[CENTER]


/

ديـم صحت بدري شبعت نوم .. التفت يمين ويسار كل الناس نايمة الساعه 9 نزلت تحت ماشافت غير ام فيصل جآلسة ..

ديم بآبتسامتها : صباح الخير خالتي

ام فيصل من غير نفس : صباح النور .. رندآ نآيمة ؟

ديم: ايه مانامت الا متأخره

آم فيصل سكتت ..

ديم رآحـــت تجيب القهوة والتمر ..

آم فيصل استغربت ليش تعاملها بالمعاملة هذي مع انها بس تفشلها .. ليش لحد اللحين تحاول

تشري رضاها على ان فيصل مو قدآمها علشان تميلح عنده .. خذت الفنجـآل من ديم من غير كلآم ..

ديم : خالتي افطرتي؟

ام فيصل: لآ ..

ديم: تبي اجهز لك الفطور

ام فيصل: لآ بتقهوى اللحين


ديم: بروح اجهز الفطور مع الشغالات اخاف ابوي او عمامي يبونه اللحين



ام فيصل مآعلقت .. ديم ارتاحت جزئيا مارمت عليها كلآم مثل العآدة ..

رآحت ديم للمطبخ بس استغربت ان الباب الي ورى انفتح خآفت .. جت بتشوف مين ..طلعت العنود

ديم فتحت افمهآ : خيــــــــر من وين انتي جايه ؟ وش ذا الفوطة الي على رآسك؟

العنود: بعدين اقول لك مو اللحين المهم فيه احد صاحي؟

ديم: ايه خالتي

العنود: تكفين ديومه لعيون فيصل خبيني مابي احد يشوفني

ديم:هههههههههههههههههههههه

العنود: اسكتي مو وقت الضحك

ديم: جايه من ضاري ؟

العنود: ههههههه من امس انا عنده

ديم شهقت: يمه يالدبه وين والعيال ماشافوك ؟

العنود: ياحماتي المصونه اخوك ودآني حق غرفته

ديم: يمممه منه اخوي طلع مب هين

العنود:ههههه اذكري ربك لاتصكينه عين

ديم:ههههههه ماشاء الله ..


/



{ إيْهَ أنا طِفْلَة مدآمَ إنْ الْـ سَكْوتَ أصَبْحّ طَفولـْهَ
ولآ مَتْعّودَ ضَجيْجيْ يَملأ غَرْورِكـَ شَمآتْه ..؟!

يارَجْلٍ .. مَو بـ الْتَحديْ عَرفّوآ مَعْنّى
.................................................. . الـ رِجْولـهْ
الْـ رَجْلَ / شَخْصّ لجْلْ عَينْ الـْ وِفّآ تَرْخِصَ حّيآتٌهَ ..




آلساعه 5 البنات يصارخون عند ريانه

ريانه: اطلعوا برررررررررررى ماشبعت نوم

جود: والله لو نتركك سنه ماحتشبعين نوم

ريانه: انقلعي يوم دخلت عليكم كلكم غرقانات بسابع نومه اطلعو

شوق: فيه مفاجأه

ريآنه: مابي مفاجآات ابي انوم تكفون

رندآ: يالله بنات بكيفها هي الي راح تطوف المفآجاه عليها

ديم دخلت عليهم: مالبستوآ عباياتكم؟

العنود: الا كلنا لبسنا ماعدآ دب النوم ريانه

شوق: هههههههههههههه

جود: ياحظك ياريانه اكثر وحده تنوم انتي واحسن وحده جسم انتي

ريانه رمت المخده على راس جود : جالسه تنظليني انتي .. اقلبي وجهك انا لما اقوم صعب ارجع انام واذا نمت صعب اقوم ..

امل: هههههههههه هذي معادله مستحيلة الحل يطلع الناتج فآي

ريانه: الله يقرفك على هالصبح جالسه تشرح رياضيات

البنآت:ههههههههههههههههههههه

رندآ: قالت صبح ترى الساعه 5

ديم: الزبده بتروحين؟

ريآنه فتحت نص عينهآ : وين بتروحون؟

شوق: ماراح نقول لك اذا بتروحين البسي عبايتك

ريآنه : يوووووووه منكم يالله بغسل وجهي واجيكم

العنود: ننتظرك تحت ..


ريآنه: يقلع ام الحاله يصحون الوآحد من النوم وهم شبعانين ..

لبست عبايتهآ ولفت طرحتهآ وعيونهآ متورمه من النوم.. مآغيرت بيجآمتهـآ التفاحيه ..و لبست

شنطتهآ الشاموآه الصفرآء ..والشوز آحمر .. والاظافر عليها منآكير بالفوشي ... والعبايه فيها

سترآس بالازرق < انوآع الترقيع



لما نزلت تحت ..

أم مشعل: وش فيك ياريانه؟

العمه صيته: شكلك ماشبعتي نوم

ريانه بخمول : وينهم فيه هذولي ..جننوني اصحي اصحي ولما صحيت اختفوآ

عبير:ههههههههه برى عند الباب

ريانه: وين يبون ؟

ام فيصل: اسمعهم يقولون بيطلعون

مشت ريانه من عندهم

ام عبدالعزيز:ههههههههههه ريانه ماشاء الله عليك معرض الوآن

التفتت ريانه وهي مو فاهمه السالفة تعرفون الي يقوم من النوم تصيبه حالات من الفهاوه ..:00016:


نجلآء :ههههههههههه طآلعي شكلك توحفه

ريآنه: يعني بالله تبيني البس واكشخ علشان رندوه وعنييد واملوه؟

ام فيصل: هههههه شكل الاخلاق تجاريه

ريانه: بقوووة

عبير: اسمعي صوت السيارة يضربون لك هرن

ريانه : طيب بروح ..

شافت السيارة كآنت جمس مضلله .. وقفت تطآلع يمين ويسار ماشافت البنات

ريآنه: ياليل ابو لمبه وين رآحوا فيه ذولي؟

البنات ميتين ضحك وهم بوسط السيارة على ريانه الي وآقفه تتلفت حولها ..

رندآ فتحت نآفذه السيارة: ست ريآنه انتي ماراح تركبين ؟

ريآنه: انتم هنآ ؟

رندآ: ههههههههه لآهنآك

ريانه : يقطع ام الحاله ذي ....

فتحت الباب وركبت ورى ..

امل بصوت قصير : عليك ذكآء مو صاحي

ريانه بصرآخ : اللحين مصحيني وين بتروحون ؟

ديم:ههههههههه مو منك من الوآن الي انتي كاشخه فيها

ريآنه: اقول وين تبون تروحون قولوا لي؟

العنود ضربتها: وطي صوتك وجع عيب

ريانه: ليش اوطي صوتي ... لآيكون بعد تستحين من السوآق

التفت عليها :اللحين انا ســــــــــوآق ياريانه ؟

ريانه: ومن انت؟ سعود؟

: لآ انا تـــــركي

ريآنه شهقت: خلاص بطلت مابي اروح نزلوني

جود: ههههه يعني تفشلتي؟

ريانه: لا بس شكل الطلعه ذي بايخه وحرآم وقتي يروح على اشياء تافهه

تركي بلآ مباله: تبين ارجعك؟

ريانه : اكيد

رندآ: تركي ماعليك منهآ ودنآ بس خلنآ نشتري آيس كريم

تركي : على هالخشم يارندوش

تركي عدل المرآيه على ريانه الي سكتت ومافتحت فمهآ ولآ بكلمة من القهر الي فيهآ .. وبعدهآ شغل السي دي ..



هاذي عسـى ربـي يسامحهـا وإلا أنـا مانـي مسامحهـا
تحاول بأطرافها تستر و هو اللـي أكثـر شـي يفضحهـا
أن جلست يـورد الكرسـي توقـف الدنيـا مسارحهـا
لأنها خلاصـت فتنـه الفتنـه الله ماأحلاهـا ومملحهـا

لا مشت على الرصيف يقول ياكوس تكفى هب وأطرحها
آيه من آيات الله العالـي كـل شـي يتمنـى يصافحهـا
الحزن يضحك كل ماتحزن والفرح يبكي كـل ماأفرحهـا
الله يحفظـهـا ويحميـهـا والله يهديـهـا ويصلحـهـا

ترخصني أحيانا وتجرحني وأنا اللي أغليهـا ولا أجرحهـا
أحبها بجنـون وبطيبـي تزعلنـي وأنـا اللـي أصالحهـا
قولوا لها ياهل الجنوبيـة تـرى الجفـا ماهـو بصالحهـا
مـآ تخســـــر الأنسان والشاعر اللـي يقدرهـا ويمدحهـا

بعض الغلا كتمانه أحسن له ياليتنـي ماكنـت أصارحهـا
الحب له سلطه ولـه هيبـه وإشيـاء لايمكنـي أشرحهـا
ياراشد بعض الغلا كتمانه أحسن له ياليتني ماكنت أصارحها
الحب له سلطه ولـه هيبـه وإشيـاء لايمكنـي أشرحهـا
لئيمة تدري أنها جنونيـة ودك بعـض الأحيـان تذبحهـا
من كثر ماهي حلوه موت تحس هي اللي مختاره ملامحها



البنآت يضحكون ويسولفون .. وريآنه ميته من القهر مانطقت ولا كلمة من رآحوا. . .تركي لآحظ هدوء

ريانه كان نفسه يتحرش فيها يرمي كلآم بس هي ماساعدته ظلت ساكته طول الوقت على رغم


تريقة البنات بس مافتحت فمها ولا بكلمة ..



رندآ : وش عندنآ ساكتين

ديم : تلآحظين انتي

العنود: شكلها قافله معاها

تركي:هههههههههه

امل: ياويلكم من ربي اللحين البنت طفشانه وش تبون فيها

شوق: هههههه بس موب العاده يعني كلنا نعرف هبال ريانه

جود: ماشااء الله دايما تلجنآ بصرآخها

تركي:هههههههههههههه


ريانه انقهرت من ضحك تركي .. وحبت تردهآ له ..



ريآنه : بنــآت فيه قصيده مرة خطيرة ابي اسمعكم اياها

رندآ: اخيرا تكلمتي

جود: سمعينآ ..

ريآنه علت صوت الجوآل وهي تطآلع لتركي ..


يُوم أحبك قلت كلمه : ( يكرَم المرء أو يُهان )وإنتَ قلبي ما كرمته وما قدرت إنِّـك تهينـه !

[ عزِّتي ].. ما هي جديده آنا شامخ من زمان
إغسل إيدك من رجوعي وروح , يا إبن اللذينه

طاب خاطر قلبي منِّك وهذي الفرقـى رهـان
حتَّى لو قلبي يحبـك ربِّـي بفراقـك يعينـه

تدري لما قلت أحبك قلت .. وما عندي ضمان
وإختياري كان خاطىء تجربه بالحيـل شينـه

كنت تخطي وكنت أسامح مرَّه / مرتين / وثمان
أدمح الزله عشانك .. وأكتـم أنفـاس الغبينـه

كنت أحبك / كنت أعزك , والغلا فيني جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

خطوتي الأولى غيابك , راح أطبّقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه



ديم: صح لسان من كتبها

شوق: تجنن مرررررررة

ريانه: آكيد بتجنن دآمها مني

العنود: سكت دهرآ ونطق كفرآ

البنآت :ههههههههههههههههههههههه

تركي عصب من حركتهآ وباين ان القصيده موجهه له بس سكت ماحب يخرب الوضع لانه هو مرتب

خطه ماحب يتهور و يخربها ..





وصلوآ البنات نزلهم تركي عند البآب .. و آخر من نزل ريانه بحكم انها جالسه ورى آخر شي ..

تركي : مين الي كتب القصيدة ..

ريانه: مآلك شغل ..

مشت وتركته وهو مستغرب منهآ

... تركـــــــــي ...

والله لآخليك تدفعين الثمن غالي يابنت عمي وقريب ان شاء الله ..



/



نجـلآء وعبير طآلعين يلعبون بزآرينهم بالمرآجيح الي برى ..

عبير: ابشرك قررنآ نخطب لطآرق

نجلآْء : ع البركه .. مين بتخطبون له ؟

عبير: جود ..

نجلآء: جود بنت خآلي ؟

عبير: ايه

نجلاء: ماشاء الله عرفتوآ تختآرون له ... جود تستاهل كل خير

عبير: أي والله .. امي ميته عليها

نجلآء: ومتى ؟

عبير: اول مانرجع ابوي وطارق راح يطلبونها رسمي

نجلآء: الله يوفقهم ويكتب لهم الي فيه الخير ..

عبير: انا بدخل ابي اروش البزآرين توصخوآ ن اللعب بالترآب

نجلآء : زين تسوين اجل انا بعدك صايرين بالدورههههههههه

عبير:هههههههههههههههه

جــآء فارس من بعيد يلتفت يمين وشمآل ..

نجلاء عدلت حجابها : فارس تدور على مين ؟

فارس: هاه لا بس انا انا ادور آآآآآ... ايه على خويلد

نجلآء : خويلد ؟

فآرس : ايه وينه؟

نجلآء :ههههههههههههههه

فآرس: وش يضحكك يامرت اخوي ؟

نجلآء : بس خالد له ساعه واقف قدآمك يلعب مانتبهت له و لآ كيف؟

فآرس استحى :ههههههههههههه وش درآني فيه ولدك هذا اسمه عقله الاصبع مدري طالع على مين بالقصر

نجلآء: وش قصدك

فارس: الي على راسه بطحـآ....

نجلآء :ههههههههههههههه

فارس: انا بروح عن اذنك

نجلاء ترمي كلآم على فآرس: فارس ترى وانت نايم البنات طلعوآ مع تركي وشكلهم رجعوآ

فارس: افا يالخاين تركني طيب بروح اموته


/

{ هي مسألة وقت بس وتفهم احساسـي
انّي على شان حـبّك أطـلب فراقك


رندآ : بنات خلونآ نطلع برى ونآسه المغرب والجو حلو

آمل: بس حر

العنود: اصبري علينا اللحين نبي نريح شوي وبعدهآ بنلعب بالدبابات

رندآ: مابي آجلس... ابي اتمشى من تقوم معاي؟

البنات ساكتين مالهم خلق

رندآ: ديموه مو انتي مرت اخوي وانا حماتك المفروض ماتردين لي طلب

ديم:هههههههههههه

جود: الحمد لله اني ماتزوجت هع

رندآ:ههههههههه يالله قومي خلينآ نتمشى ..

ديم: طيب يالله ..


طلعوا ماسكين يد بعض .. رندآ زفرت ..

ديم على طول فهمتهآ

ديـــم : تدرين انه جآء اليوم للمزرعه ؟

رندآ: آيه ... وشفته بعد

ديم: اماانه

رندآ: وربي

ديم: طيب وش قالك.؟ فاتحك بالموضوع ؟

رندآ بحزن وعيونه مليانه دموع : تبين تعرفين ايش قالي؟

ديم: آكيد قالك بموضوع الخطبه

رندآ: لآ .. عزآني بوفاة فهد الله يرحمه

ديم سكتت شوي مآعلقت ..

ديم: طيب وش فيها يسوي الوآجب معاك

رندآ : يابنت الحلآل انا اساسا بشيلة من بالي وماراح يأثر فيني

ديم: بتقنعيني ان سعود مو مأثر عليك

رندآ: ايه ولا عاد يهمني

ديم: مشكلتك عيونك دآيما تفضحك .. لسانك يقول كلآم غير وعيونك وقلبك يقولون غير كلآمك ..

رندآ صدت عن ديم ماتبيها تشوف دموعهآ ...

ديم: رندآ انتي كذآ تذبحين نفسك وانتي مو حاسه انتي تحبينه وهو يحبك واللحين لما جاء يبي يتقدم رسمي ترفضين اصحي ..

رندآ : خلآص ديم والي يرحملي وآلديك روحي عني بجلس شوي لحالي

ديم: برآحتك بس اسمعني حرآم عليك الي تسوينه انتي تظلمين نفسك وتظلمين سعود معآك ..


رآحـت ديم من عندهآ ... ظلت رندآ وآقفه قدآم البيت الزجآجي الي مليان ورد .. مسحت دموعهآ

حاولت تصير اقوى من كذآ ماتبي تضعف قدآم حبهآ وبعدين يأنبها ضميرهـآ ..حاسه بالذنب اتجاه فهد

ماعيشته اللحظات الي يستناه كل وآحد مع خطيبته ... لو بتوآفق على سعود كيف راح تدآري كلآم

الناس وكلآم اهل فهد .. مافيه طريقة غير اني ارفضه ..


فتحــت بآب الغرفة الزجاجيه ولما دخلت فتحت اليتآت الخفيفه اشكآل الورد تجنن وريحة عبيرهم

مغطيه المكآن الورد كل لون فيه وكل شكل فيه ..

مشت تتفرج على انوآع الورد .. دخلت عليه دآنه وكآدي بنآت نجلآء وعبير باستهم ومسكتهم ..

وجلست تعلمهم انوآع الورد .. والبنات مبسوطآت مع رندآ ..

ولما جت بتطلع شمت ريحة عطر قوية هذي الريحة الي مو ممكن تنساها... ريحة عطر سعود التفتت

يمين وشمال نفسها لو تتخبى علشان ماتقابله بس انصدمت لما صار وجهها بوجه سحبت الطرحه

وتغطت عنه ..

سعود: مسآء الخير

رندآ قلبهآ يدق : مـ..ـساء ااالنـ....ـور

سعود: انا اقول وين الحلوآت اختفوآ طلعتوآ عند الورد

كآدي: عمو ثوف الولده الحملا اثمها دولي [ عمو شوف الوردة الحمرآء اسمها جوري ]

سعود: شطوورة كيف عرفتي انها جوري

الدانه: لندا علمتنا وهذيك اثمها ياثمين [ رندا علمتنا وهذيك اسمها ياسمين ]

سعود: زين الي علمتيهم

رندآ ابتسمت من غير ماتتكلم ..دق جوآلها طلعت تكلم وسعود يسمع لها

رندآ : خلآص ديم لاتغثيني الي فيني مكفيني .. قلت لك لآ .. ماراح اغير رآي ارحميني يكفي اللحين انا عنده .. [رندآ هي تصيح ]

سعود سمعها راح وقف قريب منها من غير ماتحس لانها معطيه الباب ظهرها .. ولما سمع صوت بكيهآ خآف ..


رندآ تبكي: ايه احـــــــب سعود واموت على التراب الي يمشي عليه .. بس ماراح اتزوجه خلاص فكوني .. ايه قولي لفيصل يالله

سكرت الجوآل ومسحت دموعهآ .. تظاهرت انها قوية علشان تدخل وتآخذ كآدي والدانه من عند سعود ..

سعود: كلآمك متناقض تحبيني وتبين ترفضيني شلون [ صرخ سعود ] فهميني؟

رندآ: سعود افهمني انا توني طالعه من مصيبه .. وانا مارفضتك بس كذآ

سعود: حسافة تفكيري فيك وكل الاوقات الي عشتها على انك تحبيني...

مشى سعود وقلبه يعتصر من القهر الي هو فيه ..

رندآ : لحظة سعود ..

سعود: وش بقى بعد غير الي قلتيه؟

رندآ : وربي آحبك وماراح احب غيرك بس انا رفضت علشانك انت... ابيك تفهم اني مابي اتزوج علشانك انت

سعود وعيونه تلمع من الدموع الي مجتمعه : لا انا ماني فاهم أي شي من الخرافات الي انتي

تتكلمين فيها .. يعني تحبيني وماتبين تتزوجين شلون تصير هذي ؟ انا الي ضحيت باشياء واشياء

علشانك انا الي مافكرت احب او اتزوج غيرك انا الي ماحركت قلبي بنت غيرك انتي ليش تسوين

فيني كذا حرام عليك ... انا كل الي احلم فيه رضاك وسعادتك انا مارحت فاتحت عمي بالموضوع الا

علشان اشوف رايك قبل .. رندآ ابيك تعرفين شي وآحد انه ماراح اتزوج الا انتي وراح استناك لو

اجلس العمر كله ..



مشى سعود وترك رندآ الي تبكي من كل قلبها على كلآم سعود .. اسلوبه .. نظرآته..عيونه ..واضح انه يحبها ..



/


الحريم مجتمعين برى بالدكه والشاي والمعجنآت عندهم .. والسوآليف ماتخلص ..والضحك والاستهبال من البنات.. العنود رجعت من برى وجههآ آصفر ..


العنود : يمه سعود بيرجع للشرقية ويقول يبي يسلم عليك

ام مشعل: وشو ؟ ماجاء الا الصبح كيف يرجع بالسرعه هذي ..

العمه صيته: ليش ؟ مو قايل بجلس عندكم يومين؟ وش الي قلب رآيه ؟

العنود: مدري كآن هالجدآر يدري فانا ادري ..

رندآ مسكهآ قلبهـآ .. آكيد انا السبب كله مني ... الا متى وانا اكابر .. خلآص لازم انهي الموضوع ..



رندآ سحبت ديم من يدهآ:تعالي ابيك

ديم: انت وش مسويه الي خليتي سعود يرجع للشرقية؟

رندآ: ديم مو وقتك قولي لفيصل اني خلاص وافقت على سعود .. واذا لي خآطر عنده يجلس

مايسآفر .. طآلعي شكل خالتي ام مشعل كيف متضآيقة وآكيد عمي زعلآن انه راح يرجع .. تكفين

تحركي

ديم: خير رندآ .. هذا زوآج مو لعب .. فكرتي ؟

رندآ:من غير تفكير ... انتي ماتعرفين سعود ايش يعني لي .. وكم تمنيت اللحظة الي يتقدم لي فيهـآ ..

ديم : آكيد

رندآ صرخت بوجههآ: يالله عآد تحركي

ديم راحت تتصل على فيصل وقالت له .. فيصل تفاجأء مايدري ايش السبب الي مخلي رندآ توآفق

وسعود مارضى يقول لفيصل ليش هو متضآيق ..


ركب سعود السيآرة بس شاف فيصل يطق النافذه عليه ..

فتح سعود النافذه : خير فيصل تبي شي قبل مآمشي..؟

فيصل: بركب معاك شوي ممكن ؟

سعود: بس انا بسآفر اللحين

فيصل: دقايق ياولد العم ماهي ضارتك ..

سعود: خير .. ايش صاير ؟

فيصل بمرح : ابي البشآرة ..

سعود: على ايش ؟

فيصل: مو تبي تتزوج .. العروس وآفقت

سعود نص ابتسآمه : ياحليلك اللحين موقفني علشان تنكت معآي

فيصل: وش الي انكت فيه .. ياخي رندآ وآفقت ..

سعود: فيصل تكفى ماني ناقصك انت الثاني الي فيني مكفيني ..

فيصل: وربي توهـآ ديم كلمتني تقول ان رندآ تطلبك مآتسافر اذا لها خآطر عندك

سعود: اسمح لي انا بسافر ومانيب فاضي ..

فيصل: يعني شلون رندآ مالها خآطر

سعود: كآن لها خآطر

فيصل عصب: سعود وش تقول انت .. اللحين انت مو تبيها وجننتني على مافتحها بالموضوع ليش اللحين ماتبي؟

سعود: اسألها ..

فيصل : لحظة بتصل عليها ..

سعود مسك جوآل فيصل: لا.. لاتتصل اللحين اذا رحت اتفاهم معاها

فيصل سخب منه الجوآل واتصل على رندآ...

فيصل: رندآ انت قايله شي لسعود؟

رندآ تلعثمت: آآآآ ... ممم ايه

فيصل: وش قلتي ؟

رندآ: قلت له اني مو موآفقه ..

سعود يناظر له ..

فيصل: طيب وديم الي قبل شوي اتصلت علي وتقول انك وآفقتي يعني تلعبين انتي ولا وش قصتك بالضبط ؟

رندآ ماقدرت تتحمل جلست تصيح ..

فيصل: رندآ وش فيك تبكين ؟

سعود تضايق لما عرف ان رندآ تبكي: فيصل خلآص لا تضغطون عليها هي قالت رآيها وانا احترمه

فيصل: وش فيك تكلمي؟ احد غاصبك؟

رندآ : فيصل والله آحب سعود احبه

فيصل: تحبينه؟ طيب ليش ترفضينه؟

رندآ: انا رفضت علشان محد يتكلم عليه ويقول مامدآها بنت عمه يموت خطيبها وهو يطلب يدهآ


يعني راح يفكرون انه بيني وبينه شي ... وانا مابي احد يفكر فيه تفكير شين .. فهمتني؟

فيصل ابتسم : واللحين انتي موآفقه ولآ لا ؟

رندآ: آآ .. ايه موآفقه..

فيصل: اوكي انا راح اقوله يالله فمآن الله

رندآ: فيصل فيصل

فيصل : هلآ ..

رندآ: طلبتك قول لسعود لا يسافر .. خالتي متضآيقه علشانه

فيصل: من عيوني ..[ سكر فيصل الخط ]


سعود سآكت .. وفيصل يطالعه

فيصل: ماتبي تعرف سبب رفضهآ

سعود: وش السبب؟

فيصل: تقول لانها تحبك رفضتك

سعود ضحك من قلبه :ههههههههههههههههههههههههههههههههههههه

فيصل: وطي صوتك فضحتنا اللحين يقول انهبل

سعود: انا من زمان انهبلت من حبيت اختك وانا صاير مهبول

فيصل: اسمعني البنت ماتبي احد يغلط عليك او يتكلم فيك وخصوصآ اهل فهد وقرآيبه تقول بعدين

راح يفكرون في سعود تفكير شين وغير كذآ راح يشكون فيه .. لعلمك هي تبكي من شوي وقالت

لي انهـآ تحبك

سعود: يعني شلون هي موآفقه

فيصل: وهذي يبي لها كلآم .. آيه موآفقه..

سعود ضم فيصل: ياحبيب قلبي انت يابو البشاير السنعه ..

فيصل: بس طلبت طلب

سعود: هي تآمر بس

فيصل: هههههه تقول لا يسافر سعود خله يجلس عندنآ علشان امك وابوك الي متضايقين

سعود: على هالخشم وسفره مافيه اللحين بجلس يومين

فيصل: كفو والله



/


{ مـــآلع ـــبْ فيّ { ح ــسبتيّ } غ ــيرٍكَ وٍرٍبيّ

ليـــنْ وٍصلنــيّ غ ــرٍآمكَ { للهبــــآلْ }

لينْ صآرٍوآ النـآس~ ينشدوٍنْ ~ وٍشبيّ ؟

وٍينْ رٍوّح كلْ إبوٍ هـآكَ الج ــمــآلْ

إنـآ بسألكَ : منْ زٍوٍد غ ــلبيّ

وٍش مذللــنيّ وٍإنــــآ ( بنتْ الرٍج ــــآلْ ) ؟؟؟!




آمل: جود تعالي ابيك

جود قامت من عند الحريم ودخلت مع آمل للملحق..

جود: خير ؟

آمل: الخير بوجهك اسمعيني انا جايبه ملآبس تنكر اوكي ونبي نطلع على البنآت واحنا متنكرين وش رآيك

جود: حلو وش جايبه ؟

آمل: جايبه ملآبس درآكولآ .. وجآبيه ملآبس مصرية حقت الصعيديات

جود: حلوووووو يالله خلينا نلبس

آمل: بس نبي مكآن بعيد عن البنآت علشان مايشوفوننآ ويخترب السربرآيز ..

جود: اوكي تعالي نروح للمغآسل الي بآخر المزرعه ..

آمل: مكآن حلو مستحيل راح يعرفون ويننآ فيه..


آخر المزرعه وبالحمآمآت وانتوآ بكرآمه ..

جود قدآم المرآيا تصبغ وجههآ بالباودر الاسود وركبت الاسنآن الي يطلع منهم دم .. شكلهآ يخوف

مرة .. طلعت آمل من الحمآمـآت وهي لآبسه جلآبيه مصرية لونهآ فسفوري صارخ ضيقة على

جسمهآ وفتحـآت طويلة توصل الى ركبهآ ... وحآطه على خصرهآ ربطآت الرقآصات المصريـآت ..

ولابسه اسآور ذهب " فالصو" مثل حقآت المصريات الصعيديآت والاساور معبيه يدينهــآ .. وحآطه

على شعرهآ ايشارب المصريآت باللون الآحمر .. شكلهـآ تووحفه وبالجـلآبيه مسطعتهآ اكثر ..طآلعه

بنعومتهـآ تشبه ممثلآت السينمـآ..



جود:خخخخخخخخ والله شكلك يخقق لو يشوفك وآحد من الشباب الا يتسطل

آمل:هههههههه وجع يالدبه

جود: وربي تشبهين وش اسمها ذي المصريه الي بمسلسل ايظونه؟

آمل: مي عز الدين

جود: ايووووووه عليك نور

آمل:هههههههههه حتى انتي امي لما لبست الجلآبيه قالت لي كذآ

جود: ههههههه احد يحصل له يشبها لها

آمل:ههههههههههههه اخاف اقول اني احلى منهآ وبعدين تقولون عني مغرورة مثل رندآ وريآنه

جود :هههههههههههههه ... وش رآيك طيب فيني

آمل: تخوفني ولا كنك جود اسمعي ورى ماتلبسين العبايه الاسلآميه الي تنحط على الراس

تعرفينهآ تغطي ملآبسك وتصيرين وحش عن حق وحقيقه

جود: اجل دقايق بروح اجيب العباية

آمل وقفت قدآم المرآية تحط روج آحمـــــــــــر

نزلت راسها تجيب الكحل من الشنطة بس سمعت صورت فآرس ورآهــآ ...ومعاه آخوها عادل ولد

عمها مآجد .. تركت الاغراض بمكآنها لان الصوت كل شوي يقرب ودخلت للحمآمات ..

فارس : عادل روح شوف ليش المغاسل مشغلآت اللمبات فيها لآيكون نسيم ولآ فرانكو هنآ

عآدل : طيب

فارس: مجود يالله انت الثاني روح شغل اللمبات حقات ساحة الدبابات نبي نلعب

مآجد: ابشر ماطلبت شي



دخل عادل ماشاف احد جاء يبي يسكر اللمبات

آمل: لحظة لحظة عدول

عادل: مين؟

آمل: انا اختك امل

عآدل: وش فيك هنا؟

آمل: معاك احد؟

عادل : لا

آمل فتحت باب الحمام وطلعت عادل لما شافها بالشكل هذآ فطس ضحك

عآدل:هههههههههههههههههههه

امل:وجع وش يضحكك ههههههههههههه

عآدل: طالعه مثل خلآقين نعمة الله مرت الحاج متولي

آمل:ههههههههههههههه


عآدل:ههههههههههههههههههههههههه

فآرس سمع صوت ضحك عآدل .. رآح لعندهـ لما شافه تأخر عليه

دخل عند المغآسل وشآف آمل بالشكل هذآ .. طآرت عيونه مآقال ولاكلمة

دخلت بعده على طول جود

جود فتحت افهمهآ: هيه هيه هيه وش تبون هنآ يالله برى؟

عآدل التفت شآف فآرس: وانت من متى هنآ ؟

فآرس: آآآ قبل دقايق

آمل دخلت الحمام بسرعه من شافت فآرس

عآدل: ياخي تحمحم قولي شي مو تدخل كذآ

فآرس: اقول طير ياشيخ خفت عليك قلت هذا يضاحك مين بوسط الحمامآت ؟

جود: وهو صادق عيب تدخل كذآ

فآرس : لآحول منكم .. خلآص اخر مرة .. بس والله الي شفته ماهو شوية

عآدل: وجع هذا وانا واقف قدآمك

جود: عز الله انك ماتستحي

فآرس يصارخ: بتـــــــــــــــــــزوج ياناس ماقدر

آمل تضحك بصوت قصير ..

جود: عدوول خذ اخوي وطلعه برى شكل الاخلاق خربت

/

تركي دخل على الرجـآل وكلهم مجتمعين عمامه وابوه وخاله عبدالرحمن والشباب كلهم ..

تركي كان مبسوط .. طاير من الوناسه .. حتى ماقدر يجلس بمكآنه

ابو عآدل: وش فيك تركي وآقف اجلس؟

تركي: خـآلي .. يبه عمامي ياناس باركوا لي

ابو فيصل طآرت عيونه: نبارك لك على ايش؟

تركي: يبــــه جتني بعثه بكمل درآستي برى

فيصل: يعني انقبلت خلآص

تركي: ايه ونسبة الي قبلوهم 30 % وانا منهم

الكل: مبروووك .. الله يوفقك

ابو عبدالعزيز: وين بتسافر ؟

تركي: نيوزيلندآ ..

ابو مشعل: وكم بتجلس؟

تركي: اربع سنين

ابو فيصل تضايق: ياولدي اربع سينين؟ ماكآنها كثيرة؟

فيصل: يبه هذي فرصة عمره المفروض مايفوتها

ابو مشعل: بس ياولدي مايصلح تسافر وانت عزوبي يعني يبي لك مره تراعيك وتهتم فيك

ابو عآدل: لاتحطمون الولد .. اسمعني وانا خالك اذا تبي تسافر سافر ... بس لازم تتزوج قبل ماتسافر

ابو فيصل: كلآم خالك صح .. انا بقول لآمك علشان تدور لك

مشعل: ماشاء الله عليك عرس وسفر

عبدالعزيز: عسى الله يوفقك ويهنيك ياولد العم

تركي: الله يبارك فيكم يالغاليين ..

فيصل: يعني بتروح وتتركنآ ؟

تركي: هههههه

جلسوآ يتكلمون بسالفة العرس والسفر وتركي متوتر شوي .. اطرآفه ثالجه من الارتباك .. اخذ نفس عميق وعد 1 2 3

تركي: ياجمـآعة الخير.. دآمكم مجتمعين ابوي وعمامي وخالي فيه انا ابي اقول لكم كلمتين ..

الرجآل: تفضل ..

تركي: يبه .. عمي محمد انا بصرآحة ابي اتقدم واطلب يد بنتك ريـآنه

العيال يطالعون لبعض مو مصدقين الخبر ..

ابو فيصل: بس ياولدي ريانه صغيره

ابو مشعل: انت متأكد تبي ريآنه بنتي ؟

تركي: ايه متأكد يــآعمي اني ماراح القى احسن من بنتك واذا على درآستهـآ راح تكملهـآ معاي برى .. هذا انا طلبتهـآ قدآمكـ وقدآم هالوجيه الطيبة وان شاء الله ماتردني

مشعل يطالع لمشاري .. مو مستعوبين ريانه اختهم الصغيرة المدلعه ام لسانين ..

تركي قلبه يدق بقوة ينتظر كلمة من عمه ... خآف يردهـ عمه او ابوه يهاوشه او فيصل يزعل منه لآنه ماعطى أي شخص فيهم خبر ...

ابو مشعل سكت شوي: والله ياولدي ماراح احصل رجال احسن منك لبنتي ريانه ... ومثل ماقلت لك ريانه صغيره وماتعرف مصلحتها علشان كذآ اعتبرهآ موآفقه ..

ابو فيصل: بس ياخوي لازم تشاورهآ ..

ابو مشعل: انا بقولها بس هذي كلمة رجآل لرجآل البنت لك ياولدي ..

تركي قام باس راس عمه ... وراس ابوه ..

وكلهم قاموآ له يباركون له ...

مشعل: متى ناوي تسآفر طيب؟

تركي: الشهر الجآي ان شاء الله ..

فيصل: طيب مافيه وقت علشان العرس؟

تركي: انا مابي عرس كبير انا ابي عرس بسيط وعائلي مانبي بذخ وفسق بالزوآج ابيه يكون حفلة

بسيطة ندعي اهلنا وقرايبنآ وبعدهآ نسافر واذا رجعنـآ بالعيد اعملوآ حفلة كبير وش قلتوآ ؟

ابو فيصل: شورك وهدآية الله ..

فيصل: الف مبروك يابو تروك سويتها وتزوجت يعني

تركي: ههههههههههه

فآرس: يالخاين مو اتفقنآ نتزوج بيوم وآحد ؟

تركي: ههههههههههههه اذا رجعت ان شاء الله من السفر نسوي حفلة لي ولك

سعود: الف مبروك ان شاء الله

تركي: الله يبارك فيك والفال لك

مشاري: يعني بتتزوج قبلي يالدب

تركي:هههههه شفت شلون ..



/

نهآية البارت ..

تتوقعــون ايش رآح تكون ردة فعل ريـآنه لما تسمع بالخبر ؟

بتسوي شي وتوقف هالزوآج ؟

العنـود وضاري هل هذا الهدوء هو الي يسبق العآصفه ؟

انتظر توقعــآتكــم .. وآرآئــكم ...


..... غـــرور الهــلآل ....[/CENTERD