من تعليلي .. و من تجافي خلي الغالي ..
غايه : ههههههههههههههههههههههههههههه ..
عبيد و هو يفر التيلفون فوق و يغني جان تنمجع السماعه من ذنيه ..
عبيد : الله يغربلها من سماعه ..
غايه : نش الاذان اللحين بيذن ..
عبيد : انزين دخيييلج .. روحي سويلي أي شي ..
غايه : حرام عليك عبود توني متسبحه ..
عبيد : دخيييييييييييلج .. لو سندويج جبن .. دخيييلج ..
غايه : لا اله الا الله .. شوف بروح ثواني و بالبيجامه .. لان عقب الصلاه حيدروه بيي المطبخ ..
عبيد : مب مشكله بس بسرعه .. دخيلج و الله يوعان ..
نشت غايه و طلعت من حجرتها .. و راحت صوب المطبخ .. فهاللحظه .. كان احمد يالس فالحوش .. عطرف و كان يتكلم فالتيلفون .. و شاف غايه و هي بالبيجامه و ظاهره صوب المطابخ .. سكت احمد .. و تم يشوف غايه وهي تنزل الدري بتروح صوب المطبخ .. مع ان مافي ليتات مشتغله .. و الوضع ما يساعد انه يشوف .. بس كان يشوف رسمت جسمها .. شعرها ..
احمد : انزين برايج اللحين .. الاذان اذن ..
.. : بترجع تكلمني بعد الصلاه ..
احمد : لا ما ظن ..
.. : ليش عاد ..؟؟..
احمد : لاني بايت عند واحد من الشباب و عيب عليه انش الظهر و الا العصر ..
.. : مممم .. اوكي ..
و سكر عنها احمد .. و مع هذا ما دخل .. تم يالس مكانه .. ماقدر انه ينش .. مب عارف شو الي صابه .. تم حول العشر دقايق .. بعدها شاف غايه .. فهاللحظه كانت واقفه عند باب المطبخ .. جان تفتر بويها .. شافها .. شاف رسمت خشمها .. شعرها و هي تفتر .. شافها .. و ليته ماشافها .. من شافها و هو يسمع بدقات قلبه اطبول مسموعه .. و تم يشوفها و ها تمشي .. و هي تركب الدري .. لا لاتدخلييين دخيييلج لا .. اللين ما دخلت البيت .. و احمد .. مب قادر انه يتحرك و لا هب قادر انه يتنفس .. فهالانسانه شي مب طبيعي .. شي جذبني و يجذبني لها .. اكيد مب حلاتها بس .. لا .. انا قلبي ليش يدق جذيه ؟؟!!!.. هي مب اول بنت اشوفها ..
احمد و هو يهز براسه يمين و يسار : استغفر الله العظيم .. استغفر الله .. و نش و راح و تمسح و صلى الصبح ..
و راح بينام عدال مطر .. بس ماقدر .. كيف انام عداله و انا بايت اشوف خته ؟؟!!...
ياربي ترحمني برحمتك ..
بالباجر ع الساعه 7 الصبح .. دخل يد غايه عليها و هي نايمه : الغوي .. الغوي .. نشي بنتي نشي ..
غايه و هي نص نايمه : عونك يدي ..
يد غايه : نشي بنسرح فياج العزبه .. بنيب الذبايح ..
غايه و هي تصلب عمرها : ليش يدي بتيب ذبايح ..
يد غايه : معضد بيوي الليله ..
غايه و هي فرحانه : و الله ؟؟؟.. منو قالك ..؟؟؟..
يد غايه : امج تخبرني ..
غايه و هي تفر اللحاف و بدون قصد يى على يدها ..
يد غايه : حووووووووووووووووه .. شعندج اظلمتيبنا ؟؟..
غايه : هههههههههههههههههههههههه .. سوري يدي ..
يد غايه : حزن .. منو هالسوري الي بتظوينه .. ؟؟؟!!..
غايه : لا يدي ما بظوي سوري .. انزين وين امايه عنك ..؟؟؟..
يد غايه : سرحت العين .. انتي نشي تلبسي كندوره .. بدل هالصروال الي متشبطتبه .. ماتقولين الا صروال خان البتاني ..
غايه : ههههههههههههههههههههههههههه .. انشالله ..
و طلع يدها عنها .. و نشت هي و تلبست و ظهرت و سرحو العزبه .. و عزبتهم صوب نصاصه و مابينهم و بينها الا حول ربع ساعه .. عالساعه 11 كانو توهم رادين .. و يد غايه محمل 4 ذبايح في دبة الاستيشن .. و غايه من وقفو السياره نزلت تربع ..
يد غايه : اييه .. يالصخله .. ويت تربعين ..؟؟؟
غايه : حشى .. ازيد ما سرحت عندك ما بسرح ..
يد غايه : تعالي الله يغربلج .. بتساند عليج ..
جان تروحله غايه ... و توها واصله عنده .. جان يضربها بالعصى بس بشوي شوي ..
غايه : يدييييي حرام عليك .. انا شو سويت ..؟؟؟..
يد غايه : البزى يباله عصى ..
و قادت يدها اللين ما قدهم بيوصلون الصاله .. و شافت مطر خوها و عنده واحد بس عاطنها ظهره .. اشرلها مطر عشان تتغشى .. كانت تتحسبه واحد من عيال عمها .. فتغشت ..
و من دخلت هي و يدها نشو ثنينتهم .. كان مطر و الي صدمها ان احمد الي كان معاه ..
يد غايه : السلام عليكم ..
و نشو و سلمو عليه .. و احمد و لو هو ما يبى بس ماقدر انه يمنع نفسه و ما يفتر صوبها .. هي ثواني .. بس حستبه غايه .. افتر صوبي و ابتسم ..
مطر : هاه الشيبه ..
يد غايه : شاب راسك يالخام ..
مطر : هههههههههههههههههههههههههه حليلي ..
يد غايه : يعلكم فدى عن بنت معضد .. حافظ عليها .. سرحنا فياها العزبه و يبنى ذيج الذبايح ..
غايه : السموحه منكم ..
و خطفت عنهم و دخلت داخل .. و قلبها يدق بالقو ..
في هاليوم كانو مرتبشين لان بوها كان ياي من باكستان .. كان مخاوي الشيوخ و توه ياي .. و ارتبشو بالعزيمه .. و من عقب من التعب من خلصت العزيمه دخلت و نامت سيده و لا يلست عند بوها و لا شي ..
بعدها بيومين .. كانت غايه منسدحه ع ريول بوها ..
غايه : باباتي تراك اللين اللحين ما يبتليه هدية النجاح ..
بو غايه : افااا .. امره فالج طيب ام معضد .. الي تبينه ..
غايه و هي تصلب عمرها : اريد ارووح العمره .. دخييلك بويه ..
ام غايه : هيه صدقها يا معضد ..
بو غايه : تم .. ما عندنا الا الغوي .. و الي تباه يمشي عالكبير قبل الصغير ..
غايه و هي تلوي ع بوها و تحبه ع خده : فدييييييييييييييييت روووحك ..
غايه : بس باباتي .. قوم عمي لازم يخاوونا ..
ام غايه : هيه .. نوره ما راحت الا مره من عقب ما غاب حياة حمد ..
بو غايه : افا عليج .. نوره و عيالها في ذمتنا .. و امبوني ما بروحبكم بدونهم ..
و ربعت غايه بيت عمها و خبرتهم .. بس معضد ولد عمها ما عنده اجازه و ما بيقدر انه يكون عندهن محرم .. ف اتصلو بسعيد عشان يرتب وضعه اذا بيقدر انه يوديهم ..
سعيد : انشالله يستوي خير ..
ام العنود : ولديه لا تكض بعمرك ..
سعيد : لا كضه و لا شي يالغاليه .. و انشالله يستوي خير ..
من بعد ما سكر سعيد عن امه .. اول شي خطر في باله منصور .. تذكر ان منصور نفسه كان يبى يودي خاواته العمره .. فهاللحظه .. تذكر منى .. اللين اللحين و هو يشوف شكلها بحشمه .. غير .. مع انه يعرف ان منصور عنده خاوات ثنتين بس فالبيت و الثالثه معرسه و عند ريلها في بريطانيا بحكم شغله في قنصلية البلاد هناك .. و هو يعرف ان خاوات منصور صغار .. اصغر من منصور و من حامد .. يعني في حدود اول العشرين بيكونن .. و مع هذا ... خت منصور كانت حشيمه وايد بلبسها و شكلها .. احشم من العنود .. حتى احشم من غايه ..
اتصل سعيد بمنصور و قاله ..
سعيد : و الله عمي عزمبهم .. و اتصلوبي اليوم .. و من طرو العمره ذكرتك .. قلت جنك انت و الا خاواتك ما بتمانعون ..
منصور و هو يقطع رمسته : لا افا عليك مخوتكم تنشرى بفلوس يا بو عسكور ..
سعيد : من طيب اصلك و الله ..
منصور و هو فرحان : خلاص .. انا بتفاهم مع خاواتي .. و بنتلاقى اليوم فليل و بنتشاور انا و انت ..
سعيد : تمام عيل ..
من فرحة منصور .. ماقدر انه يتم فالشركه .. طلع من دوامه و راح البيت و خبر خاواته ..
منى : لا حرام ..
منال : ليش ..؟؟؟..
منى : لا انريد انرووح سويسرا مع عمووه و بناتها ..
منصور : ما عفتيها سويسرا ..؟؟..
منى : انا ماقصد البلد .. انا اقصد الناس الي بنروح معاهم ..
منصور : انزين و احنا ما بنروح العمره بروحنا .. هل سعيد بيخاوونا ..
منى و هي متكدره : بس هالناس احنا ما نعرفهم ..
منال : منى .. شو احلا من مجابل ربج ..؟؟؟.. لاحقين ع سويسرا و هالبلدان .. بس صدقيني .. ناس وايد ودهم بس لو يوصلون بيت ربهم .. فما بالج يعتمرون ..
منى و هي بعدها متكدره : الي تشوفونه ..
منصور: لج وعد مني .. انج ما بتندمين عرووحتج هذي .. و ان بغيتي بوديج من بعد ما نرد أي مكان انتي تبينه ..
منى : اوكي .. وعد انك توديني عند مهره ختيه في لندن ..
منصور : وعد ..
و فالنهايه .. ترتب الوضع و بيروحون العنود و امها وامنه و يمعه عيال ختها وسعيد و غايه و بوها و حمد و ام غايه و ميثه حرمة احمد و ام غايه و منصور و منى و منال ..

و تحدد السفر بالاربعا الصبح انشالله بيسافرون .. و الكل مرتبش يرتون شنطهم
و في بوظبي ..
حامد : و ليش ما قلتولي ..؟؟..
منصور و هو يقرى اوراق جدامه : ليش ..بتروح ..؟؟..
حامد : .. لا .. بس حتى اتقولولي ..
منال : ليش .. من متى ما شفناك .. كيف تبانا نقولك ؟؟!!!..
حامد : منوول كنت في جزيرة صهير بني ياس .. اففففف عذااااب .. و الله عن مية دار غيرها ..
منى : حموود .. انت متى بتجابل ربك ؟؟..
الكل سكت .. جان يرفع منصور عينه ع حامد الي سكت ..
منصور : شو رايك ترووح معانا العمره ..
منال : اشك .. اغسل ايدك منه .. بيسافر يا بريطانيا يا فرنسا .. و الا بانكوك ..
حامد : لا استريحي .. بسافر معاكم ..
فرح منصور في خاطره .. يالله يمكن هالروحه تغير شي في حامد ..
بس المشكله ان جواز حامد كان منتهي و السفر ورى بااجر و حامد ما اشتراله لا حرام و لا أي شي ولا رتب شنطته ..
منال : اوكي انت جدد جوازك .. و رتب وضعك و الحقنا هناك ..
حامد : انتو كم بتمون ..؟؟..
منصور : مادري و الله .. لان هل سعيد بيخاوونا ..
حامد بخبث : ايووووه .. قول جذيه ..
منصور : خاف ربك ..
حامد و هو يضحك : انا ما قلت شي ..
منصور : نذل ..
حامد : هههههههههههههههههههههههههههههههه ..

و يوم الاربعا .. ع الساعه 8 الصبح .. كانو قوم سعيد فالمطار .. بس منصور و هله بعدهم ما يوو ..
اتصل سعيد بمنصور ..
سعيد : وين انت ..؟؟..
منصور : توني واصل المطار ..
سعيد : اوكي ..
و سكر عنه .. في حدود 10 دقايق .. شاف منصور سعيد و شاف الناس و الحشره الي عنده ..
و منى من شافت سعيد عرفته .. يالفضايح بنرووح عنده و عند هله !!!.. و سعيد من افتر و شاف منصور و خاواته ..
سعيد : هذوه منصور ..
افترو الكل صوبهم .. فهاللحظه وقف قلب منصور .. و تمت اعيونه ادور بينهم عليها .. وينج .. ؟؟..

مطر و هو يمشي و شرب من الديو : مردوده بنت العم .. و ظهر عنها ..

هههههههههههههه مطر شئ ,, جرئ الولد مرررررررره جرئ واصل والرب يرعااك خخخ

سعيد : هلا و الله بالراهي ..

وااااي ياجعلي ماذووق حزنك ,, والله انك جنتل مااان ,, مافي مثلك يالراهي يابو العلوووم الغاانمه ياسيد الرجااال ,, واااه بس ياحبي لك ياشيخ الرجاال
غايه ::
مبرووك فكتها من الثاانويه عقباالي يااارب

متشوقين لاحداث السفرللسعوديه ....


دمتي بود



اختك

سعوديه وكلي عز